خليني أقراك مرّة صاح عكس إحتشادك فى الحضور هل غاب معاك وعى الطريق أم بيكى زكـّانى الزمن ماشيك .. وعارفك يا حريق .. فى يوم غماماتك .. بجن فرهد غيابك .. أغنيات ظلت أراضى اللقيا بور بلقاكى يا كل الطيور .. مسجونة والحرية سور وبلقاكى بيناتنا الثبات وبيناتنا شمس البكرة فى لحظة .. مخاض
*******
طول الوجع رشـّح مواطن العافية .. فيك خلانى أرجع وأبتديك وأقراكى من كل الجهات ومابين أقابلك .. ومشتهيك .. كان حلمك الأول ترفْ وكنتى الصبية الغايبة فى زحمة حجا .. وكلمة شرف كنتى الزوايا الميتة .. فى متحف خزف كنتى الوصايا العشرة .. واللون الشحيح
*********
سميت مساحاتتك حكر كل البيحلمو ا بى الشمس هجـّرت من واقعك .. عبث سكـّنت فيك ..ضد السكون كل اللى كان ممكن .. يكون وطارت ضفيرتك ليل غنا جدلة صبُر .. وطولة نفس
*******
ومابين أقابلك ومشتهيك وجيت عليك كان عندى ليك بس نحنّ والجرح الثرى وخيبة أمل أم الشهيد فى الكلمة .. والوجه الجديد وكان إحتقان نبض الزمن نومة طفل .. فوق الدّمن يا صاحية بى الحاصل علىْ يا نايمة عن فقرى البليد سميت مرافيك الوطن صبحت مناحاتك ..... نشيد وقرينا .. اقراك مرة صاح خليني اقراك مرة صاح
-- غايتو الصداقة ما بباها الا الفيك اتعرفت ههههههه
Post: #12 Title: Re: خـليني أقـراك مرّة .. صاااااح Author: هاشم محمد الحسن عبدالله Date: 12-13-2009, 01:06 PM Parent: #11
زارعة الأمل والجمال بنت أهلى الشايقية انعام حسن حيمورة أنا سعيد بأن أزاملك فى هذا المنبر الرائع الذى تعطر بأغنيات رائعة وجميلة تعكس احساسك العالى وحسن ذوقك ، دوامى على الابداع ربنا يحفظك .
Post: #25 Title: Re: خـليني أقـراك مرّة .. صاااااح Author: انعام حيمورة Date: 12-14-2009, 09:04 AM Parent: #12
Quote: زارعة الأمل والجمال بنت أهلى الشايقية انعام حسن حيمورة أنا سعيد بأن أزاملك فى هذا المنبر الرائع الذى تعطر بأغنيات رائعة وجميلة تعكس احساسك العالى وحسن ذوقك ، دوامى على الابداع ربنا يحفظك .
خلينى اقراك مرة صاح عاطف خيرى ـ مصطفى سيد احمد عارفة يا انعام الجميلة مصطفى كان عنده بعد نظر فى الشعر والغنا "وورط "الاغنيةالسودانية الى يوم الدين ودا كلام مسؤوله عنه تمام المسؤولية لانه لمن لحن ليحى فضل الله وقاسم ابو زيد والقدال وحميد كانت الاغنية السودانية واقفة فى مكان الغزل والحب العذرى والى اخر الثيمات لما جا مصطفى دخل بالاغنيةالى منعطف جديد كان المنعطف دا هو النوع دا من الغنا حيث يتماهى الوطن والحبيبة مكللا بشعر عاطف خيرى وجمال حسن سعيد وخطاب حسن احمد وغيرهم من شعراء ما بعد الحداثيين واوجد لنفسه صيغة من"التفرد " كاملة مستحقة لمصطفى سيد احمد الى كل ذلك عاطف خيرى صاحب مفردة شعرية ايضا لها تفردها لمن تقرى قصيدة بقول فيها كان لابسا الفستان تتحيرى تماما كيف يحدث هذا ؟ الا من خلال عاطف خيرى والان استمع اليه خلينى اقراك مرتين "عشان داير يوقع الحاجات " حفظ الله هذا الشاعر الفريد
Quote: ماشيك .. وعارفك يا حريق .. فى يوم غماماتك .. بجن فرهد غيابك .. أغنيات ظلت أراضى اللقيا بور بلقاكى يا كل الطيور .. مسجونة والحرية سور وبلقاكى بيناتنا الثبات وبيناتنا شمس البكرة فى لحظة .. مخاض
شكراً لهذا الابداع المسموع والمقروء لسمندل الغناء السوداني أبو سامر .. والشكر معه لتلك الثلة من الشعراء الذين أبدعوا أيماء إبداع في نسج الحروف وغزلها قصائد يستحيل معها أن تكون أغاني مسموعة لولا راحلنا المقيم مصطفى سيد أحمد ، عليه شآبيب الرحمة .
وكما ذكر أخي العوض آنفاً ، فإن المبدعون وحدهم هم القادرون على (قراءة) الإبداع وتذوقه وإتحاف الناس به في كل وقت . فشكراً لك .. وشكراً لهم في المبتدأ .
و .. لتكن منك هذه الأغنية كضربة بداية لتوالي الاحتفاء بذكرى رحيل هذا العنديل والتي تهل علينا في 17 يناير القادم .
و ياريت : تحياتي لأخي د. علاء ، وقولي ليهو مشتاقين .
مودتي ،
( ليمو )
Post: #28 Title: Re: خـليني أقـراك مرّة .. صاااااح Author: انعام حيمورة Date: 12-16-2009, 11:57 AM Parent: #26
طول الوجع رشـّح مواطن العافية .. فيك خلانى أرجع وأبتديك وأقراكى من كل الجهات ومابين أقابلك .. ومشتهيك .. كان حلمك الأول ترفْ وكنتى الصبية الغايبة فى زحمة حجا .. وكلمة شرف كنتى الزوايا الميتة .. فى متحف خزف كنتى الوصايا العشرة .. واللون الشحيح
ماشيك .. وعارفك يا حريق .. فى يوم غماماتك .. بجن فرهد غيابك .. أغنيات ظلت أراضى اللقيا بور بلقاكى يا كل الطيور .. مسجونة والحرية سور وبلقاكى بيناتنا الثبات وبيناتنا شمس البكرة فى لحظة .. مخاض
سمعت أن شاعرنا الفذ هذا يقيم بملبورن ان شاء الله الم فيهو يوم و اشوف منبع الخيال و الرمزية العجيبة دي. أرجو إذا "قرأني" أن نتواصل و رقمي بالبروفايل. رحم الله أبا سامر و حفظك يا نعوم.
