الاسر السودانية بين النووية والممتدة ؟!!

فهمى فى علم الاجتماع لايتعدى مادة اكاديمية درستها ثم درست من خيالى , ودفاعى عن التواصل الاجتماعى والمجتمعى لايتعدى الفخر والاعزاز السودانى "خاصه لدى المغتربين"
منذ ايام دار حوار ... كنا مجموعة ممكن ان يطلق عليها مستنيرة"اذا مافى واحد عندو راى فى المصطلح "المهم الكل ادلى بدلوه كل حسب رؤيته ومجتمعة ودراستة وفكرة وافكارة وبصراحة وجدت نفسى كسودانى ادافع عن بعض مجموعة اخطاء وهى كثيرة ونتفاخر بها ابسطها تدخل المجتمع مع الاسرة الممتدة فى تربية الابناء فالطفل فى البيت يتلقى توجيهات لايتحمها حتى الحاسوب بدءا من الحبوبة واندياحا حتى الاخرين خال عم خاله عمة ود الجيران والحبان وهلمجرا...ورايت ان الامر يتطلب نقاش هادى وهادف من الاخوه فى البورد "وامكن يكون تم التطرق اليه والطرق عليه من قبل بزوايا عامه" ولكنى اتمنى ان يكون البيت السودانى الكبير هو الاشكالية موضوع النقاش ..يعنى بمباشرة غير مخلة سوالب وايجابيات الاسرة الممتدة فى تكويت شخصية الطفل/ة السودانى..
يمكن اجراء مقاربة حية بين الاسر السودانية فى الداخل وبلاد الاغتراب والهجرة..نسمع منكم
سؤال قبل البدء هل العنوان اعلاه صحصيحة والفتوى طبعا عند ناس الاجتماع!!

ود عكر كيف حالك واحوالك مشتاقين اخوى والله اول مره ماعرفتك ايه الوجاهه دى كلها ده الاغتراب نفع معاك والله اما عن موضوع الاسره الممتده ده خلوه ساكت ياخى كلنا اتربينا فى اسر ممتده ولقينا من التوجيهات ما لم يتلقاه حاسوب البانتغون ايام حرب الخليج ودكت صدام وانهزام الدكتاتوريه والشعارات الكذوبه ود عكر الاسره الممتده دى بى امتداداخلاقنا عشان كدى اخوى خليها مستورهاو كما قال نائب شيخ الجبهجيه

يااجمل صباح عثمان تعرف انا كنت "شاكى" من شك يشك" منذ حضورك للبورد لان الاسلوب ظاهر والصوره غير واضحة ... والله مشتاقين اخبارك واخبار الزملاء , طبعا الوجاهة دى ورم من اورام الغربة وذى ما قلت خليها مستورة
اما موضوع الاسرة الممتدة اعتقد انو موضوع هام وحساس خاصة عندنا نحن السودانيين كنت اتمنى ان يجد حظوظة من النقاش حتى ولو بسرد التجارب الشخصية خاصة وانا ملامح كثيرة بدات فى التبدل واخرى فى الظهور على الاسر السودانية ودى بلخصها جزئيا فى النكتة المشهورة عن سودانى "....." سالوه عن الاسرة السودانيه فى الاغتراب قال ..نسوان سمان ورجال كضابين واولاد قليلن ادب...
نلتقى