Post: #1
Title: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 03:43 AM
من هنا كانت البداية ...
بورداب الخرطوم دعوة للجمال ....
....
|
Post: #2
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 03:55 AM
Parent: #1
تمت تلبية الدعوة من عدد من البورداب من ... رفاعة للجميع....
وتحركنا...
|
Post: #3
Title: Re: رحلة العمر .... رفاعة للجميع .... ((توجد صور))
Author: ابوحراز
Date: 12-02-2006, 04:15 AM
Parent: #2
هذا النهر الممتليء بالعشق
كلما حاول أن يلامس شفاه رفاعة أجدها تتمنع عنه
فيفيض
ويعانقها بكل قوة
ثم يجعلها تغتسل بمائه
وثلجه وبرده ورذاذه
يذهب النهر
ويجعل رفاعة في حالة من العشق والجنون
لكن الناس لايدركون أن النهر عندما يفيض
لايفيض عبطاً
بل أنفاس رفاعة وشوارعها وطيبتها هي التي جعلته يترنح
ويدخلها على حين غفلة من أهلها
اعرف لماذا ذلك الجفاء البناء والايجابي ما بين أهل رفاعة والحصاحيصا
لأن النيل قد تزوج كليهما
فلم يعطي ورقة الطلاق للحصاحيصا
ولم يأذن للمأذون بالافتراق عن رفاعة
لكنني أدرك أنهم يحبون بعضهم بعمق
من هنا
ومن هذا النهر الذي سرقه أهلنا من الجنة بدأت رحلتي مع سودانيز
ساحكي عنها لاحقا
وهذه جرعة مؤقتة
علها تغير فصيلة دمكم
وتزيد عشقي عشقاً لأهل رفاعة وجنائنها وقلبها الكبير
|
Post: #4
Title: Re: رحلة العمر .... رفاعة للجميع .... ((توجد صور))
Author: ناذر محمد الخليفة
Date: 12-02-2006, 04:27 AM
Parent: #1
أبو حراز ..
والله أن سعادتي بلقائك لا توصف .. لأنها اولا كانت مفاجأة جميلة أن اجدك بيننا ولم أكن أعرف قبل ذلك أنك ستكون حاضرا بل فوجئت بذلك ونحن على الضفة الأخرى من النهر ..
دعنا نستمتع بمجريات الرحلة مع العزيزة إنعام ولتنداح خواطرنا في أثناء السرد ..
|
Post: #5
Title: Re: رحلة العمر .... رفاعة للجميع .... ((توجد صور))
Author: حسن الجيلى سعيد
Date: 12-02-2006, 04:43 AM
Parent: #1
العزيزة انعام الاعزاء ابوحراز وناذر,
سلام يارايعين
بالله شحتفتوا روحنا كلمونا عن رفاعة لقيتوها واهلها كيف وودعتوها كيف وين الصور يا انعام سريع بالله
|
Post: #6
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 04:53 AM
Parent: #1
كنا سعداء جدا بهذا التحرك ...
سيجمان وانا و عبير خيري و خالد ماسا (كنا في الكنبة الورا)
المهندس - منال احمد (نولا)
والمتكرفس - ناذر محمد الخليفة -
أبو حراز بفارهته التي ينطلف منها (حافظ عبد الرحمن)
|
Post: #7
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 05:02 AM
Parent: #1
وطويت امامنا المسافة ... بين زكريات سجيمان عن ( حبوبتو وحمارتها) والباقي خلو ساااااااكت
وتلك الاتصالات التي تابعتنا منذ ان تحركنا الى ان التقينا بهم ...
|
Post: #8
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 05:53 AM
Parent: #1
كان لقاءا حميما وفي استقبالنا مناديب (rufaaforall.com) :
- مهند بادي
- حافظ سالم
- اسامة محمد عبد الرحمن
في وسط هذا اللقاء جاء (ابو حراز) من الحصاحيصا ... التقيناه بكل الاشواق..
وتحركنا الى داخل رفاعة ...
|
Post: #9
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 06:03 AM
Parent: #1
وصلنا الى منزل السيد/ عبد الله بن عوف- أبو هبة (المقيم بالسعودية )
واستقبلتنا الحاجة (صفية) وبناتها خير استقبال ... وحكت لنا عن حبهم للعمل الاجتماعي والطوعي بمدينة رفاعة ...
الجميل مهند بادي في منزل الحاجة صفية
|
Post: #10
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 06:09 AM
Parent: #1
خالد ماسا .... أكيد عندك ( طق خاص)!!!!
|
Post: #11
Title: Re: رحلة العمر .... رفاعة للجميع .... ((توجد صور))
Author: عاطف عمر
Date: 12-02-2006, 06:32 AM
Parent: #1
لئن فاتنا شرف استقبالكم
ولئن فاتتنا روعة لقياكم
فلن يفوتنا حتماً جمال متابعة هذا السرد الحميم
شئ يجل عن الوصف أن تتحول الصداقة الإسفيرية إلى تلاق
وشئ يعجز الكلمات أن يتنادى هذا النفر الكريم لزيارة بقعة هى في التاريخ وفي الحاضر عزيزة ، ولرؤية أحباب هم في الخاطر جمال .
إنعام
عبير
ناذر
سجيمان
المهندس
نولا
أبو حراز
خالد ماسا
وكل من كان في رفقتكم الجميلة
وأصحاب الدار
مهند بادي
حافظ سالم
اسامة محمد عبد الرحمن
وكل من كان معكم
كما لا يفوتني أن أحيي آل أبنعوف الكرام وصديقي عبدالله أبو هبة
كلي محبة وكلي شوق للمتابعة
|
Post: #12
Title: Re: رحلة العمر .... رفاعة للجميع .... ((توجد صور))
Author: أيزابيلا
Date: 12-02-2006, 06:58 AM
Parent: #11
يا خاينــــــــــــــــــــــــــــــين
|
Post: #14
Title: Re: رحلة العمر .... رفاعة للجميع .... ((توجد صور))
Author: أيزابيلا
Date: 12-02-2006, 07:14 AM
Parent: #12
فى ليلة شتوية
فى المعرض الدولى يا انعام
لقيت القدح دة
(انا برضو سايحة....من منازلهم)
|
Post: #13
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 07:07 AM
Parent: #1
| Quote: بالله شحتفتوا روحنا |
والله هي رحلة بتشحتف الروح لانو ما بتعرف احساسك شنو ذاتو !!!!
واهلك ديل ذاتم يا حسن الجيلي بشحتفوا الروح من شدة روعتهم !!!!!!
|
Post: #15
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 07:46 AM
Parent: #1
| Quote: بقعة هى في التاريخ وفي الحاضر عزيزة |
هي حاضرة اول مسرح في السودان ...
|
Post: #16
Title: Re: رحلة العمر .... رفاعة للجميع .... ((توجد صور))
Author: عبير خيرى
Date: 12-02-2006, 07:49 AM
Parent: #1
|
Post: #18
Title: Re: رحلة العمر .... رفاعة للجميع .... ((توجد صور))
Author: عبير خيرى
Date: 12-02-2006, 08:06 AM
Parent: #16
تحركنا بعد صعوبات شتائية من الميناء البري بالخرطوم في حافلة إتأخرت شوية لأنو في 3 مقاعد فاضية بفتشو في ركابها لقوهم بعد تلت ساعة للأسف في حافلة ماشة الفاو وكانو ركبو فيها غلط .
قبل ما نتحرك وأنحنا متفقين نصل رفاعة بالكتير الساعة 10 إتصالات مهند الجيلي بدت تكتر وإضطريت كذبت عليهو وقلت ليهو نحنا في الطريق .
قلنا بسم الله وتوكلنا عليك يا الله إتصل أبو هبة عشان يعرف أنحنا وين ، قامت نولا قالت ليهو الحقيقة وفضحتنا قام هو إتصل بي ناس رفاعة وقال ليهم الناس ديل يادوب متحركين وجات الفاس واقعة في راسي والحمد لله سمعت من مهند الما بقدر يكتبو هنا .. يلا كلو يهون في سبيل الرحلة الجميلة .
مشت الحافلة وكلنا حمدنا الله على التحركات ورسمنا ابتسامة رضا ، سواق الحافلة التقول عارفنا أمسك شغل لينا وردي ولما جات بإسمك الأخضر يا أكتوبر الأرض تغني الحافلة كلها اتلفتت دايرة تشوف المجانين الورا ديل بعملو في شنو كلنا بصوت واحد كنا بنغني مع ورد وبأعلى صوت وكأنو الحافلة دي حقت نولا .
طبعاً كنا ماسكين الكنبة الورا والكرسيين القدامها يعني ورا كان عبارة عن معسكر شي غنا وشي سندوتشات وشي كولا وحاجات باردة .
سواق الحافلة قال أحسن أتخلص من المجانين ديل وأشغل ليهم حيدر بورتسودان وحيدر أظنو عجبو الحال ووقع فينا بي تقلو وأول أغنية وقصدنا عديييييييييييييييييييل كانت أغنية "مافي داعي كان للحصل ما في داعي" ، سجيمان أصر يعرف شنو هو المافي داعي ليهو وكان تساؤل وصل لي نص ركاب الحافلة وبقو يفكرو مع سجيمان في المافي داعي .
الكلام ده كللللللللو قبل ما نصل الكاملين ومهند ملاحقنا بالتلفون .
أسمعو
بجيكم هسسسسسسسسي أنزل الصور بس ...
|
Post: #39
Title: Re: رحلة العمر .... رفاعة للجميع .... ((توجد صور))
Author: سمرية
Date: 12-04-2006, 03:45 AM
Parent: #16
وي وي .. في زول لو كان مشى معاكم انا كنت حاغتاااااااااااااظ جد جد ..
لكن بما انو ما مشى فالحمدلله ... ( بكيت ولا هماني ... وعندو وقفت من البكا ..)
ما تنفعكم ... كلو كلو ..
عبير
ويا .. يا حليوة .. يوم ... ـــ ـــ ــــ ــــ
|
Post: #17
Title: Re: رحلة العمر .... رفاعة للجميع .... ((توجد صور))
Author: ناذر محمد الخليفة
Date: 12-02-2006, 08:00 AM
Parent: #1
مهما قلنا ومهما تحدثنا فلن نستطع ان نوصف مدى بهجتنا وسرورنا عند لقائنا بأبناء رفاعة والذين تسابقوا على خدمتنا وراحتنا بدأت منذ إستقبالنا على ضفة النهر بواسطة الرائعين مهند الجيلي واسامة وحافظ وحتى وداعنا بعد المغرب ونحن نتهيأ للعودة للخرطوم ..
تذكرت كبف ان خالد ماسا قال لنا قبل الوصول إلى رفاعة إنه فقط يخشى ويخاف من الكرم الفياض الذي( سيهاجمونا) به أبناء رفاعة وقد صدق ما قاله لدرجة اننا لم نستطع مجاراتهم بهجمة مرتدة واحدة
ونحمد الله أننا أقنعناهم كي يطلقوا سراحنا حتى لا يجعلونا معتقلين لديهم تحت رحمةسياط كرمهم التي لا ترحم حتى اليوم التالي ..
والله لولا المشاغل والعمل لما غادرنا رفاعة ذلك اليوم ..
|
Post: #19
Title: Re: رحلة العمر .... رفاعة للجميع .... ((توجد صور))
Author: عبير خيرى
Date: 12-02-2006, 08:17 AM
Parent: #17
فوق
|
Post: #20
Title: Re: رحلة العمر .... رفاعة للجميع .... ((توجد صور))
Author: ناذر محمد الخليفة
Date: 12-02-2006, 08:20 AM
Parent: #1
|
Post: #21
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-02-2006, 09:20 AM
Parent: #1
ايزبيلا
والله ما خاينين بس تكوني ما شفتي البوست
لكن رحلة العمر فعلا وفاتتك
وياريت لو كنتي معانا كان شفتي القدح دا بعينك واكلتي معانا
|
Post: #22
Title: Re: رحلة العمر .... رفاعة للجميع .... ((توجد صور))
Author: خالد ماسا
Date: 12-02-2006, 09:55 AM
Parent: #1
طــــق خاااااص
الوريفه " رفاعه "
الارض ومن عليها ..
- الارض .. النيل
ورائحة الطين ..
الابنية القديمه ..
الشوراع ورائحة التاريخ ..
واناس من " زمن جميل " ..
زمن سلامة الفطره ونقاء السريره ..
فقط غادرتكم يا اهل رفاعه وحالي ك " من فاتته ليلة القدر " ..
شكرا لكم ..فبرؤية امثالكم تستقيم الحياه .
طــق خصوصي ..
- الوريفه انعام اها الصور الاتفقنا انها ماتنزل لا زم تكون في الحفظ والصون " لزوم العين وكده"
- الوريفه عبير خيري اول حاجة اشد علي ايدك لنجاح البرنامج وكنت شايل ليك هم والله ..لكن ربنا بيديك علي قدر نواياك .. " شكرا علي البرنامج الغذائي المصاحب "
- الوريفه "نولا " والله لقيتك " كده " في المواقف الصعبه . وليك علي اردها ليك في اقرب موقف
" قر .قر. قر" وش ابو غمزه زي ما بتقول الوريفه سمريه .. قلتي لي الزول قايل الدنيا " شنب "
- الوريف " ناذر " .. محتاج تخش عفريته يا وريف ياخ مشوار ساعتين بس تتكرفس زي " مقص الشنب"
ياخ معقوله .. لكن برضو وقفتك معاي ما بتتنسي . بس تاني "اغاني ما يطلبه الركاب "دي ما تتعبنا بيها.
- الوريف سي جي .. نص كيلو لحم يا غتيت .. والله انت حقو عيد الضحيه الجاي تضرب عن اللحم عديل
غايتو ده تحذير لاي زول ما يقرب منك اليومين دي .. وين الفاضي بتاع البارد .. دي عملية تعملا في العود بتاع ناذر ..ابو المين ما بيكون سبقك عليها .
- الوريف المهندس ..بالله حافظ الشارع ذي كمساري السفنجه من عوج الدرب لي درب العجل .
- غايتو يا ناس رفاعه الله يقدرنا علي جزاكم .
|
Post: #23
Title: Re: رحلة العمر .... رفاعة للجميع .... ((توجد صور))
Author: ناذر محمد الخليفة
Date: 12-02-2006, 10:36 AM
Parent: #1
ماسا ..
Quote: لكن برضو وقفتك معاي ما بتتنسي . بس تاني "اغاني ما يطلبه الركاب "دي ما تتعبنا بيها.
|
ضحكة للأولى براها وضحكة للتانية الجمبها 
شنكل :
قلت لي شاعر الحافلة قال حبيبتو إسمها فاطنة بت الزين
|
Post: #24
Title: Re: رحلة العمر .... رفاعة للجميع .... ((توجد صور))
Author: WAD ELGAALI#4
Date: 12-02-2006, 01:25 PM
Parent: #23
خاينيييين والله ونص وبعدين شكلكم كدا قاطعنو معاى ناشف وانا ما عارف السبب خصوصا عبير خيرى ياخى انا زعلتك فى حاجه وانا ماعارف على كل حال
آسف جداوالله وأمسحوها لى فى وشى
|
Post: #26
Title: Re: رحلة العمر .... رفاعة للجميع .... ((توجد صور))
Author: عبير خيرى
Date: 12-02-2006, 02:20 PM
Parent: #24
.
ود الجعلي إزيك
أنا والله ما بزعل من زول أبداً ولو دخلت اللنك الجابتو أنعام الفوق ده حتلقى إني منزلة موضوع الرحلة قبل أسبوع وأمكنة التلاقي والحصل شنو أنا ما عارفة خلى الناس ما يجو .
ومعليش أمسحها لي في وشي رغم إنها عن غير قصد لكن الناس القريبين منك كان ممكن يقولو ليك الحاصل شنو .
وكان جيت لي الحق أنا الماعارفة عملت للناس شنو ؟!!!!!!!
|
Post: #27
Title: Re: رحلة العمر .... رفاعة للجميع .... ((توجد صور))
Author: Elmoiz Abunura
Date: 12-02-2006, 02:44 PM
Parent: #1
انعام حيمورة Dear
Thanks for visiting our city Rufaa, the educational capial of Sudan, the city of Conscience, and beauty
Regards,
|
Post: #28
Title: Re: رحلة العمر .... رفاعة للجميع .... ((توجد صور))
Author: سجيمان
Date: 12-02-2006, 03:48 PM
Parent: #1
شكرا اهل رفاعة للكرم الفياض....
شكرا رفاعة ابسن....واهل رفاعة ابسن
شكرا لرفقاء الرحلة....رفقتكم كان ممتعة...
شكرا الكوكاكولا لقد اثبتي فعلا انك صناعة صهيونية كما يقولون...وشكيتك لل لا نام ولا اكل طعام.....
ششكرا نازر الخليفة لقد حققت لي منيتي بان اصبح شيال..وبالفعل شلت معاك...
شكرا شاعر الحافلة هاشم ود الزين والشكر كل الشكر لحبيبتك بت شيخ حسنين شكرا شيخ حسنين.....ومحنني ومطير من عيني النوم يا هاشم شوقك لحبيبتك الماشي كداري من الخرطوم للضعين.....اطالب الحكومة بشارع زلط....واللا اقول لك اسحن لو الطيارة...
شكرا سواق البنطون...كما قمت صوف في نص الموية...شكرا لتمساح النيل الازرق الشمينا ريحتو وما جا مارق.....
شكرا جوافة رفاعة.... يا اللبستي مصراني الاعور نضارة........
ولي عودة
|
Post: #29
Title: Re: رحلة العمر .... رفاعة للجميع .... ((توجد صور))
Author: ودرملية
Date: 12-02-2006, 06:53 PM
Parent: #28
سلامات
وعوافي
من وين ابدا وايه اقول ..
رفااااااااااعة عديل كدة ..
ومانعرف الا بعد ماتمشو ..
ياعبير بالغتو عديل كدة والله ظلمتونا ظلم ..
ياجماعة الله ..مشيتو لي تيراب رملية والا ماوصلتوهم ..
لو ما وصلتوهم تكونو بالغتو عديل ..
يعني لو كلمتونا والله العظيم كان خليناهم انتظروكم في الميناء البري ..
فرحان بي مشيتكم دي فرح مايعلم بيهو الا الله ..
رفااااعة عديل ..
عليكم الله مشيتو ناس خالتي صفية بت عبدالرحمن ابنعوف .. امنت بالله امنت بالله ..
بالله كيفنهن كلهم لي حدهن ..
كيف رفاعة خليتوها .. من ديم لطفي لي فريق السوق وديم العوض ..
والله طلقتو فينا نار الشوق ..
احبكم يابورداب الخرطوم واحب جمالكم شهامتكم وانسانيتكم ...
انا مبسوط والله ..
ياعبير خيري .. اوعا تقولي لي انتي اخت الوجيه "اكرم خيري" و"ايمن خيري" ..مابصدق طبعا ..
بعدين اكان ما مشيتو لي حيشان عيال رملية ما تكلموني سمح خلوني اتخيل انكم زرتونا واكرمتونا بي جيتكم ....
والله العظيم متاسف جدا جدا لي اني ماشفتا ولا عرفتا مشيتكم لي رفاعة دي الا لم اتصل بي الاخ الحبيب محمد عبدالرحمن واكد لي الكلام اخي وصديقي عبدالغني كرم الله "والاتنين معاي هنا في الدوحة"..
ياجماعة والله بيتنا كان "رديتو ليهو الروح" بعد ماستو سلمت الامانة ورحلت لدار الخلود ..
اكان مامشيتو زعلااااااااااان منكم الف مليون مرة ...
والله لو قلتو لي خالتي صفية ماشين ناس رملية كان ودتكم اصلوا خالتي صفية دي عندنا معاها محبة شديدة وبعدين انا بيتم دا ساكن فيهو سكنة لما كنت في رفاعة اهلي لو عاوزيني بيضربو لي عندهم او عند ناس الزبيدي.. وبعدين عيالا اصاحبي للاسف مالاقيتو زول فيهم لانهم برا البلد "عبدالله وطلال" ..
يااخوانا الله يحفظكم ويغطيكم .. وانتو تتعلو ما تتدلو يارب ياكريم..
محبتي بقدر ابتهاج رفاعة بزيارتكم ..
دمتم
|
Post: #30
Title: Re: رحلة العمر .... رفاعة للجميع .... ((توجد صور))
Author: Sabri Elshareef
Date: 12-02-2006, 08:28 PM
Parent: #1
مبروك لكم /ن ويارة موطني رفاعة ويا سلام علي التواصل
لي ملاحظة ان كاتبة البوست من ضمن الوفد وناس عبير خيري لكن الكاميرا لا زالت ذكورية التصوير هل هذا محض صدفة؟
للجميع معزتي لاني اري بوستات لا تظهر فيها المراة مبدعة الحياة وكترت صور الرجال بتجيب الفقر
للجميع محبتي
|
Post: #31
Title: Re: رحلة العمر .... رفاعة للجميع .... ((توجد صور))
Author: الطيب شيقوق
Date: 12-03-2006, 00:45 AM
Parent: #30
انعام حيمورة كتر خيرك على هذا السرد الرائع
بس اعملي حسابك رحلة العمر دى تنتهك حق الملكية الفكرية للبوست بتاعي رحلة العمر ومشوار السنين .
|
Post: #38
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-04-2006, 03:39 AM
Parent: #31
الطيب شيقوق
كيف يا عمو
انت الايام دي متأثر بالسرقات الصحفية الحاصلة في البلد ولا داير ليك مني كم مليون كدة !!!!
عموما ما في مشكلة انت ارفع الدعوى ونشوف منو البكسب ...
غايتو انا المحامي بتاعي جاهز ...
افتقدناك في المشية والله
|
Post: #37
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-04-2006, 03:18 AM
Parent: #30
صبري الشريف
مرورك اسعدني جدا ايها الرفاعابي
الصور قاااااعدة بس في المونتاج !!!!
اصبر علينا
|
Post: #32
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-03-2006, 02:36 AM
Parent: #1
العزيز المعز ابو نورة
خالص التحايا لك والتقدير
|
Post: #34
Title: Re: رحلة العمر .... رفاعة للجميع .... ((توجد صور))
Author: عماد محمود علي
Date: 12-03-2006, 03:17 AM
Parent: #32
الأخت الكريمة إنعام
شكراً لك على هذا السرد الجميل ، رفاعة مدينة جميلة جداً كان لي شرف زيارتها عام 1986م ، وطيبة أهلها شطر ثاني من هذا الجمال البديع ، وبصراحة كده أنا مغتاظ جداً من الزياره بتاعتكم دي ، علشان ...................... . وســــلام .
|
Post: #33
Title: Re: رحلة العمر .... رفاعة للجميع .... ((توجد صور))
Author: معتصم دفع الله
Date: 12-03-2006, 03:15 AM
Parent: #1
يعني تجوا مارين فينا كده ساااااااااااي ؟؟
والغريبة ناذر عارف السكة ووين ح يوديكم ..
رفاعة جميلة وناسه حلوين وكرماء ..
لكم التحية جميعاً بورداب الخرطوم ..
|
Post: #35
Title: Re: رحلة العمر .... رفاعة للجميع .... ((توجد صور))
Author: انعام حيمورة
Date: 12-03-2006, 03:19 AM
Parent: #1
ود رميلة
شفت كيف ... لاقينا الحاجة صفية شخصياً واكتر حاجة استمتعت بي حكاويها التي سردتها قصة مشيها
( للعصري ) والعصري يا جماعة الزكر في الخلاوة الجبهم ... وطريقة حكاويها مميزة وتحس وكأنك بتعرفها من زمن بعيد ...
|
Post: #36
Title: Re: رحلة العمر .... رفاعة للجميع .... ((توجد صور))
Author: ودرملية
Date: 12-03-2006, 05:07 PM
Parent: #35
سلامات
وعوافي
اختي انعام ..
امانة ما نزلتو في بيت الكرم .. وبيت الشهامة والطيبة والاصالة ..
النار موقدة طول اليوم والباب مفتوح للاهل والحبان والنور عمرو ما نام ..
يازولة البيت دا محطة الفة وحنية لكل المدينة ..
والله نار الكرم في حوش ابنعوف تشهي الزول ينزل عندهم كل يوم ..
وخالتي صفية دي مرة قبيلة بي حالة .. من شدة كرما قعادا كلو في المطبخ ..
وان طق الباب الساعة 4 صباحا بتوقد نارا للضيف قبل ماتعرفو قريب والا بعيد ..
يازولة تستاهلوا انتو والله ..
وطبعا هذا هو البيت الذي ينتمي اليها الخال الحبيب الغالي "عبدالله ابنعوف - ابوهبة" وهو كتاب اخر يحتاج لسنيين واقلام واحبار وخرائد حتي نكتب الصفحة الاولي عنه ..
اذكر له موقف واحد فقط وانا ابن الطاشرات كان صديقي ورفيق دربي هو ابن اخته محمد حمزة ابوقبالة .. جاء عبدالله "ابوهبة" في اجازتها السنوية والتقيته مرتين فقط في رفاعة وكلاهما كنت مصاحبا لابن اخته محمد حمزة .. ولما شارفت اجازته علي النهاية التقي محمد بن اخته "ودسا في جيبه حزمة من الاوراق الخضراء" واعطاه في يده "حزمة اخري وقال له هذه لصديقك عبدالرحيم" والله العظيم كنت اعتقد انه اذا سالوه عني لن يعرفني فتذكرني وانا غايب في تلك اللحظة فهل يمكن ان يكون صاحب هذا المثل من غير هذا البيت السوداني الاصيل "حوش ابنعوف" .. ظل هذا الامر عالقا في ذهني الي الان ربما مضي عليه الان قرابة 15 عاما ولكن اتذكر اليوم الذي جاءني محمد فيه واعطاني "هبة" "ابوهبة" واتذكر جدا الاحساس الذي زرعه في وريد الروح ....
ولكم جميعا تمام المودة ..
|
Post: #40
Title: Re: رحلة العمر .... رفاعة للجميع .... ((توجد صور))
Author: حسن الجيلى سعيد
Date: 12-08-2006, 09:19 AM
Parent: #1
عبد الرحيم اخوى
Quote: اختي انعام ..
امانة ما نزلتو في بيت الكرم .. وبيت الشهامة والطيبة والاصالة ..
النار موقدة طول اليوم والباب مفتوح للاهل والحبان والنور عمرو ما نام ..
يازولة البيت دا محطة الفة وحنية لكل المدينة ..
والله نار الكرم في حوش ابنعوف تشهي الزول ينزل عندهم كل يوم .. |
يا اخى انتو ناس روعة
شكرا انعام
|
|
