Post: #1 Title: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 10:26 AM
سلام يا شباب على الرغم من أن الأكثرية هنا في هذا المنبر من خريجي مدرسة الخرطوم القديمة الثانوية العليا بنين وبنات إلا أنه لا يوجد بوست للتواصل، يعني مدرسة ما عندها وجيع؟!
أها قلنا فتح نافذة للتواصل وطعمناها بمدرسة القديمة بنات
Post: #2 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 10:29 AM Parent: #1
تخرجت منها دفعة 91 - 92 الفصل الأول خالد الفصل الثاني خالد الفصل الثالث بكر
ومن دفعتي في هذا المنبر أحمد الشريف وأباذر على خليفة
Post: #3 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 10:41 AM Parent: #2
كان مدير المدرسة لحظة تخرجنا هو الأستاذ مصطفى عابدين ووكيل المدرسة هو الأستاذ عوض الجيد إبراهيم وكان أبو فصلنا ثالثة بكر هو الأستاذ بدر الدين بتاع الفيزياء ومن أساتذتنا الذين أكن لهم كل التقدير والاحترام الأستاذ النابغة أستاذ الطيب أستاذ الرياضيات الإضافية الأستاذ التيجاني - أستاذ الرياضيات الأولية وأستاذ كمال شرفي - للغة الإنكليزية والأستاذ مهدي - كيمياء والأستاذ الحاج محمود - كيمياء والأستاذ أسامة جلال - الأحياء والأستاذ خالد أبو شنب - الأحياء والأستاذ محمد أحمد - الفنون والأستاذ الحنان - اللغة الفرنسية ومن الأستاذة الفطاحلة الأستاذ محمد عطية، أستاذ الرياضيات بمدرسة القديمة بنات والأستاذ الفاضلابي - اللغة العربية والأستاذ النابغة أمين نوري من مدرسة الخرطوم الجديدة، أستاذ اللغة العربية وكان يشارك في التدريس بمدرسة الخرطوم القديمة، وحتى الآن أذكر بيت شعره المفضل: شعثٌ مفارقنا تغلي مراجلنا نأسوا بأموالنا آثار أيدينا
Post: #4 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 10:48 AM Parent: #3
من المواقف الطريفة فيها والعالقة بالذاكرة هتافات الأدبيين في كرة القدم وهو: لا ستاتيكا ولا ديناميكا يا تأريخ بالدم نفديكا لوول
Post: #5 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 10:52 AM Parent: #4
كان عدد الفصول بها أربعة وعشرون فصلاً ثمان فصول لكل صف وهي: 1) بكر 2) عمر 3) عثمان 4) علي 5) خالد 6) أبوعبيدة 7) عباس 8) مسلم في السنة الثالثة فصل بكر للرياضيات الإضافية وفصول عمر و عثمان وعلي للعلمي أحياء وبقية الفصول أدبية
Post: #6 Title: Re: تواصل خريجي مدرسة الخرطوم القديمة الثانوية بنين وبنات Author: مزمل خيرى Date: 10-14-2010, 10:52 AM Parent: #4
يالنذير بالله بعدين أعمل لينا بوست لخريجى مدرسة البيلى ...
Post: #7 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 11:29 AM Parent: #6
ح نكون أنا وإنتا بس تعرف يا مزمل أكتر زول واصل معاي من دفعتنا وما إتفارقنا ودائماً في فصل واحد محمد أحمد عبد القادر الإعيسر الزول دا معاي 12 في فصل واحد وإتفارقنا في القديمة، قلتا ليهو ياخي عملت لي وجع وش لووول حالياً على ما أعتقد في لندن
تحياتي لك وللإعيسر
Post: #8 Title: Re: تواصل خريجي مدرسة الخرطوم القديمة الثانوية بنين وبنات Author: مزمل خيرى Date: 10-14-2010, 11:38 AM Parent: #7
فعلاً دكتور محمد مقيم فى لندن وأعتقد أنو أخد الجنسية كمان .! ياريت واحد من الأعضاء أو القراء يجيب لينا خبرو ا ..
تحياتى ...
Post: #10 Title: Re: تواصل خريجي مدرسة الخرطوم القديمة الثانوية بنين وبنات Author: doma Date: 10-14-2010, 11:47 AM Parent: #8
ظاهر انكم قريتوا في عهد الانقاد من اسماء فصولكم دي
Post: #9 Title: Re: تواصل خريجي مدرسة الخرطوم القديمة الثانوية بنين وبنات Author: أيمن الطيب Date: 10-14-2010, 11:41 AM Parent: #7
سلام يا حجازى برلوم,, أولى وتانية عمر وتالتة أبوعبيدة..ويا تاريخ بالدم نفديكا نفس التفاصيل والملامح والشبه وأضف إليها فصل (أولاد بحرى)..
حصل قبلا أن فتح بوست للتواصل بواسطة جنابو محمد عبدالمنعم التلب ولكن لم يجد حظه من الإهتمام,,
سأعود يا حبيب..
تحياتى,,
Post: #11 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 11:52 AM Parent: #9
Quote: فعلاً دكتور محمد مقيم فى لندن وأعتقد أنو أخد الجنسية كمان .! ياريت واحد من الأعضاء أو القراء يجيب لينا خبرو ا ..
تحياتى ...
والله يا مزمل إنتا راجل عمدة عديل كدا وعارف أخبار الناس دي كلها، عليك الله أفتح لينا موقع لمدرستنا الإبتدائية ونفتش الناس، وممكن الناس تتلاقي ونعمل قعدة، ونشوف الزمن دا غيرنا قدر شنو وإن شاء الله أول ما أجيء السودان يامزمل ح أزورك فيس تو فيس
تحياتي ليك يا ملك
Post: #13 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 11:56 AM Parent: #11
Quote: ظاهر انكم قريتوا في عهد الانقاد من اسماء فصولكم دي
هلا وغلا بماما دومة والله منورة البوست وإنتي من خريجي مدرسة الخرطوم القديمة بنات القدامي، ومن بنات الخرطوم القديمة من البوردابيات سمارت وسمرية، واللي جابك يجيب عقابك
بالمناسبة يا ماما دوما الفصول دي من قبل الإنقاذ وحتى عمر البشير إتخرج من الخرطوم القديمة ولو ما أخاف الكضب فصلو كان اسمو أبو عبيدة
تحياتي ليك يا ملكة، وأحكي لينا عن الخرطوم القديمة زمان
Post: #12 Title: Re: تواصل خريجي مدرسة الخرطوم القديمة الثانوية بنين وبنات Author: أيمن الطيب Date: 10-14-2010, 11:54 AM Parent: #9
سلام يا خالتى دوما
Quote: ,,ظاهر انكم قريتوا في عهد الانقاد من اسماء فصولكم دي
إنتو أسامى فصلولكم كانت شنو فى عهد أبوالزهور!!!
Post: #14 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 12:03 PM Parent: #12
Quote: سلام يا خالتى دوما Quote: ,,ظاهر انكم قريتوا في عهد الانقاد من اسماء فصولكم دي
إنتو أسامى فصلولكم كانت شنو فى عهد أبوالزهور!!!
لوووووووووووووووووووووول @ أيمن والله كتلتني بالضحك الله يجازي محنك بي مناسبة أبو الزهور دي قالوا: كان في واحد جنو سكر وهاجر أمريكا وطول شديد في الغربة، أها لمن رجع السودان في عهد نميري لمن قفل البارات مشى يسكر لقى البارات كلها مقفلة قال ليهم يا جماعة الحاصل شنو؟! قالوا ليهو: الرئيس قفل البارات وحرم الخمرة قال ليهم: يا جماعة الأزهري دا جنى وللأ شنو؟! لوووووووووووول وبقى مثل للزول البهاجر طويل في الغربة بسموهو الأزهري دا جنا ولأ شنو
قبل كدا ضربت تلفون لي واحد من وكالات السفر السودانية في أمريكا، علشان أسافر السودان قام قال لي عايز ياتو خطوط، قلتا ليهو الـ"تي دبليو آيه" قال لي: لااااااااااااا حولاااااااااااا الأزهري دا جنا وللأ شنو؟! يا زول إنت من متين ما رجعت السودان، الـ "تي دبليو آيه" دي زمااااااااااان وقفت لووووووووووووول ودي كانت الخطوط اللي سافرت بيها لأمريكا
تحياتي ليك يا ملك
Post: #15 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 12:07 PM Parent: #14
Quote: سلام يا حجازى برلوم,, أولى وتانية عمر وتالتة أبوعبيدة..ويا تاريخ بالدم نفديكا نفس التفاصيل والملامح والشبه وأضف إليها فصل (أولاد بحرى)..
حصل قبلا أن فتح بوست للتواصل بواسطة جنابو محمد عبدالمنعم التلب ولكن لم يجد حظه من الإهتمام,,
سأعود يا حبيب..
تحياتى,,
العزيز أيمن الطيب تحياتي ليك يا ملك بس ما وريتنا دفعة سنة كام؟! ومن دفعتك البورداب منو؟! بس أوع تطلع من جماعة الأزهري دا جنا وللأ شنو؟! لوول
وبالمناسبة بوست جنابو محمد عبد المنعم ما شفتو بكون كنتا غاطس في غطساتي الطويلة دي
تحياتي ليك يا ملك
Post: #16 Title: Re: تواصل خريجي مدرسة الخرطوم القديمة الثانوية بنين وبنات Author: عارف عفان Date: 10-14-2010, 12:19 PM Parent: #15
لكم السلام
تخرجت من الخرطوم الثانوية القديمة
العام 1971
كان الناظر الاستاذ غزالي السراج ...
من ايام " حصة الكديت " فى المدارس لو فيكم البيعرفها غير زميلى ودفعتى
العميد معاش يوسف محمد يوسف !!!!
لى عودة إن شاء اللة
Post: #19 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 12:26 PM Parent: #16
Quote: لكم السلام
تخرجت من الخرطوم الثانوية القديمة
العام 1971
كان الناظر الاستاذ غزالي السراج ...
من ايام " حصة الكديت " فى المدارس لو فيكم البيعرفها غير زميلى ودفعتى
العميد معاش يوسف محمد يوسف !!!!
لى عودة إن شاء الله
عزيزنا الدكتور عارف عفان شكراً جزيلاً ومنور البوست، وأهو طلعت أقدم من ماما دوما، لأنو ماما دومة في بوست مجاور قالت إتخرجت من مدرسة القديمة بنات سنة 74 ويا ريت يا د. عارف تورينا من دفعاتكم الزمان من الوزراء والرؤساء الذين حكموا السودان منو؟ المعلومة اللي أنا عارفها إنو عمر البشير تخرج من مدرسة الخرطوم القديمة لكن سنة كام ما عارفو وبالمناسبة هل كانت تسمية الفصول نفسها كما أوردتها أعلاه؟ وللأ متغيرة ؟! وكان كم عدد الفصول؟
تحياتي ليك يا ملك
Post: #17 Title: Re: تواصل خريجي مدرسة الخرطوم القديمة الثانوية بنين وبنات Author: قلقو Date: 10-14-2010, 12:22 PM Parent: #15
Quote: وحتى عمر البشير إتخرج من الخرطوم القديمة
وكذلك على عثمان محمد طه, وقد حفظوا لها الجميل بهدمها وتحويلهاالى شارع زلط .
Post: #18 Title: Re: تواصل خريجي مدرسة الخرطوم القديمة الثانوية بنين وبنات Author: عمار عبدالله عبدالرحمن Date: 10-14-2010, 12:22 PM Parent: #12
يا سلام مدرستنا الجميلة ,,
عمر عبدالله عبدالرحمن دفعة 1983م
من دفعتنا في المنبر عوض هارون ,, الفنان ابراهيم عبدالحليم(كنب واحدة) واظن الاخ ابوهريرة
((( الغريبة قبل ايام كنت بفكر في استاذ الفنون الجميلة الاستاذ عمر الحميدى , الممثل والرسام والقاص ,,, الخ ولماذا لم يهتم به اهل المسرح))
كتر بالنابر الناس دي كتيرة بلحيل ,,
Post: #20 Title: Re: تواصل خريجي مدرسة الخرطوم القديمة الثانوية بنين وبنات Author: Dr.Elsadig Abdalla Date: 10-14-2010, 12:27 PM Parent: #18
سلامات
دفعة 85-86
الفصول على وعثمان
Post: #21 Title: Re: تواصل خريجي مدرسة الخرطوم القديمة الثانوية بنين وبنات Author: عارف عفان Date: 10-14-2010, 01:01 PM Parent: #20
الابناء الاعزاء
لكم التحية والسلام
يااخى احنا اقدم من دوما وابو دوما كمان .. بس ما بنصل زمن عمر البشير ..
مع مراعاة انو الجماعة بتاعين الاقاليم ديل بيدخلوا المدرسة كبار ...
جماعة مواليد واحد يناير وكدة !!!
للاجابة على اسئلتكم عن فترة " إخناتون الثاني " بتاعتنا ديك
الذاكرة تعبت كحال البلد " من كترة هموم الهجرة والاغتراب "
لذا ادعو العميد يوسف ، يمكن نقدر نتذكر مع بعضنا
تفاصيل ناس على عثمان وغازي صلاح الدين والشفيع خضر وغيرهم
ومن الاساتذة الاجلاء بوستى ، حسن عابدين ، الشايقى ، مولانا جعفر .. الخ
العميد يوسف ذاكرة عسكرية ومؤكد سيكون اكثر فائدة منى ..
حتى نلتقى لكم التحية ....
Post: #22 Title: Re: تواصل خريجي مدرسة الخرطوم القديمة الثانوية بنين وبنات Author: محمد عبدالمنعم التلب Date: 10-14-2010, 02:15 PM Parent: #21
ياسلام الاخ النذير وسلام كتير لك القديماب بنين وبنات رغم ان فترة الدراسة بالثانوى العالى 3 سنوات الا انها من اكثر سنين العمر ذكريات وساعود لها لاحقا ولقد سبقنى فى فتح بوست الاخ احمد موسى وتليته باخر لكن من الجميل ان تستمر العلاقه بين خريجى هذه القلعة العريقة التى خرجت اجيال ممن خطوا وسطروا الحياة السودانية فى مختلف المجالات لقد درست بالقديمة 79 - 82 ولكن يهمنى جدا ان انقل لكثيرين ممن درسوا بالقديمه خبر وفاة عمنا ومربينا الفاضل الصول (بابكر رزق الله) صول التدريب العسكرى (الكديت ) من حوالى الشهرين ربنا ارحمه رحمة واسعة واسكنه مع الصديقين والشهداء لقد كان المرحوم نعم المربى الغيور على مهنته وعلى ابنائه الطلبه ولقد كان سجلا للترابط بين ابناء مدرسة الخرطوم القديمة السابقين واللاحقين فى مجال التدريب العسكرى ولى عودة لابنائه خريجى الكديت ولى عودة لدفعتى فى الدراسة فى ذلك الزمان الجميل وذكرياته الثرة الناظر حسن عبيد الشايقى والاستاذه الاجلاء مصطفى بوستك الكيمياء جرجس محارب عبد المنعم تنقو شعبة العلوم الرياضيات اسكتش العربى كدوده النورانى الحاج الفاضلابى الانجليزى الاستاذ عزالدين الفنون عمر الحميدى الموسيقى الصول عود الصندل واسف جدا لمن لم تسعفنى ذاكرتى بتذكرهم فى هذه اللحظات وارجو ان يذكرهم غيرى ولنا عودة ان امد الله فى الاجال
Post: #23 Title: Re: تواصل خريجي مدرسة الخرطوم القديمة الثانوية بنين وبنات Author: يوسف محمد يوسف Date: 10-14-2010, 02:38 PM Parent: #21
" البرلومات .. يصعدوا الى الرصيف .. و يخلونا نتفسح شوية فى دروب الذكريات !! "
ولدنا النذير
تحياتى
ما ان يذكر اسم مدرسة الخرطوم الثانوية القديمة و الا تجتر الذاكرة احلى سنوات العمر !!
اربعة سنوات هى زاد العمر ... الذى ما زلنا ننهل منه حتى الآن !
اربعة سنوات صقلت فيها شخصياتنا .. التى نعتد بها حتى الان و الى الممات !
اربعة سنوات كانت تجربة حياة متكاملة .. لاننا مارسنا فيها كل نواحى الحياة .. اكسبتنا كل مستلزمات المستقبل !
اربعة سنوات كان فيها الاستعداد لان يصبح كل طالب منا .. انسان ليه قيمة .. و احسب انه تحقق !
هذه مقدمة لابد منها... لان الحديث عن الخرطوم الثانوية القديمة .. حديث عن سنوات لها ايقاع ما زال صداه يهيج الاشجان ... يطيب لنا التحدث عنها
مهما تعددت المنابر .
نواصل
Post: #24 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 08:41 PM Parent: #23
Quote: Quote: وحتى عمر البشير إتخرج من الخرطوم القديمة
وكذلك على عثمان محمد طه, وقد حفظوا لها الجميل بهدمها وتحويلهاالى شارع زلط .
عزيزنا قلقو، بالله عليك الله شوفت الناس دي مسحت المدرسة الجميلة من وجه الأرض ومعظم وزرائها وحتى رئيسها درس فيها وزي ما بقولوا أهلنا الحسنة في الملعون زي الشرا في القندول
تحياتي ليك يا ملك
Post: #25 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 08:47 PM Parent: #24
Quote: يا سلام مدرستنا الجميلة ,,
عمر عبدالله عبدالرحمن دفعة 1983م
من دفعتنا في المنبر عوض هارون ,, الفنان ابراهيم عبدالحليم(كنب واحدة) واظن الاخ ابوهريرة
((( الغريبة قبل ايام كنت بفكر في استاذ الفنون الجميلة الاستاذ عمر الحميدى , الممثل والرسام والقاص ,,, الخ ولماذا لم يهتم به اهل المسرح))
كتر بالنابر الناس دي كتيرة بلحيل ,,
هلا وغلا بحبيب آل البيت عمار تعرف يا عمار أول مرة أعرف إنو اسمك الحقيقي عمر وغيرتو لعمار ورحب بيك في حوش القديمة الواسع ونجر ليك أكبر بنبر، وضحكتني حكاية البنابر دي لوول، وزي ما قلتا ناس القديمة أكتر ناس، وكل ما أمشي بلد في الدنيا بلقى ناس القديمة وراي وراي زي ضلي زي ما قال شاعرنا الكبير إسماعيل حسن
تحياتي ليك يا ملك وفي إنتظار دفعتك هارون وإبراهيم وأبو هريرة
Post: #26 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 08:49 PM Parent: #25
Quote: سلامات
دفعة 85-86
الفصول على وعثمان
هلا وغلا بي الدكتور الصادق مرحب بيك ومنور البوست وإنت يا أخوي مالك مباريني من بوستات أركويت لي الخرطوم القديمة تحياتي ليك يا ملك وأبقى أظهر
Post: #27 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 08:53 PM Parent: #26
Quote: الابناء الاعزاء
لكم التحية والسلام
يااخى احنا اقدم من دوما وابو دوما كمان .. بس ما بنصل زمن عمر البشير ..
مع مراعاة انو الجماعة بتاعين الاقاليم ديل بيدخلوا المدرسة كبار ...
جماعة مواليد واحد يناير وكدة !!!
للاجابة على اسئلتكم عن فترة " إخناتون الثاني " بتاعتنا ديك
الذاكرة تعبت كحال البلد " من كترة هموم الهجرة والاغتراب "
لذا ادعو العميد يوسف ، يمكن نقدر نتذكر مع بعضنا
تفاصيل ناس على عثمان وغازي صلاح الدين والشفيع خضر وغيرهم
ومن الاساتذة الاجلاء بوستى ، حسن عابدين ، الشايقى ، مولانا جعفر .. الخ
العميد يوسف ذاكرة عسكرية ومؤكد سيكون اكثر فائدة منى ..
حتى نلتقى لكم التحية
لووووووووووووووول @ د. عارف والله يا د. عارف ضحكتني بموضوع مراعاة فروقات السن لطلبة الأقاليم، لكن برضو تراعي لكون عمر البشير راجل بليد وبكون دخلوهو المدرسة عمرو 12 سنة وبكون ربت كم تربيتة كدا لوول وشكراً على إثراء البوست بذكر عدد من الوزراء
تحياتي ليك يا ملك وفي إنتظار سعادة العميد الطيب
Post: #28 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 08:57 PM Parent: #27
Quote: ياسلام الاخ النذير وسلام كتير لك القديماب بنين وبنات رغم ان فترة الدراسة بالثانوى العالى 3 سنوات الا انها من اكثر سنين العمر ذكريات وساعود لها لاحقا ولقد سبقنى فى فتح بوست الاخ احمد موسى وتليته باخر لكن من الجميل ان تستمر العلاقه بين خريجى هذه القلعة العريقة التى خرجت اجيال ممن خطوا وسطروا الحياة السودانية فى مختلف المجالات لقد درست بالقديمة 79 - 82 ولكن يهمنى جدا ان انقل لكثيرين ممن درسوا بالقديمه خبر وفاة عمنا ومربينا الفاضل الصول (بابكر رزق الله) صول التدريب العسكرى (الكديت ) من حوالى الشهرين ربنا ارحمه رحمة واسعة واسكنه مع الصديقين والشهداء لقد كان المرحوم نعم المربى الغيور على مهنته وعلى ابنائه الطلبه ولقد كان سجلا للترابط بين ابناء مدرسة الخرطوم القديمة السابقين واللاحقين فى مجال التدريب العسكرى ولى عودة لابنائه خريجى الكديت ولى عودة لدفعتى فى الدراسة فى ذلك الزمان الجميل وذكرياته الثرة الناظر حسن عبيد الشايقى والاستاذه الاجلاء مصطفى بوستك الكيمياء جرجس محارب عبد المنعم تنقو شعبة العلوم الرياضيات اسكتش العربى كدوده النورانى الحاج الفاضلابى الانجليزى الاستاذ عزالدين الفنون عمر الحميدى الموسيقى الصول عود الصندل واسف جدا لمن لم تسعفنى ذاكرتى بتذكرهم فى هذه اللحظات وارجو ان يذكرهم غيرى ولنا عودة ان امد الله فى الاجال
عزيزنا منعم التلب تحياتي وشكراً جزيلاً على إثراء البوست بمداخلتك الثرة، وألف رحمة ونور تتنزل على روح حضرة الصول وباين عليك ذاكرتك حديد، وشكراً لإخطارنا بأن هذا البوست هو الثالث من نوعه ومدرسة الخرطوم القديمة تستاهل آلاف البوستات
تحياتي ليك يا ملك وفي إنتظار عودتك على أحر من الجمر
Post: #29 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 09:01 PM Parent: #28
Quote: " البرلومات .. يصعدوا الى الرصيف .. و يخلونا نتفسح شوية فى دروب الذكريات !! "
ولدنا النذير
تحياتى
ما ان يذكر اسم مدرسة الخرطوم الثانوية القديمة و الا تجتر الذاكرة احلى سنوات العمر !!
اربعة سنوات هى زاد العمر ... الذى ما زلنا ننهل منه حتى الآن !
اربعة سنوات صقلت فيها شخصياتنا .. التى نعتد بها حتى الان و الى الممات !
اربعة سنوات كانت تجربة حياة متكاملة .. لاننا مارسنا فيها كل نواحى الحياة .. اكسبتنا كل مستلزمات المستقبل !
اربعة سنوات كان فيها الاستعداد لان يصبح كل طالب منا .. انسان ليه قيمة .. و احسب انه تحقق !
هذه مقدمة لابد منها... لان الحديث عن الخرطوم الثانوية القديمة .. حديث عن سنوات لها ايقاع ما زال صداه يهيج الاشجان ... يطيب لنا التحدث عنها
مهما تعددت المنابر .
نواصل
أوه أوه سعادة جنابو العميد يوسف محمد يوسف سلامات ومنور البورد وشكراً جزيلاً على مداخلتك القيمة والتى تحكي الأيام الخوالي أيام الثانوي أربعة سنوات وفي إنتظار عودتك لتحكي لنا عن مشاهير تلك الفترة
تحياتي ليك يا ملك
Post: #30 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 09:05 PM Parent: #29
يا شباب جكس القديمة بنات ويييييييييين عايزين تحلية شوية وللأ شنو؟!
Post: #31 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-14-2010, 09:07 PM Parent: #30
Post: #32 Title: Re: تواصل خريجي مدرسة الخرطوم القديمة الثانوية بنين وبنات Author: محمد زكريا Date: 10-14-2010, 09:16 PM Parent: #28
سلام يا ود حجازى والله نسيت اسماء الاساتذه والفصل بتاعنا كان على والدفعه سنه 86 لكن بتذكر عم بابكر الصول بتاع الكديد وعمك زيتون وعبدالقيوم والدفعه 35 وفرقه الموسيقى بتذكر ميدان الباسكيت وميدان التجاريه لكره القدم فتره الثانوى مرت بسرعه مذهله..........جئت اليها من الخرطوم الاميريه المتوسطه.........قبلها كات برى المحس الابتدائيه مرتع الطفوله ذكريات خربتها الغربه والابتعاد عن الوطن شكراً لك لاستعاده بعضها
====== سنواصل ان ذكرتونى
Post: #33 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-15-2010, 03:51 PM Parent: #32
Quote: سلام يا ود حجازى والله نسيت اسماء الاساتذه والفصل بتاعنا كان على والدفعه سنه 86 لكن بتذكر عم بابكر الصول بتاع الكديد وعمك زيتون وعبدالقيوم والدفعه 35 وفرقه الموسيقى بتذكر ميدان الباسكيت وميدان التجاريه لكره القدم فتره الثانوى مرت بسرعه مذهله..........جئت اليها من الخرطوم الاميريه المتوسطه.........قبلها كات برى المحس الابتدائيه مرتع الطفوله ذكريات خربتها الغربه والابتعاد عن الوطن شكراً لك لاستعاده بعضها
====== سنواصل ان ذكرتونى
يا ألف مرحب بي أبو الفن محمد زكريا منور البوست، تعرف يا بو حميد شكلك كدا النوع اللي بكد الحصص، ياخي فصلك ما عارفنو؟ وحتى الأساتذة؟ لووول ويا ريت لو واحد من دفعة 86 يذكر لينا أبو حميد دا
وفي إنتظار عودتك
Post: #34 Title: Re: تواصل خريجي مدرسة الخرطوم القديمة الثانوية بنين وبنات Author: doma Date: 10-15-2010, 04:04 PM Parent: #12
كانت اسماء فلاسفه وعلماء سقراط بن سينا الفارابي وكدا
Post: #35 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-15-2010, 08:31 PM Parent: #34
Quote: هلا وغلا بحبيب آل البيت عمار تعرف يا عمار أول مرة أعرف إنو اسمك الحقيقي عمر وغيرتو لعمار
Quote: ثمان فصول لكل صف وهي: 1) بكر 2) عمر 3) عثمان 4) علي 5) خالد 6) أبوعبيدة 7) عباس 8) مسلم في السنة الثالثة فصل بكر للرياضيات الإضافية وفصول عمر و عثمان وعلي للعلمي أحياء وبقية الفصول أدبية
السادة الرافضة
بوست مؤسف
أن يبدل عمر اسمه إلى عمار أو أي اسم آخر فهذا شأنه أما تبديل اسم النهر أبو بكر ببكر كراهية في أبي بكر الصديق فهذا غلو وإسراف وتزييف لتاريخ المدرسة
معذرة إن كان استنتاجي خاطئ
ولكم تقديري
Post: #36 Title: Re: تواصل خريجي مدرسة الخرطوم القديمة الثانوية بنين وبنات Author: Dr.Elsadig Abdalla Date: 10-15-2010, 09:03 PM Parent: #35
سلامات مره أخري
نعم أسماء الفصول كانت علي عثمان ابوبكر مسلم ابوعبيده...
الاساتذه
محمد علي ..رياضيات
ميرغني يوسف ...أسطورة الفيزياء ...
مارتن...انجليزي
عوض...كيمياء
بوب...تربيه اسلاميه
التيجاني ...رياضيات
النوراني الحاج الفاضلابي ...لغه عربيه ...
الله ياخ ..كانت أيام ..
جايييكم ثاني
Post: #37 Title: Re: تواصل خريجي مدرسة الخرطوم القديمة الثانوية بنين وبنات Author: عمار عبدالله عبدالرحمن Date: 10-15-2010, 09:37 PM Parent: #35
الخرطوم القديمة
مكعب يتكون من الاستاذ والمربي الفاضل له الرحمة حسن العبيد (الشايفي) وعم على بتاع الليمون عم بابكر الصول (له الرحمة والمغفرة) والعوامة في شاطي النيل الازرق ,,,, والاتوستوب (الملح) تحت النفق وفريق الباسكت بول واستاذ كدودة ومستر جون
ده في زمن ,,,,
النذير ,,, عشان ما يشوت ليك بالبوز اكتب ليهم اسم النهر ابوبكر الصديق ( رغم ان الناس كان بتقول ليه (بكر) ’’’
Post: #38 Title: Re: تواصل خريجي مدرسة الخرطوم القديمة الثانوية بنين وبنات Author: Magdi Algorashi Date: 10-15-2010, 11:26 PM Parent: #37
والله ايام يازمان
سلام النذير
من خريجي القديمة 80
الناظر المرحوم حسن عبيد الشايقي له الرحمة
مصطفي كيمياء له الرحمة
اسكتش
كفتريا
عوض كبك
كدودة
النوراني
عصام بتاع الانقليزي
مولانا القيافة
كشك الليمون
حمدي جيلي وجمال نوبي
الحبوب والكديك
كشك السيجائر
يالها من اماكن وشخوص
حصة الفنون عمر الحميدي
حوض السباحة
Post: #39 Title: Re: تواصل خريجي مدرسة الخرطوم القديمة الثانوية بنين وبنات Author: خالد العبيد Date: 10-15-2010, 11:38 PM Parent: #38
1983 التيجاني ...رياضيات كدودة لغة عربية النوراني الحاج الفاضلابي لغة عربية
Post: #40 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 10-16-2010, 01:02 AM Parent: #39
Post: #41 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-16-2010, 05:15 AM Parent: #40
ابريل 1976 لكن يا النذير الدكتورة سلافة العاقب فتحت بوست الخرطوم الثانوية بنات واخونا احمد موسى كان اظنه فتح بتاع الاولاد.
يابروف عبد الرحمن ناس 1965 برضو كان عندهم الردا الرصاصى ولا شنو؟
استاذ عصام بتاع الانجليزى اظنه التحق بالمدرسة سنة 75 ونحن كنا سنة تانية.
بعدين ياجماعة نسيتو بتاع السيجاير الكان بقعد برة جمب بوابة الجامعة واظن كان اسمه عمر الله يديهو العافية أظنه لغاية هسة طالبنى قروش .
اجمل شى بتذكره انو المرحوم حسن عبيد الشايقى كان طاردنى من المدرسة وقال لى جيب ولى أمرك قمت جبت واحد من اولاد الحلة اكبر منى شوية ولما جينا قدام حسن عبيد اداهو نهرة صاحبنا طوالى دور على المحطة وقال لى دبر حالك انا ماعندى معاك شغلة وغايتو بى جاى جاى مشينا الحكاية وقال لى خلاص امشى فصلك . رحمة الله عليهو.
لكن أهم ذكرى كانت الدورة المدرسية عام 76 وكان مدربنا الكابتن يوسف مرحوم.
Post: #42 Title: Re: تواصل خريجي مدرسة الخرطوم القديمة الثانوية بنين وبنات Author: محمد الكامل عبد الحليم Date: 10-16-2010, 05:49 AM Parent: #1
تحية طيبة ابننا النذير ... ما تقومون به هو صورة من صور الوفاء لرجال ساهموا في تشكيل الوعي وبذر بذزور الاستنارة لاجيال تمضي في طريق الحياة تقدم العطاء هي الاخري لكنها تذكر بالفضل سيرة المعلمين وصروح العلم علي مدي الزمان وفي اي مكان .
للتصحيح ولكوني ممن تلقوا العلم في الزمن الجميل في تلك المؤسسة التربوية الخالدة في الذاكرة فان( بكر )الذي ذكرت هو ابوبكر الصديق رضي الله عنه...مالم يكن الاسم قد تغير خلال الحقبة التي تلقيتم فيها التعليم....
شاكرا لك اهتمامك داعيا لك بالخير
Post: #43 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-16-2010, 06:27 AM Parent: #42
Quote: فان( بكر )الذي ذكرت هو ابوبكر الصديق رضي الله عنه...مالم يكن الاسم قد تغير خلال الحقبة التي تلقيتم فيها التعليم....
Post: #44 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 10-16-2010, 06:33 AM Parent: #43
أخــى عــابـدون:
تــحــيـاتـى.
ويـــن أراضـــيـك؟
Quote: يابروف عبد الرحمن ناس 1965 برضو كان عندهم الردا الرصاصى ولا شنو؟
أظـــن مـن ســـنـة أولـى لــغـايــة مـاإتـخـــرجـنــا كان الـرداء الـكـاكــى!!
والله نـســـيـت.
لــك الــتــحــيــة.
Post: #45 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 10-16-2010, 07:06 AM Parent: #44
أخـــى عــابـدون:
لـــقـد كــتـبـت:
Quote: لكن أهم ذكرى كانت الدورة المدرسية عام 76 وكان مدربنا الكابتن يوسف مرحوم
كــــتـر الله خــيــرك يــاالــنــذيـــر حــجـازى.
Post: #47 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-16-2010, 08:18 AM Parent: #46
تحياتي ووافر شكري لك من تداخل هنا وسأعود إليكم فرداً فرداً
Quote: كــــتـر الله خــيــرك يــاالــنــذيـــر حــجـازى.
حبيبنا بروف عبد الرحمن والله كتر خيركم إنتو وبالأخص أنت فقد زينت البوست بأجمل الذكريات عن مدرستنا الحبيبة، وبالمناسبة ماما دوما كانت العمدة هنا لأنها أقدم زول، وجاء الدكتور عارف وإستلم منها العمودية وطلعها برلومة وهاأنت الآن تستلم العمودية من الدكتور عارف فأنت من أقدم الدفع، لكن حواء والدة وإحتمال يظهر لينا واحد جديد من دفعة 1960
تحياتي ومودتي لكم فرداً فرداً
Post: #48 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-16-2010, 08:20 AM Parent: #46
والله كانت ايام يابروف وماشاء الله عليك كان كفر وسلة كمان وياريت يجونا ناس مولانا عادل واخونا احمد موسى الدكتورة سلافة الله يديها العافية اظنها مشغولة مع منظمات كدة اظنها لرعاية الاطفال فى مناطق تعتبر خطرة فى غرب السودان انشاء الله ربنا يحفظها .
يابروف ناس مدرسة التجارة ديل شكلهم كدة كان حركتهم خفيفة وغايتو زمنا داك ماحضرت ليهم اى نشاط ماعارف ليه وحتى فى الدورة المدرسية ماكان ليهم نشاط يذكر.
Post: #49 Title: Re: تواصل خريجي مدرسة الخرطوم القديمة الثانوية بنين وبنات Author: محمد عيد Date: 10-16-2010, 10:12 AM Parent: #48
بوست رائع يا نذير ...
والخرطوم القديمة علامة فارقة ومعلم لا ينسى فى مسيرة العلم والتنوير
ولعل قربها المكانى من ارض النضال ( جامعة الخرطوم ) أضاف اليها ابعادا اخرى
....
مستمتع جدا بمداخلات عمنا عبد الرحمن وصوره التاريخية
محمد عيد ميرغنى
دفعة منعم التلب ( 79 - 1982 )
عمر - عمر - عثمان
ومعنا فى هذا المنبر ...
منصور عبد الرازق
كمال محمد الحسن الشادى
ومن دفعتنا نجوم الكورة ..
طارق احمد آدم
عادل خليفة
شريف
واحنا كنا اول دفعة تلبس البنطلون البنى والقميص الابيض
الناظر كان .. حسن عبيد الشايقى رحمه الله
ومن الاساتذه .. حسن عابدين
كدوده والنورانى الحاج الفاضلابى وعبد اللطيف
مصطفى بوستيك الله يرحمه
اسكتش بتاع الرياضيات
القاص الكبير .. عمر الحميدى
منير بتاع التاريخ
* الله يسامح الذين اقتلعوا جذرها النابض وشتلوا مســخا جديدا بدلا عنها
Post: #50 Title: Re: تواصل خريجي مدرسة الخرطوم القديمة الثانوية بنين وبنات Author: أحمد الصديق Date: 10-16-2010, 11:44 AM Parent: #49
النذير مراحب يا زميل مالك مقوم علينا الضرس أولى عمر+تانيةعمر+تالتةعمر دفعة 74 - 77 من الأساتذة الناظر السراج الوكيل حسن عبيد الشايقى والاستاذه الاجلاء مصطفى حسن بوستى للكيمياء جرجس محارب رزق - فلوكسواجن زرقاء - الرياضيات مصطفى عابدين العربى كدوده والنوراني الحاج الفاضلابى الانجليزى الاستاذ عزالدين مواقف .. ** الوحيد على ما أظن الكان عندو عربية هو جرجس محارب رزق والباقي مدرسين على طلبة ،، بالباص و الأبونيه كمان. ** طرد الوكيل حسن عبيد الشايقي ، عصام محمد خير عثمان ، إبن وزير التربية، وحلق ليهو صلعة وطالبوا بإحضار ولي أمره.لانو جاء لابس شارلستون ومربي شعرو. وجاء عمنا محمد خير عثمان ووقف أمام الوكيل وهو الوزير ووقع على تعهد وتم جلد عصام،، ولم يبرح حسن عبيد مقعده؟؟ ** أحمد آدم عافية من دفعتي وكذلك ماجد طلعت فريد وخالد علي دنقلا وإبن نفيسة أحمد الأمين لا أذكر إسمه بفعل تعرية الذاكرة. وأخونا محمد صلاح ،، الحلبي ،، من أولاد نمرة تلاتة. سمعت إنو بقى ضابط وأحيل للتقاعد.
كل ديل درسوا هناك وغيرهم من أبناء الجزيرة الزي حالاتنا وكذلك أبناء أم ضواً بان والعيلفون. وللعلم سكنت بالداخلية وبيتنا على مرمى حجر ببري. مودتى لك يا مقلب الأوجاع،، ما عادت القديمة قديمة،، حيث جرى رميها بأحد شوارع أبوحشيش وما عاد زمنها كعهده جميل.
Post: #51 Title: Re: تواصل خريجي مدرسة الخرطوم القديمة الثانوية بنين وبنات Author: أحمد الصديق Date: 10-16-2010, 12:02 PM Parent: #50
النذير تحية فاتني ذكر رجل له قامة في مسيرة التعليم في القديمة وعموم السودان الأستاذ حسن فضل المولى شعبة العلوم. أمد الله في أيامه إن كان حياً ورحمة تنزل عليه إن لحقه سبيل الاولين والآخرين. ** تميزت القديمة بميزة لم تنلها حتى حنتوب وطقت ووادي سيدنا،، كل كتب المقررات الدراسية، مؤلفوها ومن كتبت أسمائهم على أغلفتها، هم المدرسون الواقفون أمامنا ويدرسونا، وهذا في كل المواد. مع المودة
Post: #52 Title: Re: تواصل خريجي مدرسة الخرطوم القديمة الثانوية بنين وبنات Author: عبد الدائم سيد أحمد Date: 10-16-2010, 12:22 PM Parent: #51
ممنوع دخول طالبات القديمة بنات الا بأذن الوكيل
بالاضافة انو البوست غير جاذب صورو كلها اردية وكرعين مكلوجات
تموتو فى اللـبنى ...
،،،،،
من اولاد المقرن الثانوية
Post: #54 Title: Re: تواصل خريجي مدرسة الخرطوم القديمة الثانوية بنين وبنات Author: ممدوح عثمان Date: 10-16-2010, 01:02 PM Parent: #52
صاحب البوست حجازي
والاخوة الافاضل زملاء الخرطوم القديمة
ماأجمل ذكريات هذا الصرح الشامخ .
انا دفعة 81-84
نهر علي
ناظر المدرسة : المرحوم حسن عبيد الوكيل : حسن عابدين اسكتش - بابا عبده - عمر الحميدي
ومن دفعة فريق كرة القدم نادر علي ناصر
وأذكر مبارتنا في نهائي الدورة المدرسية امام مدرسة العروبة وكانت بإستاد الخرطوم والتي قدمنا فيها مبارة كانت مميزة جدا رغم اننا كلنا طلبة نظاميين وليس هناك اي لاعب من خارج المدرسة اما فريق العروبة فكان مدجج بالنجوم - طارق احمد ادم وشريف والثعلب والبقية .. وقد اثارت هذه المبارة مشكلة جلب المدارس لاعبين من خارج المدرسة وتسجيلهم ليلعبوا في فريق كرة القدم فقط . لما قدمناه من مستوى رفيع .
ومن الدفعة
اولاد الذوات محمد الفاتح بشارة المعز محمد بشير الوقيع امجد حسين محمد بشير محمد علي ومن اولاد بري طارق الامين البدراوي
ولنا عودة
Post: #53 Title: Re: تواصل خريجي مدرسة الخرطوم القديمة الثانوية بنين وبنات Author: عمار عبدالله عبدالرحمن Date: 10-16-2010, 12:29 PM Parent: #51
Quote: جرجس محارب رزق - فلوكسواجن زرقاء
ياخي دي بالغت فيها ,, الله يعطيه العافية ان كان حيا,,والرحمة والمغفرة ان كان ميتا لم تكن له هواية الا طردي من حصة الكيمياء بسب وبدون سبب ,
_______________
Post: #55 Title: Re: تواصل خريجي مدرسة الخرطوم القديمة الثانوية بنين وبنات Author: أحمد الصديق Date: 10-16-2010, 01:10 PM Parent: #53
أظن أنه سيكون هنا بحر من سيل الذكريات الطريفة والجميلة،
من ضمن ما أذكر أنني طلبت من الوالد رحمه الله، أن يشتري لي بنطلوناً،،وهو يعلم أن اللبس الرسمي هو الرداء ،، فإستهجن ذلك وطلب تفسيراً للأمر. لم أستطع توفير السبب . ولكنه قبل طلبي ومن يومها وأنا قادي سلك مع الجماعة للبركس حيث مطايب الطعام ولذيذ الشراب. *** عمار لك التحية.
Post: #56 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-16-2010, 01:58 PM Parent: #55
شكراً لجميع الأعزاء القديماب لإثراء البوست سأعود إليكم فرداً فرداً عندما أجد متسعاً من الوقت.
ملحوظة: واحد يربط لي بتاع مدرسة المقرن دا في أقرب كراع عنقريب لحدي ما أجيهو راجع
Post: #57 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-17-2010, 05:20 AM Parent: #56
Quote: Quote: جرجس محارب رزق - فلوكسواجن زرقاء
ياخي دي بالغت فيها ,, الله يعطيه العافية ان كان حيا,,والرحمة والمغفرة ان كان ميتا لم تكن له هواية الا طردي من حصة الكيمياء بسب وبدون سبب ,
وفى زمنا برضو كان عنده هواية طرد ابو الريش .
ياعمار انا قبل فترة كدة يعنى سنة او اقل اظنه سمعت انو جرجس محارب توفى الى رحمة الله والكلام دا كان فى بوست الخرطوم القديمة الاولانى .
Post: #58 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-17-2010, 07:18 AM Parent: #57
كتب هشام عوض الكريم:
Quote: السادة الرافضة
بوست مؤسف
أن يبدل عمر اسمه إلى عمار أو أي اسم آخر فهذا شأنه أما تبديل اسم النهر أبو بكر ببكر كراهية في أبي بكر الصديق فهذا غلو وإسراف وتزييف لتاريخ المدرسة
معذرة إن كان استنتاجي خاطئ
ولكم تقديري
الأستاذ هشام عوض الكريم تحية طيبة
يا زول قول بسم الله الرحمن الرحيم رافضية شنو؟! هسا مصنفني كدا طوالي علشان رحبت بي عمار؟! وبعدين أسماء الفصول كنا ننطقها كما أوردته سابقاً فعلى سبيل المثال بكري صاحب المنبر بنسميهو بكري بدلاً عن أبو بكر المشكلة وين؟! وفي غربنا الحبيب بسموهو أبكر أو ابكرينا المشكلة وين؟! ولو بتعرف الغلو في الإيمان ياهو إنت نحن نقدس الله ولا نقدس البشر كما تفعل أنت.
أرجو منك إعتذار تقيل لوصفك بالبوست بأنه غير موفق، وأنه يحمل أجندة خفية لوول
والله محن
تحياتي
Post: #59 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-17-2010, 10:18 AM Parent: #58
الأخ النذير والمتداخلين ...
تحياتي ...
زي ما ذكر ليك أحد الأخوة ... كان في بوست باسم الخرطوم القديمة (بنين) وواحد تاني بإسم الخرطوم الثانوية (بنات) ........ وحقيقة كانوا بوستين ثريات جداً.
إضافة لذلك، قامت في تلك الفترة جمعية لخريجي الخرطوم القديمة (من فترة ما تابعت وصلت لحدي وين).
قبل ما أنسى، أنا خريج 1978
وعايز أقول حاجة لأخونا محمد عبدالمنعم التلب:
أستاذ الكيمياء - عليه رحمة الله - إسمو (مصطفى بوستي)، وليس (مصطفى بوستك).
أما الصول (عود الصندل)، فقد كان صول مدرسة التجارة الثانوية، بينما صول الخرطوم القديمة هو الموسيقار (الصول) وعمّنا رابح مرداس عليه رحمة الله، وقد تتلمذت على يديه، وكنت في الفترة 1976 - 1978 رئيساً لجمعية الموسيقى وعازف على آلة الساكسفون. عمنا الصول رابح، يمكن أن يُقال فيه الكثير، وأنا بصدد جمع مادة عنه ربما أفتح بها بوست للتوثيق.
تحياتي.
Post: #60 Title: Re: تواصل خريجي مدرسة الخرطوم القديمة الثانوية بنين وبنات Author: Mahassin Ibrahim Date: 10-17-2010, 10:28 AM Parent: #59
سلامات النذير وحياك الله علي فتح نافذ ذكريات مدارسنا العريقه.
عاوزين نحكي عن القديمه بنات لكن عبدالدائم طلب الاذن من الوكيل
طيب يا حضرة الوكيل : ممكن نحكي ؟
Post: #61 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 10-17-2010, 10:28 AM Parent: #58
Post: #62 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-17-2010, 10:48 AM Parent: #61
نسيت أقول إنو في دفعتنا، كان وكيل المدرسة هو الأستاذ/ حسن عبيد، أما المدير، فكان المربي الكبير الأستاذ عبدالرحمن السراج، ثم خلفه الأستاذ/ الطيب السلاوي.
مافي زول هنا كان من ناس (الكديت) والاّ شنو؟ ما شايفكم إتذكرتوا الصول (بابكر). طبعاً الكديت كان علاقتنا بيهو إننا (في جمعية الموسيقى)، كنا بنعزف ليهم المارشات لما يكون في طابور.
Post: #63 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 10-17-2010, 11:11 AM Parent: #62
ســــلام يـامـحـمـد أبــو الــريـش
Quote: نسيت أقول إنو في دفعتنا، كان وكيل المدرسة هو الأستاذ/ حسن عبيد، أما المدير، فكان المربي الكبير الأستاذ عبدالرحمن السراج، ثم خلفه الأستاذ/ الطيب السلاوي.
مافي زول هنا كان من ناس (الكديت) والاّ شنو؟ ما شايفكم إتذكرتوا الصول (بابكر). طبعاً الكديت كان علاقتنا بيهو إننا (في جمعية الموسيقى)، كنا بنعزف ليهم المارشات لما يكون في طابور.
نــحــن نـاظــرنـا كان تــلــودى شـــاعـر الـحـقـيـبـة الـشـــهـيـر والـوكـيـل إبــراهـيـم شـــبـيـكـة
مجدي عبدالمنعم أبوالريش وصلاح مزمل أبوالريش هما أبناء عمومتي وشقيقي المرحوم محي الدين أبوالعزائم جميعهم كانوا أبناء دفعة واحدة. شارك جميعهم في جمعية موسيقى الخرطوم الثانوية (لم يضاف للأسم كلمة "القديمة" وقتها)، كما شاركوا أيضاً في فرقة (هارامبي) التي كانت (فرع) لفرقة إقليمية أفريقية.
Post: #65 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-17-2010, 02:23 PM Parent: #64
Quote: سلامات النذير وحياك الله علي فتح نافذ ذكريات مدارسنا العريقه.
عاوزين نحكي عن القديمه بنات لكن عبدالدائم طلب الاذن من الوكيل
طيب يا حضرة الوكيل : ممكن نحكي ؟
غاليتنا محاسن إبراهيم مرحب بيك ومنورة البوست والجابك يجيب عقابك إنتي التانية بعد ماما دوما من القديمة بنات
تحياتي ليك يا ملكة
Post: #66 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-17-2010, 02:26 PM Parent: #65
الأعزاء عمار أحمد الصديق عابدون البروف عبد الرحمن أبو الريش
لكم من شكري أجزله على إثراء البوست، ومزيد من الصور يا بروف وبالمناسبة يا بروف عبد الرحمن ما وريتنا أنت ياتو واحد في الصور
تحياتي للجميع
Post: #67 Title: Re: تواصل خريجي مدرسة الخرطوم القديمة الثانوية بنين وبنات Author: أحمد الصديق Date: 10-17-2010, 06:10 PM Parent: #66
الحمد لله لقينا زول قدرنا محمد أبوالعزائم أبوالريش تحية يا زول. طبعاً عرفتك لأنك علم. وأعتقد إنت عاصرت الزول الفنان جداً عبـاس تلـودي؟؟
حسن عبيد كان مشهور بحاجتين: حلق الشعر،،ومعرفة مكان كيس السعوط. هههههههههههها الله يديك العافية يا أبوالريش وأدينا موبايلك في الخاص.
Post: #68 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-17-2010, 07:00 PM Parent: #67
Quote: وإبن نفيسة أحمد الأمين لا أذكر إسمه بفعل تعرية الذاكرة
كان اسمه عصام ..
يا احمد الصديق يظهر انك دفعة لأنه عصام كان معاى فى نفس الفصل وبتذكر كان معانا أزهرى ود ام دوم ومحمد احمد التكينة كان قاعد قصاد الشباك الجنوبى وفى الزمن داك كنا متهمنه انو من جهاز الامن بتاع النميرى وفعلا بعدها عرفت انو اشتغل كضابط فى الشرطة ومن اولاد بحرى كنت انا ومعاى احمد كمال ومنير الحلبى ومن اولاد الجزيرة كان محمد احمد جمعة ..
اظن الفصل كان عمر فى الزمن داك .. وبعدين ياجماعة كان استاذ الانجليزى قبل استاذ عصام كان واحد محسى او دنقلاوى نسيت اسمه ..
Post: #69 Title: Re: تواصل خريجي مدرسة الخرطوم القديمة الثانوية بنين وبنات Author: عمار عبدالله عبدالرحمن Date: 10-17-2010, 11:36 PM Parent: #68
القديماب
فتش على طريقة تلمنى في زملائي دفعة 83
صلاح حران (من الديم) سمير قرشي (اخر عهدي به محاضر في جامعة الخرطوم) عمر مقلد (الصحافة مربع 30 واظنه مقيم بالسعودية) عادل محمود (اولاد بري تخرج من كلية تجارة الفرع)
Post: #70 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-18-2010, 04:56 AM Parent: #69
فوق ...
Post: #71 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-18-2010, 04:58 AM Parent: #70
استاذ الانجليزى كان اسمه سيد .. فى زول عنده اخبار عن استاذ سيد ياجماعة وكان استاذ الجغرافيا برضو اسمه استاذ عمر كان عنده فولكس لبنية كدة واظنه برضو كان وقتها لسة جديد منقول من مدرسة تانية.
Post: #72 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-18-2010, 06:18 AM Parent: #71
Quote: يا زول قول بسم الله الرحمن الرحيم رافضية شنو؟! هسا مصنفني كدا طوالي علشان رحبت بي عمار؟! وبعدين أسماء الفصول كنا ننطقها كما أوردته سابقاً فعلى سبيل المثال بكري صاحب المنبر بنسميهو بكري بدلاً عن أبو بكر المشكلة وين؟! وفي غربنا الحبيب بسموهو أبكر أو ابكرينا المشكلة وين؟! ولو بتعرف الغلو في الإيمان ياهو إنت نحن نقدس الله ولا نقدس البشر كما تفعل أنت.
أرجو منك إعتذار تقيل لوصفك بالبوست بأنه غير موفق، وأنه يحمل أجندة خفية لوول
والله محن
Quote: النذير ,,, عشان ما يشوت ليك بالبوز اكتب ليهم اسم النهر ابوبكر الصديق ( رغم ان الناس كان بتقول ليه (بكر) ’’’
السيد النذير أخي لو كنت سميت بوستك "تواصل خريجي مدرسة الخرطوم القديمة من الصابئة والراوندية والشيعة والرافضة" ما دخلته أعي سيدي أن اسم أبو بكر حرف إلى با بكر وأبكر وخلافهما وأننا في السودان نختصره إلى بكري ولكن بكر اسم مختلف تماما ولقد لفت نظرك العديد من الأخوان أعلاه إلى ذلك ولكنك لم تعدل ما كتبت إلى هذه اللحظة
درست في الخرطوم القديمة ......... أولى .... أبو بكر .......... وثانية ..... أبو بكر ............ وثالثة ..... أبو بكر
ولم اسمع اسم بكر ولو مرة واحدة وقد خابرت من بناحيتنا ممن سبقونا أو أعقبونا بالدراسة في القديمة وكلهم لم يسمع أن نهر أبو بكر غير إلى بكر أو كان ينادى اختصارا ببكر
من يقرأ مطلع رابطك هذا يظن أن القديمة مدرسة بقم وما أعلمه أنها بالخرطوم ومعظم طلابها من المسلمين, ويا أخي كل كلمة تكتبها تخبر أنك رافضي فلم الإنكار؟
Quote: ولو بتعرف الغلو في الإيمان ياهو إنت
هل تمزح سيدي؟
Quote: نحن نقدس الله ولا نقدس البشر كما تفعل أنت.
أنا لا أقدس الشيخين (الصديق والفاروق) أو صنمي قريش كما تسمونهما ولا أظن أن أحدا من أهل السنة والجماعة يفعل ذلك.
فقد كثر المشاركين في هذا الرابط من طلبة الخرطوم القديمة ولا أعتقد أن دينكما يهمهم قي شيء ولا أحب أن أخرج بالبوست إلى غير ما خصص له
الأخ عابدون
اسم ابن السيدة الوزيرة السابقة نفيسة أحمد الأمين حسام وليس عصام ود. حسام كمال يقيم في المملكة المتحدة على ما أعتقد
تحياتي لكم جميعا
د. هشام مصطفى عوض الكريم دالاس, تكساس
Post: #73 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-18-2010, 06:54 AM Parent: #72
Quote: أنا لا أقدس الشيخين (الصديق والفاروق) أو صنمي قريش كما تسمونهما ولا أظن أن أحدا من أهل السنة والجماعة يفعل ذلك
الدكتور هشام مصطفى تحياتي مجدداً
يا زول إنت مالك عايز تلصق فيني الرافضية دي، تعرف أنا الرافضية دي ذاتها ما عارفها شنو، وبالمناسبة أنا لا سنة ولا شيعي أنا مسلم والسلام، واحترم جميع المذاهب والطوائف الدينية وعمار والأزهري الشعيين أعتبرهما أصدقائي وبصراحة أكتر، أنا الدين دا ماليش فيهو كتير وما بهمني شيعي أو سني، بتهمني أخلاقهم فقط ولا أتعامل مع الناس حسب أديانها، وبالمناسبة كلمة بكر ليست شتيمة فهو اسم قبيلة عربية عريقة، وكذلك أبو بكر ليس اسم بل كنية وليس اسمه الحقيقي، وفي زمنا اختصارات الأسماء قد كثرت، فمثلاً لا نقول "الإنتر نت" بل نقول "نت" والسلام.
تحياتي
Post: #74 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-18-2010, 06:56 AM Parent: #72
Quote: الأخ عابدون
اسم ابن السيدة الوزيرة السابقة نفيسة أحمد الأمين حسام وليس عصام ود. حسام كمال يقيم في المملكة المتحدة على ما أعتقد
والله يادكتور خليتنى اشكك لكن هل انت من نفس الدفعة وهل كنت معانا فى نفس الفصل يعنى هل عرفت بقية الاسماء التى ذكرتها انا؟ والدورة المدرسية عام 76 فقد كنت انا حارسا لمرمى الخرطوم الثانوية فى تلك الفترة .
Post: #75 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-18-2010, 07:41 AM Parent: #74
الأخ عبدون: إذا كنت دفعة 74- 77 فأنت دفعت شقيقي قاسم مصطفى عوض الكريم ود. مهند محمد حسن حابر وحسن مكي حسن أبو و د.جمال الشلالي ود. هشام محمد عبد الرحيم. د. حسام كمال كان قدامك بدفعة فهو دفعة 73- 76 وهو دفعة شقيقي د الفاتح مصطفى عوض الكريم أحمد أدم (عافية) كان حارس مرمى فريقنا النيل الأزرق ودرس في القديمة دفعة 68 – 72 أنا مندهش من أنه كان دفعتكم وتحياتي
Post: #76 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-18-2010, 07:52 AM Parent: #75
الأخ نزار أعتذر اشد الاعتذار لنعتك بالرافضي والشيعي وأنت لست كذلك فقط يا سيدي اسم النهر أبو بكر وليس بكر فرجاء تعديله ولقد كتبت في أول مداخلاتي
Quote: معذرة إن كان استنتاجي خاطئ
فكان الأولى بك أن تعدل مداخلتك من بكر إلى أبي بكر وتصوبني بدلا عن
Quote: محن
ومعذرة لتحريف البوست عن مساره وتحياتي لك
Post: #78 Title: Re: تواصل خريجي مدرسة الخرطوم القديمة الثانوية بنين وبنات Author: Mahassin Ibrahim Date: 10-18-2010, 08:07 AM Parent: #75
سلام لكل المتداخلين. وشكرا لفتح باب الذكريات وما اكثرها واجملها ....في بعض الاحيان تطفو الي السطح بعض هذه التداعيات والانسان يحتاج لتسجيل بعض ما جرى للحقيقه والتاريخ وحفظ لوجود ناس كانو ولا زالو جزء من تاريخ هذه الامه.
نحن خريجين دفعة 78-79- الخرطوم القديمه بنات عاصرنا شابات الان بعضهم مل البصر وبعضهم لا نعلم عنه شيئا ...امنياتي لهم بالصحه والعافيه.
من الاساتذه الذين لم تخطئم الذاكره :
استاذ امين نورى- لغه عربيه : كان من الاساتذه المحبوبين ومتمكنيين من علمهم بصوره جعلت كل الطالبات يحرصن علي حضور حصته حتي وان كانت ليس في فصولهم.
استاذه ميمون الخاتم : بنفس مستوى الاداء وحب الماده
استاذه اروى : جغرافي
استاذه هدى : تاريخ
استاذه التي حببتني في اللغه الانجليزيه والتي احفظ لها بكثير من الموده ولاامتنان : ليلي اليمني لي معها ذكريات تخص جزء من بنات اسرتها والتي واحده منهم زاملتني بكرسي الدراسه ((صفاء محمد حسن)) استاذ اللغه العربيه : علي و الذى لا اذكر باقي اسمه . كان يبدا دائما الحصه بالعبر الابويه والنصائح لبناته ويالها من ايام ويالها من قيم
كل بنات الخرطوم القديمه يذكرون استاذا كان يشهد له بقوة الشخصيه والاصرار علي ممارسة دوره الابوى قبل العلم ....من منا لم يذكر استاذ البطل وهذا كان اللقب ...لانعرف حتي الان اسمه الحقيقي . استاذه الفيزياء : سلوى ابو العزائم : لي مساجلات وعلاقات صداقه حميميه جمعتني باسرتها ببرى المحس ...سارجع لها لاحقا . استاذ الدين ((ساتي)) : لنا معه ذكريات لا تنسي .
سنواصل اعزائي
Post: #77 Title: Re: تواصل خريجي مدرسة الخرطوم القديمة الثانوية بنين وبنات Author: عادل سمير Date: 10-18-2010, 08:04 AM Parent: #1
عادل سمير توفيق
دفعة 74-77
بجيكم راجع..
Post: #79 Title: Re: تواصل خريجي مدرسة الخرطوم القديمة الثانوية بنين وبنات Author: عبد الدائم سيد أحمد Date: 10-18-2010, 09:34 AM Parent: #77
الاخت محاسن تحية طيبة حاديك هدية علشانك انتى بس ، سبق ان تم فتح بوستين للخرطوم القديمة بنات البوست الاول كان باسمى وهو عبارة عن تساؤل ليه البنات ما بيحكو ذكرياتهم باسم :
تواصل خريجات مدرسة الخرطوم القديمة والجديدة بنات وام درمان الثانوية بنات وبحرى بنات
والتانى كتبته زميلتنا الدكتورة سلافة العاقب تحياتنا لها اينما كانت بعنوان
اها يا النذير عندك كلام تانى البرشنى بالموية بنات القديمة برشوه بماء الورد
،،،،،،،،،،،،
عادل سمير توفيق
دفعة 74-77
مبروك الاسم الجديد يا محاسن امسكن فى عادل سمير ده قوى فوالدته احدى رائدات التعليم فى القديمة بنات وكانت بتجيبو معاها لما هو كان (صغيرونى) المدرسة
، ،،،
Post: #80 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-18-2010, 09:53 AM Parent: #79
الأخ أحمد صديق ..
Quote: وأعتقد إنت عاصرت الزول الفنان جداً عبـاس تلـودي؟؟
رغم إنو عباس تلودي صديق شخصي .... إلا إنو قدامنا بي كم دفعة.
الأستاذة محاسن ابراهيم ..
Quote: استاذه الفيزياء : سلوى ابو العزائم : لي مساجلات وعلاقات صداقه حميميه جمعتني باسرتها ببرى المحس ...سارجع لها لاحقا .
ياخ ما ترجعي ليها هسة ..... ليه (لاحقاً). صراحة عايز أعرف .. صداقتك كانت مع منو في بري المحس .......... (الكلام دخل الحوش)
Post: #83 Title: Re: تواصل خريجي مدرسة الخرطوم القديمة الثانوية بنين وبنات Author: Mahassin Ibrahim Date: 10-18-2010, 10:57 AM Parent: #80
اها يا محمد فتحت لي طاقة شجون مع يرى المحس وسكانها الذين احييهم فردا فردا
انا كتببت عن هذه الحميميه في بوست برى وهاك يا حكي وتداخلت مع الشباب : ماضي وحيدر امين .
طيب نحكي من البدايه:
كانت برى المحس الابتدائية _ الناظره كانت بتول ياسين ووكيلتها نفيسه ياسين
عاشرت وزاملت حبييبات الدراسه والعلاقه الممتده : امال واحلام امين(( لازلت صلتي بدريه المبشره تركت لنا مساحه من التواصل) وامال الامين محمد نور التي انقطه خبرها عني
هل تسنح لي بتحية صديقات الدهر دريه والشفه وبناتها ...ربنا يديهم العافيه فقد جمعتني بدريه مصلحة الجمارك قبل ان يفرقو بنا بالاحاله للصالح العام.
انا لم تنفك علاقتي ببرى ممتده منذ نعومة اظفارى وحتي الان .
ننتهي من برى المحس الابتدائيه ونقفز للثانوى العالي : حيث الاستاذه المربيه ((سلوى ابوالعزائم)) وتاني الايام جمعتني ببيقية الرهط : فقد اجتمعنا ثانية في رحاب الخرطوم القديمه واضف اليهم هذه المره التومات اماني وامال عبدالقادر واختهم الصغرى اشراقه. افتكر حكيت كتير
ولللان لم احكي عن علاقاتي بالجامعه واجتماعي بعفاف قسومه واخلاص الامين ويوسف عبدالمجيد وامنه هاشم كفايه عليك محمد واظني مليتك رقي .
Post: #81 Title: Re: تواصل خريجي مدرسة الخرطوم القديمة الثانوية بنين وبنات Author: عادل سمير Date: 10-18-2010, 09:53 AM Parent: #1
Post: #82 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-18-2010, 09:58 AM Parent: #81
سلام لكل القديمات الحلوين وشكراً لكم لإثراء البوست
يا مولانا عادل سمير، ياخي الصورة دي إنتا شاحدها؟! لوول صورتك يا أخوي لا تكاد تُرى بالعين المجردة لوول كبرها وجيبها لينا تاني
تحياتي للجميع
Post: #84 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-18-2010, 11:08 AM Parent: #82
أووووووو محاسن بتنا والله ...
صحيح .. شفت مداخلاتك في بوست بري .... لكني طشيت، ولخبطت بي زول تاني ..... عذراً.
Post: #85 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-18-2010, 11:21 AM Parent: #84
Quote: د. حسام كمال كان قدامك بدفعة فهو دفعة 73- 76 وهو دفعة شقيقي د الفاتح مصطفى عوض الكريم
ياباشمهندس هشام الدفعة الفوق دى ياها دفعتى ذاتها و د. حسام كان معاى فى نفس الفصل.
Post: #86 Title: Re: تواصل خريجي مدرسة الخرطوم القديمة الثانوية بنين وبنات Author: عمار عبدالله عبدالرحمن Date: 10-18-2010, 11:39 AM Parent: #85
استاذ كدودة واجمل حصة بلاغة ,, جيل من المعلمين يحتاجوا ان نقف لهم اجلال فقد كادوا ان يكون رسلا لهم الحية والتقدير في عام 1984م في الصف الثاني علي ,, الحصة فاضية ,, دخل علينا الاستاذ كدودة لاول مرة نيابة عن الاستاذ الغائب , سلم على عجل , والتفت نحو السبورة مباشرة ,,
Quote: الصغيرة شجيرة الأراك ياقمر عشرة الفي سماك شاغلة روحي وقلبي المعاك وين لقيتك لامن آباك القمر بوبا عليك تقيل العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل الصغيرون الما كبير الرقيبة قزازة عصير السنون براقن يشين العيون متل الفناجين مابتحش قشة تناقير مابتشيل جردل على الزير الزراب فوقا تقول حرير شتتي شبار يامضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل الجزير ام بحرا حما فيك روحي وحبي النما مابسيبا ان بقا في السما ما بخلي الناس تظلما روحي في دربك سالمة يا غرق يا جيت حازمة القمر بوبا عليك تقيل القديما قديما الحمام الوديزين في موجو عام يا مرايقة قليلة كلام وا حلاتا تقول السلام القمر بوبا عليك تقيل الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يامختم البرتكان نهدك مدردم القمر بوبا عليك تقيل الصغيرون ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا معزورة امها كان دستا وا هلاكي النار شافتا معزباني انا ود حلتا القمر بوبا عليك تقيل الدفيفيق الدابو ني البسيمتو بتكويني كي اهلو ضنو عليها وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل بحر الدمير العض ونزل مرة يسقي الفل والنخل فيهو عام وزينا وقدل ياهنينة البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل المبارك شيخ الضهر العليك ساسكت وفتر قلي جنيت ولا دستر واي أنا المرضان مكنتر جابو لي حكيم خير وشر قلي يا زول مرضك كتر سببك كم شلاخا خضر القمر بوبا عليك تقيل
متبها كاملة غير مبالي بهردلتنا , ولا اندهاشنا ,, عندما التفت بدء في شرحه لدرس التشبيه واقاسمه ,,,, تارك مؤلف على الجارم على الجنب ومبحرا مع وردي , واتذكر تماما عندما رن الجرس طالبناه بالمواصلة لان يكمل الدرس الاغنية , ولكن هيهات في زمن المعلم الذي يحترم المواعيد ,,
Post: #87 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 10-18-2010, 11:40 AM Parent: #85
الــنــذيـــر تـــحـياتــى:
Quote: وبالمناسبة يا بروف عبد الرحمن ما وريتنا أنت ياتو واحد في الصور
Post: #88 Title: Re: تواصل خريجي مدرسة الخرطوم القديمة الثانوية بنين وبنات Author: عادل سمير Date: 10-18-2010, 12:14 PM Parent: #1
Post: #89 Title: Re: تواصل خريجي مدرسة الخرطوم القديمة الثانوية بنين وبنات Author: عادل سمير Date: 10-18-2010, 12:21 PM Parent: #1
Post: #90 Title: Re: تواصل خريجي مدرسة الخرطوم القديمة الثانوية بنين وبنات Author: Mahassin Ibrahim Date: 10-18-2010, 12:54 PM Parent: #89
شكرا عبدالدائم تخيل بوست بنات القديمه وخريجاتها دا ياام كنت بعيده من النت او ما ركزت فيهو لانو يهمني جدا ان اكتب عن تلك المرحله من تاريخنا.
نحن عاصرنا انتفاضات الطلبه ضد نظام مايو وحضرنا امحاولات استقطاب النظام لشباب وشابات الثانوى تحت ما يسمس بشعب الطلاب ولا انس زيارات مصطفي الهادى للمدرسه والناظر كان الاستاذ محمد سعيد معروف .
ساحكي عنها بالتفصيل لاحقا انشاء الله.
عادل سمير : تحياتي
نفس اعرف من هي تلك المربيه الفاضله (( والدتكم الموقره))
Post: #91 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-18-2010, 02:15 PM Parent: #90
شكراً جزيلاً يا بروف عبد الرحمن وبمناسبة الصور صورتك الآخيرة دي بتشبه أوكامبو لوول، تحياتي:
Post: #92 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-18-2010, 02:19 PM Parent: #91
وشكراً لمولانا عادل سمير، ويا عادل دفعتكم دي نصها هنود وللأ شنو؟! وبالمناسبة هل الدراسة في الثانوي قديماً باللغة العربية أم الإنكليزية
تحياتي للجميع، وشكراً للغالية محاسن وأبو الريش وعابدون وبروف عبد الرحمن ومولانا عادل سمير وعمار وأحمد الصديق على إثراء البوست
Post: #93 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-18-2010, 02:22 PM Parent: #91
Quote: نفس اعرف من هي تلك المربيه الفاضله (( والدتكم الموقره))
أكيد يا محاسن بتكون درستك (ست ماتيلدا)
Post: #94 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-18-2010, 02:36 PM Parent: #93
Quote: الأخ نزار أعتذر اشد الاعتذار لنعتك بالرافضي والشيعي وأنت لست كذلك فقط يا سيدي اسم النهر أبو بكر وليس بكر فرجاء تعديله ولقد كتبت في أول مداخلاتي
Quote: معذرة إن كان استنتاجي خاطئ
فكان الأولى بك أن تعدل مداخلتك من بكر إلى أبي بكر وتصوبني بدلا عن
Quote: محن
ومعذرة لتحريف البوست عن مساره وتحياتي لك
العزيز الدكتور هشام تحياتي مجدداً
يا زول مافي مشكلة والبيناتنا عامرة لكن حكاية بكر دي إنت مكبر بيها الموضوع في لا شيء، فبكر ليست إساءة، فإن كانت إساءة لمسحتها، ولكنها لا تضر ولا تنفع ومطالبتك لي بمسحها، والله شكلك كدا النوع اللي بحكها مع الزول لحدي ما تجيب الدم لوول، وبعدين إنت شكلك كدا أنصاري سنة النوع أبو كديس.
تحياتي وشكراً لك على إثراء البوست
Post: #95 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-18-2010, 07:59 PM Parent: #94
أخي النذير: لا يا أخي أنا لست أنصار سنة وأبعد ما أكون عن التعصب ولكن ساءني كثرة روابط الشيعة بالمنبر وهجومهم على الصحابة كالشيخين وأم المؤمنين حتى وكأن الانتساب لاسمي أبو بكر وعمر صار مسبة
عام 1970 كان عاما تاريخيا للمدرسة إذ لم تكن فيه شهادة وسطى (ثانوية عامة) نسبة للسلم التعليمي الجديد وتم زيادة عدد الأنهار من 4 إلى 6 بإضافة نهري أبو عبيدة وخالد وتم تحويل لغة التدريس إلى العربية (تعريب المناهج) وألغي نظام الجلد (منعت عقوبة الجلد), والتي أعيدت في النصف الثاني من السبعينات عندما عمت الفوضى وكثرت الإضرابات وكانت أخر سنة يدير فيها المدرسة الناظر القدير الغزالي السراج والد زميلنا أبو بكر الغزالي والذي خلفه على إدارة المدرسة الناظر عبد الرحمن دياب عام 71 أيضا كان مهما فلأول مرة تفرض رسوم مدرسية على الطلاب ولأول مرة يقبل طلاب غير مستحقين في مقابل رسوم باهظة لدعم ميزانية المدرسة وقد تم إعلان كل هذه التغيرات في اجتماع الإدارة بالطلاب في مطلع العام الدراسي والذي كان أخر لقاء للمدير السابق الغزالي السراج بالطلاب وتحدث فيه عن الطلاب الطالب عبد الله عطية (دفعة 1968 – 1972) مبينا أن ليس كل الطلاب قادرين على دفع الرسوم وكان رد الناظر السراج بأنه تم استحداث نظام يتم بموجبه إعفاء الطلاب غير المستطيعين من الرسوم أرجو أن يكون فيما ذكرت إجابة على تساؤلات بعض الأخوة
Post: #96 Title: Re: تواصل خريجي مدرسة الخرطوم القديمة الثانوية بنين وبنات Author: أحمد الصديق Date: 10-18-2010, 08:46 PM Parent: #94
أهلاً بالجميع أبو الريش أكان كده أنا أكبر منك!!
وبقيت دفعتك بالرقعة بس!! هههههههههههههههها
أخي الذي ذكر أحمد آدم من دفعة 68 الى 72 يبدو أنه أخطأ التقدير أحمد عافية درس بالقديمة من 74 الى 77 ويبدو أنه رقع أيضاً بإتحاد المعلمين وبالأمارة كان في الكديت...
أسأل أيضاً عن التاج من أولاد بحري زول أخدر وعندو شعر سبيبي طويل، ومرضان كرة سلة رقع معانا بإتحاد المعلمين 78 ؟؟؟
Post: #97 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-18-2010, 09:54 PM Parent: #96
عذراً .... ذكرت في مداخلة فوق إنو الناظر كان (عبدالرحمن السراج) .... والصحيح أنه الأستاذ/ عبد الرحمن دياب.
أحمد الصديق .... مافي مشكلة يا دفعة ....
عموماً أنا إمتحنت الشهادة في 1978
Post: #98 Title: Re: تواصل خريجي مدرسة الخرطوم القديمة الثانوية بنين وبنات Author: إبراهيم عبد الحليم Date: 10-18-2010, 10:25 PM Parent: #97
Quote: يا سلام مدرستنا الجميلة ,,
عمر عبدالله عبدالرحمن دفعة 1983م
من دفعتنا في المنبر عوض هارون ,, الفنان ابراهيم عبدالحليم(كنب واحدة) واظن الاخ ابوهريرة
عمار يا دفعة شفت السنين بتجرى كيف. بالمناسبة عادل محمود رحلوا المنشية. اظن تلفونوا معاى
Post: #99 Title: Re: تواصل خريجي مدرسة الخرطوم القديمة الثانوية بنين وبنات Author: إبراهيم عبد الحليم Date: 10-18-2010, 10:32 PM Parent: #98
لرفد هذا البوست اغنية حوار فى اول تعاون فنى لى مع مدنى النخلى اتمنى تعجبكم ابراهيم عبد الحليم
Post: #100 Title: Re: تواصل خريجي مدرسة الخرطوم القديمة الثانوية بنين وبنات Author: Mahassin Ibrahim Date: 10-19-2010, 07:05 AM Parent: #99
سلام متداخلي وقارى البوست.
تحياتي محمد ابن برى الحبيبه.
ست ماتيلدا نحن ما حضرناها. .....لكن سمعنا بسيرتها الحافله وبصماتها في مسيرة تعليم البنات ...احييها لكن عاصرنا اجمل فترات الخرطوم القديمه والتي كانت وكيلتها المربيه الفاضله (خديجه عبدالله) كانت فتره تمتاز بالحسم والانضباط المبالغ العالي المقام
كانت النظره انجيلا وكان في فتره محمد سعيد معروف وهناك ناظر لم استجمع اسمع بالكامل لانه لم يستقر كثيرا بالمدرسه اسمه افتكر عبدالرحمن.
كنا سته انهر لذا عدد الفصول كان 18 فصلا.
ومن اسماء الفصول : اتذكر في السنه الثالثه كان ابن رشد(( علمي + جغرافيا)) كورى ( علمي احياء)) نيوتن (( علمي رياضيات)) وفصلين لللادبي لم استحضر اسمائهم. اتذكر تماما اننا كنا دفعه مميزه للغايه والنسب التي تم احرازها كانت مهوله وبشكل ملفت .
هناللك بصين للمدرسه واحد يتجه لمنطقة وسط الخرطوم يقوده العم عثمان والاخر يتجه للاطراف وهي المقرن (( هل تصدقو ان هذه هي الاطراف))
لان بنات المناطق الابعد كانو من ضمن الداخليات وهي لبنات توتي وجبل اولياء ....دنيا
الداخليه كان لها نظام ضبط عالي للغايه : الدخول والخروج.
من النظم التي كانت متبعه انه لايتم خروج اى من بنات الداخليه خارج المدرسه الا باذن او يوم الخميس يتم تسليمها لولي امرها المسجل ومعروف لدى الجميع . لا اتباهي ولا ادع شي لم يكن حقيقي : كل طالبات المدرسه في تلك الازمان كان لديهم احساس بالمسئوليه والانكباب علي العلم والتزود بالثقافه وكذلك الاستناره السياسيه كانت متوفره للغايه . ساعود ثانيا
Post: #101 Title: Re: تواصل خريجي مدرسة الخرطوم القديمة الثانوية بنين وبنات Author: عبد الدائم سيد أحمد Date: 10-19-2010, 07:29 AM Parent: #100
يا محاسن من خلال البوست ادناه ممكن تحصلى الفاتك وبالذات عن والدة عادل سمير
بالنسبة لدفعتك ايام ( الخرطوم الثانوية ) كان لدى اخت صديقى وزميلى اسمها سعاد عبدالمحمود حسين نفس دفعتك امتحنت علمى وساكنة الصحافة شرق مربع 36 ، ودرست جامعة القاهرة الفرع كلية التجارة اكن لها كل التقدير والامتنان بتشكيل جزء كبير من شخصيتى علميا" واجتماعيا" ، التحية لها ولزوجها حسن على عبدالرحمن ببنك السودان ولابنائها .
Post: #102 Title: Re: تواصل خريجي مدرسة الخرطوم القديمة الثانوية بنين وبنات Author: قلقو Date: 10-19-2010, 07:29 AM Parent: #100
مولانا عادل سمير .. من اين اتيت بتلك الصورة التى انمحت من الذاكرة تماما ؟ اتاريك سـغيرونى وجاهل . (عشان طلعنا دفعة) وانا قايلك من ارباب المعاشات . هل تستطيع ذكر اسماء الزملاء التى بالصورة ؟ الأخ ابوالريش
Quote: رغم إنو عباس تلودي صديق شخصي .... إلا إنو قدامنا بي كم دفعة.
كذلك من نفس الدفعة اذكر الممثل الموهوب ( محمد عبدالرحيم قرنى) .
Post: #103 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 10-20-2010, 05:05 AM Parent: #102
أخـــى عــابـدون
تــحـيـاتــى
Quote: يابروف ناس مدرسة التجارة ديل شكلهم كدة كان حركتهم خفيفة وغايتو زمنا داك ماحضرت ليهم اى نشاط ماعارف ليه وحتى فى الدورة المدرسية ماكان ليهم نشاط يذكر.
Post: #157 Title: Re: تواصل خريجي مدرسة الخرطوم القديمة الثانوية بنين وبنات Author: Dr. Moiz Bakhiet Date: 11-10-2010, 12:21 PM Parent: #100
يااااااااااااه على الخرطوم القديمة زمان
قبل ما يرحلوها بري
كانت لنا أيام وذكريات لايستوعبها بوست وسأرويها بمذكراتي في يوم ما..
تحياتي لك النذير
Post: #169 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 12-29-2010, 01:59 PM Parent: #100
الأعزاء إبراهيم عبد الحليم ومحاسن شكراً لكما لإثراء البوست
تحياتي وكل عام وأنتم بخير
Post: #105 Title: Re: تواصل خريجي مدرسة الخرطوم القديمة الثانوية بنين وبنات Author: محمد الكامل عبد الحليم Date: 10-20-2010, 06:23 AM Parent: #1
تحية ...جميل ان تعودون بنا الي الذكريات عن هذا الصرح العظيم ...والذكريات صدي السنين الحاكي ..ما قال شوقي..
انا من دفعة 68-69..المدير ..عبد الباقي محمد لسنتين ثم السراج..الاساتذة الكرام ..زمحجوب عمر باشري ...محمد سعيد الق معروف ..محمد سعيد القدال...حسن عبيد ..عبد المنعم .جرجس محارب ..حسن عابدين..الخير .. جناح .العريفي ..مستر اوتس .. الشفيع امين المكتبة .. واخرون من العقد الفريد
النشاط المدرسي ..جمعية التصوير..ابراهيم عبد المنعم 0 (الدبلوماسي الجميل ..والفنان محمد حامد شداد وشخصي الضعيف واخرون)..التربية العسكرية .زالصول المرضي ..هشام والكو .جمعية اللغة الانجليزية ..المستر اوتس والاستاذ الحبوب محجوب غمر باشري .زسمير فضل بخيت ( القاضي.. محمد خضر ابراهيم ..ابراهيم عبد الوهاب وشخصي )..جمعية السير علي الاقدام ...مولانا يوسف عربي ..محمد عطرون وشخصي ... جمعية التاريخ ..عبد المحسن علي عمر ... كرة القدم الكباتن قسم السيد ترانسيستور ..يوسف ابو صلعة ...الحاج قسم السيد ...بارود .سليمان الحاج .. عثمان عابدين
الدفعة من اصدقاء العمر ..المهندس يف الدين عبد الجليل ..المهندس عبد العزيز شطة ..المستشار عبد الرحمن ابراهيم الخليفة ..اللواء الفاتح عروة قبل انتقاله الي بحري ..اللواء ابو العباس عبد الرحمن قبل انتقاله الي الفاشر..الدكاترة مصطفي سيد احمد ..محمد عبد الله حاكم ..عبد الله جابر .عثمان محجوب ..زين العابدين سعيد ياسين .. احمد الحسن البروف هاشم محجوب .. الطيار سليمان الخولي .الطيار المعتصم عبد الحليم ..يرحمه الله ..الطيار كمال مبارك .. هاشم ابورنات ...محمد حامد شداد .زالنعيم عدلان .. محمد خضر ...ابراهيم عبد الوهاب ... عبد الله علي ..محمد الحاج ضرار .ختمي .. عمر سعد يرحمه الله( يا ناس انتو)...( وين انتو)
.كنا اول دفعة يتم تدرسيها اللغة الانجليزية عن طريق التلفزيون .. واول دفعة تتلقي منهج التاريخ الافريقي عن استاذنا المرحوم محمد سعيد القدال ..
سيتواصل سرد الذكريات
Post: #106 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-20-2010, 07:40 AM Parent: #105
هدية لكل الجلاكيم هنا ..
Post: #114 Title: Re: تواصل خريجي مدرسة الخرطوم القديمة الثانوية بنين وبنات Author: فيصل عبد الله محمود Date: 10-20-2010, 03:55 PM Parent: #106
سلام يا ناس الخرطوم القديمة عساكم بخير
كيفك يا عبدون انت برضه هنا متعك الله بالصحة والعافية ما تستغرب لانه انا من الخرطوم القديمة لكن من دفعة ( 69-72 )
الناظر / محمد الغزالى السراج الوكيل / محمد سعيد معروف ( رحمهم الله ) الفصل / اولى (ج) الاستاذة وعلى ما اذكر ومعذرة اذا خانت الذاكرة
الانجليزى - عبد المنعم - عبد العزيز - محمد الحسن ( الان سفير بتركيا ) العلوم / جرجس / مصطفى بوستى / حسن عبيد الشايقى / حسن فضل المولى العربى / النورانى / جعفر محمد عثمان التاريخ / العراقى الجغرافيا / عبيد على ما اذكر / استاذ عبد الله الرياضيات مصطفى عابدين
الدفعة وعلى ما اذكر من بحرى
قرن شطة (منعم ) / مصطفى نوارى / مزاحم الضوى / حاتم / صلاح / سيف الدولة / نادر حيدر عبيد هولاء من بحرى على ما اذكر الخرطوم ما اذكر / محمد الحسن الامين / رشاد البلك / حجزى / عبد القادر عبد الرزاق / كمال المرضى / الفاتح حمد / احمد عافية جمال ( جنابو ) عبد المنعم كرار ( الله يرحمه ) وغيرهم لم تسعفنى الذاكرة مبارك من برى / رياض / صلاح / زهير محمد محمود
اما الورانا والقدامنا على ما اذكر جنابو / يوسف ابو صلعة لاعب النيل ود الجاك لاعب القوز / السر المقدم / محجوب عروة / هاشم السمكة / السمؤل اما الجمعيات فاذكر فى الكديت عمنا الصول يوسف / وعمنا بابكر ( الله يرحمهم ) وارجو ان تزعفنى الذاكرة اما اشهر رحلة هى التى قمنا بها لكسلا كانت كشفية وتاريخية وموسيقى وعلى ما اذكر اول فنان قابلناه فى ذلك الوقت الفنان ترباس حيث غنى لنا فى حديقة بالسواقى واعتقد الاخ يوسف يذكر هذه الرحلة وكان معنا فنان حقيبة برضة درس فى الخرطوم لكن اسمه راح على فهل تذكر يا يوسف اسمه
لنا لقاء بعد التعليق من الدفعة انشاء الله
اخوكم / فيصل عبد الله محمود
Post: #107 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 10-20-2010, 07:54 AM Parent: #105
يــا مـحمــد الـكـامـل ســـلام:
يــاخــى إنــت لــخــبـطـتـنـى.
قــســـم الـســيـد تــرانـزســتـر كان دفــعـتـى 1965 ولــعـبـنـا سـوا فـى كل الـمـباريـات مــن ســنـة أولـى لـغـايـة رابـعـة.
و عــبـدالـرحمـن إبـراهــيــم الـخـلـيـفـة كـان الـدفـعـة الـورانـا،
الله يــفـتـح عـلـيـك ذكـــرتــنـا الـمـاضـى و"أنـفــرد" حـبـل الـذكــريـات!
فـلـك الــود.
Post: #108 Title: Re: تواصل خريجي مدرسة الخرطوم القديمة الثانوية بنين وبنات Author: علاء الدين يوسف علي محمد Date: 10-20-2010, 11:05 AM Parent: #107
تقديراً لمدرستي لطُلاّبها و أساتذتها الأجِلاّء قُمت بمسح صور مُداخلات فاتح البوست الغير مُحْترم والذي أسْتنْكِر بِشِدّة تصدِّيه لفتح مِثل هذا البوست من باب فاقد الشيء لا يُعْطيه
Post: #109 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-20-2010, 11:16 AM Parent: #108
الأخ علاء ....
الأفضل أن يتم علاج ما جاء أعلاه في البوست المعني. قد يكون حساب الأخ نذير مهكّر ... أو غير ذلك .... لا أدري.
في كل الأحوال ... من المؤكد أن البوست المعني/ المداخلات سيتم حذفها .. والإدارة كفيلة بذلك، أرجو أن لا يتم نشرها في بوستات أخرى.
لذا، أرجو شاكراً، التكرم بحذف الكوت أعلاه حتى نضمن استمرارية هذا البوست الذي لا يحمل في طياته عداءات، بل ذكريات، ولا شئ غيرها.
شكراً لك.
Post: #111 Title: Re: تواصل خريجي مدرسة الخرطوم القديمة الثانوية بنين وبنات Author: علاء الدين يوسف علي محمد Date: 10-20-2010, 11:45 AM Parent: #109
الأخ أبو الرِّيش حساب هذا المعتهو غير مُهكّر دة أسلوبو فتح لي بوست قبل أيّام و بيسأل عن من أين لك هذا؟ لي أنا و سأل عنِّي و قال: وين مُربِّي الأجيال دة
مع إنُّو كونك تكون مالك مدرسة ما معناها إنّك أُسْتاذ أها الموضوع جاب الموضوع ديك مدرسة و دي مدرسة و أنا خِرِّيج من الخرطوم القديمة أرفض أن يفتح بوست بإسمها هذا المعتوه بالمُناسبة البوست القلتو ليك الفتحو هو بنفس أسلوبو الفوق دة موجود و مكبشر بالكامل بجيبو ليهو حِتّة حِتّة
Post: #112 Title: Re: تواصل خريجي مدرسة الخرطوم القديمة الثانوية بنين وبنات Author: محمد الكامل عبد الحليم Date: 10-20-2010, 01:14 PM Parent: #111
تحية للاخ علاء.... يا اخي علاء بحق الحرف والكلمة والمعني .....وسمو النفس فوق مزالق تاخذنا الي متاهات البعد عن الاخر..وعدم التواصل البناء ..
الخلاف السياسي يجب الا يحول دون سمو المعاني..زبالانقاذ اصدقاء لنا ..ناس علي عثمان وغيرهم يعلمون اختلافنا معهم سياسيا لكن ذلك لا يكون مدعاة للبغض او الكره ...
ان جاءاك ما يسئ من اي شخص فقابله بالتي هي احسن...ان كان النذير او غيره ...ومن هنا ندعو النذير لمصافحتك لوجه الله مع بقاء الخلاف السياسي...فالنجعل من انفسنا قدوة ومثل ...هاجسنا الوطن المعافي ..وسيرة السوداني الذي يحمل من النبل ويفيض...
انتما اخوان في الرضاعة اسفيريا..ان لم يكن يجري النبيل في عروقكم ...فهل نسمع عنكما ما يعيدكم الي سيرة السوداني الذي اعني ..ارجو ذلك ...ومعذرة ان جاء حديثي بما لا تهوي او تريد ....ويا النذير شن قولك
Post: #113 Title: Re: تواصل خريجي مدرسة الخرطوم القديمة الثانوية بنين وبنات Author: محمد الكامل عبد الحليم Date: 10-20-2010, 01:14 PM Parent: #111
تحية للاخ علاء.... يا اخي علاء بحق الحرف والكلمة والمعني .....وسمو النفس فوق وزالق الشيطان ..وسعينا للحوار المعافي..زوالجدل البناء.زرغم اختلاف الراي...بحق كل ذلك نربأ بكم تداول الاحرف التي تاخذنا الي متاهات البعد عن الاخر..وعدم التواصل البناء ..
الخلاف السياسي يجب الا يحول دون سمو المعاني..زبالانقاذ اصدقاء لنا ..ناس علي عثمان وغيرهم يعلمون اختلافنا معهم سياسيا لكن ذلك لا يكون مدعاة للبغض او الكره ...
ان جاءاك ما يسئ من اي شخص فقابله بالتي هي احسن...ان كان النذير او غيره ...زومن هنا ندعو النذير لمصافحتك لوجه الله مع بقاء الخلاف السياسي...فالنجعل من انفسنا قدوة ومثل ...هاجسنا الوطن المعافي ..وسيرة السوداني الذي يحمل من النبل ويفيض...
انتما اخوان في الرضاعة اسفيريا..ان لم يكن يجري النبيل في عروقكم ...فهل نسمع عنكما ما يعيدكم الي سيرة السوداني الذي اعني ..ارجو ذلك ...ومعذرة ان جاءا حديثي بما لا تهوي او تريد ....ويا النذير شن قولك
Post: #110 Title: Re: تواصل خريجي مدرسة الخرطوم القديمة الثانوية بنين وبنات Author: محمد الكامل عبد الحليم Date: 10-20-2010, 11:36 AM Parent: #107
تحية ....مشكور يا عبد الرحمن .زانت والنذير والاخرين فان ذكي الخرطوم الثانوية القديمة اهاجت اشجاني ... مثلما اهاج الهوي انين السواقي...السيد علي عثمان كان في السنة الثالثة حين اتينا ..اما ابراهيم عبد المنعم فكان قبلنا بدفعة واحدة... قسم السيد كان في السنة الرابعة هو واسامة التيجاني لكن اخاه الحاج كان معنا ...الفاتح وهاشم ابورنات و ابو العباس والاخرين الذين جاء ذكرهم كانوا دفعتنا..زالقدال لم يكن حاصلا علي الدكتوراة حين كنا تلقي العلم علي يديه ... معهد مريدي كان بجورنا وكان به الشاعر محجوب شريف وابن خالتي ابراهيم عبد الله ومن وقتها كانت شاعريته... اما محجوب ابراهيم فكان في السنة الرابعة وقتذاك..اما عبد الرحمن شقيقه فكان معنا وكان من دعاة القومية العربية ... السمؤل فنان المدرسة كان في الدفعة التي بعدنا بسنة هو و سعادة العميد يوسف ابو صلعة...
اذكر انني ارسلت خطابا من كندا الي عبد الرحمن ابراهيم ظانا انه في امريكابعنوان خطأ لشخص اخر يدعي عبد الرحمن ابراهيم فهل هذا الشخص هو حضرتكم...
انا سعيد بالتعرف علي شخصكم الكريم...ونحتاج ان نقول الكثير عن تلكمو الايام الخالدة في الذاكرة ...وفي الوجدان
لكم جميعا احترامي ..وسنعود...
Post: #115 Title: Re: تواصل خريجي مدرسة الخرطوم القديمة الثانوية بنين وبنات Author: إبراهيم عبد الحليم Date: 10-20-2010, 04:14 PM Parent: #110
مع هؤلاء الاساتذة عندى معهم حتى الان لا زال صلات طيبة الاستاذ عبدالمنعم ابو الحسن يسكن الحاج يوسف مربع واحد كان بلبيا ورجع لديه ابن اسمه احمد الاستاذ مصطفى عابدين وهو قريبنا ببرى زرته ابان اجازتى الاخيرة للسودان اواخر عام ٢٠٠٩ وشلت معاه الفاتحه فى اخوه المقتول عثمان عابدين والقصة معروفة للجميع بقتيل برى ومدير احد البنوك الذى قتله ولده. كذلك شلت معاه الفاتحة على روح ابن اخيه وزميلنا العقيد محمد صلاح عابدين الذى استشهد فى ضربة ام درمان كاعلى رتبة الاستاذ مصطفى عابدين مؤيض بالسكرى والضغط الخ ولكن الابتسامة ياها ذاتها الاجازة دى التقيت فيها بمحمد ابوالعزائم ابوالريش
إبراهيم
Post: #116 Title: Re: تواصل خريجي مدرسة الخرطوم القديمة الثانوية بنين وبنات Author: عمار عبدالله عبدالرحمن Date: 10-20-2010, 10:26 PM Parent: #115
يا ريت الناس ما تنسوا ذكرى الاستاذة المصريين ,,
اساتذة الرياضيات والفيزياء ,,,
Post: #117 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-21-2010, 07:57 AM Parent: #116
Quote: يا ريت الناس ما تنسوا ذكرى الاستاذة المصريين ,,
اساتذة الرياضيات والفيزياء ,,,
الأخ عمّار ..... طيب .... رأيك شنو أعمل ليك Combination لمسألة (الأساتذة المصريين) و(الخرطوم القديمة) و(ذكرى ثورة أكتوبر) التي تحل اليوم ..... ((كل عام والجميع بخير))
طبعاً جرت العادة أن تكون ذكرى أكتوبر المجيد عطلة رسمية، وتبدأ الإذاعة منذ الصباح الباكر في بث أناشيد أكتوبر التي كان يحفظها الجميع عن ظهر قلب. منذ منتصف السبعينات (في العهد المايوي) بدأ الإهتمام بأكتوبر يقل، حتى تم إلغاء الإجازة، وذلك بالسكوت عن إعلانها. في السنة الثانية (أظن العام كان 1977)، في حصة الكيمياء، وكانت مع الأستاذ/ جرجس محارب، دخل الأستاذ الفصل، وكالعادة إتجه للسبورة ليكتب التاريخ. طريقة كتابة التاريخ التي اعتدنا عليها كانت بكتابة اليوم والشهر(عددي) ثم السنة، مثال: (15/12/1999)، في ذلك اليوم كتب الأستاذ جرجس التاريخ: 21 أكتوبر 1977، لم يكتبه 21/10/1977، لا أدري إن كان قصدها أم لا، ولكن عندما رأيتها مكتوبة هكذا (21 أكتوبر)، بكيت من الغيظ، فقد كانت المرة الأولى التي يحل فيها هذا التاريخ وأنا جالس على مقعد الدراسة.
Post: #118 Title: Re: تواصل خريجي مدرسة الخرطوم القديمة الثانوية بنين وبنات Author: عابدون محمد عابدون Date: 10-21-2010, 09:31 AM Parent: #117
ابو العزايم يادفعة انا بتذكر شكلة كانت مرة واظنها سنة 77 ( السنة التانية ) مع الاستاذ جرجس فى المعمل مع ابو الريش بس ما متأكد انو دا انت بالذات .. هل تتذكر واقعة زى دى؟
Post: #119 Title: Re: تواصل خريجي مدرسة الخرطوم القديمة الثانوية بنين وبنات Author: Mahassin Ibrahim Date: 10-21-2010, 01:12 PM Parent: #116
تحيه اخوانا واخواتنا المتداخلين والقارئين.
ياعمار : انا شخصيا لم انس دور المعلمين المصريين ومساهماتهم في تدريس هذه المواد الهامه بصوره سلسه للغايه : كيمياء وفيزياء ورياضيات واحياء.
انا اتذكر تماما استاذه نبيله - احياء
استاذ غليني : كيمياء
استاذ موريس : فيزياء
اتمني ان تكتب بنات الخرطوم القديمه عن اسهامات هوىء الاساتذه .
ممكن اضيف اسهامات استاذاتنا السودانيين الاجلاء
من من لم يذكر شعبة الرياضيات واساتذاتها واستاذاتها النوابغ :
عبدالرحيم وسعديه.
اما الفرنسي : استاذتنا حفيظه ومن بعدها الاساتذه الفرنسيين الزائرين .
لك التحيه مدرستنا العريقه ولكم اساتذاتنا الذين لم يبخلو علينا بعصارة فهمهم
Post: #120 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-21-2010, 11:10 PM Parent: #119
كتب الأخ فيصل عبد الله محمود:
Quote: لانه انا من الخرطوم القديمة لكن من دفعة ( 69-72 )
الدفعة وعلى ما اذكر من بحرى
قرن شطة (منعم ) / مصطفى نوارى / مزاحم الضوى / حاتم / صلاح / سيف الدولة / نادر حيدر عبيد هولاء من بحرى على ما اذكر الخرطوم ما اذكر / محمد الحسن الامين / رشاد البلك / حجزى / عبد القادر عبد الرزاق / كمال المرضى / الفاتح حمد / احمد عافية جمال ( جنابو ) عبد المنعم كرار ( الله يرحمه ) وغيرهم لم تسعفنى الذاكرة
الأخ فيصل:
أنا درست قي القديمة 1971 - 1974 وكنا أول دفعة تدرس ثلاث سنوات لو افترضنا أخي أنك دفعة 1968 - 1972 فمصطفى نواري و عبدالنعم كرار ليسوا دفعتك وأعتقد إنهما امتحنا شهادة عام 1971 ولم نعاصرهما في الخرطوم القديمة (أعرف مصطفى من كلية الهندسة والمرحوم المقدم عبد المنعم تربطنا بأسرته علاقة جيرة وصداقة عائليه) أحمد أدم (عافية ) كان حارس مرمى فريق الحلة (النيل الأزرق) قبل انتقاله إلى الإتحاد على ما أعتقد ثم الهاشماب فالهلال وحضرناه سنة في القديمة حيث امتحن شهادة سنة 1972 الدفعة التي امتحنت شهادة سنة 1972 كان فيها د محمد حسين حسن أبو والطاهر صباحي وبروف أسامة عوض الكريم وبروف كمال شرف والسفيران أبوبكر صالح محمد نور وعامر أحمد المرضي جبارة بالإضافة لأحمد أدم (عافية) أخي أكتب ما أكتب من الذاكرة وهي أحيانا تخون فالرجاء تصويبي إن أخطأت, وشكرا
Post: #121 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-21-2010, 11:17 PM Parent: #120
لأخ أحمد صديق أحمد أدم كان يلعب في فريق حلتي وأعرفه جيدا ودرسنا معا بالقديمة سنة واحدة 1971 - 1972 حيث أنه امتحن الشهادة سنة 1972 كان يقود الكديت في المدرسة وأذكر جيدا كان في استعراض للكديت في المدرسة وكان قائده أحمد أدم (أنا لم أكن في الكديت) وكان بديهم أوامر على ما أذكر "يمين دور" و"شمال دور" قال ليهم على شنئ مماثل ل "داير ما يدور" وأعتقد إنهم كان مفروض يلفوا 180 درجة جماعة لفوا يمين والباقين شمال وحصلت دربكة شوهت من استعراض كان جميلا جدا ولا يقل روعة من استعراضات الجيش في واحد كانون الثاني (يناير) من كل عام في شارع الجامعة (حدائق الشهداء) أمام القصر (مع الفرق) بعد الاستعراض كان الصديق أشرف زكي الحاج (دفعة 1969 – 1973 ) غاضبا وقال "نحن أحمد أدم ده ألف مرة قلنا ليه ما يستعمل "داير ما يدور" يقول شمال دور مرتين أو يمين دور" الكلام ده كان في أوائل سنة 1972 يا انتو قاصدين أحمد أدم ثاني غير أحمد أدم بتاع الهلال والفريق القومي يا الزول ده قرأ القديمة مرتين.
وبالمناسبة الطالبين الوحيدين الذين أعرف أنهما درسا في القديمة ولعبوا فريق قومي كرة قدم هما عمار خالد وأحمد أدم هل هناك آخرون؟؟؟
Post: #122 Title: Re: تواصل خريجي مدرسة الخرطوم القديمة الثانوية بنين وبنات Author: فيصل عبد الله محمود Date: 10-21-2010, 11:41 PM Parent: #121
الاخ هشام اسعدت مساءا وكيف حالك شكرا على المداخلة ومعليش الكبر حصل والله من ناحية الجماعة ديل دفعتى متاكد احمد عافية ما متاكد يمكن الدفعة الورانا بس اشتهر بحراسة المرمى وجنه كورة وكديت لكن عبد المنعم كرار الله يرحمة زاملنى انا والاخ كمال المرضى برحلة كشفية سيرا على الاقدام واتذكر انه لديه اهل عزمونا بحى فى مدنى يسمى الحي البريطانى وعلى ما اذكر كان مدربنا فى الكشافه ( الاخ صلاح طه) الملقب( بصلاح حريقه ) لانه والده كان بالدفاع المدنى على ما اذكر وبرضه الاخ عبد القيوم من بحرى الهجرة ومتاكد من الكلام ده وقرن شطة برضة دفعتى بس انا فى (ج) والاخ قرن شطه على ما اعتقد فى عمر ولا ابو بكر ما متاكد ومحمد الحسن الامين كان جارى فى درجين جنب بعض وانا برضة السنين متلخبطه على وعلى فكرة انا ما قعدت فى السودان كتير لى حوالى 25 سنه بالسعودية وحصل لى حادث بالسودان فقدت فيه عمى محتمل يكون اثر على الذاكرة الخربة اما من ناحية الايام الجميلة التى قضيناها بالخرطوم القديمة فبعضها لن ينسى اخى هشام
دام الود بيننا ولنا لقاء انشاء الله
اخوكم / فيصل عبد الله محمود
Post: #123 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-22-2010, 02:22 AM Parent: #122
أخي فيصل أنا برضه كنت في السعودية (جامعة الملك سعود في الدرعية) قبل هجرتي إلى هذا المنفى في أقصى الأرض أخي على ما أعتقد انك كنت دفعة 1967 – 1971 في القديمة ولم نتعاصر في القديمة ولكن تربطنا ذكريات مشتركة يجمعنا بها هذا الصرح العتيق أخي فيصل طاب مساؤك ولنا عودة
Post: #124 Title: Re: تواصل خريجي مدرسة الخرطوم القديمة الثانوية بنين وبنات Author: فيصل عبد الله محمود Date: 10-23-2010, 10:18 AM Parent: #123
اخى هشام عوض الكريم عساك بخير وعافية اخى هشام سعدت جدا بان اجد احد الاخوة زملاء دراسة ومغترب ولى عظيم الشرف بمعرفتك وفعلا هذه الدنيا تجمع لتفرق وتفرق لتجمع ولا تنسى ان هناك زملاء دراسة ودفعة ومحتمل تكون انت من الزملاء وليس الدفعه ولكن كما قلت فى الاخر تربطنا ذكريات مشتركة بهذا الصرح العتيق ومع العلم كان لنا اصدقاء بالدرعية منهم الاخ على حمد وكان يعمل بقسم الاسكان وهو من الدبيبه وكذلك الاخ عبد الحفيظ محمد الحسن والذى يعمل بمستشفى الملك خالد ومتزوج بشقيقة الدكتور حمور الله يرحمه ويسكنه فسيح جناتة يارب وله فضل عظيم بعد الله على وهو اجراء عملية بالمستشفى لا اطيل الحديث ونعود لذكريات القديمة مع الاخ عبد المنعم وكمال المرضى الفاتح حمد والشله ايضا من الدفعه الله يطراه بالخير الدكتور عادل فضل عبيد واين هو الان لا اعلم وزملاء كثر لان المدرسة كانت بها عدة انهر وعلى ما اذكر ايضا كانت تحتنا على طول مدرسة رمبيك الثانوية والتى درس بها عضو الحركة الشعبية الاستاذ / لام اكول وكان مشهور بتفوقه فى الرياضيات والاخ الدكتور نادر واخوه الدكتور معز حيدر عبيد ابناء عم عادل فضل عبيد انا متاكد تماما من الشله والدفعةومن الزملاء بالمدرسة ايضا هاشم المعروف بالسمكة ويوسف ابو صلعة وهو الان بجده والاخ جمال يوسف جنابو والاخ عمر وكان ضابط بالسجون والاخ مرغنى وعبد الهادى والدكتور محمد المشرف وهو الان هنا بالسعودية ويعمل بمستشفى القوات المسلحة بالرياض
ولى ذكريات انا والاخ كمال المرضى مع استاذ الانجليزى من بحرى وهو الاستاذ عبد المنعم والذى عمل بالتلفزيون مذيع لنشرة الاخبار بالانجليزى وايضا عمل فترة بالسعودية فى حديثك قلت انت فى المنفى اين هذا المنفى اخى هشام ؟ انا طبعا لا زلت بالرياض وبعد ثلاثة وعشرون عاما زرت السودان ايام الانتخابات وعدت سريعا ووجدته قد تغير ولنا شوق بحر اخى للسودان وللذكريات الجميله بالاخص الزملاء الذين تقلدوا مناصب بالدولة لنعيد الذكريات
دام الود بيننا ولنا لقاء انشاء الله
اخوكم / فيصل عبدالله
Post: #125 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-23-2010, 12:15 PM Parent: #124
شكراً جزيلاً كل القديماب الحلوين وشكراً لكل فرد كتب أو مر من هنا
لقد وصلتي عدة إيميلات من أبناء القديمة وساقوم بنشرها على التتابع
تحياتي للجميع
Post: #126 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-23-2010, 12:34 PM Parent: #125
هذه مشاركة من الزميل عمر عبد الله من أبناء مدرسة الخرطوم القديمة: الاعزاء بدولة النت ذكريات كثيفة حول الخرطوم القديمة وصور كتيرة موجودة لدى بس وين نلقى الاسكنر ...
يا عزيزى مزمل خيرى ما شاء الله على قوة ذاكرتك .. وربنا يحفظك اسماعيل احمد عبدالقادر فى الصور دى موجود وسعيدين بالتواصل ودمتم عمر عبد الله ومرفق معها هاتين الصورتين:
Post: #127 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-23-2010, 12:37 PM Parent: #126
Dear Nazeer,
Beautiful and Nice post, took me 23 years back. I am 87 school graduate spent the best 3 years of my life. a time, I would claim, we had the best high school teachers in the country:
Mustafa Abdeen- Principal Awad Aljeed - Geog. Mahdi - chemistry Badredeen - Elect Migani Yousif - light Tigani - Prel. Math Al-kotsh - Additional Abu alnoam - nick name- Relig Al-pop - Relig. Al-norani - Arabic
and many other i can't call. I went for a vacation to Sudan last year, and made an effort and search to visit and see my teachers (after 22 years) and I was lucky enough to see Ustaz Altigani and ustaz Badreleen, they were never changed and they surprised me with their strong memories about 87 patch students and even remembering funny situations. They were glad with my visit, really we owe them a lot. sorry for writing in English (don't have Arabic keyboard) otherwise I wouldn't stop.
Hisham Himmet Senior Bridge Engineer City Of Philadelphia Streets Department Bridge Section 830 MSB - 1401 JFK Blvd Phila, PA 19102 Phone: (215) 686-5183 Fax : (215) 686-5059 E-mail: [email protected]
Post: #128 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 10-23-2010, 12:41 PM Parent: #127
ووصلتني كذلك رسالة - خاصة - من صديقي العزيز هشام مصطفى صالح - قائد الكديت في دفعتنا ويبدي إستعداده بالمشاركة بما وصل إليه الكديت من عام 1989 - 1992 مع إرفاق بعض الصور
مرحب بجميع المشاركين عبر الإيميل
Post: #129 Title: Re: تواصل خريجي مدرسة الخرطوم القديمة الثانوية بنين وبنات Author: عبدالوهاب علي الحاج Date: 10-23-2010, 01:24 PM Parent: #128
هو بالله انت يا النذير قريت مدارس واتعرضت لعمليات تربية وتعليم زينا كدا .. سبحان الله !! طيب لغة الشوارع والشماشة دي جبتها من وين ؟
محمد ابو العزائم الفوق دا قال لي في مداخلة ما ممكن تكون دي كتابة النذير الزول دا احتمال يكون حسابو مهكور تصدق ؟ شفت الناس دي مغشوشة فيك لياتو درجة أها يا ود ابو الريش شوف امس القريبة دي الصعلوق دا كاتب لي شنو لما عرضت ليهو الكلام الكاتبو هو بيدو :
Quote: شوف يا كيبوردي يا عفــن يا جبـأن أنا ما كيبوردي و######## زيك، وبشتم الناس بدون سبب، وما فعلته كان أضعف الإيمان، وبعرف بلم فيك برة المنبر دا وأنظمك كويس، وتف في وشك وفي وش العلمك الإنترنت
______________ ملحوظة : لن امسح هذه المداخلة مهما حصل الا باعتذار واضح وفي بوست منفصل
Post: #130 Title: Re: تواصل خريجي مدرسة الخرطوم القديمة الثانوية بنين وبنات Author: محمد أبوالعزائم أبوالريش Date: 10-23-2010, 02:05 PM Parent: #129
الأخ عبدالوهاب ..
حقيقة الأمر أنا ما قلت (ما ممكن تكون دي كتابة النذير)، بل عضو تاني قال الكلام ده، وأنا قلت (تأميناً برضو على كلام عضو تاني) إنو تهكير حسابو أمر وارد، أو شئ بهذا المعنى، وما ممكن أقول دي ما كتابتو لأني ببساطة ما بعرفو. الشئ العايز أقولو يا عبدالوهاب، إني ما بدافع عن النذير، ولا يمكن أدافع عن أسلوب رخيص زي ده، بس كنت بقدّم الإحتمال الأفضل (تكضيب شينة)، وغرضي - لا يزال - عدم المساهمة في نشر مثل هذه الألفاظ عبر البوستات.
الكلام الإتكتب في حقك (بالتالي في حق الموقع) مرفوض ولا يقره عاقل. كل ما في الأمر إنو هذا البوست يؤمه الآن أخوة وأساتذة أفاضل وأجلاء أتمنى عليك أن لا نشركهم في ما حدث.
ملحوظة: هذا البوست بعد كتابته بعنوان (تواصل خريجي مدرسة الخرطوم القديمة) أصبح خارج ملكية كاتبه .. وأصبح ملك لكل منتمي لهذا الصرح التاريخ.
إحترامي
Quote: تقديراً لمدرستي لطُلاّبها و أساتذتها الأجِلاّء قُمت بمسح صور مُداخلات فاتح البوست
شكراً علاء
Post: #131 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-24-2010, 11:51 PM Parent: #130
السيد عبد الوهاب علي الحاج: نعلم أن ما نعت به مسيء ويخرج عن حدود ما هو مسموح به في هذا الموقع ولا أدري إن كنت درست في القديمة أو لا ولا أرى داعيا أن يعتذر إليك أحد سوى من أخطأ قي حقك ولا أظنه فاعل وأعلم أن بينك وبينه إحن وخصومة أظنها سياسية وقدرك سيدي أجل من تنعت بمثل هذا الكلام وأربأ بك أن ترى عرضه لائقا في رابط مدرستنا أو رابط أي مدرسة كانت وأضم صوتي لصوت الأخ محمد أبو العزائم أبو الريش راجيا حذفه تأسيا بالأخ علاء ودمت
Post: #132 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-24-2010, 11:54 PM Parent: #131
الأخ فيصل جامعة الملك سعود كبيرة جدا ويعمل بها الكثير من السودانيين وكانت علاقتنا محصورة بمن كانوا يعملون في كلية الهندسة وجيراننا في كلية العلوم ومن كانوا يلعبون كرة القدم المنفي الذي أعنيه هو مقري الحالي في مدينة دالاس بولاية تكساس الأمريكية وأما أخر عهدي بالسودان وأهله فلا تسأل أبناء دفعتي كثيرون كنا حوالي ال 330 طالبا منهم من زاملونا في الدراسة في هندسة الخرطوم كالمرحوم مأمون حسين حسن أبو وعبد العظيم حسب الرسول و عبد الدائم حسن أحمد و الأمين بابكر الأمين والأمين ميرغني الأمين الحاج وأسامة أيو الريش (معمار) وصديقي مصطفى عبد الجليل مختار (والذي درس سنة واحدة في القديمة ثم تحول للجديدة ) ومن درسوا كلية الحربية أذكر منهن الصديق شاكر علي الطاهر ومن درسوا بطب الخرطوم أذكر منهم صديقي أحمد محمد مضوي ويوسف الكردفاني وصالح حمدي القباني وصلاح هرون وصلاح مكي حسن أبو وخالد محمد علي عامر وعمر حسب النبي وكلية الزراعة منهم الطاهر يعقوب و أعتقد أن الأخ شمعون عبد السلام درس زراعة أيضا وكلية البوليس كانوا عماد ود المقرن ورفيق الصبا المرحوم نادر علي مصطفى والذين درسوا بمصر أذكر منهم الأخوان محمد أحمد القاضي وأمير الخضر وضياء الدين إبراهيم المفتي وسقراط وفتح الرحمن عثمان عوض الكريم و محمد عبد الوهاب مقلد ومن درسوا في إنجلترا منهم الأخ المرحوم صلاح هاشم ومعتصم داؤود عبد اللطيف كما أظن أن الأخ هاشم ملاح أيضا درس في إنجلترا ومن درسوا في أمريكا منهم الأخ علي بن عوف سلمان ومرتضى محجوب علي باشا وشرق أوروبا منهم علي إبراهيم قاسم مخير وبابكر محمد عبد الكريم بدري والفاتح النذير دفع الله وأبو بكر الغزالي السراج وأحمد عبد المنعم فهميوأعتقد أن الأخ صلاح محمد الحسن أيضا درس في شرق أوروباوأعتقد أن طلال الزبير حمد الملك درس في فرنسا. أما من درسوا في الفرع (جامعة القاهرة فرع الخرطوم) والمعهد الفني فباقي الدفعة أخي فيصل ظروف عملي لا تسمح لي بالدخول إلى المنبر كثيرا ولكن أرجوا أن يستمر التواصل بيننا عبر المنبر تمنياتي لك ولأسرتك بالخير والتوفيق ودمت
Post: #133 Title: Re: تواصل خريجي مدرسة الخرطوم القديمة الثانوية بنين وبنات Author: عادل سمير Date: 10-25-2010, 08:06 AM Parent: #132
هشام سلام ، متذكرني ؟؟ أنا كنت دفعت القاسم أخوك في الاميرية و القديمة و كان معانا الفاتح أيضا
Post: #134 Title: Re: تواصل خريجي مدرسة الخرطوم القديمة الثانوية بنين وبنات Author: Mahassin Ibrahim Date: 10-25-2010, 08:19 AM Parent: #133
سلامات يا جماعه. تداخلاتكم وذكرياتكم ممتعه ومفيده وثره .....وما اجملها من ذكريات.
لكن لدى ملاحظه : قلة او انعدامه حتي اني بحس اني كاني بونس نفس عن تلك الفتره الخصبه من حياتنا الدراسيه.
Post: #145 Title: Re: المرشحون الديمقراطيون والليبراليون لن ينسحبوا من أرض المعركة ولن يمارسوا العبث . Author: أمير عثمان Date: 11-05-2010, 04:18 AM Parent: #133
تحياتى للجميع ...
دفعة 73-76 - أولى أبوبكر .تانية أبو بكر ... تالتة أبوبكر المدير الأستاذ عبد الرحمن دياب الوكيل الأستاذ حسن عبيد
الأساتذة: مصطفى عابدين ... النورانى ... جرجرس ... فتح الرحمن .. أحمد عبد الله .. مولانا السمح و الشين ...اسكتش .. مصطفى بوستى .. ثروت ... ..الخ
تحياتى با عادل وسلامى لعمر أبو شام
أمير
Post: #135 Title: Re: تواصل خريجي مدرسة الخرطوم القديمة الثانوية بنين وبنات Author: فيصل عبد الله محمود Date: 10-25-2010, 11:02 AM Parent: #132
الاخ هشام اسعد الله اوقاتك بكل خير كيف حالك وانت زى ما قلت بالمنفى لا حول ولا قوة الا بالله الله يعينك يمكن نحنا شوية احسن بنشتم رائحة السودان وكان هفت لينا بنركب الباخرة ونعدى لكن انت الله يكون فى عونك اخى هشام والله ما تصور كم سعدت بمعرفتك عبر هذا البوست واتمنى ان يتم التواصل بيننا ان شاء الله وما يهمك انا مواصل الايام دى بس لانه فى اجازة من العمل وعذابى لانه المدام بالسودان لوفاة والدتها الله يرحمها ومقيم انا بالسعودية منذ 1977 وعملت بعدة شركات ومرافق حكومية ونهاية المطاف شركة اصول المالية تابعة لهيئة سوق المال ولكن للاسف لم تتوفق وقللت من الموظفين نعود لذكريات القديمة العرقة انت كويس المتذكر زملاء الدراسة ومواقعهم الان انا من زمن افتقدت كثير من الزملاء وكان معنا الاخ على حمد وهو من ابناء برى وشقيق عبد الفتاح حمد الله يرحمه وقبلت معه اح الزملاء والذى كان يعمل مع الشريف زين العابدين الهندى ببريطانيا على ما اعتقد واستعدنا بعض الذكريات وعلمت منه ايضا بوفاة احد الزملاء من برى وايضا كان بالسعودية ولكن لم اكن اعرفه واظنه كان بالدمام وهو الاخ ( عصام خضر ) توفى الله يرحمه والى الان بسال عن بعض الزملاء وهم :- الدكتور / اذهرى عوض الكريم الدكتور / عادل فضل عبيد الملقب ب ( عادل كنشاسا ) لانه والده كان سفير السودان بكنشاسا المعز حيدر عبيد ابن عم عادل حسن مرغنى الملقب ب ( حسن فش ) التاج النجومى ( لاعب التنس المشهور ) سيف الدولة ( وكان زول بتاع موسيقى من ابناء بحرى وناس كتار لا نعرف لهم جهة فالرجاء من يعرف ان يخل البوست ويعرفنا وكتر الله خيركم الاخ هشام يمكن تكون تعرف من هولاء لانك قلت قريت سنه بالقديمة 71 بالتاكيد تكون عاصرتهم وانا متاكد نكون اتقابلنا لكن بطول المده لانه 71 انا موجود بالخرطوم القديمة متاكد لنا لقاء انشاء الله والسلام ختام دام الود بيننا
فيصل عبد الله محمود
Post: #136 Title: Re: تواصل خريجي مدرسة الخرطوم القديمة الثانوية بنين وبنات Author: إبراهيم عبد الحليم Date: 10-25-2010, 05:24 PM Parent: #135
Quote: وكان معنا الاخ على حمد وهو من ابناء برى وشقيق عبد الفتاح حمد الله يرحمه وقبلت معه اح الزملاء والذى كان يعمل مع الشريف زين العابدين الهندى ببريطانيا
على حمد موجود الان بامريكا وكان بالسعودية
Post: #137 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-25-2010, 10:35 PM Parent: #136
الأخ عادل سمير
طبعا أذكرك جيدا فقد درسنا عامين معا في الأميرية الخرطوم ولم نتعاصر في القديمة ولكن أذكر زياراتك لمنزلنا في الخرطوم شرق وصداقتك مع قاسم أتابع أخبارك من الموقع وسرني جدا إخلاصك لعملك ونجاحك فيه تمنياتي لك ولأسرتك الكريمة بالمزيد من التوفيق والنجاح ويا عادل صحيح الواحد كبر شوية لكن ذاكرته ما زالت بخير ودمت
Post: #138 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-25-2010, 10:40 PM Parent: #137
الأخ فيصل:
أولا البركة فيكم في نسيبتكم , صادق دعواتنا للفقيدة بالمغفرة والجنان ولحرمكم المصون ولكم ولأسرتكم بالصبر والسلوان وحقيقة أخي الرياض جافة جدا ومن دون رفيقة قاحلة كالصحراء
ثانيا الأخوان الذين ذكرت لا أعرفهم عدا تاج السر النجومي ابن حلتي وشقيق حسن النجومي ( القديمة دفعة 1972 – 1975) وتاج درس هندسة جامعة الخرطوم.
من الأساتذة الذين درسونا ولم يذكرهم أحد أستاذ ثروت رياضيات وهو مصري وأستاذ السنهوري وفي اللغة الإنجليزية أستاذ سيد وأستاذ بدر الدين واللغة الفرنسية أستاذ أحمد أبكر (ديجون) كما كان يسميه زملائه في فرنسا وكان عندنا أستاذ كاميروني لا أستحضر اسمه اللغة العربية أستاذ إبراهيم السيد وكان من أميز الأساتذة والدين مولانا السمح ومولانا الشين
وأذكر من النوادر أنه مولانا السمح مرة في حصة الدين كان بتكلم عن الإحصان وإنه الشباب مفروض يتعجلوا الزواج والأسر ما مفروض ترفض أي واحد يتقدم ليها قام واحد من أولاد بحري (من دون ذكر أسماء) ساكن قريب من ناس مولانا قال .. "يعني لو أي واحد أتقدم لأسرة مفروض يدوه طوالي".. مولانا رد بالإيجاب قام زميلنا قال ليهو .."أنا عايز يد بنتك فلانة".. مولانا قال ليه.. "أسكت يا قليل الأدب".. ولما لاحظ إنه يناقض في نفسه طلع خلى لينا الفصل وسط ضحكاتنا. كويس الزمن داك ما كان في جلد. ودمت
Post: #139 Title: Re: تواصل خريجي مدرسة الخرطوم القديمة الثانوية بنين وبنات Author: Mustafa Muckhtar Date: 10-26-2010, 00:05 AM Parent: #138
أخونا النذير صاحب البوست و الزملاء تحية و سلام حقية تاوقت للبوست كم مرة و ما خشيت لسبببين السبب الأول انى كانت خايف من الأشبال, لكن الحمد لله الخبرات المعتقة ظهرت و كمان بدت تسيطر على الملعب السبب الثاني هو عنوان البوست المحصور على الخريجين, و أنا دخلت القديمة سنة 72 و ما تخرجت منها, لكن خرجت بعد سنة و نصف و حولت للجديدة لأنها مدرسة حلتنا, اذا كان الفترة دى كافية لقبولى عضوا منتسبا أكون شاكر
من العجائز الشجعونى على الدخول البروف عبد الرحمن, آفيولق يا بروف, و ان شاء الله نشوفك في تورنتو الأسبوع الجاي حسب وعدك.. العجوز التاني ود حلتنا محمد الكامل عبد الحليم, و د السجانة ذلك الحي المتميز بأهله و مواهبهم و نشاطاتهم المتعددة, و برضو يا كامل تورنتو في انتظارك حسب الوعد العجوز الثالث هو أخونا قلقو , أزال الله قلقك و ردك لأهلك طيب من بلاد الجنقو, و تحياتنا للوالدة و الأهل العجوز الرابع و المتربع على البوست و ما خد راحته هو أخونا الدكتور هشام عوض الكريم, شايفك ذكرت انى صديقك يا هشام, دي صداقتكم كده بالله يا ناس أمريكا, لا زيارة و لا تلفون و لا ايميل حتى لو كان فورورد زي الموضة الزمن ده
تحية لكل الزملاء مصطفى عبد الجليل مختار كان مفروض أكون خريج 74
Post: #140 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-26-2010, 06:31 AM Parent: #139
الأخ مصطفى عبد الجليل أولا يا سيدي أنا ضيعت نمرة تلفونك من المكالمة الوحيدة في عيد الفطر السنة الماضية ولم أستطع الاتصال بك وحاولت أجيب نمرة تلفونك من بعض الأصدقاء في واشنطن وحتى من الخرطوم ولكن لم أوفق ثانيا لم أكن أعلم إنك عضو في المنبر وليك خمسة سنين كمان ثالثا إحنا دخلنا القديمة سنة 1971 وليس 1972 وغادرناها عام 1974 رابعا الرجاء إرسال إيميل أو مخابرتي في هاتفي وتجدهما في بروفايلي سلامي الحار لك ولأسرتك ودمت
Post: #141 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 10-28-2010, 10:20 PM Parent: #140
للتصحيح
أستاذ ثروت كان أستاذ فيزياء أستاذ الرياضيات الذي أعنيه هوأستاذ الفولي وكلاهما مصري وأستاذ الفولي كان الأستاذ اللدود لزميلنا شبيكة ومازلنا نذكر نوادرهما كما كان أستاذ بوستي الأستاذ اللدود لزميلنا المهندس أسامة أبو الريش كان زمن
ثم انقضت تلك السنون وأهلها ****** فكأنها وكأنهم أحلام
Post: #142 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 11-03-2010, 07:27 PM Parent: #141
*
Post: #143 Title: Re: تواصل خريجي مدرسة الخرطوم القديمة الثانوية بنين وبنات Author: قلقو Date: 11-04-2010, 01:43 PM Parent: #142
Up عشان خاطر ابن دفعتنا مولانا سمير توفيق . مع تحياتى .
Post: #144 Title: Re: تواصل خريجي مدرسة الخرطوم القديمة الثانوية بنين وبنات Author: هشام عوض الكريم Date: 11-05-2010, 00:24 AM Parent: #143
نظرة إلى حين فراغ
Post: #147 Title: Re: تواصل خريجي مدرسة الخرطوم القديمة الثانوية بنين وبنات Author: محمد الكامل عبد الحليم Date: 11-06-2010, 07:35 AM Parent: #139
تحية يا مصطفي ومثلها لاسرتك الكريمة...طبعا ذكريات الخرطوم الثانوية اهاجت اشجاني مثلما اهاج الهوي انين السواقي ..زجمال الذكريات من جمال الرفاق وصدق العلاقات وتنوع الاهتمامات ...الروابط موصولة مع الكثير من الزملاء ..زياتي علي راسهم اخي وصديقي ورفيق الصبا شقيقكم المهندس سيف الدين ..زهذا الرجل المتدفق بالاريحية والطيبة والسمو..زتزاملنا في الابتدائي(الكتاب) وفي الخرطوم الاهلية الوسطي وفي الخرطوم الثانوية القديمة والعجيب اننا كنا متجاورين طوال تلكمو السنوات فكيف لا نكون متجاورين قلبا...رفقة سيف الدين كتاب بحاله لذلك تجدنا علي الخط باستمرار نبدأ السؤال ضحكا ونختمه رضاءا ونستمر...الي ان يرث الله الارض وما عليها...انتظر زيارتك لاسرتي في مسيسوغا...
الاهتمام بالزمن الجميل ناتج عن فداحة الواقع...الواقع المهزوم سلفا برؤانا المتجددة وسعينا المتجدد لخير الانسان ...سلوكا وعملا واستعدادا...مقالاتك عن مياه النيل تجد اهتمامي ...فانت من النابغين منذ اعتلائك عرش الشهادة السودانية متفوقا مع المتفوقين.... فهل نطمع في المزيد...
لك التيحات ومثلها الي صديقي الصدوق الباشمهندس سيف الدين
Post: #146 Title: Re: تواصل خريجي مدرسة الخرطوم القديمة الثانوية بنين وبنات Author: عادل سمير Date: 11-05-2010, 06:31 AM Parent: #1
يا قلقو ، حسب الذاكرة ، الصورة دي كانت حوالي 1975 الصف الأول جلوسا من اليمين لليسار الباقر ، مالك شرف طاهرالآن عايش في انجلترا ، محمود حسن الجندي درس زراعة في الخرطوم و الآن في الخرطوم ، محمود محمد عبد الكريم شقيق زميلنا المرحوم عبد الكريم محمد عبد الكريم مهندس ، عادل سمير توفيق قاضي و معار مستشار قانوني للبنك المركزي لدولة الإمارات ، معتصم إدريس بخاري طبيب في إنجلترا. الصف الثاني وقوفا من اليمين لليسار الأول ما متذكر، التاني علي عثمان علي في الخرطوم ، هشام صالح عتيق ، صلاح التوم ، مهند محمد حسن جابر طبيب في السعودية يمسك بصورة المرحوم مع محمد عبد العال طبيب بالخرطوم ، خلف صورة المرحوم عبد الكريم يقف سامر علي متولي و هو موجود في كندا منذ 20 عاما ، علي جمال ، عمر (من أولاد الربعة ، خالو عباس الربعة) ، الأخير علاء مصطفى أبو العلا . الصف الأخير بعد العمود ، الهادي من أولاد نمرة تلاتة ، آخر واحد من اليسار عادل الجريفاوي.
Post: #148 Title: Re: تواصل خريجي مدرسة الخرطوم القديمة الثانوية بنين وبنات Author: خالد عبد الله محمود Date: 11-06-2010, 08:30 AM Parent: #146
النزير سلامات أنا أتخرجت سنة 91 - 92 و تقريباً نحن دفعة بس أنا كنت في عمر ( عمر بن الخطاب منعاً لأي لبس ) من دفعتي البعرفهم هنا في المنبر الأخ عطا عبد الوهاب
أنا برضو كنت عضو جمعية المسرح و لو بتذكر كنا ناس بتاعين إزعاج و بنعمل بروفاتنا على المسرح في فسحة الفطور.
برضو بتذكر الإحتفال العملوا الإتحاد و الكيزان أعلنوا فيهو الجهاد
Post: #149 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 11-06-2010, 09:20 AM Parent: #148
Quote: النزير سلامات أنا أتخرجت سنة 91 - 92 و تقريباً نحن دفعة بس أنا كنت في عمر ( عمر بن الخطاب منعاً لأي لبس ) من دفعتي البعرفهم هنا في المنبر الأخ عطا عبد الوهاب
أنا برضو كنت عضو جمعية المسرح و لو بتذكر كنا ناس بتاعين إزعاج و بنعمل بروفاتنا على المسرح في فسحة الفطور.
برضو بتذكر الإحتفال العملوا الإتحاد و الكيزان أعلنوا فيهو الجهاد
أوه أوه العريس خالد عبد الله تحياتي يا ملك
ياخي يوم إعلان الجهاد دا بتنسي؟! لوول ياخي دا أنا جاتني فيهو كراع كرسي طائرة لوول بالمناسبة الأعلنوا الجهاد أنصار السنة، وبعديهم جوا الكيزان، وكان السبب هو واحدة من بنات بحرى على ما أذكر اسمها ندى، ومسكت المايك وخاطبت الجموع قائلة: أحبتي ... الجماعة اللي في المسرح: اوووووووووووووو تاني: أحبتي... الجماعة: اوووووووووووو لوول وبعد دا عينك ما تشوف إلا النور لووول والله أتدقينا جنس دق لوول
ياخي المسرح دا كان أجمل حاجة في المدرسة وقد كتبت عليه:"أعطني مسرحاً أعطيك شعباً"
وبالمناسبة يا خالد برضو بتتذكر الهندي اللي كان بعمل من الورق ورود لوول ويقوم يشمها؟! الجماعة شابكنو: هندددددددديييييييييي هندييييييييييييييي لووول
تحياتي ليك يا ملك
Post: #150 Title: Re: تواصل خريجي مدرسة الخرطوم القديمة الثانوية بنين وبنات Author: قلقو Date: 11-06-2010, 03:46 PM Parent: #146
شكرا مولانا سمير على الماسينجر.
Quote: الصف الثاني وقوفا من اليمين لليسار الأول ما متذكر،
فى الغالب الأعم يكون الفنان عباس تلودى .الرابع منو عادل احمد توفيق من ابناء نمرة تلاتة وجنبو ملاصق للعمود ازهرى ابراهيم من ابناء حى المطار وبعد العمود النورانى قسم السيد ومصعب محمد ابراهيم من ابناء الحريف غرب ..ولا أدرى ماذا فعل الزمان بهم .
Post: #151 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 11-06-2010, 05:24 PM Parent: #150
والأخ خـــالــد عبــدالله مـحـمــود.
Quote: أنا برضو كنت عضو جمعية المسرح و لو بتذكر كنا ناس بتاعين إزعاج و بنعمل بروفاتنا على المسرح في فسحة الفطور.
الأخ الـنــذيـــر
Quote: ياخي المسرح دا كان أجمل حاجة في المدرسة وقد كتبت عليه:"أعطني مسرحاً أعطيك شعباً"
Post: #163 Title: Re: تواصل خريجي مدرسة الخرطوم القديمة الثانوية بنين وبنات Author: قلقو Date: 11-19-2010, 11:04 AM Parent: #162
Quote: العجوز الثالث هو أخونا قلقو , أزال الله قلقك و ردك لأهلك طيب من بلاد الجنقو, و تحياتنا للوالدة و الأهل
حبيبنا باشمهندس مصطفى مختار , ياصديقى العزيز عندما كنت انت فى الخرطوم القديمة كنت بى دقنك وشنباتك ومغامراتك (البريئة). اما انا حينها كنت فى روضة الأمنيات العذبة الكانت الدادا بتاعتنا بتوودينى ليها الصباح وترجعنى منها الضهر. لكن تعرف يادرش انت ومولانا عادل سمير تكونوا دفعة واحدة , اما انا فأرجوكم افرزونى منكم . لك صديقى مصطفى ولأسرتك الكريمة ولصديقى مولانا عادل سمير كل التحايا والأمنيات الطيبة بالعيد السعيد, وردكم الله الينا غانمين سالمين .
Post: #166 Title: Re: تواصل خريجي مدرسة الخرطوم القديمة الثانوية بنين وبنات Author: محمد الكامل عبد الحليم Date: 12-07-2010, 05:49 AM Parent: #162
تحية طيبة لك يا بروف....صورتكم اعادتني الي زمن جميل وتذكرت شخصكم وهو يتحرك بفاعلية بين الجموع وبشجاعة كان يفتقدها الكثيرون...ليس لي علاقة بالمذكور لكن صداقاتي ممتدة مع الكثيرين الذين ذكرتهم من اسماء جديرة بالتواصل والاحترام...عبد الرحمن ابراهيم الخليفة هو من دفعتي...محمد حامد شداد وبقية العقد الفريد من اصدقاء الزمن الجميل ...نقيم والاسرة في كندا لزوم تعليم الابناء ولزوم ما يلزم ايضا...
سعيد جدا بالتواصل مع شخصكم الكريم فمثلك جدير بالاحتفاء و التواصل لاسيما التقارب الفكري وسعينا المتواصل نحو مجتمع حر وعالم تسوده العدالة والحرية
لك الحب والاحترام
Post: #164 Title: Re: تواصل خريجي مدرسة الخرطوم القديمة الثانوية بنين وبنات Author: حسن حماد محمد Date: 11-20-2010, 01:11 AM Parent: #1
الى جميع الاخوة سلامات وكل عام وأنتم بخير
Quote: ولى عودة لدفعتى فى الدراسة فى ذلك الزمان الجميل وذكرياته الثرة الناظر حسن عبيد الشايقى والاستاذه الاجلاء مصطفى بوستك الكيمياء جرجس محارب عبد المنعم تنقو شعبة العلوم الرياضيات اسكتش العربى كدوده النورانى الحاج الفاضلابى الانجليزى الاستاذ عزالدين الفنون عمر الحميدى الموسيقى الصول عود الصندل واسف جدا لمن لم تسعفنى ذاكرتى بتذكرهم فى هذه اللحظات وارجو ان يذكرهم غيرى ولنا عودة ان امد الله فى الاجال
وتلك ايضاً كانت دفعتى وأذكر أيضاً الأخ الزميل عباس فى رئيس الكديت وكان وكأنه عسكرى خريج الكلية الحربية
فى ذلك الوقت كان المحظوظين هم من يقبلون فى الخرطوم القديمة أو مدرسة الجيلى الثانوية حيث كانت مدرسة داخلية وكانت المدارس الثانوية محدودة والنتافس حاد جداً وكانت الخرطوم القديمة حلم لكل الطلاب وأيضاً كانت البوابة لدخول جامعة الخرطوم وكان قرب المدرسة من داخليات طلاب جامعة الخرطوم (البركس) حافز كبير للاجتهاد وكان هؤلاء الاساتذة الذين ذكرتهم من الأفذاذ وكل واحد فيهم مدرسة قائمة بذاتها والحديث عن الأستاذ كدودة والأستاذ النورانى الفاضلابى له مذاق خاص
Post: #165 Title: Re: تواصل خريجي مدرسة الخرطوم القديمة الثانوية بنين وبنات Author: النذير حجازي Date: 12-06-2010, 05:33 PM Parent: #164
صباح الخير مدرستي --- صباح الخير والنورِ إليك اشتقتُ في أمسي --- وزاد اليوم تفكيري
يا القديماب لا اسكت الله لكم حساً أبداً
Post: #167 Title: Re: تواصل خريجي مدرسة الخرطوم القديمة الثانوية بنين وبنات Author: عبدالرحمن إبراهيم محمد Date: 12-28-2010, 07:40 AM Parent: #165
Post: #168 Title: Re: تواصل خريجي مدرسة الخرطوم القديمة الثانوية بنين وبنات Author: محمد الكامل عبد الحليم Date: 12-28-2010, 10:45 AM Parent: #167
تحية يا بروف .....لك العتبي في تاخير الرد ....جئت للتو من رحلة عمل ولم تتاح لي فرصة التواصل ....سعيد بالتواصل مع شخصكم الجميل واتابع بمزاج عال استطرادكم الجميل في موقع اخر....وجود امثالكم في هذا المنبر شرف كبير لنا واضافة نوعية به....نحاول اعلاء ثقافة الحوار ونحن نشهد واقعا يتسم باعلي درجات الاستقطاب والتناول الذي يصل الي درجة الخصومة ناهيك عن الهتر الهاتر الذي لا يفضي بطبيعة الحال الي شي...
