Post: #1 Title: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 06:43 AM
لا اعلم كيف اوصف هذا بجمل عاديه وكلمات وحروف .. !! ظلم بشع دمر أي معنى لكلمة الانسانيه في القلوب .. واشعل نيران الحقد في قلبي .. ما حدث دمر معنى أي قصيده خطها نزار في جمال ورقه وعذوبة الانثى وضرب عرضا بالحائط قوله عز وجل في جلاله من وصف نفسه بالرحمه اجمل خصائص الانسان(( رفقا بالقوارير)) كان منظر اشبعني شعورا بالاشمئزاز .. وملأني كرها حطم معنى الرجوله في ذاك البلد الذي كنت اأمل في يوم ان اكون مفخره اني فيه ولكن زدت استحياء وخجلا ان ادرج تحت قائمة مواطنيه منظر ادمى منه القلب .. فأي عقوبة هذه أي كانت جريمتها .. واي قانون واي دين من يفرضها .. واي شريعة ترضى بها دمتم محطمين للأمال .. كلما اردنا ان نرتقي بكم .. مفخرة رددتم علينا سحقا وتبا لكم واي بشاعه تمت بها هذه الجريمه ؟؟ كنا ننتخذ في كل مكان كأننا اصل للشهامه ولكن بفضلكم اصحبت شهامتا كتراب نثره الريح .. سكتنا على سوء الخدمه .. وعلى الظلم والاستبداد .. سكتنا على ان نهرب خارجا منك لكي لا نعيش ذلا في ارضنا ولكن هل هذا مسكوت عليـــــــه !! ؟؟ أي كان الجرم الي ارتكبته
Post: #2 Title: Re: سحقا لكــــم .. ما عدنا للشهامة رمز ؟؟!! Author: lana mahdi Date: 12-09-2010, 06:57 AM Parent: #1
الحبيبة الغالية الصغيرة عمراً الكبيرة عقلاً المملتلئة بالوعي كم هو مؤسف بل مقزز ما تم كم هو ضد الإنسانية شلت يد من جلد هذه المسكينة شلت يد من جلد هذه المسكينة لنا
Post: #3 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 07:03 AM Parent: #2
خالتو لنا .. الحصل والله لا بيرضي كبير ولا صغير .. مقزز بقت كلمه صغيره عليه .. والغريبه انو انا بجد مستغربه وما شـــفت المقطع إلا لدقايق معدوده وما قدرت اكمل عشان الباقي في ((صَغرتي )) دي احافظ عليه !! كان قمة التوحش ولو قاعدين في غابة والله ما كان بيكون بي التوحش ده الله ما يشل يده بس يشله كلو !!
Post: #4 Title: Re: سحقا لكــــم .. ما عدنا للشهامة رمز ؟؟!! Author: SHIBKA Date: 12-09-2010, 07:13 AM Parent: #2
ياحفصة العربي البعرفو كلو ما لقيت لي كلمة اوصف بيها احساسي نحو الظلم دا
قمة المهانة والقهر لامراة
Post: #5 Title: Re: سحقا لكــــم .. ما عدنا للشهامة رمز ؟؟!! Author: محمد الجيلى Date: 12-09-2010, 07:28 AM Parent: #4
مهما كان الذنب الإقترفتو {الممكن يكون مُلفّق أصلاً}
مافي قانون ولا دين بخليهم يمارسوا عليها حقدهم و {تمرين عضلاتهم} بالصورة دي
الواحد من الزعل والقرف ما عارف يعمل شنو لو لقى واحد من {الحُثالة} ديل في وشو
الله يخسف بيها الأرض ويشنّع بيهم زي ما عملوا في المسكينة دي
Post: #6 Title: Re: سحقا لكــــم .. ما عدنا للشهامة رمز ؟؟!! Author: عثمان نواي Date: 12-09-2010, 07:32 AM Parent: #5
Quote: أقسم بالله لوكنت مكان المتفرجين ديل وما حركت ساكن الا أمشي ألبس لي طرحه بلاهي الرجاله أنتهت للدرجه دي مافي واحد راضع لبن أموا يشيل الذليل اللابس الكرفته او واحد من العساكر الناخره عضامهم الملاريا دا ويقع بيهوا الواطه .
حسبي الله ونعم الوكيل
اللهم شل أيديهم وذلهم وأكشف عوراتهم في الدنيا قبل الممات .
Post: #7 Title: Re: سحقا لكــــم .. ما عدنا للشهامة رمز ؟؟!! Author: الشامي الحبر عبدالوهاب Date: 12-09-2010, 11:32 AM Parent: #6
سحقا لكــــم .. ما عدنا للشهامة رمز ؟؟!!
ابلغ عنوان في تناول الموضوع الساخن الآن
ويغني عن كلام كثير
لان السوداني لا يرتبط بشيئ يميزه عن غيره غير الشهامة التي بدات تتهاوي مع سياط الجلادين
تحياتي الابنة حفصة
Post: #8 Title: Re: سحقا لكــــم .. ما عدنا للشهامة رمز ؟؟!! Author: عمران حسن صالح Date: 12-09-2010, 11:52 AM Parent: #7
Quote: سحقا لكــــم .. ما عدنا للشهامة رمز ؟؟!!
يا اللللللللللللللله يا بت أخوي خالد ما عدنـا للشهامة رمز ؟؟!!
Post: #9 Title: Re: سحقا لكــــم .. ما عدنا للشهامة رمز ؟؟!! Author: صديق الموج Date: 12-09-2010, 11:59 AM Parent: #8
Quote: سحقا لكــــم .. ما عدنا للشهامة رمز
حفصة يا صغيرتى معك حق ابصقى بملء فيك على كل رجل سودانى وانا اولهم،،،
Post: #18 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 04:46 PM Parent: #9
Quote: حفصة يا صغيرتى معك حق ابصقى بملء فيك على كل رجل سودانى وانا اولهم،،،
عمـــــو صديق الموج لا كنت منهم ولا اتلميت عليهم دام وشك ابيض يا عمو لكن انا بتكلم على القاعدين يتفرجوا وكل واحد ماسك ليه حيطه متكي فيها والله لو مكانهم اموت حسره وقهر وانا واقفه في مكاني لو مسكوني وما قدرت اعمل ليها حاجه وما فارقني منها غير خطوات
Post: #17 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 04:41 PM Parent: #8
Quote: يا اللللللللللللللله يا بت أخوي خالد ما عدنـا للشهامة رمز ؟؟!!
من الشفته امس يا عمو عمران .. البت قاعده تتلوى قدامهم وراجل واحد ما فزع ليها ماتت شهامتنا والله قتلوك ..لكنهم تجابنو ان ينصفوك..
Thank you Hafsa biti - This a very interesting post
I hope you will studdy law to be a lawyer for defending women` rights
Post: #19 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 04:55 PM Parent: #10
Quote: Thank you Hafsa biti - This a very interesting post
I hope you will studdy law to be a lawyer for defending women` rights
عمو الطيب .. ناويه ادرس اعلام بقى القلم اعظم محامي شهدته البشريه .. ويا ريت لو كنت في اللحظة دي متخرجه ... كان ممكن يتعمل اكتر من كده وبتمنى من كل الاعلاميين لو الناس النار الفيهم همدت وسكتت .. والموضوع ده بدت تأخذه الريح معها لأدراجها يرجعوا يولعوه تاني لأنو ما مسكوت عليه زي باقي الحاجات اللي سكتنا عليها كامل الود والتقدير يا عمو الطيب
Post: #16 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 04:30 PM Parent: #7
Quote: سحقا لكــــم .. ما عدنا للشهامة رمز ؟؟!!
ابلغ عنوان في تناول الموضوع الساخن الآن
ويغني عن كلام كثير
لان السوداني لا يرتبط بشيئ يميزه عن غيره غير الشهامة التي بدات تتهاوي مع سياط الجلادين
تحياتي الابنة حفصة
عمو الشامي الحبر .. كنت في يوم من الايام بقول انو السودان ده بعد كم سنه كده الواحد بيقدر يقول انه بلده لكن الواضــح انو كل ما تمشي الايام كلو ما بنمشي على الهاويه بسرعه اكتر من اليوم القبله والنخوة والشهامه الكنا فرحانين بيها امس وقعت من عيني
Post: #15 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 04:18 PM Parent: #6
Quote: مافي واحد راضع لبن أموا يشيل الذليل اللابس الكرفته او واحد من العساكر الناخره عضامهم الملاريا دا ويقع بيهوا الواطه . اللهم شل أيديهم وذلهم وأكشف عوراتهم في الدنيا قبل الممات .
كنت بتمنى ومتوقعه ومتأمله وحاسه اني لو كان قدرت اشوف اكتر من البدايه كان اشوف واحد فزع ليها عشان ما احس بي الحسره كلو ما تقابلني واحده تقول لي والله ((انتو يا السودانين احسن ناس )) لكن كان شعور خيبة الامل عظيمـــا ولا راجل من القاعدين ما فزع ليها ما عارفه ان كان عشان اصلا الرجاله انتهت فيهم ولا خوف عشان ما يحصل ليهم زيها كده بكره ؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Post: #65 Title: Re: سحقا لكــــم .. ما عدنا للشهامة رمز ؟؟!! Author: هشام هباني Date: 12-11-2010, 08:24 AM Parent: #6
الابنة العزيزة حفصة بنت اخي خالد واختى عفاف
تحياتي
سلم قلمك وضميرك الشفاف وانت بهكذاغيرة ونخوة ونقاء تنفعلين لهذا الحدث المخجل في حقنا وحق الانسانية جمعاء وتعلمين الى اي مدى توغل الظلم والحيف في بلادنا التعيسة وهو امر السكوت عليه من باب السقوط في حضيض القيم والاخلاق وانفعالك يا بنيتي ان دل انما يدل على اصالة معدنك وتربيتك وهو ليس بالامر الغريب لمن ينشأ في كنف العزيزين خالد وعفاف عشت بخير ولي قدام
Post: #66 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-11-2010, 07:15 PM Parent: #65
Quote: الابنة العزيزة حفصة بنت اخي خالد واختى عفاف تحياتي سلم قلمك وضميرك الشفاف وانت بهكذاغيرة ونخوة ونقاء تنفعلين لهذا الحدث المخجل في حقنا وحق الانسانية جمعاء وتعلمين الى اي مدى توغل الظلم والحيف في بلادنا التعيسة وهو امر السكوت عليه من باب السقوط في حضيض القيم والاخلاق وانفعالك يا بنيتي ان دل انما يدل على اصالة معدنك وتربيتك وهو ليس بالامر الغريب لمن ينشأ في كنف العزيزين خالد وعفاف عشت بخير ولي قدام
عمو هشام هباني اهليــن الله يسلمك عمو ولكن كلنا كنا قلوب تجيش غيره وكلنا تدافعنا إلا اعلى لكي نعبر عن صيحه غضب اثقلت كواهلنا توغل الظلم في بلادي يا عمو هباني لدرجه ان الناس اعتادته ((من كثر ما مارسوه عليهم )) اعتدنا السكات .. والبكاء داخليا بصمت يلحق بكاءنا لعنات صامته قادمه من صميم القلب لخصنا فيها حزننا كله لانها كل ما استطعنا فعله !! يسلم عمرك يا عمو هشام
بي المناسبه الف مبروك لي نضال ولي قدام كمان
Post: #12 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 04:08 PM Parent: #5
Quote: مهما كان الذنب الإقترفتو {الممكن يكون مُلفّق أصلاً}
مافي قانون ولا دين بخليهم يمارسوا عليها حقدهم و {تمرين عضلاتهم} بالصورة دي
الواحد من الزعل والقرف ما عارف يعمل شنو لو لقى واحد من {الحُثالة} ديل في وشو
الله يخسف بيها الأرض ويشنّع بيهم زي ما عملوا في المسكينة دي
ما بعيده ممكن انها ما عملت اي شئ وحتى لو عملت ياخي ما بي الطريقه دي والله انا شايله هم للقاعدين هناك في السودان في بلدهم الحبيب وبيضطروا كل يوم يوم انهم يقابلو الحاجات دي
Quote: {الحُثالة}
لأني مالقيت ليها اسم لحدي الان ير قمة الظلم والاستكبار
اااااااااامــــــــــين
Post: #11 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 04:00 PM Parent: #4
Quote: ياحفصة العربي البعرفو كلو ما لقيت لي كلمة اوصف بيها احساسي نحو الظلم دا
قمة المهانة والقهر لامراة
خالتو شبيكا صعب يتلاقى ليه كلام يتوصف بيه قمه المهانه والقهر واللا مبالاه وقمة السفاله ويدل على انحضاض النخوة والرجوله فيهم عارفه يا خالتو القطع قلبي شنو اني كنت في قمة التأثر وفي نص المشهد بيجيبوا ليك واحد بيضحك ومبسووووووط الله يفرجه في بناته مع اني ما كان نفسي في يوم اقول الدعوه دي لكن عشان ظلمو بنت الناس
Post: #13 Title: Re: سحقا لكــــم .. ما عدنا للشهامة رمز ؟؟!! Author: محمد عبدالرحمن محمد Date: 12-09-2010, 04:14 PM Parent: #11
Quote: الله ما يشل يده بس يشله كلو !!
الله يشل كل هذا النظام الحاكمنا باسم الدين والدين منهم براء..
تسلمي وتسلم كل أخواتك..
Post: #14 Title: Re: سحقا لكــــم .. ما عدنا للشهامة رمز ؟؟!! Author: محمد عبدالرحمن محمد Date: 12-09-2010, 04:14 PM Parent: #11
Quote: الله ما يشل يده بس يشله كلو !!
الله يشل كل هذا النظام الحاكمنا باسم الدين والدين منهم براء..
تسلمي وتسلم كل أخواتك..
Post: #25 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 06:27 PM Parent: #14
Quote: الله يشل كل هذا النظام الحاكمنا باسم الدين والدين منهم براء..
تسلمي وتسلم كل أخواتك..
عمو محمد عبد الرحمن .. اسواء حاجه في الدنيا انو الواحد يصل لي مرحلة انه يتبراء من حاجه منك وفيك ويصل به الكره .. لي درجه انو يتمنى ان تخسف بها الارض ويحيطه العار فقط لأرتباطه بها ..!! الي ما هزاه صراخ البنت ديك ونداها لي امها .. ما حيهزه شئ تاني في الدنيا .. وببصم عليه بي العشره انو ميت وماشي على الارض
الله يخليك يا عموا محمد
Post: #20 Title: Re: سحقا لكــــم .. ما عدنا للشهامة رمز ؟؟!! Author: Al-Shaygi Date: 12-09-2010, 05:09 PM Parent: #1
الإبنة الفاضلة حفصة المحرب
Quote: كان منظر اشبعني شعورا بالاشمئزاز ..
والله ما عارف أقول ليك شنو؟؟ ولا أقول لي نفسي شنو؟؟
ما شاهدناه جميعاً جريمة شنيعة بكل ما تحمل كلمة شناعة من معاني. كنا نفاخر بإكرامنا وإحترامنا للمرأة ، في الجدة والأم والأخت والزوجة والإبنة... يكفينا "ما أكرمهن إلا كريم وما أهانهن إلا لئيم"... ونحن الآن نعيش في عصر اللئام، كفانا الله وإياكم بتي شرورهم وإجرامهم..
العساكر ممكن نتغاضى عنهم بإعتبار أنهم فاقد تربوي قصد تغبيشهم ليكونوا أداة بطش لا حماية للمواطن...
لكن ماذا عن القاضي أو وكيل النيابة والذي يفترض فيه النزاهة كممثل للقانون؟؟؟ إنهم صعالق جمعوا وأعطوا شهادات بدون تأهيل ولا أخلاق... هذا حالنا اليوم وبكل أسف إبنتي....
آسف لأن يحدث هذا في السودان ونحن مكتوفي اليد عاجزين عن فعل أي شيء سوى البكاء الكتابة هنا....
Post: #23 Title: Re: سحقا لكــــم .. ما عدنا للشهامة رمز ؟؟!! Author: عمر عبد الله فضل المولى Date: 12-09-2010, 06:06 PM Parent: #22
شكرا الاخت حفصة لصرخة الغضب المحقة ضد الظلم والاضطهاد من حكومة الفساد والاستبداد الانقاذي التي وفرت كل وسائل الانحراف ودفعت اليها الناس دفعا بكل ما تملك من قوة ثم فقط تعاقب البسطاء والنساء
Post: #24 Title: Re: سحقا لكــــم .. ما عدنا للشهامة رمز ؟؟!! Author: محمد الجيلى Date: 12-09-2010, 06:22 PM Parent: #23
دا في السودان
دا في السعودية
Post: #32 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 10:12 PM Parent: #24
Quote: دا في السودان
دا في السعوديه
يا عمو محمد الجيلي السعوديه بلد يستحق ان ننحني له شكرا بلد فيه الناس ناس .. مع عظم الذنب اللي اقترفه الراجل ولكن كان عقوبه تحببك ان ترى زيها كتير عشان الناس يعرفه انو احنا الدين المتسامح .. والعقوبات عندنا تتم في منتهى الرحمه
.....
والله اعلم الذنب والجريـــــــــــــــــــــــمه اللي ارتكبتها المسكينه الهنا .. ((ده لو كانت اصلا عملت حاجه )) والعقوبه اللي لو شافها واحد كافر حيكره في الدين ليوم الدين
عمو الجيلي عميق الشكر .. لمقارنه دي
Post: #30 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 10:05 PM Parent: #23
Quote: شكرا الاخت حفصة لصرخة الغضب المحقة ضد الظلم والاضطهاد من حكومة الفساد والاستبداد الانقاذي التي وفرت كل وسائل الانحراف ودفعت اليها الناس دفعا بكل ما تملك من قوة ثم فقط تعاقب البسطاء والنساء
عمر .. الحصل تسبب في ثوران جيل كامل غيظا وحنقا .. وياريت يستمر الحنق .. والغضب والطاقه الولجت منه تمشي في التيار الصحيح خرجنا من نطاق الحدود اللتي رسمت لنا .. وسنلعب بالنار ما دامنا هنا وسنكون خيلا من الصعب ان يروض .. كامل الشكر يا عمر ..
Post: #29 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 09:56 PM Parent: #22
Quote: حفصة تسلمى يابتى وتسلم البطن الجابتك
عمو بدر الدين الله يسلم عمرك يا عمرك يارب
Post: #27 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 08:24 PM Parent: #21
Quote: لا أملك الا الاعتذار عن سوء حالنا وصمتنا ال######## يا حفصه .. أتمنى أن تقدموا للسودان ما عجز عنه كل من سبقوكم ..
عمو محمد .. لا خير في وطن لم يعز اهله ويرفع شأنهم نقدم ليه شنو وهو ما قدم لينا ولا حاجه ....؟؟؟
Post: #26 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-09-2010, 08:20 PM Parent: #20
Quote: والله ما عارف أقول ليك شنو؟؟ ولا أقول لي نفسي شنو؟؟
ما شاهدناه جميعاً جريمة شنيعة بكل ما تحمل كلمة شناعة من معاني. كنا نفاخر بإكرامنا وإحترامنا للمرأة ، في الجدة والأم والأخت والزوجة والإبنة... يكفينا "ما أكرمهن إلا كريم وما أهانهن إلا لئيم"... ونحن الآن نعيش في عصر اللئام، كفانا الله وإياكم بتي شرورهم وإجرامهم.. العساكر ممكن نتغاضى عنهم بإعتبار أنهم فاقد تربوي قصد تغبيشهم ليكونوا أداة بطش لا حماية للمواطن... لكن ماذا عن القاضي أو وكيل النيابة والذي يفترض فيه النزاهة كممثل للقانون؟؟؟ إنهم صعالق جمعوا وأعطوا شهادات بدون تأهيل ولا أخلاق... هذا حالنا اليوم وبكل أسف إبنتي.... آسف لأن يحدث هذا في السودان ونحن مكتوفي اليد عاجزين عن فعل أي شيء سوى البكاء الكتابة هنا....
عمو الشايقي والله ما حدث اخرس الاقلام .. واقشعرت منه الابدان .. طبعا يا عمو العساكر رامين طوبتهم .. لكن القول والعتب على الكانو قاعدين .. للدرجه دي الجمت القلوب بي لجام من عدم الشعور .. والقاضي او انا اسفه .. سيادة القاضي .. ده اكبر جرم اتخد في حق القانون .. انو يكون حاجه زي دي تتخد عشان تحل مكان الرسول وابوبكر في الحكم بين الناس واقف .. طول وعرض .. يحكم في عقوبه ما مشروعه ولا ليها بند في القانون اللي هو واقف عمال بيمثل فيه بس يارب يا عمو الكتابه البنكتبها هنا دي برضوا برضوا ما تمشي مع مهب الريح .. والبقيدر يعمل يعمل والمابيقدر يحاول قدر الامكان لو سكتنا هنا ما لي وش نتكلم تاني
Post: #28 Title: Re: سحقا لكــــم .. ما عدنا للشهامة رمز ؟؟!! Author: أبو الحسين Date: 12-09-2010, 08:51 PM Parent: #26
حفصة بت صاحبي المحرب سلامات... وشكراً ليك غضبتك في حق هذه المسكينة...
عاوز أقارن بين الفيديوهين جلد الإيراني الإغترف جرم كبير جداً بتبوله على قبر سيدنا عمر بن الخطاب وكيف كان الجلد (تنفيذ عقوبة ليس إلا)... وجلد هذه المسكينة ودرجة التشَفِّي من العساكر... (نسأل الله السلامة)...
حقيقي الزمن بقى مايل يا بتنا... فحسبنا الله ونعم الوكيل...
Post: #31 Title: Re: سحقا لكــــم .. ما عدنا للشهامة رمز ؟؟!! Author: خالد المحرب Date: 12-09-2010, 10:10 PM Parent: #28
Quote: ولكن زدت استحياء وخجلا ان ادرج تحت قائمة مواطنيه منظر ادمى منه القلب ..
الابنه حفصة ات ماكنت عارفه السودان دا زمان كان كيف انا حزين جدا انك تاخدى الموقف السلبى دا والله يا بتى السودان دا زمان كان جميل جدا كان العسكر هم الذين يركربون العجوز فى المواصلات وبحترموا الكاكى اللابسنو بى القول الفعل ويفرضو ا على المواطن كانو بسموهم البوليس عندما يعاكس واحد من الناس العندهم نفسيات البت تقول يا بوليس طوالى تجد البوليس بكل هيبه وجبره واقف قداما ديل كانو البوليس فى بلادى
Post: #33 Title: Re: سحقا لكــــم .. ما عدنا للشهامة رمز ؟؟!! Author: خالد المحرب Date: 12-09-2010, 10:32 PM Parent: #31
فوق
Post: #34 Title: Re: سحقا لكــــم .. ما عدنا للشهامة رمز ؟؟!! Author: عبد المنعم سيد احمد Date: 12-09-2010, 11:13 PM Parent: #33
لا لقهـــــــــــــــر النساء معاً من اجل الغاء العقوبات المهينة وكافة القوانين المتحيزة ضد النساء
هذا ابلغ عنوان في وصف هذه المأساة ووصف هواننا وضعفنا واستسلامنا لهذه العصبة المتفسخة التى اذاقت هذا الشعب الصابر كل صنوف العذاب والذل والهوان، حتى لم يعد هو الشعب الذي عرفناه.
قبل شهر شاهدت فيديو في هذا المكان لذات الشرطة وهي ترمي فتاة داخل عربة بوكس (كما تُرمى الخراف) وبصورة تقشعر لها الابدان وجمهرة من الناس يتفرجون، وكأن الأمر لا يعنيهم!!!!!
شكرا على هذا الغضب الذي بين معدنك النبيل وانسانيتك العالية وصرختك الداوية ضد هذا الظلم والقهر في هذا الزمن الردئ.
Quote: عمو الطيب .. ناويه ادرس اعلام بقى القلم اعظم محامي شهدته البشريه .. ويا ريت لو كنت في اللحظة دي متخرجه ... كان ممكن يتعمل اكتر من كده وبتمنى من كل الاعلاميين لو الناس النار الفيهم همدت وسكتت .. والموضوع ده بدت تأخذه الريح معها لأدراجها يرجعوا يولعوه تاني لأنو ما مسكوت عليه زي باقي الحاجات اللي سكتنا عليها كامل الود والتقدير يا عمو الطيب
سلامات يا حفصة
فعلاً يا حفصة القلم كما وصفتي
أمنياتي لقلمك بأن يكون كما هو و أجمل بقيمه و مفاهيمه
سواءً كنتي في ساحات القضاء أو في غيرها
فالقلم قد يُفضي إليها
ليخرج عدلاً من بين أبوابها
ترمة :
سلمي على ماما و قولي ليها الخط قطع مني
و الشبكة لسى رافضة محاولة الإتصال
كل الود يا حبيبة
Post: #37 Title: Re: سحقا لكــــم .. ما عدنا للشهامة رمز ؟؟!! Author: عمر ادريس محمد Date: 12-10-2010, 02:09 AM Parent: #36
والله يابتى حفصة مهما كان حجم الألم وطعم المرارة فى الحلوق جراء هذا الفعل القبيح برضو السودان بخير والجايى اجمل طالما انتِ وشابات وشباب كتار من جيلك بكتبوا بالقوة والصراحة والوضوح دا وبشوفوا العوج ومستعدين للتضحية عشان الصاح والإنسانى يسود , وفعلا بعزيمتكم واصراركم حايرجع للشهامة رمزها والعدل حقيقته والوطن اغترابه . وابشرى بالخير واعرفى أن الحصل ويحصل يوميا للنساء والاطفال والرجال من قبح وزل ومهانة فى سودان الكيزان مجرد محاولة بائسة لتخويف الشعب وتركيعه لإستمرار القهر والنهب والطغيان ..وهيهات والى ذلك الحين وهو قريب كل العار لقوانيين الانقاذ وقادتها وقضاتها وعساكرها وكل من والاها وبنيتنا المجلودة اشرف منهم جميعا وكل الجروح بتروح . تحياتى
Post: #38 Title: Re: سحقا لكــــم .. ما عدنا للشهامة رمز ؟؟!! Author: على عجب Date: 12-10-2010, 02:15 AM Parent: #37
هذا البوست لجمع التوقيعات لالغاء عقوبة الجلد من التشريعات السودانية
Post: #47 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 07:41 AM Parent: #38
Quote: هذا البوست لجمع التوقيعات لالغاء عقوبة الجلد من التشريعات السودانية
وقع هنا لرفض عقوبة الجلد !!
نرجو التوقيع
عقوبة الجلد نفسها حد من حدود الله لا حق لنا ان نعترض عليــه لكن بي الطريقه الوحشيه دي ما بقى عقوبه بقى عذاب وظلم والله ما بيرضى الظلم
Post: #48 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 07:46 AM Parent: #37
Quote: والله يابتى حفصة مهما كان حجم الألم وطعم المرارة فى الحلوق جراء هذا الفعل القبيح برضو السودان بخير والجايى اجمل طالما انتِ وشابات وشباب كتار من جيلك بكتبوا بالقوة والصراحة والوضوح دا وبشوفوا العوج ومستعدين للتضحية عشان الصاح والإنسانى يسود , وفعلا بعزيمتكم واصراركم حايرجع للشهامة رمزها والعدل حقيقته والوطن اغترابه . وابشرى بالخير واعرفى أن الحصل ويحصل يوميا للنساء والاطفال والرجال من قبح وزل ومهانة فى سودان الكيزان مجرد محاولة بائسة لتخويف الشعب وتركيعه لإستمرار القهر والنهب والطغيان ..وهيهات والى ذلك الحين وهو قريب كل العار لقوانيين الانقاذ وقادتها وقضاتها وعساكرها وكل من والاها وبنيتنا المجلودة اشرف منهم جميعا وكل الجروح بتروح . تحياتى
عمو عمر ادريس .. الجروح اللي سببها السوط على جلدها وصدرها ورجولها وظهرها واماكن تانيه غطت جسدها كلو حتروح وحتلتئم مع الايام لكن الما حيروح الجروح اللي سببوها ليها ولينا الجروح الي ما بتعمل كدمات بس بتتقرح داخليا !! كلما حاولو اخضاعنا ليهم كرهونا فيهم زياده .. ويارب نمشي لي قدام ما نفضل نتدحرج لي وراء
Post: #49 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 07:50 AM Parent: #36
Quote: سلامات يا حفصة
فعلاً يا حفصة القلم كما وصفتي
أمنياتي لقلمك بأن يكون كما هو و أجمل بقيمه و مفاهيمه
سواءً كنتي في ساحات القضاء أو في غيرها
فالقلم قد يُفضي إليها
ليخرج عدلاً من بين أبوابها
ترمة :
سلمي على ماما و قولي ليها الخط قطع مني
و الشبكة لسى رافضة محاولة الإتصال
كل الود يا حبيبة
اهليــــــــــــــ،ن هاله لطالما كان القلم حاكم عادل يمسح ويصحح الخطاءه بنفسه تسلمي على المداخله الحلوه وماما قالت ليك عادي ولا يهمك
Post: #50 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 07:55 AM Parent: #35
Quote: هذا ابلغ عنوان في وصف هذه المأساة ووصف هواننا وضعفنا واستسلامنا لهذه العصبة المتفسخة التى اذاقت هذا الشعب الصابر كل صنوف العذاب والذل والهوان، حتى لم يعد هو الشعب الذي عرفناه. قبل شهر شاهدت فيديو في هذا المكان لذات الشرطة وهي ترمي فتاة داخل عربة بوكس (كما تُرمى الخراف) وبصورة تقشعر لها الابدان وجمهرة من الناس يتفرجون، وكأن الأمر لا يعنيهم!!!!! شكرا على هذا الغضب الذي بين معدنك النبيل وانسانيتك العالية وصرختك الداوية ضد هذا الظلم والقهر في هذا الزمن الردئ. لك تحياتي واحترامي
كان الصبر افظع ذنب اقترفناه ..والسكوت كمن غلب عليه الكلام كنا نأمل في ان يصلح الحال .. لكن ياعمو لو كنا بنتكلم ما كان حصل الحصل منظر بيتكرر كتير إلا ان اعتادت عليه الناس .. واعتادت اجسامنا على القشعريره اللتي تصيبها كلما صدفتنا مثل هذه المواقف
لك كل الود وكامل الشكر عمو عماد
Post: #45 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 07:19 AM Parent: #34
Quote: لا لقهـــــــــــــــر النساء معاً من اجل الغاء العقوبات المهينة وكافة القوانين المتحيزة ضد النساء
لم يعد الامر مقصور على نساء او رجال .. الحكايه بقت كلها تتعلق بالقهر
Post: #42 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 06:19 AM Parent: #31
Quote: الابنه حفصة ات ماكنت عارفه السودان دا زمان كان كيف انا حزين جدا انك تاخدى الموقف السلبى دا والله يا بتى السودان دا زمان كان جميل جدا كان العسكر هم الذين يركربون العجوز فى المواصلات وبحترموا الكاكى اللابسنو بى القول الفعل ويفرضوا على المواطن كانو بسموهم البوليس عندما يعاكس واحد من الناس العندهم نفسيات البت تقول يا بوليس طوالى تجد البوليس بكل هيبه وجبره واقف قداما ديل كانو البوليس فى بلادى
بابا
Quote: انا حزين جدا انك تاخدى الموقف السلبى دا والله يا بتى
انا عارفه السودان زمان كان كيف واسي بقا عامل كيف .. والمتسبب في حاصل ده مين زمان لمن الواحد يجندوه عسكري بيكون فخر ليه ولي اهله ولي قبيلته كلها و الكاكي اللي لابسينه بحملهم مسؤوليه كبيرة جدا تجاة الوطن والمواطنين ولكن انقلب الحال بقيت لو لابس لبس الشرطي لك الحق وكل الحق في اضطهاد كل من هم دون منك (( الما لابسينه ))
Quote: السودان دا زمان كان جميل جدا كان العسكر هم الذين يركربون العجوز
كان زمن جميل
Quote: ونحن الآن نعيش في عصر اللئام،
Post: #43 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 06:32 AM Parent: #28
Quote: حفصة بت صاحبي المحرب سلامات... وشكراً ليك غضبتك في حق هذه المسكينة...
عاوز أقارن بين الفيديوهين جلد الإيراني الإغترف جرم كبير جداً بتبوله على قبر سيدنا عمر بن الخطاب وكيف كان الجلد (تنفيذ عقوبة ليس إلا)... وجلد هذه المسكينة ودرجة التشَفِّي من العساكر... (نسأل الله السلامة)...
حقيقي الزمن بقى مايل يا بتنا... فحسبنا الله ونعم الوكيل...
عمو ابو الحسين .. تستاهل يزعلو عشانها اللي اتعمل فيها ما شويه .. وكلو ((نداء البنت دي نادته لي امها )) وصرخه قالتها تستاهل تأخد حقها فيها كامل .. يمهل ولا يهمل
Post: #39 Title: Re: سحقا لكــــم .. ما عدنا للشهامة رمز ؟؟!! Author: عادل الباهي عبدالرازق Date: 12-10-2010, 02:34 AM Parent: #1
الاخت حفصه
هؤلاء هم لصوص الانقاذ تجار الدين جاءوا علي ظهر دبابه فسدوا وغشوا ونهبوا وقتلوا بأسم الدين والدين بريء من أفعالهم .
يريدوننا بعد أكثر من 21 خريفا أن نرجع الي العصر الحجري ولكن هيهات حانت النهايه التي سوف تكون أبشع من نهايه صدام حسين .
من لايكرم المرأه لا يكرم أمه وأخته وزوجته فهؤلاء يتعاملون مع البشر حسب البئيه التي خرجوا منها .
تبأ للكيزان وتبأ لكل من تفرج في هذه المسكينه ولم يغير ساكن .
اللهم شل أياديهم وأفضح عوراتهم وذلهم في الدنيا قبل الممات .
Post: #40 Title: Re: سحقا لكــــم .. ما عدنا للشهامة رمز ؟؟!! Author: Abdlaziz Eisa Date: 12-10-2010, 03:02 AM Parent: #39
الإبنة/ حفصة
سلام
ما حصل أكثر من جريمة.. الوحشية لا تقتصر في هؤلاء الجهلاء الذين ينفذون.. انها عقلية خربة تخيم وتحكم الناس.. فكر تعيس وخرب تعتمله الطغمة الحاكمة لإزلال الناس..
المسألة في نظام كامل يمارس البطش باسم الدين.. هؤلاء هم الإسلاميون الشياطين.. اللهم أخزهم.. اللهم خلص بلادنا منهم..
تحياتي
Post: #41 Title: Re: سحقا لكــــم .. ما عدنا للشهامة رمز ؟؟!! Author: خالد درق Date: 12-10-2010, 04:22 AM Parent: #40
Quote: شلت يد من جلد هذه المسكينة شلت يد من جلد هذه المسكينة
اللهم امين امين امين
اين كرامة الانسان حرام والله
Post: #44 Title: Re: سحقا لكــــم .. ما عدنا للشهامة رمز ؟؟!! Author: الطيب شيقوق Date: 12-10-2010, 06:46 AM Parent: #41
بتي حفصة
اويه ادرس اعلام بقى القلم اعظم محامي شهدته البشريه .. ويا ريت لو كنت في اللحظة دي متخرجه ... كان ممكن يتعمل اكتر من كده وبتمنى من كل الاعلاميين لو الناس النار الفيهم همدت وسكتت .. والموضوع ده بدت تأخذه الريح معها لأدراجها يرجعوا يولعوه تاني لأنو ما مسكوت عليه زي باقي الحاجات اللي سكتنا عليها كامل الود والتقدير يا عمو الطيب
وحاة الله اول مرة زعلت منك زعلة قربت اطرشق قلت افو افو افو حفصة تفط عمها ؟
اها الليلة الصباح جيت راجعت البوست لقيت كلامك السمح دا ( او ثمح لانو باباك اب شنب بحب حرف الثاء) انبسطت شديد من كلامك ومشيت سويت لي كباية شاى شربتها بمزاج كدا
لقيتي عمو كيف؟
Post: #46 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 07:40 AM Parent: #44
Quote: وحاة الله اول مرة زعلت منك زعلة قربت اطرشق قلت افو افو افو حفصة تفط عمها ؟
اها الليلة الصباح جيت راجعت البوست لقيت كلامك السمح دا ( او ثمح لانو باباك اب شنب بحب حرف الثاء) انبسطت شديد من كلامك ومشيت سويت لي كباية شاى شربتها بمزاج كدا
لقيتي عمو كيف؟
لالا يا عمو الطيب كلو إلا زعلك والله ما بنقدر عليه عمي من يومه ما فيه كلام :) لكن الحكايه كلها انا بس شغاله برد ع الناس بي الدور و وحياتك يا عمو الطيب ما بنقدر نفطك
Post: #53 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 08:07 AM Parent: #41
Quote: اللهم امين امين امين
اين كرامة الانسان حرام والله
الله اعلم ؟؟. كرامه الانسان كانت تحت سوط الجلاد اللي بيضرب فيها ... ولا كأن الي امامه بشر
Post: #52 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 08:05 AM Parent: #40
Quote: سلام
ما حصل أكثر من جريمة.. الوحشية لا تقتصر في هؤلاء الجهلاء الذين ينفذون.. انها عقلية خربة تخيم وتحكم الناس.. فكر تعيس وخرب تعتمله الطغمة الحاكمة لإزلال الناس.. المسألة في نظام كامل يمارس البطش باسم الدين.. هؤلاء هم الإسلاميون الشياطين.. اللهم أخزهم.. اللهم خلص بلادنا منهم.. تحياتي
والدين براء مما يفعلون لا زالت تغشانا غيوم العتمه ولا زال اليل يخيم علينا و يتوشح الظلام في كل بقعه من البقاع يتظاهر الناس بأنهم احياء هناك .. ونحن اشباح نمشي في وهن كامل الود عمو عبد العزيز
Post: #51 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 08:01 AM Parent: #39
Quote: الاخت حفصه
هؤلاء هم لصوص الانقاذ تجار الدين جاءوا علي ظهر دبابه فسدوا وغشوا ونهبوا وقتلوا بأسم الدين والدين بريء من أفعالهم .
يريدوننا بعد أكثر من 21 خريفا أن نرجع الي العصر الحجري ولكن هيهات حانت النهايه التي سوف تكون أبشع من نهايه صدام حسين .
من لايكرم المرأه لا يكرم أمه وأخته وزوجته فهؤلاء يتعاملون مع البشر حسب البئيه التي خرجوا منها .
تبأ للكيزان وتبأ لكل من تفرج في هذه المسكينه ولم يغير ساكن .
اللهم شل أياديهم وأفضح عوراتهم وذلهم في الدنيا قبل الممات .
21 خريفا .. و 21 ربيع .. و 21 شتاء .. و21 صيف كفيله برفع امه .. وكفيله بصنع دوله .. وكفيله بأن تقدم حضاره جديده 21 خريف ولا زلنا .. نكتب ونبكي فقط على المنابر ؟؟
Post: #57 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 06:44 PM Parent: #55
Quote:
عمو عمران جزيل الشكر ..رائع ما خلفه حزنك حق له القلم ان يبكي .. وان يعتزل الكتابه حقا .. وان يرفض الخضوع .. لطالما تمردت اقلامنا علينا حين يكتسيها الحزن .. فتظل تكتب هي وما نحن إلا اداة لكي تحركها .. نكون غائبين عن الوعي تكتسينا ثياب العار والحزن موج يطيح بأنفاسنا لا يستكين .. نطرح الالم حروفا نخطها تكتمل لتصبح كلمات .. بعد عناء طويل فما اصعب من ان نجد كلمات لهكذا مأساة .. ولو بمقدورنا لأخترعنا تعابير جديده تعبر عن الاسى .. قديما كان يطفح النهر بدماء القتلى في سبيل الوطن واليوم تطفح القلوب .. حنقا وكرها .. حق له القلم ان يخط من اليوم إلى ان تستكين الامه ويلتئم جرحه الجرح الغائر الذي يزيد نزفا لكما عادت في ذاكراتنا .. تلك المشاهد المؤلمه .. حق له القلم ان يبكي ..!
Post: #56 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 05:54 PM Parent: #54
Quote: التحية الطيبة لك يا حفصة
وتحية لوالدك الرجل المهذب
تعرفي العقوبات التي نزلت لاهل القرن السابع لا تناسب عصرنا فانت لو قلتي ان الجلد عقوبة غير كريمة ومهينة ولا تشبه انسانيتنا لا وزر عليك
تعرفي في القران يوجد ملك يمين ورق لكن الان لا يعمل به وهذا قاله الله
حتي الجلد يجب ان لا يعمل به وهو غير كريم وغير انساني
انا اقف ضد العقوبة التي تلهب ظهور الرجال والنساء بالسياط
وحتي القطع والرجم عقوبتان غير كريماتان
نزلت في ينة 750 قبلها او بعدها الان نحن في 2010
قد صدقت في عنوان البوست وصرختك ستزلزل حكومة الشؤوم المجرمه
uncle sabri
Quote: وتحية لوالدك الرجل المهذب
كامل احترامي وشكرا ـــــــــــــــــــــــــــــــــــــــــــــــ
.. رغم اني لا اود الخروج عن موضوع البوست الاساسي ولكن .. حكايه انو معترضين على عقوبه الجلد ككليه ده الما مرضيني !! الجلد عقوبه الله نزله على حسب الذنب .. ((ولا اعتراض ابدا في ذلك )) والجلد ما عقوبه مخزيه .. منافيه للإنسانيه .. والدليل الفيديوا اللي نزله عمو فوق مقارنه ما بين الجلد الحصل للمسكينه دي وجلد الايراني اللي ارتكب جرم فظيع وكمان الناس يوميا بتنجلد في المملكه وغيره من الدول وما حد اعترض على الحكايه .. ؟؟ لانو كان جلد لأقامه حد وما جلد تشفي .. ولو كان الجلد عقوبه غير كريمه ما كان امر به من البدايه .. ((ايً كان نحن دين يحترم الانسان وارتقى بالبشريه ))
لا زلت غير مقتنعه كليا برفض عقوبه الجلد .. كعقوبه .. ولكني ارفضها تمااااااااما وبكل اقتناع اذا استخدمت كوسيله للعذاب وولأهانه واتمنى وجهة نظري تكون وصلت يا عمو :)
ابوك مشى الجامع ؟ كنت متوقع اتصالو لكن يبدو في حلقة القرآن شغال تلاوة شديييييييييييييد
Post: #61 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 11:01 PM Parent: #59
Quote: حفصة بتي
يطول عمرك وربنا يحفظك من العين
ابوك مشى الجامع ؟ كنت متوقع اتصالو لكن يبدو في حلقة القرآن شغال تلاوة شديييييييييييييد
عمو الطيب يثعد صباحك يارب :) والله احنا لسه باقي لينا على المشي للجامع والتلاوة الشديده 3 ساعات لكن بابا بيقفل جواله لمن يكون عاوز ينوم وتعبان :) ما حرمنا من طلتك يا عمو
Post: #60 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-10-2010, 10:46 PM Parent: #58
Quote: بنت اخونا خالد المحرب حفصة
لك التحية والاجلال ولوالدك
تعرفي الجلد ده يا حفصة بتم عندك في السعودية وهو باسم الشريعه
وتعرفي المسكينة القلبك اتقطع عليها انجلدت وفقا لقانون الشريعة
وهذه القوانين متخلفة عن عصرنا ولا تشبهه
وهذا لا يدخلك في شرك او ذنب
لو رجعت للقران وللقرن السابع زماااان كان في رقيق وكان في حاجه بقولو ليها ملك يمييين
وهي مذكوره في القران بس الن العصر اتغير اصبح ملك الرقيق وممارسة ملك اليمين جريمة
اها انا عندي في فهمي نفس الحال البضرب مرتو ده ما انسان محترم والقران قال لييه اضربها
تعرفي الانسان اغلي حاجة في الدنيا وحراااام نضربو ونضربها ونجلده
العقوبات ممكن تكون اخري سجن غرامة او غيرها
بس الجلد ده من الشريعة واذا لم نقدر نقول لا للشريعة لا تشبه عصرنا ولا اخلاقنا
لا نستطع ايقاف هذه الجريمة
تعرفي من سنة 1991 بجلدو ا في النساء والرجال زول قال لا مافي
وانا اكتب لخطر الدولة الدينية
هذه الضحية لو لا التكنولوجيا لما شاهدتيها ولا انا
العسكري صورها بالموبايل ولو شافوه كان قلعوا الموبايل
اما جلد الايرانية او ايراني برضو غلط وليس اخلاقي
وانا ارفضه واقاومه وانشر خطر الشريعة علي الانسان
ولك من الشكر اجله يا عمو صابر ولكني لازلت اختلف معك كل الاختلاف الشريعه والدين واحنا والانسانيه كلنا براء حقا بما تم فعله في المسكينه ديك وما من حقنا ان ننسب الفعل الشنيع ده للشريعه .. لانو حتى الان الناس ارائهم متذبذبه حتى في سبب الجلد نفسه ..((السبب الي خلاهم يجلدوها )) وبعدين يا عمو صابر لو رجعنا للوقت الي انت بتتكلم عنه الوقت الي كان فيه الرقيق .. والوأد .. وحرمان البنت من الميراث .. والجواري .. لو رجعنا للفتره الزمنيه دي حنلقى انها كلها كانت فترة ما قبل الاسلام ((ما قبل الشريعه )) ولمن جاء الاسلام .. وجات الشريعه .. لقينا انها ارتقت بي الناس .. وكان اكثر الاديان انصاف للبشريه و للمرأه خاصه واثبتت الحكايه دي بي اقوال للغرب (( الي بيفتشوا لي ثغره واحده في شريعتنا عشان يحاجونا بيها )) ولو ما كان الانسان الي اغلى حاجه في الوجود عمل عمل يستحق عليه العقوبه لما فرضت من اصله واكيد البيضرب مرته او حتى بيأذيها قولا ولا فعلا انسان ما محترم ... وما ثبتت في القران ايه كامله .. بتقول اضربوا النساء او زوجاتكن .. وتكملها إلا النهايه وما تلقى التبرير الي بيخليها منصفه للمراءه لا العكس اما الايراني فما ارتكبه كان ذنب فظيع جدا .. ومافي حد مننا ممكن ينكر او يقول انه ما كان غلطان !!! لك كل الود وكامل الاحترام عمو ناصر ..
152- (1) من ياتي فى مكان عام فعلا او سلوكا فاضحا او مخلا بالآداب العامة او يتزيا بزي فاضح او مخل بالآداب العامة يسبب مضايقة للشعور العام يعاقب بالجلد بما لا يجاوز اربعين جلدة او بالغرامة او بالعقوبتين معاً .
(2) يعد الفعل مخلا بالآداب العامة اذا كان ذلك فى معيار الدين الذي يعتنقه الفاعل او عرف البلد الذي يقع فيه الفعل .
المواد والعروض المخلة بالآداب العامة.
153-(1) من يصنع او يصور او يحوز مواد مخلة بالآداب العامة او يتداولها ، يعاقب بالسجن مدة لا تجاوز شهراً او بالجلد بما لا يجاوز اربعين جلدة كما تجوز معاقبته بالغرامة.
(2) من يتعامل فى مواد مخلة بالآداب العامة او يدير معرضا او مسرحا او ملهى او دار عرض او أى مكان عام فيقدم مادة او عرضا مخلا بالآداب العامة او يسمح بتقديمه ، يعاقب بالجلد بما لا يجاوز ستين جلدة او بالسجن مدة لا تجاوز ثلاث سنوات او بالعقوبتين معا .
(3) فى جميع الحالات تأمر المحكمة بابادة المواد المخلة بالآداب العامة ومصادرة الأجهزة والمعدات المستخدمة فى عرضها كما يجوز الحكم باغلاق المحل .
ممارسة الدعارة.
154-(1) يعد مرتكباً جريمة ممارسة الدعارة ، من يوجد فى محل للدعارة بحيث يحتمل ان يقوم بممارسة افعال جنسية او يكتسب من ممارستها ، ويعاقب بالجلد بما لا يجاوز مائة جلدة أو بالسجن مدة لا تجاوز ثلاث سنوات.
(2)يقصد بمحل الدعارة ، اى مكان معد لاجتماع رجال ونساء او رجال ونساء لا تقوم بينهم علاقات زوجية او صلات قربى وفى ظروف يرجح فيها حدوث ممارسات جنسية.
ادارة محل للدعارة
155-(1) من يقوم بادارة محل للدعارة او يؤجر محلا او يسمح باستخدامه وهو يعلم بانه سيتخذ محلا للدعارة ، يعاقب بالجلد بما لا يجاوز مائة جلدة وبالسجن مدة لا تجاوز خمس سنوات كما يجوز الحكم باغلاق المحل او مصادرته .
(2) من يدان للمرة الثانية بموجب احكام البند (1) يعاقب بالجلد بما لا يجاوز مائة جلدة وبالسجن مدة لا تجاوز عشر سنوات مع مصادرة المحل .
(3) فى حالة ادانة الجاني للمرة الثالثة ، يعاقب بالاعدام او السجن المؤبد مع مصادرة المحل .
(4) فى جميع الحالات لا يحكم بالمصادرة الا اذا كان الجاني هو المالك للمحل او كان المالك عالماً باستخدامه لذلك الغرض.
الإغواء.
156- من يغوي شخصاً بأن يغريه او يأخذه او يساعده فى أخذه او اقتياده او استئجاره لإرتكاب جريمة الزنا او اللواط او ممارسة الدعارة او الأفعال الفاحشة او الفاضحة او المخلة بالآداب العامة ، يعاقب بالجلد بما لا جاوز مائة جلدة او بالسجن مدة لا تجاوز خمس سنوات فاذا كان الشخص الذي تم اغواؤه غير بالغ او مختل العقل او كان المقصود ممارسة اى من تلك الأفعال خارج السودان ، يعاقب بالجلد بما لا يجاوز مائة جلدة والسجن مدة لا تجاوز سبع سنوات.
بت اخوي حفصة
لك التحية الطيبة ولخالد مثلها
تعرفي القوانين اعلاه هي التي انجلدت للاسف اختنا في الوطن الجريح
وفقا لها وهي قوانين شريعة وتعرفي من لطف الله بعباده
ان الشريعة لم تطبق وفقا لما في النصوص لازداد العذاب ورايت شيئا عجيبا
وهذا لا ينقص في اسلامك ولا اسلامي
انظري للتخلف حولك في السعودية او افغانستان او موريتانيا او ما يفعله الارهابيين في الصومال ونيجيريا
بنت اخوي حفصة
اعلم صدق نوياك ومحبتك لدينك لكن قول الحقيقه مهم لي ولك وللقراء
ما يطبق في السودان هو الشريعة اول اوان تطبيقها كان عام 1983 في سبتمبر
وتاني مرة اتي بها الترابي وزاد علي تلك القوانين التي احتفل بها الاخوان المسلمين واتي اخوان مصر للمباركه
بعدها صاغ الترابي هذا القانون القبي ح عام 1991 والي الان يحكم في الرقاب انظري لكافة المعاملات تجديها اسلامية
مثل البنوك فقد تم الغاء النظام القديم نظام الفائدة وهو ارحم مما يطبق حاليا لكن اترك ذلك لاهل الاختصاص امثال دكتور صدقي كبلو وصديق عبد الهادي اقتصاديين هنا بالمنبر
بنت اخوي خالد ( حفصة )
راجعي المواد اعلاه التي تجلد النساء والرجال
ولن تجديها في اي حكم علماني دونك قانون 1974
واتمني ايضا ان يلقي لك القانوينين \ات نظرة علي ما يطبق الان في السودان
تعرفي الشريعة الجد جد لا انت ولا انا ولا غيرنا لن نتحملها
هي قاسية لا تشبه عصرنا ولا نحن نشبه عصر تلك التجربة
الافضل لفقهاء السودان بدلا ان يدعوا لان يتمسكوا ويدافعوا عن الشريعة المطبقه في السودان وهذا القول للكاروري وهو شيخ دجال يناصر هذا النظام يري ان المطبق هو الشريعة
انا اتمني ان اساهم معك اكثر في اثبات وجهة نظري اتمني ان اكون قد ساهمت في اجلا النظر واذا لم اتمكن احاول مرة تانية
لك سلامي واحترامي وتقديري لموقفك العظيم تجاه هذا الظلم الذي حاق باحدي بنات الوطن والخزي والعار علي عصابة الجبهة اللصوص
ازيك يا بتي جميل ان تستلهم الفئات الشابة هذه القيم قيم الدفاع عن الحقوق والانسانية جمعاء لك التحية هذا يعني اننا ما زلنا بخير وبكرة اكيد احل تحياتي لمن انجبوك
يا صبري الشريف براحة براحة على البنية داير تستقطبها ولا شنو
تحياتي صفية
Post: #64 Title: Re: سحقا لكــــم .. ما عدنا للشهامة رمز ؟؟!! Author: حبيب نورة Date: 12-11-2010, 00:28 AM Parent: #63
Quote: سحقا لكــــم .. ما عدنا للشهامة رمز ؟!!
Post: #68 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-11-2010, 07:24 PM Parent: #64
عمو حبيب نورة
...
سحقا لهم
Post: #67 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-11-2010, 07:20 PM Parent: #63
Quote: ازيك يا بتي جميل ان تستلهم الفئات الشابة هذه القيم قيم الدفاع عن الحقوق والانسانية جمعاء لك التحية هذا يعني اننا ما زلنا بخير وبكرة اكيد احل تحياتي لمن انجبوك
يا صبري الشريف براحة براحة على البنية داير تستقطبها ولا شنو
تحياتي صفية
اهلين خالتو صفيه تمام بي خير والحمد لله خالتو صفيه حادثه استلهمت الكل من كل الفئات العمريه ..لقسوتها وبشاعتها لكي كل الشكر وكامل الود واكمل التقدير خالتو صفيه ان شاء الله نكون كما قلتي لا نزال بخير
Post: #69 Title: Re: سحقا لكــــم .. ما عدنا للشهامة رمز ؟؟!! Author: تبارك شيخ الدين جبريل Date: 12-11-2010, 08:22 PM Parent: #67
بنتنا حفصة .. التحايا لك وللوالد والأسرة ...
لقد كتبت فى خيطٍ آخر ... هذه المداخلة، فربما تجلى لك قليلاً من "هرطقات" صبري الشريف. فهو مجبول على أن يخونه التعبير:
Quote: العلمانى المتحوسب (من حاسوب) محمد فرح ...
Quote: انما حدث ليس الا هدية مجانية تهديها الانقاذ فى طبق من ذهب للعلمانيين وكل متربص بالشرع الاسلامى
فى المرةّ المقبلة ... نرجو أن تكتب تعليقاتك على رقعةٍ من جلد الغزال وتبعث بها مع غلام ترسله على فرسٍ أصهب كما كان رسول الله صلى الله عليه وسلّم يبعث برسائله ... لأحد أعضاء "سودانيزاونلاين" ليقوم بالإقتباس منها حتى تتجنّب ممارسة العلمانية أيها العلمانى المتحوسب ...
الدولة الإسلامية دولة افتراضية ... لا توجد على أرض الواقع .. وليست منظورة فى المستقبل طالما أن الله هو خالق هذا الكون ... فقد أرسى الله الجبال ورفع السماء ووضع الميزان وسيّر االبحار والسحاب وأنزل المزن وأنبت الزرع وجعل من الماء كل شىءٍ حى وفرض قوانين الطبيعة والفيزياء والجاذبية وسنّ سنّة التطوّر فى كل شىء وخلق من كلّ شىءٍ زوجين وقال "لتركبّن طبقاً عن طبق" .... والدولة الإسلامية هى طور من أطوار التاريخ عفا عليه الزمن وتجاوزه الدهر وصارت نسياً منسياً ... فهم أمةٌّ قد خلت لهم أعمالهم ولكم أعمالكم ولا تسألون عمّا كانوا يعملون .... فإن اختفى الله أو زال عن الوجود؛ فربما يستطيع المهووسين دينيا تبديل سنّته فى الأرض وإحياء "الدولة الإسلامية" وهى رميم ...
وقوانينها الشرعية قوانين إفتراضية ... تفترض وجود دولة إسلامية دستورها القرآن الذى انتشر وتحوّل من دستور للمسلمين المستضعفين إلى رحمةٍ للعالمين ومصدر معرفة واستنارة وهدى ... فهذه القوانين الشرعية الإفتراضية قد أهلكها الله مع ما سبقها من الأمم ... قليلاً ما تعلمون ... رغم أن التاريخ يدلل على ذلك بوضوح أفلا تبصرون؟
وأنت أيها العلمانى المتحوسب مسلم إفتراضى ... لا توجد على أرض الواقع ... فأنت تعبد "فقهاء" يقولون على الله ما لا يعلمون ... وتتخذهم آلهة من دون الله ... وتربط إسلامك بطاعة قوانين إفتراضية غير واقعية ... باعتبارك مواطن لدولة إفتراضية غير واقعية ... وتتخذ لله أنداداً تريد أن تبدّل سنة الله فى الأرض ...
وما تسمّيه "حكم الله" تسمّيه من عند نفسك بهتاناً على الله ... وهو بهتانك الظالم أنى أسميته ... فالجلد ظلم ... والله يبتلى عباده بالذل والمسكنة ونقص فى الأنفس والأموال والثمرات وتسليط الفاسقين يذبّحون أبناءنا ويستحيون نساءنا ويجلدوهن ... وفى ذلك بلاءٌ من ربّى عظيم ....
فالقانون ظلم ... والإنقاذ بهذا القانون ظالمة ... ولن تستطيع أن تبدّل سنة الله فى الأرض ... فهو القائل "وما خلقنا السموات والأرض وما بينهما لاعبين" ...
تحسبوا لعب؟ أيها العلمانى المتحوسب المتفوقه؟
... المهم .....
الكلام موجه لمحمد النيّل ... ليس بغياً على "محمد فرح" - رغم غيابه هذه الأيام - ولكنه غير معفى من توجيه الكلام له أيضاً ...
فالله سبحانه وتعالى يسبّح له مافى السموات والأرض وما من دابةٍ فى الأرض إلاّ تسبّح بحمده ... بما فى ذلك الوثنيين والبوذيين وكل معتقد فى هذا الكوكب ... لذا فإن الله يهدى من يشاء إلى سراطٍ مستقيم (بالطبع لولوة الفقه الشرعى تتنافى فيزيائياً مع الإستقامة) فالناس نوعين: إمّا "على هدىً من ربه"؛ أو "فى ضلالٍ بعيد" ... ولا يكون هنالك أىّ فرق فى ماهى ديانة الإنسان ... ففى النهاية جميع من فى الأرض يعبد الله ... والله خلق الإنسان هلوعا: إن مسه الخير منوعا؛ وإن مسّه الشرّ جزوعا ... ثم أشار لنا إلى ذلك لنراه فى أنفسنا وقال: "وفى أنفسكم أفلا تبصرون؟" ... فلديك خدمة الإنترنت تستطيعين بها إبصار جميع أحوال الإنسان بمختلف الأعراق والثقافات وفى شتّى مضارب الأرض عبر الأزمنة لتبصرى الحكمة الإله وتحمديه على ما خلق وتسبّحيه بكرةً وعشية بالتقوى وصالح الأعمال ... فليست التقوى بهيّنة ... ولا صالح الأعمال بسهلة المنال ... ولا قبول خلق الله وحمده عليهم بمستحب لمن يكرهون أصحاب المعتقدات والثقافات والأعراق المختلفة عنهم.
فالله يغفر الذنوب جميعاً؛ إلاّ أن يشرك به شيئا ... ووضع الفقيه والصحابى والمشرّع والمجتهد ندّاً للمقدّر والهادى الغفور الرحيم إنما هو ضربٌ من ضروبٍ الشرك ... فقد قال الله "فَلَا تَجْعَلُوا لِلَّهِ أَنْدَادًا وَأَنْتُمْ تَعْلَمُونَ " ... ومن الناس من يتخذ من دون الله أندادا يحبونهم كحب الله ... ويتّخذونهم مصدراً من مصادر تصريف الله فى شؤون خلقه ... ناعتين ذلك السلوك المشرك بأنه: "الشريعة الإسلامية" و "الفقه" و "شرع الله" وهلمّ جرا من مسميات الوصاية القانونية على تصريف شؤون العباد ... ناسين أن هذه هى مهمة القانون وليست مهمة الدين ... وأن القانون يستلهم الحمد والتقوى وصالح الأعمال من الدين ... وليس الجلد والتنكيل والسحل باسم الدين والفقه والشريعة ...
الحديث يطول ... والله قال لنبيه "إنّك لا تهدى من أحببت ... ولكن الله يهدى من يشاء" .... وقال له "يا أيها النبىّ لِمَ تحرّم ما أحل الله" ... فجاءنا اليوم من يرون أنفسهم فوق النبىّ، يحرّمون ويحللون ويجلدون ويسحلون وينكّلون بالناس يذبحون أبناءهم ويستحيون نساءهم باسم ذلك النبى وباسم تلك الشريعة ...
... المهم ....
Post: #70 Title: Re: سحقا لكــــم .. ما عدنا للشهامة رمز ؟؟!! Author: خالد المحرب Date: 12-12-2010, 07:13 AM Parent: #69
UP
Post: #71 Title: Re: سحقا لكــــم .. ما عدنا للشهامة رمز ؟؟!! Author: محمد أبوالعزائم أبوالريش Date: 12-12-2010, 07:41 AM Parent: #70
الإبنة حفصة ... صرختك هذه:
Quote: : سحقا لكــــم .. ما عدنا للشهامة رمز ؟؟!!
رغم أنها موجعة .... إلاّ أننا استحقيناها بجدارة. لم نملك ونحن نرى هذه الجريمة إلاّ أن نغضب ونسب.
هل سأل الشاعر - قديما - وهو يمر بالمروءة قائلاً (علام تنتحب الفتاة)؟ ... ماذا يقول لو رأى حالنا اليوم؟
سحقاً .... ثم سحقاً.
Post: #76 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-14-2010, 03:06 AM Parent: #71
Quote: الإبنة حفصة ... صرختك هذه: Quote: : سحقا لكــــم .. ما عدنا للشهامة رمز ؟؟!! رغم أنها موجعة .... إلاّ أننا استحقيناها بجدارة. لم نملك ونحن نرى هذه الجريمة إلاّ أن نغضب ونسب.
هل سأل الشاعر - قديما - وهو يمر بالمروءة قائلاً (علام تنتحب الفتاة)؟ ... ماذا يقول لو رأى حالنا اليوم؟
سحقاً .... ثم سحقاً.
عمو محمد لازلنا نبكي بكاء بلا صوت ونصرخ ولكن اصواتنا ملكومـــه والم متوغل في الاعماق ((بينتح)) ولكن لا جرح ظاهر يمكن ان يشفى ولو رأى الشاعر حالنا اليوم لألجمه السكوت !!
Post: #72 Title: Re: سحقا لكــــم .. ما عدنا للشهامة رمز ؟؟!! Author: الطيب رحمه قريمان Date: 12-12-2010, 08:00 AM Parent: #69
سحقا لكــــم .. ما عدنا للشهامة رمز ؟!![/red]
Post: #73 Title: Re: سحقا لكــــم .. ما عدنا للشهامة رمز ؟؟!! Author: Ahmed Yousif Abu Harira Date: 12-12-2010, 10:42 AM Parent: #72
حفصة ازيك
سحقا لهم مرة أخرى بجميع ألسنة ولغات العالم. ابلغني بالخبر الصاعقة والدك العزيز وانا بين مدينتي الابيض وكوستي وبالتالي لم اتمكن من رؤيته الا الليلة البارحة. ولن استطيع ان اصف لك شعوري وانا ارى تلك المسكينة تتلوى تحت سياط الطغاة ولم اتمكن من متابعة الشريط الى نهايته. حزنت والله على السودان وعلى هذه القيم التي تبكينها انت الصغيرة اليافعة. وألجمني تقريرك بان "لم نعد للشهامة رمز" ولن استطيع والحال كهذي ان اجادلك واقنعك باننا بخير اذ اننا فعلا لم نعد بخير. فأنا ووالدك واعمامك واخوالك وجدودك وبقية اهلك من جميع اطراف السودان معنيون بهذا التقرير.
صرختك مضافا اليها صرخة تلك الفتاة تجسيد حي لعجزنا وقلة حيلتنا.
مكبلون يا بنتي واختي فترفقن بنا ما دمنا عاجزون
Post: #74 Title: Re: سحقا لكــــم .. ما عدنا للشهامة رمز ؟؟!! Author: خالد المحرب Date: 12-12-2010, 09:41 PM Parent: #73
Quote: وسنلعب بالنار ما دامنا هنا وسنكون خيلا من الصعب ان يروض
احييك ابنتى بس نحن انبطحنا يا بتى
Post: #75 Title: Re: سحقا لكــــم .. ما عدنا للشهامة رمز ؟؟!! Author: Al-Shaygi Date: 12-12-2010, 09:54 PM Parent: #74
Quote: احييك ابنتى بس نحن انبطحنا يا بتى
المحرب حرم ما أنبطحنا بقدر ما حاولوا ذلك وأستهدفوه...
ولكن ماذا نفعل وقد تسلط علينا ما لا قدرة لنا عليه غير أضعف الإيمان.... هل نحمل السلاح لمقاتلة نظام فنقتل أخوة لنا في الوطن والعقيدة... هم يفعلونها ولسنا مثلهم فوالله وإن قتلت ظلماً وفي يدي سلاح لن أطلقه على أخي في الوطن، وإن قتلني.....
حفصة... ما حدث وشاهديه شذوذ وليس قاعدة .... يا بتي آسف وآسف جداً أنك ما شفتي السودان سودان التسامح والتعايش الشفناه زمان قبل تسلط هذه العصابة...
Post: #79 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-14-2010, 03:27 AM Parent: #74
Quote:
احييك ابنتى بس نحن انبطحنا يا بتى
بابا .. كما اننا خيل من الصعب ان تروض .. فسنكون الخيل التي .. تكون في المقدمه ولسه ما انبطحنا ياا بابا ...
Post: #78 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-14-2010, 03:20 AM Parent: #73
Quote: حفصة ازيك
سحقا لهم مرة أخرى بجميع ألسنة ولغات العالم. ابلغني بالخبر الصاعقة والدك العزيز وانا بين مدينتي الابيض وكوستي وبالتالي لم اتمكن من رؤيته الا الليلة البارحة. ولن استطيع ان اصف لك شعوري وانا ارى تلك المسكينة تتلوى تحت سياط الطغاة ولم اتمكن من متابعة الشريط الى نهايته. حزنت والله على السودان وعلى هذه القيم التي تبكينها انت الصغيرة اليافعة. وألجمني تقريرك بان "لم نعد للشهامة رمز" ولن استطيع والحال كهذي ان اجادلك واقنعك باننا بخير اذ اننا فعلا لم نعد بخير. فأنا ووالدك واعمامك واخوالك وجدودك وبقية اهلك من جميع اطراف السودان معنيون بهذا التقرير.
صرختك مضافا اليها صرخة تلك الفتاة تجسيد حي لعجزنا وقلة حيلتنا.
مكبلون يا بنتي واختي فترفقن بنا ما دمنا عاجزون
وبجميع اللغات وجميع الطرق وكل السنة المظاليم هناك يا عمو احمد ((سحقا لهم )) وما في حد فينا قدر يكمله يا عمو احمد إلى الاخر .. وما في حد حيقدر يتذكره الا ويحس بي نفس الشعور اللي حسه اول ما شافه قيم يا عمو احمد كانت كالسماء تحوينا كلنا .. مفخرة لمن يحملونها و فخر لينا احنا كبنات انو جدودنا زمان كانو كده قصص كانت امي بتقولها لينا .. زمان لمن كان الواحد يقطع من هدومه ولو قدر من جلده علشان يغتي واحده احتمال قلة المال والظهر ما خلتها تلقى اللي بيسترها وقيم لمن الواحد .. يحس بي انو كل واحده في الشارع محل اخته ومحل امه وتملأة الغيره لو شاف حد بيتعرض ليها ولو بي كلمه ((وتلقاه ينط زي كأنه صاحب الحق فيها بيدافع عنها )) لانها مهما كانت ((مره)) بس يا عمو احمد مافي حاجه اسمها قله حيلة ... ولازلت لا ارى قيودا تقيدكم .. ولا عجزا ليمنعكم .. ولكن كامل املي وكل املي فيكم ومعكم :) تسلم يا عمو احمد
Post: #77 Title: Re: سحقا لكــــم .. ما عدنا للشهامة رمز ؟؟!! Author: حفصه خالد المحرب Date: 12-14-2010, 03:09 AM Parent: #72
Quote: سحقا لكــــم .. ما عدنا للشهامة رمز ؟!![/
..
تسلم عمو الطيب رحمة ... سحقا لهم ملئ السموات وما فيها
Post: #80 Title: Re: سحقا لكــــم .. ما عدنا للشهامة رمز ؟؟!! Author: عبدالله الشقليني Date: 12-14-2010, 04:51 AM Parent: #77