ويليكس : المدعي العام للمحكمة الجنائية الدولية يدعي ان ثروة الرئيس البشير تقدر بـ 9 بليون دولار

http://www.guardian.co.uk/world/us-embassy-cables-documents/198641

حيدر سلام
اها خلي د.نجاة تورينا
دي بتتشال بكم بوكس؟؟

Quote: ويليكس : المدعي العام للمحكمة الجنائية الدولية يدعي ان ثروة الرئيس البشير تقدر بـ 9 بليون دولار

شايفيه يا دكتوره دي 9 بليون مش مليون؟؟!!

اها يا جماعه
دي فيها مليار وداد الشالته من البونك السودانيه
وقصر الشيخ مصطفى الامين ولا مافيها؟؟؟واسهم منظمة سند الخيريه؟؟!!

كلام عجيب جدا














.

بحسب صحيفة الغارديان "اذا صح ادعاء اوكامبو حول ثروة البشير فان حجم هذه الاموال المودعة في البنوك البريطانية يبلغ عشر الناتج المحلي الاجمالي السنوي للسودان"

Quote: Ocampo discussed evidence of the stash with the Americans just days after issuing an arrest warrant for the Sudanese president in March 2009

رد بنك Lloyds الذي يدعي اوكامبو ان المبلغ او جزء منه مودع فيه

Quote: Lloyds responded by saying it had no evidence of holding funds in Bashir's name. "We have absolutely no evidence to suggest there is any connection between Lloyds Banking Group and Mr Bashir. The group's policy is to abide by the legal and regulatory obligations in all jurisdictions in which we operate."

بأى كدددددا

عشان كدا الإنجليز موقفهم غريب


دي قروش بترول

مش قطن ولا زيت

9 بليون يا مفتري

10 بير سنت من الدخل القومي

وعامل لي فيها عوير

وشركتين ثلاثة إتصالات بي أسماء أخوانك!!



عشان كدا قلنا الفلم بتاع الرئيس طيب

والحولو كعبين

دا فلم خشيناهو من زمن جعفر نميري

وما بمشي علينا تاني



الباقر موسى

تصريح د. خالد المبارك - السفارة السودانية بلندن

Quote: To claim that the president can control the treasury and take money to put into his own accounts is ludicrous – it is a laughable claim by the ICC prosecutor," said Dr Khalid al-Mubarak, government spokesperson at the Sudanese embassy in London. "Ocampo is a maverick, and this is just part of his political agenda. He has failed miserably in all his cases and has refused to investigate Iraq or Gaza – he needs success and he has targeted Bashir to increase his own importance." "Attempts to smear not only Bashir but Sudan as a whole are well known, and are clearly linked with anti-Arab sentiments and Islamophobia," Mubarak added

9 بليون دولار مبلغ ضخم جدا ومستحيل في ظروف السودان الإقتصادية يقدر البشير ينهبه حتي لو أخذنا في الإعتبار دخل السودان من البترول منذ بداية التصدير وحتي اليوم. دا مبلغ خرافي ويمكن يعمل هزة في أي بلد. من وجهة نظر إقتصادية بحته يستحيل علي البشير وأخوانه الإستيلاء عليه. يبدو أن الموضوع تخمين من أوكامبو وأكيد الأمريكان أدري من أوكامبو وبعرفو أي صغيرة وكبيرة عن السودان وما أظن يكونوا منتظرين معلومة زي دي من أوكامبو. وحسب البرقية إنو أوكامبو بيحاول إنو الأمريكان هم اليقوموا بنشر الموضوع حتي يستخدم كحرب نفسية تجعل الشعب السوداني يغير نظرته للبشير من قائد إسلامي شريف إلي حرامي حتي يسهل تسليمو للمحكمة حسب قول أوكامبو .

لو الأمريكان أو البنك البريطاني لقوا أي تأكيد لهذه المزاعم كان نشروها وما كانت حفظت حتي تظهر في تسريبات ويكيليكس.

دي ذكرتني زمان كان بيقولو بثينة زوجة نميري أغني إمرأة في أفريقيا عندها ملايين الدولارات في حسابات سرية ولكن بعد الإنتفاضة طلع نميري ومرتو لا يملكون من متاع الدنيا إلا بيت أهلو في ودنوباوي

لو كان المبلغ بالجنيه السوداني تبقي معقولة. ما أظن البشير وأخوانه ثرواتهم تتجاوز المليار دولار!!!!

Quote: كحرب نفسية تجعل الشعب السوداني يغير نظرته للبشير من قائد إسلامي شريف إلي حرامي حتي يسهل تسليمو للمحكمة حسب قول أوكامبو .

متي كان الشعب السوداني يعتقـد أن البشـير قائد إسلامي شريف ??!!

إقتراح اوكامبو:"مجرد فضح الرئيس البشير بأنه يملك حسابات بنكية غير قانونية في بنوك بريطانية يكفي لتأليب المواطنين ضده "
يقلل من مصداقية مزاعمه حول حجم ثروة البشير
____
لايستبعد ان تكون هناك حسابات تخصه في بنوك خارجية

ويا ربى بكون قاعد يطلع منها الزكاة ولا لأ؟
9 بليون دى والله لو نبق كتير
هسة بالله لو الواحد عندة تسعة بليون نبقة وعباهم فى شولات وباعهم ما بكون عنده راس مال؟؟
انشالله القيامة تقوم

ما أظن البشير وأخوانه ثرواتهم تتجاوز المليار دولار!!!!


اسامة البلال أنت نصيح كدا ؟
البشير وود بانقا كلها ما تجيب مليار دولار... من وين؟

أسامه البلال الجعلي....سلام
بالله البشير بقى قائد اسلامي شريف؟؟!!سبحان الله؟؟!!

Quote: 9 بليون دولار مبلغ ضخم جدا ومستحيل في ظروف السودان الإقتصادية يقدر البشير ينهبه حتي لو أخذنا في الإعتبار دخل السودان من البترول منذ بداية التصدير وحتي اليوم. دا مبلغ خرافي ويمكن يعمل هزة في أي بلد. من وجهة نظر إقتصادية بحته يستحيل علي البشير وأخوانه الإستيلاء عليه. يبدو أن الموضوع تخمين من أوكامبو وأكيد الأمريكان أدري من أوكامبو وبعرفو أي صغيرة وكبيرة عن السودان وما أظن يكونوا منتظرين معلومة زي دي من أوكامبو. وحسب البرقية إنو أوكامبو بيحاول إنو الأمريكان هم اليقوموا بنشر الموضوع حتي يستخدم كحرب نفسية تجعل الشعب السوداني يغير نظرته للبشير من قائد إسلامي شريف إلي حرامي حتي يسهل تسليمو للمحكمة حسب قول أوكامبو .

يا زول خليك انت مقتنع.....ونحن عارفين الغالبيه من ابناء شعبنا مقتنعين بشنو؟؟!!
وبعدين انت فاكر اوكامبوا.....ده بجيب معلوماته من وين؟؟!!ما من ابناء شعبنا
المتنفذين بكل المنظمات العالميه.

عنصرية وعفن

Quote: أسامه البلال الجعلي....سلام بالله البشير بقى قائد اسلامي شريف؟؟!!سبحان الله؟؟!!

خسئت ايتها البسوس

اوكامبو بجيب معلوماته من ابناء الزغاوة وابناء الفور

السودان دا كلو لا باعوه بجيب الملبغ دا؟

اكيد المعلومات دي بودها ناس عوام ساي
ومشكلة الخوجات الطير بصدقو اي كلام يتقال

لا اعتقد انه اصلا في قروش قدر دا في السودان
لانه دا ملبغ بالجد مبالغة..


يارب امريكا فيها قروش سائبة قدر دا..



اكامبو زول معتوه ساي..

ودا ما دفاع عن البشير
بل رد لمعقولية المعلومة...


بنوك بيرطانية ليه تشيل قروش الفساد؟

تولوس:

Quote: اوكامبو بجيب معلوماته من ابناء الزغاوة وابناء الفور

لا ... دي معلومات من جلابة ليكس !!

( و يا ما حتشوف)

لا ... دي معلومات من جلابة ليكس !!

( و يا ما حتشوف)




زورو ..ايها الكوز المصدي ...حانشوف شنو اكتر من الشفناهو ....

اهو شفناك وانت تقود ابناء اهلك وعوائلهم الي الموت من اجل مطالب لا تستحق ان تقتل من اجلها غنماية... خسئت انت ايضا يا استيف


وهل تخفي عفاناتكم وخياناتكم لاهلكم وتجارتكم بماساة ومعاناة اسركم واطفالكم ...
نحن شفناه عيان بيان ولن ننتظر ويلليكس ليبصرنا بها..ومع ذلك ما خفي اعظم ومصيره ينجلي ويبين
شفناك وانت تدمر وتحرق وتكذب من اجل سيدك الترابي
بئس القادة انتم

Quote: Ocampo reported Lloyd's Bank in London might be holding or knowledgeable of the whereabouts of his money.

تخمين مجرد تخمين ...
اوكامبويات عدليــة .. .

تحياتي للجميع

بالمناسبة، دا الفي البنوك البريطانية بس، عييييييك لسه بنوك ماليزيا والصين ...الخ

يا أوكامبو...الامريكان ديل ما خلو شيتا ما عملوه
لقلب نظام الحكم في السودان...دعموا المعارضة
ودعموا المتمردين...ودعمو جيران السودان...
بمليارات الدولارات...وأعلنوها...بالارقام...عديل ما عبر ويكيليكس
وكان عندهم شك في معلومة زي دي باقي ليك بموتوا بيها
ويبعزقوا قروشهم بين المتمردين لاسقاط النظام؟؟؟


ما كان همبتو القروش دي زاتا...

ياخ انت قايل الناس دي عندها قنابير...والله لو صدق كلامك دا
وثبت انو العالم دا كلو كان عارف ان للبشير مليارات في حسابه..
معناها العالم دا كله متأمر علينا نحن ديل..المساكين...ما علي البشير
وحكومته...

9 مليار دولار حته واحدة...لا حولا...يا ناذر ديل بجيبن كم طوبة؟؟؟

والله لو كنت مكان البشير...علا اوكل اوكامبو دا يطلع لي
التسعة مليار القالها دي....ويحولا في حسابي...وامشي
ليه راكب حمار من الخرطوم الي لاهاي...واقول ليه...
اها جيتك تعال حاكمني...

عالم غلبها التسويه...بلا اوكامبو بلا كلام فارغ..

هسي اوكامبو دا بكون عارف
ال9 مليار دولار ديل بجيبن كم رغيفة؟

Quote: يا زول خليك انت مقتنع.....ونحن عارفين الغالبيه من ابناء شعبنا مقتنعين بشنو؟؟!! وبعدين انت فاكر اوكامبوا.....ده بجيب معلوماته من وين؟؟!!ما من ابناء شعبنا المتنفذين بكل المنظمات العالميه.

يا تراجي ال9 مليار دي حولوها في حساب البشير امس يعني؟
اوكامبو دا ارجل من ابناء شعبك المتنفذين بكل
المنظمات الدولية!!!

انت مش مناضلة جسورة باحراش كندا وما جاورها وناشطة
اسفيرية...ما كان المتنفذين ديل يدوك المعلومة دي
بدل اوكامبو...اوكامبو صالحوا في النضال شنو؟

يا المهدي بالله ويكيلكس دي بتجيب جنس كلام

الخوف إنو يكون لسع بطون الكمبيوترات دي مليانة بالحيل

المهم تلك معلومة لا ترقي لمستوي التهمة تحتاج لنفي أو إثبات

وأول حاجة مندوب السودان بالأمم المتحدة عندما سُئل لم يكن موفقاً في الرد حيث تجاوز النفي اليقيني لحاجات تانية قائلاً أن البشير لا يمتلك اي مال حتى أن إخوتة من اصحاب الأموال يسددون عنه بعض الإلتزامات المراسمية . يعني هو زول رئيس دولة بحتاج لأخوانه عشان يساعدوه ولا هو يساعدهم . بالله يا المندوب فكر في كلامك قبال تقوله.


بحيراوي

يعني هذا الاوكامبو البائس لم يجد شيء غير ان يفبرك

هذه التهمة التي لا تنطلي الا على قليلي الفهم

البشير رجل عفيف يشهد له كل من عرفه عن قرب

رجل يداوم على حفظ القرآن وعلى حلقات التلاوة

انسان بسيط متواضع . رجل شجاع شهم.

نظيف اليد والقلب ..

حكى لنا ان احدا قد اهداه سيارة لاندكروزر رفض قبول

الهدية وسال الشخص الذى اراد ان يهديها له

لو لم اكن رئيس هل كنت ستهديها لي ..

هذا الاوكامبو طالما انه تحول الى ( قبنجي ) عليه

اولا ان يبدأ باموال اسياده واولياء نعمته



البشير عندما كان ضابطا وترقى الى رتبة يستحق عليها

سيارة من القوات المسلحة رفض ذلك وتنازل منها لاخر

انتم لا تعرفون البشير وانما تهرفون خراج السودان

كل حسب بعده منها

Quote: أن إخوتة من اصحاب الأموال

منذ متى كانوا أصحاب أموال؟

وهل هي أموالهم وحدهم؟ يعني أخوهم ما ليهو فيها نصيب؟



الشعب السوداني ظل يتساءل: أين تذهب أموال البترول؟

التي لا يعرفها حتى الوزراء من غير العصابة الحاكمة



هذا أيضا يفسر موقف البشير المتهاون مع مختلسي المال العام بالمليارات

- كما يثبتها كل عام المراجع العام -

فيقول البشير: شكيتم لي الله!!!


إنها دولة الفساد

وإنه رأس دولة الفساد



الباقر موسى

ما نهبته حكومة الاسلامويين وثلة الحرامية من تجار السياسة والمواقف اكثر بكثير من ما جاء في الوثيقة
وهذا ليس بجديد
كل الشارع السوداني يعلم كيف تبدل حال هولاء الاسلامويين و يدعم هذا تقارير المنظمات العالمية
اذا ما ورد في الوثيقة لا يعدو ان يكون راس جليد فساد تجار الدين

لكن كلام والله
قروش ما خمج !
اصلو يا كدا يا بلاش !

الواطي طلع حرامي كبير
9 مليار يا حرامي يا مفتري
يضرب والدته ويسرق
اعوذ بالله

اوكامبو شبه الرئيس البشير بسمكة قرش جريح محاصر بأسماك قرش اخرى دون ولاء له وان الجشع هو المحفز للمتنافسين على السلطة

Quote: [ The ICC prosecutor told the US diplomats that Mr Bashir waslike “a bleeding shark being surrounded by other sharks”, with no loyalty, only greed, motivating those competing for power He suggested the possibility of his arrest would isolate him within the Sudanese elite.

المبلغ ده ممكن يشتري بيه كم ركشة ؟

Quote: وأول حاجة مندوب السودان بالأمم المتحدة عندما سُئل لم يكن موفقاً في الرد حيث تجاوز النفي اليقيني لحاجات تانية قائلاً أن البشير لا يمتلك اي مال حتى أن إخوتة من اصحاب الأموال يسددون عنه بعض الإلتزامات المراسمية . يعني هو زول رئيس دولة بحتاج لأخوانه عشان يساعدوه ولا هو يساعدهم . بالله يا المندوب فكر في كلامك قبال تقوله.

بحيراوي سلام
يا زول ده لكن ما مندوب البشير لكن عاد يقول شنو غير الدفاع الباهت ده

سلام
عثمان نواي

.

هل لاموال النفط علاقة بهذا الإتهام?



http://www.guardian.co.uk/world/2010/dec/17/wikileaks-sudanese-president-cash-london

من الراكوبة عن الشرق الاوسط

Quote: عاد مدعي المحكمة الجنائية الدولية ، أمس، وأكد ما جاء في وثيقة «ويكيليكس»، وقال إنه يجري تحريات بشأن حسابات الرئيس البشير في الخارج، نافيا أن تكون هذه الأموال موجودة في بريطانيا. وقال مورينو أوكامبو لوكالة الصحافة الفرنسية: «لدينا مصادر مختلفة تعطي معلومات عن أموال للبشير في عدة حسابات تبدأ من مئات الملايين إلى 9 مليارات دولار». وأضاف: «إنها معلومات نسعى إلى التأكد منها ونحن لا نتهمه»، مشيرا إلى أن «الأموال ليست في المملكة المتحدة وإنما خارجها. ونحن نسعى لمعرفة مكانها». وأوضح القاضي الأرجنتيني أن هذا «البنك (لويدز) لديه عدة حسابات رسمية للحكومة السودانية، لكن ليس لدينا معلومات عما إذا كانت لديه حسابات للبشير نفسه». وردا على سؤال عما إذا كانت هذه الأموال من عائدات بيع النفط السوداني، قال أوكامبو: «لا.. لسنا على يقين من أي شيء، ونحن لا نتهم أحدا لكننا نحقق». ويباشر مورينو أوكامبو إجراءات دعوى ضد البشير لاتهامه بالإبادة الجماعية وجرائم حرب في إقليم دارفور غرب السودان. وقال أوكامبو لـ«رويترز»: «أحقق في النواحي المالية ولدينا معلومات عن أموال البشير. يمكنني أن أؤكد أنها تصل إلى 9 مليارات دولار». وردا على سؤال عما إذا كان يتوقع إلقاء القبض على البشير قريبا، أجاب: «أنا واثق من أنها مسألة وقت». وتابع: «طلبت القبض عليه لكن لا يمكن التنفيذ. الحكومة السودانية صاحبة التفويض». ورفض البشير الاعتراف بالمحكمة الدولية ويواصل رحلاته الخارجية رغم إصدار أمر بالقبض عليه من جانب قضاة المحكمة الجنائية الدولية. وقد أكسبه تحديه للمحكمة تأييدا في السودان، وبصفة خاصة في الشمال، حيث يشك كثيرون في نيات الغرب. الشرق الأوسط