Post: #1
Title: النـســـاء ... تلك الحيطة الاقصر !
Author: دينا خالد
Date: 12-13-2010, 04:53 AM
00000000000000000000
|
Post: #2
Title: Re: النـســـاء ... تلك الحيطة الاقصر !
Author: دينا خالد
Date: 12-13-2010, 05:05 AM
Parent: #1
بمزيد من الحزن والاسى ..
وبقلب يكاد ان يتوقف من هول (الصدمة) والمصيبة ...
انعى لكم تلك الكائنات الميتة ...
انها الفجيعة يا اختاه ..
ـــــــــــــــ
وكان يا ما كان فى سالف العصر والزمان قانون للاحوال الشخصية
يتضمن ماده شهيرة هى امكانية طلب الزوجة لبيت الطاعة ..
وبالرغم من وجود المنشور الذى كان بمثابة القانون فى ذلك الوقت
الا ان تنفيذ هذا الحكم كان موقوفا بالمرة
الشرطة لا تقوم بالتنفيذ ..
حتى فى وجود الحكم ..
شفتوا الكلام دا كيف ؟؟
|
Post: #3
Title: Re: النـســـاء ... تلك الحيطة الاقصر !
Author: دينا خالد
Date: 12-13-2010, 05:42 AM
Parent: #2
فى القران الكثير من الايات التى قننت للرق
اين هى الان ؟
هل يمكننا التحدث عنه باعتبار انه مباح فى الاسلام ؟
ــــــــــــــــــ
النساء تلكم الحيطة القصيرة !!
|
Post: #4
Title: Re: النـســـاء ... تلك الحيطة الاقصر !
Author: دينا خالد
Date: 12-13-2010, 05:59 AM
Parent: #3
الحدود الاصلية معطلة التنفيذ !
\\\\\\ــــــــــــــ
يا نا الحيطة القصيرة !
|
Post: #5
Title: Re: النـســـاء ... تلك الحيطة الاقصر !
Author: دينا خالد
Date: 12-13-2010, 06:19 AM
Parent: #3
هل بدأت معركة النساء ضد الرجال ؟
ام هى معركة النساء ومن انجبتهم النساء اى اولادها
ضد الاوباش ؟
شنو فايدة الولادة يا السرة لواولادك ما بمشوا معاك ؟
شنو فايدة الولادة يا بت امى لو ما بدافعوا عنك ؟
بس ياها ايوووووووووووووووووووي جابت ولد ؟
وشن الولد ؟
ــــــــــــــ
فلتكن الحملة لاقتلاعهم من الجذور
تعالن ننظم حملة للامتناع عن انجاب الذكور ..
الامر بيدكن بنات حواء .. لا تترددن !
من البقولوا فى دا .. ما تترددن ..
|
Post: #7
Title: Re: النـســـاء ... تلك الحيطة الاقصر !
Author: معاوية عبيد الصائم
Date: 12-13-2010, 06:24 AM
Parent: #5
قصيرة حكومة السجم والسحت
نساء وطنى تاريخ مزعج لهولاء السفلة
عاش نضال نساء بلادى
شكرا دينا
ياتو وطن دام للانجاس
|
Post: #6
Title: Re: النـســـاء ... تلك الحيطة الاقصر !
Author: دينا خالد
Date: 12-13-2010, 06:22 AM
Parent: #3
نحو عالم خالى من الظلمة ..
ااى ما دايرين نوعين ..
خليهم ينقرضوا
مش احسن من المناظر دى ..
خلى الارض دى تبقى فاضية تخضر وتزهر
ويسودها الجمال ..
بلا لمة ..
|
Post: #8
Title: Re: النـســـاء ... تلك الحيطة الاقصر !
Author: دينا خالد
Date: 12-13-2010, 06:30 AM
Parent: #6
نحو عالم خال من الرجال ...
اطلقن العنان لخيالكن
وايا كانت النتيجة !!
ح تكون اسوأ من كدا ؟
ـــــــــــــــــ
مافى واحدة تجى تتجرس لى فى بوستينى دا .. سمح؟
هم خليهم يقولوا اى كلام ..
لسانهم مقطووووع !
|
Post: #9
Title: Re: النـســـاء ... تلك الحيطة الاقصر !
Author: دينا خالد
Date: 12-13-2010, 06:39 AM
Parent: #8
معاوية الصايم
جاتنى رسالة فى بريدى من متصفح
بقول لى (غضبة مشروعه يا دينا ) ووش ضاحك !!
ياخ فقعتوا مرارتنا ..
لمتين ؟
|
Post: #10
Title: Re: النـســـاء ... تلك الحيطة الاقصر !
Author: وليد محمد المبارك
Date: 12-13-2010, 07:37 AM
Parent: #9
بالله ...
قبل اقل من شهر جلد لاعبي كرة مشهورين ما سمعنا زول في المنبر ده
قال الرجال حيطة قصيرة..
صحبك بتاع عرض الازياء تعرض لما تعرض له وانت كنت شايفاه ظلم عليه
ما قريناك كتبتي الرجال حيطة قصيرة
هنا في زول كتب انو تعرض لاغتصاب عديل كده
ما شوفنا زول قال الرجال حيطة قصيرة
ما تسمسري بالموضوع يا دينا ...
|
Post: #11
Title: Re: النـســـاء ... تلك الحيطة الاقصر !
Author: Balla Musa
Date: 12-13-2010, 08:32 AM
Parent: #10
دينا فى ذمتك ميادة دى حيطة قصيرة؟
|
Post: #12
Title: Re: النـســـاء ... تلك الحيطة الاقصر !
Author: مريم بنت الحسين
Date: 12-13-2010, 11:09 AM
Parent: #11
النساء أكثر من استضعف على مر التاريخ.... قانوناً
لكن في واحدات، اخير منهم الظلم!
|
Post: #13
Title: Re: النـســـاء ... تلك الحيطة الاقصر !
Author: Sabri Elshareef
Date: 12-13-2010, 06:54 PM
Parent: #12
الاخت دينا
لقد صدقت فالنساء هن اكثر من استذل في هذه الحياة
والشريعة كانها لها عدو واحد هو المراة
اسفي علي هذه القوانين المذله الغير انسانية
|
Post: #14
Title: Re: النـســـاء ... تلك الحيطة الاقصر !
Author: دينا خالد
Date: 12-13-2010, 10:22 PM
Parent: #13
وليد صاحبى
يسمسر راتبك دا قول امين !
اوول شى وحتى لو مريخاب فالجلد عقوبة
مهينة وقاسية ولا انسانية مفروض يعيدوا فيها
النظر لو على رجال ولا على نساء ..
قانون النظام العام دا بيتجلدن بيهو النساء فقط
ما شفت صاحبى مرق ذى الشعرة من العجين ؟ حالتو ضاربهم
ومش بيتجلدن بيه وبس برااااك وشوف عينك شوفت التجاوز
والتشفى وصل درجة كيف ؟ ياااهن الحيطة القصيرة
صبرى الشريف
اظهار القوة فى المستضعف ضعف وجبن
القهر البقع على النساء من الرجال .. عار
هن دائما الحيطة الاقصر ..
|
Post: #15
Title: Re: النـســـاء ... تلك الحيطة الاقصر !
Author: Sabri Elshareef
Date: 12-14-2010, 01:52 AM
Parent: #14
****
|
Post: #16
Title: Re: النـســـاء ... تلك الحيطة الاقصر !
Author: وليد محمد المبارك
Date: 12-21-2010, 08:54 AM
Parent: #15
Quote: قانون النظام العام دا بيتجلدن بيهو النساء فقط
ما شفت صاحبى مرق ذى الشعرة من العجين ؟ حالتو ضاربهم
ومش بيتجلدن بيه وبس برااااك وشوف عينك شوفت التجاوز
والتشفى وصل درجة كيف ؟ ياااهن الحيطة القصيرة |
كلامك عن قانون النظام العام بصورة عامة غير صحيح
لكن لو عاوزه تتحدثي عن مادة الزي الفاضح كلامك سليم تستخدم ضد النساء اكثر من الرجال
الجلد في حد ذاته شخصيا ما بقدر اقول فيه رائ ..
بالنسبة لي الراي بكون في طريقة تطبيقه ..
من احية التنفيذ
ومن ناحية العدالة وتطبيقه على الجميع
اذا طبق الجلد على الجميع بالتساوي عن الخطا بالطريقة المنصوص عليها في الشريعة
ما عندي فيه اي اعتراض
المشكلة يا دينا انو ناس النظام العام شالو من الشريعة العقوبة بس وطبقوها بغير ما ورد فيها
وما شالوا منها طريقة الاثبات في الاشياء التي يحاسب فيها بالجلد
وهذا لا يستقيم
|
Post: #17
Title: Re: النـســـاء ... تلك الحيطة الاقصر !
Author: عبدالله احيمر
Date: 12-21-2010, 12:37 PM
Parent: #16
Quote: نحو عالم خال من الرجال ...
اطلقن العنان لخيالكن |
عارفة يا دينـا
في التسـعينات ومع بدايـة ظهـور شــغلانة الاسـتنســاخ
واحـد خـواجية أطلقـت لخيالها العنـان للآخــر
قالت : - ذاتـو بعــد دا نحـن ما عاوزين رجــال
ومافي داعي لوجودهـم
الزولة دي عليك بيهـا
|
Post: #18
Title: Re: النـســـاء ... تلك الحيطة الاقصر !
Author: محمد عبد الماجد الصايم
Date: 12-25-2010, 10:20 AM
Parent: #17
كلام سليم .. نحن ذاتنا نرتاح!!
|
Post: #19
Title: Re: النـســـاء ... تلك الحيطة الاقصر !
Author: Sabri Elshareef
Date: 12-25-2010, 02:47 PM
Parent: #18
دينا خالد
تحية وتقدير
تعرفي فعلا حيطه قصيره ويمارس اذلال وقهر للمراة في البيت في الشارع وفي المسرح
لقد قابلت امراة في محاكم الخرطوم تشكي ان زوجها وضعها موضع الناشز
سالتها لماذا لا ترفع قضية طلاق؟
قالت لي :: لا تستطع لانه سيطالب بفدية؟؟
هالني الامر اعرف ان الفدية لانسان مخطوف وتراهن به المجموعات الخاطفة جشعا وحبا للمال؟؟
قلت لها كم الفديه حتي نعمل حملة جمع اموال لك ؟؟
قالت يقدرها هو
____________
زي ما بتعملي هذا الرجل طبيب وله من هذه المراة طفلتين وهي تعاني امر الحياة القاسية
وهو مقيم بالسعودية .....................
اها رايك ايه في المساعدة ان كان بالامكان اخراج هذه المراة من هذه الورطه
للعلم تم ضربها وفقا للشريعة التي تقول واللائي تخافون نشوزهن
|
Post: #20
Title: Re: النـســـاء ... تلك الحيطة الاقصر !
Author: Sabri Elshareef
Date: 12-25-2010, 08:32 PM
Parent: #19
****
|
Post: #21
Title: Re: النـســـاء ... تلك الحيطة الاقصر !
Author: Munir
Date: 12-26-2010, 00:02 AM
Parent: #14
Quote: قانون النظام العام دا بيتجلدن بيهو النساء فقط ما شفت صاحبى مرق ذى الشعرة من العجين ؟ حالتو ضاربهم
ومش بيتجلدن بيه وبس برااااك وشوف عينك شوفت التجاوز
والتشفى وصل درجة كيف ؟ ياااهن الحيطة القصيرة |
دينا المتمردة .. إتجلد محمود عبدالعزيز يا عزيزة ..
ليست القضية قضية نساء ورجال ، ومافي لزوم تفكيها في الرجال ودايرة تتخلصي منهم ساكت ..
أبداً القضية ليست في شكل العقوبة ولا في كنهها .. ركِّزي في حتة 'المساواة أمام القانون' فقط ، فهي الحل .. "والذي نفسي بيده لو سرقت فاطمة بنت محمد لقطع محمد يدها" -->> 'المساواة أمام القانون'..
حتي قانون الغابة شغال زي العجب في الغابة منذ خليقتها، ولم يخرِّب حياة الغاب ..
|
|