من الشعر القومي....مسابقه

اجمل كلام سمعته هو ما يقال في الشعر القومي السوداني بلهجتنا السودانيه الحبيبه . هل هنالك اروع من قول ود امنه في المدح
تلاته خصال مؤكد في رفيقي بعاد
الخوف و البخل و طمع النفس في الذاد
انت بتسيها يا البتقضي كل اغراض
ضبح ام سري و دفع النقي بعقاد
ام سري هي الناقه ، و النقي بعقاد هو الجمل المختار المنقود و مربوطه فيه تميمه او حجاب . هل هناك اعظم من هذا الكلام ؟
و عندما يقول الحردلو في وصف موقف شبل الاسد الذي اتوا به الي السوق لبيعه ، و الحردلو كان يحب الطبيعه و الحيوانات ، فقال متاسفا مخاطبا الشبل
جابوك للبلد ساكت درادر و ضيعه
و امك في الحريم مرة ولي و سميعه
و نترة ناس ابوك اللي الرجال لويعه
وات ان كان كبر جنبا تقلب البيعه
اما الابيات التي حفظتها منذ الطفوله و كنا نتفاخر بها و نعتبرها نبراس للشخصيه السودانيه ، فهي اجود ما قالته البشريه في الفخر ، و هنالك احتمال جائزه لمن ياتي باسم الشاعر
انا التوب العشاري الباهي زيقو
انا فرج الرجال وكتين يضيقوا
انا المامون علي بنوت فريقو
انا الدابي ان كمن للزول بعيقو
انا رحل الكحل وكتين يميل
انا الجن المخالطاهو ام غزيل
و التحيه
شوقي