بخصوص جلد المرأة في الخرطوم

يا دوب قدرت اشوفو
والله ووالله
هذا ليس بدين ولا قانون
ولا توجد شريعة ولا قانون يجيز مثل هذا
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

ما فعلوه بتلك المراة وما يفعلونه بالنساء والضعفاء لا يمت
للقانون ولا الانسانية بشئ

حق الاعتقاد يجب ان يكون مكفول, وللفرد الحق في ان يرفض ان تنفذ فيه تصورات بعض الموتورين للشريعة.

لا لشرطة النظام العام

و الله ما حدث هو الشريعه ذات نفسها. الجلد مشرّع فى الشريعه و التشهير مشرّع زاتو
لمن الناس اٍعترضت واحد فى الفيديو قال ليهم فليشهد عذابهما طاااائفة من المؤمنين، الا بئس المؤمنين الذين يشهدون عذابات الانسان

ياأبوبكر

أقسم بالله لوكنت مكان المتفرجين ديل وما حركت ساكن الا أمشي ألبس لي طرحه بلاهي الرجاله أنتهت للدرجه دي مافي واحد راضع لبن أموا يشيل الذليل اللابس الكرفته او واحد من العساكر الناخره عضامهم الملاريا دا ويقع بيهوا الواطه .


حسبي الله ونعم الوكيل

اللهم شل أيديهم وذلهم وأكشف عوراتهم في الدنيا قبل الممات .

Quote: أقسم بالله لوكنت مكان المتفرجين ديل وما حركت ساكن الا أمشي ألبس لي طرحه بلاهي الرجاله أنتهت للدرجه دي مافي واحد راضع لبن أموا يشيل الذليل اللابس الكرفته او واحد من العساكر الناخره عضامهم الملاريا دا ويقع بيهوا الواطه .

يا ســـلام ! والله دا اكتر تعليق عجبني من ما شفت الفيديو

ودي الحالة الممكن اقول فيها ياريتني لو كنت ولد و كنت في السودان .. ولسه بتمنى يتعاملوا معاهم بنفس الهمجية لانهم مابستحقوا غيرها

يدقوا و ينضربوا لما يقولوا "واااي يمه" .. بعد داك لو في مذكرة تترفع والا اي طريقة متحضرة لكن أولى لنا جلدهم فهم يطبقون نظريات

الغاب لانهم منها و إليها.. تفووا عليهم أجمعين من بشيرهم لي جلادهم

Quote: أقسم بالله لوكنت مكان المتفرجين ديل وما حركت ساكن الا أمشي ألبس لي طرحه بلاهي الرجاله أنتهت للدرجه دي مافي واحد راضع لبن أموا يشيل الذليل اللابس الكرفته او واحد من العساكر الناخره عضامهم الملاريا دا ويقع بيهوا الواطه . حسبي الله ونعم الوكيل اللهم شل أيديهم وذلهم وأكشف عوراتهم في الدنيا قبل الممات .

والله عافي منك

والله شعرت بالهوان وانا بعيد لا ادري كيف الحال لو الزول كان قريب

الشفيع سلام يا زول وين من الصباح
فقدناك شديد تب

Quote: يا دوب قدرت اشوفو والله ووالله هذا ليس بدين ولا قانون ولا توجد شريعة ولا قانون يجيز مثل هذا حسبنا الله ونعم الوكيل حسبنا الله ونعم الوكيل حسبنا الله ونعم الوكيل

صدقت يا الشفيع؛
الشريعة والدين براء من هذه المسخره والسفاهة..
ألا ليت قومي يفقهون..
ألا ليتهم يرون هذا الفيديو وهم يتمثلون أمهاتهم، أخواتهم، أو بناتهم..
والله إنه لأمر يندى له جبين أي من أوتي حظاً من فطرة سويه..

وتسلم يا سليل الوراريق البعرفو الدين..

الصديق الشفيع
لديك (ومضات) لا تشبه هؤلاء.

فما الذى يجبرك اذن؟

Quote: الصديق الشفيع لديك (ومضات) لا تشبه هؤلاء. فما الذى يجبرك اذن؟

امتهان لكرامة الانسان ..ومن قام بالتصوير .. أفظع من الذي يجلد .. إذ كيف تستمع بجلد امرأة فقد تكون أختى أو أختك أو احدي قريباتنا .. أترضي بذلك ..؟
شكرا لك أخي الشفيع ..

شكرا يا الشفيع

الطبع يغلب التطبع

Quote: اعلم تماما ان هذه اية من ايات القران الكريم وهى الاية رقم (2) من سورة النور (الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلا تَأْخُذْكُم بِهِمَا رَأْفة فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الاخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ) (صدق الله العظيم) هذه العبارة وردت فى جريمة الزنا ولعله من نافلة القول ان نقول ان العقوبة فى جريمة الزنا لم تقع منذ عهد الرسول والى الان غير مرة واحده وهى قصة المراة التى جاءت واعترفت على نفسها وامرها الرسول ان تذهب لتضع حملها وفعلت وبعد ذلك امرها ان ترجع و ترضع صغيرها عامين ..الخ ماتعرف ويعرف الجميع وكان المقصود من ذلك ان تتراجع المراة عن الاعتراف لان الرسول يقول ادرأوا الحدود بالشبهات.. وكما تعرف ان جريمة الزنا ثبوتها من الاستحاله بمكان لانه لايمكن ان يرى اثنان فى وضع مكحل فى مرواد ابدا، وكان ذلك من حكمة الدين السمح دين الرحمة والرافة والرقة..وليس الدين الذى لايعرفه من يطبق العقوبة بهذه الفظاظة.. ما يمارس فى السودان الان يا اخى الكريم تحت اسم الدين لايمت للدين بصله هذا اذلال للناس وتخويف وترويع للبشر... اذا لامجال لايراد الاية اصلا ... وماهو رائك الفقهى اذا انكشفت عورة المراة اثناء العقاب فهل نواصل المشاهدة حتى لانهدم ركن هام من اركان الدين؟ ياخى بهذه الطريقه لايعدو الدين الا ان يكون دين منزل على جملة مجرمين وليس الدين الذى انزل ليهذب الناس ويهديهم الى الصراط المستقيم ويدعوهم للرحمة والتراحم والتوادد والعطف ومكارم الاخلاق .. واذا كان تطبيق الدين يكون بهذه الهمجية والغوغائية فلكم دينكم ولى دين.. واتسال هذه الايه وردت مرة واحده فى فئة معينه، فكم مرة ورد ذكر المنافقين؟؟ اخيرا الدين الاسلامى هذا دين سمح ارجو ان تولج فيه برفق وهو ليس وثيقة حقوقيه ويجب ان ننظر فيه الى اسباب نزول الايات وليس للالفاظ لانه حممال اوجه كما وصفه الامام على بن ابى طالب كرم الله وجهه.. واخيرا لا لاذلال النساء والناس ويبقى الود،،، sedig elmooj

عاجل جدا .. عاجل جدا بخصوص فتاة "الفيديو" السودانية ...قلب شوارع الخرطوم !!

Quote: يا دوب قدرت اشوفو والله ووالله هذا ليس بدين ولا قانون ولا توجد شريعة ولا قانون يجيز مثل هذا حسبنا الله ونعم الوكيل حسبنا الله ونعم الوكيل حسبنا الله ونعم الوكيل

سبحان الله...

الدين لا يتجزأ وقلناها قبيل.....
والحق حقُ ويجب أن يُحَق... قلتوا نحنا مع الحق... سكتنا

أهه يابا الجديد شنو؟؟؟؟
أنو رشح فيديو (غير الخج المنكور بداية ومعترف به لاحقاً)؟؟؟؟
ولا توبة قبل الممات؟
ولا عودة للحق؟؟؟

أبواب الحيرة كتيرة ومداخلها متشعبة....

المهم

الهداية التي أرجوها لكل من وصم بصفة إنسان وولد على الكرة الأرضية.....
شفت نحنا كيف بنسع كل الدنيا؟؟؟
لأنها دنيا الله
خالق كل شيء


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: ولا توجد شريعة ولا قانون يجيز مثل هذا حسبنا الله ونعم الوكيل

البت الجلدوها








... المهم ...

لا أصدق ما أرى والله

هذا أسوأ فعل بشري يمكن أن يحدث

يا للهول

يا للعار

يا للفضيحة

يا للأسى

يا للوجع

يا لفقدان جميع لغات الأرض لأحرف وكلمات تصف هذه المأساة..

لماذا صار الوطن قبيحاً هكذا؟


مثل هؤلاء الوحوش لن تشفي نار جهنم غليلها منهم

فمن يشف غليلنا نحن؟؟؟

التحية لمن مر
سدو نفسي الله يسد نفسهم

قرأت سؤال في المنبر
هل الرئيس البشير مسؤول عن هذه الجريمة؟
الإجابة المباشرة
نعم
البشير مسؤول مسؤولية تااامة أمام الله من هذه الجريمة النكراء

ولو كنت مكانه وشاهدت هذا العبس "وحتماً قد رآه"
لكنت أصدرت قرار بإيقاف عقوبة الجلد فوراً
على الأقل لحين المراجعة ووضع الضوابط التي تضمن عدم تكرار هذه الجريمة
وشكلت لجنة لمحاسبة المجرمين وأولهم القاضي ابو كرفتة


هذا أو ستفقد الانقاذ الكثير والكثير جدا

الشفيع يا أخوي
ياها دي الانقاذ وياهو ده فكرها من جات,وزي ما قلت في مداخلتي للاخ عمر عثمان انو الشرطه والجيش النظام مالي يده منهم شديد وبحتكمو بي تعليماتو وبنفذو في رؤاهو
والعساكر النفذو الحكم ديل مشحونين بي محاضرات الشيوخ طيلة فترة التدريب من اجل تزكية المجتمع وتطبيق المشروع الحضاري,ما ياهو ده المشروع الحضاري زاتو يا اخوي انت قايلو شيتاً تاني
,والقويضي الواقف وراء ده وبقول ليها بديك سنتين سجن لو ما وقفتي,من شكلو وسنو وسطحية تناولو لي مفهوم العدل واضح انو يفتقر لي ادني مقومات ان يكون قاضيا او وكيل نيابه
وكانما القانون طماطم يبيعها هو نتاج سياسات المحاباه والولاء في التعيين,ده لا يصلح لان يكون حاجب في محكمه مع تقديري لهذه المهنه,الحاجات دي يوميا بتحصل يا اخوي وبي صوره اسوأ كمان بس انتو في عيونكم
رمد.