Post: #1
Title: المستحيــــــــــل
Author: Hozy
Date: 06-04-2003, 01:12 AM
Parent: #0
المستحيل
أن تقف على أرض تشبه سطح السماء
وأن تبصر في عيون الفجر أقمار المساء
أن تبادل الوهم بحقيقة
وتتكسر في الصيف مثل الإناء
فذاك هو الحب المستحيل
أن تبحر في مراكب من ورق
تطارد السراب
تقتفي أثر الزمن في لحظات الألق
أن تدور كالريح
وتجنح كالصهيل
وتعود مثل رماد
منثور على عتبات الأصيل
أن تلهث...
أن تعدو...
أن تنبش في أرض الذكريات
أن تثور على ناموس الحياة
تزفر الوقت ... وتجتر الصليل
أن تموت واقفا كأعواد النخيل
فذاك هو صقيع الوداع
حينما لا يكون للوداع بديل
أن تحزن حزن الغرباء...
تحلم بموعد لا يأتي...
ووجه يشبه وجه البكاء
أن تسافر كنورس مصفود اليدين
وتذوي كالوردة في الإناء
أن تصبح قاتل عمرك
وانت عين القتيل
فذاك هو عذاب الهوى
وتلك هي أحزان الرحيل
|
Post: #2
Title: Re: المستحيــــــــــل
Author: 3omda4
Date: 06-04-2003, 01:25 AM
Parent: #1
يحزنني حزنك عزيزتي
وارجع واقول المستحيل عينيك تهون
والمستحيل قلبك يخون
لك التحايا المستحيلة عزيزتي
|
Post: #4
Title: Re: المستحيــــــــــل
Author: Hozy
Date: 06-04-2003, 01:54 AM
Parent: #2
كيفك ياعمدة
انشاء الله اعصابك حديد؟
والمرحلة عدت
كويس انك شفت القصيدة دي
لانه كان مهم جدا تقراها
تعبر ليك شوية
عن همومك طبعا
بعد ما فركشت مواضيعك والله
ما عجبنا ليك
ومابراك يمكن مش كدهتسلم تحياتي لك
|
Post: #3
Title: Re: المستحيــــــــــل
Author: altahir_2
Date: 06-04-2003, 01:30 AM
Parent: #1
ياالله يا الله يا الله يا هوزي
سلمت ويسلم ذاك اليراع
نظرت الي المرآه فوجدت نفسي في هذا النص
او وجدت في النص نفسي فماذا اقول ؟
|
Post: #5
Title: Re: المستحيــــــــــل
Author: Hozy
Date: 06-04-2003, 01:56 AM
Parent: #3
انت تسلم والله
انا كمان لقيت نفسي في النص
وتقول شنو بس
مافي غير
الله يهون ويفرجها مش كده
تحياتي لك وسلمت
|
Post: #6
Title: Re: المستحيــــــــــل
Author: abuguta
Date: 06-04-2003, 02:05 AM
Parent: #5
هوزى
شعرك اللوزى
وكل مرة علينا تفوزى
كالوطن الملاذى
والشجر الحرازى
والمبنى القزازى
والثوب الهزازى
وداخلية الرازى
حلوة القصيدة بس اخلطيها بحبة فرح وامل
عشان بعد الغربة للوطن نصل
|
Post: #7
Title: Re: المستحيــــــــــل
Author: Hozy
Date: 06-04-2003, 02:15 AM
Parent: #6
لوووووووووووووووووووول
شنو الابداعات دي
الثوب الهزازي وداخلية الرازي
لووول
لذيذة لكن ياابوقوتة
وصفتني ذي النوتة
وخليتني احس بخوفة
انه كلامي يكون جوطة
بس كلامك جاني ذي غرودة
فرحني كاني طفلة زغنطوطة
لووووووووووووول
هسه ده شنو الجن العلمتني ليه ده؟؟؟
تسلم ياسيدي
وتحياتي
|
Post: #8
Title: Re: المستحيــــــــــل
Author: 3omda4
Date: 06-04-2003, 02:29 AM
Parent: #1
لووووووووووووووووووووووووول
دة شنو الابداع دة
بالغتو
هوزي انا اعصابي 10000000000% يعني اكتر من حديد
ولكي كل التحايا
|
Post: #9
Title: Re: المستحيــــــــــل
Author: Hozy
Date: 06-04-2003, 01:09 PM
Parent: #8
العزيز عمدة
شفت الابداعات الجديدة دي؟
والله انشاء الله دايما حديد
في الدنيا الدوارة دي
تسلم
وتحياتي
|
Post: #10
Title: Re: المستحيــــــــــل
Author: 3omda4
Date: 06-04-2003, 05:34 PM
Parent: #1
ابداعك احسسته قبل ان قرأته من خلال دموعك المنهمرة
لك التحية
بدوري اهديك وللجميع احدي ابداعات الدوش ما دمت لا استطيع الابداع مثلكم لكم التحية
الحزن القديم
ولا الحزن القديم انتي ... ولا لون الفرح انتي
ولا الشوق المشيت بيه ... غالبني اقيف ولا بنتي
ولا التزكار .......ولا كنتي
بتطلعي انت من غابات ... ومن وديان ومني انا
ومن صيحة جروف النيل ... مع الموجة الصباحية
ومن شهقت زهور عطشانة... فوق احزانها متكية
بتطلعي انتي من صوت طفلة... وسط الزحمة منسية
تجيني يجيني معاك زمن ... امتع نفسي بالدهشة
طبول بدق وساحات لي فرح ... نور وجّمل للحزن ممشي
وتمشي معاي خطانا الالفة ... والوحشة وتمشي معاي وسط روحي
ولا البلقاه بعرفني ولا بعرف معاك روحي
ولا بنتي ولا التذكار ولا كنتي
لكي التحية عزيزتي وللجميع
|
Post: #11
Title: Re: المستحيــــــــــل
Author: alfatih
Date: 06-04-2003, 07:53 PM
Parent: #1
هوي هوي
هوزي
لكن جننتوني مع عمده
احزان الرحيل ...ياما احزان .....اللحظه كانت في يوم لا تاريخ له
الساعه في مثل كل الاوقات....و الحنين عاود تاني .....بس الرحيل
ومن هذا البوست بهدي عمده الجريح
بكيت العمر من قبلك وكان كل العمر احزان
وبيك انا عشت بعد الهم امان ما بعده اصلو امان
مشيتها دروبك القاسيه ولسه مصيري امشيها...
كثير قاسيت جحيم نارك ومكتوب لي اقاسيها
غلبني اداري نيراني ونيران غيري بطفيها
اول الناس علي الجنه وجنات عمري ناسيها
زرفت دموع في حبك لقيت دمعاتي ما بتجدي
معاك احضرت ايامي وبانت فيك نجوم سعدي
اقول لو انسي ايامك يطل الماضي متحدي
بدون حبك سنين عمري مجرد ذكري بتعدي
احس دئما معاك بالحب واحس بنوره يغمرني
شعور في داخلي اكبر من إراده قلبي يعصرني
احبك وابقي ليك فاكر اسامحك لما تظلمني
كأنك إنت بس مخلوق من ايام عمري او مني
|
Post: #12
Title: Re: المستحيــــــــــل
Author: HOPELESS
Date: 06-04-2003, 11:02 PM
Parent: #11
هوزي لك الود
ابكيتيني بكشفك عن ما بدواخلي
لما يا صديقتي ابحتي بما طويته بداخلي ظانا اني قد احسنت مداراته عن نفسي وغيري..؟
ولكنه احساسك المرهف يتسلل دائما ليكشف لنا ما عجزنا عن البوح به
لك الود صديقتي الودود
|
Post: #15
Title: Re: المستحيــــــــــل
Author: Hozy
Date: 06-04-2003, 11:42 PM
Parent: #12
هوبفل
كيفك انت؟
والله الكلمات دي اكيد
داخل الكثير منا
واكيد كتيرين برضو مرت بيهم احاسيس مماثلة
واشكرك على الطلة
وتحياتي لك
|
Post: #13
Title: Re: المستحيــــــــــل
Author: Hozy
Date: 06-04-2003, 11:20 PM
Parent: #11
الاخ العزيز عمدة
ماشاء الله علييك
كتاب عديييل كده
ما عندك اي عوجة والله
كويس طلعنا منك الحاجات الجميلة دي
الاخ العزيز الفاتح
تشكر على الطلة
وعلى مشاركتك الفعالة دي
والله تمام وكلماتك جميلة
والله ورائعة
تسلم
تحياتي
|
Post: #14
Title: Re: المستحيــــــــــل
Author: 3omda4
Date: 06-04-2003, 11:33 PM
Parent: #1
عزيزتي
اعملي حسابك انا بصدق
واذا صدقت بتعبكم بعدين
لكي التحية
الفاتح يا مبدع مشتاقين عديل كدة
كراتين كراتين
ولك التحية
|
Post: #16
Title: Re: المستحيــــــــــل
Author: haneena
Date: 06-04-2003, 11:46 PM
Parent: #14
هوزي العزيزه
سلامات
ليه كل العذاب ليه كل الألم
بزرع في الموده و حصادي الندم
خلوها علي الله ساي يا عزيزتي
فايتنكم بس بالصبر
الله يصبرالجميع
حنينة
|
Post: #23
Title: Re: المستحيــــــــــل
Author: Hozy
Date: 06-05-2003, 11:39 PM
Parent: #16
العزيز عمدة
احنا عاوزينك تفكها في روحك اصلا
الغالية الحنينة حنينة
وينك انت يعني؟
كيف اليابان اعملي حساب الامراض
اوكي؟؟
انشاء الله انتي الحزن ما يجيك ولا الدموع
حنان وبس
تسلمي وتحياتي
|
Post: #17
Title: Re: المستحيــــــــــل
Author: SAdo7
Date: 06-05-2003, 00:50 AM
Parent: #1
عززتى هوزى كل الود على كلماتك المستحيله الرقيقه لك تقديرى
|
Post: #24
Title: Re: المستحيــــــــــل
Author: Hozy
Date: 06-05-2003, 11:40 PM
الاخ العزيز صدوح
تسلم والله
كلك ذوق واشكر لك طلتك الرقيقة
تحياتي لك
|
Post: #18
Title: Re: المستحيــــــــــل
Author: alsngaq
Date: 06-05-2003, 09:26 AM
Parent: #1
الاخت العزيزة هوزي تحياتى شنو نبرة الحزن دي ما معقول كدا الدنيا حلوة بس انتى اتركي عنك النظرة الزرقاء للاشياء هذه وح تلقي اكيد ما فى احزان ما في اوهام ما في قوارب من ورق ما في سراب ما في وداع ما في رحيل انشاءالله ولكي التحية والاحترام
|
Post: #19
Title: Re: المستحيــــــــــل
Author: aboalkonfod
Date: 06-05-2003, 11:06 AM
Parent: #18
أختي هــــوزي الحزينة سلام
متعك الله بما متع به خاصته، وأطلق أسارير وجهك النضر
فينفرج حزنك وكآبتك .. حزنك العميق بعضاً منا ....
لك التحية وأنت تحملين أوزار حزننا النبيل الجميل
هذه المقاطع من أروع ما تمتعت به، ولا أزال
فشكراً حزيناً .... حزيناً
التوقيع : هو
|
Post: #20
Title: Re: المستحيــــــــــل
Author: shiry
Date: 06-05-2003, 11:14 AM
Parent: #19
سلام مربع
هوزي
كيف نرقع هذا الحزن الذي سكن ذائقتنا
كيف نوقف مد هذا الرحيل
فينا
الذي بدأ يزحف
باصرار نحو خارطة وجودنا
|
Post: #21
Title: Re: المستحيــــــــــل
Author: Al-Masafaa
Date: 06-05-2003, 11:35 AM
Parent: #20
هوزي تحية تقدير و احترام لابداعك
المستحيل
لو بأيدى كنت طوعت الليالى
لو بأيدى كنت زللت المحال
و الامانى الدايرة فى دنياي
ما كانت خيال
دى الارادة و نحن ما بنقدر نجابه المستحيل
دى الارادة و المقدر ما بنجيب ليه بديل
دى الارادة اجبرتنى فى هواكم من قبيل
|
Post: #22
Title: Re: المستحيــــــــــل
Author: شدو
Date: 06-05-2003, 11:42 AM
Parent: #21
التحية لك ياهوزى وانت
تمطرين ابداعا
ربما حزنك هذا سبب ابداعك من يدرى
لكن نامل ان لانرى هذه الدمعةوربنا يبدلها ببسمة
|
Post: #26
Title: Re: المستحيــــــــــل
Author: Hozy
Date: 06-05-2003, 11:53 PM
Parent: #20
الاخ ابو القنفد
اميييييييييييييين والله
وتسلم على الدعوات دي
وتشكر ياسيدي على طيب حديثك عني
تحياتي لك
وشكرا للطلة
الغالية اللذيذة شيري
تسلمي يا غالية
وانتي بتنجحي في ازالة احزان كثيرة والله
بروح الفكاهة في كتاباتك
والسخرية المرحة
مش ذي صاحبتك هوزي
غامة الناس طوالي
معليش انشاء الله يحاولو يستحملوني
ولما يكون بشكو من وجع في حاجة
يجو علي بي جاي بلقوني معاهم في الخط طوالي
بس انشاء الله طلتك علينا الليلة ما يكون فيها أي وجع
والحزن ما يجيك ابدا
مرسوم في طريقنا بس انشاء الله يصيبنا عمى الوان
عشان نتغابى في الحزن العرفة
تسلمي
وتحياتي
|
Post: #25
Title: Re: المستحيــــــــــل
Author: Hozy
Date: 06-05-2003, 11:50 PM
Parent: #18
الاخ العزيز السنجك
تقول شنو والله
اهو بنحاول نفتش على الوان تانية
غير اللون ده
بس الواحد بيحن لقديمه قصدي يعني اللون القديم
وياسيدي الله يسهل
انشاء الله
ويجي يوم يكون مافيه
الحاجات القلت عليها دي كلها
تسلم والله
تحياتي لك
|
Post: #27
Title: Re: المستحيــــــــــل
Author: Hozy
Date: 06-05-2003, 11:56 PM
Parent: #25
المســـــــــــافة
والله ألم المسافة
وحزن الفراق
والغربة
دي من اسباب حزننا
يعني شفت عملتك هسه سبب
!!!!!!!!!!!
تشكر على كلماتك الرقيقة
تسلم على الطلة
وتحياتي
|
Post: #28
Title: Re: المستحيــــــــــل
Author: Hozy
Date: 06-05-2003, 11:58 PM
Parent: #27
العزيز شدو
تسلم على الطلة وعلى شعورك الطيب
وكلماتك الرقيقة
اكيد أي احساس زائد بيولد انتاج اكبر من المشاعر
وبالتالي بيقدر يصيغ كثير من المعاني
وتحياتي لك دوما
|
Post: #29
Title: Re: المستحيــــــــــل
Author: HAMZA SULIMAN
Date: 06-06-2003, 08:06 AM
Parent: #28
سلمتى من احزان الرحيل
|
Post: #31
Title: Re: المستحيــــــــــل
Author: Hozy
Date: 06-06-2003, 11:47 AM
Parent: #29
الرائع حمزة
تسلم والله
تحياتي
|
Post: #30
Title: Re: المستحيــــــــــل
Author: dabeep
Date: 06-06-2003, 08:27 AM
Parent: #1
هوزى/العزيزة
الحديث معك ذو شجون
وتسلمى من الحزن
و لنا عودة
دبيب
|
Post: #32
Title: Re: المستحيــــــــــل
Author: Hozy
Date: 06-06-2003, 11:49 AM
Parent: #30
العزيز دبيب
تسلم والله
وشكرا ليك
والحزن برضو ما يجيك
وفي انتظارك دائما
ونسعد بطلتك
تحياتي
|
Post: #33
Title: Re: المستحيــــــــــل
Author: زوربا
Date: 06-21-2003, 04:36 PM
Parent: #1
الجميلة ( حروفا ) هوزي
هاي نيلينك والأبنوس والشوق الجاري عليك
أن اترصدها في كل بوابات الدخول للفرح
أن احملها في داخلي تاشيرة سفر نحو الشروق أبدا
أن تيقظ فيني العوالم ثم تقترح الانتباه
هذه السيدة الرؤيا
التي لم تأت بعد
هذا هو الحب الممكن في الزمن المستحيل
المستحيل أن لا تكتبي مرة اخري
في أنتظارك
والريد نيلين
|
Post: #34
Title: Re: المستحيــــــــــل
Author: Hozy
Date: 06-21-2003, 10:27 PM
Parent: #33
ليس مستحيل ان تترصد بوابات الفرح
فتجده يأتي الفرح اليك
خاشعا
ولكن مستحيل ان تأثر الفرح لديك
فهو زائر شديد العجلة
واكثر من يخلف المواعيد
المستحيل الثبات والمستحيل ان نحيا كما نريد
وان نملك ما نحب
اووووووو
والله جنس مستحيلات كتيرة خلاص
يلا تسلم للطلة
وكلك ذوق والله
|
Post: #35
Title: Re: المستحيــــــــــل
Author: زوربا
Date: 06-22-2003, 03:26 PM
Parent: #34
نيلينك والابنوس والشوق الجاري عليك
هوزي الجميلة ( حروفا )
انت مكسرة في أدهم صبري ولا شنو ؟؟؟؟
لووووووووووووووول
المستحيل أن نتساقط في بدايات المعراج نحو سدرة العشق الأكيد
المستحيل ان نغلق صدي النوارس في مخاضات السفر الاولي
أمنحي لك بعض من غناء النبقة النزلت سابع أرض
وأستريحي تحت عافية القادم من المتاح الماهول
يبقي الحب نصيحة قصوي في متون القادم
والريد نيلين
|
Post: #36
Title: Re: المستحيــــــــــل
Author: ابو جهينة
Date: 06-22-2003, 03:39 PM
Parent: #35
الأخت هوزي : لك التحايا و التقدير
أسمحي لي أن ألج ساحة حزنك ، فالذي دون حزن إنسان واهم.
لكن قبل أن أتلمس هذه الهالة الكبيرة من الحزن ، دعيني أسألك سؤالا :
هل حزنك من النوع ذو الإتجاه الواحد كقضبا السكة حديد. ؟
أرجو أن لا تكون كذلك ، فالحزن الذي يرتادنا من فينة لأخرى ، أحسبه جازما حزن لا بد منه ، فمن وسط زخم الحزن ، تنبع معاني السعادة ، بشرط أن لا يجرفنا هذا الحزن في ( شيمته و دوامته ) ، فلو إنجرفنا ، فمن الصعب أن نمد أيادينا ( إلى قشة) الأمل التي تمتد إلينا.
من وسط زخم الحزن تنبع المعاني الصادقة ، لكن يجب أن لا يدوم هذا الحزن ، لأنه لو دام ، فإن القلب يدمنه ، و ينام تحت ظله الثقيل ، حيث لا فكاك من حبائله.
إحزني ما شاء لك من الحزن ، و لكن و الحزن يلفك ، لا تنسي أن تدندني بكلمات محببة إليك ، حتى و إن كانت الدموع تنزل حارة تجرح الخدود ، فحاولي أن تتعلمي أت ترددي بصوت خافت شيئا كان محببا إلى نفسك ، أو أنظري إلى أشياء ترتاح إليها نفسك ، كمنظر جميل ، أو طفل يضحك ، أو رضيع يبتسم لك ، أو عروسين في قمة فرحتهما ليلة الزفاف.
أحزني ، فمعظم الشعراء كتبوا روائعهم و هم يركبون موجة الحزن. و عندما يفضفضون ما بدواخلهم ، ينزلون من هاتيكم الموجة ، و يجعلون الحزن يركبها ليعدو بعيدا عنهم.
هل حان أن تنزلي من الموجة ؟ أم أن حزنك يقول : إنتظري الموجة التي بعدها ؟
|
Post: #38
Title: Re: المستحيــــــــــل
Author: Hozy
Date: 06-24-2003, 09:13 PM
Parent: #36
الاخ العزيز ابو جهينة
سلمت لطيب كلامك
وانا والله حزني مش اتجاه واحد
حزني ده عمودي ما افقي
عامل ذي البحر الهائج مره بيعمل مد ومرات جزر وبيكون
هادي شديد بس موجود البحر
وعمره ما بيكمل
وقد ادمنته والله وادمنني هو بعد
ان جرفني تياره منذ زمن
واشكرك على النصيحة الطيبة
وانا احاول قدر ما استطاع الا اجعله يمتهنني
وان اصارعه ربما يموت
وأغمض عيني من الموجةالقادمة
ولكن النسائم توشوشني احيانا
وتهمس لي ان الفرح آتي
سلمت للطلة
|
Post: #37
Title: Re: المستحيــــــــــل
Author: Hozy
Date: 06-24-2003, 09:06 PM
Parent: #35
الاخ زوربا
انا مكسرة من كمية الم في الجوانب
ومن رحيل الاغتراب في مسافة دمي
وحاميني الفرح
انت من زمن ادهم صبري؟
طيب كريغ ديفيد كيف معاك؟
لوووول
تسلم
|
Post: #39
Title: Re: المستحيــــــــــل
Author: ahmad almalik
Date: 06-24-2003, 09:22 PM
Parent: #1
تحية الي الاستاذة هوزي وللقصيدة الجميلة الحزينة.ومزيدا من الابداع
|
Post: #40
Title: Re: المستحيــــــــــل
Author: Hozy
Date: 06-24-2003, 10:00 PM
Parent: #39
الاستاذ الرائع أحمد الملك
سلمت للطلة
شكرا تسلم
تحياتي
|
Post: #41
Title: Re: المستحيــــــــــل
Author: alsngaq
Date: 06-25-2003, 10:35 AM
Parent: #1
العزيزة هوزي
تحياتي
شنو يعني لسه الفرح
ما عرف دربو لهذه الروح
وما ان الاوان لتجف هذه الدموع
تحياتي
|
Post: #42
Title: Re: المستحيــــــــــل
Author: زوربا
Date: 06-25-2003, 07:34 PM
Parent: #41
هوزي السمحة حروفا
نيلنك والآبنوس والشوق الجاري عليك
والله أنا غايتو بحب بروس ويلز و لا اقولك خليها جوليا روبوتس
لوووووول
من الممتد في جوف الحريق ... أتركي له الألم وخذي أنت الوهج
كان الحزن أخر الأقراحات في التكوين /الأنسان
فلماذا جعلناه المنتهي عند احلام النوارس
العشق لا يصقله سوي الفرح / وانت
كوني بفرح
والريد نيلين
|
Post: #43
Title: Re: المستحيــــــــــل
Author: ودرملية
Date: 06-26-2003, 01:31 AM
Parent: #42
سلامات
Quote: أن تموت واقفا كأعواد النخيل
فذاك هو صقيع الوداع
حينما لا يكون للوداع بديل
|
كلام جميل ياهوذي
الحزن والفرح حالتان تؤديان الي الدهشة فاي حالة اخترتي ابقي داخلها حتي تعي درب الخروج
لك الورود وهذيان الازاهر عطور
|
Post: #44
Title: Re: المستحيــــــــــل
Author: Hozy
Date: 06-26-2003, 04:47 AM
Parent: #41
العزيز السنجك
الفرح موجود دوما
بس انا لسه ما عرفت دربه يمكن
بس اهو بحاول
وتسلم ياسيدي
الدمعة موجودة لحدي ما نغير الصورة
تحياتي
|
Post: #45
Title: Re: المستحيــــــــــل
Author: Hozy
Date: 06-26-2003, 05:11 AM
Parent: #1
الاخ العزيز زوربا
عذراً سيدي
فالفؤاد عليل ،،،
وجوانحي مشردة
والحزن ياسيدي امطارا وسيول
والموج فوق البحر ،،، لا يكسر المياه
والحب مشلول،،
بطعم الشجن
والعمر العذاب
لا يأبه للزمن
لك التحية على الروعة والطلة المميزة
وربنا يودر عنا الاحزان
ونبقةالبلد تلقى ليها صفقة
انشاء الله
قول امييين
|
Post: #47
Title: Re: المستحيــــــــــل
Author: زوربا
Date: 06-26-2003, 05:32 AM
Parent: #45
هوزي السمحة حروفا
نيلينك والأبنوس والشوق الجاري عليك
كان بالدق أنا ما بتضاري ... كان بالدم أنا ما بتضاري
بشابي لي نهارات الفرح وازيحك يا كل الحزن علي التالف من الأرض
أختي العزيزة جدا
أن الحزن لا يتخير الدمع ثيابا كي يسمي بالقواميس بكاء
لكن
أحشدي الامل علي القادم من الغيب
راودي الفرح حتي يأتيك بكل طقوسه
ونحن نصلي من أجلك ان تجدي
النبقة
النبقة
والريد نيلين
|
Post: #48
Title: Re: المستحيــــــــــل
Author: Hozy
Date: 06-26-2003, 10:48 PM
Parent: #47
زوربا
ياخي جننتنا معاك
!!
هي النبقة كايسة صفقة
ولا الصفقة دايره ليها نبقة
حــــدد بالله
لوول
|
Post: #46
Title: Re: المستحيــــــــــل
Author: Hozy
Date: 06-26-2003, 05:18 AM
Parent: #1
الاخ العزيز ودرملية
تشكر للطلة
ولطيبك
ووالله ياسيدي كل الحالة صعبة بس اقول ليك شنو
كل حالة اصعب من التانية
ولكنني اجيد كل حالات الشجن
وتصاحب كلماتي الدموع
وتأثرني الالفاظ الحزينة
سلمت
|
Post: #49
Title: Re: المستحيــــــــــل
Author: زوربا
Date: 06-28-2003, 11:30 AM
Parent: #46
هوزي
هاي
براااااااااااااااااااااااحة هرشتيني !
هو حقيقة النبقة كانت كاسية
لكن الحبيب كان علي ضل الصفقة
يعني كلنا في الانتظار واحد
ولا شنو ؟
والريد نيلين
|
Post: #50
Title: Re: المستحيــــــــــل
Author: Hozy
Date: 06-29-2003, 08:53 PM
Parent: #49
زوربا
ياخوي برضو ما فهمنا
الصفقة دايره النبقة
ولا النبقة دايره الصفقة
؟؟؟؟!!!!!!!!!
لووووووووووووول
بدون هرشة
|
Post: #51
Title: Re: المستحيــــــــــل
Author: Hozy
Date: 07-09-2003, 04:17 PM
Parent: #1
بمناسبة
قدومي الى السودان
ولقيت البلد بقت مستحيل عديييل كده
والله ما شبه مستحيل
مستحيل عدييييل كده
وخبر الطائرة ده تم الناقصة
الحمد لله وصلنا بالسلامة والله
والله ستر
|
Post: #52
Title: Re: المستحيــــــــــل
Author: زوربا
Date: 07-09-2003, 05:22 PM
Parent: #51
السمحة حروفا شيري
نيلينك والابنوس والشوق الجاري عليك
البلد متعافية بالناس الطاقا الريد حلم تغيير
حمد الله علي سلامة وصولك وامنياتي لك بأجازة سعيدة
سلمي لي علي النيل وستات الشاي
والريد نيلين
|
Post: #55
Title: Re: المستحيــــــــــل
Author: Hozy
Date: 07-16-2003, 11:22 PM
Parent: #52
العزيز زوربا
والله البلد كلها بتسلم على ناس
وبتفتقدهم والله
وبرضو سمحة
تحياتي
|
Post: #53
Title: Re: المستحيــــــــــل
Author: DR.NET
Date: 07-09-2003, 05:36 PM
Parent: #1
|
Post: #56
Title: Re: المستحيــــــــــل
Author: Hozy
Date: 07-16-2003, 11:25 PM
Parent: #53
د.نت
كلك ذوق وتسلم
تحياتي
|
Post: #54
Title: Re: المستحيــــــــــل
Author: lana mahdi
Date: 07-09-2003, 06:04 PM
Parent: #1
الحبيبة هوزى
حمدا لله على السلامة و على رفع البوست لاقرا ما فاتنى و احسبه الكثير من الابداع
محبتى لك
|
Post: #57
Title: Re: المستحيــــــــــل
Author: Hozy
Date: 07-16-2003, 11:28 PM
Parent: #54
الحبيبة لنا
تسلم ياذوق
والله يسلمك انشاء الله
وشكرا على كتير شديد
تحياتي
لكي ياغالية
|
Post: #58
Title: Re: المستحيــــــــــل
Author: nadus2000
Date: 07-17-2003, 11:02 AM
Parent: #57
هلا هوزي
I hope you all fine,
نتمنى أن نقرأ إنطباعاتك عن السودان
|
Post: #59
Title: Re: المستحيــــــــــل
Author: Hozy
Date: 07-18-2003, 00:22 AM
Parent: #58
العزيز نادوس
شكرا ليك
وتمام والله والحمد لله
الانطباعات كتيرة
فيها السلبيات والايجابيات
بس اهم شي
انه في بلدي ومع اهلي
وكله يهون بعدها
السودان سمح وبنريده
بس عاوزينو احسن
تحياتي
وسلمت
|
Post: #60
Title: Re: المستحيــــــــــل
Author: ود شاموق
Date: 07-18-2003, 00:28 AM
Parent: #1
هوزي .. التحية لي مدن عينيك المستحيلة
.
|
Post: #61
Title: Re: المستحيــــــــــل
Author: Hozy
Date: 07-18-2003, 00:38 AM
Parent: #60
علاء
التحية لك يا أستاذ يا مبدع
تسلم
|
Post: #62
Title: Re: المستحيــــــــــل
Author: HOPELESS
Date: 07-18-2003, 00:41 AM
Parent: #60
العزيزه هوزي
حمد لله علي السلامه
اجازه سعيده
وبعيده عن المستحيل
تحياتي
|
Post: #63
Title: Re: المستحيــــــــــل
Author: Hozy
Date: 07-18-2003, 00:48 AM
Parent: #62
تسلم ياهوبليس كلك ذوق
والله
تحياتي
|
Post: #64
Title: Re: المستحيــــــــــل
Author: zumrawi
Date: 07-18-2003, 03:51 AM
Parent: #1
المستحيل
ان تخرج الاسماء ذواتها
ان تعبر المدينة سيرة الحنين
تنسج الاخطاء فى السكينة التى
تناسلت ازاء ماتقوله الحروف
تنسج فض صوتها تعاقر الاسمال
بحرفها الذي اقتنيت
يروعها الغناء اذ تبادل
المحار صدفة
|
Post: #65
Title: Re: المستحيــــــــــل
Author: Hozy
Date: 07-18-2003, 11:07 PM
Parent: #64
الاخ زمراوي
اشكرك للطلة وجميل تعبيرك
دائما تسعدنا بالجميل
وشكرا اخي
تسلم وتحياتي
|
Post: #66
Title: Re: المستحيــــــــــل
Author: elhilayla
Date: 08-17-2003, 11:29 PM
Parent: #1
|
Post: #67
Title: Re: المستحيــــــــــل
Author: rummana
Date: 08-18-2003, 10:44 AM
Parent: #66
مبروك يا هوزي فرحك وزيكو
ربنا يتمم ليكم على خير
|
Post: #68
Title: Re: المستحيــــــــــل
Author: Hozy
Date: 09-15-2003, 08:50 PM
Parent: #1
انا بس حبيت ارفع بوستي ده
لقيت الاعزاء
elhilayla
ورمانة
الله يديكم العافية انشاء الله
تمنياتي
|
Post: #70
Title: Re: المستحيــــــــــل
Author: Hozy
Date: 09-17-2003, 08:04 PM
Parent: #69
الاخ العزيز د.نت
المختفي
دوما تمطرنا بما هو رائع
شكرا للكرت الظريف
تحياتي
|
|