Post: #1
Title: كيف يكون مصيرك لو احببت امراة متزوجة
Author: khaleel
Date: 07-02-2007, 06:04 PM
Parent: #0
قد يخطي قلبك وومكن ان يكون صائبا
ماذا لو احببت امراة متزوجة
رايكم يا اهل الهوي
|
Post: #2
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-02-2007, 06:40 PM
Parent: #1
Quote: قد يخطي قلبك وومكن ان يكون صائبا
ماذا لو احببت امراة متزوجة |
يا ابوخليل,راجع ماتحته خط
وكمان تقوم تقول ليك ماشة الديسكو!!!!!
يا هندسة دا كلام شنو ده؟؟؟
الإجابات كثيرة وكلها يصعب قولها!!!
لكن للضمان كده (فى مصيرك سر كتمتو)
قول يا كريم هون!!
سلام يا صاحبى,
|
Post: #3
Title: Re: كيف يكون مصيرك لو احببت امراة متزوجة
Author: ضحيه ابراهيم
Date: 07-02-2007, 06:51 PM
Parent: #2
خليل ازيك
يا اخوى انت اليومين دى مالك؟
والله من ماكيكى سافر بوستاتك كلها بقت حب وسيقان (رقاق) انت مالك تكون عاوز تعرس ولا شنو؟
المهم انت اختار ونحنا جاهزين لاى خدمه... بس خلى كيكى يرجع ونكون لجنة وتنبثق منها لجان اخرى..
|
Post: #4
Title: Re: كيف يكون مصيرك لو احببت امراة متزوجة
Author: moody
Date: 07-02-2007, 06:56 PM
Parent: #3
الامور تكون مختلفة
هل الحب قبل زواجها ام بعده
ولو ان في الحالتين
انتا ضائع
|
Post: #5
Title: Re: كيف يكون مصيرك لو احببت امراة متزوجة
Author: اسامه هاشم
Date: 07-02-2007, 07:06 PM
Parent: #3
يا خليل
شدني عنوان البوست وترددت قليلا قبل ان ادلو
بدلوي في هذا الموضوع ... واود ان اقول لك
انه قد يحدث احيانا مثل ما ذكرت لكن سيكون
من طرف واحد اذا احببت انت امرأة مثلا متزوجة
قطعا هي تحب من تزوجت به وبالتالي سيموت هذا
الحب تدريجيا ولا يعدو بعد ذلك الا ان يصبح
مجرد اعجاب ... اما اذا بادلتك هي مثلا هذا
الحب يدخل هذا الامر في تعقيدات اجتماعية
ودينية كثيرة جدا محصلته النهائية ضياع
وشتات لاسرة او اسر باكملها ... حماك الله
وايانا...
همسة اخيرة:
الرجل العاقل الشهم المقدام السوي وان
اصابه شئ كهذا سنأى بنفسه عن ذلك ويكتم
ما في قلبه مراعيا حرمة هذا الامر .
تحياتي
|
Post: #6
Title: Re: كيف يكون مصيرك لو احببت امراة متزوجة
Author: خضر الطيب
Date: 07-02-2007, 07:13 PM
Parent: #1
ابو خليل الراجل المتيم
ان ذيك
هاك دي
| Quote: كيف يكون مصيرك لو احببت امراة متزوجة |
ذي مصيرك .......
|
Post: #7
Title: Re: كيف يكون مصيرك لو احببت امراة متزوجة
Author: Sobajo
Date: 07-02-2007, 08:35 PM
Parent: #6
خليل ازيك ...
السوال هو ...
كيف يكون مصيرك ان تزوجت امراة تحب رجلا غيرك ..؟؟
|
Post: #8
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-02-2007, 08:44 PM
Parent: #1
يا هندسة!
الدقسة شكلها حصلت!!
راجع ما كتبه الشباب اعلاه!!
جيت متدردق زى أبو الدرداق!!
لكن إنت رايك شنو!!!!!!!!!!!
|
Post: #9
Title: Re: كيف يكون مصيرك لو احببت امراة متزوجة
Author: عمر سعد
Date: 07-02-2007, 08:51 PM
Parent: #1
ما ذكرتة انو هل هى تبادلة ام من طرف واحد...
اذا من طرف واحد اعتقد انو ينطمة ويحترم نفسو ويقطعو فى حنانو
اذا كان متبادل دى عندها حلين الاول اما تكون ما بتحب زوجها
وتكون مستعدة انو تنفصل منو ودة بيتطلب برضو حلين اما انو
حبيها متزوج او غير متزوج اذا متزوج برضو عندو حلين انو يكون
ما بحب زوجتو ودة عندو حلين ينفصل من زوجتو او يعرس عليها وتقبل
اما هى حلها اما انها تنفصل اذا كان عندها اولاد تضحى باولادها مقابل
زوجها ودى صعبة او تنسى الموضوع من اصلو وتفكر فى عيالة
الحل الاخير هو خلاص مافى غير المتزوجة يلقى يحبها؟؟؟؟؟
عليك حاجات يا خليل بس هى بتحصل بتحتاج لطرف قوى يحسم الامر
لمصلحة الاخر اذا كان بيحبة عن جد.........
|
Post: #10
Title: Re: كيف يكون مصيرك لو احببت امراة متزوجة
Author: Khalid Osman Jaafar
Date: 07-02-2007, 11:53 PM
Parent: #1
سلام يا خليل،
سبقني سوباجو بالكلام
البيحب واحدة متزوجة ده يخت نفسو مكان زوجها، ويتخيل إنو في واحد بيحب زوجته ...
لأ، وإتخيل إنها بتميل ليهو!
الما بنرضاهو لنفسنا، مفروض ما نرضاه لغيرنا
مهما كانت المبررات
أما لو جينا لرأي الدين، فهو واضح
والرسول صلي الله عليه وسلم نهي عن إنو الواحد يخطب فوق خطبة أخيه ...
يعني خطبة ساي ممنوعة، خليك من إنها تكون واحدة متزوجة
بعدين لنفترض إنه البحب المتزوجة ده أقنعها إنها تتطلق وتزوجها؛ تفتكر إنو ربنا سبحانه وتعالي بعدله المطلق حيبارك في زواج زي ده؟
والضمان شنو إنو الأيام ما تدور وزولنا ده يلقي نفسه مكان الزوج الأولاني؟! ما البتفكر في رجل تاني وهي متزوجة صعب إنو الواحد يثق فيها
لأنو دي خيانة
نصيحتي لكل واحد واقع في الموقف الإنت ذكرتو ده إنو يبعد عنها تماماً، ويقطع كل خيط يربطو بيها
نعم الموضوع ما هين، وحيعاني كتير في البداية ..
لكن في النهاية أمورو حتمشي
وجايز جداً بعد غمامة الحب تتشال من عينو يستغرب كيف فكر أصلاً في الزولة دي
ويا حبذا لو عمل ده كلو (يعني قطع علاقتو بالمتزوجة دي) واحتسب ده طلباً لرضي الله سبحانه وتعالي
وقتها مش بس ربنا حيعينو علي نسيانها ...
أكيد حيبدلو بخير منها إن شاء الله
|
Post: #11
Title: Re: كيف يكون مصيرك لو احببت امراة متزوجة
Author: Kabar
Date: 07-03-2007, 02:53 AM
Parent: #1
| Quote: كيف يكون مصيرك لو احببت امراة متزوجة? |
تبكي بس..!
خليل.. ســلامات
كبر
|
Post: #12
Title: Re: كيف يكون مصيرك لو احببت امراة متزوجة
Author: يوسف الولى
Date: 07-03-2007, 04:25 AM
Parent: #1
| Quote: قطعا هي تحب من تزوجت به |
يا اخى قطعا تلك بها الكثير من علامات الستفهام
فكم من زواج تم بالصور ...
وكم من زواج تم عبر الاهل
وكم .. و كم
ولك الزواج يمكن تلخيصه فى الايه الكريمه
(( وجعلنا من انفسكم ازواجا لتسكنو اليها وجعل بينكم موده ورحمه)) صدق الله العظيم
اما الحب والمشاعر الاخرى
فنجد الاجابه هنا
(( اللهم لا تحاسبى فيما لا املك وتملك )) او شيئا من نحو هذا والحديث على كل مشهور وصحيح
اما موضوع البوست فعندى فيه راى لا اخال ان عاقل هنا قد يوافقنى عليه ... لذا فساحتفظ به لنفسى
و
تحياتى
|
Post: #13
Title: Re: كيف يكون مصيرك لو احببت امراة متزوجة
Author: على احمد النعيم
Date: 07-03-2007, 06:05 AM
Parent: #12
اخ خليل قديما قال احدهم:
علقتها عرضا وعلقت غيرى وعلق اخرى غيرها الرجل
فالقلوب يا اخى تكون فى بعض الاحايين كالكواكب التى تضل افلاكها يسبح كل حيث يجب ان يسبح الاخر ، ولو اهتدى كل الى مداره الصحيح لما شهد الظلام انات المحبين.
كل الود
|
Post: #14
Title: Re: كيف يكون مصيرك لو احببت امراة متزوجة
Author: Nader Abu Kadouk
Date: 07-03-2007, 06:19 AM
Parent: #13
ياخوي إنت لسع مارسيتلك علي بر
ودابكدوك
|
Post: #15
Title: Re: كيف يكون مصيرك لو احببت امراة متزوجة
Author: Nader Abu Kadouk
Date: 07-03-2007, 06:25 AM
Parent: #14
يا خلي احسن ليك تفارق سيرة النسوان دي إنت بقيت في حد الرجم
ودابكدوك
|
Post: #16
Title: Re: كيف يكون مصيرك لو احببت امراة متزوجة
Author: singawi
Date: 07-03-2007, 07:43 AM
Parent: #1
خليل ياخليل .. خليلك وين
مابنوم الليل .. الليل الليل .. الليل علي طويل
أنا خليني
لكن مجنون ليلى قابل زوجها وقال ليهو :
بربك هل ضممت إليك ليلى ... قبيل الصبح أو قبلت فاها
هااا ناس .. ادعوا لأخيكم المجنون .. الزول دا كمل عذابو في الدنيادي تب .. الله يرحمو في الآخرة
|
Post: #17
Title: Re: كيف يكون مصيرك لو احببت امراة متزوجة
Author: Dr. Abdalla Siddig
Date: 07-03-2007, 08:46 AM
Parent: #16
خلي
سلالالالالالالالالالالالالالالالالالالالالالالالالالالالالالالامات ومشتاقين
وعن قريب سنكون في
البلد الطوال نخله و جزايره وهاااااااااااااااااااااااااات
طرابه جنينه لكن الحظوظ نايماااااااااااااااااااااااااااااات
امانه عليكم بتدوا النصيحه ان جاااااااااااااااااااااااااات
حلوه المنقه والا ...... في ام عاجاااااااااااااااااااااااات
|
Post: #18
Title: Re: كيف يكون مصيرك لو احببت امراة متزوجة
Author: أبوالزفت
Date: 07-03-2007, 10:17 AM
Parent: #1
يا خل
ما تخليك صنديد
ما تقولها عديل
الواحد لو بحب واحدة واتزوجت وهو لسه بحبها
مش تقول لو احببت امراة متزوجة
|
Post: #83
Title: Re: كيف يكون مصيرك لو احببت امراة متزوجة
Author: khaleel
Date: 07-05-2007, 12:45 PM
Parent: #18
Quote: ما تقولها عديل
الواحد لو بحب واحدة واتزوجت وهو لسه بحبها
مش تقول لو احببت امراة متزوجة |
طويت الماضي في قلبي وعشت علي صدي الذكري
وهذا الدمع قد ينبي بظلم المهجة الحيري
ولا تملك الحسناء قلبه كله وان شملتها رقة وشباب
ويا ابو الزفت
انما يبكي علي الحب النساء
|
Post: #19
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-03-2007, 11:55 AM
Parent: #1
أبوالزفت!
جاك من الآخر
قصدك مكتول هواك أنا من زمان(غناها محمد الأمين مع عبدالقادر سالم وكانا قمة الروعة)
يالجيت شايلك (الهوى)
والله ياخلّى ما رضيتا ليك!!!!!!!
يا ناس الحلّه هوووووووووووووووى الخزين شوفو مكتول وين!!!!!
حبة كدة وبتلحق صاحبنا البجى يكتب آخر الليل داك
مودة لا حدود لها يا حليو
|
Post: #20
Title: Re: كيف يكون مصيرك لو احببت امراة متزوجة
Author: قرشـــو
Date: 07-03-2007, 12:12 PM
Parent: #1
ماذا لو احببت امراة متزوجة
المصيبة لو انك متزوج وبتحب زوجتك كمان .....
تبقى ما عندها حل اصله .....
|
Post: #21
Title: Re: كيف يكون مصيرك لو احببت امراة متزوجة
Author: Deng
Date: 07-03-2007, 12:19 PM
Parent: #1
هناك حل أخر.
هناك قصة مشهورة في السودان بطلها شاب كان على علاقة بحسناء من حسناوات الخرطوم, تقدم الى أهلها ولكن تم رفضه لأنه كان تعبان ماليا.
هاجر ذلك الشاب الى الخارج وكون له ثروة مالية كبيرة. وعندما عاد وجد أن حبيبته تم زواجه من رجل أخر. قدم ذلك الشاب الغني مبلغ محترم من المال
لزوج معشوقته, وافق الزوج وطلق الزوجة. وتزوجها الرجل الذي كان يحبها. دي قصة حقيقية. والرجوا عدم طلب مزيد من المعلومات حتى عن طريق الماسنجر.
قد يعتقد بعضكم أن هذا قصة خيالية ولكنها قصة حقيقية حصلت في الخرطوم, وفي زمن بعيد. وبطلها من أسرة معروفة في الخرطوم.
ولا يعرف هذا القصة إلا عدد قليل من سكان الخرطوم القدامى.
دينق.
|
Post: #23
Title: Re: كيف يكون مصيرك لو احببت امراة متزوجة
Author: احمد التجانى احمد
Date: 07-03-2007, 12:49 PM
Parent: #21
| Quote: ماذا لو احببت امراة متزوجة |
عيب وحرام طبعا
يازول العن ابليس
|
Post: #22
Title: Re: كيف يكون مصيرك لو احببت امراة متزوجة
Author: DKEEN
Date: 07-03-2007, 12:30 PM
Parent: #1
لعل المسالة اعلاه تم طرحها عدة مرات...
بس ماهو مصير من احب في وقت واحد امراتين متزوجتين ..
واحدة تزوجت من ايام الجامعة وبي شفعها والتانية توها متزوجه وجات من شهر العسل قريب..
|
Post: #24
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-03-2007, 01:01 PM
Parent: #1
Quote: هناك حل أخر.
هناك قصة مشهورة في السودان بطلها شاب كان على علاقة بحسناء من حسناوات الخرطوم, تقدم الى أهلها ولكن تم رفضه لأنه كان تعبان ماليا.
هاجر ذلك الشاب الى الخارج وكون له ثروة مالية كبيرة. وعندما عاد وجد أن حبيبته تم زواجه من رجل أخر. قدم ذلك الشاب الغني مبلغ محترم من المال
لزوج معشوقته, وافق الزوج وطلق الزوجة. وتزوجها الرجل الذي كان يحبها. دي قصة حقيقية. والرجوا عدم طلب مزيد من المعلومات حتى عن طريق الماسنجر.
قد يعتقد بعضكم أن هذا قصة خيالية ولكنها قصة حقيقية حصلت في الخرطوم, وفي زمن بعيد. وبطلها من أسرة معروفة في الخرطوم.
ولا يعرف هذا القصة إلا عدد قليل من سكان الخرطوم القدامى. |
دينق شنو!!!!!!!!!!!
حل غير أخلاقى
صاحبك ده دفع كم!!!
|
Post: #25
Title: Re: كيف يكون مصيرك لو احببت امراة متزوجة
Author: alfatih
Date: 07-03-2007, 01:07 PM
Parent: #1
خليل
انى ارى وميض شاكوشا فى الدلجة
زى ما قال كبر ... تبكى بس
|
Post: #26
Title: Re: كيف يكون مصيرك لو احببت امراة متزوجة
Author: bayan
Date: 07-03-2007, 01:14 PM
Parent: #25
يا خلو
هاك دي
مرحاض ومستنير
|
Post: #27
Title: Re: كيف يكون مصيرك لو احببت امراة متزوجة
Author: Deng
Date: 07-03-2007, 01:18 PM
Parent: #1
Quote: دينق شنو!!!!!!!!!!!
حل غير أخلاقى
صاحبك ده دفع كم!!! |
الاخ أيمن الطيب.
الزول ده ما صاحبي, القصة دي حصلت قبل ما ان أتولد.
دفع كم دي أنا ما عارف برضه, لكن الظاهر المبلغ كان مغري
ومقنع للغاية. الناس ديل هسع من وجهاء المجتمع السوداني.
دينق.
|
Post: #28
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-03-2007, 01:29 PM
Parent: #1
Quote: الاخ أيمن الطيب.
الزول ده ما صاحبي, القصة دي حصلت قبل ما ان أتولد.
دفع كم دي أنا ما عارف برضه, لكن الظاهر المبلغ كان مغري
ومقنع للغاية. الناس ديل هسع من وجهاء المجتمع السوداني.
دينق. |
دينق أخوي سلامات,
إنت أتولدت متين!!!
عشان نحاول نحدد المبلغ ونعمل دراسة مقارنة ونرسل دراسة الجدوى لخليل!!!
إحتمال راجل المره يقبل بالعرض ويخلى طرفو ويقبض السمينة ويشتت
محبتى
|
Post: #29
Title: Re: كيف يكون مصيرك لو احببت امراة متزوجة
Author: nazar hussien
Date: 07-03-2007, 01:49 PM
Parent: #28
مصيرك تنجرح...
|
Post: #30
Title: Re: كيف يكون مصيرك لو احببت امراة متزوجة
Author: أحمد الشايقي
Date: 07-03-2007, 02:31 PM
Parent: #1
Quote: ما تقولها عديل
الواحد لو بحب واحدة واتزوجت وهو لسه بحبها |
أحسن الله عزاؤكـم
أحمـد الشايقي
|
Post: #31
Title: Re: كيف يكون مصيرك لو احببت امراة متزوجة
Author: samo
Date: 07-03-2007, 03:02 PM
Parent: #1
| Quote: كيف يكون مصيرك لو احببت امراة متزوجة |
الردود الفوق دي كلها فنجطة ساي ..
الموضوع من اساسو غلط .. وغير سوي ..
والبيعمل كدة .. شخص مريض .. وفاجر .. وغبي ..
والمراءة البتقبل بي كلام زي دة هي بكل بساطة : عـــــــــاهرة ..
|
Post: #32
Title: Re: كيف يكون مصيرك لو احببت امراة متزوجة
Author: khaleel
Date: 07-03-2007, 05:32 PM
Parent: #31
حلويين ازيكم
جاييكم واحد واحد
نحن ليس ملائكة هناك نساء متزوجات غير سعيدات يبحثن عن السعادة مع الاخر كما يقول صديقي
فيصل عباس
هناك من يشكون من اهمال ازواجهن ومن بخل بعضهم وبعضهم يشكي حتي من ضعف قدراتهم الجنسية
وقصة الزوجة والعشيق ما زالت موجودة
|
Post: #33
Title: Re: كيف يكون مصيرك لو احببت امراة متزوجة
Author: Tragie Mustafa
Date: 07-03-2007, 05:46 PM
Parent: #32
كلكم تحف واكبركم خليل
يا اخي انتو نسا لذاذ بشكل.
قصة دينق حقيقيه وانا اعرفها مثلها ايضا.
وهي حصلت في زمن الديمقراطيه الاخيره.
| Quote: هناك من يشكون من اهمال ازواجهن ومن بخل بعضهم وبعضهم يشكي حتي من ضعف قدراتهم الجنسية |
اما يا خليل كل هذا قد يكون حاصل
لكن ابعد من المرأه الشكايه زي دي
لانها شيالة حال
المحترمه بتقول حتى لو اختلفت مع راجلها لاي من الاسباب المذكوره
انه بس مافي نصيب
اما شيل الحال مافي داعي ليه.
بعدين اوع تصدق طرف واحد في الحياه الزوجيه
لانه كل زول بيصور نفسه بانه ملاك والآخر شيطان
وهذا ليس صحيح.
الحب قد يحدث ولهذا يدخل في باب اللهم لا تلمني فيما تملك ولا املك
ولكن التصرف البعده يدخل فيما نملك.
النساء اكثر تضحيه وتحمل دوما لاجل ابنائهن
ومافي زول بيتحمل قدر النساء.
فقد تحب المرأه لكنها تقطعه في حنانه وتسعد بتضحيتها من اجل ابنائها.
لكن ينفجر الوضع لو ابنائها بدأ يمسهم ضرر ابيهم.
اما مافي زول ضحكني زي دكين
وبقول ليه يا دكين ده مش قلب ده لوكنده.
ربنا يعينك على نفسك.
|
Post: #34
Title: Re: كيف يكون مصيرك لو احببت امراة متزوجة
Author: محمد البشرى الخضر
Date: 07-03-2007, 05:47 PM
Parent: #31
شنو يا عمك
إنت سلفت باسويردك دا لي محمد عادل ولا حاجة؟
|
Post: #35
Title: Re: كيف يكون مصيرك لو احببت امراة متزوجة
Author: khaleel
Date: 07-03-2007, 05:57 PM
Parent: #34
الشباب
الموضوع ليس شخصي القصة قضية للنقاش
ويا ايمن مافي شاكوش ولا حاجة
وانا تطير عيشتي اكابس في النسوان المتزوجات مالي
الجيل الجديد حلاتو احرق الفشفاش شي ميسقور وشي كاشف رقم وهلم جر
وحتي في الدين يقول تزوجوا الابكار فانهن اندي انفاسا وانقي ارحاما
|
Post: #51
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-04-2007, 06:11 AM
Parent: #35
يا خليل ده الفاتح ما أيمن!!
Quote: خليل
انى ارى وميض شاكوشا فى الدلجة
زى ما قال كبر ... تبكى بس |
الفاتح أخوى أقعد ساى,,,,,لاشواكيش لا مسامير!!!!!!
خليل,
ما قلنا ليك كورتك بقت شينة,,,,,,,,,,, بالحيل شينة
ما تجيب سيرة البحر!!!!!!!!ولا إسمو!!
|
Post: #36
Title: Re: كيف يكون مصيرك لو احببت امراة متزوجة
Author: elameen
Date: 07-03-2007, 07:07 PM
Parent: #1
خليلوف حصلت والله وحصلت واكانت امراة متزوجة وعندها ولد يا خليل واكان بطلها واحد لايعرف الاصول حبها وحبته ومصيرهم كان الزواج وطرد الاخر اقصد الزوج الاول..
ما في شي غريب يا خليل بس حنكك اكون تمام
تحياتي
امين
|
Post: #37
Title: Re: كيف يكون مصيرك لو احببت امراة متزوجة
Author: خضر الطيب
Date: 07-03-2007, 07:31 PM
Parent: #1
ود البشري
دي بالغت فيها
Quote: شنو يا عمك
إنت سلفت باسويردك دا لي محمد عادل ولا حاجة؟ |
|
Post: #38
Title: Re: كيف يكون مصيرك لو احببت امراة متزوجة
Author: ASAAD IBRAHIM
Date: 07-03-2007, 07:36 PM
Parent: #37
الانا مستغرب ليهو
انو موضوع زي دة ممكن الناس تناقشوا وتضحك وتهظر فيهو
عادي جدا جدا
في حاجة غلط
|
Post: #39
Title: Re: كيف يكون مصيرك لو احببت امراة متزوجة
Author: Anwar Ahmed
Date: 07-03-2007, 07:46 PM
Parent: #1
Quote:
الانا مستغرب ليهو
انو موضوع زي دة ممكن الناس تناقشوا وتضحك وتهظر فيهو
عادي جدا جدا
في حاجة غلط |
|
Post: #40
Title: Re: كيف يكون مصيرك لو احببت امراة متزوجة
Author: عدلان أحمد عبدالعزيز
Date: 07-03-2007, 07:47 PM
Parent: #1
حٍب الناس يحبوك.. لكن لا تطمع في إمرأة أخاك كما أمر السيد المسيح!
مدخل مختلف:
زوّج الرسول محمد (ص) إبنة عمته زينب بنت جحش، إبنة أميمة بنت المطلب، إلى زيد، ولما كانت زينب لا تحب زيد، فقد تم طلاقها منه بعد مدة من الزمن، ليتزوجها محمد (ص) بعد إنقضاء عدتها.
.
|
Post: #42
Title: Re: كيف يكون مصيرك لو احببت امراة متزوجة
Author: محمد البشرى الخضر
Date: 07-03-2007, 08:07 PM
Parent: #40
أخ عدلان
أعتقد ان إستدلالك بقصة زواج الرسول الكريم (ص) من زينب بنت جحش بعد طلاقهالا يناسب الموضوع المطروح هنا إطلاقا
و دونك الأمثلة اللتي أوردت أعلاه
|
Post: #41
Title: Re: كيف يكون مصيرك لو احببت امراة متزوجة
Author: Anwar Ahmed
Date: 07-03-2007, 07:58 PM
Parent: #1
يا khaleel
أكمل بروفايلك
ولا تنسي الاجابة علي
الحالة الاجتماعية:...................
هل لو كنت متزوج بتسأل نفس السؤال. يا khaleel الذي لانرضاه لانفسنا لا نرتضيه للاخرين
|
Post: #43
Title: Re: كيف يكون مصيرك لو احببت امراة متزوجة
Author: حبيب نورة
Date: 07-03-2007, 08:22 PM
Parent: #41
مرة الراجل فضيحة
ولا دخان ولا ريحة
دة رأيي انا
شكرن كتيرن!
|
Post: #81
Title: Re: كيف يكون مصيرك لو احببت امراة متزوجة
Author: khaleel
Date: 07-05-2007, 12:02 PM
Parent: #41
Quote: هل لو كنت متزوج بتسأل نفس السؤال. يا khaleel الذي لانرضاه لانفسنا لا نرتضيه للاخرين
|
انور احمد
اذا احبت زوجتي رجلا اخر فالغلط فيني انا
اما انا رجل بخيل
او سيي العشرة
او هناك مشاكل بيولوجية ( والنبي فوقنا من الاخيرة )
|
Post: #44
Title: Re: كيف يكون مصيرك لو احببت امراة متزوجة
Author: عوض حمزة
Date: 07-03-2007, 08:27 PM
Parent: #1
Quote: ماذا لو احببت امراة متزوجة
|
بتبقى عليك قصة خليل ... دحين بتعرفة؟؟؟
وما ظنى بتتشكر !!!
فارقة يا زول اريتة ما تنت .. بتجبلك الهواء
والهوى ابو هواء اديتة للعدو .. كلامى ده وقع
ليك..
عوض حمزة
|
Post: #45
Title: Re: كيف يكون مصيرك لو احببت امراة متزوجة
Author: عدلان أحمد عبدالعزيز
Date: 07-03-2007, 08:33 PM
Parent: #1
الأخ محمد البشرى الخضر، سلام..
بل أعتقد أن هناك علاقة، فلو أحب شخصاً إمرأة متزوجة وكانت تبادله الحُـب، وأعني الحب كما عناه خليل هنا، وهو الحب الجنسي الفردي، فالأكرم لهما أن تتطلق من زوجها، وتتزوج من تحب!
أما لو كان الحب من طرف واحد.. فحب المحب لمحبوبه، يجب أن يقود المحب للإبتعاد وتحاشي المحبوب، حباً فيه! يقطعه في حشاه!! أو يكون أناني بحب نفسه فقط.
.
|
Post: #46
Title: Re: كيف يكون مصيرك لو احببت امراة متزوجة
Author: ابراهيم عدلان
Date: 07-03-2007, 08:36 PM
Parent: #1
علقتها عرضا و علقت رجل غيري و علق اخري غيرها الرجل
شربكة
|
Post: #47
Title: Re: كيف يكون مصيرك لو احببت امراة متزوجة
Author: Abubaker Ahmed
Date: 07-03-2007, 10:38 PM
Parent: #1
عاااااااااااااااااااادي
هو يعني الحب لازم ينتهي بزواج؟ حبها ساي كده!!!!!!!- حب اخوي يعني(خوخه!!!!)
ابوبكر
|
Post: #48
Title: Re: كيف يكون مصيرك لو احببت امراة متزوجة
Author: عوض حمزة
Date: 07-03-2007, 11:10 PM
Parent: #1
وماذا ان عكسنا الاية .. اى اذا وقعت احداهن فى شباك رجل له زوجه فى عصمتة..
؟؟؟؟؟؟؟؟؟؟
عوض حمزة
|
Post: #49
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-04-2007, 06:01 AM
Parent: #1
العوض أخوى سلامات,
Quote: وماذا ان عكسنا الاية .. اى اذا وقعت احداهن فى شباك رجل له زوجه فى عصمتة..
؟؟؟؟؟؟؟؟؟؟ |
صياد فى بحر النغم,,,,,,
هى نان شبكتو ما يلما!!!!!!شبكة بالحيل كبيرة!!!!!
وهو شايل شبكتو وحايم إن بدور اليقعلو فيها غير الطير!!
شبكتينا وشبكتى الناس معانا فى شباك ,,,,شبك ,,, شبكتت شبايكو معانا والداير الشبك,,,, يجدع شبكتو معانا!!!!!!!
يا شبك.
|
Post: #50
Title: Re: كيف يكون مصيرك لو احببت امراة متزوجة
Author: على احمد النعيم
Date: 07-04-2007, 06:06 AM
Parent: #49
Quote: مرة الراجل فضيحة
ولا دخان ولا ريحة
|
يا حبيب نورة انت وين يا زول ليك وحشة
|
Post: #52
Title: Re: كيف يكون مصيرك لو احببت امراة متزوجة
Author: عبدالرحمن الحلاوي
Date: 07-04-2007, 08:23 AM
Parent: #50
اتفق مع سوباجو في الطرح ( ما لا ترضاه لنفسك فلا ترضاه لغيرك )
|
Post: #53
Title: Re: كيف يكون مصيرك لو احببت امراة متزوجة
Author: عاصم ابوبكر حامد
Date: 07-04-2007, 08:34 AM
Parent: #1
مرت الراجل خط احمر
لايمكن ان تحبها اطلاقا ..
كما تدين تدان ...
|
Post: #54
Title: Re: كيف يكون مصيرك لو احببت امراة متزوجة
Author: السمؤال بدرالدين
Date: 07-04-2007, 09:21 AM
Parent: #1
الزوجة تحتاج للقرب العاطفي منهاواستحسان مظهرهاومدحها
الزوج يحتاج للاهتمام براحته واموره صغيرها وكبيرها
اذا توفر ذلك للطرفين ما اظن تحصل مثل هذه الاشياء
حتي ولو من باب الزوجة الثانية بالنسبة للرجل
تسلموا وتسلم بيوت المسلمين
أمين يارب العالمين
|
Post: #55
Title: Re: كيف يكون مصيرك لو احببت امراة متزوجة
Author: رأفت ميلاد
Date: 07-04-2007, 10:49 AM
Parent: #54
ياخليل موضوع علامات حمراء لليفة
مبروك كسرها
دى فعلآ من الأشياء التى نتخطاها بسرعة
ولب المسكوت عنه الكثير
والرجل يقدر يتتزوج ويطلق بحرية
المرأة عليها قواعد إجتماعية صارمة وأقلية كسروا هذه الرقابة
بالصدفة سمعت قصة عرضية عن إمرأة محترمة من ضواحى بحرى
تركت زوجها وأبنائها من أجل من تحبه
تزوجت وأنجبت وعاشت حياة مستقرة رغم مقاطعة أسرتها لها
مرت الأيام وتزوجت إبنتها رغمآ عنها برجل لا ترضاه الأم بمبررات أخلاقية
مرضت الأم ولكن لم تجد من يواسيها
وهمس حتى أصدقائها من ورائها أنها تدفع ثمن ما فعلته
أجده ظلم وليس هناك مقارنة
فهى فعلتها عن نضوج وحب ولكن بنتها عن مراهقة وطيش
هى فقط نوع من محاصرة المرأة وتجريدها من إنسانتها من مجتمع ذكورى متسلط .
تحياتى
|
Post: #56
Title: Re: كيف يكون مصيرك لو احببت امراة متزوجة
Author: khaleel
Date: 07-04-2007, 04:43 PM
Parent: #55
ازييكم
ظاهرة جديدة اسمها الفريع
والفريع هو ولد عمره تسعتاشر سنة وشكلو حلو
بتقوم بعض النساء ( وقيل عنهم بعض المترفات في السودان) واعوذ بالله من كلمة قيل
يقمن بمصاحبة الفريع والصرف عليه
والفريع عليه بالقيام ببعض الاعمال الجنسية لانو الراجل بكون ضاربو السكري
|
Post: #58
Title: Re: كيف يكون مصيرك لو احببت امراة متزوجة
Author: Tragie Mustafa
Date: 07-04-2007, 04:57 PM
Parent: #55
Quote: وماذا ان عكسنا الاية .. اى اذا وقعت احداهن فى شباك رجل له زوجه فى عصمتة..
؟؟؟؟؟؟؟؟؟؟
عوض حمزة |
الاخ عوض حمزه تحياتي
ما ده قاعد يحصل كل يوم في كل دول العالم المسى اسلامي؟؟؟
اي متزوج له الحق يدبل ويثلث كمان.....
لدلك لم يكتب خليل البوست بمعنى سؤالك هدا لان هدا في نظر الجميع حق مباح
فلن يسـأل عنه احد ولن يكتب عنه احد....وهو ما دكره الاخ رأفت ميلاد هنا:
Quote: دى فعلآ من الأشياء التى نتخطاها بسرعة
ولب المسكوت عنه الكثير
والرجل يقدر يتتزوج ويطلق بحرية
المرأة عليها قواعد إجتماعية صارمة وأقلية كسروا هذه الرقابة |
التحيه لك اخي رأفت ميلاد
| Quote: هى فقط نوع من محاصرة المرأة وتجريدها من إنسانتها من مجتمع ذكورى متسلط . |
|
Post: #70
Title: Re: كيف يكون مصيرك لو احببت امراة متزوجة
Author: عوض حمزة
Date: 07-04-2007, 11:24 PM
Parent: #58
الاستاذة تراجى
كل الاحترام ....
طبعا يا تراجى وارد جدا ان يحدث هذا فى حياتنا كل يوم .. نعم.. ولكن يبقى السؤال
هل هذا هو الامرالطبيعى ؟؟؟؟ بالتاكيد الاجابة لا .. حتى بحسابات العقيدة هناك موانع
واضحه .. حكاية يثنى ويثلث ويربع دى طوييييييييلة.. ما الحكاية ماااا قهوة !!!!!
الاصل العدل ( ولن تعدلو)
بعدين موضوع الميول القلبى ... (اللهم لا تلومنى فيما تملك ولا املك)!! ده فهم تانى
كبير !!! ربما يحدث ان يميل احدهم او تميل احداهن الى تلك الذاوية الحادة جدا ..
هنا فاليعلو صوت العقل .. وكل زول عندو فهم بالضرورة حا يستخدمة بحنكة ..
اما ان نقول فى نظر الجميع ان الامر مباح ففى هذا الكلام حيف لا تخطئة عين ولا عقل..
بالتاكيد هناك من المتاح تناوله هنا .. ولكن الشكل العام لمرور الاخوان كان له
شكلان .. هناك من اتخذ هذا الطرح من باب ( الونسة) وتعامل على هذا الاساس .. وكنت انا
شخصيا منهم للامانة .. ولكن وانا الان اقف بباب الجد .. الامر يحتاج لشفافية كبيرة ودقة
وحصف
لى عودة
عوض حمزة
|
Post: #114
Title: Re: كيف يكون مصيرك لو احببت امراة متزوجة
Author: Omer Gariba
Date: 07-22-2007, 01:29 PM
Parent: #58
الاخت تراجي
نحن من مجتمع تحكمه عقيده راسخه و تقاليد, هذه العقيده اباحت التعدد (بشرط العدل) للرجال من دون النساء..... هذا بالطبع لحكم كثيره قد يكون ابسطهاالحفاظ علي النسب ... وباتالي تماسك الاسره وصلاح المجتع..ليس هنالك محاصرة للمرأة وتجريدها من إنسانتها من مجتمع ذكورى متسلط كما اسلف...كل ما في الامر هو اننا ملتزمون بمبدء عقائدى ارتضيناه لانفسنا.. امااذا ارتضينا غيره فلنا ماارتضينا..
عمر غريبه
|
Post: #57
Title: Re: كيف يكون مصيرك لو احببت امراة متزوجة
Author: Nasr
Date: 07-04-2007, 04:50 PM
Parent: #1
وهذا ذكرني بطرفة قديمة: كان أحدهم يقول "تلك حبيبتي تخونني مع زوجها"
سؤال إستنكاري وإستفزازي:
ماذا لو أحبتك مرة متزوجة؟؟؟؟
|
Post: #59
Title: Re: كيف يكون مصيرك لو احببت امراة متزوجة
Author: khaleel
Date: 07-04-2007, 05:05 PM
Parent: #57
| Quote: ماذا لو أحبتك مرة متزوجة؟؟؟؟ |
قد تحدث يا حبيبي
ولكن علي المراة لا تخون اذا احبت زوجها مستحيل
|
Post: #60
Title: Re: كيف يكون مصيرك لو احببت امراة متزوجة
Author: عصام دهب
Date: 07-04-2007, 05:07 PM
Parent: #57
سمعنا براجل المرا حلو حلا
و راجل المرتين يجئ بعدين ..
لكن مرة الراجلين !!
دي بس قلة أدب و قوة عين ..
|
Post: #61
Title: Re: كيف يكون مصيرك لو احببت امراة متزوجة
Author: Tragie Mustafa
Date: 07-04-2007, 05:08 PM
Parent: #57
اما دي فبالغت فيها يا خليل
حيث تأكد لي انك سلفت باس ويردك لشخص ما لانه تمت اثارة موضوع مشابه لهذا من قبل.
Quote: الشباب
الموضوع ليس شخصي القصة قضية للنقاش
ويا ايمن مافي شاكوش ولا حاجة
وانا تطير عيشتي اكابس في النسوان المتزوجات مالي
الجيل الجديد حلاتو احرق الفشفاش شي ميسقور وشي كاشف رقم وهلم جر
وحتي في الدين يقول تزوجوا الابكار فانهن اندي انفاسا وانقي ارحاما |
يعني بتهين في اخياتك الفاتحات خشومن لعرس وهن مطلقات او ارامل مثلا؟؟؟يجازي محنك يا اشتر.
تم حذف اسم من اثار الموضوع هنا سابقا لاني كنت مخطئه ولم اتذكر من بالتحديد هو من تناول هذا الموضوع هنا.
|
Post: #62
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-04-2007, 05:21 PM
Parent: #1
Quote: ازييكم
ظاهرة جديدة اسمها الفريع
والفريع هو ولد عمره تسعتاشر سنة وشكلو حلو
بتقوم بعض النساء ( وقيل عنهم بعض المترفات في السودان) واعوذ بالله من كلمة قيل
يقمن بمصاحبة الفريع والصرف عليه
والفريع عليه بالقيام ببعض الاعمال الجنسية لانو الراجل بكون ضاربو السكري |
فريع البان!!!!!!!!
الفريع ظاهرة جديدة!!!!!!!!!!
جديد إنت يا خال كان دى الخالة!!!!!يا خليلو!!!!!!
أصحى يا,, وأطرد الأحلام يا جميل وأصحى,,, تانى
يا هندسة! العهر والفسق والمجون ليست
حكراعلى أحد!! مترف أو معدم فكلها فى
رأيى الضعيف حالات قصور أخلاقى وبعد عن
الوازع دون النظر لأى ديانة ينتمى هذا
أو هذه والمقصود هناكل من إنطبق عليه
وصف ماجن/ة أو فاسق/ة أوعاهر/ة!!!!!!
ماذكرته بخصوص الفريع لا يعدو أن يكون
غير إحدى حالات التفسخ والإنعتاق من
الأخلاق والوازع ولن نناقش الموضوع من
أى جانب أو مدخل دينى لأن الدين واضح
لم يدع مجالا لكثير نقاش !!!!!!!!!
الغواية والبغاء ليست ظواهر جديدة
وإن جدت عليها بعض الأساليب ولكن يظل
الأصل محتفظا بقذارته مهماأسموه ومهما
كانت مبرراته!!!!!!!!
ياخليل ارجع للكورة هذا البوست عبارة
عن باب عواصف وأعاصير وكتاتيح ورعود
رغم معرفتى بأن كورتك فكت وبقيت تاميها
شلاليت!!!!!!!!
مودتى لا حدود لها
|
Post: #64
Title: Re: كيف يكون مصيرك لو احببت امراة متزوجة
Author: khaleel
Date: 07-04-2007, 05:35 PM
Parent: #62
Quote: ياخليل ارجع للكورة هذا البوست عبارة
عن باب عواصف وأعاصير وكتاتيح ورعود
رغم معرفتى بأن كورتك فكت وبقيت تاميها
شلاليت!!!!!!!!
|
ايمون الفريع جزء من الحب ولولا الحب لما فرطت الخالة
البوست راجع ليهو بالقوة
نناقش لماذا يهرب المتزوجين لعلاقات خارج اطار الزوجية
ونفرق بين حب امراة متزوجة واقامة علاقة معها
|
Post: #63
Title: Re: كيف يكون مصيرك لو احببت امراة متزوجة
Author: معتصم دفع الله
Date: 07-04-2007, 05:32 PM
Parent: #1
يا خليل الواحد يقطعه في حنانو ..
ويعمل رااااااايح بس ..
|
Post: #65
Title: Re: كيف يكون مصيرك لو احببت امراة متزوجة
Author: khaleel
Date: 07-04-2007, 07:50 PM
Parent: #63
يا خليل الواحد يقطعه في حنانو ..
ويعمل رااااااايح بس ..
|
Post: #66
Title: Re: كيف يكون مصيرك لو احببت امراة متزوجة
Author: khaleel
Date: 07-04-2007, 07:51 PM
Parent: #63
يا خليل الواحد يقطعه في حنانو ..
ويعمل رااااااايح بس ..
ايوة يا معتصم
اجمل ما في الوجود الحب الافلاطوني
|
Post: #67
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-04-2007, 08:23 PM
Parent: #1
يا خليل مساء الورد
| Quote: ايمون الفريع جزء من الحب ولولا الحب لما فرطت الخالة |
ما وصفته عن هذه الظاهرة القديمة قدم الكسرة لديه مسميات أخرى بعيدة
عن الحب والتفريط معناه فقدان شئ مهم وهذا الشئ المهم هنا قد يكون
المبادئ وتتبعها الأخلاق!!!!!!!الموضوع مكشوف هنا وماذا تريد موعودة
الخمسين من إبن التاسعة عشر (ظاهرة الفريع)؟؟؟؟؟؟؟
| Quote: البوست راجع ليهو بالقوة |
اتمنى أن يكون بوست الهندسة والكورة
Quote: نناقش لماذا يهرب المتزوجين لعلاقات خارج اطار الزوجية
ونفرق بين حب امراة متزوجة واقامة علاقة معها |
حدود مؤسسة الزواج معروفة للجنسين والعرف الذى يقول أن للرجل أن
يفعل ما يشاء نعرف جميعا أنه عرف خاطئ وغبى ولا يصح إلا الصحيح!!
من يكسر تلك الحدود فليتحمل المسميات التى يجب أن تطلق عليه رجل
كان أو إمرأة وعليه أن يعرف لأى نوع من البشر ينتمى حتى وإن لم يره
أحد!!!وحب إمرأة متزوجة مسألة أيضا محسومة فى الحالتين!!!مشاركتها
فى تلك العلاقة(الحب الأفلاطونى) أم محبوبة فقط وفى الحالة الثانية
أيضا أيضا الموضوع محسوم خاصة إذا كان الرجل متزوجا!!!!! فمسماه
موجود وتصنيفه معروف وفى كلتا الحالتين هو فى المكان الخطأ والشين!!
|
Post: #68
Title: Re: كيف يكون مصيرك لو احببت امراة متزوجة
Author: بدر الدين الأمير
Date: 07-04-2007, 09:52 PM
Parent: #67
الكلام لنزار قبانى:
إن الحب لست رواية شرقية
بختامها يتزوج الابطال
ولكنه الابحار دون سفينة
وشعورنا دوما أن الوصول
محال
تنهدات: حديث شريف ( احبب من شئت إنك مفارقه)
|
Post: #69
Title: Re: كيف يكون مصيرك لو احببت امراة متزوجة
Author: محمد البشرى الخضر
Date: 07-04-2007, 10:51 PM
Parent: #68
Quote: ازييكم
ظاهرة جديدة اسمها الفريع
والفريع هو ولد عمره تسعتاشر سنة وشكلو حلو
بتقوم بعض النساء ( وقيل عنهم بعض المترفات في السودان) واعوذ بالله من كلمة قيل
يقمن بمصاحبة الفريع والصرف عليه
والفريع عليه بالقيام ببعض الاعمال الجنسية لانو الراجل بكون ضاربو السكري |
خليل ألحق
محمد عادل صور نسختين من باسويردك , واحدة أداها ليازول و التانية سجيمان
ألحقو قبال ينسخ لمحسن
|
Post: #71
Title: Re: كيف يكون مصيرك لو احببت امراة متزوجة
Author: bashir adam abdalla
Date: 07-04-2007, 11:29 PM
Parent: #1
ليس من الشهامة ان يحب امراء متزوجة...
وان بادلتهو الحب تكون قد خسرت نفسها...
|
Post: #72
Title: Re: كيف يكون مصيرك لو احببت امراة متزوجة
Author: Nader Abu Kadouk
Date: 07-05-2007, 07:58 AM
Parent: #71
فوق
|
Post: #73
Title: Re: كيف يكون مصيرك لو احببت امراة متزوجة
Author: قرشـــو
Date: 07-05-2007, 08:49 AM
Parent: #1
ما ان تطرح قضية لا تعجبنا حتى نتسارع لدحض الموضوع والمطالبة بعدم الاستمرار فيه وردع كاتبه وكل من يطرح رؤية معينة وكأننا فى المدينة الفاضلة ...
ايهاالنائمون يجب ان تعلموا ان مجتمعنا فيه كل شىء ..وكل شىء هذه لك ان تسرح معها كثيرا ...
فدفن الرؤوس فى الرمال - والنعامة براء من ذلك الاتهام - لا يحل المشكلة ولا يبقيها فى حد واحد دون تقدم ولا يوقفها عن الانتشار فما فائدة الانكار والاستهجان من الموضوع الحاصل ....
للاسف وللاسف الشديد الموضوع منتشر اكثر مما اشار اليه الاخ خليل فهو لمح فقط لمصيبة كبيرة جدا ولمح لاشياء تدور وبشراهة فيجب ان نكون واقعيين ولو لمرة ونناقش المسألة بموضوعية أكثر وطرح الحلول ان كانت هنالك حلول وليس التهجم على من يقول ما يعرف فهذا جعل الكثيرون لا يقولون مايعرفون وهو كثير ومثير وخطر ....
ونسال الله السلامة ....
|
Post: #74
Title: Re: كيف يكون مصيرك لو احببت امراة متزوجة
Author: waleed500
Date: 07-05-2007, 08:59 AM
Parent: #73
Quote: خليل ازيك ...
السوال هو ...
كيف يكون مصيرك ان تزوجت امراة تحب رجلا غيرك ..؟؟ |
والله ده كلام اخطر من كلام صاحب البوست زاتووووووووو
|
Post: #84
Title: Re: كيف يكون مصيرك لو احببت امراة متزوجة
Author: khaleel
Date: 07-05-2007, 01:38 PM
Parent: #73
Quote: للاسف وللاسف الشديد الموضوع منتشر اكثر مما اشار اليه الاخ خليل فهو لمح فقط لمصيبة كبيرة جدا ولمح لاشياء تدور وبشراهة فيجب ان نكون واقعيين ولو لمرة ونناقش المسألة بموضوعية أكثر وطرح الحلول ان كانت هنالك حلول وليس التهجم على من يقول ما يعرف فهذا جعل الكثيرون لا يقولون مايعرفون وهو كثير ومثير وخطر ....
ونسال الله السلامة .... |
نعم يا قرشو
دعنا نناقش الاسباب لماذا يحدث هذا
وكما قيل النفس راغبة اذا رغبتها وان ترد للقليل تقنع
|
Post: #75
Title: Re: كيف يكون مصيرك لو احببت امراة متزوجة
Author: محمد المختار الزيادى
Date: 07-05-2007, 09:21 AM
Parent: #1
خليل سلامات
يا اخوى الله يقدرنا على حب العذارى
تحياتى
محمد
|
Post: #76
Title: Re: كيف يكون مصيرك لو احببت امراة متزوجة
Author: khaleel
Date: 07-05-2007, 11:19 AM
Parent: #75
وليد والشباب
اذا احبت زوجتك رجلا اخر فالعيب منك
واذا تزوجت امراة تحب رجلا اخر عليك بان تسمع ام كلثوم ثورة الشك
كل المتداخلين الموضوع ليس شخصي
انا بتكلم عن ظاهرة
|
Post: #77
Title: Re: كيف يكون مصيرك لو احببت امراة متزوجة
Author: محمد حامد جمعه
Date: 07-05-2007, 11:28 AM
Parent: #76
| Quote: كيف يكون مصيرك لو احببت امراة متزوجة |
السكين تابى الضراع من اخوانها وراجلها قصادك
|
Post: #78
Title: Re: كيف يكون مصيرك لو احببت امراة متزوجة
Author: khaleel
Date: 07-05-2007, 11:34 AM
Parent: #77
| Quote: السكين تابى الضراع من اخوانها وراجلها قصادك |
محمد حامد ياخي قلنا حب
امكن من طرف واحد
هسع انا بحب مني زكي المصرية احمد حلمي زوجها حا يعمل لي شنو
|
Post: #79
Title: Re: كيف يكون مصيرك لو احببت امراة متزوجة
Author: abdelfattah mohammed
Date: 07-05-2007, 11:35 AM
Parent: #1
سأقول لها الحب حياة، والحياة فيها الزواج، والزواج قسمة ونصيب، فإني قد سلمت روحي في الدنيا لبارئها
أنت من الدنيا نصيبي فإن امت ليتك من حور الجنان نصيبي
|
Post: #80
Title: Re: كيف يكون مصيرك لو احببت امراة متزوجة
Author: khaleel
Date: 07-05-2007, 11:41 AM
Parent: #79
Quote: سأقول لها الحب حياة، والحياة فيها الزواج، والزواج قسمة ونصيب، فإني قد سلمت روحي في الدنيا لبارئها
أنت من الدنيا نصيبي فإن امت ليتك من حور الجنان نصيبي |
صاح يا عبد الفتاح
قطعوا في حنانك بس
|
Post: #82
Title: Re: كيف يكون مصيرك لو احببت امراة متزوجة
Author: عبدالكريم الامين احمد
Date: 07-05-2007, 12:42 PM
Parent: #80
القول ما قالت (بسكوت)
واذا ما قالت بسكوتا قولا صدقوها...
هووي يا خلي كلام دي بجيب (حبايب) واقصد هبايب
|
Post: #85
Title: Re: كيف يكون مصيرك لو احببت امراة متزوجة
Author: khaleel
Date: 07-05-2007, 01:41 PM
Parent: #82
Quote:
القول ما قالت (بسكوت)
واذا ما قالت بسكوتا قولا صدقوها...
هووي يا خلي كلام دي بجيب (حبايب) واقصد هبايب |
لا تدفن راسك في الرملة
لماذا يهرب الناس خارج العلاقة الزوجية
|
Post: #86
Title: Re: كيف يكون مصيرك لو احببت امراة متزوجة
Author: khaleel
Date: 07-11-2007, 06:17 PM
Parent: #85
قليلة هي صفة الخيانة عند المراة السودانية المتزوجة لكن ممكن تبكي في الرجال القيافة
يعني ممكن اعجبها عماد احمد الطيب او احمد بورتسودان او مصطفي النقر زمان او عبد العزيز
المبارك زمان
يعني زي ما قال جدي ( ما بتزني بصلبها لكن ممكن تزني بقلبها)
ويا النبي نوح ويا الرسول في السوح
|
Post: #87
Title: Re: كيف يكون مصيرك لو احببت امراة متزوجة
Author: khaleel
Date: 07-13-2007, 04:23 PM
Parent: #86
من اسواء الاشياء برضو رجل متزوج وفي الستين من عمره ويقود عربته ليخطف في الشارع
وان سفاه الشيخ لا حلم بعده
وان الفتي بعد السفاهة يحلم
|
Post: #88
Title: Re: كيف يكون مصيرك لو احببت امراة متزوجة
Author: khaleel
Date: 07-14-2007, 04:57 PM
Parent: #87
انتشرت ظاهرة الرقعة ( اي ارجاع غشاء البكارة بعد فضه قبل الزواج )
والزول المسكين العريس يعمل ليك فيها هو عمل ( فتح الرحمن سانتو )
والحكاية مضروبة
|
Post: #89
Title: Re: كيف يكون مصيرك لو احببت امراة متزوجة
Author: Siddig A. Omer
Date: 07-14-2007, 08:09 PM
Parent: #88
Quote: يا اخوى انت اليومين دى مالك؟
والله من ماكيكى سافر بوستاتك كلها بقت حب وسيقان (رقاق) انت مالك تكون عاوز تعرس ولا شنو؟
المهم انت اختار ونحنا جاهزين لاى خدمه... بس خلى كيكى يرجع ونكون لجنة وتنبثق منها لجان اخرى..
|
هو معقول خليل دها ما معرس...لهســـــع؟؟؟؟..لازم فى سر....مالو الزول دها؟؟؟؟؟؟؟
و لقيت الاجابة:
Quote: انتشرت ظاهرة الرقعة ( اي ارجاع غشاء البكارة بعد فضه قبل الزواج )
والزول المسكين العريس يعمل ليك فيها هو عمل ( فتح الرحمن سانتو )
والحكاية مضروبة |
خليل...أخوى...عرس "ســاكت"... و لا ..... أزيدك فى الشعر "بيت"......ياخى "مممممماتعرس" كلهم "مضروبات"......"جملكة"
صديق
|
Post: #90
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-14-2007, 08:31 PM
Parent: #1
Quote: Quote: يا اخوى انت اليومين دى مالك؟
والله من ماكيكى سافر بوستاتك كلها بقت حب وسيقان (رقاق) انت مالك تكون عاوز تعرس ولا شنو؟
المهم انت اختار ونحنا جاهزين لاى خدمه... بس خلى كيكى يرجع ونكون لجنة وتنبثق منها لجان اخرى..
هو معقول خليل دها ما معرس...لهســـــع؟؟؟؟..لازم فى سر....مالو الزول دها؟؟؟؟؟؟؟
و لقيت الاجابة:
Quote: انتشرت ظاهرة الرقعة ( اي ارجاع غشاء البكارة بعد فضه قبل الزواج )
والزول المسكين العريس يعمل ليك فيها هو عمل ( فتح الرحمن سانتو )
والحكاية مضروبة
خليل...أخوى...عرس "ســاكت"... و لا ..... أزيدك فى الشعر "بيت"......ياخى "مممممماتعرس" كلهم "مضروبات"......"جملكة"
صديق |
زمان ما قلنا ليكم البورد دة لازمو حكم دولى !!!!!!!!!!!!!
نحن كنا فى التثبت خليل
جاكم صديق
الحلة بلة يحلكم!!!!!!!!!!!!!!!!
ويا كيكى الزول ده فى رقبتك,,,,,,,,,
بنشرجية يا,,,,,,,,,,,,,,,,,,
خليل وصديق ديل مفروض يصدر حكم بعدم إقترابهم من الكمبيوترات ليلا
|
Post: #91
Title: Re: كيف يكون مصيرك لو احببت امراة متزوجة
Author: Siddig A. Omer
Date: 07-14-2007, 08:57 PM
Parent: #90
Quote: جاكم صديق
الحلة بلة يحلكم!!!!!!!!!!!!!!!!
|
و الله يا أيمن....
جييييت ...أعايييييين....
المجنون
|
Post: #93
Title: Re: كيف يكون مصيرك لو احببت امراة متزوجة
Author: أيمن الطيب
Date: 07-15-2007, 06:18 AM
Parent: #91
صديق صديقى العزيز وأخ الزمن الجنون,
Quote: و الله يا أيمن....
جييييت ...أعايييييين.... |
مافى مشاكل يا صاحبى عاين ساااااااااااااااى
أرجووووووووووك ما تشارك
|
Post: #96
Title: Re: كيف يكون مصيرك لو احببت امراة متزوجة
Author: khaleel
Date: 07-16-2007, 04:56 PM
Parent: #90
| Quote: خليل وصديق ديل مفروض يصدر حكم بعدم إقترابهم من الكمبيوترات ليلا |
ايمن الطيب
انت صديق ما كلمك قال ليك الليل بغطي الجبال
وكتيرة بت التاية قالت
الليل فيهو اكل الطير
|
Post: #92
Title: Re: كيف يكون مصيرك لو احببت امراة متزوجة
Author: Hatim Yousif
Date: 07-15-2007, 05:55 AM
Parent: #1
خليل .... سلامات
متابعين معاك البوست من قولة تيت ...
بس بصررررراحة ... الموضوع مشى في إتجاهات تانية حامياني ...
بطريقتك دي ح تكتل ليك زول ....
كده البوست ماشي في ألغام ..... غايتو .. الإحتمال الأكبر ..يرجعك نيوجيرسي تانيييييي
|
Post: #95
Title: Re: كيف يكون مصيرك لو احببت امراة متزوجة
Author: khaleel
Date: 07-16-2007, 04:45 PM
Parent: #92
Quote: بس بصررررراحة ... الموضوع مشى في إتجاهات تانية حامياني ...
بطريقتك دي ح تكتل ليك زول ....
حاتم يوسف
الغريق قدام
وتنقد الرهيفة انشاء الله ما تتلتق
|
Post: #94
Title: Re: كيف يكون مصيرك لو احببت امراة متزوجة
Author: محمد ابراهيم قرض
Date: 07-15-2007, 07:02 AM
Parent: #1
لا تدعون المثالية و البراءة ..
معظمنا يحب أطفاله ، لكنه
يحب زوجات الآخرين أكثر !!!
ثم أنني لا أحكم على شئ غائب !!!
|
Post: #97
Title: Re: كيف يكون مصيرك لو احببت امراة متزوجة
Author: khaleel
Date: 07-16-2007, 04:59 PM
Parent: #94
Quote: لا تدعون المثالية و البراءة ..
معظمنا يحب أطفاله ، لكنه
يحب زوجات الآخرين أكثر |
صدقت يا قرض
في ناس الواحد بكون متزوج لي واحدة غفر ( نوع ناس غطي قدحك)
|
Post: #98
Title: Re: كيف يكون مصيرك لو احببت امراة متزوجة
Author: علاء الدين حيموره
Date: 07-16-2007, 05:06 PM
Parent: #94
لو كانت قطعة ناصية تدفع خلو رجل طوالي .. وتدفع تكاليف العرسة تسليم مطار الرياض ..
|
Post: #99
Title: Re: كيف يكون مصيرك لو احببت امراة متزوجة
Author: khaleel
Date: 07-16-2007, 05:19 PM
Parent: #98
| Quote: لو كانت قطعة ناصية تدفع خلو رجل طوالي .. وتدفع تكاليف العرسة تسليم مطار الرياض |
علاء
ياخوي نحن ما عندنا قدرة لخلو رجل نحن ناس جربان ياكل بعيونو
|
Post: #100
Title: Re: كيف يكون مصيرك لو احببت امراة متزوجة
Author: haroon diyab
Date: 07-17-2007, 06:13 AM
Parent: #1
استاذ / خليل
صباحك خير
Quote: قد يخطي قلبك وومكن ان يكون صائبا
ماذا لو احببت امراة متزوجة
رايكم يا اهل الهوي |
اجابة علي العنوان / كيف يكون مصيرك لو احببت امراة متزوجة....؟
مصيري شنو ياماااااااان اكان لقيتوني مقطع في اكياس نايلون برضو تكون ماقصرت....!
هارون دياب
|
Post: #101
Title: Re: كيف يكون مصيرك لو احببت امراة متزوجة
Author: Hatim Yousif
Date: 07-17-2007, 06:54 AM
Parent: #1
خليل ...
أحكي ليك حاجة غريبة جداً ...
الكلام ده في أوائل التسعينات ..
واحد من الشباب .. جاني .. ووهو متأثر جداً ... وعاوز يسألني في حاجة مهمة ..
طيب .. قال .. إنه بحب ليهو .. بت .. وفي نفس الوقت بحب أمها ..وعايز يعرف دينياً الحاجة دي
حرام ولا لأ ؟؟؟؟
..... طبعاً أنا زي خمس دقايق كده ما قادر أستوعب ... وهو ملامحه لسه حزينه ...
غايتو .. بعد دقايق كده ..ولعت لي سيجارة .. ومشيت بدون أي كلمة مني ...
|
Post: #102
Title: Re: كيف يكون مصيرك لو احببت امراة متزوجة
Author: mohmed khalail
Date: 07-17-2007, 07:07 AM
Parent: #101
خلي ..
العيش حرام ..
ازييييييك
والاجابة لسؤالك في مختصر سهل الهضم هي..............
تاكل نيم بس.
وتصبح على شاكوش
مودتي
|
Post: #108
Title: Re: كيف يكون مصيرك لو احببت امراة متزوجة
Author: khaleel
Date: 07-17-2007, 05:10 PM
Parent: #102
محمد خليل
الموضوع للنقاش وليس شخصي انا ما بحب النسوان المتزوجات
|
Post: #106
Title: Re: كيف يكون مصيرك لو احببت امراة متزوجة
Author: khaleel
Date: 07-17-2007, 05:02 PM
Parent: #101
Quote: طيب .. قال .. إنه بحب ليهو .. بت .. وفي نفس الوقت بحب أمها ..وعايز يعرف دينياً الحاجة دي
حرام ولا لأ ؟؟؟؟
|
حاتم يوسف انا بتكلم عن شخصيات طبيعية زولك دها بحب البت وامها ( خليهو يقلب القدرة علي فمها
تطلع البت لامها كما يقول اهلنا في مصر الشقيقة وبمناسبة مصر الشافعي قال من لم يتزوج مصرية
مات عازبا
|
Post: #103
Title: Re: كيف يكون مصيرك لو احببت امراة متزوجة
Author: Mohamed Omar Salem
Date: 07-17-2007, 07:10 AM
Parent: #1
خليل سلامات,
تقوم تقول ليها:
إستغفر الله إلا من مودتكم
فإنها حسناتى يوم اللقاء’
فإن زعموا بان الحب معصية’
فإنه خير مايعصى به الله
|
Post: #104
Title: Re: كيف يكون مصيرك لو احببت امراة متزوجة
Author: علاء الدين حيموره
Date: 07-17-2007, 09:53 AM
Parent: #103
أخي خليل
في الواقع حدثت 3 حالات وكانت حديث المجالس ..
الاولى كانت بعد عام 87 عندما قبل الزوج بخلو الرجل من رجل الاعمال المعروف (خ _ ف )
وتم الطلاق وكانت مراسم الزواج في لندن ..
والثانية رفض الزوج الطلاق فآثرت على نفسها زوجين ( واحد في الخرطوم والزوج الثاني في جده )
الثالثة حدثت في الرياض وتم الطلاق من الزوج الاول وبدون خلو رجل ...
|
Post: #109
Title: Re: كيف يكون مصيرك لو احببت امراة متزوجة
Author: khaleel
Date: 07-17-2007, 05:18 PM
Parent: #104
Quote:
الاولى كانت بعد عام 87 عندما قبل الزوج بخلو الرجل من رجل الاعمال المعروف (خ _ ف )
وتم الطلاق وكانت مراسم الزواج في لندن ..
والثانية رفض الزوج الطلاق فآثرت على نفسها زوجين ( واحد في الخرطوم والزوج الثاني في جده )
الثالثة حدثت في الرياض وتم الطلاق من الزوج الاول وبدون خلو رجل ... |
لا نحن ضد خراب البيوت
تحب بس من بعيد لي بعيد
|
Post: #107
Title: Re: كيف يكون مصيرك لو احببت امراة متزوجة
Author: khaleel
Date: 07-17-2007, 05:07 PM
Parent: #103
Quote: إستغفر الله إلا من مودتكم
فإنها حسناتى يوم اللقاء’
فإن زعموا بان الحب معصية’
فإنه خير مايعصى به الله |
محمد عمر سالم
بريدكم انتو يا يابا لكن ريد البريدو شديد
|
Post: #105
Title: Re: كيف يكون مصيرك لو احببت امراة متزوجة
Author: Hatim Yousif
Date: 07-17-2007, 10:24 AM
Parent: #1
علاء الدين .. سلامات ..
وبرضه حالة رابعة بس قبل ديل كلهم ... في السبعينات ..
وبرضه في دولة خليجية .... ولندن ..
وبرضه ..ملياردير .. سوداني ...
عرض .. ثم موافقة ... ثم طلاق من جهة .. ثم زواج بعد حين ..
ملحوظة :-
كل ماسبق .. (المليونير + الخليج أو أوربا ) .. عوامل مشتركة
الله يستر ...
|
Post: #110
Title: Re: كيف يكون مصيرك لو احببت امراة متزوجة
Author: khaleel
Date: 07-17-2007, 05:22 PM
Parent: #105
Quote: وبرضه في دولة خليجية .... ولندن ..
وبرضه ..ملياردير .. سوداني ...
عرض .. ثم موافقة ... ثم طلاق من جهة .. ثم زواج بعد حين |
ياخي ديل معفنين ساكت
عائزين النسوان السمحات برضو مع القروش
|
Post: #111
Title: Re: كيف يكون مصيرك لو احببت امراة متزوجة
Author: mohmed khalail
Date: 07-18-2007, 02:41 AM
Parent: #110
Quote:
محمد خليل
الموضوع للنقاش وليس شخصي انا ما بحب النسوان المتزوجات |
العزيز خليل
تحياتي
صدقني ابدا انا لم اخذ الامر باي ناحية شخصية واعلم تمام العلم بانه موضوع عام مطروح للنقاش.ولكن المداخلة اعلاه لفك التقطيبة عن تقاطيع البوست يعني ( مشاغلة ليس الا) ولك العتبى ان وصلتك مداخلتي في شكل( شوتة ضفاري).
كامل تقديري
محمد
|
Post: #112
Title: Re: كيف يكون مصيرك لو احببت امراة متزوجة
Author: khaleel
Date: 07-20-2007, 10:17 PM
Parent: #111
محمد خليل
لا عليك انا زاتي بهزر
حذاري من الاغنية التي تقول
يا بنت عشرين والايام مقبلة ماذا تريدي من معبود سبعين
ونحذر من زواج الرجل صاحب الستين عاما بالزواج من بنت التعتاشر والعشرين لانه عمنا حفار
عنده حكمة بتقول
( لو مشيت الدكان حاتدي الحبان)
ووب علينا الما قرينا
|
Post: #113
Title: Re: كيف يكون مصيرك لو احببت امراة متزوجة
Author: khaleel
Date: 07-21-2007, 04:14 PM
Parent: #112
برضو الموبايل
ساهم في مل الفراغ العاطفي والجنسي لبعض المتزوجين والمتزوجات
ودي من مشاكل التكنلوجيا
|
Post: #115
Title: Re: كيف يكون مصيرك لو احببت امراة متزوجة
Author: khaleel
Date: 07-22-2007, 04:33 PM
Parent: #113
حذاري من زول تكون علاقتك معاهو تكون قوية وفجاة اشوف زوجتك واعمل فيها
صاحبك دها عنده اجندة خفية
|
Post: #116
Title: Re: كيف يكون مصيرك لو احببت امراة متزوجة
Author: khaleel
Date: 07-23-2007, 05:47 PM
Parent: #115
عماد احمد يغني التلفزيون والحرمة مع زوجها الظاهر الحرمة عجبها الفنان عماد
وبدات تسال في زوجها
ابو فلان الفنان دها اسمو منو
قال ليها عماد يا ولية
ومن زمان بغني
قال ليها لا والله جديد
عليك الله ناس التلفزيون ما بجيبو طوالي ليه
الراجل عرف الحرمة ( ريلت في الولد)
قام قفل التلفزيون وقال ليها يا ولية (اندمسي )
دها جزء من خيانة المراة بقلبها
|
Post: #117
Title: Re: كيف يكون مصيرك لو احببت امراة متزوجة
Author: Abutalib Elgorashi
Date: 07-23-2007, 09:12 PM
Parent: #116
ظللت متابعا لهذا البوست عسى أن أجد محللا جيدا لهذا الوضع الاجتماعي الصعب وغير المستثنى من اي مجتمع
جميع الردود السابقة لم تقترب من وضع اليد على الجرح
المشكلة اجتماعية مستفحلة في كل المجتمعات بغض النظر عن منعها قانونيا او دينيا او غيره.. فهو موجود رغم انف القانون
الرجاء الكتابة بموضوعية
ومعا لحل مشاكلنا الاجتماعية
|
Post: #118
Title: Re: كيف يكون مصيرك لو احببت امراة متزوجة
Author: khaleel
Date: 07-24-2007, 04:39 PM
Parent: #117
Quote: المشكلة اجتماعية مستفحلة في كل المجتمعات بغض النظر عن منعها قانونيا او دينيا او غيره.. فهو موجود رغم انف القانون
الرجاء الكتابة بموضوعية
ومعا لحل مشاكلنا الاجتماعية |
ابو طالب
الحلول اما مادية او اخلاقية وهذه يمكن معالجتها
اما الحلول العاطفية دي ما بقدر عليه
|
Post: #119
Title: Re: كيف يكون مصيرك لو احببت امراة متزوجة
Author: khaleel
Date: 07-25-2007, 04:51 PM
Parent: #118
في برنامج ست ستات
سمعت النسوان بقولو خيانة الرجل هي حماقة امراة
صحي الكلام دها
|
Post: #120
Title: Re: كيف يكون مصيرك لو احببت امراة متزوجة
Author: أحمد الشايقي
Date: 07-25-2007, 04:59 PM
Parent: #1
يا عم خليل
موضوع حساس للغاية
أحمـد
|
Post: #121
Title: Re: كيف يكون مصيرك لو احببت امراة متزوجة
Author: khaleel
Date: 07-25-2007, 05:17 PM
Parent: #120
Quote: يا عم خليل
موضوع حساس للغاية |
حساس خالص
لكن اخر الطب هو (الكي)
|
|
|