Post: #1
Title: كل شئ في .. المافي شنو يا حنين ..!؟
Author: قيقراوي
Date: 12-25-2010, 09:41 AM
Parent: #0
سلام .. وسلام
|
Post: #2
Title: Re: كل شئ في .. المافي شنو يا حنين ..!؟
Author: قيقراوي
Date: 12-25-2010, 09:55 AM
Parent: #1
مصدر الصورة : منبر نوبة اون لاين
قمت باقتطاع هذا الجزء منها
|
Post: #3
Title: Re: كل شئ في .. المافي شنو يا حنين ..!؟
Author: بدر الدين احمد موسى
Date: 12-25-2010, 10:02 AM
Parent: #2
صاحبي زمان قيقراوي
ازيك
وينك انت مالك انقطعت من "بوستاتنا", بقيت مسغف ولا شنو يعني?
تحياتي
|
Post: #4
Title: Re: كل شئ في .. المافي شنو يا حنين ..!؟
Author: قيقراوي
Date: 12-25-2010, 10:13 AM
Parent: #3
بدرنا الذي في السماء
| Quote: وينك انت مالك انقطعت من "بوستاتنا", بقيت مسغف ولا شنو يعني? |
تهمة لا انكرها و شرف اصلبط فيهو عديل 
يا زول انت الوينك ؟
و الله مشتهي بوستاتكم عديييل
لكن دعاها ( ساكت )
اخوك مكروب و مزانق شديد
دا هدف البوست دا بالضبط
تواصل مع احبة تقطعت بنا سبل الوصال معاهم
و ( سلام .. و سلام ) ... الاستهلالية دي ورد في تفسيرها انو الاولى تحية و التانية حالة بتمناها للبلد و لي و ليكم كلكم
دم بخير يا زول يا راقي يا زين
و خلينا نتواصل ...
ورد في الاثر " البعزك ببقى فاكرك رغم حرمان الظروف .. و البودك دا البواصلك حتى لو كان بالحروف "
دا أثر الـ " SMS "
او قول تأثيروا المباشر على ذاكرة واحد قيقا ( ساي )
سبب التعديل :
حقوق النجر في " سلام .. و سلام " محفوظة للصديقة سناء خالد
بقينا نخاف من " ياهو .. ياهو " الاسفيرية الحايمة اليومين ديل
|
Post: #5
Title: Re: كل شئ في .. المافي شنو يا حنين ..!؟
Author: Ashraf el-Halabi
Date: 12-25-2010, 10:13 AM
Parent: #3
منور يا قيقا
عمك عمل لينا شنو في موضوع ميسون؟
|
Post: #7
Title: Re: كل شئ في .. المافي شنو يا حنين ..!؟
Author: GamarBoBa
Date: 12-25-2010, 10:30 AM
Parent: #5
يا قيقا
ياخي بالغت
انا شفت العنوان اتذكرت البقالة دي...
اجي القاك خاتيها بجاي؟؟
كيفنك يا مان الزنقة حاصلة والله اتمناك طيب يا حبيب
Quote: سألنا صاحب بقاله هذا الشهيد
عندك بنادول
لا مافي
في ولاعات
لا مافي
عندك موية باردة
لا مافي
طيب ياخي شنو المافي شنو
...
منها تحركنا لكبري السليم... |
|
Post: #14
Title: Re: كل شئ في .. المافي شنو يا حنين ..!؟
Author: قيقراوي
Date: 12-25-2010, 12:35 PM
Parent: #7
بوبا يا قمرنا المنير
Quote: يا قيقا
ياخي بالغت
انا شفت العنوان اتذكرت البقالة دي...
اجي القاك خاتيها بجاي؟؟
كيفنك يا مان الزنقة حاصلة والله اتمناك طيب يا حبيب |
مش اتوقعتك بس كنت منتظرك عديل
إلا يشركوا ليكم كدا
-------------
بتاع البقالة بالغ لكن !؟
|
Post: #9
Title: Re: كل شئ في .. المافي شنو يا حنين ..!؟
Author: قيقراوي
Date: 12-25-2010, 11:45 AM
Parent: #5
الشرف الحبيب
يا هالا بيك يا هالابي
Quote: منور يا قيقا
عمك عمل لينا شنو في موضوع ميسون؟ |
و الله سيد الفنايل ابى كلو كلو يدينا فنيلة ليها !!?
سيد الكورة هنا ( غير المسكوت عليه ) فقلنا نشيل كورتنا و نفرتق ...
انقر اشتغل بي !؟
حيرنا رسمي ابلصعة دا
امكن عشان انا الطلبت الباسوورد ... يا ربي !؟
اصحابا هنا كتااااااااار طيب !! ... لكن ليه عملوا نايمين ؟
ذات إز وييييييييييرد !!!
--------------
تتذكر قبل كدا هددتكم بأني ماشي سودان الجميع حيث حبيبنا حسن موسى و حسن اولئك رفيقا ؟
انقر ما طلبوا يدي للكتابة معاهم ؟
لكن اخوك لما لقاهم كباااااار ... اعتذر بإنو عاوز يكمل تعليمو
بي هنا ...
تعليم الحلاقة في روسين اليتامى الهنا ديل ...
لكن حظي كدقيق ... اللخ اللخ
هنا كلهم صلع ساااااااي !!!
كان سيد اللبن كان الخال دسم - ما فيهو كدا كلو كلو - هو السغير فيهم - ود الاخت المعلوف بامباز غزاتنا - صلعتو تلخم بلد و ثيل تضوي
هوي ي ي ي ( جصت كدينغ )
و الله راسلتهم - جادي - لكن انقر اشتغلوا بي ؟
اظنهم رفدوني قبل ما يقبلوى طلبي ذاتو !!؟
دي تكون اسرع رفدة من بي غادي ذاتو
مشتاقون يا هلبي و الله و منور بجاي
|
Post: #6
Title: Re: كل شئ في .. المافي شنو يا حنين ..!؟
Author: Siham Elmugammar
Date: 12-25-2010, 10:25 AM
Parent: #3
يا قيقراوى تحايا وسلامات
الصحيح
كل شىء مافى ..الفى شنو يا وجيع..!؟
__________________________
احوالك؟؟؟ انشالله بخير
|
Post: #15
Title: Re: كل شئ في .. المافي شنو يا حنين ..!؟
Author: قيقراوي
Date: 12-25-2010, 01:19 PM
Parent: #6
ازيك يا سهام
Quote: يا قيقراوى تحايا وسلامات
الصحيح
كل شىء مافى ..الفى شنو يا وجيع..!؟
__________________________
احوالك؟؟؟ انشالله بخير |
صدقت و انا بتكلم ( ساااااااكت )
انا عامل زي بتاع البقالة دا :
Quote: سألنا صاحب بقاله هذا الشهيد
عندك بنادول
لا مافي
في ولاعات
لا مافي
عندك موية باردة
لا مافي
طيب ياخي شنو المافي شنو
... |
ياخ انت و قمرنا دا ما بتريحوا كلو كلو
ما تخلونا نفتح لينا بقالة اسفيرية هنا ياخ
---------
مشتاقين ياخ و الله
اها ( زوجك )* محسي لقى بورد من لا بورد لهو دا كيف ؟
هل وجد ما وعدنا سيدنا بكري حقا ؟
شايف عصام كسر الله حرقتو دي و كان بسأل عن محسي صديقو
|
Post: #8
Title: Re: كل شئ في .. المافي شنو يا حنين ..!؟
Author: Sidig Rahama Elnour
Date: 12-25-2010, 10:36 AM
Parent: #1
قيقا يا حبيب
سلام ومحبة
كل شي في زي ما قلتا إلا الوقت ،،، فبالله لو ما عندكـ زمن تاني ما تفتح بوست عشان أساسي ما يطلعكـ مقلوب 10 /صفر ههههه
بالمناسبة (حسب متابعتي الخجولة) في البوست داكـ أكتشفت انو أساسي دا حكم غير عادل زي (لاراش) لانو مفروض يطلعكـ مقلوب 29/ صفر
|
Post: #10
Title: Re: كل شئ في .. المافي شنو يا حنين ..!؟
Author: سارة علي
Date: 12-25-2010, 11:52 AM
Parent: #8
سلام......وسلام
ليك وسلام شدددددديد لسناء خالد مشتاقين ليها
وسلام لاماني الأمين لانها حتمر بي جاي .... صحي والله(الكلمة دي عاجبباني عجب)
|
Post: #18
Title: Re: كل شئ في .. المافي شنو يا حنين ..!؟
Author: قيقراوي
Date: 12-25-2010, 03:45 PM
Parent: #10
سارة السارة
مشتاقين عديل و الله
وين الناس ؟
Quote: سلام......وسلام
ليك وسلام شدددددديد لسناء خالد مشتاقين ليها |
صورة مع التحية و الاحترام لاختي الكبيرة سناء 
|
Post: #11
Title: Re: كل شئ في .. المافي شنو يا حنين ..!؟
Author: اساسي
Date: 12-25-2010, 11:54 AM
Parent: #8
| Quote: بالمناسبة (حسب متابعتي الخجولة) في البوست داكـ أكتشفت انو أساسي دا حكم غير عادل زي (لاراش) لانو مفروض يطلعكـ مقلوب 29/ صفر |
دا كله يا فايز من يوم تابعتك وانا زمتي واسعة وبقي ما عندي مبادئي ولا مثل ولا قيم
اخونا قيقراوي حاولنا نقيف معاهو في النتيجة ونأذره بتنصلنا من الحقيقة طلعنا حكامات
لو الواحد قال الحقيقة ما عارف كان نادى لينا قدوقدو ولا استقدم لينا اليوناميد !!
|
Post: #13
Title: Re: كل شئ في .. المافي شنو يا حنين ..!؟
Author: اساسي
Date: 12-25-2010, 11:57 AM
Parent: #11
بالمناسبة مشتاقين يا صديق وقيقا
|
Post: #19
Title: Re: كل شئ في .. المافي شنو يا حنين ..!؟
Author: قيقراوي
Date: 12-25-2010, 04:16 PM
Parent: #11
Quote:
اخونا قيقراوي حاولنا نقيف معاهو في النتيجة ونأذره بتنصلنا من الحقيقة طلعنا حكامات
لو الواحد قال الحقيقة ما عارف كان نادى لينا قدوقدو ولا استقدم لينا اليوناميد !! |
يا اسئس ياخ ما فهمتني بهناك انت
القصة انو حبيبنا عادل دا زي البيبسي .. يشرب بارداً
هذا وإلا ...
يا طار ليك في وشك و اتبليت * اوناطة ساي !! .. يا كمان ما استفدت شئ ... و راحت الغنم بالعطية
انت ما سمعت بقصة مريم ذخيرة - للأمانة انا حملت اللقب دا بره من الزمن - يحكى انها كانت حكامة و مستقرة مع قبيلة - لاحظ انها ما تبع القبيلة دي . الحتة دي مهمة للحبكة الدرامية و قيل الدراماتيكية لروايتي دي - المهم اذا بقبيلة تانية غير الاولانية ديك كتلت من القبيلة الاولانية شاب. اها قومي انت يا مريم ذخيرة جلدي يدك - عملت جلد في يدها زي العنقريب بالضبط !! يعني حرّمت الاكل و الشراب رسمي ... اي و الله - إلا يجيبوا تار المغدور !! .. شفت ليك جنس كلام !!؟
و قامت الحرب و قتل من قتل و فر من فر ...
تعرف لمن وقع الصلح عملوا شنو ( القبيلتين مع بعض الاولانية و الما اولانية برضو
حكموا بشنق مريم ذخيرة في اللول ... و بالنسبة لقتلاهم عملوا تسويات ديات
شفت كيف ؟
Quote: دا كله يا فايز من يوم تابعتك وانا زمتي واسعة وبقي ما عندي مبادئي ولا مثل ولا قيم
!! |
فايز آل القاضي دا الذ زول ياخ
مرة فاتح ليهو بوست آل ايه ؟ عاوز ابصلعة يبطل شغلتو كولها من احتطاب بندويث و يجي يعمل ليهو ايقونة ( مسروق )
الذ رد قريتو في منبر من لا بنبر لهو دا كان ردو لمنو ما عارفو قال آيه : " دخول الاذكياء هنا بصعّب علي مهمة ادارتو "
لووووووووول يا قاضي
دا حكم اعدام على باقي الما اذكياء المرحب بيهم في بوستك يا عمك !!؟
اها وينك يا حكم انت ؟ .... دا ما بلنتي عديل ؟
يستحق الطرد و ايقاف من الملاعب سنتين تلاتة ياخ
--------------
* الزول غاوي البل المجاني و قيل للشهرة دا الخال ياخ !! ما انا ... ما تلخبت
|
Post: #12
Title: Re: كل شئ في .. المافي شنو يا حنين ..!؟
Author: Ashraf el-Halabi
Date: 12-25-2010, 11:57 AM
Parent: #8
سعادتك أكتر زول بيتعبني لما أجي أكوِّت لي حتة من مداخلته
تشيل شنو وتخلي شنو!
"المافي شنو؟"
Quote: لكن اخوك لما لقاهم كباااااار ... اعتذر بإنو عاوز يكمل تعليمو
بي هنا ...
تعليم الحلاقة في روسين اليتامى الهنا ديل ... |
اليتامى أولاد الناس ديك!!
ياخ احنا بوست الجلد أب قفة مشى فوق راسنا
تقول لي روسين اليتامى
يا مان لم موسك عليك
شعراية ما فضلت فينا
|
Post: #16
Title: Re: كل شئ في .. المافي شنو يا حنين ..!؟
Author: ياسر بيناوي
Date: 12-25-2010, 01:26 PM
Parent: #12
| Quote: كل شئ في .. المافي شنو يا حنين ..!؟ |
ياقيقا والله المافي انت دا بس
ياخ مشتاقين شوق مدغمس
خالص الود
|
Post: #22
Title: Re: كل شئ في .. المافي شنو يا حنين ..!؟
Author: قيقراوي
Date: 12-26-2010, 10:46 AM
Parent: #16
Quote: ياقيقا والله المافي انت دا بس
ياخ مشتاقين شوق مدغمس
خالص الود |
اولن ...
الود خالص دمغة و ضريبة ... و لّ كملان عديل !؟
الود ياتو قديم و لّ جديد ؟
حدد بلاش دغمسة معاك
سم سانين - وكان في نقطته التالتة، و التالتة واقعة ! - مبروك الدولة الاسلامية العربية في شمال السودان
تستاهلو و الله
المافي شنو !؟
قلنا ليكم نكسب زمنا ؟ ... نكسب وطنا ؟
و لا اشتغلتو بينا
عديتوها ذهول ( ساي ) !!
مبروك الاستقلال لشعب جنوب السودان ...
خلونا ننظر للمسألة بإيجابية - على سبيل التغيير ساي - و نرى النصف الممتلء من الكوب
و عقبالكم لو كنتو جادين ... او كان بتفرق معاكم الحرية من عدما
المافي شنو !؟
انا في و الله يا الحبيب
بس موجوع و مصاب بعيد عنك
بعيد من الملاعب لداعي الاصابة
اصابتني هاء السكت مرة واحدة
حاجة غريبة - vـري ويييييييرد !!! - انتبهت ليها اسي بس .. سبحان الله !؟
الوجود بقى بالقدرة على الكلام ؟
او قول الكلام المكتوب ؟
انا اكتب اذن انا موجود ؟
و كتلة اللحم دي وجودا من عدما وااااحد ؟
كان كدا راحت علينا !!؟
لي فترة ما عارف اكتب شنو؟
اذن انا غير موجود
و لّ شنو ؟
كل الود
في حال سألتا ؟
قديمو و جديد و وردي ذات نفسو
ابقى واصل يا حبيب
|
Post: #17
Title: Re: كل شئ في .. المافي شنو يا حنين ..!؟
Author: قيقراوي
Date: 12-25-2010, 01:50 PM
Parent: #8
صديق رحمة
وينك يا الحبيب
اما بعد
Quote: قيقا يا حبيب
سلام ومحبة
كل شي في زي ما قلتا إلا الوقت ،،، فبالله لو ما عندكـ زمن تاني ما تفتح بوست عشان أساسي ما يطلعكـ مقلوب 10 /صفر ههههه
بالمناسبة (حسب متابعتي الخجولة) في البوست داكـ أكتشفت انو أساسي دا حكم غير عادل زي (لاراش) لانو مفروض يطلعكـ مقلوب 29/ صفر
|
الكورة غالب و مغلوب يا مان
كعب غراق الذمة بس
يبدو انو متابعتك خجولة جد جد
يا زول انت ما سمعت قول الشاعر
خاضوا اللهيب و شتتوا كتل الغزاة الباغية
و النهر يطفح بالضحايا ... اللخ اللخ !!
يا للهول !! رسمي و شعبي
انا المحيرني الزول دا الفرحان ليها شنو ؟
الضحايا ديل تبعنا ... هو مشجع منو ما معروف !؟
كان يسميهم شهداء و يبقى على ثيمة او قول قيمة " الفداء " !!؟؟
و الله انا زعلان من الشاعر دا و من وردي ذاتو الخلوني اتفق مع سحس عدييييييييل !!!
الفكرة ساي ضرستني
ايييييييييييه !!
دنيا !!؟؟؟
يا حبيب آخرتا كوم تراب ! ما زي ما فاكرنها الجماعة آخرتا ضوط كوم !!؟
اسي الزول الجميل الفي بروفايلك دا وين ؟
لاقيتو مرة واحدة معاكم يوم اللقاء الوحدوي ( سودانيز ضوط كوم - كسلا )
صدق ابتسامتو و خفة ظلو حافرة عميقاً ...
ربنا يرحمو و يبشبش الطوبة التحت راسو
و قديماً قيل :
خفف الوطء خليلي هاهنا قبر سليلي ...
لكن من يعي ؟
---------
مشتاقون يا جار
شنو منقطع النظير ؟
|
Post: #20
Title: Re: كل شئ في .. المافي شنو يا حنين ..!؟
Author: Amany Elamin
Date: 12-26-2010, 07:28 AM
Parent: #17
الشرك قبض
السلام عليكم ورحمة الله تعالي وبركاته ,,,
|
Post: #21
Title: Re: كل شئ في .. المافي شنو يا حنين ..!؟
Author: Amany Elamin
Date: 12-26-2010, 08:00 AM
Parent: #20
سلام وخبر ووداع:
السلام لقيقا وساره ,,,
| Quote: وسلام لاماني الأمين لانها حتمر بي جاي .... صحي والله |
تحيه كبيره لساره علي لأنها إتنبأت بإنه الشرك حيقبض .. والله صحي
ولقيقا والعيال وأمهم, سلام .. وسلام..
ومعايده كمان بالسنه الجديده,
سنة خير علي الجميع يارب,
وربنا يكفينا الشر المحدق بالوطن ويحمينا أجمعين.. اَمين ..
الخبر بخصوص المذكوره برضو بواسطة ساره الشاطره :
Quote: سلام......وسلام
ليك وسلام شدددددديد لسناء خالد مشتاقين ليها |
أحسن خبر حصل, اننا وفي خواتيم 2010 اتقابلنا .. واتقالدنا ,, وإتسالمنا ..
هذا وانها في عهدتي حاليا والعاقبه عندكم في المسرات :)
الوداع:
لأني وفي خواتيم 2010 أعلن انه 2011 سنه لا بورد فيها إنشاء الله :)
وبورد من لاموضوع له ده ما في خططتنا السنويه القادمه :)
وتلك خطه مقرره منذ شهور طوال وقد اَن وقت تنفيذها وإني لصاحبتها :)
بنتلاقي قدام لو ربنا مد في الاَجال,,
مع تمنياتي لكم بإنفصال سلمي للوطن,
أو وحده غير متوقعه, أو أي حركه علي شكل سوربرايز كده !!!!!!
أيهما أقرب للأحلام ..
--
إحتمال تلقوني حايمه معاكم في البورد لغاية راس السنه إنشاء الله, ماشي؟
|
Post: #23
Title: Re: كل شئ في .. المافي شنو يا حنين ..!؟
Author: قيقراوي
Date: 12-27-2010, 08:57 AM
Parent: #21
اماني الامين يا فردة
كيفك و كيف كيفك ؟
و الله العظيم مشتاقين
اما قبل
مداخلتك دي مؤلمة ياخ
و اشد ائلاماً الحتة دي ( الخبر ) :
| Quote: أحسن خبر حصل, اننا وفي خواتيم 2010 اتقابلنا .. واتقالدنا ,, وإتسالمنا .. |
ياخ سلامي الشديد لستهن بعد ما بقن ستة هن، و صاحبة السلام، المبدوء بالسلام و مختوم بالسلام ( سلام .. و سلام )
و لخالد، و للعيال عدد واحد ( V ) على قدر الجماعة
يا اماني ياخ البقالة دي انا هنا لبيع منتجات بقت عزيزة و ما متوفرة في السوق اليومين ديل :
علينا جاي يااااا .. نبيع :
الأمل
الفال
الصبر
اخاء
و محبة
و سلام
عمرنا كلو عديناهو يبيعوا لينا في ( الوهم ) ... و نحنا صدقنا للأسف،
اها اسي المخزون اوفرلوود ... و ضاقت رامات الذاكرة ... واحد قيقا بعد كدا ما بتكفي للإحتمال
قلنا نبيع شوية من الاستوك ...
هذا و إلا اخر العلاج ( الفرمتة ) ... و سيت أب جديدة
و سيه جديد ... المافي شنو !؟
برجع ليك يا فردة ... بس نمشي الزبون القدامي دا
لكن مبدئياً كدا، انت عارفة انو عقوبة ( الهروب ) من المعركة شنو !؟
يا مجند اماني الموقع البتخليهو بكسب ( العدو ) اراضي جديدة ... واخدة بال حضرتك ؟
فاتصلحي معانا ياخ
|
|