المفصولون للصالح العام ،،، كاراكاتير

نواصــــــــــل //

أخ مصدق
التحيه لك ولريشتك الجميله
والله إنت زول فنان جداً
كلي ثقه بأن مفصولي الصالح العام لديهم قضيه حقيقيه
مايحزن أن البعض إستلم هذا الملف ليس من أجل إرجاع حقوق هؤلاء بل من أجل مكاسب سياسيه رخيصه جداً كما أن هناك بعض المفصولين الذين فصلوا لأسباب غير سياسيه مثل الإهمال أو عدم الكفاءه يتم يتم إدراجهم مع المفصولين السياسيين ليكبروا بهم الكوم وليضخموا المسأله الأمر الذي يصعب من حل هذه المسأله ..
عموماً كلي ثقه بأن هذه المسأله ستحل قريباً بإذن الله وستعاد الحقوق لمن ظلموا بإذن الله فالظلم ظلمات يوم القيامه ..

مؤونة عام من الود

أخى الكريم محمد فرح

عاطر تحياتى،
أشكرك أولا لمرورك الجميل و لكلماتك الطيبات فى حقى ،

Quote: مايحزن أن البعض إستلم هذا الملف ليس من أجل إرجاع حقوق هؤلاء بل من أجل مكاسب سياسيه رخيصه جداً

الذى يحزن حقا إنه : من الذى سلمهم هذا الملف ؟

Quote: فصلوا لأسباب غير سياسيه مثل الإهمال أو عدم الكفاءه

هذا أمر عادى و لو كانت المسأله بحجم هؤلاء فقط لما لفتت نظر أحد من الناس ،

Quote: عموماً كلي ثقه بأن هذه المسأله ستحل قريباً بإذن الله وستعاد الحقوق لمن ظلموا بإذن الله فالظلم ظلمات يوم القيامه ..

آمين يارب ،

لك الود و صادق المحبه أخى المحترم محمد فرح .

العزيز مصدق
كل التحايا والود
أخى محمد فرح

Quote: كلي ثقه بأن مفصولي الصالح العام لديهم قضيه حقيقيه

هذا نراه كلنا ونتفق علية

Quote: مايحزن أن البعض إستلم هذا الملف ليس من أجل إرجاع حقوق هؤلاء بل من أجل مكاسب سياسيه رخيصه جداً كما أن هناك بعض المفصولين الذين فصلوا لأسباب غير سياسيه مثل الإهمال أو عدم الكفاءه يتم يتم إدراجهم مع المفصولين السياسيين ليكبروا بهم الكوم وليضخموا المسأله الأمر الذي يصعب من حل هذه المسأله .. عموماً كلي ثقه بأن هذه المسأله ستحل قريباً بإذن الله وستعاد الحقوق لمن ظلموا بإذن الله فالظلم ظلمات يوم القيامه ..

وان تعترف بان كثيرين تم فصلهم لأسباب سياسية هذه خطوه مهمه للأمام...
ما تقولة عن الإهمال ليس واردا إن ورد إلا قليلا...
عدم الكفاءة...هذا ليس واردا لانه لم تكن هناك تعينات سياسية على مستوى الخدمة المدنيه أبان العهد الديمقراطى...
ماحدث ان قام بالتعينات السياسية الانقاذيون...وهنالك الكثير من الامثلة على عدم كفاءة من تم تعيينهم,خاصة فى الحقل الطبى..

صدقنى القضيه ليست من يتاجر سياسية بقضية المفصولين ,بل المشكل فيمن فصلهم..
ختاما لك الود...

العزيز مصدق
تحية طيبة
تسلم يا فنان يارائع

العزيز عبده عبدالحميد جادالله

لك الشكر الجزيل و التقدير لمرورك الكريم ،
خالص مودتى وأطيب تمنياتى .

أخى العزيز محمد مكى محمد

شكرا لمرورك الضافى ،
للبلد الحبيب دعوات حرى تنبع من قلوب الملايين ،
لك الود و الأمنيات الطيبات .

,,, نواصــــل //

*******************

نواصــــــــــــــل//

دا شغل جميل وموهبة غنية بالإبداع
و كمفصول صالح عام أشكرك جزيلا علي هذا الإنفعال
إن شاء الله في ميزان حسانتك

أخى Nasr

عاطر تحياتى
و تقديرى و شكرى الجزيل ،
تمنياتى لك بالتوفيق ( وين ما قبّلت ).

يعنى يا مصدق اخوى لازم تقلب علينا المواجع ؟
قربنا ننسى الموضوع
لكن شخصيا ما برجعونى
حتى كان قلت الروووووووووب

أختى الكريمه سلمى الشيخ سلامة

هو بالله إنت برضو ؟؟!
أيواااا ... كده أنا عرفت سبب ( فياقة الحريم )

بالمناسبه .. لماذا توقفت عن كتابة ( فياقة حريم) ؟؟

الاخ العزيز مصدق
تحرى لى جنس كلامى دا بخلينى ارجع تانى الشغل ؟
فياقة حريم
زادوها طين


الحكومة قايمة وقاعدة فى داب تخيفض المنصرفات ، قريت الكلام كمين مرة وقلت امكن بقيت بليدة ما بفهم ، الحكاية ما عدم فهم لكين اللغة بقت صعبة فى البلد دى ، كلهن بقوا يعنى ناس اضانك بى وين يا جحا ؟المهم انو ناس الحكومة قالوا دايرين يخفضو المنصرفات ويزيدوا اسعار الحاجات ناس بنزين وسكر وهلم جرا ،قادر الله فى حكمو!!!
المعنى يعنى نحنا ندفع السبعين فى المية والحيكومة تدفع التلاتين ، والله حكاية ، كيف يعنى ؟ ونحنا شن قدرتنا ؟ ما عمرنا دا كلو من" الاستغلال"لى يومنا دا قاعدين ندفع وما فى زول سوى لينا شيتانعيم نحمد ليهو جميلو ! اللهم الا فى مرات بالعدد ، لكين دا ما المهم المهم انو نحنا ندفع ليه سبعين فى المية من متطلبات الحياة ؟ هسى دى زى ما بقول المثل اكلو اخوان واتحاسبو تجار ، الحكومة دى فيها كم وزير ؟ خليك من البره فى الاقاليم، هنا دا فى الخرتوم دى ، كل وزير خاتين ليهو وزير معاهو ، يعنى لو عشرة وزارات فى تلاتين وزير ، فوق طين كم ؟ وزير واحد ما بكفى كان من الحركة ولا من الوطنى لزومو شنو البوبار فى بيت الايجار ؟ اها دا كوم ، والمنصرفات حقتن كوم ، قادر هو فى ملكو ، بالله الذى مشينا الاقاليم من الروصيرص لى نيالا ، مشوار قدر الضربة ، لقينا ناس بشتكو من المرتبات الما اندفعت ، وناس بشتكو من الموية الما متوفرة ، وفى الف حاكم ، حاكم بامر الله وحاكم مش عارفة ايه ، ومخصصات الدنيا والعالمين ، يعنى المعنى دا السودان كدى ، اغنى بلد فى العالم ، ونشيل ونتبوبر نحنا ونحنا ، ونحنا ما قادرين ندفع مرتبات الناس و عيشن اليومى ، دا غير الجوع الطاوى الناس وشوف عينى ما قال لى زول ، فى الشارع بين الدمازين والروصيرص شافع رفعت ايدى اسلم عليهو ، خت يدو فى خشيمو المعنى يعنى جيعان نان الدنيا ما مسخت على شقيش ما قبلت ، وبقيت متل المجنونة افكر فى الناس الزى الوليد دا كم ؟ كم بنصرف لتاهيلهم؟ وهل اصلا فكرنا فيهن ولا يانا قاعدين فى القصور نتبوبر ونتفوجج والناس جيعانة وعاطلة من تمرق من الخرتوم لغاية اخر بقعة فى السودان شوف العين ما كتلو غزال ، لكين شفنا الحال من هنا لى هناك ، ولقينا انو الحل ما فى التخفيض للتلاتين فى المية وعلى راى المثل ( جايين على روحكن كده ليه ما تخلو طيب )
المهم الحل ما فى التلاتين ولا المليون ، الحل فى الشفافية ، وروونا عديل انتو بتصرفو كم وكيف ومتين وليه بنقبل انشاءالله عشرة فى المية لكين طالما شغل ( ام غمتى دا شغال ) ما فى طريقة ينعدل الحال ، ولى سنة تلاته الف حالنا ياهو ببقى كدى وكان بقى عندنا بترول الدنيا ويورانيم الآخرة يا هو الحال نفس الحال ، عاد يا اخوانى امرقو النصيحة والدين النصيحة ، طالما انو نحنا ارتضينا نبقى ولاة على امة السودان حقو نبقى عادلين مرة واحدة ، والعدل اسم من اسماء الله الحسنى وامر بالعدل سبحانه العادل ، الرحيم ،تعالو نتشارك الهم مش واحدين نايمين فى العسل واحدين ماكلين الحنضل ، ما يانا كلنا اولاد تسعة ، وكلو زول داير الخير لاهلو ، ليه يعنى زى ما بتقول حبوبة حليمة الخيار والفقوس؟ وطالما انو ربنا فتحا علينا ما نفتحا على اهلنا مرة واحدة ، نقول دا مرتب شهر مكافاة عشان رمضان ولا عشان العيد ، ما برجع ، هدية كدى من الحيكومة للناس الداشرة الدم فى داب العيشة ، وحات ابو ادريس ان بقيتو سويتو كدى ، يعنى بتفوزو فى الانتخابات طب ، شوفو الناس دايرة شنو ؟ والله ما هن دايرين القصور ولا اليخوت ، دايرين السترة وراحة البال وصينية سترة طعام ، بس ، كتير عليهن ؟

أختى أستاذه سلمى

أشكرك كثيفا لحضورك الجميل و أنت تتأبطين إحدى ( فياقات الحريم)
التى إفتقدناها هناك .. أو بالأصح حرمونا منها كما فهمت من حديثك ،

Quote: فى الشارع بين الدمازين والروصيرص شافع رفعت ايدى اسلم عليهو ، خت يدو فى خشيمو المعنى يعنى جيعان نان الدنيا ما مسخت على شقيش ما قبلت ، وبقيت متل المجنونة افكر فى الناس الزى الوليد دا كم ؟

بدون تعليق ،

لك الأمنيات الطيبات بالتوفيق شقيش ما قبّلت .