Post: #3 Title: Re: السمحة قالوا مرحلة بعدك الفريق اصبح خلا .. Author: مطر قادم Date: 12-22-2009, 03:31 AM Parent: #2
العزيزه نعوم تحياتي ومودتي وتقديري تعرفي ان الاستاذ مصطفي سيد احمد له اغنية استراتيجية قد تجد قبولا محدودا عند المستمعين واعتبرها انا انها اغنية هامة لما تحمله من تعازي لالاف الشواكيش التي حدثت بالجامعات فهي اغنية مواجبه والحق يقال انها جميلة برضو ولو لم تحظي بالاهتمام الذي تستحقه اليوم حضرنا اجتماع لبورداب القاهرة لترتيب الاحتفال بممصطفي القائم بيننا ويشمل تكريم لاسرته الكريمه وشهده لفيف من البورداب واهل مدني واهل الحصاحيصا الميامين واغنية السمحة قالوا مرحلة اغنية ممتازة كلمات ولحن واداء مصطفي سيد احمد ده المابحب اغانيه داقس
Post: #4 Title: Re: السمحة قالوا مرحلة بعدك الفريق اصبح خلا .. Author: عفاف الصادق بابكر Date: 12-22-2009, 07:26 AM Parent: #3
يا سلااااااااااااام يا انعام .. يا اخ انتي يعملوا ليك شنو من الصباح كده .. من على البعد وبظهر القلب بدعو ليك .. إنشاءالله دربك اخضر شقيش ما تقبلي ..
Post: #5 Title: Re: السمحة قالوا مرحلة بعدك الفريق اصبح خلا .. Author: العوض المسلمي Date: 12-22-2009, 08:00 AM Parent: #4
اصلها ماشه مدني ولا نيالا ؟؟؟
Post: #8 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 09:10 AM Parent: #4
Quote: من على البعد وبظهر القلب بدعو ليك .. إنشاءالله دربك اخضر شقيش ما تقبلي ..
يا سلام يا عفاف وانا كون القى لي دعوة زي دي من الصباح تاني ما دايرة شي ..
شكرا ليك واتمنى ان تستمتعي بالاستماع ليها ..
مودتي
Post: #7 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 09:04 AM Parent: #3
مطر يا صديقي ..
غدار دموعك اغنية والله حلوة جدا .. وكل البسمع مصطفى سمع صاح بحب الاغنية دي ..
وهي من الاغاني الرائعة جدا ..
Quote: مصطفي سيد احمد ده المابحب اغانيه داقس
جدا .. هههه
Post: #6 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 08:39 AM Parent: #2
Quote: مرحله ....لي وين؟؟؟؟؟؟
وينك يا دكتور ياسر ..
والله الاغنية اول ما طلعت كان عرس ولد خالتي وغنى مصطفى في عرسو في الحصاحيصا ..
لما السيرة رجعت للخرطوم طول الطريق كنا بنردد في الاغنية دي ...
Post: #9 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 10:20 AM Parent: #6
Quote: اصلها ماشه مدني ولا نيالا ؟؟؟
العوض أبوي .. شنو تقلع صورة بروفايلي ياخ ..
اصلا مصطفى دائما مرتبط بالجزيرة مدني والحصاحيصا ود سلفاب ..
عشان كدة مدني ما بطالة ..
Post: #11 Title: Re: السمحة قالوا مرحلة بعدك الفريق اصبح خلا .. Author: ياسر بيناوي Date: 12-22-2009, 10:28 AM Parent: #9
ياسلام يانعام والله الغنية لي معاها قصص وزي ماقال مطر قادم اغنية مواجبة
انا شخصيا عمل معاي الواجب وزيادة
خالص الود
Post: #12 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 10:55 AM Parent: #11
Quote: انا شخصيا عمل معاي الواجب وزيادة
اظن يا بيناوي من اصحاب الشواكيش الجامدة
لووووول
وينك طولت من حليوة ,,
Post: #27 Title: Re: السمحة قالوا مرحلة بعدك الفريق اصبح خلا .. Author: هاشم محمد الحسن عبدالله Date: 12-23-2009, 07:18 AM Parent: #9
الرائعة انعام ، تحياتى ، الله يديك العافية ويحقق كل امانيك وأحلامك الجميلة بقدر ماتدخلى المتعة فى نفوسنا بهذه الدرر الغالية للمبدع الراحل مصطفى سيد احمد، ذوق عالى راقى ، مودتى .
Post: #29 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-23-2009, 08:05 AM Parent: #27
هاشم محمد الحسن
وجودك دائما بفرحني والله
Post: #10 Title: Re: السمحة قالوا مرحلة بعدك الفريق اصبح خلا .. Author: عاطف عمر Date: 12-22-2009, 10:26 AM Parent: #1
تصدقي يا إنعام أنا قايلك قاصدة بالأغنية دي العروس داليا كباشي كونها مرحلة من بورداب الخرطوم لـ بورداب السعودية
__________________________
الأغنية حتماً جميلة كلمات المقبول سيدأحمد ( شقيق الراحل مصطفى سيد أحمد ) لنا معها ذكريات جد جميلة
_________________
سلامات
الله يستر دينا خالد ما تشوف البوست دا سمها فاير
تكون مالا ؟؟؟
Post: #13 Title: Re: السمحة قالوا مرحلة بعدك الفريق اصبح خلا .. Author: مريم بنت الحسين Date: 12-22-2009, 10:55 AM Parent: #10
Post: #16 Title: Re: السمحة قالوا مرحلة بعدك الفريق اصبح خلا .. Author: ismeil abbas Date: 12-22-2009, 11:14 AM Parent: #14
ألأخت/إنعام.....لك التحية..
Quote: والى 17/1/2009
السمحة قالو ا مرحلة....الله يسعده ويهنيها بمكانها المرحله له....والفريق بعدها حقيقة بصبح خلا من جمال ونستها ورقتها ولطفها....
ما ممكن التاريخ ده يتمدد شوية.....للسمحين أخلاقآ من الجنسين لهم مكانة فى النفوس......تحياتى للزولة الضافية للخرطوم جمال هذه ألأيام منى خوجلى وزاد النور بهاء وصول اسيا بت عم ربيع اليوم.....
تقديرى وأحترامى الشديد............إسماعيل محمد احمد عباس...
Post: #18 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 12:42 PM Parent: #16
اسماعيل ثلاثة نقاط
كيفك يا ملك ووين الحي بيك ماجيت تاني ..
Quote: ما ممكن التاريخ ده يتمدد شوية
ياخ شكلك سرحت شديد .. الحالة الاغنية اغنية شاكوش ..
التاريخ دا احياء الزكرى السنوية للفنان الراحل مصطفى سيد احمد
تسلم يارب
Post: #17 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 12:27 PM Parent: #13
Quote: الف شكر، فرّقتي علي الليلة... إلى حد ما
سلام بت الحسين
والله يا مريم انا كل ما اكون مضايقة او او خبسمع مصطفى ودائما بفرق علي ..
تسلمي يارب
Post: #15 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 11:12 AM Parent: #10
Quote: أنا قايلك قاصدة بالأغنية دي العروس داليا كباشي
عاطف يا كريم الاخلاق
والله داليا يا حليلا والله .. بختكم بيها
التحية للمقبول والرحمة لمطصفى لهذا الابداع
-- تكون ماااالا
Post: #19 Title: Re: السمحة قالوا مرحلة بعدك الفريق اصبح خلا .. Author: ALZOLZATOO Date: 12-22-2009, 01:30 PM Parent: #15
يانعومة
عندنا في الخليج السمحة بيرحلوها بالبوليس
اوعي تغني الاغنية دي في الخليج
ممكن تقولي السمحه قالوا ناقلة لي بيت تاني او بتغير بيتها
شفتي قطعت البحر دي بتغير الكلام زاتو
تحياتي
زاتوووو
Post: #20 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-22-2009, 01:35 PM Parent: #19
الزوووول ذاتتتو
والله شكلك كدة بتاع ضحك وهظار بس لاحقني ..
قلت لي قطعت البحر بتغير الكلام ههههه
شكرا لي مداخلاتك الدائما بتسعدني ..
Post: #21 Title: Re: السمحة قالوا مرحلة بعدك الفريق اصبح خلا .. Author: Abdelgadir Galal Ahmed Date: 12-22-2009, 02:47 PM Parent: #20
بسم الله الرحمن الرحيم الاخت انعام حيموره وضيوفها الكرام السلام عليكم ورحمة الله وبركاته وكل عام والجميع بخير ولامين وتامين وطيبين باذن الله اغنية السمحة قالوا مرحلة من اجمل الاغاني العاطيفية التي شدي بها مصطفي عليه شابيب رحمة الله وغفرانه والكلمات معباة بالشجن والعاطفة الشفيفة وعلي ما اعتقد ان شاعر الاغنية من قرية العيكورة الواقعة بالقرب من الحصاحيصا يكني بود القطن وهو شاعر جيد له انتاج شعري اخر لكنه لم يجد حظه الكافي من الاعلام اقول ذلك وانا غير متاكد تماما من هذه المعلومة وعلي من عنده الخبر اليقين الافادة والسلام
Post: #22 Title: Re: السمحة قالوا مرحلة بعدك الفريق اصبح خلا .. Author: Dr. Salah Albashier Date: 12-22-2009, 04:03 PM Parent: #21
الأخت العزيزة إنعام لك التحية والود ماذا تفعل أفكارنا بعد "البهدلة"؟ مع خالص تحياتي د. صلاح البشير
Post: #32 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-23-2009, 09:03 AM Parent: #22
Quote: ماذا تفعل أفكارنا بعد "البهدلة"؟
والله حالة صعبة ووصف عجيب ..
شكرا لحضورك البهي يادكتور
Post: #25 Title: Re: السمحة قالوا مرحلة بعدك الفريق اصبح خلا .. Author: SHIBKA Date: 12-22-2009, 11:06 PM Parent: #21
انعام
اقول ليك شنو بس؟؟ اختيارك موفق
Post: #33 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-23-2009, 09:18 AM Parent: #25
Quote: اقول ليك شنو بس؟؟ اختيارك موفق
شبكة فهمك وصل هههه
بركة العجبتك ..
ويارب دائما اختياري يكون موفق
لووول
Post: #31 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-23-2009, 08:50 AM Parent: #21
Quote: اغنية السمحة قالوا مرحلة من اجمل الاغاني العاطيفية التي شدي بها مصطفي عليه شابيب رحمة الله وغفرانه
فعلا انا شايفة الاغنية عاطفية ما أغنية شواكيش يا عبد القادر زي ما ناس بيناوي فسروها ..
الاغنية دي زي اغنية البنات ..
مع السلامة وابقى زي ما قلنا ليك
خلي بالك من عريسك ومن نسايبك الاكرموك
مع السلامة وابقى زي ما قلنا ليك
يلا زول يفتينا بشاعر الاغنية ما بين المقبول وود العيكورة
سلام ياصاحبة البوست وزواره خطرت لي فكرة واعتقد انها توثيقية هامة وهي عبارة عن كتابة عن (الرحيل) في الاغنية السودانية وهو يكشف جانب هام من التركيبة النفسية والوجدانية للسودانيين وكشفوا خلال اغنياتهم عن الرحيل والفرقة عن معدن حنين وناس عشرتهم جميلة ومابدوروا الفراق والرحيل. انا بقدم نماذج علي سبيل المثال واستعين بصديقنا الباحث الدوؤب عماد احمد العمدة الضليع في ميادين الفن وبقلم لطيف عميق وتوثيقي هام وبقدرة ومقدرات يحسد عليها يله امثلة السمحة قالوا مرحلة حليل الراحوا خلوا الريح تنوح فوق النخل رحلتوا بعيد نسيتو الريد والحنان والله وحدو بينا البرحونا وراحوا ياسلام منك ومامنك تحية ياسلام ياالفنجرية وطير الرهو وخليت ليك بلد بحالوا ورحلت بجاي سفري السبب لي ازاي ومن اهلنا سافرنا سفر الغربه بهدلنا الليلة ووب يااهلنا قطار الشوق متين ترحل تودينا نحن سافرنا وبعدنا وسافر خلي لي صورة والخ دي بس مقدمه علي خفيف من مخزون الذكريات العمدة واخرون يمكنهم تقديم اضاءات واضافات ويانعوم زي مابقولوا اخوانا هنا اوعي اكون انحرفت بالبوست عن اهدافه يا انعام ربما اصل الخرطوم في غضون ايام قليلة ولك ومني عوض خوجلي يوم مع احمد النعيم وياسر تمتام وسيف الجامعة وزي ما تفضلت اخت مني وبناءا علي رغبتها ما حناكل ولا سمكة ولا خروف في البر عشان ربنا مايحاسبنا ناكل من خشاش الارض مثل فولها وعدسها وهلمجرا...انا بهزر بس
Post: #26 Title: Re: السمحة قالوا مرحلة بعدك الفريق اصبح خلا .. Author: سيف الدولة كامل Date: 12-23-2009, 00:37 AM Parent: #24
الف رحمة ونور عليك يا مصطفي سيد احمد.
شكرا يا أنعام هيجتي فينا ذكريات خوالي.
Post: #28 Title: Re: السمحة قالوا مرحلة بعدك الفريق اصبح خلا .. Author: خالد درق Date: 12-23-2009, 07:46 AM Parent: #26
الاخت / انعام حمورة تحياتى
السمحة قالوا مرحلة بعدك الفريق اصبح خلا
ياسلام وياسلام اختى انعام زكرتنا بيام حلوة لكى العافية ودمتى
الله يرحم الفنان مصطفى سيداحمد
مشكورة الاخت انعام
Post: #30 Title: Re: السمحة قالوا مرحلة بعدك الفريق اصبح خلا .. Author: عبد الرحيم محمد عبد الرحيم Date: 12-23-2009, 08:43 AM Parent: #28
[QUOTE]اقول ليك شنو بس؟؟ اختيارك موفق
تعليق كافى شكرا انعام .
Post: #36 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-23-2009, 12:57 PM Parent: #24
Quote: السمحة قالوا مرحلة حليل الراحوا خلوا الريح تنوح فوق النخل رحلتوا بعيد نسيتو الريد والحنان والله وحدو بينا البرحونا وراحوا ياسلام منك ومامنك تحية ياسلام ياالفنجرية وطير الرهو وخليت ليك بلد بحالوا ورحلت بجاي سفري السبب لي ازاي ومن اهلنا سافرنا سفر الغربه بهدلنا الليلة ووب يااهلنا قطار الشوق متين ترحل تودينا نحن سافرنا وبعدنا وسافر خلي لي صورة
خلاص يا مطر دا يكون البوست حقك في الربع الجديد وحا اجي احتل فيهو عجبتني الفكرة ..
زمان كنا في الرحل حقت الاسرة بنعمل مباراة اغاني بالكلمات ..
ونختار .. العيون .. الليل .. وهكذا ..
شكرا يا مطر لارثاء البوست بالمفيد
Post: #34 Title: Re: السمحة قالوا مرحلة بعدك الفريق اصبح خلا .. Author: انعام حيمورة Date: 12-23-2009, 09:27 AM Parent: #23
..
