طيبة - محمد الحسن سالم حميد

كل ما تباعد بيننا عوارض
كل ما هواك يا طيبة مكني
تلد الغربة القرب الواحد ..
بيك أسمي الشوق وأكنّي
لما أفوتك من دون خاطر
أو دون خاطر مني تفوتي
بلقى حبايب في كل حتة ..
وكل بيوت الفقراء بيوتي
لا غيرت وراك الجتة ..
لا بدلـت ملامح صوتى
لا غافلنى وهادن فنى ..
رمل المدن الما عرفتنى
تبن الشوق الصبرو مصوبر ..
للارياف الكم وفتنى
وللاطفال الناشفة ضلوعها ..
ونازفة بغنى
أطّمن روعها واهدّى دموعها ..
ببسمة بكرة الماها تمنى
ولا مصنوعة
أغنى لشعبى ومين يمنعنى ..
أغنى لقلبى إذا لوعنى
مخير دربى اللي ما رجعنى ..
إذا طلعنى نخلة القر
ولا الغربة الكد رومية ..
تنزل غنوتى بقمرية
أو وقعنى في بطن الجب ..
يطلع يوسف بألاغنية
أغنى الناس الما بتسمعنى ..
المنى بعيده المبعد عنى
النادى نشيدها وكنت المعنى ..
الأيدى في إيدها..
وإيدها بتبنى
في دنيا جديده
اليوم راح تبنى ..
واريت غنواتى في ناس شغالة ..
تكون سندالة
وعود طورية ..
ضراع رجالة ..
كتاب أطفالها ..
وجملة فالها الما مكرية
سدة مالها وبقة فالها ..
في ليلة الدخلة على أسمى قضية
حبيبة قلبى يا سودانية ..
يا أسمى معاني في زول بيعاني
يا ود ضكران يا بت دغرية ..
وأنا إن سامعانى فضلت
أغانى غبش فقرية وروح ماليانى ..
هويتك منك يا دافعانى
..براحة يدي كما الأشواق
ويا جابدانى برفق على
وما بتحير بين الفوق ..
وبين الناس التحتانية
إلا مغير ولا عقوق ..
ولا كفيف الإنسانية ..
ومنك وين يا كاشفة عيني ..
بنور الإلفة ضي الحنية
وحلم العالم ناس تتسالم ..
والبني آدم صافي النية
للاطفال الناشفة ضلوعها ..
بطمن روعها وتبدا تغنى
غناوى البكرة الكم مسموعة ..
حسيس طنبارة مع نقارة
صفقة حارة ودارة تغنى ..
فيا حلتنا عليك ترابك
وأنت شبابك زينة الجنه ..
أحلى عروس البلد إلتنا
ولا الغبش الرابة تهني ..
ولاهدير المدن التصحا
وتمحى ظلام الحاصل عنى

شكراً أختي الفاضلة إنعام حيمورة











قصيدة حلوة وجميلة

كنت فاكرك قاصدة إذاعة "طيبة" إف إم 103

تحياتي كمال

دائما ارتبط عندي بي صور البروفايلات قلت هسى تكون نجرت ليك واحد (طيبة) بكسر الطاء ابو السريع كدة

اها انا اي صورة بروفايل تنزلها طوالي بشيلها ...














يارب تخلي ايامنا كلها طيبة وجميلة زي القصيدة - شرفتني شديد

هسى نفتش الدفاتر القديمة ولا شنو..؟؟

يلا يا محمد عثمان

كويس نجدتني لانو كل المعاي حجم كبير










خلي البوست يستعدل

شكرا ليك يا دينق لكن انت نزلت اغنية؟

ما شغالة معاي ..

نزلت طيبة ؟

ولا شنو


شكرا لمرورك

انتي الطيبة
يا طيبة
يا عامرة حنية

يا سلام يا نعوم

عارفه بوستك دا و بوست عم احمد بتاع الشاي موبالغه

Quote: يا سلام يا نعوم عارفه بوستك دا و بوست عم احمد بتاع الشاي موبالغه

يا نون ياخ شوقتينا ذاااتو








----------

قردابي ..

البوست دا لي كل الناس الطيبة وانت اولهم والله ..











____________
الباسطة كيف ؟؟

اها جينا نسلم وكدة

لما أفوتك من دون خاطر
أو دون خاطر مني تفوتي
بلقى حبايب في كل حتة ..










ـــــــــــــــ
ست البنات إنتي