مشروع كتيب سودانيزأونلاين : ( قبل السقوط : قصص من الحياة )

سودانيز أون لاين غدت أكثر من وطن . .

قال الواثق الصادق فى المسنجر :

لماذا لا نجمع كل القصص التي ترد في بوست الإيدز في كتاب يطبع و يوزع؟

عزان سعيد:


شكرا يا واثق
ياريت !
أنا ليس عندى مانع , إذا وجدنا جهة تمول الطباعة
تحياتى


شكرى سليمان ماطوس :

الأخ عزان: النقاش و المعلومات و الحقائق فى البوست تشد الإنتباه بدرجة عالية ،،، حتى نكون على مستوى المسئولية لازم ننزل تنظيرنا الى حقيقة واقعة ....
ما شاء الله الأغلبية المتداخلة هنا موجودة (فى/بين) مفاصل لها علاقة مباشرة بتطورات الحدث ....
ممكن نقتحم البرامج السياسية و الإجتماعية و الإقتصادية لعدة جهات منتقاة ....
النتيجة بمجهودنـــــــا....

أقصد بكل من موقعه:
أنا موجود فى دولة خليجية ،،
ممكن تكون عندهم جمعية مشابهة ،،، لو قررنا التعاون مع البرنامج الموجود ممكن نساهم بعمل تنسيق بين الجهتين و كذلك انت و هو وهى وهم ......... وجميعاً

عزان سعيد :

الأخ شكرى
تحياتى
الأخ الواثق إقترح طباعة القصص الموجودة فى كتيب وتوزيعه للشباب. .
وهو إقتراح عملى وجيد . .ليس لدى مانع بالصياغة والتنقيح إذا وجدنا من يطبعه . .
وليكن المشروع بإسم سودانيز أون لاين . .


فاضلابى :

و ليك علي التصميم و الإلستريشن

قصرت?

وليد محمد المبارك :

طيب ما تعملوه موقع عديل كده على النت
ويكون شامل كامل فيه كل حاجة عن الايدز الحكومة داساها
توعية
تثقيف
علاج
اخبار
الخ
الخ

فاضلابي قال بصمم
وانا متبره بالبرمجة والفلبنق

وانت يا عزان عليك بالمادة وادارة الموقع ما تخاف بنعمل ليه كنترول بنل سهلة وما محتاجة لي محترف

عاوزين زول يتبرع بي حق الاستصافة وتسجيل الاسم ( بعد اقتراحه )

خرافة ( البت النضيفة ) فى ( المجازفة برة برة ) !


يللا , همتكم !

عزان والشباب تحياتي
أقترح دمج الفكرتين، فكرة الواثق وفكرة وليد
يعني كتيب وويب سايت، عشان الفكرة تصل لأكبر عدد من الناس
نحن في سودانيز أون لاين ممكن نوفر تمن جمع مادة الكتيب ومادة الويب سايت والبوسترز الاعلانية ليهم الإتنين، ودي ما كتيرة، وأهو عندك فاضلابي ووليد أول المتبرعين.
بعد كدا ممكن نتقدم بالمادة كـ Proposal لأي من المنظمات العاملة في المجال وبالتأكيد حا نلقى أكتر من جهة تدعم الفكرة.
جاهزين.

عزان !!!

إلى الأمام يا رجل المهمات الصعبة والإقتراحات الجميلة ,,,

العزيز أشرف
بفضل الله ثم فضل الإخوة يبدو أن الموضوع ماشى كويس . .
عواطف . .
وجودك فى أى بوست يمنحه عبق خاص
تشكرى

عزان دكتور المنبر

أنا متفق معاك و مع وليد

الموقع تنفيذه أسهل و يمكننا وضع الكتاب بالموقع (بي دي إف فايل) ليسهل طبعه للناشطين في السودان في كل جهاته على أن يراعى في التصميم أن يكون أبيض و أسود (حتى كده ممكن يكون جميل جدا) لإمكانية طباعته بأقل الإمكانيات و تصويره
أنور من الشفوت خالص في المجال ده
وليد أشهد ليه بالدراية الكبيرة
و أخوك عفن عديييييل

بعد ده يبقى الموضوع إيملات الشباب و إسبوعين والموقع فوق
بعد كده نطوره شوية شوية

فاضلابى اللذيذ . .
( كنت داير أقول العسل لكن خفت نصفك الجعلى يخليك تجينى فى أريزونا بسكينتك !)
الموضوع نجض تب ياخوى . .
نسق مع وليد وأنور , وورونى محتاجين شنو . .
أعتقد أن الوصلات فى الموقع ستكون :
الأيدز لمحة عامة
الايدز فى العالم
الايدز فى السودان
قصص من الحياة
كيف تحمى نفسك
إحصاءات تهمك
إتصل بنا
والباب مفتوح طبعا للجميع للتعديل والإضافة . .إيميلى عندك . .
إيميل أنور : anwar_king(at)yahoo.com

إقتراح لإسم الموقع :
sudaneseagainstAIDS.com

عزان عاوزين (دومين نيم) إسم للموقع يلا إقتراحاتكم

وليد مبارك أنا شغال ليك في الهدر و الأوبشنس عندك أهو من عزان

أو ممكن أعمل ليك إسكتش لتصوري للموقع و عليك بالباقي

عزان شيل من وليد إيميلو بالمسنجر ورسل ليهو الحاجات

أنور بعد ما نتفق على الإسم خليك مع وليد كشفوت الكمبيوتر

ياخ أنا متكيف شديد لأنو الناس دي ما تلمها إلا حافلة أو إيدز دكتور و بتاعين كمبيوتر و رسام

تيم زي الورد

أيوة حاجة تانية

عاوزين إذن بكري عشان نخت شعار سودانيزأونلاين في السايت و الكتاب أو على الأقل نشير لأنو المشروع بدأ من هنا

فاضلابى
تحياتى
سأتصل ببكرى عندما يصبح الموضوع جاهز . .
المواد أرسلها لوليد أم لأنور ؟
من الذى سيتولى وضع المواد فى الموقع وترتيبها فى وصلات ؟
بالمناسبة . .
أنا متكيف شديد. .
وحاسى إنو الواحد ممكن يقدم للبلد خدمة كويسة مع الشباب العظماء ديل . .
فى إنتظار بقية الناس . .

توارد خواطر يا دكتور

موافق

يلا خلصوا ده عشان نشوف البعده ختان ولا مصيبة زمان

وليد هو الإلتزم و هو من الشفوت زي أنور ما تشيل هم

أنور ممكن يكون كونسلتانت ولو وليد عاوز مساعدة يقول ليه عوك

رسل لي وليد

إيميل وليد فى المسنجر . .
منتظرين إفادة من أنور
المزيد من وليد . .
وتعليقات الأعضاء . .

متابعين ....

هنا (هذا البوست) ....

هناك (ذاك البوست)
خرافة ( البت النضيفة ) فى ( المجازفة برة برة ) !


....





ش

السلام عليكم يا شباب...
كما وعدت... سأقوم بحجز أسم الموقع تحت ملكية الأخ د.عزان الآن sudaneseagainstAIDS.com لمدة عام ودفع تكاليف الإستضافة لمدة عام أيضاً...
رجاء أرسل لي معلوماتك الشخصية على البريد الالكتروني:-

First Name: *
Last Name: *
Email Address: *

Company Name

Address 1: *
Address 2:
City: *
Enter State: *
Zip: *

Phone:

عشان أقوم بالتسجيل...

أعتذر عن أي متابعة فنية بخصوص الموقع والأخ وليد قدها وقدود ان شاء الله...
دعواتكم

خالص الشكر

أنور فتح الرحمن أحمد دفع الله
كوريا

شكرا يا أنور
ما قصرت تب . .
فى إنتظار فاضلابى وليد . .
عملتو شنو فى التصاميم ؟

انا جاهز لو عاوز اشتغل ليكم كود مباشر بشتغله

لكن برشح الانجن دي
http://cutephp.com/

جاهزة ومريحة جدا
فقط بنحتاج لي قدام لـ $39.95 عشان يكون عندنا حق انو نشيل "Powered by CuteNews..." من الصفحات

مريحة جدا في التعامل وما بتحتاج لي محترفين بخصوص ادراج او تعديل او خلافه
عندها محرك بحث قوي لدرجة عالية
وارشيف يومي او حسب ما تريد
ويمكن يكون شهري وبصورة تلقائية
فيها امكانية لتعيقات الزوار على المواضيع وممكن تجزف الخاصية اي او تتاج بباس وير د

لو بقيتو عليها ممكن نعربها ونعدل فيها حسب متطلبات الموقع المقترح
اشتغلت بيها في كم حته وقضت الغرض تمامااخرها لسع في مراحلة الاولى مرفوع كتجربة كي يتم التعديل فيع وفقا لاراء الاعضاء
http://www.awafi.org/

Quote: فقط بنحتاج لي قدام لـ $39.95 عشان يكون عندنا حق انو نشيل "Powered by CuteNews..." من الصفحات

الأخ وليد سلامات ليك وللجميع ،،،،
التحته خط إعتبر أمره مقضى ....
نحتاج تدلونا (متين ووين و كيف الوسيلة) للدفع ( تتوفر فيزا و ماستر كارت )؟؟؟؟


و حاضرين (يعنى جاهزين بالسودانى)....



ش

الاخ شكرى سليمان ماطوس
سلامات واحترمات

كتر خيرك ياخ وتسلم

لمن نبقى على الدفع حا اوريك الكيفية والطريقة ، ودي بتكون بعد ما النس تقر الانجن دي ويترفع الموقع ويتجرب ويجاز بعد داك ، بجي دور الدفع

خليك قريب

كل الود

done with the header
what's next

وليد فكرتو حلوة إنو يكون موقع تفاعلي و لو عزان عنده وقت ممكن الناس تسأله و هو يجاوب أو لي قدام ممكن دكاترة تانيين يتطوعوا عشان ما نكتل عزان

ممكن نعمل أوبشن زيادة إسمو قاليري
فيه نخت بوسترات عشان العاوز يطبع لي قافلة أو حملة في الحي أو لي روحو ساي
أو كاريكاتيرات أو أفلام قصيرة أو أعمال موسيقية
و ممكن نشحد الفنانين الفي المنبر يملوه لينا
إمكن واسعة شوية لكن بتبقى لي قدام

وليد
عوافي جميل وبسيط

قرط على كده

بس في مشكلة صغيرة لو عندك وايدسكرين بظهر على جمبة

ما ممكن كان يكون في النص?

تاني في لنك زيادة إتذكرتو من عوافي
(صفحات ذات صلة)

فاضلابي تسلم
عوافي شغل شباب حلو زيكم كده وهو لسع تحت التشييد والتطوير
لحفظ الحقوق عوافي اقتراح الفنان عوض شكسبير محاولة لماشركة الاطفال مرضى الكلى واتطورت لي موقع وزيارات وكده

بخصوص انو يكون في النص هين جدا انا ماشي عليه عشان اسويها
يا ريت لو مديت يدك معانا وعملت لينا هدر ليه برضو وتوصر للشكل العام ( شحادين جنس شحده)

بالنسبة لفكرة المعرض الصوري جميلة جدا
ممكن نحت لينا اي انجن من المصادر المفتوحة وهي قوية وموجوده بكتر وما بتحمل الموقع اي تكاليف مادية

ماشاء الله شباب زي الورد ربنا يوفقنا

اتلتلك حبه يا فاضلابي

معليش

اشتغل الهدر تاني على مقاس 750 بكسل في ما بين 130 الى 200 بكسل

و عاوز تعمل تصور كامل للشكل العام
عرض الموقع يكون 750 بكسل

سمح

برسلو ليك هسع

في الإيميل

كدي يا فاضلابي شوف ده التصور الخاتية في راسك انت
انا اضفت بس الاطار المتحرك في النوس لانو ده محل المواضيع الاكتف ، يعني حاجة زي الاخبار كده وبتمشي الارشيف يدوي ولا ااتماتيكي

رسل لي تعديلاتك
http://www.ffamc.gov.sd/AIDS/

يا عزان استعجل انور عشان يدينا صلاحيات الدخول على محل الاستضافة
لانو انا مخزنه في محل ناس موقتا

ورسلها لي في الايميل

وليد

المعلومات الفوق دي انا قاطعها من راسي
عشان مافي زول يقول لي ده كلام غلط وده كلام صاح

الموقع ده فقط عشان التعليق على الكل العام المولومات لسع ما وصلتنا من دكتور عزان
لانو الناس وكت تشوف بتقدر تنظر كويس

العزيز وليد
لم أتلق إفادة جديدة
من انور حتى الآن
كدى اديهو مسنجر
ارسلت لك معلومات على الايميل الان . .
تحياتى

waleed
you are the man

100%

وليد
إطلعت على التصور الآن
غاية فى الروعة
واصل وربنا يسدد خطاك
والترويسة بتاعة فاضلابى جميلة . .
منتظرين تعليقات الأعضاء

يا عزان

اللي اوت كله حق فاضلابي
هو رسل لي تصور عام لي شكل الصفحة وانا اشتغللت على الاساس ده
رسلها لي في شكل صورة
وانا صممت الموقع عليها وركب الانجل بتاعت الاخبار والقلزي بتاع الصور فضل ل لي محرك البحث الداخلي

حفظا للحقوق الشكل العام اقتراح فاضلابي

كويس

مع اني عاملهم موقتا يعني حا يتغيروا لي قدام
لكن مافي مشكلة

Quote: الوصلات فى الموقع ستكون : الأيدز لمحة عامة الايدز فى العالم الايدز فى السودان قصص من الحياة كيف تحمى نفسك إحصاءات تهمك إتصل بنا

الايدز..لمحة عامة (ماهو الايدز؟)
الايدز في العالم (يا ريت تكون هناك خرائط بالمناطق المصابة)
الايدز في السودان (اكثر المناطق المتضررة والمهددة)
قصص من الحياة (دا العنوان الكبير، تحته ياتي : احكي قصتك مع الايدز، تداعياتها على الفرد والاسرة والمجتمع المحيط به)
اعراض الايدز (درب نفسك على ملاحظة ومعرفة اعراض الايدز)
كيف تحمي نفسك (هل انت مصاب بالايدز؟) (العنوان الكبير، تحته، اليات الحماية، والحديث المستفيض عن كل)
كيفية التعامل مع مريض الايدز(من حيث المعاملة العادية، الاهتمام بالغذاء، هل هناك كشف دوري لقياس مدى مناعة الجسم)

احصاءات تهمك (العنوان الكبير، تحته، العالم، ككل، خريطة تفصيلية للدول المحيطة بنا، خريطة تفصيلية للسودان واكثر المناطق تضررا)
اتصل بنا..(امكانية وجود ارقام مجانية الى جانب الاليات المعتادة، والاستفادة من الكوادر الطبية المتواجدة بالمستفشيات والمراكز الصحية والشفخانات)
الله يوفقكم يا عزان وباقي العقد الفريد
الفوق دي مقترحات لتوسيع الكتيب..
حليمة

وليد
الكنترول بانل ممتازة وزى ما قلت ما دايرة محترف. .
الأخت حليمة. .
مقترحاتك ستجد طريقه للتنفيذ إن شاء الله

أهم حاجة يا ول
قاعد في النص
إنت تمام كيف

سلامات يا شباب...
عذراً على التأخير فقد واجهتني مشكلة تسجيل الدومين ولكنها حلت الآن بفضل الله تعالى (حالياً مسجل تحت أسمي وسنقوم بالتحايل على النظام بعد ان تم الدفع وتحويل الملكية لدكتور عزان)...
تفاصيل خطة الإستضافة لمدة عام كالأتي:-

Quote: 5 GB Space • 250 GB Transfer • 500 Email Accounts • FREE! Software • 10 MySQL Databases • 50 Email Forwards • Forums, Blogging, Photo Galleries • No ads

يعني يا وليد حاول الإستفادة من البرامج المرفقة مع خطة الاستضافة وأراها كثيرة منها البلوغ والمنتدى والبوم صور والخ...
وطبعاً لكم الخيار باذنه تعالى...
رجاء إرسل لي بريد الالكتروني يا وليد حتى أرد لك بمعلومات الدخول والذي منو...

وأتمنى ان يتم هذا العمل على اكمل وجه...
مودتي

أنور

thanks anwar
well done

أها يا شباب ...

انا أنتهيت من مهمتي...ووضعت لكم صفحة بداية سريعة كده عليها روابط للبوستات ذات الصلة

الموقع:-

http://www.sudaneseagainstaids.com/

مستني رسالتك يا وليد... ومزيد من التعاون يا فاضلابي ود.عزان...والجميع...

من أجل سودان واعي وخالي من الإيدز...


أنور

العزيز انور
ما قصرت طب
ربنا يحفظك
ارسلت لك ايميل وليد فى المسنجر
تحياتى

انور كنق
سلامات

رسلت ليك الرسالة
مستني بيانات التدخول هلى سيرفر الاستضافة

كل الود

______________

دكتور عزان
شفت الموقع الرسلته
وده نبهني لي حاجة مهمة

لغة الموقع

هل حا يكون باللغة الانجليزية ولا العربية

لانو لو عاوزين تخاطبوا داخل السودان افتكر العربي احسن
ولو عاوزين تخاطبوا خارجه منظامت وكده طبعا انجليزي احسن

وياريت لو كان بي كم لغة


مستنى ردك لانو ده مهم شديد للتصميم وبحدد شكل الموقع يمين ولا شمال

كل الود

وليد تحياتى
بالعربى طبعا لانو حنخاطب القارئ السودانى
مع امكانية اضافة نافذة باللغة الانجليزية

سلامات وتحايا...
قمت بإرسال المعلومات اللازمة لبريدك يا وليد...
ويلا...إيدينا يا ولد...إيدينا للبلد...



http://www.anwarking.com/card/sudadev.html

تحياتي

أنور

التعديل لسرعة تحميل البوست...سحبت الفلاش وخليت العنوان موجود لمن اراد ان يطالعه...

انو كنق سلامات استلم الحاجات
وحا اقوم باللاذم

شكرا كتير

سلام يا شباب،

الله يديكم ألف عافية ..

يا ريت لو كلنا نستفيد من الإنترنت وسهولة الإتصال ببعضنا حول العالم في الحاجات البتفيد البلد، بدل العك والشتائم البنقراها في معظم البوردات

عندي إقتراح بخصوص شعار الموقع؛ الشعار الحالي فيهو شبه بعيد من شعار منظمة اوكسفام Oxfam، لو قلبناهو upside down بيبقي كلمة (لا)، وفي الحالة دي ممكن نخلي الشعار (قل لا للإيدز)

للأسف ما قريت البوستات ذات الصلة بالموضوع إلا اليوم، وإلا كان ممكن - لو الإقتراح اعجب الجميع - نستفيد من الشعار في إسم الموقع برضو ..

وعندي إقتراح تاني ...

للوصول لأكبر قدر ممكن من الشباب، وخاصة شباب الجامعات، ممكن ندخل معانا منظمة زي صناع الحياة sudanlm.org. للمنظمة فرع في السودان مقره في العمارات وواضح من شكله الخارجي إنو عندها إمكانيات معقولة؛ وعمل المنظمة أصلاً وسط الشباب، وما أظن إنهم يرفضوا المشاركة في عمل زي ده ..

أخيراً أقول إنو بقدر الألم البيحس بيهو الواحد لما يقرا البوستات الإتفتحت عن إنتشار الإيدز في السودان، بقدر ما الواحد فخور إنو في شباب زيكم ما جمعهم علي المشروع ده إلا خوفهم علي البلد وشبابها

خالد جعفر كتر خيرك و شكرا على إهتمامك بالشعار
بما إنه أنا المصمم وجب علي توضيح ما يرمز إليه
هذا الشعار معروف عالميا كشعار لمكافحة الأيدز و قد بدأ إستخدامه في 1991
هذه العقدة الحمراء هي في الحقيقة واحدة من تسعة بألوان مختلفة كل واحدة ترمز الى أمر مختلف فالصفراء لمحاربة سرطان الثدي و الحمراء للأيدز وهكذا
لأن الأحمر يتطابق مع أحمر العلم السوداني و لخصوصية الموقع بالأمر في السودان أضفت العلم الى ركن العقدة كما ترى
هنا بعض المكتوب عنها في الويكيبيديا الموسوعة الحرة
[edit] AIDS awareness symbol
The red ribbon is used internationally as a symbol of the fight against AIDS which first came to prominence at the 1991 Tony Awards. The red ribbon has been a powerful psychological component of AIDS, although it has recently declined in popularity [1]


[edit] Origins
The Red Ribbon Project was created by the New York-based Visual AIDS Artists Caucus in 1991. This extraordinary collaboration believed it was important to:

Remain anonymous as individuals and to credit the Visual AIDS Artists Caucus as a whole in the creation of the Red Ribbon Project, and not to list any individual as the “creator” of the Red Ribbon Project;
Keep the image copyright free, so that no individual or organization would profit from the use of the red ribbon;
The Red Ribbon should be used as a conscious raising symbol, not as a commercial or trademark tool.
The artists who formed the Visual AIDS Artists Caucus wished to create a visual symbol to demonstrate compassion for people living with AIDS and their caregivers. Inspired by the yellow ribbons honoring American soldiers serving in the Gulf war, the color red was chosen for its, "connection to blood and the idea of passion -- not only anger, but love, like a valentine." First worn publicly by Jeremy Irons at the 1991 Tony Awards, the ribbon soon became renowned as an international symbol of AIDS awareness, becoming a politically correct fashion accessory on the lapels of celebrities. The Red Ribbon continues to be a powerful force in the fight to increase public awareness of HIV/AIDS and in the lobbying efforts to increase funding for AIDS services and research.

In a 1991 weekly column for Outweek magazine, media columnist Michael Goff asked where the pink ribbons were for those dead, dying, and fighting AIDS in comparison to the outsized response of yellow ribbons in support of the first Gulf War which resulted in few American casualties. Frank Moore and Patrick O'Connell of Visual Aids called Goff to ask if they might take it on, and went on to create and build the successful Red Ribbon Project.


[edit] Fair award
At county and state fairs in the United States, a red ribbon is awarded to the competitor finishing in second place in a contest. It is used for first place in Canada.

In some judging competitions, particularly in 4-H and FFA livestock and horticultural competitions, red ribbons may be given to a project that meets some of the judging criteria but falls short in other areas. Superior projects and exhibits are awarded blue ribbons (which are second-place ribbons in Canada).


[edit] Anti-drug symbol
Every year in the United States, one week is designated National Red Ribbon Week by the Drug Enforcement Administration (DEA), which urges citizens to wear red ribbons as a symbol to "say no to drugs." Many primary schools and secondary schools systematically hand out red ribbons to their students in this week and encourage students to wear them.


[edit] See also
Paul Jabara - co-founder of the Red Ribbon Project

سلام يا فاضلابي،

مشكور علي التوضيح وأعتذر لجهلي بالمعلومات التي ذكرتها ..

ويا الله لي قدام ...

بخصوص تمويل الكتاب، لو ما أمكن توفير المال اللازم من مساهمات الناس هنا، أقترح إنو الناس تتصل ببعض رجال الأعمال المعروفين بالإحسان. وياحبذا لو كانوا معروفين بالإحسان وسط الناس، مش في وسائل الإعلام. وديل موجودين والحمد لله..

بعدين يا د.عزان إنت ذكرت إنو بعض المصابين من أسر ثرية، وأكيد أهلهم حيكونو مستعدين لدعم مشروع زي ده بعد الضاقوهو في أولادهم ..

برضو من الملاحظ الآن في السودان إنو في محطات راديو شبابية، نسبة الإستماع ليها عالية وسط الشباب، ممكن الناس تتصل بيها ولو بصورة شخصية - عن طريق زول بيعرف زول بيعرف زول في إدارة واحدة من المحطات دي - وتطلب منها بث المعلومات الإرشادية

وربنا يوفق إن شاء الله ..

تقدير و إجلال للرائع دكتور عزان...
أشكر كل الفريق التقني الذي مشى خطوات بعيدة في أمر الموقع..
أرجو أن يتكون فريق لصياغة المحتوى للموقع و كذلك الاعتناء بالكتاب
و أنا تحت الخدمة ...






معذرة فقد غبت عن البورد لفترة لأمور خاصة و ربما أغيب مجدداً و لكنني سأكون متابعاً من يوم الأحد بانتظام


معاكم حتى النهاية

الموقع الان سكن في مكانه

سابدا في رفع المعلومات التي ارسلها لي دكتور عزان منذ اليوم حتى يكتمل شكل الموقع ثم نتناقش بعد ذلك
http://www.sudaneseagainstaids.com/

وليد

..
.
مجهود مقدر يا شباب
يستحق تضافر كل الجهات والمنظمات الطوعية والخيرية
ووزارة الصحة والبرنامج القومى لمكافحة الإيدز .. وقطاع الطلاب
فى كليات الصحة والطب ..الخ

وبالإضافة للويب صايد اتمنى ان يتم التركيز على جمع
المادة العلمية وطرق الحماية والقصص فى كتيب يتم طبعه
وتوزيعه على مراكز التوعية والمستشفيات؛ حيث ان معظم
قطاعا الشعب السودانى لا يتمكن بسهولة من الوصول للانترنت..

وفق الله الجميع لما فيه خير هذه الامه؛

عزان
فاضلابي
انور
وليد
الصادق
وكل الناس الهنا

شباب زي الورد
ده كلام صاح
مجهود رائع واكتر من رائع
يلا نمشي لي قدام ونستفيد اكتر
ونحاول نقدم اي مجهود نقدر عليه

Can anyone name these countries?

Sofyan...greetings ya man and hope you r Ok

Regards,
AnwarKing

..
.
سلام يا كنغ ؛

Quote: Can anyone name these countries?

2.8% أرتــيريا

6.4% أثــيوبيا

15% كــينيا

5% أوغــندا

4.9% الكنــغوالديمقراطية

12.9% أفريقيا الوسطى

3.6% تشــأد

اعلى نسبة طبعاً فى كينيا وافريقيا الوسطى ..!!

مع الود؛

Quote: كل الناس الهنا شباب زي الورد ده كلام صاح مجهود رائع واكتر من رائع يلا نمشي لي قدام ونستفيد اكتر ونحاول نقدم اي مجهود نقدر عليه

a

..
.
المشروع دا فوق
باعتباره احد القضايا التى يجب انن تلقي الاهتمام


تحياتى؛

يرفع للأهمية

سلام شباب

يا فاضلابي التدرج في اللون في اخر الصفحة حاكمني شديد ، يا امها تشيل التدرج وتخت لي لون واحد، ولا تحولها من هنا لي جمبه من الجمبتين

انا ما قادر اخد راحتي
http://www.sudaneseagainstaids.com/index.php

عاوز اخد راحتي والصفحة تاخد راحتها كده
http://www.sudaneseagainstaids.com/main.php

وليد هو كان إسكتش أصلا يعني نهائي ما تتقيد بيه
المهم الأزرار و الشكل العام
و إنت عملتها بالضبط زي ما كنت متخيلها
الشغل المريح دايما هو الصاح
بس شوية تطعيم بي صور عشان ما تكون كلها كتابة وإنت أبو العارفين








_____________________
ملحوظة :أحبك يا معفن

تمام يا حبه

بالنسبة للصورة لقدام لمن ارسل ليك الكنترول بنل ، حا تعرف انها حا تتوقف على المحرر ، ويقدر يختها زي الكانو شغال في الويرد ، يعني الامكانية متاحة وانا حا ارجدع ليك كم واحده عشان تتديني رايك

لانو انت الفنان واكتر واحد بقدر يحدد الشتارة وين



________________
بكلم الاسكندافيه
لكن تصور اكن ليك اضعافه

الكتابة صغيرة شوية بعد ما تخش الروابط
إحتمال أخوك عجز شوية و نظره تعب

تحياتى وشكرى لجميع الداعمين للمشروع والمارين بهذا البوست
يبدو أن دربنا مرق
وليد يمكنك الإستفادة من الصور الموجودة فى الpower point الأرسلته لك , هناك صور لمرضى وخرائط وغيره . .
تحياتى

دكتور عزان
فعلا دربنا قرب يمرق ، ومفروض كان يمرق من بدري لكن انا كنت مدروش شوية اليومين الاخيرات ديل ، لكن من هنا لحدي الاحد لو الله هون الموقع كله بكون جاهز

اكيد حا استخدم الصور المرسلها

لكن عاوز اشاورك ممكن نفتح لنك نسمية تحميل ولا اي شي نخت فيه العروض الجاهزة دي للعاوز يعمل ليها داون لود

مستني رايكم

برضو نوع الخط بحدده المحرر زي كانو شغال في الويرد
وحجمه كمان والالوان كله هسين وساهل ومنتاح للمحر انو يعمل فيها العاوزه وبي كل بساطه

قلت لي عجزت
هاهاهاهاهاهاهاهاها
الله يدي العافية

شوفوا كده كيف
عشان لو تمام امشي لي قدام واعتمد الكلام ده في باقي اللنكات
http://www.sudaneseagainstaids.com

ممتاز يا وليد
ربنا يوفقك
عروض الباور بوينت يمكن ان تتيحها لاى شخص للتنزيل
احصاءات تعمك دى صلحها !

تمام جدا

أقترح إنو ما تكون متاحة قبل نعمل في صفحاتها الشعار و نكتب إسم الموقع عشان حفظ الحق الأدبي و عشان المساعدة في الإنتشار

رأيكم شنو

سلام ياعزان أنت عزان سعيد صاحب أسامه الهلالى ؟
لو دا انت اكون انا خليتك سنة 96 فى سنة اولى طب مع اسامه ابن اخى
الشبه ياهو الشبه ويخلق من الشبه اربعين
تحياتى اليك فى كل الحالات اخى
عثمان

الأخ عثمان موسى
تحياتى
ياهو زاتو !
هاك الدليل :


:أخبارك شنو, واين انت الآن ؟

د/عزان سلام شديد أخى
ياهو زاتو والله دنيا ضيقه طيب د/محمد على ما هنا بى جاى فى فرجينيا
كن على اتصال أخى العزيز
عثمان عبدالرحيم موس

Quote: الكتابة صغيرة شوية بعد ما تخش الروابط

سلامات

ماشين كويس بس محتاج لي مساعتكم

دكتور عزان مطلوب معلومات وبيانات للنكنات دي

1.الإيدز في العالم
2. كيف تحمي نفسك
3. إحصاءات تهمك

ما عرفت امرقها من الحاجات الرسلتها لي كيف ، ارجوا ترسلها تاني مع التوضيح كل واحد فيهم يقعد وين

فاضلابي
ان رفعت القصص حقت قبل السقوط وعددها 7 قصص لو في امكانية تشتغل ليها حاجات رمزيه من عندك كده تشبه كل قصه .. وممكن لي قدام تقعد في الكتاب كمان ، وممكن زي ما قلت تكون ابيض واسود ورمادي


انور كنق
ياخ انا غلبني اشغل الايميل والفورم والكتيب الزوار من الكنترول بنل ، بصراحة خفت اعمل لي حاجة اتلخبت ليك السيرفر حقك فانت ستب الحاجات دي وانا بقعدها في مكانها وبستغل في الشكل العام حقها

في زول قبييييييييييييييل قال هو بدفع الـ 40 دولار عشان نشيل Content Management Powered by CuteNews من الموقع هسع طشي لي وما لامي فيه

بالنسبة لي انا فاضل اشغل محرك البحث والارشيف حق الموقع والنك بتاع عناوين الاخبار
بكره النشاء الله

سلام

Quote: في زول قبييييييييييييييل قال هو بدفع الـ 40 دولار عشان نشيل Content Management Powered by CuteNews من الموقع هسع طشي لي وما لامي في [/QUOTE] أمرك يا وليد ... نحن هنــــا !!!!! أتوقع رسالتك بالماسنجر ..... Or [email protected] (Home) Or [email protected] (4:00am to 12:00 am GMT ~ Office hrs) Friday & Saturday off.. 5723216 (Doha/ Qatar)a

---

Post: #75 Title: Re: مشروع كتيب سودانيزأونلاين : ( قبل السقوط : قصص من الحياة ) Author: AnwarKing Date: 03-12-2007, 11:48 PM Parent: #71 سلامات للجميع... بالنسبة للإيميل يا وليد... عملت واحد أسمو [email protected] يمكنك الدخول له من هنــــــــــــــــــــــــــــــــــــــــــــا وبعتا ليك رسالة انتا ودكتور عزان أسع بالمناسبة... Quote: والفورم والكتيب الزوار ديل أرخيهم شوية أسع...ما شايف من التعب.... تمام معاك يا سيد الرجال؟ الله معاكم

---

Post: #72 Title: Re: مشروع كتيب سودانيزأونلاين : ( قبل السقوط : قصص من الحياة ) Author: fadlabi Date: 03-11-2007, 07:40 AM Parent: #1 waleed give one day and check your email

---

Post: #74 Title: Re: مشروع كتيب سودانيزأونلاين : ( قبل السقوط : قصص من الحياة ) Author: وليد محمد المبارك Date: 03-12-2007, 10:21 PM Parent: #72 شكر سليمان تسلم يا حبيبنا مشكور كتير وربنا يجزيك خير فاضلابي الصور وصلت ، ساجري (اللازم او اللاذم) شوف الصاح فيهن

---

Post: #76 Title: Re: مشروع كتيب سودانيزأونلاين : ( قبل السقوط : قصص من الحياة ) Author: عزان سعيد Date: 03-13-2007, 06:20 AM Parent: #74 تحياتى شكرا يا انور وصلتنى الرسالة يا وليد اى حاجة موجودة فى الpower point لكن لا استطيع فتحه لانه ليس لدى نسخة معربة.سارسل لك المزيد فى الايميل , صور وخرائط. ربنا يوفق

---

Post: #77 Title: Re: مشروع كتيب سودانيزأونلاين : ( قبل السقوط : قصص من الحياة ) Author: حليمة محمد عبد الرحمن Date: 03-13-2007, 08:34 AM Parent: #76 ما هو الفرق بين حمل فيروس نقص المناعة المكتسبة HIV والإصابة بمرض الإيدز؟ الفرق قد يصل إلى عشرين عاما أو أكثر بين التعايش مع الفيروس والإصابة بالمرض. خلال هذه السنوات يستطيع حامل الفيروس أن يعيش حياة طبيعية. ولكنه في أحيان كثيرة لا يفرق المجتمع بين حامل الفيروس والمصاب بالمرض ويتعرض الشخص المتعايش مع الفيروس لتمييز شديد وخوف كبير من انتقال العدوى. لذلك يخفي الكثير منهم أمر إصابتهم بالمرض حتى عن الأهل في بعض الأحيان. في محاولة لحل هذه المشكلة عقد في القاهرة الأسبوع الماضي مؤتمر برعاية هيئة الأمم المتحدة للطفولة "اليونيسيف". نقلا عن البي بي سي http://news.bbc.co.uk/hi/arabic/programmes/newsid_6437000/6437675.stm الاخوة الجنود المجهولين، العاملين على الكتيب.. تعظيم سلام.. اتمنى ان يشمل الكتيب العنوان اعلاه (تحته خط) مودتي .. حليمة

---

Post: #78 Title: Re: مشروع كتيب سودانيزأونلاين : ( قبل السقوط : قصص من الحياة ) Author: AnwarKing Date: 03-13-2007, 08:52 AM Parent: #1 Quote: يا وليد اى حاجة موجودة فى الpower point لكن لا استطيع فتحه لانه ليس لدى نسخة معربة.سارسل لك المزيد فى الايميل , صور وخرائط. يا دكتور نزل البرنامج ده... بيساعدك في فتح الملف PowerPoint Viewer 2003 lets you view full-featured presentations created in PowerPoint 97 and later versions. http://www.microsoft.com/downloads/details.aspx?FamilyI...f71a4&displaylang=en أو يمكن أن يحول الملف كلو لماكرو ميديا فلاش... PowerPoint to Flash Converter في العنوان ده:- http://www.justdosoft.com/powerpoint-to-flash/ وعندي ليك كمان عدد من الحلول الأخرى ، يمكن تحويله لبي دي أف.. Convert PowerPoint to PDF http://www.eprintdriver.com/to_pdf/PowerPoint-to-PDF-ex.html ويمكن ترسل لي الملف على البريد وسأقوم باللازم برضو... وكده... أنور

---

Post: #79 Title: Re: مشروع كتيب سودانيزأونلاين : ( قبل السقوط : قصص من الحياة ) Author: وليد محمد المبارك Date: 03-14-2007, 05:54 PM Parent: #78 سلام يا شباب فاضلابي تم الاجراء مشكور يا حبه عزان ياخ لو ختيت البتاع ده بالانجليزي حا يكون شاتر الموقع كله عربي والحته دي بالانقليذي نشوف زول من هنا يترجم وانا بحاول افتش ليك البتاعة بالعربي وارسلها ليك تتاكد منم البيانات الفيها انو كنق تمام يا حه هسع حا افعل صفحة للاتصال بنا واخت فيها الايميل ده لحدي ما نشوف لينا طريقة تانية للاتصال بالمسئولين عن الموقع مستقبلا زياده عليه حليمة سلامات انا عبد المامور انتو اتفقوا عاوزين تختوها وين ووروني وانا بختها ___________ لسع ما شغللت السيرش انجن ولا الارشيف كل الود

---

Post: #81 Title: Re: مشروع كتيب سودانيزأونلاين : ( قبل السقوط : قصص من الحياة ) Author: عزان سعيد Date: 03-15-2007, 07:24 AM Parent: #79 شكرا يا انور استطعت قراءة الشرائح بعد البرنامج الذى ارسلته يا وليد اكتشفت ان الباور بوينت العربى الذى ارسلته لك فيه الحاجات الناقصة االمسمى الوضع الوبائى للايدز , فيه جدول به نسبة النتشار الايدز حسب الفئات , ممكن تضعه فى احصاءات تهمك وفيه شريحة اسمها الوضع الوبائى للايدز عالميا ممكن تضعها فى الايدز فى العالم عموما الباور بوينت مكتوب بلغة مبسطة واحسن من الويرد الذى انزلته يعنى يمكن تغير الوضع الوبائى فى السودان الموجودة فى الموقع بالكلام الموجود فى الشريحة المسماة الوضع الوبائى للايدز محليا والبعدها حتى الخريطة للسودان والدول المجاورة ( فى نفس الباور بوينت المذكور ) يمكن ايضا تبديل الايدز طرق النتقاله وتاريخه الطبيعى بالباور بوينت المسمى ( محاضرة عن الايدز ) , وهوايضا به جداول لاحصاءات يمكن وضعها فى احصاءات تهمك, كما به معلومات عن الوقاية يمكن وضعها فى كيف تحمى نفسك . . غالبا ما حتحتاج للباور بوينت الانجليزى , راجع العربى كويس وحتلقى اى حاجة تحياتى وتمنياتى بالتوفيق الكتابة هنا لوليد لان الشأن عام , وكوسيلة لابقاء هذا البوست المهم عاليا , وليتابع معنا المهتمون شكرا للجميع

---

Post: #80 Title: Re: مشروع كتيب سودانيزأونلاين : ( قبل السقوط : قصص من الحياة ) Author: شكرى سليمان ماطوس Date: 03-15-2007, 07:13 AM Parent: #1 تحية للجمع ... متابعين .. ش

---

Post: #82 Title: Re: مشروع كتيب سودانيزأونلاين : ( قبل السقوط : قصص من الحياة ) Author: شهاب الفاتح عثمان Date: 03-25-2007, 06:11 PM Parent: #80 مجهود مقدر و يسد عين الشمس. مستعد للخدمة في الكتابة و بعض الاطباء الزملاء و لي ارشيف قصص مقدر و معلومات في دنيا الايدز نشرت اثناء تحريري لصفحة اسبوعية طبية متخصصة لمدة امدت اربع سنوات بصحيفة الراي الاخر قبل القيد الصحفي و صحيفة الخرطوم بعده و حتى سفري للتخصص . الايدز وحش بانياب يخا ف الضوء المعلومة .مجهود مقدر و يسد عين الشمس د شهاب الفاتح - كوالالمبور

---

Post: #83 Title: Re: مشروع كتيب سودانيزأونلاين : ( قبل السقوط : قصص من الحياة ) Author: وليد محمد المبارك Date: 03-26-2007, 09:02 PM Parent: #82 http://www.sudaneseagainstaids.com/ كده المعلومات الاساسية اكتملت فضل اشغل محرك البحث وعناوين الاخبار والارشيف لكن كل المعلومات الاساسية اكتملت يا انور اها باقي الحاجات العندك يا مان

---

Post: #84 Title: Re: مشروع كتيب سودانيزأونلاين : ( قبل السقوط : قصص من الحياة ) Author: fadlabi Date: 03-27-2007, 06:37 AM Parent: #1 أقترح إضافة زر إسمه (أسئلة شائعة و تعليقات) بما إنه هناك خاصية تسمح بإضافة تعليقات . حيث يمكن من خلاله مشاركة أكبر عدد من الأطباء طوعيا بالرد على أسئلة يتلقونها مباشرة من الناس. برضو ياريت نضيف زر إسمه (حارب الإيدز) نشجع فيه الشباب إنهم يساعدوا على إنتشار الموقع و إنهم يطبعوا منه و يوزعوا لأصدقائهم إن كان بمقدورهم أو أن يتحدثوا عن الموضوع متى ما توفرت لهم الفرصة و نسأل فيه الناس أن يقترحوا إقتراحات تضيف للموقع كما أقترح زر صغير في آخر كل الصفحات إسمه (إطبع) ينفذ أمر الطباعة لمن يود. بعدين المفروض نبدأ التخطيط لحملة إعلان عن البداية الرسمية للموقع. نستنفر فيها كل الصحف و القنوات الإعلامية. إحتمال نحاول عمل بوسترات توضع في الجامعات و المدارس الثانوية بالرغم من صعوبة هذا إلا أنه يمكن الإتصال ببعض الجهات المهتمة في السودان و الروابط و الإتحادات الطلابية مع التركيز على كليات الطب

---

Post: #85 Title: Re: مشروع كتيب سودانيزأونلاين : ( قبل السقوط : قصص من الحياة ) Author: عزان سعيد Date: 03-28-2007, 08:29 AM Parent: #84 فاضلابى كلام سمح شديد وليد عمل البقدر عليه قلنا نعلن الموقع هنا بعيدن وليد بع امتحانات الشهادة ممكن يعمل الحاجات القلتها او ممكن زول تانى الحملة دى نعملها كيف ؟ ارجو ان يتصدى بورداب الخرطوم للموضوع لانو نحن بعيدين راجع : وأصبح الحلم حقيقة : بمبادرة من سودانيزأون لاين : تدشين ...دانى لمكافحة الايدز

---

Post: #86 Title: Re: مشروع كتيب سودانيزأونلاين : ( قبل السقوط : قصص من الحياة ) Author: AnwarKing Date: 03-28-2007, 02:18 PM Parent: #1 Quote: يا انور اها باقي الحاجات العندك يا مان Which one ya Waleed? Ready to continue

---

Post: #87 Title: Re: مشروع كتيب سودانيزأونلاين : ( قبل السقوط : قصص من الحياة ) Author: إسحاق بله الأمين Date: 03-28-2007, 03:16 PM Parent: #86 الايدز في بلادنا حط رحالو وانتشر وكان ما قمنا بواجبنا بعدمنا النفر يلا يا شباب شمروا وجدوا في العمل عشان خاطر أولادناالفي عمر الزهر وباكر حتجنوا ثمار جهودكم ويفرحوا بيكم الناس في الريف والحضر

---

Post: #88 Title: Re: مشروع كتيب سودانيزأونلاين : ( قبل السقوط : قصص من الحياة ) Author: شهاب الفاتح عثمان Date: 03-29-2007, 12:48 PM Parent: #87 Quote: الايدز في بلادنا حط رحالو وانتشر وكان ما قمنا بواجبنا بعدمنا النفر

---

Post: #89 Title: Re: مشروع كتيب سودانيزأونلاين : ( قبل السقوط : قصص من الحياة ) Author: AnwarKing Date: 04-02-2007, 10:22 AM Parent: #1 الصورة دي مافي طريقة يكون فيها أسم الموقع (أو ترجمة أسم الموقع بالعربي)؟ http://www.sudaneseagainstaids.com/ لأنو أحد الاصدقاء سألني السؤال ده أنور