خرافة "الولد المضمون" في "المجازفة برة برة" !

يُقرأ مع، ومُكمّل لهذا البوست من 2007:

خرافة ( البت النضيفة ) فى ( المجازفة برة برة ) !

http://www.sudaneseonline.com/board/316/msg/1196625366.html

العسكرى الذى دخل على صديقى د.مأمون فى العيادة بالمستشفى العسكرى فى إحدى المدن النائية كان صريحا: ( والله يادكتور بصراحة أنا ماعيان لكن داير أورنيك ماشى إجازة، لى 4 سنوات من مرتى)
رد مأمون بدهشة : ( 4 سنوات؟ وصابر كيف؟ )
رد العسكرى ( والله أهو يادكتور، بنجازف ( برة برة )!

الثابت، أن نسبة كبيرة جدا، من شعبنا السودانى ( تجازف برة برة ) . .

هذا المقتطف من بوستى :
العازل الذكرى . . المفترى عليه !

( أما المسح السلوكى بين طلاب الجامعات بولاية الخرطوم والذى قام به أحد الباحثين عام 2005 فقد أقر فيه عدد كبير من طلاب العينة البالغ عددهم 783 طالبا وطالبة بممارستهم الجنس خارج الإطار الشرعى بنسبة تبلغ 52 % تقريبا، أى أكثر من النصف، أقر حوالى 78% منهم بقيامهم بذلك أكثر من مرة ، مارس 50% منهم الجنس مع شريك من داخل الجامعة ، كما إن نسبة الذين قاموا بذلك مع شركاء متعددين بلغت 77%.)

http://www.sudaneseonline.com/board/316/msg/1196625144.html

الرسالة للمرة دي للبنات ..
وسأكون صريحا وواضحا لأنو بصراحة فترنا ..
و لقد بلغ السيل الزبى و الحزام الطبيين ..

هذا البوست توعوي في المقام الأول ..
ويقوم على حقيقة أن عددا كبيرا جدا من أولادنا وبناتنا يمارسون الجنس، من كل الأعمار، الأعراق، المناطق الجغرافية، الحالات الإجتماعية والمستويات التعليمية ..
وجزء لا يستهان به منهم-للأسف- لا يمارسون "قلة الأدب" هذه "بأدب" ..
وممارسة "قلة الأدب" ب "قلة أدب" تؤدي إلى نتائج كارثية، وما دار المايقوما منكم ببعيد ..

بالله عليكم مافي زول يجينا هنا بالإكليشيهات القديمة بتاعة السودانيين ما بعملو ونحن عاداتنا و مش عارف إيه ..
الخطوة الأولى لعلاج أي مشكلة هي الإقرار بالمشكلة، والمشكلة هي إنو بلدنا تمر بإنحلال أخلاقي غير مسبوق في الحجم والتأثير..

Quote: وقد أعجبتنى قصة أوردها الشيخ محمد هاشم الحكيم فى الدلالة على هذا الأمر ، فقد قال إنه جاء رجل للإمام الجوزى فقال : لقد زنيت بامرأة وحبلت منى فماذا أفعل ؟ فقال له الإمام : ياهذا إذا كنت لابد فاعلا فهلا عزلت لكى لا تجعل الإثم إثمين إثم الزنا وإثم الولد؟

العازل الذكرى . . المفترى عليه !

http://www.sudaneseonline.com/board/316/msg/1196625144.html

المستفاد من هذه القصة أن حفظ النفس من الزنا هو المطلوب ..
وهو ما يجب أن ينشأ عليه الشباب، ،هو الخيار الأمثل ..
و لكن، "إذا كانوا لابد فاعلين"، و كلنا نعلم أن عددا كبيرا منهم "لابد فاعلين"، فليفعلوه بحيث يقوا أنفسهم وأسرهم ومجتمعهم ما قد ينتج عن "ممارسة قلة الأدب بقلة أدب"

كأطباء، دوما ندفع ضريبة أن نكون أول و أكثر من يحتك بالمغايس الموجودة في المجتمع ..
ذلك أن ما ينتج عن "المجازفة برة برة" من مصائب يقع على رأسنا في غالب الأحوال ..

كل الشهادات التي ستتلى في هذا البوست حقيقية مائة بالمائة، وخالية من أي إشارة قد تدل على أصحابها ..

زولة معرفة هاتفتني طالبة مساعدة قريبة لها تعاني من آلام مبهمة في الرجل ..
بعد يوم تقريبا إتصلت بي المريضة و كانت الأعراض مبهمة نوعا، فعرضت عليها مقابلة صديقي إختصاصي العظام ..
فاجأتني بقولها أنها لا تعتقد أنها بحاجة لإختصاصي عظام..

- "عشان أكون معاك صريحة يا دكتور، أنا عملت عملية إجهاض"
- ............
- "عملتها عند داية"
- ............
- "750 جنيه"
- ............
- بطلع "بقعد" مع ناس، بدوني قروش، لميتها بالطريقة دي
- ............
- الداية ودوني ليها صاحباتي
- ............
- "صاحباتي قدري، بتاعين برامج برضو"
- .............
- "عمري 17 سنة، ممتحنة شهادة"

أحسست بقبضة من الألم تعتصر قلبي .. لو كنت بسب الدين لسببته في تلك اللحظة للبشير والخضر والمتعافي وسائر الكيزان المجرمين الذين يأكلون مال الناس وبنات الشهادة السودانية يمارسن الجنس للمال و يحملوا وبيعرفوا درب دايات الإجهاض كمان ..

يا بنات، ما في ولد مضمون في الحاجات دي ..
مهما قال بحبك ولا كان فردتك ولا شكلو محترم وود ناس برضو ما مضمون ..
حتى لو كان خطيبك، حبيبك، متقدم ليك ولا كلم ناس البيت برضو ما مضمون وبفكك عكس الهوا ...
إياك، ثم إياك، ثم إياك، إنك تعتمدي على الولد في االحاجات دي:

1. حمايتك من الفضيحة في حالة كنت ساذجة وخليتيهو يستعمل أي كاميرا
2، حمايتك من الحمل في حالة إنك خليتيهو ما يستعمل كوندوم
3، حمايتك من الأمراض في نفس الحالة السابقة

هذا الكلام غاية في الأهمية، وسأحاول أن أفصل في كل نقطة على حدة ..

يا بنات ألا قد بلغت؟

العزيز عزان ,
بعد السلام و الرحمة , و كيف امريكا حداك؟

فى مجموعة مهتمة بالايدز فى السودان مقيمين فى انجلترا اسمها شوق . اللنك تحت .
نتلاقى فى ساعة خير ....

وائل .


http://www.shawg.org/Pages/default.aspx

دكتور عزان تحية و تقدير

موضوع مهم ، العقل يسبق الأخلاق والتي كذلك تسبق الدين، لذلك مواجهة هذا الواقع بعقلانية ضروري .

تحياتي

عزيزى عزان:
دفن الرؤوس فى الرمال لايجدى: الكارثة ماثلة وانت سقت عدد من الادلة ولا احد يحتاج لبراهين اكثر. الازمة تكمن فى عدة مفاصل: الاسرة، الوعى، النظام والخدمة/ والثقافة الصحية المتردية، .... الخ
لو لاحظنا ان معظم الائى يتعرضن للحمل من فئة المراهقات. هن ضحايا لمراهقين وشباب وناضجين وعجائز. وهن بالتاكيد ضحايا جهاله. كتير من حالات الحمل حصلت والهايمين موجود. .
فى النوع البتمشى تجهض عند داية: لكن الظروف غير امنة والمضاعفات غير مضمونة وبالتاكيد ماحيكون فى متابعة فى المستشفى لانو ماحاتقدر تمش. ودا لى قدام بيؤدى الى مضاغفات ومشاكل

موضوع الولادة الامنة للحوامل "عير شرعى" مفروض يكون لى وزارة الصحة (بعد حنيس البوليس) دور. تعالى بنولدك بى السلامة وامشى خلى الطفل بدل تجدعوه للنمل والكلاب ويبقى الزنب اكبر

________________
والبتكبس بتيبس
أرقد عافية

بوست هام جدا
تشكر دكتور عزام.

Quote: بوست هام جدا تشكر دكتور عزام.

تسلم أخي مرتضى
نتمنى أن نكون دوما عند حسن الظن

Quote: عزيزى عزان: دفن الرؤوس فى الرمال لايجدى: الكارثة ماثلة وانت سقت عدد من الادلة ولا احد يحتاج لبراهين اكثر. الازمة تكمن فى عدة مفاصل: الاسرة، الوعى، النظام والخدمة/ والثقافة الصحية المتردية، .... الخ لو لاحظنا ان معظم الائى يتعرضن للحمل من فئة المراهقات. هن ضحايا لمراهقين وشباب وناضجين وعجائز. وهن بالتاكيد ضحايا جهاله. كتير من حالات الحمل حصلت والهايمين موجود. . فى النوع البتمشى تجهض عند داية: لكن الظروف غير امنة والمضاعفات غير مضمونة وبالتاكيد ماحيكون فى متابعة فى المستشفى لانو ماحاتقدر تمش. ودا لى قدام بيؤدى الى مضاغفات ومشاكل موضوع الولادة الامنة للحوامل "عير شرعى" مفروض يكون لى وزارة الصحة (بعد حنيس البوليس) دور. تعالى بنولدك بى السلامة وامشى خلى الطفل بدل تجدعوه للنمل والكلاب ويبقى الزنب اكبر ________________ والبتكبس بتيبس أرقد عافية

الأخ العزيز ابوبكر
كلام في الصميم .. تعرضت لنقطة مهمة سأستفيض فيها لاحقا وهي قضية أن الحمل يحدث أحيانا و غشاء البكارة موجود
هناك الكثير من الإعتقادات الخاطئة فيما يتعلق بالجنس والوقاية من الحمل منها مثلا أن البنت تبلع الحبوب يوم الممارسة وتكون آمنة من الحمل
قضية وجود مخرج آمن للحمل غير الشرعي بعيدا عن البوليس مهمة جدا وستؤدي الي تقليل المخاطر علي الأم والجنين

شكرا مرة أخرى على المداخلة القيمة

Quote: دكتور عزان تحية و تقدير موضوع مهم ، العقل يسبق الأخلاق والتي كذلك تسبق الدين، لذلك مواجهة هذا الواقع بعقلانية ضروري . تحياتي

شكرا أخي الكريم مصعب
للأسف الشعب السوداني يجنح للعاطفية في مواجهة مثل هذه المشاكل و يميل للركون على أن المجتمع تحرسه قيم وتقاليد لا يعترف الناس بأنها سادت ثم بادت
نحن بالضبط ندفن رأسنا في الرمال بدلا عن مواجهة الكارثة

تحياتي

Quote: العزيز عزان , بعد السلام و الرحمة , و كيف امريكا حداك؟ فى مجموعة مهتمة بالايدز فى السودان مقيمين فى انجلترا اسمها شوق . اللنك تحت . نتلاقى فى ساعة خير .... وائل .

شكرا يا وائل يا حبيب
عدت للسودان أواخر 2011
في دارفور الآن ...

مجهود مقدر للمجموعة .. سأقوم بالتواصل معهم إن شاء الله

شكراً دكتور عزان!
افتقدناك كثيراً!
وافتقدنا مثل هذه الموضوعات الهادفة!
فمتابعون!

بوست جدير بالقراءة والمتابعة
مهم جد شكر دكتور عزان

Quote: بوست جدير بالقراءة والمتابعة مهم جد شكر دكتور عزان

شكرا أخي باسط المكي على المرور والإطراء
نسأل الله التوفيق في طرح ما يفيد الناس

Quote: شكراً دكتور عزان! افتقدناك كثيراً! وافتقدنا مثل هذه الموضوعات الهادفة! فمتابعون!

العزيز صلاح
شكرا للترحيب الحار والكلمات الجميلة .. البورد أصبح مختلف والمناخ غير مشجع للكتابة
بجيبنا الشديد القوى بس .. زي الموضوع أعلاه ..

يا بنات ..
كما قلت آنفا، لا يمكنك الإعتماد على شريكك أيا كان ومهما كانت درجة الثقة المتبادلة بينكما في ثلاث نقاط ..
سأقوم هنا ببعض التفصيل فيما يتعلق بهذه النقاط الثلاث ..

1. حمايتك من الفضيحة في حالة كنت ساذجة وخليتيهو يستعمل أي كاميرا

من الأشياء التى استعسرت كثيرا على فهمي مسألة أن يعمد بعض الناس لتصوير أنفسهم وشركائهم في أوضاع مخلة ..
وفيها أبلغ تصديق لحديث الرسول صلى الله عليه وسلم عن المجاهرة بالمعصية ..
المشكلة، أنه مع التكنلوجيا في هذا العصر لم يعد هناك خصوصية، فكل خاص يمكن أن يصبح عاما في طرفة عين ويملأ الآفاق والأسافير ..
- الكاميرات أصبحت صغيرة وفي كل يد
- وسائل التواصل كثيرة، يسيرة و عند الكل مما ييسر إنتشار المقاطع والصور
- الشعب السوداني لا يمتاز بالخصوصية، يمكن أن تترك موبايلك ليشحن فيعبث به الآخرون وربما قاموا بإرسال ملفاتك عبر البلوتوث
- سرقة الموبايلات منتشرة، مما قد يؤدى لفقدان المحتويات والتصرف فيها بواسطة من يع في يده الجهاز

كل ما سبق أدى - للأسف- لإنتشار هستيري لمقاطع وصور لشباب وشابات سودانيات في أوضاع مخلة تماما أو أثناء "المجازفة برة برة" ..
تجدها في كل مكان في الأسافير وعلى أجهزة الناس ..
وبعض شخوصها أضحوا معروفين وسميت بهم، بجامعاتهم أو بمناطقهم مقاطع الفيديو ..
الغالب الأعم أن الشاب هو من يصور وأن البنت تعلم بذلك . .

---------------------------------

مهما كانت درجة الثقة فلا يجب أن تصل لهذا الحد ..
ومجتمعنا لا يرحم الخاظئة ويتساهل مع الخاطئ ..
وهذه الأفلام أدت وما زالت تؤدي لخراب بيوت ودمار نفوس وأسر ..

مافي حاجة إسمها نصور ونمسح ..
الحل الوحيد إنو الناس لا تجاهر بالمعاصي، وتتجنب التصوير بصورة قاطعة ..

سلام دكتور عزان والمتداخلين
صراحة الموضوع مهم وشائك ومن خلال تجربتي في العمل في مكافحة الايدز في السودان وصلنا لحقائق يندى لها الجبين
عن الوضع الأخلاقي في السودان وتردي القيم وبالرغم من ذلك تجد ناس يصدعون راسك بمجتمع الفضيلة.
على العموم انا ختيت طوبتي هنا ونحمد الله على عودتك للسودان وخلينا نتواصل معاك.
تحياتي

تحياتي د. عزان
وشكراً على البوست الهادف
الواقي الذكري هو الحل

دكتور عزان سلام
ولك التحية
نبه الاخ بكري : اذا عملنا كليك علي البوست في العناوين فوق بجينا بوست اخر :
الكوزانوسترا والحركة الاسلامية في السودان
ولا يمكن الدخول الي البوست الا من صفحة المنبر فقط

Quote: دكتور عزان سلام ولك التحية نبه الاخ بكري : اذا عملنا كليك علي البوست في العناوين فوق بجينا بوست اخر : الكوزانوسترا والحركة الاسلامية في السودان ولا يمكن الدخول الي البوست الا من صفحة المنبر فقط

العزيز صلاح
شكرا على المرور والتنبيه
أرسلت لبكري وقام بمعالجة الأمر

تحياتي

Quote: سلام دكتور عزان والمتداخلين صراحة الموضوع مهم وشائك ومن خلال تجربتي في العمل في مكافحة الايدز في السودان وصلنا لحقائق يندى لها الجبين عن الوضع الأخلاقي في السودان وتردي القيم وبالرغم من ذلك تجد ناس يصدعون راسك بمجتمع الفضيلة. على العموم انا ختيت طوبتي هنا ونحمد الله على عودتك للسودان وخلينا نتواصل معاك. تحياتي

مرحبتين ابراهيم، حبابك
العمل في مجال مكافحة الايدز يفتح عين الإنسان على حقائق مهولة .. عملت في برنامج مكافحة الايدز في 2005-2006

البوست بوستك، في إنتظار مشاركاتك القيمة

Quote: تحياتي د. عزان وشكراً على البوست الهادف الواقي الذكري هو الحل

شكرا أيمن على المرور و رفدنا ببوستك الجرئ
أرجو مراجعة البوست أدناه من 2006:

العازل الذكرى . . المفترى عليه !
http://www.sudaneseonline.com/board/316/msg/1196625144.html

طالبة في جامعة كبيرة ..
قبل سنوات أعطت ثقتها "لولد مضمون" بالنسبة لها فقام بتصويرها عارية بتركيز كبير على أماكن معينة في جسمها ..
مقطع الفيديو لم يظهر الشاب على الإطلاق و أظهر وجه البنت بوضوح يجعل من التعرف عليها غاية في السهولة ..
المهم، لسبب ما وجد المقطع طريقه إلي موبايلات الناس ومن ثم للشبكة العنكبوتية ..
وتعرف الناس عليها لدرجة أن طلاب و طالبات تلك الجامعة كانوا يتبادلون الهمسات و الغمزات عندما تمر الفتاة من أمامهم ..
وبعضهم كان يقوم جماعيا بتشغيل المقطع وصاحبته على مرمى البصر لربط الصورة بالأصل ..
المقطع إنتشر حتي وجد طريقه لمواقع الانترنت الإباحية العربية وغيرها ..

تخيل حالة هذه البنت النفسية وما واجهته من ألم فظيع في جامعتها ومن أهلها ومجتمعها ..
ولا يلام في هذه الحالة -للأسف- سواها، فالتصوير تم بكامل معرفتها ورضائها ..
"يداها أوكتان وفوها نفخ" ...

و مثل هذه القصص لا تعد ..

امسكن في الكلام قوي :

Quote: يا بنات، ما في ولد مضمون في الحاجات دي .. مهما قال بحبك ولا كان فردتك ولا شكلو محترم وود ناس برضو ما مضمون .. حتى لو كان خطيبك، حبيبك، متقدم ليك ولا كلم ناس البيت برضو ما مضمون وبفكك عكس الهوا ... إياك، ثم إياك، ثم إياك

بوست محترم

شكرا د.عزان

بوست مهم جدا

شكرا يا دكتور

شكرا ً دكتور على التطرق لهذا الموضوع الهام وشكراً على هذه الوصفة المجانية

التحية والتقدير ليك دكتور عزان ، الناس لازم تلجأ للحلول الواقعية دي كفانا دفناً للرؤوس والنوم علي نغمة نحنا ونحنا الشرف الباذخ

Quote: والمشكلة هي إنو بلدنا تمر بإنحلال أخلاقي غير مسبوق في الحجم والتأثير..

هذا حكم اخلاقي لا تسنده براهين علمية ... ممارسة 53% من الشباب للجنس لا يمكن تسميته "إنحلال أخلاقي" دون مقارنته بنسبة مختلفة في زمان آخر أو دولة أخرى ...

(إنحلال اخلاقي دي عكسها تماسك اخلاقي ولاّ "تكريب" أخلاقي)






... المهم ....

الحبيب تبارك
مشتاقين يا راجل ..

Quote: هذا حكم اخلاقي لا تسنده براهين علمية ... ممارسة 53% من الشباب للجنس لا يمكن تسميته "إنحلال أخلاقي" دون مقارنته بنسبة مختلفة في زمان آخر أو دولة أخرى ...

غايتو يا تبارك عندك قدرة لاتضاهي على إنك تقول كلام ساي و تظهروا للمتلقي العادي بمظهر الكلام العلمي الخطير

أولا يا حبيب الكلام ده ما حكم وإنما ملاحظة ولم أقل أنني استندت علي المعلومة أعلاه لأصل إليها ..
بعدين عشان تدرس ظاهرة معينة لازم يكون عندك baseline indicators و ده ما متوفر عندنا في السودان لضعف البحث العلمي خاصة في المواضيع الزي دي .. عشن كدة نحن ك public health professionals مرات بنلجأ لحاجة إسمها ال proxy indicators زي كأنك تاخد الفقر مثلا كمؤشر للجوء الناس للتساهل في ثوابت مجتمعية .. وده الأنا سميتو إنحلال وإنت إعترضت عليه ..

بعدين شنو قصة نقارن بدولة تانية دي
داير تخمنا بكلام كبار ساي يا تبارك!

تحياتي وشكري ..

Quote: التحية والتقدير ليك دكتور عزان ، الناس لازم تلجأ للحلول الواقعية دي كفانا دفناً للرؤوس والنوم علي نغمة نحنا ونحنا الشرف الباذخ

الحبيب سامي
دائما نعيش علي أمجاد الماضي ليس في الأخلاق فحسب بل وفي الرياضة والسياسة
آن الأوان لكي يفيق الناس على واقعهم الأسيف

تسلم

Quote: شكرا ً دكتور على التطرق لهذا الموضوع الهام وشكراً على هذه الوصفة المجانية

العزيز سفيان
شكرا علي المرور و المساندة ..

تحياتي

Quote: بوست مهم جدا شكرا يا دكتور

شكرا أخي البشير
تحياتي

Quote: بوست محترم شكرا د.عزان

شكرا أخي الشفيع
نتمنى أن نكون عند حسن الظن

Quote: امسكن في الكلام قوي :

العزيز صلاح
شكرا على المرور والمساندة

2. حمايتك من الحمل في حالة إنك خليتيهو ما يستعمل كوندوم

لسبب لا أعلمه، يقوم بعض البنات بممارسة كل ما يؤدي إلي الحمل، حتى إذا وقع الفاس في الراس وجاءت ساعة المكاشفة، تتفاجأ البنت، والغريب أنها مفاجأة حقيقية وغير مصطنعة، وتكذبك أنت وفحص المعمل والموجات الصوتية..
وتحليلي لهذه المسألة أن أذهان البنات مليئة بالكثير من الإعتقادات الخاطئة فيما يتعلق بالجنس ومنع الحمل، لذلك تتفاجأ بحملها لإعتقادها أنها "كانت عاملة حسابها" أو "إنها ما مفتوحة" ..

1. عاملة حسابها:

- يقع في إعتقاد الكثير من الفتيات أن حبوب منع الحمل تستعمل "عند اللزوم" فتبلعها البنت حين الممارسة، وهذا إعتقاد خاطئ، فحبوب منع الحمل يجب إستعمالها بإنتظام للنساء المتزوجات من الدورة للدورة، ويمكن أن يؤدي نسيان أخذ الحبة يوما واحدا إلي الحمل ..

- تعتمد بعض الفتيات علي الفترة الآمنة "safe period" وهي وسيلة لايمكن الإعتماد عليها في كثر من الأحيان خاصة في حالات عدم إنتظام الدورة..

- العزل، بأن يقذف الشريك خارج المهبل، ولأن البوست أصلا للتحذير من مغبة الثقة في هكذا شريك في الحرام فلا حاجة لتبيان عدم نجاعة هذه الطريقة .. وفي مرات كثيرة تدخل بعض الحيوانات المنوية "الشليقة" قبل باقي القطيع ..

- آما الوسائل غير العملية وغير الطبية فعبارة عن كلام فارغ وضياع قروش ساي

2. ما مفتوحة:

مفاجأة غير سارة: ممارسة الجنس السطحي قد تودي أحيانا كثير للحمل .. وقد مرت علي شخصيا حالات حمل لفتيات مع وجود غشاء البكارة ..

يا بنات: مافي زول أحرص منك على نفسك .. و مافي ولد مضمون .. ومافي أي ممارسة ما فيها خطورة عليك وعلى مستقبلك ..


ولو حصل حمل، ما تمشي لى داية عشان تعمل ليك إجهاض، بتكتلك وبتبقى عليك وعلى أهلك ميتة وفضيحة

ولو حصل حمل، ما تمشي لى داية عشان تعمل ليك إجهاض، بتكتلك وبتبقى عليك وعلى أهلك ميتة وفضيحة

الإجهاض الجراحي، خاصة إن تم على أيدي غير خبيرة، عملية غاية في الخطورة ويمكن أن يؤدي لمضاعفات خطيرة منها العقم والوفاة، وهو أحد أهم أسباب وفيات الأمهات في العالم الثالث ..
في الدول التي تقنن الإجهاض، تتم العملية علي أيدي خبراء وهي آمنة نسبيا إذا تمت علي يد طبيب نساء مختص ..

ولأن الحمل خارج إطار الزوجية والإجهاض في السودان محرمان شرعا وقانونا، يلجأ كثير من البنات للأسف لطرق بدائية أو للقابلات لإجراء هذه العمليات ..
وسنفصل لاحقا خطورة هذه العمليات علي حياة الفتاة و صحتها الإنجابية ..

تحياتي وسلامي للدكتور عزان سعيد ..
نعم هذا البوست خير مثال للبوستات التوعية والتي تجذب القراء والمتابعين لأهمية الموضوع وقوة الطرح بدون مواربة ،ووضع الحلول ،وكيفية التعامل مع الامر الواقع ،في مجتمع ظل يغالط نفسه بانه خير مجتمع ،ونسي ان هناك مياه كثيرة تحت الجسر ،فمثل هذا البوست يجب التعامل معه كدراسة ليس مجرد مشاركة والسلام ،فهو يوضح لنا المخاطر وكيفية عدم الثقة في شريك مهما كانت درجة التعامل معه ،
انا سعيد بهذا البوست الجميل يا دكتور عزان وأرجو منك ان تقوم بإنزاله في صفحتك علي الفيس بوك واي وسائط اخري يهتم بها الرأي العام السوداني ..
بهذا البوست يجب ان يعي الجميع دوره وفي المحافظة علي الأبناء والبنات وتوجيههم التوجيه الصحيح بحيث يجب ان لا نخفي عليهم شئ في هذه الحياه ويجب ان ننورهم بالأخطار من حولهم ..
شكرًا عزان سعيد ..
شكرًا بكري ابوبكر لرفع هذا البوست الجميل ....

Quote: أولا يا حبيب الكلام ده ما حكم وإنما ملاحظة ولم أقل أنني استندت علي المعلومة أعلاه لأصل إليها .. بعدين عشان تدرس ظاهرة معينة لازم يكون عندك baseline indicators و ده ما متوفر عندنا في السودان لضعف البحث العلمي خاصة في المواضيع الزي دي .. عشن كدة نحن ك public health professionals مرات بنلجأ لحاجة إسمها ال proxy indicators زي كأنك تاخد الفقر مثلا كمؤشر للجوء الناس للتساهل في ثوابت مجتمعية .. وده الأنا سميتو إنحلال وإنت إعترضت عليه ..

ما هي "الثوابت الإجتماعية" التي تساهل فيها الناس بسبب الفقر؟ (خصوصًا في امثلتك دي!)

وانت يعني عندك Baseline indicators (مؤشرات أساسية) للفقر عشان الفقر يبقى Proxy indicators (مؤشرات بديلة) للإنحلال؟

خليك في التوعية الصحية يا دكتور ... وخلي الخلق لخالقها ... فرضيات الفضيلة الإجتماعية القاعد تتكلم بيها دي ... ليست واقعية اليوم ... وما كانت واقعية في الماضي ... وسوف لن تكون جزء من الواقع في المستقبل ... لأنها تتناقض مع طبيعة الإنسان ... وتفترض مثال لا يتحقق في الواقع ...

ياخي غنتيستك في دارفور دي بوظتك وأفسدت آراءك

(وانشالله تكون جيت راجع عشان نلاقيك في الدنيا دي)






... المهم ....

Quote: انت يعني عندك Baseline indicators (مؤشرات أساسية) للفقر عشان الفقر يبقى Proxy indicators (مؤشرات بديلة) للإنحلال

عندنا آخر DHS اتعمل في السودان 1990 وعندنا Sudan Household Surveys 2006 و 2010

Quote: خليك في التوعية الصحية يا دكتور ... وخلي الخلق لخالقها

سمح

سلامات يا دكتور عزان....
كالعادة....بوست مفقيد و منظم....


سلامات تبارك......
هسي عليك الله انت فهمتا ان بوست د.عزان ده عامله عشان يقيس معدل الفضيلة فى المجتمع السودانى!!!!!
البوست فعلا للتوعية الصحية....انت اللى شفتا ليك جملة صغيرة وعملتا منها موضوع و بقيت تغالط فيها.
بعدين حتى كلام د.عزان ان فى انحلال اخلاقي زايد شوية (من زمان) ما غلط. انا شخصيا قريت فى جامعة سودانية خمس سنوات بالتمام و الكمال. طوال ال 5 سنوات دى ما (سمعتا) باى طالبة فى دفعتنا او ال 4 دفعات الاخرى ..Got pregnant ...الان بسمع بقصص ذى دى كل يوم. صح ما عندى احصائية....لكن عندى كمان دى ما عاوزة دكتوراة فى للاحصاء.*
________________________________
* الا يكون مستواى الاجتماعى اتدهور جدا فى ال 10 سنوات الماضية وبقيت اخالط ناس ما كنتا بخالطهم زمان. عشان كده بقيت اسمع القصص دى.

Quote: هسي عليك الله انت فهمتا ان بوست د.عزان ده عامله عشان يقيس معدل الفضيلة فى المجتمع السودانى!!!!! البوست فعلا للتوعية الصحية....انت اللى شفتا ليك جملة صغيرة وعملتا منها موضوع و بقيت تغالط فيها.

"الفضيلة في المجتمع" من المعطيات الطارئة في المجتمع السوداني ... وهي أس البلاوي وأول معترضات التوعية الصحية ... لأنها تفوق "الجهل" وتصيب المتعلمين .... وفي زمانك لم تتواجد ظاهرة حمل الطالبات لأن عدد "دعاة الفضيلة" كان شبه منعدم ... وكانت أخلاق المجتمع وقيمه تعمل بعفويتها المفترضة ... ولم يكثر اختصاصيي نبش سلوكيات الناس ونعتهم بالفاحشة والضلال والفساد بسبب الإختلافات القيمية والأخلاقية ...

أمّا الآن ... فحتّى أطباء التوعية الصحية ... صاروا إمّا من "دعاة الفضيلة" ... أو يتهيبونهم في الخطاب التوعوي ...

لذا وجب تنبيه دكتور عزّان لهذا المستنقع النتن ... بأن يركن لإرث التسامح السوداني القديم ... ويدع الخلق للخالق ..

أو يأتي بمنظومة علمية واضحة ... تضع "دعاة الفضيلة" هؤلاء في مكانهم الطبيعي ... ولا تسمح لهم بتسيّد الخطاب التوعوي ...





... المهم ....

Quote: "الفضيلة في المجتمع" من المعطيات الطارئة في المجتمع السوداني ... وهي أس البلاوي وأول معترضات التوعية الصحية ... لأنها تفوق "الجهل" وتصيب المتعلمين

جملتك دى صح تماما يا تبارك. دعاة الفضيلة فى بلادى (باسم الفضيلة) منعوا المعرفة من الناس بدعوى ان المعرفة ح تشجع الناس على الفاحشة.



لكن...جملتك دى:

Quote: وفي زمانك لم تتواجد ظاهرة حمل الطالبات لأن عدد "دعاة الفضيلة" كان شبه منعدم ... وكانت أخلاق المجتمع وقيمه تعمل بعفويتها المفترضة

ما دقيقة. ما اظن ان زيادة معدلات الحمل ليها دخل (كبير) بدعاة الفضيلة.
كانك عاوز تقول ان معدلات الناس اللى بتمارس الجنس خارج اطار الزواج هو نفسه. لكن زادت معدلات الحمل لانه "دعاة الفضيلة" منعوا المعرفة (او الوسائل) عن العامة. ممكن ده يكون صحيح. لحد ما.
لكن اظن ان السبب هو تدهور "معدلات" الفضيلة فى البلد كلها. ذى ما زاد الفساد و الاختلاس من المال العام و زاد الفقر (او الفرق بين الاغنياء و الفقراء)....ذى ما زادت الحجات دى....ارتفع سن الزواج و كثرة الدعارة وتدهورت معدلات الفضيلة.
عشان كده بوست د.عزان مهم جدا. لانه اتكلم عن الجانب الصحى(يا بنت الناس... ممكن تحملي حتى و لو عملتى كده وكده وكده)
واتكلم عن جوانب اخرى ذى(ما تامنى لاى ولد يصورك, ما تتكلى عليه يساعدك لو حصل حمل) و كل الحجات دى.
اخنا ما مختلفين كتير. احنا الاثنين مع اهمية بوست د.عزان.
______________________________________
قبل كم يوم كنتا بتكلم مع صديقة عزيز جدا فى مقام اختى الكبيرة. كنت بحكى ليها عن زميلتى فى الشغل المريضة و ما بتقدر تولد. عشان كده اتبنت اطفال صغار جدا....عمر ساعات. سالت صديقى ليه اهل الاطفال ديل ختوهم للتبنى? قلت ليها غالبا ح يكونوا لبنات صغار(او لا اى سبب تانى) ناس ما بيقدروا على المسؤلية بتاعة تربية اطفال. زعلت صديقتي جدا و قالت كلام كتير جدا عن الفضيلة و الاخلاق بتاعة المجتمع الغربى ده. حقيقي انا اندهشتا جدا من رد فعلها. كان الاشياء (الحمل خارج اطار الزواج) غير موجود فى السودان? ردها انه فى السودان الناس ما بتجاهر بالمعصية. قلت ليها ده شيء كويس جدا و الحمد لله انه الناس لسه فيها شيء من حياء...لكن الحياء ده ثمنه انه كل يوم بنسمع بطفل تم رميه للكلاب. او دفنه حي.
الحل ذي ما قال متداخل فى البوست ده.... باب خلفى لملاجى الاطفال. لو جات ام و وضعت طفلها ما فى زول يسالها من اسمها او اى شيء. ده اضعف اللايمان. ده ما من اجل الامهات, ده من اجل الاطفال اللى ما عندهم دخل بكل الحاصل ده. لو كمان قررنا ما ندفن رواسنا فى الرمال ممكن ندى البنت دى حبة رعاية صحية.
بسبب النقاش ده ازن انى خسرتا صديقتى.

Quote: ما اظن ان زيادة معدلات الحمل ليها دخل (كبير) بدعاة الفضيلة. كانك عاوز تقول ان معدلات الناس اللى بتمارس الجنس خارج اطار الزواج هو نفسه.

والله لو وضعنا اعتبار لزيادة التعداد السكاني ... اعتقد أن معدّلات ممارسة الجنس هي نفسها ... معدلات الزواج وأعداد دعاة الفضيلة هي التي تغيّرت ...

يعني الموضوع مشربك وما ممكن التعامل معاهو بتقريرات غير دقيقة نوع "ازدياد الإنحلال الأخلاقي" ...

المعيار الأخلاقي البيعتبر ممارسة الجنس خارج إطار الزواج دا معيار منو؟

وسيد المعيار دا قدّم شنو لى "إطار الزواج" عشان يحميهو من العواصف الإقتصادية وهجمات الهوس الديني والتجريم المنظّم البتمارسو الدولة على المواطن؟

ولاّ معيار سوداني طق حنك ساي برضا السودانيين وتناسب المعيار مع أوضاعهم الإجتماعية أو بدون رضاهم؟

دا بيتكلم عن "ثوابت المجتمع" ... الثابت الوحيد في المجتمع السوداني هو "شرطة أمن المجتمع" ...

عندنا ناس بيضيّفوا الحرامي ... وناس بيطردوا من يعود المريض ... لا يوجد ثابت اسمه "كرم" ...

وعندنا ناس بيموتوا في فوهة المدفع ... وناس بيهربوا أمام العدو لغاية اثيوبيا ... لا يوجد ثابت اسمه "شجاعة" ...

عندنا البيجيهو حفيد من ابنة غير متزوجة بيتكيها يضبحها ... وعندنا البيجيهو حفيد من ابنة غير متزوجة فيقول:

بنقول حبابو وبنسميهو "الله جابو" ... لا يوجد ثابت اسمه "الفضيلة" ...

عندنا البيغنوا ليه "حاشاهو ما سرّاق" ... وعندنا البيتنبّر بى السرقة وبيقول:

"إن برزن مُكان ما هن صفايح زيت" ... لا يوجد ثابت اسمه "الأمانة" ...

من وين جانا فجأة "إنحلال اخلاقي" في المعتاد تاريخيًا بأنه مقبول اجتماعيًا ...

انا افهم انو دكتور يقول لى بت ما تضمني الحمل والأيدز وهلم جرا ...

لاكين شن عرّفو انو البتجازف معاهو برة برة دا مضمون ولاّ ما مضمون ...

لو عندو تجريدة علمية بتطعن في ضمان الاولاد يقولها لينا كدكتور وكدا ... زاتو نفهم علاقة الـ DHS (المسح الصحي السكاني) علاقتو شنو بى تنظيراتو دي ...

لو ما عندو يشخت شخيت ويقيف بعيد

نحن بقينا ما بنستحمل الكلام الفارغ ... يا حوار ... يا وثبة ...





... المهم ....

Quote: سلامات يا دكتور عزان.... كالعادة....بوست مفقيد و منظم....

شكرا يا اسمارتينا .. وجودك في البوست اسعدني كثيرا ..

Quote: سلامات تبارك...... هسي عليك الله انت فهمتا ان بوست د.عزان ده عامله عشان يقيس معدل الفضيلة فى المجتمع السودانى!!!!! البوست فعلا للتوعية الصحية....انت اللى شفتا ليك جملة صغيرة وعملتا منها موضوع و بقيت تغالط فيها. بعدين حتى كلام د.عزان ان فى انحلال اخلاقي زايد شوية (من زمان) ما غلط. انا شخصيا قريت فى جامعة سودانية خمس سنوات بالتمام و الكمال. طوال ال 5 سنوات دى ما (سمعتا) باى طالبة فى دفعتنا او ال 4 دفعات الاخرى ..Got pregnant ...الان بسمع بقصص ذى دى كل يوم. صح ما عندى احصائية....لكن عندى كمان دى ما عاوزة دكتوراة فى للاحصاء.*

يا اسمارت حبيبنا تبارك لم يأت لحوار

تبارك ما بتغالت وأنا عندي رسالة محددة عايز أوصلها واتخارج ..

Quote: الا يكون مستواى الاجتماعى اتدهور جدا فى ال 10 سنوات الماضية وبقيت اخالط ناس ما كنتا بخالطهم زمان. عشان كده بقيت اسمع القصص دى.

حاشاك يا صديقة ..

Quote: تحياتي وسلامي للدكتور عزان سعيد .. نعم هذا البوست خير مثال للبوستات التوعية والتي تجذب القراء والمتابعين لأهمية الموضوع وقوة الطرح بدون مواربة ،ووضع الحلول ،وكيفية التعامل مع الامر الواقع ،في مجتمع ظل يغالط نفسه بانه خير مجتمع ،ونسي ان هناك مياه كثيرة تحت الجسر ،فمثل هذا البوست يجب التعامل معه كدراسة ليس مجرد مشاركة والسلام ،فهو يوضح لنا المخاطر وكيفية عدم الثقة في شريك مهما كانت درجة التعامل معه ، انا سعيد بهذا البوست الجميل يا دكتور عزان وأرجو منك ان تقوم بإنزاله في صفحتك علي الفيس بوك واي وسائط اخري يهتم بها الرأي العام السوداني .. بهذا البوست يجب ان يعي الجميع دوره وفي المحافظة علي الأبناء والبنات وتوجيههم التوجيه الصحيح بحيث يجب ان لا نخفي عليهم شئ في هذه الحياه ويجب ان ننورهم بالأخطار من حولهم .. شكرًا عزان سعيد .. شكرًا بكري ابوبكر لرفع هذا البوست الجميل ....

الأخ الكريم على رفاي ..
شكرا على مرورك و التعليق ..

ونتمنى مزيد من المشاركات القيمة ..

ولو حصل حمل، ما تمشي لى داية عشان تعمل ليك إجهاض، بتكتلك وبتبقى عليك وعلى أهلك ميتة وفضيحة

Quote: بدء محاكمة المتهمين بإجهاض طالبة والتسبُّب في وفاتها رانية بشير صالح نشر في الأهرام اليوم يوم 26 - 09 - 2010 تشرع محكمة جنايات الخرطوم وسط اليوم في محاكمة المتهمين بقتل فتاة داخل منزل صديقتها بمنطقة الديم بالخرطوم إثر عملية إجهاض أجريت لها يوليو الماضي. وكانت الشرطة قد ألقت القبض على صديقة المجني عليها التي تقدمت ببلاغ تفيد فيه بأن صديقتها توفيت في ظروف غامضة، وعليه كانت إجراءات إحالة جثة المجني عليها للمشرحة وشرعت الشرطة في إجراء تحريات مكثفة أسفرت عن تورط فني تخدير وثلاث فتيات في وفاة المجنى عليها التي أجريت لها عملية إجهاض داخل المنزل وتم نقلها إلى المستشفى بعد أن ساءت حالتها، في محاولة لإسعافها، وادعوا أنها تعرّضت لحالة تسمم، ولقيت حتفها بالمستشفى ليتم تدوين بلاغ بالوفاة في ظروف غامضة، وأحيلت الجثة للمشرحة لمعرفة أسباب الوفاة وأكملت الشرطة إجراءاتها ليتم إحالة البلاغ للمحكمة للفصل فيه.

Quote: الاهرام اليوم الخرطوم ــ رانية بشير صالح تستأنف محكمة جنايات الخرطوم وسط اليوم إجراءاتها في محاكمة المتهمين بقتل فتاة جامعية أثناء عملية إجهاض أجريت لها بمنزل صديقتها بمنطقة الديم بالخرطوم. ويمثل أمام المحكمة اليوم ثلاثة أطباء كشهود اتهام في القضية من ضمنهم الدكتور الذي قام بإجراء الموجات الصوتية للمجني عليها قبل وفاتها والطبيب الشرعي الذي قام بتشريح الجثة وفني تخدير. وتعود تفاصيل الحادث إلى بلاغ تم تدوينه بقسم شرطة الأوسط بواسطة المتهمة الثانية تفيد فيه بأن المجني عليها توفيت داخل منزل المتهمة الثالثة بعد تناولها لسندوتش، و تم فتح إجراءات أولية وانتقل تيم مسرح الحادثة إلى المنزل وتم تحريزه، ورفع الجثمان لمشرحة الخرطوم بأمر تشريح صادر من نيابة الأوسط، ومن خلال التحريات تم العثور على تقرير موجات صوتية يفيد بحمل (المجني عليها) ليتم تعديل الاتهام إلى القتل العمد والقبض على المتهمتين الثانية والثالثة اللتين أقرتا بأن المجني عليها صديقتهما وتلعب معهما بأحد الأندية الرياضية بالخرطوم وأنها حبلت سفاحاً من شخص وطلبت مساعدتهما لتتصل المتهمة الثانية بالرابعة التي أرشدتهم على المتهم الأول الذي يعمل فني تخدير بأحد المستشفيات الحكومية ليقوم بإجراء عملية إجهاض للمجني عليها لتلقى حتفها أثناء إسعافها إلى أحد المراكز الصحية بمنطقة الديم، وكانت المحكمة قد استمعت لعدد من شهود الاتهام من بينهم والدة المجني عليها التي نفت معرفتها بحمل ابنتها وحددت المحكمة جلسة اليوم لمواصلة قضية الاتهام.

Quote: أصدرت محكمة الاستئناف الخرطوم قراراً يقضي بإعادة محاكمة المتهمات المبرآت من تهمة قتل الطالبة الجامعية عقب عملية اجهاض اجريت لها بالاشترك مع فني التخدير المتهم الأول في القضية ومعاونته في قتل المجني عليها تحت طائلة المواد (21/26/132) من القانون الجنائي. وجاء قرار الدائرة الجنائية بمحكمة الاستئناف عند نظرها في طلب الطعن الذي قدمه الاتهام حول قرار المحكمة الجنائية في مواجهة المتهمات وحسب قضية الاتهام المقدمة ضد المتهمات فإن بلاغا من المتهمة الرابعة ورد لقسم شرطة الاوسط بان صديقتها توفيت عقب تناولها (لسندوتش) فتم اتخاذ الاجراءات الاولية وتحرك فريق للمنزل مسرح الحادثة وقام بتحريزه ورفع الجثة لمشرحة الخرطوم لمعرفة اسباب الوفاة وجاء التقرير بان سبب الوفاة نتيجة عملية إجهاض اجريت للمرحومة لتقوم النيابة بتعديل الاتهام من اجراءات اولية إلى تهمة القتل والقبض على الشاكية ووضعها كمتهم في البلاغ والتحقيق معها حول الجريمة فأقرت بان صديقتهن المجني عليها حبلت سفاحاً من شخص وطلبت مساعدتهن وانها بالاشتراك مع بقية المتهمات قامت باحضار المتهم الأول فني التخدير الذي قام باجراء العملية التي ادت لوفاتها عقب محاولة اسعافها لاحد المراكز الصحية بالمنطقة وتم توقيف بقية المتهمين والتحقيق معهم بعد اكتمال الاجراءات وجهت النيابة بإحالة المتهمين للمحاكمة بتهمة الاشتراك في الاجهاض والقتل واستمعت المحكمة بدورها لقضيتي الاتهام والدفاع واستجوبت المتهمين وتوصلت لادانة المتهم الاول بالسجن ودفع الدية الكاملة والسجن لمدة شهر للمتهمات واكتفت بالمدة التي قضينها بالسجن اثناء المحاكمة واطلقت سراحهن ليطعن الاتهام في قرار المحكمة وتامر محكمة الاستنئاف باعادة محاكمتهم باتهامات تتعلق بالاشتراك والمعاونة في القتل الخطأ.

الاخ د. عزان
تحيه طيبه

اولا اسمح لى اختلف معك فى عذا البوست اختلاف جذرى وذلك للاسباب الاتيه :

انت قلت ان هذا البوست توعوى فى المقام الاول ..ولكنك استخدمت عبارات ( شوارعيه ) وكلمات مبتذله وفى اللغه العربيه الكثير من الكلمات التى كان من الممكن ان تستعيض بها لتوصيل المعلومه

البوست محشو قصص وونسات خاصه نسمعها يوميا من الحبوبات والدايات بقولوها من باب ال entertainment وما بتخدم اى غرض غير النبش فى اعراض الناس ....اديك امثله من البوست



1. العسكرى الذى دخل على صديقى د.مأمون فى العيادة بالمستشفى العسكرى فى إحدى المدن النائية كان صريحا: ( والله يادكتور بصراحة أنا ماعيان لكن داير أورنيك ماشى إجازة، لى 4 سنوات من مرتى)
رد مأمون بدهشة : ( 4 سنوات؟ وصابر كيف؟ )

2.
- "عشان أكون معاك صريحة يا دكتور، أنا عملت عملية إجهاض"
- ............
- "عملتها عند داية"
- ............
- "750 جنيه"
- ............
- بطلع "بقعد" مع ناس، بدوني قروش، لميتها بالطريقة دي
- ............
- الداية ودوني ليها صاحباتي
- ............
- "صاحباتي قدري، بتاعين برامج برضو"

3 . طالبة في جامعة كبيرة ..
قبل سنوات أعطت ثقتها "لولد مضمون" بالنسبة لها فقام بتصويرها عارية بتركيز كبير على أماكن معينة في جسمها ..
مقطع الفيديو لم يظهر الشاب على الإطلاق و أظهر وجه البنت بوضوح يجعل من التعرف عليها غاية في السهولة ..
المهم، لسبب ما وجد المقطع طريقه إلي موبايلات الناس ومن ثم للشبكة العنكبوتية ..
وتعرف الناس عليها لدرجة أن طلاب و طالبات تلك الجامعة كانوا يتبادلون الهمسات و الغمزات عندما تمر الفتاة من أمامهم

القصص اعلاه الانتا ذكرتها فى بوستك هذا بتاع " التوعيه " موجوده بى كثره فى ثقافه المجتمعات التى تثيرها تلك القصص والحكاوى يعنى ما محتاجه لى دكتور متخصص
عشان يكشفها ...

ذكرت فى معرض حديثك الاتى :

(( كأطباء، دوما ندفع ضريبة أن نكون أول و أكثر من يحتك بالمغايس الموجودة في المجتمع ..
ذلك أن ما ينتج عن "المجازفة برة برة" من مصائب يقع على رأسنا في غالب الأحوال ..))

انت كاطبيب الان دورك مفروض ينحصر فى الاهتمام بالمريض ومعالجته وزى ما قال ليك الاخ تبارك خليك فى التوعيه الصحيه
لانو المغايس الموجوده فى المجتمع كتيره وبالكوم ...وعلى فكره انتم لستم اول من يحتك بمغايس المجتمع على حد زعمك.... البوليس والمتحرى الجنائى ديل
بشوفوا وبسمعوا مصائب تشيب الرأس

اخيرا لمن تقول (( يا بنات، ما في ولد مضمون في الحاجات دي .. ))

وبرضو لمن تقول (( يا بنات ألا قد بلغت؟ ))

بلغت مين يا عم !!!! بالله نسبه كم فى المائه من البنات بيكونوا مرو على كلامك دا

الاخ د. عزان
تحيه طيبه

اولا اسمح لى اختلف معك فى عذا البوست اختلاف جذرى وذلك للاسباب الاتيه :

انت قلت ان هذا البوست توعوى فى المقام الاول ..ولكنك استخدمت عبارات ( شوارعيه ) وكلمات مبتذله وفى اللغه العربيه الكثير من الكلمات التى كان من الممكن ان تستعيض بها لتوصيل المعلومه

البوست محشو قصص وونسات خاصه نسمعها يوميا من الحبوبات والدايات بقولوها من باب ال entertainment وما بتخدم اى غرض غير النبش فى اعراض الناس ....اديك امثله من البوست



1. العسكرى الذى دخل على صديقى د.مأمون فى العيادة بالمستشفى العسكرى فى إحدى المدن النائية كان صريحا: ( والله يادكتور بصراحة أنا ماعيان لكن داير أورنيك ماشى إجازة، لى 4 سنوات من مرتى)
رد مأمون بدهشة : ( 4 سنوات؟ وصابر كيف؟ )

2.
- "عشان أكون معاك صريحة يا دكتور، أنا عملت عملية إجهاض"
- ............
- "عملتها عند داية"
- ............
- "750 جنيه"
- ............
- بطلع "بقعد" مع ناس، بدوني قروش، لميتها بالطريقة دي
- ............
- الداية ودوني ليها صاحباتي
- ............
- "صاحباتي قدري، بتاعين برامج برضو"

3 . طالبة في جامعة كبيرة ..
قبل سنوات أعطت ثقتها "لولد مضمون" بالنسبة لها فقام بتصويرها عارية بتركيز كبير على أماكن معينة في جسمها ..
مقطع الفيديو لم يظهر الشاب على الإطلاق و أظهر وجه البنت بوضوح يجعل من التعرف عليها غاية في السهولة ..
المهم، لسبب ما وجد المقطع طريقه إلي موبايلات الناس ومن ثم للشبكة العنكبوتية ..
وتعرف الناس عليها لدرجة أن طلاب و طالبات تلك الجامعة كانوا يتبادلون الهمسات و الغمزات عندما تمر الفتاة من أمامهم

القصص اعلاه الانتا ذكرتها فى بوستك هذا بتاع " التوعيه " موجوده بى كثره فى ثقافه المجتمعات التى تثيرها تلك القصص والحكاوى يعنى ما محتاجه لى دكتور متخصص
عشان يكشفها ...

ذكرت فى معرض حديثك الاتى :

(( كأطباء، دوما ندفع ضريبة أن نكون أول و أكثر من يحتك بالمغايس الموجودة في المجتمع ..
ذلك أن ما ينتج عن "المجازفة برة برة" من مصائب يقع على رأسنا في غالب الأحوال ..))

انت كاطبيب الان دورك مفروض ينحصر فى الاهتمام بالمريض ومعالجته وزى ما قال ليك الاخ تبارك خليك فى التوعيه الصحيه
لانو المغايس الموجوده فى المجتمع كتيره وبالكوم ...وعلى فكره انتم لستم اول من يحتك بمغايس المجتمع على حد زعمك.... البوليس والمتحرى الجنائى ديل
بشوفوا وبسمعوا مصائب تشيب الرأس

اخيرا لمن تقول (( يا بنات، ما في ولد مضمون في الحاجات دي .. ))

وبرضو لمن تقول (( يا بنات ألا قد بلغت؟ ))

بلغت مين يا عم !!!! بالله نسبه كم فى المائه من البنات بيكونوا مرو على كلامك دا

الأخت زينب
تحية أطيب
يبدو إنك لم تقرأي البوست جيدا، أو قرأت ولم تفهمي، لأن الردود على الإتهامات المجانية المبذولة في مداخلتك موجودة في ثنايا البوست ..

Quote: انت قلت ان هذا البوست توعوى فى المقام الاول ..ولكنك استخدمت عبارات ( شوارعيه ) وكلمات مبتذله وفى اللغه العربيه الكثير من الكلمات التى كان من الممكن ان تستعيض بها لتوصيل المعلومه

ولكي لا تطلقي الكلام على عواهنه، أتحداك أن تأتي بعبارة "شوارعية" و "كلمات مبتذلة" واحدة أستخدمت في هذا البوست .. أستطيع أن أستخدم لغة رفيعة و أشكلها كما أشاء ودونك إرشيفي، ولكن البلاغة هي أن توصل المعلومة للناس بلغة قريبة من فهمهم، لذلك عمدت لإستخدام لغة دارجة لأن كل الناس ليسو "مثقفين" مثلك ..
على العكس تماما، إيراد قصة العسكري كان الغرض منه إقتباس تعبيره "المجازفة برة برة" لإستخدامه في البوست لكي لا أضطر لإستخدام التعبيرات الحقيقية ..

Quote: البوست محشو قصص وونسات خاصه نسمعها يوميا من الحبوبات والدايات بقولوها من باب ال entertainment وما بتخدم اى غرض غير النبش فى اعراض الناس ....اديك امثله من البوست

ما قلت ليك إنت ما قريتي، أو قريتي وتجاهلت الكلام لغرض إنك تجي تقولي كلامك الفارغ ده ..
أولا البوست غير محشو كما ذكرت .. أوردت قصة العسكري عشان يفهم الناس أنا قاصد شنو بعنوان البوست .. وأوردت مثالين إنت جبتيهم و عملت ليهم إقتباس نظام البت شاطرة وقبضتيني بالثابتة ..
ولو قريتي الحتة دي في بداية البوست :

Quote: كل الشهادات التي ستتلى في هذا البوست حقيقية مائة بالمائة

ما كنت قلت كلامك بتاع ونسة حبوبات ودايات، لأنو أنا قلت بصورة واضحة إنو دى أمثلة حصلت معاي شخصيا و ليست "قصص" و "ونسات خاصة" ..

بعدين وين "النبش في أعراض الناس" .. وين "الناس" في هذا البوست ؟ أنا قلت بصورة واضحة إنو الشهادات في هذا البوست "خالية من أي إشارة قد تدل على أصحابها" .. إلا إذا كنت ما عارفة "النبش في الأعراض" الإتهمتيني بيها دي معناها شنو ..

والشهادات هنا غرضها إنو الناس يحسوا فعلا إنو في مشكلة، وما يدفنوا الرؤوس في الرمال .. لو إنت شايفة إنو القصص المؤلمة دي فيها "entertainment" يبقي عندك مشكلة وعليك مراجعة حاجاتك ..

Quote: القصص اعلاه الانتا ذكرتها فى بوستك هذا بتاع " التوعيه " موجوده بى كثره فى ثقافه المجتمعات التى تثيرها تلك القصص والحكاوى يعنى ما محتاجه لى دكتور متخصص عشان يكشفها ...

طيب ما هي عشان "موجودة بكثرة" ونحن ما ما عايزنها تكون "موجودة بكثرة" كتبنا هذا البوست .. وهي فعلا ما محتاجة دكتور "يكشفها" .. محتاجة دكتور يحللها و ينصح الناس يعملو شنو عشان ما تحصل .. إنت في البوست ده كلو ما شفت غير القصص "التي تثير المجتمعات" ؟

Quote: نت كاطبيب الان دورك مفروض ينحصر فى الاهتمام بالمريض ومعالجته

ده يدل على جهل مدقع بدور الطبيب، خاصة الأطباء مثلنا المتخصصين في الصحة العامة .. دورنا في منع المرض والوقاية منو أهم من دورنا كمعالجين .. لكن برضو شكرا على التنبيه .. بعد 12 سنة "خدمة ثانوي" السيدة زينب نبهتني لدوري كطبيب الذي كنت غافلا عنه كل هذه السنين ..

Quote: وزى ما قال ليك الاخ تبارك خليك فى التوعيه الصحيه

ما تحاولي تربطي طرحك بطرح تبارك عشان تديهو مصداقية زائفة .. تبارك منطلقاتو مختلفة وعارف روحو بسوي في شنو ..

Quote: وعلى فكره انتم لستم اول من يحتك بمغايس المجتمع على حد زعمك.... البوليس والمتحرى الجنائى ديل بشوفوا وبسمعوا مصائب تشيب الرأس

صحيح.. لكن نحن محل ثقة الناس أكثر من الذكرتيهم ديل .. عشان كدة بنلم بتفاصيل أكتر .. بعدين المزعلك شنو لدرجة إنك قلت "على حد زعمك"؟ هذا أصلا ليس شرفا ندعيه ونقالع فيه الآخرين وإنما حقيقة واقعة ..

Quote: اخيرا لمن تقول (( يا بنات، ما في ولد مضمون في الحاجات دي .. )) وبرضو لمن تقول (( يا بنات ألا قد بلغت؟ )) بلغت مين يا عم !!!! بالله نسبه كم فى المائه من البنات بيكونوا مرو على كلامك دا

مع إحترامي لكن تعليقك المستهزئ ينم على جهل مطبق بتأثير الرسائل الزي دي .. المستهدف ليس دوما الشخص الذى قرأ البوست أو سمع الرسالة في الراديو أو في التلفزيون، الناس الحوالينو وأقرانو برضو ممكن يستفيدو من الفهم الإستفادو المتلقي الأول ..

رغم كدة، قولي إنو ما في زول من القرو البوست وصل المعلومة لزول تاني ..
البوست ده هسع قروهو 4000 شخص ..
إذا إفترضنا إنو 1000 بس منهم بنات..
منهم 500 فهموا الرسالة ..
و100 بس طبقوا الكلام الوارد في الرسالة ..
موش برضو إنجاز؟
موش بكون، أوقدت شمعة، ولو صغيرة، بدلا من لعن الظلام؟
موش أحسن من التريقة البتعملي فيها دي؟

مع إحترامي ..

كلام في الصميم .. تعرضت لنقطة مهمة سأستفيض فيها لاحقا وهي قضية أن الحمل يحدث أحيانا و غشاء البكارة موجود
هناك الكثير من الإعتقادات الخاطئة فيما يتعلق بالجنس والوقاية من الحمل منها مثلا أن البنت تبلع الحبوب يوم الممارسة وتكون آمنة من الحمل
قضية وجود مخرج آمن للحمل غير الشرعي بعيدا عن البوليس مهمة جدا وستؤدي الي تقليل المخاطر علي الأم والجنين



عزان ازيك و عودا حميدا.


المشكله انه مجتمعنا و ناس شيخ حسبو بيشوفوا انه طالما الزول غلط يبقى ما بيستاهل لا علاج ولا عنايه طبيه ولا انه يعيش زاته. البيقنع الديك منو ؟

التوعية مهمة جدا ، الجهل يتسبب في فقد كثير من الارواح الشابة ، اكثر ما صدمني بداية عملي كطبيبة امتياز بالقايني وفاة احدي الفتيات اليافعات
نتيجة Induced abortion
لابد من التوعية
بوست مهم جدا
لك التحية دكتور عزان

Quote: رغم كدة، قولي إنو ما في زول من القرو البوست وصل المعلومة لزول تاني .. البوست ده هسع قروهو 4000 شخص .. إذا إفترضنا إنو 1000 بس منهم بنات.. منهم 500 فهموا الرسالة .. و100 بس طبقوا الكلام الوارد في الرسالة .. موش برضو إنجاز؟

شخصياً نقلت جزء من البوست للفيس بوك عشان الناس تتفاعل معاهو ..
طرح جميل لمشكلة كبيرة ..

تحياتي دكتور عزان

سلامات الاخت زينب محمد....
اندهشتاجدا جدا من رد فعلك تجاه البوست.
معقولة زول طارح روحه مستنير و تقدمى يكون شايف انه البوست ده عيب يتكتب???
حقيقي اتوقعتا الكلام ده من السلفيين وانصار السنة

Quote: ولكنك استخدمت عبارات ( شوارعيه ) وكلمات مبتذله وفى اللغه العربيه الكثير من الكلمات التى كان من الممكن ان تستعيض بها لتوصيل المعلومه

كلامك ده Subjective جدا ..جدا...و كمان Offensive . معقولة?
"لغة شوارعية" ? الامثلة اللى جبتيها ما فيها اى شيء لغة شوارعية. د. عزان بيحكى فى قصة. بنفس النص اللى حصلت بيه.

Quote: البوست محشو قصص وونسات خاصه نسمعها يوميا من الحبوبات والدايات بقولوها من باب ال entertainment وما بتخدم اى غرض غير النبش فى اعراض الناس

بالجد? ده نبش اعراض ناس?? وين اسماء الناس دى? منو الناس ديل?

Quote: انت كاطبيب الان دورك مفروض ينحصر فى الاهتمام بالمريض ومعالجته وزى ما قال ليك الاخ تبارك خليك فى التوعيه الصحيه

التوعية الصحية دى بس "ما تاكل سكر كتير". "قلل الملح". "ابلع الحبوب فى مواعيده". " لو حسيت بالم فى كتفك الشمال (او اليمين, ما عارفة) مشي الحوادث طوالى".
دى بس التوعية الصحية?
كلنا ربونا كده. بعد ما يعلمونا الصاح من الغلط و يمسكونا ديننا قووووى. بحكوا لينا قصص من الدنيا عشان تكون عضة وعبرة. واغلب الناس ما بتفهم بالوصايا ال Abstract. لازم قصص من الواقع. و كونه يجى د.عزان يكتب مقال عن مخاطر العلاقات خارج الزواج ح يكون شيء عادى و البنات ديل سمعوه مليون مرة. لكن لما يجى دكتور و يحكى قصص "حقيقية" عن بنات و اولاد عانوا و مرضوا و ماتوا كمان بسبب العلاقات خارج اطار الزواج و عدم اخد الاحتياطات الازمة للحماية من الامرض و الحمل....لما يحكى القصص دى دكتور بقيبقي ده فاتح للعيةن و الاضنيين للبنات ديل.

Quote: وعلى فكره انتم لستم اول من يحتك بمغايس المجتمع على حد زعمك.... البوليس والمتحرى الجنائى ديل بشوفوا وبسمعوا مصائب تشيب الرأس

البوليس بيشوف فعلا...لكن شوف الاطباء مختلف.
الطبيب ده زول عاوز يساعد بس. ما عاوز يشوف منو المجرم و يعاقبه او يشوف منو الضحية و ينصفها. الطبيب مهمته انه يساعد الجميع عشان كده مهمته صعبة.
لحدى الان انا ما فاهمة ردك العنيف فى البوست.
ربنا يهدى النفوس

رغم أني برضو مندهش من حملة زينب على عزان (وانبراءه دفاعًا عن نفسه بنفس العنف) ...

لاكين في نقطة داير ارد عليها ( عشان ما افقد مصداقيتي )

Quote: .. محتاجة دكتور يحللها و ينصح الناس يعملو شنو عشان ما تحصل ..

كدكتور ... تتعامل مع الجنس بعازل والجنس بدون عازل وتنصح البنات والأولاد باستخدام العازل ... ما بنغالتك ... لأنو بيكون عندك بيانات وتفاصيل طبية كثيرة بتدعم كلامك دا ... لاكين البنت تمارس جنس داخل أو خارج إطار الزواج دي ما شغلتك كطبيب (ممكن تكون شغلتك كشاب عازب، كرجل سوداني ذكوري، كعضو شليق في سودانيزاونلاين يفتي في الغيب والشهادة، لاكين ما "كطبيب") ... لأنو في حياتي ما سمعت بى مستشفى أو مركز صحي بيصدر قسيمة زواج أو مخوّل طبيًا بعقد القران ومتابعة تطبيق شروط القسيمة وممارسة الجنس داخل وخارج إطار الزواج وتحصيل المهور وتقسيط شهري لمؤخر الصداق ...

هذه مسائل اجتماعية وليست طبية ... عندك ليها مدخل علمي؛ ارمي بياضك ... ما عندك؛ ياهو رايك زي راي ناس نحنا وجاي ... ما تشبكنا DHS ومصطلحات متقعّرة ما ليها علاقة بالوعظ بتاعك دا ...

يعني المصداقيات اتلاحقت في الحتة دي ...

(بعدين انا شايف محاولات تشويه سمعة الاولاد المضمونين بتقع في خانة "الغيرة" لا غير )









... المهم ....

Quote: كدكتور ... تتعامل مع الجنس بعازل والجنس بدون عازل وتنصح البنات والأولاد باستخدام العازل ... ما بنغالتك ... لأنو بيكون عندك بيانات وتفاصيل طبية كثيرة بتدعم كلامك دا ... لاكين البنت تمارس جنس داخل أو خارج إطار الزواج دي ما شغلتك كطبيب (ممكن تكون شغلتك كشاب عازب، كرجل سوداني ذكوري، كعضو شليق في سودانيزاونلاين يفتي في الغيب والشهادة، لاكين ما "كطبيب") ... لأنو في حياتي ما سمعت بى مستشفى أو مركز صحي بيصدر قسيمة زواج أو مخوّل طبيًا بعقد القران ومتابعة تطبيق شروط القسيمة وممارسة الجنس داخل وخارج إطار الزواج وتحصيل المهور وتقسيط شهري لمؤخر الصداق ... هذه مسائل اجتماعية وليست طبية ... عندك ليها مدخل علمي؛ ارمي بياضك ... ما عندك؛ ياهو رايك زي راي ناس نحنا وجاي ... ما تشبكنا DHS ومصطلحات متقعّرة ما ليها علاقة بالوعظ بتاعك دا ... يعني المصداقيات اتلاحقت في الحتة دي ...

حبيبنا تبارك ..
على العكس تماما، أنا كنت واقعي جدا و ما قلت الناس يبطلوا يمارسو الجنس .. قلت إنو ده الخيار الأول للوقاية من الحاجات دي، بعد داك قلت لكن لأنو كتير من الناس ما بتتبع الخيار ده فأحسن يعملوا حسابهم من عقابيل الممارسات ..
وأنا ما جبت حاجة من عندي، دي الإستراتيجية بتاعة الوقاية من الإيدز الموصى بها من UNAIDS وباقي الأجسام الشغالة في المجال ده و ماشي بيها العالم كلو ..
وبسموها ABC

Abstinence
Be faithful
Condom

تحياتي وخليك معانا

Quote: شخصياً نقلت جزء من البوست للفيس بوك عشان الناس تتفاعل معاهو .. طرح جميل لمشكلة كبيرة .. تحياتي دكتور عزان

شكرا عمر للتداخل والتفاعل مع البوست
تحياتي

Quote: التوعية مهمة جدا ، الجهل يتسبب في فقد كثير من الارواح الشابة ، اكثر ما صدمني بداية عملي كطبيبة امتياز بالقايني وفاة احدي الفتيات اليافعات نتيجة Induced abortion لابد من التوعية بوست مهم جدا لك التحية دكتور عزان

شكرا دكتورة أماني
تحياتي

اقسي ما يواجه الطبيب هو موت مريضه ، خاصة إذا كان هذا الموت Avoidable
فيدخل في مجال عمله كل ما يمكن عمله لتجنب هذه النهايات التي يمكن تجنبها حفاظا علي صحة الانسان وكرامته وبشريته فوظيفته طبيب بشري
وال public healthيشمل كل ذلك
ما ورد في هذا البوست من معالجات هي من صميم عمله كطبيب مع الاجتهاد والاهتمام الانساني الذي يحسب له لا عليه
تحايا للجميع هنا

د.عزان ..

ما عندي إضافة ممكن افيد بيها البوست... بس حبيت أسجّل اعجابي بطريقة مناولتك للموضوع... والحقيقة انه مفيد وصادم جداً.. من الحاجات الأدهشتني جهل البنات بطريقة استخدام حبوب منع الحمل، وده حقيقة مؤشر خطير لمستوى الوعي التعليمي لشريحة يفترض انها وصلت مستوى جامعي... يعني لما واحدة جامعية ما تكون فاهمة شي بحصل ليها بصورة دورية شهرية مما تكون عمرها 11-13 سنة، وتتعامل مع المسألة بالسذاجة دي، فأعتقد انه المشكلة كبيرة جداً... بتجاوز الاسباب الاجتماعية والثقافية والتربوية الكتيره الممكن تخلي بت تقع فريسة شخص، في مشكلة أكبر وهي تدني المستوى التعليمي للجيل ده... (تبارك عليك الله ما تقول لي احصاءات)... انا بالجد مندهشة انه واحدة تكون ما عندها أدنى مستوى معرفي بي شي بمسّها بصورة شخصية جداً.. طبعا ما تجاوز دهشتي لإنها أساسا ماشه تعمل مصايب زي دي...

اعتقد انه البوست ده مهم جداً يلقى طريقو لأكبر عدد ممكن من البنات عشان هم محتاجين انهم يعرفوا المعلومات دي... والموضوع موضوع حياة أو موت سواءاً ليها أو لأي طفل ينتج من العلاقة دي... عن نفسي حأنزل عنوان البوست في توتير (رغم انه عدد الناس المعاي قليل).. واتمنى لو الكل ينزل العنوان للبوست في حساباتهم في مواقع التواصل الاجتماعي... خلونا نكون ايجابيين ونحاول بقدر الإمكان نساهم في توعية... ومين عارف، يمكن الحراك البسيط ده يولّد موجه... ويلقى أشكال تانية يصل بيها الناس...

تحياتي يا دكتور وألف شكر ليك مرّة تانية

الاخ عزان سلام

يبدو انك من الناس الذين يزعجهم النقد ويطربهم المدح فقط..... وبما انك مقدم نفسك كاطبيب كنت مفتكرا ردودك -- خاصه للذين يختلفون معك -- اكثر اتزانا

الطبيب يجب ان لا يكون ( emotional )

يعنى 99% من المشاركين فى البوست متفقين معك ...طيب ليه الانزعاج من راى شخص واحد ...ياخى اخدنى على قدر عقلى واشرح لى الحاجه الانا ما فهمتها وينوبك ثواب

ما علينا المهم اعيد ليك للمره التانيه اختلافى مع ما كتبت بصوره اكثر توضيحا وتحديدا

1 . انت عزان سعيد كاعضو فى سودانيز اونلاين من حقك تكتب فى ما تشاء من المشكلات الاجتماعيه الاقتصاديه اى ظاهره سالبه موجبه انت حر زيك وزى الاعضاء الباقين
وايضا انت عزان سعيد كاطبيب من حقك تكتب عن الطب والعلاج والدواء والوقايه وكل ما يتعلق بمهنه الطب

لكن انا اختلافى معك فى هذا البوست فى انك عايز تناقش مشكله اجتماعيه وعايز تنصح البنات -- وطبعا كما قلت سابقا دا من حقك -- لكن عايز تضرب سياج حول طرحك للمشكله بأنك انت طبيب
وبالتالى ( اهل مكه ادرى بى شعابها ) وانت قلت بالحرف :

(( كأطباء، دوما ندفع ضريبة أن نكون أول و أكثر من يحتك بالمغايس الموجودة في المجتمع ..))

يعنى عايز تقول للناس اسكتوا ....انا كا طبيب اول واكثر من يحتك بالمغايس فى المجتمع

انا قلت ليك لا انت مش اول ولا اكتر من يحتك بى مغايس المجتمع

يعنى لمن يوجد طفل حديث الولاده ملقى على قارعه الطريق الناس فى الدول المتقدمه بتمشى بتبلغ البوليس وبعديها

بحول للمستشفى وعلى الطبيب ان يقوم بالعلاج على اكمل وجه

وبعدين ليه تعتبر بانو ما ينتج من المجازفه بره بره يقع على راسك ؟ انت ما ولى امر الناس دى .... المشكله بتهم كل من له ضمير بالتساوى سواء كان
طبيب اوجزار او محامى او اى انسان عادى

بالنسبه للقصص الانتا بتسميها "شهادات " دى ونسات عاديه وشمارات فلانه دى حملت ودى اجهضت ودى طلقوها من شهر العسل عشان لقوها غير عذراء
وفلان ليه اربعه سنه بعيد من زوجته .....الح القصص الزى دى بتخدم موضوعك بتاع البوست " التوعوى " فى ايه ؟

مشكلتك عايز تخلط الاشياء ...عايز تعمل ناصح ودا من حقك كما اسلفنا .. وفى نفس الوقت مدخل مهنتك كطبيب فى الموضوع

نجى لى العبارات المبتذله فى بوستك :

اولا انت عشان اخترت تتكلم وتوعظ بى صفتك " كاطبيب " we will hold you in high stander

كلمه فرشه عباره مبتذله وما كان فى ليها اى داعى

كلمه مفتوحه كلمه مبتذله ويمكن استعمال كلمه غير عذراء بدلا عنها

استعمال عباره "قله ادب " للاشاره لى ممارسه الجنس استعمال خاطىء وهذه الكلمه تحمل مدلول سلبى وحتى الرجل والمرأة المتزوجين
احساسهم عند الممارسه كانهم بعملوا فى حاجه خطأ نتيجه لى ترسيخ هذه العباره فى اذهانهم منذ الصغر

اخيرا انت كتبت: (( دورنا في منع المرض والوقاية منو أهم من دورنا كامعالجين ))

سؤال ياتو مرض الانتا عايز تمنوا فى موضوع البوست ؟ اللهم الا لو انت دكتور تخصص مرض حامد

الاخت اسمارت سلام

انت كتبتى: (( معقولة زول طارح روحه مستنير و تقدمى يكون شايف انه البوست ده عيب يتكتب??? ))

متين انا طرحتا نفسى مسنيره وتقدميه ؟

اولا مافى حد بيطرح نفسه مستنير وتقدمى....... الناس بتطرح افكارها ووجهات نظرها البعض قد يتفق معها ويراها افكار مستنيره وتقدميه والبعض الاخر
يختلف معها ويعتبرها افكار رجعيه ومتخلفه مافى حاجه ثابته ...

ثانيا بتين انا شفت انو البوست دا عيب يتكتب ؟.....يا جماعه حقو نكون دقيقين فى كلامنا

الأخت زينب سلام تاني

Quote: يبدو انك من الناس الذين يزعجهم النقد ويطربهم المدح فقط..... وبما انك مقدم نفسك كاطبيب كنت مفتكرا ردودك -- خاصه للذين يختلفون معك -- اكثر اتزانا الطبيب يجب ان لا يكون ( emotional

أسلوبك لم يكن أسلوب نقد بناء .. مداخلتك كانت مليئة بالتهكم والتريقة والإتهامات المجانية .. ومن يزرع الشوك لا يحصد العنب .. ودونك دهشة تبارك واسمارت حول حدة مداخلتك، رغم إنو أنا ما بعرفك و لم يسبق لي التعامل معك في هذا البورد..
بعدين عندك فرض وصاية غريب بيديك الحق كل مرة توريني إنو أنا كطبيب مفروض أكون عامل كيف .. مرة توريني دوري كطبيب أعمل شنو وهسع جاية توريني إنو الطبيب مفروض ما يكون عاطفي..
يعني، يا أخت زينب، إنت عايزة تجي تكتبي كلام حاد وتهكمي ومنتظرة - عشان أنا كطبيب وما مفروض أكون عاطفي- أقدم ليك الأزهار والورود؟

لو كان نقدك موضوعي وأسلوبك محترم بعيد من التهكم والتريقة لرددنا التحية بأحسن منها .. لكن زي ما بقولو أهلنا "الجمل ما بشوف عوجة رقبتو" .. وإنت تطالبين برد متزن على مداخلة غير متزنة ..

Quote: يعنى 99% من المشاركين فى البوست متفقين معك ...طيب ليه الانزعاج من راى شخص واحد ...ياخى اخدنى على قدر عقلى واشرح لى الحاجه الانا ما فهمتها وينوبك ثواب

انت ما جيتي كايسة فهم ولا سألت عشان يشرحوا ليك .. انت جيتي بقناعات مسبقة وشايلة قلمك الأحمر وسوطك زي أستاذ الإبتدائي ..

Quote: لكن انا اختلافى معك فى هذا البوست فى انك عايز تناقش مشكله اجتماعيه وعايز تنصح البنات -- وطبعا كما قلت سابقا دا من حقك -- لكن عايز تضرب سياج حول طرحك للمشكله بأنك انت طبيب

هذا كلام لم أقله وعار تماما من الصحة .. ولا أفهم كيف عايز اضرب سياج حول طرحي عشان أنا طبيب؟

Quote: طبيب وبالتالى ( اهل مكه ادرى بى شعابها ) وانت قلت بالحرف : (( كأطباء، دوما ندفع ضريبة أن نكون أول و أكثر من يحتك بالمغايس الموجودة في المجتمع ..)) يعنى عايز تقول للناس اسكتوا ....انا كا طبيب اول واكثر من يحتك بالمغايس فى المجتمع

الأستاذة زينب ..
يبدو - بصورة واضحة - إنو ما عندك حاجة تقوليها، عشان كدة بتقوليني في كلام ما قلتو وبتبني عليهو إفتراضات غير صحيحة .. يعني "أهل مكة أدرى بشعابها" ده تخريز من راسك ساي، وكذلك "يعنى عايز تقول للناس اسكتو" .. ده إفتراض جيتي بيهو إنتي وعايزة تبرري بيهو ردك غير الموضوعي ..

الرجاء إنك ما تضعي كلام على لساني من محض بنات أفكارك وتبني عليهو أحكام ..

Quote: يعنى لمن يوجد طفل حديث الولاده ملقى على قارعه الطريق الناس فى الدول المتقدمه بتمشى بتبلغ البوليس وبعديها بحول للمستشفى وعلى الطبيب ان يقوم بالعلاج على اكمل وجه وبعدين ليه تعتبر بانو ما ينتج من المجازفه بره بره يقع على راسك ؟ انت ما ولى امر الناس دى .... المشكله بتهم كل من له ضمير بالتساوى سواء كان طبيب اوجزار او محامى او اى انسان عادى

نحن ما في الدول المتقدمة .. نحن بنتكلم عن واقعنا بتاع السودان ده، الفيهو البوليس بجرجر البنات والرجال بهدومهم اللقاهم بيها للمستشفى عشان اورينك 8 وبعدين للقسم حيث يتعرض معظم البنات ل sexual harassment وواحدين بصوروهم كمان ..

Quote: بالنسبه للقصص الانتا بتسميها "شهادات " دى ونسات عاديه وشمارات فلانه دى حملت ودى اجهضت ودى طلقوها من شهر العسل عشان لقوها غير عذراء وفلان ليه اربعه سنه بعيد من زوجته .....الح القصص الزى دى بتخدم موضوعك بتاع البوست " التوعوى " فى ايه

يا أخت زينب زي ما قلت ليك إنت بتضيفي حاجات من عندك لأنو واضح إنك عاجزة عن الإتيان بكلام موضوعي .. يعني الزول البيقرا كلامك ده و لم يمر علي البوست حيعتقد فعلا إنو أنا كنت بتكلم عن الكلام الفارغ الفوق ده، خليك دقيقة وقولي الأمثلة الأوردتها أنا بدلا من محاولة تضليل القارئ بكلام من عندك ودي حاجة non-ethical .. متين أنا قلت حاجات زي دي؟

Quote: فلانه دى حملت ودى اجهضت ودى طلقوها من شهر العسل عشان لقوها غير عذراء وفلان ليه اربعه سنه بعيد من زوجته

أنا جبت شهادة زولة اتكلمت معاها بالتلفون وقصة كنت شاهدا عليها في الجامعة .. وللمرة التانية دي ما شمارات.. دي قصص واقعية أنا كنت شاهد عليها .. وزي ما قلت ليك في الرد السابق بتخدم البوست لأنها بتدي الناس sense of reality ..

Quote: نجى لى العبارات المبتذله فى بوستك : اولا انت عشان اخترت تتكلم وتوعظ بى صفتك " كاطبيب " we will hold you in high stander كلمه فرشه عباره مبتذله وما كان فى ليها اى داعى كلمه مفتوحه كلمه مبتذله ويمكن استعمال كلمه غير عذراء بدلا عنها

and who are you to judge?
هذه المسائل نسبية، ما ترينه أنت مبتذل أراه أنا وغيري مناسب حسب ما يستخدم ويجري في المجتمع .. لو إنت برة السودان وما محتكة بشريحة الشباب حتكتشفي إنو العبارات دي أصبحت أكثر من عادية ..
أنا غير ملزم طبعا بحكمك على عباراتي لأنو زي ما قالت سمارت subjective .. بقدر الإمكان حاولت إنو ما أستخدم عبارات تانية وإستعضت عنها بالتلميح ..

Quote: مشكلتك عايز تخلط الاشياء ...عايز تعمل ناصح ودا من حقك كما اسلفنا .. وفى نفس الوقت مدخل مهنتك كطبيب فى الموضوع

يا ريت أعرف قصة إنو أنا مدخل مهنتي كطبيب البتحشريها كل مرة دي مشكلتك معاها شنو .. أنا لمن ذكرت إنو أنا طبيب كان في سياق أوري الناس كيف إنو أنا حصلت على شهادة البت ..

Quote: استعمال عباره "قله ادب " للاشاره لى ممارسه الجنس استعمال خاطىء وهذه الكلمه تحمل مدلول سلبى وحتى الرجل والمرأة المتزوجين احساسهم عند الممارسه كانهم بعملوا فى حاجه خطأ نتيجه لى ترسيخ هذه العباره فى اذهانهم منذ الصغر

زي ما قلت ليك بتضعي عبارات علي لساني يا إما لأنك ما قريتي كويس أو لغرض إنك تهاجمي وبس .. أنا ما استعملت عبارة قلة الأدب لأصف ممارسة الجنس per se وإنما لأصف ال promiscuity

Quote: سؤال ياتو مرض الانتا عايز تمنوا فى موضوع البوست

بالله عليك خليك متسقة مع نفسك مرة واحدة بس وخلي غرضك إنك تهاجميني .. و حتلقي الإجابة بنفسك لأنها أوضح من ضوء الشمس

Quote: اللهم الا لو انت دكتور تخصص مرض حامد

آن لأبي حنيفة أن يمد رجله ..

سلام يا زينب ..

Quote: د.عزان .. ما عندي إضافة ممكن افيد بيها البوست... بس حبيت أسجّل اعجابي بطريقة مناولتك للموضوع... والحقيقة انه مفيد وصادم جداً.. من الحاجات الأدهشتني جهل البنات بطريقة استخدام حبوب منع الحمل، وده حقيقة مؤشر خطير لمستوى الوعي التعليمي لشريحة يفترض انها وصلت مستوى جامعي... يعني لما واحدة جامعية ما تكون فاهمة شي بحصل ليها بصورة دورية شهرية مما تكون عمرها 11-13 سنة، وتتعامل مع المسألة بالسذاجة دي، فأعتقد انه المشكلة كبيرة جداً... بتجاوز الاسباب الاجتماعية والثقافية والتربوية الكتيره الممكن تخلي بت تقع فريسة شخص، في مشكلة أكبر وهي تدني المستوى التعليمي للجيل ده... (تبارك عليك الله ما تقول لي احصاءات)... انا بالجد مندهشة انه واحدة تكون ما عندها أدنى مستوى معرفي بي شي بمسّها بصورة شخصية جداً.. طبعا ما تجاوز دهشتي لإنها أساسا ماشه تعمل مصايب زي دي...

شكرا الأستاذة مريم
السودان ما فيهو sex education و ما أظن يكون في قريب ..البنات غير المتزوجات ما عندهم وسيلة للحصول على معلومات عن وسائل منع الحمل لأنو الطريقة الوحيدة هي في مراكز الصحة الإنجابية التي يرتادها النساء الحوامل والمتزوجات ..
المعرفة الموجودة سماعية عشان كدة بيختلط فيها الأسطورة مع الحقيقة ..

تحياتي وشكري

Quote: اقسي ما يواجه الطبيب هو موت مريضه ، خاصة إذا كان هذا الموت Avoidable فيدخل في مجال عمله كل ما يمكن عمله لتجنب هذه النهايات التي يمكن تجنبها حفاظا علي صحة الانسان وكرامته وبشريته فوظيفته طبيب بشري وال public healthيشمل كل ذلك ما ورد في هذا البوست من معالجات هي من صميم عمله كطبيب مع الاجتهاد والاهتمام الانساني الذي يحسب له لا عليه تحايا للجميع هنا

شكرا يا دكتورة
ومرحب بيك مجددا

فعلا، نحن بنعتقد انو التأثير بتاع الpublic health أشمل وبيصل لناس كثيرين ..
الطبيب في العيادة ممكن ينقذ روح أو إثنين لكن التوعية والتدخلات الصحية ( التطعيم مثلا) بتنقذ ملايين الأرواح .

تحياتي

أخونا العزيز د. عـزان سلامات،،

أشكرك كتير على تناولك الجرئ لهذا الموضوع الهام..

حقيقة أنا سعيد باني أشوف بوست هادف ومميز مثل بوستك دا. فبلاشك منبرنا دا عامر وزاخر بكل التخصصات المختلفة وياريت لو كتب كل منا عن معارفه وخبراته فيما يفيد به معالجة كتير من المشاكل في مجتمعنا. إبتدارك لمثل هذا النوع من البوستات عمل طيب ويستحق الإشادة ، كما أرجوا أن لا تتسبب بعض الإنتقادات التي وجهت لطريقة طرحك للموضوع لتثبيط همتك أو إثناءك عن المواصلة في مثل هذه المواضيع الهادفة وذات المردود الإيجابي.

أعتقد أنوا القيم الأخلاقية والعادات في أي مجتمعاً كان تكون في حالة حراك دائم يؤثر ويتأثر بالمجتمعات الحوله مع مرور الزمن والتواصل مع الآخر، ولذلك لا أعتقد أن هناك ثوابت مطلقة حاضنة لمنظومة القيم الأخلاقية والعادات، ففي زمن العولمة التغيير لا محالة حاصل وبصورة أسرع مما نتخيل مهما تحصنا بخنادق الاخلاق والعادات. ولذلك بوستك دا في الصميم لأنه يتطرق بجراءة عن المسكوت عنه، ويتحدى كهنوت الحاكمين بأسم الله والرافضين لنشر التوعية الجنسية لطلبة المدارس كما تفعل الدول المتحضرة. وها نحن اليوم نحصد جهالاتهم ونسمع ما يشيب له الولدان! من وأد، ورمي لأطفال حديثي الولادة في الشوارع، وجرائم الشرف والإجهاض المميت، والزيادة المخيفة في نسبة إنتشار مرض الأيدز والأمراض المنتقلة عبر الإتصال الجنسي.

التحية لك مجدداً ونتمنى نشوف مزيداً من البوستات التوعوية.

محبتي

سلآمات يا دكتور.

Quote: كلمه فرشه عباره مبتذله وما كان فى ليها اى داعى

نعم، وكذلك في العنوان المجازفة برة برة.

Quote: لو إنت برة السودان وما محتكة بشريحة الشباب حتكتشفي إنو العبارات دي أصبحت أكثر من عادية ..

اكتر من عادية كيف يعني ؟؟؟،
يعني ممكن الولد والبنت يستعملوها عاااااادي في صينية
الغدا مع أُمهم وابوهم ؟؟؟.
إذا كانت مستخدمة في وسط الشباب وفيما بينهم فقط،
تكون ما اكثر من عادية، ولا حتي عادية.


تحياتي...

الأخ معاوية
سلامات

Quote: نعم، وكذلك في العنوان المجازفة برة برة.

إسمح لي أن أختلف معك .. المجازفة برة برة هي تعبير إستخدمه العسكري ولا أعتقد أنه شائع ومستخدم .. ولا أعتقد أنه قد يفهم منه ما قصد في هذا البوست خارج سياق القصة ..

Quote: كتر من عادية كيف يعني ؟؟؟، يعني ممكن الولد والبنت يستعملوها عاااااادي في صينية الغدا مع أُمهم وابوهم ؟؟؟. إذا كانت مستخدمة في وسط الشباب وفيما بينهم فقط، تكون ما اكثر من عادية، ولا حتي عادية.

بالضبط يا معاوية، لكل مقام مقال، والبتستعملو بين الشباب بختلف من البتستعملو مع أمك وأبوك في صينية الغدا ..
البوست ده موجه للشباب ديل، ممكن تعتبرو ونسة معاهم جنب عمود الكهربا أو تحت نيمة ناس حاج عثمان .. البيعتقد إنو الونسة دي فيها حاجات مبتذلة وخادشة للحياء مكانو بكون محفوظ جنب امو وابوهو في صينية الغدا ..

تحياتي وشكري علي المداخلة

تم سحب الكلمة المشار إليها ..
ليس لأنو أنا مقتنع بإنها غير مناسبة لكن أنا في غنى عن جدل ممكن تسببو، وياخد من زمن أنا بقتطعو بصعوبة عشان أكمل البوست ..
وكمان عشان الناس تحاول تناقش في موضوع البوست بدل ما الواحد ينسى الموضوع الأساسي ويعمل مداخلة عشان كلمة ..

تحياتي للجميع

Quote: خونا العزيز د. عـزان سلامات،، أشكرك كتير على تناولك الجرئ لهذا الموضوع الهام.. حقيقة أنا سعيد باني أشوف بوست هادف ومميز مثل بوستك دا. فبلاشك منبرنا دا عامر وزاخر بكل التخصصات المختلفة وياريت لو كتب كل منا عن معارفه وخبراته فيما يفيد به معالجة كتير من المشاكل في مجتمعنا. إبتدارك لمثل هذا النوع من البوستات عمل طيب ويستحق الإشادة ، كما أرجوا أن لا تتسبب بعض الإنتقادات التي وجهت لطريقة طرحك للموضوع لتثبيط همتك أو إثناءك عن المواصلة في مثل هذه المواضيع الهادفة وذات المردود الإيجابي. أعتقد أنوا القيم الأخلاقية والعادات في أي مجتمعاً كان تكون في حالة حراك دائم يؤثر ويتأثر بالمجتمعات الحوله مع مرور الزمن والتواصل مع الآخر، ولذلك لا أعتقد أن هناك ثوابت مطلقة حاضنة لمنظومة القيم الأخلاقية والعادات، ففي زمن العولمة التغيير لا محالة حاصل وبصورة أسرع مما نتخيل مهما تحصنا بخنادق الاخلاق والعادات. ولذلك بوستك دا في الصميم لأنه يتطرق بجراءة عن المسكوت عنه، ويتحدى كهنوت الحاكمين بأسم الله والرافضين لنشر التوعية الجنسية لطلبة المدارس كما تفعل الدول المتحضرة. وها نحن اليوم نحصد جهالاتهم ونسمع ما يشيب له الولدان! من وأد، ورمي لأطفال حديثي الولادة في الشوارع، وجرائم الشرف والإجهاض المميت، والزيادة المخيفة في نسبة إنتشار مرض الأيدز والأمراض المنتقلة عبر الإتصال الجنسي. التحية لك مجدداً ونتمنى نشوف مزيداً من البوستات التوعوية. محبتي

الأخ العزيز أحمد عالم
تشكر على المرور والمداخلة الثرة

للأسف كما تفضلت نحن نحصد زراعة 25 عاما من تجارب الكيزان الفاشلة ..
حتى ولو ذهبوا، سنحتاج زمن طويل جدا لترميم و إصلاح ما أسدوه في كل المجالات..

تحياتي وشكري

Quote: حقيقة أنا سعيد باني أشوف بوست هادف ومميز مثل بوستك دا. فبلاشك منبرنا دا عامر وزاخر بكل التخصصات المختلفة وياريت لو كتب كل منا عن معارفه وخبراته فيما يفيد به معالجة كتير من المشاكل في مجتمعنا. إبتدارك لمثل هذا النوع من البوستات عمل طيب ويستحق الإشادة ، كما أرجوا أن لا تتسبب بعض الإنتقادات التي وجهت لطريقة طرحك للموضوع لتثبيط همتك أو إثناءك عن المواصلة في مثل هذه المواضيع الهادفة وذات المردود الإيجابي. أعتقد أنوا القيم الأخلاقية والعادات في أي مجتمعاً كان تكون في حالة حراك دائم يؤثر ويتأثر بالمجتمعات الحوله مع مرور الزمن والتواصل مع الآخر، ولذلك لا أعتقد أن هناك ثوابت مطلقة حاضنة لمنظومة القيم الأخلاقية والعادات، ففي زمن العولمة التغيير لا محالة حاصل وبصورة أسرع مما نتخيل مهما تحصنا بخنادق الاخلاق والعادات. ولذلك بوستك دا في الصميم لأنه يتطرق بجراءة عن المسكوت عنه، ويتحدى كهنوت الحاكمين بأسم الله والرافضين لنشر التوعية الجنسية لطلبة المدارس كما تفعل الدول المتحضرة. وها نحن اليوم نحصد جهالاتهم ونسمع ما يشيب له الولدان! من وأد، ورمي لأطفال حديثي الولادة في الشوارع، وجرائم الشرف والإجهاض المميت، والزيادة المخيفة في نسبة إنتشار مرض الأيدز والأمراض المنتقلة عبر الإتصال الجنسي.

Very well spoken

Quote: وأنا ما جبت حاجة من عندي، دي الإستراتيجية بتاعة الوقاية من الإيدز الموصى بها من UNAIDS وباقي الأجسام الشغالة في المجال ده و ماشي بيها العالم كلو .. وبسموها ABC Abstinence Be faithful Condom تحياتي وخليك معانا

Now you are talking politics

انت عارف انو الإستراتيجية دي فرضها اليمين الأمريكي في عهد بوش ... وعلى أسس غير علمية بتاتًا وإنما "أخلاقية" (بمعايير اليمين الامريكي) ...

ما تعمل رايح ... حضرت مظاهراتنا هنا مع Code Pink والمؤسسات العلمية الرفضت الفكرة اليمينية ...

في الآخر بوش استخدم كرت "التمويل" لو بتتذكر ... قال البرنامج البيختلف معانا ما بنموّلو ...

انت بقيت جمهوري ولاّ شنو يا عزان؟




... المهم ....

بعدين انت بتتكلم عن "المجازفة برة برة" ...

"الولد المضمون" مفروض يكون تبع Be Faithful ... ما تبع "المجازفة برة برة" ...

اللهم إلاّ لو كان معيارك "قسيمة الزواج" ... في الحالة دي بندخل في "خرافة الزوج غير المصاب بالإيدز" ... وهي خرافة لها ضحايا غير محصورين في إحصائيات ..

(قلنا ليك وكت انت ما مصلح اجتماعي ولا مفكّر ولا فيلسوف ... خليك في الطب ودع الخلق للخالق ... بل الإنسان على نفسه بصيرا)








... المهم ....

Quote: انت عارف انو الإستراتيجية دي فرضها اليمين الأمريكي في عهد بوش ... وعلى أسس غير علمية بتاتًا وإنما "أخلاقية" (بمعايير اليمين الامريكي) ... ما تعمل رايح ... حضرت مظاهراتنا هنا مع Code Pink والمؤسسات العلمية الرفضت الفكرة اليمينية ... في الآخر بوش استخدم كرت "التمويل" لو بتتذكر ... قال البرنامج البيختلف معانا ما بنموّلو ...

تبارك يا حبيب
المهم، إنها دي الإستراتيجية المعتمدة من الأمم المتحدة وشغال بيها العالم كلو لمكافحة الإيدز ..

Quote: انت بقيت جمهوري ولاّ شنو يا عزان؟

معقولة يا تبارك؟ أخوك لم "يصبأ" .. ديمقراطي للآخر وسنة 2012 مارست حقي وصوت لأوباما من مدينة الجنينة حاضرة غرب دارفور..
أول مرة في حياتي أحس إنو My vote counts

تحياتي

Quote: بعدين انت بتتكلم عن "المجازفة برة برة" ... "الولد المضمون" مفروض يكون تبع Be Faithful ... ما تبع "المجازفة برة برة" ... اللهم إلاّ لو كان معيارك "قسيمة الزواج" ... في الحالة دي بندخل في "خرافة الزوج غير المصاب بالإيدز" ... وهي خرافة لها ضحايا غير محصورين في إحصائيات ..

طيب ما ياهو كلامي ذاتو يا تبارك ..
نحن بنقول إنو الولد ما مضمون لما يكون تبع "المجازفة برة برة" ...
في حاجات حددناها ..
وانو البت هي المفروض تضمن سلامتها وما تعتمد عليهو..

وقفنا وين؟

ولو حصل حمل، ما تمشي لى داية عشان تعمل ليك إجهاض، بتكتلك وبتبقى عليك وعلى أهلك ميتة وفضيحة

الإجهاض غير الطبي clandestine abortion أحد أهم وأكبر أسباب وفيات الأمهات في دول العالم الثالث ..
في الدول المتقدمة يتم الإجهاض بواسطة أطباء خبراء مما يضمن سلامة الأم و تلقيها الرعاية المناسبة نفسيا وجسديا بعد إجراء عملية الإجهاض ..
في الدول التي يعتبر فيها الإجهاض غير قانوني وغير شرعي أو قانوني ولكنه عالي التكلفة تلجأ الفتيات لأشخاص غير مؤهلين للتخلص من الحمل أو يقمن بأنفسهن بمحاولة التخلص منه بطرق غير طبية ..

لمثل هذا النوع من الوسائل أخطار كبيرة فهو قد يؤدي إلى:
- النزيف الشديد
- ثقب الرحم
- وجود بقايا داخل الرحم مما يؤدي لآلام شديدة وعدم توقف النزيف
- الإلتهاب الذي قد يؤدي الي تسمم الدم و الوفاة
- كما إن الإلتهاب إن لم يؤدي إلي الوفاة قد يؤدي إلي انسداد في قنوات فالوب وبالتالي العقم

وقد أثبتت الدراسات التي أجريت من قبل صندوق الأمم المتحدة للسكان وغيره من المؤسسات العاملة في مجال الصحة الإنجابية أن أكثر تدخل صحي فعال لتقليل وفيات الأمهات هو منع الحمل بوسائل تنظيم الأسرة ..

في بلد مثل السودان، الوسيلة الوحيدة لتجنب ويلات الإجهاض في حالات الحمل غير الشرعي هي منع هذا الحمل من الأساس ..
ووسيلة منع الحمل الأنجع في حالات العلاقات الجنسية الطارئة casual هي العازل الذكري أو الكوندوم ..

فالحبوب يجب أن تؤخذ طيلة الشهر وبإنتظام وهي مناسبة للعلاقات الداذمة مع شريك واحد كالزواج ..
لكن في حالة العلاقات المتعددة و الطارئة و الغير محكومة بزمان ومكان محددين وثابتين فإن الكوندوم يبقى الخيار الأمثل ..

وميزة الكوندوم الإضافية "العظيمة" أنه يحمي من الأمراض الجنسية ..

عصفوران بحجر واحد ..

فيا بنات .. إن كنتن "لابد فاعلات" فلا تفعلنها بلا كوندوم ..

Quote: المهم، إنها دي الإستراتيجية العتمدة من الأمم المتحدة وشغال بيها العامل كلو لمكافحة الإيدز ..

بالغت يا دكتور ... بقيت ما بتفرز استراتيجيات المنظمات الخيرية من استراتيجية الأمم المتحدة للأيدز 2011-2015 ... والتي تنص على:

Quote: Advance human rights and gender equality for the HIV response social and legal environments that fail to protect against stigma and discrimination or to facilitate access to HIV programmes continue to block universal access. Countries must make greater efforts: to realize and protect HIV-related human rights, including the rights of women and girls; to implement protective legal environments for people living with HIV and populations at higher risk of HIV infection; and to ensure HIV coverage for the most underserved and vulnerable communities. People living with and at higher risk of HIV should know their HIV-related rights and be supported to mobilize around them. Much greater investment should be made to address the intersections between HIV vulnerability, gender inequality and violence against women and girls.

حق البنات في "الولد المضمون" ... وعدم تلويث سمعته بالوعظ عن "الإطار الزواجي" ...




... المهم ....

يا تبارك ما عذبتنا

The ABC approach

Quote: The slogan seems to have first been adopted by the Botswana government in the late 1990s

بعدين:

Quote: But since the use of this slogan in Botswana there have been other variations which have more specific definitions, most notably those adopted by the US-funded PEPFAR initiative, and others adopted by UNAIDS.

UNAIDS دي وكالة الأمم المتحدة المختصة بمكافحة الإيدز .. وإتبنت ال ABC بإضافة بعض التعديلات:

Quote: For UNAIDS, ABC means: A bstinence or delaying first sex B eing safer by being faithful to one partner or by reducing the number of sexual partners C orrect and consistent use of condoms for sexually active young people, couples in which one partner is HIV-positive, sex workers and their clients, and anyone engaging in sexual activity with partners who may have been at risk of HIV exposure.

المرجع:
http://aids.md/aids/index.php?cmd=itemandid=264#unaids-definition

تحياتي ياخ، الليلة ما عندك محكمة تترجم فيها ؟

ياخي جايب ليك برنامج بتاع جمهورية ملدوفا وبتسوانا ... وداير تجلطهم في استراتيجية الامم المتحدة؟ ...

عزان حرام عليك ياخ ...

بوظت على يوم اجازتي







... المهم ...

Quote: عندنا البيجيهو حفيد من ابنة غير متزوجة بيتكيها يضبحها ... وعندنا البيجيهو حفيد من ابنة غير متزوجة فيقول: بنقول حبابو وبنسميهو "الله جابو"

سلامات يا تبارك.
كلنا عارفين السودان فيه ثقافات مختلفة.
وبالمناسبة موضوع الضبح ده مبالغة منك. انا -شخصيا- ما سمعتا بسودانى ضبح بنتو.
لكن بوست عزان(ذى ما انت قلتا) فيه جانبين. جانب "احمى روحك صحيا باستخام العازل" و جانب "ما تثقي فى ولد".
اها يا فرة, ناس "الله جابو" ديل ممكن يكون بهمهم الشق الاول بس من البوست. مفروض عزان يقول فى البوست :
يا خى اذا اهلك (وانتى) Ok ....بان صورك فى النت و الاسافير. Ignore الجزء الثانى من البوست.
و ناس "بيتكيها يضبحها"....بيهمهم الجزيين.
ومفروض عزان يقول:
اذا ابوك عنده اى ميول عدوانية و ممكن يضبحك....ابعدى من مواضيع التصوير دى.

Quote: بوظت على يوم اجازتي

تبارك...مالك ماجز يوم الجمعة??
عينى باااردة

المشكلة يا سمارت دكتور عزان لا مع ديل لا مع ديلاك ...

اهلنا بيقولوا "السترة والفضيحة متباريات" ... لتقارب الأفعال واختلاف النتائج ... فكلمة في حدث تؤدي للسترة .. وكلمة قريبة في نفس الحدث تؤدي للفضيحة ...

دكتور عزان دا بتاع "قسيمة" وبوش وقانون النظام العام ... وكلهم فشلوا في الحماية من المرض والفضيحة حسب التجربة والتاريخ ...

Quote: اذا ابوك عنده اى ميول عدوانية و ممكن يضبحك....ابعدى من مواضيع التصوير دى.

استراتيجية الأمم المتحدة لمحاربة الإيدز واضحة بخصوص اشتراط المساواة الجندرية وكفالة الحقوق والحريات الأساسية ...

عشان جنس العدوانيين والوعّاظ وأطباء الغفلة ديل ...







... المهم ....

Quote: استراتيجية الأمم المتحدة لمحاربة الإيدز واضحة بخصوص اشتراط المساواة الجندرية وكفالة الحقوق والحريات الأساسية ... عشان جنس العدوانيين والوعّاظ وأطباء الغفلة ديل

امشي قول لناس "اتكيها اضبحها" :استراتيجية الأمم المتحدة
عشان يضبحوك معاها.*
عزان زول طبيب...و اكيد لاقته مليون حالة رفضت تقعد تتعالج فى مستشفي لانها خايفة اهلها يعرفوا.
و ممكن تكون لاقته حالة واحدة حاولت تنتحر او انتحرت لان صورها انتشرت فى الجامعة.
هسي عليك الله البنات ديل موش بيستاهلوا زول يقول ليهم : "ما تخلى زول يصورك"???
_____________________
*انا غايتو ابوي -عليه رحمة الله-كان متسق مع "استراتيجية الأمم المتحدة". كان ح يضبح بمساوة جندرية. حتى الولد كان ضبحه.

Quote: كان ح يضبح بمساوة جندرية. حتى الولد كان ضبحه.

الامم المتحدة تطير عيشتها ... بقت من مبررات الضبح






... المهم ....

شكرا دكتور عزام على البوست المفيد والله .

مع إنو بصراحة ما لفت نظري في البداية بسبب العنوان الغريب ..الما خطر ببالي أربطه بالموضوع الهام دا ..
فأول مرة في حياتي أسمع تعبير ( المجازفة برة برة ) ..وأفتكرته حاجة خاصة بالحرامية وخفة اليد واللهف واللقف والتحلل الخ ...ههههههه
وغايتو ..الشعب السوداني دا مبدع في التعابير المثيرة للإشمئزاز فيما يتعلق بالجنس !!

وشكرا للسايبر السوداني ..الذي ينورنا كل يوم بالتعابير المستحدثة ..وكذلك بالأمثال التي كنا نجهلها من كل بقاع هذا القطر المترامي الأطراف .


وأكتر حاجة حيرتني كمان وحسستني بعدم إرتياح لطرحك في البداية ( رغم أنه مهم جدا ومفيد ) ..إستخدامك لتعبير ( ممارسة قلة أدب ) ..!!
التعبير دا رجعني فجأة لأيام المدرسة ..وذكرني الزجر بتاع الحبوبات ووصاية المعلمين والمعلمات ..
ذي كأنك بتقول لناس ناضجين : ( كخ ..الكلام دا عيب ) ..!

.....
نصائحك التوعوية الطبية مفيدة جدا جدا للبنات ..
بس لو سمحت ركز لينا كمان في توعية ونصح الأولاد ديل ..عشان ما يبقى طرحك أحادي ..
وبالتالي مستفز ..
فطالما الممارسة الجنسية بتتم بين طرفين ..فياريت تخوف لينا الأولاد ديل كمان من العواقب ..
لأنه بالرغم من أن الفتاة تتحمل عواقب وخيمة في مجتمع متخلف ممكن يضحي بيها وبثمرة بطنها دون أن يرمش له جفن ..ودون ذرة من ضمير ..
فبالتأكيد الولد ذاته معرض لمخاطر العلاقات غير المأمونة دي ..من أمراض وخلافه .

والنقطة دي /

Quote: ولو حصل حمل، ما تمشي لى داية عشان تعمل ليك إجهاض، بتكتلك وبتبقى عليك وعلى أهلك ميتة وفضيحة

أها ..طيب لنفرض حصل الحصل ..ووقع الفاس في الراس ..على قول المسلسلات المصرية ..
وإنت قلت البت ما تمشي لداية ..عشان المخاطر أعلاه ..
أها طيب تقبل وين ؟

فهل هناك أطباء وطبيبات مستعدين يغامروا ويعملوا العملية دي ؟!

_______________

غايتو في حاجة مؤلمة جدا ..وبل وكارثة عديل في الموضوع دا كله ..
هو مصير هؤلاء الأجنة .
فكون أن غالبية مجتمعاتنا حتى اللحظة تصر على عدم عدم تقبل ثمرة هذه العلاقات ..وبالتالي الحكم بالإعدام والتشرد والبهدلة
عى هؤلاء الأطفال الذين لا ذنب لهم ..
وبسبب ممارسة عمرها ما حا تنتهي ..طالما وجدت الغريزة الجنسية والعاطفة ..
فهذا الأمر لا إنساني بالمرة ..
ومافي أي قيم أو دين أو أي إدعاء بالفضيلة قد يبرر لهذه الجريمة .

الأخت العزيزة آمنة

Quote: شكرا دكتور عزام على البوست المفيد والله .

عِزان بالنون ما عزام .. لو غلطت المرة الجاية حأقول ليك يا أمينة

Quote: وأكتر حاجة حيرتني كمان وحسستني بعدم إرتياح لطرحك في البداية ( رغم أنه مهم جدا ومفيد ) ..إستخدامك لتعبير ( ممارسة قلة أدب ) ..!! التعبير دا رجعني فجأة لأيام المدرسة ..وذكرني الزجر بتاع الحبوبات ووصاية المعلمين والمعلمات .. ذي كأنك بتقول لناس ناضجين : ( كخ ..الكلام دا عيب ) ..!

ده برضو تعبير بين الشباب .. و كما قلت للأخت زينب أنا إستخدمتو لوصف تعدد العلاقات الجنسية مع أكثر من شريك promiscuity و إقتبستو من الشباب البيستخدموهو لوصف الممارسات المشار إليها وتصنيفها .. فالذى يمارس "قلة الأدب بأدب" يقصد به الشاب متعدد العلاقات الجنسية ولكنه يحكم نفسه ب code of conduct، يعني بيحاول يحافظ على نفسو والبت من الأمراض والحمل، لا يقوم بهتك عذرية فتاة عذراء، لا يستهدف بنات الجيران والكلية .. إلخ .. أما الآخر الذي يمارس "قلة الأدب بقلة أدب" فهو بلا حدود وممكن يعمل أي حاجة ..

Quote: س لو سمحت ركز لينا كمان في توعية ونصح الأولاد ديل ..عشان ما يبقى طرحك أحادي .. وبالتالي مستفز .. فطالما الممارسة الجنسية بتتم بين طرفين ..فياريت تخوف لينا الأولاد ديل كمان من العواقب ..

أصلا يا آمنة أنا بديت بالأولاد .. كتبت بوست شهير سنة 2007 بعنوان "خرافة ( البت النضيفة ) فى ( المجازفة برة برة ) !" ونوهت في بداية هذا البوست إنو البوست ده مكمل ويقرأ مع ذلك البوست ..
ممكن تعفصي هنا:
http://www.sudaneseonline.com/board/316/msg/1196625366.html

Quote: أها ..طيب لنفرض حصل الحصل ..ووقع الفاس في الراس ..على قول المسلسلات المصرية .. وإنت قلت البت ما تمشي لداية ..عشان المخاطر أعلاه .. أها طيب تقبل وين ؟ فهل هناك أطباء وطبيبات مستعدين يغامروا ويعملوا العملية دي ؟!

ده السؤال الكنت خايف منو


نحن هدفنا الأول من البوست إنو الناس ما تصل المرحلة دي .. لكن لا قدر الله لو حصل ما حصل فالحفاظ عل الحياة أولي .. وكل الأطباء حلفوا قسم مغلظ ألا يعينوا علي الإجهاض إلا في حالة وجوبه طبيا strong medical justifications .. لكن هناك من يخالف القسم لقناعات في نفسه أو لأجل المال .. ودونك قصة الدكتور الذى تم سجنه الشهيرة ..

Quote: غايتو في حاجة مؤلمة جدا ..وبل وكارثة عديل في الموضوع دا كله .. هو مصير هؤلاء الأجنة . فكون أن غالبية مجتمعاتنا حتى اللحظة تصر على عدم عدم تقبل ثمرة هذه العلاقات ..وبالتالي الحكم بالإعدام والتشرد والبهدلة عى هؤلاء الأطفال الذين لا ذنب لهم .. وبسبب ممارسة عمرها ما حا تنتهي ..طالما وجدت الغريزة الجنسية والعاطفة .. فهذا الأمر لا إنساني بالمرة .. ومافي أي قيم أو دين أو أي إدعاء بالفضيلة قد يبرر لهذه الجريمة .

بالضبط يا آمنة .. الجنين الذي تم إجهاضه عفاه الله من الكثير من الألم والعذاب في مجتمع كمجتمعنا .. المشكلة في البودوهم المايقوما و ماشابهها من دور رعاية أو برموهم في الشارع للكلاب ..
وكما تفضلت، ما دامت العاطفة والغريزة موجودتان مع مستوي الوعي الضعيف حتستمر هذه المآسي .. وما دام ناس زي دفع الله مين كدة داك هم أصحاب الصوت العالي والكلمة المسموعة في البلد مافي أمل قريب ..
الناس ما تنتظر الدولة بعد ده، الناس تعمل العليها كل زول قدر قدرتو .. الناس العارفة تلكم الما عارفة و كل زول ينشر المعرفة بلا خجل في محيطو الصغير ..
و أهم حاجة - كم قلت سابقا- انو الناس تعترف بإنو في مشكلة وتعرف أبعادها .. لأنو نحن ما ضيعنا غير إننا ما زلنا عايشين في حالة نكران .. والآباء والأمهات بيعتقدو إنو أولادهم وبناتهم لسه صغار وإنهم ما بتاعين حاجات زي دي ..

شكرا يا آمنة شرفتي البوست . .

Quote: أسلوبك لم يكن أسلوب نقد بناء .. مداخلتك كانت مليئة بالتهكم والتريقة والإتهامات المجانية .. ومن يزرع الشوك لا يحصد العنب .. ودونك دهشة تبارك واسمارت حول حدة مداخلتك، رغم إنو أنا ما بعرفك و لم يسبق لي التعامل معك في هذا البورد..

( اسلوبك لم يكن اسلوب نقد بناء ..مداخلتك مليئه بالتهكم والتريقه والاتهامات المجانيه ) >>>> دا اسموا تهرب من النقاش

( من يزرع الشوك لا يحصد العنب ) >>>>> دا كلام طفولى

( ودونك دهشه تبارك واسمارت ) >>>>>> واجهه كلامى وخليك من فلان وعلان

( رغم إنو أنا ما بعرفك و لم يسبق لي التعامل معك في هذا البورد. ) >>>>> ما بالضروره دا اسمو المنبر العام تكتب موضوع الاعضاء احرار فى مناقشه ما تكتب

Quote: يعني، يا أخت زينب، إنت عايزة تجي تكتبي كلام حاد وتهكمي ومنتظرة - عشان أنا كطبيب وما مفروض أكون عاطفي- أقدم ليك الأزهار والورود؟

قلت ليك خليك انسان متوازن ورد للمختلفين معاك بنفس الاريحيه اللى بترد بيها على الناس المتفقيين معاك يعنى ما تاخد الموضوع شخصى ( وهذا فضلا وليس امرا ) لكن يظهر انوا انت بتعتبر اى كلام تجى تكتبوا هنا نبصم عليه بالعشره
ودى مشكله فى حد ذاتها امشى حلها اولا بعدين تعال انصح البنات لانو فاقد الشىء لا يعطيه ...

Quote: نحن ما في الدول المتقدمة .. نحن بنتكلم عن واقعنا بتاع السودان ده، الفيهو البوليس بجرجر البنات والرجال بهدومهم اللقاهم بيها للمستشفى عشان اورينك 8 وبعدين للقسم حيث يتعرض معظم البنات ل sexual harassment وواحدين بصوروهم كمان ..

ياريتك اتكلمتا عن واقع السودان اليوم ... والمشاكل الحقيقيه .... ووجهتا نصاحك لى البوليس الانتا عارفه بعمل كل هذه المصائب ( رأس الحيه ) واجه الفساد الحقيقى .... واجه ولاة الامر اللهم اس المشكله
اطعن فى الفيل

Quote: and who are you to judge? هذه المسائل نسبية، ما ترينه أنت مبتذل أراه أنا وغيري مناسب حسب ما يستخدم ويجري في المجتمع .. لو إنت برة السودان وما محتكة بشريحة الشباب حتكتشفي إنو العبارات دي أصبحت أكثر من عادية .. أنا غير ملزم طبعا بحكمك على عباراتي لأنو زي ما قالت سمارت subjective .. بقدر الإمكان حاولت إنو ما أستخدم عبارات تانية وإستعضت عنها بالتلميح ..

اها انتا هنا عريت نفسك بالجد واظهرت زعلك ....قولتى لى who are to judge ...يا راجل ..هههه.... وانا بقول ليك who are you not to be judge

هلا كتبت فى بيت ابيك واتت زينب to judge you

انتا فى ردك الاول انكرت و قلت لى

Quote: أتحداك أن تأتي بعبارة "شوارعية" و "كلمات مبتذلة" واحدة أستخدمت في هذا البوست ..

وبعد ما ذكرت ليك العبارات والكلمات الشواراعيه بديت تجقلب " who are you to judge " وتبرر " بانوا دى كلمات بستعملوها الشباب فى ما بينهم "
طيب يا اخى اذا الشباب بستعملوا كلمات زى دى انت العامل فيها ناصح وفاهم ما كان تخاطبهم وتحاول ترتقى بى مستواهم فى استعمال عبارات مهذبه
وبعد ما تداخل الاخ معاويه المدير ونبهك برضو لا زلت تكابر وفى النهايه حذفت الكلمه ولا زال فى نفسك شىء من حتى.... فقلت

Quote: تم سحب الكلمة المشار إليها .. ليس لأنو أنا مقتنع بإنها غير مناسبة لكن أنا في غنى عن جدل ممكن تسببو، وياخد من زمن أنا بقتطعو بصعوبة عشان أكمل البوست ..

هههه قف تأمل

غايتو انت مشروع دكتاتور صغير.... لو قدر الله وبقيت مسؤل كبير فى حكومه السودان ما اظن تخلى زول يقول ليك انت غلطان

فى النهايه انت عزان سعيد كا شخص محل تقديرى واحترامى ....... ولكن ما تكتب subject to debate

and noting personal

والله يا زينب رغم إني وعدت ناس بعزهم إني ما أضيع زمن في الرد عليك تاني لكن ما قدرت أقاوم النقطة دي:

Quote: ووجهتا نصاحك لى البوليس الانتا عارفه بعمل كل هذه المصائب ( رأس الحيه ) واجه الفساد الحقيقى .... واجه ولاة الامر اللهم اس المشكله اطعن فى الفيل

ياخي إنتي وكت زعلانة مني وقنعانة مني قدر ده ما تجي تديني طلقة وخلاص

آن لأبي حنيفة أن يمد رجله .. التانية ..

و إلي النقطة التالتة والأخيرة ..

3. حمايتك من الأمراض في حالة إنك خليتيهو ما يستعمل كوندوم

كثير جدا من الشباب يغفلون عن أهمية - بل حتمية- إستعمال العازل الذكري "الكوندوم" في العلاقات الجنسية العابرة أو التي تتم مقابل المال ..
الأمراض الجنسية ليست خاصة بشريحة أو فئة إجتماعية معينة . . فهي لا تعرف الحواجز و ما عندها كبير ..

المشكلة فيما يتعلق بالبنات أنهن أكثر عرضة من الرجال للإصابة بهذه الأمراض، لأنها تنتقل عبر سوائل الجسم المختلفة، ولأن المرأة تستقبل سائل الرجل ويبقي داخلها فترة ليست بالقصيرة فإن فرصة إصابتها بهذه الأمراض أكبر ..
خاصة شريحة البنات ممن يمارسن الجنس مقابل المال أو مع أكثر من شريك، ففي تلك اللحظة يصبح من الصعب أن تطلب من الرجل أن يستعمل العازل أو أن يؤجل الممارسة لحين حصوله على واحد لأن هذه العلاقات طابعها السرعة ..
كما أن كثير من الرجال يعتقدون أنهم ما دام قد دفعوا المال فإن من حقهم فعل ما يشاؤون خاصة وإن البعض يعتقد أن العازل يقلل من المتعة الحسية ..

شكرا دكتور عزّان على طرح الموضوع المسكوت عنو ده

طبعا الحل في العفة والزواج

اي اتنين بيحبو بعض طوالي يمشو المازون ويعقد ليهم بدون اسئلة كتيرة

قالو حبوبة لاحظت حفيدتها بطنها كبيرة

قامت سالتها ده شنو يا بت ده

قامت البنية اعترفت طوالي قالت

هو قال لي بس راسو ما بزيدو كلو كلو

يا جاهلة يا غبيانة هو قالو ليك راسو عندو كتفين يحوشنو؟؟

Quote: شكرا دكتور عزّان على طرح الموضوع المسكوت عنو ده

شكرا قرجة على المرور ..
تحياتي

واحدة من المعتقدات الخاطئة جدا لدي بعض البنات أن غسل السائل المنوي من المهبل عقب الممارسة مباشرة يقي من الحمل والأمراض ..

فيما يتعلق بالحمل، السئل المنوي يحتوي على ملايين الحيوانات المنوية والتي لا تري بالعين المجردة .. وغسل المهبل لا يعني آن جميعها قد تم التخلص منه وفي الغالب أن بعض الحيوانات قد عبرت أصلا إلى عنق الرحم ..

أما في الوقاية من الأمراض فإن الفيروسات أو البكتريا المسببة للأمراض المختلفة أيضا لا تري بالعين المجردة .. ووجودها لفترة قصيرة في المهبل يمكن أن يؤدي لأن تعبر الأغشية وتنقل العدوى ..

طيب و العمل؟

يا بنات ..
إن كنتن لابد فاعلات فعليكن بالكوندوم ..

و إن كنت "بتقعدي" مع الناس بالقروش فيجب أن تعلمي أن ممارسة الجنس مقابل 100-200 جنيه يمكن أن تدمر مستقبلك للأبد ..
و لأن نسبة وعي الشباب بالكوندوم متدنية، وبالتالي يندر أن تجديه عند "طالب الخدمة" .. فالمسؤولية بتقع عليك ..
و لو إنت شايفة إنك ما حتقدري تخلي مجال العمل ده فلازم تحمي نفسك .. حتي لو إضطريتي تشيلي العوازل في شنطتك ..

نحن عارفين إنكم بنات ناس، وإنو في ظروف معينة دافعاكم للمجال ده، وإنو كتير منكم عندهم أطفال وأسر بيرعوها .. وفيكم طالبات مجتهدات و صاحبات طموح ..
ومتأكدين إنو كل واحدة منكم عندها "كوتة" محددة بتاعة سلوكيات زي دي أول ما تكملها بترجع تاني ست بيت ممتازة و أم مربية و إمرأة عاملة وعضوة فاعلة في المجتمع ..
لكن لو ما عملت حسابك ممكن مستقبلك يضيع ..


يا بنات ..

إن كنتن لا بد فاعلات .. فليكن شعاركن :

يا كونضوم .. يا معاي ما تنضم ..
يا عازل .. يا ما تغازل .. و من عربيتك ما تجي نازل ..

بالله لا حظ الفرق بين Promiscuity و Polyamory ... طوالي حا تعرف روحك شايت وين








... المهم ....

Quote: نحن عارفين إنكم بنات ناس، وإنو في ظروف معينة دافعاكم للمجال ده، وإنو كتير منكم عندهم أطفال وأسر بيرعوها .. وفيكم طالبات مجتهدات و صاحبات طموح .. ومتأكدين إنو كل واحدة منكم عندها "كوتة" محددة بتاعة سلوكيات زي دي أول ما تكملها بترجع تاني ست بيت ممتازة و أم مربية و إمرأة عاملة وعضوة فاعلة في المجتمع .. لكن لو ما عملت حسابك ممكن مستقبلك يضيع ..

د.عزان.. تحياتي مرّه تانية
كده اختلفنا في اكتر من نقطة... اولها وأكثرها اولوية، انك بكلامك عن موضوع الكوته ده كأنك بتقول انه المرأة العاملة المربية وعضوة المجتمع دي كانت عندها نزواتها زمان وحسي بقت زولة عادية وكويسه... مستوى تقبّلك للسلوك الخاطيء لحدي قبل المداخلة دي كان مقبول... بس راجع لينا النقطة دي عليك الله يا دكتور...

الأخت مريم تحياتي ومرحب بيك تاني ..

Quote: انك بكلامك عن موضوع الكوته ده كأنك بتقول انه المرأة العاملة المربية وعضوة المجتمع دي كانت عندها نزواتها زمان وحسي بقت زولة عادية وكويسه.

لا طبعا ما قلت كدة .. قلت إنو الزولة الإضطرتها الظروف تعمل كدة ممكن تبقى زولة كويسة و عضوة مجتمع ..
إنتي نسيتي قصة المرأة الغامدية التي لو قسمت توبتها على أهل المدينة لوسعتهم؟
البنات ديل يا مريم فيهم بنات بالجد مضطرين..وبنات جايين من أسر.. و أنا بعتقد تماما إنو يوما ما لمن ربنا يهديهم ممكن يكونوا أعضاء فاعلين في المجتمع ..
ممكن تقولي إنو "الكوتة" القاصدها أنا دي هي الزمن بين ممارساتهم دي ووقت هدايتهم ..
لمن نحن نحسسهم إنهم جسم غريب وملفوظ لا يمكن تقبلو تاني في المجتمع كدة بنبعدهم عننا ونطيل فترة "الكوتة" .. لمن نتقبل عودتهم ونساعدهم على إنو يعودوا كأعضاء فاعلين كل حسب مكانو، الطالبة والموظفة وست البيت، بنضمن إنو يكونو معانا هنا و مايرجعوا بهناك ..

مافي قبيلة مكونة من البنات الزي ديل ..
ديل بنات ناس وأخوات ناس زيهم وزي زي زول ..
يأكلن الطعام ويمشين في الأسواق ..
و الغالبية الساحقة من أسرهم بتعتقد إنو بناتهم ربوهم أحسن تربية و مع الأولاد ساكت ما بتكلمو ..

تحياتي

Quote: شكرا دكتور عزّان على طرح الموضوع المسكوت عنو ده

Quote: قامت البنية اعترفت طوالي قالت هو قال لي بس راسو ما بزيدو كلو كلو

Quote: طبعا الحل في العفة والزواج

وبرضو عفه اللسان مطلوبه

Quote: .. لمن نتقبل عودتهم ونساعدهم على إنو يعودوا كأعضاء فاعلين كل حسب مكانو، الطالبة والموظفة وست البيت، بنضمن إنو يكونو معانا هنا و مايرجعوا بهناك ..

بهناك وين؟

في حظيرة الشيطان عند نهاية حدود مجتمع الفضيلة؟

يا دكتور عزان قلنا ليك لو ما عندك مدخل علمي للجانب الإجتماعي؛ أنسى سياسات اليمين الجمهوري ودع الخلق للخالق ... هاك اتثقف

خليك في حكاية "الأنثى تستقبل سائل الذكر" دي

(بصراحة عجبني تبرير انو النساء أكثر عرضة من الرجال للعدوى عن طريق الجنس ... خشمك فيهو اللبن!)







... المهم ....

Quote: للأسف كما تفضلت نحن نحصد زراعة 25 عاما من تجارب الكيزان الفاشلة .. حتى ولو ذهبوا، سنحتاج زمن طويل جدا لترميم و إصلاح ما أسدوه في كل المجالات..

عرفت فالزم يا دكتور.

الغريبة بعض الناس إعتبروا البوست يصُب في مجال التوعية الجنسية !!!،
البوست ما فيهو توعية جنسية، ولا يتحدث عن الجنس من الأساس. الجنس
في عرفنا يكون في إطار العلآقة الزوجية، وما خلى ذلك فهو زناء. يعني
البوست بيتحدث عن الزناء رغم أنّ هذه الكلمة لم ترد فيه !!!. يعني ممكن
عنوان البوست يكون كالأتي: كيف تمارس، تمارسين الزناء بعيداً عن مخاطر
الأمراض الناتجة عنه. زي ما قال أخونا عزان، نحن بنحصد زراعة 25 سنة
من تجارب الكيزان ما زلنا، وما اظن حكاية الحاويات وما حوت بخافية
عليكم. أهو ما زالوا هم بيزرعوا ونحن بنحصد، تصل الحاويات لميناء
السودان، وعزان يشرح الطريقة المُثلى للممارسة !!!.
المسكوت عنو دا شنو كمان ؟؟؟، ظاهرة الزناء ظاهرة أصبحت متفشية في مجتمعنا،
متفشية يعني سمع بها القاصي والداني، وأصبحت حديث الناس في مجالسهم، وتتناولها
اجهزة الإعلآم ليل نهار، كيف تكون مسكوت عنه ؟؟؟!!!.
هي ظاهرة عارضة ليست من أصل المجتمع السوداني، بل فرضتها عليه حكومة قصدت
ذلك حتي تدمر الشباب، وتنعم بكراسي الحكم. هل توعية الشباب تكون بشيل الكونضوم
في شنطة اليد، والمجازفة برة برة ؟؟؟...

Quote: الغريبة بعض الناس إعتبروا البوست يصُب في مجال التوعية الجنسية !!!، البوست ما فيهو توعية جنسية، ولا يتحدث عن الجنس من الأساس. الجنس في عرفنا يكون في إطار العلآقة الزوجية، وما خلى ذلك فهو زناء. يعني البوست بيتحدث عن الزناء رغم أنّ هذه الكلمة لم ترد فيه !!!. يعني ممكن عنوان البوست يكون كالأتي: كيف تمارس، تمارسين الزناء بعيداً عن مخاطر الأمراض الناتجة عنه. زي ما قال أخونا عزان، نحن بنحصد زراعة 25 سنة من تجارب الكيزان ما زلنا، وما اظن حكاية الحاويات وما حوت بخافية عليكم. أهو ما زالوا هم بيزرعوا ونحن بنحصد، تصل الحاويات لميناء السودان، وعزان يشرح الطريقة المُثلى للممارسة !!!. المسكوت عنو دا شنو كمان ؟؟؟، ظاهرة الزناء ظاهرة أصبحت متفشية في مجتمعنا، متفشية يعني سمع بها القاصي والداني، وأصبحت حديث الناس في مجالسهم، وتتناولها اجهزة الإعلآم ليل نهار، كيف تكون مسكوت عنه ؟؟؟!!!. هي ظاهرة عارضة ليست من أصل المجتمع السوداني، بل فرضتها عليه حكومة قصدت ذلك حتي تدمر الشباب، وتنعم بكراسي الحكم. هل توعية الشباب تكون بشيل الكونضوم في شنطة اليد، والمجازفة برة برة ؟؟؟...

شكرا الاخ معاويه المدير لوضوح الرؤيه بالنسبه ليك

غايتو الشعب السودانى دا الله يكون فى عونو..... هسى بكره دا لو ناس الانقاذ ديل مشوا وجاء اى واحد خطب فيهم ولتق ليهم كلام من هنا ومن هنا طوالى بسلموا ليه امر نفسهم وهاك يا حماسه و عاطفه فجه... يا سلام عليك.... والله يكتر من امثالك
وجزاك الله خير..... وفى ميزان حسناتك واندفاع من غير تفكير عشان كدا امورنا ومشاكلنا ماشه فى تدهور من ما خرج المستعمر
they don't know how to use their critical thinking skills
ما تعرف الحكايه خوف ولا عقليه القطيع ولا الحكايه ايه...... عشان كدا الجهل متفشى

كتب عزان سعيد

Quote: والله يا زينب رغم إني وعدت ناس بعزهم إني ما أضيع زمن في الرد عليك تاني لكن ما قدرت أقاوم النقطة دي:

حالتك عامل فيها مصلح اجتماعى وانسان فاهم وبضيق بالرأى اللأخر المخالف

الناس الجبناء القالو ليك ما ترد على زينب وانتا وعدتهم ...قول ليهم زينب بتقول ليكم هى ما بهمها رد صاحب البوست من عدمو..بقدر ما بى تهتم بانها تكتب وجه نظرها
وما تعتقد انو صاح .... وقول ليهم بطلوا نسنسه وشغل المديد حرقتنى دا

Quote: الغريبة بعض الناس إعتبروا البوست يصُب في مجال التوعية الجنسية !!!، البوست ما فيهو توعية جنسية، ولا يتحدث عن الجنس من الأساس. الجنس في عرفنا يكون في إطار العلآقة الزوجية، وما خلى ذلك فهو زناء. يعني البوست بيتحدث عن الزناء رغم أنّ هذه الكلمة لم ترد فيه !!!. يعني ممكن عنوان البوست يكون كالأتي: كيف تمارس، تمارسين الزناء بعيداً عن مخاطر الأمراض الناتجة عنه.

ماذا عن ممارسة الجنس مع "ما ملكت أيمانكم" من الجواري اللاتي يبعن بصورة "شرعية" بإثناعشر دولارًا بعد أن تم سبيهن من كفّار مدينة "بوتشين" بواسطة "بوكو حرام"؟

لأن ذلك لا يعتبر زنا شرعًا ...





... المهم ...

Quote: البنات ديل يا مريم فيهم بنات بالجد مضطرين..وبنات جايين من أسر، فيهم بت أستاذ الثانوي و بت الضابط و غيرهم .. و أنا بعتقد تماما إنو يوما ما لمن ربنا يهديهم ممكن يكونوا أعضاء فاعلين في المجتمع ..

دكتور عزان
سلام
بوست مفيد

بخصوص الاقتباس.
ج
يعني الابوها ما استاذ ثانوي وما ضابط وغيرهم ما جايين من اسر وانت ما بتعتقد انو يوما ما ربنا ما بهديهم وما ممكن يكونوا اعضاء فاعلين في المجتمع؟

بقول ليك الكلام دا يا دكتور، عشان في السودان في فهم بتاع بنات اسر وبنات ناس، وخدم ممكن يعملن اي حاجة وعارف انت ما النوع البفكر زي دا، لكن قلنا ننبهك

Quote: ماذا عن ممارسة الجنس مع "ما ملكت أيمانكم" من الجواري اللاتي يبعن بصورة "شرعية" بإثناعشر دولارًا بعد أن تم سبيهن من كفّار مدينة "بوتشين" بواسطة "بوكو حرام"؟ لأن ذلك لا يعتبر زنا شرعًا ... ... المهم ...

في اللوّل حرام عليهُن العملة دي يا طبارك، وتانياً بالتبادي
إنت الشرعية دي جبتها من وين ؟؟؟.
قلت لي لا يعتبر زنا شرعاً!!!؟؟؟،
يققققققققققطع مصارنك يا طبراك، كمان داير تعدل لناس بوكو حرام
اللعوج ؟؟؟. ايه حكاية عدل اللعوج الحايمة في البلد اليومين دول !!!؟؟؟.




المهم...

Quote: دكتور عزان سلام بوست مفيد بخصوص الاقتباس. ج يعني الابوها ما استاذ ثانوي وما ضابط وغيرهم ما جايين من اسر وانت ما بتعتقد انو يوما ما ربنا ما بهديهم وما ممكن يكونوا اعضاء فاعلين في المجتمع؟ بقول ليك الكلام دا يا دكتور، عشان في السودان في فهم بتاع بنات اسر وبنات ناس، وخدم ممكن يعملن اي حاجة وعارف انت ما النوع البفكر زي دا، لكن قلنا ننبهك

الأخ العزيز الصادق

أكدت بصورة قاطعة في هذا البوست إنو الحاجات دي ما في زول أو فئة محصنة منها ..و إنها لا تعرف الحواجز الإجتماعية المصطنعة ..

شكرا على التنبيه ..

تم إجراء اللازم ..

تسلم يا حبيب

عزان تحياتى ثانيا:

Quote: clandestine abortion

الموضوع اعلاه من اهتماماتى ويتداخل من زاوية مع دراسة اقوم بها الان عن العقم من وجهة نظر انثربولوجية.

لو امكن اجدع لى ايميلك

[email protected]

شكرى

د/ عزان .. سلام
برغم الاسف على اسلوب المفردة و التى انحدرت الى مستوى راسو و كتفو
الا ان الاهم انك ركزت على معالجة منتوج المشكلة و ليس اس المشكلة
اها انا فهمت بوستيك ده كالاتى خاصة وانت متواجد فى منطقة نزاع عسكرى
يا بنات .. انا جيت من امريكا و عندى الكوندم .. تعالو لى و عوجة ماب تجيكم
يا دكتور .. ما هكذا تورد الابل
محتاجين لى حلول تحارب الزنا و ليس لحلول تساعد فى انتشاره بالسلامة من عواقبه
كما فى وصاياك الثلاث
و الزنا يحارب بتسهيل الزواج
اجتماعيا بمحاربة العادات المنفرة من الزواج كغلاء المهور و الشيلة و التكليفات الاخرى المصاحبة
اقتصاديا بمحاربة العطالة و بناء مساكن شعبية تتولى امرها الدولة و بقروض ميسرة و بدعم من ديوان الزكاة
لكن سياسات الحكومة هى من افرزت هذه الظاهرة وبقى عليك المثل البقول عينك فى الفيل و تطعن فى ضلو
وعليه
هذا البوست و البوست ذو الصلة دراب تبلو و تشرب مويتو
لآنو بصراحة ماب يلزمنا

Quote: د/ عزان .. سلام برغم الاسف على اسلوب المفردة و التى انحدرت الى مستوى راسو و كتفو الا ان الاهم انك ركزت على معالجة منتوج المشكلة و ليس اس المشكلة اها انا فهمت بوستيك ده كالاتى خاصة وانت متواجد فى منطقة نزاع عسكرى يا بنات .. انا جيت من امريكا و عندى الكوندم .. تعالو لى و عوجة ماب تجيكم يا دكتور .. ما هكذا تورد الابل محتاجين لى حلول تحارب الزنا و ليس لحلول تساعد فى انتشاره بالسلامة من عواقبه كما فى وصاياك الثلاث و الزنا يحارب بتسهيل الزواج اجتماعيا بمحاربة العادات المنفرة من الزواج كغلاء المهور و الشيلة و التكليفات الاخرى المصاحبة اقتصاديا بمحاربة العطالة و بناء مساكن شعبية تتولى امرها الدولة و بقروض ميسرة و بدعم من ديوان الزكاة لكن سياسات الحكومة هى من افرزت هذه الظاهرة وبقى عليك المثل البقول عينك فى الفيل و تطعن فى ضلو وعليه هذا البوست و البوست ذو الصلة دراب تبلو و تشرب مويتو لآنو بصراحة ماب يلزمنا

Dear Jalaldona

It seems that you missed the whole point
Unfortunately I have nothing to say to you

With my best regards

الأخ/ د. عزان .. شكرا جزيلا على هذا الموضوع الذي أتابعه بألم شديد
قد أختلف أو أتفق معك في بعض ما جاء فيه ولكنه يسلط الضوء على مشاكل قلما يتم التطرق لها بعمق

تحياتي وتقديري

والله أنا بس مستغرب من حاجة واحدة بس
زينب خواجة القالت:



جاية هنا تقول:

Quote: الاخ د. عزان.. تحيه طيبه اولا اسمح لى اختلف معك فى عذا البوست اختلاف جذرى وذلك للاسباب الاتيه : انت قلت ان هذا البوست توعوى فى المقام الاول ..ولكنك استخدمت عبارات ( شوارعيه ) وكلمات مبتذله وفى اللغه العربيه الكثير من الكلمات التى كان من الممكن ان تستعيض بها لتوصيل المعلومه

غايتو قادر الله ياخواننا
سبحان الله حكمتو بالغة

Quote: يسلط الضوء على مشاكل قلما يتم التطرق لها بعمق

محمد جلال،
سلآمات.

العمق وين في الموضوع دا ؟؟؟...

Quote: العمق وين في الموضوع دا ؟؟؟...

ود المدير .. وعليكم السلام
قصدي: قراءة مثل هذه الأخبار التي هي غائبة عني وعن الوسط فيه
يعتبر من التعمق .. لأنو الوسط بتاع المطاوعة ما عارف كتير من الشي الذكره د. عزان ده
وقلما يتعمقون فيها

Quote: والله أنا بس مستغرب من حاجة واحدة بس زينب خواجة القالت: وكمان ازيدكم من الشعر بيت فى مساله الحب دى مافى زول بحصلهم رجال تمام ما محتاجين لى محفزات من حنه لى دخان لى خمره وما شابه ذلك وبالهم طويل وما مستعجلين زى ناس قريعتى راحت ( وجه ضاحك ) والبادى اظلم جاية هنا تقول: Quote: الاخ د. عزان.. تحيه طيبه اولا اسمح لى اختلف معك فى عذا البوست اختلاف جذرى وذلك للاسباب الاتيه : انت قلت ان هذا البوست توعوى فى المقام الاول ..ولكنك استخدمت عبارات ( شوارعيه ) وكلمات مبتذله وفى اللغه العربيه الكثير من الكلمات التى كان من الممكن ان تستعيض بها لتوصيل المعلومه غايتو قادر الله ياخواننا سبحان الله حكمتو بالغة

المطاوعى الوهابى محمد جلال ...... عبد محمد ابن عبد الوهاب
انتا حسى جاى جارى مفتكر انك بتحرجنى بى المقتبس اعلاه ..الغيرك كان شاطر
الكلمات الانا كتبتها فى المقتبس الانتا نقلتوا هنا دا ما فيها ولا كلمه بذيئه ولا شوارعيه اتحداك انتا والقاعد يملا ليك فى راسك
ان تشيروا لى كلمه واحده شوارعيه ... اوعك تقول لى انتى قصدك حاجه تانيه ..كدا بزعل منك اوى :) ...البذائه فى الفكر يا من تتقربون الى الله بمطارده وضرب النساء

كتب المطاوعى الوهابى محمد جلال ...عبد محمد ابن عبد الوهاب

Quote: يعتبر من التعمق .. لأنو الوسط بتاع المطاوعة ما عارف كتير من الشي الذكره د. عزان ده وقلما يتعمقون فيها

قلتا لى عايزين تتعمقوا فى موضوع " المجازفه بره بره " :)
طيب ما تمشى عم قوقل رضى الله عنه يأتيك قبل ان يرتد عليك بصرك الذى يريد ان يتعمق فى موضوع المجازفه بره بره
عالم تخاف ما تختشى

Quote: الأخ/ د. عزان .. شكرا جزيلا على هذا الموضوع الذي أتابعه بألم شديد قد أختلف أو أتفق معك في بعض ما جاء فيه ولكنه يسلط الضوء على مشاكل قلما يتم التطرق لها بعمق تحياتي وتقديري

الأخ محمد جلال
شكرا على المرور والمشاركة ..
آلموضوع بطبيعة الحال شائك وحساس ومثير للجدل .. إختلاف الكثير من الناس حول ما طرح متوقع ومفيد ومطلوب ..

تحياتي

نأتي لآخر نقطة في هذا البوست ..

لمعظم الأمراض المنقولة جنسيا أعراض تبدأ بعد فترات مختلفة من حدوث الممارسة ..
هذه الأعراض عند البنات قد تظهر في شكل حبة أو قرحة في المنطقة الأعضاء الحساسة، إفرازات مختلفة اللون ويمكن أن تكون ذات رائحة، وتغيير في لون وشكل البول و يمكن أن يكون حارقا عند عبوره للمجري البولي ..
هذه الأعراض يجب عدم التهاون معها واللجوء للطبيب فورا لأن إهمالها قد يؤدي لمضاعفات كثيرة وقد يؤدي للعقم ..

المرض الوحيد الذى يتسلل خلسة بلا أعراض هو مرض الإيدز الذي يستهدف خلايا المناعة ..
مشكلة الإيدز أن فترة حضانته (بين الإصابة وظهور الأعراض) تكون طويلة (10-15 عاما) يمون فيها حامل الفيروس ناشر له وهو غير مدرك لذلك ..
ورغم أن الإيدز مرض قاتل ولا علاج له .. إلا أن الوقاية منه ممكنة وسهلة، كما فصلنا في هذا البوست ..

والوقاية دوما خير من العلاج ..

الإخوة والأخوات الأعزاء ..
بالمداخلة السابقة أكون قد قدمت كل نويت أن أقدمه عندما إبتدرت هذا الخيط ..

أعرف أن الموضوع مثار خلاف وشائك ومن المواضيع التي يكون حولها كثير من الحساسية ..
لعلكم ستلاحظون أن هذا الموضوع جاء بعد توقف طويل من جانبي عن المشاركة في المنبر، وبعد 7 سنوات من الموضوع الأول ..

وقد جاءتني فكرة كتابة هذا الموضوع بعد أن سمعت القصة المؤلمة للبنت التي أشرت إليها في بداية البوست .. وغيرها كثير مما يدمي القلب..
وقد ترددت كثيرا لعلمي أن الخوض في هذا الموضوع سيكون بمثابة المشي في حقل ألغام، ،لكني توكلت على الله، فإن أصبت فمنه و إن أخطأت فمن نفسي ومن الشيطان، وما أردت إلا الإصلاح ..

أتمنى أن أكون قد قدمت ما يفيد، وأن هناك من إستفاد مما جاء في هذا البوست و أفاد غيره ..
سأكون في البوست ولكن بصورة غير منتظمة .. عشان الدنيا ومشغولياتها .. والبوست أخد مني زمن مقدر..

شكرا لكل الإخوة والأخوات المتداخلين على إثراء البوست بالنقاش والآراء القيمة ..

ولو في زول سمع مني كلمة أو راي ما عجبو فعذرا والعفو لله ..

وفتكم بعافية ..

Quote: إنت الشرعية دي جبتها من وين ؟؟؟. قلت لي لا يعتبر زنا شرعاً!!!؟؟؟،

محل انت جبت انو المجازفة برة بر يعتبر زنا ... انا جبت انو المجازفة برة برة مع جواري بوكو حرام لا يعتبر زنا ... قلنا "شرعًا" ...








... المهم ....

حذف للتكرار

حذف للتكرار

حذف للتكرار

سلام عليكم يا دكتور عزان...وشكرا على الموضوع المفيد

في عدد مايو 1956 من مجلة المختار من ريدرز دايجست " نُشِر موضوع بعنوان : ما لا تعرفه النساء عن انوثتهن

كاتباهو الدكتورة "ماريون هيلارد" رئيسة قسم النساء والتوليد بجامعة تورنتو

وسبحان الله من خلال المقال تعرف وتتأكد من الحكمة التى من اجلها حرم الله الخلوة بين الرجال والنساء....اليك المقال كاملا:

Quote: جاءت إلى مكتبي إحدى المدرسات، وهي فتاة هادئة رزينة، لم تتزوج بعد، وكانت تشكو من الصداع والأرق. وتحدثت فدارت حول الموضوع، ولم تفصح، ثم أخذت تشير إلى رجل كانت (تصادقه) أخيراً!!؟. ولقد تنبهت فجأة إلى أنها كفت عن مواصلة الحديث، وتضايقت لأن خواطري سرحت بي بعيداً، فمضت بضع دقائق، لم أسمع خلالها كلمة واحدة، ولكني أردت أن أستدرجها فقلت: (حسناً.. ، وبعد ذلك طلب منك أن تصحبيه إلى مسكنه، فماذا كان جوابك؟) عندئذ تملكتها الدهشة، وفغرت فاهاً قائلة: كيف عرفت ذلك؟ لقد كنت على وشك أن أقول لك هذا!!. ولكنني عرفت.. . لأني كثيراً ما سمعت أمثال هذه القصة في صور مختلفة خلال العشرين عاماً التي زاولت فيها مهنة الطب، وكانت هذه الصور تنتهي إلى نتيجة واحدة. فمهما تختلف روايات القصة، وسواء كن فتيات لم يبلغن سن الرشد، أو من اللاتي فاتهن قطار الزواج، وسواء كن جميلات أو عاديات، فإن هذه الدعوة المحتومة تواجههن جميعاً في وقت أو في آخر. وهي بالنسبة لهن أمر غريب، بل تطور يبعث على الدهشة وكل فتاة تقول لنفسها: (لست من ذلك النوع من الفتيات)! وهذا هراء.. اللهم إلا بالنسبة لقلة قليلة من النساء وصلت حيوية الوظائف من أجسامهن إلى درجة بالغة الانخفاض، فالواقع أن (كل) فتاة من ذلك (النوع) من الفتيات و (كل) امرأة من أولئك النساء قد ارتكبت الخطأ الشائع... وهو: التهوين من مقدرتها الحيوية وعدم إعطائها حقها. فإن الخالق ـ سبحانه وتعالى ـ قد زودها بنوع خاص من الغدد والرغبات، والرائحة الفواحة التي تجعلها مشتهاة من الرجال.. ، ومع ذلك فإن نوبة من العجب البريء تعتريها عندما تؤدي تلك القوى الحيوية وظيفتها. ويخيل لبعض النساء أن أنوثتهن معناها أن تكون الواحدة منهن مجموعة من الخدع، مثل الصراخ لدى رؤية الفيران... أو الضعف في علم الحساب. ولكن كل طبيب يستطيع أن يخبرك أن الأنوثة متوحشة!!!. فالأنثى مزودة بجهاز تناسلي يسيطر على كيانها، وهو جهاز ذو قوة مدمرة تستطيع أن تحطم القيود والأغلال دون أي نذير، وذلك عندما يشترك رجل وامرأة في ضحكة خفية أو تتلامس يداهما. وهذا الجهاز الحيوي يمكن أن يبلغ أوج انفعاله إذا ما أثاره فجأة أنين خافت أو ليلة صيف رصعت بالنجوم، أو حتى الضباب المتكاثف حول مصباح الشارع، عندئذ تحس المرأة بالرغم منها بشيء يعصف بكيانها الداخلي، فيملؤها بتباريح الألم والشوق. كذلك فإن (غريزة الجنس) في المرأة قادرة على أن تضفي عليها البهاء والجمال، فالغريزة الجنسية في المرأة هي (القوة الداخلية) التي تجعلها تفيض (عطفاً) و (حناناً) على الأطفال، والتي تمكن المرأة من أن تقبض على عصا (الجولف) وتضرب بها الكرة ضربة قوية محكمة تنتزع من الكرة غطاءها. وهذه الغريزة الجنسية جزء من عاطفة الشفقة التي تحس بها الأنثى عندما تشاهد حيواناً يقاسي العذاب والألم. وهذه الغريزة عينها هي أيضاً بعض عناصر الشعور بالعطف والمودة الذي يفيض به قلب المرأة إزاء شخص يعاني الوحدة والوحشة. وعندما كنت طبيبة ناشئة كان عليّ أن أهتم بأولئك الفتيات غير المتزوجات واللواتي يوشكن أن يصبحن أمهات، فكنت أسأل بعض أولئك الفتيات ممن تميزن بالذكاء والحس المرهف: (كيف أمكن أن يحدث لك ذلك؟) فكانت الفتاة تجيبني قائلة: (لم أستطع أن أضبط نفسي)!! ولكني في ذلك الوقت كنت لا أستطيع أن أصدق ذلك، فقد كنت أقول لنفسي، بل أعتقد كما تعتقد سائر النساء، أن في وسع المرأة أن تضبط نفسها وعواطفها مع الرجل، فإذا أصبحت العاطفة التي تربط بين الرجل والمرأة قوية واكتسحت حدودها المرسومة، فليس ذلك إلا لأن المرأة رغبت في ذلك، بل ورحبت به. أما الآن... فأنا أعقل وأرشد، وأعرف أن هذا غير صحيح، فهناك في العلاقة بين الرجل والمرأة لحظة لا يمكن أن يتحكم الانسان أثناءها في عواطفه أو يسيطر عليها، ومن ثم يضيع (شرف) المرأة إلى الأبد. وخط دفاع المرأة الأول ضد تلك الخديعة العاطفية هو أن تدرك المرأة أن فوران العاطفة ليس أمراً ممكناً فحسب، بل هو أيضاً أمر طبيعي وعادي. وخير وسيلة تدافع بها المرأة بنفسها عن نفسها هي ألا تثق أبداً بمقدرتها على أن تقول: (لا) في اللحظة الحاسمة فإن الاعتقاد بأن في وسع المرأة أن توقف المخادنة عندما يصل الغزل إلى اللحظة التي تحتشد فيها عاطفة المرأة احتشاداً كاملاً، هذا الاعتقاد ليس إلا كميناً تتردى فيه المرأة وهو كمين من صنع الشعراء والخياليين. ولهذا السبب عينه ينبغي للنساء أن يقين أنفسهن بالتمسك دائماً بمستوى من الأخلاق والسلوك قد يبدو نادراً غير مألوف. فإن الحرية التي تتمتع بها الفتاة العصرية ليست سوى وهم، فهذه الحرية المزعومة لا تتيح للفتاة العصرية أية فرصة لاختيار حر. على أني لا أستطيع أن أتجاهل الواقع فأقول: ـ مثلاً ـ ، إن الفتيات دون سن العشرين ـ يجب أن يمتنعن عن القبل!!؟ ولكن قليلاً جداً من الأمهات من يوضحن لبناتهن أن الطبيعة قصدت أن تكون القبل بمثابة (فاتح للشهية) دون أن تكون وجبة كاملة، فعاطفة الحب الانساني ليست لعبة يلهو بها شخصان عندما ينوء أحدهما أو كلاهما بأعباء الحياة. وإنه ليفزعني أن تحرص الروايات السينمائية... والأغاني... وبرامج الإذاعة... والتلفزيون... أن تصور كلها من الحب الجانب العاطفي الخيالي وحده، وهكذا يخيل للبالغين أن ذلك الخيال هو الحب كله ـ وهذا وهم خاطئ ـ فالحب الحقيقي هو العطف والمودة والحنان، فهذا الإطار من الحنان هو العنصر الباقي على الزمن في أي؟ة رابطة بين رجل وامرأة، بل هو الذي يبقى مدى الحياة.

Quote: ،لكني توكلت على الله، فإن أصبت فمنه و إن أخطأت فمن نفسي ومن الشيطان، وما أردت إلا الإصلاح ..

وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ * أَلا إِنَّهُمْ هُمُ الْمُفْسِدُونَ وَلَكِن لاَّ يَشْعُرُونَ * وَإِذَا قِيلَ لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَكِن لاَّ يَعْلَمُونَ

الغريبة حملة "المصلحين" على "السفهاء" دي بدت من حامورابي مرورًا بالناموس والتلمود وقوانين أوغسطين وضرائب كاليقولا ولاهوت السيادة والشريعة والفقه والماركسية اللينينية واليمين المحافظ التقليدي والوهابية والأصولية والمحافظين الجدد ... وبعد "السفهاء" أولاد الكـلـب الما كويسين قاعدين يسووا في قلة الادب ويحمّلوا البنات بالحرام ... سبحان الله ...






... المهم ....

Quote: Dear Jalaldona It seems that you missed the whole point Unfortunately I have nothing to say to you With my best regards

يا دكتور ..سلام
ما عارف عدم فهمى لى موضوعك قريتو وين فى مداخلتى
موضوعك عن عواقب الزنا و كيفية تجنبها
كان فضيحة كان حمل كان مرض
قلنا ليك حلولك دى بتساعد على انتشارو بى تجنب عواقبو .. و محتاجين لى حلول لى اصل المشكلة مش نتائج المشكلة
و ين الهول اّوت اوف بوينت هنا
بعدين الزنا يعد جريمة من الكبائر و
خطورتها فى دمارها لقيم المجتمع و تجر و راءها جرايم اخرى كالقتل انتقاما للشرف
و حديثى الولادة الذين اصبحوا وجبة دسمة للكلاب الضالة فى مكبات الزبالة
و من الصعب اثباتا قانونيا
يبقى المرض و الفضيحة نوع من العقاب لمن ارتكبها
حتى يرتدع غيرهم ..
ثم من اهتمامتك انتشار مرض الايدز والجنس واحد من الاسباب الناقلة للمرض
كعمليا ت نقل الدم و اعادة استخدام معدات طبية كالحقن كما فى المخدرات و الجروح و اللعاب
........
ثم انو.. كتبنا ليك بالعربى رد بالعربى ياخ !!!
Best to you

يا جلالدونا يا حبيب.. الحلول الإقترحتها وجيهة و هي تحتاج مجهود دولة ومجتمع كامل
دكتور عزان من جهته كفرد دي مساهمته في حل المشكلة أو قول نواتج المشكلة من حمل و ازهاق ارواح بريئة و انتشار امراض
لو واحد أو واحدة فقط كانا تمارسان الزنا بلا حرص و قد تنتج عن ممارستهما هذه كوارث أخرى و كان هذا البوست سببا في اخذهما اسباب الحيطة التي تمنع الكوارث اللاحقة فدا يحسب لمساهمة عزان
ولا يعني هذا ابدا تسهيل الممارسة لهما
فالمسالة متكاملة اقتراحاتك وواجبات الدولة و المجتمع و مساهمات مثل مساهمة عزان كلّها مجتمعة تعمل على حل المشكلة والآثار المترتبة عليها

Quote: يا جلالدونا يا حبيب.. الحلول الإقترحتها وجيهة و هي تحتاج مجهود دولة ومجتمع كامل دكتور عزان من جهته كفرد دي مساهمته في حل المشكلة أو قول نواتج المشكلة من حمل و ازهاق ارواح بريئة و انتشار امراض لو واحد أو واحدة فقط كانا تمارسان الزنا بلا حرص و قد تنتج عن ممارستهما هذه كوارث أخرى و كان هذا البوست سببا في اخذهما اسباب الحيطة التي تمنع الكوارث اللاحقة فدا يحسب لمساهمة عزان يا جلالدونا يا حبيب.. الحلول الإقترحتها وجيهة و هي تحتاج مجهود دولة ومجتمع كامل دكتور عزان من جهته كفرد دي مساهمته في حل المشكلة أو قول نواتج المشكلة من حمل و ازهاق ارواح بريئة و انتشار امراض لو واحد أو واحدة فقط كانا تمارسان الزنا بلا حرص و قد تنتج عن ممارستهما هذه كوارث أخرى و كان هذا البوست سببا في اخذهما اسباب الحيطة التي تمنع الكوارث اللاحقة فدا يحسب لمساهمة عزان ولا يعني هذا ابدا تسهيل الممارسة لهما فالمسالة متكاملة اقتراحاتك وواجبات الدولة و المجتمع و مساهمات مثل مساهمة عزان كلّها مجتمعة تعمل على حل المشكلة والآثار المترتبة عليها

عزيزى ود البشرى
شاكر و مقدر للمطايبة و ما اتيت به على العين و الراس
بس اختلافنا مع الدكتور فى اسلوب التناول من حيث اللغة و الرسايل الاخرى البين السطور
لو فى شاب او شابة ممتنع او ممتنعة عن ممارسة الزنا خوفا من نواتجه و قام / قامت وجد/ت الحلول دى تفتكر بيقصر/ بتقصر تانى
ده كان الاختلاف مع طرح الدكتور لكن للاسف ضاق صدره و لم يحتمل ما كتبه بعض الزملاء
لك و له كل المودة و التقدير

والحلول بتاعتك شنو يا جلالدونا؟

عشان نشكرها ليك مع ودالبشرى

(لأنو حلول العفة دي مطروحة وموثقة ليها سبعة ألف سنة وما جابت نتيجة)





... المهم ....

يا هلا تبارك

Quote: والحلول بتاعتك شنو يا جلالدونا؟

... معالجة المشكلة و ليس نواتج المشكلة
.... تسهيل عملية الزواج بمحاربة غلاء المهور و الصرف الغير مبرر كالشيلة و الحفلة و الحنانة ورقيص العروس و فطور العريس و الخ .....
.... جانب الدولة فى توفير فرص العمل للشباب و بناء المساكن الشعبية بقروض ميسرة و بدعم من ديوان الزكاة و صناديق تمويلية غير ربحية تخصص لهذا الغرض ...
.... القصة ما قصة تشكرنى و اشكرك بقدر ما هى محاولة تلمس حلول لى مشكلة مطلوب من الجميع المشاركة فيها

Quote: عزان تحياتى ثانيا: Quote: clandestine abortion الموضوع اعلاه من اهتماماتى ويتداخل من زاوية مع دراسة اقوم بها الان عن العقم من وجهة نظر انثربولوجية. لو امكن اجدع لى ايميلك [email protected] شكرى

معليش المداخلة زاغت بى غادى من ناس الحركة

Quote: معليش المداخلة زاغت بى غادى من ناس الحركة

الأخ أبوبكر ..
آسف شديد والله .. ما شفت المداخلة إلا أخيرا ..

راجع الخاص ..

تحياتي

معليش يا خوانا لعدم قدرتي على الرد على الكل ..

الأخ جلالدونا

آسف الرد الأول كان بالانجليزي لأنو كنت في المكتب و ما عندي كيبورد عربي

لمن تجي تقول:

Quote: هذا البوست و البوست ذو الصلة دراب تبلو و تشرب مويتو لآنو بصراحة ماب يلزمنا

فليس هناك ما أقوله لك، لأنك أصدرت حكمك - القاسي جدا- وانتهيت وما تركت مساحة للنقاش .. أي محاولة للنقاش معك بعد ذلك ستندرج تحت الدراب الذي يفترض أن أبلو وأشرب مويتو و "بصراحة ما بيلزمكم" .. ده غير إنو العبارة نفسها بتاعة "بلو واشرب مويتو" يا جلالدونا فيها شئ من عدم الإحترام .. أربأ بك أن تكون قد قصدته ولكن هذا ما يحس منها ..

Quote: للاسف ضاق صدره و لم يحتمل ما كتبه بعض الزملاء

غير صحيح .. خصصت وقتا كبيرا للرد علي كل المداخلات حتى التهكمية .. ولكن في نقطة معينة تحس بأنك وصلت لطريق مسدود مع ذلك الزميل المعين وليس "بعض الزملاء" كما ذكرت ..

باقي كلامك الرد عليهو في مداخلة محمد البشرى ..

تسلم ولك الود ..

جلالدونا ...

Quote: .... تسهيل عملية الزواج بمحاربة غلاء المهور و الصرف الغير مبرر كالشيلة و الحفلة و الحنانة ورقيص العروس و فطور العريس و الخ .....

يعني المتزوجين والمتزوجات هينين وهينات؟
انت كدا بتكون أقحمت اطراف قانونية معقدة في الموضوع ... البتجازف برة برة وما متزوجة مشكلتها بتخصها وحدها ... والبتجازف برة برة ومتزوجة بيجيها زوجها حا يقول ليها (انا دافع مهر "مخفّض" في العدة، ومتضرر) ... تبقى في حقها وحق الناس ... بعدين الزواج دا قاعد ليهو آلاف السنين ما منع المجازفة برة برة ... ليه عايز تطرح الموضوع كأنو المجازفة برة برة رد فعل لصعوبة الزواج وغلاء المعيشة ومشكلة ظهرت ليها 15 - 25 سنة ما اكتر؟

يا راجل انت بتجتر في إخفاقات الماضي التليد ... فكرتك دي لامن قالها عمر بن الخطاب المرا وقفت ليهو وقالت ليهو اتمنع النساء حقًا آتاهن الله؟ فاضطر لأن يعترف بأن أصابت امرأة واخطأ عمر ...

فإنت لا جبت حلول ولا الله قال ... ما تملانا هوا الله يرضى عليك ...





... المهم ....

Quote: يا جلالدونا يا حبيب.. الحلول الإقترحتها وجيهة و هي تحتاج مجهود دولة ومجتمع كامل دكتور عزان من جهته كفرد دي مساهمته في حل المشكلة أو قول نواتج المشكلة من حمل و ازهاق ارواح بريئة و انتشار امراض لو واحد أو واحدة فقط كانا تمارسان الزنا بلا حرص و قد تنتج عن ممارستهما هذه كوارث أخرى و كان هذا البوست سببا في اخذهما اسباب الحيطة التي تمنع الكوارث اللاحقة فدا يحسب لمساهمة عزان ولا يعني هذا ابدا تسهيل الممارسة لهما فالمسالة متكاملة اقتراحاتك وواجبات الدولة و المجتمع و مساهمات مثل مساهمة عزان كلّها مجتمعة تعمل على حل المشكلة والآثار المترتبة عليها

شكرا كتير شديد يا محمد .. ده زبدة البوست بتاعي كلو .. ما كنت حأقدر أعبر للأخ جلالدونا أحسن منك ..

تحياتي

Quote: سلام عليكم يا دكتور عزان...وشكرا على الموضوع المفيد في عدد مايو 1956 من مجلة المختار من ريدرز دايجست " نُشِر موضوع بعنوان : ما لا تعرفه النساء عن انوثتهن كاتباهو الدكتورة "ماريون هيلارد" رئيسة قسم النساء والتوليد بجامعة تورنتو وسبحان الله من خلال المقال تعرف وتتأكد من الحكمة التى من اجلها حرم الله الخلوة بين الرجال والنساء....اليك المقال كاملا:

الحبيب أحمد
شكرا على المداخلة الثرة .. كلام عجيب .. من سنة 1956 مرت مياه كثيرة تحت الجسر .. و الآن سيكون غريبا في المجتمع الأمريكي ..

تحياتي

د.عزان لك التحية
موضوع يناقش قضية معقدة وتلامس حياة الناس والتعقيد ياتي نسبة لارتباطها باخلاق الناس. بمختلف. ثقافاتهم واعرافهم .
والحال بطال ،،،،،،

Quote: د.عزان لك التحية موضوع يناقش قضية معقدة وتلامس حياة الناس والتعقيد ياتي نسبة لارتباطها باخلاق الناس. بمختلف. ثقافاتهم واعرافهم . والحال بطال ،،،،،،

شكرا الأخ معتز على المرور .. والله نسأل إصلاح الحال ..

Quote: معليش يا خوانا لعدم قدرتي على الرد على الكل .. الأخ جلالدونا آسف الرد الأول كان بالانجليزي لأنو كنت في المكتب و ما عندي كيبورد عربي لمن تجي تقول: Quote: هذا البوست و البوست ذو الصلة دراب تبلو و تشرب مويتو لآنو بصراحة ماب يلزمنا فليس هناك ما أقوله لك، لأنك أصدرت حكمك - القاسي جدا- وانتهيت وما تركت مساحة للنقاش .. أي محاولة للنقاش معك بعد ذلك ستندرج تحت الدراب الذي يفترض أن أبلو وأشرب مويتو و "بصراحة ما بيلزمكم" .. ده غير إنو العبارة نفسها بتاعة "بلو واشرب مويتو" يا جلالدونا فيها شئ من عدم الإحترام .. أربأ بك أن تكون قد قصدته ولكن هذا ما يحس منها .. Quote: للاسف ضاق صدره و لم يحتمل ما كتبه بعض الزملاء غير صحيح .. خصصت وقتا كبيرا للرد علي كل المداخلات حتى التهكمية .. ولكن في نقطة معينة تحس بأنك وصلت لطريق مسدود مع ذلك الزميل المعين وليس "بعض الزملاء" كما ذكرت .. باقي كلامك الرد عليهو في مداخلة محمد البشرى .. تسلم ولك الود ..

سلام يا دكتور ..
اعتذر تماما عما ورد منى من كلمات قاسية فى حقك و لك العتبى حتى ترضى
كما اؤكد تقديرى و احترامى ليك و لكل الزملاء ...
______

اها ان شالله صافية لبن

تبارك .. سلام

Quote: فكرتك دي لامن قالها عمر بن الخطاب المرا وقفت ليهو وقالت ليهو اتمنع النساء حقًا آتاهن الله؟ فاضطر لأن يعترف بأن أصابت امرأة واخطأ عمر ...

و فى رواية اخرى اطرق و قال .. كل الناس أفقه منك يا عمر ...
الكلام عن غلاء المهور و ليس الغائها
و الزواج هو المدخل الشرعى الوحيد الذى يلبى احتياجات الشهوة دى
و بتسهيله ممكن يقلل كثيرا من هذه الظاهرة و حل غيرو مافى
الا يكون عاوز تشرعن لينا حكاية البوى و القيرل فرند
و ده ياهو الهوى ذاتو

Quote: الا يكون عاوز تشرعن لينا حكاية البوى و القيرل فرند و ده ياهو الهوى ذاتو

بى جازك يا حبيب ... انا ما بشرعن أي حاجة لى أي زول ... المشرعن ظاطو بنكرو ...







... المهم ....

Quote: سلام يا دكتور .. اعتذر تماما عما ورد منى من كلمات قاسية فى حقك و لك العتبى حتى ترضى كما اؤكد تقديرى و احترامى ليك و لكل الزملاء ...

شكرا يا حبيب .. ودي المحرية فيك ..

ورينا يديم المودة ..

تحياتي