Post: #1
Title: يعني شنو كان بنت انجلدت ماكل يوم نحن بننجلد ؟
Author: FAKHER ELDEEN AHMED
Date: 12-15-2010, 11:47 AM
Parent: #0
يعني شنو كان بنت انجلدت ماكل يوم نحن بننجلد ؟
والله انا كل يوم بنجلد من الصباح لمن ام رهف تقول لي دايرين ودايرين
في زول فيكم جاب سيرة للرغيف الزاد ولا لي السكر الزاده خسارة وقام ربح
بس فالحين في نشجب وندين ونتظاهر في حاجات صغيرة
زي مظاهرة امس دي كانت تكون احتجاج عن الزيادات الاخيرة والتي جاءت
متزامنه مع الفيديو الضجة
قبل هذا استنكر وبشدة طريقه تطبيق الشريعه الاسلاميه
بمعني لست معترضاً علي جلد الفتاة ولكن علي طريقة الجلد
وكامل تضامني معها .
|
Post: #4
Title: Re: يعني شنو كان بنت انجلدت ماكل يوم نحن بننجلد ؟
Author: FAKHER ELDEEN AHMED
Date: 12-15-2010, 12:06 PM
| Quote: بتاع الدكان ده شوفو معاك ياعزيزي |
اولا مشكور علي التوضيح
لكن دعني اطرح بعض الاسئلة ؟
كم عدد البوستتات المفتوحة عن الفيديو ؟
كم عدد الذين فكرو في التظاهر ؟
كم عدد المهتمين لشأن الفتاة ؟
اذا جاوبت بصدق حتكون البت هي السكر
وده الحاصل
|
Post: #5
Title: Re: يعني شنو كان بنت انجلدت ماكل يوم نحن بننجلد ؟
Author: خضر حسين خليل
Date: 12-15-2010, 12:22 PM
Parent: #4
| Quote: اذا جاوبت بصدق حتكون البت هي السكر |
والله يافخري انتزعت مني ضحكة عميقة بالرغم من حالة الاحباط التي حولي
بالنسبة للبوستات الاتفتحت يافخري بكل تأكيد لاتحصي ولاتعد
الحاصل هسي يا فخري ذكرني بضرب مصنع الشفاء
اذكر جيداً انو الأيام ديك كان في تظاهرات مبالغ فيها ضد النظام
أها انضرب المصنع من تاني يوم الجماهير الكانت بتطلع في التظاهرات اتحولت
بقدرة قادر لجماهير تيسر المسيرات تنديداً ببل كلينتون وإدارته ومناصرين
في نفس الوقت للنظام الحاكم فتأمل ـ
أها الحكومة دي حريفة حرفنة (يني) وما إن إنشغل الناس بموضوع الفتاة
حتي قاموا برفع أسعار السلع الضرورية ـ
المشكلة مافي الحكومة ولا في الشعب المشكلة في القوي السياسية الراح ليها
الدرب وبقت تتفرج في الحاصل ولكأن لم يكن .
مغايص يافخري ليس الا
|
Post: #6
Title: Re: يعني شنو كان بنت انجلدت ماكل يوم نحن بننجلد ؟
Author: FAKHER ELDEEN AHMED
Date: 12-15-2010, 12:28 PM
Parent: #5
Quote: أها الحكومة دي حريفة حرفنة (يني) وما إن إنشغل الناس بموضوع الفتاة
حتي قاموا برفع أسعار السلع الضرورية ـ
|
عارف عندي احساس قوي انو المؤتمر الوطني هو وراء هذا الفيديو
والاجابه قلتها انت !!! حتي ننشغل عن الزيادات الاخيرة
ذكاء يجب ان نصفق لهم عليه .
|
Post: #3
Title: Re: يعني شنو كان بنت انجلدت ماكل يوم نحن بننجلد ؟
Author: FAKHER ELDEEN AHMED
Date: 12-15-2010, 11:56 AM
Parent: #1
Quote: قبل هذا استنكر وبشدة طريقه تطبيق الشريعه الاسلاميه
بمعني لست معترضاً علي جلد الفتاة ولكن علي طريقة الجلد
وكامل تضامني معها . |
كلكم طبعا حتنسو السكر (بضم السين) وتركزو في التضامن ده
|
|