Post: #1
Title: انعام حيمورة فى صحيفة اخبار اليوم....
Author: محمد عثمان
Date: 07-05-2008, 09:54 PM
Parent: #0
نقلا عن صحيفة اخبار اليوم
عدد اليوم السبت 5 يوليو 2008
Quote: صندوق الخير
إنعام حيمورة
[email protected]
{ الحياة الاجتماعية السودانية تتسم بنوع من الترابط والتآلف النادر والذي يُبهر كل الشعوب الاخري التي تعرف السودانيين عن قُرب !!
والتكافل الاجتماعي قيمة سامية ومهمة جدا في أي مجتمع من المجتمعات ، وفي السودان نسعد بهذا التكافل اذ يعمل على الغاء الطبقات الاجتماعية بين الناس في المجتمع ، واوجه التكافل عديدة في مجتمعنا حتى البسيطة منها عن طريق ما يعرف (بالكشف) في الاتراح والافراح. وتلك (الصناديق) التي تقوم بها الامهات لسد إحتياجاتهم القليلة وتطورت الفكرة الى ان أصبحت هنالك صناديق للاغراض المختلفة.
منذ وقت بعيد بدأ اهتمامي بالمرضى وخاصة الاطفال منهم بدات مع باحثة إجتماعية موظفة بمستشفى الذرة بالخرطوم قسم الاطفال حيث كانت لنا تجربة فريدة فكانت تاتيني بروشتات الدواء للاطفال المحتاجين وبدوري اعرض هذه الروشتات على معارفي وأصدقائي وزملائي فكنت انجح بكل سهولة ويسر في الحصول على قيمة الروشتة ولما وجدت القبول اصبحنا نعمل معا بهذه الطريقة وتوسعت الفكرة واصبحت تشمل المرضى الذين لم يتثنى لهم توفير العلاج سواء بالداخل أو الخارج.
من احد المواقع الالكترونية الشهيرة - سودانيزاونلاين دوت كوم- ومعي مجموعة من الشباب والشابات اطلقنا العديد من الحملات لعلاج المرضى وكانت ناجحة جدا .. اشهرها المريضة السودانية (غادة نوري) التي كانت تحتاج لزراعة كبد سافرت الى الادن وتمت العملية بنجاح اسهم به غالبية المجتمع السوداني داخل وخارج السودان.
والطفل محمد الذي كان يعاني من ثقب بالقلب سافر الى الهند وتناولت الصحافة الهندية ذلك الخبر إذ انهم أُعجبوا بالطريقة التي تمت بها علاجه عن طريق نداء من أناس لا يعرفونه .. وتكررت النداءات وأهل الخير لم يملوا ولم يكلوا بل طالبني البعض بانشاء صندوق للمرضى وإدارته ، هدفه علاج المرضى المحتاجين والعمل من خلاله لمجابهة احتياجات المرضى على أساس ان تكون هنالك سيولة من الأموال تحت متناول اليد ومتوفرة لمجابهة أي حالة طارئة لأي مريض يتوجه الينا دون سابق إنذار فالمرض نفسه لا يتدرج أحيانا وإنما يهجم كالغول في الغالب ليسلب الإنسان منا أغلى نعمة من نِعم الإله علينا وهي نعمة الصحة !!
وبالفعل بدأت فكرة (صندوق الخير) هدفه دعم وعلاج المرضى ومعالجتهم في داخل السودان وخارجه ، وبالفعل تحقق هذا الهدف بعرض المريض على الطبيب واستلام اوراقه ومتابعته وعرضه على الاطباء لتشخيص ما اذا كان سيتم علاجه داخليا او يحتاج الى علاج خارج السودان.
وأعضاؤه هم أهل الخير الذين يعملون في الخفاء ينتظرون فقط الجزاء من رب قادر كريم ، سخرهم لهؤلاء المرضى.
ضم الصندوق حوالي الستين عضو .. ملتزمين بدفع اشتراك شهري ثابت كلٌّ على حسب مقدراته المالية.
من هنا اناشد المسئولين لدعم الفكرة وأناشد أهل الخير حتى نستطيع تطوير الفكرة لتصبح مؤسسة شعبية متكاملة لرعاية المرضى المحتاجين وغير القادرين على تكاليف العلاج الباهظة داخل وخارج حدود الوطن.
|
|
Post: #2
Title: Re: انعام حيمورة فى صحيفة اخبار اليوم....
Author: HAYDER GASIM
Date: 07-06-2008, 02:59 AM
Parent: #1
هي ... إنعام ... وكما عهدتها,
فلتظل شمعة توقد حتى نرى مآسينا
ونتطوع لحلها.
وتسلم ... محمد عثمان .
مع مودتي
|
Post: #3
Title: Re: انعام حيمورة فى صحيفة اخبار اليوم....
Author: بابكر التوم
Date: 07-06-2008, 06:39 AM
Parent: #2
محمد عثمان
Quote: منذ وقت بعيد بدأ اهتمامي بالمرضى وخاصة الاطفال منهم بدات مع باحثة إجتماعية موظفة بمستشفى الذرة بالخرطوم قسم الاطفال حيث كانت لنا تجربة فريدة فكانت تاتيني بروشتات الدواء للاطفال المحتاجين وبدوري اعرض هذه الروشتات على معارفي وأصدقائي وزملائي فكنت انجح بكل سهولة ويسر في الحصول على قيمة الروشتة ولما وجدت القبول اصبحنا نعمل معا بهذه الطريقة وتوسعت الفكرة واصبحت تشمل المرضى الذين لم يتثنى لهم توفير العلاج سواء بالداخل أو الخارج.
من احد المواقع الالكترونية الشهيرة - سودانيزاونلاين دوت كوم- ومعي مجموعة من الشباب والشابات اطلقنا العديد من الحملات لعلاج المرضى وكانت ناجحة جدا |
هى انعام .. باسمة.. تحس الطيبة الصادقة بدواخلها
شهامة سودانية خالصة .. هميمة ... جدعة ... توشحت
بكل خصال السودانوية التى نعرف وافتقدناها ..
عينى باردة ... ربنا يقويك هنيئا لنا بمعرفتها
|
Post: #4
Title: Re: انعام حيمورة فى صحيفة اخبار اليوم....
Author: mohamed elshiekh
Date: 07-06-2008, 07:34 AM
Parent: #3
لك التحيه على ما تقومين به
ايتها النبيله..
|
Post: #5
Title: Re: انعام حيمورة فى صحيفة اخبار اليوم....
Author: عواطف ادريس اسماعيل
Date: 07-06-2008, 07:39 AM
Parent: #4
هكذا هم دائما آل حيمورة .. قد سخرهم الله لعمل الخير ..
ناس بترفع الراس ...
شكرا إنعام ...
أهلا علاء ...
مرحبا إشراقة ..
|
Post: #12
Title: Re: انعام حيمورة فى صحيفة اخبار اليوم....
Author: علاء الدين حيموره
Date: 07-06-2008, 10:29 AM
Parent: #5
شكرا ليك استاذة عواطف
شكرا ليك اخونا محمد
شكرا انعام
|
Post: #29
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-07-2008, 11:15 AM
Parent: #12
ابسط ما يمكن تقديمه ..
|
Post: #14
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-06-2008, 10:48 AM
Parent: #5
| Quote: هكذا هم دائما آل حيمورة |
الاستاذة والاخت الحبيبة عواطف اتمنى اكون قد وفقت في كتابتي ؟؟؟
اسالوا العارفين ؟؟ مش
عارفة امس كان عندنا مناسبة والكل قرأ الموضوع ..
ولقيت نفسي محاصرة بي كميات من الاسئلة والاقتراحات ..
ولقيت ليك آل حيمورة ديل مفتحين خلاص ..
اكتر كلام وقفت عنده كلام ولد خالتي (عباس ابو عاقلة) ..
عارفة قال لي شنو ؟؟ قال لي طريقتكم تقليدية في جمع القروش !!!
واقترح لي كمية من الاقتراحات كلها ساحاول قدر الامكان العمل بها !!
شكراا استاذة عواطف في انتظارك مرة اخرى
|
Post: #13
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-06-2008, 10:41 AM
Parent: #4
Quote: لك التحيه على ما تقومين به
ايتها النبيله.. |
بتمنى ربنا يسخرنا لفعل الخير دوما وبنبل !!
محمد الشيخ شكرااا ليك
|
Post: #11
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-06-2008, 10:11 AM
Parent: #3
Quote: هى انعام .. باسمة.. تحس الطيبة الصادقة بدواخلها
شهامة سودانية خالصة .. هميمة ... جدعة ... توشحت
بكل خصال السودانوية التى نعرف وافتقدناها ..
عينى باردة ... ربنا يقويك هنيئا لنا بمعرفتها |
بابكر التوم ..
شكرا لكلماتك التي لها عميق الاثر ..
وربنا يوصل ليك الحاجة بالسلامة يارب ..
|
Post: #8
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-06-2008, 08:32 AM
Parent: #2
Quote: فلتظل شمعة توقد حتى نرى مآسينا
ونتطوع لحلها. |
الحبيب حيدر قاسم ... شكرا لحضور البهي ..
وفعلا اتمنى ان استطيع ان نسلط الضوء على كل مآسينا ونتوصل معا لحلها ..
ولا شي مستحيل ... !!!
حيدر .. منك تعلمنا الكثير ..
|
Post: #6
Title: Re: انعام حيمورة فى صحيفة اخبار اليوم....
Author: Omar Bob
Date: 07-06-2008, 08:08 AM
Parent: #1
قلت لك ذات مسنجر يا انعام ان الناس الخيريين في هذه الدنيا عمله نادره
عندما تجمعنا الظروف باحد/هن يجب ان نعض عليهم بالنواجذ لانهم هم الامل من اجل مستقبل افضل للانسانيه
|
Post: #20
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-06-2008, 07:03 PM
Parent: #6
| Quote: عندما تجمعنا الظروف باحد/هن يجب ان نعض عليهم بالنواجذ لانهم هم الامل من اجل مستقبل افضل للانسانيه |
يااااااااارب كل الناس البتلاقو في الورب دي ما يتفرقوا عشان يبنوا قاعدة متينة واساس قوى يمكنهم من اناجز اكبر قدر من العمل الانساني
تسلم عمر اخ وصديق
|
Post: #7
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-06-2008, 08:15 AM
Parent: #1
الاخ والصديق .. محمد عثمان ..
لك الشكر والتقدير على ايرادك الخبر ..
دعتني الاستاذة المحترمة نادية عثمان مشاركة منها في دعم صندوق الخير للكتابة عنه في صفحتها الاسبوعية من القاهرة سلام .. في جريدة اخبار اليوم في هذا الرابط ..
http://www.akhbaralyoumsd.net/modules.php?name=News&file=article&sid=15187
وهذه كانت بداية الانطلاقة .. واتمنى ان يكون قد حالفني التوفيق في الكتابة ويحالفني للمرات القادمة ..
واكون قد اسهمت في توصيل الفكرة للناس ودعمها اكتر ..
|
Post: #9
Title: Re: انعام حيمورة فى صحيفة اخبار اليوم....
Author: معتصم دفع الله
Date: 07-06-2008, 08:42 AM
Parent: #1
يديك العافية يا انعام ..
وكل من يقوم بعمل الخير ..
تحياتي محمد عثمان وشكراُ لأيراد المقال هنا ..
|
Post: #10
Title: Re: انعام حيمورة فى صحيفة اخبار اليوم....
Author: مريم عزالدين صديق
Date: 07-06-2008, 09:54 AM
Parent: #9
انعم الانسانة بمعنى الكلمة
لكى التتحية والانحناء
|
Post: #23
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-07-2008, 08:16 AM
Parent: #10
| Quote: لكى التتحية والانحناء |
وما تقومين به يفوق الانحناء ذااااتو
تسلمي مريم والله يخليك لينا ياررب
|
Post: #22
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-07-2008, 07:54 AM
Parent: #9
Quote: يديك العافية يا انعام ..
وكل من يقوم بعمل الخير |
ياااارب ..
عارف يا معتصم العافية دي مافي شي زيها لاني بحس بيها لما اعيش مع المرضى بكل حواسي ..
شكراا ليك وعلى الاضافة الحلوة!!
|
Post: #15
Title: Re: انعام حيمورة فى صحيفة اخبار اليوم....
Author: Alsa7afa_30
Date: 07-06-2008, 12:29 PM
Parent: #1
|
Post: #24
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-07-2008, 08:31 AM
Parent: #15
حسوووووم
شكراااا على التشجيع
|
Post: #16
Title: Re: انعام حيمورة فى صحيفة اخبار اليوم....
Author: osman righeem
Date: 07-06-2008, 01:48 PM
Parent: #1
اخت الخير
تحياتي
Quote: عارفة قال لي شنو ؟؟ قال لي طريقتكم تقليدية في جمع القروش !!!
|
مش
|
Post: #25
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-07-2008, 08:57 AM
Parent: #16
اخو الخير
والله عااارفاك حا تقيف فيهااا
يلا هات اقتراحاتك نشوفها زي اقتراحاته ..
وكلو للاستفادة والتعلم ..
مودتي لك
|
Post: #17
Title: Re: انعام حيمورة فى صحيفة اخبار اليوم....
Author: الطاهر عثمان
Date: 07-06-2008, 05:30 PM
Parent: #1
جميل والله يا انعام ومجهود ممتاز منك
مزيدا من التقدم في هذا المجال وربنا يقويك علي عمل الخير
|
Post: #18
Title: Re: انعام حيمورة فى صحيفة اخبار اليوم....
Author: سمية الحسن طلحة
Date: 07-06-2008, 05:48 PM
Parent: #17
محمد عثمان
سلاااام عليك يازول ياسمح يازين
انعام حيمورة البت السمحة
بت الناس السمحين
سماحة متناهية
سماحة مطلقة
ألفييين سلاااام
وتحية لآل حيمورة
|
Post: #28
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-07-2008, 11:07 AM
Parent: #18
سمية الحبيبة ..
شكراا ليك وانتي حضورا في الدواخل ..
ولك مليوون سلام
والبينا بينا !!
|
Post: #26
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-07-2008, 10:47 AM
Parent: #17
| Quote: مزيدا من التقدم في هذا المجال وربنا يقويك علي عمل الخير |
الطااهر
هذه شهادة اعتز بها والله
ربنا يقوك انت برضو كمان ياااب
ويقوي الجميع
|
Post: #19
Title: Re: انعام حيمورة فى صحيفة اخبار اليوم....
Author: انعام عبد الحفيظ
Date: 07-06-2008, 06:30 PM
Parent: #1
ماشاء الله عيني باردة على تتعدد المواهب
حبنا ليكِ بيزداد يوماً بعد يوم
عارفه يا انعام ربنا بحبك
وأكرمك بحب الناس ليك
كوني زي ما إنتِ
وفخورة بيك يا صحبتي شديد 
|
Post: #21
Title: Re: انعام حيمورة فى صحيفة اخبار اليوم....
Author: خالد حاكم
Date: 07-07-2008, 02:28 AM
Parent: #19
Quote: لك التحيه على ما تقومين به
ايتها النبيله.. |
|
Post: #27
Title: Re: انعام حيمورة فى صحيفة اخبار اليوم....
Author: Dr.Saeed Zakarya Saeed
Date: 07-07-2008, 10:54 AM
Parent: #21
حواء السودانية كما انجبت اشرار ...فقد انجبت ايضا اخيار....وانعام حيمورة احدي الاخيار......لماذا لا نجمع الملابس من الاغنياء ونوزعها علي الفقراء....توجد اسر فتياتها يبحثن عن ثياب تسترهن....توجد عائلات يظهر الجوع علي بطونهم والعري في صدورهم لماذا لا يتكاتف اهل الشبع مع اهل العري...المجتمع السوداني يمتاز بالجمود ولكن بقليلا من الحرارة يذوب هذا الثلج....وامثال انعام هذه هم الحرارة التي تحرك هذا الجمود..لتحرك اجهزة الدولة واعلامها.....هناك الكثير من الاشياء في المنازل لسنا بحوجة لها.....فلتتكون في كل حارة فرع لجمعيتك هذه يا بت حيمورة....يعجبني الشعب المصري فقد سبقنا كثيرا في هذا العمل الانساني...فلنتكاتف ونكون يدا واحدة بعيدا عن اللونيات والشكليات والقبليات التي هي من اسباب ضمور
تنمية الشعب السوداني..........
|
Post: #30
Title: Re: انعام حيمورة فى صحيفة اخبار اليوم....
Author: انعام حيمورة
Date: 07-07-2008, 11:23 AM
Parent: #19
| Quote: ماشاء الله عيني باردة على تتعدد المواهب |
نعووومتي
ما قلنا في ناس بتعمل في الخفاء !!
وانا برضو فخورة بيك شديد يا حبيبتي
|
Post: #31
Title: Re: انعام حيمورة فى صحيفة اخبار اليوم....
Author: عواطف ادريس اسماعيل
Date: 07-07-2008, 11:46 AM
Parent: #30
نعوم !!!
محبتي ...
ربنا يحفظكم ويغتيكم ...
عموما رقم الحساب واضح وفي فروع كتيرة لبنك الاتحاد في الإمارات يعني مافي عذر بعد كدة وإنشاء
الله حنستنفر كل الناس وعثمان رغيم ما مقصر ..
تسلموا من كل شر ...
|
Post: #32
Title: Re: انعام حيمورة فى صحيفة اخبار اليوم....
Author: عمر صديق
Date: 07-07-2008, 12:32 PM
Parent: #31
اخبار اليوم نورت بيكي يانعام حيمورة امراة البر والاحسان
وربنا يزيد من امثالك الذين يمثلون القيم الاصيلة للشعب السوداني
ومليون سلام وتحية
التعديل بسبب ان حي مورة انقلبت حي مروة يا ابو مروة تلحقنا وتفزعنا
|
Post: #33
Title: Re: انعام حيمورة فى صحيفة اخبار اليوم....
Author: الطيب رحمه قريمان
Date: 07-07-2008, 02:35 PM
Parent: #32
الاستاذة انعام
لك التحية
لم استغرب ابدا لمجهوداتك الملصة من خلال الموقع لمساعدة الناس
انت بنت الرجل الاصيل
و قد عرف جدك عمر حيمورة " الرجل الفريد فى عصره"
بالطيبة و الكرم و الايثار
|
Post: #34
Title: Re: انعام حيمورة فى صحيفة اخبار اليوم....
Author: محمد عبد الماجد الصايم
Date: 07-07-2008, 04:59 PM
Parent: #1
فوق فوق
شاويشنا فوق
التحية للقابضين على جمر القضية
لحدي ما بقى هبوت زاتو
غايتو جنس غايتو
|
|