Post: #1 Title: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: زينب بدر الدين Date: 12-16-2010, 05:04 AM
سؤال محرج شوية
بعض وليس جميع البورداب الحريصين على المشاركة فى كل
لمة أشاهدهم فى الصور مع زميلاتهم اللائى أعتقلن إختفوا فجأة وفى ظروف غامضة لا تعليق ولا بوست
ولا دعوة لى كرامة كدا بمناسبة السلامة لينا كلنا
Post: #2 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Tragie Mustafa Date: 12-16-2010, 05:38 AM Parent: #1
انتو يا غاليه اسمكم البورداب جناح الانتفاضه.
Post: #3 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Mohammed Tirab Date: 12-16-2010, 06:31 AM Parent: #2
وأكرر مكرور القول
فقد عقم معجم الكلام
ووجمت مواقع الدهشة
لدرجة البكم
ماذا أصاب شعبنا
رجال يمارسون السادية
بتلذذ مطلق في إهانة إمراة !
تستغيث المجلودة
يا سوداناه
والرجال يضحكون
نساء باسلات يقمن مقام الرجال
هتافاً ,,وتظاهراً ,,والتصّدي
وقول ال"لا"
والرجال صامتون !!!
بل لا يبالون !
يأخذ الرجال الحرائر
الى معتقلات الظلم
ولا يأبهون !!!
حواء تهتف ضد الظلم
من داخل جدران الظلم
ويشق الهتاف أسماع
الرجال حتى الشوراع
المقابلة,,,,والكون المقابل
والرجال
لا يأبهون!!!
ما هذا الذل
هل أخصى الإبادي
كل منابت الكرامة
وترك شعبي بلا كرامة
بلا خناجر؟؟!!!
ولم يبق الا حناجر الحرائر؟
لكنّ الانحناءة
ولكل واحد منا (طرحة)
وثوب دثار
يا للعار
يا للعار
ولكزة على الكتف
لعّلهم تفيقون
د.محمد تيراب _______________ الحق يعلوا ولا يُعلى عليه
Post: #4 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Elbagir Osman Date: 12-16-2010, 06:45 AM Parent: #3
البورداب ليست هوية
هذا زمان التمايز
بين قاتل
ومقتول
الباقر موسى
Post: #5 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: صديق الموج Date: 12-16-2010, 06:47 AM Parent: #3
تساؤل مهم جدا؟؟ وين عمال السكه رماد؟؟ ووين طلبة الجامعات؟ وين الاتحاد النسائى السودانى؟ ووين الوين؟
Post: #6 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Amany Elamin Date: 12-16-2010, 06:54 AM Parent: #2
فهم اللوم, ووين فلان ما جانا بارك لينا, وليه علّان ما جاء عزّانا ده فهم ما بيلفق هنا !
أي زول يعمل حاجه بيمليها عليهو ضميره وإحساسه الشخصي بالمسئوليه تجاه الوطن والعمل العام, مامفروض ينتظر أو يتوقع إدانه أو كرامه !! من فلان أو علان !!!!!!
والطبيعي إنك تستقطبي الناس مش تصدّيهم !
Post: #7 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Yassir Tayfour Date: 12-16-2010, 07:13 AM Parent: #6
أستاذة زينب بدر الدين سلامات، هذا التساؤل يدخل في باب المزايدة والتصنيف، وهذا لا يليق.. للعمل العام نشطائه وللإجتماعيات نشطائها..
Quote: فهم اللوم, ووين فلان ما جانا بارك لينا, وليه علّان ما جاء عزّانا ده فهم ما بيلفق هنا !
أي زول يعمل حاجه بيمليها عليهو ضميره وإحساسه الشخصي بالمسئوليه تجاه الوطن والعمل العام, مامفروض ينتظر أو يتوقع إدانه أو كرامه !! من فلان أو علان !!!!!!
والطبيعي إنك تستقطبي الناس مش تصدّيهم !
شكراً يا الأماني!
Post: #8 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: وليد عبد اللطيف Date: 12-16-2010, 07:22 AM Parent: #7
Quote: فهم اللوم, ووين فلان ما جانا بارك لينا, وليه علّان ما جاء عزّانا ده فهم ما بيلفق هنا !
أي زول يعمل حاجه بيمليها عليهو ضميره وإحساسه الشخصي بالمسئوليه تجاه الوطن والعمل العام, مامفروض ينتظر أو يتوقع إدانه أو كرامه !! من فلان أو علان !!!!!!
والطبيعي إنك تستقطبي الناس مش تصدّيهم !
مشكورة بحري تفخر بيك بتنا اماني الامين
-------------------------------------- الاخت .... زينب بدر الدين .... سلامات
التعديل التحية
Post: #10 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Deng Date: 12-16-2010, 07:36 AM Parent: #8
الغالية زينب بدر الدين.
تساؤلك منطقيي جدا، وهو ينطبق أيضا على جميع القوى السياسية السودانية خصوصا الغياب الواضح للعناصر الرجالية منذ المظاهرات التي خرجت من قبل لدعم قضية الاستاذة ولبنى وضد القوانين التعسفية للمرأة.
Post: #9 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: elsharief Date: 12-16-2010, 07:31 AM Parent: #7
الأخت زينب
بوست غير موفق, بورداب الخرطوم فيهم الكوز والأمنجي والمعارض , وفيهم من يدعم جلد النساء, هنالك الأغلبية العظمي من يقف معكم ويدعمك من الرجال والنساء والطلاب والطالبات والشباب والشابات خارج اطار بورداب الخرطوم نسقوا معهم حتى الغاء جميع القوانين وبالأخص عقوبة جلد النساء
Post: #11 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: زينب بدر الدين Date: 12-16-2010, 07:37 AM Parent: #7
تساؤل مهم جدا؟؟ وين عمال السكه رماد؟؟ ووين طلبة الجامعات؟ وين الاتحاد النسائى السودانى؟ ووين الوين
لا ديل كلهم موجودين
سؤالى مختلف
ويا أمانى وياسر
أنا ماقاصدة لوم ولا أى حاجة
قصدى مختلف تماما لأنو أصلا عندى راى
فى لمةما مفهومة بالنسبة لى بتجمع مناضلين
مع أمنجية فى مناسبات إجتماعية ودى عندى فيها راى
ودا سبب السؤال بتاعى ديل وين من القبض على زميلاتهم
أنا ما زميلتهم طبعا ولا بشرفنى عشان ألوم قصدى أنبه
Post: #12 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: محمد عادل Date: 12-16-2010, 07:48 AM Parent: #11
استاذه زينب قالو جماعه مشو شارع المورده ضربو سمك افتكرو روحهم فى شارع الجامعه
Post: #13 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: محمد يوسف الزين Date: 12-16-2010, 07:50 AM Parent: #11
Quote: تساؤلك منطقيي جدا،
سؤال ما منطقي ولا اي حاجة
دايرين تشقو صفكم ولا دايرين توحدوهو؟!
يعني بورداب الخرطوم ديل فصل مدرسة بسوقهم استاذ ولا كيف؟!... اي زول وعلى كيفو
_______ ود الزين - الخرطوم، ما ظهرت في اي رحلة أو فيديو، بكون امنجي يا ربي!
Post: #14 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: زينب بدر الدين Date: 12-16-2010, 08:01 AM Parent: #13
ود الزين ما فى شق صف فى كل مداخلاتى أكدت وجود بورداب
الخرطوم فى المسيرة وبكثرة ومنهم من أعتقل وصديق عبد الهادى شاهد عليهم برضو
من أتحدث عنهم هم أمنجية البورد وعشان أفرز أمنجية الداخل من
أمنجية الخارج قلت بورداب الخرطوم
ما أقصده أن هناك أمنجية أعداء لنا وللبورداب .منافقين يخلقون علاقات
إجتماعية مع الشرفاء
البوست موفق جدا فى رأى وكان حارقنى من زمن
ومرة فكرت أسأل الناس الخالقين معاهم علاقات ديل
حقوا فى لمة كدا يسألوهم مباشرة ممكن تتوسطو لينا نعرف مكان مقابر الشهداء
حقوا تسألوهم ولو وساطة ممكن تعرفوا لينا قاتل محمد موسى
ممكن تسألوهم ولو وساطة إعرفوا ليكم وين تحقيقات بورتسودان وغيرها من التحقيقات
البوست دا حددت هدفوا فى ردى على أمانى وياسر
Post: #15 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عبداللطيف خليل محمد على Date: 12-16-2010, 08:22 AM Parent: #14
شوف زي دي كمان !!
Post: #16 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Amany Elamin Date: 12-16-2010, 08:25 AM Parent: #14
يا زينب بدر الدين ,,
غرضك كان واضح من البدايه وما محتاج شرح,, ممكن تبدي رايك في بورداب الخرطوم بعيد عن مبادرة لا لقهر النساء؟
يعني أفتحي بوست إسمه أرفض تجمع الأمنجيه مع المناضلين في بورداب الخرطوم, وخلي الناس تجي تحاورك,
مبادرة لا لقهر النساء أو قادمات, خليها بعيده عن الأحقاد والمناوشات وشق الصف والتصنيفات والمزايدات !!
أجمعي يازينب وما تفرّقي,, ممكن؟
وقت الحساب لسه ما جاء, لأنه ولا غرض من أغراض المبادره ما إتحقق لسه,
ما تفضّي الناس من حولكم بتصنيفات ولوم, إنتي هدفك من المبادره ما بورداب الخرطوم, خلي الباب مفتوح لكل من يود الإنضام,
البتعملي فيهو ده مضر للقضيه !
-- ياسر ووليد تسلمو وتحياتي,,
Post: #18 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: معاوية عوض الكريم Date: 12-16-2010, 08:37 AM Parent: #16
Quote: يعني أفتحي بوست إسمه أرفض تجمع الأمنجيه مع المناضلين في بورداب الخرطوم, وخلي الناس تجي تحاورك,
Post: #17 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: haroon diyab Date: 12-16-2010, 08:28 AM Parent: #11
Quote: فهم اللوم, ووين فلان ما جانا بارك لينا, وليه علّان ما جاء عزّانا ده فهم ما بيلفق هنا !
أي زول يعمل حاجه بيمليها عليهو ضميره وإحساسه الشخصي بالمسئوليه تجاه الوطن والعمل العام, مامفروض ينتظر أو يتوقع إدانه أو كرامه !! من فلان أو علان !!!!!!
والطبيعي إنك تستقطبي الناس مش تصدّيهم !
Post: #19 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: العوض المسلمي Date: 12-16-2010, 08:52 AM Parent: #17
انا يا زينب من الناس البظهروا في لمات بورداب الخرطوم وماشاركت في المظاهرة دي يعني المشكلة وين؟ ممكن اي واحد عنده ظروف وما جاء لهذا السبب ولكني شخصيا دعوت لمسيرة ولكن دعي غيري لمسيرة باهداف مختلفة ولي اسبابي في عدم المشاركة ..اما ادانة ما حدث فما محتاجة لبوست اواعلان في المنابر!! يعني الناس طلعت مسيرة وما عارفة انه في قبض واعتقال ؟؟
_______________ اتفق مع الاخت اماني في السعي الي ما يجمع لا الي ما يفرق ..
Post: #20 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين يوسف علي محمد Date: 12-16-2010, 08:59 AM Parent: #19
زينب لو إتّفق بورداب الخرطوم على الخروج في مسيرة للتّنديد بالمحْكمة الجِّنائيّة و أوكامبو هل سنراكِ فيها؟
Post: #21 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-16-2010, 09:21 AM Parent: #20
!!!!!!!!!!!
Quote: : أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم
أها ... تعالي أعملي لينا فتاشة نوايا سريعة ..!!
دا شنو القرف دا ؟؟!!!
مشينا نضرب سمك عند عوضية اليوم داك ... عندك مانع ؟!!
Post: #22 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: مرتضي عبد الجليل Date: 12-16-2010, 10:04 AM Parent: #21
quoteقصدى مختلف تماما لأنو أصلا عندى راى
فى لمةما مفهومة بالنسبة لى بتجمع مناضلين
مع أمنجية فى مناسبات إجتماعية ودى عندى فيها راى
ودا سبب السؤال بتاعى ديل وين من القبض على زميلاتهم
أنا ما زميلتهم طبعا ولا بشرفنى عشان ألوم قصدى أنبه
كلام واضح كدا -------------------------- العزيزة زينب بدر الدين كلامك واضح ذي عين الشمسز
مقاطعة أمنجية و أعوان السلطة ضرورة نضالية ملحة.
سلام وتحية
Post: #23 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: محمد البشرى الخضر Date: 12-16-2010, 10:05 AM Parent: #21
المسيرة البعقبوها باللوم و السؤال عن الجا و الما جا فعلا مسيرة نسوان
مذكرة كانت موجهة لـ و تخاطب رئيس المجلس الوطني و رئيس المجلس التشريعي و وزير العدل بمناصبهم التي نالوها تحت ظل و بسبب الإنقاذ اي اقلاها معترفة بيهم و تتساءل عن مصافحة الزملاء ياها زاتها فتأمل الملاسية
Post: #24 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 10:27 AM Parent: #21
أستاذة زينب تحياتي
برضو بقول بوست غير موفَق نهائي أنا الحاجة الإحترمتها شديد في بورداب الخرطوم إنّهم في رحلاتهم ولماتهم الإنتي بتتكلمي عنها دي بيكونوا سودانيين أصيلين لا تفرقهم الآراء ولا الإنتماءات السياسية ولمن يتلاقو مافي واحد أساساً بيتذكر حكاية التصنيفات البتعمليها إنتي دي ودة السودان كدة يا زينب والسودانين مفروض يكونوا كدة إنتي قاعدة وين؟ في أثيوبيا؟ خلّي بورداب الخرطوم في حالهم يا زينب ولّا عشان بيجو فتح بوستات الإعتقال كُلّها بإسمِك (إعتقال زينب بدرالدين) وشنو كدة ما عارف زينب بدر الدين.. ما يكون التلميع دة أدّاكي الإحساس بالوصاية على الجميع بما فيهم بورداب الخرطوم
عميق احترامي
Post: #25 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: جمال الباقر Date: 12-16-2010, 10:40 AM Parent: #24
Quote: بورداب الخرطوم إنّهم في رحلاتهم ولماتهم الإنتي بتتكلمي عنها دي بيكونوا سودانيين أصيلين لا تفرقهم الآراء ولا الإنتماءات السياسية
نفهم من كده انو بورداب جدة تفرقهم الاراء والانتماءات السياسية ؟؟؟
مجرد سؤال يا علاء لانك عايش في جدة لو ما خانتني الذاكرة
Post: #27 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 11:13 AM Parent: #25
Quote: نفهم من كده انو بورداب جدة تفرقهم الاراء والانتماءات السياسية ؟؟؟
مجرد سؤال يا علاء لانك عايش في جدة لو ما خانتني الذاكرة
إطلاقاً يا دكتور جمال نهائي الآراء والإنتماءات السياسية لا تؤثر على العلاقات الإجتماعية وأواصِر الوُد القائمة ولا تُفرِّق إلّا بين الجُهلاء فقط أو هكذا يُفترض أن تكون ولكن الأستاذة زينب أرادت لعلاقات بورداب الخرطوم الإجتماعية أن لا تكون كذلك
____ وما دام حكّيتها كدة يا دكتور: بورداب الخرطوم برضو غير اها.. خُم وصُر
Post: #26 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عبدالعزيز حسين عبدالرحيم Date: 12-16-2010, 10:48 AM Parent: #24
والله يا جماعة الاستاذة زنيب بدرالدين كما أخت كبيرة وأستاذة فاضلة كنت سميتها ليكم كبسورة البورد
يا أستاذة زنيب كلامك غريب ومتناقض
Post: #28 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: معتصم محمد صالح Date: 12-16-2010, 11:21 AM Parent: #26
تحياتي لبورداب الخرطوم عموم ..
ولتواصل قافلتكم سيرها .. ..
Post: #29 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Mustafa Mahmoud Date: 12-16-2010, 12:02 PM Parent: #28
التحية لكل الشرفاء و العار العار
لعملاء الامن المدربون في اشلاق البوليس و نادي الضباط في الخرتوم تحت الاسم الحركي (دورة الاخت محاسن) بنت الاشلاق
Post: #31 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عبد المنعم ابراهيم الحاج Date: 12-16-2010, 12:11 PM Parent: #29
سلامات يازينب وحمد الله بالسلامة بل السؤال مفترض يكون أين هم من المسيرة والمشاركة طالما مقتنعون أن الذي حدث للفتاة هو ظلم .. لك التحية ولكل المخلصات لهذا الوطن .
Post: #32 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: اسماء الجنيد Date: 12-16-2010, 12:21 PM Parent: #29
Quote: سؤال محرج شوية
بعض وليس جميع البورداب الحريصين على المشاركة فى كل
لمة أشاهدهم فى الصور مع زميلاتهم اللائى أعتقلن إختفوا فجأة وفى ظروف غامضة لا تعليق ولا بوست
ولا دعوة لى كرامة كدا بمناسبة السلامة لينا كلنا
الاخت زينب لك التحية والاحترام مع احترامي لكل القمتوا بيه في مسيرة لا لقهر النساء
لكن لا وافقك على الاطلاق بسؤالك هذا النضال والعمل الوطني البتبعه المن والرياء ده ما ببقي نضال ولا احساس بالعمل البمليه علينا الضمير انا ما بقول انتي بتمني لا سامح الله لكن سؤالك ده بقود الفهم لذلك وببشق الصفوف بعدين نحن ما محتاجين لي شكر ولا احتفال ولا وشاحات ولا تكريم من عمل بيوجبه علينا ضميرنا الحي ونحن ما بنعرف ظروف الناس بورداب الخرطوم هم مثال للتجمع الانساني العظيم شهدنا لهم كثيرا بذلك,, وحدة صفهم وقت الحارة ما دايرة شوفوني وآخر تجمع كان رحيل فقيدنا الغالي سمندلاوي منهم من لم يره في حياته ولكن اتى مهرولا قبل اهل الوجعة من اقاربه في ساعات الفجر الاولي ورافق اهل المرحوم الى رفاعة هؤلاء هم بورداب الخرطوم اكرر لك التحية وعذرا اسمحي لي ان اقول لك لم توفقي في هذا البوست على الاطلاق تقديري للجميع
Post: #30 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: جمال الباقر Date: 12-16-2010, 12:11 PM Parent: #28
Quote: بورداب الخرطوم برضو غير
ارى ان يتم استبعاد المدعو علاء الدين صلاح قصدي صالح من لجنة التسيير لبورداب جدة
حيث للمدعو ميول لبورداب في مدن وامصار اخرى
Post: #33 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Deng Date: 12-16-2010, 12:42 PM Parent: #30
واضح جدا هنا أنو الاخت زينب بدر الدين تتحدث عن المسكوت عنه بالبورد.
ما طرحته الاخت زينب هو عين الحقيقة. كفاية مجاملات وترضيات.
Post: #34 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Mustafa Mahmoud Date: 12-16-2010, 12:59 PM Parent: #33
الشهداء 1989 2010
Post: #43 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: بدر الدين الأمير Date: 12-16-2010, 02:14 PM Parent: #34
Quote: فهم اللوم, ووين فلان ما جانا بارك لينا, وليه علّان ما جاء عزّانا ده فهم ما بيلفق هنا !
امانى لك التقدير ياسيدتى القضية هنا ما قضية لوم وملمات اجتماعية اوشللية بل هى ما بتديك فرصة للسكوت لوكنت صاحب ضمير القضية هنا انسانية ومشهد قهر انسانية انسان وببشاعة اين موقفك منها مع ام ضد وامامك الفيديو ولامساحة لاى لون رمادى او موقف بين بين او انحنى حتى تمر العاصفة بعض بورداب الخرطوم اتى وقال كلمته حسب قناعاته وبعضهم بشجاعة وبعضهم حسب اوامر التنظيم لكن الاكثيرة توارت وتجاهلت قضية هزت معظم المنابر التحاورية الاسفيرية ناهيك عن محطات التلفزة وتساؤل زينب يفتح الباب لتساؤل اخر هل مايهز ضميرك الانسانى يمكن ان تغض الطرف عنه حسب مصالحك وخوفك من منظومة ( المؤتمر الوطنى ) في تقديرى ان الذين سكتو من برداب الخرطوم هم مسكتين بطريقة او اخرى ودونك معتز القريش احد كوادر المؤتمر الوطنى الاسفيرية وشقيق وزير الثقافة تأملى كيف وبكل شجاعة واجه ضميره وبالمقابل تاملى ميادة كمال وماتقوم به مع صلاة فجر كل يوم جديد .. بوست للدعاء على كل من أهانك..... وأولهم عمر البشير
Post: #36 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: نجوان Date: 12-16-2010, 01:06 PM Parent: #33
أعتقد ان تساؤل الأخت زينب بدرالدين مشروع جدا..
قضية فيديو القهر قضية انسانية بالدرجة الأولى، وقبل أي شيء.. والدليل تألم واستنكار الغالبية العظمى هنا للحادثة، على إختلاف مشاربهم.. (وهو من المواقف النادرة هنا ان يتفق كم هائل من البورداب على شيء واحد)
لم تمنع الإختلافات لمّة البورداب الإجتماعية (وهذا شيء محمود، لأنهم اخوان، الخ).. وعليه، الواحد يتوقع ان يكون نفس الشيء في المواقف الإنسانية!
Post: #35 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: انعام حيمورة Date: 12-16-2010, 01:06 PM Parent: #30
هم منو ديل امنجية المنبر القاعدين نرقص ونتصور معاهم ؟؟؟
ما كنتي بتجي ترفهي معاهم وتتصوري حتي قبل ما تبقى عضوة في المنبر يا زينب بدر الدين
هسى بقى عندك راي فيهم ؟؟
Post: #37 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Mustafa Mahmoud Date: 12-16-2010, 01:12 PM Parent: #35
Post: #38 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: حذيفه ابراهيم الكباشي Date: 12-16-2010, 01:31 PM Parent: #37
بوست في طريقو للبلع
...
Post: #41 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عبد المنعم ابراهيم الحاج Date: 12-16-2010, 01:50 PM Parent: #38
Quote: بيكونوا سودانيين أصيلين لا تفرقهم الآراء ولا الإنتماءات السياسية
وكذلك يا أخ علاء ما حدث في الأيام السابقة كرد فعل لفيديو الفتاة لم السودانيين ولم يفرقهم تحت مظلة الإدانة والشجب دون أي إعتبارات للولاءات والإنتماءات السياسية. وقضية الفيديو هي قضية إنسانية وليست سياسية في المقام الأول. لك التحية
Post: #57 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 03:44 PM Parent: #41
Quote: وكذلك يا أخ علاء ما حدث في الأيام السابقة كرد فعل لفيديو الفتاة لم السودانيين ولم يفرقهم تحت مظلة الإدانة والشجب دون أي إعتبارات للولاءات والإنتماءات السياسية. وقضية الفيديو هي قضية إنسانية وليست سياسية في المقام الأول. لك التحية
دة كلام شنو يا مُنعِم؟ فتاة الفيديو دي جلدوها كماسرة في المحطة الوسطى؟ كيفِن ما قضية سياسية؟ لمن تقول قضية إنسانية وليست سياسية معناتا بس طريقة تنفيذ العقوبة كانت مُهينة ووحشية وقاسية لكن القضية قضية قهر وذُل وقوانين مُسيئة وسياط أحكام تنال من الضعيف ولا تمس الشريف قضية الفيديو إنسانية وسياسية جنباً إلى جنب كهاتين (وأشار بالسبابة والوسطى)
لك تحياتي وعميق احترامي
Post: #39 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: محمد عمر جبريل Date: 12-16-2010, 01:41 PM Parent: #37
سؤال محرج شديد: إنتي بتعرفي منو من البورداب ديل؟؟؟ يعني لو شفتي زول فيهم ماشي في الشارع ها تعرفي ده فلان داااك الفي سودانيزأون لاين؟؟ وللا إنتي قايلة الناس بتطلع المظاهرات عشان الناس تفتح بوستات بأسماءهم وتضامنوااااااا مع فلان في المعتقل أطلقوااااااااا صراح علان من السجن !!! ده الفرق بين الزول الطلع المظاهرة عشان أهداف سامية ورغبة أكيدة في تغيير القانون والزول البطلع عشان (الشوفونية) ... بالله يا اخوانا أي زول مشى المظاهرة دي يجي يفتح بوست بي اسمو ويحكي عن السك سك والمعتقل وبوت العسكري والناس الما عندها باسويرد هنا ممكن ترجع للبروفايل عشان الإيميل وأنا على أتم الاستعداد عشان أنزل تجاربكم في المنبر __________
Post: #40 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: محمد عمر جبريل Date: 12-16-2010, 01:44 PM Parent: #39
وأهم حاجة الصور .. عشان ما يجي زول سااااي كده يقول أنا كنت في المظاهرة والما متصور ياكل نارو
Post: #42 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: هنادى عثمان Date: 12-16-2010, 02:06 PM Parent: #40
زنوبة
انتو الساس وانتو الراس
ونحنا بلاكم فوق رؤسنا ننداس
انتن شرفاء بلادي
لكن التجلة والتقدير
لكن محبتي
هنادي عثمان
Post: #44 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عوض عبدالله طه Date: 12-16-2010, 02:29 PM Parent: #42
.... حريم البكا الواحدة تقالد التانية النخجي ....والدموع دي زي المطر وتسمع المناحة ...تقول الزولة دي هسع ده تنشق وهي في وادي تاني عقلها يسجل بسرعة كمبيوتر Core Du 2
فلانة جات وفلانة ما جات فلانة لابسة شنو فلانة محننة وفلانة مكوفرة .... الواحد ما يصدق فتحو ليهم بوست باسمو إلا يجي يعمل فيها ولي أمر الناس يعني الوصاية دي حدها وين؟ بالله يا الأخت ختي لينا تلفونك عشان الواحد يبلغك بتحركاتو في الخرطوم وأهم حاج يضرب ليك عشان يستأذن منك لو كان عنده عذر أو جاهو ظرف طارئ واهم حاجة يشاورك لو جاتو دعوة لقندهار من العوض المسلمي او استقبال طارق جبريل عشان توريهو يمشي ولا ما يمشي .... .....
Post: #45 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: BAKTASH Date: 12-16-2010, 02:30 PM Parent: #42
استاذة زينب بورداب الخرطوم ديل (لحم راس) في السياسة وبورداب اجتماعيا ... طبيعي جدا ان نجد فيهم كل الوان الطيف السياسي السوداني .. عشان كدا دا براهو ودا براهو.. ودي..
Post: #47 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-16-2010, 02:46 PM Parent: #45
وكمان شنو ..!!!
جاتنا أم رشيرش لافحة توبا ومفراكتا وغازة كوعا في نصها ..!!
قالت ايه .. إنتو بورداب جناح الإنتفاضة ..!!
أنا ما عارف تراجي دي مصرة تحشر كيبوردا في أي بوست بيتكلم عن بورداب الخرطوم لييه ..!!
حارقنك وين نحنا يا تراجي ..!! حاسدانا في شنو وفوق شنو وعلي شنو ؟!
ما تتحشري في مواضيع ما بتخصك تاني .. سمح ..!!
Post: #66 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 04:26 PM Parent: #30
Quote: ارى ان يتم استبعاد المدعو علاء الدين صلاح قصدي صالح من لجنة التسيير لبورداب جدة
حيث للمدعو ميول لبورداب في مدن وامصار اخرى
اللهم هذه قسمتي فيما أملُك، فلا تلُمني فيما تملُك ولا أملُك
Post: #46 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Tabaldina Date: 12-16-2010, 02:43 PM Parent: #20
.. . طيب انت لمن ما زميلتهم ولا بشرفك طيب مال تتلمى
---------
خلاص ياها الكم دقيقة دى دايره تعملى مناضلة وتسئ للناس من طرف دون اسس ولا معيار ..
Post: #48 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: معتصم محمد صالح Date: 12-16-2010, 02:54 PM Parent: #46
Quote: ولا معيار
تااااني ..........
يا عمك والله مشتاقين ..
رايكم شنو بالمناسبة دي نمشي سكينة بعدين ؟؟
Post: #49 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-16-2010, 02:59 PM Parent: #48
إذهبي إنتي وربك لتتظاهرا يا زينب ..!!
نحن هاهنا عند عوضية منبرشون ..!!
Post: #50 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: منال Date: 12-16-2010, 03:03 PM Parent: #48
معليش تاني كان كان عندكم مسيرة وللا حني مظاهرات كلمونا من بدري عشان نبطل ليها رقيصنا وصورنا مع الامنجية
خالص الود
Post: #53 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: بدر الدين الأمير Date: 12-16-2010, 03:37 PM Parent: #52
Quote: أعتقد ان تساؤل الأخت زينب بدرالدين مشروع جدا..
قضية فيديو القهر قضية انسانية بالدرجة الأولى، وقبل أي شيء.. والدليل تألم واستنكار الغالبية العظمى هنا للحادثة، على إختلاف مشاربهم.. (وهو من المواقف النادرة هنا ان يتفق كم هائل من البورداب على شيء واحد)
لم تمنع الإختلافات لمّة البورداب الإجتماعية (وهذا شيء محمود، لأنهم اخوان، الخ).. وعليه، الواحد يتوقع ان يكون نفس الشيء في المواقف الإنسانية!
Post: #54 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: بدر الدين الأمير Date: 12-16-2010, 03:37 PM Parent: #52
Quote: أعتقد ان تساؤل الأخت زينب بدرالدين مشروع جدا..
قضية فيديو القهر قضية انسانية بالدرجة الأولى، وقبل أي شيء.. والدليل تألم واستنكار الغالبية العظمى هنا للحادثة، على إختلاف مشاربهم.. (وهو من المواقف النادرة هنا ان يتفق كم هائل من البورداب على شيء واحد)
لم تمنع الإختلافات لمّة البورداب الإجتماعية (وهذا شيء محمود، لأنهم اخوان، الخ).. وعليه، الواحد يتوقع ان يكون نفس الشيء في المواقف الإنسانية!
Post: #55 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: بدر الدين الأمير Date: 12-16-2010, 03:37 PM Parent: #52
Quote: أعتقد ان تساؤل الأخت زينب بدرالدين مشروع جدا..
قضية فيديو القهر قضية انسانية بالدرجة الأولى، وقبل أي شيء.. والدليل تألم واستنكار الغالبية العظمى هنا للحادثة، على إختلاف مشاربهم.. (وهو من المواقف النادرة هنا ان يتفق كم هائل من البورداب على شيء واحد)
لم تمنع الإختلافات لمّة البورداب الإجتماعية (وهذا شيء محمود، لأنهم اخوان، الخ).. وعليه، الواحد يتوقع ان يكون نفس الشيء في المواقف الإنسانية!
Post: #56 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-16-2010, 03:40 PM Parent: #55
يا بدر الدين زح الكربون من تحت الكيبورد ..!!
عامل مداخلتك المن أصل وصورتين دي ..!!
مشتاقين ..
Post: #58 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Deng Date: 12-16-2010, 03:47 PM Parent: #56
In the End, we will remember not the words of our enemies, but the silence of our friends.
Martin Luther King, Jr.
Post: #59 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-16-2010, 03:50 PM Parent: #58
سلام دينق
دو يو نو إنقلش ؟؟!!
Post: #80 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Tabaldina Date: 12-16-2010, 11:24 PM Parent: #59
.. . دينق دا يا ناذر خليهو يشوف ليهو حل للرهائن بتاعينهم ديل 154 بص وشاحنة و971 جنوبي .. فى الخرسانة.. مقابل مليون دولار الا يقدم طلب لـ UN
Post: #61 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عبد المنعم ابراهيم الحاج Date: 12-16-2010, 04:00 PM Parent: #58
Quote: قضية الفيديو إنسانية وسياسية جنباً إلى جنب كهاتين (وأشار بالسبابة والوسطى)
الاخ علاء مافي شك من ذلك ولا يمكن أن أقول بغير بذلك ولكن وضعت مقامين لكل مقام منهما فقدمت إنسانية على سياسية، معك حق ربما الصياغة وإدخال مفردة ليست في مكان " وحسب " ...وطالما إتفقنا على ذلك يصبح المعنى أخلاقيا تتكامل جهود الإدانة من وجهت النظر الإنسانية وألا يكون ذلك مجرد تعاطف وقتي لا غير. لك التحية
Post: #60 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: محمد عبدالرحمن محمد Date: 12-16-2010, 04:00 PM Parent: #56
Quote: عامل مداخلتك المن أصل وصورتين دي ..!!
Post: #62 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-16-2010, 04:10 PM Parent: #60
المطرطش ازيك ..
كيفنك أبوي ..!!
نعلك طيب ..!!
تم التعديل حتى لا يختل المعنى
Post: #64 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: محمد عبدالرحمن محمد Date: 12-16-2010, 04:16 PM Parent: #62
صاحب الجريو ها ازيوكا ها! __ ياخي مالك علي! خليتني ادخل في البوست دا وما عندي حباية حوار! وكمان تاني تسلم علي سلاماً مؤكد؟ يعني لازم أجي تاني؟ __ ياخ مشتاقين جد!
Post: #63 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ود الباوقة Date: 12-16-2010, 04:15 PM Parent: #60
هل القصد من المظاهرات هي خلق بطولات على صفحات
الانترنت فلان قبضوه واخرى كسروا يدها وهكذا
ام انه نضال من اجل تغير حالة لا تعجب المتظاهرين
ومن يتعاطف معهم
بعدين انتو مفروض تقسموا البورداب من هس
عشان تاني ما تكون في هيلمانة من غير هيلمان
مثلا بورداب ( فواتح )
الفواتح نفسها تنقسم الا فواتح ولائية واخرى اتحادية
وعلى ضوئها يتم تحديد الاشخاص
بورداب سمايات
ديل حدودهم الولاية فقط ولا يجوز خروجهم خارجها الا باذن
من السلطات الرسمية
بورداب هجيج وحفلات
دي يتقدم لها من يانس في نفسه الكفاءة من البورداب
وهكذا
يعني حالوا نظموا نفسكم بدل الحتة الضيقة دي الدخلتوا
اخوة واخوات عزيزات من بورداب الداخل ..
Post: #70 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: بدر الدين الأمير Date: 12-16-2010, 04:53 PM Parent: #63
Quote: يا بدر الدين زح الكربون من تحت الكيبورد ..!!
عامل مداخلتك المن أصل وصورتين دي ..!!
مشتاقين ..
ناذر انت لو داير تطالعنى الخلا امش جيب معاك قريبك معتز القريش وانا بجى ومعى قريبى الماضامنو ملاسى البكون راقدلو فى رأى .... بس ياناس الخرطوم قدرنا ظروفكم في مايخص فيديو الفتاة .... طيب وبوست زميلكم وصديقكم وووالخ الذى صبا ... معتز القريش اين انتم منه ولا برضو باركتوها وإستغفرتو له ولكم وايقنتم ان صاحبكم بنخج حسب المود وانتم ايضا حسب الظروف ونحن علينا ان نقدر الظروف
Post: #67 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: nadus2000 Date: 12-16-2010, 04:36 PM Parent: #60
الأستاذة زينب
دعيني أختلف معكي، وأرى أن هذا البوست، لا يختلف كثيراً عن بوستات التشتيت، وان سارت في الاتجاه المعاكس، فهي ستفضي الى نفس النتائج ألا وهي صرف النظر عن القضية الرئيسة، وبالتالي تصبح نيران صديقة تصيب كثير ممن لم تتسنى لهم ظروفهم، أو حتى قناعتهم بالمسيرة كوسيلة، مع اتفاقهم معكن في الأهداف...
Post: #65 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 04:23 PM Parent: #56
Quote: أعتقد ان تساؤل الأخت زينب بدرالدين مشروع جدا..
قضية فيديو القهر قضية انسانية بالدرجة الأولى، وقبل أي شيء.. والدليل تألم واستنكار الغالبية العظمى هنا للحادثة، على إختلاف مشاربهم.. (وهو من المواقف النادرة هنا ان يتفق كم هائل من البورداب على شيء واحد)
لم تمنع الإختلافات لمّة البورداب الإجتماعية (وهذا شيء محمود، لأنهم اخوان، الخ).. وعليه، الواحد يتوقع ان يكون نفس الشيء في المواقف الإنسانية!
الأخت نجوان تحياتي الأستاذة زينب ما قصدت بكلامها قضية الفيديو ولا جابت سيرة الفيديو من منطلق إنساني هي بتتكلم عن مسيرة المبادرة وعن إدانة الإعتقال الذي حدث لها وللأخوات الماجدات حتة المواقف الإنسانية من الفيديو دي خلاص إنتهى التعبير عنها بالعواطف الجياشة بانتهاء مراسم الفُراش زينب بتلوم بعض أو غالبية بورداب الخرطوم لعدم إبداء مواقف سياسية واضحة تجاه المسيرة وبتطالب بفصل البورداب إجتماعياً إلى كومين حسب مواقفهم السياسية عايزة تجيب ورقة وتعمل فيها عمودين (لنا) و(ضدنا) زي الشُغل بتاع الإنتفاضة زمان يعني مثلاً في قندهار الناس الـ(لنا) يقعدوا في راكوبة سلوى بت الأُبيِّض عشان شيّتها سمحة الناس الـ(ضدنا) ياكلو عند فتحية كبروس عشان تجيهم جلطة من الشحم الكتير ناس يقعدوا في حليوة وناس في سكينة والعايز يحوِّل من سكينة لحليوة لازم يجيب تصديق من زينب
Post: #68 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: مرتضي عبد الجليل Date: 12-16-2010, 04:40 PM Parent: #65
Quote: من أتحدث عنهم هم أمنجية البورد وعشان أفرز أمنجية الداخل من
أمنجية الخارج قلت بورداب الخرطوم
ما أقصده أن هناك أمنجية أعداء لنا وللبورداب .منافقين يخلقون علاقات
إجتماعية مع الشرفاء
البوست موفق جدا فى رأى وكان حارقنى من زمن
ومرة فكرت أسأل الناس الخالقين معاهم علاقات ديل
حقوا فى لمة كدا يسألوهم مباشرة ممكن تتوسطو لينا نعرف مكان مقابر الشهداء
حقوا تسألوهم ولو وساطة ممكن تعرفوا لينا قاتل محمد موسى
ممكن تسألوهم ولو وساطة إعرفوا ليكم وين تحقيقات بورتسودان وغيرها من التحقيقات
Post: #69 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عاطف مكاوى Date: 12-16-2010, 04:44 PM Parent: #68
Quote:
واضح جدا هنا أنو الاخت زينب بدر الدين تتحدث عن المسكوت عنه بالبورد.
Post: #71 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 05:25 PM Parent: #65
Quote: الاخ علاء مافي شك من ذلك ولا يمكن أن أقول بغير بذلك ولكن وضعت مقامين لكل مقام منهما فقدمت إنسانية على سياسية، معك حق ربما الصياغة وإدخال مفردة ليست في مكان " وحسب " ...وطالما إتفقنا على ذلك يصبح المعنى أخلاقيا تتكامل جهود الإدانة من وجهت النظر الإنسانية وألا يكون ذلك مجرد تعاطف وقتي لا غير. لك التحية
الأخ الفاضِل/ منعم إذا كان التعاطُف وقتي فدة يبقى موقف خلينا نقول غير إيجابي (هو ليس سلبي بأي حال) لكن كمان يا منعم ما بتقدر تفرض على زول غير مُنتمي سياسياً إنو يجيِّر موقفو الأخلاقي دة عملياً على أرض الواقع بإنو يشارك في العمل العام سوى في مُظاهرة سلمية أو في غيرو، إنتا معاي؟ الغالبية العُظمى من الناس هنا عبَّرَت عاطفياً وإنسانياً وأدانت واستنكرَت ودي بُشارة خير الأخوات في مُبادرة لا لقهر النساء ما قصّروا قرروا يقوموا بعمل سياسي عام (مسيرة سلمية وكدة) دة عمل جميل وجيد ومن أوجب واجباتهن وكتّر خيرهن والناس ساندوهن معنوياً وشجبنا واستنكرنا اعتقالهم وإهانتهن لكن استاذة زينب ما تجي كمان تحاول تفرض على بورداب الخرطوم كلهم إنهم يا يكونوا زيّها يا بالتالي هُم كعبين الشغلة ما كدة يا منعم، الناس تفرِّق بين المواقف الإنسانية والعمل السياسي العام زينب ليه ما لامت الأحزاب السياسية الإتوجهت ليها دعوات رسمية من إعلام المبادرة بالمشاركة؟ وعلى رأسها الحزب الشيوعي التقصير من الأحزاب والنقابات حاصل حاصل دي ما عايزة كلام امشو يا زينب حاسبوا الأحزاب الوطنية الما كانت حاضرة بصورة رسمية رغم الدعوات الرسمية الإتوجهت أكتبوا ليهم لفت نظر أو وجِّهوا ليهم صوت لوم وبقول ما كانت حاضرة لأنو مافي شعار واحد أو لافتة اترفعت في المسيرة باسم نقابة أو حزب عشان كدة زينب ما تبالغ وتعمل بورداب الخرطوم المساكين ديل حيطتها القصيرة تحياتي وعميق احترامي
غايتو يا إنعام حيمورة جَيّتي الجاية كان ما جبتو فيها مونيكا روبرت في الرحلة بتكونوا إتلومتو الليلة العبد لله الصوارمي بتاع بورداب الخرطوم بجدارة لوووووول
Post: #72 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 05:57 PM Parent: #71
Quote: وكمان شنو ..!!!
جاتنا أم رشيرش لافحة توبا ومفراكتا وغازة كوعا في نصها ..!!
قالت ايه .. إنتو بورداب جناح الإنتفاضة ..!!
أنا ما عارف تراجي دي مصرة تحشر كيبوردا في أي بوست بيتكلم عن بورداب الخرطوم لييه ..!!
حارقنك وين نحنا يا تراجي ..!! حاسدانا في شنو وفوق شنو وعلي شنو ؟!
ما تتحشري في مواضيع ما بتخصك تاني .. سمح ..!!
Post: #73 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: saif massad ali Date: 12-16-2010, 06:18 PM Parent: #72
بيان حول قضية فتاة الفيديو 16th, December 2010, 9:32 am نيابة عن نساء دارفور الائى تعرضن للاغتصاب المنظم تحت اشراف المؤتمر الوطنى الفاقد لادنى قيم الاسلام والاخلاق السودانية — ونيابة عن رئيس الحركة د خليل ابراهيم وقيادات الحركة فى كل مؤسساتها — تدين حركة العدل والمساواة السودانية وتشجب كل اشكال التعديب والاهانة والادلال التى تتعرض لها المراة السودانية فى كل ارجاء السودان والتى تجلت فى احدى صورها الموثقة فى حالة فتاة الفيديو التى شهدها العالم على النيت فى عهد ثورة وكيلكس التى تمردت غلى كل اشكال الرقابة الحكومية وتهديدات المخابرات بكل اشكالها — ان حركة العدل والمساواة تشاطر كل نساء السودان — وكل الامهات والاخوات الاحزان والماسى التى تعانيها على ايدى جلادى الشعب السودانى من قيادلت المؤتمر الوطنى المجرمة الملطخة الايادى بالابادة الجماعية والتطهير العرقى والجرائم ضد الانسانية — وتشيد حركة العدل والمساواة بنزول النساء فى الخرطوم للشارع للتعبير عن رفضهن واستنكارهن للضرب والاهانة — كما تشيد بالمقاومة المدنية المنظمة التى نظمتها قوى المجتمع المدنى السودانية فى كل انحاء العلم مستنكرة اهانة المراة السودانية
ان العقلية الامنية فى حكومة المؤتمر الوطنى التى استخدمت الاغتصاب كسلاح للحرب فى دارفور غير مؤهلة اخلاقيا ولا شرعيا لاقامة الحدود والقصاص على كائن من كان فى السودان — لانها حكومة تجار الدين — حكومة الفساد المالى والاخلاقى بشهادة مؤسسات الشفافية — حكومة الدولة الفاشلة العاجزة عن صيانة الحدود — ووطن الجدود — ان صورة فتاة الفيدو تمثل حالة واحدة من حالات الانحطاط الشامل التى يعانى منها السودان على يدى حكام المتمر الوطنى المطلوبين للعدالة الدولية — وتلاحقهم اوامر القبض ومدكرات التوقيف اينما ثقفوا — ان حركة العدل والمساواة تهيب بكافة الشرفاء على امتداد هدا الوطن الدى لم تعد مساحته مليون ميل مربع — (باعتبار ما سيكون بعد الاستفتاء) — بتنظيم الصفوف لقلع هدا النظام العنصرى الفاشى من الجدور — فالنظام لا يسقط الا بالتنظيم الدقيق — وقد وحدت المقاومة الدارفورية صفوفها وتوحدت فى تحالف وطنى عريض — سياسيا وعسكريا من اجل اسقاط النظام الفاشى — ولهزيمة المؤتمر الوطنى تهيب حركة العدل بكل طلائع التغيير فى (المركز) بتنظم المقاومة الشعبية — من اجل التغيير الجدرى المدروس
وعاش نضال المراة السودانية — وكل المستضعفين من الرجال والنساء والولدان — فى كل السودان — وتحية لكم من اشاوس العدل والمساواة — الدين يسيطرون على الارض فى كل ولايات دارفور الكبرى وكردفان الكبرى — وموعدنا الصبح
ابوبكر القاضى
رئيس المؤتمر العام
Post: #74 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 06:32 PM Parent: #72
ما كنتي بتجي ترفهي معاهم وتتصوري حتي قبل ما تبقى عضوة في المنبر يا زينب بدر الدين
هسى بقى عندك راي فيهم ؟؟
أنعام إزيِّك
آآآآآخ لو بس ألقى لَيْ صورة من الصور دي ويكون ظااااااهر فيها بدر الدين إسحق حتى ما ضروري يكون شايل في يدو قزازة شامبيون
Post: #75 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Nasr Date: 12-16-2010, 07:07 PM Parent: #72
يقول محمد يوسف
Quote: سؤال ما منطقي ولا اي حاجة
دايرين تشقو صفكم ولا دايرين توحدوهو؟!
ياتو صف دا البوحد الجلاد والضحية ؟؟؟ المعتقل وضابط الأمن الذي قام بالاعتقال؟؟؟؟ عمار نجم الدين عضو المنبر والمناضل والذي عذب حتي إقشعرت أبداننا بوصف التعذيب وضابط الأمن الذي عذبه؟؟؟؟؟؟؟؟؟
هذا مشهد من مسرح العبث ضابط أمن (من الممكن طبعا ان يكون عضو في البورد) بعد أن يجرجر زينب بدر الدين من الشارع حيث تمت المظاهرة السلمية لنساء السودان إلي داخل مخفر الأمن = بالله يا زينب ما تنسي تعمل لينا مهلبية بالرز في لمة البورداب في راس السنة، طبعا دا إذا أطلقنا سراحكم
Post: #76 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Sabri Elshareef Date: 12-16-2010, 08:11 PM Parent: #75
Quote: الأستاذة زينب
دعيني أختلف معكي، وأرى أن هذا البوست، لا يختلف كثيراً عن بوستات التشتيت، وان سارت في الاتجاه المعاكس، فهي ستفضي الى نفس النتائج ألا وهي صرف النظر عن القضية الرئيسة، وبالتالي تصبح نيران صديقة تصيب كثير ممن لم تتسنى لهم ظروفهم، أو حتى قناعتهم بالمسيرة كوسيلة، مع اتفاقهم معكن في الأهداف...
الاخ نادوس تحياتي الاخت زينب تحياتي التقيت بك لاول مرة في منزل عشه الكارب لها ولك التحية
صديقي علبد الجليل ( نادوس )
تساؤل زينب منطقي ليس في احراج من له لها راي اصلو ديل ما بخافو من الاحراج لانو ديل نساء ورجال سبب كافة الاحراجات التي حدثت بالوطن
سؤال زينب عن الناس البتكون معها في لمات وهم هن والان في موقف سياسي اجتماعي لفتاة
تعرضت لظلم واجحاف من قبل دولة ظالمة متخلفة تحكم بقوانين من القرن السابع تجاوزها الزمن
انا كمان تساءلت اكثر اين قادة الاحزاب
وبقية قطاعات العمل السياسي
اما من له لها موقف مؤيد للجبهة فديل كتاااار
ممكن اناس لا يريدون ادخال انفسهم \ن في ورطة
قاتل الله الديكتاتورية
بجييك راجع لكن تساؤل منطقي
Post: #77 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: زينب بدر الدين Date: 12-16-2010, 08:35 PM Parent: #75
وصلت الآن ولقيت المداخلات كم وسبعين وأكيد ما بقدر أرد عليها كلها الليلة
بس المهم فيها إنو فى ناس مع رأى وفى ناس ضدو
والناس الضد الراى دا ناس معظمهم محترمين جدا بس الكلام الفيهو إستفزاز بفطو
يعنى ولو سمحتو لى أقول الناس المع راى أمانى وأكيد عندهم وجهة نظر
مقدرة فى أن إثارة هذا الحديث فيها شق صف بس أنا دايرة أقول هل هناك صف
مع الأمنجية
المهم عندى أن البوست لا علاقة له بشخصى ولا بالخروج فى موكب ولا مسيرة
البوست بالواضح أكرر عن العلاقة الإجتماعية بين الضحية والجلاد
هل هى ممكنة؟؟
ما أول مرة أقول الكلام دا بس أول مرة أفتح بيهو بوست
صحيح يا إنعام قبل ما أكون عضوة فى سودانيز كانت عندى علاقات جميلة
ما أوقفنى من حضور هذة اللمات بعد فترة دخول مجموعات غير مقبولة بالنسبة لى
والناس الخلقت معاهم علاقة مازالت مستمرة وجميلة برضو
نرجع للموضوع والسؤال هل يمكن خلق علاقة إنسانية مع عضو جهاز الأمن
طبعا برضو ما قصدى أى كوز قصدى أمنجى
برضوا ما قلت واجب على كل سودانى الخروج فى المسيرة لأنو المسألة آراء ومواقف
زى ما قال علاء فى زول بطلع إدين أوكامبوا وأنا بطلع أدعم الجنائية
بس ممكن نكون أصحاب ؟
Post: #78 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-16-2010, 09:15 PM Parent: #77
Quote: بس أنا دايرة أقول هل هناك صف مع الأمنجية
Quote: البوست بالواضح أكرر عن العلاقة الإجتماعية بين الضحية والجلاد هل هى ممكنة؟؟
Quote: ما أوقفنى من حضور هذة اللمات بعد فترة دخول مجموعات غير مقبولة بالنسبة لى
طيب يا أستاذة زينب بتخيَّل لَيْ ما دام الشغلة فيها جدية أحسن ناخد الكلام على محمل الجد لأنّو دي اتهامات خطيرة جداً وما ممكن واحد يتهم ناس باتهامات زي دي ما لم يكون عندو الدليل القانوني أول حاجة أمنجية معناها عناصر في جهاز الأمن والمخابرات الوطني ودي معناها إنّهُم ما ناس ملكية يا زينب، ديل ناس عساكر وعندهُم نِمَر عسكرية ورُتَب وكارنيهات وأسلحة وخلافه
(1) ممكن تورّينا الأمنجية ديل In name كدة، يعني فلان وفلان وعِلّان؟ (2) هل إنتي إتأكدّتي من إتهاماتك دي وعندك ما يُثبت من الدلائل المادية القانونية إنّهُم فعلاً عناصر في جهاز الأمن ولّا مُجرّد كلام سماعي ساي؟
أتمنى الإجابة بوضوح يا أستاذة ولكِ تحياتي
Post: #79 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Mustafa Mahmoud Date: 12-16-2010, 10:09 PM Parent: #78
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1- التجاهل 2- التجاهل 3- التجاهل
لكل بوستات عملاء عصابة مافيا الانقاذ
لكل من يقبض ثمن الدفاع عن الكيزان في هذا المنبر
ولكل اذناب الكيزان
dr mustafa mahmoud
Post: #81 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عمران حسن صالح Date: 12-16-2010, 11:35 PM Parent: #79
وين ملاسي ؟؟
Post: #82 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عبد المنعم ابراهيم الحاج Date: 12-17-2010, 00:13 AM Parent: #81
Quote: الأخ الفاضِل/ منعم إذا كان التعاطُف وقتي فدة يبقى موقف خلينا نقول غير إيجابي (هو ليس سلبي بأي حال) لكن كمان يا منعم ما بتقدر تفرض على زول غير مُنتمي سياسياً إنو يجيِّر موقفو الأخلاقي دة عملياً على أرض الواقع بإنو يشارك في العمل العام سوى في مُظاهرة سلمية أو في غيرو، إنتا معاي؟ الغالبية العُظمى من الناس هنا عبَّرَت عاطفياً وإنسانياً وأدانت واستنكرَت ودي بُشارة خير الأخوات في مُبادرة لا لقهر النساء ما قصّروا قرروا يقوموا بعمل سياسي عام (مسيرة سلمية وكدة)
الاخ علاء مرة اخرى اعود وأتمنى أن لا أرجع الي هذا البوست نسبة للخصوصية التي نسب إليها العنوان. " بورداب الخرطوم" هنالك نقاط محددة أحب أن أوضحها: 1 - الإدانة والشجب لأي ظاهرة هي خاضعة لتقديرات ذلك الشخص وموقفه من الظاهرة . 2- البوست بدأ كما فهمت على طريقة الملامة أو العتب وكان سيمضي نحو هذا الإتجاه لو لا تداخل أماني الأمين ومن ثم صديقي ياسر أبتفة . لينزلق البوست الي أبعاد غير متوقعة صراحة ، ربما لها علاقة بموضوع آخر لم يحسم الصراع فيه بعد . 3- بخصوص موضوع الفيديو الإدانة من منطلق عاطفي وإنساني ليس هنالك ما يبرر عدم الدعم سياسيا طالما الشخص الذي قدم إدانة صادقة وحقيقية خاصة النساء اللائي قادن المسيرة لم يخضنها تحت اي واجهه سياسية محددة وأعتبرت بأنها مبادرة خاصة بالمرأة تحت شعار " لا لقهر النساء " حتى لو كانت تلك المراة تنتمي الي المنظومة الحاكمة. 4- مسار هذا البوست سيتحول الي حالة إستقطاب لذات الصراع مع أو ضد " محمد ناصر = وائل ناصر.
قد تكون النقطة 4 إنطباعية مني ساكت أو متوهمة وقد وقفت كثيرا عندها بعد أن قررت سحبها ولكني قررت أخيرا تركها وإدراجها حتى تكون ذات بعد نفسي تعكس حال مواضيع مهمة وحيوية يشترك فيها الجميع في مربع المعارضة تتأثر بموضوع آخر ويحد من فعالية الناس صوب الهدف الحقيقي . بغض النظر عن من هو في المكان الخطأ أو المكان الصحيح .
Post: #83 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Mohamed Abdelmotalib Hassan Date: 12-17-2010, 00:43 AM Parent: #82
Quote: سؤال محرج شوية
بعض وليس جميع البورداب الحريصين على المشاركة فى كل
هههههه.
والله مرات في المنبر ده الزول بتمسكو فنكها كده تخليهو يحس إنو بقي ملهم للجماهير.
Post: #85 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عوض عبدالله طه Date: 12-17-2010, 04:02 AM Parent: #84
Quote: 1) ممكن تورّينا الأمنجية ديل In name كدة، يعني فلان وفلان وعِلّان؟ (2) هل إنتي إتأكدّتي من إتهاماتك دي وعندك ما يُثبت من الدلائل المادية القانونية إنّهُم فعلاً عناصر في جهاز الأمن ولّا مُجرّد كلام سماعي ساي؟
أتمنى الإجابة بوضوح يا أستاذة ولكِ تحياتي ... علاء الدين صالح
..
ايوه بالله يا علاء الدين
زرزر لينا ويني مانديلا دي
عشان ما تجي كل مرة تفكها فينا وتمشي
...
Post: #86 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: mohmmed said ahmed Date: 12-17-2010, 04:10 AM Parent: #84
تساؤل زينب منطقى جدا هو ليس لوم ولا دعوة محصورة بالمشاركة فى المسيرة هوسؤال يفترض ان المشهدالمذل يتطلب رد فعل وشكل اكبر من اشكال التضامن
كثير من المداخلات من بورداب خارج بورداب الخرطوم
تشى عن موقف سياسى يناصر بمناورة الموقف السياسى للنظام ويعارض بخبث الاحتجاج القوى
Post: #87 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: د.نجاة محمود Date: 12-17-2010, 05:41 AM Parent: #86
بالجد بوست مضحك جدا ما جيتني ف ولادة بتي والولادة موت بتي انا منسدي ما بجيك بعين اتهامات مجانية بالكوم كمان امنجة وهلما جراء جوة وبرة وكدا قال امن قال..
Quote: الزين ما فى شق صف فى كل مداخلاتى أكدت وجود بورداب
الخرطوم فى المسيرة وبكثرة ومنهم من أعتقل وصديق عبد الهادى شاهد عليهم برضو
من أتحدث عنهم هم أمنجية البورد وعشان أفرز أمنجية الداخل من
أمنجية الخارج قلت بورداب الخرطوم
ما أقصده أن هناك أمنجية أعداء لنا وللبورداب .منافقين يخلقون علاقات
إجتماعية مع الشرفاء
البوست موفق جدا فى رأى وكان حارقنى من زمن
ومرة فكرت أسأل الناس الخالقين معاهم علاقات ديل
حقوا فى لمة كدا يسألوهم مباشرة ممكن تتوسطو لينا نعرف مكان مقابر الشهداء
حقوا تسألوهم ولو وساطة ممكن تعرفوا لينا قاتل محمد موسى
ممكن تسألوهم ولو وساطة إعرفوا ليكم وين تحقيقات بورتسودان وغيرها من التحقيقات
عندما رأته لاول مرة كان في مظاهرة يحمل لافتة الحزب الشيوعي ويهتف ضد الحكومة رغم ان المظاهرة كانت ضد تحويل داخلية الطلاب الى مكان آخر… تعرفت عليه كان دائم التلفت سالته قال لها:- لان الامن يراقبني طول الوقت,,,
يوما في منتصف السوق تركها وركض بشارع جانبي بعد اسبوعين قابلته سالته قال لها:- “الزول العامل فيها ببيع سبح داك في “الامن وشافني.. في جيل تشكلت عقليته بقصة في بيتنا رجل وسلسلة الهارب دكتور رتشارد كامبل الذي يبحث عن الاكتع قاتل زوجته ليسلمه الى العدالة ويبرئ ساحته وافقت ان تأخذه الى بيتهم حين أخبرها انه في خطر داهم من رجال الامن
,,, :- فكرت ان تساعده بتخبئته في بيتهم وهو بيت مناسب فهي ابنة وحيدة وسط ذكور وامها متوفية.
.فقالت:- له يمكنك الاختباء في بيتنا وسيظن الناس انك صديق احد اخوتي.
. فكر قليلا وقال لها :لالا رجال الامن هؤلاء في اي مكان وهو يفكر ربما احد اخوانها في الامن بعد تفكير طويل في كيفية تأمينه مرت قربهم بنت انصارية سنة..ترتدي اسود من راسها حتى قدميها فصرخت وجدتها.. قالت له تذهب معي الى بيتنا على انك صديقتي انصارية سنة. وتبقى هناك مرتديا العباية والخمار لان كل من في البيت رجال.. راقت له الفكرة ومزيدا من التعمية قالت ستقول لاهلها ان صديقتها بكماء وكلها اسبوع… بالفعل ذهب معها مختبئا في زيه المختار.. في اليوم الخامس اخبرها اصغر اخوتها : يا منى صاحبتك بتبول واقفة…
Post: #90 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Amany Elamin Date: 12-17-2010, 06:39 AM Parent: #87
صباح الخير,,
بدر الدين الأمير وعبد المنعم إبراهيم وكل من أورد إسمي في مداخلته,, طالما أصريتو تناقشو فكرة بورداب الخرطوم فخلونا أشملكم في رد واحد رجاءا ..
عن موضوع الفيديو والجلد والمسيره ,, الشفته أنا في البورد إستنكار عريض ووقفه صلبه أمام المشهد اللا إنساني, بصوره تستحق عليها سودانيز وأهلها التحيه والإجلال, ماعدا بعض الحالات الشاذه اللي إتصدت وإنبرت للدفاع عن الحكومه جهارا نهارا حتي وهي تجلد فتاه !! الناس ديل ما خليناهم ناقشناهم وحاورناهم ووقفنا ليهم في حلقهم عديل, لكن,, أي زول ما سجّل موقفه هنا أو في المسيره أو بعد المسيره, أو سجل موقفه في البورد وما مشي المسيره, أو ما سجل إدانه لقمع المسيره النسائيه, منو البيملك إنه يحاسبه, وكنت وين؟ وليه ما كتبت؟ وليه ما أدنت؟ منو البحاسب الناس في سودانيز أون لاين؟ مش كل زول وضميره وقناعاته ومبادئه؟ في زول وصي علي زول هنا؟ بعدين ليه الإستهداف لبورداب الخرطوم تحديدا من قبل رئيسة مبادرة لا لقهر النساء -أو أيا كانت صفتها- ؟ ماشفنا قيادات الأحزاب!! ما شفنا منظمات المجتمع المدني بصفاتها الرسميه !! ماشفنا رجال كنا نحسبهم في الطليعه مؤكدا في مثل هذا المحفل !! والسيد رئيسة المبادره قفزت فوق كل هؤلاء وجاءت لـ (فضح) عمالة بورداب الخرطوم, أو هكذا تحسب !!!!!!!
خلوني أواصل في مداخله منفصله,,
Post: #91 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Amany Elamin Date: 12-17-2010, 06:47 AM Parent: #90
في زول قال إنه بورداب الخرطوم مواقفهم تجاه القضايا بالضروره متطابق؟ بورداب الخرطوم حزب سياسي؟ بورداب الخرطوم عندهم دستور ولوائح وشروط للإنضمام غير إنك تكون بوردابي وفي الخرطوم؟ لما بكري سيد الموقع لامّي ناس معارضه مع ناس بيساندو الحكومه, وزول قدر يقول ليهو جايب لينا ناس الحكومه هنا ليه مافي, مطلوب من بورداب الخرطوم إنهم ينصبو مشانق لموالين الحكومه ويعزلوهم إجتماعيا؟ أها وبعدين؟ والمطلوب من بورداب الخرطوم شنو؟ إقصائهم؟ ما ياهو فهم الحكومه الأقصت بيهو المعارضه قبل عشرين سنه؟ طيب الأسهل ما تسألو سيد الموقع يلغي عضويتهم؟
لاحظو أنا بقول موالين للحكومه وما بقول أمنجي !! لأنو أمنجي دي عايزه إثبات والما عنده إثبات ما يتهم الناس بدون دليل, والعنده دليل يجي يكتبو عديل بدون ما يلف ويدور ..
Post: #92 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Amany Elamin Date: 12-17-2010, 07:01 AM Parent: #91
بورداب الخرطوم أفــــــــراد, بيعبرو عن أنفسهم, دون أي إلتزام تجاه أي جهه بأي رد فعل, هم أفــــــــــراد بتحركهم مواقفهم البيروها حسب توجهاتهم الفكريه وبيكتبوها علنا في البورد وبيكتبوها بأسمائهم ويوزرنيماتهم, وكمان بتحركهم ظروفهم من عمل ومشغوليات وإلتزامات وخلافه,
هل في يوزرنيم إسمه بورداب الخرطوم هنا؟ هل في زول قال ليكم قبل كده إنه بورداب الخرطوم ديل محسوبين علي المعارضه أو محسوبين علي الحكومه؟ ديل ناس ما بيلمهم إلّا البورد ده, وفي البورد ده كل شاه معلقه من عرقوبتها, وإنهم إجتمعو في مناسبه إجتماعيه أو عزاء, أو علاقات إنسانيه فده ما بيعني بالضروره إنهم إتفقوا سياسيا وإنسانيا, ديل أفــــــــــــــراد يجمعهم البورد ده لاغير, وحيز جغرافي واحد هو الخرطوم, بالعكس حتي في اللمات دي بيختلفو ويتناقشو وممكن يتعاملو بالحد الأدني من المعرفه, وممكن يتقاطعو عديل,
يازينب بدر الدين, طالما إتوليتي رئاسة مبادره عظيمه هي لا لقهر النساء, فرجاءا ولأنه عشمي فيكم كأنثي كبير, إرتقي لمستوي الحدث, وأعرضي عن اللوم وعقلية شرلوك هولمز بتاعة فضح فلان وكشف علّان, وقودي النساء لتحرير أرواحهم وعقولهم في مواجهة المجتمع والحكومه, وإتحلّي بالدبلوماسيه وأحجمي عن التصريح إلّا بحساب, وأجمعي ولا تفرقي, وهديك الحكومه قاعده في القصر, ناضلي وأقيفي في وشهم, ناس سودانيز وللا بورداب الخرطوم ما هدف ولا بيغيرو شئ, العايز يتضامن مرحب بيهو, الماعايز بنرغبه ونرجاهو قدام, أو الله الغني ..
عندك رأي فيهم أبديهو بعيدا عن -لا لقهر النساء- رجاءا, نحن والعالم ووسائل الإعلام بنترقب لسه منكم الكثير, فما تشغلي نفسك بببورداب الخرطوم وين وما شفناهم ليه؟ جرد الحساب أصلا لسه وقته ما جاء ...
ومعذره للإطاله,, وتحياتي,,
Post: #111 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: زينب بدر الدين Date: 12-17-2010, 02:35 PM Parent: #92
العزيزة أمانى
شكرا للنقاش الهاديء أولا ولإثراء النقاش
ما فاطة الباقين بس عندى مشكلة زمن وعارفين مشاكل الجمعة
بس لأيك هو رأى عدد مقدر
أولا أنا لست رئيسة للمبادرة للمبادرة لجنة تسيير أنا واحدة منها
والناطقة بإسم المبادرة الأستازة رشا عوض
ما أثرته ليس لوم خاص بالخروج بل بعدم الإدانة فى حادثة إعتقال بعض زميلاتهم
وأكرر لست منهم عشان ألوم لوم خاص ونحنا ما عندنا سماية
ما أثرته متعلق بالعلاقة التى تربط الجلاد بالضحية
إقتنعت بكلامك والآخرين حول عدم الربط بين ما قصدتة والمبادرة
وأن الوقت غير مناسب والحدث لفتح البوست وعليه يمكن أن يستمر النقاش
بين الجميع ولن أتدخل لاإلا فى حدود
Post: #112 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: زينب بدر الدين Date: 12-17-2010, 02:38 PM Parent: #92
العزيزة أمانى
شكرا للنقاش الهاديء أولا ولإثراء النقاش
ما فاطة الباقين بس عندى مشكلة زمن وعارفين مشاكل الجمعة
بس لأيك هو رأى عدد مقدر
أولا أنا لست رئيسة للمبادرة للمبادرة لجنة تسيير أنا واحدة منها
والناطقة بإسم المبادرة الأستازة رشا عوض
ما أثرته ليس لوم خاص بالخروج بل بعدم الإدانة فى حادثة إعتقال بعض زميلاتهم
وأكرر لست منهم عشان ألوم لوم خاص ونحنا ما عندنا سماية
ما أثرته متعلق بالعلاقة التى تربط الجلاد بالضحية
إقتنعت بكلامك والآخرين حول عدم الربط بين ما قصدتة والمبادرة
وأن الوقت غير مناسب والحدث لفتح البوست وعليه يمكن أن يستمر النقاش
بين الجميع ولن أتدخل لاإلا فى حدود
Post: #88 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Bashasha Date: 12-17-2010, 06:01 AM Parent: #86
الاخت زينب بدر الدين تحياتي،
اتفق مع كلام الاخت اماني انو القررو يشاركو، فعلو ذلك من باب ممارسة قناعاتم هم الشخصية، المامرهونة بقناعات الاخرين.
للاسف بصفة عامة تربينا علي مفاهيم خاطئة كثيرة، منبعا اصلا، الجوانب السلبية الناجمة عن تكافلنا الاجتماعي او ارتباطنا الشديد بي بعض.
زد علي ذلك التربية السياسية الشائه في اوساط اليسار الاتثرت سلبا بي ارث العمل السياسي الديماغوغي بتاع شرق اروبا.
بقض النظر عن نواياكي مثل هذا التفكير يجعل منك، كالذي يضع قناعاته في فترينة من الزجاج المصقول، للعرض بغرض البيع.
اما الاجتماعيات فشخصيا او رغم زعيقي المعروف، فلا اتجرأ الا مضطر لخلط السياسي بالاجتماعي اطلاقا!
ده غلط، مكلف، او مدمر، بلا مردود او مسوغ. مكان اقامتي اتجنب الحديث في السياسة قدر الامكان، الا اذا بادر به الاخرين وارقمونا علي الرد.
حتي هنا بنحاول نلجأ للمزاح ونناي عن الجدية بقدر الامكان. ربما ظروف المهاجر تقتضي ذلك اكثر.
اما اذا خصومنا حاولو يوظفو الحياة الاجتماعية توظيف سياسي، فهنا لامفر طبعا من الرد بعنف!
Post: #89 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: HAIDER ALZAIN Date: 12-17-2010, 06:11 AM Parent: #88
Quote: الاخت زينب بدر الدين تحياتي،
اتفق مع كلام الاخت اماني انو القررو يشاركو، فعلو ذلك من باب ممارسة قناعاتم هم الشخصية، المامرهونة بقناعات الاخرين.
للاسف بصفة عامة تربينا علي مفاهيم خاطئة كثيرة، منبعا اصلا، الجوانب السلبية الناجمة عن تكافلنا الاجتماعي او ارتباطنا الشديد بي بعض.
زد علي ذلك التربية السياسية الشائه في اوساط اليسار الاتثرت سلبا بي ارث العمل السياسي الديماغوغي بتاع شرق اروبا.
بقض النظر عن نواياكي مثل هذا التفكير يجعل منك، كالذي يضع قناعاته في فترينة من الزجاج المصقول، للعرض بغرض البيع.
اما الاجتماعيات فشخصيا او رغم زعيقي المعروف، فلا اتجرأ الا مضطر لخلط السياسي بالاجتماعي اطلاقا!
ده غلط، مكلف، او مدمر، بلا مردود او مسوغ. مكان اقامتي اتجنب الحديث في السياسة قدر الامكان، الا اذا بادر به الاخرين وارقمونا علي الرد.
حتي هنا بنحاول نلجأ للمزاح ونناي عن الجدية بقدر الامكان. ربما ظروف المهاجر تقتضي ذلك اكثر.
اما اذا خصومنا حاولو يوظفو الحياة الاجتماعية توظيف سياسي، فهنا لامفر طبعا من الرد بعنف!
بشاشا .. انت اتهكرت ابوي انا ؟؟!!
اول مرة اقرأ ليك راي لاتفق معاك فيهو وابصم بالعشرة
مُش كدة وبس خالي مصطلحاتك القيمة وتعريفاتك العجيبة..
عموماً كلامك مية مية ومتوازن - خاصة حتة وضع القناعات في فترينة بيع دي -
والتحية لكل بورداب الخرطوم بمختلف اطيافهم - -
Post: #120 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ود شاموق Date: 12-18-2010, 11:15 PM Parent: #88
Quote: للاسف بصفة عامة تربينا علي مفاهيم خاطئة كثيرة، منبعا اصلا، الجوانب السلبية الناجمة عن تكافلنا الاجتماعي او ارتباطنا الشديد بي بعض.
والله طبعاً كونك اتربيت على مفاهيم خاطئة فدا مرجعو معروف، وارث العبودية الذي تنوء به اسرتك واحد من الأسباب في هذه التربية الخاطئة، أما السبب الثاني فهو كونك سليل أسرة من عابري السبيل، والمؤلفة قلوبهم، لذا لا يمكن أن نتوقع أنك نلت حظاً كافياً من التربية والتعليم، لذا يجب ألا تعمم، ونون الجماعة التي تستخدمها في وصفك هذه لا محل لها من الاعراب. عموماً، كونك ما اتربيت كويس هذه أرجو ألا تفت في عضدك، ففي العمر بقية، يمكنك أن تحاول، وتعيد تربية نفسك بنفسك، ربما تفلح في السنوات العشر القادمة، إن ظل في العمر بقية.
Post: #93 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: المكاشفي الخضر الطاهر Date: 12-17-2010, 07:12 AM Parent: #1
عندهم رأي وبعضهم عندهم أعزار
Post: #94 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-17-2010, 07:40 AM Parent: #93
وحات العشرة ما شفت بوست القريش دا ولا قابلني هنا ..
يا ريت لو أديتنا رابط ..
Post: #95 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-17-2010, 07:41 AM Parent: #93
تبلدينا ..
كدي أول أدي دينق مصدر معلوماتك عشان ما يزرزرك ويقول انت كذاب ..!!
Post: #96 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-17-2010, 07:46 AM Parent: #93
!!!!
Quote: طالما إتوليتي رئاسة مبادره عظيمه هي لا لقهر النساء,
إنا لله وانا إليه راجعون ..!!!
الحالة دي الرئيسة ودا تفكيرا ..!!
يا دوب عرفت معنى تعبير (موت الفكرة عند ولادتها) ..!!
أو إجهاض الفكرة قبل أن تظهر للنور ..!!
يعني بدل الناس يقولو ليك (أستاذة زينب) حقو تاني ينادوك (اجهاضة زينب .).!!
نسأل الله السلامة ...!!
Post: #97 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: بدر الدين الأمير Date: 12-17-2010, 09:42 AM Parent: #96
Quote: وحات العشرة ما شفت بوست القريش دا ولا قابلني هنا ..
يا ريت لو أديتنا رابط .
ود الخليفة ياناذر ياخى حرام عليك بوست قريبك معتز شغل الكيزان اكثر مما شغلهم فيديو الفتاة والرابط موجود هنا في نهاية مداخلتى الاولى المهم صاحبك دخل الغابة ... دخل الغابة شنو ياخى دا بقى جيفارا عديل امش شوف وتعال
Post: #98 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-17-2010, 10:03 AM Parent: #97
لا حوللااااااااه يا بدر الدين ..!!
معتز القريش دا جن ولا شنو هههههههه
عقبال الزولة ديك ...!!!
Post: #99 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-17-2010, 10:27 AM Parent: #98
محمد هونو لولو ..
المظاهرات الاخيرة دي قالو ما في منها رجالي ..!!
Post: #100 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ود الباوقة Date: 12-17-2010, 11:15 AM Parent: #97
Quote: هل القصد من المظاهرات هي خلق بطولات على صفحات
الانترنت فلان قبضوه واخرى كسروا يدها وهكذا
ام انه نضال من اجل تغير حالة لا تعجب المتظاهرين
ومن يتعاطف معهم
بعدين انتو مفروض تقسموا البورداب من هس
عشان تاني ما تكون في هيلمانة من غير هيلمان
مثلا بورداب ( فواتح )
الفواتح نفسها تنقسم الا فواتح ولائية واخرى اتحادية
وعلى ضوئها يتم تحديد الاشخاص
بورداب سمايات
ديل حدودهم الولاية فقط ولا يجوز خروجهم خارجها الا باذن
من السلطات الرسمية
بورداب هجيج وحفلات
دي يتقدم لها من يانس في نفسه الكفاءة من البورداب
وهكذا
يعني حالوا نظموا نفسكم بدل الحتة الضيقة دي الدخلتوا
اخوة واخوات عزيزات من بورداب الداخل
ناذر
عليك الله كلامي دا ما تدوه ال واطة
لانو السمالة دي شكلها ماشة ضربة جزاء
Post: #101 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Mustafa Mahmoud Date: 12-17-2010, 11:26 AM Parent: #100
الانتهازي المدعو عمر ود الباوقة
ايها الكوز القميء عمر الانتهازي الكاذب
اختشي واتلطم
و اتلهي
يا اخي مافي احساس في زملاء و زميلات لك في المنبر اعتقلتهم و ضربتهم شرطة عصابة مافيا الانقاذ اليوم
و سخك ا حفظو عندك
الرجاء من كل الشرفاء في المنبر ادانة عضو الامن عمر الكاذب لفعلة المشين هذا و عدم احترامه للغضب السائد في المنبر
Post: #102 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-17-2010, 11:27 AM Parent: #100
ود الباوقة ..
مداخلتك حامضة ما بتنبلع لي زينب دي ...!!
Post: #103 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: Mustafa Mahmoud Date: 12-17-2010, 11:35 AM Parent: #102
Post: #104 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: haroon diyab Date: 12-17-2010, 11:40 AM Parent: #100
ناذر ياصاحب
مشتاقين
كدي ياخوي ساعدو اخوكم
بي مظاهرة كاااااااربة كده
انشاء الله تكون ضد شطب السعودي من المريخ....!!!!
اها انا بجي واقيف في النص وانتو شوفو ليكم
عسكري كده زي عمك ( قدو قدو ) كفين وشلوت
وبكره بوستين....تلاتة من النوع ابو كديس داك
اخوك يطلع في الكفر...
واجي راجع ادخل انتخابات
الجالية وافوووووووووووووز......!!!!!
مش ياهو ده النضال.....؟
ود الباوقة
اشهد بانك لم تأتي لحوار
فقوم لف....
Post: #107 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: بدر الدين الأمير Date: 12-17-2010, 12:44 PM Parent: #100
Quote: لا حوللااااااااه يا بدر الدين ..!!
معتز القريش دا جن ولا شنو هههههههه
دا القدرت عليه ياناذر المهم انت حا ترفع البوست بتاع معتز ام عندك حسابات اخرى ..... زيك وزى ..............
Post: #105 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: عبدالرحمن عزّاز Date: 12-17-2010, 11:42 AM Parent: #96
الأخت الكريمة \ زينب بدرالدين
تحياتى الطيبات .
أرجو أن يتسع صدرك لردى الذى قد يحسبه البعض هنا ؛ تغريد خارج السرب أو تأويل غير ذى معنى ، ولكن مالفت نظرى للأمر بعض قرائن متشابهات فى الردود أعلاه مع بوست أخر ؛ مما يدخلك فى شبهة خلط الإجتماعى بالسياسى وهذا الأمر مرفوض كما أسلف أمير كوش وماجاورها( بشاشا أمد الله فى عمره). على قلة متابعتى للمنبر العام فى الفترة الأخيرة ؛ قرأت مصادفة بوست للأستاذ علاءالدين صالح نزع فيه ورق التوت وكشف الكثير المثير فى قضية ( محمد ناصر ) الذى تأذت منه كثيراً الأستاذة منال عوض خوجلى ؛ و كان المتهم الرئيس فى القضية ( وائل طه محى الدين) الذى إتضح لى من خلال قراءتى لذلك البوست بأن هناك رابط إجتماعى و أواصر قوية بينك و بينه. تداخل هناك السواد الأعظم إن صح التعبير من بورداب الخرطوم تضامناً مع الأستاذة منال المتضررة من العبث الصبيانى لوائل طه و من يقف خلفه. اذكر منهم على سبيل المثال : وليد محمد المبارك ؛عمر صديق ؛ بدرالدين اسحق أحمد ؛معاوية عوض الكريم؛ السمؤال بدرالدين ؛سفيان نابرى ؛ أمانى الأمين ؛ محمد عوض ؛ إنعام عبدالحفيظ ؛ المسلمى (أخوان) ؛العوض الطيب ؛ عمر عثمان ؛ ملاسى... إلخ حيث تطول القائمة. جميعهم أدانو المسلك المشين من حيث المبدأ و تضامنوا مع المتضررة . السؤال المهم هنا : هل هى روح الإنتقام ؟ تشفى لأنهم لم يوافقوا هواكم فى ذلك البوست فوجبت تعريتهم وإتهامهم بالتخاذل و الإنصرافية؟ هل إثبات كونهم لم يهتموا لأمر المسيرة يشكك فيهم و مواقفهم الأخرى؟! يقرأ حديثى أعلاه مقروناً مع الإقتباس التالى من كلامك :
Quote: البوست بالواضح أكرر عن العلاقة الإجتماعية بين الضحية والجلاد
هل هى ممكنة؟؟
الأسماء الواردة أعلاه لبعض بورداب الخرطوم فيها موالين للنظام ومتهمين بالعمل لجهاز الأمن مثال لذلك : بدرالدين إسحق ؛ وعمر صديق ! هل التضامن مع المتضرر علاقة إجتماعية بالضرورة؟ هل أرى شجراً يسير؟! ماجعلنى أذهب لهذا التفكير مداخلة الأخت إنعام التالية :
ما كنتي بتجي ترفهي معاهم وتتصوري حتي قبل ما تبقى عضوة في المنبر يا زينب بدر الدين
هسى بقى عندك راي فيهم ؟؟
وأضيف هل لم يكن بينهم أمنجياً وقتها؟ أحلال على بلابله الدوح ...حرام على الطير من كل جنس ؟!
هذا ماخطر بالبال لدهشتى من غرابة البوست ؛ ولأنه ببساطة ممكن أن يجيبك أحدهم بعدم إعترافه ليس بالبرلمان بل بكل الحكومة بدءاً من رئيسها القاتل و المجرم دولياً لأصغر أرزقى فيها ومعه كل الحق.
أخيراً ... أجدد التحية لصاحبة البوست الأستاذة زينب بدرالدين و ضيوفها الكرام . وعذراً لمن يعتقد أن التسديدة خارج الشباك يبقى العزاء على رأى صديقنا الغائب كانتونا العديل راى و الأعوج راى.
Post: #106 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين حيموره Date: 12-17-2010, 12:39 PM Parent: #105
الاستاذة / زينب
تحية طيبة
مؤكد اتفق مع ما ذهب اليه اغلب المتداخلين في هذا البوست الغير موفق اطلاقا .. فان الاشياء لا تدار هكذا وخلاص تاني حا نخلي الرحلات والملمات عشان قصرنا في حق زميلاتنا ولم ندين ونشجب ونستنكر ..
ارجو ان تعتذري لكل الذين اصابتهم رزاز هذا البوست ..
Post: #108 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: معاوية عوض الكريم Date: 12-17-2010, 01:24 PM Parent: #106
صاحبة البوست في موقف لا تحسد عليه
Post: #109 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ناذر محمد الخليفة Date: 12-17-2010, 01:32 PM Parent: #106
هارون دياب
Quote: ناذر ياصاحب
مشتاقين
كدي ياخوي ساعدو اخوكم
بي مظاهرة كاااااااربة كده
انشاء الله تكون ضد شطب السعودي من المريخ....!!!!
اها انا بجي واقيف في النص وانتو شوفو ليكم
عسكري كده زي عمك ( قدو قدو ) كفين وشلوت
وبكره بوستين....تلاتة من النوع ابو كديس داك
اخوك يطلع في الكفر...
واجي راجع ادخل انتخابات
الجالية وافوووووووووووووز......!!!!!
مش ياهو ده النضال.....؟
يا هو زاتو .. بس أهم حاجة تظهر في الصورة وترسل لي رسالة تقول لي فيها قبضوني وهسي قاعد في المعتقل وبيعذبوني عليك الله أعمل لي بوست شجب واستنكار واستفراغ وأنا اعملوا ليك طوالي بي هنا .. تطلع لعد ربع ساعة تجي تستلم البوست والناس تناديك الجسور والمش عارف إيه ..!!
Post: #110 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: احمد التجانى احمد Date: 12-17-2010, 02:16 PM Parent: #109
Quote: تساؤل زينب منطقى جدا هو ليس لوم ولا دعوة محصورة بالمشاركة فى المسيرة هوسؤال يفترض ان المشهدالمذل يتطلب رد فعل وشكل اكبر من اشكال التضامن
كثير من المداخلات من بورداب خارج بورداب الخرطوم
تشى عن موقف سياسى يناصر بمناورة الموقف السياسى للنظام ويعارض بخبث الاحتجاج القوى
Quote: العزيزة زينب بدر الدين كلامك واضح ذي عين الشمسز
مقاطعة أمنجية و أعوان السلطة ضرورة نضالية ملحة.
سلام وتحية
Quote:
واضح جدا هنا أنو الاخت زينب بدر الدين تتحدث عن المسكوت عنه بالبورد.
Quote: صديقي علبد الجليل ( نادوس )
تساؤل زينب منطقي ليس في احراج من له لها راي اصلو ديل ما بخافو من الاحراج لانو ديل نساء ورجال سبب كافة الاحراجات التي حدثت بالوطن
افة الحياة السياسية السودانية يلا ياجماعة زولنا ولا زولتنا يحتاج لينا نقيف معاه ظالم كان ولا مظلوم حتى لو جاء كتب دجاجى يلقط الحبا وكما هبش عبد الرحمن عزاز وترا حساسا الا واننى بالضرورة اؤكد على الربط فى القراءة بين هذا البوست وبوست (وائل / محمد ناصر) حتى تتضح لكم نظرية فرز الكيمان
حكمة اليوم : الوشائج الحزبية تلغى العقلانية
Post: #113 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-17-2010, 03:02 PM Parent: #110
Quote: إقتنعت بكلامك والآخرين حول عدم الربط بين ما قصدتة والمبادرة
وأن الوقت غير مناسب والحدث لفتح البوست وعليه يمكن أن يستمر النقاش
بين الجميع ولن أتدخل لاإلا فى حدود
طيب وسؤالي يا أُستاذة زينب؟
Post: #114 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: كمال عباس Date: 12-17-2010, 04:44 PM Parent: #113
شكرا للناشطة والإنسانة زينب بدر الدين:
Quote: إقتنعت بكلامك والآخرين حول عدم الربط بين ما قصدتة والمبادرة
وأن الوقت غير مناسب والحدث لفتح البوست وعليه يمكن أن يستمر النقاش
بين الجميع ولن أتدخل لاإلا فى حدود
إقتناعك بهذه الخلاصة من ثمار الحوار ومن نتائج تلاقح الأفكار ...... عودة مني لموضوع البوست أولا الخروج في مسيرة سلمية نشاط فيه طابع سياسي وإن كان لايقتصر علي السياسة بل يتعداها لرحاب إنساني أوسع وهو المطالبة بحقوق إنسانية ورفض تعذيب وإذلال إي إنسان.......... ومن هنا لايجب مطالبة أو التوقع من الجميع المشاركة في النشاط فالبعض له قناعة ورؤية فكرية وموقف سياسي مختلف والبعض لايقع مثل هذا النشاط ضمن أولوياته والبعض له مشغوليات أخري ثانيا شخصيا أري أن تعرض أي متظاهر مسالم للضرب والإهانة مسلك مرفوض ويتطلب الإدانة والرفض والتضامن مع الضحية فهذه قضية إنسانية فوق إختلافات السياسة وخصوصا لو كان الضحية زميل منبري !! ثالثا موضوع الأمن (عموما) والكوادر الأمنية : من غير المناسب إثارته من دون أدلة مادية ولندعه للايام فهي كفيلة بكشف الكثير فدوام الحال من المحال وذاكرة التاريخ ترصد وتسجل وسيأتي يوم ينجلي فيه الكثير رابعا لم يحن وقت ا للوم والمرا جعات فالقضية لازالت حية تتفاعل لذا يجب التركيز عليها ومواصلة النضال ورفض القبح و ولازال في الأمر متسع للناس ليساهم كل من موقعه وكل بحسب قدراته وإمكاناته ...........
Post: #115 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: haroon diyab Date: 12-17-2010, 09:38 PM Parent: #114
ولازال السؤال قائما.....
من هم امنجية المنبر الذين لاتتشرف
المناضلة بزمالتهم......؟
وذلك حتي نقاطعهم نحن ايضا.....!!!!!!
Post: #116 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-18-2010, 03:27 PM Parent: #115
فوق فوق فوق فوق
Post: #117 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ABUHUSSEIN Date: 12-18-2010, 03:31 PM Parent: #116
أخونا علاء الدين و الله ذوقك راقي ياخي
إديك العافية
.
Post: #119 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: علاء الدين صالح Date: 12-18-2010, 04:06 PM Parent: #117
Quote: أخونا علاء الدين و الله ذوقك راقي ياخي
إديك العافية
أبو حسين إنتا الأضانك حلوة ياخ بالمناسبة دي من هسا ولحدي بعد راس السنة بيوم يومين لدينا عروض على كل الأغاني حسب عنوان البوست والتوبيك بوستات الملامة، اللغِف، السرقات الإسفيرية، عدم الموضوع، اللفحي، الجلِد، الأقوام المختلفة وأيضاً بوستات القانون الجنائي كما توجد لدينا توليفة خاصة لبوستات ما (قبل الأرشفة)
Post: #118 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: ود الباوقة Date: 12-18-2010, 03:34 PM Parent: #116
Quote: ود الباوقة
اشهد بانك لم تأتي لحوار
فقوم لف....
اخي هرون
صدقني اقتراحي بتوزيع مهام بورداب الخرطوم مسالة في غاية
الاهمية وذلك منعا للحرج كما حدث الان ..
يعني ممكن تضيف ليها
بورداب مظاهرات مختلطة
بورداب رجاجيل فقط
عشان زينب دي ما تقعد تلوم في الاخوان ديل ساي ..
مع كدا ساقوم الف كما طلبت
شوكرن
Post: #121 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: haroon diyab Date: 12-19-2010, 06:15 AM Parent: #118
اخونا /علاء الدين
وبعد السلام
انت ايضا لم تأتي لحوار
حسع بدل الملامة علي
لو كان ختيت لينا
عزاز علينا شالو نوم عينينا
مش كان احسن......؟
اذن....
التجاهل
التجاهل
التجاهل
سائلين الله ان لاتنجح لكم مظاهرة
Post: #122 Title: Re: أين بورداب الخرطوم الذين نشاهد صورهم فى الرحلات واللمات من إدانة ماحدث لزميلاتهم Author: زينب بدر الدين Date: 12-19-2010, 06:19 AM Parent: #118
شكراعبد العزيز
نعم يتسع صدرى للنقاش وإلا ما فتحت البوست والذى أعلم ما يثيرة
ولكن كما قال البعض هو المسكوت عنه هنا
هذا البوست لا علاقة له ببوست آخر بل له علاقة بخلق علاقة إجتماعية
مع الأمنجية
خلط السياسى بالإجتماعى لا مفر منه فى حالات الأمنجية ولا علاقة له بالإنتماء السياسى
المنتمين للجبهه الإسلامية يكشفون عن نفسهم ويناقشون من منطلق قناعتهم
الأمنجية غير
لا يوجد ما يربط بين أى أمنجى وإنسان
ما طرحته سبق أن طرحتة بمجرد طلب قبولى فى سودانيز
وطرحته فى عدة مداخلات كما كان سبب رفضى مبادرة تكوين
جمعية لبورداب الخرطوم . أتمنى أن تكون قد تفهمت موقفى
