Post: #1
Title: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-11-2010, 10:41 PM
بيان من الإتحاد النسائي السوداني فرع بريطانيا
لا لجلد و تركيع الفتيات
لا زال نظام الإنقاذ الطالباني يهين و يذل و يقهر الفتيات محصناً بقوانين منافية للدستور و لأبسط آدمية الإنسان وكرامته ، و ما فيديو جلد تلك الفتاه المقهورة المكلومة إلا حلقة أخري في مسلسل إذلال النساء. و لقد وجد الفيديو طريقه للعيان و لكن كم من فتيات مقهورات وأخريات ألهبت السياط جلودهن من وراء جدران السجون و المخابئ الإنقاذية؟
و بدلاً من محاربة العادات الضارة كختان الإناث الذي أودى بحياة الكثير من الفتيات في عمر الزهور، أو زيادة عدد المدارس و تحسين وسائل التعليم و توفير الكتاب المدرسي و المكتبي لإشباع عقول الشباب وتوفير السكن الجامعي للفتيات ، بدلاً من ذلك دمر نظام الانقاذ التعليم و صار يطارد الفتيات في الجامعات و الطرقات. و بدلاً من إنشاء المستشفيات لتخفيض نسبة الوفيات بين الأطفال من الجنسين و توفير الخدمات الصحية اللازمة للأمهات في المدن والأرياف، و العلاج و الدواء للنساء في جنوب و غرب و شرق و شمال الوطن الحبيب ، بدلاً من ذلك دمر نظام الانقاذ الصحة و جعل العلاج و الدواء حلماً بعيد المنال. و كل هذا يصب في إهمال حكومتنا الطالبانية لأبسط مقومات الحياة الكريمة للنساء، النساء اللاتي ترتعد فروص جلادي الإنقاذ من مدّهن و تقدمهن الهادر نحو الغد المشرق.
و لقد رأت حكومة الانقاذ و تابعوها أن جلد الفتيات و تركيعهن و قهرهن و إذلالهن (كما رأينا في فيديو جلد الفتاة) هو السبيل "الشرعي و الإسلامي و القانوني" لإيقاف مسيرة النساء و توهموا أن ذل النساء و العنف ضدهن هو الطريق لأمن المجتمع والوطن، فتباً لها من سياسة وتباً لهم من ساسة.
و نحن في الإتحاد النسائي ببريطانيا نضم صوتنا لكل الذين أدانوا العنف البدني و خلافه و لاسيما جلد الفتيات. ونطالب مرة أخري ، و لن نمل ، بإلغاء القوانين التي تقنن جلد النساء و علي رأسها قانون النظام العام و كل القوانين التي تتنافي مع الدستور و إتفاقية نيفاشا و القوانين العالمية لحقوق الانسان.
و نواصل مع كل التنظيمات النسائية و السياسية و منظمات المجتمع المدني الحملة لإيقاف العنف ضد النساء و إلغاء القوانين التي تقنن العنف.
لا لجلد النساء
لا للعنف اللفظي و البدني ضد النساء
و المجد و العزة للنساء السودانيات
الإتحاد النسائي السوداني ببريطانيا
ديسمبر 2010
|
Post: #2
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-11-2010, 11:17 PM
Parent: #1
لا لجلد النساء
|
Post: #3
Title: Re: بيان من الإتحاد النسائي ببريطانيا...لا لجلد و تركيع الفتيات
Author: سناء الصباغ
Date: 12-11-2010, 11:41 PM
Parent: #2
لا لجلد النساء
ولا لجلد الرجال
ولا لاذلال شعبتا
ولا لكل القوانين التي تحط من كرامة الانسان
ايا كان مصدرها
|
Post: #4
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-12-2010, 10:19 AM
Parent: #3
Quote: لا لجلد النساء
ولا لجلد الرجال
ولا لاذلال شعبتا |
عفارم عليك يا ام ناظم
و تحياتي للاسره
|
Post: #5
Title: Re: بيان من الإتحاد النسائي ببريطانيا...لا لجلد و تركيع الفتيات
Author: الطيب رحمه قريمان
Date: 12-12-2010, 10:30 AM
Parent: #3
Quote: لا لجلد النساء
ولا لجلد الرجال
ولا لاذلال شعبتا
ولا لكل القوانين التي تحط من كرامة الانسان
ايا كان مصدرها |
|
Post: #6
Title: Re: بيان من الإتحاد النسائي ببريطانيا...لا لجلد و تركيع الفتيات
Author: محمد عبدالرحمن محمد
Date: 12-12-2010, 12:14 PM
Parent: #5
|
Post: #7
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-12-2010, 01:44 PM
Parent: #6
الف شكر استاذ الطيب،
و معا لغد مشرق للجميع
|
Post: #8
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Tumadir
Date: 12-12-2010, 01:55 PM
Parent: #7
ما بتستحي؟؟
يا باغي يا ضارب النسا
تضرب على الجسم الاصلو احتمل ظلمك سنين
المابعرفك صحي يجهلك
انت عارف بت من السودان دي بتبقى مين؟
بت الوطن بت الفرح الكان يطل
قبل ما سنينك تحين
خالدة زاهر ربتها
شايلة سماعة وشهامة شقت الطرقات الى الممكن
كالشمس أضحت سمعتها
فاطمة بت محمود :
رايدة بين كل النسا ما في مجرم ساي وقف فى سكتها
عشة فلاتية غنت للجمال وللوطن ما فى مأفون سكتا
وفاطنة تانية وتالتة جن
وسعاد واسما ورابحة ومهيرة
وغاليات كتيرات من كل زاوية بيمرقن
حصل طفت المحاكم وشفت قاضياتنا ومحامياتنا شايلات الاضابير يقدلن؟
هل حصل زرت الجرايد وشفت صحفيات يخيطن بالليل نهارن ويكتبن؟
هل حصل زرت المباحث والمعامل وشفتهن ؟
هل حصل لاقيت طبيبة أو ممرضة فى الاسبتاليات يبدعن
شفت المعلمة فى القرى ...شفت المعلمة فى المدن؟
هل شفت ربات البيوت؟
هل شفت فنانات وعابدات للجمال يسقنوا روح من ريشتن؟
شفت صانعات الطواقي ؟ شفت ضافرات البروش؟؟
ساهرات ليالي عشان يربن يضفرن؟
شفت كيف الناشطات شايلات مع الليل والهموم دفاتر وكمرتن؟
شفت صانعات ال ج ب ان ..عواسات ومشاطات يناضلن فى الضلام شان يربن ويسترن؟
الما بعرفك بجهلك يا باغي يا ضارب النسا ..
شفت غادة الحلوة كيف بي موتها كم أحيت سبات الكون بي لونا انكسا
.ديل هن بجيبن للحياة أملها ,,,, وبكراها وشذاها وفكرتا
يا باغي ياضارب النسا
كل ناس الدنيا عارفين العملتوه فى الجنوب ..حرقتو شطر الأم وجنياتا وعمارا وبهجتا
كل ناس الدنيا عارفين العملتوه فى الغرب ...بنات دارفور ووصمة عار وصرخة أم ومن كانت أمينة فى قريتا
يا باغي يا دني يا حقير ، عارفنك تمد ايدك علي البت المطرفة كلها تلقي منها بغيتك وما بتهمك حسرتا
آآآآخ و نمتي كيف يا يمة ديك الليلة ؟
أمك المسكبنة بتكون حضنتك؟؟
ضربات سياطك أوجعتني وقشعريرة منظرك ما فارقت عيني ما أدتني نوم الله بيعلم أرقتني
نمتي كيف يا السمحة من ديك المذلة ؟؟وعايشة كيف حسة؟معاك منو ..؟؟
خليني أهمسا ليك شان يمكن شوية أطمنك:
نحن ما بنسكت عليك
الصدى المن صرختك يشهد عليك
نحن شايلنك شهادة ورسمة كلنا بتعتز بيك
نحن بنجيبك دليل ...ما زي قبيل وبنمشي موكب عزة ليك
مجدنا الجايي بنكرسو ليك
والطاغية ده حنركعوا زي ما ركعتى .
..نجيبوا ليك
محقور ذليل ...يجي بين ايديك
يا رمزنا نحن كلنا انتي ...كلنا بنعتز بيك ...
|
Post: #9
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Mustafa Mahmoud
Date: 12-12-2010, 01:58 PM
Parent: #6
بيان من الإتحاد النسائي السوداني فرع بريطانيا
لا لجلد و تركيع الفتيات
لا زال نظام الإنقاذ الطالباني يهين و يذل و يقهر الفتيات محصناً بقوانين منافية للدستور و لأبسط آدمية الإنسان وكرامته ، و ما فيديو جلد تلك الفتاه المقهورة المكلومة إلا حلقة أخري في مسلسل إذلال النساء. و لقد وجد الفيديو طريقه للعيان و لكن كم من فتيات مقهورات وأخريات ألهبت السياط جلودهن من وراء جدران السجون و المخابئ الإنقاذية؟
و بدلاً من محاربة العادات الضارة كختان الإناث الذي أودى بحياة الكثير من الفتيات في عمر الزهور، أو زيادة عدد المدارس و تحسين وسائل التعليم و توفير الكتاب المدرسي و المكتبي لإشباع عقول الشباب وتوفير السكن الجامعي للفتيات ، بدلاً من ذلك دمر نظام الانقاذ التعليم و صار يطارد الفتيات في الجامعات و الطرقات. و بدلاً من إنشاء المستشفيات لتخفيض نسبة الوفيات بين الأطفال من الجنسين و توفير الخدمات الصحية اللازمة للأمهات في المدن والأرياف، و العلاج و الدواء للنساء في جنوب و غرب و شرق و شمال الوطن الحبيب ، بدلاً من ذلك دمر نظام الانقاذ الصحة و جعل العلاج و الدواء حلماً بعيد المنال. و كل هذا يصب في إهمال حكومتنا الطالبانية لأبسط مقومات الحياة الكريمة للنساء، النساء اللاتي ترتعد فروص جلادي الإنقاذ من مدّهن و تقدمهن الهادر نحو الغد المشرق.
و لقد رأت حكومة الانقاذ و تابعوها أن جلد الفتيات و تركيعهن و قهرهن و إذلالهن (كما رأينا في فيديو جلد الفتاة) هو السبيل "الشرعي و الإسلامي و القانوني" لإيقاف مسيرة النساء و توهموا أن ذل النساء و العنف ضدهن هو الطريق لأمن المجتمع والوطن، فتباً لها من سياسة وتباً لهم من ساسة.
و نحن في الإتحاد النسائي ببريطانيا نضم صوتنا لكل الذين أدانوا العنف البدني و خلافه و لاسيما جلد الفتيات. ونطالب مرة أخري ، و لن نمل ، بإلغاء القوانين التي تقنن جلد النساء و علي رأسها قانون النظام العام و كل القوانين التي تتنافي مع الدستور و إتفاقية نيفاشا و القوانين العالمية لحقوق الانسان.
و نواصل مع كل التنظيمات النسائية و السياسية و منظمات المجتمع المدني الحملة لإيقاف العنف ضد النساء و إلغاء القوانين التي تقنن العنف.
لا لجلد النساء
لا للعنف اللفظي و البدني ضد النساء
و المجد و العزة للنساء السودانيات
الإتحاد النسائي السوداني ببريطانيا
ديسمبر 2010
|
Post: #11
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-12-2010, 02:45 PM
Parent: #9
سلام كتير محمد الشايقي
و فعلا اعداء المراه هم اعداء للحياه
اعداء للاخضر و اليابس
|
Post: #12
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amani Al Ajab
Date: 12-12-2010, 04:36 PM
Parent: #11
| Quote: لا لجلد و تركيع الفتيات |
شكراً الحبيبة أميرة عثمان لك
ولضيوفك الكرام عميق ودي..
لا لإمتهان كرامة النساء..
لا لإمتهان كرامة الرجال ..
لا لقانون النظام العام وكل القوانين
التي تحط من شأن الأنسان ..
معاً من أجل سودان حر معافي ..
|
Post: #14
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-12-2010, 11:25 PM
Parent: #13
Quote: نحن بنجيبك دليل ...ما زي قبيل وبنمشي موكب عزة ليك
مجدنا الجايي بنكرسو ليك
والطاغية ده حنركعوا زي ما ركعتى .
..نجيبوا ليك
محقور ذليل ...يجي بين ايديك
يا رمزنا نحن كلنا انتي ...كلنا بنعتز بيك ... |
تماضر
يا رائعه يا رائده
لك الف تحيه
و معا بنجيبوا الحق الراح
|
Post: #15
Title: Re: بيان من الإتحاد النسائي ببريطانيا...لا لجلد و تركيع الفتيات
Author: حسن النعمان
Date: 12-12-2010, 11:36 PM
Parent: #14
اين النخوه يا اهل السودان.
انها اهانه للبشريه وللام
بلامس خلدو عزه واليوم تهان عزه
|
Post: #16
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-13-2010, 09:00 AM
Parent: #15
تسلم د. مصطفي،
و كعادتك حامل رايه الكفاح
من اجل حقوق المراه
و ضد تجار الدين و البنزين
|
Post: #17
Title: Re: بيان من الإتحاد النسائي ببريطانيا...لا لجلد و تركيع الفتيات
Author: أحمد طراوه
Date: 12-13-2010, 10:00 AM
Parent: #16
up
عاش نضال الاتحاد النسائي السوداني : مهم جدا تصميم هذا البوستر على نحو فني مختص
قصدي،
.. اللوقو بتاع بروفايل اماني العجب (منظر الضحية و الجلاد) ، هو بوستر حقيقي و واقعي
و ليس من الخيال .. هو في تقديري ، اهم بوستر منذ ظهور الحركة النسائية السودانية، و ذلك
فيما يتعلق بقضية اضطهاد النساء
* سيبقى هذا البوستر مؤثرا و خالدا في مجرى حركة النضال النسوى .. و في مجرى مجمل نضالات التحرر و الإنعتاق
حقا إنه بوستر سيحل مكان الكلام الكتير اللازم لشرح و توصيل القضية
|
Post: #18
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-13-2010, 08:56 PM
Parent: #17
العزيزه اماني،
لا و الف لا لاهانه النساء
و لتكن هذه الحمله هادره و جباره
و من غير تراجع لكنس كل القوانين الجائره
و المذله للنساء،
|
Post: #19
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-18-2010, 10:46 AM
Parent: #18
الاستاذ محجوب حسن،
يا لروعه نساء السودان و روعه وقفتهن
و هبتهن ضد الظلم و القهر ،
و تشكر علي تلك المشاركه المعبره
عن من هن نساء السودان
|
Post: #20
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-19-2010, 03:57 AM
Parent: #19
| Quote: بلامس خلدو عزه واليوم تهان عزه |
الاستاذ حسن،
و غدا تخلد عزه... ....
شكرا علي المساهمه
مع تحياتي
|
Post: #21
Title: Re: بيان من الإتحاد النسائي ببريطانيا...لا لجلد و تركيع الفتيات
Author: Amira Osman
Date: 12-19-2010, 02:28 PM
Parent: #20
Quote: . اللوقو بتاع بروفايل اماني العجب (منظر الضحية و الجلاد) ، هو بوستر حقيقي و واقعي
و ليس من الخيال .. هو في تقديري ، اهم بوستر منذ ظهور الحركة النسائية السودانية، و ذلك
فيما يتعلق بقضية اضطهاد النساء |
.
العزيز طراوه،
اضطهاد و بس،
ده اضطهاد في العلن و تعذيب باسم الدين
و اللوقو هو جزء مما تتعرض له النساء
من حكام الامر و القهر
و ده بكره حيكون تاريخ.....
مع تحايانا لك
|
|
