Post: #1 Title: انعام حيموره......تتجلي Author: مطر قادم Date: 11-03-2009, 09:19 AM Parent: #0
هذه الانسانة....الهميمة ذات قيمة وقدر مقدور في عطائها المبذول لهذه الحياة.ان انسي لا انسي تحركاتها الاجتماعية بصدد الترحيب بالبورداب القادمين من الغربة لحضن الوطن العزيز وهي تتوصي بهم وتحتفل وترتب لهم " اللمة ". او هي في تجلياتها الاخري الهامة نحو المرضي والمحتاجين.فكم من بوستات اقامتها تحض الناس والعالمين لانقاذ طفل او طفلة او مريض وقد اوقفت وقتها وجهدها ومالها وقد اسمت جهدها المشكور "صندوق الخير" وحركتها جلها تصب وتذهب صوب عافية الناس. هذا من ناحية ومن ناحية اخري ففي ايام البورداب ورحلاتهم العامرة هي شعلة من الاتقاد لجعل هذه التجمعات سعيدة....ومفرحة..وممتازة انها انعام حيموره التي عرفتها موظفة بشركة ابابيل للطيران وتقيم بحي الصحافة قرب محطة سبعة واستضافتنا بمنزلهم العامر الباذخ بالكرم والضيافة. وكاني بها حينما اتأمل الحديث الشريف الذي يقول(ان لله عبادا اختصهم بقضاء حوائج الناس حببهم في الخير وحبب الخير اليهم اولئك هم الناجون من عذاب يود القيامة) انعام.....نعوم...كوني بخير..وربنا يعزك
Post: #2 Title: Re: انعام حيموره......تتجلي Author: محمد أبوالعزائم أبوالريش Date: 11-03-2009, 09:25 AM Parent: #1
ثناء وتقدير مستحقّين
نعم ..... هي إنعام حيمورة.
تحياتي أخي مطر قادم
Post: #3 Title: Re: انعام حيموره......تتجلي Author: العوض المسلمي Date: 11-03-2009, 09:31 AM Parent: #2
انعام حيمروة نشاط لايفتر وبسمة لاتفارق ثغرها مع الكل ,, بيتها دار للجميع نشعر بالراحة كلما زرناها . يكفي انها اخت الخير , ولو فتحنا كتابها واعمالها لما كفاها هذا البوست ,, شكرا مطر قادم فانت فعلا تتحدث عن اخت تجد الاحترام والتقدير من الجميع .
Post: #4 Title: Re: انعام حيموره......تتجلي Author: خالد عبد الله محمود Date: 11-03-2009, 09:45 AM Parent: #3
والله الواحد مشتهي يجي السودان عشان يقابل أنعام و شيخ العوض ديل ؟؟ شهيتونا نشوفهم عديل كده
ألف تحية لحيمورة
Post: #5 Title: Re: انعام حيموره......تتجلي Author: ALGARADABI Date: 11-03-2009, 10:42 AM Parent: #4
انعام بائعة المكسرات
يا سلااااااام عليها أخت الكل وروح الفل
داخلين نحيي كل جميل
Post: #6 Title: Re: انعام حيموره......تتجلي Author: محمد عبد الماجد الصايم Date: 11-03-2009, 10:50 AM Parent: #5
إنعام حيمورة هي إنعام حيمورة!
Post: #7 Title: Re: انعام حيموره......تتجلي Author: Tabaldina Date: 11-03-2009, 11:04 AM Parent: #6
.. . حاولت اخت بعض مما وصفت به ولكن اخوانك اجاويدك حالو دون ذلك _______ سؤال مطر ما زال قائم ما عارف لزوم كسير التلج شنو !!؟
Post: #8 Title: Re: انعام حيموره......تتجلي Author: د.نجاة محمود Date: 11-03-2009, 11:26 AM Parent: #7
Quote: ان لله عبادا اختصهم بقضاء حوائج الناس حببهم في الخير وحبب الخير اليهم اولئك هم الناجون من عذاب يوم القيامة)[/QUOTE
سلامات يا مطر اشواقنا ومحبتنا
ما رايت انعام او سمعت صوتها والا خطر هذا الحديث لي
ربنا خصاابمحبة الناس وادها شامة ريد
لا تملك الا ان تحبها وتحبها ربنا يجعلها دائما مصدر خير ويحبب الناس فيها اكثر واكثر
Post: #10 Title: Re: انعام حيموره......تتجلي Author: انعام حيمورة Date: 11-03-2009, 03:18 PM Parent: #9
يااااا مطر ..
ياقول نادية الزول لما يلقى اسمو في عنوان بوست وصدفة بتخلع ..
وينك انت مختفى .. وما قدرت اتابع معاك بوست عن الحكاوي الحلوة وشايفة صورنا الحلوة (هههه) ..
انت يا مطر بتكون بالبوست دا عايز تضمن البرامج حقت شهري 12 وعودة أجمل الاحبة في هذا الشهر العظيم
اللي هو آخر شهر في السنة ..
الغريبة الشهر دا انا بحبه جدا خاصة يوم 2 فيهو عندي معاه ذكريات حلوة ..
الناس الجايين من برة كل زول بجي بي طريقة مختلفة وبي نكهة مختلفة ..
يعني مثلا طارق جبريل (ماسكنا بيها لي يوم الليلة) ما لقى حقوا من الترحيب الكفاية ..
لانو كنا بنمر بي ظروف (مناخية مختلفة) ..
الحريف صحي صحي .. يكون مفتح و يجي في شهر 12 .. سامع يا ود الصايم
مطر ..
شكرا لهذا (الخيط ) زي ما بقولوا ناس المنبر ..
بالنسبة لصندوق الخير .. والاعمال الخيرية .. حقيقة والحمد لله أواصل فيها وبي نفس المستوى القديم ..
الفرق الوحيد .. اني بقيت ما بعلن هنا في المنبر ..في البداية كنت خفت على الناس من ارهاقهم ..
والحمد لله عندي 50 عضو في صندوق الخير وثابتين الحمد لله بي اشتراكاتهم الشهرية .. ولو في حالة ذادت عن الاشتراكات بتصل بي اهل الخير وما بقصروا معاي والحمد لله .. وفي المقابل اتصالات الناس المحتاجة برضو ما قاعدة تقيف ..
وأخيرا أصبحت لا أعلن بسبب التزامي بالبند الذي ذكرة الباشمهندس بكري ابو بكر في الائحة بعدم جمع أموال خارج أطار المنظمة لحين قيامها ..
وربنا يقدر أهل الخير لفعل الخير والوقوف مع المحتاجين ..
طيب يا مطر عشان التجلي القلتوا لي دا حا أهديك قريبا شي سيكون في ذاكرتك مدى الحياة ..
شكرا لشعورك النبيل .. وقدر ما القى نفسي عايزة اكتب ليك بكتب ليك وبي كل تجلي (حلوة دي)
ودائما ما ارتبط في زهني بصديقك أحمد النعيم - تحياتي الشديدة ليه ..
انعام حيموره استحضرتنى هذه الابيات والله ما اشرقت شمس ولاغربت الا وذكراك مقرون بانفاسى ولا شربت لذيذ الماء من ظما الا وجدت خيالا منك فى الكأس ولا جلست الى قوم احدثهم الا وكنت حديثى بين جلاسى
Post: #37 Title: Re: انعام حيموره......تتجلي Author: انعام حيمورة Date: 11-04-2009, 12:52 PM Parent: #11
Quote: والله ما اشرقت شمس ولاغربت الا وذكراك مقرون بانفاسى ولا شربت لذيذ الماء من ظما الا وجدت خيالا منك فى الكأس ولا جلست الى قوم احدثهم الا وكنت حديثى بين جلاسى
فتحية شامي منور والله وكمان حريفة اوعى تقول لي كنتي بتدربي بي باص ابو العول ..
عارف يا مطر فتحية دي كل ما ينزل بوست مكتوب فيه انعام حيمورة بتضرب لي حتى لو هي برة السودان
العالي تقديرها فتحية شامي غمرنا دي ذكرتني مقطع لعثمان الشفيع يقول "وغمرنا نفوسنا" وأهل الظاهر من المفسرين "دقسوا في التفسير قصير النظر"وتبقي المعاني الجليلة البعيدة هي في متناول خيال شاعرنا محمد عوض الكريم القرشي وشكرا علي المرور وعاطر التحايا
الأخت إنعام جزاها الله خيرا عرفناها في هذا المنبر مساهمة و رائدة في عمل الخير. التوفيق لعمل الخير آية و دلالة على رضا رباني إن شاء الله و يقيني أنه ما كل شخص يوفق إليه و نبينا الكريم صلى الله عليه و سلم يقول (إن لله عبادا اختصهم لقضاء حوائج الناس) فهؤلاء ربنا يختارهم و يختصهم و يوفقهم و نرجو أن تكون أختنا إنعام منهم. هاك يا إنعام دا يا ريت لو تتوليهو و خليك من كلام زعيمنا أبو صلعة دا (بكري والله بهزر أوعى تشيل العدة): أرجوكم .. أرجوكم .. وحباً بالله ساعدو أحمد شكرا يا مطر على البوست.
Post: #45 Title: Re: انعام حيموره......تتجلي Author: انعام حيمورة Date: 11-04-2009, 09:56 PM Parent: #12
العوض ..
القدسة كانت حلوة وعجبتني ليه شلتها .. (ههههه)
والله يا العوض ما عشان كتبت لي الكلام دا لكن بشهد انعام حفيظ ..
اي مداخلة ليك بقراها بتكون رصينة وواعية وكلامك دائما واعي ..
غايتو انا في ذهني خاتة ليك صورة (عماد أخوي) قاعد تشبه في حاجات كتيرة ..
اها يعني هسى انا شفتك شفتك ..
ان شاء الله ربنا يقدرني وأساعد أحمد ..
أصلوا الايام دي عندي بت عمتي مريضة شديد عندها كانسر في الدم ومحتاج لي علاج وعملية بتكلفة 60 مليون سوداني ..
ماشين القاهرة ..
من يومين بس حالتها اتغيرت 360 درجة .. ربنا يشفاها ويرفعا ويقيف معاها ..
قبيل مشيت زرتها تألمت جدا جدا ..
يارب يارب تشفى كل المرضى يارب يارب
شكرا العوض لثقتك فيني شكرا كتير ..
Post: #34 Title: Re: انعام حيموره......تتجلي Author: انعام حيمورة Date: 11-04-2009, 11:37 AM Parent: #9
ود العجمي ..
انت وين ليك زمن ..
وكيف عمك ابو (سكينة) الله يجعلها طير للجنة وشفيعها لوالديها ، عامل شنو وولده كيف ؟
كل ما امشي الثورة اقول امشي ليهم اسلم عليهم ..
..
تحياتي وسلامي لاولادك ..
Post: #33 Title: Re: انعام حيموره......تتجلي Author: انعام حيمورة Date: 11-04-2009, 10:37 AM Parent: #8
Quote: لا تملك الا ان تحبها وتحبها
ياخ انا لاقية حبكم وييين يا دكتورتنا الغالية ..
ونحن بقينا أهل صاح ..
وكون انك تجي تبيتي معاي في بيتنا من تاني يوم لي جيتك من السفر عليك الله دا براه ما تقدير كفاية .. ؟؟
ربنا يعمق الاخوة والصداقة البينا كمان وكمان ..
انا بعتز بيك جدا وبي معرفتك وبي اسرتك ربنا يدوم المحنة بين الجميع ..
اعزائي خالد عبدالله والقرضابي محمد عبدالماج الصايم سررت بحضوركم وعاطر تحياتي
Post: #43 Title: Re: انعام حيموره......تتجلي Author: هاشم محمد الحسن عبدالله Date: 11-04-2009, 09:00 PM Parent: #19
شكرا العزيز مطر قادم لهذا البوست الجميل لانسانة رائعة تشرفنا بمعرفتها فى المنبر لكن ماشاء الله عطر فواح بكل جميل ومبدع ونتلهف لمقابلتها فى الوطن الحبيب لتقف على انسانة رائعة قمة فى كل شىء ونشكر الله انه يوجد فى الزمن الحالى انعام حيمورة، وأنا على فكرة (شايقى متعصب).
Post: #24 Title: Re: انعام حيموره......تتجلي Author: انعام حيمورة Date: 11-03-2009, 08:48 PM Parent: #6
Quote: إنعام حيمورة هي إنعام حيمورة!
ياخ كان ضربت لي اليوم داك كان يكون كلامك صحي
ضيعت علي فرصة العمر ياخ ..
حقيقة سعدت بحضورك البهي ..
جازة سعيدة ياخ ..
Post: #23 Title: Re: انعام حيموره......تتجلي Author: انعام حيمورة Date: 11-03-2009, 08:23 PM Parent: #5
قرضابي يا باسطة ..
ليك وحشة والله ..
اها كان كتبنا عنك وجبنا السيرة الذاتية اياها (تمشي وييين)
شفت الزول بحتار كيف ؟
Post: #17 Title: Re: انعام حيموره......تتجلي Author: انعام حيمورة Date: 11-03-2009, 07:10 PM Parent: #4
Quote: والله الواحد مشتهي يجي السودان عشان يقابل أنعام و شيخ العوض ديل ؟؟ شهيتونا نشوفهم عديل كده
خالد ..
كيفك .. والله تشرفنا جدا جدا انا والعوض المسلمي وياريت تجي والله ..
بعدين ان لاقيت بعض من افراد اسرتك يعني زي اللاقيتك ولا شنو ؟ ههههه..
تحياتي ..
Post: #15 Title: Re: انعام حيموره......تتجلي Author: انعام حيمورة Date: 11-03-2009, 06:25 PM Parent: #3
العوض اخوي ..
والله يكفي انك برضو أخو خير ..
والناس اتلمت في درب لا يحمل بين طياته اي شي آخر غير كل الخير ..
أحترمك جدا فحقيقة انت رجل مالي مركزك تماما فهنئيا لك بهذا ..
Post: #20 Title: Re: انعام حيموره......تتجلي Author: غادة عبدالعزيز خالد Date: 11-03-2009, 08:00 PM Parent: #16
انها انعام حيمورة ذات القلب النقي.. وكفى.. شكرا مطر
Post: #21 Title: Re: انعام حيموره......تتجلي Author: ismeil abbas Date: 11-03-2009, 08:13 PM Parent: #20
تسلم اخى مطر...
Quote: والله الواحد مشتهي يجي السودان عشان يقابل أنعام و شيخ العوض ديل ؟؟ شهيتونا نشوفهم عديل كده
أخى خالد لك التحية..:
وعنهم انا بحكى ليك...فيهم الشكر جدير...اعزاء لهم منى كل تقدير..
Post: #25 Title: Re: انعام حيموره......تتجلي Author: نادية عثمان Date: 11-04-2009, 00:24 AM
نعوم ؟
وكان ماإتجلت نعومة حبيبتي البتجلى منو ؟
ياخ دي ( الجلاء ) ذاتو ربنا يحفظها رسولة الإنسانية
وينك مطر الخير القادم عساك بخير يارب
Post: #26 Title: Re: انعام حيموره......تتجلي Author: ماجدة عوض خوجلى Date: 11-04-2009, 01:42 AM Parent: #25
Quote: انعام حيمروة نشاط لايفتر وبسمة لاتفارق ثغرها مع الكل ,, بيتها دار للجميع نشعر بالراحة كلما زرناها . يكفي انها اخت الخير , ولو فتحنا كتابها واعمالها لما كفاها هذا البوست ,, شكرا مطر قادم فانت فعلا تتحدث عن اخت تجد الاحترام والتقدير من الجميع .
Post: #49 Title: Re: انعام حيموره......تتجلي Author: انعام حيمورة Date: 11-05-2009, 01:33 PM Parent: #26
مجدة عوض خوجلي ..
العلاقة البينا بقت أسرية وبقينا أهل خلاص ..
انا سعيدة جدا اني لاقيتك وعرفتك وما لقيت اي حاجز بينا في التعامل ...
بحترمك جدا وبقدرك ..
__
غايتو باقي لي بس محمد عوض .. (ههههه)
Post: #27 Title: Re: انعام حيموره......تتجلي Author: صديق الموج Date: 11-04-2009, 03:19 AM
انت عارف يا مطر يااخوى انعام دى كلامك القلتو فى حقها ده كلو يبقى بعض منها لكنها غياااااااااااااااظة،،،،
Post: #28 Title: Re: انعام حيموره......تتجلي Author: doma Date: 11-04-2009, 05:56 AM Parent: #27
انعام يا النبيله خصالك ما لقيت ليك مثيل شكرا لصاحب البوست
Post: #29 Title: Re: انعام حيموره......تتجلي Author: عفاف الصادق بابكر Date: 11-04-2009, 06:52 AM Parent: #28
انعام هي انعام ... البسمه الصادقه .. والوجه الصبوح .. تسلم من كل شر وبلاء .. وربنا يحفظها .. كريمة سلاله الكرام ..
شكرا .. مطر على الدعاش القادم من نعومه .. اخت الخير ..
Post: #30 Title: Re: انعام حيموره......تتجلي Author: Siham Elmugammar Date: 11-04-2009, 07:43 AM Parent: #29
شكرا يا مطر
انعام ده برضو كسير تلج :):):)
Post: #31 Title: Re: انعام حيموره......تتجلي Author: محمد أبوالعزائم أبوالريش Date: 11-04-2009, 09:56 AM Parent: #30
Quote: غايتو يا أبو ريش لو جيت مرة الخرطوم وانا ما عرفت (بخاصمك) عديل كدة (ههههه)
يا زولة خصام شنو؟ تفي من خشمك ...
أها خُدي عندك: من هسة .... شية الضحية والمرارة والكمونية في الخرطوم. كدة كيف؟
Post: #32 Title: Re: انعام حيموره......تتجلي Author: saadeldin abdelrahman Date: 11-04-2009, 10:12 AM Parent: #31
بس لو خلتها العمليات الجراحية بتاعت الشفع (يا قولها) بتكون مية مية..
ياخي بعد رجعت من ناس الخرطوم ديل عملت كم مسودة لبوست شكر و لقيتوا ما وافي آخر حاجة غلبني.. خليتهم للكريم!
Post: #35 Title: Re: انعام حيموره......تتجلي Author: محمد ادم الحسن Date: 11-04-2009, 12:25 PM Parent: #32
نعوم الجميله شكرا على الكلام الحلو وطبعا منتدى سودايزاونلاين لسه مااتعودت عليه لانه انا بكتب فى منتديات اخرى نظاما مختلف وذولنا داك انعام حفيظ عملت ليه مفاجأه وهو اليومين دى غاطس فى منتدى تنقاسى اصلو بقى المدير العام لمنتديات تنقاسى
مراعاة لفروق الاعراق....ارد علي اهلي واقربائي الاعزاء محمد ادم...وحافظ عبد النبي مسالة سفري للسودان مسالة وقت وهي مرتبطة بولي امري الجودة قادم.....فربما سرعان ما افر الي الوطن العزيز...وهناك حيث الشية...والشربوت وعارفكم ماحاسدني ولكن ساعود قافلا اليكم....فيا اخوتي قال المغني اديني رضاك قدامي سفر
Post: #47 Title: Re: انعام حيموره......تتجلي Author: انعام حيمورة Date: 11-04-2009, 10:20 PM
Quote: وعنهم انا بحكى ليك...فيهم الشكر جدير...اعزاء لهم منى كل تقدير..
اسماعيل (تلاثة نقاط)
والله معرفتك كنز حقيقي والله ..
لك التقدير جدا
Post: #46 Title: Re: انعام حيموره......تتجلي Author: انعام حيمورة Date: 11-04-2009, 10:03 PM Parent: #20
Quote: انها انعام حيمورة ذات القلب النقي.. وكفى..
أنا برضو ؟؟
شفت يا مطر .. غادة في زيارتها السودان آخر مرة ..في ناس عايزة ترتب ليها حاجة وما عارفين يعملوا شنو قاموا قالوا يستعينوا بي صديق بعيدا عن غادة قاموا سالوها اكتر زول صاحبك في السودان منو قامت قالت ليهم (انعام) قالوا ليها طيب ادينا رقم تلفونا انا ما بعرفهم .. ضربوا لي وحكوا لي انو عايزين يعملوا حاجة لي غادة واخدوا رائي ..
اها انا قصة اكتر زولة صاحبتك في السودان دي عجبتني جدا ومقرطة على كدة (هههه)
غادة مودة في القلب لا حدود لها ..
--- كدي ما تنفذي الاتفاق الاتفقنا عليه بكلمهم هسة دي !!
Post: #48 Title: Re: انعام حيموره......تتجلي Author: سمية الحسن طلحة Date: 11-04-2009, 10:59 PM Parent: #46
أتاريك يانعومة صاحبة الناس ديل كلللهم شمو الخيانة دي وأنا أشيل وألملم في اللبان لي حولين قايلاك لي براي نقول شنو : مبروك عليك الليلة يانعومة وأنا الناس الفوق ديل كلهم وأنت تستحقي أكتر بكتير
شكرا للزول المطر مطر .
Post: #50 Title: Re: انعام حيموره......تتجلي Author: doma Date: 11-05-2009, 02:31 PM Parent: #48
نعومه دي ما في لغه ممكن تصفها بنحبك يا بت يا سمحه يا خيره
اولا اعزائي المتداخلين في هذا البوست اجمعين لا استطيع ان اخص اي فرد فيكم برد لانكم كتار(ماشاء الله) وده كله من انعام ناساها كتار...كتره تعالي يا انعام ردي علي ناسك ديل ثم اخص انعام.......فقط هي آسمي آيات الشكر والامتنان....لجهودك المشكورة بعرفان واجلال والتي اعرفها...وهي من اعمال ملائكة الرحمة صدقيني.....جديرة بالاحترام.....ببساطة لانها العافية....والبسمة....والبلسم......لاهلنا السمر الميامين واري انك تستحقين وسام التقدير من الدرجة الاولي......وتعظيم سلام......واغنية
ثم جئتك ياتبلدينا العزيز في مسالة كسير التلج.......!!!!!! فهي تهمة لا انكرها وشرفا لاادعيه هي مصطلحات شبابية..واني قد تجاوزتها وكما تعلم فانا من فئة(عمر الغمام)..ومشفّر..ولكني امتدح اعمال الخير...وقد تدرعت اختنا انعام هذه المشاق..وتستحق عليها تحية...اكبار...واجلال...وتشجيع فهل توافقني؟؟؟؟ والناس فيما تعشق مذاهب شتي...فابتداءا..هناك الحبيبة حبيبة الله والرسول.......والحبيبة بالتبني....والحبيبة بالتمني....رعاك الله ان توفر لك كل هذا...فانت في زحمة نعم
وأقول ليه الف حمد على سلامة الجماعة وبركة بالشوفة والله ..
وصلوا تمام التمام وحلوين وحلوين وحلوين وحلوين .. (الاربعة)
لاقيتهم بي كل شوق وحنين من الغربة البتطعن وي ..
يعنى كلامى فيك ما وقع واطا واكدتيه بالبيان بالعمل دائما صارّه حُب الناس فى طرفك وين ما ماشه سلمى لى على خلى الوفى ود السنى
Post: #54 Title: Re: انعام حيموره......تتجلي Author: د.نجاة محمود Date: 11-05-2009, 03:14 PM Parent: #53
Quote: الخير...وقد تدرعت اختنا انعام هذه المشاق..وتستحق عليها تحية...اكبار...واجلال...وتشجيع فهل توافقني؟؟؟؟ والناس فيما تعشق مذاهب شتي...فابتداءا..هناك الحبيبة حبيبة الله والرسول.......والحبيبة بالتبني....والحبيبة بالتمني....رعاك الله ان توفر لك كل هذا...فانت في زحمة نعم
يطيب لي ان اذكر الدكتورة نجاة محمود ففي الذاكرة اخوتي السر السيد ومحمد عكاشة وابوالقاسم قور ذهبنا للدكتورة معزين في والدها العزيز له شابيب الرحمة ..وهناك في منزلهم البعيد لحق بنا الاستاذ عادل الباز فتلقتنا بترحاب ...وكرم..وود غير محدود انها من باب الذكريات يادكتورة....وشكرا لحضورك ورد الله غربتك بيتكم زي بيتنا في الضواحي وطرف المدائن اجدادنا اتاخروا في زحفهم للخرطوم....وكما قالت انشودة الطفولة...احي متين نشوف الخرطوم
في هذا الشهر العظيم