يبدو لي ان تصرف الوالي بقراءة صحيفة جرائم مواطن على الهواء أمر غريب وغير موفق وفيه إنتهاك آخر
يعني ...لو إفترضنا صحة إرتكابها لكل ماذكر ...ومن النقل الذي أتيت به بدا واضحا انها عوقبت على كل جرائمها ...حتى العقاب الأخير الذي تتفق معنا في انه قد جانبه الصواب ...في التنفيذ على الأقل
قراءة صحيفة جرائمها على الهواء في قناة تلفزيونية يبدو لي كعقاب منفصل وأمر يخلو من الحساسية وفي تعدي على أسرتها مثلا يعني العقاب تجاوز المعاقب إلى آخرين لاذنب لهم
أضع في غعتباري وانا أقول ذلك ان بعض الدول تاتي بصور معاكسي الفتيات على صفحات جرائدها
يا خدر عشارى رجل حكمة. عركته المنابر الطلابية التى كان يداخل فيها برصانة و قوة حجة من زمان. و القصة كلها ضاربة و تلفيق فى تلفيق. هذا القضاء المجرم غير مؤتمن، قضاء يعمل بتوجيهات الامن لمدارات سوءة الفضيحة الكبيرة و هيهات. صدق محمود لمن قال … هذا الو الطوفان… الناس ما صدقت هسه شايفهم غرقانيين فى الاحزان يسوا هق هق هق يشتهون رشفة هواء نقاء خارج دائرة هذه الرائحه الزنخه التى سممت اجواء البلاد.
عارف يا بكري ناس المؤتمر الوطني ديل حرفا في الهجوم علي الناس بالتلفيق و الاستهبال اذاعة - تلفزيون - صحف لكنهم شُتر جدا في الدفاع و تبرير اخطاءهم (راجع تصريح الوالي) مسألة من صميم عمل الجهاز التنفيذي .. بدل ما يصرح فيها وزير الداخلية جانا الوالي شخصيا ده بوريك توجسهم و خوفهم و إرتباكهم من الهجوم عليهم
يا امجد دي 14 عديييل , عارف لو كان الراو يتاع القضية دي اكبر شوية كان (علي عثمان) شخصيا ذاع التبرير البشكك في اخلاق الضحية المجلودة
Post: #8 Title: Re: احب عمر عشاري Author: Amjed Date: 12-14-2010, 00:00 AM Parent: #7
هسي السيد الوالي دا ما بيخجل من روحو شوية كدا يعني قايم و ماشي التلفيزيون و لافي العمة و سايب الوراه و القدامه عشان يجي يثبت انو البت دي ما محترمة يعني شنو ما محترمة اصلاً ... دا سوال و صحيفة السوابق دي (بالمناسبة الشابة دي ممكن ترفع عليهو قضية تشهير .. دا سوال بالجنبة كدا) المهم صحيفتو دي الجا شايلها بيمينو و داسي صحيفتو هو بشمالو كلها بتبرر لشنو يعني ... قال ادان تنفيذ الحكم قال ...
Post: #9 Title: Re: احب عمر عشاري Author: Amjed Date: 12-14-2010, 00:02 AM Parent: #8
عقوبة حدية ... يا راجل !!!
قال لا يلينا قال
Post: #10 Title: Re: احب عمر عشاري Author: Amjed Date: 12-14-2010, 00:04 AM Parent: #9
الز حاجة الحد الجديد الجابو السيد الوالي رضي الله عنه دا خمسين .. دا غايتو الا كان حد كوشتينة و الموضوع جاب خالد بن الوليد و الغامدية و (الأمر الاخر ) او كما قال ...
Post: #13 Title: Re: احب عمر عشاري Author: عاطف مكاوى Date: 12-14-2010, 00:09 AM Parent: #9
وما تنسوا الانذار الذى وجهه للذين سيجتمعون غدا أمام وزارة العدل!
والغريب الجملة الآخيرة في فيديو (الوالي) ...... وقوله : لن نسمح بها (حتي لايكون الوضع أكثر ظلاما) ..... كلام شبيه لهذا!
Post: #11 Title: Re: احب عمر عشاري Author: حيدر حسن ميرغني Date: 12-14-2010, 00:04 AM Parent: #7
خدر
Quote: عارف لو كان الراو يتاع القضية دي اكبر شوية
اكبر من الحاصل ده ? ياخي ده عم القرى والحضر والعالم من الاسافير بس جهحه باكاتهم
Post: #12 Title: Re: احب عمر عشاري Author: Amjed Date: 12-14-2010, 00:07 AM Parent: #11
اها ... السيد الوالي محرج جداً من النشر لكن ما محرج ولا اي حاجة من الحاصل اصلاً
ثم انتو اصلاً تنشرو ليه ... انتو هو الصور اصلاً كان منو ... الصور دا يكون اسفيري برضو
الجلد دا كان تعذيراً في اطار عقوبة حدية ... في اطار فقه السيد الوالي رضي الله عنه
Post: #14 Title: Re: احب عمر عشاري Author: خدر Date: 12-14-2010, 00:14 AM Parent: #7
يا ناس ... طبيعي جدا ان يستميت منسوبي الوطني في تشتيت الكورة و رمي اللوم علي الفتاة المجلودة تحت شعار لا يضير البنت المفضوحة سلخها بعد ذبحها في محاولات فاشلة لتبييض صورة كل مرؤس امام رئيسو و وجه الانقاذ عصى علي التبييض رغم كل تلك المساحيق
ما تتعبوا روحكم في الرد علي كل من هو ضد جلد الفتاة لكنه ايضا (بالجنبة كده) ضد الإتهامات المجانية .. هذا وقت الإتهامات المجانية من معسكر المعارضة و وقت الصمت من جانب الإنقاذ .. فالحرب كر و فر لا منتصر ابدي ولا مهزوم ابدي .. السياسة كده يا ناس فن الممكن و دي قاعدة حتي المواطن التعبان من الحكومة فاهمها و منتظر سبب منطقي و معارضة رشيدة عشان يمرق معاها الشارع.
Post: #15 Title: Re: احب عمر عشاري Author: معاوية عبيد الصائم Date: 12-14-2010, 00:33 AM Parent: #14
الذ حاجة يا خدر قال مفروض الزول القام بالتصوير كان يغطى وجه البت بعد التصوير دبلجة يعنى
ياخ والى امارة الخرطوم طال عمرو حيا وميتا بحب السترة......اتفرج
Post: #16 Title: Re: احب عمر عشاري Author: عاطف مكاوى Date: 12-14-2010, 00:46 AM Parent: #15
والغريب أكثر يا شباب قول الوالي :
أن لا علاقة لشرطة النظام العام بكل الذى حدث ... وأن المسئولية كاملة علي القضاء وشرطته ناسيا أو متناسيا (وهذا هو الغالب) .... أن المجرم (أى مجرم) لابد أن تقبض عليه جهة أمنية ما ولا أعتقد أن الجهة الأمنية في حالتنا هذه هي (الشرطة التابعة للقضاء)! فمن تكون هذه الجهة وهو يتحدث عن المادتين 154 و 155 ؟
Post: #17 Title: Re: احب عمر عشاري Author: عاطف مكاوى Date: 12-14-2010, 01:18 AM Parent: #16
والغريب أكثر وأكثر :
قوله أنه قد تم (نقل) ..... هولاء الساديين!
--------------------- يا له من (عقاب)!
Post: #18 Title: Re: احب عمر عشاري Author: محمد عبد الماجد الصايم Date: 12-14-2010, 07:09 AM Parent: #17
خدر يا عمكـ .. مشتاقين ياخ! تعرف في آراء كتيرة عجبتني في الموضوع دا زي كلام عشاري دا وبرضو حمور وود البشرى في كم بوست!
