Post: #1
Title: شمارات ، شمارات @ الحرب على العراق
Author: Hozy
Date: 03-21-2003, 04:35 PM
Parent: #0
خصصنا هذه الصفحة للشمارات والاحداث الجانبية
زواج (عروسات ) وقصص حب في المعسكرات البريطانية بالكويت
نقلت اول امس عن زواج حدث في معسكرات الانجليزية في الكويت
مما فتح الباب بعد أن وقع عدد من الجنود البريطانين في حب
وقد طالب هؤلاء الجنود بارسال قس اليهم لعقد عدد من الزيجات
المجندات الجميلات حسب ماوصفهن الجنود هناك
وقال مسئول في وزارة الخارجية البريطانية لندن ان هذا
الطلب قد ينفذ ولكن ليس خلال اليومين المقبلين
واكد انه بالامكان ارسال قس بريطاني بعد ان يمر اول
اسبوع من الحرب
وقالت والدة الجندي ( العريس ) وليام ان ابنها اتصل بها
وتفاجأت بانه واقع في حب فتاة بريطانية تشارك مع القوات
وقررا الزواج بعد ارسال رجل دين لمباركة الزواج
وقالت ام العريس انها متفاجئة ان ابنها ذهب لحرب على العراق ام حرب زواج
!!!!!!
وعليه على غرار وليام طالب الكثير من الجنود بنفس الطلب،،
وعلق احدهم ساخرا
ان الحكومة البريطانية دفعت بالنساء ليس للخوض في المعركة
بل للخوض في قلوبنا ،،، مؤكدا ان الفتيات المجندات جميلات جدا
حتى ان جمالهن لا يقاوم حتى في احلك الظروف وتحت لهيب الشمس في صحراء الكويت.
والعروس تدعى باتشيلا ستيلن
والقوات البريطانية تحاول اخراج الخوف والقلق من جنودها
بعمل الملاعب للتسلية ، وكمان حترافقه حبيبته !!!!!! وياعجبي
نقلا عن جريدة الوطن القطرية
|
Post: #2
Title: Re: شمارات ، شمارات @ الحرب على العراق
Author: Hozy
Date: 03-21-2003, 04:50 PM
Parent: #1
الشمار التاني:
طبعا عارفين قوات تحالف الجزيرة المكونة من
جنود من مختلف دول الخليج وهم موجودين في السعودية
وما يفوتكم انه نصهم اجانب ( سودانيين ، مصريين وشوية دول تانية عربية ) طبعا البقية سعوديين واماراتيين وقطريين وبحريين وهم قلة
طالبوهم بالذهاب الى الكويت على الحدود للوقوف مع الجيش الكويتي
في حالة حصل اجتياح عراقي وهم كثر حوالي 13 الف جندي
ولكن يقال ( وده المزعلل ناس هناية ) انه الكويتين لما شافوا
الجماعة قامو الكويتين رجعوا الى الورا وخلوهم مساكين قدام على الحدود خالص وفي وش المدفع
والله يحمي اخوانا السودانيين والباقيين
|
Post: #3
Title: Re: شمارات ، شمارات @ الحرب على العراق
Author: Hozy
Date: 03-26-2003, 00:44 AM
Parent: #1
شنو ياناس البورد
تشيلو تقراو في الشمارات دي ساي
زول عنده شمار مافي
خلاص تاني مافي ليكم وهسه مافي شمار
ماتدخلو هنا تاني
ما بقول ليكم 
|
Post: #4
Title: Re: شمارات ، شمارات @ الحرب على العراق
Author: Hozy
Date: 03-26-2003, 01:09 AM
Parent: #1
اها خلاص
ده شمار تاني
اسمعوا عارفين في نص الحرب الشغالة دي
دولة عربية مشت طلبت من امريكا 40 مليون دولار!!!!!!!!!!!!!
السبب شنو وتمن شنو؟؟ والدولة منو؟؟؟
ما حاوريكم وحاولوا خمنو
|
Post: #5
Title: Re: شمارات ، شمارات @ الحرب على العراق
Author: Elmosley
Date: 03-26-2003, 02:11 AM
Parent: #4
لكن شماراتك حاره يا هوزي
اهلنا ديل مغلوب علي امرهم
|
Post: #6
Title: Re: شمارات ، شمارات @ الحرب على العراق
Author: ود عقاب
Date: 03-26-2003, 07:15 AM
Parent: #1
الاخت هوزى
تحيه طيبه
شكر لهذه الاطلاله
الجماعه ديل اخوانا فى الرضاعه
ودعقاب
|
Post: #7
Title: Re: شمارات ، شمارات @ الحرب على العراق
Author: Hozy
Date: 03-26-2003, 09:51 PM
Parent: #6
الاستاذ الموصلي
الله يخلي الشمارات
بس الشمارات الجديدة انه الرقم وصل 459 مليون دولار ده طلب
وتعويضات ب مليار دولار
ما تسألني تعويضات عن شنو !!!!!!!!!!!!1
والله ياخوي ود عقاب
ديل ما بشهونا
ا ل ا ر د ن( في زول سمع حاجة )
|
Post: #10
Title: Re: شمارات ، شمارات @ الحرب على العراق
Author: مريم بنت الحسين
Date: 03-26-2003, 10:46 PM
Parent: #7
هوزي...
انا ما سمعته حاجة.. أصله.. نهائي.. ياخيتي.. الحيطان ليها ودان.. والناس ديل ظريفييييييين.. لو فاهماني..
ياخيتي إنتي ما ناقشة فلم الجماعة ديل...هو مافي زول بشبهنا زاتو.. ديل يا كافي البلا.. لا جعلية لا قومية.. ولا حتى غربية.. ما لامين في أي شي...
ما سمعتي موش
بنت الحسين
|
Post: #12
Title: Re: شمارات ، شمارات @ الحرب على العراق
Author: Hozy
Date: 03-26-2003, 11:03 PM
Parent: #10
يا مريومه
فعلا ياختي
ديل ناس ظريفين خالص خالص
وفاهماك خالص خالص وخليك على كده وماتقولي شي احنا بنقول بدالك
عشان طبعا عارفه
ديل اولاد اسرائيل الباريين
وما سمعنا حاجة
ولا انا قصدي حاجة!!
|
Post: #8
Title: Re: شمارات ، شمارات @ الحرب على العراق
Author: Hozy
Date: 03-26-2003, 09:55 PM
Parent: #1
شمار قديم شوية
سمعته ناس ليبيا عملوا مظاهرات شالو العلم الكويتي من السفارة
الكويتية وختو بدله العلم العراقي
وبعد كده قدور ما شالو المسئولين الليبين يعتذروا رسميا
لناس الكويت
رفضوا تماما وعاوزين ينتقموا
وطلعوا شوية اولاد من الكويت ومشوا احتجوا في السفارة الليبية
وشالو العلم الليبي وختو الكويتي
بالاضافة لانهم كانوا رافعين العلم البريطاني والامريكي
وعجبي!!
|
Post: #9
Title: Re: شمارات ، شمارات @ الحرب على العراق
Author: Hozy
Date: 03-26-2003, 10:05 PM
Parent: #1
شمار اثناء جلسة مجلس الأمن من أجل الحرب
الافراج عن مساجين افغان وارجاعهم الى افغانستان
يعني بعد النفسيات التعبانة لامنا الغولة عشان اولادها المأسورين في العراق ،، والنقد اللاذع من كل العالم عن انها ازدواجية راي
لانها عرضت اسرى عراقيين وكمان في حرب افغانستان
عومل الافغان معاملة سيئة واتعرضو للتعذيب للادلاء بالمعلومات
تقرر او أفرجت فعلا عن 18 من سجناءها في قاعدة غوانتانامو
وهو العدد الاكبر للافراج عن اسرى افغان
وقيل ان اثنان منهم تجاوز عمرهما 80 سنة
الى متى تستمر هذه المغالطات وفلسفة الاراء بشكل غبي من اجل بقاء الاعظم.. والله في
|
Post: #11
Title: Re: شمارات ، شمارات @ الحرب على العراق
Author: هدهد
Date: 03-26-2003, 10:57 PM
Parent: #9
هوزي
اولا ازيك
اول مرة نتلاقا في البورد
شمارتكم عينة وكمان مدقوقة و مغربلة
شفتوا السوداني الفي المارينيز الجابو في قناة العربية
سمعتو كلاموا
اخير نسكت
|
Post: #13
Title: Re: شمارات ، شمارات @ الحرب على العراق
Author: Hozy
Date: 03-26-2003, 11:05 PM
Parent: #11
هدهد
اهلا بيك وكيفك
والله شمارك انت المغربل
وناعم والله
الشمار دا فاتني عديييييل
|
Post: #14
Title: Re: شمارات ، شمارات @ الحرب على العراق
Author: مريم بنت الحسين
Date: 03-26-2003, 11:09 PM
Parent: #1
تعرف يا هدهد.. دي جديد لنج.. أحكيها لينا عليك الله...
بنت الحسين
|
Post: #15
Title: Re: شمارات ، شمارات @ الحرب على العراق
Author: هدهد
Date: 03-26-2003, 11:18 PM
Parent: #14
يامريم
ازيك
والله متابع كلامك مواضيعك في البورد لكن نفسي كانت مغفولة ومدبرس الايام الفاتت دي
يادوب اليوم حسيت انوا الحرب ممكن تنتهي بسرعة
لكن كلامك كلوا في السلكوكلام عقل بس البفهم منوا
اما حكاية السوداني الذي يعمل في المارينز
انا ما حاقول الكلام كلوا
لكن قال في سودانين وفي فلسطينين وفي لبنانيين وكمان قال
ولا اقول ليك خلي الطبق مستور
شمار دراشة
بالمناسبة سوف تكون هناك فرص عمل هايلة في العراق بعد الحرب
اوعي جماعتكم الشوام يخدوها كلها
|
Post: #16
Title: Re: شمارات ، شمارات @ الحرب على العراق
Author: WAD ELGAALI#4
Date: 03-27-2003, 02:24 AM
Parent: #15
قد انأى منك لأقترب
انتشر العالم كرذاذ فوق جبينك
بعدت لاقرأ تاريخك في سطح الكون
وتلملمت...
أحسست الدهشة والحسرة
تمنيت بكفي لمس الجرح
ينزف مني عطفك
ينحسر القلب
تطوى صفحات
فتتصاعد اقواسٌ
تصيب سماء الاحلام الوردية
|
Post: #17
Title: Re: شمارات ، شمارات @ الحرب على العراق
Author: هدهد
Date: 03-27-2003, 11:47 AM
Parent: #16
هوزي
مريم
ودالجعلي والموصلي سلام
هاكم الشمار الخطير ده
اللاجئين بتاعين السودان في الحدود العراقية الاردنية
يرفضون العودة للسودان وينتقدون الاوضاع
والمححل السياسي يقول
هذا يعكس وضع الانسان في الوطن العربي ويقول ماذنب هولاءلكي يعودوا الى السودان
واضح انهم سوف يدخلوا برامج اعادة توطين
|
Post: #18
Title: Re: شمارات ، شمارات @ الحرب على العراق
Author: قرنفل
Date: 03-27-2003, 12:41 PM
Parent: #17
سلام هوزى
سلام للجميع
الاخ هدهد اضافة الى شمارك عن السودانى انا عندى شماره واحده
مراسلة العربية سالتو قالت ليهو انت لى جيت هنا للحرب
قال ليها اعفينى من السوال بكلمك بعدين لكن انا سمعته قال
شنو...............؟؟
شمار اخر قالو كونداليزا متضامنه مع بت قضيم
وبرسمو فى خطة كيفية الحب اثناء الحرب
انا عندى نسخه منه
قرنفل
|
Post: #21
Title: Re: شمارات ، شمارات @ الحرب على العراق
Author: Hozy
Date: 03-28-2003, 00:39 AM
Parent: #16
ود الجعلي
شكرا ذكرتني بكلماتي دي ، اها ده باقي
في فكري اختال،،،،
اهيم ... احس الروعة
في قلبي،،،
أحزن .. حسرة حلمي الضائع
قمري سيظل هلال
لن يكتمل البدر
خيوط شعاع من فرحي ينشر
فرحة عمري سراب من ظل
حسي حائر...
هل أقتصٌ جذور الحسرة وأغتال النبتة؟
|
Post: #20
Title: Re: شمارات ، شمارات @ الحرب على العراق
Author: Hozy
Date: 03-28-2003, 00:35 AM
Parent: #15
شمار ياهدهد بمناسبة فرص العمل في العراق
قال ليك الجماعة اختلفوا في
انه الامريكان عاوزين حاكم عسكري امريكي والبريطانيين عاوزين مدني
والاوربيين شايفين امريكا عندها خطط تحت تحت وحتطلعهم من
المولد بلا حمص ويادوب ادوه شركة بريطانية ميناءام قصر
اها الجماعة الخواجات وزعوا التركة
|
Post: #19
Title: Re: شمارات ، شمارات @ الحرب على العراق
Author: zola123
Date: 03-27-2003, 02:51 PM
Parent: #1
هدهد ياخوي
انا جني جن الشمار الما بكملوه
اها دي اسمها تصبيرة ولا شمة وبعدين تنزل الباقي؟
اها الجندي السوداني الامريكي قال شنو
وبالتفصيل بالله
عشان ممكن زولة 123 تجيها حالة نفسية لو ما عرفت باقي الموضوع
يا هوزي
شماراتك عشرة على عشرة
انا جيت ساكة الريحة
تحياتي
زولة123
|
Post: #22
Title: Re: شمارات ، شمارات @ الحرب على العراق
Author: WAD ELGAALI#4
Date: 03-28-2003, 02:32 AM
Parent: #19
أن تحزن حزن الغرباء...
تحلم بموعد لا يأتي...
ووجه يشبه وجه البكاء
أن تسافر كنورس مصفود اليدين
وتذوي كالوردة في الإناء
أن تصبح قاتل عمرك
وانت عين القتيل
فذاك هو عذاب الهوى
وتلك هي أحزان الرحيل
|
Post: #23
Title: Re: شمارات ، شمارات @ الحرب على العراق
Author: ايهاب
Date: 03-28-2003, 11:28 AM
Parent: #22
هوزي يا بتاعه الشمار انا موش قلتا ليك بطلي شلاقه
looooOOOOOOOOOOLZ
|
Post: #24
Title: Re: شمارات ، شمارات @ الحرب على العراق
Author: Hozy
Date: 03-28-2003, 11:58 AM
Parent: #19
والله ياقرنفل
ماقصرت تمت لينا شمار هدهد الناقص
شوية يعني ولا شنو
يازولة 123 بس برضو لسه
وهاكم الشمار ده
شعب العراق المنكوب
تهاتفت على حملة مساعدات بمواد اساسية ارسلت من الكويت ( الهلال الاحمر الكويتي ) واتهاتف عليها شعب بلدة صفوان ، حاول الامريكان
تنظيم التوزيع ولان الموضوع اتقلب حرب فانسحب الامريكان من الموضوع ده وتنظيمه
والظريفة شنو بعد ما شالو الحاجات العراقيين هتفوا
بالدم بالروح نفديك ياصدام
بررت القنوات الكويتية وبعض القنوات الاجنبية انهم خايفين من صدام
اذا رجع من تاني وحيكون حسابهم عسير
وسئل مسئولين كويتين ماذا عن مساعدات اخرى للعراق،،،
فأجابوا انه تم تأجيل المساعدات
لاسبــــــاب فنيــــة
قال اسباب فنية قال
|
Post: #25
Title: Re: شمارات ، شمارات @ الحرب على العراق
Author: zola123
Date: 03-28-2003, 12:39 PM
Parent: #1
Hozy
صفحتك دي انا حاعسكر فيها
ياختي شمار هدهد وقرنفل ديل بالقطارة,يعني قطرة قبل الاكل, وتجي تاني بعد الاكل تاخدي قطرة
لاكن يا ربي ده شنو البياخدو قبل الاكل وكمان بعده؟؟؟
انا مش قلت ليكي بتجيني حالة غريبة لمن اسمع شمار ناقص
هدهد ده تجيبوه يكمل القصة دي بالله
قلتي لي بعد ما اخدو الفيه النصيب هتفوا بالروح بالدم نفديك يا صدام؟؟
دي كفاية علي لحد بكرة اضحك فيها
تحياتي
زولة123
|
Post: #26
Title: Re: شمارات ، شمارات @ الحرب على العراق
Author: WAD ELGAALI#4
Date: 03-28-2003, 04:19 PM
Parent: #25
تعرفى يا زولة عندى بت اختى سغنتوتا ما حضرتا ولادتا فى السودان رسلو لى صورتا اول امس والله تقول نسخوها منك والله ما مكنة عشان كدة رسلى لى صورتك بعد عجزتى هسع
عشان اشوف موده شكلها حيبقى كيف بعد تعجز طبعا
الجيم مشدده اها استناك والله واطاتى اصبحت
مع التحية وبرضو ماسلمتى لى على ناس العين
|
Post: #27
Title: Re: شمارات ، شمارات @ الحرب على العراق
Author: Hozy
Date: 03-29-2003, 12:05 PM
Parent: #26
الاخ ايهاب
ما قادرة والله اسكت
دايره اقويه شوية ايماني ده بدل اضعف الايمان دي
|
Post: #28
Title: Re: شمارات ، شمارات @ الحرب على العراق
Author: Hozy
Date: 03-29-2003, 12:09 PM
Parent: #26
ود الجعلي
والله لكن باالغت فيها مكنتك دي
وشمارك العالي ده
عاارف ده اعلى بوست شمار ينزل في الصفحةدي
بس برضو حقو تشيل قروشك وتنزل بي جاي
عشان البص ده ماشي العراق
قال مودة قال
|
Post: #29
Title: Re: شمارات ، شمارات @ الحرب على العراق
Author: Hozy
Date: 03-29-2003, 12:17 PM
Parent: #25
زولا يا عسل
انا بكمل ليك شمار هدهد ده
احنا نطول تعسكري معانا هنا
شوفي ياستي
على حسب ما ورد من شمار
انه السوداني ده في قاعدة السيلية في الدوحة
وديل جوا من بدري قبل الحرب ومن اول انشاء لهذه القاعدة ، بس
طبعا هو عارف الهدف وراء انشاءها بس الحرب وقتها ما كانت مؤكدة
هو مشى امريكا من وقت ليس ببعيد واخد القريين كارد
ودخل الجيش من اجل تحسين مدخوله حسب قوله
وقال معاه واحد سودان تاني وفي لبنانين
برضو ، بس شكله هو الاخ الوحيد اللي عرض وشه على الصحفيين
وبرضو يقول ذي ما قال قرنفل
اعفيني من ذكر سبب قدومي لهنا
|
Post: #30
Title: Re: شمارات ، شمارات @ الحرب على العراق
Author: WAD ELGAALI#4
Date: 03-29-2003, 05:41 PM
Parent: #29
تعرفى يا هوزان انت زولة لخباطة ياخى وزى مابقولو اهلنا سيد الحق راضى شن دخل القاضى فاذا كان زولة سكتت فدا معناه رضيانة ترسل لى صورتا عشان عارفانى
غرضى شريف عشان كدة انا بجك فى الاميل بتاعى على راس
كل دقيقة بس انتى اطلعىمنها والبص كان ماشى
العراق هادى نزلة لانو انا محايد يااختى بالمناسبة والله
موت بلغيت وجعنى جنس وجع البركة فيكم وفى بنيتو والله عندو بت شدةالحرامى السرق التلفزون والناس بتحضر فى
المسلسل
ودا شمار شوية كداعن قروشو كل قروشو والتى تفوق
العشرين مليار متبرع بيها لى منظمات خيرية وبس مليون
واحد لى بتو وبالمناسبة رغم انو اغنى زول فى العالم
انقرى كان بشتغل كم ساعة فىالاسبوع
تحياتى
|
Post: #31
Title: Re: شمارات ، شمارات @ الحرب على العراق
Author: Raja
Date: 03-29-2003, 05:53 PM
Parent: #1
هوزي
كنا في حاجة لشمارات زي دي.. شكرا واعلمك اني عرفت البلد العايزة الدولارات لأن الخبر مشى من عندنا هنا من الـ.... ودمتي
|
Post: #32
Title: Re: شمارات ، شمارات @ الحرب على العراق
Author: هدهد
Date: 03-29-2003, 07:24 PM
الشمشارات والشمشارون
وهنا انحنا بنقول ليهم الجّمجّهْ
آخر خبر قال ليك صدام عمل للراجل الفجر نفسوا عرس الشهيد
وقالو صدام جاء متحنن وستونا قبضت تقيل
والناس قالوا عندو رطوبة
وستون قالت احسن تجيب شاف وطلح
وقالو ضبح خروف بيجي
وتاني خروف ابيض عندو غرة سوداء
لمن الناس ما اكلت اللحم
قال داير خروف فل كلر
وقالو ام العريس زغردت ورقصت الدبكة
وده طبعا استلهام لتفعيل الجهاد
وامكن بكرة يظهر الشهيد وتبقى الحكاية حكايا
وانا ماسمعت شىء ولا شفت
وحات اضنيني وعيوني الياكلن الدود
|
Post: #33
Title: Re: شمارات ، شمارات @ الحرب على العراق
Author: WAD ELGAALI#4
Date: 03-29-2003, 07:44 PM
Parent: #32
يا هدهد ياخى الشافع دا انا خايفو يرفع عليك قضية جايل ابيوز انت ماك عارف انو الشمارات دى ما بدخلا زول اندر ايتين بطريقتك انا كلمتك
|
Post: #34
Title: Re: شمارات ، شمارات @ الحرب على العراق
Author: Hozy
Date: 03-29-2003, 11:10 PM
Parent: #32
ود الجعلي
سكوت شنو ورضا شنو ، اعمل حسابك ما يجيك فايروس طاير
طفشت لينا الزولة تقول لي رضا
احنا زاتو ما سايقنك معانا ،
، لأنه قالو الكيماوي ممنوع
وطلعت لا جعلي ولا حاجة
وشكرا لشمارك الما مغربل ده
RAJA
تسلمي للطلة ومعانا طوالي بالله
هدهد
ده شمار وتوم وشطة
وما خليت ليك بهار حايم ما كبيته
في الحلة الرسلتها لينا دي
|
Post: #35
Title: Re: شمارات ، شمارات @ الحرب على العراق
Author: hasan_6
Date: 03-30-2003, 00:28 AM
Parent: #1
سلام علي ناس الشمار
او الاخبار الجانبيه
اسمحي لس هوزي باضافة هذا الخبر الذي نقلته وكالة فرانس برس قبل قليل
وحقيقة قد عجزت عن تصنيفه اهو شمار ام لا
ادعوا من اجل حبيبنا بوش وصلوا (عليه)
الطلب من الجنود الاميركيين في العراق الدعاء من اجل بوش
الصحراء العراقية (اف ب) -
رغم ان الجنود الاميركيين الذين يشاركون في القتال ضد العراق هم الذين يواجهون الخطر في ارض المعركة الا انه طلب منهم الدعاء من اجل رئيسهم جورج بوش.
ووزعت كتيبات على الاف من رجال مشاة البحرية الاميركية (المارينز) تحمل عنوان "واجب المسيحي". وتحتوي تلك الكتيبات على ادعية كما تحتوي على جزء يتم نزعه من الكتيب لارساله بالبريد الى البيت الابيض ليثبت ان الجندي الذي ارسله كان يصلي من اجل بوش.
وطبقا لاحد الصحافيين المرافقين لقوات التحالف فان هذا الجزء يقول "لقد صليت من اجلك ومن اجل عائلتك وموظفيك وجنودنا في هذه الاوقات التي تسودها حالة عدم اليقين والاضطراب. ليكن سلام الله دليلك".
ويقدم الكتيب الذي وضعته جماعة تسمى "ان توتش منيستريز" صلوات يومية من اجل الرئيس الاميركي المعروف بانه من "المسيحيين المتجددين" والذي يعمد دائما الى ذكر الله في خطاباته.
وتقول صلاة يوم الاحد "ادع من اجل ان يلجا الرئيس ومستشاروه الى الله وحكمته كل يوم ولا يعتمدون على فهمهم الخاص".
اما صلاة الاثنين فتقول "ادع ان يكون الرئيس ومستشاروه اقوياء وشجعانا لعمل الصواب بغض النظر عن النقاد".
|
Post: #37
Title: Re: شمارات ، شمارات @ الحرب على العراق
Author: Hozy
Date: 03-30-2003, 00:41 AM
Parent: #35
شكرا اخ حسن للشمار
بس شكله الدعاء راجع ليهم تاني
كان بيفهموا
او يكونوا بيدعوا ليه غلط
امكن عارفين في اول يوم للحرب
اصاب صاروخ مبنى وحرقه ودمره كامل حتى مصحف اتحرق
وبقيت اية ( وجعلنا كيدهم في نحرهم ) ومن
وقتها بنسمع العجب ونشوف العجب
من
1)طائراتان اصطدمتا وتوفي كابتن الطائرة الانجليزي
2)الجندي الهاجم زملاءه بقنبلة يدوية
3)طائرة مروحية تم تفجيرها بالخطا بصاروخ باتريوت وسقطت في العراق
4)جنود لقو حتفهم من قبل زملاءهم في مناورة بالخطا سموها (نيران صديقة) وكده
5)شاحنة قنابل تصيب عدة دبابات وتحرقها
6)صاروخ تم اطلاقه من بطارية فينعكس اتجاهه فيحرق البطارية ويقتل البعض
7)سقوط صاروخ بالخطأ ( كيف ما عارفه ) على الكويت
رغم انهم ابوا يقولو وعلى تركيا للمرة الثالثة وعلى حدود سوريا وعلى السعودية
والله يكفينا شر غلطاتهم
تاني شنو
لما اتذكر بقول ليك
كان اتذكرت شي قول
ده كله من الاية
|
Post: #36
Title: Re: شمارات ، شمارات @ الحرب على العراق
Author: Hozy
Date: 03-30-2003, 00:29 AM
Parent: #1
طبيب ألماني يرفض علاج جرحى الحرب الامريكية
احتجاجا على الحرب ضد العراق
بعد وصول عدد من الجثث الامريكية والبريطانية
الى القاعدة الامريكية في بريطانيا
وكان في استقبالها قائد القاعدة ورجل دين
والتي تقدر ب18 جندي يوم الثلاثاء
و16 يوم الخميس
و2 من جراء هجوم جندي امريكي على زملاءه
بقنبلة يدوية طبعا وده شماره انه مسلم
واسمه ( حسن اكبر بس قالو بيعاني من مشاكل نفسية
خوفا على نفيسة بنت اعصاب باقي الجنود ) المهم
انه مع هذه الجثث عدد من الجرحى والمرضى والمتمارضين
أعلن طبيب الماني امس برفضه تقديم العلاج
للامريكيين او البريطانيين تعبيرا عن احتجاجه
على الحرب على العراق ، مما دفع بالسلطات الطبية
بتقديم تحذيرله
وقال الطبيب وهو طبيب امراض جلدية ايبرهارد هوفمان
ان هذه الحرب لا تحظى بشرعية ولا تاييد شعبي
وعلق لافتة خارج عيادته تقول
انه لن يقدم العلاج
للامريكيين او البريطانيين والمتعاطفين معهم
وحثت السلطات الطبية في الولاية على ازالة لافتته
كما قدمت شكوى ضده لدى المدعي العام
|
Post: #38
Title: Re: شمارات ، شمارات @ الحرب على العراق
Author: Hozy
Date: 03-30-2003, 00:56 AM
Parent: #1
واحتجاج تاني على الحرب على العراق
فلسطيني يحرق سيارته الامريكية
اقدم احد اللاجئين الفلسطينين في مخيم البداوي بلبنان
على احراق سيارته الفورد الامريكية
احتجاجا على حرب واشنطن على العراق
والدعم الذي تقدمه لاسرائيل وتجمع عشرات الفلسطينين
في المخيم للمشاركة في احراق السيارة وقال
صادق انه بهذا العمل يشجع الناس
على محاربة الطغيان
ومحاربة امريكاومقاطعتها
واحتجاج ثاني
لبناني يهدد بتفجير نفسه في بنك بريطاني بلبنان
هدد لبناني بتفجير نفسه في بنك
HSBC
في لبنان وطلب بعد مفاوضات ان يتحدث لوزير الداخلية اللبناني
جابو ليه وزير الداخلية شخصيا
ودخل له منفردا دون حراسة
وعبر له عن استياءه لسياسة واشنطن وحربها ضد العراق
وتفهم الوزير الوضع
وطبعا تم القبض عليه
حيأدبو اول بلا عراق بلا حرب داير يعمل شوشرة ويجهج الناس كمان
ويعد الاحتجاج الاغرب من نوعه
|
Post: #39
Title: Re: شمارات ، شمارات @ الحرب على العراق
Author: hasan_6
Date: 03-30-2003, 01:16 AM
Parent: #1
رئيس الوزراء البريطاني توني بلير والمعروف بحماسه الزائد للحرب لم يكتف فقط بجولاته المكوكيه لاقناع دول العالم بمشروعية الحرب بل لجا للكذب والتسويف في سبيل ذلك حينما لجا جهاز مخابراته بسرقة معلومات من بحث لطالب عراقي يدرس في كاليفورنياليثبت ان العراق يملك اسلحة الدمار الشامل والغريب ان النقل تم باخطائه النحويه والاملائيه حسب قول عضو في حزب السيد بلير
مما اضطره للاعتذار للطلب
قبل ايم واثناء عقده لمؤتمر صحافي مع الرئيس بوش قال بلير بلهجه مؤثره ان السلطلت العراقيه اعدمت اسيرين من الجنود البرطانيين في العراق واتضح ان سلطات الجيش ابلغت اسر الجنود بانهم قتلوا اثناء سير المعارك ولم يؤسروا اصلا واضطر بلير للاعتذار
سؤالي لماذا كل هذا لالصرار؟
وقد تخلي عنه اقرب مؤيديه ومجموعه كبيره من اعضاء حزبه
في ايام تاتشر قيل انها مغرمه وهايمه
بالممثل رونالد ريغان لذلك كانت بريطانيا تابعه لهذا الغرام
فما هو غرام توني يا تري؟
شكرا كتير هوزي علي هذه المساحه
الممتعه احبار خفيفه وقيمه
|
Post: #40
Title: Re: شمارات ، شمارات @ الحرب على العراق
Author: ود عقاب
Date: 03-30-2003, 07:59 AM
Parent: #1
هوزى
كيف عامله وشمارك طزج
بس داير اضيف مقوله اللبنانى
قتل زئب فى غابه زنب لا يقتفر
وقتل شعب امن امر مقتفر
والسلام
|
Post: #41
Title: Re: شمارات ، شمارات @ الحرب على العراق
Author: zola123
Date: 03-30-2003, 12:42 PM
Parent: #1
هوزي والأخوة الشمشارين
والله قدر ما افتش لي شمار اشارك بيه معاكم واعمل تجربة على ناس البيت يطلع سمعوه
طبعا باجي متأخرة من الشغل والمسا خلاص اخباري تبقى بايته
لاكن حاقشر بشوية شمارات من صفحتك يا هوزي اعمل نفسي اب تو ديت مع الاوضاع
صاحب الفورد ده ماله مشتري سيارة امريكية من ا لبداية ولا بلده دي ما بتساعد امريكا المحتليها؟؟؟؟
غايتو الفلسطينين العايشين بره ديل بفقعوا مرارتي, الزول اخير يسكت
اما عن ود الجعلي ده فأطالب بتوقيع الكشف الطبي عليه فورا
الزول ده نصيح؟؟
عينك بال..... الباقي تمه
قال قال صورة قال لوووووول
حسن 6 اخبارك تمام
تحياتي
زولة123
|
Post: #42
Title: Re: شمارات ، شمارات @ الحرب على العراق
Author: kofi
Date: 03-30-2003, 01:36 PM
Parent: #41
ياودالجعلى الناس فى شـنو وانت فى شـنو؟ يعنـى ما شـايف الشمارات شـغالة تـش واخوك متكيف منهـا فجأة تجى انت ناطى لينا وعاملة لينا سماء الأحلام الوردية وفرحة عمرى سراب وما عارف شـنو. جيت قطعت علينا حبل الشمارات يأخى خليك مواكب شوية.
ودمتم
|
Post: #43
Title: Re: شمارات ، شمارات @ الحرب على العراق
Author: shiry
Date: 03-30-2003, 01:44 PM
Parent: #42
اطلقوا النار على هذا الكلب
وليسلم العراق وشعبه من كل شر
|
Post: #44
Title: Re: شمارات ، شمارات @ الحرب على العراق
Author: قرنفل
Date: 03-30-2003, 02:08 PM
Parent: #43
سلام هوزى
قالو دورى كرة القدم فى بغداد شغال
وفى جمهور كمان بتفرج على الكورة..؟
اسالوا شيرى يمكن توريكم راى الجمهور ده شنو
قرنفل
|
Post: #46
Title: Re: شمارات ، شمارات @ الحرب على العراق
Author: Hozy
Date: 03-30-2003, 10:07 PM
Parent: #44
الغالية شيري
والله كفيتي ووفيتي
بس برضو اكيد بتطلع منك شمارات كاربة انتي
قرنفل
والله شمارك طازة
معقولة بس في مباراة شغالة في الحرب
قوية دي والله
وبجيب الشمار وبجيكم راجعة
|
Post: #45
Title: Re: شمارات ، شمارات @ الحرب على العراق
Author: Hozy
Date: 03-30-2003, 10:03 PM
Parent: #42
حسن 6
شماراتك تمام والله
يلا زيدنا
زولة 123
بركة بالطلة ياخي ماتنقطعي
ود الجعلي اصله قصده يورينا شماره العالي
( شفت ياود الجعلي بغطي ليك كيف )
عشان ما تقول لي تاني اطلعي منها
ود عقاب
مافهمت حاجة بصراحة
كوفي
شكرا للمتابعة
|
Post: #47
Title: Re: شمارات ، شمارات @ الحرب على العراق
Author: Hozy
Date: 03-31-2003, 00:44 AM
Parent: #1
شمارات سريعة ع الريحة بس
اعلان السعودية لزعلة شديدة بسبب
اعلنت المملكة العربية السعودية باسلوب حاد
كما ذكر شجبها للصواريخ الاربعة
الذين اسقطوا خطا او سهوا او عمدا
الله اعلم في المملكة
وقالت مصادر شمارية انه القذها كان
احــــــــــول
والله اعلم
كتر خيرها السعودية
رفضت المشاركة بالغزو لانها منعت بس
اي طائرات تضرب العراق من اراضيها
كــــــذبة
كذب المسئولين الامريكان بشأن العملية الفدائية
وانها قد قتلت 4 من الجنود
واكد الصحاف وزير الاعلام العراقي
ان القتلى 11 جندي و10 بجروح خطيرة
وعدد من الدبابات واحرقت ناقلة جنود
صـــــورة مقلوبة
قدم اكثر من 4 الف عربي من جميع البلاد العربية
الى العراق من اجل الدفاع والقيام بعمليات فدائية هناك
واكد كل الاعلاميين ان العدد كبير جدا ومازال الحضور مستمرا
وقدمت جماعة من الجزائر من الهلال الاحمر نساء ورجال
لتقديم المعونات
اما الفدائيين فييهم كما ذكر سودانيين
ولكنهم لم يودوا اجراء مقابلات معهم
على عكس اخينا في الضفة الامريكية
|
Post: #48
Title: Re: شمارات ، شمارات @ الحرب على العراق
Author: hasan_6
Date: 03-31-2003, 02:39 AM
Parent: #1
سلام
شمار علي الطريقه الموريتانيه
موريتانية تهدي الفلاح العراقي سيفا ذهبيا
نواكشوط ـ جنين ـ وكالات الأنباء: قررت فتاة موريتانية في خطوة غير مسبوقة إرسال سيف من الذهب إلى الفلاح العراقي الذي أسقط طائرة هليكوبتر اميركية من طراز «اباتشي» الاسبوع الماضي في إحدى القرى العراقية، فيما اطلق على الساحة الرئيسية في مخيم جنين بالضفة الغربية اسم الضابط العراقي الذي فجر نفسه أول من امس وقتل 4 جنود اميركيين بالقرب من مدينة النجف العراقية. وقالت التلميذة بثينة بنت محمد عالي، 15عاما، للصحافيين امس في منزل أسرتها الواقع في أحد أرقى أحياء العاصمة الموريتانية، إنها لم تستطع أن تتمالك نفسها عندما شاهدت الفلاح العراقي علي عبيد منقاش يسقط طائرة اميركية متطورة «ويمنعها من إسقاط حمولتها من النار والصواريخ والموت على شعب العراق»، مما دفعها إلى التبرع له بكل ما تملك من ذهب.
وأضافت بثينة التي تأثرت بمشاهد قتل المدنيين والقصف المستمر الذي يتعرض له العراق عبر متابعتها للقنوات الفضائية وبالخصوص، كما تقول، قناة «الجزيرة» القطرية، أنها توجهت إلى صائغ في نواكشوط حاملة 25 مثقالا من الذهب هي كل ما تملك من حلي وطلبت منه أن يصوغ منها سيفا لترسله وساما للفلاح العراقي.
ووصفت الفلاح منقاش بأنه «بطل.. لقد استطاع ببندقيته البسيطة إنقاذ أرواح في العراق يريد لها الاميركيون الموت. ما ذنب إخوتنا في العراق.. لماذا لا تريد لهم أميركا أن يعيشوا في سلام»؟
واتخذت أسرة بثينة كل التدابير لايصال السيف الوسام الذهبي إلى الفلاح العراقي.
من ناحية اخرى اطلق امس في احتفال عام اسم النعماني على الساحة التي كانت تعرف بساحة الجامع في مخيم جنين الفلسطيني، وذلك تخليدا لضابط الجيش العراقي علي جعفر موسى حمادي النعماني الذي قتل 4 اميركيين في عملية انتحارية بسيارة مفخخة قرب النجف صباح اول من امس.ولمدينة جنين روابط تاريخية مع العراق، فخلال الحرب العربية ـ الاسرائيلية الاولى عام 1948 شهدت المدينة معارك بين الجيش الاسرائيلي وقوات عراقية
|
Post: #49
Title: Re: شمارات ، شمارات @ الحرب على العراق
Author: hasan_6
Date: 03-31-2003, 03:10 AM
Parent: #1
اعادة جنديين بريطانيين الي بريطانيا
بعد ان رفضا خوض الحرب ضد العراق
يبدو انهما خافا من النيران الصديقه
جندي بريطاني اصيب من جراء النيران الصديقه
يشن هجوما حادا علي الجنود الامريكيين
وعلي الطيار الذي اطلق عليهم النار
بالرغم من ظهور علامات الجيش البريطاني علي مركبته
ويقول انه من اساليب رعا ة البقر الذين لا يابهون بحياة الناس
وذلك يرجع لعدم الكفاءه والاهمال
اتصل الرئيس الروسي بوتن بالرئيس بوش طالبا منه وقف الحرب فورا
حفاظا علي مصالح روسيا النفطيه في العراق
رد عليه المستر بوش بان الحرب لن تقف الا بتحقيق اهدافها
فسال بوتن وما هي اهداف الحرب؟
اقتلاع سدام اوسين واولاده من الجذور ورميهم خارج العراق
فما كان من بوتن الا ان عرض علي بوش شريط فيديو يصور احد الجنود البريطانيين
وهو يقتلع بدبابته تمثالا لصدام حسين ويدهسه دهسا
وقال بوتن بارتياح ها هو سدام اوسين يلقي في مذبلة التاريخ اوقفوا الحرب بقي
|
Post: #50
Title: Re: شمارات ، شمارات @ الحرب على العراق
Author: shiry
Date: 03-31-2003, 09:20 AM
Parent: #49
سلام مربع
اضحكتوني فلا ياشباب
رغم المصاب التي تتساقط علينا
قالوا جندي احوص ماشي مع كتيبتو الحرب
قالوا ليهو انت ماح تمشي
قال ليهم ليه
قالو ليه عشان انت احوص
فصاحبنا بكي وجعر وادردق في الواطه
قال ليهم ياجماعة عليكم الله اكان تسوقوني معاكم
انشاء الله تخلوني في كتيبة الضرب العشوائي البطلع النيران الصديقة
|
Post: #51
Title: Re: شمارات ، شمارات @ الحرب على العراق
Author: ود عقاب
Date: 03-31-2003, 12:39 PM
Parent: #1
كيف يا ناس الشمارات
حكايه المصرى الساتق الحافه الخش فى الجماعه دى اكدت ولا لسع
قالو قتل 15 فرد
وين اليوم الشمارات اصبح الاعتماد عليها بدل التلفزيون
ودعقاب
|
Post: #55
Title: Re: شمارات ، شمارات @ الحرب على العراق
Author: Hozy
Date: 04-01-2003, 00:02 AM
Parent: #51
الاخ الشمشار
حسن
عجبوني الجنود ديل القالو رجعونا
ما عيب الواحد يخفي شعوره
حتى ولو شعور جبان
لوووووووول
وبعدين ياخي انت ماقريت شماري ولا شنو
العملية الفدائية دي ماتو فيها كتير
مش 5 بس كما ورد
شيري
ذي ما الجندي طلعوه عنده نفسيات
،، اللي فجر زملاءه
لما يحاسبوهم بعدين على الصواريخ الماشه غلط دي
حيقولو اصله الجندي اصيب بعينه
واصبح احوص
لكن ما قاصدين
ود عقـــــــــــــاب
لك الشمــار كامـــل
ورد في الاخبار انه سائق الشاحنة كهربائي مصري
يعمل بالكويت
وقد ادى لمقتل 15 جندي
وقالو كمان ياود عقاب
الكويتين ما لاقين فرقة يستجوبو بيها الزول ده
اصله الجماعة ما مدينيهم فرصة يشوفو بعينهم
والله يكون في عونه انشاء الله
[
ثوم تاني للشمار
قالو الكويتين خلاص اتقطعوا يعني
وحيشوفوا منو الشركاء لهذا المصري
وبعدين هو دهسم واصاب 15 اصابات خطرة
واصابوه برصاصة
|
Post: #52
Title: Re: شمارات ، شمارات @ الحرب على العراق
Author: مريم بنت الحسين
Date: 03-31-2003, 09:42 PM
Parent: #1
هوزي.. طوللللت من زاويتك اللزيزة زيك.. ياخ إنت والله لزيزة.. أسمعي .. يا تقشي الدمعة دي يا تغيريها.. مالافقة معاك أصله..
أكتر شي ضحكني الحرق عربيته الأمريكية.. هو ياناسي الله ده عرفوا كيف.. حسي يقعد يلملم قروش ولا يتسلف عشان يشتري واحدة ألمانية.. اها كان ألمانيا فاتحة أراضيها للأمريكان.. يمشي كداري ولا يشوف ليهو عجله.. غايته أنا شايله همّه.. إحنا عربيتنا ألمانية غايتو.. لكن الشي ما مضمون.. أخير الواحد يشوف ليهو واحدة جياد.. أهو الجن البتعرفو أخير.. بعدين أهلنا الفي السودان ديل فالحين لينا بس.. ما بقدروا لي ناس برّه... يعني لما يتفلسفوا ويعملوا فيها رهيبين يحاولوا يغتالوا حسني مبارك وكمان ما ينجحوا... كر عليّ....
يا هدهد.. ما تقول ما شفته.. شايفاك تنطنط في الدبكة مع ناس العرس... والله انا ما بغيظني شي إلا قصة عرس الشهيد ده.. يعني والله خارج القيم الإنسانية ومشاعر الحزن البتنتاب الواحد... بعدين سؤال كده، الشهيد عنده حورية في الجنة، سمح الشهيدة تقبّل وين.. ؟
سمعتها وجابوهو لي، ما شفته أصله.. قالوا واحد هرب من الجيش العراقي (الكلام ده قبل الحرب) قاموا قبضوهو وقالوا لأبوه تقتله في ساحة عامّة.. وأمه تزغرد.. الجابو لي عراقي.. على ذمته.. وصدام ملاك.. وبوش ملاك.. وانا زاتي ملاك.. مافي أصله شر في الدنيا دي...... أحي..
بعدين والله ما أحارب عشان صدّام.. كان زول بستحق كان بعملها.. لكن صدّام.. ليه مالي عملت شنو في دنيتي.. الله يدينا الصبر.. يا الله لزمني الصبر
يا زولة 123.. انت دكتورة موش؟.. سمعت والله أعلم إنو المرارة بتقوم لو اتفقعت، هل الكلام ده صحيح؟ لاني عايشه من غير مرارة الأيام دي....
بنت الحسين
|
Post: #53
Title: Re: شمارات ، شمارات @ الحرب على العراق
Author: قرنفل
Date: 03-31-2003, 10:45 PM
Parent: #52
|
Post: #54
Title: Re: شمارات ، شمارات @ الحرب على العراق
Author: WAD ELGAALI#4
Date: 03-31-2003, 11:32 PM
Parent: #53
شكرا ليك يا زولا والله اسف جدا ياخ والشكر ايضا موصول لى بت الحسين والله ماقصرتو تب اكرر شكرى وفى نفس الوكت اعتزارى
|
Post: #56
Title: Re: شمارات ، شمارات @ الحرب على العراق
Author: Hozy
Date: 04-01-2003, 00:31 AM
Parent: #52
مريومة ياخي انتي وين
ما تطولي عليك الله
بحاول بعد الحرب مباشرة
امسح الدمعة دي انشاء الله كان فضلت فينا روح
قرنفــــــــل
جك شنو ياخي ، احنا قاعدين وين اصله
شوف لينا اغنية
فوق الحلة دي تاني مابجي
والشمار كتير انا تاني مابجي
وياجماعة بالله
البعرف معنى الكلمة دي جننتني عديل
كلمة ( علوج ) دي يعني شنو بالله افيدونا؟
كان ما عرفتها بمشي ليها العراق
|
Post: #59
Title: Re: شمارات ، شمارات @ الحرب على العراق
Author: hasan_6
Date: 04-01-2003, 01:15 AM
Parent: #56
هوزي سلامات
اعتقد والله اعلم ان العلوج
الحمار الوحشي الشارد
حسب القاموس
ولكن لست متاكدا ماذا يعني بها وزير الاعلام والدعايه العراقي محمد سعيد الصحاف
|
Post: #64
Title: Re: شمارات ، شمارات @ الحرب على العراق
Author: zola123
Date: 04-01-2003, 01:08 PM
Parent: #59
هوزي الظريفة
ياختي كلمتك دي أخير ما تسألي منها زول
دي نوع البتدخل السجن في قضية قذف وذم رسمي
فعلا عشنا وشفنا وزراء يتحدثون بلغة الشوارع, اعتقد بعد وصلات الردح بتاعة القمة العربية ضاع برقع الحياء والنبز بقى رسمي في التلفزيون
حبيب بلدو في زول ينبذ زول يقول ليه يا حمار وحشي ؟؟
لوووول ظلمت الراجل والله
تحياتي
زولة123
ملاحظة لهوزي
كان ما لقيتي عراقية تسأليها اسألي مصرية بنت مدردحة, بس خففي الجيم الفي الآخر
لقاف مصرية أقرب للألف
وكان غلب حمارك الوحشي, تعالي لي في المسنجر
|
Post: #62
Title: Re: شمارات ، شمارات @ الحرب على العراق
Author: Habib_bldo
Date: 04-01-2003, 09:55 AM
Parent: #56
هوزي والله الواحد ما عرف يبكي أم يضحك
وقالوا في المثل شر البلية ما يضحك
العلوج جمع علج والعلج الحمار الاهلي المستوحش
او الحمار المستهلك في الخدمة حتى أصبح اذل من غيره من بني جلدته
والله أعلم
|
Post: #77
Title: Re: شمارات ، شمارات @ الحرب على العراق
Author: Hozy
Date: 04-06-2003, 07:58 AM
Parent: #62
زولا وحسن وحبيب بلدو
يعني علوج يعني حمار بس؟؟؟؟
زولا بالله الزيادة كبيها لي
في الماسنجر
|
Post: #57
Title: Re: شمارات ، شمارات @ الحرب على العراق
Author: Hozy
Date: 04-01-2003, 00:40 AM
Parent: #1
علييييييييك الله
شمار للجميع
ول مريم بت الحسيت وراجا على وجه الخصوص
تقدم 95 مسئول اردني بطلب لجلالة الملك
طالبين منه اعلان ان الاردن
ضد الحرب على العراق وتقف مع العراق في هذا
لدحض الاتهامات الموجهة للاردن
تعالوا حنسوا معاي بالله
وعينهم ليه من جهة نزلت قوات امريكية بسيطة على الحدود
و.... و
ومنتظرين الرد
|
Post: #58
Title: Re: شمارات ، شمارات @ الحرب على العراق
Author: hasan_6
Date: 04-01-2003, 00:46 AM
Parent: #1
اخر كذب علي المستمعين
احتيال
مراسل إذاعة سوازيلاند يزعم أنه يراسل من بغداد وهو لم يغادر بلده
امبابان (سوازيلاند) ـ رويترز: اعتقد مستمعو راديو سوازيلاند الحكومي ان للمحطة مراسلها الخاص في بغداد لتغطية الحرب الدائرة ضد العراق حتى رأه أعضاء البرلمان في القاعة معهم في عطلة نهاية الاسبوع.
وسأل عضو البرلمان السوازيلاندي، جوجو دلاميني، وزير الاعلام، مونتومزيما دلاميني، في البرلمان أمس «لماذا تكذبون على الشعب وتقولون ان الرجل في العراق بينما هو في سوازيلاند يقرأ النشرة من غرفة النظافة». وقال الوزير انه سيحقق في الامر. واعتاد المذيع، فيشيا ديوب، بث تقارير حية مزعومة من بغداد الاسبوع الماضي.
|
Post: #60
Title: Re: شمارات ، شمارات @ الحرب على العراق
Author: hasan_6
Date: 04-01-2003, 03:56 AM
Parent: #1
وزير الحارجيه الكويتي يتوعد عمرو موسي
توعد التيس عفوا الشيخ صباخ الاحمد
عمرو موسي الامين العام لجامعة الدول العربيه
بالويل والثبور وعظائم الامور وقال الشيخ صبرك علينا لما تخلص
الحرب حا ادق ليك خروج نهائي
الجدير بالذكر ان هناك مفاوضات تجري في الخفاء لاسناد
منصب الامانه العامه للحامعه العربيه
الي الشيخ توني فرانك
حاكم العراق المقبل
وبهذا يتم تفعيلها من الشجب والادانه الي
الغزو بالقنابل والصواريخ وبسط ديقراطية الكروز في العالم العربي
رامسفيلد يهدد سوريا وايران وشيرى
هدد المستر رامسفيلد سوريا وايران من مغبة
مساعدة المناضلين العراقيين
والا سينالهم من النيران الصديقه نصيب
وقال اذا لم ترعوي شيري عن ملاحقتي فسانسف المطبخ الذي تكتب منه
بصاروخ توما هوك الضال
|
Post: #61
Title: Re: شمارات ، شمارات @ الحرب على العراق
Author: مهيرة
Date: 04-01-2003, 08:55 AM
Parent: #60
اهل الشمار
كيفنكم
قالوا فى مؤتمر القمة الاخير،لمن عزت ابراهيم شخط فى الشيخ صباح وقال ليه(لعنة الله على شواربك---ياقرد--)عارفين شيخ صباح لز ود اخوه الشيخ احمد الفهدعشان يرد بدله لييه؟؟
قالوا التوب (يعنى الجلابية) كان مبلل!!!
بشنو؟؟؟
مابعرفو
امشى اسأل الجاب لى الشمار واجيكم صادة
خليتكم بعافية
|
Post: #63
Title: Re: شمارات ، شمارات @ الحرب على العراق
Author: shiry
Date: 04-01-2003, 12:49 PM
Parent: #61
اطلقوا النار على هذا الكلب
وعلى هذا الكلب
وهذا الكلـــب ايضا
 والنقده فيكم لو مانبذتوهم لي
احيييي انا بطني فايره عليهم جنس فوره
وان لم تستطع فقل معنا
اللهم ارينا فيهم يوما اسودا
يوم كيوم عاد وثمود
|
Post: #65
Title: Re: شمارات ، شمارات @ الحرب على العراق
Author: intehazy
Date: 04-01-2003, 01:19 PM
Parent: #1
هوزي و كل المشاركين سلام
يا شيري وراكي وراكي
منو الزول الفي الصورة التانية
آخر الشمارات إنو زوووول شوووكش أختنا العزيزة شيري
و لأنو إحنا ما بنتلاعب في مقدرات و كتسبات المنبر
لذلك يا أخوانا إذا الشمار طلع صاح حنفتح باب التطوع لفرقة إغتيال خاصة حيتولى تدريبا الأخ هدهد لإغتيال هذا الوحش عيم الإنسانية المتجرد من الرحمة و برضو أي زووول داير يطرح للأخت شيري حنعمل لينا بوست خاص للموضوع دا
|
Post: #78
Title: Re: شمارات ، شمارات @ الحرب على العراق
Author: Hozy
Date: 04-06-2003, 08:05 AM
Parent: #65
حسن
شيري
ومهيرة
وانتهازي
مزيدا من الشمار
|
Post: #66
Title: Re: شمارات ، شمارات @ الحرب على العراق
Author: Hozy
Date: 04-02-2003, 10:32 AM
Parent: #1
الزولة دي الجماعة ديل رجوعها عدييييييييييييل
كده
استردو اسيرة
!!!!!!!!!!!!!!!!!!!!!!!!!!!!!
|
Post: #67
Title: Re: شمارات ، شمارات @ الحرب على العراق
Author: مهاجر
Date: 04-02-2003, 10:56 AM
Parent: #66
مادونا تسحب فيديو أغنية «أميركان لايف» احتراما للقوات المسلحة
لندن: «الشرق الأوسط»
سحبت المطربة الأميركية مادونا شريط فيديو لاخر اغنية لها «لأنه غير مناسب في وقت الحرب الدائرة في العراق». وتظهر مادونا في شريط الفيديو لأغنية «اميركان لايف» (الحياة الأميركية) وهي مرتدية بدلة عسكرية وفي يدها قنبلة يدوية ترميها الى شبيه الرئيس الأميركي جورج بوش.
وكان من المفروض ان يعرض الشريط في المحطات التلفزيونية آخر الأسبوع الحالي، لكن مادونا، 44 عاما، سحبته «احتراما للقوات المسلحة» الأميركية. وقالت «صورت شريط الفيديو قبل بدء الحرب ولا اظن ان صدوره مناسب في مثل هذا الوقت. ولأن العالم يواجه اجواء متقلبة، فانني احتراما ومراعاة لمشاعر القوات العسكرية، الذين اشجعهم واصلي لهم، لا اريد ان اخاطر واهين اي شخص لأن من الممكن ان يساء فهم معنى الشريط».
وردا على الانتقادات التي وجهت للفيديو قالت مادونا انها ليست «ضد جورج بوش» مؤكدة انها «مع السلام». ومادونا ليست اول مطربة تشارك في الجدل الدائر حول الحرب في العراق. فقد سجل المطرب البريطاني روبي وليامز والمغني الأميركي ليني كرافتز اغنية ضد الحرب. واعلن المغنيان رونان كيتين وكريس مارتين احتجاجهما على الحرب.
وستوزع اغنية مادونا «اميركان لايف» بدون شريط الفيديو في الأسواق منتصف الشهر الجاري. وفي الاسبوع الماضي نال فليم «سوبيت اوي» التي قامت مادونا ببطولته جائزة «اسوأ فيلم»، وهو من اخراج زوجها المخرج غاي ريتشي.
|
Post: #68
Title: Re: شمارات ، شمارات @ الحرب على العراق
Author: هدهد
Date: 04-02-2003, 12:52 PM
Parent: #67
بعد غيبة وانقطاع
طبعا كلكم السلام عليكم
اولاد وبنات الذي الذين
طبعا ما اصابنا صاروح من الصواريح بتاعت النيران الصديقة
لكن قريت خبر في البورد قبل مده ان السودان فتح اجواهو لي الطيران الاميركي لغذف العراق وطبعا سوداتل جاتاحد اعدة بناء شبكة الاتصلات العراقية
وتحت تحت بقولوا الامريكان هم ما دايرن يحاربو لكن بوش مجبر لتمتين العلاقات مع العرب بالواضح المافاضح العرب هم عايزين الحرب علي العراق
وياجماعة الحرب قدتنا قد
|
Post: #69
Title: Re: شمارات ، شمارات @ الحرب على العراق
Author: شدو
Date: 04-02-2003, 01:43 PM
Parent: #68
لك التحاياياهوزى ولكل المشاركين
وهاكم الشمار ده
الامريكان طالبوا مشاركة الكنديين فى هذه الحرب
لكن الكنديين قالوا خايفين من النيران الصديقة
الكنديين عرفوها وتورط الانجليز
|
Post: #79
Title: Re: شمارات ، شمارات @ الحرب على العراق
Author: Hozy
Date: 04-06-2003, 09:02 AM
Parent: #69
الاخ مهاجر
والله مادونا ماقصرت
مع انه .................. ولا خلاص
.مافي داعي
لوووول
هدهد
شمارك تقيل
شـــدو
تحياتي للاطلالة
ولكلامك ده
انا قريت في كاركاتير
واحد بيقول النيران الصديقة والصواريخ الصديقة
البتسقط في سوريا وايران وتركيا والسعودية
عميانة من اسرائيل
مالها
!!!!!!!!!!!!!!!
|
Post: #70
Title: Re: شمارات ، شمارات @ الحرب على العراق
Author: hasan_6
Date: 04-03-2003, 01:08 AM
Parent: #1
عميد الهاشميين يرد علي هوزي
وينفي انه قيض المليارات مع الواد حسني
نفى نقل قوات أميركية من تركيا إلى الأردن
العاهل الأردني: الهجوم على العراق غزو والقتلى شهداء
عبد الله الثاني يتحدث في مقابلة تلفزيونية (أرشيف)
وصف العاهل الأردني عبد الله الثاني للمرة الأولى الهجمات الأميركية البريطانية على العراق بالغزو, وقال إن بلاده رفضت طلبا بفتح أجوائها لطيران القوات الغازية. كما اعتبر العاهل الأردني في حديث لوكالة الأنباء الأردنية (بترا) المدنيين العراقيين الذين قتلوا في المعارك شهداء, معربا عن ألمه لما يجري لدى الجار العراقي.
وقال الملك عبد الله الثاني "طلب منا أن نفتح أجواءنا لعبور الطائرات العسكرية, ولكننا رفضنا بإصرار", وأضاف "نحن منسجمون مع أنفسنا ومع شعبنا الذي رفض وأدان الغزو فكيف نسمح أن نكون شركاء في هذه الحرب". وأكد العاهل الأردني أنه "مسلم وعربي وهاشمي وحريص على شعبه وأمته وأنه لا يزايد على أحد". وتابع قائلا "أود أن أطمئن شعبي قبل كل شيء أن الثوابت التي تربينا عليها لم ولن تتغير".
وأضاف أن "شعبنا الأردني وأنا واحد منهم, ندين بشدة قتل الأطفال والنساء ونتألم ونحزن ونحن نرى على شاشات التلفزة تزايد أعداد الشهداء من المدنيين العراقيين الأبرياء, وأنا كأب أشعر بألم كل أسرة عراقية وكل طفل وأب عراقي".
ونفى الملك عبد الله نقل قوات عسكرية أميركية من تركيا إلى الأردن لمهاجمة العراق منه قائلا "لا يمكن أن نسمح بذلك, لقد سمعت عن هذا الموضوع.. وأؤكد.. أنه لم يتم طرح هذا الموضوع علينا أبدا ولن نسمح به إطلاقا". وأضاف "نحن لا يمكن أن نقبل التدخل في الشأن العراقي وفي خيار شعب العراق ونرفض أيضا أن يملي أحد على هذا الشعب الشقيق خياره ومستقبله واختيار قيادته".
وأكد أن "الأردن لم يكن ولن يكون طرفا في هذه المسألة وإن سمحت بعض الدول لنفسها أن تتدخل في شأن العراق فهذا هو شأنها". وبشأن وجود قوات إسرائيلية في الأردن, قال العاهل الأردني "من العيب بل ومن الخطير أن نسمع هذا الكلام من بعض وسائل الإعلام العربية. لا توجد قوات إسرائيلية في الأردن ولا يمكن أن نقبل بوجود مثل هذه القوات على أرضنا بأي حال من الأحوال ولا في أي ظرف كان".
وعن قضية طرد عمان لدبلوماسيين عراقيين, قال العاهل الأردني "من المؤسف أن هؤلاء الدبلوماسيين تجاوزوا حدود عملهم الدبلوماسي ولكن لحرصي على أن تبقى علاقاتنا مع العراق طيبة طلبت تجاوز هذه القضية وعدم التصعيد", مضيفا "لا أريد أن أعلق أكثر من ذلك في الوقت الحاضر".
عن الجزيره
|
Post: #71
Title: Re: شمارات ، شمارات @ الحرب على العراق
Author: مهيرة
Date: 04-03-2003, 06:23 PM
Parent: #70
اهل الشمار
كيفنكم
قالوا الامير عبد الله-ولى العهد السعودى-لما كتر الكلام على القرار 1414 الصادر من مجلس الامن بخصوص التفتيش على العراق
قال لجماعته هو ياجماعة الخير دحين 1414 دى هجرى ولا ميلادى؟؟؟؟!!!
تحياتى
|
Post: #80
Title: Re: شمارات ، شمارات @ الحرب على العراق
Author: Hozy
Date: 04-06-2003, 09:08 AM
Parent: #71
حسن
قبضها الدولارات
كان يرضى ولا لا
وبقت علني خلاص
ومن الاسباب ، انه تضرر من انه كان
بياخد البترول من العراق بسعر زهيد
وانه اتضرر جدا من الحرب
!!!!!!!
ده كل همه
وبعدين خطابه ده بعد شنو
بعد حنسته ليكم
لوووول
مهيـــــــــــــــــرة
والله شمارك عسل عدييل
لووووووووووووووووووول
الزول مضيع ماعارف الناس في صفحة كم
|
Post: #73
Title: Re: شمارات ، شمارات @ الحرب على العراق
Author: WAD ELGAALI#4
Date: 04-04-2003, 00:07 AM
Parent: #70
|
Post: #72
Title: Re: شمارات ، شمارات @ الحرب على العراق
Author: ABUHUSSEIN
Date: 04-03-2003, 07:31 PM
Parent: #1
حـلـــــــوة يا مـهـيـرة
الكـلام القلتيهو دا ....... ما حاجة تانية !!!!!!.
|
Post: #74
Title: Re: شمارات ، شمارات @ الحرب على العراق
Author: WAD ELGAALI#4
Date: 04-04-2003, 00:09 AM
Parent: #72
العزيزة هوزى
قالو متالم شوية ياخى بعد الشر عليك
النضارة الفى شبابك والدموع الفى عينيك
العيون الحايمة حولك ياحلو بتتمنى ليك
بكرة تشفى وبكرة نسعد يا صديق العمر بيك
اصلو قالو كتر الشمار ماكويس نرجو لك الشفاء العاجل
ودا اخر شمار جابتو السى بى اس امس فى برنامج اسمو سكستى
مينتس
تم وفى احدى الابنية التى تمت بصلة للبنتاغون تشكيل حكومة عراقية للقيام باعمال الحكومة بعد سقوط نظام
صدام حيث تم جمع عدد ستين من المثقفين العراقيين والذين
يعمل بعضهم فى الحكومة الامريكية وبعضهم اساتذة فى
الجامعات وبعضهم اطباء المهم جمعوهم وقسموهم كل حسب
تخصصه الى عدة قطاعات الصحى والامنى وما شاكل ذلك
الشمار الجد كان اهم اركان الاختيار ان يكون الشخص
حاملا للجنسية الامريكية
واهم حته فى الشمار يكون اتحصل على الجنسية الامريكية
عن طريق اللجو السياسى بالله شفتو الدمقراطية كيف
لسه فيه حبه تانية لكن دايرا ليها غربله شويه
|
Post: #75
Title: Re: شمارات ، شمارات @ الحرب على العراق
Author: قرنفل
Date: 04-05-2003, 04:21 PM
Parent: #74
سلام هوزى
قام امام مسجد فى الكويت بالدعوة امس الجمعة
على ان ينصر الاسلام والامريكان فى كل مكان
قرنفل
|
Post: #81
Title: Re: شمارات ، شمارات @ الحرب على العراق
Author: Hozy
Date: 04-06-2003, 09:26 AM
Parent: #74
ود الجعلي
شكرا للسؤال كلك ذوق
وهاك شمــــار علــى شمــــارك
ياجماعة احفظو الاسم ده
الرئيس السابق للاستخبارات المركزية الاميركية
ل(سي آي ايه) جيمــس وولــسي
من المرشحين لرئاسة الحكومة الانتقالية في العراق
لاعادة التعمير
وقد أوردت لنا اخبار شمــارية
انه بوش قال
ليس مهم القبض على صدام لإعلان النصر
و انشاء الحكومـة
!!!!!!!!!!!!
ويمكن تشكيل الحكومة دون سقوط بغداد
وعلى قوله تهكم الصحاف
انه بعد شوية امكن يكون في وزير اعلام عراقي امريكي
يدلي بتصريحات الى جانبه من موقع اخر
يعني يبدو سلوك واشنطن
تعمد لتهميش الحكومة العراقية
والتعامل كأنها غير موجودة لاي احتمال
|
Post: #76
Title: Re: شمارات ، شمارات @ الحرب على العراق
Author: Hozy
Date: 04-06-2003, 07:37 AM
Parent: #1
سلام ياناس الشمار
جيناكم راجعين
وياقرنفل
الاغنية رائعة وكلك ذووق
وشمارك ده والله ماعرفت اضحك فيه
بس بركةالقالو الاسلام اولا وبعدين الامريكان
وماقدمو الامريكان على الاسلام
|
Post: #82
Title: Re: شمارات ، شمارات @ الحرب على العراق
Author: Hozy
Date: 04-06-2003, 09:50 AM
Parent: #1
الرئيس القادم للعراق
جيمــس وولسـي يهدد كل من
بقوله ان نشرالديمقراطية في الشرق الاوسط لا بد
ان تجعل دولا مثل مصر والسعودية تشعر بالقلق
وكان وولسي صريحا لحد مثير للدهشة
عندما صرح فيتحذيره لحسني مبارك
والاسرة المالكة في السعودية
من ان الديمقراطية حسب الاسلوب الامريكي قادمة اليكم
وأننا نقف في صف شعوبكم يامبارك والاسرة المالكة في السعودية
كما لمح ب( سوريا وايران) بس يمكن الكبار اول
|
Post: #83
Title: Re: شمارات ، شمارات @ الحرب على العراق
Author: Hozy
Date: 04-06-2003, 10:00 AM
Parent: #1
مصــرية تسمي ولدها صـــدام
وعراقية تسمي ابنتها حواسم
رزقت مصرية بثلاث تؤام
سمت احدهم صدام وذلك تشجيعا
للحربه ودعما لشعب العراق
وعراقية اضطرت لاجراءعملية ولادة قيصرية
بسبب نزيف من جراء القصف
وذكر انها حالة متكررة في العراق من جراء القصف
وعندما رزقت بابنة اسمتها حواسم
تضامنا مع اسم هذه المعركة التي
اطلق عليها اسم حواسم من قبل الحكومة العراقية
وكانت قد عانت هند والدة الطفل كثيرا
حيث اضطرت لنزول السلالم من الطابق الرابع
مع انقطاع الكهرباء في المصاعد وهي في حالة نزيف
|
Post: #84
Title: Re: شمارات ، شمارات @ الحرب على العراق
Author: مهيرة
Date: 04-06-2003, 03:35 PM
Parent: #83
الغالية هوزى واهل الشمار
كيفنكم
قالوا واحد صحفى سأل بوش قال ليه فى اى قرابة بينك وبين تونى بلير؟
رد عليه بوش:
لا بس بينا نسب ،لأننا نحن من العلوج،وناس بلير من الطراطير!!!!!!!!
تحياتى
|
Post: #85
Title: Re: شمارات ، شمارات @ الحرب على العراق
Author: hasan_6
Date: 04-07-2003, 04:13 AM
Parent: #1
اهل الشمار سلام
مهيره زيدينا من هذه الشمارات
وهذه من عبد الباري عطوان
وفي القاهرة احتجت فيفي عبده بشدة علي الانفجارات التي تهز وسط بغداد.
وفي سورية ارسل سكان حمص رسالة تحذير الي بوش تقول سنعتبر اي اعتداء علي سورية هو اعتداء علي حمص .
اما أحدث نكتة فكانت يوم امس عندما صرح اعلامي كويتي لتلفزيون الجزيرة قائلا ان العراقيين تعلموا من الكويتيين فن المقاومة .
الامريكيون من جهتهم يجدون في دونالد رامسفيلد مركزا للسخرية أيضا، خاصة عباراته كل شيء يسير حسب الخطة . كذلك سذاجة رئيسه جورج بوش، الذي تعرض لسؤال صحافي عن سبب تأكده أن لدي العراق اسلحة دمار شامل، فرد قائلا: ما زلنا نحتفظ بالوصل!
الفجاجة هي ما تصنع نكات الحرب علي جانبي الاطلنطي، وصارت النكتة او نكات غزو العراق لغة عالمية، خاصة النكات التي أطلقها الالمان علي النيران الصديقة التي حصدت الكثير من جنود التحالف ، عبارة اخري مثيرة للضحك، لان التحالف علي ضرب العراق لا يتكون الا من بوش وبلير .
في المانيا يتساءلون: ماذا نسمي الهدف الذي يضعه فريق في مرماه في مباريات كرة القدم؟ .. مقدم البرامج التلفزيونية هارالد شميدت يرد علي هذا السؤال كل مساء انها نيران صديقة .
اما الالماني هارالد شميث فيشرح لماذا تأخر الامريكيون في الوصول الي مشارف بغداد، ويقول القوات الامريكية تأخرت، وكان يمكن ان تبلغ هذه المواقع بسرعة اكبر، ذلك لان الـ سي ان ان اضطرت لاعادة تصوير المشاهد مرات عدة .
وفي اوروبا، لا تطال النكات الحرب بحد ذاتها بقدر ما تطال الرئيس الامريكي جورج بوش، ربما للتخلص من الشعور بالتفوق الامريكي.
وعلي موقع فرنسي علي الانترنت رسم كاريكاتوري مستوحي من القصص المصورة لاستيريكس، المحارب الفرنسي القديم الذي يناضل مع صديقه اوبيليكس ضد المحتلين الرومان. وفي هذا الرسم خارطة لاوروبا كتب تحتها نحن بعد خمسين سنة من عهد جورج بوش والامريكيون يحتلون كل العالم... لا ليس كل العالم بل هناك قارة صغيرة يقطنها شعب من المقاتلين الذين ما زالوا يقاومون قوات الغزو .
اما النكات الساخرة، في اسبانيا فتطال صورة رئيس الوزراء خوسيه ماريا اثنار بوجهه المثير للحزن والسخرية في الآن نفسه، والذي عبر عن تأييده للحملة الامريكية ـ البريطانية رغم معارضة غالبية السكان.
ولم يعد يعرض في برنامج تلفزيوني فكاهي يتمتع بشعبية كبـــيرة في اسبانيا سوي بشكل بينوكيو بطـــــل قصص الاطفال المصنوع من الخشب قبل ان تدب فيه الحياة.
ولا تتوقف السخرية عند ابطال الحرب بل يتعدي ذلك الي دوافعها فموضوع افضل نكتة متداولة في سويسرا حاليا هي ان الخطة لما بعد الحرب جاهزة والعراق سيقسم الي ثلاث مناطق: بنزين عادي. وبنزين سوبر. وبنزين خال من الرصاص . اليونانيون لا يزالون يتذكرون ايضاً دعم الولايات المتحدة للحكم الدكتاتوري العسكري (1967ـ 1974) ويتناقل السكان نكتة تقول ان طائرة تقل بوش وبلير تحطمت، فمن يكون الناجي من الحادث؟ والجواب هو العالم بأسره .
ونشرت صحيفة ازفستيا الروسية في اليوم الاول من نيسان (ابريل) كذبة نيسان : الرئيس العراقي صدام حسين اعلن اسقاط طائرة بريطانية، لكن بوش ينفي ويؤكد ان الامريكيين هم الذين اسقطوها.
ويسخر الروس ايضا من الاتصالات داخل قوات التحالف. ويقولون ان التحالف الامريكي ـ البريطاني اعلن سيطرته علي أم قصر.. وهي رابع أم قصر ينجحون في الاستيلاء عليها منذ بداية الحرب
|
Post: #86
Title: Re: شمارات ، شمارات @ الحرب على العراق
Author: Hozy
Date: 04-07-2003, 10:28 PM
Parent: #85
مهيـــرة
لووووول
والله انا سمعتها فعلا بس من الصحاف ذاته والله
قالها... بس ماسمعت كان قاصد الطراطير منو والعلوج منو
وغايتو العلوج دي جننتنا في راسنا العلج ده
Quote:
في المانيا يتساءلون: ماذا نسمي الهدف الذي يضعه فريق في مرماه في مباريات كرة القدم؟ .. مقدم البرامج التلفزيونية هارالد شميدت يرد علي هذا السؤال كل مساء انها نيران صديقة
|
والله ياحسن
مباالغة حاجات بتضحك وبتدل على انه الناس
دي فعلا فاهمة وبتشغل مخها
ماذي العرب والله
وفاهمين كل شي
عارف الليلة في المؤتمر بتاع رامسفيلد
لاحظت كل مايسألوه سؤال انه انت قلت كذا فهل هذا يعني كذا
فيرد انه : انا قلت لحظة انا قلت ويفكر
وبعدين يبرر تبرير كان اخير يسكت والله
وبيدخل فيها جملة حسب الخطة فعلا
|
Post: #87
Title: Re: شمارات ، شمارات @ الحرب على العراق
Author: Hozy
Date: 04-07-2003, 10:38 PM
Parent: #1
جاي جارنر
الامبراطور القادم على العراق
رسى شكله الخيار الاخير على جاي جارنر وورد اسمه
باكتر من شكل واكتر من مكان بانه المرشح الرئيسي
لهذا الدور
وياجماعة والله قالو
شوف عيني وسمع اضاني
انه الزول ده فـــــردة لحـــــام مع
بسم الله بسم الله ( شــــارون) ا
والله يكضب الشينة
وماتكون العراق فلسطين نمرة 2
|
Post: #88
Title: Re: شمارات ، شمارات @ الحرب على العراق
Author: hasan_6
Date: 04-08-2003, 01:28 AM
Parent: #1
هوزي سلامات
وزير الخارجيه الامريكي قال
ان اي حكومه قادمه في العراق لابد ان تعترف باسرائيل
وقيل ان وزير الدفاع ورئيس حزب العمل الاسرائيلي السابق
بنيامين بن عيزر
سيكون اول مسئول يزور العراق الامريكي بعد تنصيب حكومة الاحتلال
عايز يعيد ماضي اجداده في عراق الرشيد
|
Post: #89
Title: Re: شمارات ، شمارات @ الحرب على العراق
Author: hasan_6
Date: 04-08-2003, 01:34 AM
Parent: #1
|
Post: #90
Title: Re: شمارات ، شمارات @ الحرب على العراق
Author: Hozy
Date: 04-09-2003, 11:24 PM
Parent: #89
سقوط بغداد مسرحية هزلية
هكذا اذيع ان سقوط بغداد
كان بطريقة كانها مسرحية هزلية ،،
ولم تكن هناك اي مقاومة
والامر اكثر من مستغرب واكثر من مستحيل
وقيل انه كان عبارة عن صفقة بين امريكا وصدام
وباع صدام شعبه لمرة الالف
بس المرة دي بيعة كبيرة
وبيع لكل الشعب العربي
وهو يعلم تمام العلم بنية بوش وسياسته
بالنسبة للشرق الاوسط
والمسح الجاري من اجل عيون اسرائيل
|
|