Post: #1 Title: مازيمبي الكونقولي إلى نهائي كأس العالم للأندية . Author: عمران حسن صالح Date: 12-14-2010, 07:04 PM
بعد هزيمته لأنترناسيونال البرازيلي بهدفين دون مقابل
Post: #2 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-14-2010, 07:20 PM Parent: #1
في انتظار الفائز من مباراة سيونغنام إلهوا تشونما ، الكوري الجنوبي وفريق إنتر ميلان الإيطالي مساء غداً الأربعاء الثامنة مساءً على الجزيرة الرياضية المفتوحة
___________ التعديل : موعد مباراة كوريا وإيطاليا غداً الأربعاء وليس اليوم
Post: #3 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-14-2010, 09:18 PM Parent: #2
إحتفالات أبناء أفريقيا القادمة إلى عالم الكرة بالبطولات إن شاء الله ألف مبروكـ مازيمبي __
________________________________________ غايتو الحارس كديابا ده يوم بيفتحوا فيهو بلاغ إزعاج السلطات
Post: #4 Title: Re: مازيمبي الكونقولي إلى نهائي كأس العالم للأندية . Author: عبدالعزيز الفاضلابى Date: 12-14-2010, 09:48 PM Parent: #3
ودعمى عمران كيفك ياخوى كديابا الخواجة ده شايت وين.? تعرف ليه انا فرحان لمازيمبى ,,?
لسببين. السبب الأول : زمان وانا سغير ابوى الله يديهو العافية فصل لى لبسة (كونغولى)
والسبب التانى :
مازيمبى حايلاقيكن فى دورى الأبطال وحايخلى ريحتكن حمام حمام.
Post: #5 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-14-2010, 10:05 PM Parent: #4
Quote: مازيمبى حايلاقيكن فى دورى الأبطال وحايخلى ريحتكنحمام حمام
ريحة الحمام ما مابنها يا قريبي إلا (نون النسوه ) الفوق دي أبيناها الخواجة حسي بكون مشى عمل ليهو شاش من (التقرُح) لوووووول
Post: #6 Title: Re: مازيمبي الكونقولي إلى نهائي كأس العالم للأندية . Author: عبدالعزيز الفاضلابى Date: 12-14-2010, 10:10 PM Parent: #5
Post: #7 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-14-2010, 10:17 PM Parent: #6
Quote: آآآه انا مانسيت إنك شايقى
غايتو قافلين على إنو ناس أوروبا يجو يلقطوا ناس ما زيمبي ديل وبعد داكـ يبقى همهم يحافظوا على نفسم من الإصابات
Post: #8 Title: Re: مازيمبي الكونقولي إلى نهائي كأس العالم للأندية . Author: الامين موسى البشاري Date: 12-14-2010, 10:42 PM Parent: #6
Quote: غايتو الحارس كديابا ده يوم بيفتحوا فيهو بلاغ إزعاج السلطات
عمران غايتو رقصة كدياباه دي غياظة بشكل ورغم نجيلة استاد الهلال الشينة ديك برضو رقصها ليكم مبرووووك لمازمبي يستاهلو الفوز والكأس كمان وما بعيد يعملوها مع الانتر لأنو دافعهم أكبر ومعنوياتهم ارتفعت شديد وكبرت احلامهم بعد الفوز دا كذلك حال الانتر ما بعجب اليومين دي مع رفائيل بنتيز
Post: #9 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-15-2010, 09:42 AM Parent: #8
Quote: ورغم نجيلة استاد الهلال الشينة ديك برضو رقصها ليكم
هو نحن وانتو فاضين من جلد البنات والضحكـ عليهم ؟؟ ناس ( عوة ) ** ساي !! ********************* هدف مازيمبي الأول : كابونقو الدقيقة 53 ( الشوط الثاني )
___________________________________ (عوة ) مصطلح يبدو أنه عربي فصيح يستخدم حالياً بالمنبر
Post: #10 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-15-2010, 09:55 AM Parent: #9
الهدف الثاني لمازيمبي : كليوتوكا الدقيقة 83 من الشوط الثاني
من الحارس للمهاجم وجوووووووة الجكـ ، التقول كاريكا
Post: #11 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-15-2010, 06:55 PM Parent: #10
انتهى الشوط الأول بين فريقي إنترميلان الإيطالي و سيونغنام الكوري الجنوبي بتقدم رفقاء إيتو بهدفين دون مقابل يبدو أن النهائي سيكون بين أوروبا و أفريقيا . نهائي لأول مرة يحدث بين الكبار
Post: #12 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-15-2010, 08:34 PM Parent: #11
وأخيراً أول نهائي كبير بين المستعمر وضحيته بين القارة العجوز وماما أفريكا
الأمنيات والدعوات لمازيمبي
Post: #13 Title: Re: مازيمبي الكونقولي إلى نهائي كأس العالم للأندية . Author: عبدالعزيز حسين عبدالرحيم Date: 12-15-2010, 08:40 PM Parent: #11
يا عمران تحياتي
غايتو أمس الله سخر لي تذكرة دخول حضرت المباراة عيان وشفت الرقيص حي وفرفرة جد جد متعة واستمتعنا بالجد
Post: #14 Title: Re: مازيمبي الكونقولي إلى نهائي كأس العالم للأندية . Author: عبدالعزيز الفاضلابى Date: 12-15-2010, 09:03 PM Parent: #13
Quote: الأمنيات والدعوات لمازيمبي
قالوا الكديـس بريد خناقو ارجوك خليل مايشوف المداخلة دى.
Post: #15 Title: Re: مازيمبي الكونقولي إلى نهائي كأس العالم للأندية . Author: امير عوض الجمري Date: 12-16-2010, 00:35 AM Parent: #14
عمرااااان يا حبيييييييب سلامات ووالله مشتاقين ......... ومبروك للمازيمبي
ودا اشعار من التي بي مازيمبي لكل فرق القارة الافريقية : تنافسوا على كاس الكونفدرالية وانسوا حاجة اسمها دوري الابطال ...
ياخي نحن بعيدين خلاث ...
Post: #16 Title: Re: مازيمبي الكونقولي إلى نهائي كأس العالم للأندية . Author: وليد عبد اللطيف Date: 12-16-2010, 10:35 AM Parent: #15
ياعمران والجمري المزعلني ومضحكني كلام الديبة يوم الجمعة قال شنو : في اندية طلبت خدمات لاعبينا انت الزول بضحك على نفسه وللا شنو الحنك
Quote: غايتو قافلين على إنو ناس أوروبا يجو يلقطوا ناس ما زيمبي ديل وبعد داكـ يبقى همهم يحافظوا على نفسم من الإصابات
الجمري كان كدي هزيمة مازيمبي للهلال اصبحت باردة على الهلال في المقبره
Post: #17 Title: Re: مازيمبي الكونقولي إلى نهائي كأس العالم للأندية . Author: امير عوض الجمري Date: 12-16-2010, 05:32 PM Parent: #16
Quote: الجمري كان كدي هزيمة مازيمبي للهلال اصبحت باردة على الهلال في المقبره
خالص خالص يا وليد ...
ويا حليل ايداهور الكشحهم اتنين وبرافو الهلال الكشحم برضو اتنين في الكنغو .... يا وليد ياخ ديل ناس مستواهم عالي جدا واكتسبوا ثقة وثقافة قمة قمة قمة ... ان شاء الله ناس اوروبا يعدموهم نفاخ النار ... لانوديل لو استمروا كلهم مع مازيمبي باقي فرق افريقيا تشوف ليها شغلة تانية .
Post: #19 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-16-2010, 07:28 PM Parent: #14
Quote: قالوا الكديـس بريد خناقو
يا فاضلابي ده كديس من العكد ولا شنو ؟؟
Post: #18 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-16-2010, 07:25 PM Parent: #13
Quote: أمس الله سخر لي تذكرة دخول حضرت المباراة
عبد العزيز كاميرتكـ ما تفارقكـ في حتات زي دي
Post: #20 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-16-2010, 07:33 PM Parent: #18
الأصحاب اللذاذ الجمري ، وليد انتو ملاحظين ولا هلالي لي حسي جا قال مبروووووووووكـ ؟ ياخي أهلي ديل زعلانين من الخمسة دي شديد !! انا غايتو بعتبر البوست ده تنفيس عن الخمسة ديييييييييييييييكـ :) :) الغريبة انتو تتذكرو في الخمسات وتنسوا السبعات !!
____
Post: #21 Title: Re: مازيمبي الكونقولي إلى نهائي كأس العالم للأندية . Author: عبدالعزيز الفاضلابى Date: 12-16-2010, 07:33 PM Parent: #18
Quote: يا فاضلابي ده كديس من العكد ولا شنو ؟؟
لا . وحاتك ياعمران ,, كديس من مساوى ومشلخ لا ورا كمان. إنت طبعا مابتقدر تهاجمنى عشان انا عندى محام قاعد معاك عشان كده انا لاقى راحتى فيك .
Post: #22 Title: Re: مازيمبي الكونقولي إلى نهائي كأس العالم للأندية . Author: حبيب نورة Date: 12-16-2010, 07:42 PM Parent: #18
والله لكن فريق كورة جد
خطرين عديل كده
Post: #23 Title: Re: مازيمبي الكونقولي إلى نهائي كأس العالم للأندية . Author: امير عوض الجمري Date: 12-16-2010, 08:07 PM Parent: #22
Quote: الغريبة انتو تتذكرو في الخمسات وتنسوا السبعات !!
هي نان يا عمران ناس السبعات ما بقدروا يسووا جنس الشيء البعملوهو ناس الخمسات ديل ... تعرف يا عمران الناس ديل لو استمروا كدي السنة الجاية الشغلانية بتبقى عشرات ... غايتة الله يكفينا شرهم !!! طبعا انتو شرهم هبشكم قبال كدي .. هههههههههههههههههههههههها .... الله يستر عليكم من طبفنا طبق طبقكم ..
Post: #24 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-18-2010, 05:55 PM Parent: #23
الجمري هل تحتفل أفريقيا اليوم بالسيادة على أوروبــا ؟؟ ليتهم
Post: #25 Title: Re: مازيمبي الكونقولي إلى نهائي كأس العالم للأندية . Author: عمران حسن صالح Date: 12-18-2010, 08:44 PM Parent: #24
لم يكونوا مستعدين نفسياً لمنازلة بطل أوروبا مستسلمين منذ البداية معليش يكفي انكم لعبتم النهائي
Post: #26 Title: Re: مازيمبي الكونقولي إلى نهائي كأس العالم للأندية . Author: Mohamad Shamseldin Date: 12-18-2010, 08:51 PM Parent: #25
يا جماعة لو في زول عندو رابط ؟
Post: #27 Title: Re: مازيمبي الكونقولي إلى نهائي كأس العالم للأندية . Author: وليد عبد اللطيف Date: 12-19-2010, 09:38 AM Parent: #26
Quote: لم يكونوا مستعدين نفسياً لمنازلة بطل أوروبا مستسلمين منذ البداية معليش يكفي انكم لعبتم النهائي
