Post: #1
Title: كريم الامين يشكو التهميش في الخرطوم مافي زول اكسر تلج
Author: khaleel
Date: 06-22-2007, 07:35 PM
في اتصال هاتفي من الخرطوم بصديقي كيكي اشتكي الرجل بانه همش
ومافي زول اشتغل بيهو ما لقي اي زول اكسر ليهو تلج
واديهو مكنة يا كريم يا وريف يا كريم يا كتاب يا بتاع كمبو الري
وانت خليفة فضيلي جماع .
المهم هدات من خواطر الرجل وقلت ليهو الخرطوم بتبلع وانتظر في الصف
لحدي ما انتهي دور محمود عبد العزيز وسلطان الطرب طه سليمان وابننا معتز صباحي
( ودها عندو ناس كتار بكسرو ليهو تلج)
بعدين ناس ندي القلعة .
بعد كدة ممكن تلقي ناس تكسر ليك تلج
|
Post: #2
Title: Re: كريم الامين يشكو التهميش في الخرطوم مافي زول اكسر تلج
Author: Ahmed Abdallah
Date: 06-22-2007, 07:42 PM
Parent: #1
أنصحه بالذهاب الى ابوعشر
ومقابلة ابو 2 .. مش يكسر ليهوا تلج
يكسر ليهو ...... ؟؟ !!
|
Post: #3
Title: Re: كريم الامين يشكو التهميش في الخرطوم مافي زول اكسر تلج
Author: khaleel
Date: 06-22-2007, 07:48 PM
Parent: #2
Quote: أنصحه بالذهاب الى ابوعشر
ومقابلة ابو 2 .. مش يكسر ليهوا تلج
يكسر ليهو ...... ؟؟ !! |
اللورد احمد عبد الله
غايتو انا وصيت ليهو ناس في الخرطوم وبحاول اكلم ليهو نسرين سوركتي تعمل معاهو
مقابلة في النيل الازرق واذا فشلت سيضطر الرجل للذهاب لابي عشر كداري
|
Post: #4
Title: Re: كريم الامين يشكو التهميش في الخرطوم مافي زول اكسر تلج
Author: khaleel
Date: 06-22-2007, 08:08 PM
Parent: #3
صديقي كرمة
ولا يهمك بس اعمل تاشيرتك وحاول اتخارج من ناس الضرائب
وتعال هنا والله اطبل ليك واحرق ليك البخور
لما حسن ماكردة زاتو استغرب
|
Post: #5
Title: Re: كريم الامين يشكو التهميش في الخرطوم مافي زول اكسر تلج
Author: khaleel
Date: 06-22-2007, 08:42 PM
Parent: #4
طبعا يا كريم
الزملاء حاقولو
دها مغترب موهوم عائز اقضي اجازتو واضيع وقتنا سيبكم منهم دورهم ميت
|
Post: #6
Title: Re: كريم الامين يشكو التهميش في الخرطوم مافي زول اكسر تلج
Author: محمد عبدالرحمن
Date: 06-22-2007, 09:05 PM
Parent: #5
ياخليل ..
بالله الجماعة (شختوا ) ليهو..والله صراحة حارة ومابتنبلع
زول ساكن فى مدنى ... وسنار والفكى هاشم فركة كعب
البجيبوا يكوس فى الخرطوم شنو ؟ ..لكن كان مفروض
كريم دا يتبع استراتيجتك فى السفر ..يشيل عناوينو
وتلفوناتو وبالدس يصلن ناسو فى محلهم ...لكن
قصة كريم جا وديك ياجلسة ..والمركز الالمانى
وقناة النيل الازرق والحاجات دى صعبة شوية ..
ومحتاجة زول يكون ساكن فى محلها مازول يجى
راكب ثلاثة ساعات حتى يصل ليها ..
وبعدين سيبك من دا كلو الزول دا مش زول هامش
يمشى يشوف هامشو على وين ..
|
Post: #7
Title: Re: كريم الامين يشكو التهميش في الخرطوم مافي زول اكسر تلج
Author: احمد التجانى احمد
Date: 06-22-2007, 09:47 PM
Parent: #6
العزيز خليل
مشتاقون والله
اراك فى ضلال يااخى
مال كيكى ومال الخرطوم ام هى السلبطة بعينها
اتفق معك بان النابل اختلط بالحابل وان كل شى اصبح يجوز
وفقا للمصطلحات الجديدة كالسودان الجديد وغيره من هذه البضاعة
ولكن ليست لدرجة ان يعتقد كيكى ان دخوله سيستم الخرطوم يمكن ان يتم
فى غفلة مننا ومن الزمان
خليل اديه راسه بالله
|
Post: #17
Title: Re: كريم الامين يشكو التهميش في الخرطوم مافي زول اكسر تلج
Author: khaleel
Date: 06-23-2007, 05:07 PM
Parent: #7
Quote: ولكن ليست لدرجة ان يعتقد كيكى ان دخوله سيستم الخرطوم يمكن ان يتم
فى غفلة مننا ومن الزمان
|
احمد التجاني
علي الاقل طه النور اكسر ليهو تلج او معاوية داوود او الصادق فيصل
|
Post: #16
Title: Re: كريم الامين يشكو التهميش في الخرطوم مافي زول اكسر تلج
Author: khaleel
Date: 06-23-2007, 05:03 PM
Parent: #6
Quote: وبعدين سيبك من دا كلو الزول دا مش زول هامش
يمشى يشوف هامشو على وين |
محمد عبد الرحمن
كريم قال لي ناس الهامش زهجو الجماعة قبل ما اسلمو عليهو كويس اقول ليهو ياكريم
عليك الله جيب مائة الف الراجل زهج واتخارج الخرطوم
|
Post: #8
Title: Re: كريم الامين يشكو التهميش في الخرطوم مافي زول اكسر تلج
Author: أيمن الطيب
Date: 06-22-2007, 09:48 PM
Parent: #1
يا خلّى,
الليلة مقبّل على كيكى شكلك!!!
يا زول أمشى واصل البوست بتاع
كجبار بجيب النار !!!!!!!!
كيكى شديد على روحه وبلقى ناسو
كان فى الخرطوم كان فى كمبو
الرى!!!
إنت يا هندسة شكلك بقيت تجى
تفكها فى البورد ده آخرالليل
|
Post: #12
Title: Re: كريم الامين يشكو التهميش في الخرطوم مافي زول اكسر تلج
Author: Kostawi
Date: 06-22-2007, 10:18 PM
Parent: #9
يا زولة الكلام ده ما صاح
الزول ده مرطب و بمز بالكوارع مع عبدالمنعم سليمان و عبابير دينق و عرس صباح أحمد الظلامية.
يا ربي ح يهمشونا لمن نرجع ام درمان?
يا زولة هو شن طعمهم حناكيش الخرطوم....كفاية حناكيش واشنطون.
حناكيش الخرطوم ديل ناس هامش بالنسبة لجلابة حناكيش واشنطون...و بالدولار كمان...أنكل سام و دم آري بالإنجليزي...و كدوس وسجار كوبي و الجزمة برازيلية....شن جابنا لناس ناذر وعبدالمنعم ناس العبابير الوسخانة...
و ما عندهم حتى الريد واين.
يقال أن كيكي لم يصل السودان بعد...ضرب لي تلفون من شيراتون أديس أبابا.
|
Post: #21
Title: Re: كريم الامين يشكو التهميش في الخرطوم مافي زول اكسر تلج
Author: khaleel
Date: 06-23-2007, 05:19 PM
Parent: #12
Quote: يا زولة الكلام ده ما صاح
الزول ده مرطب و بمز بالكوارع مع عبدالمنعم سليمان و عبابير دينق و عرس صباح أحمد الظلامية.
|
كوستي كوارع شنو
الزول استاجر كامري بمائة الف جنيه ويعوس في البندر فسادا
|
Post: #20
Title: Re: كريم الامين يشكو التهميش في الخرطوم مافي زول اكسر تلج
Author: khaleel
Date: 06-23-2007, 05:16 PM
Parent: #9
تراجي مصطفي
وحاة الفكي الدفق اللبن وقرض العصيدة
كريم يوم في الاحفاد
واليوم التاني في كلية التقانة
وبعد بكرة في مامون حميدة
هامش قال هاك الهامش دها
|
Post: #18
Title: Re: كريم الامين يشكو التهميش في الخرطوم مافي زول اكسر تلج
Author: khaleel
Date: 06-23-2007, 05:11 PM
Parent: #8
| Quote: كيكى شديد على روحه وبلقى ناسو |
ايمن الطيب
انشاء الله اشبه ابوهو
|
Post: #10
Title: Re: كريم الامين يشكو التهميش في الخرطوم مافي زول اكسر تلج
Author: أيمن الطيب
Date: 06-22-2007, 09:56 PM
Parent: #1
قالت الأخت أستاذة تراجى,
Quote: عبد الكريم الامين
القلم الواعي الرشيق الخفيف الدم
ما من دارفور بس عشان ما تكجنوه بسببنا.
كيف يتجاهله بورداب الخرطوم؟؟؟
ولاهي الخرطوم دي كلها ملاسي؟؟؟؟ |
ملاسى ظاااااااااااااااااااتو!!!!!
|
Post: #11
Title: فلنضع جميع أحزابنا في الميزان!!
Author: Elbagir Osman
Date: 06-22-2007, 10:16 PM
Parent: #1
|
Post: #13
Title: Re: فلنضع جميع أحزابنا في الميزان!!
Author: ودرملية
Date: 06-23-2007, 00:19 AM
Parent: #11
سلامات
وعوافي
ياخلي اصحا يابريش ..
انت يعني عايز كيكي يحكي ليك الحاصل بالضبط !!
ياحبة دقستا لو دي توقعاتك ..
الفردة جايط البلد جوطة شديدة يا صاحبي ..
واخر كافتريات ومنتزهات وصوالين ادبية ..
وازيدك من الشعر بيت الراجل اخر مداخلة ليهو في المنبر دا "انطلقت من اثير اوزون الساحر"..
ويبدو لي ان الامر برمته مزحة باردة يا سيدي اللطيف .. فالود يحمد سيدو اخر انبساطا ..
غير انه بخل علينا بالروايات والغزوات وما الي ذلك من تفاصيل الاجازات الحميمة ..
وسبحان الله الود عشق الترحال حتي "داخل الارض التي تغرب عنها شمس العصافير البريئة" ..
فياسيدي في المسكنة ..
اوعا يخمك بي حنكو السنين "يقال انه يلبس في اليوم ثلاث لبسات مختلفات وسمحات وغاليات" كناية عن البهرجة والابتهاج الشديد ..فويحك يا صديق ما كيكي بالداقس ولا الفارة ولا الطيرة الورويرة ولا المسكين ..زولك عينو قدر الريال ابو عشرين مفتح لامن مفتح ..
ومن هنا لي بي غادي ..
وكدة ..
والله اعلم ..
|
Post: #14
Title: Re: فلنضع جميع أحزابنا في الميزان!!
Author: Tragie Mustafa
Date: 06-23-2007, 08:01 AM
Parent: #13
فوق لمزيد من الاحتفالات بكيكي .....بالخرطوم.
|
Post: #15
Title: Re: فلنضع جميع أحزابنا في الميزان!!
Author: عمار يس النور
Date: 06-23-2007, 12:53 PM
Parent: #14
ابو الخل سلام
المشكلة مش في إنو كيكي مشهور او معروف ، المشكلة في ناس نسرين سوركتي و سعد و الجماعة ديك ما مثقفنين و ما بيعرفوا اشهر مساح في العصر الحديث.
انا غايتو نصيحتي ليهو يمشي يسك إبراهومة بتاع المريخ و يحاول يطلع منو قروشو.
عارف يا خليل أخر مرة شفت عبد الكريم ده إمكن قبل 14 سنة واقف مشرور خلف آراك هوتيل و الشمس مطلع ليك عينو و حالتو بالبلاء ، سألتو يا كيكي مالك ؟، قال لي و الله منتظر السمسار ده ! و أشر لي على زول هناك ، قلت ليهو ده مش إبراهومة بتاع المريخ؟
قال لي : ايوه ياهو زاتو ؟ و شاريني ليه شهرين شايل جوازي و قروشي و قال ح يأشر ليي هولندا !
و بقترح عليه يحسب ليه التضخم و سعر الفايدة و قيمة القروش ذاتها بالنسبة لكيكي في ذلك الوقت ، ناس المريخ ديل الايام دي معاهم قروش البترول و عاملنها حفلات و إنارة ساكت.
*****
سند:
لو عرفت جواب لسؤالك عن سعد بتاع النيل الازرق ، عليك الله أسال لي هل البنتين الأثنين بتاعت النيل الازرق ديل لابسين قناع Mask ? أم هذا هو المكياج البيقولو عليه ؟
|
Post: #19
Title: Re: فلنضع جميع أحزابنا في الميزان!!
Author: فرح
Date: 06-23-2007, 05:11 PM
Parent: #15
يا كليل
رغم عدم المامى باصل الموضوع لكن على كيكى الاتصال بى لمساعدته
مهمشون بلا حود
دوليه
ضد التهميش
|
Post: #23
Title: Re: فلنضع جميع أحزابنا في الميزان!!
Author: ضحيه ابراهيم
Date: 06-23-2007, 05:28 PM
Parent: #19
عجبنى للمرقوت
خليل.......
كيكى ده من ما قام (المجلد الدويم ,جوبا ، ود هاشم ، , وادمدنى)
يعنى هامش فى هامش الخرطوم دى ماجاها الا للجامعه البوديهو يبارى منعم اب صلعه شنو؟؟؟؟؟؟؟؟
بعدين هو قالو رتب اجازتو مع عرس ناذر وناذر ماهبب ليهو ولا عزمو ولا حاجه؟؟؟؟؟؟؟؟؟؟؟
غايتو ياخليل خسارة (القمصان والبدل الفصلوهن لى عرس ناذر) وخسارة نصائح بدرالدين فى لاناقة والقيافة (وحاجات تانية حاميانى)
اقول ليك حاجه خلى يلم فى حسين ود ملاسى والله تكون اجازة مظبوطة خالص..
|
Post: #26
Title: Re: فلنضع جميع أحزابنا في الميزان!!
Author: khaleel
Date: 06-23-2007, 05:40 PM
Parent: #23
Quote: كيكى ده من ما قام (المجلد الدويم ,جوبا ، ود هاشم ، , وادمدنى)
|
ضحية
الراجل مشي الحتاتات دي كلها
لكن قال مافي تكييف وما قدر اقعد مشي البندر يقضي وطرا
|
Post: #25
Title: Re: فلنضع جميع أحزابنا في الميزان!!
Author: khaleel
Date: 06-23-2007, 05:36 PM
Parent: #19
Quote: يا كليل
رغم عدم المامى باصل الموضوع لكن على كيكى الاتصال بى لمساعدته |
فرح
كريم بتلاقاهو الساعة تسعة صباحا في عفراء مول
ومعاهو اربعة جكسايات من كمبيوتر مان
|
Post: #24
Title: Re: فلنضع جميع أحزابنا في الميزان!!
Author: khaleel
Date: 06-23-2007, 05:29 PM
Parent: #15
Quote: المشكلة مش في إنو كيكي مشهور او معروف ، المشكلة في ناس نسرين سوركتي و سعد و الجماعة ديك ما مثقفنين و ما بيعرفوا اشهر مساح في العصر الحديث.
|
غايتو انا بعمل محاولة في النيل الارزق
عشان صاحبك اشبكم ليك دهشة وموغل وجمال وورافة
|
Post: #22
Title: Re: فلنضع جميع أحزابنا في الميزان!!
Author: khaleel
Date: 06-23-2007, 05:25 PM
Parent: #13
| Quote: وازيدك من الشعر بيت الراجل اخر مداخلة ليهو في المنبر دا "انطلقت من اثير اوزون الساحر |
صديقي ود رملية
لوح التلج عندكم بكم
|
Post: #27
Title: Re: فلنضع جميع أحزابنا في الميزان!!
Author: عامر تيتاوى
Date: 06-23-2007, 07:46 PM
Parent: #22
خلو
الربع الجايين نكسروا ساح !!!
فى ناس قالوا شافو كيكى
فى السلام روتانا
|
Post: #28
Title: Re: فلنضع جميع أحزابنا في الميزان!!
Author: ودرملية
Date: 06-23-2007, 09:00 PM
Parent: #27
سلامات
وعوافي
ياخلي ..
ياخليل ..
ياسيدي في بهاء المساءات ..وياصديقي "اذا ما استوى طبخ الشمارات" ..
والايدي الطاعمات يصافحن "المكوجن كيكي" وكانه "مدد اجازته نيفٌ وعشرون يوما" بغية منه في الاستزادة و"الهوادة" فما صافحته فاتنة الا واستوى عنده العرش بالفرش وطارت من راسه طيور خائفة ونجوم هاربة "كتلك التي يرسمها استاذنا شرحبيل احمد كلما اخذ عمك تنقو عكازة في راسو" نعم والله "كيكي ولوف للغاية" بقدر الفة ضحكته وبشاشته "وما هذا بتكسير تلج يا خليل فانت اعلم الخلق بانني احسده واتمني لو انني كنت مديره لقطعت له اجازته ساعة اجراءات المغتربين عند دخوله للبلد السمحة" ولكن هي النصيحة قد تضرني او لا تضر والحمد لله .. ولكن ساءني خبثه اذ احكى لك نشاف الاجازة وزوغانات بورداب الخرطوم" لان الرجل وعلي حسب ما ترامى لمسامعي قد كان مصدر احتفاء واحتفال وابتهاج وهجيج وكدة "ولكنه خاف من الحسد والحقد فكوع بهذه الخبارات وحرمك منها او هكذا كان مقصده" شفتا كيكي دا "عمرو ما بيوريك حقيقة الحاجات البتحصل ليهو بعيدة مننا" لانو عارفنا شنافين وكجانيين وحاسدين لذلك يخفي عنا اسراره واخباره وشماراته من فرط خوفه من لعناتنا المتواترة الشفقانة .. رحم الله كيكي في الاولين والاخرين ..
صاحبنا الان متسانس بسيرة الحسان الفارعات الواجنات الضاحكات السمرواوت اللامعات وما در صاحبنا انه "قد وقع في ثبج بحر الشحتفة" والامواج الثائرات يتلاطمنه موجة موجة ..وياخذن منه فتات "صباه" او ما تبقي من "فضلة اربعينيته العتيقة" ..فقد وهن الرجل نعم وبلغ به الكبر مبلغا عظيما فما اهتز طرف له الا واهتزت الارض تحت اقدامه فما عاد يحتمل الجمال ولا الحسان حماه الله فالمسالة بقت صعبة ياخليل ضف الي ذلك "سياج وزارة الداخلية السميك يلفه من كل الاتجاهات" اللهم الا بعد سرقاته الكاذبة التي يمارسها علي الوقت اللعين .. فمرة يسافر للاجراءات واخري لعزاء واخري لمعاودة مريض "وما نطق لسانه قط بزيارته لفرح او عرس او بهجة او حفلة" انا عارفو ليك ..
"وبارك الله في الكندشة والمنتشة والحنكشة" التي صبغته "بملامح العشرينيين" فيبدو وكأنه "قد فرغ التو واللحظة من امتحانات الشهادة الثانوية" .. وما هذه يا صديقي في هذه الارض السقيمة الا لعنة "علينا" "ووجع قلب" فلن يجعل لنا موطأ رطبا نتمشي فيه بشيخوختنا وعظام "ذكريات صبانا" ..ونسال الله ان يرده الينا سالما غانم وصحيح معافى فقد اشتهته الحكايات والونسات والقفشات البريئة .. واشتقنا لمؤامراته وخباثاته وموكاواته ..
رحم الله اخونا كيكي كثيرا ولطف به .. ونسال الله ان يمد في شبابه وصباه وان يمتعه بتمام المتعة والصحة الجيدة وان يجعله مصدر احتفالا واحتفاء بالنسبة لي بورداب الخرطوم وان يجعل في اهل الهامش وارضه الامل والمبتغي وان يمدهم بالصبر علي هذا الولد ونسال الله ان يجعل من مدني وسنار ودهاشم ملي جنان مثمرات وناضحات بالخضرة والماء والوجه الحسن حتي تكفي صديقنا شر الترحال والتسفار والجهجهة وعمر الله الهامش بالكافتريات والكورنيشات والسينمات وما الي ذلك من وسائل الترفيه المتاحة لاهل المركز "حتي يتسنى لصاحبنا ملازمة المدن الشاهقة "تلك التي يشتهي رنينها كلما اشتدت عليه رطوبة الدوحة ..
وخالص الامنيات لاهلي واصدقائي "في كمبو الري" فردا فردا والي كاويك الهاوية الغاوية الظريفة و لسوفييت واخرين عل الرجل يغشاهم ويسلم عليهم ويبلغهم محبتنا واشواقنا الشديدة ..
واما وقد فرغ "الثلج" نسال الله ان يجعل تكسيره في ميزان حسناتنا ..امين
والحمد لله اولا واخر
|
Post: #29
Title: Re: كريم الامين يشكو التهميش في الخرطوم مافي زول اكسر تلج
Author: ناذر محمد الخليفة
Date: 06-24-2007, 10:38 AM
Parent: #1
سلامات يا خليل ..
والله ما عارف إنو كيكي في الخرطوم إلا من البوست الكتبتو تراجي بي هناك ..
عليك الله أجدع لي تلفونو في الماسنجر خلينا نضرب معاهو حاجة قبل زحمة العرس
|
|