Post: #1
Title: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصادرة
Author: زهير عثمان حمد
Date: 12-27-2010, 04:40 PM
Parent: #0
صدر اليوم قرار أداري من محلية الخرطوم بمنع القدور وطبخ الفول في كافة بقالات الخرطوم وسط ويتم تنفيذ القرار من الغد
وفي حالة وجود قدرة فول أمام البقالة تتم مصادرة القدرة والغرامة في المرة الثانية الغرامة والجلد لصاحب البقالة وهذا الامر المحلي أصدره عبد الملك البرير متعمد محلية الخرطوم وتم توجية كافة أصحاب البقالات اليوم في منطقة الخرطوم وسط بتنفيذ الامر أعتبار من الغد
ياولاية الفول أنت ياخرطوم .
بالله ياجماعة نحن فقراء مدنية الخرطوم ما عندنا غير البوش والفول المصلح نأكل شنو تاني
عندكم لينا حل سريع قبل بداية السنة !!!!!!!!!!!1
|
Post: #2
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: دوت مجاك
Date: 12-27-2010, 04:46 PM
Parent: #1
حكومة الانقاض دى جنت ولا شنو
وطيب المساكين ياكلو شنو
الشعب السوداني ما عندو غير البوش
كويس اتخارجنا بدرى منها
|
Post: #3
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: صديق الموج
Date: 12-27-2010, 04:46 PM
Parent: #1
| Quote: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد |
زهير كيف حالك
والغلط شنو فى كده؟
مش القدرة انثى؟
طيب كيف انثى تبيت فى الشارع؟
هى لله هى لله...يعيش تاصيل الفول ..
ابشرك الوالى قال بجيب ليكم استاكوزا وكافيار هوم ديلفرى..
بلا فول بلا فقر معاك...
|
Post: #4
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: معروف حمدين
Date: 12-27-2010, 04:59 PM
Parent: #3
الفول اصلو مافيه فايدة
أبشرك بتفعيل وعد المتعافي والحيكومه
خلاص ح تبدأ ليكم بالدجاج ,,
أبسط ياعم وفرفش بلا فول بلا قرف !!!!!
|
Post: #6
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: osman righeem
Date: 12-27-2010, 05:07 PM
Parent: #4
يا زهير ياخ مغقولة من ديك وعييييك
عاين انت هسي اضريت بالمساكين لانه
ناس محلية غرب و شرق و جنوب وشمال
حيسمعوا بالقرار ويقولو كده يتضامنو
مع البرير
مش قالوا من الصحابة او الملايكة
او الذين شهدوا ذات الشفاء
|
Post: #7
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: عبدالمجيد الكونت
Date: 12-27-2010, 05:10 PM
Parent: #4
يكون في كوز متنفذ فتح ليه فواال في وسط الخرطوم
راجعوا المحلات الجديدة واتاكدوا
|
Post: #8
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: السمانى عمارة
Date: 12-27-2010, 05:12 PM
Parent: #3
الاخ العزيز زهير
القرار غير موفق
وما عايز اقول غير مسئول قبل ان نعرف الحيثيات
وان كان الامر يتعلق بالنظافة والصحة
كان من باب اولى ان تكون البداية بالاجراءات الصحية
ومن بعد ذلك تطبق الجزاءات على حسب كل حالة
الى ان نصل لمنع من يخالف ذلك
شكرا زهير
|
Post: #15
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: عاطف عبدون
Date: 12-27-2010, 06:31 PM
Parent: #3
والفول ذكر يا الموج
استغفر الله
بالله نحن كيف كنا بنرضي بي انو (تُشد)الفاحشه كدا قدامنا
وناكل منها
احساس بي ذنب عظيم
............
يا موج
لو كمان الحطب كان من طلح
الا تمشي تحج سبعه مرات طالبا المغفره
|
Post: #5
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: Al-Shaygi
Date: 12-27-2010, 05:06 PM
Parent: #1
Quote:
وفي حالة وجود قدرة فول أمام البقالة تتم مصادرة القدرة والغرامة
|
هنا مربط الفرس
ده يا زهير يا أخوي مشروع جباية جديد
مصادرة القدور بالليل والصباح تحصيل الغرامات وبيع القدور مرة أخرى لأصحابها....
زي عدة ستات الشاي وبائعات العرقي!!!!!!!!
بالله لسه بتاكلوا فوووووووووول؟؟ البرجر مالو؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #9
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: saif massad ali
Date: 12-27-2010, 05:12 PM
Parent: #5
مسخرة والله
Quote:
بالله لسه بتاكلوا فوووووووووول؟؟ البرجر مالو؟؟؟
|
|
Post: #10
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: علاء الدين صلاح محمد
Date: 12-27-2010, 05:29 PM
Parent: #9
لا قرار حضاري وموقف و يتماشي مع سودان الشريعة
الجنوب يروح في 60 دهية
بترول الشمال اكثر من بترول الجنوب وخيرات تانية
وانت جاي تقول لي فول
فول ايه الانت جاي تقول عليه
فول ده بتاع سودان الجنوبيين و سودان اللغات الاعجمية
الجاي سودان الشريعة واللغة العربية
|
Post: #11
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: جعفر محي الدين
Date: 12-27-2010, 05:39 PM
Parent: #10
يا زهير غلطانين مواطنين الخرطوم وسط بالتأكيد
هم ساكنين في الخرطوم وسط وبيأكلوا فول
أكيد ناس المطاعم بتاعت الشية والكباب اشتكوا
بطلوا فول بالله ونفعوا بتاعين المطاعم المساكين ديل
عشان بيدفعوا ضرائب للولاية
|
Post: #12
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: مريم بنت الحسين
Date: 12-27-2010, 05:46 PM
Parent: #11
أجي! الحكومة دي جنّت ولا شنو!؟
|
Post: #13
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: مريم بنت الحسين
Date: 12-27-2010, 05:50 PM
Parent: #12
حسي يجي يقولوا ليك بتشوّه منظر البلد!
الاخ زهير معليش ما سلّمته عليك، وشكرا على نقل الخبر
|
Post: #25
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: خضر الطيب
Date: 12-27-2010, 09:13 PM
Parent: #13
زهير كيف حالك
تاكلوا في خاطركم بس , بعد شويه الهوا ذاتو بمنعوكم ليهو
هاك دي :
|
Post: #28
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: أيمن الطيب
Date: 12-27-2010, 09:38 PM
Parent: #25
يا بوبا,,| Quote: زهير خبرك ده ما يبقي ماسورة زي بتاع بنك السودان وتقعد تبرمج بينا ساي |
فى كلتا الحالتين تاكل نارك,,,
أبوالزهور سلامات يا حبيب,,,
بتاعين الدكاكين تانى حا يشدو ليكم بالكرباوى يا حبيب,,
أو بالخاينة خايفة إذا إستعصى أمر الكرباوى
|
Post: #14
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: ناذر محمد الخليفة
Date: 12-27-2010, 05:54 PM
Parent: #9
سلام زهير ..!!
| Quote: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصادرة |
يعني يشدو شنو ..!!
ولا الفول دايرين يغلفوهو كوجبات جاهزة ؟؟!!
|
Post: #16
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: GamarBoBa
Date: 12-27-2010, 06:49 PM
Parent: #14
الله أكبر
لا اله الا الله...
الآن فقط أمريكيا روسيا قد دنا عذابها
كنت ولا زلت أعتقد أن سبب العذاب الذي سيحيق بهذه الدول الكافرة هي قدرة الفوراوي أو عربي الجزيرة صاحب الدكان..هؤلاء لم يأتو لحوار...يتخمون بطون شعبنا بفول مرة وارد السليم،ومرة وارد الحبشة،هم لا يدرون أن هذا الفول الذي هو غذاء الحصين لا يصلح للبشر..يزرعه مهمشوا الشمال ليباع لعمال السودان..فسحقا لمناطق انتاج الفول في الشمال وسحقا لعمال البناء الذين يفطرون به.
نبشركم بأن هنالك 10 حاويات وصلت ميناء بورتسودان تحمل أجهزة تسمي lentil cooker تعمل بالكهرباء وتطبخ العدس..اتوماتيكي كما قال وليد 500 ...فشتان ما بين العدس والفول.
شعبنا يجب أن يستيقظ وكل شخص فيه يحمل الكوكر بتاعه ويا عدس هذا الشعب المتطاول يعتذر عن المثل الشعبي (الما بعرف يقول عدس).
أي عامل أو موظف في دولة الشمال الرسالية بعد الانفصال يجب أن يحمل معه (توول بوكس) أو شنطة سومسنايت فيها أدوات طهي متقدمة ...يقيني أن الحكومة ستوفر بلكات في اعمدة الكهرباء ..ومعروف انها ما بتقصر...البلكات جاهزة والحاويات معفية من الجمارك ووصلت المينا.
مزراعين الفول في الشمال المتمسكين بأرضهم ديل لازم يتشردوا
ناس الدكاكين الما بنتموا لدولة الرسالة الجديدة من الفور والجزيرة برضوا لازم يتشردوا
عايزين يقعدوا في البلد دي حسب رؤية الدولة الجديدة الليقعدو...ما عايزين الله معاهم
ناس تزرع فول وصعوط وكلام فارغ ؟؟؟ وكمان يسوقوا ويغنوا ؟؟هم فاضين؟؟
وداعا زيت السمسم...وداعا ست الدكوة والكسرة،وداعا قدرة الفول،وداعا صحن البوش،وداعا محلات العماري...وقريبا نودع محلات الاسبير وسوق ليبيا وقندهار...وداعا لكل تلك اللغاويس المجغمسة في اطراف دولة الشمال الحديثة....عربي ومسلم مرحب بيك...رطاني ومسلم ما مرحب بيك وقوم قد
التهنئة موصولة للقدو قدو عشان ترقية واجبة في الجلد من البناطلين القصيرة الي اصحاب البقالات
_
زهير خبرك ده ما يبقي ماسورة زي بتاع بنك السودان وتقعد تبرمج بينا ساي
|
Post: #17
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: Elbagir Osman
Date: 12-27-2010, 06:59 PM
Parent: #16
الشعب السوداني سكت ليهم على كل حاجة
كمان دايرين يهبشوهو في صاعوتو
وقدرة فولو؟
الباقر موسى
|
Post: #18
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: BAKTASH
Date: 12-27-2010, 07:08 PM
Parent: #17
ياخ دي اتفه حكومة.. حكومة تطمم البطن..عووووع
|
Post: #19
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: سيف اليزل جعفر عبد الرحمن
Date: 12-27-2010, 07:22 PM
Parent: #18
| Quote: يعني يشدو شنو ..!! |
اي شي بتشد
بس موش الفول
|
Post: #20
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: Dr.Elsadig Abdalla
Date: 12-27-2010, 07:51 PM
Parent: #19
سلامات
حليل حارة الفوالين في الزقازيق لمن كنا نمشي ليهم في انصاص الليالي وما تشوف غير فتحة القدره حيث تكون القدره مدفونه في الأرض ..أجمل واطعم فول اكلته في حياتي...
عاوزين زول يعمل لينا ملخص لانواع الفول المصلح في هذه الدكاكين وخاصة الخلطات التي ابتكرها عمال البناء من جنوب السودان زي إضافة الطحنيه (موش الطحينه )وباقي الخلطات ...
|
Post: #21
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: انور التكينة
Date: 12-27-2010, 07:55 PM
Parent: #19
مساء الخير زهير ..
تعرف الجماعة ديل كلهم عارضين خارج الزفة ..
القرار لم يمنع شد الفول و لكنه منع مبيت القدرة قدام الدكان ..
و هنا مكمن الخطر ..
البديل ان تكون القدرة بالليل داخل الكنتين و طبعا الدنيا شتاء
و اهل الدكاكين يبيتون ايضا داخلها و تذكرون ان عددا من اصحاب
البقالات مات اختناقا حين خاف من سرقة القدرة فأدخلها لتبيت بجواره ..
يعنى .. ده دفع للموت من البرير بقوة القانون لمئات المساكين ..
كان الله فى عون اصحاب الدكاكين .
|
Post: #23
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: تبارك شيخ الدين جبريل
Date: 12-27-2010, 08:29 PM
Parent: #21
بيكشّوا ستات الشاى ... وستات العرقى ..
ورفضوا تجديد تراخيص محلات التمباك ...
هسى قبّلوا على الفول ...
ومقابلين سواقين العربات فى السفنجات ...
يعنى لو قلت تلبس سفنجتك تمشى تضرب ليك بوش وكباية شاى وتغشى ترفع ليك نص عرقى وكيس تمباك عشان تجى تتدوبل وتسف وتبزغ وتنوم بدون ما تكتل ليك زول من الغيظ ... احتمال من مرقتك ديك تانى ناس البيت ما يشوفوك زاتو من كمية الجرايم الإرتكبتها ...
ياخى عندنا زول فى حلّتنا ... بيجبّدوهو فى الكورة وكيشة وخرخار وجرسى جرسة شديدة خلاس ... جيت الحلة لقيت كشك مبنى فى نص الشارع العام ... قلت ليهم دا كشك منو؟ ... قالوا لى دا "مختار" غلبوهو فى مباراة قام جاب المواد وبنى ليهم "مصلّى" فى نص الميدان ... ناس الحلة قالوا ليهو نحن ما بنقول ليك هدّ "المصلّى" لاكين خارجو لينا من الميدان ... فى الآخر قجّ ليهم الكشك فى نص الشارع من الحد لى الحد (طرف تحت اسلاك الكهربا البتفصل الشارع من الميدان والطرف التانى ملصّق فى حيطة البيت عديل ... يعنى لو داير تمشى ما بتقدر تستخدم الشارع ... إلاّ تشق الميدان) هسى أىّ بتاع دكان دايرين يشيلوا قدرتو انصحو يبنى "مصلّى" قدّام الدكان ... ويشد الفول بى ورا "المصلّى" ... نشوف معتمد المحلية "الكافر" دا بيقدر يعمل لى "المصلّى" شنو؟
(عرقى .. تمباك .. فول .. شاى .. سفنجة .. عرّاقى .. موية زرقا .. تتجلد زى الترتيب ... لاكين تقنطر ليهم "مصلّى" فى نص شارع الجمهورية ... زول يسألك مافى)
... المهم ....
|
Post: #24
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: ALZOLZATOO
Date: 12-27-2010, 09:06 PM
Parent: #23
| Quote: من سرقة القدرة فأدخلها لتبيت بجواره |
ده الخايفين منو ذاتووو
التكينة سلام
تحياتي
زاتووووو
|
Post: #22
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: عادل الباهي عبدالرازق
Date: 12-27-2010, 08:22 PM
Parent: #1
| Quote: وهذا الامر المحلي أصدره عبد الملك البرير متعمد محلية الخرطوم |
هو بلاهي عبدالملك البرير أصبح معتمد محليه الخرطوم سبحان الله والله يرحم أيام زمان .
دا أنسان جربوع ساكت ولايملك من أمره شيء أشتري هذا المنصب بقروشوا يأخي يمشي ليهوا أي صعلوق في مكتبه ويأخدوا كف في وجهوا شوفوا لو مالحس قراروا دا .
|
Post: #26
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: طارق ميرغني
Date: 12-27-2010, 09:17 PM
Parent: #22
| Quote: عبد الملك البرير متعمد محلية الخرطوم |
اخي زهير متعمد دي قاصدا ولا جات ساي
لانو فعلا متعمد...!!!
يعني الشيشه بعدين التمباك وهسع الفول
بعد شويه يكون الاكسجين
|
Post: #29
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: زهير عثمان حمد
Date: 12-27-2010, 09:40 PM
Parent: #26
برضو ح نأكل فو ياودالبرير
|
Post: #27
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: فايزودالقاضي
Date: 12-27-2010, 09:22 PM
Parent: #22
هي عاصمة يتشد فيها فول دي عاصمة شنو ؟!!
ــــــــــــــــــــــ
السؤال : ليه قدرة الفول بالذات ؟!!
|
Post: #30
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: Alshafea Ibrahim
Date: 12-27-2010, 10:00 PM
Parent: #27
القول كما أفاد الشايقي
مصادرة وجمع قدور وصحون وبنابر ومزادات مفتوحة وأرباح مشروعة .... بعدين الغرامة أهم شيء الولاية تجيب المرتبات من وين ؟؟
ممكن كمان ناس جياد عاوزين ألمونيوم خام للمصنع للصهر والقدور تجيهم باردة مثل آليات ومصانع ناس الجزيرة
تحياتي يا زهير وضيوفه
الشفيع
|
Post: #31
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: مريم عزالدين صديق
Date: 12-27-2010, 10:06 PM
Parent: #27
الاخ زهير تحياتى
لماالناس طلعت الشارع وقالت لا لقانون النظام العام لانه قانون غريب وعجيب تنفذ فيه عقوبه الجلد والغرامة من غسيل العربات وبيع الشاى والكسرة .......الى ما يسمى بالزى الفاضح فى المادة 152 من القانون الجنائى
ومن منطلق قانون النظام العام ومواده يسمح لهم باتخاذ اى اجراء ضد اى مواطن بالقانون
زى ما قال لينا بتاع الامن يوم مسيرة لا لقهر النساء الاخيرة بانه ممكن يقبض علينا وبالقانون وعنده مواد كثير ممكن تتناسب مع وضعنا
مثل التجمهر ... التسكع والتلكع .. الفوضى ...وغيرها ...
ان الاوان لان نتمعن موادالقانون وبدل ما كل يوم تظهر لينا مادة جديدة رايحة علينا
ويصدر قرار ونستغرب
فلنقف جميعا من الغاء قانون النظام العام
|
Post: #32
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: Nazik Eltayeb
Date: 12-27-2010, 11:08 PM
Parent: #27
يا جماعة كلام انور التكينة دا خلو ليه بالكم
وشوفو معاكم الفيديو القصير دا
http://www.youtube.com/watch?v=tY9BZw5o6Kw
تحياتي للجميع
|
Post: #33
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: Ahmed Osman
Date: 12-27-2010, 11:27 PM
Parent: #32
,اه منعتوا البوش ومنعتوا قبل ايام التمباك
اها الفضل لينا شنو عشان نقدر نعيش ونتعايش
مع واقعنا
والله ربنا يكون فى العون
|
Post: #35
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: sourketti
Date: 12-28-2010, 00:07 AM
Parent: #33
وماهى المصلحة العامة التى ستعود على الشعب المغلوب على أمره من مثل هذه القرارات ؟؟؟
عشان الفول بنوم جايز يكون تم إدراجه ضمن المخدرات !!!
أو لكثرة زباينه خاصة جماعات البوش حيكون دخل ضمن المهددات لأمن الوطن كسبب من أسباب التجمعات والتظاهرات وتبقى ازالة القدور مثل مطاردة البذور للخدمة العسكرية!! عشان مافى واحد تانى يمرق بره...
أو ربما لأن الناس تعودت عليهو كأداة رخيصة للشبع فكروا يشدو عليهم الحزام شويه حتى لا يفكروا بالخروج خارج الحلقه الضيقه(أكل وشراب وتراب وخراب و....)....
زمان فى الكليات العسكريه كانوا لا يتركون للطالب المستجد أى فرصة للراحه حتى يتبلد عقله ولا يفكر بحجة انه اذا ارتاح سيفكر واذا فكر سيقرر واذا قرر سيهرب ...
|
Post: #34
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: حسن النعمان
Date: 12-27-2010, 11:39 PM
Parent: #32
العزيز زهير لك التحيه
اخي الغرار واحد من اثنين يا المتعافي عنده صفقه فول مستورد
ياء معناها تجوعو بس بمعني تغشف او فجوه غذائه.ودي البدايه
|
Post: #36
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: صديق الموج
Date: 12-28-2010, 00:15 AM
Parent: #34
............
Quote: يا موج
لو كمان الحطب كان من طلح
الا تمشي تحج سبعه مرات طالبا المغفره |
وما تقول تلقى القدرة مقنقنه وملفلفة بشوال والقدرة
طبعا تقيله وراء والدخاخين مارقات من راسها وبالجنبات
لما يديها تكون مخلخله،بالظبط بتشبه المرة البتدخن.
فى الحقيقه حاجه تغرى بالنزق لوووووول..
ياجماعه انا حضرت لقاء مدير الجمارك قبل شهرين فى السفارة فى الرياض
قال نحن بنستورد 100% من الحبوب الزيتيه للمعاصر من كينيا...
و95% من الفول المستهلك من اثيوبيا يكون ماعندهم عمله صعبه ياربى؟؟
الدور الجاى على الكوارع الناس ديل جنهم وجن المفاتن مش الكوارع كرعين
مدنكلات والجماعه بكلام الرندوق بقو يقولو ماشين نرفع كوارع..
|
Post: #37
Title: Re: قرارأداري من محلية الخرطوم يمنع (شد) طبخ الفول أمام البقالات في الخرطوم والغرامةوالجلد ومصا
Author: أسامة البلال
Date: 12-28-2010, 00:32 AM
Parent: #36
Quote: القرار لم يمنع شد الفول و لكنه منع مبيت القدرة قدام الدكان ..
|
دي ما قدرت أفهما يا التكينة !! كنت مفتكر القرار مقصود منومنع تشوية العاصمة لكن بعد كلامك ياريت تورينا ليه ماعاوزين القدرة تبيت برة!! طيب لو كان في محرم (عشان نقطع لسان ناس ود الموج) برضو ممنوع تبيت برة. وليه بس قدور الخرطوم وسط باقي قدور المناطق التانية عندها حصانة!!
|
|