Post: #1
Title: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-10-2010, 10:57 PM
Parent: #0
غبت مدة من المنتدى لظروفي الصحية من السبت الفات وللحظة دي وانا طريحة الفراش بالمستشفى
بسبب البرد طوقتني الازمة من كل صوب
كترت على الاميلات واسئلة الاهل و الاحبة
قلت اتاوق اطمئن الحبان
جابني ليكم الشوق جارية
واريتني كان ما جيت
ولا شفت
ولا قريت
اريتني كان اتلفحت مرضي وازمتي
وشربت وجع غربتي البعيدة من الشفتوا الليلة
اريتني كان لسة مكممة بالاكسجين
احي يا اخواني من الظلم والقهر والاذلال
يا اللـــــــــه
وينها نخوة ابواتنا ؟
وينها همة اخوانها ؟
وينهم رجالنا ركازتنا وسند ضهورنا ؟
قلبي ميجووووووووووع
وعيني ما بتشوف الحروف
والله الواحد الاحد بكتب ليكم من تحت كمامات الاكسجين
من شدة وجعي وقهري من الحصل
لا اله الا الله محمدا رسول الله
|
Post: #2
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: محمد الجيلى
Date: 12-10-2010, 11:08 PM
Parent: #1
حمدلله على السلامة أُستاذة أسماء :)
ظُلِمت وظُلِم شعب بأكمله وربنا ما بضيّع حق المظلوم
ودعوة المظلوم مُجابة
حسبي الله ونعم الوكيل
|
Post: #3
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-10-2010, 11:09 PM
Parent: #1
سقطت كل اوراق التوت يا حكومة السجم
يا شرطة الوجروح والدم
ربي يدمدمكم بكل الالم
ربي ينتقم منكم فردا فردا
يقل مرؤتكم ويضعف حيلتكم
حيلتكم الاتشطرتوا بيها على الحريم
قوتكم وعضلاتكم البتجاهدوا بيها امهاتكم وخلاتكم وبناتكم
يا شرطة السجم
ويا نظام الهم
ربي يسم بدنكم وين ما تقبلوا
يا عدالة السماء
انصفينا من اعداء العجزة والنساء والمستضعفين
حسبي الله ونعم الوكيل
|
Post: #4
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: خالد العطا
Date: 12-10-2010, 11:09 PM
Parent: #1
اسماء الجنيد
سلام
كفارة وسلامتك
وربنا يكتب الشفاء انشاء الله
........................................
الوضع محبط جـــــــــدا ومؤلم ما حدث والله
لكن نعمل شنو
ندين ونشجب ونستنكر
وكل يوم مصيبة جديدة
والله انا من شفت الفيديو
كرهت النت وياريتني ما كنت شفتوا اصلا
|
Post: #6
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-10-2010, 11:16 PM
Parent: #4
Quote: حمدلله على السلامة أُستاذة أسماء :)
ظُلِمت وظُلِم شعب بأكمله وربنا ما بضيّع حق المظلوم
ودعوة المظلوم مُجابة
حسبي الله ونعم الوكيل |
محمد الجيلي يا خوي تسلم
يشهد الله المرض ارحم من اشوف الحاصل على بنات حواء في بدلي الجريح
وجع وجع وجع يا محمد
لا بنشال ولا بنخت
يقعد يقطع في الاوردة والشرايين كدة
ويدمي فؤادك طول العمر
حسبي الله ونعم الوكيل
حسبي الله ونعم الوكيل
|
Post: #5
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Abd Alla Elhabib
Date: 12-10-2010, 11:14 PM
Parent: #1
الأخـت العزيزة سـوما
ألف سـلامـة وإنشاء الله كفارة..
تقومـي بالسـلامة وما تشوفي شـر..
شـدة عارضـة وتزول بإذن الله تعالي
محمـد والأولاد أخبارهم شـنو ?..
خلي بالك مـن صحتك .. ربنا يحفظكم
------------------------
وجع البلد كتير لكن ربنا كبير
|
Post: #7
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-10-2010, 11:23 PM
Parent: #5
Quote: اسماء الجنيد
سلام
كفارة وسلامتك
وربنا يكتب الشفاء انشاء الله
........................................
الوضع محبط جـــــــــدا ومؤلم ما حدث والله
لكن نعمل شنو
ندين ونشجب ونستنكر
وكل يوم مصيبة جديدة
والله انا من شفت الفيديو
كرهت النت وياريتني ما كنت شفتوا اصلا |
سلام يا خالد
والله يا خالد يا خوي مسخت لى الدنيا وكرهت النت وكرهت اليوم السمعنا فيها شرطة سودانية ونظام زفت
الوضع يا خالد اكتر من محبط
وضع مؤلم حد النواح
من الليل للصباح
وطول العمر
رجال السودان بضربوا بيهم المثل في كل المحافل
يجوا الاوباش ديل
تنابلة الحكام شايلين كروشهم ويقدلوا برا خجلة ويقهقهوا على حيباتهم
ضرب بي حراق روح
لو عندك بهيمة ما بتعاملا كدة
لو ###### سعران داير تقتله تخلص خلق الله منه ما بتتشفى فيه كدة
البنية صرختها تشق الصخر الاصم
حسبي الله ونعم الوكيل
|
Post: #8
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: امينة عيسى
Date: 12-10-2010, 11:23 PM
Parent: #5
اجر وكفارة ذنوب ان شاء الله
ما تشوفى شر يا غالية
|
Post: #9
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-10-2010, 11:27 PM
Parent: #8
Quote: الأخـت العزيزة سـوما
ألف سـلامـة وإنشاء الله كفارة..
تقومـي بالسـلامة وما تشوفي شـر..
شـدة عارضـة وتزول بإذن الله تعالي
محمـد والأولاد أخبارهم شـنو ?..
خلي بالك مـن صحتك .. ربنا يحفظكم
------------------------
وجع البلد كتير لكن ربنا كبير |
سلام يا عبد الله
عبد الله عليك الله دي حالة الزول يتمنى يبقى منها طيب ؟
بي وين يا بوي ؟
محبطة محبطة لدرجة الغثيان
المرض اهون مليون مرة من الوجع البطمم البطن
حسبي الله ونعم الوكيل
|
Post: #11
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: صديق الموج
Date: 12-10-2010, 11:33 PM
Parent: #9
سوما العزيزة سلامات اجر وعافيه
كفاك الله شر المرض والحكومات ال########ههههة
السااااااااااااااااااقطة،،،
|
Post: #10
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: omer osman
Date: 12-10-2010, 11:31 PM
Parent: #1
Quote: غبت مدة من المنتدى لظروفي الصحية من السبت الفات وللحظة دي وانا طريحة الفراش بالمستشفى
بسبب البرد طوقتني الازمة من كل صوب |
كفارة وسلامتك ... ربنا يحصل الشفاء ............
Quote: وينها نخوة ابواتنا ؟
وينها همة اخوانها ؟
وينهم رجالنا ركازتنا وسند ضهورنا ؟ |
حق علينا ان نتحسسها (رجولتنا ونخوتنا وانسانيتنا) ............... فربما سرقها منا اللصوص !!!
|
Post: #12
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: احمد محمد بشير
Date: 12-10-2010, 11:45 PM
Parent: #10
سلامات يا العزيزة اسماء, وماتشوفي شر وربنا يعجل بي شفاءك.
الحصل لاختنا من إهانة و مذلة شئ فظيع.
قبل كم يوم وقبل رحيل حبيبنا سمندلاوي وقبل فيديو إهانة الفتاة السودانية
الواحد كان بيجي المنبر و بيرد علي اي بوست مهم.
بس بعد الحصل ده الواحد ما عارف يقول شنو, بقينا نجي نعاين ساكت.
أعتقد إنو الفيديو فرقعة إعلامية موجّهة قصد به لفت الانظار عن الجريمة الكبري لفصل بلادنا.
ده كلوا كوم, ولكن:!!
أكثر شئ مستفز, هو تصريح العنصري نافع (بيقول: ليس لي علم بالذي جري للفتاة, ولكن
طالما جلدت فهي مذنبة).... إتخيلو يا جماعة! زول ما عارف الحصل شنو, وبيجي ينظر!!
|
Post: #13
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 00:04 AM
Parent: #12
Quote: اجر وكفارة ذنوب ان شاء الله
ما تشوفى شر يا غالية |
امينة حبيبة قساي تسلمي انتي من كل شر يا غالية
لكن شفتي الوجع البارك ده كيفن يا امينة يا اختي
الحمد لله على كل حال
وربنا ينتقم منهم ونشوف فيهم يوم قريب يا رب
حسبي الله ونعم الوكيل
|
Post: #14
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 00:13 AM
Parent: #13
Quote: سوما العزيزة سلامات اجر وعافيه
كفاك الله شر المرض والحكومات
السااااااااااااااااااقطة،،، |
حبابك ود الموج
الوجع شديد يا خوي
اشد من مرضي
المرض بعالجوه بالادوية
لكن الوباء الحل علينا ده ياتو دواء وياتو مطهر بشيلوا ويريحنا من قرفه ومرضه
والله كمية الاحباط الحلت علي تبني مدن بالهموم
حسبي الله ونعم الوكيل عليهم
المجرمين السفلة
|
Post: #15
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: حبيب نورة
Date: 12-11-2010, 00:17 AM
سلامتك يا أسماء
أنا لسة ما قادر أستوعب حاجة
أول ما شفت الفيديو
لقيت روحي ببكي وقفلت الكمبيوتر ومرقت من البيت
حاجة مؤلمة للغاية
|
Post: #16
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Yasier Elsayed
Date: 12-11-2010, 00:27 AM
Parent: #15
حمدلله على السلامة
أُستاذة أسماء
|
Post: #17
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 00:29 AM
Parent: #15
| Quote: حق علينا ان نتحسسها (رجولتنا ونخوتنا وانسانيتنا) ............... فربما سرقها منا اللصوص !!! |
تسلم يا عمر من كل بلا
هم اللصوص يا عمر
وهم الخونة
وهم الناقصين مروءة ورجولة
مافي راجل بتشطر على حرمه
ومافي راجل بهين ليه إمرأة
المرأة ياها الام
والخالة
والعمة
والاخت
والزوجة
والحبيبة
ديل مجردين من كل الحواس
ربي ينتقم منهم
|
Post: #18
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 00:50 AM
Parent: #17
Quote: سلامات يا العزيزة اسماء, وماتشوفي شر وربنا يعجل بي شفاءك.
الحصل لاختنا من إهانة و مذلة شئ فظيع.
قبل كم يوم وقبل رحيل حبيبنا سمندلاوي وقبل فيديو إهانة الفتاة السودانية
الواحد كان بيجي المنبر و بيرد علي اي بوست مهم.
بس بعد الحصل ده الواحد ما عارف يقول شنو, بقينا نجي نعاين ساكت.
أعتقد إنو الفيديو فرقعة إعلامية موجّهة قصد به لفت الانظار عن الجريمة الكبري لفصل بلادنا.
ده كلوا كوم, ولكن:!!
أكثر شئ مستفز, هو تصريح العنصري نافع (بيقول: ليس لي علم بالذي جري للفتاة, ولكن
طالما جلدت فهي مذنبة).... إتخيلو يا جماعة! زول ما عارف الحصل شنو, وبيجي ينظر!! |
اخوي احمد محمد بشير حبابك
تسلم انت من كل بلا ان شاء الله
والله يا أحمد يا خوي لو قالوا لي يطبقوا ليك المرض دع اضعاف واضعاف ولا يحصل الحصل ده اهون لي يعلم الله
لكن تقول شنو
وجعنا بقى غريق حد الموت وفات بي غادي
كل يوم مصيبة اسوأ
كل يوم عبرات تشق الحلوق
الله يخلصنا منهم
الله يفرج همنا
وينتقم منهم الواحد الاحد
حسبي الله ونعم الوكيل
|
Post: #19
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 01:20 AM
Parent: #18
Quote: سلامتك يا أسماء
أنا لسة ما قادر أستوعب حاجة
أول ما شفت الفيديو
لقيت روحي ببكي وقفلت الكمبيوتر ومرقت من البيت
حاجة مؤلمة للغاية |
حبيب نورة تسلم يا رب
والله يا الحبيب انا لما راسي لافي
لاني عارفة روحي في السماء لا في الارض
يعني قدر ما نقول ديل خلاص وصلوا حد الظلم وكملوه
يقلعوا ليهم بي مصيبه اكبر من الفاتت
وشطارتهم بقت في الحريم
كأنه لا عندهم امهات
ولا اخوات
ولا بنات
ربي ينتقم منهم ويفرج فيهم العالم زي ما ارعبونا وجهجهونا
حسبي الله ونعم الوكيل
|
Post: #20
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 01:58 AM
Parent: #19
Quote: حمدلله على السلامة
أُستاذة أسماء |
العزيز ياسر السيد تسلم يا خوي من كل بلاء
وسلمنا الله من بلاء البتضرعوا ويتقدروا على الحريم
حسبي الله ونعم الوكيل عليهم/B]
|
Post: #21
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Hadeer Alzain
Date: 12-11-2010, 03:26 AM
Parent: #20
الحبيبة الغالية سوما
برية وسلامتك ألف سلامة وما تشوفي شر أبدآ يا غالية
فعلآ مغسة هؤلاءالقوم تكتل والنفس مارقة من أي شي وحتى
الكتابة الزول ما عارف يكتب يقول شنو ولا يعبر عن مدى القهر
والألم والحزن كيف !! وقيل دوام الحال من المحال، لكن الحال
المايل والمزري أصبح واقعآ أبديآ مع هؤلاء البشر الأفاكون
عديمي الضمير والأخلاق منتفخي الكروش، الذين جعلوا الدين مطية
ليذلوا ويمتهنوا به كرامة النساء والدين منهم براء
والله يا سوما غالباني الكتابة من الغبن
اللهم يا الله ندعوك بإسمك الذي إذا دعيت به أجبت
ان ترينا فيهم عجائب قدرتك وتأخذهم أخذ عزيز مقتدر
يا الله
|
Post: #22
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Amani Al Ajab
Date: 12-11-2010, 03:42 AM
Parent: #21
الحبيبة أسماء ألف سلامة ليك ..
كفارة واجر وعافية ..
وإن شاء الله ماتشوفي شر ..
وشرك مقسم لعدوك ..
الوجع كتير..
حسبنا الله ونعم الوكيل ..
|
Post: #23
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: مها عبد الله
Date: 12-11-2010, 04:53 AM
Parent: #22
شاعرتنا الجميله ألف لا بأس عليك
صبية المجرم البشير يمارسون ما تربوا عليه وتعلموه من ممارسات شاذه وقبيحه. المرأه بعهد حكومة السجم ذُلّت وقُهرت بقوانين نظامهم الغريبه كسلوكياتهم !! ' شاهدي صورة هذا العسكري وهو يتلذذ بضرب هذه المسكينه وستعرفي أنه يحتاج لطبيب نفسي !!
|
Post: #24
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: وليد عبد اللطيف
Date: 12-11-2010, 07:37 AM
Parent: #23
اختنا المرهفة اسماء الجنيد
كفارة وسلامتك
اجر وعافية يارب
|
Post: #25
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Deng
Date: 12-11-2010, 07:59 AM
Parent: #24
الغالية سومة
ألف الف سلامة.
أتمنى لك الشفاء العاجل.
أنت دائما سباقة بمواقفك المشرفة في كل القضايا.
تحياتي لك .
|
Post: #26
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: othman mohmmadien
Date: 12-11-2010, 08:00 AM
Parent: #23
Quote: يا اللـــــــــه
وينها نخوة ابواتنا ؟
وينها همة اخوانها ؟
وينهم رجالنا ركازتنا وسند ضهورنا ؟ |
في البدء يا أختنا أسماء نتمنى لك عاجل الشفاء
جعل الله ذلك كفارة للذنوب ...
وأن لا يريك سقما في حياتك ..
الكوت أعلاه إدانة مسجلة في ضمير كل رجل سوداني ...
هل ما أسطره هنا من إدانة يعد كافياً
هل أتجرأ على رفع رأسي بعدها ... كرجل سوداني ...
اللهم أرنا فيها عجائب قدرتك وقوة جبروتك وجبروت قوتك ورد الينا مظلمتنا يا الله ....
فإنهم لا يعجزونك اللهم أحصهم عددا واقتلهم بددا ولا تبقي فيهم أحدا اللهم رحمة بالنساء والأطفال والشيوخ اللهم الطف بهم اللهم رحماك رحماك رحماك بهم اللهم اغفر ... لنا صمتنا
|
Post: #27
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Balla Musa
Date: 12-11-2010, 08:17 AM
Parent: #26
ماتشوفى شر ياسومة
كفارة البيك يزول باذن الله
|
Post: #51
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: طارق ميرغني
Date: 12-11-2010, 10:16 PM
Parent: #18
الف الف سلامه اختنا العزيزة اسماء الف حمد الله علي السلامه وكلو يهون في سبيل الوطن
|
Post: #52
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: طارق ميرغني
Date: 12-11-2010, 10:16 PM
Parent: #18
الف الف سلامه اختنا العزيزة اسماء الف حمد الله علي السلامه وكلو يهون في سبيل الوطن
|
Post: #28
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: كمبورة
Date: 12-11-2010, 08:40 AM
Parent: #1
| Quote: غبت مدة من المنتدى لظروفي الصحية من السبت الفات وللحظة دي وانا طريحة الفراش بالمستشفى |
العزيزة اسماء الجنيد
الف الف سلامة ليكي
وماتشوفين شر ومعافاة باذن الله
دعواتنا ان يمن الله عليك بالشفاء ويمتعك بالصحة والعافية - وراحة البال -
ودي ما ظنيتها مع جماعة الهوس الديني
وتسلمي
|
Post: #29
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 09:59 AM
Parent: #28
Quote: الحبيبة الغالية سوما
برية وسلامتك ألف سلامة وما تشوفي شر أبدآ يا غالية
فعلآ مغسة هؤلاءالقوم تكتل والنفس مارقة من أي شي وحتى
الكتابة الزول ما عارف يكتب يقول شنو ولا يعبر عن مدى القهر
والألم والحزن كيف !! وقيل دوام الحال من المحال، لكن الحال
المايل والمزري أصبح واقعآ أبديآ مع هؤلاء البشر الأفاكون
عديمي الضمير والأخلاق منتفخي الكروش، الذين جعلوا الدين مطية
ليذلوا ويمتهنوا به كرامة النساء والدين منهم براء
والله يا سوما غالباني الكتابة من الغبن
اللهم يا الله ندعوك بإسمك الذي إذا دعيت به أجبت
ان ترينا فيهم عجائب قدرتك وتأخذهم أخذ عزيز مقتدر
يا الله |
هدير حبيبة الروح الكلامها ببري الجروح
الحمد لله الفينا مروة نقدر نقالد بعض يا هدير ونواسي روحنا في مصيبتنا العظيمة
حتى لو عبر الاسافير
يا هدير الحصل ده مافي بشر سوي من لحم ودم ما برضاه لي اى دابة في الارض
ناهيك عن بشر زيو من لحم ودم
وناهيك عن انها حرمة وبنية مكسورة الجناح
وناهيك عن انه البتجدع وبتروجل عليها ده راجل واسمو رجل عدالة في بلدها
ياختي ده كتير علينا كتير يعلم الله
حسبي الله ونعم الوكيل عليهم جميعا
|
Post: #30
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: البحيراوي
Date: 12-11-2010, 10:15 AM
Parent: #29
ألف سلامة ليك يا زمردة بلادي
ولكُنّ جميعأً الأسف الموجوع بحسرة ما آل إلية حال الوطن
وتقصيرنا عن نجدكن في لحظة عشم ومناداة بأعلى الأصوات
حين تنهمر علي جسد فتاة بلادي السياط ومعها أصوات أشباه الرجال تقهقه فرحةً بالذهل والهوان.
بحيراوي
|
Post: #31
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: عبدالأله زمراوي
Date: 12-11-2010, 10:21 AM
Parent: #30
شقيقتي المرهفة أسماء...
إنشاء الله ما تشوفي شر، سلامتك ألف سلامة..
والله ما فعله هذا الشريط بنا لا يمكن تصوره
يا شاعرتنا العالية.
فقد بدأنا بالصدمة ثم
تلاها الغضب العارم ثم أستقر في الفؤاد
أحزانًٌ لن تندمل ما حيينا على هذه البسيطة...
طوال فترة عملي بالقضاء شاهدتُ جثثا تُنبش
وسجلت إعترافات قضائية لمحتضرين رؤوسهم
مدلاة من ضربة سكين، لكنني والله لم أشاهد
قسوة في حياتي بمثل هذه الفظاعة والسادية
والشطط والإستهتار والتشفي والجهل...
لقد أوجعوا قلوبنا هؤلاء السفلة وأرهبوا
أبناءنا وبناتنا وأشاعوا في وطننا فصول
دراكولا بقسوة التتار...
|
Post: #32
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: علاء الدين حيموره
Date: 12-11-2010, 10:35 AM
Parent: #30
الف سلامة وان شاء انتي وكل بنات بلادي ما تشوفو شر
|
Post: #33
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: امير عوض الجمري
Date: 12-11-2010, 10:50 AM
Parent: #32
الاخت الغالية سوما
كفارة والف حمدا لله على سلامتك
Quote: وينها نخوة ابواتنا ؟
وينها همة اخوانها ؟
وينهم رجالنا ركازتنا وسند ضهورنا ؟ |
استلبت كل صفة جميلة كنا نتزين بها ونباهي ونفاخر بها العالم
واستبدلت باهات واوجاع وانين ..
دفنت كل المعاني السامية حقتنا .. دفنت حية ووضعت شواهد من مذلة ومن هوان ..
اتغيرت ملامحنا صارت مسخ ..
وصرنا الى زوال ..
لا حول ولاقوة الا بالله
وانا لله وانا اليه راجعون
|
Post: #34
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: keiga2000
Date: 12-11-2010, 11:47 AM
Parent: #33
اسماء الجنيد
سلام
كفارة وسلامتك
وربنا يكتب الشفاء انشاء الله
ابومصطفى
|
Post: #35
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: امير بشير حمد
Date: 12-11-2010, 12:04 PM
Parent: #33
الأخت العزيزة الغالية سوما
كفارة ليك وربنا يكتب سلامتك واجر وعافية وان شاء الله ما تشوفي شر
الالم من بعضو يا ستي والناس ديل ما جلدو البت دي بس جلدونا نحنا كمان في دينا وفي كرامتنا وفي عزتنا وفي شهامتنا وفي رجولتنا في نخوتنا وحسينا بي كل آهة الم طلعت منها ودخلت جوه قلوبنا البتقطع حسرة واستنجاده الما لاقيلو وجيع
والله وانا شفته الفيديو السادي دا ودموعي جارية والغبينة كاتلاني
وواجعني في البحر السكات وسكتني في الوجع البحر
|
Post: #36
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 12:25 PM
Parent: #33
Quote: الحبيبة أسماء ألف سلامة ليك ..
كفارة واجر وعافية ..
وإن شاء الله ماتشوفي شر ..
وشرك مقسم لعدوك ..
الوجع كتير..
حسبنا الله ونعم الوكيل .. |
اماني يا تومة فؤادي
تسلمي انتي لينا يا رب
والله يا اماني الوجع الفات كلو كوم
ووجعنا حق البنية دي كوم براه
نكتر الدعوات بس
ربي يورينا فيهم يوم
حسبي الله ونعم الوكيل
|
Post: #37
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 01:24 PM
Parent: #36
Quote: شاعرتنا الجميله ألف لا بأس عليك
صبية المجرم البشير يمارسون ما تربوا عليه وتعلموه من ممارسات شاذه وقبيحه.
المرأه بعهد حكومة السجم ذُلّت وقُهرت بقوانين نظامهم الغريبه كسلوكياتهم !! '
شاهدي صورة هذا العسكري وهو يتلذذ بضرب هذه المسكينه وستعرفي أنه يحتاج لطبيب نفسي !! |
حبيبة قسانا الغالية مها عبد الله
كيفنك طولت منك بالحيل وان شاء الله طيبة
والله يا مها صور الناس دي كلها شايفها مسخ قدامي
يشهد الله البهائم لا مؤىخذة ارحم واهون منهم
على الاقل بتحن وبتعطف على جناها وبتعصروا عليها
لكن ديل
حسبي الله ونعم الوكيل من جبروتهم وقسوة قلوبهم
|
Post: #38
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 01:29 PM
Parent: #37
Quote: اختنا المرهفة اسماء الجنيد
كفارة وسلامتك
اجر وعافية يارب |
اخي العزيز وليد
حبابك يا بوي وتسلم من كل بلا ان شاء الله
تسلم يا وليد لكن الوجعه مرة بالحيل والله
حسبي الله ونعم الوكيل على كل ظالم جبار
ظلم البنية المسكينة دي وذلاها
|
Post: #39
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 01:34 PM
Parent: #38
Quote: الغالية سومة
ألف الف سلامة.
أتمنى لك الشفاء العاجل.
أنت دائما سباقة بمواقفك المشرفة في كل القضايا.
تحياتي لك . |
دينق سلامات وان شاء الله طيب
والله يا دينق الحصل من الوهم ديل كلهم وبحصل كل يوم
تقول خلاص ديل كملوا الظلم والاضطهاد والحقارة وكل شىء
يجوك فجأة يدمروك بي مصيبة جديدة
غايتو ندعو عليهم بس
هدوا حيلنا ومروتنا وفضحونا
الله يفضحهم ويهدهم وين ما قبلوا
|
Post: #40
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Hayat Hussien
Date: 12-11-2010, 02:25 PM
Parent: #39
الحبيبة اسماء يمة برية وسلامتك وشرك مقسم وانشاء الله
ماتشوفي شر الشر ان شاء الله للناس العملو لينا وجع القلب
وشالو نومنا والله يا اختي صرخت البنية واى يا امي مسخت علي
الدنيا منهم لله الاذونا الحرقو حشانا وسرقو عشانا ربن ينتقم منهم
ويا الحبيبة ربنا يواليك بالعافية وطمئنينا عليك فتك بعافية
اختك حياة حسين
|
Post: #41
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: عبدالمجيد المقابل
Date: 12-11-2010, 03:10 PM
Parent: #39
الاستاذة الشاعرة الودودة أسماء.
أمنياتنا لك بدوام الصحة والعافية وأن لا يحرمنا من إنسانيتك الطاغية وشاعريتك المرهفة الحانية.وهي مزيج لم يؤتى إلا لمن حباه الله بالقدرة على التعبير عن مكنونات النفس البشريةوإستخراج كنوزها من الجمال.
أكيد معزتي
|
Post: #42
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: ismeil abbas
Date: 12-11-2010, 04:35 PM
Parent: #41
سلامتك اخت أسماء...الله يواليك بالعافية...
الجرح عميق ومنوسر..الله يعافى الجميع...والظلم ظلمات يوم القيامة.
اللهم من اراد ببلادنا خيرآ فأنصره ومن إراد بنا شرآ فأشغله بنفسه..
|
Post: #43
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: النذير حجازي
Date: 12-11-2010, 04:40 PM
Parent: #42
عزيزتنا سوما، ألف لابأس عليك
وكفارة وطهور إن شاء اللـــه
|
Post: #44
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: جمال السنوسي
Date: 12-11-2010, 04:43 PM
Parent: #42
سوما
بت الجنيد
سلامتك الف سلامة
اجر وعافية ان شاء الله
وكان انتي بتكتبي من تحت الاكسجين
نحن من شفنا الفيديو
بقينا عكس
نتنفس ثاني اكسيد الكربون
لاني حاسي بكتمة في الوطن
وارتخاء في الوطنية
وما قادر اتنفس
بالله ده كلام
الجلد بتشفي شديد
الفيديو ده بخليك تشوف فيه اي بت سودانية
قريبتك امك اختك بتك
كلهم انجلدوا في الفيديو ده
ولا حولا ولا قوة إلا بالله
|
Post: #45
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: خالد حاكم
Date: 12-11-2010, 04:54 PM
Parent: #44
Quote: اجر وكفارة ذنوب ان شاء الله
ما تشوفى شر يا غالية |
|
Post: #46
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: حسن البشاري
Date: 12-11-2010, 04:55 PM
Parent: #39
اسماء بت استاذ صديق
سلامتك
وما تشوفي شر
واجر وعافية ..
|
Post: #47
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: doma
Date: 12-11-2010, 05:42 PM
Parent: #46
سلامتك يا سومه
بعد الشر عليك يا حبيبه
|
Post: #48
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: الفاتح ميرغني
Date: 12-11-2010, 05:46 PM
Parent: #46
سلام يا سوما
تغشاكي العافية التختك في المصارين وتبقالك هدم يا أختي توب ونعلين.
والله لي يومين ما قادر استعيد وضعي الطبيعي.شاعر إنو صرخات وأنين هذه الفتاة قد إنتزعت مني الإحساس بالآدمية والإنتماء لبني البشر.
حاسي إنو وضعتني في مصاف واحد مع قدو قدو والقاضي ووكيل النيابة والجمهور والمركيز دو ساد!
يا ليل الظلم متى غده.. أقيام الساعة موعده؟
|
Post: #49
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Tragie Mustafa
Date: 12-11-2010, 06:46 PM
Parent: #48
سوما سلامتك يا غاليه
ويختي ديل مش يجيبوا لينا الازمه
ديل بقرضونا لوليدتنا كان ما خلينا بالنا.
البنيه قطعوها بين ايديهم
والمحزن كل يوم بيقطعوا في بنات الناس كده.
الاكثر حزنا يا سوما الاخلاق تغيرت
نهائي واغلب الشعب صار متفرج ولا يعرف الاخوة بالوطن.
ولا بالانسانيه.
قولي يا منتقم يا جبار ويورينا فيهم يوم بس.
ما تحزني يا سوما سيد الازمه الحزن بزيدها عليها.
ربنا يديك العافيه لاسرتك ولورحك السمحه دي.
|
Post: #50
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 10:12 PM
Parent: #49
Quote:
في البدء يا أختنا أسماء نتمنى لك عاجل الشفاء
جعل الله ذلك كفارة للذنوب ...
وأن لا يريك سقما في حياتك ..
الكوت أعلاه إدانة مسجلة في ضمير كل رجل سوداني ...
هل ما أسطره هنا من إدانة يعد كافياً
هل أتجرأ على رفع رأسي بعدها ... كرجل سوداني ...
اللهم أرنا فيها عجائب قدرتك وقوة جبروتك وجبروت قوتك ورد الينا مظلمتنا يا الله ....
فإنهم لا يعجزونك اللهم أحصهم عددا واقتلهم بددا ولا تبقي فيهم أحدا اللهم رحمة بالنساء والأطفال والشيوخ اللهم الطف بهم اللهم رحماك رحماك رحماك بهم اللهم اغفر ... لنا صمتنا |
اخي العزيز عثمان محمدين حبابك يابا
وتسلم من كل بلا يا رب
ترفع رأسك فوق في السماء غصبا عنهم كلهم
ديل ما شبهكم ولا بجو بي قربكم
ولا عندهم نقطة من بحر احساسكم
كتر خيركم الوقفتوا معانا في محنة المرأة بصورة عامة
ووقفتكم دي ياها البردت الجوف ولو لحين
ويا ريت لو رجالنا الزيكم هم المسكوا زمام الامور في بلدنا الكسيح الجريح
تسلم يا ود القبائل
وربي يكتر من امثالك ان شاء الله
وحسبي الله ونعم الوكيل عليهم جميعا
|
Post: #53
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 10:26 PM
Parent: #50
Quote:
ماتشوفى شر ياسومة
كفارة البيك يزول باذن الله |
اللهم آمين يا رب
تسلم يا دكتور بلة من كل بلا يا رب
كتر خيرك يا بوي كتير
|
Post: #54
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 10:44 PM
Parent: #53
| Quote: الف الف سلامه اختنا العزيزة اسماء الف حمد الله علي السلامه وكلو يهون في سبيل الوطن |
الاخ المحترم طارق ميرغني حبابك يا خوي
تسلم كتير
والله كل شيء يهون في سبيل الوطن وترابه واهله الطيبين
|
Post: #55
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 11:38 PM
Parent: #54
Quote: العزيزة اسماء الجنيد
الف الف سلامة ليكي
وماتشوفين شر ومعافاة باذن الله
دعواتنا ان يمن الله عليك بالشفاء ويمتعك بالصحة والعافية - وراحة البال -
ودي ما ظنيتها مع جماعة الهوس الديني
وتسلمي |
اخي العزيز محمد عثمان كمبورة حبابك
تسلم يا رب ويسلمن ايامك ان شاء الله
والله يا محمد جماعة الهوس الديني فاتوا الحد في كل شىء
كملوا كل اساليب العنف والقهر والاذلال باسم الدين
قبحهم الله دنيا وآخرة
|
Post: #56
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-11-2010, 11:58 PM
Parent: #55
Quote: ألف سلامة ليك يا زمردة بلادي
ولكُنّ جميعأً الأسف الموجوع بحسرة ما آل إلية حال الوطن
وتقصيرنا عن نجدكن في لحظة عشم ومناداة بأعلى الأصوات
حين تنهمر علي جسد فتاة بلادي السياط ومعها أصوات أشباه الرجال تقهقه فرحةً بالذهل والهوان.
بحيراوي |
اخوي العزيز البحيراوي حبابك يا ود القبائل
وتسلم ايامك ان شاء الله
والله يا البحيراوي يا خوي صورة بروفايلك دي كل ما اشوفها بتديني الاحساس باليقين والرضا
ونخوة اهلنا القبيل وكلمتهم الزي حد السيف
يا سلااااااااااام عليك ياخ
انا ما عارفة دي اكيد صورة الوالد لو موجود ربنا يديه الصحة والعافية ويخليه لينا كلنا
ويديك انت قدر دواحلك الصافية
ودعواتنا ربنا ينتقم من اصحاب الكروش قليلي المروءة والهمة وعديمي الضمير
حسبي الله عليهم جميعا
|
Post: #57
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Mohamed Yassin Khalifa
Date: 12-12-2010, 01:56 AM
Parent: #56
أستاذتنا الفاضلة أسماء الجنيد
تحياتي الخالصة... وسلامتك وكفارة من المرض وإن شاء الله تقومي لينا بالسلامة
وتتصدي معانا لكل من هم أسباب المرض لبلدنا الغالية علينا كلنا
يعلم الله لكم تألمت لمناشدتك القوية هذة وروعني هذا المشهد اللا إنساني
وأعدك أن نبذل كل جهد لإزالة هذة الطغمة من على صدر السودان
وسنعيد الحق لأصحابه وسنحاسبهم أشد حساباً... فويلهم من غضب الأمة
ودمتي لنا سنداً...
|
Post: #59
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: عادل نجيلة
Date: 12-12-2010, 03:17 AM
Parent: #58
أختي العزيزة سوما
ألف سلامة ليك وأسأل الله لك الشفاء التام ..
-----------------------------------------------
تحدفتنا المصائب من كل صوب
فلا وقفت ولا نقص المصابينا
لك الود ولجميع افراد الأسرة الأعزاء
|
Post: #60
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: خالد العبيد
Date: 12-12-2010, 03:42 AM
Parent: #59
انت تسلمي يا استاذة اسماء
|
Post: #61
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: عبد المنعم ابراهيم الحاج
Date: 12-12-2010, 03:54 AM
Parent: #60
سلامتك يا أستاذة اسماء يا هميمة
حتى المرض لم يمنع وجودك
كإنسانة عظيمة هنا تتوجعين
لكرامتنا المهدرة .
لك التحية
|
Post: #62
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: لؤى
Date: 12-12-2010, 05:46 AM
Parent: #1
سوما
صباح الـخيـر
الله يواليك بالعافية يا سوما
اللهم اشفها وشافيها وعافها وأعف عنها
وأكشف ما بها من ضرّ يا عزيز يا ذا الجّلال والإكرام
وألبسها لباس الصّحّة والعافية عاجلاً غير آجلاً يا ربّ العالمين
اللهمّ يا مجيب الدّعوات أشفها من كُلّ مرضٍ ومن كُلّ سوءٍ وعافها وأعف عنها
يا ربّ العرش العظيم يا ربّ السّماوات والأرض يا حيّ يا قيّوم
اللهم ربّ النّاس أذهب البأس عن أسـماء وأنت الشّافي
اللهم أنعم عليها بالشّفاء
أصدق أُمنياتي لـكِ بالشّفاء
ودوام الصّحّة والعافية
|
Post: #63
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: SHIBKA
Date: 12-12-2010, 05:50 AM
Parent: #62
حمد الله على السلامة واجر وعافية ان شاء الله
|
Post: #64
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Sabri Elshareef
Date: 12-12-2010, 06:07 AM
Parent: #63
الشاعرة اسماء
شفت الالم والقساوة لرجال الدين
لا يرمش لهم لهن طرف
قاتل الله الهوس الديني ولعنة الله علي البشير وعصابته المجرمه المتس خ ه اياديها وعقولها وابدانها
ربنا ينتقم منهم رجال ونساء اهل الانقاذ
|
Post: #65
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 11:26 AM
Parent: #64
Quote: شقيقتي المرهفة أسماء...
إنشاء الله ما تشوفي شر، سلامتك ألف سلامة..
والله ما فعله هذا الشريط بنا لا يمكن تصوره
يا شاعرتنا العالية.
فقد بدأنا بالصدمة ثم
تلاها الغضب العارم ثم أستقر في الفؤاد
أحزانًٌ لن تندمل ما حيينا على هذه البسيطة...
طوال فترة عملي بالقضاء شاهدتُ جثثا تُنبش
وسجلت إعترافات قضائية لمحتضرين رؤوسهم
مدلاة من ضربة سكين، لكنني والله لم أشاهد
قسوة في حياتي بمثل هذه الفظاعة والسادية
والشطط والإستهتار والتشفي والجهل...
لقد أوجعوا قلوبنا هؤلاء السفلة وأرهبوا
أبناءنا وبناتنا وأشاعوا في وطننا فصول
دراكولا بقسوة التتار... |
الشاعر الثائر اخي العزيز عبد الاله
سلام والقلب ينزف دم
من الوجع والالم
الحاصل فوق لي كل الطاقة البشرية
بنو إنقاذ كسروا الرقم القياسي في إهدار كرامة البني آدم
في إذلال المرأة
في ظلم وقهر وسلب الضعفاء والمستضعفين
اخوى الجسور عبد الاله
ديل شتتوا الزيكم
شتتوا رجالنا وهيبتنا بي البلود
واتحكروا هم للجور والقسوة
ليهم يوم موعود
يو لا ينفع نافع لا يجلد عسكري متحجر الدواخل
الشمات حواليه زي الدمي الخشبية
يجب ان نصرخ عاليا
ان لا نسكت لهم
ان نروع امنهم بقدرما زرعوا الخوف في قلوب كل اهل السودان
حسبي الله ونعم الوكيل عليهم
يمهل ولا يهمل
|
Post: #66
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 12:16 PM
Parent: #65
| Quote: الف سلامة وان شاء انتي وكل بنات بلادي ما تشوفو شر |
تسلم يا علاء من كل بلا يا رب
وربنا يكتر لينا من امثالكم يا سندنا وركازتنا البترفعوا راسنا فوق
|
Post: #67
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 12:23 PM
Parent: #66
Quote: استلبت كل صفة جميلة كنا نتزين بها ونباهي ونفاخر بها العالم
واستبدلت باهات واوجاع وانين ..
دفنت كل المعاني السامية حقتنا .. دفنت حية ووضعت شواهد من مذلة ومن هوان ..
اتغيرت ملامحنا صارت مسخ ..
وصرنا الى زوال ..
لا حول ولاقوة الا بالله
وانا لله وانا اليه راجعون |
اخي العزيز امير الجمري حبابك يا خوي
والله يا امير ديل جردونا من كل جميل
رفعوا شعار القبح عاليا
وكسروا شوكة المستضعفين
دمروا البلد وشتتوا اهلها
زرعوا الخوف والرعب بمساحات شاسعة في نفوس الغلابة
واتحكروا هم متندلين كروشهم زي عصابات المافيا
حسبي الله ونعم الوكيل عليهم جميعا
|
Post: #68
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 12:36 PM
Parent: #67
Quote: اسماء الجنيد
سلام
كفارة وسلامتك
وربنا يكتب الشفاء انشاء الله
ابومصطفى |
ابو مصطفى كيفنك يا خوي واريتك طيب وكل الاسرة
اللهم آمين يا رب
تسلم من كل بلا وتحياتي عبرك لكل الاهل
|
Post: #69
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: رانيه محمد الشيخ
Date: 12-12-2010, 12:41 PM
Parent: #67
الف سلامه عليكى يا غاليه
وتبرى من قولت الاه
|
Post: #70
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: مصدق مصطفى حسين
Date: 12-12-2010, 01:18 PM
Parent: #69
أختى الكريمه سوما
ألف لا بأس عليك ، أجر و عافيه إن شاءالله ،
ما تشوفى شر إنت و كل بنات بلادى الحبيبه .
|
Post: #71
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 01:20 PM
Parent: #69
Quote: الأخت العزيزة الغالية سوما
كفارة ليك وربنا يكتب سلامتك واجر وعافية وان شاء الله ما تشوفي شر
الالم من بعضو يا ستي والناس ديل ما جلدو البت دي بس
جلدونا نحنا كمان في دينا وفي كرامتنا وفي عزتنا وفي شهامتنا وفي رجولتنا في نخوتنا وحسينا بي كل آهة الم طلعت منها ودخلت جوه قلوبنا البتقطع حسرة واستنجاده الما لاقيلو وجيع
والله وانا شفته الفيديو السادي دا ودموعي جارية والغبينة كاتلاني
وواجعني في البحر السكات وسكتني في الوجع البحر |
امير بشير يا قريبي حبابك يابا
تسلم ان شاء الله يا امير
صدقت والله يا خوي
ديل جلدوا امة بي حالها
جلدوا كل احساس صاحي وضمير حي وشعور بالانسانية
والله يا امير زولا ما شاف الضرب المبرح ده وما سالت منه دمعة الا يكون مريض نفسيا
شدة الصدمة لي هسه ما قادرين نتحملا
انتو الرجال ما اتحملتوها نحن نقول شنو يا امير
حسبي الله ونعم الوكيل عليهم جميعا
|
Post: #72
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 01:41 PM
Parent: #71
Quote: الحبيبة اسماء يمة برية وسلامتك وشرك مقسم وانشاء الله
ماتشوفي شر الشر ان شاء الله للناس العملو لينا وجع القلب
وشالو نومنا والله يا اختي صرخت البنية واى يا امي مسخت علي
الدنيا منهم لله الاذونا الحرقو حشانا وسرقو عشانا ربن ينتقم منهم
ويا الحبيبة ربنا يواليك بالعافية وطمئنينا عليك فتك بعافية
اختك حياة حسين |
اختي الغالية وحبيبة حياة كيفنك ومشتاقين يعلم الله
تسلمي انتي يا يمه من كل بلا ان شاء الله
والله يا حياة ما طالباني حليفة لي اللحظة دي ما شفت الفيديو
فقط اللحظة البدوا فيها وبركوها وصرختها الاولي
قفلت وانكفيت ابكي
وحا اظل ابكي على حال المسيكينة
لامن الله ينتقم ليها ولي كل إمرأة منهم
وقريب بنتقم
دعواتنا دي ما بتقع باذن الله
يمهل ولا يهمل
حسبي الله عليهم جميعا
|
Post: #73
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 02:30 PM
Parent: #72
Quote: الاستاذة الشاعرة الودودة أسماء.
أمنياتنا لك بدوام الصحة والعافية وأن لا يحرمنا من إنسانيتك الطاغية وشاعريتك المرهفة الحانية
.وهي مزيج لم يؤتى إلا لمن حباه الله بالقدرة على التعبير عن مكنونات النفس البشريةوإستخراج كنوزها من الجمال.
أكيد معزتي |
الاخ العزيز البروف الإنسان / عبد المجيد المقابل
تحيه ملؤها التقدير لشخصك القدير
رغم الوجع البارك ورغم الضيم والظلم الشين
لكن حين نرى من حولنا من هم امثالك نتنفس الصعداء
ونشعر بامان ونردد ان الدنيا ما زالت بسلام
وجودك ومشاركتك إخواتك وجعهن الخرافي,
خفف كثيرا من معاناتي النفسية يعلم الله
ربي يديك قدر يرضيك ويكتر لينا من امثالك يا اصيل
وافر احترامي وتقديري
|
Post: #74
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Tumadir
Date: 12-12-2010, 02:42 PM
Parent: #73
برية سلامتك يا سومة
وربنا يقدرك
ويقدرنا كلنا على تحمل هذا الألم المرير
|
Post: #76
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 03:09 PM
Parent: #74
Quote: سلامتك اخت أسماء...الله يواليك بالعافية...
الجرح عميق ومنوسر..الله يعافى الجميع...والظلم ظلمات يوم القيامة.
اللهم من اراد ببلادنا خيرآ فأنصره ومن إراد بنا شرآ فأشغله بنفسه.. |
اخي الفاضل الكريم اسماعيل عباس حبابك يا خوي
اللهم آمين يا رب
والله الجرح منوسر وغريق
نسأ الله ان يعافي الجميع ويتوب علينا جميعا من كابوس القهر والجور والظلم
ربي يشغلهم في روحهم
وينصرنا عليهم جميعا باذن الله
تسلم اخوي اسماعيل
|
Post: #75
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: Maha Bashir
Date: 12-12-2010, 03:05 PM
Parent: #73
كفاره ياسومه
وحمدا لله علي سلامتك
Quote: وشربت وجع غربتي البعيدة من الشفتوا الليلة
اريتني كان لسة مكممة بالاكسجين
احي يا اخواني من الظلم والقهر والاذلال
يا اللـــــــــه
وينها نخوة ابواتنا ؟
وينها همة اخوانها ؟
وينهم رجالنا ركازتنا وسند ضهورنا ؟
قلبي ميجووووووووووع
وعيني ما بتشوف الحروف
والله الواحد الاحد بكتب ليكم من تحت كمامات الاكسجين
من شدة وجعي وقهري من الحصل
لا اله الا الله محمدا رسول الله |
كلامك لسان حالي
عندي مشكله في الكمبيوتر بالإضافه للعمل الذي قيدني
في اليومين الفاتو
ياسومه كنت أقوم بعملي وأدخل إجتماعاتي بنص عقل
أتحرك كالإنسان الألي مليان بالزهول مع العلم أنني شاهدت
مقطع صغير فقط لم أستط الإستمرار في المشاهده ولا النوم من يومها
اولادي عندهم إمتحانا ما قلت ليهم بالحصل خفت ازعجهم زي ما أنا منزعجه
و البنه المسكينه الزي أولادي ديل مافي زول خاف عليها كر علي أمها الإستنجدت بيها ومالحقتها... آه من كل الألم
حسبي الله عليهم
مسخت علينا الدنيا وما فيها
مها بشير
|
Post: #77
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 03:15 PM
Parent: #75
Quote:
عزيزتنا سوما، ألف لابأس عليك
وكفارة وطهور إن شاء اللـــه |
تسلم يا النذير من كل بلا ان شاء الله
يديك الف عافية يا رب
|
Post: #78
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 03:27 PM
Parent: #77
Quote: سوما
بت الجنيد
سلامتك الف سلامة
اجر وعافية ان شاء الله
وكان انتي بتكتبي من تحت الاكسجين
نحن من شفنا الفيديو
بقينا عكس
نتنفس ثاني اكسيد الكربون
لاني حاسي بكتمة في الوطن
وارتخاء في الوطنية
وما قادر اتنفس
بالله ده كلام
الجلد بتشفي شديد
الفيديو ده بخليك تشوف فيه اي بت سودانية
قريبتك امك اختك بتك
كلهم انجلدوا في الفيديو ده
ولا حولا ولا قوة إلا بالله |
جمال السنوسي الشاعر الشفيف سلامات يا زول يا جميل
والله يا جمال دخاخين من الحلق بتمرق ولسة النيران مولعة جوة الحشا
إحساس الظلم قاسي جدا
وفي حالة البنية دي مرير شديد كونه يتنفذ على يد جلادين الشرطة
واما القضاء !!!!!
وتحت توسلات وصرخات ضعيفة المروءة والحيلة
سبحان الله ربنا داير يفضحهم
رغم تسترهم ظهر الحق وبقوا في فضيحة تانية من فضائحهم وعمائلهم العشوائية
ما بقى ليهم وش لو عندهم ضمائر
ربي ينتقم منهم ويورينا فيهم يوم بحق المسيكينة الهردوا جلدها بسياطهم البتشهد عليهم يوم الوقفة العظيمة
حسبي الله ونعم الوكيل
|
Post: #79
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: عبد المنعم سيد احمد
Date: 12-12-2010, 03:31 PM
Parent: #78
انهم وبكل صفاقة ووقاحة
يطالبونا ان اصمتوا واتركوا لنا الضحايا
نسوءهم سوء العذاب
لا تكتبوا حرفا واحدا فانتم تتاجرون
ما اعظمها من تجارة بالحق
وهم ياعزيزى يتاجرون باجساد النساء
ضربا موجعا فى قارعة الطريق
بل يقف قاضيهم مستظلا بالظل
وضحيته تتوجع تحت لهيب الشمس المحرقة
كيف سيقف امام خالقه
يوم لا ظل الا ظله
تالله لن يعفو عنهم ضحاياهم
اما ضمائرهم فقد اهالوا عليها جبالا
من الظلم والقهر واذلال النساء
تبا لهم الى يوم الدين
|
Post: #80
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: عبد المنعم سيد احمد
Date: 12-12-2010, 03:34 PM
Parent: #79
حمدلله على السلامة أُستاذة أسماء
|
Post: #81
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 03:53 PM
Parent: #80
اخي العزيز خالد حاكم سلام من الله يغشاك يا خوي
تسلم من كل بلا ان شاء الله
يديك الف عافية اخي الكريم
|
Post: #82
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 03:59 PM
Parent: #81
Quote: اسماء بت استاذ صديق
سلامتك
وما تشوفي شر
واجر وعافية .. |
حسن ود البشاري ولدنا وود حلتنا حبابك يابا واريتك طيب
اللهم آمين يا حسن يا خوي
ربي يديك الف عافية وتحياتي عبرك لكل العقاب
تسلم كتير
|
Post: #83
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 07:18 PM
Parent: #82
Quote: سلامتك يا سومه
بعد الشر عليك يا حبيبه |
الحبيبة الغالية دوما
تسلمي حبيبتي من كل بلا ان شاء الله
يديك العافية يا حنينة
|
Post: #84
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 07:18 PM
Parent: #82
Quote: سلامتك يا سومه
بعد الشر عليك يا حبيبه |
الحبيبة الغالية دوما
تسلمي حبيبتي من كل بلا ان شاء الله
يديك العافية يا حنينة
|
Post: #85
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 07:27 PM
Parent: #84
Quote: سلام يا سوما
تغشاكي العافية التختك في المصارين وتبقالك هدم يا أختي توب ونعلين.
والله لي يومين ما قادر استعيد وضعي الطبيعي.شاعر إنو صرخات وأنين هذه الفتاة قد إنتزعت مني الإحساس بالآدمية والإنتماء لبني البشر.
حاسي إنو وضعتني في مصاف واحد مع قدو قدو والقاضي ووكيل النيابة والجمهور والمركيز دو ساد!
يا ليل الظلم متى غده.. أقيام الساعة موعده؟ |
اخي العزيز الدبلوماسي الانيق الفاتح ميرغني
سلام واحترام يليق بشخصك الودود
دعواتك الحنينة دي براها بتشفي من المرض يا الفاتح يا خوي
ربي يديك قدر دواخلك النقية
يا ابيض الدواخل
يا صافي النية
والله يا الفاتح لي هسة ما قادرة استوعب ولا قادرة اتخيل العملية الوحشية الحصلت للبنية دي
بالله الدنيا دي قدر ما قلنا فيها مرضى نفسيين وفيها اصحاب قلوب متحجرة
ما بتتخيل الاوباش ديل يكونوا اكثر قسوة منهم
للاسف اتحدوا العالم
وكسبوا التحدي بانهم اكثر فئة ظالمة على وجه الارض
بالدليل القاطع
ربي ينزع منهم الرحمه بقدرما نزعوها من قلوب كل الغلابة
حسبي الله ونعم الوكيل عليهم جميعا
|
Post: #86
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 07:42 PM
Parent: #85
Quote: سوما سلامتك يا غاليه
ويختي ديل مش يجيبوا لينا الازمه
ديل بقرضونا لوليدتنا كان ما خلينا بالنا.
البنيه قطعوها بين ايديهم
والمحزن كل يوم بيقطعوا في بنات الناس كده.
الاكثر حزنا يا سوما الاخلاق تغيرت
نهائي واغلب الشعب صار متفرج ولا يعرف الاخوة بالوطن.
ولا بالانسانيه.
قولي يا منتقم يا جبار ويورينا فيهم يوم بس.
ما تحزني يا سوما سيد الازمه الحزن بزيدها عليها.
ربنا يديك العافيه لاسرتك ولورحك السمحه دي. |
العزيزة تراجي ازيك و تسلمي يا ختي وسلامة وليداتك من كل بلا
الاخلاق يا تراجي اتغيرت شديد
انتي البتشوفيه هسة من مناظر تصور صدفة ده لا شىء بالنسبة لارض الواقع
لكن كدي انزلي اجازة وشوفي الواجهة الغير مشرفة من المطار
نوع العساكر ديل امانة ما بتلقيهم في كل حتة
بباروك من المطار
عدم احترام واستفزاز ومساخة التقول شايلة منهم حاجة
بالله ينغصوا ليك فرحتك بالوصول لاهلك قبال تصلي ليهم
تاني عينك ما تشوف الا نور
الا القلة القليلة وديل ندرة بصراحة
لكن مثلا جيتي مرضانة وقعتي في الشارع ده مافي زول بقول ليك الله يجيرك
والله الا قليل جدا ,,,,
وشفتي الحصل لاحمد سردوب
مرمي من دغشا الرحمن ينزف للمساء تحت شدرة في قلب العاصمة
زول ساي يقول النشوفو مافي
كل زول يا روحي وخايفين من الجاياهم
وفي المواصلات مافي صغير بقوم ليه لي كبير
ده طبعنا ؟ ده زمان كان في ؟؟؟
ياختي النخوة راحت
والمروة كملت
والشهامة انعدمت
اللهم لا اعتراض على حكمك
ربي يورينا فيهم يوم الغيروا كل شىء لأسوأ
تصدقي يا تراجي فعلا الزعل بزيد الازمة
انا لي هسة ما قادرين يطلعوني من المستشفي بسبب انه الحاله في حالها
كل ما افتح البورد اتصفح قلبي يوجعني
ولوما فتحت اتذكر المشهد التعيس
الحمد لله على كل حال
حسبي الله ونعم الوكيل عليهم جميعا
|
Post: #87
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: عبدالفتاح أبوشيمة
Date: 12-12-2010, 08:02 PM
Parent: #86
سلامتك يا أستاذة إن شاء الله زكاة وكفارة البيك يزول
الوجع عاصر الكل
تسلمي
|
Post: #88
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-12-2010, 11:03 PM
Parent: #87
Quote: أستاذتنا الفاضلة أسماء الجنيد
تحياتي الخالصة... وسلامتك وكفارة من المرض وإن شاء الله تقومي لينا بالسلامة
وتتصدي معانا لكل من هم أسباب المرض لبلدنا الغالية علينا كلنا
يعلم الله لكم تألمت لمناشدتك القوية هذة وروعني هذا المشهد اللا إنساني
وأعدك أن نبذل كل جهد لإزالة هذة الطغمة من على صدر السودان
وسنعيد الحق لأصحابه وسنحاسبهم أشد حساباً... فويلهم من غضب الأمة
ودمتي لنا سنداً... |
الاخ العزيز محمد يسين الخليفة الزول الجميل من الزمن القبيل
لك التحايا النواضر وتسلم من كل بلا يا خوي
تبرا يا خوي من الالم
الالم والوجع ان شاء الله لي العساكر الوجعوا البنية ووجعوا قلوبنا
ربي ينتقم منهم ويورينا فيهم يوم
كلنا ثقة يا محمد يا خوي بانكم انتم احرار السودان وشبابه البصون كرامته
ولا بد من يجي يوم وينقشع الظلام وتسطع شمس الحرية
ويعود لسودان مجده الاتسلب على ايدي هؤلاء
تسلم يا محمد ويسلموا الزيك اياكم انتو ضهر البنيات والعرض
|
Post: #89
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: امير طمبل
Date: 12-13-2010, 00:11 AM
Parent: #88
أستاذتنا أسماء
سلامتك ألف سلامة ...أجر وعافية
أتمني من المولي عز وجل ان تكوني
حاليا بصحة جيدة ...ما تشوفي شر يا رب
تحياتي للاسرة الكريمة
|
Post: #90
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-13-2010, 03:07 AM
Parent: #89
Quote:
أختي العزيزة سوما
ألف سلامة ليك وأسأل الله لك الشفاء التام ..
-----------------------------------------------
تحدفتنا المصائب من كل صوب
فلا وقفت ولا نقص المصابينا
لك الود ولجميع افراد الأسرة الأعزاء |
الاخ العزيز عادل نجيلة حبابك يا خوي
تسلم يا خوي انت من كل بلا يا رب
صدقت والله يا عادل المصائب بقت تتحدف والهموم تترمي علينا من كل صوب
ربنا يكفينا شر مصائبهم البقت متوالية ومتقاربة
ربنا يفكنا ويفك اهلنا الغلابه منهم ومن همومهم
ربنا ينتقم منهم
حسبي الله ونعم الوكيل عليهم جميعا
|
Post: #91
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-13-2010, 02:43 PM
Parent: #90
اخي العزيز خالد العبيد حبابك
تسلم كتير
كتر خيرك يا خوي يديك قدر يرضيك يا رب
|
Post: #92
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-13-2010, 02:49 PM
Parent: #91
Quote: سلامتك يا أستاذة اسماء يا هميمة
حتى المرض لم يمنع وجودك
كإنسانة عظيمة هنا تتوجعين
لكرامتنا المهدرة .
لك التحية |
اخي العزيز جدا عبد المنعم ابراهيم الحاج حباااااابك يا خوي واريتك طيب يابا
غيبة طويلة ان شاء الله انت وكل الاهل بخير وعافية يا رب
تسلم انت يا اخو الاخوان وسند الحبان
وسند بنات بلدك وقبيلتك
يديك قدر يرضيك يا رب
الحصل علينا يا عبد المنعم اكبر وفوق لكل طاقاتنا
قدر ما صبرنا غلبنا
نسأل الله ان ينتقم منهم فردا فردا وقريب ان شاء الله
حسبي الله ونعم الوكيل عليهم جميعا
|
Post: #93
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-13-2010, 03:21 PM
Parent: #92
Quote: سوما
صباح الـخيـر
الله يواليك بالعافية يا سوما
اللهم اشفها وشافيها وعافها وأعف عنها
وأكشف ما بها من ضرّ يا عزيز يا ذا الجّلال والإكرام
وألبسها لباس الصّحّة والعافية عاجلاً غير آجلاً يا ربّ العالمين
اللهمّ يا مجيب الدّعوات أشفها من كُلّ مرضٍ ومن كُلّ سوءٍ وعافها وأعف عنها
يا ربّ العرش العظيم يا ربّ السّماوات والأرض يا حيّ يا قيّوم
اللهم ربّ النّاس أذهب البأس عن أسـماء وأنت الشّافي
اللهم أنعم عليها بالشّفاء
|
اهلين بالحنين ابو وردي
اللهم آمين يا لؤي
والله دعواتك دي ريحتني وملتني عافية ويقين يعلم الله
تسلم يا رب
ربي يسمعك ويقبل كل الدعوات ان شاء الله
والف الف مبروك علينا كلنا وردي الحفيد
وعقبال ما يبقى اسم وعلم فوق رأسه نور زي جدا
يشار إليه بالبنان
واكيد حا يطلع لينا زول فنان ان شاء الله
ما شاء الله جدو منو وابوه منو
عيني باااااااردة
تحياتي لك وعبرك لوردي وام وردي
آميـــــــــن يا رب
|
Post: #94
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: محمد المرتضى حامد
Date: 12-13-2010, 03:43 PM
Parent: #93
الأخت أسماء،
كفارة وإن شاء الله وأجر،
نرجو ان تكوني بلغت العافية.
تحاياي.
|
Post: #95
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-14-2010, 00:04 AM
Parent: #94
| Quote: حمد الله على السلامة واجر وعافية ان شاء الله |
شبكة الحبيبة هلا بيك يا حنينة
تسلمي انتي من كل شر ان شاء الله
يديك الف عافية يا رب
|
Post: #96
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-14-2010, 00:25 AM
Parent: #95
Quote: الشاعرة اسماء
شفت الالم والقساوة لرجال الدين
لا يرمش لهم لهن طرف
قاتل الله الهوس الديني ولعنة الله علي البشير وعصابته المجرمه المتس خ ه اياديها وعقولها وابدانها
ربنا ينتقم منهم رجال ونساء اهل الانقاذ |
اخي العزيز صبري الشريف سلام وتحية
والله يا صبري يا خوي دي كارثة فاتت حد القسوة زاتها
انا غايتو غلبني اوصفها
ابشع جريمة في الآونة الاخيرة تشاهد على الملأ من بني كوزنة
ربي يسمع منك ومن كل الناس ومن كل المظاليم وينتقم منهم بركة رب العالمين
ويورينا فيهم يوم
شكرا اخي صبري
وحسبي الله عليهم جميعا
|
Post: #97
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-14-2010, 05:41 PM
Parent: #96
Quote: الف سلامه عليكى يا غاليه
وتبرى من قولت الاه |
هلا رانية الحبيبة
تسلمي يا ستي ونورتي البوست والبورد كلو
كتر الف خيرك يا حنينة وشكرا ليك كتير
|
Post: #98
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-14-2010, 06:26 PM
Parent: #97
Quote: أختى الكريمه سوما
ألف لا بأس عليك ، أجر و عافيه إن شاءالله ،
ما تشوفى شر إنت و كل بنات بلادى الحبيبه . |
مصدق الزول الفنان الشفيف
سلام واحترام لشخصك الكريم
تسلم كتير والله يا ود البلد الاصيل
الزيكم انتو ياهم اخوان البنوت وركازتن
الله يخليكم لينا سند وحصن منيع
|
Post: #99
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: خضر عطا المنان
Date: 12-14-2010, 06:47 PM
Parent: #98
العزيزة / سوما
الف مليون سلامة و بعد الشر عليك ..
وهاك سيدتي :
Quote: مـدي صـبرك يا عـظيمة
زيـدي في صبرك عـزيمة
واصلو جـلدك ما جـريمة
الا بـس بالجـد هـزيـمة
لى عقول خـاوية وعقـيمة
والقــلوب المـا رحـيمة
وانتي جــلدك ما جـريمة ..
والجـريمة الحـق جريمة
ظـاهرة في أخـلاق عـديمة
في الرجــولة الما كريمة
والعقـول الخـاوية ديـمة
وأصلو جـلـدك ما جـريمة ..
الجـريمـة الكبـرى يمـة
في العصابة المافـيا رمـة
لا رجـولة ولا فـحـولة
لا في أخــلاق لا في ذمـة
الا بـس روحـن دميــمة
وانتي جـلدك ما جـريمة ..
الجـريمة الكبـرى فيـهم
لا شـرف .. لا عز يجيهم
لا شـهامة تبـين عليـهم
بس نفوس حاقـدة وسقيمة
واصـلو جـلدك ما جريمة ..
للأسـف والمنطـق أعـرج
شـعبك المسـكين تفـرج
في الوحل والطين تـدرج
وأصبحت أخـلاق دخـيلة
واصلو ليك ما عندو حيلة ..
فعلة شينة .. شينة شينة
وانتي جــلدك جـرح فينا
الا بس ..............
أعـذرينا .... أعـذرينا
نحـنا زي نســوان بقينا
وبى البيحصـل ما علـينا
سـامحـينا .. ســامحينا
وازرفي الدمعـة السخينة
فوق خدود دامعة وحزينة
يـا بنـيتـنا الحنيــنـة
ما في شيتن في إيـديـنا
ونحنا زي نســوان بقيـنا
وانتي جـلدك ما جـريـمة
والجـريمة لـو نســـيـنا
في الرجولة الميـتة فيـنا
وتاني شـن ترجـوه فيـنا
ونحـنا زي نسـوان بقـينا .
********************************
مع انحناءاتي لهذه الفتاة الأبية.. واعتذاري بلا حدود
خضرعطا المنان
[email protected] |
|
Post: #100
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-14-2010, 07:45 PM
Parent: #99
Quote: برية سلامتك يا سومة
وربنا يقدرك
ويقدرنا كلنا على تحمل هذا الألم المرير |
تماضر يا الحبيبة الغالية تسلمي لي انتي ان شاء الله
ويسلم عمرك ويقدرنا جميعا على تحمل مصائب حكامنا وحكمهم الجائر
حسبي الله ونعم الوكيل عليهم جميعا/B]
|
Post: #101
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-14-2010, 09:21 PM
Parent: #100
Quote:
كلامك لسان حالي
عندي مشكله في الكمبيوتر بالإضافه للعمل الذي قيدني
في اليومين الفاتو
ياسومه كنت أقوم بعملي وأدخل إجتماعاتي بنص عقل
أتحرك كالإنسان الألي مليان بالزهول مع العلم أنني شاهدت
مقطع صغير فقط لم أستط الإستمرار في المشاهده ولا النوم من يومها
اولادي عندهم إمتحانا ما قلت ليهم بالحصل خفت ازعجهم زي ما أنا منزعجه
و البنه المسكينه الزي أولادي ديل مافي زول خاف عليها كر علي أمها الإستنجدت بيها ومالحقتها... آه من كل الألم
حسبي الله عليهم
مسخت علينا الدنيا وما فيها
مها بشير |
الحبيبة مها بشير حبابك يمة
والله يا مها الدخلت فيني من صرخات البنية دي لي يوم الليلة ما مرقت مني
خاصة اليومين دي بقوا يجيبوها كتير في الاخبار والقنوات الاجنبية
شيء يقطع المصارين من جوة
البني آدم السوي البسمع الصرحات ويشوف البنية دي تتلوي من الوجع يشهد الله
غايتو البرد بطنا فضيحتهم عالميا
تسلمي يا مها الغالية والبركة الما حكيتي لي اولادك
يعلم الله انا لي هسة داساه من اولادي خوف ساي من الخلعة
حسبي الله ونعم الوكيل عليهم
|
Post: #102
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-14-2010, 11:35 PM
Parent: #100
Quote: انهم وبكل صفاقة ووقاحة
يطالبونا ان اصمتوا واتركوا لنا الضحايا
نسوءهم سوء العذاب
لا تكتبوا حرفا واحدا فانتم تتاجرون
ما اعظمها من تجارة بالحق
وهم ياعزيزى يتاجرون باجساد النساء
ضربا موجعا فى قارعة الطريق
بل يقف قاضيهم مستظلا بالظل
وضحيته تتوجع تحت لهيب الشمس المحرقة
كيف سيقف امام خالقه
يوم لا ظل الا ظله
تالله لن يعفو عنهم ضحاياهم
اما ضمائرهم فقد اهالوا عليها جبالا
من الظلم والقهر واذلال النساء
تبا لهم الى يوم الدين |
شاعرنا الشفيف عبد المنعم ابن الحصاحيصا والجزيرة الخضراء
دائما كلمتك هي سلاح في وجه الظلم والفساد
وصوتك عالي في مقدمة الركب الوطني
ربنا يسعدك بقدر ما اسعدنا مرورك الجميل
ربنا يسعدك ان شاء الله
وربنا ينتقم من هؤلاء الرعاع
حسبي الله ونعم الوكيل عليهم جميعا
|
Post: #103
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-14-2010, 11:47 PM
Parent: #102
Quote: سلامتك يا أستاذة إن شاء الله زكاة وكفارة البيك يزول
الوجع عاصر الكل
تسلمي |
اخوي عبد الفتاح ابو شيمة حبابك يابا
تسلم ياخوي من كل بلا ان شاء الله
الوجع ان شاء الله يعصر عليهم هم بقدر الجرعونا ليه من الم ومر
ربي ينتقم منهم ان شاء الله
يمهل ولا يهمل
|
Post: #104
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-15-2010, 00:00 AM
Parent: #103
Quote: أستاذتنا أسماء
سلامتك ألف سلامة ...أجر وعافية
أتمني من المولي عز وجل ان تكوني
حاليا بصحة جيدة ...ما تشوفي شر يا رب
تحياتي للاسرة الكريمة |
الاخ امير طمبل الرجل الفنان اهلا بيك حبابك
اللهم آمين يا رب تسلم كتير
كتر خيرك يا امير يا خوي
ربي يديك قدر يرضيك ان شاء الله
لك التحايا النواضر وعبرك لاهل الدوحة الكرام
|
Post: #105
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: ياسر إدريس حسن
Date: 12-15-2010, 00:11 AM
Parent: #100
الف الف سلامة اخت اسماء
والله ربنا يعدي سنة 2010 علي خير...نفس الحاصل لشخصي الضعيف...كلما اغيب يوم او يومين اجد البورج ملئ بالاحزان والظلم التنكيل..
رينا يحفظ البلد والجميع ..لا ادري ماذا تخبأه سنة 2011.
مع اطيب تمنياتي بالشفاء العاجل
ياسر ادريس - نيوجيرسي.
|
Post: #106
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-15-2010, 00:25 AM
Parent: #105
Quote: الأخت أسماء،
كفارة وإن شاء الله وأجر،
نرجو ان تكوني بلغت العافية.
تحاياي. |
استاذ محمد المرتضي سلام
شكرا ليك وكتر خيرك كتير
ما تشوف شر ان شاء الله
تسلم كتير
|
Post: #107
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-15-2010, 00:45 AM
Parent: #106
Quote: العزيزة / سوما
الف مليون سلامة و بعد الشر عليك ..
وهاك سيدتي :
Quote: مـدي صـبرك يا عـظيمة
زيـدي في صبرك عـزيمة
واصلو جـلدك ما جـريمة
الا بـس بالجـد هـزيـمة
لى عقول خـاوية وعقـيمة
والقــلوب المـا رحـيمة
وانتي جــلدك ما جـريمة ..
والجـريمة الحـق جريمة
ظـاهرة في أخـلاق عـديمة
في الرجــولة الما كريمة
والعقـول الخـاوية ديـمة
وأصلو جـلـدك ما جـريمة ..
الجـريمـة الكبـرى يمـة
في العصابة المافـيا رمـة
لا رجـولة ولا فـحـولة
لا في أخــلاق لا في ذمـة
الا بـس روحـن دميــمة
وانتي جـلدك ما جـريمة ..
الجـريمة الكبـرى فيـهم
لا شـرف .. لا عز يجيهم
لا شـهامة تبـين عليـهم
بس نفوس حاقـدة وسقيمة
واصـلو جـلدك ما جريمة ..
للأسـف والمنطـق أعـرج
شـعبك المسـكين تفـرج
في الوحل والطين تـدرج
وأصبحت أخـلاق دخـيلة
واصلو ليك ما عندو حيلة ..
فعلة شينة .. شينة شينة
وانتي جــلدك جـرح فينا
الا بس ..............
أعـذرينا .... أعـذرينا
نحـنا زي نســوان بقينا
وبى البيحصـل ما علـينا
سـامحـينا .. ســامحينا
وازرفي الدمعـة السخينة
فوق خدود دامعة وحزينة
يـا بنـيتـنا الحنيــنـة
ما في شيتن في إيـديـنا
ونحنا زي نســوان بقيـنا
وانتي جـلدك ما جـريـمة
والجـريمة لـو نســـيـنا
في الرجولة الميـتة فيـنا
وتاني شـن ترجـوه فيـنا
ونحـنا زي نسـوان بقـينا .
********************************
مع انحناءاتي لهذه الفتاة الأبية.. واعتذاري بلا حدود
|
الاخ العزيز شاعرنا الشفيف خضر عطا المنان سلام واحترام
لك التحية اخي الكريم وانت دوما في مقدمة الركب بالتعبير البليغ
شكرا لكلماتك المعبرة في حق البنية الطالتها يد الخونة
اتناولها العسكر بلا رحمة ولا مبالاة لصرخاتها التي لم تفارقني حتى اللحظة
هذا السقوط من اجهزة القمع في بلادنا الجريحة
حطم الرقم القياسي في التجاوزات وفي السقوط الاخلاقي
شكرا اخي خضر لايراد قصيدتك المعبرة في هذا البوست
شكرا غزيراا
لك التحية والتقدير
|
Post: #108
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-15-2010, 00:53 AM
Parent: #107
Quote: الف الف سلامة اخت اسماء
والله ربنا يعدي سنة 2010 علي خير...نفس الحاصل لشخصي الضعيف...كلما اغيب يوم او يومين اجد البورج ملئ بالاحزان والظلم التنكيل..
رينا يحفظ البلد والجميع ..لا ادري ماذا تخبأه سنة 2011.
مع اطيب تمنياتي بالشفاء العاجل
ياسر ادريس - نيوجيرسي. |
الاخ العزيز ياسر حبابك ياخوي
تسلم من كل بلا ان شاء الله
والله صدقت الواحد في الفترة الاخيرة دي بقى كل ما يدخل البورد يصدم بواقع مريري
الله يكفينا خواتيم الفين وعشرة
نهايتها وبداية 2011 الانفصال
نشوف بلدنا مقسمة وسط المرارة والالم
شيء بالجد مؤسف حد النحيب
ربنا ينتقم من الكان سبب في كل اذية البلد واهله
تسلم اخي ياسر وكتر خيرك على مرورك الجميل
|
Post: #109
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: متوكل الحسين
Date: 12-15-2010, 01:30 AM
Parent: #108
سلام لأختى أسماء الجنيد ورباب الكارب
السيدة الصالحة بنت الكارب
لك السلام
الأستاذة صلحة نشعر بفقدك كل يوم ونحن لسماع صوتك ولكننا اليوم نريد روحك الطيبة الحرة أن تسجي علينا بردا وعافية فقد تبدل الناس من بعدك .
تجلد النساء كل يوم
في الليل و الغروب وفي ضحى النهار ويضحك الجلاد
و يزين الأوغاد مثل هذه مسرحية ويعلنون
بإسمه القدوس أنها غدا تعاد .
متوكل مصطفى الحسين - ود ستنا -
|
Post: #110
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: محمد عبد الماجد الصايم
Date: 12-15-2010, 08:01 AM
Parent: #109
ألف سلامة يا سوما
ليكـ وللبلد
|
Post: #111
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: بله محمد الفاضل
Date: 12-15-2010, 08:44 AM
Parent: #110
وجع البلد يا سوما العزيزة
مستمر
ودائم
ما دام مخافة الله انتهت
وبقت المناصب
والنصب
والاستغلال
والجشع
و
و
و
هي التي تحكم البلاد
لكن وجعك بيأثر عليك وعلى أسرتك
وعلى من يحبونك من أخوان وأخوات في الله
فكوني بخير
فإن كانت الناس التي يعول عليها وعلى إنسانيتها مثلك
بخير
سيأتي يوماً يكون فيه كل شيء بخير
وسلامتك من كل شر
|
Post: #112
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-15-2010, 02:46 PM
Parent: #111
| Quote: متوكل مصطفى الحسين - ود ستنا - |
مرحبابك اخوي ود ستنا شرفتنا والله الليلة
التحية ليك ولي كل الاهل برفاعة
وكتر خيرك كتير لطلتك الحنينة بعد غياب طال
تسلم كتير اخي متوكل
|
Post: #113
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-15-2010, 07:50 PM
Parent: #112
Quote: ألف سلامة يا سوما
ليكـ وللبلد |
ود الصائم يا عمنا تسلم والله[
والف حمد الله على سلامتك انت ورجوعك بالسلامة
تحياتنا للعقاب بطرفكم/B]
|
Post: #114
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: اسماء الجنيد
Date: 12-15-2010, 08:01 PM
Parent: #113
Quote: وجع البلد يا سوما العزيزة
مستمر
ودائم
ما دام مخافة الله انتهت
وبقت المناصب
والنصب
والاستغلال
والجشع
و
و
و
هي التي تحكم البلاد
لكن وجعك بيأثر عليك وعلى أسرتك
وعلى من يحبونك من أخوان وأخوات في الله
فكوني بخير
فإن كانت الناس التي يعول عليها وعلى إنسانيتها مثلك
بخير
سيأتي يوماً يكون فيه كل شيء بخير
وسلامتك من كل شر |
اخي العزيز بلة محمد الفاضل سلام من الله يغشاك وعين الله ترعاك
تسلم يا ود القبائل
والله يا بلة يا خوي وجع البلد حااااااااااار
وصدقت بي تعبيرك البليغ الناس فعلا بقت ما بتخاف الله
حليل الناس البشيلوا الهم
هم البلد وهم الاهل
وهم المرأة واسرتها
ديل قلبوا الآية
اصبحوا هم من يصنع الالم والوجع للضعفاء
ويهين المرأة .. المرأة الي هي امه وخالته وعمته وزوجته واخته وابنته
والعياذ بالله قلوبهم محجرة
كتتتتتر خيرك يا بلة يا خوي كلامك نزل علي بردا وسلاما بعد معاناة مريرة
من ما اصابنا من ذل واهانة احدي اخواتنا التي جار عليها ظلمهم وبطشهم
ربي يكتر من امثالك يا خوي
ويخليكم لينا سند وركازة وقت الشدة والحارة
وعشمنا فيكم كبير
اياكم انتو ضلنا وهمبريبنا عز الهجير
سلمت يا ود البلد ربي يديك قدر يرضيك
وشكرا ليك أردب محنة
|
Post: #115
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: عبدالله ابوشوارب
Date: 12-15-2010, 08:16 PM
Parent: #114
الاخت الاستاذة اسماء بت الجنيد
سلامتك وكل الالام بتزول ان شاء الله
|
Post: #116
Title: Re: *** أريتني كان قعدت بي مرضي وشبعت مرض وما جيت شفت وجعك يا بلد,,,
Author: هند محمد
Date: 12-17-2010, 08:30 AM
Parent: #115
الغالية سوما ألف ألف لاباس عليك وماتشوفي الشر
ربنا يعافيك ياحنينة ويطمنا عليك
ويعافي البلد
|
|