يخي ياتو بترول وياتو تنازل من صفقات ممكن تخلي شعب مقهور يرضي بالتنازلات الزي دي يا ريس ما بتجي كدة الشعوب دي انجرحت في كرامتها وماشة ماشة
يبقي الموضوع ما موضوع بترول..ولا تعويض مالي دي حاجات انتو بتحسوا بيها كحكام...البهمنا كشعوب...الناس دي كانت من اصدق البشر وماشة.. لا البترول لا أي حلول ممكن تكون مفيدة الناس دي المفروض نديها حقها ما اكتر من كدة
_ فكونا من باقان ولا غيره..مافي فرق بينه وبين الطغمة الحاكمة..نحن مواطنين ساي
لماذا ودعتهم بهذه الكيفية ألم يكونوا اخواننا ..ألم يصدقونا الفعل والممارسة...هل هكذا تودعهم ليذهبوا ؟؟ أن يرحلوا فقط وكذلك؟؟هل تركت لهم شيئا جاذبا ليبقوا معنا في وطن أحببنا جغرافيته؟؟وفوق ده كله الوطن حق الجميع؟؟ لم تترك لهم ذلك يا أمير مؤمنين دولة الشمال المفدي...لو كنت نزلت بنفسك نزلت الشارع وودعتهم مش كان في انطباع ممكن يكون احسن من كدة؟؟ كانوا ولا زالوا اجمل من يحتكم للصدق...كيف تركتهم يرحلون بهذا الشكل؟؟ فماذا فعلتم لهم يا امير المؤمنين؟؟
هل كنت مبسوط وهم يرحلوا بهذه الطريقة؟؟ هل انت مبسوط؟؟ خمسة سنوات كانت كافية ليذهبوا بكرامتهم ...حتي حكومة الجنوب لم تترك لنا موضع كرامة نشوفها في اخوانا الجنوبيين..دخلت في منزلقات كبيرة وشكلها راضية بالمنظر تصريحات مستفزة بشكل اسبوعي لنافع سحب لصلاحيات الوزراء الجنوبيين لدرجة انهم كانوا مجرد كراسي
خمسة سنة وأنت تلعبهم لعبة الكراسي وكمبلت لأي شي حده وحدوده
كمواطنين لا نعرف اي تفاصيل في الحاصل..فقط يحزنني رحيل الجنوبيين بهذه الطريقة أتمني أن تكفل لهم دولتهم الجديدة سبل العيش والكرامة أتمني لهم من كل قلبي راحة بعد شقاء خمسين سنة الله الموفق فلم نعرف عنكم حين كنتم معنا في عبري والخرطوم أنكم لستم لصوص ولا ناس لف ودوران ولا أي شي كعب تشنجوا (ناس الحكومة) في وجهكم لأنكم اصحاب مطالب حقيقية لم ولن يستوفي الشمال حقها لكم من المطالب العادلة دولة العدالة ولم تفتح صدرها
Quote: لماذا ودعتهم بهذه الكيفية ألم يكونوا اخواننا ..ألم يصدقونا الفعل والممارسة...هل هكذا تودعهم ليذهبوا ؟؟ أن يرحلوا فقط وكذلك؟؟هل تركت لهم شيئا جاذبا ليبقوا معنا في وطن أحببنا جغرافيته؟؟وفوق ده كله الوطن حق الجميع؟؟ لم تترك لهم ذلك يا أمير مؤمنين دولة الشمال المفدي...لو كنت نزلت بنفسك نزلت الشارع وودعتهم مش كان في انطباع ممكن يكون احسن من كدة؟؟ كانوا ولا زالوا اجمل من يحتكم للصدق...كيف تركتهم يرحلون بهذا الشكل؟؟ فماذا فعلتم لهم يا امير المؤمنين؟؟
يا لعارنا... شكرا يا قمر.
Post: #5 Title: Re: بعد أيه جيت تصالحنى...وداعا جنوبنا الحبيب Author: مرتضى احمد عبد القادر Date: 12-19-2010, 10:53 PM Parent: #4
لم يجدو أبسط حقوقهم حينما عاشو هنا، وها هم يرحلون بهذه الطريقة المحزنة.. ليتهم يعلمون ضعفنا وقِلة حيلتنا وعدم رضانا عن ما حدث و يحدث لهم.
Post: #6 Title: Re: بعد أيه جيت تصالحنى...وداعا جنوبنا الحبيب Author: خالد حامد الجزولي Date: 12-20-2010, 08:46 AM Parent: #5
:
Post: #7 Title: Re: بعد أيه جيت تصالحنى...وداعا جنوبنا الحبيب Author: أبوبكر أبوالقاسم Date: 12-20-2010, 09:09 AM Parent: #6
Quote: دعونا نودعهم علي الالفة والحب والاحترام هكذا تقول الانسانية
ويقول طيب المعشر.
ليتهم يجدون ما يصبون إليه.
بوبا سلامات
Post: #8 Title: Re: بعد أيه جيت تصالحنى...وداعا جنوبنا الحبيب Author: GamarBoBa Date: 12-20-2010, 10:18 AM Parent: #7
العوض،مورتا..خالد الجزولي..شكرا للمرور...ما نراه بأم اعيننا في شوراع الخرطوم محزن محبط لدرجة انك لا تستطيع مجرد التخيل أن وطنك يرحل منه مواطنوه الله في
_ يا سعادة المستشار ود ابو القاسم...ياخي شنو تجوا انت وايمن الطيب ومجرد التمام في المكتب ما تعملوه..الكركدي ده خاتنه لمنو نحن..ابقي طيب وربنا كريم
