غياب النسمة ولفح الصيف ..

غياب النسمة ولفح الصيف ..


05-13-2004, 08:40 PM


  » http://sudaneseonline.com/cgi-bin/sdb/2bb.cgi?seq=msg&board=318&msg=1195708625&rn=40


Post: #1
Title: غياب النسمة ولفح الصيف ..
Author: شتات
Date: 05-13-2004, 08:40 PM
Parent: #0

إنتَ .. ونِحْنَ ..
فرحَك وريدَك ..
والشوق الكامن ..
نترجاك ..
مطر وغيوم .. ومشوارنا الزاحف ..
فرحة ولهفة ..
مسدارنا يدندن ..
نجمة وساحة .. قليب هيمان ..
منديل منسوج في ضفة شوق ..
همسة وبسمة ..
نبضة ونسمة ..
عصفور وفراشة .. و(وِزِّينْـتين) ..
لفتة ونظرة ..
سحابة لطيفة ..
شاهد ريد ..
وغيمة بترحل ..
بين وجعين ..
صبحك وليلك ..
وقافية بتَسْـتَـناك ..
حروفنا تجن ..
عصفورنا التائة بين فرعين ..
قلـيبنا المنسي ..
غزال مجروح ..
جروف الريدة وعطش الطين ..
كنارنا السافر ..
يترجاك ..
أنَّـة ساقية .. تناجي الليل ..
همسة آهة ..
ورنة روح ..
مشوارنا الطوّل ..
وحسرة عائد .. خٌفين وحنين ..
وبرضو معاك ..
النظرة تكون ..
والخطوة تكون ..
مطرنا دعاش ..
بَرِقْنَا القِبْلي ..
يبشر بيك ..
خدارنا يهِـش ..
وِجيهْـنَا يبِـش ..
حنان وزمن ..
ونترجاك ..
أصلك وفصلك ..
خريفنا وصيفك ..
والصبر الواصل ..
نحن وانت .. ومشوار الريد ..
شراعنا الطائل ..
موج اللهفة ..
والمرسى البادي أمان ..
نترجاك ..
ومهما تطوِّل ..
ومهما نطوِّل .. انت القيف ..
شيل عينينا وخت عينيك ..
وشوف الضفة ..
حنان الوادي ..
قليبنا الشايلك وبترجاك ..
شوف ..
مين الجافي ومين الراحل ..
انت الضامن ..
انت الناهي وانت الآمر ..
وبرضو العادل ..
عَدْلَـك باين ..
وما بنخافك ..
ونترجاك ..
ومهما تطوِّل ..
غياب النسمة ولفح الصيف ..
نترجاك ..
انت الوادي ..
انت الغيمة ..
وانت القيف ..
..
بنترجاك ..
ولسه منتظرين ..

صلاح / شتات
الخميس 13 مايو 2004م

..
في ختام اسبوع الشوق التحية لكل أهل الشوق
والف سلام

Post: #2
Title: Re: غياب النسمة ولفح الصيف ..
Author: ali othman
Date: 05-13-2004, 08:47 PM
Parent: #1

Quote: ومهما نطوِّل .. انت القيف ..

اكتفي بهذا لأسبح في خيالاتي .

Post: #10
Title: Re: غياب النسمة ولفح الصيف ..
Author: شتات
Date: 05-15-2004, 07:57 AM
Parent: #2

على عثمان ..
"ومهما نطوِّل .. انت القيف .."
في زمن الأمواج .. والرجاءات البعيدة .. نصبح أكثر تعلقا بالمواني ..
بالفنارات .. بأضواء السواحل..
نتلفَّـح أماني الوصول ..
وننطوي في وشاح حبيبة في الانتظار ..

عميق شكري .. يا علي
وكل الود ..

Post: #3
Title: Re: غياب النسمة ولفح الصيف ..
Author: THE RAIN
Date: 05-13-2004, 09:18 PM
Parent: #1

صلاح

أللشوق لما هيجتك المنازل – بحيث التقت من بينتين الغياطل
تذكرت فانهلت لعينيك عبرة -- يجود بها جار من الدمع وابل
ليالى من عيش لهونا بوجهه -- زمانا وسعدى لى صديق مواصل

هذا هو صاحب القلب المنفطر، كثير بن عبد الرحمن بن أبى جمعة الأسود، كثير عزة، أو من قرن أسمه بإسمها، لا تقصيرا لرأس النسب فى سماء الأسماء، بل تعزيزا لقدم العشق فى أرض العشاق

ها هو يشكو هيجان الذكرى وحرقة التذكر، أطياف رسخ من بقايا الليالى تطيافها وصدى لحظات أمسك بأطراف الروح عبقها، فما يزال فوحه يغرس نداه فى عمق مسام الوقت

طوفان الشوق وهدير الإشتياق، يؤجج فى القلب لظى الوجع، فلا استرجاع اللحظة يعوض عن سرقة سافرة فى وضح نهار المحبة، ولا تأسى لدم التوق الملتاع فى أوردة الأغانى، يخفف وقع سنابك الألم الغليظية على ساحات التحنان

لك الله يا كثير، ولصلاح الصبر

فهنا تنبعث مدارات الشوق الفسيحة لنا
تتدلى عناقيد النجوم دموعا على صدر الأمسيات الخاوية
تحترق غيبوبة الإضغاء لأخيلة التوهم، على مواقد المسافات
يرفع الحزن راياته الصدئة
يثبتها على محاجر عيون القصائد
فلا يعود بحقل الإشتهاء سوى حجارة البكاء
وصياح الرياح على سقف القلب

قرابين على مذبح الحلم
نقدم أزهار القصائد، زلفى
نلوح بأكف اللوعة، لأيماء شراع يصعد نحو شرفات الأمل
وما ينفك مد الدمع يهدر
وحين الجذر يغادر حزن الساحل
يتكالب مع بقايا دموع القمر
على غسل مآتم البعاد اللئيم
يراوح سندباد مكانه
بين قبر الماء
وضريح التراب
ويبدأ القمر فى سرد حكاية الحنين

الحنين والأشواق يا صلاح، هما موقدا الوجع، ومنهما يتأجج العشق

العشق حياة
العشق موت

وتحياتى وتقديرى لك على العذوبة المترفة والبوح الندى

أبوذر

Post: #14
Title: Re: غياب النسمة ولفح الصيف ..
Author: شتات
Date: 05-17-2004, 10:45 AM
Parent: #3

يا مطر عز الحريق ..
يا مطر عند الشدائد ..
يا مطر ضوء البروق ..
يا مطر .. وانفجر ..
يا مطر وهج الطريق ..
يا مطر غطانا طيف ..
يا مطر كيف "نشوف" ..
يا مطر ..
يا مطر ..
يا ..
وياااااااااااااااااااااااااااااااااااااااااااااااااااه ..
يا فراشة تجمع كل الرحيق ..
تبصمنا قبلة في كل الورود ..
تزرعنا شتلة في كل الجروف ..
يا مطر ..
يا هي ..
يا أنا ..
يا خطوة من كل الدروب ..
تمشي في سكة وحيد ..

Post: #4
Title: Re: غياب النسمة ولفح الصيف ..
Author: يا بت يا نيل
Date: 05-13-2004, 10:39 PM
Parent: #1

الرائع شتات
ونجوم الفرح المتالقة..
إنتَ .. ونِحْنَ ..
فرحَك وريدَك ..
والشوق الكامن ..
نترجاك ..
جميلة...
تسلم

Post: #5
Title: Re: غياب النسمة ولفح الصيف ..
Author: خالد الحاج
Date: 05-13-2004, 11:05 PM
Parent: #4



شتات..
جيتك يسندني الحنين لي حروفك الندية
ومتكي علي عصاية الريد ودافرني الشوق..
وكبداية كدي النحجز لي مكان.....

Post: #16
Title: Re: غياب النسمة ولفح الصيف ..
Author: شتات
Date: 05-17-2004, 10:52 AM
Parent: #5

الغالي خالد الحاج ..
انت الحنين .. والحروف الندية ..
انت الشوق وعصاية الريد ..
ايها الإنسان ..
مكانك فينا فسيح وكبير ..
جيتنا وانت فينا ..
تغيب مننا وانت في جوانا ..
نغيب منك وبرضو راحلين ليك ..
تطيب الدروب بي نسمة هواك ونداك ..
نلقاك في سمانا غمام ..
نفرح بيك ..
تجينا سلام ..
تجينا حروف وانغام ..
يقيف حادي الطريق ..
نشيل الفرح والنم ..
نتعشم ..
ونمشى بعيد ..
نلقاك ..
نتنسم عبير العافية والطيبة ..

ونلتقيك يا خالد ..

Post: #15
Title: Re: غياب النسمة ولفح الصيف ..
Author: شتات
Date: 05-17-2004, 10:49 AM
Parent: #4

يا بت يا نيل ..
انت ونحن .. ونجوم الفرح المتألقة ..
النيل الهادر .. والمجرى الراحل ..
نهاجر عندما يستحيل السفر ..
ونبقى عندما يحين الرحيل ..
وفي الحالين نسافر ..
لمنابع الربيع ..
لحضن المشارق ..
للجزائر التى نولد فيها مرتين ..
لما مضى ..
ولما سيأتي من طريق ..

وتشكرى يا بت يانيل ..
يا منابع الروائع ..

Post: #6
Title: Re: غياب النسمة ولفح الصيف ..
Author: ملكة سبأ
Date: 05-14-2004, 01:49 AM
Parent: #1

مساء العظمة صلاح
وتفتكر هو الشوق دا عنده ختـام ؟؟ حتى اذا كان مسك !
ما اظن !! ..
انا برضو حاجزة المكان دا لمن اجي
** وصباحك خير **

Post: #17
Title: Re: غياب النسمة ولفح الصيف ..
Author: شتات
Date: 05-17-2004, 10:56 AM
Parent: #6

بلقيس ..
يا صباح المساء .. ويا مساء النجوم ..
يا تبر الأرض .. يا لؤلؤة البحار ..
الشوق؟
جدائل اللهفة .. تفاصيل الوجد ..
رحيل الأنهار ..
أغاني العصافير ..
عيون الأماني ..
و .. ..

في يوم ما .. كتب غسان كنفاني لغادة السمان ..
(إنني أريدكم بمقدار ما لا أستطيع أخذك .. وأستطيع أن آخذك بمقدار ما ترفضين ذلك .. وأنت ترفضين ذلك بمقدار ما تريدين الاحتفاظ بنا معا .... وأنا وأنت نريد أن نظل معا بمقدار ما يضعنا ذلك في خصام مع العالم ..
إنها معادلة رهيبة !
ورغم ذلك فإنني أعلم بأنني لست أنا الجبان ..
لكني أعلم بأن شجاعتي هي هزيمتي .. وأنت تحبين فيَّ أنني حتى الآن استطعت ألا أخسر عالمي .. ومع ذلك أعلم أنني إذا خسرتك خسرته ..
معادلة لا يمكن فك رموزها من الاشتباك ..
لكن تظلين أنت الشي الوحيد الذي أعرف تركيزه .. عمقه .. مساحته .. وكثافته) انتهى كلام غسان
لفك طلاسم المعادلة ..
ما كان من غسان إلا أن يدعها تتعقـد .. حتى تنفرج ..
حتى لا يخسر عالما من نجوم يدرك عمقه .. سحره .. وغموضه ..
..
ألا تتذكري يوم كتب الراحل المقيم البروفسير على المك ..
( أنا في الحقيقة ..
مواطن من الازتك ..
جندي في جيش المهدي ..
رسَّـام من القرن الرابع ..
صيَّاد في الانديز ..
بحَّار في السفن الخشبية القديمة بحبالها المعطنة ..
مغنِّي ربابة ..
ولا أيٍ من هـــؤلا أنا .. ) انتهي كلام على المك ..
..
ولكن .. لا شك أن الفوج الطائر .. أو الركب السائر إلى الله لابد أن يصل ..
لابد من الخرطوم وإن طال السفر ..
"والنية زاملة سيدها" كما يقول الشيخ فرح ودتكتوك ..
..
في تل الأماني ..
في الصدى أنت وقوس قزح ..

Post: #7
Title: Re: غياب النسمة ولفح الصيف ..
Author: بدرالدين شنا
Date: 05-14-2004, 05:59 AM
Parent: #1

Quote: صلاح / شتات
الخميس 13 مايو 2004م
طيب والليلة 14 مايو 2004
صلاح عليك الله أسكب لي منها قبال تبرد

Quote: انت الوادي ..
انت الغيمة ..
وانت القيف ..
إنت دا

Post: #8
Title: Re: غياب النسمة ولفح الصيف ..
Author: جورج بنيوتي
Date: 05-14-2004, 05:28 PM
Parent: #7

شيل عينينا وخت عينيك


ونترجاك:

لو مره سرحت، سرحت بعيد

إتذكرنا: ح نستناك !!


وهل جزاء الجمال إلا الجمال ( إستعاره، بتصرف، من خالد الحاج)


































































Post: #9
Title: Re: غياب النسمة ولفح الصيف ..
Author: lowmamba
Date: 05-14-2004, 07:07 PM
Parent: #8


شتات شتات شتات
جورج جورج جوج
المطر المطر المطر
سفرية أخذتني بعيدا لفترة
وهنا تكون بدايتي
الجمال والأرواح الشفيفة والكلمة الطيبة.
ختوا لي زهرة معاكم يا ود الحاج والملكة بدل الطوبة.


Post: #11
Title: Re: غياب النسمة ولفح الصيف ..
Author: ابو جهينة
Date: 05-15-2004, 09:39 AM
Parent: #9

شتات

( ونترجاك ..
أصلك وفصلك ..
خريفنا وصيفك ..
والصبر الواصل ..
نحن وانت .. ومشوار الريد ..
شراعنا الطائل ..
موج اللهفة ..
والمرسى البادي أمان .. )

بعثرتني هذه القطعة أيما تبعثر
طاعم هذا الشدو يا صلاح

Post: #22
Title: Re: غياب النسمة ولفح الصيف ..
Author: شتات
Date: 05-17-2004, 03:39 PM
Parent: #11

الغالي أبوجهينة ..
في محراب الرجاء .. وعند صلاة الرحيل ..
نوقد مشاعل الصبر ..
عسى أن نهتدي لقلعة البقاء ..
نتبعثر في قطن القوافي ..
بذرة شوق مجنحة ..
تحملها رياح الغياب ..
لتنمو شتلات ترقص في ساحات التلاقي ..
فرحا ..
وجعا ..
وجدا ..
تغني للصباح .. وتهمس للربى ..

Post: #21
Title: Re: غياب النسمة ولفح الصيف ..
Author: شتات
Date: 05-17-2004, 11:15 AM
Parent: #9

لوممبا ..
زهورك فينا نامية ..
في حوشنا ..
في جروفنا ..
في كفوفنا ..
حديقة في عيونا ..
في مواسمك .. في مجالك ..
نتنسم عبيرك ..
نزهر في حقولك ..
نجرى في سهولك ..
نتأملك ..
نحن فيك وانت في هالات فصولك ..
نشتلك ..
ونحن شتلة من شتولك ..

وكل الود .. ونلتقيك ..

Post: #19
Title: Re: غياب النسمة ولفح الصيف ..
Author: شتات
Date: 05-17-2004, 11:07 AM
Parent: #8

جورج ..
Quote: إتذكرنا: ح نستناك !!
نتذكرك .. في الليالي كف بيضاء ..
عندما ينكسر الضوء في زوايا التلاقي ..
عند انعكاس الأشعة من مرآة التواصل ..
في فيزيائية المعاني ..
في "خريطة المطر" ..
في "تلال الأماني" ..
في "عيون النيل" ..
في رحاب كل الأحبة ..
انتظرك ..
ولو مرة سرحت ..
ألقاك في خيالي حقيقة ..
في حقيقتي طلة نور ..
ونلتقي ..

Post: #18
Title: Re: غياب النسمة ولفح الصيف ..
Author: شتات
Date: 05-17-2004, 11:02 AM
Parent: #7

العزيز بدرالدين ..
Quote: إنت دا

وكما قال البروف :
( أنا صانع مراكب .. آسى على غابات السنط بسيقانها الحمراء واندثرت .. أنا بناء للجالوص وأرى تراب امدرمان الأحمر لا يقوى الساعة في وجه الأسمنت .. ثم أنا لاعب كرة شراب في (البيان) وكرة الشراب لا تحتملها الأزقة الآن .. وأنا تلميذ في المدارس الامدرمانية وصاحب قهوة في القصيرية ..
لست بحارا ..
ولكني في الحقيقة أنا .. ) انتهى كلام البروف
وأنا قافية تبحث عن قصيدة والشعر لا يضيء في باب الملوك كما يضي عقد اللؤلؤ في جيد "خالصة" ..
أنا عصفور مهاجر عكس اتجاه الريح .. والجو لا يحتفي بالعصافير ..
أنا موجة بلا ساحل .. والبحر يضيق بالجذر قبل أن يضيق بالمد ..
لست خياليـا ..
ولكني في الحقيقة أنا ..

لك يا بدرالدين .. كل الأماني وما سال من شعر ..
كل الود ..
ونلتقي ..

Post: #12
Title: Re: غياب النسمة ولفح الصيف ..
Author: walid taha
Date: 05-15-2004, 11:19 AM
Parent: #1

صلاح ..

شتات ..

يا منى اهدى الى المهجة انفاسا وعمرا..
يا من فجر الافراح فى دنيانا اعلانا وسرا..
يا شراعا اوصل الزورق للشاطئ فجراً..
يا صباحا فتق الآمال فى الخاطر زهوا...
ونداً يتدفق اشواقاً ويغرورق عطراً..

شتات.. دوماً نفخر بوجودك بيننا..اخا كريم وصديق ودود
وشاعراً مرهفا تصيغ الجميل الانيق..

دمت ذخرا لنا ..

مودتى

Post: #13
Title: Re: غياب النسمة ولفح الصيف ..
Author: abuguta
Date: 05-15-2004, 11:40 AM
Parent: #12


شتات وابقوتة
ضحك..وحبك
وشوقك الضامر
مستنيك
تترك وطنك
عصبا عنك
تصلح وضعك
حنان اطفالك
يناجيك
لمتين الغربة
تنهش جستك
مسمار نعشك
وحش كاسر
نصف الليل
يعوى جنبك
فى واديك

شتات ...القصيدة حلوة
وابداع ..حاولت كالعادة اجارى الكبار
لكن كلماتك عصية واسبوبك سلس وممتع
ولك ودى


Post: #24
Title: Re: غياب النسمة ولفح الصيف ..
Author: شتات
Date: 05-17-2004, 03:47 PM
Parent: #13

أبوقوتة ..
قصايدك والأحزان ..
الغربة الجنبك ..
والبلد الراقد يستناك ..
قلوبنا هناك ..
تترك بلدك غصبا عنك ..
تبلع همك ..
ليلك طوَّل ..
البت الدمعة تسيل ..
الولد الأول ..
الوالدة العافية ..
الخير القبَّل ..
انت .. وجعك ..
وما بجيب الغربة العمر الرايح ..
سراب الشوف ..
شوية سكر وطعم الحنظل ..
أبقوتة خلاص ..
"أم عزت" شابت ..
رموشة السمحة ..
عيونا الغابت ..
لملم عفشك ..
وانسى الحاصل ..
كفاية العافية والريد الواصل ..
اتوكل ..
ونحن وراك ..

الأخ العزيز أبوقوتة
عميق الشكر والود .. وكبار نحن بمعرفتكم .. بهذا الود الفياض
وتشكر على همسك الجميل وكلماتك الرائعة ..
مدين أنا لك ونلتقي انشاء الله ..
(كلمات الغربة دي قطع اخضر ، معليش اذا كانت ما مظبوطه )

مع أطيب تحياتي

Post: #23
Title: Re: غياب النسمة ولفح الصيف ..
Author: شتات
Date: 05-17-2004, 03:43 PM
Parent: #12

وليد طه .. أيها الحميم ..
..
يا لهذا الهمس الوليدي ..
يا لروعة النبرة ..
مهجة تضيء ..
فجرا يتلألأ ..
زورقا وشراع ..
صبحا وأمل ..
شوقا وعطرا ..
حروف تسكن الفؤاد ..
عمق الاحساس والفكرة ..
معانٍ كالصوت والصدى ..
كالندى .. كالذكرى ..
..

وأنت ونحن وجناح الكلمات .. وعسى أن نحلق ..
عميق شكرى أخ وليد ..
ونلتقي ..

Post: #20
Title: Re: غياب النسمة ولفح الصيف ..
Author: ودقاسم
Date: 05-17-2004, 11:14 AM
Parent: #1

Quote: إنتَ .. ونِحْنَ ..
فرحَك وريدَك ..
والشوق الكامن ..
نترجاك ..


شتات
فقط فهمت من تعني ( نحن )
لكن ( إنت ) فرح(ك) ، ريد( ك) نترجا( ك)
ما فهمت منو المقصود ...
أرغب في إفادة ..

Post: #25
Title: Re: غياب النسمة ولفح الصيف ..
Author: شتات
Date: 05-17-2004, 03:50 PM
Parent: #20

يا خال ..
(إنت) .. الغيمة ..
(الكاف) الأول .. كنار الفرحة الغرَّد ..
وعينا الما بتشوف إلا عيونو الغابت ..
و(الثاني) .. كمان يعزف نغم الريد الشارد ..
والثالث .. كوثر نترجاه يسيل ..
يبلل روحنا العطشت ..
وكل المقصد ..
إننا نسعد بي لقياهو ..
وننسى معاهو وجع الصيف ..
وجفاف الموعد ..

فهمت المقصود يا خال .. أكيد
وبعدين انت بتقلب في الحفر مالك .. عايز تقرص .. وللا قنعت مننا وعايزنا نروح في ستين داهية ..
تسلم .. تسلم ياخال ..
والقومة ليك ..
مع تحياتي ليك وللأسرة ..

Post: #26
Title: Re: غياب النسمة ولفح الصيف ..
Author: معتصم دفع الله
Date: 05-18-2004, 07:48 AM
Parent: #25

Quote: عَدْلَـك باين ..
وما بنخافك ..
وانت كمان ..
ما بتظلمنا ..
عدلك باين ..
ما بنخافك ..
منتظرنك ..

تسلم ..
ويسلم الكلام السمح ..

Post: #27
Title: Re: غياب النسمة ولفح الصيف ..
Author: شتات
Date: 05-18-2004, 05:40 PM
Parent: #26

Quote: وانت كمان ..
ما بتظلمنا ..
عدلك باين ..
ما بنخافك ..
منتظرنك ..

نحن أصلنا ما بنشيل الشين ..
قلوب طريِّة من كريم فتَّاح ..
شالت من الزول السمح طيبة ..
ومن المطر رِقِّة برِق لوَّاح ..
منك جمال روحك ..
ومن الملكة نور العين ..
ومن أنا ..
صدق اللحظة والاحساس ..
شهادة الروح ..
قسم اللهفة والإيمان ..

كثير الشكر يا موو يا روائع

Post: #28
Title: Re: غياب النسمة ولفح الصيف ..
Author: ملكة سبأ
Date: 05-18-2004, 08:59 PM
Parent: #27

Quote: غير أن ذات البين أقوى منا .. ومن كل احتمال ..
فعفوا أن اقتحمنا الباب دون إذن أو سؤال ..

لما شفتك نور امامي ماقدرت اديك قفايا
امشي وين عاد من عيونك وانت اى مكان معايا
اعذريني اذا انتظرتك زهرة في عتمور شقايا
وسامحيني عشان بقولك طيري حلقى في سمايا


جاي الكلام دا مع بعض
صاح ؟







Post: #29
Title: Re: غياب النسمة ولفح الصيف ..
Author: خالد الحاج
Date: 05-18-2004, 09:06 PM
Parent: #28

Save @ PC
النصيحة لله يا ملكي الكلام جاي مع بعض والغنية حنينة
حنينة ..والخطاوي براها ماشة ومانا عارفين وين هي ماشا
الله...الله...



Post: #34
Title: Re: غياب النسمة ولفح الصيف ..
Author: شتات
Date: 05-20-2004, 01:45 PM
Parent: #29

الغالي خالد ..

الطين .. النيل .. النخيل ..
العتامير .. الطنابير .. البوابير .. المسادير ..
الجزائر .. السواقي .. الجروف ..
و .. و .. و ..
تعرف يا خالد المفردات دي تأثرني جدا جدا ومربوطة في ذهني بالشايقية ..
الحنِيَّة والحنان والحنين .. الأشعار الرقيقة .. الألحان المؤثرة .. كلها جزء من قاموس الشايقية ..
ياخي خلوني ابقي شايقي .. انشاء الله تشلوخنى ما عندي مانع ..
وزي ما قال المطر نحن شايقية بالانتماء .. الانتماء للمفردات الفوق دي ..
الانتماء ليكم ..
كل الحب ..
والكوت اللي تحت دا .. كلام قديم والظاهر والله أعلم انو كان في العقل الباطن ..

Quote: بدعوة شايقية كريمة التف النيل العظيم .. ليحل ضيفا في كريمة ..
هناك عند المنحنى وملتقى الضفاف ..
في ضيافة النخيل .. ونكهة الطين والجروف وسحر الأصيل
هناك الشمس أنثى مشلخة ..
الشايقية ..
مروي .. كورتي .. الصمود .. الاستبسال
جميع الشهداء .. وكل من حط على التاريخ سطرا بالدماء
أحمد خير .. النضال .. الاستقلال .. وكفاح الجيل
.. ..
السواقي .. الجزائر .. المسادير .. الطنابير ..
اسماعيل حسن .. المتمدد فوق النيل من الشلال للشلال ..
المهاجر فوق ريش الرهو رحَّـال ..
المعشعش في خاطر الغبش موَّال ..
حد الزين .. حليلك يا بنية شيخنا اسماعيل
..
والروح تنوح فوق الدروب ..
وا خوفي من صوت الرياح وكتين تنوح وتسوي هـو
زيك غريب والغربة طالت يا مسيكين مثلي يا طير الرهو .. ..
التراب ملينا عيشتو .. اريتني زيك كل يوم يحضني جـو ..
..
السر الطيب .. الدابي .. محمد جبارة .. محمد كرم الله ..
حتى الطيف رحل خلاني ما طيب لي خاطر
اما النوم أبى وجافاني واصبحت داجي ساهر
اقيف يا طيف اقيف وارجاني ياني معاك مسافر
حتى الطيف رحل خلاني ما طيب لي خاطر
.. ..
هناك استطالت مهيرة كقمم الحراز العالية ..
وارتدت النيل وشاح ..
وغنت مع اسماعيل حسن ..
من قمت فوق هذا التراب .. ما غنيت للناس الغنايا
ومن قلبي البينزف كان سقايا ..
غنيت للزرَّاع .. والزرَّاع عراريقن على درب الأمل أشرف عبايا
ومن جلدي الرهيف فصَّـلت نعلتَّ الحفايا ..
صلاح / شتات

عميق الود يا خالد ونلتقي ..

Post: #38
Title: Re: غياب النسمة ولفح الصيف ..
Author: خالد الحاج
Date: 05-20-2004, 08:12 PM
Parent: #34

ونقبلك يا صلاح وبدون شلوخ..
وتذيد بي لون حروفك النديانة خصوبة جروفنا..
و(هين هينين) من طعم الحنان الفيك سكن..
وين لقيناك يا سعيد الحال وأبينا..
وللمتلك نتاكي البضبحو ونغني مسدارنا..
وللمتلك دليبنا يدق..
حباب الزين.. حباب الزين..

Post: #46
Title: Re: غياب النسمة ولفح الصيف ..
Author: شتات
Date: 05-23-2004, 03:03 PM
Parent: #38

الغالي خالد الحاج ..

هين هينين ..
والود موصول ..
جزيرة هنا .. جزيرة هناك ..
نيل .. نيلين ..
والقافية تطول ..
نخيل الفرحة .. جروف الليل ..
مسدار الطيبة ..
حكاوي تقول ..
تغنى حنان الضفة ..
معاني اللهفة .. وجع الطين ..
الرهو الراحل ..
جناح اللهفة ..
رسائل الشوق ..
والجو الحاضن ..
ريد الوالدة والسمحين ..
ونتلاقي غزلان ورهيد ..
شجرة ظليلة .. عصفورنا ينادى ..
كنارنا يدندن ..
والود موصول ..

عميق حبي يا خالد ..
ونلتقي ..

Post: #33
Title: Re: غياب النسمة ولفح الصيف ..
Author: شتات
Date: 05-20-2004, 01:37 PM
Parent: #28

بلقيس .. أضواء المدائن ..
..
تعرفي يا بلقيس أنا قصتى مع الشايقية طويييييييييييييييييييييييييييييييييييييييييييييييلة وممتعة ..
بالله شوفي جنس الكلام دا :

الله عالم يا حبيبة انتى فى دنياى تمنى
بيك اشرق نور صباحى وراح ظلام احزانى منى

مافى لحظة تمر بخاطرى الا واشواقك معايا
وكل اول ليه اخر .. الا حبنا لا نهاية

احكى ليهم عن صلاتنا .. نحن بينا صلات حميمة
كيف روتنا وظللتنا واصبحت فى سمانا غيمة
لو تكون البينا عامرة ياها جنتنا ونعيمها

لو بيقولوا ليك بفارق .. كيف تفارق القمرة نورها
انتى عمرك يوم سمعتى بفراشات هجرت زهورها

بكرة لما يجوك يسألوا كيف مع الدنيا وفراقها
قولى ليهم فى قربنا وفى بعادنا نحن نظل رفاقة
نحن ناس عاشت نفوسنا فى وفاء وافضل صداقة
وحتى فى الاحزان بنفتح لدروب افراحنا طاقة

كل كلماتى وحروفى .. نظم اشعارى وبيانى
توحى انو انا قطعة منك وبكرة راجع لمكانى
..
والله كأني كتبتها أنا أمس ..
أذهلتني .. كان بيغنيها لينا بالعود زميل لينا واخ عزيز علينا .. من زمااااااان وهي كل يوم بتتجدد ..
طبعا أكيد قريتيها وأكيد غنيتها بصوت رخيم .. الشايقية كلهم فنانين
بس عايزك تقريها بي صوتي وتغنيها بي صوتك ..
ممكــــــــن؟

نلتقي ..

Post: #39
Title: Re: غياب النسمة ولفح الصيف ..
Author: ملكة سبأ
Date: 05-21-2004, 02:13 PM
Parent: #33

Quote: ياخي خلوني ابقي شايقي .. انشاء الله تشلوخنى ما عندي مانع ..

انـا قلت للخـال مانفوتهـا ليـه ونشلخـو ثلاثة شلوخ افقيات
ونخلـي جروفنـا (تطمـس) فـى نـداوة الـزول الأنـدى مـن هـا الجـروف
نحيـّر ليـك القمـر لمن يمـد راسـو علـى قوز الرمـال ويلقـي شلـة شعـاع وحزمـة مـن ضـو الحـروف
والشمـس زاتـا تجـي الصبـاح خجلااااانـي ويبـقي اليـوم كسـوف
وتبقـي بـــراك بهـاء دار شايـق لحدهـم
طنابيرهـم ونقاقيرهـم وشبابيلهـم
مواكـب فرحـة تلاقيـك صفـوف صفـوف
وعلـى قول الخال : نحـن ويـن لقيناك وابينـاك !!
اما الله عالم ياحبيبـة والله فتشتها ليك عندي هنا مالقيتها
سالـت البت فاطمة اختي من الشريط قالت ماشافته .. لكـن شبكت فيها اليوم كلو .. والبيت كلو شبك .. اصلهم زى (حبل الهوليق) على قول امي .. وهو حبل (الحاحاية) يمـدو طويييل فوق المساحـةالداير يحرسوها وبتكون معلقة فيه أجراس او (كشاكيش) بمجرد ماتهز طـرف الحبل كلها تـرن ..
وممـكن أقراها بصوتـك لكـن اغنـيها بصوتـي كدى أعفيني منهـا عشـان ماتغيـر رايـك من حكايـة الشوايقـة كلهم فنانيـن ..
ليك التقديـر صـلاح ..

Post: #41
Title: Re: غياب النسمة ولفح الصيف ..
Author: معتصم دفع الله
Date: 05-23-2004, 00:29 AM
Parent: #39

والله يالملكي بالغتي إنتي والخال خالد الحاج عديل كده ..
أنا من أمس شايل هم .. ذنبي شنو تشلخوني مع شتات ..
يعني مافي حل غير الشلوخ دي كدي شوفوا ليكم طريقة تانية ..
ومعاكـــــم ..
نشم ريحة طين الجروف ..
نمسك حزمة شعاع الشمس ..
نمد للقمرة إيــــــــد ..
نفتح دروب المحبة أمل ..
نسمع صوت طنبور حنين ..
ناخد شبال البنية ..
نديهو لي كل زول قريب وبعيد ..

Post: #50
Title: Re: غياب النسمة ولفح الصيف ..
Author: شتات
Date: 05-24-2004, 03:32 PM
Parent: #41

معتصم ..
لحظة أخرى ..
تتعالي نوافير الحضور ..
موجا هادر ..
شلالا ينهمر ..
من كان قبلك لا يهم ..
من جاء بعدك لا يهم ..
تتلمس الأشواق كف اللقاء ..
هل عبرنا البحيرات ..
أم لا نزال نعبر لها ؟

نلتقي ..
وكل الود ..

Post: #45
Title: Re: غياب النسمة ولفح الصيف ..
Author: شتات
Date: 05-23-2004, 02:57 PM
Parent: #39

يا ناس المنبر عوووووووووووك أنا شايقي ..

ثلاثة شلوخ ..
فخر اللمة .. أصالة الطين ..
انسان وشلة ضوء ..
وساقية حنين ..
قمر قاعد في قوز الرملة ..
النجم الضاوي حنانك ..
والليل الساكن ..
شايقي وما محسوب ..
طنبورو يغني ..
يناجي النيل ..
ينادى عليك ..
الشوق الكامن ..
وجروف العافية ..
الفرح الأخضر ..
توشوش ليك ..
الريد استوطن ..
سماك السافر فينا ..
حروف نديانة محنة ..
عافية وقافية ..
أمان وسكن ..
الطيف الراحل ..
نازل في كفينا ..
شايل لون البهجة ..
سحاب عينيك ..
غطى الساحة غمامة ..
وفينا أتمكَّن ..
وطيرنا الهاجر صيف ..
النخل العالي ..
عناق الريح ..
جزاير الوردة ..
البحر الآمن ..
نهاجر ليك ..
نشيل الغيمة والتذكار ..
نطاول الليل ..
دليلنا عيون ..
وعيونا الراحن في المشوار ..
دموعنا الكبَّن ..
فرحة ولهفة ..
ونوصل ليك ..

عميق ودي وفرحي بلقيس

Post: #30
Title: Re: غياب النسمة ولفح الصيف ..
Author: AlRa7mabi
Date: 05-19-2004, 11:01 AM
Parent: #1

Quote: مين الجافي ومين الراحل ..


أنا يا صلاح .. أنا الجافي؟؟؟؟؟؟

أدمنت هذا البوست ، زرته عشرات المرات ، وما هان عليّ إلا أن أدخل بمداخل تكون قريبة من روعة وجمال هذا البوح .. وما قدرت يا صلاح

فقط .. نحن هنا يا شتات

برجع ليك

رحمابي

Post: #35
Title: Re: غياب النسمة ولفح الصيف ..
Author: شتات
Date: 05-20-2004, 01:50 PM
Parent: #30

الرحمابي ..

حاشاك اللوم ..
انت الوافي وانت الواصل ..
منتظرنك ومشتاقين ..
نفرش الساحة والديوان ..
ننادى الغيم ..
والبدر الكامل ..
نستناك ..
تجينا قافية ود ..
محمولة فوق كفين ..
والقلب الأبيض ..
جناح الطيبة .. جمال النيل ..
ومنتظرنك ..
الشوق ارتال ..

عميق شكري يا رحمابي ..
ما تطول الغيبة ..
خليك قريب ما تبتعد ..
ونلتقي ..

Post: #31
Title: Re: غياب النسمة ولفح الصيف ..
Author: Raja
Date: 05-19-2004, 12:55 PM
Parent: #1


الرقيق الراقي صلاح..

النسمة تأتي في يونيه..


لا تسألني لماذا..؟

لأننا برضو لسة منتظرين..

Post: #36
Title: Re: غياب النسمة ولفح الصيف ..
Author: شتات
Date: 05-20-2004, 01:53 PM
Parent: #31

اللطيفة كالنسمة .. رجاء

في يونيه ..
تتألق النجوم بالشوق في حديقة الليل ..
ترتاح السماء من تعب النهار ..
تستحم في بحر الذكرى ..
وترسل النسمة همسة ..
بريد الظل في مدن الهجير ..
في يونيه ..
تحتشد الخواطر ..
ينفتح المدار ..
نناجى قوافل الرحيل ..

كل الود ..
ونلتقي

Post: #32
Title: Re: غياب النسمة ولفح الصيف ..
Author: walid taha
Date: 05-20-2004, 11:07 AM
Parent: #1


شتات ..

غنا الطير ..
همس الماء...
وشوشة الرياحين..
ترانيم المطر..
وبعض الدعاش..


لنا عودة
مودتي

Post: #37
Title: Re: غياب النسمة ولفح الصيف ..
Author: haneena
Date: 05-20-2004, 04:38 PM
Parent: #32

المرهف شتات ومن لفٌ لفه


تدفقوا عذوبة واتركوا لنا الصمت


فالصمت في حرم الجمال جمال



Post: #44
Title: Re: غياب النسمة ولفح الصيف ..
Author: شتات
Date: 05-23-2004, 02:52 PM
Parent: #37

حنينة .. قصيدة المدن الضبابية ..

فرحى هذه السواحل لقدومك ..
تتقافز قوافي المكان ابتهاجا ..
تحتفل أزاهير التلاقي ..
يتوهج الشعاع السادس ..
وكأننا نلتقيك على ضفاف نهر التايمز .. نقرأ معك ملحمة لشكسبير ..
أو في ويمبلي القديم ..
أو في داونينق ستريت ..
أو في قصر باكينقهام .. نحي ذكرى الراحلة دايانا ..
أو على ضفاف النيل .. عند مقرن النيلين ..
مرحبا بك يا حنينة .. هنا وهناك ..
على أمل أن نلتقي جميعا في ربوع الوطن ..
رغم أنها أمنية كطفل يحاول ان يقبض سحابة تمر في بعاد عينيه .. ورغما ليس ذلك ببعيد ..

كل الود ..
ونلتقي ..

Post: #43
Title: Re: غياب النسمة ولفح الصيف ..
Author: شتات
Date: 05-23-2004, 02:35 PM
Parent: #32

وليد طه ..
نلتقيك ..
في مهرجان الأغاني واحتفال العصافير
على دكة ضفة ونيلك جاري .. وشجرة ظليلة في ضيافة الدعاش ..
وعلى أنغام الأمواج ومواويل الرياح ..
يميد الظل للظــل ..
يمتد الكف للكف ..
نصفِّـي البدايات للحظة الآتية ..
نغزف الانشودة الأولى ..
أغنية التواصل ..
ونرحل في عيون الصبا ..

عميق الود يا وليد ..
ونلتقي ..

Post: #40
Title: Re: غياب النسمة ولفح الصيف ..
Author: منوت
Date: 05-22-2004, 07:37 PM
Parent: #1

و منوت - أيضاً - يعاني حضور الصيف على راهن أيامه ، منتظراً نسمة ( شتات ) الليمونية !!!
وااااااااااااااااااااااااصل النزف يا حالنا ( شتات ) ، و لنا إتكاءات الأصيل على ظل شجيرات اجتراحاتك يا شتات !!

Post: #42
Title: Re: غياب النسمة ولفح الصيف ..
Author: حبيب نورة
Date: 05-23-2004, 00:30 AM

شوق النيل الحضن الزهرة

وجرح الصبح الفيك شريانو

وشق وريدك نسمة وطل



أندفقت شمس الكون في وشك

شردت دمعة تبكي الناي

زيارة القمرة ديار مــولاي

بالمطرة سواد الليل يتبل

شفناه صباحاً جانا أطل



أيقـــاع خطــــواتك

نشّــــز هم ناساً فاقدة امل

لمن تعزفي وعدك جـــيّة

وريد الوردة بينزف صــندل عطــرو هطل

أبقي قضـــــــــية

أطلعي نجمة فل توهـــانة

أتـنــــاست سكة وجع الامسية قاصدة

مرقت من شايلة غني الفجـــــرية

أزاهـر تضحك ما حــزنـــــــانة

مواسم فرحـــة وصوت فنانة

بتعشق زولةً نبتت زهـــــــرة

يعــرق خـــدّك... يشرب ريقوا الفرح الكل

النســمة المرقت في العصـــرية

عـريانة وكاشفة تمد الضـــل

ما لبست ابداً توب صيف عـمرك

ساوياكي عقيدة كمان تحلف بك

حتي النسمة شديد بتحـــبك ؟

انا برضي بحبك برضي بحبك

يا بنت بفخر بك



الشوق البطعن حد الســيف

الكلمـــــة المرقت نسمة صيف

كيف طلعت كيف ؟



أتوازي مع الشين يا غــنية

أنتي الدنيـــــا

أنتي بصــيص أملاً أجــمــل

منطـــق عشقـــــك ما بتبدل

ما بقـــبل حـــــل

ما بقبل حـــــــل


شتااااااااااات يا فررررررررررردة
يديك العافية يا حبيب وربنا يقدرنا
علي تحمل الجرعات المكثفة دي ولي قدام

Post: #48
Title: Re: غياب النسمة ولفح الصيف ..
Author: شتات
Date: 05-23-2004, 03:12 PM
Parent: #42

حبيبنا حبيب نوره ..

شمس الكون ..
دمعة تغنى الشوق ..
وزهرة بتحضن ريدك ..
مطرة تبلل صبحك ..
وردة وطل ..
خطوات الناس ايقاعات وعدك ..
همس الجـيَّة ..
عبق اللهفة وعطر الصندل ..
يطلع نجمك ..
يقالد درب الفجرية ..
صبحك يلمع ..
مواسم الريدة وفرح الساحل ..

شكرا حبيب نوره على هذا الهمس الرائع ..
شكرا على الكلمات الرقيقة ..
وتحياتي لنوره حقيقة أو مجاز ..
وكل الود ..

Post: #47
Title: Re: غياب النسمة ولفح الصيف ..
Author: شتات
Date: 05-23-2004, 03:08 PM

منوت .. أيها الليمــون
يا حدائق الأصيل ..
عطرك فاح ..
الزهر الأبيض ..
نوَّر خاطر بيتنا ..
سعيدة الساحة .. جدار مرتاح
الصبح الأجمل ..
نخلك طالع ..
الريح العانق حقلك ..
ذاكرة تصفق ..
وتعزف لحنك ..
نطرب نحن وناس الحلة ..
وعصفور النيمة العائد ..
فرح الرجعة ..
حلاوة الطلة ..
العيد ينتظرك ..
ونحن معاك ..

كل الشكر يا منوت على الكلمات الرقيقة ..
ونلتقي ..

Post: #49
Title: Re: غياب النسمة ولفح الصيف ..
Author: osly2
Date: 05-23-2004, 04:20 PM
Parent: #47

شتات
لك التحايا وانت تحلق بنا بهذا العمل الجميل
الى عالم الدهشه والانبهار
ومعك سنظل نترقب قدوم الربيع وانتظار الفراشه

Post: #51
Title: Re: غياب النسمة ولفح الصيف ..
Author: شتات
Date: 05-24-2004, 03:47 PM
Parent: #49

اوسلي ..
في عمق الفكرة .. وسقف اللحظة ..
نصب انسان ..
يتمدد ذكرى ..
رمش اللهفة ..
وطول النظرة ..
بحر الأفق الرامي سماهو .. وبعد المدة ..
غيم الأمل الراحل يبلِّغ شوقنا ..
وحلم العودة يبقي طريقنا ..
ممكن بكرة ..
وممكن لا ..

ما أسعدني يا اوسلي وانت تحلق في هذا المكان ..
وما أجمل الريشة التى تركها طائرك هنا ..
قطعا سأحتفظ بها في مكتبة الذكريات ..

عميق شكري وكل الود