جلد النساء في الخرطوم كل صباح

الشي الوحيد الجديد انه تم تصوير هذا الفعل الشنيع وعرضه على الملاء الامر الذي شكل صدمة للكثير

من الناس ممن لم يشاهدو اويصدقو ماقيل عن وحشية النظام العام الفيديو رغم بشاعة مافيه الا انه ليس

بالامر الجديد حيث درجة قوات الشرطة علي تنقيذ حكم الجلد في النساء ( كل صباح) منذ ان أطلت الانقاذ

براسها على الناس.. اى زول عايز اشوف المنظر ده ممكن امشي محكمة النظام العام او اي محكمة في اقرب

قسم شرطة الصباح بدري بيجبو الضحايا (نسوان ورجال) بالترحيل وينتظرو لمن اجي حضرة القاضي لي يأذن ببداء العرض الحزين .

والضحايا انواع من الناس( سلط اوتسلط) عليهم النظام العام فتجد منهم

ناس عندها ضهر ديل مرقو من بدري قبل ما اجيبوهم المحكمة ( وودالبدري سمين )

وناس عندها كاااشات دفعو للبوليس واتخارجو(الكاش يقلل النقاش)

ناس قدمو تنازلات للبوليس وهم مرغمين واتخارجو(ياكده ياكده)

والانواع الثلاته من ضحايا النظام العام ديل نجو بانفسهم وهربو من( السوط والصيت)

النوع الرابع هم الناس الغلبانة ومسكينة وقليلي الحيله انتظرو مولانا القاضي ليحكم فيهم

بالعدل فنكل بهم من دون رحمة اوضمير والمسكين قال فيه المصريين (اللي مالوش ضهر انضرب على افاه)

وده هو الحاصل في السودان ولاعزاء لي احد في هذا ظل الصمت المشين