Post: #1
Title: بالنسبة للرغيف ..!
Author: خضر حسين خليل
Date: 12-18-2010, 09:17 PM
الأسبوع الفات الخمسة رغيفات كانت بي جنيه
ثم مع الزيادات الأخيرة بقت أربعة رغيفات لا غير
صباح اليوم
دار نقاش بين حليم وبتاع الدكان
ذهب حليم كعادته (لشراء رغيف الفطور)
تفاجأ بثلاث رغيفات لا غير
حاول ماحاول توصيل فكرته
ناقش ماناقش بتاع الدكان عن الأوضاع الإقتصادية
وعن الراهن السياسي وعن وعن
وسرح بعد داك في المطالب
|
Post: #2
Title: Re: بالنسبة للرغيف ..!
Author: خضر حسين خليل
Date: 12-18-2010, 09:22 PM
Parent: #1
سؤال محرج لبورداب الخرطوم
انتو ياخوانا ما بتستعملو الرغيف ده ولا الحاصل شنو ؟
|
Post: #3
Title: Re: بالنسبة للرغيف ..!
Author: خضر حسين خليل
Date: 12-18-2010, 09:28 PM
Parent: #2
طبعاً لا أنسي علي الاطلاق تذكير الناس بأنو موضوع الرغيف ده إنصرافية ساي مني
|
Post: #9
Title: Re: بالنسبة للرغيف ..!
Author: محمد الجيلى
Date: 12-18-2010, 09:34 PM
Parent: #3
خضر إزيكـ
ياخ دي سياسة العصر {البلد بقت في عام الرماد أكتر من الترمد المرمدينو}
إذا الحاصل واصل بالفهم دي والله لشعب جوعة ساي يقلبا
مودتي
|
Post: #13
Title: Re: بالنسبة للرغيف ..!
Author: خضر حسين خليل
Date: 12-18-2010, 09:42 PM
Parent: #9
يقلب شنو يا ودالجيلي
ياخ لاتغرنك شعارات سودانيز
وحياتك الناس هنا حالتها حاله
جعانين وفقرانين وصابرين وبعاينو بس
يازول الله غالب
|
Post: #4
Title: Re: بالنسبة للرغيف ..!
Author: معاوية عبيد الصائم
Date: 12-18-2010, 09:29 PM
Parent: #2
Quote: انتو ياخوانا ما بتستعملو الرغيف ده ولا الحاصل شنو ؟
|
راجع الدى اتش ال
لاستلام عدد 2 كرتونة تميس
عبوة 48 قطعة
مع تحيات منظمة تميز تميسنا
شكرا
|
Post: #5
Title: Re: بالنسبة للرغيف ..!
Author: خضر حسين خليل
Date: 12-18-2010, 09:30 PM
Parent: #2
الناس في شنو والرغيف في شنو ياخ ؟
ــــــــــــــــ
التحية للأحلام والتحية للأمنيات والتحية لنضالات شعبنا والتحية لبتاع الدكان المواكب جداً لسعر الدولار
|
Post: #8
Title: Re: بالنسبة للرغيف ..!
Author: خضر حسين خليل
Date: 12-18-2010, 09:33 PM
Parent: #5
نحنا يامعاوية لي هسي ما اتعشينا بتاع الدكان قال ماعندو حتي التلاتة رغيفات مشينا الطابونة لقيناهم نامو
قاعدين نفكر هسي نلقي لينا مخرج شرعي عشان نضرب الفول القاعد قدامنا من ساعتين بي قراصة
خمسة بوصة
تحياتي للتميس والرغيف الماخمج بتاعكم داك
ـــــــــــ
في برد هنا ياصاحب
برد شديد
|
Post: #6
Title: Re: بالنسبة للرغيف ..!
Author: حسبو عكاشة
Date: 12-18-2010, 09:31 PM
Parent: #2
يا داااااب انا عرفت هيثم قاصد شنو لما قال
و نحن نضالنا جوا البيت
نضال بالبوش نضال بالزيت
نضال فاطر و ما اتغديت
نضال فيه الصغير و كبير
و نشرب فيه موية النيل
من تلاجه او من زير
و ما اختلفت مفاهيمنا
و من توتيل و حتي اويل
حتفضل يا وطن عيدنا
التحيه لشاعرنا الجميل هيثمكا
|
Post: #10
Title: Re: بالنسبة للرغيف ..!
Author: خضر حسين خليل
Date: 12-18-2010, 09:36 PM
Parent: #6
أنا افتكر ياحسبو انو هيثم بالغ في حلمو
ياخ هو وينو نضال البوش زاتو
قول ليهو التلاتة رغيفات بقت بجنيه
ونحنا لينا ساعتين نفتش وملامين فيهم زاتو
قال نضال بالزيت قال
والله ده نضال بالدكوة عديل
|
Post: #7
Title: Re: بالنسبة للرغيف ..!
Author: عزاز شامي
Date: 12-18-2010, 09:32 PM
Parent: #1
مالو؟ الرغيف؟
دايرو بلاش لعلك؟
موش كويس انو بقى في رغيف من أصلو؟
نسيتو يا شحاتين زمن تقيفو بالصف؟
العيش ده عرفتو متين أصلا؟
بكرة السكر و نرجعكم للشاي أبو عجوة
تعالوا اتشكو وقولو السكر بقى غالي
بعدين موش قالو ليكم حترجعو لعواسة الكسرة؟
وتيب؟
___________
سيادة الرئيس: شعبك ده غلباوي وما شاكر ولا حامد وهمو بطنو
شيلو اجدعو و جيب بدلو ناس تانين بيعيشوا بالطاقة الشمسية!
|
Post: #11
Title: Re: بالنسبة للرغيف ..!
Author: خضر حسين خليل
Date: 12-18-2010, 09:39 PM
Parent: #7
خصمتك بي سيدي الحسن كما كانت تقول جدتي ياعزاز
ان مافتشتي باقي ليلك ده وسمعت محمد النصري وهو بغني :
دسيني من الظلمة فيك
الليل دخل والميس بعيد
ياخ بقينا نتعشي صبر وغناوي يازولة
جوع وبرد وغايتو
فالححيا النضال
|
Post: #12
Title: Re: بالنسبة للرغيف ..!
Author: عزاز شامي
Date: 12-18-2010, 09:42 PM
Parent: #1
ليه مالي انا اسمع طنبور نص الليل؟ مالاقية عيش ولا ما لاقية عيش لووووووووووولز
فنلهتف جميعا 
|
Post: #14
Title: Re: بالنسبة للرغيف ..!
Author: خضر حسين خليل
Date: 12-18-2010, 09:44 PM
Parent: #12
أسمعي ياعزوز عشان تحسي بالنعمة الــ نحنا فيها
تخيلي بلد بردانة واعصابها بايظة
ورغيف مافيها
ياخ ده مشهد ملائكي عديل
|
Post: #15
Title: Re: بالنسبة للرغيف ..!
Author: مرتضى احمد عبد القادر
Date: 12-18-2010, 09:47 PM
Parent: #14
| Quote: والله ده نضال بالدكوة عديل |
|
Post: #17
Title: Re: بالنسبة للرغيف ..!
Author: محمد الجيلى
Date: 12-18-2010, 09:51 PM
Parent: #15
خضر إتعشيت ولا لسة
|
Post: #20
Title: Re: بالنسبة للرغيف ..!
Author: خضر حسين خليل
Date: 12-18-2010, 10:00 PM
Parent: #17
يا ود الجيلي
انت زول ولا ظابط ياخ ؟
أنا لو اتعشيت البخليني اصاقر النت شنو ثم البخليني امر ساي علي عنوان كاتبو أخونا في الجهاد ودالباوقة شنو ؟
نحنا لي هسي بنفكر نجابه الأزمة دي كيف
بنفكر نعمل نشوف لينا خطة بديلة للرغيف
ـــــــــــــــــ
شكلك كده متعشي والله
|
Post: #22
Title: Re: بالنسبة للرغيف ..!
Author: محمد الجيلى
Date: 12-18-2010, 10:06 PM
Parent: #20
الماعارف يقول عدس
أنا لو ظابط بصاقر زيكـ النت ولاّ ريحة عيشكـ بتجيبني جاري
كُلنا هذا الرجل ياخ
ــــ
بنحلم بي عشاء وشتاء دافيء
|
Post: #19
Title: Re: بالنسبة للرغيف ..!
Author: خضر حسين خليل
Date: 12-18-2010, 09:56 PM
Parent: #15
تضحك يامورتا
يا
بني آدم ده منعطف تاريخي البضحكك شنو نصايص الليل
|
Post: #16
Title: Re: بالنسبة للرغيف ..!
Author: خضر حسين خليل
Date: 12-18-2010, 09:48 PM
Parent: #14
فالــ ححيا دي جوعة ساكت مني يا عزوز
فالـ ححية للجوعة ياخ 
|
Post: #18
Title: Re: بالنسبة للرغيف ..!
Author: خضر حسين خليل
Date: 12-18-2010, 09:52 PM
Parent: #14
قائمة بالأسعار التي تتخذ من المنهج الديالكتيكي (بتاع) الثابت هو المتغير شعاراً لها :
واحد : الرغيف
اتنين : السُكر
الثلاثاء : الطماطم
الأربعاء : البدقيق
الخميس : الزيت
الجمعة : البطاطس
السبت من بداية كل أسبوع : المواطن السوداني (الحاجات ماشة تغلي وهو ماشي في الرخيييييييييييييييييييس)
|
Post: #21
Title: Re: بالنسبة للرغيف ..!
Author: Nader Abu Kadouk
Date: 12-18-2010, 10:05 PM
Parent: #18
يا خدر الحكومة دي لمن جات لقت الشعب شحاد....معقوله بس....رغيف شنو و رفاهية شنو...
قال رغيف.....
الشعب ده مفروض إتصرف......الحكومة ما فاضيه...الفيها مكفيها....
رغيف...
معقوله بس.....
|
Post: #23
Title: Re: بالنسبة للرغيف ..!
Author: خضر حسين خليل
Date: 12-18-2010, 10:15 PM
Parent: #21
ابوكدوك ياصاحبي
معاذالله ياخ انو الحيكومة غلطانة
غلطانين نحنا المازرعنا وما دققنا وما بتاع
غلطانين نحنا الماعندنا قروش نجيب بيهم رغيفات الحكومة التلات
غلطانا زمنا ياصاحبي البخلي شعب زي الشعب السوداني يتسول موائد اللئام
ياخ الحكومة ماقصرت شيدت وبنت وعملت ووووك وروروووك
ببقي التقصير ده مننا نحنا كشعب
المفروض يكون عندنا قروش
والمفروض نشتري الرغيف بالسعر الجاي
والمفروض زاتو كان عندنا دم ما ناكل
الماكلنها شنو يا نادر أو كما قال محمد موسي
يخسي
علي دمنا البارد ده
|
Post: #25
Title: Re: بالنسبة للرغيف ..!
Author: خضر حسين خليل
Date: 12-18-2010, 10:34 PM
Parent: #23
بالمناسبة ياناس الخارج
في هذه اللحظات استقر رأينا علي انو نتعشي قراصة وبالتالي نشكركم علي الدعم والمساندة
اها ربنا يفيدنا بما يلزم فطور الغد
والرزق في خواتيمه تلاقيط
يا بتوعين المؤامرات التي تستهدف شعب السودان
|
Post: #26
Title: Re: بالنسبة للرغيف ..!
Author: لدن جعفر
Date: 12-18-2010, 10:36 PM
Parent: #23
انت يا خضر مالك عامل شمطه بالليل دا
رغيف مافى اكل كيك ونوم
تحياتى يا صديق
|
Post: #34
Title: Re: بالنسبة للرغيف ..!
Author: خضر حسين خليل
Date: 12-18-2010, 11:15 PM
Parent: #26
يا لدن
انتي زاتك وين في الهيلمانة دي
قلتي لي آكل كيك وأنوم
جدن يازولة لكن خلايق الله المعاي ديل يات كيك بكفيهم
ديل قوم لا يشبعهم الكثك يالدن
ثم عليك دينك ورينا أخبارك يا صديقة
|
Post: #27
Title: Re: بالنسبة للرغيف ..!
Author: Yassir Tayfour
Date: 12-18-2010, 10:36 PM
Parent: #23
يا خضر يا بن حسين،
ليس بالخبز وحده يحيا الإنسان،
فبالله عليك ما تعمل "خوته"، الحكومة تجيب من وين؟
أما تناهى لمسامعك بأن الرئيس نفسه ماهيتو ما مكفياه، ويستعين بإخوته لتصريف بعض شئونه؟ طيِّّب!
__
عليك بالأسودين يا صاحب، وإن لم تسطع، عليك بأسودٍ واحد، وإن لم تستطع نوم ياخ!
|
Post: #36
Title: Re: بالنسبة للرغيف ..!
Author: خضر حسين خليل
Date: 12-18-2010, 11:19 PM
Parent: #27
أسودين بتاع راس قلبك يا ياسر طيفور؟
انت عارف كيلو الاسود الواحد بي كم هسي ؟
علينا بسويداء القلب ياصاحب
ويسألونك عن البتاعات و ويسألونـك عن البتنجـان ...!
وغايتو ياخ
|
Post: #38
Title: Re: بالنسبة للرغيف ..!
Author: خضر حسين خليل
Date: 12-18-2010, 11:24 PM
Parent: #36
الصورة أعلاه مهداء لأخونا في الله ياسر طيفور بالمملكة العربية الكندية
أسود ياصاحب
اسود
|
Post: #24
Title: Re: بالنسبة للرغيف ..!
Author: خالد العبيد
Date: 12-18-2010, 10:31 PM
Parent: #14
بقينا نتعشي صبر وغناوي يازولة
جوع وبرد وغايتو
|
Post: #28
Title: Re: بالنسبة للرغيف ..!
Author: Nader Abu Kadouk
Date: 12-18-2010, 10:43 PM
Parent: #24
Quote: في هذه اللحظات استقر رأينا علي انو نتعشي قراصة وبالتالي نشكركم علي الدعم والمساندة
|
شوف يا خضر عندكم قراصه.....معقوله بس....
تتعشى و تدعو لامير المؤمنين الليل كلو....
معقوله بس...........
|
Post: #29
Title: Re: بالنسبة للرغيف ..!
Author: حسبو عكاشة
Date: 12-18-2010, 10:44 PM
Parent: #24
خلاص يا عمك اضرب البليله
لكن اعمل حساب الناس النايمين جنبك ما يصبحو غمرانين
|
Post: #30
Title: Re: بالنسبة للرغيف ..!
Author: Yassir Tayfour
Date: 12-18-2010, 10:46 PM
Parent: #29
بصراحة يا نادر وحسبو خضر ده كلامو كِتِر..
___
شاغل أولاياء أمورنا بحاجات ما منتقية..
|
Post: #31
Title: Re: بالنسبة للرغيف ..!
Author: معاوية عبيد الصائم
Date: 12-18-2010, 10:48 PM
Parent: #24
Quote: يا بتوعين المؤامرات التي تستهدف شعب السودان
|
ياخ ما تنوم نومك
عيش مافى اكل كنافة
كنافة مافى اكل مشك....
كرهتنا ياخ الحكومة الحكومة
انا لله منك ياخ
جنك اكل اكل اكل
هسه انا قدامى بيك حراق
ما عندى نفس اتعشاء
لانو نسيت التوم.............
جاتو برضو مافى!!!!!!!!
اتصرف خلينا ننوم تنوم
السهر
تعيش الحكومة ظاااااتو
خدر عليك شوية لحم خنزير
من بتاع الصداقات رسلو لخضر
حسين......
|
Post: #32
Title: Re: بالنسبة للرغيف ..!
Author: مرتضى احمد عبد القادر
Date: 12-18-2010, 11:11 PM
Parent: #31
Quote: تضحك يامورتا
يا بني آدم ده منعطف تاريخي البضحكك شنو نصايص الليل |
نصايص الليل زيدينى بالشذى والطيب عودينى
منعطف شنو يا بني آدم انت!! هو فضل فيها إنعطاف نحن منعطفين لينا سنين وكملنا كل المنعطفات التاريخيه يبدو انك حاسدني ساااي في شبعتي دي ؟؟
|
Post: #33
Title: Re: بالنسبة للرغيف ..!
Author: خضر حسين خليل
Date: 12-18-2010, 11:11 PM
Parent: #31
الغايظني بالجد انو فروع الخارج بتوعين (شعب سودانيز اونلاين ديل) قايلني بهظر
وحاتكم مافي ولا رغيفة في حلتنا
فشدو حيلكم معانا ياخ
ــــــــــ
موسم غريب لاتعرف تشد حيلك ولا تشد فول ولا تشد كبكبي
والشدة علي الله ياجماعة
أين الأمم المتحدة ياخ من الهيلمانة دي ؟
جيبو لي زول مسؤول ياخ عشان نحاورو ويحاورنا ويعرف بالذي فينا من مسمار
|
Post: #35
Title: Re: بالنسبة للرغيف ..!
Author: حسبو عكاشة
Date: 12-18-2010, 11:16 PM
Parent: #31
يا خضر هذا صحن البوش الذي امامك ضربناه يوم الخميس الفات انت عارف مكلف كم !!
18 رغيفة(صغااااار) ---- 4.5 جنيه
فول ---- 1.5 جنيه
سلطة(طماطم + بصلة + شطه خضراء+ دكوة) ---- 3 جنيه
جبنه+ شمار ---- 1.5 جنيه
---
و تقول لي :: نضرب البوش المدنكل و نشرب الشاي عند جميله
والله انك متفائل
|
Post: #37
Title: Re: بالنسبة للرغيف ..!
Author: حسبو عكاشة
Date: 12-18-2010, 11:21 PM
Parent: #35
Quote: نضرب البوش المدنكل و نشرب الشاي عند جميله
|
والله مما قلته كلامك دا
البوش بقي نوع من انواع الترف, و جميله مسكته الغيره
|
Post: #39
Title: Re: بالنسبة للرغيف ..!
Author: مرتضى احمد عبد القادر
Date: 12-18-2010, 11:28 PM
Parent: #35
الرجاء من الأخ حسبو حذف صورة البوش اعلاه تقديرا لظروف الجوع التي يمر بها صاحب البوست
|
Post: #52
Title: Re: بالنسبة للرغيف ..!
Author: Haitham Elsiddiq
Date: 12-19-2010, 08:44 AM
Parent: #35
إنت ياحسبو قصدك موية جبنة صاح....
لأنة بوشك دة معلم اللة من الجبنة.......
|
Post: #60
Title: Re: بالنسبة للرغيف ..!
Author: حسبو عكاشة
Date: 12-19-2010, 07:04 PM
Parent: #52
Haitham Elsiddiq سلام
Quote: إنت ياحسبو قصدك موية جبنة صاح....
لأنة بوشك دة معلم اللة من الجبنة....... |
يا حليلك, انت من زمن الجبنه الما خمج ؟
هسه الجبنه بي جنيه بقت شمومه :)
|
Post: #40
Title: Re: بالنسبة للرغيف ..!
Author: خضر حسين خليل
Date: 12-18-2010, 11:28 PM
Parent: #24
يا خالد
يازميل
الشعب السوداني ماشي يبقي ببح
ياخ كاركتيرك ده أظنو من الزمن السمح
بتاع انك تقيف في صف وتصل لي شئ
بقت ماف صفوف يامعلم
|
Post: #41
Title: Re: بالنسبة للرغيف ..!
Author: خضر حسين خليل
Date: 12-18-2010, 11:31 PM
Parent: #40
ان شاء الله ياحسبو يلم فيك قدو قدو صاحب الاسم لخدشك حياء عام البوست
قادر ياكريم
قادر ياكريم
|
Post: #42
Title: Re: بالنسبة للرغيف ..!
Author: حسبو عكاشة
Date: 12-18-2010, 11:35 PM
Parent: #40
| Quote: الرجاء من الأخ حسبو حذف صورة البوش اعلاه تقديرا لظروف الجوع التي يمر بها صاحب البوست |
انت مفروض تكطم يا عمك
لأنو لو خضر عرفك كل يومين بتضرب سمك عند التاج ممكن ينتحر عادي
انت ذاتك بتبالغ كل يومين سمك سمك سمك ّ؟
حـوت انت
|
Post: #43
Title: Re: بالنسبة للرغيف ..!
Author: حسبو عكاشة
Date: 12-18-2010, 11:45 PM
Parent: #42
الله لا كسبك يا خضر جوعتنا ذاتو بكلامك دا
كدي نمشي نشوف باقي بليلة امبارح كان فضل فيها حاجه
والله الليله ناس البيت إلا يطيرو
ريحا صرصرا عاتيه
|
Post: #44
Title: Re: بالنسبة للرغيف ..!
Author: خضر حسين خليل
Date: 12-18-2010, 11:45 PM
Parent: #42
نجيكم باكر يارفاقا
والامنيات انو الجنيه السوداني يحافظ علي صدارة الدوري الممتاز
فما ممكن مازيبي تنضرب تلاتة
وكيس العيش يبقي تلاتة
والتحية للجنية السوداني وهو يواجه انتر ميلان
في مباراة العشاء الاخير رغم انف حسبو عكاشة ومورتا
ولانامت اعين السمك
|
Post: #45
Title: Re: بالنسبة للرغيف ..!
Author: عبد المنعم سليمان
Date: 12-19-2010, 00:00 AM
Parent: #42
مشكلتكم جنكم اكل بيا خضر
أسكروا يااااخ
السكر دا عيبو لي
____
المقصود السكر وليس السكر
والسكر يستخرج من معصور البلح
بس ما يلم فيكم قدو قدو
|
Post: #46
Title: Re: بالنسبة للرغيف ..!
Author: مرتضى احمد عبد القادر
Date: 12-19-2010, 00:15 AM
Parent: #45
Quote: المقصود السكر وليس السكر
والسكر يستخرج من معصور البلح
بس ما يلم فيكم قدو قدو |
قدو قدو هين يا خضر الخوف تسمع كلام منعم دا يلم فيك العسكري الشايل الصفاره داك يشبكك تيييت تيييييت مع البرد دا للصباح
بمناسبة تيت تيت دي انت يا حسبو عمو امين واميرة الشيخ اخواانك في الضهب وين الأيام دي ؟ اسي عليك الله كان ليوم داك سقتو معاكم خضر حسين دا ضهب معكم برضو مالو!!؟ كان اكل من المشويات ما يقينا بوسته الإنصرافي دا قال بالنسبة للرغيف قال !! رغيف شنو الداير تاكلو ياخ الناس بقت تاكل الزلط وانت لسه بتسأل عن سبب الزيادات في الاسعار !!!!
|
Post: #47
Title: Re: بالنسبة للرغيف ..!
Author: سمير شيخ ادريس
Date: 12-19-2010, 00:20 AM
Parent: #45
دة نفس بتاع الدكان الكنت فاتح ليه بوست قبل يومين يا خضر
بقيت دكاكينى خالص خليت نضال الفيل وبقيت تطعن فى سيد دكانو
دى فوايد الزواج خلتك تلتصق اكتر بالدكاكين والمعايش الما جبارة
متوقع بوستك الجاى عن صعوبة غسيل عدة العشا فى البرد النزل دة
|
Post: #48
Title: Re: بالنسبة للرغيف ..!
Author: خضر حسين خليل
Date: 12-19-2010, 06:12 AM
Parent: #47
يا بيجو مما قلت لينا اسكرو
الواحد نام علي اصوات النجدة
وصحينا برضو علي اصوات نجدة
الليلة في عرض شرطي زي العرض يابيجو
ــــــــ
يازول وينك فاقدنك في البرد ده
|
Post: #49
Title: Re: بالنسبة للرغيف ..!
Author: خضر حسين خليل
Date: 12-19-2010, 06:16 AM
Parent: #47
والله انك لرجل متفائل ياسمير شيخ ادريس
ياخ بتاع الدكان والسكر والدقيق ديل ياهم الفيل زاتهم
غايتو الواحد تشابه عليه الفيلة في البلد دي
اولم تسمع الشاعر هيثم وهو يهجو قائلاً :
ونحنا نضالنا جوة البيت
نضال فاطر وما اتغديت
نضال بالبوش نضال بالزيت
أولم تنتمي بعد ياسمير الي حزب الكسرة ؟
ثم ياخ هي وينها زاتها العده البتت###### عشان يغسلوها ؟
موش قلت ليك متفائل
أسمعني الليلة كان ماظهرت لي تاني ماداير معاك نهائي
|
Post: #50
Title: Re: بالنسبة للرغيف ..!
Author: زينب بدر الدين
Date: 12-19-2010, 06:32 AM
Parent: #49
خضر حسين إنت لى ما بتفكر كويس
قالوا ليك رئيس الجمهورية مسكين بساعدوه أخوانو فى المعيشة
يعنى داير تفكر فى رغيف
إنت يا خضر مرتك ما بتعرف تعمل الكيك والباسطة
الرغيف دا ما عندو بدائل
والملاح ممكن تعملوا بدلوا مكرونة بالبشملى
والمفروك جميل وخلى أمك تعوس ليكم
عالم متفلتة ولا تسمع كلام قياداتهاياخ مارى أنطوانيت أقصد
وزير المالية دا مالك مابى نصيحتو
|
Post: #55
Title: Re: بالنسبة للرغيف ..!
Author: خضر حسين خليل
Date: 12-19-2010, 02:46 PM
Parent: #50
زينب بدرالدين
ازيك يازولة
كيك وباسطة شنو يازينب
نحنا الدقيق مالامين فيهو زاتو
ثم ياخ كيك وباسطة معناتها زيت ودقيق وبيض وسكر
وبالتالي الحكاية ممكن تجوط عديل
فنعمل شنو نحنا بالظبط أو بالضبط أو بالربط ؟
حيرونا وحيروا معانا غنم ابليس
|
Post: #51
Title: Re: بالنسبة للرغيف ..!
Author: عزاز شامي
Date: 12-19-2010, 08:01 AM
Parent: #1
صباح الخير يا قريبي ان شاء الله تكونو فطرتو انجليش كيك و مربى فراولة
Quote: معاذالله ياخ انو الحيكومة غلطانة
غلطانين نحنا المازرعنا وما دققنا وما بتاع
غلطانين نحنا الماعندنا قروش نجيب بيهم رغيفات الحكومة التلات
غلطانا زمنا ياصاحبي البخلي شعب زي الشعب السوداني يتسول موائد اللئام
ياخ الحكومة ماقصرت شيدت وبنت وعملت ووووك وروروووك
ببقي التقصير ده مننا نحنا كشعب
المفروض يكون عندنا قروش
والمفروض نشتري الرغيف بالسعر الجاي
والمفروض زاتو كان عندنا دم ما ناكل |
انا سعيدة انو انت عرفت غلطك ... تاني ما تعمل كده
تاني مرة لما العيش يبقى غالي عليك اعرف غلطك و نام على لحم بطنك من سكات
يا خدر دي دولة، دولة، عارف يعني شنو دولة؟
يعني مهمتها تدودي بيك و تخليك تلف صينية
حسي انت وقفت لف علشان تعترض ...
ما غلط؟
|
Post: #53
Title: Re: بالنسبة للرغيف ..!
Author: احمد محمد احمد عتيق
Date: 12-19-2010, 09:15 AM
Parent: #51
القصة ما قصة رغيف ...........
انتو ما بتشوفو عوضية سمك ..اضربو سمك ولا بقو يعملوهو بالرغيف ..الناشف..
|
Post: #54
Title: Re: بالنسبة للرغيف ..!
Author: GamarBoBa
Date: 12-19-2010, 10:38 AM
Parent: #53
يا خضر
ياخي بقيت بتاع نقة ياخ...كلامك بقي كتير..قلل الكلام (بنجتا مرسكر)
شنو بتاع الدكان سرقنا وحنوم جعانين ...بالطريقة دي انا بضرب لاخوانك الكبار ...ده شنو شيل الحس الانت فيه ده
هسة يتلموا عليك يرسلوك السعودية بنين تاني...خليك جعان احسن ليك
|
Post: #56
Title: Re: بالنسبة للرغيف ..!
Author: الفاتح ميرغني
Date: 12-19-2010, 03:13 PM
Parent: #54
يا خضر ياخ يعني لازم رغييييف؟. ياخي اعملو فطيرة زي فطاير " الجدة بطة" او اكلو "جاتوه" لووول
ياخوانا حد يصحي ماري انطوانيت وبالعدم لويس الرابع عشر 
محبتي
|
Post: #57
Title: Re: بالنسبة للرغيف ..!
Author: humida
Date: 12-19-2010, 03:36 PM
Parent: #56
يا خضــر ..
انت زول ما بتعرف اتاري .. الرغيف ليك شنو ..
ذكرتني الزميل ( عاشق سوداتل ) الكان مجكس واحدة بالتلفون .. كل مرة بتقول ليهو دقيقة ياخي ( طالعة فوق و بجيك ) ..
في النهاية اكتشف انه بيتهم جالوص .. و لحدي هسع متحير فوق دي وين ..
..
..
هسع بالبوست دا داير تورينا انك بتاكل رغيف ..
صحي الغرض مرض .. !!
|
Post: #59
Title: Re: بالنسبة للرغيف ..!
Author: خضر حسين خليل
Date: 12-19-2010, 06:37 PM
Parent: #57
| Quote: هسع بالبوست دا داير تورينا انك بتاكل رغيف |
العفو ياخ
معقولة ياحميدة استجرأ وآكل رغيف
|
Post: #58
Title: Re: بالنسبة للرغيف ..!
Author: خضر حسين خليل
Date: 12-19-2010, 06:19 PM
Parent: #51
Quote: يا خدر دي دولة، دولة، عارف يعني شنو دولة؟
يعني مهمتها تدودي بيك و تخليك تلف صينية
|
عزوز ياحليفة شكراً للمعلومة القيمة دي
|
Post: #61
Title: Re: بالنسبة للرغيف ..!
Author: Osman Musa
Date: 12-19-2010, 11:59 PM
Parent: #58
ياخضر رغيف شنو ياخ ؟
هو زاتو قالوا بجيب ال DIABETES .
..
الصبر بس .
ياخضر عمك ود ضحوية قال :
يوما كربتيت ويوما عشانا ربيت
ويوما نكتح التابا وعليها نبيت
اسمع كلام عمك ودضحوية ياخضر . نحنا بعد ده بس ربنا يعوضنا الجنة .
51 سنة من التضهب مابين سنين النميري والبشير والرغيف .
واقعد عافية .
|
Post: #62
Title: Re: بالنسبة للرغيف ..!
Author: خضر حسين خليل
Date: 12-24-2010, 09:48 PM
Parent: #61
الرغيف خليهو يا عثمان
بالنسبة لي طالبان كيف ؟
ــــــ
ياخ لو عندكم تسجيل لي جوليا بطرس بتاع وبنرفض نحنا نموت هاتو يا صاحبي
|
Post: #63
Title: Re: بالنسبة للرغيف ..!
Author: Osman Musa
Date: 12-25-2010, 01:52 AM
Parent: #62
الصبر يا خضر .
قالوا يا خضر فى زول سياسي وعارف نفسو فاشل . قام رشح نفسو
فى الانتخابات تاني .
وكتب تحت صورة الترشيح بتاعتو :
( وعسي أن تكرهوا شيئا وهو خيرا لكم )
|
|