صحي نحن ( شينين)

Post: #1
Title: صحي نحن ( شينين)
Author: khaleel
Date: 11-06-2006, 12:55 PM
Parent: #0

جلس صديقي في ساعة صفاء مع زوجته

يشاهدون الفضائية اللبنانية وكانت المغنية الحلوة باسكال مشعلاني

وهو تغني ( نور الشمس نور جبينك)

ببراة شديد انفعل صديقي وقال( بالله ليه نحن ما نتزوج نسوان زي ديل)

غضبت زوجته غضبا شديدا ( لكن قطعتو في حنانها)

وبعد دقائق كان يغني راغب علامة

فانتقمت لكرامتها المهدرة وقالت( بالله ليه نحن ما نتزوج رجال ديل)

هل فعلا نحن شينين واولاد عم ( الدودو)

Post: #2
Title: Re: صحي نحن ( شينين)
Author: عصام أحمد
Date: 11-06-2006, 01:09 PM
Parent: #1

الشين ودشن...

فلنفترض إنو نحنا شينين..أو حلوين ما أظن حيحصل تغيير كتير..

حنفضل نحنا... يانا نحنا..

لكن بالجد ياخليل..

ولا قرد ولا غزال..

نحنا أحلي مننا مافي..عسل والله ..

Post: #3
Title: Re: صحي نحن ( شينين)
Author: khaleel
Date: 11-06-2006, 01:16 PM
Parent: #2

عصام ود احمد

اطيب معناك والبلاء ما جاك

الجمال مطلوب دينيا ونفسيا

سيدنا يوسف كان جميلا

وحتي الحور العين في الجنة وصفن بالجمال

ايش معني نحن

Post: #4
Title: Re: صحي نحن ( شينين)
Author: cantona_1
Date: 11-06-2006, 01:18 PM
Parent: #2

أنا كدب ولا نعرفي حبل الله في رقبتي أنا راكب في جملي بطيخ بلدنا نلزلزه بكيعاني

بصراحة نحن طيبين ( يعني مغفلين بالمصري) خدومين أولاد ناس عشريين حبوبين على رأي الأمريكي الذي قال الشعب السوداني أكثر الشعوب حنية لانه الوحيد الذي يسلم بالحضن وصفات تانية كتيرة حلوة ... وصفات تانية حامياني.

لكن من ناحية السماحةوالقباحة دي إتقاصروا شوية .. عندنا حاجات حلوة تقول للقمرة شنو قومي وأنا أقعد مكانك ولكن وآه من لكن هذه.... عندنا حاجات تقطع الخميرة من العجين وتقلب البيعة...

شوفوا الصور البنشروها جماعة السياسة بياعين الكلام عشان يقبضوا شوية دولارات عن المجاعات وما شابهها .... أعتبروا النتيجة 4 من 10 يعني Just pass

طبعا ما ممكن ربنا يدينا كل شئ خلقة وأخلاق خلونا في الأخلاق .. الخلقة بتزول بعوامل الزمن والتعرية العمرية

(الراكب الجمل ما بغطي رأسه)

Post: #5
Title: Re: صحي نحن ( شينين)
Author: khaleel
Date: 11-06-2006, 01:35 PM
Parent: #4

Quote: ]
Quote: ]لكن من ناحية السماحةوالقباحة دي إتقاصروا شوية .. عندنا حاجات حلوة تقول للقمرة شنو قومي وأنا أقعد مكانك ولكن وآه من لكن هذه.... عندنا حاجات تقطع الخميرة من العجين وتقلب البيعة...

كانتونا يا حلو يا فرحة ايامي الغلو

صدقت وصدق عمك عبد الرحمن الريح

حين قال الجمال والحب في بلادي

ولكن حتما كان يقصد جمال الروح

Post: #6
Title: Re: صحي نحن ( شينين)
Author: عبدالكريم الامين احمد
Date: 11-06-2006, 01:56 PM
Parent: #5

كلام ياخليل..
و الطعم والتذوق للانسان مافيهو شين وسمح بمقياس ناس هيفاء وهبي وراغب علامة...
الجمال عموما امر نسبي وموغل في النسبية ومقياس تذوق الجمال يختلف حسب البيئة والثقافة
وقد تقول الوجدان...السوداننين سمحين وسمحينن شديد...بس اشنة ناس فيهم هم الجبهية
وكل جبهي شين جدا جدا

Post: #7
Title: Re: صحي نحن ( شينين)
Author: khaleel
Date: 11-06-2006, 02:10 PM
Parent: #6

Quote: وكل جبهي شين جدا جدا

كريم ياخي معقول بس

في مكان في الدنيا الخلطة بتطلع رهيبة

انظر لجمال الاسبان لانهم اختلطو بالعرب

شوف ناس سيشل وجزر المالديف

غايتو الافرو عربية دي ( ودتنا في داهية)

Post: #8
Title: Re: صحي نحن ( شينين)
Author: ريهان الريح الشاذلي
Date: 11-06-2006, 02:21 PM
Parent: #6

نحن شينين لاننا بنعاين لاشكالنا بعيون الاخرين .

لكن لو استصحبنا معانا جوة اسود عيوننا ثقافات سودانية بنلقي العندنا اسمح من البنشوفهم في التلفزيون علي الاقل سماحتهم ما للبيع..........

Post: #9
Title: Re: صحي نحن ( شينين)
Author: cantona_1
Date: 11-06-2006, 04:58 PM
Parent: #8

كلامك تمام يا ريهان يا بتي

ولو جدك ياهو الشاذلي الشيخ الريح قولي لي عوك

باقي الكلام بعد معرفة الإجابة على سؤالي

جمال ناس نانسي عجرم وهيفاء وخلافهن زي سماح النبق في الطبق وسماح الصورة في البندورة بناتنا اسمح كتير لكن ظالمهن اللون والشعر وطبعا الما في بيت أبوك بخلعك.. فالسودانيون ينجذبون لللون الأبيض والشعر الطويل لأسباب بدهية

لكن حلف ليكو برب المهدي الما تزوج سودانية بتقول أجي وسجمي ما اتزوج لو كانت زوجته بت منو داك وقديما قيل فاقد الشئ لا يعطيه ...

يا عيالي جربو جمال روح السودانيات وبعدين أحكموا... مش نانسي عجرم وهيفاء ديل شهادة عربية ولا أنا غلطان كمان..... شهادة عربية دي كود لحاجة معينة.. خليكم فاهمين عمكم كانتونا قاصد شنو

لالوبنا ولا تمر الناس

Post: #33
Title: Re: صحي نحن ( شينين)
Author: khaleel
Date: 11-07-2006, 12:58 PM
Parent: #9

Quote: جمال ناس نانسي عجرم وهيفاء وخلافهن زي سماح النبق في الطبق وسماح الصورة في البندورة بناتنا اسمح كتير لكن ظالمهن اللون والشعر وطبعا الما في بيت أبوك بخلعك.. فالسودانيون ينجذبون لللون الأبيض والشعر الطويل لأسباب بدهية

هوي يا كانتونا

اعمل شخيت واقيف بعيد دي شعرن ما عندك ليه رقبة

Post: #10
Title: Re: صحي نحن ( شينين)
Author: اسماء الأمين
Date: 11-06-2006, 05:14 PM
Parent: #8

انصر دينك يا ريهان
وعليك الله ياخليل كان السوته نانسي عجرم في نفسها
من عمليات تجميل اكان دخلوا اشنه سودانيه وعملوا ليها
ما بتبقى ملكة جمال .
لكن فعلا جمالنا ما للبيع .
مره واحده حبشيه شغاله هنافي السعوديه يعني بتخدم في البيوت علقت علي واحده من المزيعات في احد القنوات الفضائيه قالت شوفوها قاعده عديل زاويه قائمه لما قلنا ليها انت ماتقعدي زيها قالت دي قاعده بالدولار انا اقعد علي شنو .يعني المذيعه ماجوره فديل يا سيدي بايعين كل حاجه .

Post: #34
Title: Re: صحي نحن ( شينين)
Author: khaleel
Date: 11-07-2006, 01:05 PM
Parent: #10

Quote: مره واحده حبشيه شغاله هنافي السعوديه يعني بتخدم في البيوت علقت علي واحده من المزيعات في احد القنوات الفضائيه قالت شوفوها قاعده عديل زاويه قائمه لما قلنا ليها انت ماتقعدي زيها قالت دي قاعده بالدولار انا اقعد علي شنو .يعني المذيعه ماجوره فديل يا سيدي بايعين كل حاجه .

اسماء جبتي سيرة الحبش والارتريين

بالله شوفي بناتهم ( احرقن الفشفاش)

لكن يا اسماء بنات فداسي سحمات ومشهورات بالجمال في السودان

لكن ما كلهن

Post: #32
Title: Re: صحي نحن ( شينين)
Author: khaleel
Date: 11-07-2006, 12:45 PM
Parent: #8

Quote: .لكن لو استصحبنا معانا جوة اسود عيوننا ثقافات سودانية بنلقي العندنا اسمح من البنشوفهم في التلفزيون علي الاقل سماحتهم ما للبيع..........

ريهان انا لا اقصد مذيعات التلفزيون

انا اقصد السودانيين عموما بنات واولاد الغالبية وشها( زي جواب البكاء)

Post: #11
Title: Re: صحي نحن ( شينين)
Author: Rihab Khalifa
Date: 11-06-2006, 06:14 PM
Parent: #1

يا زول شين براااااااك

Post: #35
Title: Re: صحي نحن ( شينين)
Author: khaleel
Date: 11-07-2006, 01:17 PM
Parent: #11

Quote: يا زول شين براااااااك

رحاب خليفة

والله انا احلي من الفست برسلي

واي جكساية بكسرها

Post: #12
Title: Re: صحي نحن ( شينين)
Author: عبد المنعم سليمان
Date: 11-06-2006, 06:34 PM
Parent: #1

Quote: الطعم والتذوق للانسان مافيهو شين وسمح بمقياس ناس هيفاء وهبي وراغب علامة...
الجمال عموما امر نسبي وموغل في النسبية ومقياس تذوق الجمال يختلف حسب البيئة والثقافة
وقد تقول الوجدان...السوداننين سمحين وسمحينن شديد...بس اشنة ناس فيهم هم الجبهية
وكل جبهي شين جدا جدا

خليل شايف كلام كيكي اخوي دا .. ابصم على بالعشره ..

تحياتي

منعم

Post: #36
Title: Re: صحي نحن ( شينين)
Author: khaleel
Date: 11-07-2006, 01:23 PM
Parent: #12

Quote: خليل شايف كلام كيكي اخوي دا .. ابصم على بالعشره ..

عبد المنعم سليمان

احلي زول انت

لكن ناس الجبهة لو شينين برضو من السودان

Post: #13
Title: Re: صحي نحن ( شينين)
Author: الفاتح يوسف جبرا
Date: 11-06-2006, 09:25 PM
Parent: #1

نحنا ما (شينين) لكن نسبة (الشنا) فينا (مرتفعة) والدليل على كده تلاقى تلاقى (الناس) فى الحفلة (كلهم) بيعاينو لى بت (واحده) !!!!

Post: #14
Title: Re: صحي نحن ( شينين)
Author: عصام أحمد
Date: 11-06-2006, 09:33 PM
Parent: #13

أستميحكم في إدراج اغنية ..شين ودشن..

Post: #15
Title: Re: صحي نحن ( شينين)
Author: عصام أحمد
Date: 11-06-2006, 09:40 PM
Parent: #14

الحب في ذاتو مبرر كــافي..

Post: #16
Title: Re: صحي نحن ( شينين)
Author: smart_ana2001
Date: 11-06-2006, 10:49 PM
Parent: #15

Quote: نحنا ما (شينين) لكن نسبة (الشنا) فينا (مرتفعة) والدليل على كده تلاقى تلاقى (الناس) فى الحفلة (كلهم) بيعاينو لى بت (واحده) !!!!

بعيدا عن حلاوة الروح , و احنا ظراف و كل الكلام ده..............ايوه احنا (السودانيين )شينين

Post: #17
Title: Re: صحي نحن ( شينين)
Author: حيدر حسن ميرغني
Date: 11-07-2006, 03:19 AM
Parent: #16

تعرف يا خليل لمَا كنا طلبة في مصر الحريم المصريات كانن يطلبو مننا نبوس اطفالهم الرضَع ..

واخوانا يبوسو سسسسسسسسسسسسسساكت وما عارفين ان المقصود بالبوسة دي اصلاَ بحسب اعتقاد

الحريم ديل انها تساعد في ايقاف الريالة لدى الطفل ... يعني الرضيع ده من يشوف وشنا الشين

ده يقطع موية ونور بطريقة فجائية لاتعود بعدها الريالات

وتحت تحت كده بحسب قول العارفين حتى الاسهال ما بجيهو ولا بحتاج تطعيم لحدي سن التجنيد

الاجباري

وا شناتنا لما نقوم من النوم ....

Post: #24
Title: Re: صحي نحن ( شينين)
Author: Tabaldina
Date: 11-07-2006, 10:20 AM
Parent: #17

..
.
Quote: تعرف يا خليل لمَا كنا طلبة في مصر الحريم المصريات كانن يطلبو مننا نبوس اطفالهم الرضَع
.. الخ

فى داعى للفضايح دى يا حيدر ..!!
والله فضحتنا .. اها ورينا انت وقفت رياله كم طفل !!؟

القاهرة والزقازيق الاسكندرية والاسماعيلية يبلغوك السلام
وكل سنة وانت طيب

Post: #43
Title: Re: صحي نحن ( شينين)
Author: khaleel
Date: 11-07-2006, 02:00 PM
Parent: #24

Quote: ..
.
القاهرة والزقازيق الاسكندرية والاسماعيلية يبلغوك السلام
وكل سنة وانت طيب

تبلدينا

ياخي ما تعملو ليهم راس وقعر

عليك شناة الصعايدة ديل شفتها

شناة وبلادة

نحن غايتو عندنا شوية شطارة

Post: #41
Title: Re: صحي نحن ( شينين)
Author: khaleel
Date: 11-07-2006, 01:50 PM
Parent: #17

Quote: تعرف يا خليل لمَا كنا طلبة في مصر الحريم المصريات كانن يطلبو مننا نبوس اطفالهم الرضَع ..

واخوانا يبوسو سسسسسسسسسسسسسساكت وما عارفين ان المقصود بالبوسة دي اصلاَ بحسب اعتقاد

الحريم ديل انها تساعد في ايقاف الريالة لدى الطفل ... يعني الرضيع ده من يشوف وشنا الشين

ده يقطع موية ونور بطريقة فجائية لاتعود بعدها الريالات

حيدر ميرغني

في بعض الدول العربية اذا بكي الطفل

بقول ليهو( تسكت وللا نشغل ليك القناة السودانية)

اكون فيها ود ام بعلو يا ربي

Post: #38
Title: Re: صحي نحن ( شينين)
Author: khaleel
Date: 11-07-2006, 01:36 PM
Parent: #16

Quote: بعيدا عن حلاوة الروح , و احنا ظراف و كل الكلام ده..............ايوه احنا (السودانيين )شينين

سمارت

روحنا دي حلوة انا ذاتي شاكي فيها

ياخي نحن بنضحك في بيت البكاء

واجمل ثياب النساء والدهب في بيت البكاء

غايتو فقر وعنطظة

Post: #40
Title: Re: صحي نحن ( شينين)
Author: khaleel
Date: 11-07-2006, 01:44 PM
Parent: #14

Quote:
أستميحكم في إدراج اغنية ..شين ودشن..

اها عصام احمد

جاب ليكم الدليل اغنية بتاعة شنة

ما اظن في واحد عندو كلام بعد كدة

Post: #37
Title: Re: صحي نحن ( شينين)
Author: khaleel
Date: 11-07-2006, 01:30 PM
Parent: #13

Quote: نحنا ما (شينين) لكن نسبة (الشنا) فينا (مرتفعة) والدليل على كده تلاقى تلاقى (الناس) فى الحفلة (كلهم) بيعاينو لى بت (واحده)

الفاتح يوسف جبرا

سلامات

هسع الناس اتطورت في الحفلات

زمانك بنات واولاد كانو( بقهو) في عبد العزيز المبارك

قبل ان تعتريه عوامل التصحر

Post: #18
Title: Re: صحي نحن ( شينين)
Author: salma subhi
Date: 11-07-2006, 04:34 AM
Parent: #1

حاشا لله.........انت شفت السودانيات كلهم.

Post: #39
Title: Re: صحي نحن ( شينين)
Author: khaleel
Date: 11-07-2006, 01:39 PM
Parent: #18

Quote: حاشا لله.........انت شفت السودانيات كلهم

سلمي بت الاستاذ

لك من جنوني

ما يكون ولا يكون

لكن بنات الاحفاد سمحات( لكن الكلام دها بيني وبينك)

Post: #55
Title: Re: صحي نحن ( شينين)
Author: salma subhi
Date: 11-08-2006, 01:52 AM
Parent: #39

استاذ خليل
متعك الله بالصحة والعافية

سرك في بير....حيكون العرفوه بس القروا البوست ده.

Post: #19
Title: Re: صحي نحن ( شينين)
Author: أبو الحسين
Date: 11-07-2006, 04:44 AM
Parent: #1

Quote: هل فعلا نحن شينين واولاد عم ( الدودو)

لوووووووووووووووووول!!!

الله يجازي محنك يا خليل يا اخوي...

حقيقة يعني ما تواخذني يعني... قالو وقالو... نحن ماب نلحق الجماعة إياهم في السماحة والجمال... لكن عندنا ميزات تاني تخلي نسواننا فوق لكل نساوين العالم!!! وبما أنني يادووووووووب مُقبل على الزواج فيمكن ناساً تاني يعرفوها أنا ماب أعرفها!!!

قواسيب مودتي...

أبو الحســــــــــــين...

Post: #20
Title: Re: صحي نحن ( شينين)
Author: عمار يس النور
Date: 11-07-2006, 05:02 AM
Parent: #19

Quote: هل فعلا نحن شينين واولاد عم ( الدودو)

الحبيب ابو خليل

غايتوا انا اجزم ليك إنو صديقي عبد الكريم كيكي جميل جدا جدا لانك لا تملك إلا أن تبتسم و تضحك بمجرد رؤيته قادما إليك و عندما تتحدث إليه فإنك تغرق في بحر من السعادة و النشوة

أهه رايكم شنو الجميل منو عبد الكريم كيكي أم راغب علامة بتاع زوج صديق ابو الخل؟

تحياتي لكل الأخوة الجميلين في هذا البورد الذي يقطر عسلا

همسة لي كيكي:
بس عثمان الطيب (عثمان قراف) عندو رأي تاني !!!!

عمار يس النور
عاشق بخت الرضا الجميلة

Post: #44
Title: Re: صحي نحن ( شينين)
Author: khaleel
Date: 11-07-2006, 02:08 PM
Parent: #20

Quote:
أهه رايكم شنو الجميل منو عبد الكريم كيكي أم راغب علامة بتاع زوج صديق ابو الخل؟

عمار يس

جميل كيكي طبعا

راغب علامة شنو عامل وشو الزي محل الشكلة دها

Post: #42
Title: Re: صحي نحن ( شينين)
Author: khaleel
Date: 11-07-2006, 01:55 PM
Parent: #19

Quote: حقيقة يعني ما تواخذني يعني... قالو وقالو... نحن ماب نلحق الجماعة إياهم في السماحة والجمال... لكن عندنا ميزات تاني تخلي نسواننا فوق لكل نساوين العالم!!! وبما أنني يادووووووووب مُقبل على الزواج فيمكن ناساً تاني يعرفوها أنا ماب أعرفها!!!

قواسيب مودتي...

أبو الحســــــــــــين...

ابو الحسين

اتوكل وعرس نعمل شنو

من كتبت عليه خطي مشاها

Post: #21
Title: Re: صحي نحن ( شينين)
Author: عزاز شامي
Date: 11-07-2006, 09:09 AM
Parent: #1

Quote: صحي نحن ( شينين)

شناة مرة!

العجب شناة الطبع!

** في زول معانا هنا في يالبورد مرة بيكاوي في مرته ...
راكبين عربيتهم (اكيد كورلا ولو بالغت كريسيدا) وقفت جنبهم عربية مرسيدس جديدة فيها بنت حلوة قام قاليها، عاين عليك الله الجكس الجد جد
قامت مصمصت شفايفها بالجنبة وقالت ليهو: الله اداهو على قد قروشو!!

Post: #22
Title: Re: صحي نحن ( شينين)
Author: أيمن جبارة الله الخضر
Date: 11-07-2006, 09:36 AM
Parent: #21

شينيييييييييييييييييييييييييين!

Post: #49
Title: Re: صحي نحن ( شينين)
Author: khaleel
Date: 11-07-2006, 02:43 PM
Parent: #22

Quote: شينيييييييييييييييييييييييييين!

ايمن جبارة

لكن ما لي الدرجة دي

عندنا شوية طفرات

Post: #45
Title: Re: صحي نحن ( شينين)
Author: khaleel
Date: 11-07-2006, 02:14 PM
Parent: #21

Quote: قامت مصمصت شفايفها بالجنبة وقالت ليهو: الله اداهو على قد قروشو

عزاز شامي

في فتوي دينية

بتقول ليك اذا كنت فقير فلا تبالغ في مواصفات زوجتك

واي زول مفلس عليه ان ( يقرش ) البصلة

Post: #23
Title: Re: صحي نحن ( شينين)
Author: Tabaldina
Date: 11-07-2006, 10:18 AM
Parent: #1

..
.
شددددددددددددديد ..

looool@عزاز شامى

الغريبة فى واحدة ليهو كم سنه
شابكنى ياخى اللبنانيات والسوريات دا ميك اب سااى
وبتاعين ديكور وتلميع ودا التلفزيون والمسرح والاضاءة ..الخ
والله جيت مارى بهناك قربت اقع على ضهرى الا سندونى ساااى ..
تشوف النسوان تقول نسوانا شنين
تتامل فى الرجال تقول - فى سرك - والله اشنى من السودانى الله ما خلق ..

كل سنه وانت طيب يا خلو ..
التهنئة للجميع العابرين من هنا ..

Post: #25
Title: Re: صحي نحن ( شينين)
Author: nazar hussien
Date: 11-07-2006, 10:43 AM
Parent: #23

يا ابو الخل

بنتي الصغيرة ولسة الكلام يا دوب...ما عرفت من الدنيا دي نبذ غير

عان دي ثناتا تبّه التتو؟ عان دي شناتا تشبه الككو

تفتكر جابت الكلام دا من وين...وهي مولودة هنا...ومشت السودان شهر واحد وهي عمرها سنة
يعني الشنا عندنا ...ما فيها نقاش تب...

Post: #26
Title: Re: صحي نحن ( شينين)
Author: عبدالكريم الامين احمد
Date: 11-07-2006, 11:06 AM
Parent: #25

Quote: همسة لي كيكي:
بس عثمان الطيب (عثمان قراف) عندو رأي تاني !!!!

وين عمار ياسمح..ولو ال sample بتاع الشنة والسماحة بقي حبيبي عثمان قراف فاشهد ياخلي
اننا شينين شنة مرة...لكن تحت تحت كده عثمان اسمح زول من جوه وبره...

خليل انت ذاتك طبعك شين ياخ...بصراحة كده...

Post: #27
Title: Re: صحي نحن ( شينين)
Author: doma
Date: 11-07-2006, 11:19 AM
Parent: #26

والله بناتنا سماحات صيد بس لا سالين في عجرم لا كجرم

Post: #28
Title: Re: صحي نحن ( شينين)
Author: nazar hussien
Date: 11-07-2006, 11:36 AM
Parent: #27

Quote: والله بناتنا سماحات صيد بس لا سالين في عجرم لا كجرم

يا دومة انت ما معانا في موضوع الشنا....وبذلك يكون بناتكم كان فيهن شي منك برضو ما معانا...
مش بالله دا اعلان صريح هنا في عين الجعيص...

Post: #29
Title: Re: صحي نحن ( شينين)
Author: Salah Musa
Date: 11-07-2006, 11:37 AM
Parent: #27

حتي فنانينا أسماهم كتر بضم الكاف والتاء بدر الدين شنا والسميح وما أدري أيش

Post: #30
Title: Re: صحي نحن ( شينين)
Author: حيدر حسن ميرغني
Date: 11-07-2006, 11:45 AM
Parent: #29

Quote: و كم كنت محظوظا ً بحق حينما تابعت و أفراد أسرتي الصغيرة حلقات من المسلسل

السوداني الشهير ( الدهباية ) و حيث فتنا جميعا ً رجالا ً و نساءا ً بحُسن و دلال بطلته

النجمة السودانية الحسناء و المتألقة دائماً هالة آغا، مما جعل زوجتي الوقور تعترف بغيرتها

من جمال هذه البنت السودانية الواضح للعيان ، و هي شهادة تستحقها بحق كثير من نساء

السودان اليوم ، و خصوصا ً إذا كانت صادرة من إمرأة مشاهِدة و محترمة ذات دراية بخفايا

عالم الجمال و التجميل ، و ليست من رجال ٍ دفعهم فضولهم و شبقهم و حبهم للمال لا لأهل

الجمال بإبداء آرائهم التي كم نتمنى لو أن كثيرين منهم احتفظوا مثل غيرهم بآرائهم التي لا

تستند إلى حقائق أو حتى إطلاع يمكن أن يُبنى عليه موضوع يستحق التعليق أو المشاهدة لوضع

النقاط فوق الحروف هنا أو هناك .

من مقال للكاتب الكويتي بدر العتيبي

المقال بكامله تجدونه في الرابط ادناهhttp://www.msder.com/html/modules.php?name=News&file=article&sid=576

Post: #47
Title: Re: صحي نحن ( شينين)
Author: khaleel
Date: 11-07-2006, 02:34 PM
Parent: #30

Quote: النجمة السودانية الحسناء و المتألقة دائماً هالة آغا، مما جعل زوجتي الوقور تعترف بغيرتها

حيدر يا اخوي

هالة اغا اصولها تركية عشان كدة فيها رقشة

بعدين ناس الكويت عندهم ليمياء طارق

عينها ساكت قدر الكيبورد دها

الكويتي دها حبها اجاملنا ساكت

Post: #63
Title: Re: صحي نحن ( شينين)
Author: khaleel
Date: 11-08-2006, 12:23 PM
Parent: #29

[QUO
TE]حتي فنانينا أسماهم كتر بضم الكاف والتاء بدر الدين شنا والسميح وما أدري أيش

صلاح موسي

وزي ما قلت برضو الاسماء شينة

تور دمس وقرد الطلح ولي الضرس عرديب والكعوك وتمبك وامتكشو

اتقول ما سمعو

بجيب الواوا وخلي الواو عند هيفاء وهبي

Post: #31
Title: Re: صحي نحن ( شينين)
Author: Adam D.El-Asha
Date: 11-07-2006, 11:48 AM
Parent: #27

والله اسألني انا يا تبلدينا احلي من السودانية ما تلقي وبكرة بجييك بالصور

آدم جاجا

Post: #50
Title: Re: صحي نحن ( شينين)
Author: khaleel
Date: 11-07-2006, 02:47 PM
Parent: #31

Quote: والله اسألني انا يا تبلدينا احلي من السودانية ما تلقي وبكرة بجييك بالصور

آدم جاجا

ادم جاجا

والله نحن بي(nagative)

نفوز عليك

Post: #48
Title: Re: صحي نحن ( شينين)
Author: khaleel
Date: 11-07-2006, 02:39 PM
Parent: #27

Quote: والله بناتنا سماحات صيد بس لا سالين في عجرم لا كجرم

doma

كضب اليابا الجنيات

Post: #58
Title: Re: صحي نحن ( شينين)
Author: doma
Date: 11-08-2006, 10:09 AM
Parent: #48

Quote: كضب اليابا الجنيات

معلمه الله سماحتن ترمي في الشوك انا غايتو شايفه بنات السودان سمحات تب
كان كنت بعرف انزل الصور كان نزلت ليك عينه من بناتنا .

Post: #46
Title: Re: صحي نحن ( شينين)
Author: khaleel
Date: 11-07-2006, 02:20 PM
Parent: #25

Quote: تفتكر جابت الكلام دا من وين...وهي مولودة هنا...ومشت السودان شهر واحد وهي عمرها سنة
يعني الشنا عندنا ...ما فيها نقاش تب...

نزار حسين

انها الفطرة بتك اكيد حاتكون شيخة كبيرة بعدين

زمانك كانو بحجونا بالحلوف وككو حليمة

عشان كدة اتقطعنا عليهم

Post: #51
Title: Re: صحي نحن ( شينين)
Author: khaleel
Date: 11-07-2006, 02:54 PM
Parent: #46

نجي للمشكلة الكبيرة

اذا كنت (ولد) وبك شوية حسن او وجاهة ما عايز اقول جمال

ستواجه بعواقب وخيمة مثل ايران وبرنامجها النووي

اولا ناس كتار حايعملو فيها رجال علي حسابك

ثانيا قد تتعرض لمضايقات او تحرش جنسي من المراهقين وبتاع الفرن والعجلاتي وبتاع الدكان

ثالثا اجيبوا ليك لاعبين الكرة المشهورين عشان اتعرفو بيك

رابعا البنات اكرهنك

واذا ما كان قلبك حار وتعرضت لمراقبة لصيقة

ممكن تمشي اللقيط او تلحق سجناء ابو غريب

Post: #52
Title: Re: صحي نحن ( شينين)
Author: عمر التنى
Date: 11-07-2006, 03:11 PM
Parent: #46

اخي خليل

بتفق معاك انحنا شينين شنه مرة والاسباب كثيرة لكن حلوين بكلماتك التى اشعلت الغيرة في البورد رجال ونساء واطلقت احاسيس مكبوتة

فى ايام حرب الخليج كنت فى مركز الشعلة بالخبر قبل انهدامه وكان ماشي معاي اخ عزيز بلغ الخمسين ولسع شاعر انه مسيك قطعت قدامنا واحدة امريكية كوماندوز فت فت ماشة عاين لى كده وقال بالله ديل نسوان ونسوانا نسوان الواحد معرس ود عمه وصابر ساكت
صحبى مسيك وشين برضو ذي ود عمه
تحياتي

Post: #53
Title: Re: صحي نحن ( شينين)
Author: khaleel
Date: 11-07-2006, 03:28 PM
Parent: #52

Quote: فى ايام حرب الخليج كنت فى مركز الشعلة بالخبر قبل انهدامه وكان ماشي معاي اخ عزيز بلغ الخمسين ولسع شاعر انه مسيك قطعت قدامنا واحدة امريكية كوماندوز فت فت ماشة عاين لى كده وقال بالله ديل نسوان ونسوانا نسوان الواحد معرس ود عمه وصابر ساكت
صحبى مسيك وشين برضو ذي ود عمه
تحياتي

استاذي عمر التني

عارف اسواء شي

حكاية غطي قدحك

وفعلا ممكن تكون بت عمك تشبه ابو القدح

لا تعرف تطلقها لا تعرف تقعد معاها

وتشوشو بي نسوان التلفزيون السمحات ديل

وتمسك الكاروشة

Post: #54
Title: Re: صحي نحن ( شينين)
Author: بكري الصايغ
Date: 11-07-2006, 05:49 PM
Parent: #1

الاخ الـحبـيب الـحبـوب،
تـحـية ( حلوة ) لشـخصك الـحلو...

غـايتـو نـحـنا الـحلفاوييـن حلوييـن و.." خـاطف لـونيـن " ومن نسـل سـيدنا مـوسـي، الـذي هـو من " انـدينا "، وناس دهـب !!!وكلمـة " نوبة"
تعـني تبـر الـدهـب، وفـوق كـدة البـلابل غـنوا:" حلوين حـلاوة"، وشـكلنا
تلقاة مـرسـوم فـي الـمعـابد القـديـمة:
" نـحــنا كــدة، إنتـــو كـيـف????.

Post: #56
Title: Re: صحي نحن ( شينين)
Author: Hatim Al Jed
Date: 11-08-2006, 09:45 AM
Parent: #54

ياكيكى

Quote: الجمال عموما امر نسبي وموغل في النسبية ومقياس تذوق الجمال يختلف حسب البيئة والثقافة

عارفك بتجيب زى الكلام دة ماخزلتنى تب !!!!

تحت تحت كدة خليل فتح البوست دة عشان تاخد ليك اجازة من المنبر يومين
تلاتة ولا خليك فى خرمجتك البتسوى فيها من امس دى

احمد التجانى (ابوصلعة)
ودى عشان الفيك بدر بيه

Post: #57
Title: Re: صحي نحن ( شينين)
Author: عبدالكريم الامين احمد
Date: 11-08-2006, 10:02 AM
Parent: #56

Quote: عارفك بتجيب زى الكلام دة ماخزلتنى تب !!!!

تحت تحت كدة خليل فتح البوست دة عشان تاخد ليك اجازة من المنبر يومين
تلاتة ولا خليك فى خرمجتك البتسوى فيها من امس دى

مرحب يا تجو...والكويس انك جيت مهرجان الشنة الاسفيري
وبعدين مكنة كيكي شين دي بقت اسطوانة قديمة تجاوزناها في زمن تطور الطب الذي في استطاعته
تصغير الشلوفة وشد الوجه...
لكن الكلام في شنات ودالجلابة الكلو كلو ما بتبلع دي...وبالذات لو عندو نظارة وصلعة..
وبعدين ياخي اجازة وين وتراجي مافي...!!!
تسلم يا ابوصلعة يا وريف..

Post: #62
Title: Re: صحي نحن ( شينين)
Author: khaleel
Date: 11-08-2006, 12:10 PM
Parent: #54

Quote: نـحــنا كــدة، إنتـــو كـيـف

بكري الصايغ

الحلفاويين ملفهمين وعاملين فيها شعب الله المختار

وما عندهم حلاتن كدي لامن انضموبها

Post: #59
Title: Re: صحي نحن ( شينين)
Author: domdom
Date: 11-08-2006, 11:12 AM
Parent: #1

و الله صاح صاح و الف صاح
و الله انا ذاتي قال روحي ما شين
و كنتا عامل فيها زمان خلاط و حنكوشة
عرفتا روحي عمك تنقو مجكس تنقويا
سماحة شنو و انا لمن اعاين في المراية لي وشي لمن بطني تطم
و الله الواحد لو ما خايف ساكت من الجندر ده يقول ليكم هم زاتهم شينين
و الله انا مشيت جنوب افريقيا يعني ما مسالة لون
شفتا السود بتاعين جنوب افريقيا سمحيين كيف
المشية المظبطة الهندام السمح الملابس المتناسقة
الذهب الشوية غويشة غويشتين و حلق و حاجات بسيطة
مش زي الجماعة العندنا يكملو قروشك كلها دهب و معاها بوز طويل و زعل
و كمان يخوفوك
شوفو المحن النحنا فيها
انا خايف في الجنة( ان شاء الله صبرنا علي الشنا ده براهو بدخلنا الجنة )
تنطبق علينا نكتة الشافع السعودي سال ابوه قال ليهو
انتا يا بوي في الجنة يجوكم الحور العين
ناس ماما يرحو وين في الجنة
ابوهو قال ليهو يرحو للسودانيين الفي الجنة
يعني في الجنة درجة تانية

Post: #60
Title: Re: صحي نحن ( شينين)
Author: doma
Date: 11-08-2006, 11:54 AM
Parent: #59

يا ولاد هوي خلقه الله كلها سمحه ما في اي زول شين والكلام الطبع والاخلاق وما في زول يغالطني نحن اهل السودان كلنا سمحين وسماحتنا كوتر

Post: #61
Title: Re: صحي نحن ( شينين)
Author: khaleel
Date: 11-08-2006, 11:56 AM
Parent: #59

Quote: و الله انا مشيت جنوب افريقيا يعني ما مسالة لون
شفتا السود بتاعين جنوب افريقيا سمحيين كيف
المشية المظبطة الهندام السمح الملابس المتناسقة
الذهب الشوية غويشة غويشتين و حلق و حاجات بسيطة
مش زي الجماعة العندنا يكملو قروشك كلها دهب و معاها بوز طويل و زعل
و كمان يخوفوك

انصر دينك ياخ دها الموضوع الكنت حاناقشه

انت نسوانا ديل جابن الكرعين الرقاق ديل من وين

شفنا النسوان التانيات المراة كراعها زي لوح التلج

او طفاية قاعة الصداقة

نسوانا الواحدة كراعها تبضح الجدادة

بعد الكريمات الوش ميرندا والكرعين كولا

بعشوم بس

Post: #64
Title: Re: صحي نحن ( شينين)
Author: doma
Date: 11-08-2006, 12:33 PM
Parent: #61

اسمع يا دوم دوم وانت شناتك دي البتقبل بيها منو غير السودانيه ؟؟؟

Post: #68
Title: Re: صحي نحن ( شينين)
Author: khaleel
Date: 11-08-2006, 01:20 PM
Parent: #64

Quote: اسمع يا دوم دوم وانت شناتك دي البتقبل بيها منو غير السودانيه ؟؟؟

اسمع ممكن اعرس ليك سورية

احلي من سلاف فواخرجي

( اموت ركن في سلاف فواخرجي )

والله العين قدر كباية الشب

Post: #65
Title: Re: صحي نحن ( شينين)
Author: عبدالكريم الامين احمد
Date: 11-08-2006, 12:38 PM
Parent: #61

Quote: انت نسوانا ديل جابن الكرعين الرقاق ديل من وين

شفنا النسوان التانيات المراة كراعها زي لوح التلج

او طفاية قاعة الصداقة

نسوانا الواحدة كراعها تبضح الجدادة

بعد الكريمات الوش ميرندا والكرعين كولا

بعشوم بس

قول يا خلي كلامك صاح...اها انت البكسرك في الشنة دي شنو...زيدان وهاشم ميرغني ما خليت ليهم
شريط...وعامل الود حبييب البوديك تحب الشنة..(سنو) ما شنو !!!

ولا شنة لاقا شنة..!!!

Post: #66
Title: Re: صحي نحن ( شينين)
Author: khaleel
Date: 11-08-2006, 12:59 PM
Parent: #65

نرجع للمراة

البت تكون سمحة لي قدمها والبنات خدمها

تتزوج والسنة الاولي لسع في حلاتها

بس تقوم تنجب احصل خراب مالطا

اشكبوها ليك مديدة حلبة

ومديدة تمر

تبقي سمينة وعندها كرش

تاني بتعريفة ما تشتريها

ما شفت ناس شمس البارودي

والله اشهن في الولادة زي ما قالت حبوبتي

Post: #67
Title: Re: صحي نحن ( شينين)
Author: عمار يس النور
Date: 11-08-2006, 01:19 PM
Parent: #66

كتب عبد الكريم

Quote: وبعدين ياخي اجازة وين وتراجي مافي...!!!

و الله إنت أجمل زول في هذا المنبر

مالي أكتم حبا قد برأ جسدي *** و تدعي حب سيف الدولة الأمم

تحياتي

عاشق بخت الرضا

Post: #69
Title: Re: صحي نحن ( شينين)
Author: khaleel
Date: 11-08-2006, 01:29 PM
Parent: #67

عمار يس

يا اخوي

انت نسوانا ديل شعرن قصار مالو

كل كريمات الدنيا ما طولنو

Post: #70
Title: Re: صحي نحن ( شينين)
Author: محمد الأمين موسى
Date: 11-08-2006, 01:49 PM
Parent: #67

يا جماعة الخير الجمال في السودان ليهو نقاط قوة ونقاط ضعف: نقاط القوة تكمن في الوجه، خاصة في الابتسامة المعززة بالأسنان التي يوليها السودانيون اهتماما بالغا لا نجده فيالكثير من الدول العربية والغربية كفرنسا ومثيلاتها. كما أن لون العيون المنتشر في منطقة القرن الإفريقي (اثيوبيا - ارتريا - الصومال - السودان - جيبوتي) له جماليته الخاصة.
نقطة ضعف الجمال السوداني هي القوام.. وأظن أن المرأة السودانية اكتشفت نقطة الضعف هاته مبكرا فاحتمت بالتوب! الذي يغطي على عيوب القوام ويجبرك على التركيز الوجه عشان يجيب كثافتك!
من أكبر أعداء الجمال في السودان: محاولات التسمين التي تقوم بها النساء والتلاجات التي يحملها الرجال أينما حلوا وارتحلوا وضعف الأناقة والغبار والشمس والعرق الذي يجعل من الصورة التلفزيونية كارثة: فالمزيعون عراقنين والممثلين كذلك والضيوف.. والإضاءة تمثل الطامة الكبرى (قارن بين جماليات الصورة في قناة النيل الأزرق والقناة الفضائية السودانية).

Post: #71
Title: Re: صحي نحن ( شينين)
Author: khaleel
Date: 11-08-2006, 01:55 PM
Parent: #70

Quote: يا جماعة الخير الجمال في السودان ليهو نقاط قوة ونقاط ضعف: نقاط القوة تكمن في الوجه، خاصة في الابتسامة المعززة بالأسنان التي يوليها السودانيون اهتماما بالغا لا نجده فيالكثير من الدول العربية والغربية كفرنسا ومثيلاتها. كما أن لون العيون المنتشر في منطقة القرن الإفريقي (اثيوبيا - ارتريا - الصومال - السودان - جيبوتي) له جماليته الخاصة

محمد الامين

اشني حاجة في السودانيين الوجه

بعدين في ناس عندهم قدوم

بعدين في ناس رووسهم كبيرة

بعدين الكرشة بعدين الطول والصعفة

والله يقطعو الخميرة

Post: #72
Title: Re: صحي نحن ( شينين)
Author: حبيب نورة
Date: 11-08-2006, 05:55 PM
Parent: #71

شناة مررررررررة

Post: #82
Title: Re: صحي نحن ( شينين)
Author: khaleel
Date: 11-09-2006, 07:08 AM
Parent: #72

Quote: شناة مررررررررة

حبيب نورة

صدقت والله

Post: #103
Title: Re: صحي نحن ( شينين)
Author: doma
Date: 11-09-2006, 09:37 AM
Parent: #82

خليل الله يقطعك ويرضرضك حته حته لو ما نزلت لي صورتك عشان نشوف طوله لسانك دي وراها ككو ولا الن ديلون

Post: #73
Title: Re: صحي نحن ( شينين)
Author: بكري الصايغ
Date: 11-08-2006, 06:37 PM
Parent: #1

.... الـفنانة عـشــة الفلاتيـة غـنت " يـجـوا عائـديـن ان شاءاللة عـائدين"...... قـام ولاواحـــد رجـــع!!!.

Post: #83
Title: Re: صحي نحن ( شينين)
Author: khaleel
Date: 11-09-2006, 07:15 AM
Parent: #73

Quote: .... الـفنانة عـشــة الفلاتيـة غـنت " يـجـوا عائـديـن ان شاءاللة عـائدين"...... قـام ولاواحـــد رجـــع

شوف بالله جمال صوت عشة الفلاتية

عندما تغني كانها الملائكة

Post: #74
Title: Re: صحي نحن ( شينين)
Author: معتصم الطاهر
Date: 11-08-2006, 06:50 PM
Parent: #1

انظر يمينك

ثم أعلى الكتابة

ثم فى المرآة ..

ثم الى رد الأحت عزاز ...

Post: #75
Title: Re: صحي نحن ( شينين)
Author: Mutwali Malik
Date: 11-08-2006, 09:17 PM
Parent: #74

Quote: انت نسوانا ديل شعرن قصار مالو

كل كريمات الدنيا ما طولنو

خلي الفردة سلام
عن ياتو نسوان تتحدث احتمال نسوانكم براكم قبلكم وحدكم
ود ارو الشباب الحلو
ولو داير الجمال في القلعة امدرمان
الاحفاد - الاهلية - مامون حميدة - التقانة ونحن برانا وما همانا
ياخلي يا اخوي الظاهر عليك مارجعت قريب للسودان جمال ماعادي زي ما بغني صديقي اسامة الشيخ

Post: #84
Title: Re: صحي نحن ( شينين)
Author: khaleel
Date: 11-09-2006, 07:20 AM
Parent: #75

Quote: خلي الفردة سلام
عن ياتو نسوان تتحدث احتمال نسوانكم براكم قبلكم وحدكم
ود ارو الشباب الحلو
ولو داير الجمال في القلعة امدرمان
الاحفاد - الاهلية - مامون حميدة - التقانة ونحن برانا وما همانا
ياخلي يا اخوي الظاهر عليك مارجعت قريب للسودان جمال ماعادي زي ما بغني صديقي اسامة الشيخ

متولي مالك

بديك قلبي وما تودرو

وريهو الطريف البسهروا

وريهو الشباب الحلو الفي ود ارو

الجمال يا ناس سوي لي خلعة

في الركابية وحي القلعة

امدرمان دي خالة خاصة يا متولي

Post: #81
Title: Re: صحي نحن ( شينين)
Author: khaleel
Date: 11-09-2006, 07:02 AM
Parent: #74

Quote: انظر يمينك

ثم أعلى الكتابة

ثم فى المرآة ..

ثم الى رد الأحت عزاز ...

لا لا

معتصم والله وجيه لامن انقصو منك

ما عندك عوجة

Post: #107
Title: Re: صحي نحن ( شينين)
Author: عزاز شامي
Date: 11-09-2006, 11:01 AM
Parent: #74

Quote: انظر يمينك

ثم أعلى الكتابة

ثم فى المرآة ..

ثم الى رد الأحت عزاز ...

بتأكيدي على رأي السابق بأننا شينين شناة مرة خلاس،
أود أن أذكر بأن للقاعدة دائما شواذ
ناس جميلة
و بجدارة
شذوا عن (قاعدتي) خلقة وأخلاق ...

** تصريحي بشناتنا المرة لا يشمل من أحبهم وعائلاتهم ومن سكن جنبهم أو شرب شاي المغربية في بيوتهم، وأحب اهدي أهلي في الشمالية أغنية (يمه القمر على الباب)

Post: #76
Title: Re: صحي نحن ( شينين)
Author: بدرالدين شنا
Date: 11-09-2006, 00:37 AM
Parent: #1

Quote: صحي نحن ( شينين)
أنا غايتو برجاكم في النهائ (الفاينال)

Post: #77
Title: Re: صحي نحن ( شينين)
Author: hajhamad
Date: 11-09-2006, 02:19 AM
Parent: #76

يا خليل يا أخوي نحن ما شينين شينين ديل

Post: #78
Title: Re: صحي نحن ( شينين)
Author: nazar hussien
Date: 11-09-2006, 04:06 AM
Parent: #77

Quote:

نزار حسين

انها الفطرة بتك اكيد حاتكون شيخة كبيرة بعدين

يا خلي....نحن عندنا زول ضبحوا وسموه الشين...

اولادو لامن كبرو دخلوا الثانويات غيروها لي الشاين...

استاذ الانجليزي وكان ساخر جدا وهو بعرف ابوهم ...قال ليهم

يعني عاملين فيها جننتو الانجليزي...هسي ابوكم دا شاين...والله دا بي ليفة حديد ما يبقي شاين

اخير ليكم تمسكو في العربي وتقلبوه شين...الانجليزي دا اختوه وهسع كان اديتكم اسبيلنق في ابوكم
ما بتنجحوا وهم كانوا في اولي وتانية ثانوي عام. ومن داك الوقت قلبوه شين

Post: #86
Title: Re: صحي نحن ( شينين)
Author: khaleel
Date: 11-09-2006, 07:30 AM
Parent: #77

Quote: يا خليل يا أخوي نحن ما شينين شينين ديل

حاج حماد

ما عندكم بنات زي ديل

بغتسوا الحياة الزوجية

ممكن نعرسها وندفع ليها مهر قطعة ارض في قرية صالحة جنب المطار الجديد

Post: #85
Title: Re: صحي نحن ( شينين)
Author: khaleel
Date: 11-09-2006, 07:24 AM
Parent: #76

Quote:

Quote: صحي نحن ( شينين)

أنا غايتو برجاكم في النهائ (الفاينال)

انت اصلك بدر الدين شنا

وللا بدر الدين قلق

Post: #79
Title: Re: صحي نحن ( شينين)
Author: سارة حمزة
Date: 11-09-2006, 05:17 AM
Parent: #1

خليل سلامات وكل سنة وانت طيب
ياخي شنات شنو هو السودان بقي فيها زول شين الزمن ده
باين عليك طولتا منو
لما ترجع السنة دي امشي الاحفاد والاهلية التقانة ومامون حميدة وادينا رايك

Quote: رحاب خليفة

والله انا احلي من الفست برسلي

واي جكساية بكسرها

رحاب قولتي لي شين براهو ????

Post: #88
Title: Re: صحي نحن ( شينين)
Author: khaleel
Date: 11-09-2006, 07:36 AM
Parent: #79

Quote: خليل سلامات وكل سنة وانت طيب
ياخي شنات شنو هو السودان بقي فيها زول شين الزمن ده
باين عليك طولتا منو
لما ترجع السنة دي امشي الاحفاد والاهلية التقانة ومامون حميدة وادينا رايك

سارة حمزة

ما عندكم غير الفرمالات دي

وين باقي السودان

والله شدة ما شينين اشركوا اشركوا بيهم لي الضباع

Post: #92
Title: Re: صحي نحن ( شينين)
Author: Rihab Khalifa
Date: 11-09-2006, 08:17 AM
Parent: #79

وبرضو شين راجل ناس هنايه ديك

Post: #93
Title: Re: صحي نحن ( شينين)
Author: khaleel
Date: 11-09-2006, 08:27 AM
Parent: #92

Quote: وبرضو شين راجل ناس هنايه ديك

لكن يا رحاب صورتك

حلوة

Post: #94
Title: Re: صحي نحن ( شينين)
Author: Rihab Khalifa
Date: 11-09-2006, 08:32 AM
Parent: #93

اسمح منك يا الفيس؟

Post: #99
Title: Re: صحي نحن ( شينين)
Author: khaleel
Date: 11-09-2006, 08:50 AM
Parent: #94

Quote: اسمح منك يا الفيس؟

شكرا يا مني زكي

Post: #80
Title: Re: صحي نحن ( شينين)
Author: نادر
Date: 11-09-2006, 05:43 AM
Parent: #1

Quote: الفست برسلي

Post: #89
Title: Re: صحي نحن ( شينين)
Author: khaleel
Date: 11-09-2006, 07:40 AM
Parent: #80

Quote: Quote: الفست برسلي

ايوة يا نادر

انا اوجه منو

وحاتزوج واحدة بهذه المواصفات

خصر اليسا

وقوام عجرم

وانوثة هيفاء وهبي

( حوش صاحبك عني خليل صاحبك جنني خليل)

Post: #90
Title: Re: صحي نحن ( شينين)
Author: Emad Abdulla
Date: 11-09-2006, 07:45 AM
Parent: #80

خلّو ..
جيتني في جرح ..
ياخ أنا تعبان من شناتنا دي جنس تعب ..

كلو كوم و اللون البني ده كوم تاني ..
أصلا هو لون بايخ .. و دمه تقيل ..
لوننا بني .. شعرنا بني .. واطاتنا بنية .. بيوتنا بنية .. عيوننا بنية .

بقو الرجال العندهم قروش .. يعرسو بناتنا ( نحن الفقرا ) السمحات ..
بعد شوية كده .. ح تكون السماحة و القروش في جهة ..
و الشنا و الفقر في جهة تانية ..

أها .. خُم و صُر .

Post: #87
Title: Re: صحي نحن ( شينين)
Author: سامى عبد الوهاب مكى
Date: 11-09-2006, 07:33 AM
Parent: #1

Post: #91
Title: Re: صحي نحن ( شينين)
Author: khaleel
Date: 11-09-2006, 08:14 AM
Parent: #87

Quote:
خلّو ..
جيتني في جرح ..
ياخ أنا تعبان من شناتنا دي جنس تعب ..

كلو كوم و اللون البني ده كوم تاني ..
أصلا هو لون بايخ .. و دمه تقيل ..
لوننا بني .. شعرنا بني .. واطاتنا بنية .. بيوتنا بنية .. عيوننا بنية .

بقو الرجال العندهم قروش .. يعرسو بناتنا ( نحن الفقرا ) السمحات ..
بعد شوية كده .. ح تكون السماحة و القروش في جهة ..
و الشنا و الفقر في جهة تانية ..

عماد عبدالله

بالله شفت الحرمة الجات قبيل دي

والله التقول عضم مافيها

وعلي ابراهيم اللحو الزمن دها كلو غاشينا

الجمال الاصلي في السودان

Post: #95
Title: Re: صحي نحن ( شينين)
Author: Omar Bob
Date: 11-09-2006, 08:33 AM
Parent: #87

يا خليل هذا بعض ما احفظ من حوار حلمنتيشي بين واحد ذي حالاتك وحبيتو

قلت عشانها اخد صوره اصور
لبست قميص جديد احمر
تحرمني منك يا عبد
وعاد انحشر في جينز بس مصران عتود
دخلت فيهو بعد جبد
وفنله صوف والدنيا صيف ما ايام برد
اما الشعر شعر الجبال
اكسر خلال و اجيب خلال
جلطو بفيراط دهان
ورفعت ليك حاجبي اليمين وصل الاضان
ونزلت ليك حاجبي الشمال
وطلع الكرت
وشلت الكرت
وبتكم عديل امد الصوره متكبب
تقومي تقول لي سجم خشمي
شنه مره .. شناة شيتا
دي صورتك ولا عفريته
عفريتـــــــه؟؟؟
عفريت يكفتك يا شينه ماك شبه البنات
يعوج خشيمك الاصلو معوج يلفتك
انا لو لقيت غيرك تضحي تحبني ما كنت اصلا بقربك
انا قلت عينك مثل عين الغزال
اريتو عينيك بالرمد
انا قلت ليك خدك عصير البرتقال
صدقتي يا شوم ليك خد
خدود شنو عندك جضوم كل البشوفن ما بنوم
لو شربو جردل بنج

هناك ابيات كثبره هربت من الذاكره الخربه

Post: #96
Title: Re: صحي نحن ( شينين)
Author: khaleel
Date: 11-09-2006, 08:44 AM
Parent: #95

Quote: عفريت يكفتك يا شينه ماك شبه البنات
يعوج خشيمك الاصلو معوج يلفتك
انا لو لقيت غيرك تضحي تحبني ما كنت اصلا بقربك
انا قلت عينك مثل عين الغزال
اريتو عينيك بالرمد
انا قلت ليك خدك عصير البرتقال
صدقتي يا شوم ليك خد
خدود شنو عندك جضوم كل البشوفن ما بنوم
لو شربو جردل بنج

هناك ابيات كثبره هربت من الذاكره الخربه

شكرا المهندس عمر بوب

ولعلك تذكر قصيدة ربيع طه

شينة ووجع وشك عفن

يا الوجنتيك زي ركبتيك

جيبي سفة وحفطي

Post: #97
Title: Re: صحي نحن ( شينين)
Author: Rihab Khalifa
Date: 11-09-2006, 08:45 AM
Parent: #95

ههههههههههههههههههههههههها

حلوه دي

Post: #101
Title: Re: صحي نحن ( شينين)
Author: khaleel
Date: 11-09-2006, 09:17 AM
Parent: #97

Quote: ههههههههههههههههههههههههها

حلوه دي

رحاب خليفة البنات في السودان حائر بيهم الدليل عشان ابقو حلويين

الضعاف منهم يستعملن حبوب اسمها (مسيقور) لاكتساب كيلوجرمات

السمان بعملو ريجيم وموضة نحافة ( الواحدة تضعف لدرجة لو بصقت ممكن اجيها فقر دم)

وبكل تداوينا فلم يشف ما بنا

Post: #109
Title: Re: صحي نحن ( شينين)
Author: Rihab Khalifa
Date: 11-09-2006, 11:58 AM
Parent: #101

و الاولاد؟

Post: #111
Title: Re: صحي نحن ( شينين)
Author: khaleel
Date: 11-09-2006, 07:56 PM
Parent: #109

Quote: و الاولاد؟

رحاب

الاولاد مع شناتم دي جابو ليهم عوارة

بلبسوا جلاليب الوانها غريبة لون بني ولون احمر ولون اصفر بدل الجلابية البيضاء

وما تتناسب مع الوانهم

Post: #110
Title: Re: صحي نحن ( شينين)
Author: عمران بابكر بدري
Date: 11-09-2006, 12:40 PM
Parent: #97

خلو

يازول مالك

يعني شناتنا دي ح يختلفو فيها اتنين

الله يسمح الاعمال

وما يطلعوا لينا هناك لبنانيات

هنا طار لينا الله يستر من الشخيط وهناك

وبرضو يقول الاسود باقي والابيض متنحي

مودتي

Post: #112
Title: Re: صحي نحن ( شينين)
Author: khaleel
Date: 11-09-2006, 07:59 PM
Parent: #110

Quote: يعني شناتنا دي ح يختلفو فيها اتنين

عمران

عليك الله كلم رحاب خليفة

لسع ما مقتنعة

Post: #186
Title: Re: صحي نحن ( شينين)
Author: manubia
Date: 11-15-2006, 07:34 AM
Parent: #97

ىا زول والله انحتا ما شينين , والله و استغفر الله يعني لكن الداير الشنة بالجداليمشي ماليزيا , بلد جميل لكن الخلق الفيهو ...... احمد ربك ساكت , ولا العجب بلد كدة اسمها بابوا نيو غينيا...سمعت بيها ؟

تحياتي

Post: #98
Title: Re: صحي نحن ( شينين)
Author: انعام عبد الحفيظ
Date: 11-09-2006, 08:49 AM
Parent: #1

خليل انت بتسأل

Quote: صحي نحن ( شينين)

لا نحنا حلوين حلاوة

ده على ذمة البلابل

مودتي واحترامي

Post: #100
Title: Re: صحي نحن ( شينين)
Author: khaleel
Date: 11-09-2006, 09:11 AM
Parent: #98

Quote: لا نحنا حلوين حلاوة

ايوة انعام

ممكن نكون حلويين

عندنا مشاكل ما بنعرف نلبس

ما بنعرف نختار الالوات

عارفة الشوام ديل واحد اكون مرتبه الفين ريال

اشتري بدلة بخمسة الف ريال

بعدين كاتلانة الصعفة والطول

اجسام غريبة

حتي لاعبي كرة القدم السوداني كراعو زي المسواك

Post: #102
Title: Re: صحي نحن ( شينين)
Author: عبدالكريم الامين احمد
Date: 11-09-2006, 09:29 AM
Parent: #100

Quote: حتي لاعبي كرة القدم السوداني كراعو زي المسواك

اها ياخلي لاعب كورة مشهور جد بالشنة الانت قادينا بيها مشي يلعب مباراة في اقليم بعيد داخل السودان وكان راس حربة...الثبرباك ود الاقليم البعيد داك مسكوا من كتفوا وقال ليهو(اهيي انا
هلاوة دي بجي من وين...!!)...حليلك يا كندورة وجلال كادوقلي...واقجي وبرشم الكبير

Post: #104
Title: Re: صحي نحن ( شينين)
Author: سارة حمزة
Date: 11-09-2006, 09:41 AM
Parent: #1

خليل
السودان كلو سمح يا اخي وبالذات ناس امدرمان اها دايرة شنو تاني

Post: #105
Title: Re: صحي نحن ( شينين)
Author: gamal elsadig
Date: 11-09-2006, 09:54 AM
Parent: #104

.

.
Quote: وبعد دقائق كان يغني راغب علامة

راغب علامة ده مش صاحب النظرية (النسبية) في (جمال السودانيات) ....

..

Post: #106
Title: Re: صحي نحن ( شينين)
Author: doma
Date: 11-09-2006, 10:15 AM
Parent: #105

خليل الله يقطعك ويرضرضك حته حته لو ما نزلت لي صورتك عشان نشوف طوله لسانك دي وراها ككو ولا الن ديلون

Post: #108
Title: Re: صحي نحن ( شينين)
Author: Emad Abdulla
Date: 11-09-2006, 11:55 AM
Parent: #106

زمان يا خلو ..
الرائد الباترا كان هو ضابط الميدان في كلية الشرطة , و كان يوم تفتيش طابور العميد , يعني لازم تكون زي التلجة اليوم داك .. مكوة و نضافة و حلاقة و تلميع و شلنكبات .
المهم الباترا الله يرحمو أي زول عندو شي ما ياهو كان بيقول ليهو : خطوتين للأمام مارش , طبعا بعدين ناس خطوتين المرقوهم ديل بيلموهم كلهم و عينك ما تشوف إلا البطاطس .
تلاتة أرباع الدفعة طلعوهم بالطريقة دي , وصل الباترا في النهاية لواحد زميلنا غياظ و مشهور بالضيق و النضافة و الحنكشة الما خايلة فيهو , عمك الباترا قدر ما فتش ما لقى في الزول ده حاجة غلط .. القاش يلمع و الهدوم منشية و الزراير ترقش و الدقن ملسااااااا و الصلعة مزيتة و البوت مراية . قام عاين ليهو مساااااافة بزعل كده .. قال ليهو بصوت عالي بعدها :
إنت شين , خطوتين للأمااااام مارش .

Post: #115
Title: Re: صحي نحن ( شينين)
Author: khaleel
Date: 11-09-2006, 08:09 PM
Parent: #108

Quote: ملسااااااا و الصلعة مزيتة و البوت مراية . قام عاين ليهو مساااااافة بزعل كده .. قال ليهو بصوت عالي بعدها :
إنت شين , خطوتين للأمااااام مارش .

عماد لما كنا في المدرسة

رئيس الداخلية كان بقرا في الاجتماع في قائمة الطلاب الجدد

وفجاة توقف في اسم مبارك خواجة وقال مين مبارك خواجة

الرئيس فاكر القبة تحتها فكي

قام مبارك خواجة

الراجل شلاليفو تعمل (حلة)

غضب الرئيس من شكل مبارك

وقال اقعد

Post: #113
Title: Re: صحي نحن ( شينين)
Author: khaleel
Date: 11-09-2006, 08:01 PM
Parent: #106

Quote: خليل الله يقطعك ويرضرضك حته حته لو ما نزلت لي صورتك عشان نشوف طوله لسانك دي وراها ككو ولا الن ديلون

دومة

انا طويل وصعيف ومعولق

وبلبس قميص كاروهات وبنطلون كاروهات

ولو نزلت صورتي المنبر حايضربوا فيروس

Post: #114
Title: Re: صحي نحن ( شينين)
Author: khaleel
Date: 11-09-2006, 08:04 PM
Parent: #104

Quote: خليل
السودان كلو سمح يا اخي وبالذات ناس امدرمان اها دايرة شنو تاني

سارة حمزة

عارفها بحب بنات شهادة لندن عشان كانو بغنوا بالانجليزي

Post: #116
Title: Re: صحي نحن ( شينين)
Author: عزاز شامي
Date: 11-09-2006, 08:14 PM
Parent: #1

Quote: Quote: نـحــنا كــدة، إنتـــو كـيـف

بكري الصايغ

الحلفاويين ملفهمين وعاملين فيها شعب الله المختار

وما عندهم حلاتن كدي لامن انضموبها

هليل يا ولدي

الهلفاويين ديل هلوين لمن يتاكلوا بالرغيف زي هلاوة التّهنيّة!

جنازة نفرتيتي دي حايمة بين المتاحف ليه؟؟؟

Post: #117
Title: Re: صحي نحن ( شينين)
Author: Mutwali Malik
Date: 11-09-2006, 09:32 PM
Parent: #116

واحد شين شين شين سال مسطول عملية التجميل بتكلف كم فعاين ليهو بالشئ الشايفو انا دا حسب شناتك
شكرا ياخلي علي فرز ناس امدرمان من الموضوع

Post: #118
Title: Re: صحي نحن ( شينين)
Author: عمران بابكر بدري
Date: 11-10-2006, 09:47 AM
Parent: #117

ياخلو

سلام

رحاب

ماسمعتي باغنية

الدود النتر

ولا ما سعمت

عقد الجلاد

ما شين ودشن

Post: #122
Title: Re: صحي نحن ( شينين)
Author: khaleel
Date: 11-10-2006, 12:18 PM
Parent: #116

Quote: الهلفاويين ديل هلوين لمن يتاكلوا بالرغيف زي هلاوة التّهنيّة!

جنازة نفرتيتي دي حايمة بين المتاحف ليه؟؟؟

عزاز شامي عايزة استسناء للحلفاويين

ومتولي مالك عايز استسناء لناس امدرمان

تاني فضل شنو خلاص السودانيين بناتهم زي حنان ترك

واولادهم زي رشدي اباظة انا غلطان

Post: #119
Title: Re: صحي نحن ( شينين)
Author: عبدالكريم الامين احمد
Date: 11-10-2006, 09:57 AM
Parent: #1

خليل
ياخ شنو عاملة لينا جوطة(كرو كرو) في الشنة دي زي ماقال زيدان ابراهيم انت قايل روحك
قرافي ياخي...!!!!

Post: #120
Title: Re: صحي نحن ( شينين)
Author: khaleel
Date: 11-10-2006, 12:02 PM
Parent: #119

Quote: راغب علامة ده مش صاحب النظرية (النسبية) في (جمال السودانيات) ....

جمال الصادق

راغب علامة حلت عليهو اللعنة

لكن الايام دي مصر فيها واحد اسمو احمد عز ( بتاع فيلم مذكرات مراهقة ) احرق الدم

Post: #121
Title: Re: صحي نحن ( شينين)
Author: عبدالكريم الامين احمد
Date: 11-10-2006, 12:18 PM
Parent: #120

Quote: الراجل شلاليفو تعمل (حلة)

Post: #123
Title: Re: صحي نحن ( شينين)
Author: khaleel
Date: 11-10-2006, 12:22 PM
Parent: #121

الشباب بقوا يتحايلو علي الشنة بتغيير انواع الحلاقة

مرة صلعة

ومرة كابوريا

ومرة البتاع جن

وكلو ما جاب تمنو

Post: #124
Title: Re: صحي نحن ( شينين)
Author: doma
Date: 11-10-2006, 12:26 PM
Parent: #120

خليل بالجد لما شفت صورتك تاكدت انك شين شناه مره تقطع الخميره من العجين عاد النبي ما تتزوج سودانيه يا اخي اتزوج لينا واحده من جتوب افريقيا عشا ن تحسن النسل اعمل معروف فينا .

Post: #127
Title: Re: صحي نحن ( شينين)
Author: khaleel
Date: 11-10-2006, 12:40 PM
Parent: #124

Quote: خليل بالجد لما شفت صورتك تاكدت انك شين شناه مره تقطع الخميره من العجين عاد النبي ما تتزوج سودانيه يا اخي اتزوج لينا واحده من جتوب افريقيا عشا ن تحسن النسل اعمل معروف فينا .

دومة ما توصي يتيم علي البكاء سودانية شنو البتزوجها انا

قولي واحدة من المالديف او جزر القمر

كل شي موقع فيها حتي ( غزة الكوع وانتفاخ الجضوم)

مع الاعتذار لسيف الجامعة

Post: #125
Title: Re: صحي نحن ( شينين)
Author: سارة حمزة
Date: 11-10-2006, 12:29 PM
Parent: #1

Quote: سارة حمزة

عارفها بحب بنات شهادة لندن عشان كانو بغنوا بالانجليزي

هسة الجاب شهادة لندن شنو يا خليل
يا قول البلابل احنا حلوين حلاوة

Post: #126
Title: Re: صحي نحن ( شينين)
Author: khaleel
Date: 11-10-2006, 12:35 PM
Parent: #125

Quote: هسة الجاب شهادة لندن شنو يا خليل
يا قول البلابل احنا حلوين حلاوة

بنات شهادة لندن عشان نسافرو كتير

اختلطو بالمجتمعات المخملية

وبعرفو اعملوا (makeup) كويس

وبعرفو الونو شعرهم بطريقة علمية

وبختارو الوان متناسقة في لبسهم

حتي رقيصهم مختلف

مش زي ناس ( قريعتي راحت ديل)

Post: #128
Title: Re: صحي نحن ( شينين)
Author: khaleel
Date: 11-10-2006, 02:35 PM
Parent: #126

الكركار

دلكة العجين

الشلوخ

دق الشلوفة

حيل لجات اليها حبوباتنا لاكتساب الجمال

لكن برضو الحال في حالو

Post: #129
Title: Re: صحي نحن ( شينين)
Author: سارة حمزة
Date: 11-10-2006, 02:44 PM
Parent: #128

Quote: الكركار

دلكة العجين

الشلوخ

دق الشلوفة

حيل لجات اليها حبوباتنا لاكتساب الجمال

لكن برضو الحال في حالو

كضاب والله
اماتنا وحبوباتنا كانو سمحين سماحة وطبيعية كمان
انت كان عندك زول شين في راسك ما تقول بدل الف والدوران ده

Post: #130
Title: Re: صحي نحن ( شينين)
Author: Hatim Al Jed
Date: 11-10-2006, 06:24 PM
Parent: #129

اقول للاخوات والله خليل دة زول سمح
خلقة واخلاق وكان من المصنفين ايامنا
ديك فى الجامعة وكانت عاجباه سماحته
ومالينا فقر بالهترشة عن مغامراته
الجكسية وكيف مرة صور لينا مشهد درامى
ينفع فيديو كليب انه واحدة جات فى سيرة
مع عريس اتزوج فى منطقتهم ولما حانت ساعة
الفراق غنت ليه من بص السيرة

بوصيك يالمفارق وراحل عننا

احمد التجانى

Post: #131
Title: Re: صحي نحن ( شينين)
Author: Hatim Al Jed
Date: 11-10-2006, 06:46 PM
Parent: #130

ياخليل كلامك عن الشناة دة بيلغى بجرة قلم ارث ضخم من الادب الذى
تغنى بالجمال السودانى ناس ود الريح وعتيق وسيد عبدالعزيز وعبيد عبد الرحمن
من الذى الهمهم ليسطروا لنا هذا الابداع ولا يكونوا بيكتبوا والكهرباء قاطعة
ولو صحى نحن شينين كلامهم كله يبقى بندق فى بحر

شوف عناقيد ديسها تقول عنب فى كروم
شوف وريدا الماثل زى زجاجة روم
القوام اللادن والحشا المبروم
والصدير الطامح زى خليج الروم
خلى جات متبوعة الصافية كالدينار
فى القوام مربوعة شوفا عالية منار

الزول دة كان جادى !!!!!

وياخليل الشناة ذاتها بتتبلع لكن لما يكون معاها فلهمة وقرضمة
بتكون كعبة تب ودة زى واحدة تكون لو شركوا بيها للمرفعين ماتقبض
تكون لاقيتها وحصلت معرفة تجى بعد فترة تنكرك مرة واحدة

احمد التجانى

Post: #132
Title: Re: صحي نحن ( شينين)
Author: عبدالكريم الامين احمد
Date: 11-10-2006, 06:52 PM
Parent: #131

Quote: بتكون كعبة تب ودة زى واحدة تكون لو شركوا بيها للمرفعين ماتقبض

ياخ مشتاقين بالجد يا احمدتجاني......

Post: #136
Title: Re: صحي نحن ( شينين)
Author: Hatim Al Jed
Date: 11-11-2006, 03:56 AM
Parent: #132

Quote: ياخ مشتاقين بالجد يا احمدتجاني

والله بأغلبية ياكيكى

تحياتى للرائع احمد الامين
i am a big fan of his unique style in writing with rich information
وخسارة اننا ماعرفناه كما يستحق ايام الجامعة

احمد التجانى

Post: #138
Title: Re: صحي نحن ( شينين)
Author: Nana
Date: 11-11-2006, 08:21 AM
Parent: #131

يا خليل مالك علينا ،، فاير في شناتنا مالك ياود امي

انت ما سمعت :-

ياخلو الجمال موجود في كل مكان لكن الجمال اًلأصلي في السودان

والله زي سماحتنا وسماحنا مافي ياخليل

Post: #140
Title: Re: صحي نحن ( شينين)
Author: khaleel
Date: 11-11-2006, 11:48 AM
Parent: #138

Quote: ياخلو الجمال موجود في كل مكان لكن الجمال اًلأصلي في السودان

نانا سمعتي عمك قال شنو في جمال السودانية

دي الكان مشت تتفدع

قمرة وديسها للمعاصم جدع

يا فريدة عصرك يا ام جمالن بدع

قلبي من يوم شافك

قلبي فارق وودع

Post: #141
Title: Re: صحي نحن ( شينين)
Author: khaleel
Date: 11-11-2006, 11:52 AM
Parent: #131

Quote: وياخليل الشناة ذاتها بتتبلع لكن لما يكون معاها فلهمة وقرضمة
بتكون كعبة تب ودة زى واحدة تكون لو شركوا بيها للمرفعين ماتقبض
تكون لاقيتها وحصلت معرفة تجى بعد فترة تنكرك مرة واحدة

فعلا يا احمد التجاني

الواحدة اكون وشها زي العرقي

وتعمل ليك فيها ( هند صبري)

تذكر بت الجامعة ديك ( ازيك يا ايمان)

Post: #133
Title: Re: صحي نحن ( شينين)
Author: doma
Date: 11-11-2006, 00:07 AM
Parent: #130

Post: #134
Title: Re: صحي نحن ( شينين)
Author: Tumadir
Date: 11-11-2006, 00:30 AM
Parent: #133

نحن ما شينين

نحن زينا وزى غيرنا ..

بس عندنا عقد...

يا تضخم الانا ..يا احتقار الذات

والاتنين بيظهروا الزول شين ..

يعنى شناة جوانية ما برانية.

Post: #135
Title: Re: صحي نحن ( شينين)
Author: doma
Date: 11-11-2006, 03:28 AM
Parent: #134

خليل الشين:
انا لي يومين منتظره زول سمح جوا وبرا يجي بوستيك دا عشان تقعد في علبك وتخلي نبيشتنا بالاسافير اها جاءتك البت السمحه تماضر شيخ الدين اها شن قولك يا امبعلو ؟؟؟
اول مره اشوف زول شين ولسانو طويل

Post: #143
Title: Re: صحي نحن ( شينين)
Author: khaleel
Date: 11-11-2006, 01:13 PM
Parent: #134

Quote:
نحن ما شينين

نحن زينا وزى غيرنا ..

بس عندنا عقد...

يا تضخم الانا ..يا احتقار الذات

والاتنين بيظهروا الزول شين ..

يعنى شناة جوانية ما برانية.

لكن يا تماضر

انتي حلوة برة وجوة

تمثيلك حلو

وكتابتك حلوة

ومنتظرك في بوست ناس تحية زروق

تعالي بسرعة

Post: #137
Title: Re: صحي نحن ( شينين)
Author: عبدالكريم الامين احمد
Date: 11-11-2006, 04:47 AM
Parent: #133

Quote: تحياتى للرائع احمد الامين
i am a big fan of his unique style in writing with rich information
وخسارة اننا ماعرفناه كما يستحق ايام الجامعة

مرحب احمد تجاني وتبا لهذه الغربة الشينة التي فرقتنا...
واها احمد الامين ده اكبر اخو للدود..واخير منو صحبك الوجيه كيكس..!!

Post: #142
Title: Re: صحي نحن ( شينين)
Author: khaleel
Date: 11-11-2006, 11:55 AM
Parent: #133

Quote: ههههههههههههههههههها هو صحي اخلاقه حلوه بس عشان يغطي علي شناتو لكين شناه خليل دا انا في الاحاجي ما لاقتني

دومة بنات بلدي عجوة ومعطونة بعسل

عشانكم انتو يا الحلويين

يا اجمل خلائق الله

عشانكم شايل الاشواق وحائم في بلاد الله

Post: #139
Title: Re: صحي نحن ( شينين)
Author: khaleel
Date: 11-11-2006, 11:44 AM
Parent: #129

Quote: كضاب والله
اماتنا وحبوباتنا كانو سمحين سماحة وطبيعية كمان
انت كان عندك زول شين في راسك ما تقول بدل الف والدوران ده

صاح يا سارة

والله اماتنا حلوات وحبوباتنا حلوات

تيه تيه رفل

جيد انسان وصيد

متبادلين بدل

قلب المخضوب فوق للفاقل

بوبح جيدو وتلا اليمني

ومشي متاقل

Post: #144
Title: Re: صحي نحن ( شينين)
Author: doma
Date: 11-12-2006, 09:04 AM
Parent: #139

اهادا الكلام الما خمج وانت بقيت ود السرور وعريس بت دومه يا خلو عالم جبانات ما تجي الا بي" سير المحفضه" اها شكر بنات السودان القشه ما تعتر ليك

Post: #145
Title: Re: صحي نحن ( شينين)
Author: khaleel
Date: 11-12-2006, 12:56 PM
Parent: #144

Quote: اهادا الكلام الما خمج وانت بقيت ود السرور وعريس بت دومه يا خلو عالم جبانات ما تجي الا بي" سير المحفضه" اها شكر بنات السودان القشه ما تعتر ليك

بت دومة لازم تكون بمواصفات الايزو عشان اعرسها

عيونها زي ياسمين عبد العزيز

وشعرها زي جيهان نصر

وخفة دم منة شلبي

وثقافة هند صبري

وسحر هندرستم

Post: #146
Title: Re: صحي نحن ( شينين)
Author: ودرملية
Date: 11-12-2006, 04:46 PM
Parent: #145

سلامات
وعوافي
ياخلي ..
عليك الله عاين لي "صورتي" دي وبتلقا اجابة لي سؤالك .. يا اللــــــــه علي الوجاهة يارب تحفظا وتراعيها...هاهاهاهاهاهاها..
Quote: انا لي يومين منتظره زول سمح جوا وبرا يجي بوستيك دا عشان تقعد في علبك وتخلي نبيشتنا بالاسافير اها جاءتك البت السمحه تماضر شيخ الدين اها شن قولك يا امبعلو ؟؟؟

اها يا خالتو دومة انا كيف موش مع اختي تماضر فكينا نحس الشناة ..

Post: #153
Title: Re: صحي نحن ( شينين)
Author: khaleel
Date: 11-13-2006, 12:01 PM
Parent: #146

Quote: عليك الله عاين لي "صورتي" دي وبتلقا اجابة لي سؤالك .. يا اللــــــــه علي الوجاهة يارب تحفظا

ود رملية

صورتك حلوة

بس ما لابس كرفتة

ذكرتني احمد نجاد بتاع ايران

Post: #150
Title: Re: صحي نحن ( شينين)
Author: doma
Date: 11-13-2006, 00:44 AM
Parent: #145

Quote: بت دومة لازم تكون بمواصفات الايزو عشان اعرسها

عيونها زي ياسمين عبد العزيز

وشعرها زي جيهان نصر

وخفة دم منة شلبي

وثقافة هند صبري

وسحر هندرستم

لوووووووووووووول دي مواصفات عروس ولا Jigsaw

بالله خليهن اربعه عشان تطبق الشريعه الاسلاميه يوم ام عيون ويوم ام شعر يوم ثقافه ويوم سحر وبلاش خفه الدم دي لانه اي زول سمح شديد بيكون دمه بق

Post: #147
Title: Re: صحي نحن ( شينين)
Author: الملك
Date: 11-12-2006, 06:26 PM
Parent: #1

النصيحة لى الله

...
...

شينين بس المصيبة عاجبنا روحنا!!!

لكن البوست ده أجمل بوست فى الصفحة الاولى

والله يسالنى

توقيع :- ناجى الشين

Post: #148
Title: Re: صحي نحن ( شينين)
Author: doma
Date: 11-13-2006, 00:11 AM
Parent: #147

ود رمليه بري دقر العين الحاسده ما تشوفكم يا ولاد السودان معلمه ربي سمحاتكم كتر وشهامتكم كتر ونحن شن غردنا في ناس علامه وبلامه
الجنيات صدورهم لازه
ورق النص متل خيت الشله .
شناتو الراجل المملس الما بتفرز من اخواتوا

Post: #149
Title: Re: صحي نحن ( شينين)
Author: doma
Date: 11-13-2006, 00:29 AM
Parent: #148

اجي يا نادر الملك يعني شنو التواضع دا كان بقيت انت شين تاني السمح منو ؟؟؟؟

Post: #167
Title: Re: صحي نحن ( شينين)
Author: الملك
Date: 11-13-2006, 06:57 PM
Parent: #149

Quote:
اجي يا نادر الملك
تجى طوالى
لكن ما اصلك جيتى ,,,,اولاً شئ جيتى ومشيتى لا حس لاخبر التقول بحرى دى معلقة فى المطار
...
...
بعدين بالغتى معاى ياخالتى دوما انا ناجى ,,,نادر ده اخوى الصغير الوجيه

Quote:
يعني شنو التواضع دا كان بقيت انت شين تاني السمح منو

تبلدينا

طبعاً !!

خايفين نقول سمحين يقولوا اخلاقهم كعبة ...

Post: #155
Title: Re: صحي نحن ( شينين)
Author: khaleel
Date: 11-13-2006, 12:14 PM
Parent: #148

Quote: شناتو الراجل المملس الما بتفرز من اخواتوا

والله حلاتو راغب علامة

مملس مملس

وعمرو دياب ذاتو حلو

لكن عندنا ناس ما بطالين

مصطفي النقر وعبد العزيز المبارك زمان

عماد احمد الطيب احمد بورتسودان

ليلي المغربي لها الرحمة

زينب كرم الله هبة المهندس ونسرين سوركتي

وشوية في الاحفاد

Post: #154
Title: Re: صحي نحن ( شينين)
Author: khaleel
Date: 11-13-2006, 12:05 PM
Parent: #147

Quote: توقيع :- ناجى الشين

ناجي كلك كلك حلو

Post: #166
Title: Re: صحي نحن ( شينين)
Author: الملك
Date: 11-13-2006, 06:55 PM
Parent: #154

Quote: ناجي كلك كلك حلو

...
...

الحمد لله انا ضعيف

Post: #151
Title: صحي نحن ( شينين)
Author: Ahmed Daoud
Date: 11-13-2006, 02:06 AM
Parent: #1

الاخ خليل

والله بصراحة نحن شينين شناه مرة
شوق البلاد اللى دايما بتكون منها
ملكات جمال العالم زى فنزويلا و اوكرانيا
يس اوكرانيا دى شىء مختلف خالص ... مرة مشيت
اوكرانيا وجدت الناس كلهم حلوين بالجد ... قالوا
نسبة الجمال 75% .....

قال ... الجمال الاصلى فى السودان ... قال....

حالص الود
احمد داود

Post: #152
Title: Re: صحي نحن ( شينين)
Author: khaleel
Date: 11-13-2006, 11:55 AM
Parent: #151

Quote: قال ... الجمال الاصلى فى السودان ... قال....

احمد داود مساك بنفسج

واحد من شندي عندو سبعة بنات شناتن تجضم

واحد صاحبو قال ليهو والله يا حاج الامين بنات ديل الا احرروا ليك بكاك

زول بياخدن مافي

Post: #156
Title: Re: صحي نحن ( شينين)
Author: سارة حمزة
Date: 11-13-2006, 12:47 PM
Parent: #1

شنا شديدة ما بتتقابل

Post: #158
Title: Re: صحي نحن ( شينين)
Author: khaleel
Date: 11-13-2006, 01:02 PM
Parent: #156

Quote: شنا شديدة ما بتتقابل

بتقصدي اللبنانيين صاح يا سارة حمزة

فعلا اللبنانيات شينات

Post: #159
Title: Re: صحي نحن ( شينين)
Author: سارة حمزة
Date: 11-13-2006, 01:09 PM
Parent: #158

لا بقصد ناس لاتن امريكا

Post: #157
Title: Re: صحي نحن ( شينين)
Author: معتصم دفع الله
Date: 11-13-2006, 12:58 PM
Parent: #1

سمحة الأخلاق ..
سمحة الأخلاق ..

تحيات كتاااار يا خليل ولزوارك الكرام ..

Post: #160
Title: Re: صحي نحن ( شينين)
Author: khaleel
Date: 11-13-2006, 01:09 PM
Parent: #157

Quote: سمحة الأخلاق ..
سمحة الأخلاق

معتصم دفع الله

واحد خاطب واحدة حلوف بس

سالوهو خطيبتك كيق

قال ليهم اهلها طيبين ياخ

Post: #161
Title: Re: صحي نحن ( شينين)
Author: سارة حمزة
Date: 11-13-2006, 01:31 PM
Parent: #1

عارف با خليل دي ذكرتني بقصة

واحد اخته رشحت ليهو بت للعرس فقال ليها ياحي دي شينة خلاص
فقالت ليهو الكلام علي الاخلاق اخلاقة عالية وبت مودبة وومتازة
قال يعني كان اخلاقة ضاقت عليها نبقي لا خلقة لا اخلاق

ههههههه
برضو شينين

Post: #162
Title: Re: صحي نحن ( شينين)
Author: عبدالكريم الامين احمد
Date: 11-13-2006, 01:35 PM
Parent: #161

مرحب الاخ خليل محمد خليل
(كرع)...
والله موضوعك ده ابو الشباب ذكرني بقصة واحد شين زيك كده ..مشي يخطب ليهو بت سمحة شديد
وابوها لئيم جدا وشغال مكينايكي
الابو قال للزول الشين والله ياولدي لو افكها اسبيرات لاخواتها ما بعرسها ليك...!!!

Post: #164
Title: Re: صحي نحن ( شينين)
Author: khaleel
Date: 11-13-2006, 01:45 PM
Parent: #162

Quote: وشغال مكينايكي

عليك الله يا كريم

شفتهم شينين كيف

لحدي هسع ما لاقنا مكينيكي سمح

Post: #163
Title: Re: صحي نحن ( شينين)
Author: khaleel
Date: 11-13-2006, 01:41 PM
Parent: #161

Quote: قال يعني كان اخلاقة ضاقت عليها نبقي لا خلقة لا اخلاق

سارة حمزة

في واحد اسمو نجيب بعدين وسيم جدا

مشي اخطب واحدة بعدين عجب ام خطبيتو عجب شديد

في الفطور كان في عسل مع طحنية

فالراجل اكل العسل لحدي ما خلص

خطبيتو قالت نجيب عسل

الام قالت نجيب شرط

Post: #165
Title: Re: صحي نحن ( شينين)
Author: Ahmed Abdallah
Date: 11-13-2006, 02:13 PM
Parent: #163

خلي
عندنا حبوبتنا سافرت الشمالية
لمن وصلت قالوا ليها لازم تمشي
تزوري ود العوض في بيتهم راقد
عياااان قبل ما يسمعوا بيكـ جيتي
ويلوموكـ ( ود العوض ده شين لدرجة قف)
مشت زارته وجات راجعة بناتها سالوها اهه يمة
لقيتي ود العوض كيف >>>>>>>>
قالت ليهم ود العوض شديييييد لكن اريتو يا يمة
قباحة التابا الرجال مافي شئ جايب ليه المرض غير قباحته دي

Post: #168
Title: Re: صحي نحن ( شينين)
Author: doma
Date: 11-14-2006, 03:27 AM
Parent: #165

واحد صديقنا متغرب واحد رشح ليهو قريبته وتمت الخطوبه اها مش السودان شافهاوعقدوا ليه لما جاء راجع سالته اها يا زول العروس لقيتها كيف ؟؟؟؟
قال لي والله غايتو ح تجيب اولاد يخبتوا فوق للحجاز

Post: #173
Title: Re: صحي نحن ( شينين)
Author: khaleel
Date: 11-14-2006, 12:37 PM
Parent: #168

دومة

منو الغاشاكم دها

وقال انو المراة لما تعمل حنة بتبقي سمحة ( عوارة اليابا الجنيات)

Post: #172
Title: Re: صحي نحن ( شينين)
Author: khaleel
Date: 11-14-2006, 12:34 PM
Parent: #165

Quote: قباحة التابا الرجال مافي شئ جايب ليه المرض غير قباحته دي

احمد عبدالله

بنتين في الجامعة واحدة بعشوم والتانية غايتو ممكن تفك الحيرة

طلعو من الامتحان الدكتور سال السمحة امتحنتي كيف

قالت ليهو زي وشي الدكتور قال ممتازة اكيد ناحجة

سال البعشوم وانتي الامتحان كيف

قالت ليهو زي وشي

الدكتور قال ليها ما قلنا ليكم اقروا اقروا

Post: #169
Title: Re: صحي نحن ( شينين)
Author: بت قضيم
Date: 11-14-2006, 08:27 AM
Parent: #1

صراحة صراحة أغلبيتنا شينة
والمشكلة لو في الشنة بس يعني خلقة ربنا ما نقول حاجة، لكن المشكلة تكمن في اننا ندمن تشنية نفسنا زيادة
بناتنا ما يعرفوا يتكلموا بالراحة، ما يعرفوا يتدلعوا، كلامنا نفسه شين، دشن، ما يدي فرصة البت تكون لذييييذة كده ذي بنات الناس التانيين، يعني أي باللبناني مثلاً ما تقارن ب آآآآي بالسوداني
مثلاً أكلة (المجدلة) لا تقارن ب (التقلية) مثلاً، يعني الواحدة راجلها يقول ليها طابخة شنو الليلة تقول ليه مثلاً (محشي)
وواحدة (زوجها) يقول ليها (طابختلنا ايه حياتي؟) تقول ليه (محاشي حبيبي)
يعني تفرق مثلاً
احنا ما شينين بس، دشانة كمان

البت ما تتلبس إلا عشان العريس ينصاد ولما ينصاد بردلب ذي الوقعت هسة من جمل، نكشة شعر وطولة لسان وصوت عااااااااااااالي طرزان بس، تحمل تولد ينزل بيبي تلاجة تستوطن بداله أنا زاتو ما عارفة كمية الكروش دي بربوها كيف في تسعة شهور بس
المرة يا كافي البلا ما تتسمح إلا لزيارة نسابة واللا حفلة واللا بكا ناس ما مغروضة فيهم شديد
بالله في بيتها تقول فليم رعب بس

مكياجنا زاتو كتر، لو نشوف تخطيط الحواجب والشفايف ده شين كيف فينا ومع الحر والعرق بعمل فن تشكيلي ولوحات تجريدية أصلو ما نسويه تاني
حاجاتنا البنتجمل بيها زاتها اسماءها تجيب صداع
كركار ما عارفة لخوخة شنو داك خمرة زيت

مشكلتنا نحن الجيل الطالع الحالي لا قادرين نبقى حبوباتنا نقتنع بي شكلنا وهيئتنا وحاجاتنا بتاعت زمان (وهي ما في أحسن منها) لا قادرين نقتنع اننا عمرنا ما حنبقى ناس هيفاء وهبي الناس الخلقهم الله كده في بلاد كده يقوم فيها التفاح وبلادنا أرادة الله شاءت يقوم فيها الدوم

خليط متأسف ومشتت بين نحن وودك حبوبة ومستجدات الدش وبيوت الأزياء العالمية - ذي بالضبط العطور الفرنسية الغالية الأصلية وتقليدها الرخيص في مواقف المواصلات

وهذا لا يعني أن الواحد ما يتكلم عن شناة الرجال السودانيين
كان زعلوا كان رضوا
(بشتنة التاباني دنيا وآخرة) على قول حبوبتي الله يرحمها

المشية غير ثابتة، لماذا (بالجد جد) يمشي الرجل السوداني ذي عربية ملخلخة لساتكها؟!
أو بونوكيو اللعبة الخشبية واللا حاجة كده مساميرها فاكة؟!

ليه الشاب لما يهتم بنفسه وعطره وتسريحة شعره واستخدام مستحضرات الحلاقة العطرية وجل الشعر، يوصف بالحنكشة وشايف نفسه و(عامل فيها مقطعها )، لماذا ينتقد الراجل المهذب؟!

والسفة دي شنو؟
قرف السواد

أما العراقي، فحدث ولا حرج، الزي الوطني المنزلي السوداني
غير عراقي السودانيين وقرقاب واللا اسمو شنو داك الباكستانيين ما شفت

حتى سيارة السوداني، مكب زبالة متحرك بس

شفعنا زاتم، لماذا انتاجهم من السوائل الأنفية زايد حبة عندنا؟
وفوق ده وده، الفلهمة العورة
أحنا مافي زينا
احنا شعب مميز
أحنا شعب الوفاء
احنا شعب الأمانة
يعني لأكون أميناً لا بد أن اكون مبشتن؟

بري يا يمة فلهمة وشناة

وبالمناسبة،، سلامات للجميع، ناس المنبر القدام والجداد
وحشتونا جد جد، وسامحونا على الغياب الطويل
وشكراً على البوست الظريف، وكتر خيركم فشيتوا مرارتنا المفقوعة دي

Post: #170
Title: Re: صحي نحن ( شينين)
Author: oudenoord
Date: 11-14-2006, 09:12 AM
Parent: #169

عودا حميد بت قضيم عمت بشائرنا وعاد الفرح لينا نسأل الله عودة كل الرائعين بدون فرز.
ودي الكثيف

Post: #174
Title: Re: صحي نحن ( شينين)
Author: khaleel
Date: 11-14-2006, 12:39 PM
Parent: #170

عايز تشوف ناس حلويين

امشي مدغشقر

الوان تحرق الفشفاش

Post: #176
Title: Re: صحي نحن ( شينين)
Author: doma
Date: 11-15-2006, 02:34 AM
Parent: #170

Quote: عودا حميد بت قضيم عمت بشائرنا وعاد الفرح لينا نسأل الله عودة كل الرائعين بدون فرز.
ودي الكثيف

بركه اللقيتك بي جاي موضوعي عملت لي فيهو شنو؟؟؟

Post: #171
Title: Re: صحي نحن ( شينين)
Author: khaleel
Date: 11-14-2006, 12:30 PM
Parent: #169

بت قضيم

وفيت وكفيت

حتي الجلابية والعمة منو القال دها لبس سمح

Post: #175
Title: Re: صحي نحن ( شينين)
Author: doma
Date: 11-15-2006, 02:32 AM
Parent: #171

Quote: هيفاء وهبي الناس الخلقهم الله كده في بلاد كده يقوم فيها التفاح وبلادنا أرادة الله شاءت يقوم فيها الدوم

بت قضيم كتر خيرك وبارك الله فيك بس بقت عليك حكايه صمت دهرا ونطق كفرا نحن الود دا يا الله يا الله قدرنا نسكته تجئ انت تبقي ليهو فزع وتزيد علي الوجع
\ اسه اقوم اسوط البوست دا يا خليل ولا تحجمها بت قضاضيمو دي.
يا زوله والله ليك وحشه والجابك يجيب شيري وليها سلامات مربعات ومكعبات ومرفوعات لي ملايين القوات

Post: #177
Title: Re: صحي نحن ( شينين)
Author: Adil Al Badawi
Date: 11-15-2006, 03:27 AM
Parent: #175

سلامٌ قولٌ لخليل وخِلانه،

قالت بِتْ قضيم:

Quote: كلامنا نفسه شين، دشن،

وأضيف: وضار جداً بل مدمِّر في بعض الأحيان وربَّما جالب لغضب الرب. واحد صاحبنا ولدو دخل عليهم في الديوان صادوا واحد مسيخ بتعليق يموِّت الأبو ومعنويَّات الولد، قال: إنت يا أخوي ولدك دا شناتو دي ما شنات زولاً خلقو الله...يكون اتعلَّموا فوقو الملايكة!

أعوذ بالله من شنات الملافظ.

Post: #178
Title: Re: صحي نحن ( شينين)
Author: بت قضيم
Date: 11-15-2006, 03:29 AM
Parent: #1

سلامات
دومة ترى (بالسعودي الكلمة دي) أنا أموت في الدوم وناس الدوم وكدكدة الدوم
وأنا مش معترضة إلا على تأكيدنا (الفارغ) بأننا شعب الله المختار
ياخي ما قادرين نشوف عوجة رقبتنا
وانت والبورد كمان وحشني شديد، وكان سألتيني كنت وين اقول ليك (كنت في وقفة مع الذات)
فلسفة طبعاً
خليل السمح وصحبه ازيكم

وبجيكم صادة

Post: #179
Title: Re: صحي نحن ( شينين)
Author: doma
Date: 11-15-2006, 03:44 AM
Parent: #178

Quote: وانت والبورد كمان وحشني شديد، وكان سألتيني كنت وين اقول ليك (كنت في وقفة مع الذات)
فلسفة طبعاً
خليل السمح وصحبه ازيكم

وبجيكم صادة

والله حرام عليكن يا الروحتو طولتو بالله تجي سريع ولو جبتي لي معاك شيري تكون كفرتي عن وقفاتك الفاتن والجايات . عليك العزيز عندك تجئ كفايه وقفه مع الذات
يا ربي شيري دي تكون قرطعت الشربات؟؟ ولا زول قفل عليها الباب بالمزلاج؟؟؟؟؟!!! لول حلوه مزلاج دي .
بعدين خليل يلقي السماحه من وين؟؟؟

انت صدقتي؟؟؟اساليني انا منو بس سترا ليهو ما بنزلها البورد

Post: #203
Title: Re: صحي نحن ( شينين)
Author: khaleel
Date: 11-15-2006, 12:54 PM
Parent: #179

Quote: بعدين خليل يلقي السماحه من وين؟؟؟

هوي يا دومة هوي

ما سمعتي البنات بغنوا لي

يا يمة اندهي لي زيارة السبت

( خلي) دها الشرط وبوقف النبض

Post: #180
Title: Re: صحي نحن ( شينين)
Author: بت قضيم
Date: 11-15-2006, 05:06 AM
Parent: #1

عادل البدوي زولك بالغ
ما عارفة أقول شنو لكن صحي الشين شين، حيقول ليه شنو يعني وبأي أسلوب؟
شناة ولدك سمحة؟؟!!!
هو كان بس يبلع شناته دي ويسكت
وبعدين يا خليل أخوي ما سمعت السودانية عندما تنتشي بأغاني الحماسة الهابطة تقول الجلابية بيضا مكوية والعمة الفي راس مطوية، يعني الدلالة واضحة في هذه الأغنية غير أنها تشيد بأناقة العمة والجلابية فهي تؤكد ندرة أن تكون هذه الجلابية ذات ليلة نادرة نظيفة ومرتبة ومكوية
(عليه) المشكلة ليست في الجلابية itself المشكلة (إذن) في الغسالة

دوما
يا ربي تكون شيري اتزوجت وعاشت في تبات ونبات وخلفت الصبيان والبنات ؟؟!!!
وقام راجلها I mean زوجها قال ليها إياك تعتبي جهة الناس الشينين ديل بكسر كورعينك ديل؟
باقي في كلام في البورد ده رمي الجمرات في الحج ألطف منه وأقل كوريماً للراس
(بالله شوفي شناة كلمة راجلها وراسه مكورم وكرعين دي؟!)
غايتو القعدني من (وقفة مع الذات) يقعدها إن شاء الله في البورد بي ناسه الشينة ناس خليل ديل وناسو السمحة ناس بت قضيم ودوما ديل،
وتحديداً يقعدها في هذا البوست الموغل في الحميمية (حميمية شناتنا الما بتشبه زول غيرنا في الدنيا دي كلها ياخي نحن نوعا ًما فعلا ممييزين)

هسة مذيعة الجن دي الشفتها امبارح (ما ادري) اول امبارح ما لقت ليها ترزي (مقنبر) في سوق النسوان يطق ليها طرف التوب المدلدل في الاستديو كله عمل لي وجع عيون ابحلق في الخيوط المهلهة أحاول أعرف ده شنو؟
الله يوجع عيونك انت زاتك يا ده المخرج ما قدرت تحميها تلبس ليها توب طرفه عامل ذي الشعيرية الببيعوها في السكة حديد؟ بالله ما قدرت تطقوا يطقها في (صنقوع) راسها إن شاء الله
قال سمحين قال

Post: #181
Title: Re: صحي نحن ( شينين)
Author: بدرالدين شنا
Date: 11-15-2006, 05:55 AM
Parent: #180

الغالية بت قضيم
سلاااااااااااام كتييييييييييييييييير
والله مشتاقين
شفت إسمك وجيت داخل

Post: #182
Title: Re: صحي نحن ( شينين)
Author: عبد الدائم سيد أحمد
Date: 11-15-2006, 05:56 AM
Parent: #1

عامل الجو ليهو تأثير شديد والدليل الواحد ولا الواحدة
لما يغترب فى بلاد جوها سمح ويرطب ويلقى الراحات تلاقى
شكلو اتغير ولونو فتح ويادوب ملامحو تظهر ولما يرجع السودان
يقولو ليك والله فلان/ـة بقى/ـت سمح/ـة سماحة .
نحن الجنس الوحيد المن الصباح البت بتشيل المقشاشة
وآآآآلله فى اجناس هنا فى السعودية شينين شنا بس نافعهم البياض

تخريمة
عندى صديقى من اولاد الخرطوم 3 شين شنا شديدة ولونو اسود
وعلى حس انو من نمرة 3 سافر لاهلو فى الشمالية ووصل فى الليل
واتغطى ورقد نام ، الصباح الشفع متكيفين من ود الخرطوم يمشو
يعاينو ليهو وهو نايم ويقولو ماشاء الله حلا وحمار ( يعنى احمر ) .

Post: #183
Title: Re: صحي نحن ( شينين)
Author: بت قضيم
Date: 11-15-2006, 06:23 AM
Parent: #1

بدر الدين شناة
الجابك يجيب عقابك
والله لحظات سعيدة دي أن نلتقي في هذه اللحظات السعيدة في رحاب بوست الشينين
أها يا دوما هسة في (ظمتك) بدر الدين ده شين ؟
يقولوا لقبه شناة بالله دي ما (إحتساسية في الذات الأبية؟)
كان بدر الدين شين السمح منو؟
هيفاء وهبي؟؟!!
شوف عيني شعرها كله قشرة وكمان شخصيتها باهتة

سلامات أخوي بدر
حبابك مليون (بس ما سوداني باقي حتى مليون السودان ذي ريال السعودية)

ويا ولدي يا (هناي) ، عبد الدايم بالله في أسوأ واللا أزفت من جو الخليج؟
بالله فكونا الجو والطقس وعوامل التعرية؟
مالنا،، شايلين الشمس في (عنقرتنا)؟!

عيون غزلانا مالها ما جاتها (استكمتزم) من الحر؟!
شعر كدايسنا مالو ما قرقد ووقف شوك من الكتاحة؟
ياخي دقيقة ياخ

حاشية النص
نقصد استخدام الالفاظ الدشنة في حديثنا إمعانا في تأكيد دشانة سيادتنا

Post: #184
Title: Re: صحي نحن ( شينين)
Author: ibrahim sidahmed
Date: 11-15-2006, 06:43 AM
Parent: #1

انت عارف الشنة دي جاتنا بفعل فاعل يعني نحنا بوضوح لم نتوارثها بس في عوامل ومظاريف(الجمع الحميد لي ظروف) خلت البني ادم السوداني ملامحو زي يوم السبت..انا بحاول اديك منها حبة تبلعها علي الريق
اول حاجة (الصَرة)وهي تعني اصطلاحا تهافت ملامح الوجة بجهاتة الاربعة نحو منطقة في المنتصف تؤدى الي بروز ما تبقي من الفم الي الامام بحركة غير رشيقة وهنا قد يحدث التباس بين الصرة والطريمة وهذة من طرَم, والطريم أقل صرامة من الصرة, وله علاقة( بالحردة)وهو احساس مؤقت قد ينتهي سريع ولة علاقة وثيقة بالوجبات الثلاث..ولكنه تطور في الأونة الاخيرة الي الحد الذي فيه يحرد شخوص بلد كاملة ,حدادي مدادي شدر وبشر ,يحردها ويشيل طريمتو معاهو واحتمال يطرحها مع نزلتو من الطيارة
المهم ..الصرة ولا صمَة الخشم..هذا التعبير الزاحف نحو المنطقة اياها ...فجأة وبلا مقدمات نسي واستحال علية الرجوع يعني بوضوح الوجوة نست صَرتها في حتتها(وجات المغارب حننت ايدها ومشت )والصَرة في حتتها..شرقت شمس اليوم التاني والصَرة في حتتها..بعد مرور وقت ليس بالهين من عمر الشعوب وصلت الصَرة حد ال(climax stage ).ودا حد بالدارجي الصاري يعني (الجوه جوه والبره بره) يعني الشَربكه ما يحلها.وبقدره قادر صارت الَصَرة تورث من جيل الأزمات الي اللاحقون منهم ,يعني شوف واحدمن جيل الستينات او الخمسينات اول حاجة اضانو بتكون مرخية (من كترة كلمة (ارخي لي اضانك),والحتة البين الحاجبين دي وكر التغطيبة وهي المعارضة الفعلية والفاعلة ضد الترطيبة,تلقاها خطين ومرات تلاتة خطوط راسية والحتة دي تلقي الواحدرافع يدو بشكل افقي وحاني ضهرو حنية عطسة كدا, دا لزوم تحري الرؤيا لانو بعيد عننا كدا كلنا كسودانين بالجنسية والتجنس وشنات الطبع بقينا ما عارفين الجايينا شنو اشان كدا قامت لينا عضلات الشوف المكفية علي روحهاومرات بتكون افقية(المثقفين بقولو رفح حاجب الدهشة)يا زول الناس ديل رافعين سقالة عديل .كترة المصايب وتلقي الخبار المحزنة والاخبار المكررة زي الانقاذ.انا عندي راي انو الذال يقلبوها ظاط يعني تكون (الانقاظ) اشان الواحد لما ينطقها لقاليقو تجي في مقدمة خشمو..كدي بواصل مرة تانية هسي اتذكرت حاجة بكتبها تحت
الصَرة بتهد في الزول الصارين ليهو. يعني ..الاجهزة الشرطية كلها ,ما ظهر ومنها وما بطن, الا ناس المطافي وناس المرور زمان ,قبل الدفاتر الطايرة ,والله تلقاهم متلمين دايرين يقطعوه ايصال تقول دايرين يطهرو,اها ديل بصرصرو ليك لحدي ما وشو ينعكس في وشك وتشيل شناتو تهدها في البلاقيك.ويمرق الزول القاطعنو مروق الروح,صَرة وتغطيبة وحرده وطمام وغبن وخيبة وقلة حيلة (يعني بإختصار الواحد وشو بيتحول لي خراجة)
الكلام دا ما خستكة خالص. لمَوا السودانيين ديل وأطرحو وشهم وخلوهم يندسو من الحكومة ويضربهم همبريب ويشربو موية نضيفة ويلاقو احبانهم تحت سقف رحيم ويرجعو لي زوجاتهم اقل امتعاطا من رب العمل او الامل..انظر اليهم
اما السودانيات وهو المؤنث من السودانيين ..فسنعود

Post: #185
Title: Re: صحي نحن ( شينين)
Author: بت قضيم
Date: 11-15-2006, 07:05 AM
Parent: #1

دقيقة دقيقة ياخ
إبراهيم سيد أحمد
يجازي محنك
لذيذ بشكل!!!!

يا خليل يا أخوي بس أنا بقيت ليك يا هو زاتو جدادة الوادي
بعد شوية بتصلبط في البوست وبطالب بتغيير أسمه وكاتبة يبقى أنا

Post: #187
Title: Re: صحي نحن ( شينين)
Author: Tumadir
Date: 11-15-2006, 07:45 AM
Parent: #185

البلاد البقوم فيها تفاح ونحن بلدنا بقوم فيها الدوم دى سرقة ادبية يا بت قضيم

الكلام ده انا كتبتو فى البورد زمان قبل ما اعمل استصال كامل لعنصريتى

حسة انتى جيتى من وين وما كلمتينا ونحن مشتاقين ليك وفاقدنك كده؟

وفاتحة علينا نار كمان؟

بت قضيم ازييييييييييييييييييييييك

نحن هنا فى امريكا بيسالونا يقولوا لينا السودانيين كلهم سمحين كده؟

ليه يا جماعة

الدنيا دى تحقرنا وتهيننا وتجوا ترموا اللوم علينا؟

اى زول ما بياكل اكل صحى ويتنفس اكسجين نضيف ويتريض وفى حياته فى "مرح" بيبقى شين؟

السودانيين ديل زى ما قلت: زيهم وزى غيرهم

انا شفت ناس شينين من شعوب كنا بنعرفهم سمحين هناك فى السودان

واى بت او ولد فى عمر الشباب بيكون سمح ..ولو اهتموا بنفسهم ومظهرهم بيبهروا العين، والبجيبوهم فى الشاشات ديل بيصرفوا عليهم ملايين عديل كده ...يعنى مش دلكة بيسبعه قروش وكركار بقرشين ...ملايييييين ..تعرفوا ملايين دى فى السودان يعنى شنو؟ يعنى 40 حلة فيهم مدرسة ومستشفى ونقطة بوليس ومجلس بلدى ...دى كلها بيشتروا بيها كريمات ومحسنات بديعية غير عمليات التجميل وبرامج الرياضة المكثفة ...والموارد الطبيعية للغذاء

ياجماعة نحن سمحين

ماعارفة لكن انا تبع حقوق الانسان ...وبشوف كلامى ده صاح ...

Post: #188
Title: Re: صحي نحن ( شينين)
Author: doma
Date: 11-15-2006, 08:17 AM
Parent: #187

انا غايتو راي مع تماضر السودانيات سمحات بس لو بعدن من المدائد والشحم الزائد.اسع انا اقول كدي يا يمه اقشر ليكم واكحل عويناتي ديل وانزل ليكم صورتي رغم اني بلغت من الكبر عتيا ابقي ولا هيفاء وهبي البتقولوها دي
النبي زول يوريني صورتها

Post: #190
Title: Re: صحي نحن ( شينين)
Author: ibrahim sidahmed
Date: 11-15-2006, 08:39 AM
Parent: #187

ده مثلا عمرو ما بكون اتجاوزالتسع سنين ..اتخيل معاي شيل يدو نزلها تحت شيل الشمس القدامو دي واجدعها وراهو نظام غروب واصيل وكدا,شيل همَو رجعو للناس االهمموه.صنفرو بالبروتين الما خمج.نقي ليهو احلامو خليهو يصحي حنين وواثق من الهواء والماء..
وبعد داك ..بعد داك بجي راجع

Post: #189
Title: Re: صحي نحن ( شينين)
Author: بت قضيم
Date: 11-15-2006, 08:32 AM
Parent: #1

تماضر
مضورة
أززززززيك أنت والله ليك وحشة
على فكرة اسم (تماضر) يعني شنو ؟؟ معناه شنو يعني؟

ده بره الموضوع
وداخل الموضوع (وحاة الله يا بت أمي يطرشني طرش الموت كان سمعت بي كلامك ده)
قصدي يطرش عيوني يعني

خلاص ما تزعلي
قونقليز بلدنا زاتو ما بشبه عنب بلادهم
والدليل (أسأل العنبة الرامية فوق بيتهم)

تماضر والله وحشتوني
والللللللله وما طالباني حلفان (طيب بتحلفي ليه؟؟)

أما بالنسبة لناس أميركا
غير انهم بصرفوا قروشهم فهناك ميزة حلوة جداً
الثقة
يعني الواحد تلقي يا صلعته بادية من ضهره
يا واحدة شعرها سجم التاباني والياباني والهندي والصيني
يا واحد كرشه واصله لي ركبه
يا واقع في صحن سنون
مع ذلك منتهى الثقة

احنا كان الواحدة ما لصقت شعرها بصباع أمير قبل ما تطلع ما بتطلع
وبعدين القال ليك الكركار رخيص منو؟
يا حبة رخيص ليكم انتوا ناس الدولارات (ما شاء الله وتبارك الله)
ناس احنا ناس الدينار العواليق المابشبه يا كافي البلا دينار الأردن لا يا كافي البلا دينار ناس هارون الرشيد زمان يا كافي البلا ولا حتى واصل يشبه دينار حلة بعشوم
ناس ديل الكركار بالنسبة ليهم رفاهية ده لو ما أدوه حلاوة للعيال بدل الشكولاتة.

ديل بعرفوا يسرحوا شعرهم بالجد جد، كان عندهم قروش كان لا

وتاااااااااني سلامات مشتاقين

Post: #194
Title: Re: صحي نحن ( شينين)
Author: doma
Date: 11-15-2006, 09:29 AM
Parent: #189

Quote: ده بره الموضوع
وداخل الموضوع (وحاة الله يا بت أمي يطرشني طرش الموت كان سمعت بي كلامك ده)
قصدي يطرش عيوني يعني
قضاضيمو بريه من الطرش
قالتو وحتي انا اكلت في خاتري قلت يعني اسمي تماضر شنفتو لي

Post: #191
Title: Re: صحي نحن ( شينين)
Author: بابكر حامد احمد
Date: 11-15-2006, 09:03 AM
Parent: #1

يا جماعة نحن شينين ودي ما بختلفوا فيها أتنين .... والبنشفوا سمح بينطبق عليه المثل البقول الطشاش في بلد العمي شوف ... او بلادا ما فيها التمساح يقدل فيها الورل ...

Post: #192
Title: Re: صحي نحن ( شينين)
Author: احمد التجانى احمد
Date: 11-15-2006, 09:19 AM
Parent: #191

بنوت وجنيات البورد
شناتنا بنات على اولاد الا من رحم ربى اصلو ماممكن تكون موضوع
خلاف بين نفرين من ناس السماحة

البنت نجاح المساعيد بتاعت برنامج دانات
لما تقول الشعر طوالى باتذكر مكنة الايسكريم
المكنة سمحة وبتطلع حاجة سمحة

Post: #199
Title: Re: صحي نحن ( شينين)
Author: khaleel
Date: 11-15-2006, 11:48 AM
Parent: #192

Quote: البنت نجاح المساعيد بتاعت برنامج دانات

انت يا احمد التجاني

شفت المذيعة حليمة بولند

خشماه ودعة بس

جضمها انا ممكن احلف مصحف

انو البت في حياتها ابوها ما اداها ( كف)

Post: #193
Title: Re: صحي نحن ( شينين)
Author: doma
Date: 11-15-2006, 09:23 AM
Parent: #191

بري انا غايتو زمان بنات حينا كلهم سمحين و بنات اهلي كلهم سمحين وبنات فصلي كلهم سمحين وبنات جامعتنا كلهم سمحين وانا اشني زول فيهم
اها ناسكم الاشنا مني ديل الا يكونوا جوا اسه

Post: #195
Title: Re: صحي نحن ( شينين)
Author: أيمن الطيب
Date: 11-15-2006, 10:16 AM
Parent: #1

سلامات يا خلّى يا هندسه والشباب,
كثيرا ما أسأل نفسى ماذالو أتت حيكومة خليل المحليه لترى بنفسها ما يثيره خليلها من الأعاصير والأتربة والهواء غير الطلق ابدا. يا صديقى كتبت علينا خطى ومشيناها وكان لابد من مشيها,فيما أرى الكثير من الأسئلة هنا و قليل من بكاء,تبقى سودانيتنا فوق وما إنت من يجهل يا صاحبى كيف وأين وعند من يوجد الجمال وحاول إيجاد تفسير جديد لقول شاعر قال فى زمن غير بعيد:-
بلادى وإن جارت على ..................الخ البيت ودعك مماقالوا لك في فداسى قديماو انا متأكد من وضوح الإشارة وإرتفاع درجة الّذكاء لديكم,ما زالت تراودنى نفسى بقلب إتجاه هذا البوست بإتجاهكم من باب المداعبةوأتمنى أن تكون حكوماتكم ذات نيران صديقة!!!!!!!!
خوفى عليكم أن تعدوا من مشجعى الكورة اللبنانية( )

فائق ألمودة يا هندسه

Post: #196
Title: Re: صحي نحن ( شينين)
Author: عبدالكريم الامين احمد
Date: 11-15-2006, 11:13 AM
Parent: #195

Quote: خوفى عليكم أن تعدوا من مشعجى الكورة البنانية

والله يا جماعة انتو احلي ناس..ومعاكم خليلكم الوشو زي الكبك ده...
وانا يا ايمن غايتو بصراحة خليك من الكورة اللبنانية لكن هيفاء وهبي سمحة عديل كده
سماحة جد.....

Post: #198
Title: Re: صحي نحن ( شينين)
Author: khaleel
Date: 11-15-2006, 11:43 AM
Parent: #196

ازيكم يا حلويين

حارد عليكم واحد زاحد

لكن عندي حاجة خايف انساها

كريم ديانا

hair and lovely

neveia

dove

sunsilk

shampoo

دي كلها ما اجدت نفعا

Post: #200
Title: Re: صحي نحن ( شينين)
Author: khaleel
Date: 11-15-2006, 11:54 AM
Parent: #195

Quote: خوفى عليكم أن تعدوا من مشعجى الكورة البنانية( )

ايمن الطيب سلامات

فريق الموردة مشي لعبو في لبنان

بريش وبرشم والصادق وويو ومتوكل والزنجي

المورداب لعبو مع اللبنانين ضرب جد ( ركب بس)

المذيع اللبناني خجل اقول السودانيين شينين

بس قالها بطريقة السفراء

( السودانيين لعبهم اكتير قاسي)

Post: #197
Title: Re: صحي نحن ( شينين)
Author: سارة حمزة
Date: 11-15-2006, 11:34 AM
Parent: #1

Quote: وشوية في الاحفاد

احنا قبيل شن قولنا

Post: #201
Title: Re: صحي نحن ( شينين)
Author: Ahmad Sanad
Date: 11-15-2006, 12:24 PM
Parent: #197

كفارة

تحياتي

محمد جمال

Post: #202
Title: Re: صحي نحن ( شينين)
Author: khaleel
Date: 11-15-2006, 12:39 PM
Parent: #201

احمد سند

كفارة للشنة

لكن يا احمد البريدو جميل الا نافر

Post: #204
Title: Re: صحي نحن ( شينين)
Author: khaleel
Date: 11-15-2006, 12:58 PM
Parent: #197

سارة حمزة

مرة في معرض الزهور لقيت واحدة من الاحفاد

قالت انا بدرس (family)

والله اليوم داك قربت اموت

طول كيف وشعر كيف ولون كيف ياخي مادلين طبر شنو وجنيفير لوبيز شنو

اسمها (حباب)

وين الناس ديل ياخ سلمي عليهن

Post: #205
Title: Re: صحي نحن ( شينين)
Author: أيمن الطيب
Date: 11-15-2006, 03:13 PM
Parent: #204

مساء الزهور يا ابو خليل,
الحوض فيهو بلوم يا الأخو,
والله انت محتاج عدد 2 حكم و 5 رجل خط حولك ,
إنفعالاتك يشوبها بعض العنف وإن إمتلأ شخصك حباو نبلا,
ألاحفاد شكلت وترا مس الكثير من السودانيين سلبا
و إيجاباوأصبحت شريحه لهاأثرها على مجتمعنا
خاصة العاصمي .
يا كيكي صاحبك ده امسكو حتى نلتقي .

Post: #206
Title: Re: صحي نحن ( شينين)
Author: Adil Al Badawi
Date: 11-16-2006, 04:53 AM
Parent: #205

شنامات يا شباب،

قالت بِتْ قضيم
Quote: هسة مذيعة الجن دي الشفتها امبارح (ما ادري) اول امبارح ما لقت ليها ترزي (مقنبر) في سوق النسوان يطق ليها طرف التوب المدلدل في الاستديو كله عمل لي وجع عيون ابحلق في الخيوط المهلهة أحاول أعرف ده شنو؟
الله يوجع عيونك انت زاتك يا ده المخرج ما قدرت تحميها تلبس ليها توب طرفه عامل ذي الشعيرية الببيعوها في السكة حديد؟ بالله ما قدرت تطقوا يطقها في (صنقوع) راسها إن شاء الله
تعرفي يا بِتْ قضيم إنُّو تلفزيون السودان دا (خصوصاً النشرة) يعتبر واحدة من وسائل تسليتي الرئيسية! أصلو الحكاية بَدَت معاي في يوم تقطَّعت بي كل أسباب التسلية فقلت أشوف تلفزيون السودان وانتهت معاي إنّي (مع إنّي ما دكتور لانفساني ولا نفيساني) أدِّي أي زول عندو أكان اكتئاب أكان زهجة أكان قحة أكان التهاب فِرِد روشِتَّة: نشرة تلفزيون السودان...حَبَّة عند اللزوم يا حَبَّة وما تتغطّى ذاتو.

ما تميت ليك القصَّة، القصة بَدَت معاي (ضمن متلازمة بيل كلنتون التي من أعراضها السعي بين صفا ومروة المحطات التلفزيونية والتي أصابتني مؤخّراً) يوم حوَّلت المحطَّة لتلفزيون السودان أها لقيت فيهو كورة وأنا ما زول كورة لكين قلت كورة...كورة، شنو يعني! عايرة وندِّيها سوط سوطين، يعني حا تجيب لي اكتئاب أكتر من الاكتئاب الأنا فيهو دا. المهم يا زولة أول حاجة لفتت نظري نجيلة الأستاد ياخي التقول زالطِنَّها بكريم ديانا الماتت، ديانا ما النجيلة، وشبعت موت ديك. قامت يا زولة النجيلة (صناعية هي؟ أكان صناعية تكون ما قامت) زلقت الحارس النيجيري وترااااح وقع، وألا يا ربي رماهو زول من "الزولات" البِهَرْجلو في خط طمنتاشر ديلاك. وقع يا زولة الزول وما في شي ضحّكني اليوم داك قَدُر الزول الوقع وما كِتْرَت سكاكينو دا...أولاً سرعة استجابة المسعفين...ياخي الزول دا (لو إصابتو كانت خطيرة) كان مات لحدي ما وصلوهو المسعفين بَسْ قُلْتَ، بيني وبين نفسي، تلقاهم لاكو ليهم فَص قصب سُكَر وقالوا (من بين ريالة القصب والغَبَشة إياها التي يضفيها على الخدود الأسيلة): ياخ سيبك مِنُّو دا بِسْتَهبَل ساكت...المصيبة إنَّهم لمَّا اتكرَّموا ودخلوا ليهو كانوا لا شايلين نقَّالة يا كافي البلا لا شنطة لا بخّاخ...لصقة...لصقة ساكت ما شُفتَهم شايلنَّها...أقول ليك حاجة: موية الله والرسول دي ما شُفتهم شايلنَّها في كوز سبيل مقدود وحَبْلو جارِّي وراهو بالـواطة. بيني وبينك قلت الله يستر، الناس ديل إلا يكونو ماشِّين يدُّو الزول دا شلّوت شلّوتين، بُنية بُنيتين...بالميِّت كدا الناس ديل ياهم الناهرين الزول دا يقوم يشوف كورتو وين. غايتو قالوا ليهو شنو ما بعرفو لكين الزول قام نفَّض...أوكي قفازاتو وجرى علي كورتو الانتهت، ما تساليني كَمْ كَمْ لأنو جاتنا بعدها النشرة وما أدريك ما النشرة.

أولا بالتبادي، سين سؤال: المذيعين والمذيعات ديل بِشَخْبِطو في شنو قبل النشرة وبعدها؟ تانياً بالتبادي وأول هام: الناس البِجو في النشرة ديل ما لهم كلَّهم صارِّين وشوشهم كدا التقول مدقوقين عليها (وشوشهم والنشرة، طبعاً)...أول حاجة قُلْت يمكن هموم السياسة...طيِّب، هموم السياسة عرفناها...ناس القروش ديل...المصيبة الواقعة فوقهم شنو؟ ياخي جابو خَبَر عن اتفاقية (ذكية) بين بنك لبناني وبنك سوداني ووحاتك أكان ما رَقَشة اللبنانيين كان قُلْتَ الناس ديل ملمومين فوق أربعين إعلان إفلاس البنك. تاني هام: المحيِّرني خِلَق الناس البِجو في النشرة والفاشون كرايمز المُشْ بَسْ برتكبوها بِقوا كمان يعادو بيها الزوَّار الأجانب...وزول بِجي في النشرة دا ما بِجي لَبَط وألا ضَهَب ساكت...أكيد مسئول كبير، بَشْتَنة المسئولين الكُبار داعيها شنو عليك الله. ياخي يجيك مسئول كبير جداً، أنا ما متأكِّد إذا عندو لِبِّيس (زول بِلَبِّسو يعني) وألا لا، لكين القاطع شَكُّو ومحيِّرني إنُّو عندو مَرَتين... مَرَتين اتنين واحدة مَنَّهِن سااااي الله فتح عليها تقول ليهو "أفرد جبينك لي خلِّيهو يِنْفَرَّ" مافي؟ أما نظَّارتو ديك خليها ساكت...زول مسئول كبير جداً في دولة بترولية ممكن تعمل للعِمي الفي الدنيا دي كلَّها جراحات ليزك وهو ما قادر يختار ليهو نظَّارة على الأقل متناسقة مع، خليها ملامح وشُّو ديك، نقول منصبو السياسي؟ و مسئول كبير جداً تاني، جا ينضم في حاجة كِدا عندها علاقة باستراتيجية رُبع قرن لي قدَّام وهو شَعَر راسو واقف قرون قرون. لو كُنْتَ المسئول، الزول دا كان قَبُل ما أخلُّيهو ينضم في استراتيجية رُبُع ساعة لي قدَّام خَلِّيهو رُبْع القرن داك، كنت بسوقو أحلق ليهو تِفَّتو دي وأحرق ليهو لَبْستو بتاعت السقط اللابسها دي وبعد داك اليجي يِنْضُم إن شاء الله قرن كامل في استراتيجية قرون حدَّها يوم القيامة بَسْ...لاحقين شنو نحنا.

أمَّا عدم الإتيكيت والله يِكْتُل من الضِحِك وشرَّ البلية ما يِكْتُل من الضِحِك. جاء مسئول أريتري عشان يِنْضُم مع مسئول كبير تالت (لو كُنْتَ محَلّو أول حاجة بَغَيِّر اسمي الأوضة وبرندتين دا إن شاء الله لي عبد الحليم حافظ) والله، وماك طالباني حليفة لكين بحلِف ليك هُوادة سااااي أفشَّ بيها مَغَستي دي، الدبلوماسي الأريتري (وهو أصلاً جاييي ساكِّي ليهو شهراً ما عِنْدو فيهو اللهمَّ إلا نفقة استقرار المنطقة) قاعد بطريقة تفيض بندى الايتيكيت واللخو بتاعنا قاعد بطريقة أكتر طريقة مهذَبة نوصفها ليك بيها إنّها جلافيط...بالله دي طريقة دي؟ في شان شنو يعني عدم احترام الناس (والنفس) دا.

وفي شان معاداتهم للزوّار الأجانب بالفاشون كرايمز البرتكبوها مرَّة عادو ليك كوفي عنان عَدْوَة عدوك...جابوهو ليك أغبااااش لامِن شِفِقتَ عليهو وقَعَدْت أكورك برااااي متل المجنون: الله لا كسَّبْكُم... الله لا كسَّبْكُم وصلتو لحدِّي كوفي أنان أنانة ما سرَّكم باتع. الراجل دا أكبر مسئول في أكبر منظَّمة دولية ممكن، لو عاوز، يفصِّل بدلة أرماني من جلودكم الغبشا دي...يجي يبقى ما بِنْفَرِز من ناسكم ناس سفنجتي راحت ديل.

غايتو أبشِّرْكم...الحالة بَدَت تتصلَّح شوية، على الأقل الغَبَشة انحصرت في التقارير المصوَّرة وألا يا ربّي اندسَّت ورا العَرَق؟ ونِطَّيط العيون تراهو انحصر في مذيع وألا مذيعين. التغييرات في لِبْس المسئولين السودانيين بَدَت بدءاً بزيارتهم الأخيرة للأمم المتحدة بنيويورك...يكونو يا ربي غِشو ساكس فيفث أفينيو؟ أما المذيعين والمذيعات (حقِّين النشرة يا بِتْ قضيم، التانيين ديلاك ما قاعد أشوفهم أصلاً) فأبشِّركم بأمطار أناقة (جعلها الله أمطار خير وبركة) هطلت على النشرة الجوية أما النشرات التانية فممكن نقول إنُّو مذيعي ومذيعات (خصوصاً مذيعات) النشرة الرئيسية الأيامات دي فوق الفاصل المداري تَبْ شكلهم صرفو ليهم بَدَل اللبس فيما يتأرجح مذيعي ومذيعات النشرة الاقتصادية مرّة فوق ومرّة تِحِت لكين في نشرة كدي غايتو، الله يعفى لي من حق أحد مذيعيها بَسْ لأنو أناقتو أغلب الأحيان في حلايب عشان الفاصل المداري يصلها داير ليهو انقلاب مناخي مسبَّب بقنبلة نووية لا تبقي لا سمحين ولا شينين لا أنيقين ولا مبشتنين ولا تذر حتى المشاهدين.

بالله دا كُلو مقطِّعو في مصاريني الزمن دا كُلو إهي...إهي...إهي. استغفر الله.

Post: #207
Title: Re: صحي نحن ( شينين)
Author: khaleel
Date: 11-16-2006, 10:54 AM
Parent: #206

الايدين القويات ديل

نسوانا جابنهن من وين

الواحدة تسلم عليها تقول يدها بتمشي بيها

ما شفتو ناس منة شلبي يد زي اللكوم

Post: #208
Title: Re: صحي نحن ( شينين)
Author: حيدر حسن ميرغني
Date: 11-16-2006, 11:14 AM
Parent: #207

ابو الخل

واحد صاحبنا شغال في استقدام العمالة المنزلية كان منتظر ليهو زول في مطار خليجي وبعدين وجد

خليجي زعلان من شكل الخادمة اللي استلمها من المطار .. مشا ليهو (في محاولة لعمل دعاية لمكتبهم)

وقال للراجل .. بالله دي اشكال يدخلوها البلد والله ناس المكتب ديل ظلموك .. ده مكتب منو الجاب

ليك الخدامة دي

الراجل نظر ليهو من فوق لى تحت وقال ليهو ... بالله إنت زاتك الجابك البلد منو؟

Post: #209
Title: Re: صحي نحن ( شينين)
Author: عامر تيتاوى
Date: 11-16-2006, 11:23 AM
Parent: #208

خلو

نحنا ماشينين خااااااااااالص
لكين ما بنعرف نبين حبة الحلا
العندنا
وكمان بنطبزا زيادة لما تشوف
تلفزيونا
طوالى بتذكر غنية سيد خليفة
وين السمحين وين راحوا !!
فى بلدنا فى جمال كتير لكين
رايح وسط الزحمة

Post: #210
Title: Re: صحي نحن ( شينين)
Author: عبدالكريم الامين احمد
Date: 11-16-2006, 11:28 AM
Parent: #209

Quote: طوالى بتذكر غنية سيد خليفة
وين السمحين وين راحوا !!

انت عارف يا تيتاوي ذكرتني قصة الفنان الكحلاوي
مشي حفلة يغني لقي الاولاد والبنات والعروس ذاتها كلهم (كوم شنة) جد..
فغني اغنية (انا طير) سبعة مرات..!!

Post: #211
Title: Re: صحي نحن ( شينين)
Author: doma
Date: 11-16-2006, 11:33 AM
Parent: #207

Quote: لايدين القويات ديل

نسوانا جابنهن من وين

الواحدة تسلم عليها تقول يدها بتمشي بيها

ما شفتو ناس منة شلبي يد زي اللكوم

لكوم في عينك
دي
ايادي عامله ربيناكم بيها تكسر الحطب وتعوس الكسره وتغسل في هديماتكم والعده و تفرك في السم الهاري عشان تتحنطروا تجوا بعد كبرتوا واتعلمتوا ومرقتوا بلاد بره تتمسخروا وتتفشخروا وتسخروا من يدينا ودهنا وتوب الزراق ودلكتنا وحنتنا وشناتنا

Post: #212
Title: Re: صحي نحن ( شينين)
Author: عبدالكريم الامين احمد
Date: 11-16-2006, 11:39 AM
Parent: #211

Quote: ما شفتو ناس منة شلبي يد زي اللكوم

وفوق ده يا دومة..
الزول ده عاوز اعرف بس مني شلبي دي سلم عيها وين؟؟؟
ياربي كان كومبارس في فيلم (الساحر) ولاشنو..!!

خلي..
انت بقيت تسلم من ورانا ولا شنو..؟؟

Post: #213
Title: Re: صحي نحن ( شينين)
Author: Ahmad Sanad
Date: 11-16-2006, 01:06 PM
Parent: #212

يا خلي
نحن الراجل السمح في في ثقافتنا الجماعية " تحديدا في الوسط" مواصفاته كالتالي:

ما هو الفافنوس ما هو الغليد البوص " الشكل: موديل، يوحي بالمقدرة على الفعل والإنجاز"

التمساح العشاري الضارب اللية و لخصيمو جيد لي " المضمون: حمش ونصير للضعفاء وعشى البايتات"

والمرة السمحة هي مرة عم عبد الرحيم " في اغنية مصطفى سيد أحمد"، ودي المرة السمحة في السودان كلو في تقديري.

وبالرجوع لسماحة الراجل السوداني

فلما إكون شكلك مستوفي الشروط بس فعلك في الواقع " إنجازك أي مضمونك" شوية ممكن لسع إنبزوك وفي ناس ممكن إحقروك وقولو عليك حرامي بيأكل قروش الناس بالباطل وجبان وزول فارغ ساكت وبهين النسوان وإضينة وممكن إراقبوك عشان إقبضوك طاشم ولا متلبس في عملية غرام وممكن حتى إقولو عليك بتاع.

بس لما تستوفي الشرط التاني للسماحة " مرحلة التمسحة" بتبقى كامل، ودي مرحلة ما بصلها إلا زول خطير تب، وما قطعه النفس. لمان تصل الحتة دي ما في زول " لا مرة لا راجل" بنضم فيك غلط مهما عملت من عمايل " فأنت في مقام التمساح" كل الناس تقعد تشكر فيك وتتقرب منك وتستعين بيك على الخصوم وهاتي بإسمك وأنت تحمد سيدك ما شغال بي زول ضارب اللية وتبلع جب جب.

وممكن تصل المرحة دي في مجالات الحياة المختلفة زي السياسة والقروش والثقافة والمنابر إلخ.

إنت يا خلى لسه في المرحلة الأولى " ماك الفافنوس ماك الغليد البوص" وهو مكسب، تمساح ما أظنك لحقتها في الشايفو أنا دا " جرستك وكبكبتك قدام الجكس دي ما بتأهلك للمرحلة" والا أنا غلطان؟.

عشان كدا أعمل حسابك من الجندر وحاول شوف ليك خطوط رجعة " القصة دي أنا في الشايفو ما حا تنتهي على خير"

بس لو تشكرني حا أتبناك، تعال لي على القيفة أنا بجي مارق ليك من البحر ما محتاج تجيني في اللية.
بديك مسحة بضنبي في ضهرك لزوم القبول لشكرك الواجب للتمساح العشاري.

محمد جمال الدين " تمساح في الحق والجمال"

Post: #214
Title: Re: صحي نحن ( شينين)
Author: Sahar Abdelrahman
Date: 11-16-2006, 02:36 PM
Parent: #213

خليل العزيز ....سلامات

تحياتي للزوار الكرام وأشيد بالبوست اللذيذ....

لا...نحن ما شينين ...والدليل علي ذلك أن جميع صديقاتي في سويسرا على قناعة تامة أن السودانيات أجمل النساء...

مع معزتي

سحر

Post: #219
Title: Re: صحي نحن ( شينين)
Author: khaleel
Date: 11-20-2006, 12:54 PM
Parent: #214

Quote: لا...نحن ما شينين ...والدليل علي ذلك أن جميع صديقاتي في سويسرا على قناعة تامة أن السودانيات أجمل النساء

سحر عبد الرحمن مشتاقين

اهدا خاص ليك

الغريب حتي ناس سويسرا منك تغير

شافن الجسم النضير زي الحرير

والخليل حارسك عشان فيك الضمير

والله خائف في مشيتك اسحورك

Post: #218
Title: Re: صحي نحن ( شينين)
Author: khaleel
Date: 11-20-2006, 12:50 PM
Parent: #213

Quote: بس لو تشكرني حا أتبناك، تعال لي على القيفة أنا بجي مارق ليك من البحر ما محتاج تجيني في اللية.
بديك مسحة بضنبي في ضهرك لزوم القبول لشكرك الواجب للتمساح العشاري.

محمد جمال

شكرا يا غزال

ما عندك لينا حاجة من هولندا عشان نصلح الجلحات دي

وبعدين عايز ازيد عشرة كيلو وبعد كدة ممكن اكون ( احمد عز)

Post: #215
Title: Re: صحي نحن ( شينين)
Author: أيمن الطيب
Date: 11-16-2006, 03:19 PM
Parent: #1

يا خلّى العيش حرام.....

لم تكتب في إحدى حسان الفينيق و لكنها كانت سودانيه وأرجو ان اكون مصيبا,

وكان شاعرها ينظر بعين الجمال و ليس تحيزا مني ولكن أستطاع بعضهم إبراز

نواح جمال كثيرة من الحضارات الممتزجة فى تلك البلاد الظالم أهلها,

الإستفزاز عنصر جميل فى بعض الأحيان فقد يكون قصدك تحريك مكامن الإبداع عندهن,

فانا متأكد أن اجمل ما رات عيناك لم تكن من ارض الفرس رغم جمالهن .

كل الجمال يا غالى

Post: #216
Title: Re: صحي نحن ( شينين)
Author: عبدالكريم الامين احمد
Date: 11-18-2006, 03:58 AM
Parent: #215

يا جماعة خلي ده مختفي ليهو يومين..
في اشاعة قوية في الدوحة هنا انو..مقبوض من قبل مجموعة من الشينين والشينات
بحققوا معاهو...!!!
وفي اشاعة اقوي انو لو جاء طالع حينكر البوست ده ...!!!

Post: #217
Title: Re: صحي نحن ( شينين)
Author: Adil Al Badawi
Date: 11-18-2006, 05:51 AM
Parent: #216

خرج خليلٌ بِليلٍ ولم يعد وقبل خروجه بِليْل قال خُليْل:
Quote: شفت المذيعة حليمة بولند

خشماه ودعة بس

ونقول: هو إنت يا خليل من زمنٍ كان فيه "أقيس الفم بودعة" مقياس من مقاييس الجمال؟ دلوقتي يا خِلِّي مقياس الجمال بِقى "أقيس الفم بجدعة"، والجدعة، لمن لا يعلم، تساوي في حساب المساحات خمسة فدادين حسوماً (أنظر، في ذلك، فم أجملينا جولَّي) ودا ذاتو المِجنِّن بوبي الممثّلات الكويتيات العاجباتنَّك ديل ومخلِّيهن، يا خِلِّي، يشيلن وينفخن في "فمومهن" وماكو فايدة تَبْ.

أمَّا لوننا (كان طبيعي كان مكتسب بدخَّان) فالناس بِقَت تصرف عليهو الغالي (الدراهم) والنفيس (تعريض الجسد لعين الشمس ولعين الغاشي والماشي) لتكتسب البشرة سُمرت(نا) الما عاجبة الكثيرين مِنّة(نا) (أنظر، في ذلك، نوال الزغبي، في هذه الأيام، في "التحدي" حالتو دي من المعلوم بالضرورة إنو بِتْمُر أيام، لهذه السُمرة، وتتعدِّي).

أما مستحضراتنا وحيلنا التجميلية من حِنَّة ودخَّان ودلكة...وخمرة وكركار وفركة الخلَّن، يا خِلِّي، عريس غُنية البنات داك لِكَّة، فأنا يا ناس الله ليَّ الليلة...واسترجع بعد قَفلة "الله ليَّ الليلة" دي وأقول: أنا يا ناس أنصح من يساوره شك في مستحضراتنا وحيلنا التجميلية أن يدلف (ويدلف هذه لزوم التفخيم ليس إلا) لأقرب محل من محلات ذا بودي شوب ويسأل، مثلاً، عن سعر مجموعة "المنتجع" وأرجو أن لا يُفتجع ويعصر ضنبو ويتخارج وبارك الله فيمن استسعر ورجع. أزعم أن مفعول مثل هذه الكوليكشنات لا يرقى للبودي سيلكنق الذي أزعم (تاني) أنَّه يحدثه الدخان وأخته (في الغُنية) الدلكة.

في شنو تاني؟! التوب؟!...ووب من جدعتو (وقيل وقعتو) ووب.

ملحوظة: ننصح أخواتنا غير المتزوجات اللائي لا يتاح لهن ما ذكرنا في أعلاه من مسرَّات أن يحرِّشن الجندريات يشوفن ليهن السر (الذكوري، قطع شك، كما هو ذكوريٌ قطع الرَّحط) في كون تلك المسرَّات تقتصر فقط على المتزوِّجات. أدِسْ كِليمة: ما عِندي أي رد على أي أسئلة من "شاكلة": "القال ليك مِنو" أو "سِمِعْتو وألا جابو ليك وألا شُفْتُو بي عينك دي"

Post: #221
Title: Re: صحي نحن ( شينين)
Author: khaleel
Date: 11-20-2006, 01:08 PM
Parent: #217

Quote: خرج خليلٌ بِليلٍ ولم يعد وقبل خروجه بِليْل قال خُليْل

عادل البدوي

مشيت دبي في اليومين ديل

اول حاجة المضيفات في الطائرة من سنغافورة

الفستان حدو الركبة

لم اشاهد ركبة ولا عرقوب

الساق مرسوم والجسم مقسوم

مشيت الفندق في الاستقبال فليبنيات

حلوات بس عيونهم دقاق

بس ما عايز احكي ليك عن الديسكو عشان الجماعة ما تجيهم سقطة قلبية

Post: #220
Title: Re: صحي نحن ( شينين)
Author: khaleel
Date: 11-20-2006, 01:00 PM
Parent: #215

Quote: فانا متأكد أن اجمل ما رات عيناك لم تكن من ارض الفرس رغم جمالهن

ايمن الطيب

وين ياخ

الخلاني فوق نيران جهنم خالف

حار بلحيل فراق الزول بعد ما اوالف

Post: #222
Title: Re: صحي نحن ( شينين)
Author: رشا سالم
Date: 11-20-2006, 01:44 PM
Parent: #220

يا خليل ...

بوست الشنا دا مالو سمح كدا؟

غايتو بت قضيم وعادل البدوي موتوني بالضحك...

ونحنا والله ما شينين بس مشكلتنا التعب والاكل الكعب..

Post: #223
Title: Re: صحي نحن ( شينين)
Author: khaleel
Date: 11-20-2006, 01:59 PM
Parent: #222

Quote: ونحنا والله ما شينين بس مشكلتنا التعب والاكل الكعب..

الاكل ممكن نحل مشكلتو يا رشا

لكن في تعقيدات لوجستية

اولا في ناس خشومن عريضة ( الواحد تقول مفطوم بجردل)

بعدين القدوم والسنون

بعدين بعض البنات الواحدة ما عندها رقبة ( قريبة مهوي القرط) زي ما قالو في كتاب البلاغة بتاع

الثانوي العالي

الشعر القصار الكرعين مشققات ممكن الفتحة تدخل ضب

Post: #224
Title: Re: صحي نحن ( شينين)
Author: بدر الدين الأمير
Date: 11-20-2006, 02:22 PM
Parent: #223

المحيرنى يا خليل هو:

نحن المرأة السمحة بنبكى فيها رجال ونساء

والولود السمح بنبكى فيه نساء ورجال

تنهدات: رحم الله ود القرشى والشفيع، تشوف الصورة تحلف يوسف فى .....

Post: #225
Title: Re: صحي نحن ( شينين)
Author: khaleel
Date: 11-22-2006, 12:04 PM
Parent: #224

Quote: والولود السمح بنبكى فيه نساء ورجال

هلا باميرنا بدر الدين

ودها بوضح لينا انو نسبة الجمال فليلة

والما بشوفو في السودان بخلعك

Post: #226
Title: Re: صحي نحن ( شينين)
Author: khaleel
Date: 11-22-2006, 12:10 PM
Parent: #225

ياخي عندنا ( اشنة ) طريقة في البكاء علي الميت عند المراة السودانية

تراب علي الراس

ربط التوب في النص

ووصف غريب ( حي وووب حي)

الليلة يا ود حشاي والليلة يا ود كلاي

ويا عريس الجدية واليا الختفتك الحدية ومن فرق ايدي

ونفاق المعيزات اول حاجة تدي صاحبة الماتم ( لكزة) للنبيه يعني انا جيتك

ولازم تصطنع دموع وبعد شوية اقالدن واسالمن

شنة وللا ما شنة

Post: #227
Title: Re: صحي نحن ( شينين)
Author: سارة حمزة
Date: 11-22-2006, 12:26 PM
Parent: #1

Quote: سارة حمزة

مرة في معرض الزهور لقيت واحدة من الاحفاد

قالت انا بدرس (family)

والله اليوم داك قربت اموت

طول كيف وشعر كيف ولون كيف ياخي مادلين طبر شنو وجنيفير لوبيز شنو

اسمها (حباب)

وين الناس ديل ياخ سلمي عليهن

خليل ازيك
اها مش قلت ليك احنا سمحين ومادلين شنو كمان البتشبهنا نحنا

حباب السمحة والله ما عارفها وين بس صحي سمحة وزايدة في السماحة كمان
قلت لي قربت ما تموت ههههههه موتك كتر شديد

Post: #228
Title: Re: صحي نحن ( شينين)
Author: khaleel
Date: 11-22-2006, 12:40 PM
Parent: #227

Quote: اها مش قلت ليك احنا سمحين ومادلين شنو كمان البتشبهنا نحنا

لكن يا سارة

ناس مامون حميدة

ادوكم الضربة القاضية الفنية

ديل بضحكوا بالفرنسي

الواحدة تقول ليك(ca va)

Post: #229
Title: Re: صحي نحن ( شينين)
Author: سارة حمزة
Date: 11-22-2006, 12:41 PM
Parent: #1

Quote: ياخي عندنا ( اشنة ) طريقة في البكاء علي الميت عند المراة السودانية

تراب علي الراس

ربط التوب في النص

ووصف غريب ( حي وووب حي)

الليلة يا ود حشاي والليلة يا ود كلاي

ويا عريس الجدية واليا الختفتك الحدية ومن فرق ايدي

ونفاق المعيزات اول حاجة تدي صاحبة الماتم ( لكزة) للنبيه يعني انا جيتك

ولازم تصطنع دموع وبعد شوية اقالدن واسالمن

شنة وللا ما شنة

ابو خليل هو وين الكلام الزمن ده
ده كان زمان زمن حبوباتنا هسة بيت البكة من الصبحية ما بتفرزو
حنة وتياب جديده والوان زاهيه وحال تحزن والله
يحليل الفردة والقنجة
واحترام شعور ناس البكة

Post: #230
Title: Re: صحي نحن ( شينين)
Author: khaleel
Date: 11-22-2006, 12:48 PM
Parent: #229

Quote: ده كان زمان زمن حبوباتنا هسة بيت البكة من الصبحية ما بتفرزو
حنة وتياب جديده والوان زاهيه وحال تحزن والله

عارفة يا سارة

دها زاتو من علامات الشنة

الواحدة حاجة الحلوة تلبسها لي ناس برة

ومع زوجها تحوم بفستان المطبخ

ريحة زيت وريحة عجين وغايتو

حكم ما ظلم

Post: #231
Title: Re: صحي نحن ( شينين)
Author: khaleel
Date: 11-23-2006, 04:09 PM
Parent: #230

نجي للكحل بتاع النسوان

بعملو حاجة اسمها (eyeliners)

لو شفتو تقول (ear-liners)

شناة اليابا عباس ود فاطنة

Post: #232
Title: Re: صحي نحن ( شينين)
Author: سارة حمزة
Date: 11-23-2006, 04:22 PM
Parent: #1

Quote: شناة اليابا عباس ود فاطنة

والله جننتا الشنا جن يا خليل
بدين اسمو eyeliner

ما تجوط ساكت

Post: #233
Title: Re: صحي نحن ( شينين)
Author: khaleel
Date: 11-23-2006, 04:42 PM
Parent: #232

Quote: بدين اسمو eyeliner

القصة يا سارة مافي اسمو

القصة في الجلبطة البعملوها في عيونهم

وما شفتي ناس جوليا روبرتس بعملوهو كيف

Post: #234
Title: Re: صحي نحن ( شينين)
Author: Adil Al Badawi
Date: 11-23-2006, 05:58 PM
Parent: #233

Quote: وما شفتي ناس جوليا روبرتس بعملوهو كيف

هَيْ لاكين يا خليل جوليا روبرتس دي اسمها يوحي ليك إنو في كَمْ روبرت كدا اتجمَّعوا (كونسورتيوم يعني) وطلَّعوا ليكم سِتْ بريتي وومان. الروبرتات العندنا ديل متين يفيقوا لي شُغُل زي دا وكان فاقوا ما بِتَّفقوا وجايز يحفروا لبعض والنتيجة: يسوطوا ليك تناسق جوليا روبرتس دا فوق تِحِت يمرقوها ليك زي الكلب سام الشناتو (مات هسَّع) حصلت ليهو على لقب أشنى كلب في الكون.

Post: #235
Title: Re: صحي نحن ( شينين)
Author: khaleel
Date: 12-01-2006, 09:09 AM
Parent: #234

عادل البدوي

سوال البنات الصغار بربطوا ليهم شعرهم بشريط

هل هذا للتطويل ام التجميل

Post: #236
Title: Re: صحي نحن ( شينين)
Author: Salah Musa
Date: 12-01-2006, 10:31 PM
Parent: #235

الزول الشين قالوا يعاين للمراية ويشوف روحو شينة ما بيقتنع ويفتكر العيب في المرايا ويروح يمسح وينضف في المرايا يا هو دا السوداني نضيع عمرنا كله ننضف في المرايا
وكلميني يا مرايا ترم ترم

Post: #237
Title: Re: صحي نحن ( شينين)
Author: Adil Al Badawi
Date: 12-04-2006, 10:58 AM
Parent: #236

Quote: سوال البنات الصغار بربطوا ليهم شعرهم بشريط

هل هذا للتطويل ام التجميل

للتضليل...للتضليل يا خليل
وقيل لتطويل الشعر القصير. قيل ثم ماذا؟ قيل لكبح جماح الشعر السغيل.
وما عندي ليك دليل، لا بي أعوج لا بي عديل
وأساهر الليل أنا يا جمييييل
وإنت قاعد ويييين يا خليييل...
لا، بالجد قاعد وين يا خليل؟ الشرايط والبلابل والبِنَسْ (يا ربي تكون من pins) دي زمانا فات وغنّايا دلوقت بِفَكّر يواصل كاريرو (وقيل كرورو) الغنائي بهناك. تجارة اكسسوارات الشعر في السودان دلوقت أروج من روج جوليا روبرتس العاجبك دا تقول لي الشريط وأحلام البلابل!

دا كلو دوم وحلاقة الGirls الاسمها Boy دوم تاني خالص...تفّاح راسو عديييل.

بِنَيّاتنا (بشرائط وبدبابير) عسل يا أبو الخَلْ...بَلْ...خلّينا بَسْ ياخِ...لي.

Post: #238
Title: Re: صحي نحن ( شينين)
Author: Deng
Date: 12-04-2006, 11:55 AM
Parent: #1

أول مرة أنتبه للبوست ده.

هذا البوست يعكس ويحكي لنا عن مدى الاستلاب الثقافي الذي نعيشه في السودان كشعب ضائع تائه.
لماذا تكون كل معايير ومقاييس الجمال عبر القنوات الفضضائية العربية أو عن أراء العرب العنصرين حولنا؟
أنتم تعرفون مسبقا رأي العرب في السودانين فلماذا يهمكم رأيهم أصلا؟

دعوني أوجه رسالتي هذا لكم وخصوصالأطفالكم.

نحن سود, ونحن فخورين بلوننا الاسود الجميل.

دينق.