شركة أنسام للخدمات المحدودة (خدمات التنظيف)

نبذة عن الشركة
نحن شركة أنسام للخدمات المحدودة، نتشرف ان نقدم لكم هذا التعريف عن الشركة وذلك لتقديم أفضل خدماتنا لكم .
1. شركة أنسام، هي شركة خاصة تأسست وسجلت في السودان، بموجب قانون الشركات لعام 1925، في 3 أكتوبر 2012، رقم التسجيل 41560.
2. هدفنا هو تقديم أفضل الخدمات لتلبية متطلبات العملاء من خلال توفير الخدمات في زمن قياسي ، مع مرونة في التعامل مع العملاء لكسب رضاهم وثقتهم.
3. يترأس الشركة مجلس إدارة ومدير مؤهلين للغاية في كل الميادين، مع فريق من موظفي الإدارة وعمال يسعون لارضاء جميع مستويات العملاء .
4. مكتب الشركة: السودان -الخرطوم -جبرة-الشهيد طه الماحي- عقار 204
5. البيانات الفنية، وأقسام الشركة:
1. المدير العام ، أزهري عثمان محمد بيضاب: موبايل: 0912803868
2. المدير التنفيذي، انعام حسن احمد يوسف : موبايل: 0912352009
3. مدير التسويق ، سامية حمادة :00249122472553
6. تواجه الشركة السوق المحلية من خلال توفير مستلزمات الشركة التي تتألف من الأدوات التالية والتي هي ملك للشركة :
1) ماكينة جلخ وتنظيف السيراميك
2) ماكينة نظافة أطقم الجلوس
3) مكنسة كهربائية
4) ماكينات نظافة الزجاج
5) مضخات المياة
6) كمبرسور
7) أدوات التنظيف
8) أجود مواد التنظيف.
7. أنشطة الشركة:
لدينا إدارة جيدة مع متابعة لأجواء السوق والتزام الجودة نجحت في اجتياز الشركة لقيادة الأعمال مع: -
1. شركة الفا ايرلاينز – اس دي
2. مستودع شركة الفا ايرلاينز – اس دي
3. شركة ابابيل للطيران
4. شركة انجاز الهندسية (نظافة مستشفى بحري)
5. شركة انجاز الهندسية (نظافة مبنى وزارة التعليم العالي)
6. شركة انجاز الهندسية ( نظافة مبنى جامعة الخرطوم كلية التنمية التطبيقية)
7. شركة زنوبة الهندسية (نظافة مكتب السيد مدير عام جمارك السودان)
8. شركة زنوبة الهندسية (نظافة شرطة مكافحة التهريب)
9. شركة زنوبة الهندسية (نظافة جمارك مطار الخرطوم)
10. عمارة الشيخ ( مبنى خاص)
11. عمارة ابو روان (مبنى خاص)
12. فيلا السيد وليد تلودي

وأخيرا شركة أنسام للخدمات المحدودة لديها القدرة على اسعادكم وتقديم افضل الخدمات لكم وشعارنا معاً تتحقق الأنسام وعندما تطلبونا تجدوننا ان شاء الله.

مع خالص الشكر والتقدير ،،،
إنعام حسن أحمد
المدير التنفيذي
للاتصال:00249912352009-00249999299191-00249123000516-00249912803868
e-mail: [email protected]

موفقين بأذن الله

اللهم آمين يا عادل ... تسلم يارب

بالتوفيق يا انعام .........

اهتموا بالــ customer satisfaction بجيب ليكم الزبائن

الدعاية الشعبية في السودان اهم شيء (ده بكلم ده)

أهم حاجة الزبائن يا عمر ولمن يقولوا كفى ...

وفعلا كلامك صاح الدعاية الشعبية مهمة ..

وكدي جيب لينا زبون وشوف صدى شغلنا :(


شكرا لدعمك ..

ألف مبروك يا صديقتي وبالتوفيق إن شاء الله

بالتوفيق ان شاء الله

سلام والف مبروووك نعوم... ربنا يوفقكم فى كل خطواتكم ويعليكم ....ولكل مجتهد نصيب امى
تسلمى يارب ...

موفقين بإذن الله

الاخت انعام
الف مبروك الشركة و ربنا يوفقكم
أهم شيء للنجاح هذه الايام هي الاعلان او الدعاية اهتموا بيها شديد " ولا تبخلوا عليها بالصرف"
بعدين الماكينة نمرة "1" هل هي فعالة مع البورسلين ام للسراميك فقط
عاوزين نبقي زبائن " عندكم تخفيض للبورداب ؟؟"

تحياتي

مجهـود كبير وأفكار طموحـة
بالتوفيق يا إنعام ..

بالتوفيق ان شاء الله

بالتوفيق اختنا الكريمة انعام

الى الامام

Company Profile

Ansam for services Company Ltd; is a private full service cleaning and maintenance company, established and registered in Sudan, under the companies Act of 1925, on the 03rd of October 2012 (Registration No. 41560). So you will have access to the scale and proven ability to deliver world-class results combined with the responsiveness and personal service of a privately held owner-operated firm.

Mission Statement
At Ansam We strives to meet our customers’ expectations by providing outstanding services. Our staff is qualified, willing and able to undertake any and every cleaning task you might require. We can be there quickly, quietly and discreetly. We take pride in our work. We operate to high standards of safety and quality. Our rates are reasonable and we have many satisfied customers.
Board of Directors
Our company is headed and administered by highly qualified individuals in their respective fields.

 General Manager , Azhari O. M. Baidab Tel: 0912803868
 Executive Manager, Inaam Hassan Ahmed Tel: 0912352009
 Commercial Manager, Samya Hamada Tel: 0122473552



Our services
All cleaning and maintenance staff are trained professionals. Service is provided seven days a week at hours that correspond with your needs. Our rates are comparable to or lower than those of other companies.

We offer a wide variety of services including:
 Commercial and Residential Cleaning
 Ceramic Cleaner
 Cleaner kit sitting by Machine
 Hoover
 Tools of Cleaning
 Cleaning materials.
Our Clients
Our good Management with follow-up to the market Environments succeeded in passing the company to lead the business with:
 Ababeel Aviation Company
 Alfa Airlines SD Company
 Building Abu Rwan – private
 Building Sheikh – private
 Ingaz Engineering Company (Technical College U of K, Bahri Hospital, Ministry of Higher Education Building)
 Store Alfa Airlines SD Company
 Vila Mr. Waleed Talodi
 Zanoba For Engineering Contracting & Multi Activities (Customs Sudan, Anti-smuggling police, Khartoum Airport Customs)
With Our Best Complements,,,
Inaam Hassan Ahmed
Executive Manager

بالتوفيق يا بتنا
لينا زمن منك ياخ

مبروووك ,,,,, ده البزنس

ربنا يوفقكم

الله يبارك فيك يا فيصل الزبير ..

دعمك الاعلامي مهم لينا شديد وعارفاك ما بتقصر ..

مشتاقين..

يا طارق جبريل اخبارك ..

والله جري شديد وراء البزنسس واصعب مرحلة مرحلة التأسيس ...

اللهم آمين يارب

اللهم آمين اها ياود الباوقة القريش عليه وزارة الثقافة انت عليك شنو :( ان شاء الله المغتربين ههههه

تكرم يارب

الله يبارك فيك يا محمد ودعوتكم وتشجيعكم لنا محل تقدير والله

عبد الله الحبيب ..

شكرا لدعمك وحقيقة الطموح عالى خالص وربنا يسهل مع ظروف السودان دي بس لازم الواحد يغامر .. ويجتهد لتحقيق النجاح ..

تسلم يارب

اللهم آمين يا عصام مدني دعواتكم بس ..

ماجدة .. فرصة سعيدة ياخ .. الله يبارك فيك يا حبييبة وشكراا لدعواتك لينا وجري السبحة بالله خلى الامور تتسهل ..



والله مشتاقين..

يا سمؤال اللهم آمين

عارف دعوة كاربة من كل زول ربنا بستجيب ادعو لي يا جماعة

معتز القريش مش انا صديقتك يلا كلم السيد الوزير يدينا نظافة وزراة الثقافة والاعلام .. :(

اللهم آمين يارب

هل للشركة فرع في واشنطون

سلام يا عمر منجي واسفين على تأخير الرد كنت في الدويم :(

ايوة ماكينة السراميك بتشتغل للبورسلين بالفرشة القوية اولا للعراميس وبعد كدة بتركب اللباد لتلميع وتجلية البورسلين

وعندي مواد قوية بتشيل الغباش بتاع الاسمنت واصفرار الصدى

انت عضو مميز عندك تخفيض 10% من العرض المقدم

وحبابك الف يا زبون يا رايق

ومعاً تتحقق الأنسام

بالتوفيق يا انعام

اهم شئ الدقة في المواعيد.. المصداقية.. متابعة العملاء واعلمي ان رضا الزبون غاية لا تدرك.


كسرة: في الدويم شغل ام واجب اجتماعي

إسماعيل وراق اللهم آمين يارب

وفعلا بنعمل كدة التزام بالمواعيد وحتى السرعة في تقديم الاوفر ..

وقادرين نشتغل في عدد من المواقع في وقت واحد ..

وبالبلدي بقول للزول لمن تقول كفى - ما ياها رضى الزبون - :( انا دارسة اقتصاد والحتة دي مهمة شديد عندنا ..

---
الدويم واجب اجتماعي لكن طبعا الواحد بخت بالوا للشغل امكن بعد الكبرى تحصل طفرة عمرانية وتدخل تقافات جديدة منها الاهتمام بالنظافة عن طريق شركات التنظيف ..

غايتو لقيت كم فرع من بنوك هناك كان لقينا فيها فرقة ما بناباها ... واكان المحلية ادتنا شوارعهم بنجيها ليهم تب :(

مودتي

يا كوستا مع نظام الحساب بالساعة دايرة لي شهر واحد هناك واعمل افرع في كل العالم ..

تصدق فكرة ...


حضورك باهي..

دا اعلان الشركة في الدليل السوداني للاعمال والخدمات

http://dalilee.com/ar/listing.php?id=6967

مبروك يا حبيبة
اكيد الشركة حتكون ناجحة لانه انت وراها يا هميمة
يلا بالله اي زول ممكن يساعد يشمر عن الساعد وثمب اب لانسام الوراها انعام

الحبييبة القريبة .. تسلمي يارب وعارفاكم كلكم ما بتقصروا في دعمي

واول دعم لقيتوا من البورداب أنور التكينة نزل لي الاعلان للشركة في جريدة الصحافة في الصفحة الاخيرة ...


وبيكم بنحقق النجاح ومعاً تتحقق الأنسام

يا سلام ياخ! ربنا يقويكم ويفتح عليكم أبواب الرزق
تحياتي يا نعوم .. وتحياتي لأبو الزهور

شركة أنسام للخدمات المحدودة

متخصصون في معالجة النفايات الطبية ..تحت اشراف وتدريب دكتور هندسة بئية ..

وللثقافة العامة راجعوا الرابط دا - النظافة علم وابداع -

http://www.baha-health.gov.sa/forum2/showthread.php?t=1130

بالتوفيق.

------------------

يا سلااام لو خصخصوا خدمة تنظيف الوزراء والدستوريين !!!.

تبشة وصادفت الرمال .

الأخت إنعام
ألف مبروك وإن شاء الله ربنا يوفقكم ويفتح لكم أبوب الرزق

البلد فعلا محتاجة لمثل هذه الأعمال

وواحدة من الأفكار الراودتني أثناء زيارتي الأخيرة كانت فكرة أهديها ليك بطيب خاطر

وهي عمل مراكز Dry Clean

وممكن تختوها ضمن استراتيجيتكم المستقبلية
ومدخلكم ليها ممكن يكون بداية عن طريق خدمات نظافة الأثاث في الموقع (البيوت، الفلل، الشقق، والمكاتب)

وأظن (مواد النظافة) ستكون متقاربة إن لم تكن مشتركة وكذلك (الخبرات) في العمالة التي تستخدمونها سيسهل تحويلها من خدمة لخدمة وهذا يساعد في التكاليف عن تباطؤ جزء من النشاط في قطاع معين.

مع تمنياتي بالتوفيق.

العوض الطيب .. عشان العوض المسلمي ما يتلخبت ..

اللهم آمين

وشكراا للمداخلة الدسمة وفعلا المغاسل شغل قريب من شغلنا وبرضو تأسيسه ساهل ..

وفعلا انا ناوية ان شاء الله لما الشغل يمشي لي قدام شوية نعمل مغاسل ..

الان ان شاء الله بصدد انشاء معرض لمواد وأدوات النظافة ..

بس دعواتكم لينا

اللهم آمين يا أرباب

والله النظافة مهمة على جميع المستويات يا ارباب ..

تحياتنا الاخت انعام

والتحايا موصولة للأخ أزهرى

والدعوات بالتوفيق .. أنتم اهل للنجاح

مبروك أستاذة إنعام
ربنا يوفقكم
ولكل مجتهدٍ نصيب

تخريمة
ــــــ
إن شا الله تكوني ناولتي بكري حاجه.

يا استاذ محمد فضل الله المكي اللهم آمين يارب

تسلم كتير


--
بكري والله ربنا يقدرنا على جزاهو والله

اووو ود الصايم

اللهم آمين يارب

اها انت عليك الدعاية على المستوى العالمي ..

يبدو أن سيتوب علينا من الدفرة بتاعت الامجاد بعد أن أصبحتي سيدة أعمال....
ممكن الواحد يجي اجازة بعد كده

بدل يا قرضابي تشوف لي ناس البلدية هنا تقول لي دفرة وما دفرة سمح دا دعمك لي ...

انت بس تعال ولما انضف ليك بيتك حا اضرب في 3 كدى كيف ..:(

.



سعادة المدير التنفيذي / إنعام حيمورة

تحية وتقدير

أنعام الزولة الخيّرة ..........كل الأمنيات بالنجاح والتوفيق

وركزي شديد تكون عندك عقود مع جهات حكومية وشركات كبيرة ده حيساعدكم كتير
وأفضل من الاعتماد على التسويق المباشر لخدماتكم , وجود عملاء ثابتين بعقود
حيكون المحك الحقيقي للنجاح والاستمرارية .


وما تنسي البدايات بتكون عوزه صبر وطولة بال ما عادية لحدي ما الشغل يقيف على رجلينوا
ويبتدي يمشي تمام ........



صادق الأمنيات ليكم بالتوفيق




تقديري

يا سلام عليكم
اتمنى ليكم التوفيق والتقدم

الله يخليك يا خالد العبيد

ويارب يارب نوفق وحا تكونوا جزء كبير من نجاحي لدعمكم لي ...

ازيك يا عبد الناصر ..

فعلا هسى مجتهدين نتعاقد مع مستشفيات وبنوك تكون عقود ثابتة

والباقي نطلع بيهو مصاريف الشغل ..

وفعلا مرحلة التأسيس عاوزة صبر شديد خاصة في ظل الظروف الاقتصادية دي

وملاحظاتكم ومقترحاتكم جميعا بتفيدني وبعمل بيها ان شاء الله

يا شباب مرات البروكسي دا بطش مني مافي واحد تاني ادوني خيارات لو سمحتوا

شكرااا للمساعدة .. وكدة قدرت ادخل المنبر ..

منتجات شركة العملاق هي الاولى في التنظيف .. فعالة جدا

سوبر جل

سلام يا انعام وبالتوفيق

Quote: العوض الطيب .. عشان العوض المسلمي ما يتلخبت .. اللهم آمين وشكراا للمداخلة الدسمة وفعلا المغاسل شغل قريب من شغلنا وبرضو تأسيسه ساهل .. وفعلا انا ناوية ان شاء الله لما الشغل يمشي لي قدام شوية نعمل مغاسل .. الان ان شاء الله بصدد انشاء معرض لمواد وأدوات النظافة .. بس دعواتكم لينا

شكراً يا انعام وبالتوفيق ربنا يسهل اموركم ويفتح ابواب الرزق.

بالنسبة للبروكسي من السودان

نزلي برنامج Psiphon 3 في جهازك وشغليهو ثم استمتعي بسودانيزأونلاين:

https://s3.amazonaws.com/0ubz-2q11-gi9y/en.html

اهلا يا عمر صديق


اللهم آمين يارب شكراا ليك

شكرا العوض اللهم آمين فعلا نزلتوا وظبت معاي تسلم كتير

سلام للجميع .. ترقبوا افتتاح معرض شركة أنسام للخدمات المحدودة مواد وادوات النظافة

الخرطوم - شارع محمد نجيب - مقابل العمارات ش 49 - العمارة الفيها كلية الهندسة جامعة النيلين

مزيد من التجهيزات ...

صباح الأنسام ....

سلام انعام
مجال خصب و ذو عائد مجزي جداً لانها قليلة التكاليف . عليكم بالتركيز على الشركات و المؤسسات الحكومية و المنظمات و السفارات لانه دا المجال الطبيعي لهذه الاعمال و عائدها عالي . فكرة تأسيس معارض لمواد التنظيف فكرة سليمة جداً و تمنيت لو كان سابق لفكرة شركة التنظيف حتى يتم اكتساب الخبرة في مجال مواد التنظيف و معرفة رغبة الزبائن فيما يخص مواد النظافة من خلال متابعة مبيعات مواد التنظيف بجانب استغلال المعرض للتعريف بالشركة و ان ثمة شركة ستقوم نيابة عنكم بالتنظيف الخ
بالتوفيق

السلام عليكم

التحية وكامل الاحترام للاستاذة / إنعام

Quote: 2. هدفنا هو تقديم أفضل الخدمات لتلبية متطلبات العملاء من خلال توفير الخدمات في زمن قياسي

موفقين والى الامام ..

هل سيكون هدفكم بالنسبة لنشاط العمل محصور في النظافة فقط وماهي مجالات عمل الشركة الاخرى ؟ وهل هناك خطط مستقبلية

اهلا يا عاطف كيفكم

هل سيكون هدفكم بالنسبة لنشاط العمل محصور في النظافة فقط وماهي مجالات عمل الشركة الاخرى ؟ وهل هناك خطط مستقبلية ..

في الوقت الحالي العمل محصور في تقديم خدمات التنظيف بكل انواعه من تعاقدات وشركات وبيوتات .. ومباني تحت التشطيب ...

الخطط المستقبلية نمشي في نفس اللاين .. مغاسل دراي كلين ومغاسل سيارات متخصصة ..

شكرا لاهتمام ولو عندك اي مقترحات او اي بزنسس جاهزين للتنفيذ الجاد

الاخ الدكتور طه كروم لك كل الشكر والتقدير .. زمن مطول الغيبة

الصادق ضرار قرأت مداخلتك باهتمام شديد

والحمد لله بقينا خبرة من بداية تقييم العمل واحتياجاته وتقديره الزمني والمادي ..

المول او المعرض واجهه لعمل الشركة لجذب الزبائن وكذلك الاستفادة من مواد المحل لعمل الشركة مما يعنى ربح منشار هههه طالع نازل واكل ..


بنحاول الدخول لعالم التعاقدات لتثبيت اقدام الشركة ودعواتكم ...

والدعوة للجميع لافتتاح المول يوم السبت الموافق 22/12/2012

إزيك يا أنعام..

ماشاء الله الحاجات ماشية كويس ..عيني بارده!

أسمعي الطريقة الوروها ليك للبروكسي دي وريها لمنال ما قادرة تدخل!

سلمي علي الجماعة..

تسلمى يا منوية ...

انا ذاتي بدخل من رسالة رسلتها لي منال قبل كدة في الفيس بوك هسى بفتح الرسالة وادخل منها على المنبر تتصوري

اوع تخليها تتصل بي عشان بقت اول ما تتصل اعرف الريسيفر ولا القنوات حصل ليها شي :( تاني نبقى في المنبر فتح وما فتح الايام دي انا ما فاضية ليها :( :(

مشتاقون ..

دعوة لافتتاح مول أنسام لادوات ومواد النظافة

يوم السبت 22/12/2012

شارع اللواء محمد نجيب - غرب شارع 49 العمارات - عمارة اولاد محمود العبيد - كلية الهندسة جامعة النيلين


دي دعوة الفيس بوك

واتشرف بحضور الجميع

http://www.facebook.com/events/291340224302647/

www.ansam.sd

بريد أنسام ...

[email protected]

دعوة لافتتاح مول شركة انسام للخدمات المحدودة

اليوم الساعة السابعة مساء وحتى الساعة الحادية عشر

حضوركم يشرفنا

ومعاً تتحقق الأنسام...

Quote: سعادة المدير التنفيذي / إنعام حيمورة تحية وتقدير أنعام الزولة الخيّرة ..........كل الأمنيات بالنجاح والتوفيق وركزي شديد تكون عندك عقود مع جهات حكومية وشركات كبيرة ده حيساعدكم كتير وأفضل من الاعتماد على التسويق المباشر لخدماتكم , وجود عملاء ثابتين بعقود حيكون المحك الحقيقي للنجاح والاستمرارية . وما تنسي البدايات بتكون عوزه صبر وطولة بال ما عادية لحدي ما الشغل يقيف على رجلينوا ويبتدي يمشي تمام ........ صادق الأمنيات ليكم بالتوفيق

شكرا ود الخطيب قريت أفكاري
داير أضيف ليك يا إنعام حاجة مهمة:
التحفيز للزبائن مهم جدا
يمكن عمل تخفيضات للزيائن العائدين
5% ممكن تطيب خاطر الزبون وتحفزه
ممكن الزبون القادم من طرف زبون
قديم 5% برضو بتبيبض وشك قدامو
وورد أوف ماوث يا إنعام دورها في
البزنس فعال - كما تفضل جنابو
عارف الإعلان كسر ضهر
لكنه بشيل رقبتو

والله يا إنعام حاجة تسر البال
أنا جايي بعد شهر بمر عليكن
كان ربنا طلق القدم
علي قول أهلنا انا الليلتي بعد
ما في القدم بقت لي في الوش

تحياتي لابي الزهور
____
الحليلة