Post: #1
Title: الجانب الخفي أو مايجب الإنتباه له بخصوص فتاة الفيديو
Author: ياسر عبدالعزيز الطيب
Date: 12-16-2010, 06:39 AM
أول مداخلة لي في الموضوع ده.
وعلى خلفية ردود الأفعال الصاحبت ظهور الفيديو..
وبعد اندلاع الثورة والثورة المضادة على محتواه...
أول شئ: عايز أسجل إدانتي التامة لتنفيذ الأحكام بالشكل الشفناهو ده والبيخالف الشرع والقوانين وبيخالف أبسط قواعد احترام الإنسان الكرمه المولى سبحانه وتعالى.
النقاط المهمة المحتاجة توضيح أو إنتباه هي إنه:
الزولة دي حالياً وين؟
هل ظهرت في أي من التجمعات المناصرة لقضيتها دي؟؟
هل هي في مأمن من أي تهديد أو إغراء لتمييع قضيتها؟؟؟
الأسئلة دي وغيرها مدورة في راسي من أول يوم شفت فيهو الفيديو ده.
أكتب وفي ذهني إنه البنت دي بقدر بقت (رمز)!!!،
إلا إنها منسية (كشخص) في الأحداث دي.
وممكن تكون محرك لثورة ضد الحكومة
وفي نفس الوقت ممكن تكون دعاية للحكومة
دعوة للنقاش الموضوعي الهادئ
|
Post: #2
Title: Re: الجانب الخفي أو مايجب الإنتباه له بخصوص فتاة الفيديو
Author: بشير حسـن بشـير
Date: 12-16-2010, 06:44 AM
Parent: #1
.
.
Quote: الزولة دي حالياً وين؟
هل ظهرت في أي من التجمعات المناصرة لقضيتها دي؟؟
هل هي في مأمن من أي تهديد أو إغراء لتمييع قضيتها؟؟؟
|
.
.
ومعك نتساءل يا دفعه مع تحياتى .
.
.
|
Post: #3
Title: Re: الجانب الخفي أو مايجب الإنتباه له بخصوص فتاة الفيديو
Author: أحمد ابن عوف
Date: 12-16-2010, 07:10 AM
Parent: #2
الاخ ياسر
تحياتي
اسئلتك كويسة
اولا وفي اعتقادي ان معظم الناس الذيت تضامنوا معها لم يسالوا
عن شخصيتها، امكن لعلمهم بأن الامر مرتبط بقضايا حساسة.
وهنا بدأ النظام في السير في الاتجاه المعاكس، وظهرت بشكل متتدرج
1- من اسرة كبيرة ومعروفة
ولمن الناس عملت نايمة ومافي زول سكة الشمار جات معلومة تانية
2- الولد الكان معاها وين؟؟
برضو الجماعة وانا منهم بقينا ماسكين في رقبة ناس طالبان، وجات معلومة
ثالثة، لعل ولعسى ان يصرفوا الناس الجبهة الاسلامية وباقي الكرور الحاكمننا
3- الولد الكان معاها ولد مسئول كيزاني كبير
وان جاء تلميح باسم ابيه لكن برضو الناس ركزت على على المسيرة وتصعيد الفيلم مع الحكومة
وبرضو ما كفاهم، ومشو جابوا صحيفة سوابقها ونشروها كاكبر عملية قذرة في تاريخ البوليس
والقضاء السوداني وتم بمشاركة صحف يوميه لا تحترم نفسها.
اتوقع قريبا ان يأتي كوز باسمها عديييل كده في المنبر
اما توقعك بأن الحكومة ممكن تشتري صوتها؟؟؟ فدا خاجة ممكن تلخبط الاوراق وصعب التفكير فيه
|
Post: #4
Title: Re: الجانب الخفي أو مايجب الإنتباه له بخصوص فتاة الفيديو
Author: ياسر عبدالعزيز الطيب
Date: 12-16-2010, 09:59 AM
Parent: #3
Quote: ومعك نتساءل يا دفعه مع تحياتى .
|
الأخ بشير:
دفعة لكن انت مجتهد ماشاء الله عليك.
بالجد الأسئلة دي جايطة جواي بشده.
تسلم على المرور ياخي
|
Post: #5
Title: Re: الجانب الخفي أو مايجب الإنتباه له بخصوص فتاة الفيديو
Author: ياسر عبدالعزيز الطيب
Date: 12-16-2010, 10:27 AM
Parent: #4
الأخ العزيز أحمد
تحياتي وشكرا للمرور
Quote: الاخ ياسر
تحياتي
اسئلتك كويسة
اولا وفي اعتقادي ان معظم الناس الذيت تضامنوا معها لم يسالوا
عن شخصيتها، امكن لعلمهم بأن الامر مرتبط بقضايا حساسة.
|
مافهمت القضايا الحساسة الهنا زي شنو.
| Quote: اما توقعك بأن الحكومة ممكن تشتري صوتها؟؟؟ فدا حاجة ممكن تلخبط الاوراق وصعب التفكير فيه |
والله الفكرة دي بالذات مسيطرة علي، وأنا قصدي إنه ممكن صوتها يسكت سواء أكان بالشراء أو بأي شكل تاني
|
|