ده كلام ده يا عادل عبدالعاطي ؟ او قُل ( صوت لوم) عديييل

Quote: الاغاني "الهابطة" ليست هابطة by Adil Abdel Aati on Wednesday, 20 October 2010 at 13:09 سألني بعض الاصدقاء لماذا انضممت لمجموعة "أروع الأغاني الهابطة" في الفيس بووك؛ أجبت لأني ببساطة أحب هذه الاغاني ؛ بما فيها من ايقاعات راقصة وديناميكية وروح خفيفة ومرحة؛ ولأنها تحقق الشرط الاول للفن: المتعة وفي الحقيقة أنا ارفض مصطلح الاغاني الهابطة؛ واعتبر ان هذه الاغاني ليست هابطة على الاطلاق؛ وانما هي اغاني جماهيرية في المقام الاول؛ او قل هي اغاني الربّة كما يقال في السودان عن الحفلات الراقصة الممتعة والبهجة التي ليس لها حدود وفي الواقع فأن الفن اخيرا قد تمت فيه تحولات جمة؛ وانتهى ما كان يسمى بالفن للفن الى مجرد فن للصفوة والمثقفاتية ؛ وهو في الغالب فن بارد ومعزول ؛ اما الفن الشعبي فقد تحول الى فلكلور ؛ وسيحكم عليه اما ان يتحول الى فن جماهيري(PopArt) او ان يندثر في النسيان واذا كان الفن الجماهيري في الغرب تعبر عنه شخصيات مثل شكيرا وبيونسي وغيرهن؛ فانه في السودان في مجال الاغاني يتجلي في صورة اغاني الربّة ؛ والتي تشكل صفعة قوية للغناء التقليدي السوداني وتحتل مساحات واسعة من قلوب الشباب؛ في ظل انحسار الفن الشعبي الفلكلوري شيئا فشيئا؛ وتضائل الاهتمام بالفن النخبوي البطئ الايقاع؛ في عصر السرعة والسندوتشات والاسمسات وقد يسأل متسائل وماذا عن كلمات تلك الاغاني؛ وعن الابتذال المنسوب اليها - أقول ان تلك الكلمات اكثر رقيا من واقعنا المتخثر ؛ وان الابتذال الموجود وسط السياسيين والمثقفين الذين اوصلوا بلادنا الى الخراب ليس له مثيل؛ وان كلمات تلك الاغاني البسيطة والمباشرة ؛ تعبر عن هموم يومية للشباب؛ وحتى اذا لم تعبر عن اي شي؛ فهي تدخل المتعة والفرح في القلب -وبالمناسبة فإن فنانة عالمية وشهيرة مثل شكيرا؛ قد ادخلت الكثير من الكلمات "الخارجة" في واحدة من احدث اغانيها بالاسبانية؛ في البومها الجديدSale el Sol انا ارى ان مستقبل الغناء والفن السوداني يكمن في تطوير الايجابي من اغاني الربة؛ اي الايقاعات والروح؛ وتطعيمها بكلمات من شعراء شباب يفهمون روح العصر ؛ وكذلك مخرجين شباب يحولونها الى اغاني مصورة - فيديو كليب-- ذلك ان هذه الاغاني لا تجد لها افاقا واسعة للتقدم الآن ؛ ولا تملك الا ان تربط نفسها باجتهادات مغنيها او بالتكرار في الكلمات؛ وفي مجال تحويلها الى اغاني مصورة يستعين مروجي هذه الاغاني بدمجها في كليبات راقصة اثيوبية او افريقية؛ في مزج فريد متجاوز لحقوق النشر ولقواعد الكمال التي يفرضها الفن النخبوي؛ لكن هذا الدمج اللذيذ وغير المتقن يعبر عن الاتجاه الحقيقي لتلك الاغاني؛ أي ادخال مزيد من الفرح والحرية في حياة الناس فلتحيا اغاني الربة اذن؛ ولتذهب زاد الشجون الى متحف الاغنية السودانية 20-10-2010 ملاحق: مجموعة أروع الأغاني "الهابطة" على الفيسبووك http://www.facebook.com/pages/arw-alaghany-alhabtt/123853730965951 نحو مزيد من الدفاع عن الفن الجماهيري وموسيقى الربة والافلام الجماهيرية راجع كتابات مدحت محفوظ على هذا الرابط http://everyscreen.com/views/popart.htm Comment ·LikeUnlike · Share

وجدت اعلاه في الفيسبوك اليوم , و ادهشني موقفك , فآثرت ان نتناقش حوله هنا كما هناك لنُعمم آراء جديدة و جرئية.

Quote: فلتحيا اغاني الربة اذن؛ ولتذهب زاد الشجون الى متحف الاغنية السودانية

سلامات خدر...يسمع العاوزه عادل عبد العاطى...لكن كمان ماله و مال "زاد الشجون" ???
على العموم من ما قمنا فى الدنيا فى غناء هابط. و كل يوم متغيير. لكن الغنا الجميل بيبقى. اسمع فيروز و شوف اغانى ليها عشرات السنوات لازلت جميلة and fresh. اسمع ابو الامين....و قول الحمد لله ربنا طلعنا فى زمن ممكن نسمع فيه غناء "خالد" ذى ده.
عادل عبد العاطى تكون جاتوا زهجه من حاجه خلتوا يطلع من اعصابوا

سلام إسمارت
معاك مليون في المية

تحية طيبة للجميع ،

طيب يا استاذ خدر ، الاعتراض على شنو ؟ الالفاظ ؟ المعنى ؟ اللحن ؟ طريقة اداء المغنى

و ماهو الهدف من الغناء ، غذاء للروح ؟ ترويح عن النفس ؟ تعبير عن حالة راهنة

الشعراء ، هل لهم تصانيف ؟ شعراء للصفوة ، شعراء الفصحى، شعراء اللهجة الدارجة، شعراء الرنات

معليش تقلنا عليك و لكن عسى نجد عندك اجابة لهذا السؤال ( ماهو الغناء الهابط)

مثال سمعته من صديق ، عندما كنا ننقاش ذات الموضوع

تقول الاغنية المصنفة هابطة (حنانه)

دق الباب و جانا ... و انا جريت ليو حفيانة ... كنت فاكرو حبيبى

و ترجمها الى

سمعت وقع الطرقات ... فركضت وجى الخطوات .... اترقب حبيب آت

و بعدين غنها بلحن من عندو ، على وزن الحان كاظم الساهر

و كان دفاعه ان المعنى لم يتغير ، تغير اللجن ، و تغيرت الكلمات و التى هى اصلا من واقعنا المعاش

الاخ خدر
سلام

اظلاق صفة الهبوط على تلك الاغانى يكاد يكون فرية كبرى
فبالتمعن فى مفردات معظمها تجد انها تخلو من البذاءة او (خدش الحياء), رغم تحفظى على هذين المفهومين فى مجال الفنون (و الا فلماذا نقبل لوحات الفن التشكيلى الكلاسيكى العارية, و نرفض اغنية عارية؟
تجد هذه الاغانى و المغنون و المغنيات الذين يؤدونها حربا ضروسا من المؤسسات الرسمية و من المغنيين (التقليديين), ربما (غيرة) من شدة انتشارها و من شعبية من يؤدونها
و بنظرة تاريخية لمسار فننا الغنائى نجد ان بدايات الغناء الحديث هى فى احد روافد (الغناء الهابط) التاريخية المتمثلة فى اغانى التم تم التى جلبتها الى العاصمة مغنيتان من كوستى. اعمل المغنون الحديثون الاوائل (امثال عبد الحميد يوسف و حسن عطية) مباضعهم فى غناء التم تم الذى لاقى شعبية واسعة حينها فيما سموه (تهذيب) و (تشذيب) لكلمات تلك الاغانى. الامر الذى ساهم فى تقبل الناس لما اتوا به من جديد
اذن فللنظر بعقل و قلب مفتوحين لذلك الضرب من غناء شعبنا الذى يعبر عنه و يسعده اكثر مما تفعل مؤسسة الغناء الرسمى بادائها المعسم و البارد

سلامات عادل و اريتك طيب
مبتدأ , انا لا اقف كتير في المسميات علي شاكلة ( غناء هابط) حتي لا ينسف الأختلاف حول التسمية مضمون العمل الفني - إن جاز ان نطلق عليه عمل فني - فأنا يا صديقي دوما اهتم بجوهر العمل الابداعي (كتابة- شعر - موسيقي - تشكيل) و كما تعلم نحن شعب (حريف) في إبتداع التسميات كيفما إتفق دون ضابط لذا دعنا نذهب مباشرة الي جوهر ما يسمي بالغناء الهابط حتي نساعد النقاش بشوية نماذج. عن موقفي من ما يسمي بالهابط و للامانة , انا ضد ما يسمي بالغناء الهابط في مستوي إنتشارو الحالي (اي ان تفتح له ابواب الاجهزة الاغلامية و تتناوله الصحف بالنقد او التقريظ ) فالغناء الهابط تاريخيا موجود و في كل الدنيا لكنو محصور في مناطقو الثقافية و الثقافية دي لا اقصد بها ما عناه صلاح احمد ابراهيم في
وليتنى في الزنوج ولى رباب تميد به خطاى وتسـتقيم
مناطقها الثقافية اعني بها اماكن حضورها و طغيانها دون الاخذ في الحسبان الجنس او اللون و اظنك تعلم مدي إنتشارها الان و انماط معتنقيها او المروجين لها. علي المستوي الاخر انا لا انزعج من وجود الغناء الهابط لكني مع الاغنية التي تملأ وجداني و ترقصني و اتعلم منها شيئا جدا. و قطعا إن خُيرت بينها و بين ما يسمي بالهابط سأطلق الرصاص بلا شك علي جثته و املأها ثقوبا إن وُضعت امام خيار البقاء لمن؟

سأقف هنا و سأستصحب بعض ما اراه من نماذج ما يسمي الهابط حتي تنجلي غمامة نقاشنا و نتفق علي مضامين ما يسمي بالهابط قبل ان نسترسل في النقاش.

اتمني ان اسمع آرآء الزملاء , مختصين او مستمعين

يبدو ان اخوتنا الكرام يخلطون بين الاغنية الشعبية التلقائية
ومقلديها من المصنعجيه
عموما السماع مزاج
كل الود

"خبر السواد مالك يا زول"
مقدمه البرنامج مهجومه ووشها شكلو بيقول " الهم لا تمحنا لا تبلينا"
ولله غايتو السودان بقي لذيذ
و الحاجات اللابسنها الشباب ديل برضو تبع " خبر السواد"
سمح

ما جنبكم مطرق غليدة

ازيك يا خدر
يشهد الله انفقعت بالضحك من منظر المذيعة و الزول ابو شنب المعاها دا. المذيعة باين عليها الارتباك الشديد من سماع خبر السواد ـ،، اما الراجل ابو شنب ظل طوال الوقت يلبس قناع ملامح صارمة و اٍحتفظ بوجهه مكفهر و جامد، فى حضرة الجلسة المفترض انها موسيقية، واضح ان الرجل يخشى العواقب التى قد تأتى من اٍبداء اى اٍنطرب لهذا الخبر السواد. فعلا خبر السواد.

يا خدر أنا مسميها "أغاني العنف"
المشكلة عندها جمهور من الشباب!

خدر يا فنان

تحيات و حمدا لله على السلامة .

يا خدر يا أخوي الغنا عموما - زي ما إنت عارف - نتاج لغة و قيم آنية سائدة في مجتمع ما- وهذه أشياء في حالة تغير دائم - . يعكس فيه الناس أحلامهم .. واقعهم و خيباتهم . و قد كان و لا يزال هناك ثلاثة مستويات للغناء : غناء صفوة له جمهور عريض يجمعهم وعي خاص بهم و غناء طبقة وسطى و هذا صاحب القاعدة الكبرى و قد كان و لا يزال هناك هذا النوع الأخير من الغناء ( سمه ما شئت ) كل الذي اختلف أنه كان يسمى أغاني بنات و كانت الأبواب الإعلامية أمامه مغلقة . ليس لدي اعتراض عليه و لكن شكل الشباب القاعدين يغنوا ليس مقبولا بالمقاييس السودانية التي أعرف . هناك لغة جسد واضحة أثناء الآداء و خاصة العيون و قد أكون مخطئا و لكن هذا ما أحسسته .

يا خدر يا فنان

ازيك

وحمد الله بالرجوع لقواعدك سالماً

مودتى

نون
تعابير وش المذيعة افصح رد علي نوع الغنا ده





نزار

Quote: و الثقافية دي لا اقصد بها ما عناه صلاح احمد ابراهيم في وليتنى في الزنوج ولى رباب تميد به خطاى وتسـتقيم

عذرا للخطاء الجسيم, القصيدة لممحمد المهدي المجذوب , يبدو ان جدل الغابة و الصحراء كان يحوم في مكان ما في رأسي ساعة كتابة ردي.
شكرا دكتور بشري الفاضل للتنبية

88

عوض و ومحمد الامين
سأجيب علي اسئلتكما وفق رؤيتي لالامر في سياق حديثي لاحقا





استاذ يوسف
الخلط كبير جد
ياريت تواصل معانا في البوست
رأيك مهم طبعا وانت (مالك الذي في المدينة)

والله اليومين ديل صاحبك مزنوق جنس زنقه
وقايم على السودان يوم الخميس القادم ان شاء
الله مع تكله في الامارات زي ٣٠ ساعه
قبل الوصول الى الخرطوم الاحد ٣١
ان شاء الله تكون لسه هناك
ولو ما هناك عليك الله اديني الو هسع
============
ان مفهوم الاغنية الشعبية
هي الاغنية التي غالبا ما تكون مجهولة المؤلف وتنتقل بين الناس سماعا
وتتغير بحكم ذلك السماع من شخص الى شخص ومن جيل الى جيل
اما ما يحدث في السودان الان فهو شغل مصنوع من اجل السوق المحلي وقد نجح في مسعاه
وهو متنفس كبير للشعب من الضغوط العنيفة الحالية

Quote: فلتحيا اغاني الربة اذن؛ ولتذهب زاد الشجون الى متحف الاغنية السودانية

لم اري تحامل علي ذاد الشجون و رصيفاتها قدرما رأيت إنفعالك باغاني الربة ( إن جازت التسمية) و حتي نحكم الانشوطة حول ما يسمي بالهابط .اغنية الكاشف اعلاة , كانت من إبداعات عبقرية الكاشف فيما عُرف لاحقا بالاغاني الخفيفة. و هي اغنيات تنظم شعرا خال من المحسنات و الصور البلاغية المعقدة و اشكال البلاغة الاخري. شوف اسمر جميل وصلت وين ؟


ورطة كبيرة موش ؟

Quote: أقول ان تلك الكلمات اكثر رقيا من واقعنا المتخثر ؛ وان الابتذال الموجود وسط السياسيين والمثقفين الذين اوصلوا بلادنا الى الخراب ليس له مثيل؛

هنا يكمن في ظني بيت القصيد
ربما أراد صديقنا عادل عبدالعاطي التعبير عن إمتعاضه السياسي فقام بـ ( تمجيد ) الواقع الفني الذي أفرزته تلك السياسات .
أو لعله أراد القول أن هذه الأغاني ( الهابطة ) هى نتائج منطقية لأسباب السياسة ( الهابطة ) التي ( أوصلت بلادنا الى خراب ليس له مثيل؛ ) .
أزيلوا الأسباب تختفي النتائج

أو

" كيفما كانت سياساتكم يكون غناؤكم "


سلامات خدر يا فنان

خدوري

سلامات

يا اخي نحن امة ادمنت الهبوط بواسطة اكبر رئيس هابط في التاريخ بل صار الهبوط ديدنها وعنوانها فكيف تستنكر عليها نمطا من بضاعتها الوحيدة والتي لا ينافسهاعليها احد...!
اضحك مع هذه المنتجة (الهابطة) والتي تؤصل لهذا الهبــــــوط السوداني المهول!
ــــــــــــــــــــــــــــ

العزيز خدر

يا زول الجرجرة دي الداعي ليها شنو ؟؟ ما كان تكتب في الفيسبوك بي هناك ؟؟

عموما اعجبني اقتراح لاحد الشباب بتسمية هذه الاغاني الشبابية والخفيفية بالفن الظابط ؛ وهي حقيقة اغاني ظابطة وعلى السلك؛ واكثر ديناميكية من اغاني المثقفاتية ثقيلة الدم رتيبة الايقاع متكلسة المعاني .

اثبت لك زعمي يا خدر ((انا ارى ان مستقبل الغناء والفن السوداني يكمن في تطوير الايجابي من اغاني الربة؛ اي الايقاعات والروح؛ وتطعيمها بكلمات من شعراء شباب يفهمون روح العصر ؛ وكذلك مخرجين شباب يحولونها الى اغاني مصورة - فيديو كليب-- ذلك ان هذه الاغاني لا تجد لها افاقا واسعة للتقدم الآن ؛ ولا تملك الا ان تربط نفسها باجتهادات مغنيها او بالتكرار في الكلمات؛ وفي مجال تحويلها الى اغاني مصورة يستعين مروجي هذه الاغاني بدمجها في كليبات راقصة اثيوبية او افريقية؛ في مزج فريد متجاوز لحقوق النشر ولقواعد الكمال التي يفرضها الفن النخبوي؛ لكن هذا الدمج اللذيذ وغير المتقن يعبر عن الاتجاه الحقيقي لتلك الاغاني؛ أي ادخال مزيد من الفرح والحرية في حياة الناس)) - وحقيقة قد اسعدني ان اقرأ مساهمات الاخوان محمد الامين احمد ود. عوض وغيرهم؛ حول جدلية العلاقة ما بين ما نسميه لالفن الهابط وهو فن جماهيري في المقام الاول؛ وتطور الغناء السوداني - ولنتذكر ان اغاني عائشة الفلاتية كانت في بدايتها تعد من الفن الهابط؛ بل ان الفن كله كان يعد صعلكة يا خدر ؛ وذلك من طرف القسم المحافظ من المجتمع؛ ولا تزال بعض الفنون تعامل على اساس انها تحلل وقلة ادب؛ من قبل اولئك المحافظين.

الغريبة الان ان بعض التقدميين يمارس نفس التعسف والاجحاف تجاه هذا الفن الجماهيري؛ والذي في مجمله يعالج قضايا اجتماعية اهملها هؤلاء التقدميين ضمن غنائهم عن مريم الاخرى والمجدلية او حتى زاد الشجون .. زاد الشجون دي معناها شنو بالمناسبة ؟؟ ومريم الاخرى دي منو ؟؟ دا كلام فارغ اذا اردنا للفن ان يكون جماهيريا حقا ؛ وحق للشعراء والنقاد والمثقفين ان يهتموا بهذا القطاع من الفنانين وان يساعدوهم بكلمات بسيطة اكثر رقيا؛ وبالدعم والتشجيع وتقديم جزء من الوعي النظري لهم؛ بدلا من رمي الطفل مع ماء الغسيل .

لك الود

خدر سلامات تاني

Quote: مبتدأ , انا لا اقف كتير في المسميات علي شاكلة ( غناء هابط) حتي لا ينسف الأختلاف حول التسمية مضمون العمل الفني - إن جاز ان نطلق عليه عمل فني - فأنا يا صديقي دوما اهتم بجوهر العمل الابداعي (كتابة- شعر - موسيقي - تشكيل) و كما تعلم نحن شعب (حريف) في إبتداع التسميات كيفما إتفق دون ضابط

دا كلام تمام ..

Quote: دعنا نذهب مباشرة الي جوهر ما يسمي بالغناء الهابط حتي نساعد النقاش بشوية نماذج. عن موقفي من ما يسمي بالهابط و للامانة , انا ضد ما يسمي بالغناء الهابط في مستوي إنتشارو الحالي (اي ان تفتح له ابواب الاجهزة الاغلامية و تتناوله الصحف بالنقد او التقريظ ) فالغناء الهابط تاريخيا موجود و في كل الدنيا لكنو محصور في مناطقو الثقافية و الثقافية دي لا اقصد بها ما عناه صلاح احمد ابراهيم في وليتنى في الزنوج ولى رباب تميد به خطاى وتسـتقيم

انت اذن مع اقصاء هذا النوع من الفن من الساحة العامة ولا تريد حتى نقاشه بالنقد ناهيك عن التقريظ - هذا فيه احتقار لجهد هؤلاء الشباب واحتقار لمعجبيهم لا يجب ان يصدر من فنان وفنان تقدمي كمان .. عموما هذا الفن انتشر خارج نطاق المؤسسات الرسمية والاعلامية والنقاد بل فرض نفسه فرضا عليهم بانتشاره الجماهيري في المقام الاول .

Quote: مناطقها الثقافية اعني بها اماكن حضورها و طغيانها دون الاخذ في الحسبان الجنس او اللون و اظنك تعلم مدي إنتشارها الان و انماط معتنقيها او المروجين لها.

لا وحياتك ما عارف اين هذه المناطق الثقافية التي تتحدث عنها - كل ما اعلمه انه فن منتشر وسط الشباب من الجنسين وان لا احد يروج له غير ايقاعاته وبعض الهواة من المعجبين .

Quote: علي المستوي الاخر انا لا انزعج من وجود الغناء الهابط لكني مع الاغنية التي تملأ وجداني و ترقصني و اتعلم منها شيئا جدا.

دا برضو كلام ممتاز ويطرح مسألة حرية الاختيار بين بضائع فنية مختلفة موجودة على الساحة البقاء فيها للاقوى والاكثر قدرة على الانتشار والامتاع . انا شخصيا ما داير اي اغنية تعلمني شيئا جديدا - داير اغاني تمتعني بس .

Quote: و قطعا إن خُيرت بينها و بين ما يسمي بالهابط سأطلق الرصاص بلا شك علي جثته و املأها ثقوبا إن وُضعت امام خيار البقاء لمن؟

ليه كدا يا خدر ؟؟ ما قبل شوية قلت انك لا تنزعج من وجوده ؛ الان عايز تطلق عليهو الرصاص مرة واحدة ؟؟ وخيار البقاء لمن لا يحدده اطلاق الرصاص ولكن تحدده الجودة والانتشار الجماهيري؛ فان ظل متكلسي الفن الصفوي يغنون لنا بالعود والاوركسترا الكئيبة والكمنجات المتكررة والدربكة والبنقز فهم خاسرون رهان البقاء لا محالة .

Quote: سأقف هنا و سأستصحب بعض ما اراه من نماذج ما يسمي الهابط حتي تنجلي غمامة نقاشنا و نتفق علي مضامين ما يسمي بالهابط قبل ان نسترسل في النقاش.

هذه الالحان ضعيفة ومتكررة في المقام الاول وهذه نقطة ضعفها الاساسية - واظنك اخترت هذه النماذج مخصوص - اما الكلمات فلو كانت الالحان قوية فلا بأس ان تغيرها بكلمات افضل ونكون قد خلقنا اغاني ديناميكية هي من اشد ما نفتقده في غنائنا السوداني المتكلس .

لك التحايا

Quote: هذه الالحان ضعيفة ومتكررة في المقام الاول وهذه نقطة ضعفها الاساسية - واظنك اخترت هذه النماذج مخصوص - اما الكلمات فلو كانت الالحان قوية فلا بأس ان تغيرها بكلمات افضل ونكون قد خلقنا اغاني ديناميكية هي من اشد ما نفتقده في غنائنا السوداني المتكلس .

ده خبر جميل يا عادل .. طيب قبل ما نمشي لي قدام في الونسة ياريت تخت لينا نماذج للغنا الظابط بتعجبك هنا في البوست من اليوتيوب
عشان نواصل فوق رأي


مودتي

سلامات يا عادل و ماك طيب
يا سيدي ما رديت هناك لاني ما عارف مكانو وين زاتو غناكم الظابط ده في الفيسبوك انا لقيتو صدفة جدا في صفحة عادل عبدالعاطي
و بعدين انت داير توديني بهناك مالك يا حاسد !! انت ما بتدور لي الخير ولا شنو ؟
جبت الحوار هنا يا عادل عشان نتناقش حولو للاتي
- لانو وقع لي فوق جرح و عندي كلام فيهو عاوز اقولو
- لانو إندهشت من موقفك منو
- لانو هنا مساحة الجدل و توضيح الآراء اوسع
- لانك علي رأس حزب و خايفك تساهم في تأسيس بند الفن في حزبكم علي منطقك ده
كنت بصدد اني اكتب ورقة كاملة حول الغنا الظابط , كرد عليك لكني فضلت النقاش هنا (معك و الاخرين) عشان نمرق بي ورقة اكبر.

حا ارجع ليك باقي اليوم للنقاش , خليك قريب و ماتبعد

لوول يا خدر

طوالي عملت لي الحكاية حزب وعلى راسو وبند الفن في حزبنا ؟؟ لووول عديل

يا اخي انا سودانيز اونلاين دي زهجان منها ومكجنها عديل والفيس بوك منبر ديمقراطي اي زول يقدر يسجل فيهو وما فيهو شطب مساهمات الا وفق لوائح وقانون وليس هبتلي كما يتم في المواقع السودانية المتخلفة ؛ ولا استثنى هنا احدا؛ وبالمناسبة صديقنا بكري ابو بكر ذاتو طلع من علبو ومشا سجل في الفيس بووك شايفو نشيط بي هناك .

عموما مرحب بي نقاشك وان كنت يمكن الا اساهم فيه كثيرا لمشغوليات عدة




سؤال جانبي يا خدر

انت عارف انو ((اغنيتي الكاشف بطير بى فوق و يا صغير اعتبرتا هابطة فى ذلك الوقت و رفضت الاذاعة تسجيلهما

فسجلهما فى الاذاعة المصرية فى ركن السودان و تم استجلابهم لاذاعة امدرمان

بعد وفاة الكاشف عليه رحمة الله)) كما جاء في احد المنتديات ؟؟

غايتو يا خدر عملت دعاية للمجموعة ما كانوا يحلمو بيها
لقيت وليد الشفت بي هناكـ ومجموووووووووووووعة تانية ( إضاريت ) وراهم وسجلت إعجابي

عزيزي عادل تحيات و إعتذار عن التأخير مع الزمن الممحوق , ده رد سريع و غير مرتب عشان نسخن النقاش .
الاغاني محل النقاش ليست جماهيرة ولا اعلم كيف قستها و وفق اي مترونوم , الاغاني دي اغاني محصورة في مناطقها حتي مجئ الانقاذ الفتحت ليها الابواب علي مصرعيها عشان تنمو و تتضخم عشان تشغل الناس . ايضا هي ليست اغاني الربة زي ما قلت , اغاني الربة تاريخيا في السودان كانت علي شاكلة اغنيات ابراهيم عوض الخفيفة و اغنيات زيدان الخفيفة و علي قدر الشوق و شرحبيل احمد .في مجموعها هي الاغاني ذات الطابع الايقاعي الخفيف و دي نبعت تاريخيا من كسرة ابو علي (حسن عطية) الشهيرة في نهاية الاغنية لوضع إعتبار للرقيص بإعتبارو واحد من ادوار الاغنية (موش كل اداور الاغنية) .
عاشة الفلاتية لمن ظهرت كان ينظر لها كما ينظر لما يسمي بالهابط الان , لكن كانت عائشة تتوق لفن حقيقي و مواكب لذلك تعاونت مع استاذ الاجيال اسماعيل عيدالمعين و اللي هو نفسو كان بغني ايقاعات راقصة و خفيفة و صاحب مدرسة الزنجران المعروفة , الفلاتية طلعت لينا غنا خالد حتي الان فمن منا يزكر لها ما تغنت به قبل يا حنوني و يا بلال و ..الخ؟
ما يسمي الهابط الان لم يحدث اي تحولات , التحولات الحدثت اصلا سياسية , الفن السوداني توقف في محطات ما قبل الانقاذ مع النذر اليسير جدا من الاشراقات للمجددين الحقيقيين , ما يحدث الان عبارة عن فوضي و إسفاف و انا في ذلك لا ادعم مصطلح غناء المثقفين يا عادل رغم تقديري الكامل للمثقفين الدعموا الكثير من المغنيين و ساهموا معهم في تنضيف إضنينا بالدرر فسمعنا اراك عصي الدمع و يا لاهية و داو ناري و طائشة الضفائر غيرهن كثيرات . ولا انفي عن المثقف دورة في إنتاج الكثير من الشعر الغنائي السوداني و تنقيحو منذ بدء الاغنية السودانية و حتي توقفنا بحمد الله في بداية عهد الانقاذ بعد ان شغلت الانقاذ المثقفين في روحهم و بقي ما عندهم زمن يسمعوا او ينقحوا او حتي يشاركوا بي رأي . نحمد الله انو مثقفيننا تنازلوا عن عرشهم العالية و تعاملوا مع الغناي بندية و ساهموا في تشذيب اغنياتنا( مجموعة ابوداوؤد ) و (مجموعة زيدان ابراهيم) و قبلهما ثنائيات ود الريح و ابراهيم عوض حتي وصلنا الي ابوعركي البخيث و موصلي و الكثيرين الذين لا يعلم بهم احد.. راجع معظم درر الغناء السوداني تجد خلفها مغنيين و مثقفين. إذن الفن لم يكن في يوم من الايام فن صفوة و مثقفاتية حتي قبل دخول الفونغراف و الاذاعة للسودان , كان الناس يهاجرون الي بيوت اللعب (الحفلات ) و بعد دخول الاذاعة تتحلق الاسرة جميعها خلف المذياع ليسمعوا آخر الاغاني و السهرات . ماتسميه بالفن البارد تبع المثقفين ده كان بحصل في مناطق محدودة جدا و معروفة في السودان إبان الاستعمار البريطاني , كانت توجد دور الفن و الثقافة ( دار او صالون فوز) و دي برضو ثقافة استلفناها من المصريين لكن لحسن حظنا لم يُكتب لها الاستمر بشكل كبير .
الفن الفلكلوري انا ادعمة بشدة و للفنان السوداني الكثير من الانجازات في هذا المجال لا غبار عليه و يجب التركيز عليه و إخراجو في قوالب لا تتعارض مع طعمو الحقيقي و ده نقاش تاني مختلف , لكن قياسك علي شاكيرا في ظني خاطي , شكيرا تعكس ما يحدث في مجتمعها (كلمات شاكيرا الخارجة قستها علي اي قياس ؟ مجتمعها ام مجتمعنا.؟) و الفت نظرك انو شعراء الحقيبة قالوا ما قالوه فيما هو خارج آنذاك بلغة ساحرة و مقبولة
ابو صلاح قال
برزن نهودة و عامن في الفضا مجاهدين
و علي هلاك العاشق ديمة متحدين
و العمرابي قال
لو في النساء رسلا كنت النبية
ما بسلي ريدك لا وحياة امية
و البنا قال
ها هي حقيقة الامر
انا ما بسكر من الخمر

نهود و رُسل و خمرة , تم بثها في الراديو في الوكت الفيهو انو الثلات كلمات منفصلة دي كانت كافية لإعدام اصحابها رميا بالرصاص إن قيلت منفردة ( تقول لي شاكيرا ؟ ) و تلك ليست من عبقرية الشعراء اعلاه فقط لكن من أدبهم الجم و قيادتهم لعصرهم وفق شروطهم المجتمعية ( حا اشرح اكتر خلفيات شعر الحقيبة لاحقا) في الفترة الزمنية دي نفسها كان إسفاف الهابط موجود لكن لم نسمع له صوتا

اواصل

رغم انني لااستطيع مشاهده اليوتبوب وبكون متل الاطرش في الزفه
لكين متعه ان اقراك يا خدر
وطالما نزار حسين قال داير بسطونه
بالله كتروا لينا من مطارق السلم .

خالة دومة , كل سنة وانت و حِبانك بألف خير
شكرا كتير علي الاطراء , موضوع الغنا الهابط ده تاعبني شديد و بتعبني اكتر آرأء شباب مستنير زي عادل
عشان كدي قلنا نتبادل الافكار هنا واخترت عادل لانو من الشجعان في آرأهم .. اتمني ان نطلع بأفكار جديدة
و رجائي مساهمتكم جميعا و انت علي وجه الخصوص لما قرأتة لك من أرأء جريئة.

شكرا يا ستنا

السلام عليكم

العيد مبروك وكل سنه وإنتو طيبين

الأصدقاء والحبان خدر وعادل


شوق دميره وفاقدكم وقرمان عديل كده

ليكم وحشه حقيقيه وفرقتكم ما بتنسد

من باب المفهومين البتسكعوا جوه الكتابه دى ذاتا

ما تحرمونا منكم ومن طلاتكم ، لأننى احبكم هابطين او متعالين معانا وبينا


بكرى يا عادل كان طش من هنا ومن الحلفايه ياهو البكان دا الليل ا لسوادنه والسودانيات بهابطم ولا متعاليهم .

غفلت المشغوليات ولقيت لى رقراق


لا أعد بالعوده لكن بإحتفاظى فى حقى كاملا بالمتعه والمؤانسه .

ارقدوا طيبين وكل حضور وإنتو عالين وتامين .

يا طارق سلامات

موضوع الغناء الهابط ومعيار الهبوط دي يخيل لي دوامة مستمرة

وطالما صعب علي الناس ايجاد معيار مانع جامع يصبح من غير

الممكن اطلاق مسميات تحوز علي العمومية والتجريد.

وبالتالي فان معيار الحرية هو الاصل، فانت حر في ان تسمع مايعجبك

وترك البضاعة الاخري لمن تستهواه، هذا لايمنع بالطبع اجترار نقاش

توصيفي لسيادة انواع محددة من الغناء في ازمنة محددة، وبالتالي يسهل

توصيف اللونيات من خلال توصيف الحقب وبذلك يمكن مقاربة المسألة

البديهية عن ارتباط الغناء بمحددات التطور والتدهور في المجتمع المعين

وبالتالي يمكن ان نقول هذا غناء زمن الانحطاط وهذا غناء زمن الصعود

وستجد من يسمي زمن الانحطاد نفسه زمن الصعود، وهكذا تدور الدوامة

وعلي الرغم من ذلك يا طارق تجدني معجب برائعتك "مشينا مرة جبرونا"

فارس يا حلو
ليك شوق والله يا ولد ابا و مشتهيك عديل
كيف واشنطون علي حسك و كيف معافرة المعايش
اريتك طيب يا صاحب و تشكرات علي الزيارة
و ارمي سهمك معانا يا فنان .. سهمك مهم



عجب
جبرونا في عينك
حاارجع لي كلامك بتفصيل بعد ما اخلص كلامي كلو

خدر سلامات

برجع ليك ما دام نقلت البوست هنا
الظاهر الكلام حارقك شديد .

Quote: هذا لايمنع بالطبع اجترار نقاش توصيفي لسيادة انواع محددة من الغناء في ازمنة محددة، وبالتالي يسهل توصيف اللونيات من خلال توصيف الحقب وبذلك يمكن مقاربة المسألة البديهية عن ارتباط الغناء بمحددات التطور والتدهور في المجتمع المعين

لووووووووووب والعجب عشانى
والله دا طمبجا ليكم طمبجه تستاااااهلو
تانى اعملوا لي فيها مثقفاتية !!






ــــــــــــــــــ
خدر ! ممكن اشارك ؟