Post: #1 Title: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 05:24 PM
سنوات جميلة جمعتني بهذا الإنسان الرائع في مدينة الرياض،،
ضغوط العمل في السعودية قلما تتيح فرصة أن تغوص في أعماق أصحابك،،
وياسلام لما تلقى الواحد رائق ومرتاح البال ويبدو لك بأن تلتقيه لأول مرة!!
===
Post: #2 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 05:27 PM Parent: #1
مولانا أحمد محمود الشايقي ،، أحد أقوياء هذا الزمن وأحد الأنقياء في هذا المكان الفسيح،،
المستشار القانوني باحدى أكبر الشركات بالمنطقة،
نلتقي في فعاليات الرياض،، في بعض أتراح الناس وأفراحهم،، في بعض شأنٍ لنا يقتضي تجمعنا كل حين،،
في كل هذه الآونة لم يكن صافياً كما ألتقيته في أمستردام : سبتمبر المنصرم،،
=
Post: #3 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 05:31 PM Parent: #2
صدقت هذه المقولة عن كثب : الزول كان دار تعرفو : سافر معاه!!
= الإعتذار الشديد لأصدقائنا في أمستردام،، فقد كان الجدول مضغوطاً بالنسبة لأحمد والإقامة قصيرة بالنسبة لي،، =
Post: #4 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 05:36 PM Parent: #3
Post: #5 Title: Re: مولانا أحمد الشايقي : ما أحلى صحبتك على ضفاف الراين!! Author: ود الباوقة Date: 10-20-2010, 05:42 PM Parent: #4
الاستاذ احمد الشايقي
نعم الرجل اخي عبد اللطيف
التحية له ولك .....
Post: #6 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 05:44 PM Parent: #4
هذه المدينة الجميلة الساحرة (أمستردام) : رغم أسمها الكبير إلا أنها توحى إليك بمعرفةٍ قديمة ولا تحس أنك تتفحصها لأول مرة!!
أهلها في غاية الطيبة ، وغاية الفاعلية والتواضع،، هم ، على دراجاتهم، لا يلوون على شيء ، تاركين لنا التفحص في هندسة المعمار وأسرار قنواتها المائية،،
في تلك الرحاب الملهمة إلتقيت صديقي أحمد،،
زاد وجوده من ألق تلكم الأيام بنكهة لم أجد بداً من نثرها ههنا علنا نفرد حيزاً للإحتفاء ببعض الموجودين بيننا وبين جوانحهم الكثير المثير الذي يتوارى خلف قسوة السياسة!!
Post: #7 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 05:47 PM Parent: #6
Quote: الاستاذ احمد الشايقي
نعم الرجل اخي عبد اللطيف
التحية له ولك .....
وأنت أيضاً أخي عمر : نعم الرجل والصديق الذي تشرفت بصداقته ومعرفته عمراً مديداً في هذه المدينة الأسمنت!!
جميل أن أتلقى شهادتك فيه وأنتما على طرفي نقيض في ساس يسوس، وهذه رسالة لقساة اللفظ لحظة الإنفعال ولحظة الإختلاف!!
شكراً عمر،،
Post: #8 Title: Re: مولانا أحمد الشايقي : ما أحلى صحبتك على ضفاف الراين!! Author: معاذ حسن Date: 10-20-2010, 05:52 PM Parent: #6
يا عبد اللطيف سلام وين الحي بيكم احمد اخو اخوان والله يحب الناس ويحب الخير للناس لا انسى مطاردته لي وعرضه عليّ وظيفة ممتازة قبل عامين تقريبا التحية لكما وأدام الله الود والمعروف
Post: #9 Title: Re: مولانا أحمد الشايقي : ما أحلى صحبتك على ضفاف الراين!! Author: معاذ حسن Date: 10-20-2010, 05:54 PM Parent: #8
نسيت الصور .... وأعصر لنا على الأمسترداميات
Post: #10 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 05:59 PM Parent: #9
يالحبيب معاذ،،
مشتاقون،،
وهذه لحظة تجلي أعبر فيها عن صادق مودتي لهذا الأنسان الرائع ، وجميل أن يشاركني في هذا الأحساس الجميل نفر من الرائعين (شرواكم)،،
== الصور التي بحوزتنا تخلو من دمار محمد ساني ، لذا أستبعد أن يمر طارق جبريل من هنا!!
بس بعض (السداري) قد يحسب كذلك ، فأنتظر،،
Post: #11 Title: Re: مولانا أحمد الشايقي : ما أحلى صحبتك على ضفاف الراين!! Author: طارق جبريل Date: 10-20-2010, 06:00 PM Parent: #9
انتو مرقتوها للراين الكترابة
Post: #12 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 06:11 PM Parent: #11
Quote: انتو مرقتوها للراين الكترابة
ود الخالة الحبيب،، جيت ؟؟ ورب العباد تذكرتك في مواقع عديدة ،، المهم في الموضوع كلها حالات (جوعير)،،
وهاك دي واحدة منهن:
أصبر كمان شوييي في فيديو حق لاندنغ الله يلقينا يا!!!
Post: #13 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 06:18 PM Parent: #12
هاك آ طارق:
وبالمناسبة هذه (مناسبة فوبيا الطيران والأماكن العالية)،، وطبعاً معروف طارق الأول في هذا المجال وأنا التاني:
عرفت أن أحد أشاوس هذه البورد قد تعافى مؤخراً من هذا الهلع وقد صرح لي بأنه على إستعداد الآن لقيادة جميع أنواع الطائرات، ولديه وصفة سحرية للعلاج!! الأسم والتلفون بعد العربون ،،
===
الصورة من سماء مدينة بيرمنجهام!! طيارة مؤذية ،،
Post: #14 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 06:23 PM Parent: #13
وصلت أمستردام في أمسية 18 سبتمبر وقد إنقضت فعالية لبوردابها ، ولم نسطع لقاءهم للأسف ، وكم أتعسني حقاً سفر الأخ : خدر (طارق أبو عبيدة) للسودان،، يعني حبكت بس في الأيام دي ياطارق،،
عموما: رجعنا وبحوذتنا أطقم ناعمة لأوتار عود ألمانية كنت قد اعددتها إهداءاً بسيط لهذا الفنان المبدع الذي يمتعنا هنا : وبالمجان!!! ==
Post: #15 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 06:28 PM Parent: #14
وصل الأستاذ أحمد الشايقي بعدي بيوم في معية وفدٍ من عملاق الإتصالات (موبايلي) وأصر سعادته أن أترك هيلتون المطار وأقاسمه السكنى في فكتوريا بلازا، الفندق الوهيط والقريب من كل شيء،، == لم أتوانى في حزم حقيبتي فأنا لا أحسن السفر منفرداً ، وكانت فرصة جيدة أن أنعم بصحبة هذا الحبيب وقد جاء منهكاً متعباً بعد رحلة شاقة بدأها من إياب العيد من الخرطوم موروراً بالبحرين ثم الرياض ثم أمستردام،،
هذا المارثون الفضائي لرحلاته خلف موقفاً لطيفاً في أول أمسياتنا ، سأقوله في حلقةٍ قادمة بإذن الله،،
Post: #16 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-20-2010, 06:44 PM Parent: #15
باقة من هذا الورد الجميل أهديه لصديقي العزيز وكل محبيه،،
Post: #49 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-28-2010, 02:08 PM Parent: #11
Quote: انتو مرقتوها للراين الكترابة
تعرف يا طارق
تتابع عبد اللطيف دا,
يوديك بلاد برا المرة الجاية سوا إن شاء الله إلى حيث الطاجن الشهي, بس خليك جاهز
أحمد الشايقي
Post: #77 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 11-04-2010, 12:46 PM Parent: #49
.
Post: #78 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 11-04-2010, 12:46 PM Parent: #49
.
Post: #48 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-28-2010, 01:57 PM Parent: #8
Quote: يحب الناس ويحب الخير للناس
أستاذ معاذ الصديق الكامل الدسم الطاعم الحروف
ياخي انت من الناس المحبوبين للجميع
أدام الله المعروف
أحمد الشايقي
Post: #17 Title: Re: مولانا أحمد الشايقي : ما أحلى صحبتك على ضفاف الراين!! Author: Al-Shaygi Date: 10-20-2010, 06:49 PM Parent: #4
Quote:
لكن يا مولانا (الشايقي بالعربي على قول خالتي تراجي)،، ما شلت عكازك الغليد داك مالك؟؟ كان يكون أسمح من الشمسية دي!!!
وبعدين يا عبداللطيف ياخ مالك ما جبت سيرة قعدتنا على شاطيء الستين والحسان يتهادين من حولنا .... شفت كيف يا مولانا...!!!!
Post: #18 Title: Re: مولانا أحمد الشايقي : ما أحلى صحبتك على ضفاف الراين!! Author: ismeil abbas Date: 10-20-2010, 08:15 PM Parent: #17
ألف حمدأ لله على سلامتكم..
ما اجمل حالات الترحال وزكرياتها..وما أجملها مع رفيق ودود خلوق...تكتمل البهجة ويزداد السرور...كتر لينا من الزهور دى لو سمحت...
تسلموا....
Post: #19 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-22-2010, 01:11 AM Parent: #18
الأخ عبد اللطيف بكري
سلام وحمداً لله على السلامة من رحلة أمريكا الطويلة,
سعادتي كانت كبيرة جداً بلقائك الكريم لنا في مطار أمستردام والايام الصافية جداً في تلك الديار الخضراء الجميلة
وبالفعل كانت أيام صفاء شديد لم يعكر صفوها سوى ضياع جواز سفر أحد أعضاء وفد العمل المرافق لنا ومع ذلك فقد طغى سحر المدينة والريف الهولندي الجميل على كل ذلك وخرجنا بانطباعات ولقاءات باذخة
لم تمكني ظروف الوقت من زيارة ومقابلة العديد من الاصدقاء والزملاء في تلك الديار وعلى أمل اللقاء في فترات قادمة بحول الله تعالى,
صحبتك كانت حيوية الزيارة ومتعتها وافتقدتك كثيراً حينما فارقتنا ثالث الايام
لك تقديري ولضيوف البوست الكرام
أحمد الشايقي
Post: #20 Title: Re: مولانا أحمد الشايقي : ما أحلى صحبتك على ضفاف الراين!! Author: خالد المحرب Date: 10-22-2010, 11:59 AM Parent: #19
Post: #21 Title: Re: مولانا أحمد الشايقي : ما أحلى صحبتك على ضفاف الراين!! Author: mahmed alhassan Date: 10-22-2010, 03:14 PM Parent: #20
والله ما شاء الله يا عبد اللطيف لما تسافروا في المــدن البعيــده ديك تذيدوا فوق سماحكـم سماح 0 غايتــو لحظات الصفاء ده الا نلاقيكـــم في محطــة التمتـــام علي طريق مروي (وجه ضاحك) أو في شمالنا الحبيب في الصورة أدناه 0 حمدا لله علي السلامــة (بالله يا أخي ناس المهيدب ديل ما يدونا فرقة فيك شويـة ) 0نتصل تقول برجع ليك بعد شـوية 0 التحية عبرك للصديق مولانا أحمد الشايقي الذي عرفناه أخا فاضلا في منظومة دلائل وفي دروب الرياض المختلفة وأخيرا جارا وفيــا في الحي السكني بام الحمام 0 لكمــا الـــود وكــل السلام 0
صورة لها علاقــة بالصفاء مــن امســتردام للبركــل
Post: #33 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 11:31 AM Parent: #21
Quote: والله ما شاء الله يا عبد اللطيف لما تسافروا في المــدن البعيــده ديك تذيدوا فوق سماحكـم سماح 0 غايتــو لحظات الصفاء ده الا نلاقيكـــم في محطــة التمتـــام علي طريق مروي (وجه ضاحك) أو في شمالنا الحبيب في الصورة أدناه 0 حمدا لله علي السلامــة (بالله يا أخي ناس المهيدب ديل ما يدونا فرقة فيك شويـة ) 0نتصل تقول برجع ليك بعد شـوية 0 التحية عبرك للصديق مولانا أحمد الشايقي الذي عرفناه أخا فاضلا في منظومة دلائل وفي دروب الرياض المختلفة وأخيرا جارا وفيــا في الحي السكني بام الحمام 0 لكمــا الـــود وكــل السلام 0
صورة لها علاقــة بالصفاء مــن امســتردام للبركــل
الحبيب محمد الحسن (الزومة) تحياتي وسلامي ،، وشكراً للصورة الرائع من ربوع شمالنا الحبيب،، بلد يذخر بالأمكانات السياحية الطبيعية ، ولكن يد الإنسان فيه تفتقر للمسات التي تجعل (السياحة جاذبة ههههه)،،
شوف إنسان هذه المدينة كيف تحايل جمايلاً في جعل (إنخفاضها) ميزة إضافية وشق هذه القنوات بطول المدينة وعرضها لتتوزع المياه بداخلها لحظة إرتفاع المناسيب!! عمرنا ما سمعنا بفيضان فيها حديثاً ولم يشكو إنسانها من الملاريا!! ولم نر سرب باعوض!!
فينا شيء غلط!!!
Post: #55 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-30-2010, 07:01 AM Parent: #21
Quote: التحية عبرك للصديق مولانا أحمد الشايقي الذي عرفناه أخا فاضلا في منظومة دلائل وفي دروب الرياض المختلفة وأخيرا جارا وفيــا في الحي السكني بام الحمام 0 لكمــا الـــود وكــل السلام 0
شكرا أخ محمد الحسن على المرور الرائع, ولك الود موصول ولرفيقك الارباب خالد,
الصورة من (التحتانية) جميلة بحق وأرجو السماح لي بوضعها على سطح المكتب
وافر التقدير
أحمد الشايقي
Post: #22 Title: Re: مولانا أحمد الشايقي : ما أحلى صحبتك على ضفاف الراين!! Author: كمال ادريس Date: 10-22-2010, 03:53 PM Parent: #20
مرحبا بكرى
الشايقي يمكن ان نطلق عليه سفير سودانيز اون لاين المتجول
شوق بحر ياسفير
Post: #23 Title: Re: مولانا أحمد الشايقي : ما أحلى صحبتك على ضفاف الراين!! Author: الامين موسى البشاري Date: 10-22-2010, 04:44 PM Parent: #22
عبد اللطيف بكري
ســـلام .. ونتــابع معك رحلة امستردام بصحبة احمد الشايقي لقد سعدت بلقائك ولقائه اليوم بجانب سيد الملاح الأخضر الشايقي وآخـــرين فالشكر لمن جعل ذلك ممكنا
تحاياي
Post: #24 Title: Re: مولانا أحمد الشايقي : ما أحلى صحبتك على ضفاف الراين!! Author: الفاتح ميرغني Date: 10-22-2010, 06:31 PM Parent: #23
Quote: أصبر كمان شوييي في فيديو حق لاندنغ الله يلقينا يا!!!
أخي الأكبر وحبيبنا تيفا. أول حاجة بالله بطلوا الكلام بالأكسنت البيكتل بالحنية ده وإتكلموا معانا عدل أنت وود خالتك!. سعيد شديد إن اهاتفك في امستردام وأجد معك مستشارنا العزيز أحمد الشايقي وهو برضوا إتكلم معاى بأكسنت شايقي من شايقية نجد والحجاز. يعني لازم نخش كورس للناطقين بغيرها ولا شنو؟
ربنا يخفظكم ويديم المودي!!( سجن سجن غرامة غرامة!!
بالمناسبة راجيكم الإتنين في طوكيو.
Post: #25 Title: Re: مولانا أحمد الشايقي : ما أحلى صحبتك على ضفاف الراين!! Author: محمد عبد الماجد الصايم Date: 10-23-2010, 08:18 AM Parent: #24
ما تشكروا لينا الراكوبة في الخريف
الواحد داير يقول ليكم: خيار من خيار لكن ونسبة لارتفاع سعر الطماطم نقول ليكم طماطم من طماطم!
الله يديكم العافية الاتنين الواحد متشرّف شديد بمعرفتكم والله ربنا يديم المحبة والأخوّة في الله
Quote: بالمناسبة راجيكم الإتنين في طوكيو.
الله لينا الما قرينا
Post: #26 Title: Re: مولانا أحمد الشايقي : ما أحلى صحبتك على ضفاف الراين!! Author: طارق ميرغني Date: 10-23-2010, 08:38 AM Parent: #25
جميل أن أتلقى شهادتك فيه وأنتما على طرفي نقيض في ساس يسوس، وهذه رسالة لقساة اللفظ لحظة الإنفعال ولحظة الإختلاف!!
هذا هو السودان الذي نريد اخي بكري
التحيه لاخي احمد الشايقي ولود الباوقه وخالد المحرب ذاتو
Post: #27 Title: Re: مولانا أحمد الشايقي : ما أحلى صحبتك على ضفاف الراين!! Author: abdulhalim altilib Date: 10-23-2010, 09:33 AM Parent: #26
أخي العزيز / ود البكري تحياتي ،
فعلاً كما ذكر أخونا ود الباوقة : (أحمد الشايقي : نعم الرجل هو) أخٌ كريم وفاضل ، وأخو أخوان .. يسعد المرء ويتشرف بمعرفته . ونسأل الله أن يديم الود والمعروف بيننا جميعاً .
وياريت تتحفنا بمزيد من تلك الزهور و الصور الهولندية .
<
لكن النظرة ما عندك يا مولانا ؟! (نظراتك لي أنا مرجفة) ؟!
Quote: التحيه لاخي احمد الشايقي ولود الباوقه وخالد المحرب ذاتو
ولك معهم أخي العزيز طارق .
مودتي ،
( ليمو )
Post: #28 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-23-2010, 10:11 AM Parent: #27
Quote: الاستاذ احمد الشايقي
نعم الرجل اخي عبد اللطيف
التحية له ولك .....
ود الباوقة الرجل الأصيل
سفرات زي دي يتمنى المرء أن يصاحبه فيها بورداب الرياض وعلى رأسهم الاخ عمر,
مسرات عديدة تمت لنا كلما أتيح اللقاء,
سلمت يا عمر,
أحمد الشايقي
Post: #29 Title: Re: مولانا أحمد الشايقي : ما أحلى صحبتك على ضفاف الراين!! Author: طارق ميرغني Date: 10-23-2010, 10:40 AM Parent: #28
Quote: التحيه لاخي احمد الشايقي ولود الباوقه وخالد المحرب ذاتو
ولك معهم أخي العزيز طارق .
مودتي ،
انت عارف يا ليمو
ما عارف ليه ذكرتني بتاع السراير البيباري زميلو
ويقول وانا كمان .......!! __________________________
المرجع: النكته اياها
Post: #70 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-01-2010, 11:31 PM Parent: #27
Quote: فعلاً كما ذكر أخونا ود الباوقة : (أحمد الشايقي : نعم الرجل هو) أخٌ كريم وفاضل ، وأخو أخوان .. يسعد المرء ويتشرف بمعرفته . ونسأل الله أن يديم الود والمعروف بيننا جميعاً .
وياريت تتحفنا بمزيد من تلك الزهور و الصور الهولندية .
شكرا عبد الحليم كثيرا على المرور الجميل
طبعا ليعلم عبد اللطيف بأننا التقينا وقلنا الكثير عن الرحلة الأخيرة وجها لوجه
تحياتي يا عظيم
أحمد الشايقي
Post: #40 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 01:34 PM Parent: #26
Quote: هذا هو السودان الذي نريد اخي بكري
ياهندسة،، عجزنا والله نوصل الكلام دا !!!
Quote: التحيه لاخي احمد الشايقي ولود الباوقه وخالد المحرب ذاتو
غايتو خالد المحرب ناوي ليك : كان عندك كمنجة ولا عود أحسن تخارجهم لأنو حالف يجرجرك لأمسية صاخبة قريباً، غايتو أنا ماتجيب سيرتي وما قلت ليك حاجة!!
شكرا للمرور الباهي ، ومازالت مشاريعي معك قائمة خصوصا بعد عودة ود الشايب سليما معافى ،، سلمت ياحبيب،،
Post: #69 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-01-2010, 02:06 PM Parent: #26
Quote: هذا هو السودان الذي نريد اخي بكري
التحيه لاخي احمد الشايقي ولود الباوقه وخالد المحرب ذاتو
شكرا أخي الكريم طارق ميرغني على المرور البهي والتحيات المرسلة سلاماً سلاماً يغشى كل الأحباب في رياض الخير حتى ديار شيخ العرب المحرب الرحبة
ولك مني السلام
أحمد الشايقي
Post: #67 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-01-2010, 11:19 AM Parent: #25
Quote: الواحد داير يقول ليكم: خيار من خيار لكن ونسبة لارتفاع سعر الطماطم نقول ليكم طماطم من طماطم!
الله يديكم العافية الاتنين الواحد متشرّف شديد بمعرفتكم والله ربنا يديم المحبة والأخوّة في الله
يا ود الصائم أجمل شئ والله صورتك دي في البوست,
بهجة شديد وأجواء خريفية باسمة
ليك تحية يا عظيم ولنا عظيم الشرف
أحمد الشايقي
Post: #36 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 12:47 PM Parent: #24
Quote: أخي الأكبر وحبيبنا تيفا. أول حاجة بالله بطلوا الكلام بالأكسنت البيكتل بالحنية ده وإتكلموا معانا عدل أنت وود خالتك!. سعيد شديد إن اهاتفك في امستردام وأجد معك مستشارنا العزيز أحمد الشايقي وهو برضوا إتكلم معاى بأكسنت شايقي من شايقية نجد والحجاز. يعني لازم نخش كورس للناطقين بغيرها ولا شنو؟
ربنا يخفظكم ويديم المودي!!( سجن سجن غرامة غرامة!!
بالمناسبة راجيكم الإتنين في طوكيو
الظاهر البوست دا محكوم عليه بجذب الرائعين شرقاً وغرباً،، شكراً يارائع ، وخايل فيك والله الأكسنت ، أجدع كما يحلو لك إنت قايل صاحبك العامل فيها سيد الأكسنت دا عندو علاقة بالموضوع؟ أكبر متهجم : زول قاعد في المغرب براها 25 سنة غير 10 سنوات طلبة مع زملاء مهنة يتحدثون كل اللغات واللهجات عدا العربية والشائكية!! هههههههه!!!
شايف حكاية طوكيو دي زي الحتكون المحطة التالية طالما ود الصايم ماشي كدي!!!
Post: #65 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-01-2010, 09:55 AM Parent: #24
Quote: أخي الأكبر وحبيبنا تيفا. أول حاجة بالله بطلوا الكلام بالأكسنت البيكتل بالحنية ده وإتكلموا معانا عدل أنت وود خالتك!. سعيد شديد إن اهاتفك في امستردام وأجد معك مستشارنا العزيز أحمد الشايقي وهو برضوا إتكلم معاى بأكسنت شايقي من شايقية نجد والحجاز. يعني لازم نخش كورس للناطقين بغيرها ولا شنو؟
فرحة كبيرة ومفاجأة كانت عندما رن جرس الهاتف وناولني إياه الحبيب عبد اللطيف للتحدث إليك للمرة الأولى ... سعدت جداً ولا بد لي من تكرارها
طبعاً بدأنا التمرن على (السوشي) من ذلك الوقت وننتظر فصول محو الأمية التكنولوجية
أحمد الشايقي
Post: #35 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 12:42 PM Parent: #23
Quote: عبد اللطيف بكري
ســـلام .. ونتــابع معك رحلة امستردام بصحبة احمد الشايقي لقد سعدت بلقائك ولقائه اليوم بجانب سيد الملاح الأخضر الشايقي وآخـــرين فالشكر لمن جعل ذلك ممكنا
تحاياي
البشاري ياحبيب،، وأحنا أكثر شرفاً والله بمعرفتكم ، وياريت ياخ ترتب لينا رحلة في الهياثم دي،، غايتو أسمها جميل الباقي ربك العلام،، نيابة عن حضور تلكم الجلسة الرائعة أشكر لك إثرائك للحوار والونسة اللطيفة وإن شاء الله ربنا يجمعنا بيك في سفرة داخلية ولا خارجية،، بس خليك واقف في الضلفة التانية،،
قطعطوا مصارينا والله،،،
Post: #59 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-31-2010, 08:04 AM Parent: #23
Quote: ســـلام .. ونتــابع معك رحلة امستردام بصحبة احمد الشايقي لقد سعدت بلقائك ولقائه اليوم بجانب سيد الملاح الأخضر الشايقي وآخـــرين فالشكر لمن جعل ذلك ممكنا
الأخ العريس الباشمهندس, الامين البشاري,
شكراً كثير على المرور البهي والذي زاده العرس ألقاً...
كان لقاء عامر بدار شيخ العرب المحرب الوريفة,
أدام الله المودة
أحمد الشايقي
Post: #34 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 12:06 PM Parent: #22
Quote: مرحبا بكرى
الشايقي يمكن ان نطلق عليه سفير سودانيز اون لاين المتجول
شوق بحر ياسفير
أستاذنا كمال ، إنه نعم السفير ، بس مشكلتو مع ناس كرتي كبيرة وإلا كان أحد ممثلينا في إحدى العواصم ذات الملفات الشائكة،،
سعدنا بمرورك ، وعلى أمل أن تمر مدارات التسفار يوما من حداكم ،، have a wanderful day
=
Post: #58 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-30-2010, 09:50 PM Parent: #22
Quote: الشايقي يمكن ان نطلق عليه سفير سودانيز اون لاين المتجول
شوق بحر ياسفير
يا سلام يا أستاذنا, كمال إدريس
وبخ بخ لتلك الأيام الزاهرات ....
ومحمد هارون والرفقة المأمونة
تحياتي يا عظيم وشوق كبير
أحمد الشايقي
Post: #31 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 11:05 AM Parent: #20
شيخ المحرب ،، شاكرين المرور على البوست : وطالبنك مرور على الطبيعة حسب وعدك بالأمس : بس هذه المرة نريدها مدندنة ،،
ياخ والله لسان حالنا يلهج بالثناء لك وللأسرة الكريمة أدام الله عزكم،،
السودان دا ياناس والله أجمل مما نتصور : هذه القيم وهذا النبل الذي فينا يجب صونه بشكل أكثر جدية من الذي يدور في أضابير السياسة!!!
أعملوا سودان آخر للسياسين وخلو لينا سودان إفتراضي (إن شاء الله) نمارس فيه حياتنا على سجية هي الأرقى بين الشعوب،،
عاش السودان حراً متوحداً،،
وتسقط السياسة التي ما أفلحت في تاريخ السودان كله في صنع شيءٍ يخدم البلاد والعباد،، بل الآن تردد : إن لم تصلح فضر!!!
يسقط الفاشلون !! وتمزيق وحدة السودان هي قمة الفشل!!!!
Post: #53 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-29-2010, 07:26 PM Parent: #20
شكرا شيخ العرب خالد المحرب أبو حريرة
ولقد صافيتنا في دياركم العامرة
تحياتي يا عظيم
أحمد الشايقي
Post: #30 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 10:56 AM Parent: #18
Quote: ألف حمدأ لله على سلامتكم..
ما اجمل حالات الترحال وزكرياتها..وما أجملها مع رفيق ودود خلوق...تكتمل البهجة ويزداد السرور...كتر لينا من الزهور دى لو سمحت...
تسلموا....
سمعة الحبيب: والله إنما هي سويعات كما قال الشايقي الآخر نتخلسها من زخم هذه الفانية ونروح عن النفس ،، أنت طبعاً لك دور كبير في هذه الرحلة : فأنت من أشار إلي أن أبدأ تنظيم رحلتي عبر الأطلسي من أوربا: وفعلا الأسعار غير (700 دولار ياسمعه : بيرمنجهام أمستردام (3 ليال) + نيويورك + ميامي + باريس + بيرمنجهام)،، 2600 ريال تقريبا وإن كنت قصدت تذكرة من الرياض وبها توقف في كل هذه المدائن لبلغ سعر التذكرة آلاف مؤلفة،، أشكرك جزيل الشكر على الإستشارات السياحية ، وأشكرك جزيل الشكر على ترشيحك مدينة نيويورك مدخلاً لزيارة الدنيا الجديدة،، فعلاً إختيار موفق للحد البعيد : لكن المشكلة بعد نيويورك لا تنتابك أي رغبة في رؤية أي مدينة أخرى،، شيء مذهل ، ولا يمكن وصفه!! مدينة تحتقر كل العواصم ،، (بختك غايتو ياود الصايم)،،
Post: #52 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-29-2010, 07:23 PM Parent: #18
الحبيب إسماعيل عباس
Quote: ما اجمل حالات الترحال وزكرياتها..وما أجملها مع رفيق ودود خلوق...تكتمل البهجة ويزداد السرور...كتر لينا من الزهور دى لو سمحت...
شكرا يا عظيم على المرور من هنا والوعد في الرحلة القادمة لزيارة الحبيب الفاتح ميرغني, ودعوة مفتوحة للمرافقة
أحمد الشايقي
Post: #32 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 11:12 AM Parent: #17
Quote: وبعدين يا عبداللطيف ياخ مالك ما جبت سيرة قعدتنا على شاطيء الستين والحسان يتهادين من حولنا .... شفت كيف يا مولانا...!!!!
إلى زوجتي العزيزة : مها ،، بعد أن عرف تواجدك الكثيف هذه الأيام داخل المنبر ، هاهو الحاسد حسن يريد أن يوشي لك عن فحوى لقاءاتي المتكررة معه في مدينة الرياض وقد جمعت بيننا العزوبية وغدوات الخميس،، بس الزول الطيب ما بيتعلم الكعوبية على كبر،، يعني لو جاب سيرة (ميامي) مثلاً ولا باريس مرفقاً مع (أسراب الحسان) كان أكيد رفعتي الكرت الأصفر (أول إنذار)، لكن حسان يتهادين في شط الستين؟؟ عليك الله طيلة وجودك هنا شفتي ليك حسان بفحطن؟؟؟
حسان يتهاديت من حولنا !!! الله يخلي نظام ساهر ويخليهن يتهادن كدا على طوووول!!! آل حسان آل!!
Post: #37 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 01:05 PM Parent: #32
Quote: ما تشكروا لينا الراكوبة في الخريف
الحبيب ود الصايم شوقنا ليك ليهو صوت قرقرة والله،،
كلامك دا انا بأيدو مية في المية ، وفعلا علاقة الأراضي المنخفضة وكل أوربا (بديرتكم) (حكم والله)، هي بالضبط كما ذكرت،، مبروك عليك الديار الجديدة ، وياعمك عرفت تنقي والله!! دا الكلام،، وعلى فكرة الشيشة من الاشياء الراقية هناك موش يمنعهوها ويقعطوا حبالها في التلفزيون!!!
الصور دي مأخودة (مخسوس) عشانك ، كمساهمة متواضعة في تبديد كافة المخاوف!!
Post: #38 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-23-2010, 01:20 PM Parent: #37
Quote: الواحد داير يقول ليكم: خيار من خيار لكن ونسبة لارتفاع سعر الطماطم نقول ليكم طماطم من طماطم!
بس لو كان لونو أزرق ما كان عندنا مانع!!
Quote: الله يديكم العافية الاتنين الواحد متشرّف شديد بمعرفتكم والله ربنا يديم المحبة والأخوّة في الله
ونحنا بالأكتر باحبيب،، وحتوحشنا والله!! والله بالأكتر يامحمد!!
Post: #39 Title: Re: مولانا أحمد الشايقي : ما أحلى صحبتك على ضفاف الراين!! Author: الحارث سرالختم عبد الله Date: 10-23-2010, 01:25 PM Parent: #38
ابو خالد حمد الله على السلامه وليكم وحشه كلكم
والأستاذ احمد تحلو صحبته فى كل مكان وفقكم الله جميعا
اخوكم/ ابوختم
Post: #41 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-24-2010, 01:02 PM Parent: #39
الحبيب أبو ختم ،، لك الأشواق والتحايا والشكر الجزيل على الإدلاء بهذا التصريح الرصيد في الأخ / أحمد،،
تحياتي للمدام والأسرة الكريمة ، وعلى وعدً قريب بلقاء جامع إن شاء الله،،
Post: #42 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-24-2010, 01:15 PM Parent: #41
جاءني الإيميل التالي :
Quote: الأستاذ الفاضل الذي يعرف أهل الفضل عبد اللطيف بكري
السلام عليكم ورحمة الله أسمح لى أن أشاطر مشاعرك الشفيفة حول مولانا أحمد محمود "الشايقي ابن الدويم" الذي عرفت أنت فضله فافردت له عنوانا يستحقه في ذاك الموقع الإسفيري المشهور
إليك رسالتي أدناها وهي تبحث عن احمد بعد غياب بيننا تجاوز عقودا وقد ظفرت به مؤخرا بفضل الأستاذ حسن محمد سيد أحمد (الشايقى) الآخر الذي يستخدم نفس اسم الشهرة
أرسل لك هذه المراسلات لأسباب ثلاثة
أولا: لتعرف قدرك عندي بسبب احتفائك وشكرك لمن أظن أنهم يستحقون الإشادة وهذا عندي نشر يقصد به اشاعة الفضيلة و السلوك النبيل بين الناس في زمن يصعب فيه التعرف على الرجال وغالبا لا يأتي مثل هذا الاكتشاف إلا من قبل النبلاء امثالكم وكما قيل لا يعرف الفضل إلا أهله
ثانيا لنأكد لك سلامة مشاعرك في معرفة الرجال وهذا دين علينا تستحقه لأن ببثك مشاعركم تلك عضدت مشاعرا سبقت منا تجاه ذلك الشخص النبيل
ثالثا: وكما أشرت أنت فإنّ النبل ليس له دين دعك أن يقزمه انتماء سياسي .. علينا أن نعرف ونعترف ونشيد بالنبلاء قض النظر عن خلافاتنا معهم ومهما عظمت تلك الخلافات
مع خالص التقدير،،
تجاني الأمين-الأحساء -السعودية
الأخ التجاني : لا أدري أأتقدم بالشكر للأخ أحمد أن كان سبباً في أن أتلقى هذا المدح منك، أم أشكر أن أشكرك على هذه الأريحية والطيبة البادية في قولك الصدق في صديقٍ صدوق،، أم أن أشكر العدو حسن الشايقي أن جمعنا بك أخي تجاني في إحدى حالات التجلي النادرة لديه؟؟ ههههه!!
وياريي ياريت الأخ الأستاذ / أحمد الشايقي يتحفنا بعرض بعض مقتبسات من الرالي المجيد الذي دار بينهما وهما يستعيدان تلكم الذكرى لأيام خلت هي الأجمل في حياتنا،،
شكرا أستاذ تجاني (وهو على فكرة مدرس بكلية البنات - جامعة الملك فيصل - الهفوف) أسعدتنا بمرورك،،
Post: #72 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-02-2010, 07:57 AM Parent: #42
الشكر بلا حدود لأخي الكريم الدكتور التجاني الأمين الصديق القديم الجديد والعزيز العزيز ابن المدرسة والمنطقة والجامعة لكلماته الرقيقة والتي عبرت عن حسن ظنه وطيب معدنه,
في هذه المساحة الرحبة من التلاقي على الإنترنت أرحب به وأتمنى لو يشاركنا التواجد والرأي والتواصل الالكتروني فيما لو عز مع ظروف الاغتراب التواصل المباشـر
كلمات الأخ د تجاني تأخذني دائماً في رحلة عبر الزمن نسترجع فيها ذكريات الأزمنة والأمكنة وقائمة الزملاء والصحاب والأساتذة العظماء وقيم المعهد العريق بخت الرضا... والجامعة العريقة جامعة الخرطوم
هي لفتة بارعة من د تجاني أن يجتهد ويعبر ويكتب ويثابر لتوصيل الكلمات الطيبات التي تعكس من أصالته المشرقة
كن بخير أخي تجاني وأسرتك الكريمة
أحمد الشايقي
Post: #43 Title: Re: مولانا أحمد الشايقي : ما أحلى صحبتك على ضفاف الراين!! Author: الفاتح ميرغني Date: 10-24-2010, 01:20 PM Parent: #41
Quote:
Quote: بالمناسبة راجيكم الإتنين في طوكيو.
الله لينا الما قرينا
يا عمك أنت ما عرف معزتك عندنا ولا شمو؟ تقرأ شنو يا عمك أنت بس تأشر نجي نشيلك من الرياض الغنا دي نجيبك طوكيو ونرجعك تاني.
Post: #44 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-24-2010, 01:27 PM Parent: #43
Quote: يا عمك أنت ما عرف معزتك عندنا ولا شمو؟ تقرأ شنو يا عمك أنت بس تأشر نجي نشيلك من الرياض الغنا دي نجيبك طوكيو ونرجعك تاني.
يافاتح عارف عمك دا عامل كورس بتاع جمباز على الحبلين هههههه،،
يعني ياحبيب السنة دي يا شرق ياغرب (سودان / سعودي : هئو!!!) ماشة معاك عسل !!!
Post: #45 Title: Re: مولانا أحمد الشايقي : ما أحلى صحبتك على ضفاف الراين!! Author: خدر Date: 10-25-2010, 08:36 AM Parent: #44
والله يا عبداللطيف دي خسارة فادحة الخسارة الاولي اني ما لاقيتكم هنا و التانية اني ما شفت البوست ( مشغول مع اخوك ذو اليد بهناك)
التحية ليك يا عبداللطيف والله و لي مولانا الشايقي اكثر منها تمنيت كتير انو الاقيهو عيان بيان بعد ما اتزاملنا سنوات هنا
ساعود
Post: #46 Title: Re: مولانا أحمد الشايقي : ما أحلى صحبتك على ضفاف الراين!! Author: خدر Date: 10-25-2010, 08:45 AM Parent: #45
عبداللطيف ما عندك صور لي ( ناس الجعباط) ترقع بيها بوست ذو اليد بي هناك ؟
شكلكم ما زرتو (سعد قشرة) ولا عشان التصوير ممنوع هناك
Post: #47 Title: Re: مولانا أحمد الشايقي : ما أحلى صحبتك على ضفاف الراين!! Author: صلاح أبودية Date: 10-25-2010, 09:00 AM Parent: #46
يا لطفى أقول ليك نتلاقى فى روما.. تقوم تمشى لندن !! أسمع بيك فى أمريكا .. أجى ألقاك فى أمستردام ؟ أمشى أنا جدة تمرقها إنت فى أمبدة !! كان ما عاوز تلاقينى كلمنى عديل ياخ !! إنعل أبو الدين زاتو .. عفيت ليك ياخ .. القروش طايرة !! ـــ معقول الطيارات بقت آمنة للدرجة دى ؟؟
Post: #60 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-31-2010, 03:44 PM Parent: #47
Quote: يا لطفى أقول ليك نتلاقى فى روما.. تقوم تمشى لندن !! أسمع بيك فى أمريكا .. أجى ألقاك فى أمستردام ؟ أمشى أنا جدة تمرقها إنت فى أمبدة !! كان ما عاوز تلاقينى كلمنى عديل ياخ !! إنعل أبو الدين زاتو .. عفيت ليك ياخ .. القروش طايرة !! ـــ معقول الطيارات بقت آمنة للدرجة دى ؟؟
عارف يابن خالي إن الهروب كان بطول آية الدين ،، لذا حنقعد نزازي في بلاد الله الواسعة دي ولا ندفع لأحد فلساً واحداً،، الطيارات ما بقت آمنة للدرجة دي لكن بقت مافارقة معانا ،، العشناهو كفاية ههههههههههه،، ==== تذكر عجلتك البلو الضيعتها ليك في مطاردة البعثات المصرية وإستخراج الشهادة؟؟ فتش هنا أكيد ح تلقاها في عطبرة دي ههههههههه:
Post: #81 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-07-2010, 09:54 AM Parent: #47
Quote: يا لطفى أقول ليك نتلاقى فى روما.. تقوم تمشى لندن !! أسمع بيك فى أمريكا .. أجى ألقاك فى أمستردام ؟ أمشى أنا جدة تمرقها إنت فى أمبدة !! كان ما عاوز تلاقينى كلمنى عديل ياخ !! إنعل أبو الدين زاتو .. عفيت ليك ياخ .. القروش طايرة !!
يا هلا يا أخ أبو ديـة
عبد اللطيف دا يا خوي طوالي معاي ويدي طوالي في جيبه, بس انت اعمل معاي اتفاق و 50% ـــ 50% , كل ديونك ترجع لك
قالوا المال ـ تلته ولا كتلتـه,
أحسن ليك كدا مع الزول اللافي طوالي دا ...
أحمد الشايقي
Post: #57 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-30-2010, 03:17 PM Parent: #46
Quote: والله يا عبداللطيف دي خسارة فادحة الخسارة الاولي اني ما لاقيتكم هنا و التانية اني ما شفت البوست ( مشغول مع اخوك ذو اليد بهناك)
والله ياطارق كانت خسارة لنا بالأحرى فكم كنا نتوق للقائك بعد أن أتحفتنا بالغناء المؤصل ،،
أما مشغوليتك مع ذو اليد جعلتنا نحمد الله أننا لم نلتقيييييك ، ههههههههههه!!!
Quote: التحية ليك يا عبداللطيف والله و لي مولانا الشايقي اكثر منها تمنيت كتير انو الاقيهو عيان بيان بعد ما اتزاملنا سنوات هنا
فاتك الكثير من الخير وحظك يباعد بينك ولقاء الأخ / أحمد: لكنت أحببت المدينة من جديد!!!
Quote: عبداللطيف ما عندك صور لي ( ناس الجعباط) ترقع بيها بوست ذو اليد بي هناك ؟ شكلكم ما زرتو (سعد قشرة) ولا عشان التصوير ممنوع هناك
قال سعد قشرة قال : دا سعد أبو من غير قشرة ياحبيب : ههههههههههههههههه!! عايز تودينا في داهية،،
سعدنا بموجدك هنا بقدر إفتقادنا لك هناك ، وربنا يديم الود والمعروف بيننا أخوة التراب ونلتقي في محفل آخر،، سلام ياصاحب،،
Post: #73 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-02-2010, 08:18 AM Parent: #45
شكرا أخي الكريم الأستاذ الفنان (خـدر)
Quote: التحية ليك يا عبداللطيف والله و لي مولانا الشايقي اكثر منها تمنيت كتير انو الاقيهو عيان بيان بعد ما اتزاملنا سنوات هنا
كان أهم آمالي أن نلتقي وكنت أعرف وقتها أنك بالسودان, ومع ذلك سألت آملاً في أن يكون طائرا ميموناً حملك في درب العودة, كنت أمني نفسي بمراجعة الذكريات اللذيذة لـ الشخصية (خدر) في الحلة وقدام الدكان وعلى اللستك ومغامراته القديمة مما قرأناه واستمتعنا به فكان مؤنساً في الغربة
وكنت أمني النفس بسماع خدر (بالعود) وبدون موسيقى وتأملاته العميقة وضجره من الـ (مراسيل)
إلى مرات قادمات وكن بخير يا صديقي,
أحمد الشايقي
Post: #83 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-14-2010, 00:40 AM Parent: #39
Quote: ابو خالد حمد الله على السلامه وليكم وحشه كلكم
والأستاذ احمد تحلو صحبته فى كل مكان وفقكم الله جميعا
اخوكم/ ابوختم
الاخ الحبيب أبو ختم
تحياتي الطيبة الكريمة
وأشكر لك طيب الكلمات والدعوات الصالحات في هذه الايام الطيبة
وكل عام وأنتم بخير
أحمد الشايقي
Post: #76 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-03-2010, 09:26 AM Parent: #37
Quote: الصور دي مأخودة (مخسوس) عشانك ، كمساهمة متواضعة في تبديد كافة المخاوف!!
سبحان الله أخي عبد اللطيف,
الناس ديلاك عندهم متاحف لكل حاجة ......
أحمد الشايقي
Post: #50 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 10-28-2010, 02:15 PM Parent: #17
Quote: لكن يا مولانا (الشايقي بالعربي على قول خالتي تراجي)،، ما شلت عكازك الغليد داك مالك؟؟ كان يكون أسمح من الشمسية دي!!!
الشمسية دي يا الشايقي خــوي, من المطر , اصله السما مقدود بهناك,
وعندهم مدينة كدا (اسمها محل السماء مقدود) (برطانتهم)
طبعاً ولي فيها مآرب أخرى
أحمد الشايقي
Post: #51 Title: Re: مولانا أحمد الشايقي : ما أحلى صحبتك على ضفاف الراين!! Author: ناذر محمد الخليفة Date: 10-28-2010, 02:59 PM Parent: #50
Quote: مولانا أحمد الشايقي : ما أحلى صحبتك على ضفاف الراين!!
شوف يا بتاع البتاع البتوع دول راحوا البتاعة عشان يبتعوا البتاع لكن البتاع اللي إنت بتتبتع عنه ده من من البتاعة دي وح يجيبوه والبتاعة بتاعت البتاع في الناحية البتاعية ومبدئياً البتاع الأول أتعمل في البتاعة وأتبعت للبتاع عشان يتبتع أما البتاع الكبير فده منتظرين بتاع البتاع يطلع البتاع من البتاع عشان يشتروا البتاع
شايف يابو النيز حسن الشايقي جاوبك : بس أوعك تصدقو ، وجهز طرفك : والله الخير على مشارف الخرطوم،، والله العظيم،،
لك قصب السبق وستكون الدولة الأولى بالرعاية في اتفاقية ثلاثية الأبعاد كما تشتهي!! صدقني،،
Post: #62 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-31-2010, 04:11 PM Parent: #61
حبيبنا أحمد الشايقي: قدصنا أن نوثق لهذه الرحلة القصيرة في مداها الشحمانة بذكريات ستبقيني وإياك في شوقٍ وتوق لتكرار ذات المزار إن لم يكن مضارب أخرى في مراعي هذه الدنيا : كفانا سافنا ياخ!! (قال غنية قال)!!
هذه الإبتسامة التي تأتيك غصباً عنك في بلادٍ ضاحكة خلقة الله،، لماذا نحن مكفهرين فيما سواها؟؟ ما السبب؟؟
أوتذكرها ورصيفاتها بتلك الوداعة والهدوء؟؟
نظرة متأملة في هذه البلدة الرحاب!!
لماذا لا تساعد بناتنا في توفير نفقات المواصلات بإستخدام الدراجات؟؟ دي فوق كدا صحية لدرجة بعيدة هههههه!!
وهنا سيرة جيدة لهذا الكاتب العبقري الذي ينتقد سياسة بلاده الاستعمارية في أندونيسيا اليوم (ابحثوا عنه)!!
Post: #63 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-31-2010, 04:36 PM Parent: #62
هنا من حيث أزاهر الجنة وجمالها نعرف سبب إنشراح النفوس هنا وكركرتها عندنا مضافا إليها حراق الروح،،
على ضفاف هذا النهر الأنيق : أتركك أخي العزيز،،
بهذا الطائر العملاق : متمتماً بكل ما أحفظ من آيات قرآنية: أتوكل على الواحد الأحد وأمتطيه مستودعاً إياك:
ليحط بي في رحاب أخرى ، ودنيا جديدة أزورها لأول مرة: هي للأمانة : كل الدنيا: وتلك قصة أخرى في نقلة مفاجئة من مدائن أوربا الهادئة في صخبها إلى مدينة تموت إذا هدأت ،،
نيو يورك !!! بعدها فقدت الرغبة في رؤية بقية المدائن وكأني قد وصلت إلى نهاية مشواري السياحي وهو في بدايته !!
تحايا وسلام : وصيتي للكيزان : هذه الدولة يجب عمل كل ما هو في وسع البشر لنيل صداقتها :
Post: #64 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 10-31-2010, 07:34 PM Parent: #63
للمعلومية فإن التاريخ الموضح في كل الصور صحيح أما التوقيت فهو توقيت مكة المكرمة إذ فات علي تغير الضبط على الكاميرا؛ فعذراً للذين شوشتهم أشعة الشمس مع فارق الزمن
Post: #66 Title: Re: مولانا أحمد الشايقي : ما أحلى صحبتك على ضفاف الراين!! Author: صلاح أبودية Date: 11-01-2010, 10:45 AM Parent: #64
كدى خليك من الزمن !! وعاين لى صورتك دى وعاين للصورة التانية دى نفس الخاطر بأخذ صورة من نفس الموقع !! سبحان الله !!!
Post: #68 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 11-01-2010, 11:35 AM Parent: #66
Quote: وعاين لى صورتك دى وعاين للصورة التانية دى نفس الخاطر بأخذ صورة من نفس الموقع !! سبحان الله !!!
على ما يبدو من نفس الموقع ونفس الوضع مع زيادة منه درجة زوووم طفيفة ،،
= الكاميرا رهيبة وممكن بعد دا الواحد يقدم لناس Google Earth ببساطة هههههههههه،، = على فكرة نوع الكاميرا التي أستخدمها مدهشة وسعرها معقول جداً (الآن بحوالي250 - 300 دولار) وهي ماركة Canon IXUS 210 وميزتها الرئيسية إنها TOUCH SCREEN 14.1 MEGA PIXELS
هذا لعموم الفائدة للمهتمين بالتصوير،،
على ضمانتي الشخصية : أحسن كاميرا لهواة التصوير بلا منازع : (من ذوات الأسعار المعقولة)، وكانون عموما في المقدمة!!!
Post: #71 Title: Re: مولانا أحمد الشايقي : ما أحلى صحبتك على ضفاف الراين!! Author: ابو جهينة Date: 11-02-2010, 06:45 AM Parent: #68
هذا البوست هو إكتمال ( للخيانة ) التي تمت بليلٍ غايتو إن شاء الله تنفعكم
Iam still doubting the Missed call
Post: #84 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-16-2010, 00:42 AM Parent: #62
Quote: حبيبنا أحمد الشايقي: قدصنا أن نوثق لهذه الرحلة القصيرة في مداها الشحمانة بذكريات ستبقيني وإياك في شوقٍ وتوق لتكرار ذات المزار إن لم يكن مضارب أخرى في مراعي هذه الدنيا : كفانا سافنا ياخ!! (قال غنية قال)!!
شكرا كريما وفيرا أخي عبداللطيف على التوثيق الرفيع الودود وكل ركن من هذه الأركان كان مليئاً بالذكريات العتاق والقفشات ذات البهجة
لك التحية وكل عام وأنت والأهل بخير
أحمد الشايقي
Post: #74 Title: Re: مولانا أحمد الشايقي : ما أحلى صحبتك على ضفاف الراين!! Author: Al-Shaygi Date: 11-02-2010, 10:50 AM Parent: #61
Quote: بس أوعك تصدقو
ده جزاي بدل ما تقول ليهو بي شبابه حلفوه ولما يحلف صدقوه....
يا خاين العشرة،،، قوام كدة نسيت ضفاف الستين ساعة العصاري والحسان يتحاومن حولنا كفراش حائر يختار أي زهرة مننا؟؟؟؟ عاد كان دقوك أنا ما مسؤول.... وصدقيني يا أم خالد...
Post: #75 Title: Re: مولانا أحمد الشايقي : ما أحلى صحبتك على ضفاف الراين!! Author: عبد اللطيف بكري أحمد Date: 11-02-2010, 07:17 PM Parent: #74
Quote:
الشكر بلا حدود لأخي الكريم الدكتور التجاني الأمين الصديق القديم الجديد والعزيز العزيز ابن المدرسة والمنطقة والجامعة لكلماته الرقيقة والتي عبرت عن حسن ظنه وطيب معدنه,
في هذه المساحة الرحبة من التلاقي على الإنترنت أرحب به وأتمنى لو يشاركنا التواجد والرأي والتواصل الالكتروني فيما لو عز مع ظروف الاغتراب التواصل المباشـر
كلمات الأخ د تجاني تأخذني دائماً في رحلة عبر الزمن نسترجع فيها ذكريات الأزمنة والأمكنة وقائمة الزملاء والصحاب والأساتذة العظماء وقيم المعهد العريق بخت الرضا... والجامعة العريقة جامعة الخرطوم
هي لفتة بارعة من د تجاني أن يجتهد ويعبر ويكتب ويثابر لتوصيل الكلمات الطيبات التي تعكس من أصالته المشرقة
كن بخير أخي تجاني وأسرتك الكريمة
أحمد الشايقي
Thanks Ustaz Ahmed Thanks Prof Tijani
Post: #79 Title: Re: مولانا أحمد الشايقي : ما أحلى صحبتك على ضفاف الراين!! Author: انعام عبد الحفيظ Date: 11-04-2010, 01:01 PM Parent: #75
ياسلاااااااااام يا عبد اللطيف ويا بختك بـ صحبة احمد الشايقي احمد دا معدن نفيس وعملة نادرة ودود ومحترم جداً ومهذب حد التهذيب وراقي حد الرقي ومثقف جداً جداً يستمتع الذي يجالسه بالحديث معه تحياتي ومودتي وإحترامي لك وله
Post: #80 Title: Re: مولانا أحمد الشايقي : ما أحلى صحبتك على ضفاف الراين!! Author: ناذر محمد الخليفة Date: 11-04-2010, 01:15 PM Parent: #75
الشايقي ..
Quote: شوف يا بتاع البتاع البتوع دول راحوا البتاعة عشان يبتعوا البتاع لكن البتاع اللي إنت بتتبتع عنه ده من من البتاعة دي وح يجيبوه والبتاعة بتاعت البتاع في الناحية البتاعية ومبدئياً البتاع الأول أتعمل في البتاعة وأتبعت للبتاع عشان يتبتع أما البتاع الكبير فده منتظرين بتاع البتاع يطلع البتاع من البتاع عشان يشتروا البتاع
وكل بتاع وأنت طيب...........
هههههههههههههههههههههههههههه
يعني الجماعة طلعوا بتاعين بتاعات ساكت ..!!
عبد اللطيف ...
السرعة مطلوبة ..
مشكور
Post: #82 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-08-2010, 08:44 AM Parent: #51
Post: #85 Title: Re: مولانا أحمد الشايقي : ما أحلى صحبتك على ضفاف الراين!! Author: أحمد الشايقي Date: 11-16-2010, 03:40 PM Parent: #82
Quote: ياسلاااااااااام يا عبد اللطيف ويا بختك بـ صحبة احمد الشايقي احمد دا معدن نفيس وعملة نادرة ودود ومحترم جداً ومهذب حد التهذيب وراقي حد الرقي ومثقف جداً جداً يستمتع الذي يجالسه بالحديث معه تحياتي ومودتي وإحترامي لك وله
شكرا شقيقتنا إنعام عبد الحفيظ على المرور الكريم والكلمات الرقيقة, وكل عام وأنت والأهل والأحباب جميعاً بخير وصحة وعافية وحقق الله أمانيكم
