Post: #1
Title: زواجي ،،،،،، على الهـــــوا
Author: Hozy
Date: 09-12-2003, 08:42 PM
Parent: #0
هل تحتارون مثلي وانتم تشاهدون قناة الهوا سوا
!!!!!!!!
والتي تقوم بأستضافة 9 بنات بهدف تزويجهن
او تزويج واحدة منهن يتقدم احدهم لطلبها على الهوا بعد تقديمها
عرضا لمزاياها وعيوبها على الهوا برضو
يعني الناس بقت واضحة؟؟؟!!!!
شديد كده
، مش كانوا مستغربين مواقع الزواج او مكاتب الزيجات كمكتب ابوظبي
قيل عنه في مرة واحد قدم طلب زواج في هذا المكتب وعندما اتوا له بكتالوج قصدي البوم صور العروسات
الراغبات في الزواج ايضا وجد صورة اخته من بينهن
المهم
نرجع لهذه الفضائية العجيبة
التي تقدم للعروسين الذين سيتم اختيارهما
هدية الزفاف وسيتم اعداد زفاف فخم لهما وشهر عسل وووووو
انا بس مستنية اشوف الرجال اللي حيجوا يطرحوا للبنات ديل على الهوا
وبعدين الجمهور يوافق او لا
كلام غريب مش كده
واللي يعيش ياما يشوف
بس سؤالي بصراحة الي اي مدى الرجل السوداني تحديدا
عنده القدرة على مواكبة هذا الانفتاح وهذه العلمانية
؟؟؟؟؟؟؟؟؟؟
الى اي مدى يستطيع قبول فتاة تطرح نفسها للزواج
من خلال مجلة او موقع نت او تظهر على شاشة التلفزيون؟؟؟
والى اي مدى الفتاة السودانية تستطيع أن
تستوعب هذه الأفكار وبالتالي تطبيقها
؟؟؟؟؟
برضو بسأل
|
Post: #2
Title: Re: زواجي ،،،،،، على الهـــــوا
Author: Hozy
Date: 09-12-2003, 08:57 PM
Parent: #1
اذا شفتوا برضو
في قنوات اروبية عندها مواقع على النت وفيه دردشة
والدردشة بتجي ماشه على الشاشة من تحت وكل الونسة مكتوبة
والداخلين منو وسلامهم لبعض وكل الكلام الفارغ والمليان على الشاشة لما بخاف اقول
ياربي انا على الجهاز ولا بعيد مع اني ما بحب الجات اللي من طرف ده ابدا
وكمان فضائية عربية بتعمل نفس الشي بس الجات بالانجليزي بس ناس الجات كلهم محمد وعلي وابراهيم
وتوتا ونانا ومروة ودانة المهم
اتخيلت كان قاموا جابو البالتوك بتاع جماعة سودانيز اونلاين ماشي في قناة فضائية
ولا العجب كان جابوا البوستات
والعجب بوستات شيري وصحن شطة مدنكل ولا سيجمان ووصفه لفريق الكرة السوداني النسائي
ولا غنماية بت قضيم ولا ابو حراز وخطيبته والاستخارة وغيره وغيره
تفتكروا الناس حتقول ديل مالهم ديل ؟؟؟؟؟؟؟؟
لوووووووول
مع حبي لمن ذكرتهم كأمثلة
|
Post: #3
Title: Re: زواجي ،،،،،، على الهـــــوا
Author: زوربا
Date: 09-12-2003, 09:31 PM
Parent: #2
هوزي
نيلينك والابنوس والشوق الجاري عليك
العنوان خطير ... او ماقريتو قلت يا ربي زيكو دا جنا ولا شنو
الهوا سوا
الفكرة اجمالا تخرج عن المالوف لذا اجدها الي حد ما مسلية لكن لم اخذها علي محمل الجد إلا عندما طرحت تسالك
لكن المشكلة الاساسية حاليا أنو اذا افترضنا اني تقبلت الفكرة
مع شناتي دي ما في اي طريقة للظهور علنا
هو الناس البنعرفهم بتضاري منهم ... كمان علي الهواء ... ما ظنيت
والريد نيلين
|
Post: #4
Title: Re: زواجي ،،،،،، على الهـــــوا
Author: زوربا
Date: 09-12-2003, 09:37 PM
Parent: #2
هوزي
نيلينك والابنوس والشوق الجاري عليك
العنوان خطير ... او ماقريتو قلت يا ربي زيكو دا جنا ولا شنو
الهوا سوا
الفكرة اجمالا تخرج عن المالوف لذا اجدها الي حد ما مسلية لكن لم اخذها علي محمل الجد إلا عندما طرحت تسالك
لكن المشكلة الاساسية حاليا أنو اذا افترضنا اني تقبلت الفكرة
مع شناتي دي ما في اي طريقة للظهور علنا
هو الناس البنعرفهم بتضاري منهم ... كمان علي الهواء ... ما ظنيت
والريد نيلين
|
Post: #14
Title: Re: زواجي ،،،،،، على الهـــــوا
Author: Hozy
Date: 09-13-2003, 12:55 PM
Parent: #4
الرائع زوربا
كيفك ياخي
زيكو ما جن ولا حاجة انا الجنيت اظن
وحبينا نعلي ريحة الشمار المدقوق كي نزين به غلاف البوست
ودي سياسة بوردية عليا متبعة بورديا والغرض منها زيادة حدة الشمار لهذا البوست
ورفع درجة الشمار الى ال 1000 لدى كل البورداب والزوار
بس
ياسيدي مامهم الشكل
المهم شنو؟
الاخلاق
لوول طيب
انت بس قدم
وتمنياتي
|
Post: #13
Title: Re: زواجي ،،،،،، على الهـــــوا
Author: بت قضيم
Date: 09-13-2003, 06:59 AM
Parent: #2
لوووووووول يا هوزي
والله ذي غنمايتي دي تمر ساي بجنب الناس دي يقفلوا القناة من اساسها
عارفة يا هوزي
نحن بعيدين جدا عن هذه الإنفتاحية في التفكير
البت مستعدة تمشي الفكي حياتها كلها للبحث عن عريس على أن لا يعلم الناس بذلك
تظهر في التلفزيون لا اظن
قبل فترة قرأت في إحدى الصحف السودانية،، إعلان أحدهم عن رغبته في تزويج بناته
ثلاثة أو اثنتين لا اذكر
خريجات جامعات محترمة من كليات علمية متقدمة
ورغم أنه لم يخالف الشريعة والدين،، إلا أنه اتقلبت الدنيا بهذا الإعلان،، بين متريق ومؤيد ومندهش ومتحفظ
لا اظن عرس بهذا الشكل حيظبط معانا
ومن جهة أخرى ، فأنا ضد الفكرة الغريبة لا لشئ إلا لانها تركز على الشكليات وتتناسى تماماً الجوهر
اللبنانين ديل عندهم أفكار غريبة بالجد
|
Post: #15
Title: Re: زواجي ،،،،،، على الهـــــوا
Author: Hozy
Date: 09-13-2003, 01:02 PM
Parent: #13
الرائعة بت قضيم
اصله الزمن ده الفضائيات دي فيها
الغرائب والعجب العجاب
فاصبح الخروج عن المألوف سلعة متداولة ترفع درجة حرارة السوق
ويتهاتف الناس عليها
فالقصد موضوع غنمايتك ده ممكن يدخل يضرب السوق كله
ويجهج ليك باقي القنوات كلها
اللبنانين طبعا بيموتوا في الغرب لدرجة
بقى انتماءهم للغرب اعمق من الشرق
وبقوا يصدروا لينا الافكار دي يعني
بيساهموا مساهمة فعالة في بث الافكار الغربية للعالم العربي
وانا خايفة يا بت قضيم بعد شوية في السودان بعد الانفتاح اللي حاصل شوية شوية خصوصا
انه الجيل الجديد ما عنده مشكلة في اي حاجة او اي فكرة جديدة وبحب الخروج عن المألوف
يكون في ملحق مع الجريدة ( الوسيط مثلا ) ويكون كله طلبات زواج
وكل بنت تتفنن في نوع الاعلان بتاعها وتختار مربع بارز وتخت مثلا عيونها في البرواز للاعلان
واذا خلاص ما نجح موضوعها تمشي اي قناة عربية قريبة منها وتقدم طرحها هناك
والمزاد يشتغل
ياما نشوف !!!!!!!!!!!!!!!!!!!!!!!!!!!!!!!!!!!!
|
Post: #5
Title: Re: زواجي ،،،،،، على الهـــــوا
Author: maia
Date: 09-12-2003, 10:22 PM
Parent: #1
العزيزة هوزي
الفكرة تبدو غريبة لكن كل شي اصبح ممكن وجايز فنحن في زمن علينا ان نحذف فيه الدهشة من قاموسنا حول كثير من الاشياء
الفكرة هي اعتقد تحويل دور الخاطبة الى الفضائية حتى توفق بين راسين في الحلال وقد تصدف او تخيب
اما الفكرة وفهمها بالنسبة للرجل السوداني فدي حاجة عاوزة ليها استطلاع واسع جدا بينهم مع الوضع في الاعتبار ان الكثير من الرجال ممكن يتقبلوا الفكرة كطرح ولكن عند التطبيق قد تكون هناك اقوال اخرى
|
Post: #16
Title: Re: زواجي ،،،،،، على الهـــــوا
Author: Hozy
Date: 09-13-2003, 01:10 PM
Parent: #5
العزيز مايا
فعلا الدهشة خلاص ولت بس
اذا قلنا جزء كبير من الرجال
استوعب الفكرة واعجب بها
وخصوصا انه الزوجة المعروضة
مدفوعة التكاليف من ناحية
الحفل وشهر العسل وملابس وغيره
تفتكري البنات ممكن بعدها يمشوا يقدموا
يعني الموضوع يكون راجع لقبول الرجل لها
بس هي ما عندها مشكلة ؟؟؟؟؟؟؟؟؟؟؟؟؟؟؟
كدي ورينا رايك
تحياتي لك
|
Post: #6
Title: Re: زواجي ،،،،،، على الهـــــوا
Author: سجيمان
Date: 09-12-2003, 10:35 PM
Parent: #1
تعرفي يا هوزي..... لما ازهج من اخبار العراق وياسر عرفات.....وبن لابد.....وعلي عثمان السكن في كينيا..... قاعد امشي اتفرج في القناة دي...... واشوف البنوت الدايرات عرس ديل........ لكن الحكاية الغريبة... انهن كلهن عاوزات راجل شخصيتو قوية........انا ما عارف يقصدن شنو؟....... انا يتخيل لي دايرات الرجل المنهراتي..... الديمة يهرج...والله اعلم
|
Post: #17
Title: Re: زواجي ،،،،،، على الهـــــوا
Author: Hozy
Date: 09-13-2003, 01:15 PM
Parent: #6
لووووووووووول @ بن لابد
الرائع سيجمــــــان
والله الواحد لما يشوفهم يتحير بس ،
ويتخيل بعد 100 سنة حيحصل شنو؟؟
بيني وبينك الشخصيته قوية ده ما اظن يجي لواحدة فيهم
بضاعة الفضائية دي ما اظن تنفع معاه
بس يمكن يفتري عليها بعدها
او يعايرها
بانه جاب من التلفزيون
والشكلة تكون
بركة العرستك ، انتي جريتي لما فترتي
ولما غلبك مشيتي في التلفزيون
وجبتيني بالفضائية كمان
وهي تقول ليه :
بركة العندك تلفاز ياوش الفقر وجيت ورا العرض يا مصلحجي
لووول
المهم وعينك ما تشوف الا النور
|
Post: #7
Title: Re: زواجي ،،،،،، على الهـــــوا
Author: bit barber
Date: 09-12-2003, 11:30 PM
Parent: #1
كيفك هوزي
الفكره دي ذكرتني بلعبه زمان كنا بنلعبها
اللاعبين بنقسموا لفريقين ناس عرسان و ناس عروسات وكل واحد من العرسان يتقدم للعروسه التي يختارها ,,وهي اما توافق او ترفض البفضل في النهايه بكون الحمار بتاع اللعبه ويقوم بقيه اللاعبين بضربه
طبعا الحكايه كلها لا تتعدي لعب عيال
لكن اظن انه لعب العبال حيبقي جد
|
Post: #9
Title: Re: زواجي ،،،،،، على الهـــــوا
Author: ahmed babikir
Date: 09-13-2003, 00:09 AM
Parent: #7
مافي مانع من الفكره طالما هي في النهاية حتوفق بين راسين في الحلال، ودي حتسهل للمغتربين الماشايفين الحاصل شنو في البلد وما شافوا الجكس الجديد طالع كيف!! وحتحلهم من رباط بت العم وبت الخال ومنطق غطي القداحه المضيقه عليهم. فالواحد مننا المغتربين اول ما يفتح خشموا يتلقوهو بي قدح والله يستر الجماعه ما يسمعوا بالبنقول فيهو ده يكفتونا بي حله!! المهم، ولا نوا بعيد ما شايف حاجه يتشربك بيها او يتعزر بيها وما عندوا طريقه يرجع قريب فيقبل وهو صاغر. وعشان ما يتلافونا بي قدح حقو تستعجلوا لينا الشغلانيه.! طبعا اي فكره بتبدي غريبه وبعدين بتتفهم والناس حتتعامل معاها اذا كانت فعلا بتحل قضيه عايشينها، وطبعا نفس الفكره موجوده حاليا في بيوت الاعراس السودانيه، فهي احسن فرصه للبنات عشان الناس تشوفهم وتعزلهم للزواج، وكالمعتاد اي عرس يضج يكل اسهامات الجمال والموضه والاناقه! وهذا ليس تضامنا مع العروس او اهل العرس ولكنه ضمن رحلت البحث عن ضحيه!! ولان السودان بلد ذكوري والذكر فينا يسيطر علي كل شئ كان كل هذا التضييق علي النساء. واكيد ما حااقدر اوصف ليكم شعور جد جدي كان قلته ليهوا وهو في رقدته الابديه في (المغابر) انوا خالتي خشت الجامعه؟! مش عليكم الله كان حيقوم تاني؟؟!!0
|
Post: #10
Title: Re: زواجي ،،،،،، على الهـــــوا
Author: haneena
Date: 09-13-2003, 00:34 AM
Parent: #7
.
أحلي سلام يا هوزي
عاد كان جابوا البورد و البالتوك في الفضائيات
عيييك
الناس حتتفرج علينا جنس فرجة
وحياتك يخلوا أغراضهم ويتابعونا
عاد جنس البنسوي فيهو دة حق نصاح؟؟
وطبعآ بيجيب دخل كويس ... وبكري سيد الحوش يبقي ملتي مليونير
وبدل ما نتبرع للموقع.. عاد هو يغرف و يدينا
والله جنس فكرة... دي كانت رايحة مني وييين دي؟
بس بدل كدة البورد وخاسة البالتوك... ينزل اسهم
ونحنا نشتري...موش أعضاء؟
واهو القفة يشيلوها إتنين
وبما إننا حملة أسهم -نشترط استمرار بثنا في الفضائيات
والأهم بالتوكنا...عشان الخبت واللبع ومايكي ومايكك(كدة صاح؟)-ه
واللي ما يشتري يتفرج
الاسهم عاد تطير السما وعاد نحنا منو زيينا...حملة الأسهم عاد
وناس البورصات العالمية يتشاكلوا فينا شكل
ما تعرفشي داو جونز..ناسداك...فوتسي
والداكس و...و الكاك -- والواك
(الواك دي هدية من عندي طبعآ)
اها نحنا نخم في القروش سااااي
والناس تتفرج علي المحن
وما دام دخلنا البورصات...علي كيفنا نسوي الدايرنو
موش مقرشين
والناس تضحك لينا بسبب و بدونه كمان
عاد يا هوزي ياختي بوستك خلاني سرحت جنس سرحان
اها كدة كويس
قزازة السمن إنكسرت
ويا فرحة ما تمت
بجيك راجعة لعرسان الهوا ديل
حنينة
|
Post: #11
Title: Re: زواجي ،،،،،، على الهـــــوا
Author: haneena
Date: 09-13-2003, 00:37 AM
Parent: #7
مكرر
|
Post: #18
Title: Re: زواجي ،،،،،، على الهـــــوا
Author: Hozy
Date: 09-13-2003, 01:18 PM
Parent: #7
العزيزة بت بربر كيفك انتي؟
والله ضحكتيني فعلا
لانه عارفه حيختاروا واحدة من البنات
وال 8 الباقيين حيطلعوا حمييييييييييييير
بالجد حمير
يستاهلوا
|
Post: #19
Title: Re: زواجي ،،،،،، على الهـــــوا
Author: Hozy
Date: 09-13-2003, 01:21 PM
Parent: #18
الاخ احمد بابكر
انشاء الله بس ما جاتك عوجة بالجد؟؟؟؟
ممكن والله انك نظرت للموضوع
من زاوية تانية بس حقيقي
مهمة ورايك صاح
بس في نقطة صغيرة
المغتربين ديل عندهم طبع مكتسب من الغربة
وهي انهم شكاكين وبيخافوا من الناس
وما بيثقوا في الناس بسرعة
تفتكر حيرضى ببنت من بلده
تظهر على الهوا عشان تتزوج
صعبة مش كده؟؟؟؟؟؟
تحياتي لك
الغالية الحنينة حنينة
والله ياخي عملتيها دراسة جدوى عديل
في تحويل بورد بكري الى فضائية بوردية خطيرة جدا
تغلب سوق الفضائيات راسا على عقب
حنعينك مسئولة مباشرة
على قسم شئون الموظفين والقسم الفني كمان
قزازة السمن ما انكسرت ولا حاجة
عشان انا كنت داسه واحدة جوه في الدولاب
كدي ورينا حننظم ظهور البورداب
وبوستاتهم في الفضائية كيف
وتفتكري نعمل ترجمة مكتوبة للبوستات العربي
ولا دي مستحيلة ؟
هسه كلام سيجمان ده كان
جابو ليه فكي بيترجمه ؟؟؟؟
لوووول
تمنياتي
|
Post: #8
Title: Re: زواجي ،،،،،، على الهـــــوا
Author: WADKASSALA
Date: 09-13-2003, 00:00 AM
Parent: #1
الطلاق كيف على الهواء
|
Post: #12
Title: Re: زواجي ،،،،،، على الهـــــوا
Author: SAMIR IBRAHIM
Date: 09-13-2003, 03:09 AM
Parent: #1
الاخت هوزي اسعد الله اوقاتك........السودانيين بالزات عندهم طرق غريبه للزواج ....علي سبيل المثال الزواج بالصوره.....او الزواج من شريط فيديو ......او الواحد اختو تقول ليهو صاحبتي ...فلانه فنانه......وترسل ليهو الصوره........وله واحده من نسوان الحله....تقوم بدور الخاطبه ورشح ده لي دي....او في بعض الناس.....بيخطبوا ليهم وهم في سن السابعه او العاشره...الطرق كثيره....وكلها اصبحت عقيمه ومتخلفه....واكيد ...عايزين لينا طريقه جديده........يخوانا....طريق القناه دي بي وين......... 
|
Post: #20
Title: Re: زواجي ،،،،،، على الهـــــوا
Author: Hozy
Date: 09-13-2003, 01:24 PM
Parent: #12
ود كسلا
دي المشكلة هنا زاتها
عرس ما خسران فيه شي
والبنت هي اللي سعت لكده
الطلاق ساااااهل
وبالذات حتى مافي ارتباط مسبق
بس اعجاب واختيار بحسابات
يعني الطلوع منه ساهل شديد
لانه الدخول كان اسهل
تحياتي
الاخ سمير
واوقاتك انت برضو
مش بالله
الناس تحاول تفهم الوضوح ده
بدل اللف والدوران وكده
الناس دي كلها تطلع التلفزيون
وتناشد اهل الخير قصدي من يهمهم الأمر
بأنه انا والله فلانة او فلان مواصفاتي كده وده شكلي قدامكم
وانا داير او دايره زول كده
من يأنس في نفسه الكفاءة فليتقدم
وفقنا الله واياكم
شفت كيف
الصيغة زاتها غير شكل
روق ياسمير عاوز تعرف درب القناة دي وين
ما بدوك البنات ديل هسه
وعرض الاولاد لسه ما ابتدى
روق المنقة
لوول
تمنياتي
|
Post: #21
Title: Re: زواجي ،،،،،، على الهـــــوا
Author: Elmosley
Date: 09-13-2003, 02:04 PM
Parent: #1
العزيزه هوزي
فهمنا مسالة الذين يطرحون انفسهم للزواج علي الهواء وغير الهواء
فما بال الذين يجمعون انفسهم خوفا منه
|
Post: #24
Title: Re: زواجي ،،،،،، على الهـــــوا
Author: haneena
Date: 09-13-2003, 03:12 PM
Parent: #21
رجعنالك يا هوزي
بعد هضربة بالليل وإنكشاح السمن...يا خسارة
بخصوص عرسان الهوا
واحد مليونيرأمريكي عمل مسابقة في التلفزيون عشان يعزل واحدة يتزوجها
أها البنات طوابير ...طوابير
وفي الاخير رسي علي واحدة
will you marry me??
yes, yes
اها زفاف طوالي علي الهوا وبالقسيس وكله والناس مخلوعة
وحاتك .. يومين والعرس فرتق
طبعآ عروس الهنا خمشت خمشة العمر بعد الطلاق
دة غيرالشهرة... والاعلانات ...وووو
اما عن برنامج عرايس الهوا السوداني المقترح
لازم نستفيد من التجربة دي
اولآ:
مخارجة مافي...عقد موثق بمحامين
ملزم لمدة اقلها عشرة سنوات حبس
أقصد زواج... يعني سيك سيك معلق فيك
تانيآ
مبدأ تكافؤ الفرص بين الجنسين
ما يجوا البنات براهم يبهدلو روحهم
الرجال برضو... بالتناوب يعني
عشان البورة وسط الرجال ماها هينة
وأهو برضو نتشرف بخلقهم وشناتهم
والله اعلم شنو تاني
مش برضو أحسن من الصورالمضروبة البيرسلوها
البكون اخدوها قبل قرن من الزمان كدة
اها نبدأ بالرجال أولآ... ولا شنو؟؟
و كدة نكتشف عقلياتهم كمان
.والما عندو شخصيةومخ..الله معاهو
والله شكلو ح يحصل قريب
مع تحياتي
|
Post: #22
Title: Re: زواجي ،،،،،، على الهـــــوا
Author: SAMIR IBRAHIM
Date: 09-13-2003, 02:28 PM
Parent: #1
الموصلي يا خوي.....معليش وان كان الكلام موجه الي هوزي.....لكن يا حبيبو اوعك من الزيت الحار....والطريق ده ..بيلحق امات طه......
ورقم البعد برسل سلامي....
|
Post: #26
Title: Re: زواجي ،،،،،، على الهـــــوا
Author: Hozy
Date: 09-13-2003, 07:01 PM
Parent: #22
فنانا الرائع الموصلي
لما تكون في شجاعة في خطوة ذي كده
أكيد حتكون في شجاعة في القبول او الرفض
وشجاعة كبيرة كمان ما هينة
انا ياسمير مافهمت كلامك
يمكن الموصلي فهم بس انا لا والله
وتسلموا
تحياتي
|
Post: #27
Title: Re: زواجي ،،،،،، على الهـــــوا
Author: Hozy
Date: 09-13-2003, 07:12 PM
Parent: #26
البت الحنينة حنييينة
والله ياستي الله يديك العافية
بس عارفه دي المشكلة انه
تحسي انه الشراكة دي حتكون ويك شديد ضعيفة
واحتمال انه تكون مبنية على مصلحة
احتمال كبير شديد جدا
ودي مشكلة والله في حد زاتها
ويكون البرنامج فشل
ماتجي نغير من كلمة البرنامج فشل
لكلمة انه اتخمى
يعني يكون اصلا عندك زول
وتمشي تقدمي في البرنامج
ويجيك الزول ده وتمثلوه انه دي اول مرة
تشوفو فيها بعض
وبعد كده بما انكم حتطلعوا متقاربين شديييد
فالناس حتختاروكم
فتكون الحفلة ببلاش
وكل ترتيبات الزواج ببلاش
وكل شي
رأيك شنو
؟؟؟؟
ناس السودان كان دايرين
يعملوا حاجة ذي دي
معناها حتتلغي كلمة البت عينها بيضاء
لانه كل البنات حيتحول لون عيونهم لنفس
اللون بتاع الجراة مش كده
؟
|
Post: #23
Title: Re: زواجي ،،،،،، على الهـــــوا
Author: Raja
Date: 09-13-2003, 02:41 PM
Parent: #1
الحبيبة هوزي.. طبعا اتبسطت جدا وحضرت روحي للجلوس امام التلفزيون او الكمبيوتر ايهما تختارين لإشراكنا فرحتك.. ولكني صدمت كما صدم الكثيرين حينما عرفنا انك تعنين البرنامج اياه..عموما انا اتفق مع الزميل سمير فيما قاله.. فنحن بالذات المفروض ما نندهش من أي أسلوب يتبع لجمع رأسين في الحلال
|
Post: #28
Title: Re: زواجي ،،،،،، على الهـــــوا
Author: Hozy
Date: 09-13-2003, 07:25 PM
Parent: #23
العزيزة رجوية
لوووول
اسمعي
ما انا غربلت ليكم الشمار تمام
عشان تدخلوا وترتفع قيمته ل 1000 اقل شي عندكم
امال ايه
تفتكري زيكو يكون عمل شنو
لما شافها؟؟ لووول
قال البت دي دايره تعمل شنو
ما عارفه منظره كان شنو او قال شنو
؟؟؟
المهم ياستي
ياختي الناس زهجت من الروتين ظاهر
وعايزين يقلبوا الهوبة
واهو قلبوها
تمنياتي
|
Post: #25
Title: Re: زواجي ،،،،،، على الهـــــوا
Author: willeim andrea
Date: 09-13-2003, 06:44 PM
Parent: #1
الاستاذه هوووووووززززززززي ... تعرفي ما في شي غريب ومهما كان... الجديد هو متابعتنا المتزايده للاخبار والشمارات مع وسائل الاتصال الحديثه.. اما العرس ... العرس زي ما قلته وعارف انو بقه اسهل من ساهل .. بس الناس تعزم ووتتخلي عن كل ما هو غير عملي .. عن طريق التلفزيون او الجرايد او اي شي مشروع .. تعرفي ليه لانو عصرنا ده فيه الكتير من المشغوليات والطموحات للجنسين بالاضافه للسفر والتنقل وعلشان كده الفكره جميله للتواصل بغرض العرس .. العرس اها منو يعرس التاني دي نسيبه للنصيب البيصيب وانا من الناس الممكن يؤيد ان يكون في بوست شجاع يعرض نفس الافكار في سودانيزاو لاين ... ليه لا اذا كان الغرض جمع راسين بالحلال والا برضو حتقوووووووولي لوووووووووووول ودمتي عزيزتي
|
Post: #29
Title: Re: زواجي ،،،،،، على الهـــــوا
Author: ghurba
Date: 09-13-2003, 07:27 PM
Parent: #25
هوزي الفكره في حد زاتها موجوده وتتطور كل يوم يبقي السؤال ما نظرتنا لها كشباب اذا تم طرحها طرح جاد في المجتمع السوداني..لك الود فقد طرقتي بابا يحتاج الي الطرق.
|
Post: #30
Title: Re: زواجي ،،،،،، على الهـــــوا
Author: Hozy
Date: 09-13-2003, 07:42 PM
Parent: #25
الاخ ويليام اندريه
أنا نهائي ما عندي أي مانع
اعمل بوست للعزاب
واحاول اوفق بين كم راس مع كم راس
في الحلال
والله ده انا لي الشرف
ايه رايك نعمل الفكرة دي
وانا مستعدة ادير المشروع ده
ومن غير بياض ولا اي حاجة
ساي لله
بس اول شي حاعرس لأبو حراز عارف
بعدين الباقيين
اذا الناس ما عندها مانع
|
Post: #31
Title: Re: زواجي ،،،،،، على الهـــــوا
Author: Hozy
Date: 09-13-2003, 07:54 PM
Parent: #30
الاخ غربة
تسلم ياسيدي
ورينا يلا
انت تقدر تستوعب فتاة ذي كده
لأي درجة؟؟؟
أنا غايتو مع الغالب
يعني اذا البنت دي نجحت واختارت
وعاشت سعيدة
انا حابدا اشجع الفكرة
تمنياتي
|
Post: #32
Title: Re: زواجي ،،،،،، على الهـــــوا
Author: بلدى يا حبوب
Date: 09-13-2003, 08:13 PM
Parent: #1
هوزى
طالما تعلقنا بالتقنية حتما سيأتى يوم ما نراه فى سوا سوى يسكون فى السودان وبالرجوع الى مايحصل فى لبنان الان كان قديما فى الدول الاروبية وهكذا دواليك
لكن اجيالنا هذه طبعا لامر ده ماداخلين فيه
لكن برضو نتفرج على سوا سو امكن نلقى لينا عروس
ولك التحيات
|
Post: #33
Title: Re: زواجي ،،،،،، على الهـــــوا
Author: Hozy
Date: 09-14-2003, 09:47 AM
Parent: #32
الاخ بلدي يا حبوب
فعلا بعد فترة من الزمن مش كتيرة
حيكون الموضوع ده بقه اكتر من عادي
واكتر من مقبول
ودليل حضاري
ويبطلوا يتزوجوا بطريقةالاجداد
بالعكس
الاسر اول ما البنت تكبر شوية
يقول ليها امشي القناة
شوفي ليك عريس بعد ده
لوووول
وكذلك الولد
اول ما يحتار في الزواج يمشي
القناة برضو
وهكذا
انشاء الله نعيش لحدي الوقت داك
ونتفرج في الدنيا والمحن
تحياتي
|
Post: #34
Title: Re: زواجي ،،،،،، على الهـــــوا
Author: ابو جهينة
Date: 09-14-2003, 10:00 AM
Parent: #33
الأخت هوزي
تحياتي
أولا عودا حميدا
المسألة كلها في إضطراد نسبي.
يعني في الزمن الماضي الفتاة السودانية لو كسروا رقبتها ما تطلع مع خطيبها.
و كانت تقعد في الكوشة و كأنها مضروبة علقة و زعلانة ، و لو إبتسمت يقولوا شوفوا خفة البت.
ثم تدرجت الأحوال إلى أن صارت الفتاة الآن لها من الجرأة بأن تخرج و تتصل و تعزم و خلافه.
و بلا شك ، سيأتي اليوم الذي تجدين فيه فتياتنا في برنامج كبرنامج على الهوا ، و أنا أعتقد أن تطور الزمن يتطلب ذلك ، فلكل زمان طريقة ، و إن لم نجاري ما يحدث من تطور فسينطبق علينا المثل : من خاف طلوع الجبال عاش ذليلا بين الحفر
تسلمي
|
Post: #35
Title: Re: زواجي ،،،،،، على الهـــــوا
Author: Hozy
Date: 09-14-2003, 10:31 AM
Parent: #34
الاخ العزيز ابو جهينة
والله انا ماعارفه المسألة اضطراد نسبي
ولا تناسب طردي
بس بعد قرن تاني
القيامة دي ما بتكون قربت؟؟؟؟
عشان الناس دي ما في شي بيوقفها الا الموت
بعد كده
تحياتي
|
Post: #37
Title: Re: زواجي ،،،،،، على الهـــــوا
Author: مريم بنت الحسين
Date: 09-15-2003, 02:46 PM
Parent: #1
عاد يا هوزي انا لما شفته القناة دي.. ما عرفت أضحك ولا أبكي... أخوي الصغير قال لي.. الناس دي جنت ولا شنو... انا بقيت منتظره واحده منهن تقول .. دي الكميرا الخفية.. قدر ما حاولت أتصالح مع الموضوع.. واجد عذر .. مااااااااااااااا لقيت.... قدر ما دوّرته في مخي عن آليه للتفاهم.. حلفت أغلظ الأيمان ما تتبلع لي....
عيشو في الوقت الضايع...
بنت الحسين
|
Post: #38
Title: Re: زواجي ،،،،،، على الهـــــوا
Author: Hozy
Date: 09-15-2003, 03:04 PM
Parent: #37
العزيزة مريومة
انا اكثر ما يهمني في الموضوع ده
النهاية
يعني الفكرة شنو
والناس كيف حتكون طبيعية في الحب
كيف حيخليهم يحبوا طبيعي
وكيف يجمعوهم طبيعي
والكاميرا شغالة
والبنت اصلا جات التلفزيون
وبعدين شافها في التلفزيون
وأي واحد حيجي لاي بنت اكيد البنت حتحبه
فرحة ساااي والله حتحبه
تقدر لا لكن؟؟
لوووووول
!!!!!!!!!!!!
اللي يعيش ياما يشوف
|
|