هل نري صديقي عبد الكريم الامين في القصر الجمهوري قريبا

اللهم لا حسد صديقي كريم ماشة معاك اخر حلاوة .

ناس قوبي وجعفر انترنت ما قصروا معاك فقز بالزانة


من شركة ساتكو انتقلت لقطر للبترول


وكان الفوز الكاسح في انتخابات الجالية بمقاعد المهندسين

وتقديرا لمجهوداتك الثرة قام بكري ابوبكر بمنحكم مكتبة باسمكم

واتاح لك القدر فرصة حضور موتمر العدل والمساواة باثيوبيا


وسمعنا انو في تعيينات جديدة في القصر الجمهوري

ولو الامور مشت بهذه السرعة حانسمع بيك قريب في القصر الجمهوري

لكن يا كيكي ما تنسانا .

انا من زمان عائز اخش القصر الجمهوري دها .

ممكن اشتغل ليك مدير مكتبك واروق ليك الاناني كما يقول المصريين

ولاول مرة سيدخل القصر الجمهوري ناس تمباك وسوفيت ونصرة وريري وحسن ماكردة للتقديم التهاني

بس اوعي تفتح لينا

خلي ..
ده كلام والله..
حبوبتي الله يرحمها عندها تعويذة شهيرة وبلغة غربية ما مفهمومة من وين بتقول:
(قرقر مسو يا مسو يا قربي)
تقال عندما القصة تكون مربوطة بعيون وخشم ناس..!!
ولكن..
القصر الجمهوري ده شعر يا خليل اخوك ما عندو ليهو رقبة مع البلطجية والحرامية القتلة القاعدين
فيهو ديل..وزي ديل انا في تربيزة (وست ) ما اقعد معاهم يا ابو الخا..!!
واخوك هو ذاتتو بتاع مساحة عندكم (باك سايت) و(فور سايت) حاضرين وجاهزين اربعة وعشرين ساعة
عند (انقل) و(كوردنيت) وسوفت وير داير تضايرو برضو كيكي جاهز..
لكن قصر جمهوري ..اعوذ بالله ياخليل ياصحبي..
وشكرا علي مرورك..

Quote: لكن قصر جمهوري ..اعوذ بالله ياخليل ياصحبي

هوي يا كيكي


كلامك دها قولو لزول ما عندو حديدة

Quote: هوي يا كيكي كلامك دها قولو لزول ما عندو حديدة

ياخ خليل ياخ مالك علينا
قلت ليك (قصر ده يا صديق احنا من ناسوا ولا بنعرف محلوا وين)
عندك يازول قطعة في حتة عندك مزرعة عندكم طريق في حلتكم ..عندكم عمارة عاوزة اعمدة
عندكم حيطة خاشة في بيت الجار(زي بتاعة صحبك بتاع ام صلال داك)..كلو حاضرين
لكن قصر جمهوري..يازول قول كلام تاني ..انت عارف انا ارجع ساتكو لاصحابي الباكستنين الاكلوا قروشي
ديلك ولا امشي القصر ..يا خلي 5000

Quote: لكن قصر جمهوري..يازول قول كلام تاني ..انت عارف انا ارجع ساتكو لاصحابي الباكستنين الاكلوا قروشي ديلك ولا امشي القصر ..يا خلي 5000

هوي يا زول

اسمك قالو هسه مجذوب الخليفة وداهو للبشير


الاسبوع القادم حانكون قريبين عشان نسمع نشرة عشرة


كيكي ضروري في الجمهوري

Quote: اسمك قالو هسه مجذوب الخليفة وداهو للبشير

ده بكون اسم زول تاني يا خليل..
بعدين البشير ذاتتو ما اظن يقدر يقراء (كيكي) دي..!!
لكن عموما البشير لو بقسم معاي الثورة والسلطة ماعندي مانع يازول..!!

Quote: ولاول مرة سيدخل القصر الجمهوري ناس تمباك وسوفيت ونصرة وريري وحسن ماكردة

و بتاع ابوعشر داك يا خلي
ابو 2

وينك يا رجل

Quote: و بتاع ابوعشر داك يا خلي ابو 2

احمد عبدالله سلام يا ناس سنار

وبتاع ابو عشر خاشي من زمان يا احمد ومادنوا راتب بالدولار لانو شغال (لفت ورايت)

تخريمة..
ياخ صاحبك ده كلموا ما يشيل حالي يلم فينا بتاع ابوعشر ده كمان بهناك..

Quote: ياخ صاحبك ده كلموا ما يشيل حالي يلم فينا بتاع ابوعشر ده كمان بهناك

كيكي ..
الله يجازي محنك بالله بتعرف بتاع ابوعشر
ابو 2 ... محمد معانا ما تغشانا
يلم فيكم براكم انت و صاحبك ده انا غايتو بررررررره في مسرة

احمد عبدالله تحياتي...
ومسرة ما بتخارجك يا صحبي من بتاع ابو عشر ده..!!

تخيل مفروض كان نكتب عنو في كمبو الري لكن اخوانك خافو من الهبايب.
الله يسترنا دنيا واخرة..

Quote: و بتاع ابوعشر داك يا خلي ابو 2 وينك يا رجل

اللورد احمد عبدالله

كل سنة وانت طيب


القصر حاجيب اشكال ناس ابو اتنين وناس ضحية كمية من المهمشين

Quote: القصر حاجيب اشكال ناس ابو اتنين وناس ضحية كمية من المهمشين

ضحية عضو البورد ولى ضحية تانية ؟؟؟؟؟
ان بقت ضحية تانية يا خلي الله يضوقك لحمها

تحابا

Quote: لكن عموما البشير لو بقسم معاي الثورة والسلطة ماعندي مانع يازول

يا زول والله اقسم ليك لما تستغرب


بس انا يا كيكي عائز قطة ارض في المنشية

ويا حبذا لو معاها عشرين طن حديد ستاشر ملي

وتلتمائة طن اسمنت .

لانو دها جزء من التاصيل وقد جاء في الاثر


من ولي الامر منكم اعطوه دارا ودابة

Quote: وشكرا علي مرورك..

ياعبدالكريم "اللخمة" فى شنو؟؟؟ فى كشف "المستور" ماخليل صاحبك و "فردتك"...بعدين هو الكاتب البوست مش انت!!!

Quote: القصر الجمهوري ده شعر يا خليل اخوك ما عندو ليهو رقبة مع البلطجية والحرامية القتلة القاعدين فيهو ديل..وزي ديل انا في تربيزة (وست ) ما اقعد معاهم يا ابو الخا..!!

و الله انت من "اتلميت" مع الظلامى "المدسوس" وسط بورداب الدوحة وبقيت تلبس البدل المستوردة، وتمشى ناس تسفاى وأيدن بديت أشك انك "بتتدرب" على حاجة كبيرة...وصاحبك الغشيم ودرملية لبس ليهو برضو بدلة وقايل المسألة "بدل" لكن فى حالو "وحاجات تانية"......

المهم عليك الله ماتنسانــا نحن فرد من بيت العذابة الجنب "الحراج" الما كان فيهو باب....أحسن اسكت.....و لا الجماعة بقولوأ الليلة "صديق" مالو نام "بدرى كدهــا".....

عجبى....كما يقولهــا صلاح جاهين

والله لو عملوك "وزير"...لازم اعملونى "رئيس الجمهورية"....و الا "اتمرد" فى حلفا...ولا شنو ياخلو....

صدبق-الدوحة

Quote: لكن عموما البشير لو بقسم معاي الثورة والسلطة ماعندي مانع يازول

هههههه قلت ما عندك مانع

غايتو يا خليل بختك كان بقي في القصر
يجيبك خبير اجنبي

Quote: غايتو يا خليل بختك كان بقي في القصر يجيبك خبير اجنبي

سارة حمزة

انا قلت لي كريم

اختار المكتب الجنب مكتب دكتور مصطفي عثمان اسماعيل


عشان المكييف بتاعو قوي

Quote: من ولي الامر منكم اعطوه دارا ودابة

خليل
انا لو القصة ورت وقسمت الثورة والسلطة (ماعندك عوجة يازول)...
بس جهز لينا كرشك دي..وفصل ليك زي كم جلابية كده .وضاير لي دقنك دي
وا اعمل بروفة لضحكة (نص كم كده) بتاعة استنكاح ..وكثر لي من جزاك الله خير...واشتري شالات
وبعد داك مش دابة ودار...انا ناوي يا خلي اعرس ليك اربعة من الحور العين ..

Quote: هههههه قلت ما عندك مانع غايتو يا خليل بختك كان بقي في القصر يجيبك خبير اجنبي

سارة مبسوطة ..كويس
انت ذاتك يا زولة حتجي خبيرة اجنبية في الشوؤن البيئية
وحنمسك قطاع المشاريع المروية في كنانة والرهد..
وبلا قطر بلا ايجار يرفع الضغط..تمشي معانا القصر
وزي ما قال خليل مكتبكم انتو وخليل كلكم جنب المكيف بتاع مصطفي عثمان..

الاخوة الكرام سلام ، نعم حا تشوفوا كيكى فى القصر الجمهورى فى الصيف القادم، لانو سعاتو اصبح شريك المؤتمر الوطنى فى الجالية ، وكل عام يعقد مؤتمر الجاليات ، والبشير بحب ناس الدوحة ، وسوف يكرمهم فى لقاء خاص وبعدها يظهر فى التلفزيون ، من حقو ما بقى شريك الوطنى . بصراحة اى زول يخت ايدى ويسلم على البشير حالو بتغير ، وبعد ما هو شريك حا يجى 00000 كده عديل . ان طعم القصر حلو ولذيد ، ولكن الخوازيق سوف تاتى. يا كيكى الزول الكتب ده لو عينو حاره الله يستر عليك ، غايتو يتصل فيك بكره لعله خيرا .

Quote: انت ذاتك يا زولة حتجي خبيرة اجنبية في الشوؤن البيئية

والله تمام انا غايتو خبيرة اجنبية
لكن شو ف لي شي غير بيئة ده

خبيرة اقتصادية كيف

Quote: وكل عام يعقد مؤتمر الجاليات ، والبشير بحب ناس الدوحة ، وسوف يكرمهم فى لقاء خاص وبعدها يظهر فى التلفزيون

هجو مبسوط والله بختك..
كيكي ده تشمو كشنة يا هجو يا صديقي..
قلت لي الزول ده جاي في الصيف.. علي اي حال اليوم داك باذن الله انا ح اكون في (حتة) اسمها
(العفجة) دي يا هجو حتي القطريين ذاتتهم ما عارفنها وين..!!مع انها داخل قطر..

Quote: والله تمام انا غايتو خبيرة اجنبية لكن شو ف لي شي غير بيئة ده خبيرة اقتصادية كيف

انت خبيرة اقتصادية دي بكون فيها كلام كثير لاني انا ذاتي رامي عيني عليها..
فعشان كده خليك في بيئية دي وممكن نديك ميزانية مفتوحة... المهم نشوف
القسمة كيف اول..

خليل ,,
ياخ السلام عليكم ياخ ,,
مالك علي الزول ده ما تجهجهو علينا !!

بعدين ياخلي كلامك ده كيفن عاد !!!؟

Quote: هوي يا زول اسمك قالو هسه مجذوب الخليفة وداهو للبشير الاسبوع القادم حانكون قريبين عشان نسمع نشرة عشرة

لو نضمك ده صح قطع شك ح تسمع في نشرة عشرة طاخ طرااااااااااخ
لانو دي الدروة قطع شك !
والا تكون نشرة عشرة عشرة غيروها .
بطل ياخليل ياخ وخلي الزول يستمتع بذكريات الزهرة البيضاء.

كي كي يا صاحب اسمع:-
لو كلام الزول ده طلع صح ما تنسي اخوك

Quote: كي كي يا صاحب اسمع:- لو كلام الزول ده طلع صح ما تنسي اخوك

مرحب يا سفيان
وخلي ده زول بتاع لولوة وعاوز يعمل لاخوك سافوتة
ولكن برضو للضمان القصة لو لفقت ماعندك مشكلة يا صديقي
وكلم الخير قول ليهو جزء من المفاوضات انو عقد الجلاد تكون الفرقة الرسمية للدولة
وقول ليك حاجة..
احتمال نفاوض علي قرار جمهوري تعفسي لاسترجاع الباصويرد بتاع بورداب الخرطوم..كيتا في (ملاسي)

Quote: هل نري صديقي عبد الكريم الامين في القصر الجمهوري قريبا

يـــــــا ربـــي؟؟؟؟



لو حصلت يا كيكي طلع لينا حقنا بره
والا ح............................
وبنوظها كمان....


رحمك الله يا ســـــــيد عبدون
قروش منو قلت لي ؟؟؟؟

والله من يوم ما دخلت السفارة وشربت الشاى والعصير الخاص بتاع الجاليه ،و بقيت تتناقش مع جماعتنا ، شمناك ونقشناك ولسكرتارية الجالية دعمناك ، المهم الغريق قدام ، لو داير رئاسة الجاليه خلينا نفكر، بس فى شوية توقيعات على بياض لزوم عدم كب الزوغة، ومبروك علينا الشريك الجديد.

فيصل عباس المرجف
تخيل توقعتك اول الداخلين الي حوش اللولوة الخليلية دي..

Quote: رحمك الله يا ســـــــيد عبدون قروش منو قلت لي ؟؟؟؟

وبعدين عليك الله زول صحبوا زي سيد عبدون ده يمشي القصر الجمهوري (بياتوا وش)
عموما الليلة مولد كبير والله يستر من مرجفي المدينة الاخريين

Quote: وبعدين عليك الله زول صحبوا زي سيد عبدون ده يمشي القصر الجمهوري (بياتوا وش)

افهم شنو يعني عندك راي في سيد عبدون ولاشنو يعني؟؟؟
فهمني بس ,,,
شايف يا خليل زولك من اسع بداء في شوت العلاقات القديمه
امثال سيد عبدون ربيب نعمته هنا وشريك ورطته الاولى حينما كان وحيدا ودون وعي (اسفيري)
ولا صاحبك يكون استغل امميه سيد عبدون في عدم تعامله مع الكمبيوتر والنت
ولا شنو؟؟؟؟
عموما انت يا خل اعمل حسابك
ولو حريص على زولك ده حولو لقصر علي الحاج بدل القصر الجمهوري...

Quote: والله من يوم ما دخلت السفارة وشربت الشاى والعصير الخاص بتاع الجاليه ،و بقيت تتناقش مع جماعتنا ، شمناك ونقشناك ولسكرتارية الجالية دعمناك ، المهم الغريق قدام ، لو داير رئاسة الجاليه خلينا نفكر، بس فى شوية توقيعات على بياض لزوم عدم كب الزوغة، ومبروك علينا الشريك الجديد.

هجو ياهو عصيركم بتاع (روزانا ده) ولا واحد تاني ..
المهم قلت ليك انا اليوم داك في (الفعجة)..شوفوا ليكم زول يستقبل البشير....
انت عارف اكبر ورطة في حتة الجالية دي انو (السفير فقيري) كان مديري في يوم من الايام
عشان كده مجبور علي العصير والقهوة المرة بتاعتكم دي..!!

كي كي
يازول انت ما كلموك ؟!!!!

Quote: وكلم الخير قول ليهو جزء من المفاوضات انو عقد الجلاد تكون الفرقة الرسمية للدولة

يازول الخير ده امس عرسو عدييييييييل كده وهسي لا بسمعني لابسمك
ياكي كي اجري زبط ليهو بوست غايتو صور العرس علي أنا تب.

بالمناسبة يا كي كي انا وانت طلعنا أهل رسمي وشعبي .
هسي يجو يقولو كسير تلج عشان القصر الجمهوري (عارفهم ليك)

Quote: و الله انت من "اتلميت" مع الظلامى "المدسوس" وسط بورداب الدوحة وبقيت تلبس البدل المستوردة، وتمشى ناس تسفاى وأيدن بديت أشك انك "بتتدرب" على حاجة كبيرة...وصاحبك الغشيم ودرملية لبس ليهو برضو بدلة وقايل المسألة "بدل" لكن فى حالو "وحاجات تانية"......

حتي انت يا صديق ياحبيب قساي..!!
انت عارف يا صديق القصر الجمهوري ده لو جابوا(رمادا) الطابق الاول اخوك ما بهوب جنبوا..وبعدين
البدل دي انت السبب فيها قلنا ليكم خلونا جنب الحراج قعدتوا تنقوا لينا في راسنا لحدي
ما ياهو فكيناها ليكم في راسكم شي بدل وكرفتات واديس وشنو شنو..و ياهو القصة جايبة ليها قصر
جمهوري و(كيكي اركاوي) وفيها سلطة وثروة (كده كويس يا صديق)..

Quote: افهم شنو يعني عندك راي في سيد عبدون ولاشنو يعني؟؟؟ فهمني بس ,,, شايف يا خليل زولك من اسع بداء في شوت العلاقات القديمه امثال سيد عبدون ربيب نعمته هنا وشريك ورطته الاولى حينما كان وحيدا ودون وعي (اسفيري)

فيصل والله الجمجرة عندك اوبلاش
الليلة سوق(مركيتو) ما زيكم ...
سيد عبدون صحبي وشريكي في الجاهلية الثانية لكن ما بنصح زول يصاحبو
وانا لو في حاجة طيرت مني حكاية القصر القصر الجمهوري بتكون صحبتي للدنقلاوي المجرم ده..

Quote: كي كي يازول انت ما كلموك ؟!!!! Quote: وكلم الخير قول ليهو جزء من المفاوضات انو عقد الجلاد تكون الفرقة الرسمية للدولة يازول الخير ده امس عرسو عدييييييييل كده وهسي لا بسمعني لابسمك ياكي كي اجري زبط ليهو بوست غايتو صور العرس علي أنا تب. بالمناسبة يا كي كي انا وانت طلعنا أهل رسمي وشعبي . هسي يجو يقولو كسير تلج عشان القصر الجمهوري (عارفهم ليك)

ياخ الف مبروك لصحبي الخير
وغايتو المرة العرسها الخير دي الله يستر عليها ما يكتلها من الضحك (مع دمو الخفيف)
والله عيني باردة علي المساحين والمسحات اليومين دي خامجين السوق(شي عرس ..وشي قصر جمهوري)

وقرايب دي حاجة مفخرة وفخر كبير يا سفيان وعاوزة تلفون عديل كده
وانا من زمان تخيل بقول سفيان ده فيهو حاجة كده تقطع نفس خيل القصائد
والف مرحب يا قريبي...
وبختك يا عم ثروة وسلطة ومن حسي جهز اسم الشركة بتاعتك يا صديقي..

Quote: عبد الكريم الامين في القصر الجمهوري

( واذلاه .. يا لتغلب ) ..
دي في الهتافات الرسمية و معاها لافتات شجب و إدانة ..
و نعمل لعبة محشية دلاقين و قطن كده زي بت أم لعاب ( فزاعة ) على شكل كيكي .. و نحرقها .
و شوية صور كده نطبظ فيها عيونك يا كيكي يا متخرط ..

لكن تحت تحت كده و في الكمبو بالليل نغني ليك برااااااااحه :
( أبّا موسى متين جيتا من الغربة , سلامي عليك ) .


بالله يا كريم , و بحق العشرة و الملح و الملاح ..
ناصية القصر الشرقية , في الركن القريب من بيت الضيافة داك .. فيها موقع كشك جنباوي كده ..
لأخوك .. أبيع فيهو ( ود عماري ) رئاسي ..
خليل يمطّر ..
و هجو ينفخ الأكياس و يفتّحها .

خليل ياهندسة

قطع شك انت قاصد القصر العينى

وترجمتها بالسودانى التجانى الماحى

هل هو"انت" سفيان بشير أمين نابرى...و لا واحد تانى....هل انت أبن سنجة...ود "حى" السوق...أخو..د. مامون... وأبن اخ العم مالك أمين نابرى؟؟؟

بالله عليك......أذا هو انت....فانت أخى....

صديق عبدالمنعم عمر الحسين رحمة الرباطابى - سنجة

افهم انو فى فرع جديد للشمارات هيكون فى القصر الجمهورى

عملو ادارة للشمارات هناك

يا عمدة ياعماد
يابروتس..
اسمع الكشك الناصية ده مع اني كنت رامي عيني عليهو..لكن ما يغلي عليك يا فردة..
بس انتو كربو التمطير وخلو العماري ممتاز عشان الواحد يطلع ومعاهو الاخوة الوزراء ويجي
(يسف منكم)..وتبقي القصة كلها 0سف*سف..
وبعدين الفزاعة دي ما حتقدروا عليها لانو بتكونو عاوزين ليكم طن بتاع دلاقين لزوم (الشلاليف )..
عمموما الفيك اتعرفت يا مان..
وممكن نعمل معاك منبر مفاوصات في اي حتة مطرفة (منبر كنشاسا) كيف معاك ولا (معاكم احسن)

Quote: خليل ياهندسة قطع شك انت قاصد القصر العينى وترجمتها بالسودانى التجانى الماحى

اوووه بدر
فاتك الشر يا صديق
وانت بالذات عندي ليك مفاجاة سمحة كده وح تعجبك يا كهل يا اربجي..
خليل وعرست ليهو اربعة حور عين..
انت حنطلع قرار جمهوري واعرس ليك يا بدر عرس المنبر ده كلو يتلكم فيهو...
البوستات كلها بدرالدين الامير ورورورو عرس..
ولو مشيت معانا في القصر العيني دي ح اقول شمار العروس هنا في البوست ده وبعد داك تعال شوف..
عشان كده ياصديق اخير ليك بارك لي القصر الجمهوري او حنمشي تجاني الماحي سوي..

طيب ياتسفاى ( كيكى سابقا)

طالما الحكاية التجانى الماحى ومع بعض

صورك الخايف عليها نطلق صراحهاهنا عشان نسعد المشترى والبتفرج

وعندك ساعتين للرد لو كنت نايم او حايم

"كيكى".... ومدفع "الدلاقين"




صديق-الدوحة

Quote: افهم انو فى فرع جديد للشمارات هيكون فى القصر الجمهورى عملو ادارة للشمارات هناك

ماجدة
نقول مبروك وظيفتك جاهزة..
ومستشارة شمار رئاسي ..وخبيرة احنبية...

صديق ما عندي مانع امشي القصر الجمهوري
لكن شرط يكون معاي الزول القاعد جنبي ده وناسوا وفي ظل حكومة ديمقراطية
والزول ده صديقي المحامي العبيد..
ذكريات مشتركة وتاريخ ام نخيلي معبق بسيرة صديقنا المشترك الشهيد بشير الطيب له الخلود
والمجد..

كيكي


ياتو قصر ده



والله خليل ده لو ما الدنيا ليل كان اقول بايته معاه



لكن بايته معاه وين ظاتوووو !!




تحياتي يا صديق

منعم
بايت معاهو ساكت..
خليل ده شارب بري كلها وتامي الباقي من جنب الكبري..

خليل يا خليل
حمدلا بالسلامة يا رجل. كيف لقيت السودان والبيضان؟
تعرف يا خلى
كيكى ده
(لو فى عشرة منو فى البلد
ما كانش كان اللى كان)
كما يقول احمد فؤاد نجم.

تعرف لو ناس الكمبو وغيرهم اداروا شئونهم بنفسهم فى ديمقراطية وحرية
لما كان هناك قصر جمهورى من اصلو.

على كل حال لو شاءت الظروف وذهب كيكى الى القصر
فإن القصر سوف يبدأ رحلة تحوله من قصر الحكم والسلطة الى قصر الشعب حقيقة لا مجاز.
وسوف نرى (الكفيف شايل الكسيح) فى طريقهم الى القصر
يبحثون عن عدل وعن رحمة حين سمعوا ان واحدآ منهم ، من عامة الشعب، قد صارت له سلطة.
او بالاحرى
سوف نرى القصر يمشى الى الناس
يتفقد احوالهم. ويجبر ضررهم وكسرهم. ويأخذ للضعيف من القوى. ويقيم العدل.
ولا شك ان كيكى سوف يتعلم من دروس الطغاة.
فنفس هذا الكلام كان يقوله نميرى باسم الاشتراكية والعدل والكفاية.
وقاله الطغاة من بعده. ناكل مما نزرع! وهل ينمو الكافيار فى السودان؟
ونلبس مما نصنع! وهل للحرير مزارع ودودة قز فى السودان؟

كيكى بما اوتى من علم ومعرفة ومهارات يمكنه ان يسكن اعلى القصور
وان يلبس افخر الثياب.
ولكنه اختار ان ينحاز الى الغبش
الى سواد الناس فى البلد
الى ناس الكمبو الى ان يسود العدل والقسط فى البلاد.

شكرا يا عادل عثمان شكرا
علي هذه الكلمات العظيمة
واتمني دوما يا عادل ان اكون مستحقا لمثل هذا الكلام العظيم
يا عادل...
وحتما ياعادل مثلي لا مكان له بين قصور الطفابيع
فانا من عامة الناس والفقراء احلامي احلامهم وامالي امالهم
مثل ابناء السواد الاعظم من بلادي ..نحلم بان يكون يكون لنا وطنا متسامحا
ملي بقيم الخير والعدل والديمقراطية و يحكمه اناس عاليو الحساسية والانتماء
لكل الفقراء والجوعي ......
فانا ياعادل لم اخلق ولن احلم ان اكون سلطان بل كل اشواقي واحلامي تذهب صوب ان اكون
انسان..
ولك كل الاحترام يا عادل

خـــــــــــليل
صبحك الله بالخير

عندي سعال ناطي لي في راسي وحاميني النوم
زولك ده ماشي القصر برجليه ولا راكبلوا فيل ولا هو( اصلو مافي فيلا فاضي كلهن مشغولات بالاستعراض)
يكون ماشي بكارو من بتاعات سوق ليبيا ديلك وجاريها حمارها (مكادي)
باقي لي الليله ما وصل الساعه الان الثالثه صباحا بتوقيت القصر...
واصلي من ما الله خلقني ما شفت لي زول ماشي يقعد ويشتغل في القصر ده دخل ليهو والشمش مفتحه
بس ننوم وبكرة يقولو لينا فلان قاعد هناك ولا مزازيكو ضاربه,,,
الحاصل شنو يا خوي فهمني براحه
هو قصر ولا كمبو البيدخل ليه كيكي ده؟؟؟؟؟


وعلى كل ان صدق الحدس سارشح نفسي لآن اكون بوقا له.

ياخليل ...

اخبارك وامورك ...

فى (ذمتك دى) القرب من القصر الجمهورى هو ولا انت ؟
والله بعد (اتحاديتك ) الظهرت فجأة دى مانستغرب لو لقيناك
جاى مع مولانا فى طيارة واحدة ...وخاصة بعد مفاوضات الشرق
دى بالاضافة الى سفرياتك الغريبة والمفاجئة ...

Quote: والله بعد (اتحاديتك ) الظهرت فجأة دى مانستغرب لو لقيناك جاى مع مولانا فى طيارة واحدة ...وخاصة بعد مفاوضات الشرق دى بالاضافة الى سفرياتك الغريبة والمفاجئة ...

ده الكلام يا الحبيب محمد عبدالرحمن
وعاش ابوهاشم..
وانا ذاتي اندهشت باتحادية الاخ خليل التي اعلنها صريحة في احدي البوستات
وقال صراحة (حزبنا)..
وكدي يا الكودار السرية الظهرت مع نسائم القصر..!!
والجمهور في انتظار خليل محمد خليل الاتحادي...

اصدقائى خليل وكيكى

من ناحيتى لا ارى اى مانع ان يتبوا كيكى مكانا فى القصر
فطرق الوصول الى القصر اصبحت لاتحصى
وكيكى صديقى رجل متعدد المواهب مهاراته تفوق مهارات من سبقوه
الى القصر

بس اوع من اى اعباء ليها علاقة بالمسائل المالية
ولايتلم عليه طه النور

Quote: بس اوع من اى اعباء ليها علاقة بالمسائل المالية ولايتلم عليه طه النور

يااااا
احمد تجاني وينك ياخ وحمدالله علي السلامة يا صديقي...
وليه غائب كده ومخلي صحبك خليل شايل حالي في الاسافير العربية والافريقية...
وبعدين يا احمدتجاني لو فرضنا جدلا اني ماشي القصر
بدون طه النور كراعي شبر ما بمدها صوب القصر...
لانو اللبع بدون (طه النور) حرام شرعا ولا يجوز..

صديقي كرمة

قبل التوجه للقصر الجمهوري لابد من اصلحات جذرية


اولا محتاج لكورس بتاع مخاطبة ودها بتعمل للجماعة في المركز الاسلامي الافريقي

لازم تتعلم كلمات مثل حقيقة واحسب وانداح ومشروع حضاري ودول استكبار وبلاش اللغة بتاعة موغل


ودهشة ودخان وخيانة وكمبو الري وكمبو كتر الدخلو ودر


محتاج لدورة في علم الادارة رغم امكانياتك الفكرية العالية لانو شائف طريقتك في الادارة مش ولابد

كورس بتاع لغة فرنسية والمانية لانو القصة حايكون فيها سفراء وسفر

خلينا نختار الاستاف بطريقة مهنية

فيصل عباس مرشح ليكون من الهتيفة رايك شنو

باشمهدسين --- سلام كتير

علي الحلف يا عبد الكريم أسمع بيك عينوك في القصر الجمهوري إلا أمشي الجزيرة وأحمل السلاح وأتمرد
وتجي إنت زاتو تتفاوض معاي وما أرضا إلا بمساعد رئيس الجمهورية وقسمة السلطة والثروة


بالله شوف المهمش ده

كاف
كل واحد إتمرد حنسوه وأدوه مساعد رئيس الجمهورية - هو رئيس جمهورية ولا تريلا - زي ما قال ود هباني

ودالبدري
مبدئيا
زعيم الحركة الشعبية في الجزيرة - مركزها الزبيرات

Quote: كل واحد إتمرد حنسوه وأدوه مساعد رئيس الجمهورية - هو رئيس جمهورية ولا تريلا - زي ما قال ود هباني

نصر الدين بدري


لكن كريم لم يحمل السلاح


والقصة رزق من الله

انت ما سمعت المثل البقول

ان جادت بخيط العنكبوت تنقاد

Quote: خلينا نختار الاستاف بطريقة مهنية

ابو خليل
ده من صميم عملي ما تنسي وفيها خبرات اجنبية وكده

Quote: ابو خليل ده من صميم عملي ما تنسي وفيها خبرات اجنبية وكده

خلاص يا سارة حمزة

بنرسل السيرة الذتية للمرشحين واختاري منهم حداشر شخص فقط

لانو كيكي دها ناسو كتار

Quote: خلاص يا سارة حمزة بنرسل السيرة الذتية للمرشحين واختاري منهم حداشر شخص فقط لانو كيكي دها ناسو كتار

واحنا جاهزين
لكن سوال
انت في الحداشر ولا بره الحسبة عشان نبقي عارفين

Quote: انت في الحداشر ولا بره الحسبة عشان نبقي عارفين

سارة حمزة اهلك الخواجات قالو

beggers cannot be choosers

قولت كده
بيقر شنو انت في اول الستة قبل كريم ذانو

Quote: قولت كده بيقر شنو انت في اول الستة قبل كريم ذانو

تمام يا سارة

عشان تمشي قدامكم

اعمل صيانة للمكتب ونقوم بصب بعض الخرصانات

ولو في اي تصدعات في الحوائط نعمل ليها معالجات ونغير السيراميك

لانو انتي وكريم بتحبو اللون الابيض

والمكتب السيراميك بتاعو(blue)

beggers cannot be choosers

انت قرصة النملة جابت ليها كلام بالنجيلزي

حبابكم
السادة اعضاء المستشارية
سارة وخليل
خليل اصدر لك فرمانا بالتوجة الي الخرطوم فورا لعمل الصيانة اللازمة لمكتبنا بالقصر الجمهوري
وتجهيز الاثاث ..بس ختينا (عفش المحميد)..السراميك لازم يكون اسباني ولونو ابيض لو ركبت اي لون تاني
لملم عفشك واتوجه الي بيتكم فورا..

Quote: سارة وخليل خليل اصدر لك فرمانا بالتوجة الي الخرطوم فورا لعمل الصيانة اللازمة لمكتبنا بالقصر الجمهوري وتجهيز الاثاث ..بس ختينا (عفش المحميد)..السراميك لازم يكون اسباني ولونو ابيض لو ركبت اي لون تاني لملم عفشك واتوجه الي بيتكم فورا..

كريم
سمعا وطاعا

بس سيريمك شنو عازن رخام ايطالي
اختف رجلي اجببو واجي

يلا ادينا الاذن

الاحباء كيكي المتطور، ابو القوق المتمركز و احمد عبد الله التورنيدو
لكم الحب و الشوق،

و الله يا كيكي انا مما شفت الصورة البي البدلة دي عرفتها حتجيب ليك هوا.

غايتو اركز للمزيد.

مرحب نصرالدين صديقي
ولو اتمردت يا نصرالدين ما عندك مشكلة انا ح اشتغل ليك طابور خامس من داخل القصر
وح انشق واالتحق بيك يا نصرالدين..

Quote: و الله يا كيكي انا مما شفت الصورة البي البدلة دي عرفتها حتجيب ليك هوا.

تقول شنو يا انور
حليل ردي كيكي بتاع البركس
واحنا ذاتنا يا انور الواحد لمن يلبس البدل دي بحس بانو مخنوق ورقبتو عاوزة تتقطع
وتاني توبة يا حبوبة..

سلام يا احباب :-
صديق عبد المنعم الرباطابي,,
سلام واشواق يصلك ويجدك في خير حال وموفور الصحة والبال .

صديق ياعزيزي ده أيميلي اضفه لديك [email protected]
ناس خليل وبقية الشباب ديل هسي يجوا يقول ( عايزين) يقلبوها
(قبلية) ويوزعوها بينهم - طبعاً كي كي ما زولنا- وسانتظرك
لنتحدث كثيراً وكصيراً يا حبيب.

Quote: بس سيريمك شنو عازن رخام ايطالي اختف رجلي اجببو واجي يلا ادينا الاذن

سارة طوالي كده عاوزة تخطفي رجلك
لالا
لازم ثلاثة فواتير واحدة من روما والتانية من البندقية
والثالثة من نابولي.. وعليهم ختم كبيييير ما يكون من بتوع المافيا

ليك علي اجيب الفواتير بالختم المطلوب

بعدين العفش من ايطالية او ممكن ماليزا محميد شنو كمان
بالله خليل ده ما تخليهو يخش في العفش والديكور عليه الهندسة فقط

تحايا ياخلى

ليت لأمثال عبد الكريم سلطة فى الوطن المنفى
ليت لرجل مسكون بسوفيت والرتينه صوت يسمع وسط
ضجيج الطفابع

Khalil
sorry to use your post for a different purpose
but wanna ask AbdelKarim if he's the brother of
Ahmed Elamin Ahmed Yousif, a Fac. of Arts grad?If
that's the case; would you please AbdeelKarim
drop me Ahmed's Phone or Email through the messenger.

And if that's not the case; my congrats in your
new position

ياهو ذاتو شقيق احمد الامين

شكرا علي مرورك

تم ترشيح المهندس كريم لمستشارية الزراعة والبرنامج واضح

اعادة الحياة لمشروع الجزيرة

ومشاريع الاعاشة بالنيل الابيض

الاهتمام بالزراعة المطرية

توظيف كل خريجي كليات الزراعة

ادخال الميكنة والحيوان مثل هولندا

وهناك افكار اخري سيقدمها السيد المستشار

يا خليل هبشت عضم البلد والموضوع خشي الحوش والقصة بعد ده دايرة كلام كثير ونقة..
المفوضية الزراعية دي ام المفوضيات وراس الرمح في اي تغيير جذري لواقع السودان الكعب
وبتخلي الواحد يديها مساحة وزمن في القصر..
1-ولازم تشمل ناس جاديين_ صارمين_حماسهم طاغي_ ومنظمين...علي كل المستويات...
المزارعين_اصحاب الحرف المرتبطة بالزراعة_ فني الزراعة_ الزراعيين _ الخبراء..
واهل الميكنة الزراعية من مهندسين زراعيين ومهندسن ميكنيك وخبراء.
2-يتراجع كل نظام وزراة الزراعة السودانية..ووزارة الري ويضخ في ذلك فهم لفلسفة زراعية
جديدة وحديثة طويلة وقصيرة المدي ومدروسة ومحسوبة بالدقيقة والثانية
ولسع ده شوية من المدخل للموضوع وبجيك يا خبير يا اجنبي..
ولكن خليني اسلم علي دفعة احمد الامين ناس الاداب ديل..
واحمد معنا وهو عضوا بهذا المنبر ولكن ا حمد دوما هو احمد ولازال يمارس التمرد
وورينا اسمك ممكن نلقي ليك مفوضية اصلكم ياناس الاداب وبالذات تلك الدفعة مبدعين شديد
ونبلاء

AbdelKarim
salm
finally I get hold of you and your trouble-maker brother. where
in the hell had you been hiding all these years? Last time I talked
to this nomad he was on his way to Kenya with the promise to keep in
touch; but he just vanished
I've seen your phone in the profile and I will ring you soon

thanks
Ahmed Yousif

كيكي ،،،

تسفاى ،،،

عبدو ،،،

كرومة ،،،

المهم بكل الأسماء و الألقاب الفاتت و الحاضرة والجاية (الجاية دى المهمة) ،،،،
مبرووووووووووووك الجماعـ(ـة/ ـتين) وقعوا الإتفاق ،،،،
وجابوهم فى نشرات الأخبار ،،،،
يعنى الفوق ده كلو بقى صحـى ،،،،
وأصحى يــا زعيـــــم ،،،،


حجزت ليك مقابلة مع (B.N. TV) =
زمان ناس جامعة الخرطوم كانت عندهم B.N. أوع تخلط ....
(لاحظ الضمير اللاصق فى الفعل بتاع الجملة الفوق)،،،


ناس القصر ديل ياسعادتكم ( حلوة سعاااادتكم دى) بحبوا إكثروا من المستشارين ،،،
وحضرررررررتكم عارف و خابر قدراتنا،،،، وزى مشكلة الصومال دى ما فى زول غيرى بقدر عليها،،،،
بس إختار بدلة بيضاء فيها خطوط سود ،،، مش سوداء فيها خيوط بيض ،،، إنت عارف السبب ،، مش؟؟؟

عشان الجماعة الحاسدين مـا يقولوا بتاعة الأستوديو ،،،، أصــلوا صــاحبنا داك كان لابس واحدة .......
أنا ما تخاف على ،،،، أصلى برجوازى وبدلى كتيرة ،،،


منتظرين تعليماتكم ،،،، مــا تنسى ترسل لينا (الأبونى) بتاع طيارات سودانير ،،،
عشان دايرين نبدأ لف و دوران طوالـى ،،،،

و ماتنسى تطلع القائمة بتاعة قطع الأراضى ،،،، ما إنت مساح واليد بتاورك ،،،





لنا عودة

خليل تحياتى
تعرف الطريقة المثلى لدخول عبدالكريم القصر هى طريقة الصديق الحاج الصديق الرقم 13
طلعنا معه فى مظاهرة فقال لنا نمشى القصر و بعدين عندما نصل القصر شيلونى و ارمونى جوه القصر

Quote: وبعد داك مش دابة ودار...انا ناوي يا خلي اعرس ليك اربعة من الحور العين ..

حرام عليك يا سيادة السيد كي كي

الراجل عاوز اوديك القصر الجمهوري وانت عاوز توديهو أبو هامور ؟

انت عارفني أنا موضوعي بسيط لا أرض ولا اكشاك ولا وظائف

بس تعرس لي واحدة كدا من سكرتيراتك بس تكون مروقة (مش من الحور العين بتاعات خليل)

أصلي أنا لسة جاهل وسغييير وما شفت للدنيا حاجة

أنا يا كي كي القدري لسة بشاغلوا في بنات الجيران

Quote: وجابوهم فى نشرات الأخبار ،،،، يعنى الفوق ده كلو بقى صحـى ،،،، وأصحى يــا زعيـــــم

مرحب بشكري
وحبابك وحباب الاشقاء في القصر الجمهوري وانتو سياد الساس والراس يا اخوي
ولاعبين القصر (ون تو) من زممممممممممان..بس القصة ما بتدي حريف وتعز من(تشاء) بعد مرات...
ركز علي (من تشاء) دي عليك الله واقراها صاح..
وبعدين يا شكري انا مية مرة قلت ليك الجماعة ديل 3 انواع..
الوقعوا ديل ما ناسي..
لمن يوقعوا ناسي تاني الا تجهزوا الاحتياطي من كشف المهندسن في انتخابات الجالية وتملو الخانة
بتاعتي يا صديقي

يا خلي وقف البوست شوية...ويازمن وقف شوية!!!
ونحي الاخ الاكبر احمد يوسف وعادت ذكريات وشخوص كنت اظن انها ذهبت مع
رياح السنين والشواطي والمواني والرحيل......
سلام حار وتحية اخوية صادقة اخي احمد يوسف وبحضورك هيت نسائم من دعاش النهود
ممزوجة بريحة الرمال وعبق القيزان وجالت بالذاكرة افراد نبلاء من دفعة 1984
اداب الخرطوم..عبدالله مصطفي وزاكر و ابراهيم يس وعبدو حسن ونعمية كودي والمرحومة اختي الغالية
اعتدال زكريا وابو الحسين وعصام السمين ونعمات القاضي وشيخ الامين الذي اظنه انه اصبحا زائرا دائما لتلفزيون السودان يقراء غريب الشعر واجزله..واذكر ايضا اخي العالي التهذيب (عطا) والكثيرين من الاخوة الذين كانوا اخوة كبار وعظماء حقا..ولك كل التحايا والود والشكر الكبير علي حضورك الينا في هذا السودانيز الذي اعادنا الي عصر احمد يوسف مرة اخري....

Quote: ليت لأمثال عبد الكريم سلطة فى الوطن المنفى ليت لرجل مسكون بسوفيت والرتينه صوت يسمع وسط ضجيج الطفابع

سلام يا الجيلي
وعليك الله اودي وشي وين من عوضية(بري) وكرجول
لو بقيت بتاع قصور وسلطان..اقول ليهم شنو بس..!!
تسلم يا صديقي

Quote: تعرف الطريقة المثلى لدخول عبدالكريم القصر هى طريقة الصديق الحاج الصديق الرقم 13 طلعنا معه فى مظاهرة فقال لنا نمشى القصر و بعدين عندما نصل القصر شيلونى و ارمونى جوه القصر

مرحب محمد
وابو ضفيرة حليلو ياخي والله يطراه بالخير
عندو غرام خاص بالقصر الجمهوري ..مرة كنا بنسمع في الركن بتاعو وجات سيرة القصة الجمهوري
قال انظروا الي عدد حروفه كم هي؟؟
قام واحد عداها سريع وقال ليهو 13
وهنا ابتسم ابو ضفيرة وقال انها 13 اجل وهو لنا باذن الله

Quote: الراجل عاوز اوديك القصر الجمهوري وانت عاوز توديهو أبو هامور ؟

ابوهامور يا قريش يا (عنيق) انا وديتك ليها انت الجاك شنو حسي عليك الله قول لي؟؟
انتظر المفوضية الاجتماعية وشوف عينتك دي انا ح اسوي ليها شنو..تشليح وتجريد واحتمال سجن ذاتتو

Quote: أصلي أنا لسة جاهل وسغييير وما شفت للدنيا حاجة أنا يا كي كي القدري لسة بشاغلوا في بنات الجيران

هههههه
انت من زمن الاولاد بيشاغلو بنات الجيران
قال صغير وجاهل

عبد الكريم

برسل ليك حجاب (Digital)

لدرء مخاطر العين العنيَة

وخليل ده إن جاب سيرتك تاني .. تعال لومني

اها تقولي شنو ياسارة...
عينة معتز ده نمشي القصر ويقوم يجي يشاغل لينا بنات جيران القصر ساكت..!!!
يازول انت مشي القصر ذاتتو خليتو..

سلامات لكل الاحبة

نعود لمفوضية الشوون الزراعية

لابد من شق ترعتين من النيل للولايات الغربيةوالشرقية ونرتاح من مشاكل التهميش دي وبعد كدة الما بزرع

بلحقو برزان التكريرتي عشان ما اقولو ليك الجلابة جعونا وعطشونا


حل مشاكل الطاقة بعمل مفاعلات نووية لكن بدون مشاكل مع ناس كونداليزا

توقير الجازولين ومدخلات الانتاج باسعار تفضيلية

Quote: عبد الكريم برسل ليك حجاب (Digital) لدرء مخاطر العين العنيَة وخليل ده إن جاب سيرتك تاني .. تعال لومني

اي يا حيدر عليك الله ياخي..
ويكون (ديجتل) من تايوتا واصلي
لانو اخوك مزنوق ومضايق شديد من العيون العاجبة سيدها دي..

صاحب السعادة

ولا الفخامة

ولا السيادة

كيكي

تحياتي

(مستشار صحفي كفاية علينا)

منصب صغيروني

ماتنسانا بعدين

( أنا قلتا سفرة أديس مريبة ورجعت مسحتا المداخلة )

باقي أهلنا قالوا :

(الحكومة جبلاً مابداوس )

Quote: (الحكومة جبلاً مابداوس )

شفت كيف ياكمال..!!
انت بالذات انا غير بيوت اشباح تاني ما عندي ليك حل..!!
لانك بتاع محن وممكن تعمل انقلاب علي الشرعية الدستورية..بدعاوي نصرة الصراع الطبقي
فعشان كده جهز روحك من حسي واحجز ليك بيت من بيوت الاشباح بتاعة النظام الكيكاوي
وبعدك انها حتكون (فايف استار اكاديمي)..

كيكي

أصالة عن نقسي و نيابة عن كادحي سنار
نعلن تبرأنا منك كابن بار للمنطقة
وذلك لموالاتك للخونة وسارقي قوت الشعب
و تصنبفك كابن عاق من اليوم فلاحقا
ولا نامت أعين الجبناء

عاشت سنار حرة أبية
ع / اهالي سنار
أحمد عبدالله

Quote: أصالة عن نقسي و نيابة عن كادحي سنار نعلن تبرأنا منك كابن بار للمنطقة وذلك لموالاتك للخونة وسارقي قوت الشعب و تصنبفك كابن عاق من اليوم فلاحقا ولا نامت أعين الجبناء

يا لورد ده كلامك...كويس.!!
انت عارف انا من بكرة دي ماشي ابوعشر اجيب (ابو2) واقدم ليهو لوتوري
اها شيل شيلتك معاهو

Quote: اي يا حيدر عليك الله ياخي.. ويكون (ديجتل) من تايوتا واصلي لانو اخوك مزنوق ومضايق شديد من العيون العاجبة سيدها دي..

طيب أديني عنوانك

بس تكتبو بالحبر السري عشان خليل ما يقراهـو

Quote: طيب أديني عنوانك بس تكتبو بالحبر السري عشان خليل ما يقراهـو

خلاص ياحيدر
شفت بس اكتب لي علي العنوان التالي..
كريم@قصر.com
وخليل مش حيقدر يغمض عينيه..!!

Quote: انت عارف انا من بكرة دي ماشي ابوعشر اجيب (ابو2) واقدم ليهو لوتوري اها شيل شيلتك معاهو

بهذا نعلن نحن اهالي سنار تبرأنا من ما ورد في مداخلتنا السابقة
و الذي قام أحد المخربيين بدسها لافساد الروابط الاجتماعية وزرع الفتن
بين ابناء المنطقة الواحدة ونعلن ان ابننا كيكي هو أحد ابناء المنطقة
الباريين وعليه نؤكد وقوفنا معه وتأيدنا ......
القصر ..ألقصر يا كيكي
ألقصر ..ألقصر يا كيكي
ع / أهالي سنار
أحمد عبدالله
________________________
كل حاجة ولا ابو2 ده

Quote: كل حاجة ولا ابو2 ده

انت عارف يا احمد لحدي ما البوست العجيب بتاع صحبك خليل ده ينتهي الواحد حيموت من الضحك
مع الجرسة المدورة دي...
وبيني وبينك (ابو2) ده منو جفلة ياخي..
كده تكون ريحتني من مشوار ابوعشر..(يازول انا مالي ومال القراية ام دق دي)

خليل إنت من زمن القصر الجمهوري..؟؟؟
دي حاجه يتمنّوها لي زول في مقام the one and only كيكي؟

ده قصر ده؟؟ بي عساكره المكتّحين وريقهم ناشف... ولا الحديقة المزعمطة ديك..
ودبابتين خرد كده واقفين برّة.. المنطقة الصناعية ماتقبل بقطعة منهم..

يا لهملة كلمة قصر!
______
كيكي..
لا تعبأ بمثل هذا الحديث ياصديقي..
وأحلف صادقة..
انه التنقل ما بين قصر الشاورما وقصر الحلوى (ديل عندكم في الدوحة؟)
يمكن أن يكون أحسن بمليون مرة من شوفة تلك الخرابة..
ومصاقرة خفافيشها ذوي اللحى المتعددة الاشكال والمقاسات...
______
خليل..
أنصحك بسماع قصر الشوق لزيدان..
لانه قصور الدنيا دي ما عندك معاها شغلة..

Quote: يا لهملة كلمة قصر!

ها هي دوما نجوان
لكي كل الشكر والتقدير يا صديقتي
واعلم يقينا ان هنالك بعض الاشياء التي يجب ان تدفع اثمانها هنا..ولكن عزائي
ان وجودكم يمتص الكثير ويظلل اشيائنا المشتركة ....
دوما يا نجوان احلم بوطن سادته هم النبلاء الطامحين الي نصرة الفقراء وقيم التعايش
باسس الديمقراطية التي ترفض اعتقال العقل البشري بدعاوي اوامر الاله التي لم ينطق بها ابدا..!!
خليل يعلم جيدا بانني لن اذهب لقصر شوه وجدان شعب باكلمه.. قصر جعل للبوم مكانا عاليا ينعق
فوق كل امواج النيل..قصر اغتال اعز الاصدقاء وانبل الرجال..قصر اغتال وطن....!!
ولكن فلنقل انها الكوميديا السوداء....!!!
لكي كل التقدير والاحترام علي كلماتك التي اتمني ان اكون مستحقا لها يا نجوان..

Quote: هل نري صديقي عبد الكريم الامين في القصر الجمهوري قريبا

يا ريت على الاقل بنضمن زول شايفنا عايشين كيف
وما حا يتغابى فينا العرفة

Quote: يا ريت على الاقل بنضمن زول شايفنا عايشين كيف وما حا يتغابى فينا العرفة

مرحب يادكتور..
وطبعا انت تتذكر بوستيك بتاع رغبتك في زيارة القصر الجمهوري ..فابشر يا دكتور
فرجت

Quote: ..(يازول انا مالي ومال القراية ام دق دي)

عبد الكريم المدعو بكيكي

اوع بس اكون مقصودة بالكلام ده
السيرة دي ما بحبهاش

Quote: عبد الكريم المدعو بكيكي اوع بس اكون مقصودة بالكلام ده السيرة دي ما بحبهاش

مرحبتين يا سارة..
كدي حسي خلينا من القراية ام دق دي..
انت عملتي لينا شنو في موضوع الفواتير الثلاثة للسراميك الايطالي..
شايفك من ما قلنا ليك جيبي فواتير ثلاثة كبيتي الزوقة...اركزي يا مستشارة
البيئة والمفروشات..

تم نقل المهندس عبد الكريم مستشارا للامن الوطني بالقصر الجمهوري

بعد نجاحاته في المستشارية الزراعية .

وقد تم وضع خطة محكمة في مستشارية الامن الوطني

لاننا كما تعلمون دولة مستهدفة من دول الاستكبار لواد المشروع الحضاري

وقد تم تكوين ادارة فعالة لمراقبة انشطة الدول المعادية

وعلي الصعيد الداخلي ستتاح الحريات كاملة للصحافة بس ما عايزين قلة ادب في الكتابة

عشان ما تكون زي الصحف الرياضية

وسنسمح بالتجمعات والاحزاب بعمل ندواتها ومخاطبة عضويتها في حرية ويسر

بس النقابات تطالب بحقوقها بادب شديد وبدون استعمال سلاح الاضراب

سنغلق جميع بيوت الاشباح ومراكز التعذيب

ولا يجوز اعتقال اي مواطن الا بواسطة قاضي

بعد كدة البعمل مشاكل لا يلوم الا نفسه

سنقوم بهدم منزله لا نعذبه ولا نعتقله

لا هل بلغت

مرحب خليل..وحباب القصر الجمهوري مرة اخري مادام القصة فيها امن وسلامة...

1-انشاء وحدة امنية ذات كافة عالية لتاديب دعاة العنصرية والنعرات البغيضة...
ديل يتم جلدهم في ميدان ابو جنزير وبعد داك يجو عندي في القصر عشان اسمعهم كلام فارغ شديد
اسمو(طابور عنصرية)
2-اطالب بفترة 15 يوم بدون شفافية عشان اضاير فيها بعض المرجفين واعملهم ليهم طابور ارجاف
(15) يوم بس وتاني اسمع وحد فيهم يقول سيك ميك..
3- حل كل اجهزة الامن المالية البلد وارسال افرادها الي كنانة والرهد لحفرها بواسطة
كندكات وتوفر الحكومة الكجيك لمدة ثلاثة سنوات..ما داير لي زول لابس اشتراكية ولميط يتحاوم الي
في البندر..
4-طبعا ياخليل بجانب تسخير الامن لخدمة المواطن والوطن بكل حرية ..وللمواطن الحق في التظلم الي
اعلي سلطة في البلد...

هلا سعاد ة

العميد الركن مهندس عبد الكريم الامين

استاذن سيادتكم بان تكون التعيينات في جهاز الامن

من خريجي الجامعات وكل من يلتحق بالجهاز يجب ان يكون من (الانتيليجنسيا) اي النخبة

الاذكياء . علي مستوي الضباط

علي مستوي الجنود يستوعب طلبة الشهادة السودانية للذي يحرز نسبة سبعة ستين وتمانية من عشرة

لازم سعادتك تركز علي التمانية من عشرة لكي يسهل استعياب الخطط الامنية والاهداف الاستراتيجية للجهاز

لكي لا يظل الجهاز ( موغل) في عوالم من انصاف المتعلمين والفاقد التربوي

وهذا ممكن ان يسي لهذا الجهاز الحساس

حاضرين يا مستشار..لك ما اردت ونعم المستشار يا كمندان خليل..

لكن خت في بلك لازم الانترفيو يكون عميق وشامل وكم يوم كده..ولازم تتكون لجنة فيها خبراء
في كل الجوانب حتي لا تسلل عناصر رخوة الي الاجهزة الامنية ..
البوليس برضو يكون مؤهل ومنضبط شديد(لازم جكة مع الصباح)..واي بوليس ياخد رشوة لازم يمشي (ابو جنزير
للجلد)..
تسخير القوات المسلحة بعد وضع الاسس الامنية وتسخيرها للاعمال المدنية طرق كباري زراعة...
ويبدو ياخلي انت فعلا مستشار يجب ان تستشار,,مش زي صحبك داك

Quote: البوليس برضو يكون مؤهل ومنضبط شديد(لازم جكة مع الصباح)..واي بوليس ياخد رشوة لازم يمشي (ابو جنزير للجلد)..

لكن يا سعادتك هل جهاز الامن تابع لوزارة الداخلية ام الدفاع ام كيان مستغل


لانو مكنة انو تابع لوزارة الداخلية حاول اتخارج بيها برزان التكريترتي ايام المحكمة وما جابت نتيجة

عليه اقترح ان يتبع جهاز الامن لرئاسة الجمهورية مباشرة

بعدين سعادتك استمحيك عذرا في تعيين ( علاء الدين يوسف)

وباي مخصصات .

لان هذا الشخص ذو امكانيات عالية وبحل لينا كم (equations) كدة

لكن يا سعادتك هل جهاز الامن تابع لوزارة الداخلية ام الدفاع ام كيان مستغل
كل يا خليل لازم جهاز واحد..وسيستم واحد ما دايرين اجهزة كثيرة مالية البلد..كفاية جهاز
شوون المغتربين...
علاء الدين (شلاليت) ..يلعب كورة بس في الهلال بالله ياخليل ما دايرين واسطات من حسي...

....بالله يا خلي هو جهاز الامن ما تبع وزارة الداخلية..

هوووووووووووووي
سلام عليكم
كيكي يا صحبي
خليل بكلامو ده ناوي يوديك الخور ,,,
ويفقدك هيبة الشغلانه دي...

Quote: وعلي الصعيد الداخلي ستتاح الحريات كاملة للصحافة بس ما عايزين قلة ادب في الكتابة عشان ما تكون زي الصحف الرياضية وسنسمح بالتجمعات والاحزاب بعمل ندواتها ومخاطبة عضويتها في حرية ويسر بس النقابات تطالب بحقوقها بادب شديد وبدون استعمال سلاح الاضراب سنغلق جميع بيوت الاشباح ومراكز التعذيب ولا يجوز اعتقال اي مواطن الا بواسطة قاضي بعد كدة البعمل مشاكل لا يلوم الا نفسه سنقوم بهدم منزله لا نعذبه ولا نعتقله لا هل بلغت

ده كلام ده نحن في ياتو دوله ولا ياتو قصر
البشتغل بكلام (حالم) زي ده...
عموما النقاط الخاصه بالمستشاريه عظيمه ومتينه وذات طابع
ديمقراطي مايع وما بنفع في دوله يعلو فيها صوت الجهويه..
شي تاني (شايف مستشارك بعملو لصالح المهندسين تحت تحت ) يهد البيوت قال
تلقاها عند القافل
عموما ياكيكي لو دي رؤيتك في الامنيه, امشي شوف زير فاضي جنب السوق العربي
ونظر في مع البجو يشربو من عندك (ملح)
خسيئتم ,,,
عايزين تفقدونا عشم السلطه..


عموما انا اعتــــــــرض على ما طرح...
ولازم تشدد في مساله بيوت الاشباح دي ولو ما لاقي بيت فاضي
تعال اديك بيتنا تستخدمو (على الاقل ممكن نهاب ونصير اشباحا)

ارجو الافاده
والا توقعوا الانقلاب في الساعات الاولى من صباح الغد..

Quote: Application for Vacancy Post = by Shukri

كيكى (تسفاى) ،،،،

منتظرين رد سعادتكم ،،،،




لنا عودة

Quote: منتظرين رد سعادتكم ،،،،

المهندس شكري يا زعيم

رغم اننا منعنا محاصصة التوظيف كما هو حاصل بالعراق نفيدكم علما بان سعادة المستشار

قد وافق علي طلبكم وتم تعينكم في المناطق الساخنة ( مثلث الموت)

خلي وشكري
حبابكم وحباب الوظائف الشاغرة..
شكري ما عندك مشكلة نتختك في واحدة من حتات النقاط الفاضية..
وياخلي شوف لينا مفوضية جديدة خارجنا من مثلث الرعب ده..

Quote: وياخلي شوف لينا مفوضية جديدة خارجنا من مثلث الرعب ده..

والله يا سعادتك مافي طريقة

المناطق الفاضية اتنين منطقة يسيطر عليها جيش الرب في الجنوب ومنطقة يسيطر عليها المصريين في حلايب

لكن انا شائف انسب حتة ليهو جبل مرة ( عشان يامن بالجنجويد)

في مثلث كده يا خلي فاضي في الحدود مع كينيا (اتخيل لي ممكن نودي الراجل ده هناك)
طبعا المثلث بالمناسبة ما معروف تبع منو لحدي حسي......

يا كمندان..
اخبار علاء الدين يوسف ايييه..!!
خلي يجي الانترفيو بدري..ولبسوا بمبي عليك الله..!!!

سعادةالمستشار عميدمهندس عبد الكريم الامين

يصدر هذا المرسوم

يمنع تماما التجمعات العامة

حظر خمسةصحف من الصدور

تغلق جميع الجامعات في السودان لحين اشعار اخر

والما عاجبواحلق حواجبو


رئد ركن مهندس خليل محمد خليل

مدير مكتب المستشار

يا خليل بوستيك يا زول بصراحة انا كجيتو
والقصة ياهو شايف براك جابت ليها (زنقة بقال)
وهبايب..
وتاني (قرقر مسو يا مسو يا قربي)..والمرة الجاية الواحد يجيب فكي قوبي المنبر ده ويقعد ينتظر
الكفاوي والهبايب الزي دي..!

بعدين يا زول انا ما ماشي اي قصر..خلاص حردت القصر يا خليل وتم تسريحك من الخدمة...

لا تخاف

يا مستشار

غوانتانمو بس او زجاجة البيبسي ( الحجم العائلي)

Quote: بعدين يا زول انا ما ماشي اي قصر..خلاص حردت القصر يا خليل وتم تسريحك من الخدمة

هوي يا زول اوعي ترفدني

انا حامشي ناس المعارضة

واديهم رقم حساباتك السرية في سويسرا

والشقق بتاعة مونت كارلو

ومغامراتك في هونولولو وجزر الكاريبي

وصفقات الاسلحة الفاسدة مع ناس حسن ماكردة

Quote: ومغامراتك في هونولولو وجزر الكاريبي وصفقات الاسلحة الفاسدة مع ناس حسن ماكردة

مرحب ياخلي
ياخ انت برفدوك يا زول..هو الرفت ده قال ليك ساكت كده..
وبعدين هونولولو دي..مش كنا سوي...

كدي نرجع للموضوع زي ماقال عمر اومو.
احنا واقفين وين حسي ..في ياتو مفوضية..مسكني نار عليك الله
ولك ان ترفع كاس فالقصر مباح وهو قصرك..

سعادة العميد ركن مهندس عبدالكريم

الخرطوم بها اكثر من ماتين مليشيا مسلحة

عشان كدة لابد من وضع استراتيجيةجديدة زي بتاعة جورج بوش في العراق


لانو لو العاصمة اضطربت

انت وانا حانمشي اللقيط

والحقونا غنم زهراء

خليل ياصاحبى

يا اخوى ما تروق المنقة

صاحبك الداير توديه القصر الجمهورى

بقال قرب يوديه التونج وشفت براك

كمية الجرس والكبكبة ومن هنا نحن

نطالب ناس بقال يعدلو ليهو المنصب

او يفصلو ليهو منصب حسب المقاس

ونحنا بنقنعو يجيهم عديل وبعداك

انشاءالله يساو ليهو راسو الخفيف اللفيف

Quote: او يفصلو ليهو منصب حسب المقاس

بدر الدين الامير

والله انا ذاتي بديت اخاف

اكون مدير مكتب زول ( راجيف غاندي ) زي دها


بالرجفة دي الزول دها لو مسك الامن بيخلي السودان زي محافظة الانبار

عشان كدة انا بشوف الجماعة عشان اعينوهو مستشار الرئيس للشوون الاسرة والطفل

وظيفة ساهلة وما فيها ( قومة نفس)

خليل الوزير
تعال هنا يازول
انت شنو الناس كلهم شابكني خليل..خليل
خليل ظريف والجكس كمان قاعد يتكلم وبقول المستشار خليل ظريف والله..
يازول هووووي انت قاعد تبيع تصديقات ولاشنو..؟؟؟

عميد مهندس شكري ماطوس

سعادة المستشار في رحلة خارج البلاد

والخرطوم مشتعلة مظاهرات شديدة جدا تخريب وسرقة محلات تجارية

ايه رايك

نضرب ذخيرة حية وللا نكتفي بالبمبان

نعم المظاهرات حق مكفول للجميع ولكن لن نسمح بالفوضي

لابد من فرض هيبة الدولة والقانون

والما عاجبو امشي اجيب امريكا واخش بي دبابات المحتل زي ناس احمد الجلبي

سعادتك

الراي العام زعلان جدا بعد ضربنا للمظاهرات بالطيران


عشرين تلفون في مكتبي ضربت لي كونداليزا وزلماي خليل زاد واحمد نجاد وكي امون

وسفير جزر القمر وبابا الفاتيكان .

وحتي نجوم السينما سفراء النوايا الحسنة ناس عادل امام وحسين واستاذ كابلي وجولياروبرتس

العالم كلو محتج

فدحين يا سعادتك يبدو اننا حا نمشي مستشارية التعليم العالي

ويا خسارة السيراميك والعفش الجبناهو للمكتب

عندنامشاكل كتيرة

جامعات زي التعاريف وسكن طالبات وسكن استاذة

غايتو امشي ذاكر