Post: #1
Title: الهلال يسيك اسيك في قبوله
Author: khaleel
Date: 07-23-2007, 04:33 PM
Parent: #0
بالامس هاتفني من السودان صديقي اشرف زهير في تمام الساعة الرابعة والنصف عصرا
يسالني عن نتيجة المباراة فقلت له ان النتيجة اتنين واحد لصالح الهلال وهذا قبل المباراة
طبعا لانني امتلك احساسا عاليا بنتائج مباريات الهلال .
وقد كتبت النتيجة قبل المباراة في بوست الاخ احمد .
والصديق اشرف كان يحتضن الراديو ايام هلال87 ويبكي في التعليق برنامج عالم الرياضة
حينما يقول عبدالرحمن عبدالرسول بالامس اكتمل الهلال بدر في سماء ياوندي عندما هزم كانون العنيد
وما اشبه الليلة بالبارحة حينما كانت مباراة ليفتنس النيجري والتي مات فيها ود ملاح بعد هدف التعادل
ولكن صبحي حقق الفوز الغالي وامس حقق يوسف محمد الفوز الغالي
ولا اخفيكم سرا ان قلت لكم ان دخلت الحمام عشرين مرة لان التعادل كانت عواقبه وخيمة
|
Post: #2
Title: Re: الهلال يسيك اسيك في قبوله
Author: عبدالكريم الامين احمد
Date: 07-23-2007, 04:41 PM
Parent: #1
يا سلام يا قسطنطين
وفعلا ياجماعة هذا الرجال يمتلك خاصية استشعراية غريبة وعجيبة
,,ياخليل الكورة كم؟؟
يديك ليها بضبانتها والله علي ما اقول شهيد..!!!
عالم سحارة وبس
وتحياتي للمدهش الرائع صديقنا اشرف زهير
|
Post: #3
Title: Re: الهلال يسيك اسيك في قبوله
Author: khaleel
Date: 07-23-2007, 04:47 PM
Parent: #2
Quote: يديك ليها بضبانتها والله علي ما اقول شهيد..!!!
عالم سحارة وبس
وتحياتي للمدهش الرائع صديقنا اشرف زهير |
نعم يا كريم
فلتنم روح البابا الطيب عبدالله هانئة وزمان كان تنقا ومنقة بفكو الزنقة
واليوم ناس قودين يملوا العين
|
Post: #4
Title: Re: الهلال يسيك اسيك في قبوله
Author: khaleel
Date: 07-23-2007, 05:27 PM
Parent: #3
كريم الغريبة مهند الطاهر ما عاجبني خالص هذا الود ضعيف جدا
لم ياخد جسارة العوني ولا قوة منقستو وكان نقطة ضعف في وسط الهلال باصاته خاطئة
تسببت في كثير من الهجمات المرتدة الخطرة لكن حتما يعود حمود ود ( الدنيا)
ولانو حمودة من سنار فهو دائما يحقق الراس مال
والهلال هل اهلا بيهو
|
Post: #5
Title: Re: الهلال يسيك اسيك في قبوله
Author: khaleel
Date: 07-23-2007, 05:59 PM
Parent: #4
كريم
اشرف زهير كان من ضمن حضر مباراة الهلال والاهلي بالقاهرة
وقد ذكر لي ان جمهور الاهلي قد قام بسب السودانيين في الاستاد وقال لهم
يا بوابين يا اولاد الوسخة وقلة ادب شديدة جدا
وهو حالف سيدخل مباراة الرد بين الهلال والاهلي بشوال من الحجارة ليرد الاساءة بالمثل للمصريين
ولكن نحن خائفين نزعل ناس الاهلي ويقوم يتلاعب بنتائج المباريات الباقية
بس
افكر فيه واتامل اراه اتجلي واتجمل هلالي الهل واتكمل
|
Post: #6
Title: Re: الهلال يسيك اسيك في قبوله
Author: عبدالكريم الامين احمد
Date: 07-23-2007, 06:20 PM
Parent: #5
مش ناس الاهلي ديل ياخليل
وانا ورغم بعض روحي الرياضية
لو السلطات القطرية سمحت لشحنت لوري بتاع (حجار) من ام باب
وماشي اطقع مع ناس اشرف زهير....
ديل دفروا عمار مرق ياخييي (الله لا كسبهم ياخي)
|
Post: #7
Title: Re: الهلال يسيك اسيك في قبوله
Author: tmbis
Date: 07-23-2007, 06:51 PM
Parent: #6
| Quote: ولا اخفيكم سرا ان قلت لكم ان دخلت الحمام عشرين مرة لان التعادل كانت عواقبه وخيمة |
يا كيكي وخليل .. والله بي صراحة انا مباريات الهلال دي لا قاعد احضره ولا عندي ليها اعصاب زي اعصاب الناس ..
أمس غايتو مدرسة ودخلنا فيها .. لكن يا شباب ده كلو كويس جدا ... على الاقل الخلل واضح .. والناس تعرف تعالج .
لكن غايتو الكاس ده يا خليل .. لو ما جبناهو .. أخير نشوف لينا حاجة تاني ..
|
Post: #8
Title: Re: الهلال يسيك اسيك في قبوله
Author: Mutwali Malik
Date: 07-23-2007, 07:36 PM
Parent: #7
خلي الفردة الصاقعة
يا اخوي دي وست عديل
اهديك اغنية كرومة
هل الهلال والايام صفنلوا وضع تاريخ في السودان بفنو
خصوصا عندما تصدح بها مكرفونات قهوة العم احمد خير في سوق امدرمان فيعرف الجميع ان الهلال منتصر هذه الليلة
نتمني السيك لي اللي في بالي
|
Post: #9
Title: Re: الهلال يسيك اسيك في قبوله
Author: عمار يس النور
Date: 07-23-2007, 08:39 PM
Parent: #8
يا سلام يا خليل
| Quote: اشرف زهير كان من ضمن حضر مباراة الهلال والاهلي بالقاهرة |
اشرف زهير ده مجنون بالهلال
ما اظن في زول بحب الهلال مثله
و اكيد سافر مخصوص للقاهرة عشان المبارة
أنا برضو عندي شقيقي ياسر يس مجنون بالهلال لدرجة غريبة جدا جدا
ياخي ده بيصلي دايما ركعتين قبل اي مباره مهمه للهلال
و مرات اثناء المباره بديها ركعتين كمان
مره كانت مبارة هلال مريخ مسخنه
قام ياسر قال نديها ركعتين عشان الهلال يبجيب قون
و فعلا متوكل عبد السلام سجل هدف شرط في المريخ
زولك ياسر قام ينطط و قطع الصلاة (تتصور)
بعد داك قام رجع و صلى ركعتين تاني قال عشان المبارة تنتهي كده
تحياتي للرائع دوما اشرف زهير و تؤامه أمجد
أهديك قصيده لوالدي المرحوم الأستاذ/ يس النور في حب الهلال:
هلالي يا اعظم هلال
يا دره يا اهلك رجال
قاقا الحريف هز الحبال
دحيشنا يا سيد المجال
قال للدفاع امشي و تعال
خلاه الكريح وسط الجبال
الريح العاتي الفعال
ما بيخلي كوره على الشمال
لو نط تقول اسد القتال
عمار يس النور
عاشق بخت الرضا
|
Post: #13
Title: Re: الهلال يسيك اسيك في قبوله
Author: khaleel
Date: 07-24-2007, 04:53 PM
Parent: #9
Quote: هلالي يا اعظم هلال
يا دره يا اهلك رجال
قاقا الحريف هز الحبال
دحيشنا يا سيد المجال
قال للدفاع امشي و تعال
خلاه الكريح وسط الجبال
الريح العاتي الفعال
ما بيخلي كوره على الشمال
لو نط تقول اسد القتال
|
عمار يس
وزي بدر الهلال هل
اخشي من فقدان الثلاثة نقاط القادمة في ابيدجان
واخشي من التعادل مع الاهلي في امدرمان والهزيمة امام الترجي في تونس
والاهلي يبعينا لاسيك العاجي في القاهرة
|
Post: #12
Title: Re: الهلال يسيك اسيك في قبوله
Author: khaleel
Date: 07-24-2007, 04:48 PM
Parent: #8
Quote: خصوصا عندما تصدح بها مكرفونات قهوة العم احمد خير في سوق امدرمان فيعرف الجميع ان الهلال منتصر هذه الليلة
نتمني السيك لي اللي في بالي |
متولي يا فردتنا
تعرف يا متولي الاهلي القاهري بتلعب معاهو الملائكة وتصعب هزيمته
العام الماضي تعادل في المباراة النهائية في القاهرة مع الصفاقصي التونسي بهدف لكل
فريق وفي مباراة الرد وفي الدقيقة 94 احرز ابو تريكة هدف الفوز في تونس
وفي نهائي كاس مصر والزمالك متقدم بهدفين لهدف برضو ابو تريكة احرز هدف التعادل
وفاز الاهلي بعد الزمن الاضافي
الاهلي صعب صعب
|
Post: #11
Title: Re: الهلال يسيك اسيك في قبوله
Author: khaleel
Date: 07-24-2007, 04:43 PM
Parent: #7
| Quote: لكن غايتو الكاس ده يا خليل .. لو ما جبناهو .. أخير نشوف لينا حاجة تاني |
تمبس يا فردة
هلالنا صعب لكنه عدو البطولات
واحدة اضاعها التعادل مع الاهلي القاهري في الخرطوم سنة 87 وليست بسبب لاراش
والتانية اضاعها جلال كادوقلي في المغرب بعد ان سرح في اخر المباراة واحرز الجيش
الملكي هدفان وفشلنا في الخرطوم بتعديل النتيجة
انشاء الله تكون التالتة واقعة
|
Post: #10
Title: Re: الهلال يسيك اسيك في قبوله
Author: hatim ibrahim
Date: 07-24-2007, 00:48 AM
Parent: #1
.
| Quote: وهو حالف سيدخل مباراة الرد بين الهلال والاهلي بشوال من الحجارة |
| Quote: لو السلطات القطرية سمحت لشحنت لوري بتاع (حجار) من ام باب |
الحكاية طالما فيها الأهلي 
أنا متبرع من المغرب بـ ( طن ) من الفوسفات الحجري
.
|
Post: #14
Title: Re: الهلال يسيك اسيك في قبوله
Author: khaleel
Date: 07-24-2007, 04:56 PM
Parent: #10
| Quote: أنا متبرع من المغرب بـ ( طن ) من الفوسفات الحجري |
حاتم
خليك جاهز احتمال الهلال يتصدر ويلاقي الجيش الملكي المغربي
اوصيك بالتشجيع الشديد
|
Post: #15
Title: Re: الهلال يسيك اسيك في قبوله
Author: khaleel
Date: 07-25-2007, 06:02 PM
Parent: #14
مباراة اسيك العاجي القادمة محتاجة للاعبي وسط اقوياء
وانصح ريكاردو بابعاد هيثم مصطفي ومهند الطاهر واشراك مساوي وحمودة وابعاد كلتشي
والاكتفاء بقودين علي ان يلعب كرنقو امام علاء الدين جبريل
والتعادل مضمون بالتشكيلة دي
|
Post: #16
Title: Re: الهلال يسيك اسيك في قبوله
Author: عبدالكريم الامين احمد
Date: 07-25-2007, 06:41 PM
Parent: #15
Quote: مباراة اسيك العاجي القادمة محتاجة للاعبي وسط اقوياء
وانصح ريكاردو بابعاد هيثم مصطفي ومهند الطاهر واشراك مساوي وحمودة وابعاد كلتشي
والاكتفاء بقودين علي ان يلعب كرنقو امام علاء الدين جبريل
والتعادل مضمون بالتشكيلة دي |
فعلا ياخلي نقطة في ابيدجان والقصة تتحسم
وتكتيكك في محلو دايرين نص قوي البنيان وقادر علي المباغتة ومكابسة الخصم
|
Post: #17
Title: Re: الهلال يسيك اسيك في قبوله
Author: عمار يس النور
Date: 07-25-2007, 08:06 PM
Parent: #16
ابو خليل
| Quote: واحدة اضاعها التعادل مع الاهلي القاهري في الخرطوم سنة 87 وليست بسبب لاراش |
و الله لو سمعك كمال شداد ما يخليك
عارف يوم الجمعة الاولى بعد المبارة إستضافهو في تلفزيون السودان و قالوا ليهو كان خطأ أن تلعب للتعادل في أمدرمان ، رد عليهم و قال : اي زول يقول كده معناها ما بيعرف كوره قدم لانو :
أحسن إحتمالات الهلال وهو بيلعب في أرضو شنو ؟ قالوا ليه شنو؟ رد عليهم :
1) يفوز في المبارة
2) يتعادل سلبي (صفر- صفر)
3) يتعادل إيجابي
4) ينهزم من الاهلي
و الهلال حقق فرصته الافضل الثانية
بالنسبة للأهلي ما هو أحسن و أفضل سنياريو ليه و هو بيلعب في الخرطوم ؟ :
1) يفوز في المبارة
2) يتعادل إيجابي
3) يتعادل سلبي (صفر-صفر)
4) ينهزم من الهلال
و الأهلي حقق فرصته الافضل الثالثة
إذن إحنا نتيجتنا افضل من الاهلي !
إنتهى تحليل كمال شداد في ذلك اليوم.
منطقهم ليك من (كلب إلى ود حلال - مع الإعتزار لنكته محمد موسى) واحد فيهم ما قدر يفتح خشمو.
و ما سكت بعد داك ، و قال ليهم لو الهلال ما بيقد يجيب قون في القاهرة ، معناه ما مؤهل للفوز بالكاس الافريقية و حكاية 100 الف متفرج دي ما عندها اي حسابات عند الفرق الكبيرة.
و فعلا الهلال أحرز الهدف بتاع التعادل و كان مؤهل ان ينهي المبارة تعادل لولا .....
تحياتي
عمار يس النور
عاشق بخت الرضا
عاشق الهلال
|
|