Post: #1
Title: ... وجع السنين ...
Author: Osman Musa
Date: 02-24-2008, 03:39 AM
Parent: #0
وجع السنين
___________
تكلته فى راسى الشمال
يدى اليمين
وتكلته فى راسى اليمين
يدى الشمال
ضراعى مال
سرحته تب .. سرحانى طال
وفضلته اسأل عنى مين
زول ام زوال ؟
جد ام خيال ؟
الناس دى ناس ؟
ضحكنى خلط الالتباس
يبقى نايم؟
يبقى حاس ؟
يبقى خرفنى السفر؟
يمكن خلاس ؟
بقيت افتش لى السبب من الاساس
لا شربته لا قدامى كاس
وتكلته فى ضراعى اليمين
راسى الشمال
وتكلته فى راسى الشمال
يدى اليمين
وفضلته اسأل عنى مين
اسأل الترب القدام
اسأل قباب الصالحين
اسال مسابح الزاهدين
اطلب دعاوى الراكعين
والساجدين
... وقعته اشخبت فى الأرض
سرحته بالطول والعرض
تكلته فى راسى الشمال
يدى اليمين
وتكلته فى راسى اليمين
يدى الشمال
وضراعى مال
وخيالى جال
حسيت بحال
زى انجذبته على الشمال
تلا الضريح زى دق طبول الاحتفال
دروشته فى حار الذكر
ترجمته فوق خالق الجمال
وسمعته صوت جيهات قباب
العارفين
قول يا معين
ده كتر عليك وجع السنين
طال الحنين
احتجته اعود
احتجته أمسك نفس درب الرجعه
وارجع للأصل
وانسى الحضارات
والكلامات الرطين
....
عثمان عبدالرحيم موسى
نيويورك 2005
|
Post: #2
Title: Re: ... وجع السنين ...
Author: Osman Musa
Date: 02-24-2008, 03:26 PM
Parent: #1
تكلته فى راسى الشمال
يدى اليمين
وتكلته راسى اليمين
يدى الشمال
وضراعى مال
......
|
Post: #35
Title: Re: ... وجع السنين ...
Author: Osman Musa
Date: 03-12-2008, 04:48 PM
Parent: #2
_ _ _
|
Post: #3
Title: Re: ... وجع السنين ...
Author: العوض المسلمي
Date: 02-24-2008, 03:31 PM
Parent: #1
عثمان موسي تحياتي
Quote: عثمان عبدالرحيم موسى
نيويورك 2005 |
كلام حلو ولكن من زمان كان الكلام ده وين
تحياتي
|
Post: #4
Title: Re: ... وجع السنين ...
Author: Osman Musa
Date: 02-24-2008, 07:48 PM
Parent: #3
الأخ العزيز العوض المسلمى
حبابك
وكيفك مع ها الزمانات
عل الحال درت
وعلك ماكل
حامد
شاكر
وعلك فى امان الله
تحياتى
|
Post: #5
Title: Re: ... وجع السنين ...
Author: Osman Musa
Date: 02-25-2008, 04:26 AM
Parent: #4
وجع السنين
|
Post: #42
Title: Re: ... وجع السنين ...
Author: Osman Musa
Date: 03-27-2008, 03:13 AM
Parent: #3
___
|
Post: #6
Title: Re: ... وجع السنين ...
Author: محمَّد زين الشفيع أحمد
Date: 02-25-2008, 04:45 AM
Parent: #1
الأديبُ / عُثمانْ مُوسى ..
وَحيداً تُقَلِّبُ ذاكرةَ
الطِّينِ والوَجَعْ ،
وبريئاً يُعانِـدُ
شَمْسَ المَسَافَةِ
والكلامْ ..
احترامي ...
أخوك / محمَّد زين ...
|
Post: #7
Title: Re: ... وجع السنين ...
Author: Osman Musa
Date: 02-25-2008, 03:25 PM
استاذ محمد زين الشفيع
سلامات
وسلمت من كل بلاء
كما يقول اهل قريتك
الباهرة تلك .
تحياتى
وشكرى
|
Post: #8
Title: Re: ... وجع السنين ...
Author: Ahmed al Qurashi
Date: 02-25-2008, 05:46 PM
Parent: #7
الاخ العزيز/عثمان موسى
اعرف انك كاتب من الدرجة الاولى وتسطيع ان تعبر عن نفسك بصورة ادبية رائعة وجميلة ...واعرف انك قارئ جيد ومحب للشعر ويشهد بذلك بوست عبدالعزيز المقالح ولكن ما كنت اجهله ان وراء هذا الابداع شاعر مجيد وفحل متمكن من اللغة وقاموسه ملئ بالمفردات والتعابير والمعانى الجميلة والانيقة ... لك التحية صديقى العزيز فلقد اضفت الى مكتبتى شاعر آخر ومبدع.
|
Post: #11
Title: Re: ... وجع السنين ...
Author: Osman Musa
Date: 02-26-2008, 05:41 AM
Parent: #8
الأخ العزيز د / أحمد القرشى
سلامات
اهو يا أخ أحمد
الهجرة
والاحوال ال ..
والكسل
والاحباط
اهو من 1981 وانا لم
اعيد طباعة ديوانى الأول
( فجر الفرح )
انشاءالله لو ربك مد فى الايام
نعمل شي جديد
..
تحياتى أخ أحمد
|
Post: #25
Title: Re: ... وجع السنين ...
Author: Osman Musa
Date: 03-10-2008, 03:54 PM
= = = =
|
Post: #9
Title: Re: ... وجع السنين ...
Author: Osman Musa
Date: 02-25-2008, 11:29 PM
Parent: #1
.....
.....
|
Post: #10
Title: Re: ... وجع السنين ...
Author: محمد عثمان
Date: 02-25-2008, 11:34 PM
Parent: #1
Quote: احتجته اعود
احتجته أمسك نفس درب الرجعه
وارجع للأصل
وانسى الحضارات
والكلامات الرطين |
ابو عفان..
يا سلاااااام
و بس....
|
Post: #12
Title: Re: ... وجع السنين ...
Author: Osman Musa
Date: 02-26-2008, 03:20 PM
Parent: #10
الأخ العزيز محمد عثمان
سلام شديد
ارجو أن تكون الأحوال
على مايرام
تحياتى
وشكرى
|
Post: #13
Title: Re: ... وجع السنين ...
Author: Osman Musa
Date: 03-01-2008, 11:49 PM
Parent: #1
... وجع السنين ...
|
Post: #14
Title: Re: ... وجع السنين ...
Author: Osman Musa
Date: 03-09-2008, 08:17 PM
Parent: #1
وجع السنين
|
Post: #15
Title: Re: ... وجع السنين ...
Author: بله محمد الفاضل
Date: 03-09-2008, 08:45 PM
Parent: #1
سقاك الله من ماء الأفراح
وأبعد عنك شبح الأتراح
ذات أنفاس الخالد صاحب (ليل المغنين)
لعله الأثر
أو التأثر
أو كلاهما
لكني
ترنمت روحي عالياً بهذا البذخ والضوء
سلمت
|
Post: #16
Title: Re: ... وجع السنين ...
Author: Ahmed al Qurashi
Date: 03-09-2008, 09:15 PM
Parent: #15
نحن فى انتظار فجر الفرح كتابا مطبوعا.
|
Post: #17
Title: Re: ... وجع السنين ...
Author: Osman Musa
Date: 03-09-2008, 09:32 PM
Parent: #16
أخ د / أحمد القرشى
انشاءالله السنه دى كان الله سهل
اعيد طباعة الكتاب
وربما كل الاعمال
اول واخر طبعة لديوانى
فجر الفرح كانت فى سنة 1981
اهو يا أخ أحمد الحاصل فى البلاد
والكسل والهجرة
والمعايش ..
تحياتى للربع
|
Post: #18
Title: Re: ... وجع السنين ...
Author: Osman Musa
Date: 03-09-2008, 09:39 PM
Parent: #15
استاذ بله محمد أحمد الفاضل
سلامات
وكيف حال عروس البحر الاحمر
علك عافيه
والف شكر على الكلمات الطيبات
تحياتى وشكرى
|
Post: #19
Title: Re: ... وجع السنين ...
Author: Elmosley
Date: 03-09-2008, 11:07 PM
Parent: #1
Quote: ده كتر عليك وجع السنين
طال الحنين
احتجته اعود
احتجته أمسك نفس درب الرجعه
وارجع للأصل
وانسى الحضارات
والكلامات الرطين
|
سوقنا معاك يازول ياحلو
|
Post: #20
Title: Re: ... وجع السنين ...
Author: Emad Abdulla
Date: 03-09-2008, 11:19 PM
Parent: #19
يا سلام يا عثمان ..
ممتع شديد .. و مطرب .
أنا برضو بعرفك كتاب و متمكن ..
لكن فاجأتني بالروح الشعرية السمحة دي ..
و بالصدق الكبير و الموجوع و الدافي و حنين .
مودتي ..
و كتير الشكر على استعدال مزاجي ..
الله يعدل مزاجك .
|
Post: #24
Title: Re: ... وجع السنين ...
Author: Osman Musa
Date: 03-10-2008, 03:19 AM
Parent: #20
الأستاذ الفنان
عماد عبدالله
كيفنك أخوى ؟
اهو يا عماد هذه حشرجة الرحيل
صوت خرير الدموع
نحاول .
نحاول يا عماد نتداوى بالشعر
..
كنا نتداوى بالحرجل والمحريب
فى البلد دى انعدم يا عماد الحرجل
بعد انعدام الهنود الحمر .
..
اها بدل كاس حرجل تلبع ليك كاس شعر
.. والله يا عماد سعيد بدخولك
وانا احتاجك جدا عشان تحابيش الكتاب
وعارف .
تحياتى وشكرى
|
Post: #21
Title: Re: ... وجع السنين ...
Author: Emad Abdulla
Date: 03-09-2008, 11:20 PM
Parent: #19
مكرر ..
|
Post: #22
Title: Re: ... وجع السنين ...
Author: Osman Musa
Date: 03-10-2008, 03:03 AM
Parent: #19
استاذ الموصلى
الموسيقار المعتق
سلامات
القصيدة اعجبت صاحبك
استاذ عركى
الذى يحاول أن يشعل فيها
جمر الموسيقى
ويمدها بفيض من الألق
له التحيه وهو يتفقد الناس
هنا
..
تحياتى وشكرى استاذ الموصلى
|
Post: #23
Title: Re: ... وجع السنين ...
Author: عبدالله وداعه الامين
Date: 03-10-2008, 03:14 AM
Parent: #22
شاعرنا الجميل عثمان
تحية وسلام لك ايها الانيق
شكرا لامتاعي ودخولي دوحتك النضرة
وشكرا لانك هنا تكتب اوجاع سنينا
محبتي و ودي لك
|
Post: #26
Title: Re: ... وجع السنين ...
Author: Osman Musa
Date: 03-10-2008, 08:38 PM
Parent: #23
استاذ عبدالله وداعة الامين
الذى بلندن
كيف انت
وكيف حال نوتنق هل قيت
محطة الشعراء
ارجو أن تكون على ما يرام
اهو يا أخ عبدالله
استطال بنا الوجع
وكبر الحزن
وتشتتنا فى المنافى
الكل يراقب ساعته
الكل يشتاق الى تلك الجنات
تحياتى
وشكرى الجزيل
|
Post: #30
Title: Re: ... وجع السنين ...
Author: Osman Musa
Date: 03-11-2008, 02:32 PM
Parent: #22
وجع السنين
|
Post: #27
Title: Re: ... وجع السنين ...
Author: Alsa7afa_30
Date: 03-10-2008, 09:24 PM
Parent: #1
جميل أ.عثمان ..
|
Post: #29
Title: Re: ... وجع السنين ...
Author: Osman Musa
Date: 03-11-2008, 03:08 AM
Parent: #27
الأخ العزيز حسام الدين صلاح
سلامات
ارجو أن تكون بالف خير
وكيف حال وجه الربيع
على ابواب دوحتكم الجميلة
تحياتى وشكرى
|
Post: #28
Title: Re: ... وجع السنين ...
Author: Osman Musa
Date: 03-10-2008, 10:51 PM
Parent: #1
___ ____
|
Post: #31
Title: Re: ... وجع السنين ...
Author: Sahar Abdelrahman
Date: 03-11-2008, 03:27 PM
Parent: #28
أستاذي عثمان...سلامي وإحترامي
الغربة كانت ومازالت وجع كبير أحاول التأقلم عليه وخداع نفسي بأنني قادره على تحمل البعاد عن وطني ومقاومة الحنين والأشواق...
هناك عقدة إنتماء تلازمني منذ أمد طويل لكن رغم ذلك أصبحت الغربة خيار صالح بالنسبة لي...
أحس الآن أن أي مكان يمكن ان يكون وطني مادام يحترم إنسانيتي ويمنحني حقي في الحلم...
Quote: ده كتر عليك وجع السنين
طال الحنين
احتجته اعود
احتجته أمسك نفس درب الرجعه
وارجع للأصل
وانسى الحضارات
والكلامات الرطين |
....
ربما إحتجنا ان نعود لأنفسنا قبل ان نعود إلى ديارنا...
مودتي
|
Post: #32
Title: Re: ... وجع السنين ...
Author: Osman Musa
Date: 03-12-2008, 03:35 AM
Parent: #31
الأخت ا لعزيزة SAHAR
سلامات
انا لم استطيع خداع نفسى .
( اقولك ) عطر البرم يعبق وانا
فى قلب ما نهاتن .
( اقولك ) صور ملامح اهلى الترابله
تنتشر فى حجرتى .
..
كيف اخبار القرير الفى الفجر نبحن بوابير
تحياتى وشكرى
|
Post: #33
Title: Re: ... وجع السنين ...
Author: منى على الحسن
Date: 03-12-2008, 06:03 AM
Parent: #1
Quote: تكلته فى راسى الشمال
يدى اليمين
وتكلته فى راسى اليمين
يدى الشمال
ضراعى مال
سرحته تب .. سرحانى طال
وفضلته اسأل عنى مين
زول ام زوال ؟
جد ام خيال ؟ |
الاستاذ عثمان موسي
ما اجمل لوحتك
بين حروفا تلقى نفس الناس الحنان
ناس الاصل وصدق الحرف..
حروف رويانة زي جروف النيل
نتمنى ان نتطلع على فرحك قريب
وتسلم على هذه الروح
|
Post: #34
Title: Re: ... وجع السنين ...
Author: Osman Musa
Date: 03-12-2008, 01:53 PM
Parent: #33
الأخت العزيزة
منى على الحسن
سلام شديد
ده الحلم .. ده الحلم الذى
لا يكتم السر .
ده الحلم . حلم رجوع البلاد
الى ما كانت عليه من جمال
.. ده حلمنا.
وحلم عودة كل الهاجرين
..
تحياتى وشكرى
|
Post: #36
Title: Re: ... وجع السنين ...
Author: Osman Musa
Date: 03-12-2008, 10:49 PM
Parent: #1
__ __ __
|
Post: #37
Title: Re: ... وجع السنين ...
Author: منى على الحسن
Date: 03-13-2008, 05:23 AM
Parent: #1
الاخ عثمان موسى
صباحات ندية كنداوة قوز هندي وقوز قرافي والقعلة
تحية ليك وللقرير التي شكلت دواخلك بهذا الجمال
وجعلته مداد في الغربة يتدفق حنين
ورغم الغربة ورغم كل شي ما زال الحنين يراودني
ان في العمر فسحة امل للرجعة للوطن البراح ....
وين ما تكون خلي حلم الرجوع قدامك وريحة الجروف انفاسك
|
Post: #40
Title: Re: ... وجع السنين ...
Author: Osman Musa
Date: 03-14-2008, 02:31 AM
Parent: #37
الأخت العزيزة منى على الحسن
سلام شديد
ارجو أن تكونى عافيه
الف شكر
على المتابعه
تحياتى أخت منى
|
Post: #38
Title: Re: ... وجع السنين ...
Author: Osman Musa
Date: 03-13-2008, 02:29 PM
Parent: #1
+++
|
Post: #39
Title: Re: ... وجع السنين ...
Author: Moawia Mohammed
Date: 03-13-2008, 11:28 PM
Parent: #1
فوق
|
Post: #46
Title: Re: ... وجع السنين ...
Author: Osman Musa
Date: 03-28-2008, 02:55 AM
Parent: #39
الأخ العزيز معاويه
سلامات
واخبارك شنو مع وجع
دينفر .
.. الموسيقى دى ترد الروح
تحياتى
وشكرى
|
Post: #41
Title: Re: ... وجع السنين ...
Author: Osman Musa
Date: 03-23-2008, 07:12 PM
Parent: #1
___
|
Post: #43
Title: Re: ... وجع السنين ...
Author: المسافر
Date: 03-27-2008, 06:46 AM
Parent: #41
أخي عثمان موسى
قرأت لك عدة مرات..
في هذه اللونية تأخذ القارئ بين ضفاف عدة..
وعندما يتهيأ لملامسة الشاطئ
يعود به الزورق إلى الضفة الأخرى..
الفكرة جميلة..
والإنتقال بها في عالم من حروف كان أجمل
ولكن الإنتشار فوق أرض متعددة الألوان كان أسرع..
|
Post: #44
Title: Re: ... وجع السنين ...
Author: Osman Musa
Date: 03-27-2008, 02:33 PM
Parent: #43
العزيز المسافر
كيفك ؟
لسع مسافر
ارجو أن تكون عافيه
وكيف حال الحبيبة عطبرة ام نيران ؟
تحياتى وشكرى
|
Post: #45
Title: Re: ... وجع السنين ...
Author: Omer Abdalla
Date: 03-27-2008, 05:13 PM
Parent: #1
أخي العزيز عثمان
عاطر تحياتي وأشواقي
قصيدة جميلة ومعبرة شأن قصائدك الأخرى
التحية للأسرة الكريمة
عمر
|
Post: #47
Title: Re: ... وجع السنين ...
Author: Osman Musa
Date: 03-28-2008, 01:58 PM
Parent: #45
الأخ العزيز
عمر عبدالله
يا سلام عليكم يا سلام ياعمر .
كنتم دليلى .
وان سألونى عن اسمى
لا ( اتلفت ) أشير اليكم .
انا فخور بتلك العلاقات الحميمة
سلام شديد للأ خت ا ميرة
والابناء
محمود ومستر ( حديد )
تحياتى وشكرى
|
|