يا بهية وشباب الزمن جنية وعرس مافي

يا اخوانا ممكن تلغوا البنود دي عشان الناس تعرس

في اتنين واحدة اسمها غادة شرفي وانتصار حجا

ديل بشيلو تمنمائة الف عشان اظبطو ليك العروس

فستان الزفاف بي سبعمائة الف

ايجار النادي بي اتنين مليون اقل نادي

الفنان قول جاملك بي مليون

رسوم محلية والنظام العام خمسمائة الف عشان تصديق الحفلة

تصوير الحافلة فيديو ستمائة الف

تصويرفوتغرافي تلاتمائة الف

جرتق العروس مع الخروف والبطيخ والفنانة اتنين مليون

شقة شهر العسل مائة وعشرين الف في اليوم

مصاريف شهر العسل مليون ونصف

انسو الشيلة والريحة والعزومة

وعرس مافي

خليل اخوي بقيت تهضرب

ازيك يا قلب يا نابض

احسن اهضرب

بدل امشي اعرس جماعي

في استاد الهلال

بس اوعة تكون مريخابي

خليل يا ملك العزاب

يا زول انا 100 مرة قلت ليك

غير الاستشاريين بتاعنك ديل

ولانو الناس ديل حناكيش وح يجيبوا خبرك وخبر جيبك العارفوا انا كويس

واوع تكلمني تاني عن حنانة ولا كوفير ولا شنو كده ما عارف

يا زول احنا في بلد اغلبه جياع وفقراء

فبالتالي اعمل كما عمل صديقي....(تينت)


الشيلة

4 كتب

الرحيل الي مدن المستحيل

وقراءت شعرية للصادق الرضي

وكتاب كان كان العوام الذي مات مرتين

وحكاية البنت التي طارت عصافيرها

...

شيل ليك 4 توب من سوق واقف

وملحقاتها

شهر العسل اعمل ورشة لاهل العروسة

واتكلم عن الريف وشوية كلام عن الهامش والمركز

واكسح ليك اي حلة كده في الصعيد فيها اهلك

حتما سوف تستمع

الحفلات ممكن تعمل 10 حفلات

بس جهز للشباب العشاء

وحق الاورغن

وحق (البتاع)


في اطار ده كلو كتر كلامك عن نمط الاغتراب القديم

واذكر بانك مغترب ما زي الناس الزمان

وانك عندك راي في فخفخة المغترب التاريخية


اسمع النصيحة دي يا ابو خلييل وصدقني

مافي عوجة....

والا ...موضوع ح يكون بايظ

يا كريم ياخوي

انتي عارفني من الجامعة لازم عرس جد

واغني لي زيدان وابدا الحفلة باكون فرحان يوم تكون جنبي

واجي خاشي مع العروس بمرسيدس مكندش

والعروس معاها الشباين

وشايلين الشموع

ونرقص سلو

ونقعد في الكوشة

ونحلم بالاماني والجنة النضيرة

والاطفال عليها رياها وعبيرها

بعدين مافي جكس

عايز

ابني عشك يا قماري قشة قشة

لو عندك خلي اتصل بينا

بعدين انا ممكن اسوي ترتيب

الاخ خليل

سلامات

اه انت الظاهر عليك دقة مغتربين قديمة البنات كتار

ما سمعت بالغنية
اب شرى يا اب شرى ان شاءالله راجل

بختى ان شاء الله راجل اختى

يا زول البنات بايرات بلغة العصر بايركس

الحرب والهجرة كملت الرجال والتعداد بقول عدد النسوان

اكتر من 50 %

كدى خت الرحمن وقول بسم الله .

انتصار

نـفكـر شوية في أحـلام خـليـل المشروعـة دي وفي اقـتراحـات عبـد الكـريم المعقـولة...وبعـديـن نجـيكـم برأي..
سـلام

مـني

شكرا يا انتصار

انا ما بتكلم عني

وانا اومن ببيت الشعر الذي يقول

فلا هطلت علي ولا بارض ليس تتنظم البلادا

الاغلبية محجمين عن الزواج

بعدين اغنية يا ابشراء تم نسخها باغنية

انا ما بدور المزارعية بدور البيتو في المنشية

بعدين في نوع تاني من الجكس بقول

تعال بالعندك تعال ابوي بسندك تعال

والرخيص برخصتو اضوقك مقصتو

بعدين في فتوة بتقول

اذا كنت فقيرا فلا تبالغ في مواصفات زوجتك

يعني ما تقول بيضاء وشعرها طوال وعيونها كبيرة

وطويلة طول اضافي

مد كرعيك قدر لحافك

وفي الحالتين انا الضائع

خليل
إزيك ..

والله محنتني عديييييييييل !

في حاجة نسيتا
قروش الحنانة و الترزي

بعدين قالو

العروس بترقص اربعين رقصة

كل خمسة رقصات بفستان

بعدين لازم انت ترمي قروش للغناية

وكل قون بمائة الف التقول قون ماردونا

بعدين ما تنسي توب وخاتم ام العروس

وجلابية النسيب

ومائتين قطع الرحط

والله دها عرس ولا ضرائب

أخي خليل الأرقام التي أوردتها مجموعها حوالي 13 مليون، فأرجوا أن تزودنا ببيانات رقمية أخرى حتى نقترب من المبلغ الإجمالي، ولا تنسى المهر والذهب والتذاكر وتأثيث البيت.. وأتمنى من أهل الخبرة أن يزودونا بعروض أخرى منافسة! نريد أن نعرف هل التكاليف هي السبب الرئيس لعزوف الشباب، أم هناك أمور أخرى.
ولك التحية ولجميع العزاب المناضلين.

شكرا محمد

الارقام كالتي

الدهب اظنو بتلاتة الف ريال اي اتنين مليون وممكن تزيد

الشنطة خمسة الف ريال الهدوم والحاجات ممكن تزيد

الريحة الناشفة بالفين ريال برضو ممكن تزيد

المهر يعتمد عليك ممكن خمسة مليون

ومليون لشيلة الاكل

التذاكر والضرايب

العزومة ممكن ستة مليون

ولو كنت من اهل العوض وعايز تعرس بنات امدرمان السمحات ديل
داير اتنين بص للسيرة

بعدين لو عايز تعمل شقة وتاثيث عايز ليك خمسة عشرة الف ريال

بعدين تذكرة العروس

بعد مصاريف الاقامة للعروس

بعدين التعليمة بتاعة العروس ما عارفة علي منو

لو علمتها الفنانة قسمة بتاخد اتين مليون

ولو علمتها حليمة الانقاذ بنتقص شوية

الاخ العذابي الكبير

خليل محمد خليل

انا طبعا اديتك نصيحة وشايفك مطقع لي

وماشي في خطتك الشهيرة

ومادام الامر كده

انا ما بنصح بحليمة انقاذ احسن ليك قسمة

رغم غلاتها دي

لانو انا عندي تجربة مع فلانة انقاذ

عندما كنت وزير لاحد اقربائي الذي اتشالق وعرس من ناس البندر

فكنت يوميا لمدة 15 يوم قاعد اجيب العلامة دي عشان تعلم العروس

الرقيص والحركات

وفي يوم الماتش العروسة فشلت في اداء الرقيص بالصورة المطلوبة

والعريس جاب زي كم قون كده واتالق (جنس قبض)

وبعد تحريات تم اكتشاف ان التعلمجية (عاملة خط)

وجاطت موضوع الغناء ده جوطة شديد

وطبعا اهل العروس ضربوها ضرب شديد....

وانتهي الامر الي مركز البوليس


وانت لو عايز جنس ده ..خم وصر
..

لا يا كريم ما بديها فرصة

لاني زي ما عارف انا خبير في الغناء
وحتي حق البنات

حافظ المهيرة عقد الجلاد

واقلي البن وحتي الشرة

وبت الفلاتة يا حواء

وتعال زورني يا سامي

ويا ابشراء

وسوحي

وفريع البان

واوعي تلقي عريسك وما تفكري فينا

والاغنية ما بدفع فيها غير خمسين الف

الاخ خليل

انت زول طولت من السودان

وما مواكب

والغناء الان اصبح شكلو غير

والاغاني الان علي شاكلة

يا الوحيد لو ما جيت بكلم ليك الجنجويد


وكمان واحدة تاني

بعيش معاك اعاشة ونعمل سوي نيفاشا


وكمان واحدة تاني

ده كلو من شيحة

شيحة باع الشريحة

بالاقساط المريحة

وفي غني كده عن واحد اسمو

وائل والاغنية عن الموبابيل

المهم نسيت تفاصيلها

كل شي يا ابو خليل كل شي

هبط هناك كل الغني

جنجويد وشعبي ووطني

وانشاء راجل مرة

وكلام عجيب كده

ولو عاوز جنس ده خم وصر

خليل ...تسلم على البوست الظريف....أنا زولة مغتربة...يعنى حأريحك من الشيلة...وبعرف أرقص كويس ...يعنى ما محتاجة تعليم...وعندى جواز سويسرى...يعنى ما محتاجة إقامة ورسوم فيزا..
وبعدين إقتراح عبدالكريم ده موضوعى وأنا بأيدو
مع معزتى

خلاص يا سحر

موافقين

بس العرس حيكون في جنيف

ولا زيورخ

ولا الدوحة

بعدين انا حا اديك متكفي زي خمستاشر مليون سوداني

ومن يخطب الحسناء لم يغلها المهر

افتكر ما قصرت معاك

مهندس كبير

وبغتطس الحياة الزوجية

ومسكين والغنماية

تاكل عشاي

بعدين بيتوتي
وحنين

وهلالابي


وممكن اكون اتحادي

يعني ما حزب امة مدلدل عزبتي

ولا شيوعي بجهجه رقبتي

بس ما كوز

ممكن ارسل صورتي
واديك التفلون

ولو في واحدة من سويسرا

عايزة عريس كلمينا

بعدين يا كريم ما تنسي

العريس عندو تعليمة

لازم يتعلم ارقص

وما اكون اشتر

في حفلة العرس وفي رقيص العروس

فالغناية حاتغني ليك السمح ولدي

وفي قطر مالو ما جاء ودولار مطر مالو جاء

وجاب الفيديو لي طربي وكتب الشيك علي طلبي


بعدين لما ازهجو منك اغنو ليك

مرتو طلقة ونسيبتو فلقة

البندورة لي

Quote: وانت لو عايز جنس ده ..خم وصر

وبكـرة نقعـد تحـت الحـيطـة ونسـمع الزيطـة

Quote: والعروس معاها الشباين وشايلين الشموع

أنــا وكـريـم عـلينـا الشـمـوع...وإنـت ياخـلـيـل عليـك الدمـوع

مـني

يا مني خوجلي

انا زمان قلت ليك

عرسي لي اية العندها جواز بريطاني دي

وانتي عملتي تقيلة

هسع سحر عندها جواز سويسري

وانا من زمان بحب سويسرا

وساعات سويسرا

والله ضيعتي فرصة

وين تلقي ليك نسيب شرط للارض

زي كدي

وقع ليك ولا اعيدو ليك

آيـة قـالت هي مـابتعرس راجـل عـايزا ترقص...
ولا يشـتري ليها حـاجـات بالعـدد عشـان يعرضـوها علي النـاس زي البضـاعة في الـدكـان
وقـالت هي ذاتـا الـدهب مـابتلبسـو...بتحب الفضـة وبتحب تختارا براهـا..

12 تـوب....اليويويويووى ...
12 حـذاء...اليويويويووى ...
12 ........اليويويويووى ...
12 .......اليويويويووى ...

وبعـد عرض الملابس .. يقعـدوا أهلك يتكلمـوا عـن الأكـل الجـابو ويعـدوه كمـان.. التقـول الناس مـا أكـلت قبـال ده!
شـوالين ولا تلاتة مـاعارفـة سـكر...اليويويويووى ...
شـوالين ولا تلاتة مـاعارفـة بصـل وسـمنة وزيت ..وبـوراهـم....اليويويويووى...
وبعـد دا يجـو هم ذاتم يـاكـلوه!

بري يا يابا بتي شـاطرة وشـديدة علي رقبتهـا..

راجـعة ليكـم..

أم آيـة

مني خوجلي

الفرصة ضاعت علي بتك

اعتذارك ما بفيدك

ودموعك ما بتعيدك

انا ماشي سويسرا اوووه

انا ماشي سويسرا اوووه

Quote: بس العرس حيكون في جنيف

فى لوزرن

Quote: بعدين انا حا اديك متكفي زي خمستاشر مليون سوداني

تسلم ولو ما عندك كاش ما مشكلة...أدفع بالتقسيط

Quote: بعدين بيتوتي وحنين وهلالابي

أنا رومانسية وحنينة وهلالابيّة

Quote: ولا شيوعي بجهجه رقبتي بس ما كوز

أنا جمهوريّه

هوي ,,,,,,,,,,,,اها يا ابو خل

شكلك كده غبت وجبت!!!!!

سويسرا كمان مرة واحدة كده

مالك يا كريم
حاسد ولا بقران

من بكرة

امشي اشوف السفارة

السويسرية بي وين

عشان اجازف لي تاشيرة

والتذاكر بتاعة سويسرا بتبوظ الميزانية

لكن عشان اجيب الفرح

لازم امشي للمستحيل

العزيز
خليل
ماعندك مشكله تعال بعرس ليك بتى
بس اوع تقول استراليا بعيده

والله العروض كترت

بتك عمرها كم سنة

وعايزة كم مهر

احسن عطاء اتقدم حتي الان

هو بتاع سحر

لكن زيادة الخير خيرين

خلينا نسال الشيخ ود كتوتة من الخيرة حقتها

تحية طيبة للجميع

الاخ خليل ،

غايتو ... اممممم ... يعنى ....

كدى ادينا المجموع النهائى كم يعنى

غايتو نصيحتى ليك ، حاول مع جورج قرداحى ، الجائزة

وصلت 2 مليون ريال اسه

عنـدك عطـائين بس ياخليـل علي الرغم مـن إنـه أرقـام شـيلتك القلتها دي 'نص نص' زي ما قالت لي واحـدة صـاحبتي عرسـو أختها في السـودان!
وبعـدين عـرض سـحـر ده شـكـلو مغـري سـاكت..تقـول ليك شـيلة بالأقسـاط وباسبورت سـويسـري... تعرسـا وتمشي ليها بإقـامتاأول شـكـلة معاك تقـول ليك زي ماقالت مـاجـدة لإيهاب نافـع في فيـلم السـراب..
روح وانت طـالق..والطلاق هنـا معنـاه ...

باسبورت مـافي... يابهيـة

مـني

الاخ / ابو خليل

خالص تحياتى .... وشكرا على البوست الرائع
بس تعال اديك الحل المفيد وانسى الكلام الفات دة كلو

عاوز اشترى منك موافقة سحر دى وبدفع خلو رجل بالدولار والريال والفرنك السويسرى كمان
وبى كدة انت تمشى طوالى دربك على السفارة الاستراليةوتحصل بت الهام دى
قبل ما يختفوها ( انا شايف قراء البوست دة كتار )
وبى كدة تكون حليت مشكلتك وحليت زنقة اخوك
اها رايك فى ( الفكرة ) دى شنو؟؟؟


تخريمة : انا بديت فعلا ب (الفكرة) ودى يمكن احسن بداية
ملحوظة : العرض لفترة محدودة

معاوية الطيب

الاخ خليل ..صديقي التاريخي والعزابي الديناصوري

................

شايفك خامج السوق ونازلة ليك عروض زي المطر

وكمان من بلاد اليورو..........والله عيني باردة

وكمان عامل صندوق عطاءت..

وعشان كده ..انا ح احاول اتدخل عشان احمي مصالح صديقي ابوالخل

واقترح الاتي...


تكوين لجنة محايدة لموضوع العطاءت دي

يرفق مع كل طلب مبلغ 200 يورو(يمكن الارسال بالدولار)

للجنة الحق في قبول او رفض اي عطاء غير مستوفي الشروط

للجنة الحق في التصرف في المبالغ الواردة في تجهيز شيلة ابو خليل...

تتكون اللجنة
من

عبدالكريم الامين مسوول مالي

مني خوجلي خبيرة باللجنة

انتصار ...عضو بالجنة ومسوولة فرز العطاءت

معاوية الطيب كنت عاوز اضيفك لكن راحت عليك اليورهات يامان

ينشر في سودانيز اون لاين هذا المنشور

أيـوة كـدة اللجنـة ومـعـزة الأصـدقـاء ولا بلاش ..بس أوعـي خـليـل ده بشـفقتـه وكـرعينـوا الطوال ديـل.... يقـوم يجـري..أصـلوا متعـود!
أنـا عنـدي تعـديـل بسـيط بس كـده...تنبادل أنـا وانت مـواقـع الخـبير والمسـئول المـالي دوريا عشـان الشـفافيـة والمصـداقية والكـلام الكـبير داك..

وريـني رأيـك في الإقـتراح ده عشـان نعمـل بيـه قـرار مـن اللجـنـة..

مـني

والله يا مني .....

ضروري يعني قسمة الثروة دي..ما تخليك انت الخبيرة ...علي طول...

عموما انا ماعندي مانع ....لكن بشرط (ما يكون في تسليم وتسلم)

وبعدين اقترح ان تصادر اللجنة حق خليل في التصويت ..داخل اللجنة

لانو اشتر ..وجنو معارضة ..وممكن يعمل تكتلات

أشــتر دي صــح..لكـن طـيب شــديـد و بيسـمع الكـلام..
خـلاص عنـدي فكــرة..نـدخـله فـي اللجــنة المـاليـة..لـكـن مـا نخـليـه مـوقــع أول..نخليـه مـوقــع ثـالث عشـان مـا يجـننـا وبعمـل فيـها الولـد بيمضـي شـيكـات ويتحـكـم في كـل حـاجـة....خـليـك واعـي يا كـرمـة!
والـكـلام ده ان كـان مـانفـع نمشـي لخطـة 156-7 طبـعا انت متـذكـرا...


مـني

خليل الاداك ايدينا...
يوم السبت خليناك في الدوحة, جينا يوم الاثنين لقيناك في سويسرا ...سبجان الذي اسرا بعبدة ...
يا اخوانا مافي طريقه نخش في اللجنة دي , انشاء اللة القايم بلاعمال في الامريكتين وشرق اسيا لزوم ال Globalizations وكدة...
مني رايك شنو...
عبد الكريم ماتنطط عيونك شيفاك من هنا...الكاية بقت مولد و سيدو غايب...

نون

التحية لخليل وللجميع

الجماعة ديل شكلهم دايرين يجهجهوك ويعملوا ليك لجنة بكرة بعد بكرة تنبثق وتقعد يا خليل تباري قصص الانبثاقات دي لمن القطر يفوتك وبت الذين كملوا سويسرا دي تطير منك نصيحة اخوية خليك في الخط مع سحر دي قبل الاعداء يقصوها منك...........


وما تنسانا بعدين من الساعات .......................

ريهان مالك علينا...

انتو كلو ما تشوفو ليكم ناس عاوزين ينسقوا الشغل تجو ناطين...

اسمعي اعملي نايمة وانا ح اضمك للجنة دي مسوولة كبيرة

واوعي تجوطي الشغل ...دي فيها دولار ويورو خليكي معانا احسن ليكي....

خليل الجميل وزواره الأجمل
البوست ظريف جداً ، والعروض مازالت تتوالى بختك
إختار العرض المناسب معاك و خلى لينا باقى العروض
السودان رغبة أولى عشان ما تزاحمنا
وسلام تانى ،،،

شـفت ياخليـل..أهـا نية ريهـان ظـهرت....قـالت ليك دايرة سـاعات...يعني لاها سـاعتن ولاها سـاعتين..نان فضـل شـنو? وقت هي دايرة سـاعات...فلانـة ديـك دايرة شـوكـولاتة وصـاحبتنـا سـحر دايراك عريس..قـولي فضـل شـنو?

كـرمـة خـيي فتح عـوينـاتك شـديد الأيامـات دي علي خليـل..والخطـة بيناتنـا تمام..

مـني

اها يا عبد الكريم انت كويس ولاعب في الخط لكن البسكت لينا مني خوجلي شنو؟؟

ادوني الامان والعن ليكم ابو سويسرا

خليل و الضيوف الكرام...سلام

نسبه لكثرة العروض التى أتتنى من عدة جهات ....قررت أنا أيضا تكوين لجنة مكونه من الأخوات الجميلات ريهام ونون لمساعدتى فى فرز الطلبات...لذلك أطلب من لجنة خليل المكونه من الرائعة منى والأخ عبد الكريم تقديم عرضهم النهائى بما فى ذلك المسائل الماديّه فى خلال 24 ساعة....
مع معزتى

loooooooool ريهان يا خطييييييرة
شقالة بي سياسة فرق تسد...
مني ,عبدالكريم احسن ليكم اقبلوا عرضي سريع....خليل ده ذاتو ما تضمنوا...اليلة ظهرت ريهان بكرة ياعالم...وانا شامة كدة تحت تحت ريهان دى من طرف خليل ذاتو نظام كبر كومك وفرق صفوفم والربح بي النص.
نون

مني....48 ساعة....


عايزين لجنة وسيطة.......



ريهان انت معانا ولا معاهم حددي موقفك

نون...انت مش سكرتيرة اللجنة بتاعت خليل ده شنو الخيانة دي

سحر وقفي الطلبات خليل (جاي جاي)

سحر قولتى كدة سمح ...
هوي يا عبد الكريم ...انا خبير دولي في لم الايرادات يا كدة يا ببيع ذمتى لي لجنةناس سحر قولتوا شنو سريع... خصوصآ اني عندي الكثير المثير الخطر
نون

وين يا حلوين

قد متلكت الحب يوما وانتهي ذاك الضجر

محمد الامين ازيك

ما عندك ستين الف ريال خليك بالبيت

معاوية الطيب

عليك الله بعد التعب دها كلو

تقول اتنازل انا ما بتزحزح كان ازح جبل مرة

كريم ومني

اذا اردت ان تقتل موضوع فكون له لجنة

كريم وانت وزير العريس

ما تنسي التلج والدجاج والسمك

رايك شنو العزومة كوكتيل ولا صفرة

وما تنسي زيدان ابراهيم لانو لو مشي ضرب ابو حمار ما حا نلم فيهو


مني خوجلي مسولة العلاقات الخارجية

عشان قربية من سويسرا

بتعمل الشغل الدبلوماسي

نون دي ما بركة دعاء الوالدين

وفي عرض من استراليا كمان


ريهان عندك ساعة سويسرية وافتح ليك حساب سري في بنوك سويسرا

عشان الانتي الوحيدة القلبك معاي


عبد الرحمن انا اقول سويسرا تقول لي السودان

البقول راسو موجعو بربطولو كراعو


سحر شنو قمنا لي النطيط

ما خلاص اتقفنا

واهديك اغنية


جمسي انتحل

كيف العمل

وانت طبيب عندك شفاي

لو كنت تسكن

جنب ناس سحر

لا بد في يوم

ليك اصل

واشرب براي عسل النحل


وعشان انتي بتعرفي ترقصي

انا

حابشر فيك واسجد ليك في الشبال

زي ما قال هاشم ميرغني


معاوية الطيب

عرس بت نادية عثمان

في القاهرة قريبة

سويسرا دي خليها لخالك خليل

لانو تعب ومن حقو ارتاح

خليل
مبروووووووووك
الاداك بي الكوريق
يدينا بي الملعقة
مشيت افتش ليك حل
رجعت لقيتك مرقتها في جبال الألب ..


عموما قالوا التياب السويسرية ما في زيها
ما تجدع لينا كم واحد كده تحت تحت وقت الله فتحا معاك كده

شكرا يا عووضة

اباركو ليك جديد وليداتك

بركة العيش في الرحل والموية في البحر

لكن يا تيسير العصفورة قالت

بت سويسرا دي معرسة وعندها طفلين

بس ممكن تكون عصفورة حاقدة

المهم تيابك السويسرية جاهزة

عشان تجي تحضري العرس

شنو يا خليل

اتقل شوية واملي يمينك...

وطوالي كابي الغني .....وزيدان وعملت شبال كمان

يا زولة الموضوع ده لسع ما اتحسم

واحنا كلجنة شرعية ...عندنا راي

وعندنا لسع طلبات ملحة وتحت تحت كده في واسطات كمان

فعشان كده خليك ود رزين..وخلي الخبيرة

تعمل لينا دراسة ...

نون ..اياكي من طباعة كلام خليل الاخير ده

في ملفات اللجنة لانو ملغي....

وكدي يا خليل ..ها ك موضوع استراليا ده ورينا رايك فيهو تاني..

لا لا ما كتبتو ماتخاف ...قال عصفورة قال...من متين العصافير بتتكلم
illa 3safeer sudanesonline,,,
Noon

يا اخوي

موضوع استراليا

دها محتاج وقفة

لان عارفة دي بت منو

دي الهام احمد

عندها بوست

اسمو كفرت بالرجل التقدمي

وانا تقدمي كبير

خايف البت

تكون عندها افكار امها


كدي ادي سحر فرصة

يا اخوانا في اي عروض

للعريس مغترب

لانو شايف سحر حكت راسها

واية بت مني قالت عايزة تقرا

وبت استراليا قالت ما عايزة رجل تقدمي

وبت نادية صغيرة

وبت تماضر شيخ الدين مرتبطة

وبت تراجي مخطوبة

شوف لينا واحدة من الرجال في البوست

وشبهك وين يا النادرة

ما تحرمنا جمال جياتك

احلي عيون في الدنيا عيونك
و احلي كلام اتقال كلاماتك


عشة صغيرة كفاية علينا

Quote: عشة صغيرة كفاية علينا

خـلاص اتنازلت مـن سـويسـرا وجبـال الألب?

وأسـة الجميـلات الراجـيـات السـاعات والتيـاب السـوسـرية.... الحـراير والثياب التوتالات المشجـرة والسـادة..يعملن شـنو?
والأملن في عـريس لرقبتن ولي بنياتن يسـون شـنو?

كـرمـة...شـغل لينـا أغنيـة ابراهـيم عـوض ياخـاين .. عشـان نبكـي مـع الجمـاعة فيها...

مـني

العشة الصغيرة

مقصود بيها عشة صغيرة

او شقة صغيرة في سويسرا

ولكن لو هي ما عايزة حاغني ليها

خلاص اخترت ناس غيرنا

وهم اغروك تخلينا

بقيت لامن تشوفنا كمان بتهرب ما تلاقينا

زمان الحال دها ما حالك

ولا طبعك تجافينا

اتاريك كنت خادعنا

سرابك موجو غاشينا

Quote: يا اخوي موضوع استراليا دها محتاج وقفة لان عارفة دي بت منو دي الهام احمد عندها بوست اسمو كفرت بالرجل التقدمي وانا تقدمي كبير خايف البت تكون عندها افكار امها

العزيز
خليل
اخوى دا كلام جرائد
كان بدور البت انحنا موافقين
ما عندك مشكله

جاهزين

جاهزين

لحماية الدين


والعرس

بالفاتحة

يا ناس ما حلال

يـا كـرمـة ..خليـل زاغ تـاني بعـد لقي الباســبورت اشـاعة والطـمـاع كـتيرين...والمـوضـوع برضـه فيه أقسـاط قـد تطول وتضـع الرقـاب تحت سـكـاكين الفـوائـد زي البنـوك..

أسـه بقي بيـؤمـن بزكـي عبـد الكـريم وغنـاهـو...وبقي يمهـد لعرس الفاتحـة...ومـادام المـوضـوع كـده..نحنـا نـدعمـه لكـن مابالضـرورة في مـوضـوع بت الـهـام..نمشي في خطـتنـا..
وأنـا مـن أمس عينت نفسـي بجـانب الخـبيرة والمسـئول المـالي بالتداول كـل دقيقتين معاك...رئيسـة لهـذه اللجـنـة...والرئيس كمـاتعرف في دسـاتيرنا 'مـن دسـتور يا أسـياد دستور' لـه حـق حـسـم الأمـور...
والله خـلف مقصـدنـا!

مـني

العزيزه
منى
غايتو ما عارفه اقول لخليل شنو
امس كلمت ابو البت وهاج وماج
وقال لى كيف تخطبى للبت من غير ما تاخدى راى
غايتو الله يستر
وما عارفه اودى وشى وين من خليل
بس خليك معاى

أرمـيها في بتك زأبوهـا...قـولي ليـه البت وأبـوها رفضـوا
وقـولي ليـه.. إنتي كـان قصـدك 'خـير' لكـن الظـاهر الله مـاكـاتبـو..
أهـا تعارضي مشـيئة الله?


وعـرس مـافـي يـابهيـة...

بجـيكـم صـادي..

مـني

يبدو ان الاعداء يا خليل يريدون القضاء علي احلامك وامالك وطموحك في الذهاب لسويسرا لكن سحر لسه عند كلامها وقررت ان تخزلهم وتوافق وحسة هي مافي لانها خجلانة (حركات عروسات) ابشرررررررررررررررررررررر

الأعزاء جميعا...سلام
عذرا لغيابى وذلك لظروف إمتحاناتى

لقد تمت مداولات خاصه بينى وبين الأخ خليل خارج إطار اللجان المختصه...وسوف يوافيكم الأخ خليل بالتفاصيل لاحقا...

الحبيبه ريهام....تسلمى للمؤازره...لقد قمت بترقيتك إلى درجة وزيره...
مع حبى

الاخت الرئيس .....مني

سلام ...........

رصدت مخابرات اللجنة وبعد تعب شديد وجهد مضني

الاتي.

انشغال كل الايميلات الخاصة بخليل لاسباب غير معروفة

انشغال هاتف الشقة والجوال والثريا بتاع خليل لمدة 10 ساعات

وصول زهور حمراء الي مطار الدوحة معنونة(الي خليل مع فائق حبي)

ظهور حالات سرحان وتفكير عميق لخليل دون تفسير معلوم

تردده علي مكاتب السفر والسياحة ..(وشوهد قرب احدي السفارات الاجنية)

وعليه الرجاء مدنا بالاتي



1. خبير الكتروني لمتابعة الايميلات السرية لخليل

2.كاشف رقم...للهواتف المذكورة

3.خبير زهور عالمي لمعرفة مصادر الزهور الحمراء


(مرفق الفاتورة المبدئية للتصديق)

سحر

سلامات ونتمني ان يكون اتفاقكم علي ان تتفقوا......

اما عبد الكريم فهو منتحل الان شخصية( صلاح قوش ) دعيه هو ومني (الاعداء) منشغلين عنا بانفسهم
...................
اقعدوا عافية.........

Quote: اما عبد الكريم فهو منتحل الان شخصية( صلاح قوش

كويس يا ريهان انا( صلاح غوش)......

ده..حالتو انا اقنعت الريس (مني)

انك تكوني مسوول مالي بدلي..لاني عندي مهام رصد ومتابعة...

لكن كويس بعد ده شيلي شيلتك ...

وخليل ماشي( استراليا يعني ماشي واستراليا) (اسمعي كلامي ده)

يا اخوانا ارسوا
لينا علي بر....سويسرا ولا استرالبا..عشان نحضر the list
كريم لجنتك طلعت فشنك و الدليل you are not able to track what is gong on with khaleel
ريهان , سحر انا معكم.
Noon

حتي انت يا (نون)...كويس يا نون

اللجنةما فشنك ... وعندها خطة ومنهج

وفيها علمية ومفرغيين ليها زي كم كمبيوتر كده

...وخليل (التراك) .. بتاعو محسوم محسوم

وقلناه ليكم..ياجماعة

...(سمعت تحت تحت كده انو اللجنة بتاعتنا ح تفنشك وكمان بدون حقوق)

الحقي روحك عشان احنا قربنا نكمل اجراءت السفر لاستراليا

ولسع عندك فرصة...

اقول ليك حاجة يا كريم خليل دة اصلو ما تضمنو...بي لفيتو الكتير دة بطلعنافي بلد الواغ واغ... اسمع كلام اختك نون ما بتندم..
Noon

الاخ / خليل
بطريقتك دى بضيع الاتنين
يازول انا استخرت ليك وطريقك اخضر لاستراليا
يلا احسم الامور وما ضيع زمن وماذال العرض قائما

الغالية سحر
انا مواصل فى الفكرة
الاخت ريهان
اطلعى منها انتى لانة فى اتفاقيات سرية شكلها موفقة جدا

كـرمـة أنـا عينت نفسـي رئيسـة عشـان اقـدر أعمـل كونترول هنـا...

وكـله في ديموقراطـية تسـمح للشـباب وذوي القضـايـاالإجـتمـاعيـة والاقتصـادية الملحـة ....بالتعبير عـن مكـنونات قـلوبهم وأحـلامهم الخـضـراء والتي قربت تبقي بنيـة..
والديمقراطـية تعـني أن اسـتمع وافكـر.... أوازن ثم أقـرر.. وأديكـم القـرار عشـان تقـروه...

لازم تخت في بـالك ياكـرمـة إنـو خـليل ده زول مسـكين وdisparate لأنـه يتيـم...وأسـة البنـات دايرات يـزهلنـنـو ..وإنت بعضمـة لسـانك كـتبت إنـو حـايم يفتش للمروق ...وبيعمـل في حـاجـات غـريبـة!

وبعـدين يامعـاويـة تعـال اقـرا كـلامي الفـوق ده كـويس واتعلم مـن أين تأكـل الكتف..وأنـا
طـلباتي ماهي قاسـية!

سـفر مـافي يـابهيـة..

مـني

يا معاوية الفكرة وصلت لي سحر
خليل اللة معاك.. الكلام بقي فبة الفكرة..
كريم استقيل بي كرامتك قبل ما يبعدوك للصالح العام...
انا منسحبة من البوست دة لي شئ في نفس يعقوب...
و الي القاء في مشروع عرس اخر

الأعزاء جميعا....سلام
أنا سحبت العطاء بتاعى....لأنو أنا محتاجه إنسان يقول (يا سحر يا أغرق)...ذى معاويه الطيب مثلا....خليل عاوز يعمل لى مقارنات...عين فى أستراليا وعين فى لندن....
الأخوات الحبيبات ريهام ونون...شكرا والخيره فى ما إختار الله...
الأعزاء...منى وعبدالكريم..وإلهام أحمد...إن شاءالله تتهنوا....
معاويه....عرضك قابل للتفاكر...
مع تحياتى وحبى

مني ..........الريس...........

والله كلامك في محلو...........

لكن نعمل شنو....الراجل منفلت..وزهلل..

انتي حاولي استغلي صلاحياتك وطلعي لينا قرار جمهوري ...ولك حق مصادرة الحريات كمان...

(معاوية) ..لدينا عروض مغرية اخري مقدمة لخليل..ممكن نسربها ليك (او قل ممكن نبيعها..ليك)

(نون) مالك مابدري نريد نعرف ماذا في نفس يعقوب (ومشكلتك سيفك مع خليل وقلبك انا ما عارفو

وين)..........

(سحر) (ما تقولي لي...قدرتك علي المناورة عالية...وشايفك خاشة بموضوع معاوية كورقة ضغط...

لكن بعد ده انا بقترح انك تخشي دورة في( الية التفاوض) غايتو ناس الايقاد كانو عندهم واحدة

ما عارفها انتهت ولا لا).........


عموما خليل حسي ح يجي وح نعرف النشرة الجوية واخبار الرياح.....

والله عـين العقـل ســحـر...خـليل ده إن ـايلة انك زهـللتي الليـلة باكـر أمـاني مـابزهللك هـو..يـدخـلك في متاهات مبارياتنو من العـاليـاب..
فـوق كـم بس حـديثيني...فـوق ملايينو القالا دي? وحـات اسم الله مايقعـدنك الإجـازة السـمحـة ..أهـا معـاويـة كيف?
ونـاس اسـتراليـا.. انتـو ماكـم نصـاح ولا شـنو..ان جـاكم هنـاك مايقـدر وحـاة سـيـدي علي يرجع يشـوف خيانو وخيـاتو الا مـره كـل 7 سنين..

يركـب الطـيارة مـن بكـونو داك..يصـل بعـد أيـام ..ده كـلام ده?
أخـيرلـو لنـدن...قـريبة وماها بعيـدة..طـياراتها يومـاتي علي الله
هـو ذاتو ناس اسـتراليا لي رقبتـم مجـهجـين..
الشـغل ماشي تمـام يا كـرمـة...

وسـفر مـافي يا'بهيـة'

مـني

الاخرون هم الحجيم

وقعدة الوحدة اخير من رفقة السجمان

انا عذابي لي ستة وتلاتين سنة

هسع عشان جاني اللوتري بتاع سويسرا

لقيت مليون زول لاعب لي باك

بعدين يا سحر كيف تفكري في العرض بتاع معاوية

ونحن اتفقنا

علي العموم لازم نعمل مناطق امنة

والية لفض النزاعات

ونعمل عاصمة جذابة

واقول ليك زي ما قال صالح الضي

ما ناسك نحن ما ناسك

شكرا ريهان

لانك اعتبرت للذرة وزنا

وانا عارف انو في ناس

عندهم اجندة خفية


وديل عندنا في البلد

بسموهم

الخاينة خايفة

Quote: لاني زي ما عارف انا خبير في الغناء وحتي حق البنات حافظ المهيرة عقد الجلاد واقلي البن وحتي الشرة وبت الفلاتة يا حواء وتعال زورني يا سامي ويا ابشراء وسوحي وفريع البان

يا خليل دي ما حقيبة الفن عديل يا عوض بابكر

امشي السودان اتثقف وتعال

بت أختي 4 سنة مشت السودان ما كانت بتعرف عربي زاتو جاتني تغني "كل زول بي زوجة بتاعوا الا انا ما عندي مرة"

ضحكت ومت بالضحك وباقي الغنا ماعرفتو كمية جديدة

قلتا ليها كان ما كنت عجمية كان بقيتي قسمة بس.

دحين اخد ليك اجازة وتعال راجع ورينا الموضة الجديدة

خـــــــــليل

شوف العرس هنا كيف
لقمان حسن همام والعرس التمام التمام

جنس دة البيخلى انتصار جحا وغادة شرفى يتمرطحن

شكرا كريم ونجود ومني والقلب النابض

العروس ذاتها طفشت قالت عندها امتحانات

بعدين اخر الاغاني لخليل العريس كانت كالاتي

ما بنروق ما بنروق وناس خليل خمجو السوق يا عيني.

وناري وناري ونارنا ناس خليل جو ورسمو البنا

مسطرة مسطرة منقلة منقلة اصلو شغلو كدة

دها ود عمي دها السحب دمي

ونمشي طويل ولي موبيل

Quote: بعدين اخر الاغاني لخليل العريس كانت كالاتي ما بنروق ما بنروق وناس خليل خمجو السوق يا عيني. وناري وناري ونارنا ناس خليل جو ورسمو البنا مسطرة مسطرة منقلة منقلة اصلو شغلو كدة دها ود عمي دها السحب دمي ونمشي طويل ولي موبيل

خليل اتصلت..... بلوبلو.. وقالت عاوزه الاغنية دي.....

واتصلت ايضا فلانة انقاذ...........

نديها لمنو ؟

انتو عارفين يا اخوانا اجمل قصص الحب لم تتنه بالزواج من زمن قيس بن الملوح وجميل بثينة

ولو انتهت بالزواج لما كان هذا الارث القديم والجديد.

ماكان قيس كتب عندما قابل زوج ليلي

بربك هل ضممت اليك ليلي

قبل الصبح او قبلت فاها

وما كان كتب اسماعيل حسن بعد ايه

ولا هلاوي بتبدل ولا صديق مدثر عاد الحبيب

وكل الاغنيات بتتكلم عن فشل قصة الحبيب

والناس اجمعت ان الحب الاول هو الخالد

وكانت رائعة رمضان حسن
غرامي الاول ذكري لا تتحول

وقديما قالو

نقل فوادك حيث شئت من الهوي

فما الحب الا للحبيب الاول

ومعظم السودانين بحبو من طرف واحد

وهذا سمي بالحب الاعمي

حب يولد مقتولا ويموت مقتولا

لكن في بعض المتطرفين

ذكرو ان الزواج يقتل الحب

وفي اجمل قصص الحب

انتهت بطلاق بعد شهر واحد زواج

خـلاص كـدة ياكـرمـة ....خليـل انتهي مـن فيلم العرس ده تمـاما...والسبب البنات الذهلننـو ديـل... الله يجـازيكـن!

مـن المادة المكـتوبة...وصـلنـا أنـا رئيس وسـكرتير وخـبير وعضو اللجـنة التي تتكـون مني انـا... ثــم أنـا... ثـم أنـا ...ثـم أنت
كـرمة... بإنـه ننصـح الجماعـة ديل نسـاء و رجـال...يشوفـوا ليـهم مشروع عـرس تـاني... ممكـن يكـون تحت مظـلة يابهيـة برضـه لـو عـاوزيـن..

رجـع ياكرمـة الفـروش الأخـذتهـا مقـدم وبطاقة الكـمبيـوتر وشريحـة المـوبـايل.. حقت (.....) والتانيـة حقت (.....)

مـني

لأ خليل ما ساب العرس..لكن قرر يبيع القضيةويشتري بي قروش العرس عربية جديدة موديل 2006و علي المتضريرين الجوء الي القانون. وعلية قد قرر الاتي :-
1/ فتح باب العطاء من جديد مع اعطاء الاولوية للعطاءات المقدمة من اليابان (لذوم الاسبيرات ).

2/دفع رسوم تامين لا ترد علي ان تحول المبالغ المستلمة لحساب السيد العريس مباشرتآ
لذوم دفع اقساط العربية(الوسطاء يمتنعون,,كريم الكلام واضح).

3/علي العروسات المتقدمات للعطاء تاليف غنية كاربة للعريس وعربيتو( علي وزن سمح انت و عربيتك)مع مراعات دفع تكاليف التلحين والفناية.

4/واخيرأ.. الذام الجنة القديمة بدفع مصاريف العطاء علي ان تسلم عهدتها وما تبقي من اموال للسيد العريس .

صدق في تاريخة و يومة
الناطق الرسمى باسم الريس

يا شباب الزمن

سلام عليكم

دا شنو يا خليل وعبد الكريم ومنى وباقى العقد الفريد

بس اغيب لى اسبوع لسفرية اجد الدنيا منقلبة دا شنو يا خليل العريس

كدى نشوف معاكم موضوع اللجان دى ؟

انت غايتو عضو حافى كدا ما بقبل بيها عاوزة اكون امين المال

عشان بعض المصالح العليا والشفافية لبعض اعضاء لجنة فرز العطاء

كدى انا برجع ليكم تانى بس انزل شنطة السفر دى ؟

انتصار

ده اسـمه انقـلاب يا نـون.....وعشـان كـدة لازم الشعب يعترض وينتفض ومـايرضـي بالإسـتهبال..
ومـن هنـا أعلـن أنـا رب هـذه القضـية خـبيرهـا ورئيسـها وسـكرتيرهـا والعضـو في لجـنتها باسـم السلطـات المطـلقـة المخـولة الي..توقيفـك immediately من أي حـاجـة.... ومنـاداة خليـل المشهـور بالجـري... أمـامنـا هنـا للإجـابة علي أسئلتنا واسئلة الشـعب التي أعرفها والتي سـأسألها أنـا نيابة عنـه (أي الشعب)..

وبعـدين نوجـه حـديثنـا الي كـل بناتنـا هنا..شـفتوا ليـكـم زول داير يعـرس في سـويسـرا ولا في استراليـا..وكـويس انتصـار جـات ذاتا عشـان تسـمع... وتسـمع ناس مـالطـة كـان بيسـمعـوا..يقـوم يشـتري ليه عربيـة جـديـدة?

الـزول ده فتح سـكة في السـودان واشـتري العربيـة عشـان خطـب خـلاص..وعـروستت جـاياه بعـد شـهريـن..أقنعن يللا شـوفنلكن وحـيـدا غـيرو..

مني ...الريس

خليل ما زهلل ..خليل بقي زي (الزين) ..قال( واييييي انا مقتول في سويسرا)

بكرة طاخ بت سويسرا...عروسها.

وقال(انا مكسر في استراليا) وكف..بت استراليا ..طارت

وتحت تحت كده سمعنا انو اية ذاتها طايرة طايرة...

والموسف انو خليل تحول لمولف اغاني (هابطة)...وحسي بدل عطاءت العرس بقي يستلم

طلبات تلحين..

عموما نتوقع انها حالة (زينية)..يتوقع انها تزول بعد فترة

(نون)...


انتي عملتي ليكي لجنة براكي ولا شنو (انا المتحدث الرسمي..)

وموضوع العربات دي انا الماسكو ...(ممكن نتفاهم)......

انتصار اللجنة المالية خلاص موضوعها انتهي لكن ممكن مني تشوف ليكي ..لجنة منبثقة

من اللجنة المالية

مني يا حليلك انت من ذمن الشعب بنتفض...دة كان ذماااان...دة انقلاب عسكري والقرارات كلها تعسفية...

كريم, شعب كل حكومة...قلت اخير ليك تبقي في لجنة العربية...غايتو قدم الproposal بتاعك إمكن ادرسو.

إنتصار حمدللة علي السلامة...وورينا همتك في العطاءات نسبة لانشقال السيد العريس بالكورة..

با بنات ما تسمعوا كلام مني ,خليل لسة available لحدي امبارح القريبة دي...وعلية كل من تانس في نفسها الكفاءه تلفح توبا قوام وعلي اقرب سفاره تختم الطلب وترسل العطاء..

خليل

الله يبرد قلبك..

وينزل منك (الوردة)..


(احسن اهضرب

بدل امشي اعرس جماعي

في استاد الهلال)..

هو اصلو عرس مافى مافى...

وانا شايفة اخوى الدكتور الداير يعرس ومحتار دخل عندك وحسبها 13 مليون...

مافى فايدة من دا كله.

يا تلزموا الصبر..

يا تمشوا تختار اى واحدة وتتحملوا الباقى..

قلتو شنو؟

اوووووووووه............

القصة جابت نور تاور...

والله خليل ده عرس خلاص..لانو اللجنة ح تضخ فيها خبرات عالية

وحيكون في تنافس علي مقعد الرئيس...(مني بلي راسك)....

..اخر اخبار خليل...

انو عيان ..وهو بفتكر انو (ادو عين)....

لانو شالوا في الخشوم..وشربوا بيهو الجبنة...

وعامل اشاعة انو عاملين ليه عمل.........

(لحين استشفاء خليل...انا كريم الوزير (علي وزن خليل الوزير)

مكلف باستلام العطاءت الجديدة والرسوم كمان..........

ياخلي تحياتي علي هذا البوست الرائع
واوعك من العرس الجماعي لانو في واحد عرس جماعي واختلف مع المراة في اليوم الثاني وقالت ليهو رجعني لي اهلي فقال ليها اهلك ليه استاد الهلال انا عرستك عند اهلك ها --ها-- ها
اخي سوف احكي لك قصة اخ قرر بتزوج وسالته عن الترتيبات فقال لي حضرت غرفة النوم واخترت العروس وتم الزواج وعندو ثلاثة اطفال الان اعقلها وتوكل
ودمت

الريس منى

سلامات

قولى لى اه اللجنة المنبثقة دى نعمل فيها شنو لو عندك تعليمات تحت تحت كلمينى

عشان امور خليل تمشى انا اصلا خايفة عليه من مرض حامديستفحل فيه

انا فى رجاك

انتصار

يا إنتصـار ياخـتي أنـا كـنت نـاويـة مـا أدحـل تاني هنـا...كن علشـانك 'اسـتحملت'
خليـل عيـان عشـان هـو في ورطـة مـن الأحـلام... فكـاها كـدة في لحـظة يأس هنـا وقـامت جـابت ليهـو النـيران... البنـان شـقيـات الحال ديـل ذهلـننو...وأصـحـابو الرجـال اتغـاتتـو علبهـو..مـؤامـرات فـالوليك مـاليها حـد....شي مسـنجـرات...شـي تلفـونات..وآخـرتهـا كـمـان مشي بالدرب عـديـــــل..
مسـكين خـلي قـال عيان..هـو فعلا عيـان لكـن مـرضـو ما عنـدو عـلاج الا عصـابات الشـوم دي تزح مـن وشـو...وهـو يقـوم يفـرح الأيامات دي بس بعربيتـه....ويكـمـل إجـراءات الخـرطـوم الأنـا بس و كـرمة..نكـون عـارفينهـا..
وإنتي برضـو ماتيأسـي خـليكـي معانـا...شـفتي سـلطـاتي دي قـدر شـنو?
بس أنـا أخـير ليك..ويا كـرمـة كلم انتصـار بتكـتيكـنـا الجـديـد..
وكـفي اللميتو في جـيـوبك ..انت مـا بتشبـع?

معليش يا حلويين الام في القفص الصدري وخلف الضهر قصاد القلب ذهبت لدكتور مصري واداني مرهم وحبوب لمدة خمسة

وقال لي اذا مافي تحسن تعال نشوف قلبك

الدكتور دها يبدو انو درس بالشباك

قلبي شديد وانا بفتش للعروس اقول لي قلبك

اشتريت كورولا 2006

جديدة لنج

والقروش بتاعة الشركة الكنتا حاعملها في السودان حاعرس بيها

وجعلي امي بت عم ابوي

من تانس في نفسها الكفاة نرجو الاتصال بالجنة

ياخلي ياخوي انت جاد في موضوع الزواج ولا كلام ساكت لانو ماممكن شخص يفكر في الزواج يفوم دز دز دز يشتري عربية وكمان 2006
اسمع كلام اخوك اكبر معضلة في الزواج هي الاختيار الموفق لشريكة حياتك والباقي كلو هين ماعليك سوي ان تغني مرت الايام في الخيال احلام وهوب تلقي نفسك في عشة هنية نفرش ليك برموش عينينا وماشابه
اعقلها وتوكل وماتنسي ياخلي انو في كشف مارقيص كشف قروش يعني بيساعد شوية مع ناس انتصار جحا
ودمت

شكرا متولي

العربية بالاقساط ولمدة خمسة سنين بعدين الواحد لو طردو من الغربة العفنة دي اكون عندو حاجة

بعدين العربية كورولا ما بتخسر حاجة ا في السودان مسمين الكورولا رضا الوالدين

بعدين البنات ديل من ما قلنا عايزين عروس مارسن قصة حواء القديمة لما تجري وراء الواحدة تعمل ليك فيها تقيلة

واحدة قالت ما عايزة حب الكتروني

واحدة قالت لي بديك بتي مع انها اتخطبت قبل يومين

وعملن حركات عشان كدة الخواجة ليهو حق حين قال


dont run after women or a bus other should come

العريس خليل ولجنة الإختيار
والمتقدمات والمتقدمين
سلامات،،،
وصلتو لشنو؟ والعطاء أخدتوا ياتو فريق؟

Quote: عبد الرحمن انا اقول سويسرا تقول لي السودان البقول راسو موجعو بربطولو كراعو

يا أخوى إنت فى الكورة ما سمعت بخطة الجدادة الحاضنه والديك البعوعى ولا شنو؟
وسلام ،،،

والله يا عبدالرحمن خطط زي دي ما ادونا ليها وممكن اكون اليوم داك ما حضرت المحاضرة


كل البعرفو

غلب الطبيب طبي والبي ما بنزاح

كم قالو عني الناس رحت وشبابك راح

أبوخليل........
والله بعد دا إلا تغنى ظلمونى الحبايب!
رئيسة اللجنة، أستاذة منى فتحت ليها بوست لتعدد الزوجات
و إنت لسه حايم.

Quote: والله يا عبدالرحمن خطط زي دي ما ادونا ليها وممكن اكون اليوم داك ما حضرت المحاضرة

طيب يا سيدى ، ما أدوكم خطة البعاتى جاك!
أشرحها ليك، عشان ما تقول كنت داكى الحصة، تزكّر زمان بخوفونا بالبعاتى و ودأمبعلو !
أها لمن يقولوا ليك البعاتى جاك بتعمل شنو؟
تجرى فى أسهل إتجاه صاح.
إنت مع الصفارة، الحكم يقول تيت تجرى فررررررر، و نحنا بنجاملك ، لمن الفريق الخصم يحتار ديل مالهم؟
واحد جارى على الكورنة، واحد السنتر، وكدا
البلاقى الكورة يشوت فى القون، بدون حنبكة، مبروك عليه.
ويلا قلت شنو؟

شكرا عبد الرحمن

نحن واحدة ما لقيناها ومني بتكتب عن التعدد

تعرف ممكن الزول اعرس في البلد

وتكون بمواصفات الفيلسوف

لا طويلة
ولا قصيرة

ولا جميلة
ولا قبيحة

ولا ذكية

ولا غبية

امراة تجعلني احزن

بركـة القمت بالسلامة وبقيـت تعـزل كـمـان في العروس...الرجـال لبعـزلـوا ديـل ممكـن بالله بنشـروا لينا هنـا مـؤهلاتهم شـنو..وايه البيقـدمـوه هنـا في العلاقـة الزوجـيـة?
مش كـل حـاجة عـايزين الزوجـة تكـون كيف وخـلاص يقـومـوا جـاريين زي خليـل كـده..بعـد ما وضـع شـروط كـلها عـامـلة كيف كـده مـا عـارفين!

كـلمو تاني ياعبـد الرحمـن قـوليهو الناس في الزيادة وانت ليليلي تفتش في الأولي!

صـدر تحت تحليلي وتقـديري ثـم توقيعي نحـن 'مـني' رئيس اللجـنة..
CC finanancial assistant, Korma
فقـط

مني

الموهلات قلناه قبل كدة

مهندس
مغترب
جعلي

بغتطس الحياة الزوجية

بيتوتي

حنين

بعرف اطبخ

بساعد مرتي

في المطبخ

خلي
العيش حرام مادام اري الموت يحل مابين الرميش فوق الطريف الكحيل الي ان يقول والبدورو لي لاشك جميل ياجميل
اخي شايفاك مااشتغلت بنصيحتي والكلام القلتو ليك واضح اعقلها وتوكل وماتفكر في ناس جحا وبت قضيم الموضوع في غاية السهولة نحنا اصبحنا مرغوبين وكما ذكرت مهندس- مغترب- وتغطس الحياة الزوجية وتغطس حجرها كلها تصب في احلام الفتاة في شريك الحياة
ودمت

شكرا متولي

بعدين بنات المنبر كلهم طفشن

ناس نون وريهان والهام وسحر

وتيسيير

ما كشكرن ساكت

اكون ما ارتضيت طموحاتهم

انت عارف اصعب حاجة تعرس ليك مرة مثقفاتية

حاتمرضك وتقول ليك المنظور

وفي الحتة دي

وفي اشكالية في انعتاق الروح من بوح الذات

والروي البنفسجية وكلام كتير كدي


احسن حاجة نسمع نصيحة الحبوبات

بقولو

عرس بت جارة امك

سحر,الهام,تيسير,ريهان,نجود, القلب النابض,انتصار عليكم اللة تعالوا راجعين و احيوا البوست بتاع خليل عشان ما تمسكو عقدة نفسية ويقول البنات طفشوا..اصلو هو بقي علي الهبشه..

عبد الرحمن عزاز صدقني الموضوع ابسط من كدة بيكتير ما محتاج لي خطط ولأ حاجة بس الزول يخت الرحمن في قلبو...

Mutwali Malik...قلت لى مرغوبين...والله جنس ثقة...بس ما تتكل عليها..البنات بقوا واعيات والنوع البقطس الحياة ما بدورو so up-date your information
ودي...
نون

يا بنات المنبر

اسمعو كلام نون وتعالو عشان انا فعلا اتعقدت

وحاغني ليكم زي تاور

ارجع تعال عود لي

ودخلني في جواك

وشدد حراسة علي


دي عندي اجمل سكنة

عينيك قصاد عيني

عزيزى خليل...سلام...

أنا هنا...

نون الحبيبه...إزيك

الرائعة دومآ سحر ...
شكرآ لجبر الخواطر..
i will be back
Noon

مرحبتين حبابك سحر

واليوم السعيد اليلة جابك

وعقبال ما نشوف ناس ريهان

ونجود وانتصار والقلب النابض مشغولة بالدنمارك

وضروري نور تاور

طبعا فشلت استقطب تماضر شيخ الدين وعزاز شامي وامنة مختار

ديل ما بتكلمو في مواضيع زي دي
طبعا انا اصدرت مرسوم

وفصلت كل اعضاء اللجنة السابقة

وحاشكل لجنة من حركة حماس

وما حاعتمد علي الحرس القديم

ناس كريم ومني

ديل حايبوروني

الاخ خليل
تحياتى
ذكرتنى واحد صاحبنا - موضوع المغالاة ده سبب ليه يأس غير عادى
لدرجة انه مرة قال لينا (جاد) والله لو انا عارف محل الصور ده وين الا امشى انفخه عشان تتشكى تانى من جديد...
كدى اصبر شوية جايز صاحبنا ده يلقى الصور وينفخه علا وعسى يكون ليك نصيب فى الحور العين ...
مع ودى

الاخ خليل العزابي الذي فقد ظله

سلام

شايفك مطلع قرار كرتوني وعاوز تحل اللجنة ام اللجان


والكلام ده ما من صالحك واحنا ممكن نطعن في الحتة دي وحتي لو الموضوع يمشي لاهاي

وبعدين ملاحظات اللجنة في محلها

1 انت عينك طايرة والعطاء تقول فيهو كب قبل ما يقدموا...(وخلافنا هنا انك مفروض تتقل)

2 انت ما منتبه انو في ناس قاعدة تشرك وتحاحي في نفس الوقت

3 انت قاعد تسرب قرارات والمحضر بتاع اللجنة لناس (اللجنة عندها فيهم راي)

4 عموما اللجنة تطمن جماهيرها بانها لازلت قابضة علي جمر القضية

5 هناك اقتراح ان اكون انا الريس والاستاذة مني خبير قانوني ومالي بالجنة..........

لانها ما شايفة شغل الرئاسة ده كويس

وبهـذا نعلن نـحـن 'مـني' اسـتقالتنـا مـن هنـا..الوسطاء يمتنعـون..فالقـرار نهـائي ..

وسـاري مـنـذ أمس الخميس..فتشـوا التاريخ براكـم

مـني

لا يا مني وبلاش هروب من المسوؤلية التاريخية دي

ولا بد من تعريس خليل ده حتي لو طال الزمن...واقترح ان نوسس لهذا الموضوع ...

ونتناوله بطريقة علمية ونمحور الموضوع في الاسئلة التالية....

1: هل مشكلة خليل مشكلة اختيار (لانو عندو خيارات كتيرة ولا نو عندو فوبيا من العرس لاسباب

خفية)

2: هل مشكلة خليل مادية (كم سنة كده في امريكا ..والان مغترب خليج ) وما قادر يحسم فاتورة

العرس

3: هل خليل فاقد حنان

4: هل الرجل لمن يصبح بايركس بجغلب زي جغلبة خليل دي


دي يا ريس المواضيع التي يجب ان تناقش وبعدين ممكن موضوع خليل يمكن ان يحل ويكون

مرجع لناس


وتسلم ياريس ..البحكمتك بوستنا بقي كويس....

شكرا عاطف

شكرا كريم

شكرا الرئيس مني

علي النصائح الغالية

لكن يبدو انا حاعرس يوم تلاتين فبراير

مع العلم بان شهر فبراير لا يكون تلاتين يوم ابدا

يا اعضاء اللجنة يا الما شايفين شغلكم

الهام والبرنس اتخطبو من المنبر ةدها

وبرضو سلوي صيام والخواض

وانتي تتضيعو في الزمن

لجنة انبثقت ولجنة ما عارف كيف

عشان كدة قرار الاعفاء بتاعي كان صحيح

وانا عايز ناس تكنو قراط في اللجنة

انتو اكاديميين ساكت

واللجنة الجديدة بقيادة

نور تاور
القلب النابض
انتصار محمد صالح

مع عبدالرحمن عزاز

ومتولي مالك

ومهام اللجنة تتلخص في اجراء اتصالات مع

سحر

نون

ريهان

بت نادية عثمان

لاقناعهم بالزواج من الود خليل

والوقت ضيق لان خليل مستجعل

وقرب اخش في عمر النبوة

والله يا خليل فصة غريبة

اخوك حصل الرابعة وانت لسع ولا واحدة ده كلام شنو

الرابعة دي بس عملها لي ابوي

انا ما عملت ولا حاجة لا مال لا شيلة لاشبكة لاشنطة بس عروس يرسلوها لي
وانا عمري 42 سنة اها رايك شنو
ولو جيتني لا لجنةولا يحزون بعفيك من ده كلو

بس جهز بيتك وخلاص

خليل


لو رفعت يدك فووووووووووووووووووووووووووووق وقلت يارب ام ايمان تنجح بشوف ليك عروس زى العجب وباقل التكاليف ..قلت شنو؟!!!

اللجنة بكامل هيئتها ممثللة في شخصي الضعيف...والريس مني


تهني البرنس والهام ..وخواض وسلؤي

وحتطلع بيان باسم (ده الشغل)

ويا ابو خليل اقعد ارجي لي الري....شايف الناس بجضموا الشغل كيف

وانت فاكيها فيناو في روحك...دايرة حمراء ومرة صفراء فاقع لونها تسر الناظرين...

والله لو ختيت اللجنة بتاعتنا دي حا تاكل نيم,,,,,,,,,,,,,,,

Quote: لاقناعهم بالزواج من الود خليل والوقت ضيق لان خليل مستجعل

شوف يا أبو خليل، ماعندى مشكلة أكون فى اللجنة، وشكراً للثقة
لكن ، لو واحدة قالت عاجبها زول من اللجنة مش العريس
يبقى الراى شنو؟
نتوكل على بركة الله، ولا بتجيب ليها خرخرة

سيف مساعد

انا ما بقدر علي الاربعة

خلينا في الواحدة

البيت جاهز

نادية عثمان

انشاء الله تنحجي نجاح جد بركة ودتور مني وود المرين والشيخ الجيلي والشريف بركات وطه ابو التومات وبركة الشيخ العليش القلب القطن عيش

ورجال امرحي وابحراز وام ضوا بان

وسيدي حسن ود حسونة

اكان الشيوخ ديل كلهم ما نجحوك اكون ادروب ولوف

شوفي عروس بسرعة يلا

عزاز ما عليك

بس انت اجتهد

وما بنختلف

خلي اخوي موضوعك سخن خالص
اولا شكرا علي اختياري في اللجنة الجديدة وشوف انت من تاريخ فتح هذا الموضوع هل وصلت لاي نتيجة
الزواج الان اصبح متطور وخير دليل كل الزيجات التي تمت في هذا المنبر
لذلك ان عندي اقتراح انت احصر متطلباتك في شريكة حياتك وحددها للجنة الجديدة يعني ماعايز اقول انو نحن مرغوبين الكلام جاب زعل لبنات حواء اعتذر بشدة واسحب كلام ولهم العتبي حتي يرضو وتعرف ياخلي ياخوي المسالة واضحة جدا انو نحن مابنقدر نعيش من غيرهم والعكس صحيح لذلك اعقلها وتوكل
وانا من هنا عندي ليك عدة عروض ومفاجات انتظرني في الحلقة القادمة راجع تاني
ودمت

الزعلا ن كلمو

اقع الخزان كلمو

الخزان لو بعيد

نيسان في الطريق

ياخي ما بقدر ازعل الدينا ريات ديل

وزي ما قال احمد بدير

هن رحمة لنا

المواصفات

كا لاتي

دي الكان مشت تفدع

قمرة ودسيها للمعاصم جدع

يا فريدة عصرك

يا ام جمال بدع

قلبي من يوم شافك

قلبي فارق ودع

شايف في ناس

عملو نفس البوست ونفس

لكن بوستنا ياباني

وداك تايواني

بوستك .........البرنجي يا ابو خليل.....


والرهيفة تنقد.....وخليك من ناس بلادي بلادي.........(ك.........)

مع تحيات راشد عوض

اسعع شايف الحكاية جابت ليها حجا وحاجات تانية

ما اظن ننتظر حتي تنال هذا اللقب

وسيبك من الشركة

حانعرس بقروش الشركة

وامكن العروس تكون كراعة خضراء

مع ان العرب قالو الشووم في ثلاثة

المراة

الدابة

الدار

يا اخوانا لقينا عروس

قطرية ما سودانية

عمرها خمسة واربعون سنة

وعندها بيت وممكن

اذا انجبت اولادي اكون عندهم جواز قطري

لكن خمسة واربعين سنة دي مااظن

فيها بطنة زي ما قالت حبوبتي

قمر السبوع الداير

اليلية الخليل ساير

وشفنا قمر بين الاقمار

ومالو اليل بقي لينا نهار

واحب سنجة والصعيد سنار

نسيبتو حفلا ومرتو مهلا

ما ود اب غلا ودعتو لابشراء


سلام يا ام العروس

جيت عريس تمام

وابتد المشوار

Quote: قمر السبوع الداير اليلية الخليل ساير

اللخبطة شنو يا الخليل من هسه (اليلية ) دي الليلة

شكرا يا انعام

نسو شنو

بنات المنبر قالو ما عايزات اعروسني

مع اني مهندس كامل الدسم

واشبه رشدي اباظة

وكنت في الجامعة

البت البشتري ليها سانتدوتش

ما بتاكلو

بتقشر بيهو مع البنات


يا سلافة يا سحر يا اهلية السانتدوتش دها اشتراهو لي خليل


جينا لبنات المنبر ديل عملن فيها ضبان ضكر


احسن حاجة الزول امشي السودان واعرس من الكرين

والكرين هو جامعة الاحفاد

سميت بالكرين لان بناتها سمحات

والكرين في بحري عرباتو سمحات

Quote: احسن حاجة الزول امشي السودان واعرس من الكرين والكرين هو جامعة الاحفاد سميت بالكرين لان بناتها سمحات والكرين في بحري عرباتو سمحات

خليل الله يجازي محنك ضحكتني ضحك شديد

يا خليل

والله طريتني الزين الجميل حق الطيب صالح

كان زولا رياد تب وكل يوم مكتول في حوش ناس

لكن الله بقدرتو الما فيها شك اداهو اجمل بنات الحلة

دحين انا بعرف لي كذا واحدة جميلة شايلة قليبها

وجايباهو لعينيك هدية (بعد نشرك للبوست)

بس مشكلتهن ماهن عارفات طريق الوصول ليك

يعني راضيات تب يعرًسنًك

لوقلنا لبكري يديهن حق العضوية

خايف يخرتوك شرامة المنبر

بالله وريني اعمل ايه؟

لانو لو تأخرت خايف ينتحرن

شكرا حيدر

ان درت تلقاني

حتما حتلقاني

انافي مدينة الجوف ساكن الضري

شبا كنا لبني

وخشم بابنا اخضر

وبعدين في ماسنقر

ونحن جاهزين

موية ونور

اجمل الزيجات العجبتني زواج بت من علوم ومهندس

الناس ديل كانو بحبو بعض خمسة سنين

وكانو للعاشقين دليل

تخيلو بت علوم اتزوجت رجل اخر

وعاشت معه في اوربا لمدة خمسة او اربعة سنين

ولكن انفصلت من زوجها

وتزوجت المهندس فلان بعد خمسة سنين


وكان زفاف عاشقين بعد فرقة وسط باقات دعاء الطيبين


وتحققت تفاصيل الرواية العالمية الكبري الحب في زمن الكوليرا

خلي حبيب الكل
نقطة نظام مرة قلت لقيت عروس قطرية ومرة قلت تعرس في السودان ومرة قلت تمشي الكرين يعني الاحفاد وماعارفين المرة الجاية حاتجينا باي تقليعة
وبحكم اختياري في اللجنة المتعلقة بتزويج خلي اخوي عندي عرض جديد سودانية - امريكية الجنسية مقبمة بفرجنيا تعمل في مجال السياحة وجميلة كممثلات السينما رسل رايك في مسج
ودمت

الانيق متولي


تشابهت الظباء علي خليل

فلم يدري خليل ماذا يصيد


ياخي عندك تفويض كامل

وما عندي شك ابدا في ذوقك

قبلنا بالسودانية

الامريكية

بس تعمل لي ماسنقر داخلي

وبعدين انا اسوي ترتيب

زي ما بقول الهنود هنا في الدوحة

حليللك يا ابو خليل..........

خلاص ناووين يودوك خارج الحدود

......مرة امريكيا..ومرة السويد

اسمع

في عروس في المكسيك...

وواحدة من بروندي لكن ابوها من القضارف...

اسمع ديل بنفعن ولا نشوف ليك حواء جمايكا

يا ضفاف النيل ويا خضر الروابي

هل ريتن علي الشط فتي غض الاهاب

اسمر الجبهة كالخمرة في النور المذاب

فحبيبة قلبكيا ولدي ليس لها عنوان

ما اصعب ان تهوي امراة ليس لها عنوان

وستعلم بعد رحيل العمر

بانك كنت تطارد خيط دخان


بالله يا ناس منار ولدن وبت هلال ومها زكريا وبنات قانون وناس مشارق وبنات صيدلة وبنات اداب

تعالو شوفو خليل

بحصل ليهو شنو

قد هان حتي سمت عنه ضغيتنا فما غفرنا له بل رحمناهو

العرس في البلد لذيذ جدا ورخيص جدا

اول حاجة الشنطة فيها اتنين اتنين فقط

المهر خمسمائة الف

اوضة النوم اختياري

ناس الحلة ما بياكلو عزومة غداء

بل اجوك المساء

ياكلو حلاوة وبلحة

وموية مسيخة

مافي عصير وحركات

اكلت بلحتك تمشي الكراس

تدفع الفيها النصيب

وكان ما دفعت لي في عرسكم ما بدفع ليك

الضيوف بياكلو

العريس بشتري تور

والاكل اساسا للضيوف

ناس الحلة البجو من الصباح
بياكلو عصيدة بي تقيلة

او ملاح روب

مع شعرية وسكسكانية

والواحد اخت ليهو سفة كبيرة

واحكي عن ضربة كبويتا وامشي الكراس

ندمان وسافي التراب علي حبنا

ضيعناك وضعنا معاك يا مني خوجلي

تعالي لرئاسة اللجنة تاني عليك الرسول

انا اتملطشت

واحد جايب عروس من بورندي
وواحد من امريكا

والرئيسة الجديدة ما اشتغلت بي الشغلة

تعال يامني

وخليل حايلتزم بكل تعليمات اللجنة

خلي اخوي سلام
شفت العروض انهالت عليك كيف من ماجبناسيرة امريكا وانا قلت خليل اخوك مرغوب مهندس وعندو عربية كورلا 2006 ومغترب مابين الدوحة وامريكا ياراجل وبغتطس الحياة الزوجية وشوف الفرق بين اللجنتين واحكم
منتظر ايميل منك عشان في حاجات خاصة ليست للنشر
ودمت

اعز الناس

الست مني خوجلي

رفضت العودة لرئاسة اللجنة

وجاري محاولات لاقناعها

وبنعمل في مواضفات لراب الصدع

وبرسل ليك ايميل

عشان نشوف الموضوع دها

باسم كل اعضاء اللجنة السابقة اللجنة الشرعية

وباسم الشعب وباسم جماهير الجمال....

نطالب بعودة الاخت مني خوجلي الريس الشرعي والمنتخب

باغلبية ديمقراطية.........الي تصريف مهامهما...


وسنلزم المدعو خليل ..للانصياع الي توجيهات الريس العليا

رجعنالك

عشان تاه الفرح من دارنا

رجعنالك وانت ديار فرحنا

رجعنالك عشان ناحت سواقينا

وبكت شتلات قمحنا

رجعنالك عشان اسكت جرحنا

الانت جارح قلبو بجراحتنا احنا

اشـكـركـم شـعبي...واشـكـر فيـكـم تلك الديـموقراطـبـة الصـادقة التي رأتني أصـدقـهم!
الا اني ومـن نفس منطـلق الصـدق همـا..اري ان الشـعب قـد استهلك تماما فكـرته المتمركـزة حـول نهج الزواج والذي هـو بالتأكـيـد متعـثر لـدرجـة إخـيييي ....وذلك يبـدو واضـح في لهفـة العريس أبـو ركـبين الجـراي لإجراءات الزواج التي لايتم فـرحـها الا بمـا قلنـا عليـه إخـييييي وهـي السـفةالكـبيرة!

أري أن هـذا البـوسـت يحتاج الي احـيـاء الفكـرة الأسـاسية وهـي مشـكـلة الزواج ..وبالطـبع يمكـن استخـدام اسلوب المرح في الكـتابة مادامت هنـاك مناقشـة هـادفـة..
ونـري ان يخفف الأخ خـليل مـن طـقيشـه ودراباته التي يرمـي بها الآخـريـن في البوسـتات الخـاصـة بهم فشـهرته في ذلك عمت القـري والحـضر..
وبمـا ان السـيـد خـليـل هـو صـاحب البوسـت..فـإننا نرغـب في سـماع رأيـه ونرجـو ان يتقبل حـديثنـا بنفس الروح الخـفيفة التي يتمتـع بها ..
وسـلام

رئيس لجـنة الضـعفـاء

يا حارسنا

ويا فارسنا

كنا زمن نفتش ليك

وجيتنا اليلة كايسنا

جيتنا وفيك ملامحنا

مرحب بربان السفينة مني خوجلي

وعين الرضا عن كل عيب كليلة

وعين السخط تبدي المساويا

بالعكس كل مداخلتي في حدود

اللباقة وان كان يغلب عليها الطابع الكوميدي

واعمل شنو انا اصلو ربنا خلقني دمي خفيف

من زمن الجامعة اسمي الوناس الاعظم

مرحب والف فرحانيين بعودة ريسنا الشرعي.......

وتلبته لما تطلبه الجماهير.........


واسمعني جاي ياخليل ياهو الريس مني جاء راجع

وكلام الريس واضح ...وانت ياخلييل لو عاوز الناس تمشي معاك

وتحل ليك موضوعك ده...بطل اللخبطة والمهابشة في بوستات الناس

ومخفف دمك..لفت ورايت..وعامل فيها دريد لحام

والله انا زاتي اشوفك عامل لخبطة في اي بوست..والله يا خليل الا ابوظ ليك

موضوع عرسك ده..

وعليك الله خت الكورة وطة..وخلينا نشوف لينا صرفة مع

موضوعك ده...وبلاش بنات المنبر يشربن بيك السفن اب...

تعمل كده بنطقك وبنلحقك (ميدو)

معليش

انا من اديكم دي

لايدكم دي

احد الاغاني الشهيرة من تاليف خليل..(عندماكانت القصة واره معاهو)

Quote: العروس ذاتها طفشت قالت عندها امتحانات بعدين اخر الاغاني لخليل العريس كانت كالاتي ما بنروق ما بنروق وناس خليل خمجو السوق يا عيني. وناري وناري ونارنا ناس خليل جو ورسمو البنا مسطرة مسطرة منقلة منقلة اصلو شغلو كدة دها ود عمي دها السحب دمي ونمشي طويل ولي موبيل

ألأخ خليل

تحياتي

ياا أخوان خليل ده خماكم أنا عارف العرس عندهم المهر 15 جنيه يعني بحساب عملة الإنقاذ دينار و نصف و الحفله ما شرط يكون فيها فنان و فرقه موسيقيه ، ممكن شوية فنان تعلمجي بي صينية شاي يقضي.والعقد جردلين تمر وماء بارد من تلكم الديار الطيبه.وكمان بناتهم بنات كريمات ضيف و مستورات حال و إكان للخلقه و الأخلاق حدث و لا حرج. وعليه أرجو من المتقدمات سحب طالباتهن خليل ده ولدنا ونحنا ما بنفرط فيه مع خالص حبي لكم جميعا.

دكتور عبدالله الصديق

جدنا حاج فضل السيد

قالو كاكو في البندر

لكن بيضو هنا

رايك شنو في الكلام دها

خليل،،

اسمع مني احسن ليك،،

بلا عرس بلا عرس بلا كلام فاضي،،

متين بقيت ليهو إنت؟

يا دوب دفعتك عندهم تلاتة أولاد،،

خلص العمارة ام ستة شقق،،

بعداك فكر في الكلام ده،،

زمن آخر،،

يا سلم

يا سوميتا

نعم النصيحة

وانت عارفة انا لما انوم براي

في السرير بتضايق

خلي اجيب معاي زول

وخلو غيرنا احفظ النسل

نحن خلينا نعمل المال

والبنون لغيرنا

خليل!!!!!!؟؟؟

بقيت تلعب في دوري البراعم ولا شنو

لا

والله
ماعندنا

معاهو
حاجة

بنشرح

ليهو

ماسماتك

الاخ خليل

شايف الريس غير اللوك...

صـباح الخـير ..

خـلاص ياكـريم الموضـوع كـده زي انتهي بســبب عـدم رغبـة خليـل في الزواج..

رئيس اللجـنـة..

مـني

الريس.......تسلم وصباحك زين...

فعلا ظهر ان خليل..متزاوغ من الموضوع ده..

وعليه بقترح ان نمنحنه انذار اخير لمدة 24 ساعة

ويحدد رايه الاخير..... والا لكل مقام مقال

اربعة وعشرين ساعة ماشوية

انا بخصب اليورانيوم للاغراض السلمية بس

بعدين الاحكام المطلقة انت والرئيس سيبوها

قريبا جدا حاتشوفو خليل عريس

كل المسائل تم الاتفاق عليها

حتي تقاسم السلطة والثروة

بس باقي قصة السكن

العروس وحيدة

وامها وابوها عايزنها تسكن معاهم

وانا عايز ابني ليت بيت في حي الجلابة

صديقي المهندس طارق عبدالله من العيكورة الجنب مدني ديك

حكي لي قصة لذيذة عن واحد من اولاد العيكورة كان خاطب واحدة فترة طويلة وبعدين الراجل موظف بسيط

ما قدر الم حق الزواج.

المهم البت لمها فيها مغترب من اولاد العيكورة وعرسها منو.

الود عامل فيها روحها رياضية جاء يوم العرس ركب الصيوان ويجيب صواني الاكل واعزم في الناس

اتفضلو يا اخوانا وما تكترو يا اخوانا الصواني جاية

وجيب زيادة ام رقيقة يا ولد وغسل لعمك داك يا ولد.

وفي المساء الراجل مشي استحمها ومنتظر الحفلة

حضر المغترب مع العروس ودخلو الحفلة فما كان من صاحبنا الا ان ( جعر) باعلي صوته

واك واك بكاء حارا ودمعا سخينا

والجماعة اصبرو فوقو ياخي انسي دنيا وقضت غرضها

خلي العريس المرتقب
ماتنسي تعزمنا الحفلة عشان احتمال كبير نلقي لينا واحد يجعر في حفلتك زي
صاحبنا بتاع العيكورة
وانت قلت كان في الجامعة بيسموك الكوميدي اهه انا كان في الحلة يسموني العزال اي واحد عايز يشتري بطيخة او شمامة يجيني امش معاه وكذلك للتاريخ اقول انو انا كنت سبب في عدد كثير من الزيجات في السودان وقطر وامريكا وضيعت الفرصة ياخلي
المهم الف مبروك بالرفاء والبنين وتغلبه بالمال والعيال انشاء الله

متولي

انت صدقتي

بحرر في سوقي ساكت

ولو عرست انشاء الله ابقي لي بنار

عايز ارمي حجر في البركة الراكدة دي

ولو عندك لينا بطيخة حمراء

نحن جاهزين

قالو بطيخ الشوك كويس

لكن بطيخ امريكا وقطر دها

بسقوهو بموية المجاري

عشان كدة ممكن اقوم علي المصران

سمعنا السنة الفاتت

قالو في السودان في واحدة

عرسوها ابوها جاب ليها اصالة نصري الكلام دها صحي

وبتغني بكم اصالة دي

واخر الاخبار قالو فرفور بخمسة مليون

وترباس بتمانية مليون ولمن استطاع اليه سبيلا

لكن انا بعمل قيدومات بنادر خضر وحسن صبره وممكن عصام محمد نور

وفي الدخلة الحفلة بزيدان شرطا يبدا الحفلة

باغنية

اكون فرحان يوم تكون جنبي

اعاين ليك وانت تبسم لي وتروق الدنيا في عيني

عليك الله يا عم تنقو لو عندك الاغنية دي نزلها لي في البوست

واكون ممنون

سيف مساعد

مبروك

ورينا الميزانية بتاعة العرس بتاعك

باقي الدولار نازل الايام ديل

والريال القطري بقي بستمائة جنيه

بدل عن سبعمائة وحداشر


عشان نخت الميزانية

وما تفرق بعدين في العرس

العزيز خليل سلام

شايفه منى الغاليه باعت اللجنه بتاعتك لصالح أحمد العربى ومشت تشتغل مأذون...عشان كده أنا بنصحك بتعيين رئيس جديد للجنه عشان أمورك تمشى

مع معزتي

ازيك يا سحر عبدالرحمن

والله مني خوجلي يبدو انها زعلانة او ابلغوها وشاية كذبا

اعطيناها كل الصلاحيات ورفضت العودة

يبدو ان ناس احمد العربي العرض بتاعهم احسن

لكن بعد كدة انا زاتو ما محتاج لجنة

كلها مسالة بتاعة ايام

وحتسمعو اخبار كويسة

سحر والله ما عندك...ذوق..

حسي لو اقترحتي انو كريم يكون رئيس اللجنة فيها شنو يعني!!!!!!

عارف يا كريم

قبل شوية عملت اتصال بمني خوجلي

ورفضت حتي تكتب في البوست

وزعلة قوية

العربية العربية

تودينا للسادة

يا كريم
تعال حصل

صديقنا خالد شيخة قالو

معرس سبعة

تعال سريع نشوف الموضوع دها

عبدالكريم العزيز...أنا شفتك مشغول ببوست بتاع ذكريات وسرد وتفاصيل جميله ...إمكن ما يكون عندك وقت للجنة خليل...
لكن بما إنك صاحبه وقلبك عليهو أنا برشحك لرئاسة الجنه وتعيين منى مستشارة نسبه للخبرات التى إكتسبتها في بوست تعدد الزوجات و مأذون أحمد العربي..
وبعدين العروسات كلهم طفشوا...وما فضلت إلا أنا...لذلك أنصحك بوضع خطة جديدة تتناسب مع الوضع الحالى

تمنياتى لك بالتوفيق فى مهامك الجديده

مع معزتي

سحر عبد الرحمن

خلاص لو انتي موافقة

ما عايزين لجنة

نجي سويسرا

ونعمل الترتيبات

ومن يخطب الحسناء لم يغلها المهر

سحر مبروك والله انتي..الفائذة بالقاضية الفنية

وبعد د ه خليل ما عندوا طريقة يتزاوغ جاي وجاي...ويلا ورونا بس

انتو في سويسرا بيتكم وين للصليب الاحمر عشان نجي السيرة...بالقطرية...


تخريمة يا ابو خليل..

شيخة ده زول دفعة...بس حكاية الامجاد دي عجيبة...

كان يلبع رقشة احسن ليهو...

عموما دعواتنا له ..وايضا للناس المساكين (لو الكلام ده طلع صاح)

كريم

خالد شيخة قالو جاب مربوطة

والبجيب مربوطة بسقط مربوطة

خلينا نعمل اتصال السودان

ونشوف الكلام دها كيف

لانو ابليس ما خلي زول ما غشاهو

وين ناس بسكوت ديل

ياناس اللجنة

يا متولي

يا كريم

يامني

يا عبد الرحمن عزاز

العروس مصرة

تعيش في سويسرا

وانا مصر اعيش في الخليج

لازم تقربو وجهات النظر

يااخوانا بعدين في مشكلة

انا ضيوفي كتار

بعدين بجوني الناس من البلد

عايزين بظبورتي وجناسي

وبجو عينانين بدورو اقابلو الحكيم

بعدين ما بحبو الفول

دينهم وايمان كسرة با ام رقيقة والسكة ضيقة

وبعدين بشربو الجبنة

الكلام دها كيف مع ناس سويسرا ديل

خليل

سلامات

والله هسه انا جاية جارية جنس جري من البوست بتاع الماذون اصلو سمعت بي عرس بي جاي

اها انا ومنى خوجلي عاملين ماذون رايك شنو نتم ليك الموضوع ده


وشايفه العروس تضحك وخجلانة


خلاص السكوت علامة الرضى

Quote: ملاذ افكارنا الهيمانة ........شوفي وين تيارك وداننا ....نشتاق ليك وانتي معانا

من اشهر الاغاني التي كان يرددها خليل ..لسنين طويلة...

ياددوبك عرفت ليه

ياخلي
اثبت شايف الموضوع بقي بالجد بقيت تهضرب وجابت ليها وست ومربوطة وناسي كتار وبحبوا الجبنة وانت اوعي تكون جبنة وعلي قول احد المساطيل سالوا واحد اديك جبنة قال ليهو الجداد لسه ماجاب الطوب انا فهمتها بعد فترة
المهم نجهز نفسنا للسيرة لسويسرا والعبد لله ماعايز تاشيرة تزكرة وبس
وليك علي حفلة بالود سامي المغربي ويغني ليك
عشة صغيرة كفاية علينا عشة صغيرة نفرش ليك برموش عينينا
الف فففففففففف مبروك ك ك ك ك ك

Quote: اديك جبنة قال ليهو الجداد لسه ماجاب الطوب

ده قوية...وكروتها كتار....والله الديك شكلوا كده ما حيبني خالص

شكرا

الفردة متولي

وانت عارف انا من زمان بحب سامي المغربي

وخصوصا اغنية

الود خليل مالو جاء

وما عميل مالو ماجاء

في قطر مالو ما جاء

ودولار مطر مالو ما جاء

متولي عليك مراجعة الخطوط القطرية

بالخرطوم لاستلام التذاكر لسويسرا

لكن قطعت ليك(one way ticket)

خلي يافردة
حول التزكرة من الخرطوم لواشنطون - زيورخ وزي ماقال الشاعر حميد
مافي فرق في الوقت الراهن بين واشنطون والخرطوم
انا طبعا ياخلي عايزك تنتهي من موضوع الزواج عشان تتفرغ للحديث عن حبيبتك وكما قال الشاعر
عن حبيبتي بقولكم ولسه برضي حاقولكم لونا سمرتو منكم
عن حبيبتي حااحكي ليكم وقول ضفائرا ملتقانا
دي مرة غنت عن هوانا فرحت كل الحزاني
ومرة ناحت في المدينة الحمامات الحنينة قامت ادتا من حنانا

متولي صديقي


انت في التذكرة ولا في العروس الاختفت دي

سبعة يوم والعروس مختفية

خلي بالك انا اكون مكتوب في جناح طيرة

وانتو يا ناس اللجنة شوفو العروس دي مشت وين

عندكم اوصافها

قامت وانتنت زي بانة ما شفتوها يا خلاني

القلل صبرنا واذانا

شفت عيوني في سيقانا

كريم

متولي

العروس وين

المرسال

فتش سويسرا زقاق

زقاق وما لقاها

تكون..يا ابو الخل مشت لي ديل...عشان يسوي (ترتيب)

Quote: في اتنين واحدة اسمها غادة شرفي وانتصار حجا

ياخلي خليك جامد
سؤال انت العروس خطبتها من منو
ثانيا هي عندها حق تتمنع عندها جواز سويسري عايز تخطبه من نفسها
ياابوالخل اسال مجرب ولاتسال طبيب
المراة لها كرامتها ولايمكن تتنازل عنها مهما كان شوف انت تسال عن ولي امرها وتتحرك بعد داك وما يهمك عندنا جستابو في سويسرا بس انت أشر

متولي

رفيق الدرب

انت ما عارف العروس قالت لابيها شنو

واقف عليهو انا راضية بيهو

عليك الله ما تقول ليهو لا

ما زمان بحبو وهو لي حبيب

مابدل عهودو انشاء الله في النصيب

اهم شي في الموضوع تضمن العدو ابشعر

خلي الفردة
اهديك هذه القصيدة
يانسيم بالله اشكيلو تباريح شوقي وهيامي
يانسيم عن شخصي اروي له حديث الحب وتاويله
وبالغ شرحي تطويله
لعله يسيب دا كله او اقله يرجع قلبي في محله
يكون في عطفه اكرامي وافوز بي حظي ومرامي
دوام انا شوقي نامي له جداول دمعي تهمي له
صرف عن حبي صار ميله وانا اللازال احامي له
احبه وافتخربه اهوي قربه واخشي حربه
يزيد في هجري واضرامي وازيد في حبي وغرامي
جفاك زاد قلبي في ويله تعال ياحبيبي داوي له
بخمرة لحظك اروي له عذولك سيب اقاويله
واوهامه واباطيله
ياخي اهديك اوعي من ديك هم اعاديك ختام ياروحي اهديك
تحيات حبي وسلامي وجواهر شعري وكلامي
ابوالخل
بعد لو العروس ماظهرت نمشي نشوف البديل ونرجع تاني لخانة اليك
مع تحياتي

متولي صديقي

انت الوحيد البتسال

مني خوجلي ذهبت واشتغلت مازون

الهام عرسوها

انتصار مشغولة

نون خرجت ولم تعد

القلب النابض ونور تاور ونادية عثمان مشغولين بغنائم معركة احد

سوميتا جات مرة واحدة

انعام جات مرة واحدة

الرجال سدو دي بطينة ودي بعجينة

سيف مساعد عريس

المهم تركوني

وحيدا وتربع في العرش الدولار

لكن ولا يهمك

بايدينا صممنا لازم نبنيك يا بلدنا

واهلك العرب

قالو المتكولة واقعة

والله يا ابوالخل..

موضوعك ده ..طول..

عشان كده انا بقترح..انك تعمل اعلان في الصحف المحلية..

او تتمدد في مواقع اخري..لانو بنات (سودانيز اونلاين)..ديل حررن عديل كده

(راسن اردب سمسم بس)...

انا غايتو بقترح ليك عكس الريح

يا زول بنات سودانيز

ما بنزح منهن كان ازح جبل مرة

بس ابقي قابلني

وتبقي دي اخر نوبة

زي ما قال عبدالحليم حافظ

خلي رفيق الدرب
تعرف انا ابتديت اقتنع انو عاملين ليك عمل في موضوعك دا وخائف اقول ليك كما قال الشاعر
ان حظي كدقيق فوق شوك نثروه ثم قالو لحفاة يوم ريح فاجمعوه
لكن انا عارفك زول جامد وخيرها في غيرها بس لاتدع الياس يدخل الي قلبك
تحمل ياخي وبرضو هن رحمة لنا

الرائع متولي مالك...

ياخ انت والله الفينا..

ولسع شايل الدفاع مع فردتك ابوالخل...ومحارب صلد من اجل قضيته

حتي اخر جندي..

لك الشكر والاعجاب..

متولي

كريم
ازيكم

امبارح نمت بالخيرة بواحدة من المرشحات

شفت في الحلم اني وسط بحر وفجاة هجم علي تمساح من النوع ابو لستك

وحاول ضربي بذيله

لكن زغت زوغة بت كلب

وفجاة صحيت علي صوت المنبه

علي مواعيد الشغل

اها عروس زي كيف تنفع

ولا تتطلب الله

متولي

هم تلات اسامي

اي اسم احلي من التاني

يا الخرطوم يا عندي جمالك

ويا بنات بحري قالو بتحبو

الجمال يا ناس سوي لي خلعة في الركابية وحي القلعة

احسن عروس بتكون وين الخرطوم ولا بحري ولا امدرمان

ولا لا هذا ولا ذاك

بل في سويسرا

خلي رفيق الدرب
اصبح لسان حالك يقول كما قال الشاعر
حجبوه حيرونني ابوليك يزكروني
ليه ياحبيب اراهم زايدين في جفاهم
من شدة قساهم مانعين التفاهم
برضي اقول برضي اقول عساهم يسحمو لي بوصلك
انا نصيحتي ليك اقع امدرمان حيث ودارو الشباب الحلو
ودمت

تحياتي

خليل اخوي اسمع كلامي ده وتعال اخد ليك تفاحة وانا ذاتي عاوز لي تفاحة

التفاح هنا في هذا الرابط



ياشباب العرس راحة *** حقو كل واحد ياخدلو تفاحة

تحياتي
هشام حامد العبيد

هشام العبيد مساك الله بالخير

ياخوي تفاحكم لذيذ

لكن نحن انشاء الله نلقي دوم راضيين

متولي

عارف قالو

العرس من نسوان من امدرمان بطول العمر عشان طباخات وبجيهن الراجل

وقالو لم يتزوج مصرية مات اعذبا

لكن ارخص عرس من الهنديات ما بتدفع ولا ريال

وبعد كدة حلوات يا هناي

متولي

كريم

شايف العروس ظهرت

انتو يا اخوانا عارفين سويسرا صغيرة

لكن بتبلع

خليل سلامات...أنا كنت فى إجازه مع نفسي
تحياتي للرائع متولي وللعزيز عبدالكريم...
إنعام العزيزه سلام وفى إنتظار عودتك

حبي للجميع

سحر

عاد الصفا

عاد الوفا

عاد المنتظر

عودا حميدا مستطاب

يا للهوي

يا للشباب
يا للدعاء المستجاب

نحن التقينا علي امل

لا نفترق بعد اللقاء

العرس بالفاتحة يا ناس ماحلال

بت المدن يا القراية يا الدارسة الكتاب

غلاء المهور حاربيهو ما تسويلو باب


اتمني قعدة الحنة يوم كتب الكتاب

وارقص بنات حلتنا نايرات الشباب

خلي رفيق الدرب
حمدلله علي السلامة وهذه العودة المرتقبة اسعدتني جدا والكبير كبير والصغير مانعرفوش
اهدي لك اغنية الرائع هاشم مرغني
لو كنوز الدنيا راحت صدقيني روحتا مابتاثر
انا اصطفيت ليك عمري كلو مافي غير فقدك بخسر
لوعجزت النظرات تعبر خلي الغنا البكاي يفسر
ولو وهبتك عمري كلو كلو تلقيني في ريدك مقصر
بعد دا نرجع لموضوع التزاكر وسامي المغربي ولاشنو يافردة
مع خالص تحياتي

هلا متولي ود امدرمان وسيد البكان

تعرف قالو ترتيب البنات السحمات في جامعات السودان كالاتي

اولاد الحفاد

اتنين مامون حميدة

تلاتة التقانة

اربعة الاهلية

والتذاكر جاهزة وكلم سامي المغربي للحفلة

وقاشرة ماشي وين

ماشي الحفلة دي

حفلتكم بي منو

سامي المغربي

هذا تحريف قام به ناس السودان

لاغنية غربية

اجمل الزيجات كانت زيجة صديقنا المهندس

احمد نور وهي في تانية هندسة والراجل دفعتنا

عرس في البلد

ويوم الخميس اغشي السوق الشعبي

اشيل رغيفو وموزو واتوجه البلد

الراجل كان مستقر جدا

رايكم شنو في زواج الزول وهو طالب

وزي ما قال طه

سمح الزول صبي الد واربي جناهو

كانت هناك فكرة تزويج طلاب جامعة الخرطوم من زميلاتهم بالجامعة

ايام وجودنا بالجامعة

ولم تر الفكرة النور

يا ريت لو تطبق حاليا

لمحاربة ما يسمي بالزواج العرفي

الذي قيل بانه بدا ينتشر في اوساط الطلاب

في بعض الاسر عينهم قوية برجعو الشيلة

وبعضهم بطلب زيادة

دها من شنو دها

اهلك يا حبيبي صعبين شوية

وقالو مهركم شوية

وانا قلبي بدق

كمان في زواج في الخليج

غريب جدا اسمو زواج المسيار

تجي كل شهر او كل شهرين لي زوجتك

فما الفرق بينو وبين العرفي

جاء في الاثر

تزوجو الابكار فانهن اندي انفاسن

وانتق ارحامن

كان الواحد ما لقي

ممكن اعرس واحدة ارملة او مطلقة

ديل بكونو مساكين

خلي الفردة
شنو الحكاية ارملة ولامطلقة ولاعانس انت عانس شنو دي طبعاحنجبة من اخوك
انا بكتب ليك الان من زيوريخ - سويسرا ومنتظرين جيتك وبركة الجيت وسمح انت وبسكويت وسامي المغربي معانا وماهمانا

متولي

ياخي والله البركة في شوفتك

عندي سوال يا فردة

لماذا تجد الجامعية صعوبة في الزواج

بينما بنات العالي عرس طوالي

متولي عارف

البنات السمحات في السودان وين

بعض الاحياء في امدرمان الملازمين ابوروف وبعض الثورات

في السودان بنات

رفاعة

بعدين بنات كسلا

بعدين بنات الباوقة

وممكن شوية في بربر

بعدين بنات فداسي الحليماب

واهلك العرب قالو

عنكوليب فداسي التورو قلب الارقو

قول لي عشاقو رقابو البضوقو بشرقو

أبو خليل........
سلامات ..
تعرف أنا بعد الغياب دا ، جاى أسالك كالعادة
مابقيتو تلاتة؟
ألاقيك لسه عزابى، معقولة ياخى..
مودتى؛؛؛؛

صديقي عبد الرحمن عزاز

منتظر اشوف شيل التمساح فيك

بعدين عروسي قالت عايزة تقرا

خلي الفردة
تم عمل مسابقة لاختيار اشهر العزابة في العالم خايفك تكون من اوائل المختارين وامسك الخشب

الدوحة...

عروس لبنانية..بت خالة نانسي عجرم...مطروحة للنقاش

واوراقها عند خليل الان للدراسة!!!!!!

كريم لبنانية ايه يا عشا البايتات

وين زرق العيون لي العينوه سوود

لازم سودانية

وبتعرف تعوس كسرة

وبتعرف بدر الدين قلق بلعب في الطرف اليمين

محل اللاعب السابق فاروق جبرة وخالد احمد المصطفي

كريم

ومتولي العروس لو كانت خلطة

بتكون ما بطالة

يعني ابوها سوداني

وامها من اوربا الشرقية الغربية استراليا

وكدة يعني half cast

خلي
وجدتها وجدتها شكرا علي تذكيري بموضوع الهاف كاست عندي واحدة قريبتي امها دنماركية وابوها سوداني ودكتورة وتتحدث ستة لغات بمافيها العربي اديني فرصة اعمل اتصالتي واجيك بالزبدة

خلي
وجدتها وجدتها شكرا علي تذكيري بموضوع الهاف كاست عندي واحدة قريبتي امها دنماركية وابوها سوداني ودكتورة وتتحدث ستة لغات بمافيها العربي اديني فرصة اعمل اتصالتي واجيك بالزبدة


متولي صديقي

ياخوي ما لقيت الا الدنمارك ديل بتاعين الكاركاتير ما بنفعو معاي

وبتكون عرسة غير مباركة

واوعي تجيب زبدة دنماركية انا مقاطع

وانشاء الله الزبدة الدنماركية كان اكلها

تبقي لي بي امر قبض

متولي

ما تعكس القصة

انا غيرت رايي

واحدة يكون ابوها خواجة وامها سودانية

بس اوعك من دول الاستكبار

خلي الفردة
شايفك شطحت خالص ياابوالهندسة دي داير شغل جامد ياحبة ابوها خواجة يعني مصري ممكن مع العلم انو المصريين هنا في امريكا عند السؤال عن اللون في اي طلب لايذكرون انهم سود وانما بيض لذلك هم خواجات اذا اقتنعت بالفكرة فممكن نشوف ليك من اولاد بومبا ودي ساهلة يعني مقدور عليها

يا جماعة باركوها...

انا عندي عرض من جنوب افريقيا...

جاهز لخلي ..امها من الهند وابوها من الماساي...

ومضيفة في خطوط عالمية..ودايرة سوداني...

وممكن تذاكر ليك يا خليل كل تاريخ الكورة السوداني وتتكلم ليك عن (برعي)..و(جقدول)..

و(قرعم)...زي الترتيب!!!!!!!

وتوريك هلال مريخ في جوبا طلعت كم...بس ده كلو بالانجليزي...

سريع يا ابو الخل...عشان انا اسوي ترتيب!!!!!!!!!

الفردة متولي

المواصفات

كالاتي

الام سودانية الاب من شرق اوربا وممكن نقبل دول الاتحاد السوفيتي السابق اوكرانيا لتوانيا استونيا

لاتفيا روسياء البيضاء وهلم جر

جنوب افريقيا ياتها يا كريم بتاعة مانديلا ولا ديكلارك افصح ابن

بعدين ندرس الطلب

صديقي سال حبوبته

يا حاجة

عايزة عريس ولا رز بي لبن

اجابت الحبوبة

نان يا ولدي الرز عندي ليهو سنون

متولي

احكي ليك عن مهارات جدي الفردية

بعد وفاة حبوبتي

كان جدي يبلغ من العمر سبعون عاما

تزوج مرة اخري

وانجب عشرة بنات عماتي يعني

واخر عماتي انجبها وعمره تسعون عاما


شنو ليك

متولي

اديك حاجة تانية

جد صاحبي

تزوج عمره تسععون عاما

وانجب توام

انت ناس زمان ديل بياكلو شنو

بياكلو بيرغر كمنجة

خلي
الله يجازي محنك ناس زمان ديل ماكانوا بياكلوا وبس بشربو كمان سمن ولبن بقر وجمال وجاموس ولبن بالبلح وهلمجرا

يا متولي

فهمت خليل قاصدشنو

يعني هو كبير

لكن الود عالي الخصوبة

زي جدو

هوي يا كريم ما تديني عين

وقالو عين الصبي ام سرن غبي

وعين الفتاة قدت ا##########

متولي ياخوي

ناس سويسرا ديل بتزاوغو مالم

اديها انذار اخير

واسالها وقول ليها

خليل قال ليك عملتي لينا شنو في موضوع الحب

متولي
ناس البرنس والهام مشو وين

بعدين بت سويسرا دي زي الفاصل المداري

رايك شنو نعمل بوست نسميهو احب سويسرا

شايفها بقت موضة في المنبر

عس ولعل تجيب مريسة تام زين

وقالو لي في الخرتوم

البت اسوقها عريسها

وقالو لي في الخرتوم

الدبلة تمشي تقيسها

احي متين ازور الخرتوم

خلي الفردة
البوست بتاعك تمت مقاطعته من الجنس اللطيف نشوف حل لهذا الموضوع ونواصل والي ذلك الحين ننتظر عودتهم

خلى يا ابو خليل ..تحيات واشتهاء

جئت لكى اسجل حضور والقى السلام..

عندى ليك اقتراح ..تعمل عطاء او مناقصه للعروس وتضع شروطك..

وتكون لجنه للعرس واول حاجه تعملها ماتضع فيها عبد الكريم.. تكون لجنه محايده


انا عندى ليك عروس جاهزه وحريفة وست وبتدى سيك وراتب بالدولار وسياره اخر موديل


وتحت تحت سامع انو عنده كيس من (ميرغنى) ..او البيت السودانى

رايك شنو؟؟؟؟؟؟؟؟؟

جدا يا ضحية

لازم تكون بعد كدة

عندها مواصفات الايزو


واهم شي اكون عندها شقة او فيلا


عشان الايجار بقي غالي في الدوحة

يا ضحية

يا متولي

العرس شهر تمانية

والسوال ليه السودانيين بعرسو شهر تمانية

مع انو خريف ومطر شديد

هل صحيح

ان الذي ياكل في (الحلة) يوم عرسو بتجي مطرة

طبعا سنة 88 بعض العرائس بيتو في الكوافير

ايام المطرة الشهيرة ديك

خلي الفردة
شنو الحكاية حلة ومطرة وشهر تمانية العروس في عضما لقيته وين وانحنا اخر من يعلم رغم انو انا حضرت البدلة التكسيدو لكنك احبطتني

متولي وين ياخ

ما تخاف العرس في نفس المكان

الاتفقنا عليهو

في مدينة الجوف ساكنة الضري

Quote: في مدينة الجوف ساكنة الضري

دي وين كمان يا خليل...انت ومتولي اتفقتو ورانا ولا شنو؟؟؟؟؟

يعني البدلة الشديناها دي نرجعها لسيدها

كريم العروس لو شفتها

مش حتقدر تغمض عينيك

متولي عارف جدنا الكبير متزوج اربعتاشر واحدة

بعرس اربعة وبعد شوية بعمل ليهم مباريات تكريم واعرس غيرهم

شدة وغسيل مش كدة

انت يازول عاوزة تعرس (هيفاء وهبي ..ولاشنو)..

Quote: كريم العروس لو شفتها مش حتقدر تغمض عينيك

خلي
حانغير اسمك الي خليل روتانا بعد هذه التصريحات الخطيرة وعندها مش حاتقدر تغنن عينيك