Post: #1
Title: يا نساء السودان عاوزين رجال يحترموكم?
Author: عبدالعزيز الفاضلابى
Date: 12-14-2010, 11:35 PM
اولا :
لابد ان تكون نسبة المعلمات فى المرحلة الإبتدائية 99%
فى الثانوى العام 85%
العالى 99%
الجامعة 50%
ليييييه?
اولا: ارمو ليقدام نحن ديل كان غربلتونا بتطلعوا مننا قدرما يبقى خمار وبس.
ثانيا:
*الدول التى سادت العالم عسكريا ,, وإقتصاديا وسياسيا ,,, الخ.
ترباية نسوان ,, ونجحت.
* والشريعة الإسلامية زاتها ,, قواعد الحضانة فيها تعطى الحق للأم فى الحضانة . فى سنى التكون والتطبع وهى من 0 - 9 سنوات . وهى المراحل المهمة .
طبعا فى ناس زى صاحبى خالد كودى حايجى يقول لى الشريعة دى ماتجيب سيرتها.
يتبع على قول اخونا طلحة.
|
Post: #2
Title: Re: يا نساء السودان عاوزين رجال يحترموكم?
Author: عبدالعزيز الفاضلابى
Date: 12-14-2010, 11:48 PM
Parent: #1
يعنى انسونا نحن وربوا الجيل الجاى على:
إحترام الإنسان لأخيه الإنسان
إحترام الرأى والحق فى التعبير
إن خالفك الآخرون فى الرآى لاتعاديهم.
لاتسئ اليهم لأنهم خالفوك الرأى
عدم الإساءة للناس وعدم ظلمهم
بسبب من:
عقيدة ـ نوع (ذكر / انثى)
عرق
ربوهم على:
المروءة ـ الشهامة ـ إغاثة الملهوف ـ ...
واستعينوا فى مهمتكم تلك بالطلعتو بيهو من الغربلة من الرجال.
برضو بيسدوا فرقة فى بعض الأوقات.
|
Post: #3
Title: Re: يا نساء السودان عاوزين رجال يحترموكم?
Author: عبدالعزيز الفاضلابى
Date: 12-15-2010, 00:08 AM
Parent: #2
ليييه تنسونا نحن?
لانو ده حايكون ضياع زمن مع ناس اتربت تربية غلط .
ناس اتربت على انها افضل من النساء لمجرد انهم ذكور
يعنى الواحد ـ مع الإعتذار ـ رجولته وقوته مستمدها من عضو التناسل. ويفهم القوامة على انها تسلـط فى حين انها مسؤلية.
يبقى إنتوا كان دايرين تصلحوا الكبار تكونوا بتنفخوا فى قربة مقدودة.
الكبير ده بعد كده مسؤل من إصلاح نفسه ,, وكان دايرين تصلحوه مابتصلح حتى ولو بقى صحن فول ,, إنتوا ماسمعتوا بى بعد ماشاب دخلوهو الكتاب ,, عشان كده تلقاه خجلان ومستحى يقعد مع العيال الكبار او متكبر على التعلم معاهم.
عشان كده قالوا :
ميمان لا يتعلمان ,, مستحى ومتكبر ,,
بنرجع كان الله هون.
|
Post: #4
Title: Re: يا نساء السودان عاوزين رجال يحترموكم?
Author: عبدالعزيز الفاضلابى
Date: 12-15-2010, 00:13 AM
Parent: #3
تعليم البنات يجب ان يكون فرض عين
وعلى المسلمة التفقه فى دينها
عشان تعلمو للنشئ بطريقة صاح
عشان مانقع فى الحوسة اللى
نحن فيها هسع دى ,, وعشان مايجى
نشئ اليوم رجل المستقبل ,, يستغل
أخته ,, زوجته .. زميلته بإسم الدين.
وعلى غير المسلمة كذلك.
|
Post: #5
Title: Re: يا نساء السودان عاوزين رجال يحترموكم?
Author: عبدالعزيز الفاضلابى
Date: 12-15-2010, 00:21 AM
Parent: #4
لو قدرتوا تربوا جيل واحد من الإبتدائي للجامعة
تكون المشكلة اتحلت بنسبة كبيرة جدا. يعنى محتاجين
لى 16 سنة ,, بعمر الزمن وللحى ماها كتيرة ,,
|
|