مسيرة الرابطة الشرعية للعلماء والدعاة في السودان

متحدث :
مسيرة قاصدة الى ان يكون القران دستور الامة..ويكون مصدر التشريع هوالقران
ولا تتبع اهواء الذين لا يعلمون(اية على ما اظن)
ياعمر البشير
لا تتبع اهواء الذين لايعلمون
دخل الدناقلة والمحس والحلفاويين والشلالية والفونج وجبال النوبة دخلو جميعا في الاسلام
واعتزوا بالاسلام وقاتلو جنبا الى جنب ضد الغزاة
لانريد غير الاسلام دينا
ونعتز بلغة العرب
وليخسا المارقون
قل موتوا بغيظكم
ولو ان اسود راسه ذبيبة حكمنا بالاسلام واطعنا
ولا عنصرية ...نضع الجاهلية تحت اقدامنا
ابي الاسلام لا اب لي سواه اذا افتخروا بقيس او تميم

اخوة الاسلام في ختام هذا اللقاء ان الواجب المتحتم على الغيورين والحادبين ان ينظروا بعمق لاقصى درجة بموضويعة في مالات هذا الوضع الحرج وان ينظرو لادارة الصراع بمنهجية واسلامية والله غالب على امره ولكن اكثر الناس لايعلمون
الله اكبر
الله اكبر
ولينصرن الله من ينصره

مجموعة من التكبيرات متتالية



متحدث اخر:
هذه امة السودان ترسل رسالة الى رئيس هذه البلاد البشير
لتقول لك يابشير
انتظرناك عشرين سنة في شوق الى الشريعة
يابشييير هاقد انفقصل الجنوب فما عذرك
عجل عجل بالشريعة

والناس خلفه تهتف:

يابشير عجل عجل بالاسلام
يابشير لاتكرر الخطا وتفتح الباب للعلمانين بمزايدات سياسية
لاتكرر يابشير الخطا مرة ثانية وتفتح الباب للعلمانين

لا نريدهم
لا فراشين ولا زبالين
الله اكبر
تكبيرات

الاسلام فوق رؤؤسنا
والعلمانية تحت اقدامنا

والحركة الشعبية تحت اقدامنا
الرسالة الى بني علمان
ونوجهها الى ياسر عرمان
اخسا اخسا ياعرمان
ان كنت تريد الشمال اهلا اهلا بالشميال
سيكون الشمال حميما
والله لن يهنا لك بال ولن يقر لك قرار الا اذا تبت الى الواحد القهار
اما اذا كنت تعبد الشيطان وامريكا والصليبية فليس لك سوى الحميم

لا سلام بلا اسلام
ولا اسلام بلا شريعة



شكر الله لكم سعيكم

انتهى النقل المباشر لقناة الجزيرة مباشر

ــــــــــ
اعلاه نقل ترانس كربت من خطبة كانت منقولة على قناة الجزيرة مباشر سمعتها قبل شوية .حاولت قدر الامكان اتابع بالنقل الكلام.. بس سرعة وانفعال المتحدثين كانت اسرع من الكتابة..غايتو ده القدرتا القطوا من الخطبة بدقة..
الخطبة كانت علنية وعلى رؤوس السيارات وفي جماعة مقيمة على الهواء الطلق.. ومؤلمة


ــــــــــــــــــــــــــــــــ





اصدقائي الذين اشتركت معهم في حب السودان طوال ثلاثين عاما خلت ..ومن اول يوم قتا فيهو نشيد العلم...
الامر لم يعد خمسة رجال على قمة النظام
فماذا نفعل مع هذه البلاد؟؟
..
بالجد ماقادر افهم كيف ينتج هذا البطن البطران مثل هؤلاء الناس
ومثل
URL]http://www.youtube.com/watch?v=VeqUuaYg1Pg&feature=related[/URL]


http://www.youtube.com/watch?v=NvJXfdAbEhY&feature=related

في ياتو حتة بالضبط اشترك منتج هذه الخطبة مع منتج هذه اللحن المجدد؟؟
في ياتو مقرر اتلاقى اصحاب الخطبة اعلاه مع هؤلاء العازفين والمغنين؟؟
كيف تكون هذه الفئة وتلك الفئة من نفس السماوات والارض؟!!
ـــــــــــــــــ
الجنوبيين ديل مرقوا بالاستفتاء
انحنا البمرقنا شنو؟؟

Quote: انحنا البمرقنا شنو؟؟

الروووووووووووووووب






__________________
حضرت منها 13 ثانية وشردت

ياعمران
انا اتخليتا الجماعة ديل حيطلعو يسبو لي البشير
لانه لك يطبق الشريعة طوال عشرين عاما خلت
فاذا به املا في البشير
الشبير القنعو منو الكفار..المسلم ده لسع عشمان فيهو؟؟

شوف جنس المحن دي؟؟

الاستاذ دكين شكرا علي هذا الجهد المقدر و الكبير
اشتريت اليوم صحف " الميدان" و " الاخبار" و " اجراس الحرية" و " الايام"
في هذه الصحف اليوم اشارات للفكرة التالية و هي
يتم ضرب السيدة مريم الصادق المهدي و عدد من قيادات حزب الامة بحجة ان المسيرة غير مرخص لها بالسير و ان المتجمهرين اربكوا حركة السير في حين ان مسيرة الهوس الديني المنطلقة من قلعة الهوس الديني في مسجد جامعة الخرطوم لم يتم اعتراضها رغم عدم توفر قاداتها علي ترخيص لا بل لقد سمحت لهم الشرطة بادارة مخاطبة في شارع الجامعة امام قاعة الشارقة، الغريب في الامر ان كلا المسيرتين حدثتا في يوم الجمعة الفائت. قدم التلفزيون الرسمي و الاذاعة القومية تغطية اخبارية عن مسيرة الهوس الديني في الخرطوم و لم يذكرا خبر ضرب بنت رئيس الوزراء السابق السيد الصادق المهدي ، معلوم أن ضرب السيدة مريم الصادق و بقية الانصار تم قريبا من مباني التلفزيون و الاذاعة.

هذه الجماعات المهووسة تعمل بالتنسيق مع الاجهزة الامنية الساهرة علي حماية النظام الخائف و المرتعب من هبة الشارع و هذا الامر قد اصبح واضحا و لا يحتاج الي دليل.
كل من تحدثت معهم من عمال المخبز المجاور و صاحب البقالة و الجيران كانوا يقولون " اليست الشريعة مطبقة اصلا منذ انقلاب الانقاذ "

طه جعفر

Quote: لا نريدهم لا فراشين ولا زبالين الله اكبر تكبيرات

ومالهم الفراشين والزبالين؟
ناس فى مهن شريفه بتعايبوا بيهم ناس مش عاوزنهم.......وكان مهنه الفراش والزبّال مزمه.....سبحن الله
هسه ده اسلام....وديل ناس خطاب اسلامى؟.................وس-خ و زباله
والله الفراش والزبّال اشرف منكم..



========
شكراً دكين

ثم دخلت سنة إحدى عشرة واربعمائة
كان كثير التلون في أفعاله وأحكامه وأقواله، جائراً،..... فكان قد أمر الرعية إذا ذكر الخطيب على المنبر اسمه أن يقوم الناس على أقدامهم صفوفاً... إعظاماً لذكره واحتراماً لاسمه، فعل ذلك في سائر ممالكه حتى في الحرمين الشريفين، وكان قد أمر أهل مصر على الخصوص إذا قاموا عند ذكره خروا سجداً له، حتى إنه ليسجد بسجودهم من في الأسواق من الرعاع وغيرهم، ممن كان لا يصلي الجمعة، وكانوا يتركون السجود لله في يوم الجمعة وغيره ويسجدون للحاكم، وأمر في وقت لأهل الكتابين بالدخول في دين الإسلام كرهاً، ثم أذن لهم في العود إلى دينهم، وخرب كنائسهم ثم عمرها، وخرب القمامة ثم أعادها، وابتنى المدارس‏.‏ ..وجعل فيها الفقهاء والمشايخ، ثم قتلهم وأخربها، وألزم الناس بغلق الأسواق نهاراً، وفتحها ليلاً، فامتثلوا ذلك دهراً طويلاً‏.‏
وأعاد الناس إلى أمرهم الأول، وكل هذا تغيير للرسوم، واختبار لطاعة العامة له، ليرقى في ذلك إلى ما هو أشر وأعظم منه‏.‏
وقد كان يعمل الحسبة بنفسه فكان يدور بنفسه في الأسواق على حمار له - وكان لا يركب إلا حماراً - فمن وجده قد غش في معيشة أمر عبد ا أسود معه يقال له‏:‏ مسعود، أن يفعل به الفاحشة العظمى، وهذا أمر منكر ملعون، لم يسبق إليه، وكان قد منع النساء من الخروج من منازلهن، وقطع شجر الأعناب حتى لا يتخذ الناس منها خمراً، ومنعهم من طبخ الملوخية، وأشياء من الرعونات التي من أحسنها منع النساء من الخروج، وكراهة الخمر‏.‏
وكانت العامة تبغضه كثيراً، ويكتبون له الأوراق بالشتيمة البالغة له ولأسلافه، في صورة قصص، فإذا قرأها ازداد غيظاً وحنقاً عليهم، حتى إن أهل مصر عملوا صورة امرأة من ورق بخفيها وإزارها، وفي يدها قصة من الشتم واللعن والمخالفة شيء كثير، فلما رآها ظنها امرأة، فذهب من ناحيتها وأخذ القصة من يدها فقرأها فرأى ما فيها، فأغضبه ذلك جداً، فأمر بقتل المرأة‏.‏
فلما تحققها من ورق ازداد غيظاً إلى غيظه، ثم لما وصل إلى القاهرة أمر السودان أن يذهبوا إلى مصر فيحرقوها وينهبوا ما فيها من الأموال والمتاع والحريم، فذهبوا فامتثلوا ما أمرهم به، فقاتلهم أهل مصر قتالاً شديداً، ثلاثة أيام، والنار تعمل في الدور والحريم‏.‏
وهو في كل يوم قبحه الله، يخرج فيقف من بعيد وينظر ويبكي ويقول‏:‏ من أمر هؤلاء العبيد بهذا ‏؟‏
وفيها اجتمع الناس في الجوامع ورفعوا المصاحف وصاروا إلى الله عز وجل، واستغاثوا به، فرق لهم الترك والمشارقة وانحازوا إليهم، وقاتلوا معهم عن حريمهم ودورهم، وتفاقم الحال جداً، ثم ركب الحاكم لعنه الله ففصل بين الفريقين، وكف العبيد عنهم، وكان يظهر التنصل مما فعله العبيد وأنهم ارتكبوا ذلك من غير علمه وإذنه، وكان ينفذ إليهم السلاح ويحثهم على ذلك في الباطن، وما انجلى الأمر حتى احترق من مصر نحو ثلثها، ونهب قريب من نصفها، وسبيت نساء وبنات كثيرة وفعل معهن الفواحش والمنكرات، حتى أن منهن من قتلت نفسها خوفاً من العار والفضيحة، واشترى الرجال منهم من سبي لهم من النساء والحريم‏.‏
ثم دخلت سنة اثنان وثلاثون واربعمائة والف
وفيها قام منادٍ في بلاد السودان يدعون الى انفصال البلاد وقد كانت موحدة لاشريك لها..
وكانت قد قامت حكومة الهبت ظهور العباد باسا ً وفتكت بحال السودان فتكاً.. واوردتهم موارد الهلاك..
وانشغل الناس بالمعاييش انشغالا شديداً.. وتمادى اهل السلطة في نقص عهودهم ومواثيقهم حتى باتوا كمحمود الكضاب لايؤمن لهم جانب ولايصدق لهم خبر..
وجلدت امراة في عاصمة البلاد فصارت تصرخ وتثتغيث وتتمرمط في الواضة الشايلة الجبال..
ثم ان جماعة من الرجال على قارعة الطريق استعاذت بالله واثنت عليه ثم خطبت في جميع غير غفير ودعت الى تحكيم شرع الله على كافة اهل السودان
كافرهم ومسلمهم وعلى من لادين له..
وازبدت وانفعلت وتطاير منهم العرق واللعاب في انفعال شديد..حتى حسبهم الناس انهم من التابعين او من تابعي التابعين وقد تفتقت عنهم حجب الزمان وسدف الغيب..
وفيها...

دي العهود المظلمة ياطه..الانحطاط..
عشان بعدين يكون في تاريخ يتكتب فيهو"وعانى الناس عهدا منحطا ومظلما منع فيه خروج النساء ومنعت زراعة الجرجير والبلح حتى لايجد الناس مايعصرون به المرايس"

انا قايل روحي السنين دي كلها اب تو ديت
فاذا بي اراني برغراف في فصل لي ابن كثير...



انحنا فرسهتنا الانقاذ فما عدنا سوى صفحات من كتاب يعج بالظلمات..

دكين امبس اريس اقروس كتي


قالوا لغة البلد حتكون العربي بعد كدا ، غايتو الحمد لله ناس هيتي ما حضرو اليوم دا و لا كان حيقطعوا ليهم لسانهم من خلاف

يازكريا

شفتا كمية الخطر الممكن تحيق باهلنا في السودان جراء هذه الذهنيات..
دي مجموعة موتورة ماكلة باسطة
يعني حتطلع باقي الدين الفينا..ولابتعبو.. ندقا ونتركب ونحمد الله حمدا كثير ونثنى عليه..

دكين دى بلدنا وده ربنا ودى حكمته
عاجبك عاجبك ماعاجبك سوق معاك حمد فتح الرحمن وارجع
لدنقلا العجوز غير ماسوفا عليكما...
سوف لن يترك على ظهرها رطانيا...
بس اصبرو ليه يخلص من ناس دارفور ويقبل عليكم
حدودكم معروفه انتو ولا بتاخدو منه وقت
يقطع ليكم ارضكم دى ويجدعها ليكم فى وشكم ونطلع نحن مظاهرات فى الخرطوم
نركب بكاسى ومايكرفون ابو حجار
ونهتف ونقول هى لله هى لله لادناقله يا رسول الله
شفت فى راس السنه ابونا البشير بيمطرنا بالهداية كيف؟؟
تقول لى بابا نويل...
عاش الرخيص عاش الرخيص،،،،

ود الموج

انا كنتا عايز اقول ليكم
انتو من المؤسف انو انا اعلن ليكم ونيابة عن كافة النوبيين دناقلة محس سكوت وحلفاويين وكنوز ومناصير (المناصير) ديل اخدوا النوبية الفخرية من عندي انا..
كنتا عايز اقول ليكم واعلن ليكم وبكل اسف ونيابة عن كل سكان البلاد الاصليين ونيابة عن حمد اخوي
انو ضيفاتكم في البلد دي انتهت خلاص..
كفاية لحدي هنا ياعرب..
كفاية..
طلعتو ايمان زنوجتنا وعجميتنا..استكناح وتعريب ووصاية ورعي وجمال وابل واشياء لاتلزمنا ولم نكن في حاجة اليها..
هريتونا هري ياعرب..
فكو دربنا وجعتو قلبنا ياموج ياخي..


نار الله والرِجل الغريبة
نحن البلاد الشاكية جرحها للصديد
جاتنا القوافل بالضجيج
جرتنا من حلبة رقيص
ورتنا كيف صلبوا المسيح
ورتنا كيف كتلوا الحسين
وبكينا أكتر منها
ساقتنا فى الآخر .. عبيد
مين يشترينى من الملوك
الخايدة فى الدم القديم

Quote: بسم الله الرحمن الرحيم عهد من الأمير عبد الله بن سعد بن أبي سرح لعظيم النوبة ولجميع أهل مملكته عهد عقده على الكبير والصغير من النوبة من حدّ أرض أسوان إلى حدّ أرض علوة أنّ عبد الله ابن سعد جعل لهم أمانًا وهدنةً جارية بينهم وبين المسلمين ممن جاورهم من أهل صعيد مصر وغيرهم من المسلمين وأهل الذمّة إنكم معاشر النوبة آمنون بأمان الله وأمان رسوله محمد النبيّ صلى الله عليه وسلم أن لا نحاربكم ولا ننصب لكم حربًا ولا نغزوكم ما أقمتم على الشرائط التي بيننا وبينكم على أن تدخلوا بلدنا مجتازين غير مقيمين فيه وندخل بلدكم مجتازين غير مقيمين فيه وعليكم حفظ من نزل بلدكم أو يطرقه من مسلم أو معاهد حتى يخرج عنكما وإنّ عليكم ردّ كل آبق خرج إليكم من عبيد المسلمين حتى تردّوه إلى أرض الإسلام ولا تستولوا عليه ولا تمنعوا منه ولا تتعرّضوا لمسلم قصده وحاوره إلى أن ينصرف عنه وعليكم حفظ المسجد الذي ابتناه المسلمون بفناء مدينتكم ولا تمنعوا منه مُصليًا وعليكم كنسه وإسراجه وتكرمته وعليكم في كل سنة ثلثمائة وستون رأسًا تدفعونها إلى إمام المسلمين من أوسط رقيق بلادكم غير المعيب يكون فيها ذكران وإناث ليس فيها شيخ هرم ولا عجوز ولا طفل لم يبلغ الحلم تدفعون ذلك إلى والي أسوان وليس على مسلم دفع عدوّ عرض لكم ولا منعه عنكم من حدّ أرض علوة إلى أرض أسوان فإن أنتم آويتم عبد المسلم أو قتلتم مسلمًا أو معاهدًا أو تعرّضتم للمسجد الذي ابتناه المسلمون بفناء مدينتكم بهدم أو منعتم شيئًا من الثلثمائة رأس والستين رأسًا فقد برئت منكم هذه الهدنة والأمان وعدنا نحن وأنتم على سواء حتى يحكم الله بيننا وهو خير الحاكمين علينا بذلك عهد الله وميثاقه وذمّته وذمّة رسوله محمد صلى الله عليه وسلم ولنا عليكم بذلك أعظم ما تدينون به من ذمّة المسيح وذمّة الحواريين وذمّة من تعظمونه من أهل دينكم وملتكم الله الشاهد بيننا وبينكم على ذلك. كتبه عمرو بن شرحبيل في رمضان سنة إحدى وثلاثين. ====================================

من موقع لآلي

Quote: امبس اريس اقروس كتي

ود الموج خليك شاهد
حمد فتح الرحمن يقول لدكين
اسرع اقطع راس الريس

امانه ما اتمقلبنا نحن
غايتوا ناس البشير ما برسوها علي البر ابدا
اسع لو اتفقوا علينا ناس امبس اقروس كتي ديل
مش حقنا راح يا ود الموج

Quote: ود الموج خليك شاهد حمد فتح الرحمن يقول لدكين اسرع اقطع راس الريس

خالتى دوما سلام...
يازوله سارتانا لايرحم كان رجال بعد كلامهم ده يمشوا السودان..
كان نحن اسيادها الرئيس قال شوفو ليكم بلد خلى الرطانه ديل؟؟
غايتو اهلنا مقلبونا مقلب السواد
قالو جدهم العباس..
اها نمشى وين يعنى؟
يسقط الناطقين بغيرها..
يسقط حمد فتح الرحمن وعماد عبدالله ودكين الوغد..
ويحكم وخسئتم يا هولاء...
خالتى دوما تشاد كيف معاك؟؟
خلينى امشى على سفارتهم من الصباح اقول ليهم
بتقبلو باقى دلاقين السودان والا عندكم راى؟
مخير الله ياخاله،،،

السنا جزءاً من تلكم البلاد؟؟
يعني لازم ادفع تمن ميلادي في دنقلا كل هذه المسبغة طوال ستة وتلتين سنة..
الاني ولدت في دنقلا لازم يعني اخضع لهذه الادمغة التي تحكمنا؟؟
ماهو الالزام الذي يجعلني اكون في منظومة حاكم ومحكوم مع الجماعة ديل..
انا لو قتا ماداير البحصل شنو؟؟
لوابيت..
ماداير ياخ معاكم..
انا عندي ملك حر في مكان ما في هذه البلاد..
عايز انفرد بيها وفق شريعة ارتضيها..
قبل ان نتلما وفق حدود 56 كنا في امان الله..
الان خرجنا من امان الله الى امان جماعة فوضت نفسها بسم الله الرحمن الرحيم..

كنا مسلمين لنا الدين نحيا ونموت عليها..
نحيا ونزرع وناكل ونسف الصعوط ونشرب ماتيسر من الدكاي ونخرا ونركب المراكب وبنتاجر في البلح..ونموت باذن الله راضين بقسمتنا من الحياة وقسمتا في الاجل المحتوم..
فما الذي تبدل ..

كل يوم تلد لينا البلاد مختلين ونفساييين ومهاويس..
الا يحق لنا ان نتمتع بارضها وسمائها ونيلها ..
شنو البخليكم تفرضو ما لا اراه مناسباً..
كم نفر انتو عشان تحكموا ماترونه مناسبا على كم نفر اخرين قد لايرونه كذلك..
ما الامتياز الذي في جثامينكم..ما الامتياز الذي تجدونه عليكم ولا ترونه فينا..

انحنا ماقرينا ياخي ذي ما انتو قريتو..
وقنا نشيد العلم ده معاكم في جماعة ..
ومشينا على ظهر هذه الارض مثلما مشيتم
سقينا وسقيتم.. زرعنا وزرعتم..
صليتم وصلينا..
وفتحنا بيوت ذي مافتحتم
انجبتم وانجبنا
اضلعتم على عورات النساء واضعلنا..
مجنحين انتو؟!!
اليس الله مرجعنا ومرجعكم؟؟
خلاص ياخي دعونا لله يفعل بنا مايشاء يوم حسابه..
بس هسي مايوم حسابه.. ولاتستقيم وصايتكم علينا في هذا الوقت من الدنيا..
لم ينفخ بعد في الصور.. ولو نفخ ذاتو انتو ما حتكونوا جلادين لنا يوم النفخ..
انتو زيكم زينا
رجلين ويدين وراس وينبت الشعر على اجسادنا وتصيبنا الملاريا والاسهالات والطراش ونستمني ونغتسل وكلانا لانرى في الظلام الحالك..
نفس البنية ونفس الراس والقدرة على البصر..
كيف ترون ان راياً رايتموه هو الصواب؟؟
اين التفويض الالهي الذي بيد يديكم وقد مات الرسول الكريم مكملا رسالته قبل الف عام مضت؟؟

ياخي على المستوى البسيط
كلانا قد يقاتل الاخر وجها لوجه ويستعر الضرب والدواس

يعني ممكن نقع في الواضة الاتنين سوا ونخربش بعض
الا يعني ذلك لكم شيئا؟؟
الا تعني لك قابليتك للخربشة مثلا انو انتا زول عادي..
ليه ياخ بتكورك قدر ده في شي لايخصك وحدك وانتا زول عادي زيك زينا؟!!!

Quote: خالتى دوما تشاد كيف معاك؟؟

لووووول والله لغه فرنساوي خالتك دومه ما تعرف اخير نمش لندن
امانه ما اتمقلبنا

سعال انتوا دكين دا مالوا فاير ومندلق ؟؟
مالك يا ولد ؟؟ لو داير تتخارج طوالي ندق ليك خروج
عايز تقيم مملكه دنقلا العجوز الاسلاميه نشد من ازركم
رعيسنا قال العربيه الاسلاميه
وووصال المهدي ذاتها قالت نغير اسم السودان دا

دوما
عليك امان الله بارينا سماحتكم دي لامن ودرنا ياعرب..
جيتونا بي الوانكم السمحة دي ولسانكم الفصيح وهوادجكم الفخيمة دي ايام كنا راضين بقسمتنا من بناتنا..
ودرنا ورا السماحة
صحي البباري النسوان بمرق بلا بلد..


قودنتاخت.. بلا ياخدك

كوت/ قالوا لغة البلد حتكون العربي بعد كدا ، غايتو الحمد لله ناس هيتي ما حضرو اليوم دا و لا كان حيقطعوا ليهم لسانهم من خلاف/نهاية كوت
حمد امبس

هايتي هنية يامعلم..
زينب كنة دي نخارجا كيفن من عاصمة العرب؟

يا دكو يا اخي الحقيقه انه القبايل الناطقه بالعربيه فقط هي الطلعت ملوص
اسع انت تتلم مع حمد فتح الرحمن والطاهر ساتي دا تتامروا علي انا وود الموج
ونحن متل ديك ام الحسن يكشنو في بصلتو وهو يعوعي

ثكلتك كلتوس يا هذا
أرفع قلمك عن هؤلاء
لوترجلوا من فارهاتهم وملأوا بطونهم بما لذ وطاب وضاجعوا المثنى والثلاث والرباع ثم رفعوا عليك الدعاء : بيغطسوا حجرك







...........
جاهز لإستقبال وفد المقدمة ولا يفتح الله ؟

Quote: اليس الله مرجعنا ومرجعكم؟؟ خلاص ياخي دعونا لله يفعل بنا مايشاء يوم حسابه.. بس هسي مايوم حسابه.. ولاتستقيم وصايتكم علينا في هذا الوقت من الدنيا..

اخير ا يا دكو وقع ليك كلامي ؟!!

دوما يا اختاه..
تبا لدكين هذا ..
خبريه ان لم يكفء عن ما يبديه سوف اعلوه بسيفى
اين القعقاع يا اخت الشمخمخ..
مالى ارى هولاء العجم يستنكفون افعالنا..
ان لم يعجبهم الحال فليرحلون الى القولد
من اعمال دنقلا...
دوما الليله ووووووووب
على راى بت الشيخ،،،

الطاهر امبس
اعمل حسابك وامسك عليك لجام قلمك ..ولا تضعن رقبتك في شأن يمرق بعد كم سنة شان عربي بحت ولا ناقة لنا فيه ولا تيس..



ويازول ان مد الله في الاعمار ..راجنك انتا والاميرة وامهم تشرفنا وتشد من آزرنا امام حسان العرب