Post: #1
Title: إعلامنا .... القشه أم روح
Author: مصدق مصطفى حسين
Date: 04-16-2005, 02:23 AM
ودّيت أولادى السودان عشان يدخلوا المدارس هناك ... و عشان يقولو : يمه ... يابا
بدلا عن ماما و بابا لأنها أصلا ما حقّتنا ... و عشان يعرفو حبّوبتهم و العنقريب
و محمد وردى ، و يلعبوا بالطين و ياكلو البوش ،،،
جونى فى الإجازة ....
يتفرجوا فى أكاديمى استار .. و يغنوا مع ( فنانات و فنانين كده ...
و الله العظيم انا ما بعرفهم و ما بحبهم ) !!
يرددوا معاهم الأغانى حرفا حرفا !! و بتى عمرها 9 سنوات داخله
ترقص مارقه ترقص .. و طبعا ما رقيص رقبه
إنعل أبو إعلامنا ،،، لأبو .......... .
|
Post: #2
Title: Re: إعلامنا .... القشه أم روح
Author: A.Razek Althalib
Date: 04-16-2005, 04:05 AM
Parent: #1
وكده حمدك يا مصدق...
إعلامنا ده..
طلعهم...
ظلاميين ...
ولا مستنيرين...
عجب....
|
Post: #3
Title: Re: إعلامنا .... القشه أم روح
Author: مصدق مصطفى حسين
Date: 04-17-2005, 04:47 AM
Parent: #1
أبو رزقه
سلام شديد
و كتر خيرك على الجيّه .
|
Post: #4
Title: Re: إعلامنا .... القشه أم روح
Author: ترهاقا
Date: 04-17-2005, 05:05 AM
Parent: #3
اخوى مصدق
اولادك حالهم احسن، فى اطفال جونا بتهاليل عرس الفداء
|
Post: #5
Title: Re: إعلامنا .... القشه أم روح
Author: Elnasri Amin
Date: 04-17-2005, 08:13 AM
Parent: #1
الاخ مصدق
تحيه طيبه
مشيت اشرب عصير فى محل فى الشهداء امدرمان
وعند دخولى تضايقت من الموسيقى العربيه العاليه بداخله
دفعت قروشى و اخدت الماركه و سالت العامل و هو يهم
"بكب" العصير" شنو الموسيقى المذعجه دى!!! انتو
بطيقوها كيف؟"
رد على قائلا " ياخى راسنا داير يطق, لكن ديل الزبائن
عايزين كده"
فى البيت كل الشفع القايمين بسمعو غنا لبنانى و مصرى
يغيظ......
طبعا ده كلو من السايتلايت لا نو اساسا شفعنا ما شغالين
بالتلفزيون السودانى...
تقبل تحياتى
|
Post: #6
Title: Re: إعلامنا .... القشه أم روح
Author: Balla Musa
Date: 04-17-2005, 09:11 AM
Parent: #5
الأخ مصدق والأخوة المتداخلون
السلام عليكم ورحمة الله وبركاته
حقيقة ما يحدث تشى بأن المواعين فارغة وراجية البملاها
بضاعة التأصيل والمشروع الحضارى عجزت عن الولوج
فآثرت شغل هذه المواعين بمنبع المشروع الحضارى العريان فى لبنان وسوريا ومصر والمدثر بالنفاق فى جزيرة العرب.
فهانحن نأخذ منهم هز الوسط وتبيض البشرة وانحناء الهامة
|
Post: #7
Title: Re: إعلامنا .... القشه أم روح
Author: مصدق مصطفى حسين
Date: 04-18-2005, 03:36 PM
Parent: #1
الأحباب :
ترهاقــــا
النصرى أمين
بله موسى
إنه إعلامنا ... الذى أضاع
التيجانى يوسف بشير و إدريس جماع
دثر ووأد عبقريات الكاشف و ... محمد وردى
أمات العلامه عبدالله الطيب و عبد العزيز العميرى ،
و.....و......و......و...... لاحد لهم ،
و أولادنا ضمن القائمه ،
لكم الود و الشكر و لا أراكم الله مكروها فى عزيز لديكم .
|
|