Post: #1 Title: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-18-2010, 10:30 AM
لأن الوطن حقيقةً الآن قد اتضحت معالمه ومشروعه الحضاري يقدم النموذج الإنساني الراقي ، تجاوز العواطف والدموع ، تجاوز حقيقةً النداءات البائسة التي تدعو إلى جرنا للخلف بالبحث عن المكاسب السياسية الرخيصة ورفع شعارات أقل ما توصف أنها مُحبِطة وتدعو للتخاذل ، عليه وبعد مشاهدتنا لدموعكـ وعاطفتكـ التي تنادي بلم شمل الأطفال المشردين في شوارع الوطن أفيدكـ بأن طلبكم مرفوض لأسباب حقيقةً لم نكن نود الخوض فيها لأن الإمام الوالي حقيقةَ لا يُسأل عن ما فعل إذ أنه يتبع شرع الخالق الأحد وشرع الله حقيقةً لا يُراجع . ولكن وحتى لا يُساء فهم الأمر على غير مقصده من قبل مناضلي الكي بورد " والأسافير " المليئة بالفاقد التربوي والرعاع " والعوه " والذين صاروا حقيقةً يصطادون الأخطاء الصغيرة من قبل بعض الأغبياء نفيدكـ بالتالي : * كيف يسمح الإمام بأن تضمن الفتيات اللائي (نشزَنَ) أن يكون لأطفالهم المأوى الذي يحفظهم ، سيكون في ذلك دعوى واضحة لإرتكاب المزيد من الأخطاء والذنوب مما سيزيد حقيقةً من نسب المُشردين والذين تم رصدهم حتى الآن وعددهم حقيقةً لا يتجاوز المائـــة ألف " يزيدون أو ينقصون قليلاً " * الطعام والتعليم الذي صارت تكلفته عاليه تنازلت الدولة به إلى أولياء أمور الأطفال تقليلاً للتكاليف ولمساعدة الدولة حقيقةً على تنفيذ مشاريع التنمية من طرق وكباري وسدود ومواصلات مكيفة الهواء تساعد على رفاهية المواطن ودفعه للمزيد من الإنتاج . * الدعوة الواضحة في أن يكون هؤلاء الأطفال في موقع واحد قد يكون سبباً في " إختلاط الأنساب " مستقبلاً إذ قد يتقدم أحد هؤلاء الأطفال عندما يصير رجلاً لزواج إمرأة حقيقةً كانت في ذات المكان ومن ذات الأم . * الأطفال فاقدي الأبوين لأي سبب آخر غير معنين بالنقاط الواردة أعلاه لأن الدولة تهتم بالأيتام إتباعاً لسنة المصطفى صلى الله عليه وسلم وتبشيره بحال كافل اليتيم . * ولأن الدولة لا تُشجع حقيقةً على العطالة وتوفِر الوظائف ذات الدخل الجيد لمواطنيها فلن تكون سببا في المزيد من العطالة بأن تجمع الأطفال الذين لم يهتم آبائهم بتوفير الغذاء والكساء لهم . نأمل أن يكون ذلك واضحاً لكل المواطنين لكي لا تأخذهم العاطفة في أمور تخطت الدولة وإمامها العادل التفكير فيها .
لجنة الإنضباط والنظام العام المدير العام الهندي بتاع الدين
____________________ صورة " مع التحية " إلى : * الرعاع والعوة بأسافير الإنترنت " صنيعة المُستعمر " ** الصحافة الداخلية والخارجية ولجنة حقوق الإنسان " من أجل الشفافية " رغم أجندتهم الخارجية . **** موقع ويكيليس " ما يجينا بعد سنتين يقول وثيقة "
Post: #2 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-18-2010, 10:38 AM Parent: #1
جاري تحميل الفيديو المرفق " الدليل المصَور" !!
_______________________________ التعديل لسبب تعلمه اللجنة وغير مسئولة عن التبرير
عشان ما ينط لينا اسفيرى ويطالب : بلم شمل الموظفين المشردين في شوارع الوطن وبلم شمل الطلبه المشردين في شوارع الوطن و بلم شمل ستات الشاى المشردات في شوارع الوطن و بلم شمل المعسرين المشردين في شوارع الوطن و بلم شمل المواطنين المشردين في شوارع الوطن
ايوة يا عمران كلمها بالله قول ليها نلم ليك الاطفال المشردين بشنو؟ و هو نحن فضل عندنا قروش؟ حتى اخوانا فى الله من اعضاء البرلمان الموقرين ما قدرنا نرفع ليهم المواهى لخمسة مليون … و اخونا كل الاخوة المعتمدين ضهورهم انكسرت من ركوب العربات اللانسر غالبنا نشترى ليهم لاندكروزر فور ويل داريف "ليلى علوى"، حتى الليلى علوى دى ما قدرنا عليها.
هذه هى العربة التى يمتطيها الصحابة الجدد. تكلف الخزينة العامة مبلغ يقدّر بـ 65 الف دولار، غير الترحيل و الذى منو.
----- انتا يا عمران ركوب هذه الحديده الشديده هل من السنة ولا حاجة كده؟ لانو شايف الجماعة ديل عاصرين عليها شديد.
Post: #10 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: محمد عمر الفكي Date: 12-18-2010, 02:29 PM Parent: #5
والله يا عمران الله يكون في العون بس، فاطمة دي ما عارفة انه المواطن السوداني دا رقبتو ما قادر ياويها في سكن، وبعدين ال 100 الف ديل يا عمران انت جادي فيهم؟ يا اخي دي نواة جيش عديل كدا، انصحك بالاستمرار علي هذا النسق لانه حيكومتنا المابتعرف ارقام قدامها صفرين ، لو اتبنت هذا المقترح فستكون انت "المغترب" والداً رحيماً لهولاء الاطفال وغصباً عن عينك. اتفق معك تحياتي
فاطمة دي قايلا دي اسكندنافيا ولا شنو؟ولا جد جد مصدقة انه ديل صحابةبيحنوا ويرحموا
Post: #11 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-18-2010, 02:46 PM Parent: #10
Quote: والله يا عمران الله يكون في العون بس، فاطمة دي ما عارفة انه المواطن السوداني دا رقبتو ما قادر ياويها في سكن، وبعدين ال 100 الف ديل يا عمران انت جادي فيهم؟ يا اخي دي نواة جيش عديل كدا، انصحك بالاستمرار علي هذا النسق لانه حيكومتنا المابتعرف ارقام قدامها صفرين ، لو اتبنت هذا المقترح فستكون انت "المغترب" والداً رحيماً لهولاء الاطفال وغصباً عن عينك. اتفق معك تحياتي
فاطمة دي قايلا دي اسكندنافيا ولا شنو؟ولا جد جد مصدقة انه ديل صحابةبيحنوا ويرحموا
محمد عمر الفكي برجع لي مداخلتكـ بس بضيف إنو أنا بحترم الوالدة فاطمة جداً ، ولا يعني عدم إنتمائي لليسار شيئاً أمام طريقة ونوع الطلب وحساسية الإنسان العالي لدى الوالدة فاطمة بخصوص الأرقام فهي تقريبية حسب بعض الدراسات " وليس ذلكـ بيت القصيد " !! ورقة علمية عن المُشردين في السودان
Post: #14 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-18-2010, 07:13 PM Parent: #4
Quote: ايوة يا عمران كلمها بالله قول ليها نلم ليك الاطفال المشردين بشنو؟ و هو نحن فضل عندنا قروش؟ حتى اخوانا فى الله من اعضاء البرلمان الموقرين ما قدرنا نرفع ليهم المواهى لخمسة مليون … و اخونا كل الاخوة المعتمدين ضهورهم انكسرت من ركوب العربات اللانسر غالبنا نشترى ليهم لاندكروزر فور ويل داريف "ليلى علوى"، حتى الليلى علوى دى ما قدرنا عليها.
يا ابوبكر ده من ناحية تانية كمان . لكن أسباب لجنة الحكومة الفوق دي تنبع من خلال قناعات المشروع الحضاري الرائد الي انتشر وسط الأحياء والأفراد !! مُشردين شنو البتتكلم عنهم فاطمه ؟؟ ده وكتو ؟؟؟
Post: #13 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-18-2010, 07:09 PM Parent: #3
Quote: ( وأثلث بيدى الاخرى)
يا محمد يا معتصم السؤال المدور في راسي طيلة أيام حياتي التي رأيت الفرق فيها بيننا وبين الآخرين ( كدولة ) : ليه نحن كدا ؟ أرخص ما لدينا الإنسان وليه عندما تثير قضية زي دي بيكون التعليق (ساخراً) !؟ دموع فاطمة أحمد إبراهيم لم يكن فيها زيف أو تزلف لأحد . كانت حقيقية وده إحساس كتيرين فقط صاروا ينظرون للأمر بـ ( نفسي نفسي ) لأن الضيق وصل مداه
Post: #6 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-18-2010, 01:32 PM Parent: #2
تنويه : سيُلاحظ استغلال الشيوعيين وأذانبهم لهذه النافذة لتمرير أجندتهم المعروفة سلفاً لدينا وهذا بالتأكيد ثمن الشورى والمَشورة الشعبية التي يتبعها الإمام عليه فإنَ اللجنة غير معنية بالرد عليهم لأن الأمر ليس للنقاش فقد ( قضي الأمر الذي فيه تستفتيان )
الدليل رقم (1) *
__________________________________ اتضح وجود أكثر من دليل دفع اللجنة لإتخاذ قرار الرفض
Quote: Êبلم شمل الموظفين المشردين في شوارع الوطن وبلم شمل الطلبه المشردين في شوارع الوطن و بلم شمل ستات الشاى المشردات في شوارع الوطن و بلم شمل المعسرين المشردين في شوارع الوطن و بلم شمل المواطنين المشردين في شوارع الوطن
ولم شمل المتسكعين في عواصم العالم .. المتسكعين في احرف الكي بورد
دموع فاطمة ياعمران,,, هل تلتقط سودانيزاونلاين المبادرة؟
Post: #21 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-18-2010, 08:33 PM Parent: #17
Quote: هل تلتقط سودانيزاونلاين المبادرة؟
يا بله موسى ليه سودانيز ؟ وين رسالة الدولة ومشروعه الحضاري ؟؟ وين ملايين البنوكـ الإسلامية ؟ وين أموال الناس الإتشالت ؟؟ وين وين وين وعيييييييييكـ !! تعرف يا بله انا الدموع هي المحرقاني ؟ هي الهزتني . ما أكذب عليكـ ما بتذكر حكاية المشردين دي كتير ، يمكن لأنو الواحد همومو ومسئولياتو ما بتديهو فرصة بس بسأل نفسي منو الهزتو دموع إمرأة زي الوالدة فاطمة ؟ بكل تاريخها وجسارتها ياخي كانت في قمة النكسار . من أجل الآخرين والطلب كان لولده والحاضرين التسجيل !! شفت الرسالة كانت صعبة كيف ؟؟
Post: #19 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-18-2010, 08:01 PM Parent: #9
د. ندى صالح الطيب انت متأكده انكـ رعاع ساي لأن ( عوه ) برضو خيار تسلمي يا ستي ووربنا يسهل
Post: #22 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-19-2010, 07:02 AM Parent: #19
.
Post: #23 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-19-2010, 09:38 AM Parent: #22
لامن تفتح قناة إخبارية عالمية وتلقى صور أهلكـ في الشاشة ، صور الجوع والمرض والمستشفيات السرايره مكسرة وتفتح قناة بلدكـ تلقى الخلفية برج الفاتح والموضوع عن تضامن السلطة مع طلبات سكان التيبت وعن شحنات السلاح الماشة غزة مسكوها الأمريكان بيجيكـ إحساس شنو ؟؟ ؟؟
لامن تفتح الـ bbc وتلقى مظاهرة ، ناس بيض شايلين صور مكتوب فيها إذهب للجحيم يا قدوقدو !! وتفتح قنوات البلد الخرتمية تلقى إمام البلد منطرب بيردد أغنية الصباح الجديد مع حمد الريح العنقالي الذي يفتخر بأنه لحن هذه الأغنية للشاعر التونسي قبال خرتمية سنة ، فيصفق العرب المالين القاعة عطور وبطونم مليان من كرم الضيافة السودانية الماعارف أصيلة وشنو كده ؟؟ وتفتح تاني تلقى فاطنة السمحة بتبكي !! بيحصل ليكـ شنو ؟؟ ؟؟
دي ياها فكرة رد اللجنة الفوق دي ده ياها طريقة تفكيرم ولأن التوقيع باسم المدير العام الفوق ده لازم يكون باسم الزول الفوق ده لأنو من كل القرف الحولو ما شاف إلا رعاع سودانيز وهم بيكتبوا عن ضحكة قدوقدو وهو بيجلد في البت القالو عليها خمجانة !!! وأعضاء لجنتو هم الكانو جيعانين ولا يعرفون غير طعم ( التِبش) فصارو يتعاملون مع الـ CD ولا يقبلون إلا بالماستر في مسجلات سياراتهم مخافة الفايروس !! ولتذهب دموع فاطنة السمحة للجحيم ___________
Post: #24 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-19-2010, 05:38 PM Parent: #23
(.)
Post: #25 Title: Re: عناية الأستاذة / فاطمة أحمد ابراهيم ، طلبكـ مرفوض !! Author: عمران حسن صالح Date: 12-22-2010, 08:23 PM Parent: #24
رسالتكـ باقية وطلبكـ باق في إرشيف التلفزيون والسايبر وعقول مُترفي التفكير من أمثالي فالهم لم يكن يوماً يخص الفقراء والحلم دائماً كان بعيد المنال فنحن حسب الترتيب دولة من أفريقيا يحكمها الجلَاد وقوانين التمكين وزيادة ثروات " الهِتيفة " فعذراً سيدتي لدموعكـ وعذراً لردة فِعلنا التي لم تتعدى صفحات النت فذلكـ أضعف الإيمان ،لا نملكـ غيره
