Post: #1
Title: سيد اللبن جاء يا محاسن
Author: khaleel
Date: 05-17-2007, 08:20 PM
Parent: #0
نعود لعهد ود اب السلس والعكر ود مبيوع
اعظم اسياد اللبن في حلتنا حيث الحمار الابيض والتمن النضيفة ورطل اللبن بي قرشين
وتغير الزمان حيث حل البوكسي مكان الحمار
وفي القرية يحضر سيد اللبن مع المغارب وفي البندر يحضر صباحا
وسيد اللبن يجيد فن الدبلوماسية الشعبية وقروضه مييسرة
ونعود
|
Post: #2
Title: Re: سيد اللبن جاء يا محاسن
Author: عبدالكريم الامين احمد
Date: 05-17-2007, 08:27 PM
Parent: #1
ياسسلام
حباب خلي 2000 وحباب سيد اللبن ومرحب بمحاسن..
وياحليل محاسن (سجمي)...
وهذا يعود صهيل الناس البسيطة و حديث الناس الطاعمة الملانة حنية ودعاش
وناس قريب من القلب والواجدان..
ومعاك حجل بالرجل يا خليل
عشان سيد اللبن وفي عشان محاسن,,
|
Post: #3
Title: Re: سيد اللبن جاء يا محاسن
Author: ريهان الريح الشاذلي
Date: 05-17-2007, 08:32 PM
Parent: #2
سلامات وعودا حميدا
طبعا دقة الباب بتاعت سيد اللبن مميزة ازعج دقة باب والربنا زاعجو زيادة يكون مركب جرس عشان سيد اللبن من ما يخت ايدو في الجرس ما برفعها الا يجوه بالحلة..
سؤال وجيه:-
لو سيد اللبن اداكم لبن لمن فورتوه لقيتوه مقطع بترفضو تدوه تاني يوم القرووش ولا نجحن برانا المفتحين؟؟
|
Post: #4
Title: Re: سيد اللبن جاء يا محاسن
Author: ودرملية
Date: 05-17-2007, 09:21 PM
Parent: #3
سلامات
وعوافي
ياخلي تسلم ياخي
ذكرتني "عم محمود سيد اللبن" ..كان رجلا جميلا وخلوقا وتقيا ...وكان منزلنا هو ميقاته لصلاة المغرب .. وفي رمضان كان يحلل صيامه معنا ثم يقوم مسرعا ليكمل بقية مشواره اليومي ..اذكر ان عم محمود عندما دخل عليه الكبر كان يقول لنا بصورة مستمرة بانه سيتوقف عن هذا العمل وسيتركه لولده الذ سيحل محله الي ان يشاء الله في الامر..توفي والدي وانا في السابعة من عمري كان عم محمود حاضرا في تلك الايام كان يحضر في الصباح الباكر ثم يرجع الي قريته القريبة من رفاعة"العوايدة" في مواعيد "العليقة" ومن ثم يعود مرة اخري ليصلي المغرب معنا..وفعل نفس الامر عندما توفت الوالدة وانا في سن التاسعة بعد العشرة ...
ومازالت الذاكرة تحمل ملامحه النظيفة والوقار الذي يشع من عينيه واناقته ...فعمري لم اري "مركوب" في اناقة مركوبه وكانه يصنع خصيصا له ...اذكر ايضا ان كان يعاود كل من يزوره المرض في الحلة ...وكان في اوقات كثيرة لا ياخذ من بعض البيوت مالا اذا ما علم بضيق او عسر حال واضح عليهم..
ومازال عم محمود حيا يرزق اشيبا كهلا كبيرا ومازال علي ابنه يقوم بدوره الي هذه اللحظة..نسال الله ان يحفظهم جميعا ..
واظن ان شكل هذه الظاهرة قد اضحي قليلا في معظم المدن الاقليمية وبعض منها قد حافظ عليها بشكل اشبه باللمحة التراثية المطورة حيث انهم اصبحوا يحضرون بـ"البيك اب" والكوارو وما الي ذلك من دواب التنقل الحديثة والمستحدثة....
|
Post: #11
Title: Re: سيد اللبن جاء يا محاسن
Author: khaleel
Date: 05-27-2007, 05:48 PM
Parent: #4
Quote: ومازال عم محمود حيا يرزق اشيبا كهلا كبيرا ومازال علي ابنه يقوم بدوره الي هذه اللحظة..نسال الله ان يحفظهم جميعا ..
واظن ان شكل هذه الظاهرة قد اضحي قليلا في معظم المدن الاقليمية وبعض منها قد حافظ عليها بشكل اشبه باللمحة التراثية المطورة حيث انهم اصبحوا يحضرون بـ"البيك اب" والكوارو وما الي ذلك من دواب التنقل الحديثة والمستحدثة |
هلا الانيق ود رملية
ورحم الله العم محمود
ود اب السلس كان امينا ايضا في بيعه للبن بدون غش واضافة الماء
ولو اخذت عينه من لبنه الي معامل فرنسا ستحصل علي نفس النسب ذكرتها مدام كوري في
كتاب الكيمياء
|
Post: #9
Title: Re: سيد اللبن جاء يا محاسن
Author: khaleel
Date: 05-27-2007, 05:40 PM
Parent: #3
| Quote: لو سيد اللبن اداكم لبن لمن فورتوه لقيتوه مقطع بترفضو تدوه تاني يوم القرووش ولا نجحن برانا المفتحين؟؟ |
ريهان الشاذلي
لو اللبن اتقطع جربي كاني واوعي تعاني
|
Post: #10
Title: Re: سيد اللبن جاء يا محاسن
Author: khaleel
Date: 05-27-2007, 05:43 PM
Parent: #2
Quote: ومعاك حجل بالرجل يا خليل
عشان سيد اللبن وفي عشان محاسن |
كريم
شكرا علي مرورك والعافية في الرضاعة الكافية
|
Post: #5
Title: Re: سيد اللبن جاء يا محاسن
Author: سارة حمزة
Date: 05-17-2007, 09:58 PM
Parent: #1
سلامات خليل وحمد الله علي السلامة
|
Post: #6
Title: Re: سيد اللبن جاء يا محاسن
Author: عامر تيتاوى
Date: 05-17-2007, 10:10 PM
Parent: #5
خلو
حمدا لله على السلامة
|
Post: #7
Title: Re: سيد اللبن جاء يا محاسن
Author: نهال الطيب
Date: 05-17-2007, 10:35 PM
Parent: #6
غايتو نحنا عندنا أمنة ست اللبن
تجي تكورك وتدق في الباب وتخش تدي كل زول حقه ما بتخلي زول
يوم لقتنا مشغلين شريط عرس اشتغلت العروس زي الترتيب ومرقت
تحياتي
خليل
|
Post: #15
Title: Re: سيد اللبن جاء يا محاسن
Author: khaleel
Date: 05-27-2007, 05:58 PM
Parent: #7
Quote: غايتو نحنا عندنا أمنة ست اللبن
تجي تكورك وتدق في الباب وتخش تدي كل زول حقه ما بتخلي زول
يوم لقتنا مشغلين شريط عرس اشتغلت العروس زي الترتيب ومرقت
تحياتي
|
نهال مهنة بيع اللبن معظمها رجالية
لكن حاجة امنة بتاعتكم تمارس الجندرة
|
Post: #13
Title: Re: سيد اللبن جاء يا محاسن
Author: khaleel
Date: 05-27-2007, 05:52 PM
Parent: #6
Quote: خلو
حمدا لله على السلامة |
تيتاوي
هلال فورموست يذوب علي طول
حاجة تجنن مش معقول
|
Post: #12
Title: Re: سيد اللبن جاء يا محاسن
Author: khaleel
Date: 05-27-2007, 05:49 PM
Parent: #5
| Quote: سلامات خليل وحمد الله علي السلامة |
هلا بت ملوك النيل
وماذا عن ذكريات بائعي اللبن في ود البنا
|
Post: #8
Title: ناس البيت هووووووووووى
Author: أيمن الطيب
Date: 05-18-2007, 11:45 AM
Parent: #1
يا خلّى ويييييييييينك يا هندسة!
لعل المانع خير و الله الشوق بحور لكن نحن فاهمين و المعايش صعبة و جبارة,
أقتسم حينا (بٌرّى) فى قصة اللبن فى زمننا رجلين صارا جزء من التركيبة
اليومية و الحياة و شكل الشارع وإجتماعيات الحي بصورة لا يمكن تخيلها!!
عم بابكر و حاج طه كما تعود الناس مناداتهما! رحمهما الله رحمة واسعة بقدر
أحبهما ناس برّى , كنا فى منطقة توزيع عم بابكر , عم بابكر فى بيتنا لم يكن
ينتظر كثيرا فبعد ضرب الباب بخرطوشه الأسود سريعا ما يبدأ فى (تعبير) اللبن
من التمنة الكبيرة للصغيرة و فى هذه الأثناء إذا لم يصل أحد يأخذ طريقة إلى
المطبخ بعد صيحة شهيرة و محببة (ناس البيت هووووووى) والمصفى و الحلة و الغطاء
و يغطى اللبن ويتوجه للباب مرة أخرى و الحساب قدام و يوم الحساب بكون دائما
يوم غلاط ومغالطات و بعدها الفطور و العفو العافية بطيبة و أريحية وأبقو عافية
يا الحاجة, كان هذا الرجل عنوان للطيبة و المروءة و ايضا هو من يتولى أمر خراف
المناسبات و الأعياد!! ما مان يعجبنى أكثر هو تبادله الأدوار مع حاج طه فى أى ظرف
يمنعه من الإلتزام فى التغطية للزبائن و توفير اللبن لكل البيوت و الأُسر.
|
Post: #14
Title: Re: ناس البيت هووووووووووى
Author: khaleel
Date: 05-27-2007, 05:56 PM
Parent: #8
Quote: يا الحاجة, كان هذا الرجل عنوان للطيبة و المروءة و ايضا هو من يتولى أمر خراف
المناسبات و الأعياد!! ما مان يعجبنى أكثر هو تبادله الأدوار مع حاج طه فى أى ظرف
يمنعه من الإلتزام فى التغطية للزبائن و توفير اللبن لكل البيوت و الأُسر. |
الودود ايمن الطيب
شوق بحر
نعم انهم ملح الارض في كل السودان نفس الطبائع انهم بائعو الحياة
والولد كان اربي قوي ابقي صاروخ ارضي جوي
|
Post: #16
Title: Re: ناس البيت هووووووووووى
Author: عبدالكريم الامين احمد
Date: 05-27-2007, 06:14 PM
Parent: #14
مرحب بخلي سيد اللبن
انت يازول لبنك ده لو ما رعيتو كويس بتقطع مع البان بلادي بلادي المالية السوق ده
|
|