Post: #1
Title: شنو يا CHINA حتى البلايل والعصايد .
Author: Osman Musa
Date: 08-23-2009, 06:15 PM
Parent: #0
شنو هو ؟
Jeans ما مشكلة شوز معليش .
Mobile على كيفك .
لكن تصلى لاحدد تتعدى على الصناعة الوطنية .
لا وألف لا .
يا جماعة مشيت المحل الجمبى لقيت دقيق عصيدة صينى وبليلة كورية .
وحلو مر من طاجكستان .
( رمضان كريم )
|
Post: #2
Title: Re: شنو يا CHINA حتى البلايل والعصايد .
Author: Osman Musa
Date: 08-23-2009, 06:39 PM
وكمان كاتب : We Specializs in Sudan Products
( لاحول الله )
عاين عاين : حتى المفاريك .
ياناس . مفراك سيرلانكى ؟
حليل عمتى الشول .أحرف من صنع المفاريك . قبل الاحتلال الصينى المصرى .
( على العموم رمضان كريم )
|
Post: #3
Title: Re: شنو يا CHINA حتى البلايل والعصايد .
Author: مريم بنت الحسين
Date: 08-23-2009, 07:09 PM
Parent: #2
عثمان اخوي
رمضان كريم.. وكل سنة وانت طيب...
تعرف، انا حأقول ليك، ما لقيك حق تحتج.. لأنه الناس دي لقت سوق مافي أي منافس... وريني منافس ليهم في الصناعة دي... وانا بقول ليك معاك في زعلتك.... والله عفيت منهم!
دقيق العصيدة ده ولا الحلو مر، ما بنلقى منه بي جاي عندنا في السعودية؟
|
Post: #7
Title: Re: شنو يا CHINA حتى البلايل والعصايد .
Author: Osman Musa
Date: 08-24-2009, 00:35 AM
Parent: #3
العزيزة بت الحسين
رمضانك أمبارك .
ورمضان الجاى تكونين عندك شركتين
وطنيتين .
تحياتى
|
Post: #4
Title: Re: شنو يا CHINA حتى البلايل والعصايد .
Author: Osman Musa
Date: 08-23-2009, 07:38 PM
Parent: #2
صينين شواطين .
شوف :
عشان هم عارفين الشعب السودانى معارض . عاملين علم السودان القديم فى
الكوارى . ( علم الاستقلال ) وعشان تقرطع الحلومر بمزاج .
راسمين هلال ونجمة والمفراك على شكل هلب الموردة (رمضان مبارك يا قراقير )
( ههههه قال استقلال )
|
Post: #5
Title: Re: شنو يا CHINA حتى البلايل والعصايد .
Author: عمران حسن صالح
Date: 08-23-2009, 08:13 PM
Parent: #4
عثمان موسى بكره برفع ليكـ صورة ( نبلة ) صينية .... 
|
Post: #6
Title: Re: شنو يا CHINA حتى البلايل والعصايد .
Author: Osman Musa
Date: 08-23-2009, 09:53 PM
Parent: #5
أنتو فى دى .
فى وأحد فى السوق الشعبى الخرطوم
لقيتو فارش عكاكيز Made In China .
عكاكيز عديل .
زمان كنا نمشى نفتش عكاكيز السلم والسيال . ونضبب عكاكيز عروق الطلح .
الليلة فى زمن التوجه الحضارى ( عكاكيز صينية ) ومسبحة U . S . A
هههههههه مسابح U S A بركاتكم يا مشايخ ثاوث كرولاينا .
رمضان كريم
|
Post: #8
Title: Re: شنو يا CHINA حتى البلايل والعصايد .
Author: محمد حسن خضر
Date: 08-24-2009, 01:16 AM
Parent: #6
عثمان أخوي كتر خيرك وبارك الله فيك ، ماقائل روحي بلاقيك تاني من زمن كلية الزراعة وفواتح الزيداب، أخوك مجدوب مشى جهتن كتر، النقيب غرب، حسنى طشه، ميرغني حتل "هنا".
ولمزيد من التفاصيل ابحث عني بالاسم أعلاه في www.fadasionline.com
الله .. الله من أشعار الوجيه عثمان موسى
(ومن عجب أن آخر أبنائي هو عثمان )
محمد حسن خضر
الرياض
24/8/2009م
|
Post: #12
Title: Re: شنو يا CHINA حتى البلايل والعصايد .
Author: Osman Musa
Date: 08-24-2009, 05:29 PM
Parent: #8
العزيز محمد حسن خضر ودالزين
يا سلام
وينك يا مك ؟
يعلم الله شوق شديد .
وجماعتك بخير وعلى أحسن حال .
د/ مجذوب عبدالرحيم موسى الان طبيب فى دبلن .
د / عبدالمنعم النقيب يازول عالم كبير فى نورث كرولاينا .
محمد حسنى يمكن يكون فى الابيض .
ميرغنى فى السعودية .
ومحمد عبدالجبار فى كنانة .
وأنا لاهسع ضهبان فى هادى الولايات والحمد على كل حال .
سلام شديد للاهل وبديك تلفون ماهل . وسلام للعثمان .
|
Post: #9
Title: Re: شنو يا CHINA حتى البلايل والعصايد .
Author: Osman Musa
Date: 08-24-2009, 03:27 AM
Parent: #5
عزيزنا عمران صالح
كيفك .؟
ورمضان كريم
أصحابك الصينين ديل عجيبين .
النبلة الصينية ؟
كمان فى رحط صينى ياعمران .
..
تحياتى
|
Post: #10
Title: Re: شنو يا CHINA حتى البلايل والعصايد .
Author: عبدالأله زمراوي
Date: 08-24-2009, 08:24 AM
Parent: #9
أخي الكريم عثمان رمضان كريم..
يا للهول من الوطن الذي يهوي للقاع
سريعا، وسريعا جدا، إن لم يكن قد هوى
ودق الدلجة فعلا...
أقسم لك بالله بأنني في العام الماضي ذهبتُ
لسوق الخضار ووجدت توما، أي والله بصل
مكادة من الصين، وتسالي من مصر ومصيبة
من إثيوبيا، فأندهشتُ كثيرا...
معقولة مكونات العصيدة والبليلة من الصين
يا ناس؟ وكيف يثور السودانيون، إن وصفوهم ودمغوهم
بالكسل؟ ياااخي ما بقى لينا إلا نستورد جرجير من
المملكة الأ ردنية الهاشمية، مع أن الجرجير ينمو
في أية بقعة في السودان وفي أي وقت...
السودان، الوطن الواحد ما قد كان وما سيكون، يعيش أرذل عمره، ولا حول
ولا قوة إلا بالله....
وبرضو رمضان كريم..
|
Post: #11
Title: Re: شنو يا CHINA حتى البلايل والعصايد .
Author: عبدالله احيمر
Date: 08-24-2009, 12:59 PM
Parent: #10
الأخ عثمان موسى
السـلام عليكم
في بعض الصيدلايات تلقى ( ليف حمام ) صيني ,ذي الليف
بتاع شــجرنا المتسـلق البقـوم في الخريف براه داك
الجماعة اســتوردوه من الصين ( وفي ناس بشــتروه )
دي الفلهمـة العـورا وشـيل البطارية في القمــرا
قـال الســوق الحـر وتحرير الاقتصاد
عارف يا عثمان الصين دي هي مشـكلة كبيرة لكل العالم
لكن المشـكلة الأكبـر هي في الزول البيســمح بدخل
هذه الأشــياء
عارف التوم الصيني مريح في التنظيف وكبار لكنه بدون
نكهة ( يعني سـماحة جمل الطين )
|
Post: #13
Title: Re: شنو يا CHINA حتى البلايل والعصايد .
Author: Osman Musa
Date: 08-24-2009, 06:15 PM
Parent: #11
وتعال شوف ناس شوفونى .
الاعراس والبكيات .
كلو بالصينى
من قطع الرحط لى رفع البرش .
والصدقة . الصدقة ( البلح ) التمر من كليفورنيا ومصاحف من ايران .
شوفونى حتى فى البكيات .
جد مسكين هذا الوطن البنحلم بيه يوماتى
وطن شامخ وطن عاتى .
وطن صينى سجن نفسو
وباع بترولو سوكاتى .
( ورمضانكو أمبارك )
|
Post: #15
Title: Re: شنو يا CHINA حتى البلايل والعصايد .
Author: Osman Musa
Date: 08-24-2009, 07:25 PM
Parent: #11
العزيز عبدالله احيمر
سلامات
ورمضان كريم
ليف الحمام ؟
وكمان حبال البقر
وخرتايات الغنم عشان البهم مايرضع .
وكان جاك ضيف لابد تمرق العنقريب الصينى وتفرش الملايات الامريكية
عشان الضيف يحلم بالوترى .
.. حليل السودان الوطن الواحد .
تحياتى وأعمل حسابك من البليلة التى ربما تجلب جنون الماعز .
|
Post: #14
Title: Re: شنو يا CHINA حتى البلايل والعصايد .
Author: Osman Musa
Date: 08-24-2009, 06:50 PM
Parent: #10
شاعرنا الجميل عبدالأله
سلامات
ورمضان كريم
الصينين البلا الذى لن ينجلى الا نحنا نفتح .
وعندنا فى السودان البفتح . طوالى الصالح العام . مفتح ليش ياوليد ؟
نحنا يا عبدالأله عندنا دهب .( بس اليمين مكتف )
..
بعدين شنو يعنى ماداير تجدع لينا كتابك الجديد ؟
تحياتى
|
Post: #16
Title: Re: شنو يا CHINA حتى البلايل والعصايد .
Author: Osman Musa
Date: 08-25-2009, 00:09 AM
Parent: #14
فى زيارتى للسودان بعد زمن زمين .
مشيت أحضر عرس .
هو عرس ؟
الصالة .
مدفوع للصالة 85 مليون جنيه شامل العشاء .
شوف العشاء .
خبز عربى
فطاير
مناقيش
لحم حلال
دجاج مشوى على الفحم الصينى
حلويات مشكلة .
ده كلو فى صحن كبير .
والموية والعصاير .
والخدمة هنود وفلبينيات .
والفنان أمريكى وحات الشيخ نعيم الفنان أمريكى ( يانكى )
.. ياسودان أقيف طولك
ياسودان .. أنا خايف على البلايل .
|
Post: #17
Title: Re: شنو يا CHINA حتى البلايل والعصايد .
Author: خضر حسين خليل
Date: 08-25-2009, 00:20 AM
Parent: #16
Quote: ياسودان أقيف طولك
ياسودان .. أنا خايف على البلايل . |
وأنا خايف علي السودان يا عثمان تخيل !
ماتشيل هم شويتين وتلقي جارك القريب زارع (الويكي)
وبتاع السوبر ماركت شادي الفول
يارجل إنها العولمة (أمال ايه)
والربة الربة الربة
الويكة تجيكم دوغري
الدخن الكسرة معبأ
والكورنفلكس الفاره
راقد في سوق الدبة
مع الاعتذار للعم محجوب شريف
جاطت ياعثمان اخوي جااااطت
|
Post: #18
Title: Re: شنو يا CHINA حتى البلايل والعصايد .
Author: Osman Musa
Date: 08-25-2009, 01:41 AM
Parent: #17
من ما قمنا فى ضهر الدنيا دى
وحضرنا أعراس البلد شرق وغرب
بنشوف الناس بتجلد الدلوكة والشتم كان جلد ماعز كان جلد كلب نباح .
الا يعمينى فى دلاليك تايوان .
يا أستاذ السر قدور . أغنية قطار الشوق بالشتم الكورى كيف ؟ هادا ما يصير
لو هادا يصير .. الجمل يطير .
|
Post: #19
Title: Re: شنو يا CHINA حتى البلايل والعصايد .
Author: Osman Musa
Date: 08-25-2009, 03:44 AM
Parent: #17
العزيز خضر حسين خليل
كيفك يا مك .
ورمضان كريم .
عارف يا خضر
بعد ما جيت السودان مشيت دبى قلنا كدى النجس نبض الشرق .
اها ركبت طيران الخليج أنا فى الكرسى 21A وجمبى صينى فى 22A
دقيت الحنك مع الصينى
لقيت ليك ياخضر الراجل مظبط كل شىء والورق مختم من محامى كبير
( شركة شان ياينق للنظافة ) الخرطوم العمارات .
( ومكتوب بالعربى اذا لم يكن لديك الوقت لتنظيف بيتك فدعنا نقوم بذلك نيابة عنك )
professional Home Cleanig Service
قال يا خضر تكاليف الشركة ما بتفوت 150 ألف دولار
قال ممكن من البلد دى يعمل فلوس .
شايف ؟ الكلام دخل الحوش ( طلقت ) ( وعارت كمان )
زولك . شان يانق أدانى كرتو يا خضر .. رمضانك أمبارك
|
Post: #20
Title: Re: شنو يا CHINA حتى البلايل والعصايد .
Author: Mohamed Kheir
Date: 08-25-2009, 04:02 AM
Parent: #19
lazy
not more not less
and sometimes foolish
|
Post: #21
Title: Re: شنو يا CHINA حتى البلايل والعصايد .
Author: سامى عتبانى
Date: 08-25-2009, 04:25 AM
Parent: #20
عثمان موسى
اها شابكنا السودان السودان
ان شاء الله السودان ضوا ليك
رمضان كريم يا عمنا
والله ليك وحشه
|
Post: #22
Title: Re: شنو يا CHINA حتى البلايل والعصايد .
Author: Osman Musa
Date: 08-25-2009, 04:25 PM
Parent: #20
عزيزنا محمد
كيفك يا عزيز
ورمضان كريم وأنشاءالله ربك يرفع حال البلد
تحياتى وشكرى
|
Post: #23
Title: Re: شنو يا CHINA حتى البلايل والعصايد .
Author: Osman Musa
Date: 08-25-2009, 05:14 PM
Parent: #22
والله غايتو بلدنا ده .
تعاين جاى .
تعاين جاى .
تتعجب .
أرض زى الدهب طول وعرض .
موية مد البصر .
خبرات لاحد لا عد منتشرة فى كل بلاد العالم .
عندنا أراضى أخصب من أراضى كتيره فى العالم .
( السبب البخلينا نجيب البليلة من الصين شنو يا ناس الحيكومة )
|
Post: #24
Title: Re: شنو يا CHINA حتى البلايل والعصايد .
Author: Osman Musa
Date: 08-25-2009, 09:52 PM
Parent: #23
العزيز سامى العتبانى
سلامات
شنو يازول ؟ جد يا سامى زعلان منك .
تعرس وماتكلمنا يازول . أنشاء الله ربنا يسعدكم يا سامى
ويتمم ليكم بخير .. وقعت هناك مش Pennsylvania دقش نضيف . والله متكيف
لخبر زواجك . أها شد حيلك أخرت الدولار ده .
تحياتى وكتير سلامى
|
Post: #25
Title: Re: شنو يا CHINA حتى البلايل والعصايد .
Author: Osman Musa
Date: 08-25-2009, 10:22 PM
Parent: #24
ده كيف ده ؟
وأنا ماشى فى شارع الجمهورية ( حقنا) فى الخرطوم .
أشوف ليك وكالة سفر صينية .
نعم . وكالة سفر صينية فى الخرطوم . والناس صفوف .
( مكتوب على الباب .
( حدد هدفك واعتمد علينا فى السفر )
* تذاكر الى كل المدن الصينية
* أسعار مخفضة
* رحلات سياحية مدمجة
* حجز فنادق
وأنا ماشى فى الشارع كنت بفكر . الودانى هناك شنو ؟
طلعنا من السودان بجاى والشغل دور بجاى .. ( بس عشان تدور لابد تكون من
آل كابونى ههههههههه حظ الكابوناب كفلا الصيناب الشنقهاياب .
ورمضان كريم
|
Post: #26
Title: Re: شنو يا CHINA حتى البلايل والعصايد .
Author: Osman Musa
Date: 08-26-2009, 00:48 AM
Parent: #25
شوفو قصة الصينى الداير يموت عشان
يتعلم عربى .
عارفين السبب شنو ؟
|
Post: #27
Title: Re: شنو يا CHINA حتى البلايل والعصايد .
Author: Osman Musa
Date: 08-26-2009, 04:27 AM
Parent: #26
عايز أشيل معاى طرقتين حلومر
وعلى الصين فللى .
شنو يعنى ؟
بس أكتب على الكيس ( حلومر العثمان ) المتعة فى التذوق __
( نكهات بطعم الفيتريتا )
( نكهات بطعم الحمرى )
العثمان الموزع الوحيد فى أمريكا وجزر الكاريبى . ( حلومر حلال )
|
Post: #28
Title: Re: شنو يا CHINA حتى البلايل والعصايد .
Author: Osman Musa
Date: 08-26-2009, 06:14 PM
Parent: #27
تعال شوف سوق الموبايلات .
أى زول عندو موبايل .
سمعت وأحد بتكلم مع وأحد وبقول : بجيك بجيك الليلة حمارى الضلف حقو
ماهو شديد يمكن يكون عتران .
لكن ساعتين أنشاءالله بكون عندك .
|
Post: #29
Title: Re: شنو يا CHINA حتى البلايل والعصايد .
Author: Osman Musa
Date: 08-26-2009, 10:02 PM
Parent: #28
بخت الصين .
تكون راكب فى البص . 24 راكب يكون فى 25 راكب بيتكلم
فى التلفون .
اتارى عشان كدى الصين دفعت 2 ترليون دولار مساعدة للأمريكان بعد الازمة
الاقتصادية .
|
Post: #30
Title: Re: شنو يا CHINA حتى البلايل والعصايد .
Author: Osman Musa
Date: 08-27-2009, 04:11 AM
Parent: #29
أين ضباط ضبط الجودة ؟
|
Post: #31
Title: Re: شنو يا CHINA حتى البلايل والعصايد .
Author: Osman Musa
Date: 08-27-2009, 05:57 AM
سيب البلايل
|
Post: #32
Title: Re: شنو يا CHINA حتى البلايل والعصايد .
Author: Osman Musa
Date: 08-27-2009, 06:54 PM
Parent: #31
عادى جدا فى السودان
الهندى يقابلك ويحكى معاك بالعربى .
عن أعمال الخرسانة وحتى الجلط كمان .
ويقوليك يا زول يازول : بنعمل الدهان الداخلى والخارجى بسعر مناسب .
ونحنا نتطهم ونتضهب ..
|
Post: #33
Title: Re: شنو يا CHINA حتى البلايل والعصايد .
Author: سيف اليزل جعفر عبد الرحمن
Date: 08-29-2009, 10:41 AM
Parent: #32
و الله انا لو صيني كنت اشتغل في التمباك
وله اهلنا ناس الغرب ديل عاملين للصينين عمل ما يهبشو التمباك
|
|