اوعك تلعب بالمهندس وانت عارف لعبو كيف

في الاسبوع الاول نظمت جامعة الخرطوم جولة بالبص لزيارة معالم الخرطوم وكنا نحن بالكراسي وبعض الحسان وقوفا وقد طالبت احداهن بان يجلسن في اماكنا فاستجبنا بكل ادب وباالمناسبة البنات كانو من شهادة لندن من الحسان لا اريد ان اذكر اسماء ولكن كانو بنات نجوم المجتمع وقد نشات بيننا صداقات امتدت حتي اليوم عشرون عاما من عمر الزمان علاقات نظيفة عفيفة .

بعد رحلة البص حضرنا الجامعة وشربنا ليمون بيزنس اعظم عصير في العالم تخيل اليمون بريال تعزم عشرة حسان بي بجنيه وكانك صلاح ادريس.

في اول محاضرة كان دكتور ود المكي يدرسنا التفاضل والتكامل وبعد المحاضرة كانت هناك حاجة ماواضحة طلبت مني الاخت الهام شرحها لها ولكن كنت مسطح وكان يسكن معنا العبقري حمد حماد رابع السودان وقد طلبت منه ان يشرحها لي ليكي اشرحها للبنت ولكن قال لي ان هاشم كونسيدار سبقني وقام بشرحها للالهام والسبق اكل النبق ونواصل

فووق

أها ،
و الحصل شنو بعد جولة الخرطوم يا خليل ؟

يبدو إنو البوست ده حايكون مشوق جداً ، و أكثر إجلاءً لعوالم السودان ( الذي كان ) ، و ما سيكون - بإذن الله - ؟

واااااااااااااااااااااااصل يا خليل