اللوم لا يقع على البشير ولكن على الترابي وعلى عثمان اللوم والوزر!

كبف يجتاز رجل بهذه القدرات المتواضعة معاينة رئاسة بلد هو العاشر فى المساحة عالميا ويذخر يموارد طبيعية متنوعة وتنوع اثنى وثفافى ودينى ولغوى شهد له به العالم أجمع !
سؤال تقربرى اجابته معروفة سلفا "رجل مرحلة"ا" مغقل نافع"
ولكنه أضر بالوطن وبأهله ضررا بليغا ستسير بذكره الركبان لقرون طويلة!
الله بجازى الكان السبب!
جنى

ذهاب البشبر ككبش قداء هو بمثابة كنس اوساخ تحت السجاد وتجميل لوجه النظام من خيث الشكل وليس المضمون ولن ينطلى على أحد!
جنى

"أرسلته إلى القصر رئيسا وذهبت إلى السجن حبيسا"
الشيخ حسن الترابي

جنى

تعرف يا جنى الكيزان ختوه واجهة بس فى البداية
حتى الصراع بين الترابى و على عثمان اخينا كان فيه واجهة
الان البشير اتعلم و بقى وااعى. فى معسكره نافع شخصيا و صلاح قوش.
الحكومة ختت الان كل الوزارات تحت ادارة الامن...تحت شعار"الامن القومى". صلاح قوش ماسك البلد بيد من حديد.
كل الناس عاوزه زول ذى على عثمان او العتبانى...عندهم امخاخ و فاهمين الحاصل. لكن شكلو ده عشم ابيس فى الجنة. قدرنا كده...يحكمنا البشير

يا جنى عايز تجننا معاك واللا شنو؟

الترابى هسى فى نص المعارضـة.. واخر زيارات وتشريفات من نقد وإنت طالع (واللا نازل ما عارف)

الســودانيين عندهم نقطـة شهيـرة اسمها الحكومـة. عارف نكتة النقطة الشهيـرة.. واحد مستجد يتدرب
فى الجيش.. وعندهم مصطلح اسمه نقطـة شهيـرة، وهو لما تمشى مارش لازم تحدد نقطـة بعيدة ثابتة فى
الافق عشـان تمشى دغرى.. والضابط شاف ليك الصف ماشى زى الثعبان، فنادى المستجد فى أول الصف (القائد)
قال ليه يا فلان.. وين نقطـة شهـرة بتاعتك؟.. قال ليه حمـا ر داك يا جنابو!!!




.

سبحان الله يا ناس انه دي حدود احلامنا

Quote: كل الناس عاوزه زول ذى على عثمان او العتبانى... عندهم امخاخ و فاهمين الحاصل. لكن شكلو ده عشم ابيس فى الجنة. قدرنا كده...يحكمنا البشير

بالغتي يا اسمارتي في الجنه!!

عزيزي جني
المشكلة والعقدة الإساسية تكمن في المنهج المعطوب والعقلية الإقصائية وسمة الفساد والإستبداد ورفض التنوع والتعدد والديموقراطية وكل الطاقم والشلة الجاثمة علي قمة السلطة والمتنفذة والمتحكمة علي مصير البلاد شريكة في الكارثة وفي صنع القرار ولاتفرق كثيرا طريقة إخراج القرار يستوي في ذلك إن جاءت بنعومة لسان علي عثمان أو جلافة البشير أو عوارة عبد الرحيم محمد حسين أو تقعر غازي صلاح الدين إو إشارات بكري حسن صالح الصامتة!! ... عقلاء مايسمي بالحركة الإسلامية مبعدون والمؤتمر الوطني نفسه مختطف بواسطة شلة تتحكم في مفاصله وتغيب مؤسساته!!
........

Quote: ل الناس عاوزه زول ذى على عثمان او العتبانى... عندهم امخاخ و فاهمين الحاصل. لكن شكلو ده عشم ابيس فى الجنة. قدرنا كده...يحكمنا البشير

دا جلد الذات ذاتوووو
نريد بلد ديموقراطي فيهو شفافية ...لو جابت الديموقراطية الإسلاميين أو غيرهم المهم كل شيء تحت الشمس ...ولا شنو يا جني

طبعا عاوزين وطن ديمقراطى....
لكن(انا شخصيا) زولة واقعية جدا. و بالشايفاه ده الكيزان ديل ماسكين البلد بيد من حديد. ما حصل مشيت السودان و لقيت زول شغال بموضوع الحكومة دى. الناس مشغولة بسك ارزاقها.
ما فى زول اليوم فى الخرطوم بيفكر فى انفصال او غيره. الناس فى همها. عشان كده الكيزان ديل ح يحكمونا ٢٠ سنة تانية.
صدقونى ما فى ثورة ولا بطيخ جاية.
و اهو احنا قادين فى المنبر ده...و ح اذكركم كل راس سنة جديده

......... كتب الأخت إسمارت

Quote: طبعا عاوزين وطن ديمقراطى.... لكن(انا شخصيا) زولة واقعية جدا. و بالشايفاه ده الكيزان ديل ماسكين البلد بيد من حديد. ما حصل مشيت السودان و لقيت زول شغال بموضوع الحكومة دى. الناس مشغولة بسك ارزاقها. ما فى زول اليوم فى الخرطوم بيفكر فى انفصال او غيره. الناس فى همها. عشان كده الكيزان ديل ح يحكمونا ٢٠ سنة تانية. صدقونى ما فى ثورة ولا بطيخ جاية.

أيوة عاوزين وطن ديموقراطي ! ودا قضية مبدأ وضرورة وغاية نبيلة ينحاز لها كل من له ضمير حي..... سك الأرزاق أيضا مربوط بالسياسة- فالشعب فقد مجانية العلاج والتعليم ونهبت ثرواته وتحكمت أقلية في مصيره ومساره وأفسدت وأستبدت ووضعت أطفاله وإجياله القادمةأمام مستقبل مظلم.....وفرطت في سيادة وتراب بلده.........والمسألة الان ليس في إنفصال الجنوب المتوقع
وإنما إنفصالات قادمة وفي مزيد من التفكك وفي تمزق النسيج الإجتماعي وإنهيار العملة الوطنية وأرتفاع الأسعار وفقدان معظم عائد النفط لصالح الجنوب !! إننا أمام كارثة حقيقية قادمة !!!!!!!
ثانيا ; نغمة إستكانة الشعب وعدم إنفعاله وتفاعله - قيلت أيام الاستعمار حيث ذكر وقتها أن الشعب لامبالي وقيل هذه في عهد نميري وفي عهود شموليات أروبا الشرقية وايران الشاه وأثيوبيا وشاوسيسكو رومانيا; قيل وقتها لافائدة ولايجب الرهان علي الشعوب الخاملة والخانعة !!
........... علم الإجتماع السياسي والعلوم السياسية لها نظريات في قوانين الثورات والتركمات الكمية والتفاعلات التحتية التي تعتمل تحت الارض حتي تحين لحظة الإنفجار- مانظنه سكون ولامبالاة وسلبية وخوف يخفي خلفه ثورة تفور وبركان يمور تحت قشرة التربة.......
........

من المحير أن الإنقاذ أنشأها قانونيان

أحدهما محاضر قانون دستوري

والآخر محامي


درسا كل ما يتعلق بقيمة الإنسان

وتفرع الديمقراطية وحقوق الإنسان عنها

وتاريخ وتركيب وآليات الدولة الحديثة

بما يحقق المساواة والعدالة إلخ

ومظان الخطأ في النظام

وآليات التوقي والتصويب


وامتحنا في كل ذلك ودرساه


وبعد أن كان لحزبهما وجود برلماني وتنفيذي وجماهيري وإعلامي أكبر من حجمه

إتفقوا مع البشير وغيره وسطوا على السلطة بليل

هدموا كل المؤسسات

وإنشأوا المسخ الذي نرى!


كيف تحتاز الدرجات في القانون

وتعتاش منه ومن تدريسه

وأنت لا تؤمن بحرف منه


إنه إنفصام الإسلامويين الفكري

الذي رباهم عليه البنا وقطب:

العيش داخل مجتمع القرن العشرين "الجاهلي"

والعمل على تقويضه واستبداله بمجموعة من الأماني والتهيؤات

ومن ثم الوقوع سريعا في مهاوي الفساد والإجرام


الباقر موسى

Quote: علم الإجتماع السياسي والعلوم السياسية لها نظريات في قوانين الثورات والتركمات الكمية والتفاعلات التحتية التي تعتمل تحت الارض حتي تحين لحظة الإنفجار- مانظنه سكون ولامبالاة وسلبية وخوف يخفي خلفه ثورة تفور وبركان يمور تحت قشرة التربة....... ........

سلامات للاخ كمال
اتمنى ان الكلام ده يكون بيطبق على السودان.
المشكلة فى الكيزان و السودان هى "التجارة بالدين" . قد يكون المصطلح قديم و مستهلك لكنه لسه شغال تمام مع الكيزان. لسه فى ناس فى الشعب (بل اغلب الشعب السودانى) ممكن تسكته باسم الدين و الشريعة. و دى حقيقة ما بنقدر ننكرها.
كلام البشير و كلام نافع فى الايام الفاتت دى ما كان "عبط" ساى منهم. بللعكس. ده كان نداء لقواعد الكيزان القديمة وتجميع للصفوف. فى ناس كتار شايفه انو الحكومة اتشغلت بالدنيا و نست الشريعة و الدولة الاسلامية. و الكيزان الان بحاول يغازلوا الناس ديل تانى. فى ناس كتار تانيين ممكن تخشهم (او تخوفهم) باسم الدين.
اتمنى ان الشعب السودانى يصحى للحاصل حولوا ......اتمنى.
لكن ليه ح يصحى الشعب السودانى الان? الاحوال فى اول سنوات الحكومة (فى التسعينات) كان اصعب بكتير من الان. ندرة و غلاء و قمع وحشي للخصوم (ايوه... .اكتر من الحاص الان). و ما فى زول فتح خشمو